F235MW1KG13607_0235mdo sdeAll versions of this work

byang chub sems dpa'i so sor thar pa'i chos bzhi bsgrub pa zhes bya ba theg pa chen po'i mdo

Bodhisadtvapratimokṣacaturskaharanamamahāyanasutra

Text

ff. 352b–371b · 39 folio sides

  1. 352b

    pa'i sku ni gsum dag ste/ chos sku dang / longs spyod rdzogs pa'i sku dang / de bzhin du sprul pa'i sku ste/ dus gsum pa thams cad kyi ring bsrel gyi za ma tog gi phyag rgya'i gzugs kyi rnam grangs yin no// / na ma sa s+yAd d+ha kra na na/ sarba ta thA ga ta nan/ oM b+hu bi bA na ba ra ba tsa te tsu lu tsu lu/ d+ha ra d+ha re/ sarba ba ta thA ga te/ d+ha tu d+ha re/ pad ma mA/ b+hU ti/ dza ya b+ha re/ a tsu le/ s+pha ra ta tha ga ta d+ha ra ma tsa ra kra bar te na badz+ra/ b+ho d+hi ma Na Da/ a lang ka rang / a lang kri ti/ sarba ta tha ga ta/ a d+hi stis ti/ b+ho d+ha ya/ b+ho d+ha ya/ b+ha d+ha ni/ b+ha ni/ bud d+ya/ bud d+ha/ s+yAm b+ho d+ha ya/ tsa la tsa la/ tsa lan du/ sarba a pa ra NA ni/ sarba pa pA bi ka te/ hu lu hu lu/ sarba sho kA bi ga te/ sarba ta thA ga ta/ d+hi d+ha yaM badz+ra ti/ sam b+ha bA/ bi si bA b+ha/ ta thA ga ta gu h+ye d+ha ra ni/ mun dre/ bud de/ su bud d+he/ sarba ta thA ga ta/ a d+hi saSh+Thi te/ d+ha d+ho gar g+he swA hA/ sa ma ya/ a d+hi thi ti swA hA/ sarba ta tha ga ta/ dr-i d+ha ya/ d+ha tu/ mud tre sA hA/ su pre ta si ShA ta stu pe tA thA gA tA/ a d+hi Sh+Tha te/ hu ma hum swa hA/ oM sarba ta thA ga ta u Sh+Ta Sha d+ha tu lud tra ne/ sarba ta tha ga te ta sa d+ha tub+hU shi ta a d+hiSh+Thi taM/ hu ru hu ru/ hu bum hu'us swA hA// bcom ldan 'das kyis ring bsrel gyi ba ma tog gi phyag rtsir gzungs 'di bshad ma thag du phyogs bcu dang / phyogs re re kun nas de bzhin gshegs pa 'brus phrag bye ba khrag theg/

  2. 353a

    til gyi gang bu dgu bcu rtsa dgu gshegs nas/ bcom ldan 'das shAkya thub pa la/ shAkya thub pa sems can thams can gyi don du 'dzam bu'i gling / du chos kyi rnam grangs 'di lta bu chos kyi gter bzhag pa dang / ring srel gyi snying po'i mchod rten byin kyis brlabs pa legs so legs so// zhes legs so zhes bya ba byin no// / 'di ni de bzhin gshegs pa thams cad kyi dam tshig dang byin gyi brlabs yin no// gang na ring bsrel gyi phyag rgya'i gzungs 'di ston par byed dam/ mchod rten gyi nang du 'jog gam/ gzugs brnyan gyi na du 'jog par byed pa der/ de bzhin gshegs pa rnams kyang gcig tu rgyun mi mchad par rjes su 'brang zhing bzhugs par 'gyur ro// thams cad du de bzhin gshegs pa'i byin gyis brlabs kyis byin kyis brlabs par 'gyur ro// de nas gzungs bshad pa dang / ji tsam na mchod rten snying pa phyag dar gyi phung po lta bu/ de rin po che sna bdun gyi rang bzhin gyi mchod rten du mngon par 'phags shing 'phang dang legs par rnam par 'byes pa dang // 'khor lo'i phreng ba dang / bkra shis dang / bces par gyur to// bcom ldan 'das dgyes nas/ de skad ces bka' stsal nas/ byang chub sems dpa' sems dpa' chen po lag na rdo rje dang / lha dang / klu dang / gnod sbyin dang / dri za dang / nam mkha' lding dang / mi 'ama' ci dang / lto phye chen po de dag dang / lha dang mir bcas pa'i 'jig rten bcom

  3. 353b

    ldan 'das kyis gsungs pa la yid rangs te mngon par bstod to// 'phags pa de bzhin gshegs thams cad kyi snying po/ gsang ba ring bsel gyi za ma tog ces bya ba theg pa chen po'i mdo// // rdzogs s+ho// rgya gar skad du/ bo d+hi sad tA pra ti mo k+Sha tsa tur ska ha ra na ma ma hA ya na su tra/ bod skad du/ byang chub sems dpa'i so sor thar pa'i chos bzhi bsgrub pa zhes bya ba theg pa chen po'i mdo// bcom ldan 'das 'jam dpal gzhon nur gyur pa la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab bya rgod kyi phung po'i ri la/ tshe dang ldan pa sha ri'i bu dang / me'u 'gal gyi bu la sogs pa dge slong stong nyis brgya lnga bcu'i dge slong gi dge 'dun chen po thams cad kyang dgra bcom pa/ zag pa zad pa/ nyon mongs pa med pa/ dbang du gyur pa dang / byang chub sems dpa' sems dpa' chen po dang thabs gcig tu bzhag so// de nas tshe dang ldan pa shi ri'i bu bcom ldan 'das gal ba der logs su song ste/ phyen nas bcom ldan 'das kyi zhabs lo mgo bas phyag 'tshal nas phyogs gcig tu 'dug go//

  4. 354a

    'dzin kyis bka' sum phyogs gcig tu 'dug nas tshe dang ldan pa sha ri'i bus bcom ldan 'das 'di skad ces gsol to// bcom ldan 'das byang chub sem dpa' rnams kyi bden pa'i rnam pa'i bya ba'i ni gang bcom ldan 'das ci ltar byang chub sems/ dpa' rnams/ bden par smra zhing yang dag par smra bas myur bu bla med pa yang dag par rdzogs pa'i byang chub tu mngon par rdzog par 'tshang rgya bar 'gyur lags/ de skad ces gsol pa dang / bcom ldan 'das kyis chos dang ldan pa sha ri'i bu chos bzhi dang ldan na/ byang chub sems dpa' bden pa sba zhing yang dag par smra zhing yang dag par smra ba yin no// myur du bla na med pa yang dag par rdzog pa'i byang chub tu mngon par rdzogs par 'tshang rgya bar 'gyur ro// bzhin gang zhe na/ sha ri'i bu 'di la rigs kyi bu 'am rigs kyi bu mo dge slong thams cad yongs su btsal ba'i phyir bla na med pa yang dag par rdzogs pa'i byang chub tu sems bskyed nas/ brtson grus brtsams pas gnas pa yin na te/ sha ri'i bu dper na/ skyes bu grong khyer ched 'dzal bar 'dod pa de grong khyer gyi bya ba la brtson pa bskyed par byed do// sha ri'i bu skyes bu de'i grong khyer de yang dag par 'gyur ba dang / mi rnams grong khyer du gnas par 'gyur ro zhes re bar bya ba yin la/ grong khyer du so sor 'jog par 'dod pas kyang yang dag pa'i shes rab la brten nas/ gnas thams cad yongs su 'dzin par byed do// sha ri'i bu gang gis myur

  5. 354b

    du bla na med pa yang dag par rdzogs pa'i byang chub tu mngon par rdzogs par 'tshang rgya ba 'di ni byang chub sems dpa'i bden pa'i rnam pa dang po'o// shi ri'i bu gzhan yang byang chub sems dpa' chos thos pa nan tan gyis sgrub par byed pa gang yin pa de ni dge ba'i chos rnams myur du smin par 'gyur te/ sha ri'i bu 'di lta ste dper na skyes bu nad kyis thebs par gyur pa de la sman pas sman nye bar bstan la/ des ji skad bstan pa bzhin du so sor bsten pas nad de las myur tu thar par 'gyur ro// de ci'i phyir zhe na/ des sman tshul bzhin so sor bsten pa'i phyir ro// sha ri'i bu de bzhin du byeng chub sems dpa' sems dpa' chen pos nan tan gyis sgrub par byed pa gang yin pa de ni dge ba'i chos rnams myur du smin par 'gyur ro// sha ri'i bu gang gis myur du bla na med pa yang dag par rdzogs pa'i byang chub tu mngon par rdzogs par mtshang rgya ba 'di ni byang chub sems dpa'i bden pa'i rnam pa gnyis su'o// sha ri'i bu gzhan yang byang chub sems dpa' chos thams cad la gzhan gyi 'du shes bskyed par byed de/ chos cung zad kyang mi len to// de nis phyir zhe na/ nye bar len pa las de 'jigs pa 'byung bas chos thams cad la 'jigs pa'i 'dus shes bskyed par byed do/ 'jigs pa'i 'du shes bskyed pa las ni yid rton par byed do/ yid mi rton pa yod na ci ltar thar par bya/ ji ltar na bde legs su gnas par 'gyur zhes lam tshol bar byed do// sha ri'i bu gzhan yang byang chub sems dpang

  6. 355a

    skye ba dang / rga ba dang / na ba dang / 'chi ba dang / mya ngan dang smre sngags 'don pa dang / sdug bsngal ba dang yid mi bde ba dang / 'khrug pa/ rnams kyis yongs su bskor pa yod na/ bla na med pa yang dag par rdzogs pa'i byang chub tu ji ltar thar par bya/ ji ltar na bde legs su gnas par 'gyur zhes lam yongs su tshol zhing phyogs bzhir legs par gsungs pa yongs su tshol lo// sha ri'i bu gang gis myur du bla na med pa yang dag par rdzogs pa'i byang chub tu mngon par rdzogs par 'tshang rgya ba 'di ni byang chub sems dpa'i bden pa'i rnam pa gsum pa'o// sha ri'i bu gzhan yang byang chub sems dpa'i sbyin bdag tu 'gyur ba dang / sdug bsngal gyi chos rnams kyis yongs su mi skrag cing ma gos pas rtag tu brtson pa dang ldan pa yin te/ sems can gang su dag sdug bsngal ba dang / yid mi bde ba dang / 'khrug pa rnams byung ba nye bar zhi bar bya ba'i phyir/ bdag gis de dag gsal bar bya'o zhes sems bskyed par byed cing / ji lta bdag la zag pa med pa'i bde ba med pa myong ba skyes pa de bzhin du/ bdag gis sems can thams cad la bsgrub par bya'o zhes brtson 'grus rtsom par byed do// de de ltar brtson 'grus rtsom pa na rnyed pa'i 'du shes bskyed par byed do// sha ri'i bu 'di lta ste dper na/ skyes bu dbyar zla 'bring po'i zla ba la 'brog dgon par song ba na/ 'brog dgon pa de ni yang mi rgyu ba med la/ shing med cing chu med pa

  7. 355b

    dang / 'di'i steng nas nyi ma 'di dkyil 'khor yang shar gyur/ 'dir sa gzhi yang rab tu 'bar zhing rga bar gyur te/ de'i mdun du nu'i rgyun chen po 'bab par gyur pa na/ de/ de la ngo mtshar gyi 'du shes bskyed par byed do// sha ri'i bu de bzhin du byang chub sems dpa' sems can thams cad kyi phyir sdug bsngal zad par 'gyur ba'i lam ci lta bu bzung la/ gal te byang chub sems dpa'i lam de yongs su bzung yang bskal pa bye ba 'das nas/ tha na 'dug pa tsam gyi bde ba 'dod pa'i sems gcig skyes na yang de la byang chub sems dpas 'di ltar sems 'di ltar sems bskyod par bya ste/ bdag gis gang bzung nas 'dug pa de yang mang du yin te/ sems can thams cad la gnod bkur ro// sha ri'i bu gang gis myur du bla na med pa yang dag par rdzogs pa'i byang chub sems tu mngon par rdzogs par 'tshang rgya ba 'di ni byang chub sems dpa'i rnam pa bzhi pa'o// sha ri'i bu ci'i phyir mngon par rdzogs par sangs rgyas pa zhes bya zhe na/ mkhyen pa'i mkhyen pas rnam par mkhyen pas mngon par mkhyen pa dang / mkhyen pa'i chos de la rab tu gnas pas spyod pa des na mngon par sangs rgyas pa zhes bya'o// bla na med pa zhes bya ba yang bzhin gshegs pas chos gang rdul tsam yang lus shing ma rgal ba med pa des na/ de bzhin gshegs pa ste/ pha rol tu byon pa zhes bya'o// sha ri'i bu ci'i phyir yang dag par rdzogs pa'i sangs rgyas zhes bya zhe na/ thugs mnyam pa dang thugs

  8. 356a

    rnyog pa med pa dang / thugs mi 'khrugs pas chos rnams mngon par mkhyen pa dang / chos thams cad mnyam pa nyid dang / chos thams cad mi mnyam/ pa med par mngon par mkhyen pa des na yang dag par rdzogs pa'i sangs rgyas shes bya'o// sha ri'i bu chos 'di bzhi dang ldan pa'i byang chub sems dpa' ni brtson 'grus mi 'phrogs par gyur to// nyon mongs pa thams cad kyis mi gos par bla na med pa yang dag par rdzogs pa'i byang chub tu mngon par rdzogs par 'tshang rgya'o// sha ri'i bu byang chub sems dpa'i chos bzhi bsgrub pa 'di ni/ de bzhin gshegs pas mkhyen pa dang / gzigs pa dang / khongs su chud pa dang / brnyes pa dang / mngon sum du mdzad par mngon par rdzogs par 'chang rgyas pa yin te/ byang chub sems dpa' gnas de dag las ma nyams shing bsgrub pa'i rnam pa kun rdzogs par/ bla na med pa yang dag par rdzogs pa'i byang chub tu mngon par 'tshang rgya bar 'gyur ro// sha ri'i bu chos bzhi dang ldan na/ byang chub sems dpas bsngags pa'i bya ba rjes su thob par 'gyur te/ bzhin gang zhe na/ sha ri'i bu 'di la byang chub sems dpa' lhag pa'i nga rgyal can du mi 'gyur ba yin/ nga rgyal tshar gcod pa'i phyir zhugs pa yin/ chags pa med par 'gyur ba yin/ chags pa spong ba'i phyir zhugs pa yin/ zhe sdang med par 'gyur ba yin/ byams pa bsgom pa la mngon par dga' ba yin/ rmongs pa med par 'gyur ba yin/ shes rab kyi stobs dang ldan pa

  9. 356b

    yin/ shes rab nye bar rton pa yin/ shes rab kyis spyod pa yin/ shes rab kyis bdag por gyur pa yin/ shes rab yongs su bskor ba yod na bla na med pa yang dag par rdzogs pa'i byang chub tu ji ltar thar par bya/ ji ltar na bde legs su gnas par 'gyur zhes lam yongs su tshol zhing phyogs bzhir legs par gsungs pa yongs su tshol lo// sha ri'i bu gang gis myur du bla med pa yang dag par rdzogs pa'i byang chub tu mngon par rdzogs par 'tshang rgya ba 'di ni byang chub sems dpa'i bden pa'i rnam pa gsum pa'o// sha ri'i bu gzhan yang byang chub sems dpa'i sbyin bdag tu 'gyur ba dang / sdug bsngal gyis chos rnams kyis nges par 'byung ba yin/ rmongs pa'i phra ba spong ba'i phyir zhugs pa yin/ mun pa mun nag 'joms pa'i phyir zhugs pa yin/ shes rab kyi rgyu lhur len cing mthun pa yin/ shes rab nges par rnyed pa yin te/ sha ri'i bu tshe dang po 'di dang ldan na/ byang chub sems dpa' sngags pa'i bya ba rjes su 'thob par 'gyur ro// sha ri'i bu gzhan yang byang chub sems dpa' ni sems can rnams kyis thar pa'i bya ba don tu gnyer ba yin te/ sha ri'i bu 'di lta ste dper na skye bu bu cig pa sdug cing yid du 'ong ba mi 'thun pa med pa de/ rgyal pos bsang sar bor ba mthong bar gyur la/ de'i pha dang ma kye ma'i bu cig pa kyi phud tsog pa bang bdag cag par ram shes kun tu sa zhing / smre sngags 'don pas rnam par sba bar byed do// shi ri'i

  10. 357a

    bu de bzhin du dus gang gis tshe lhag pa'i bsam pa phun sum tshogs pa'i byang chub sems dpas sems can gang yang rung ba ba zhig sdig pa byed pa mthong ba na// kye ma'o gang du sems can shes rab 'chal pa rnams ni bdag gi yang dag pa'i 'tsho ba las rnam par nyams par byed do zhes de la byang chub sems dpa' snying rje skye bar 'gyur ro// sha ri'i bu gzhan bsrung ngo snyam na bdag bsrung bar bya'o// sha ri'i bu byang chub sems dpa' phan pa 'dod pa 'di lta bu dang ldan pas srog gi phyir yang sdig pa'i las mi byed do// sha ri'i bu chos gnyis po 'di ldan na/ byang chub sems dpa' bsngags pa'i bya ba'i rjes su 'thob par 'gyur ro// sha ri'i bu gzhan yang byang chub sems dpa' sti stang gis chos tshol bar byed cing ste gang gis chos yongs su 'dzin par byed la/ sti stang gis chos kyi sbyin pa spyan par byed do// sha ri'i bu ji ltar byang chub sems dpa' sti stang gis chos btsal bar bya zhe na/ sha ri'i bu 'di la byang chub sems

  11. 357b

    dpa' chos 'dod pa mkha godang slob dpon la gus pas gang yongs su mi gtong ba'i rin po che de 'jig rten na med do/ gang lus kyis rim gro mi byed pa de med do// gang rkang pas btang ba la mi spo ba de med do// gang dag gis las la mi slob de med do// de ci'i phyir zhe na/ de bzhin du sbyar te/ chos 'di ni 'chi rin po che ni rin po che thams cad las khyad par can du gyur pa yin pas/ bdag gis rin po che thams cad btang nas chos rin po che btsal zhing gzung bar bya'o// de ci'i phyir zhe na/ chos 'di ni 'ching ba thams cad gcod par 'gyur ba'o// chos 'di ni skye ba dang / rga ba dang / na ba dang / 'chi ba dang / mya ngan dang / smre sngags 'don pa rang sdug bsngal ba dang / yid mi bde ba gcod pa'i 'gyur ba'o snyam nas rin po che'i sems bskyed rnyed dka' ba'i sems bskyedasman gyi sems

  12. 358a

    bskyed de chos 'di ni sems can thams cad kyi nang nye bar zhi bar byed par 'gyur bas/ bdag gis sems can thams kyi nad nye bar zhi bar bya ba'i phyir/ chos 'di lta bu btsal bar bya'o zhes de lta bu'i bsam pas/ sha ri'i bu byang chub sems dpa'i chos tshol bar byed do// sha ri'i bu ji ltar na sems dpas rin thang med pa'i sems bskyed cing / sti stang gis chos 'dzin par byed ce na/ de tshig pa'i tshigs su bcad du ri rab tsam gyi rin po'i che'i phung po yongs su btang yang de la dka' ba'i 'du shes mi bskyed kyi ci ste gang tshig bzhi pa'i tshigs su bcad pa 'di 'dzin pa de nyid la ni dka' ba'i 'du shes bskyed do// chos kyi tshig gcig gi ched du stong sum gi stong chen po'i 'jig rten gi khams rin po che sna bdun gyis bkang ba srid pa'i rtse mo dang mnyam pa 'di yongs su gtong yang de la de la ni dka' ba'i 'du shes bskyed kyi/ ci ste gang chos kyi tshig gcig po 'di 'dzin pa de nyid la ni dka' ba'i 'du shes bskyed do// sha ri'i bu

  13. 358b

    byang chub sems dpa' de lta bu'i gus pa dang / de ltar bu'i ri mor byed pas chos yongs su 'dzin par byed de/ she ri'i bu 'di yang byang chub sems dpa'i nga pa tshar yin no// sha ri'i bu 'di ji snyam du sems/ ci skyes bu srog don tu gnyen bar srog gi phyir rin po che'i phung po 'di tsam yongs su 'dzin par byed de/ sha ri'i bu 'di yang byang / gsol pa bcom ldan 'das de ni ma lags so// bcom ldan 'das kyis bka' stsal pa/ sha ri'i bu byang chub sems dpa' sems dpa' chen po chos 'dod pas chos kyi tshig gcig gi don gyi phyir yang bdag nyid/ tshangs pa'i 'jig rten nas 'dor ba 'am/ yang na stong gsum gyi stong chen po'i 'jig rten gyi khams mes yongs su gang ba 'di la 'jug tu zin kyang / bka' ba'i 'du shes bskyed par mi byed kyi/ ci ste gang chos kyi tshig 'di 'dzin pa de nyid la dka' ba'i 'du shes skyes par byed de/ sha ri'i bu de ltar byang chub sem dpa' ste stang gis tshe yong su 'dzin par byed// sha ri'i bu ci ltar byang chub sems dpa' ste sang du byed sas chos kyi sbyin pa sbyin par byed ce na/ sha ri'i bu 'di la byang chub sems dpa' chos kyi sbyin pa sbyin par byed pa na zang zing gi sems 'askyed par mi byed/ bdag gi sbyin pa 'di las ches pas dang babad gas 358'a1(mdo sde): dang / mal stan dang / na ba'i gsos sman dang / yo byad rnams rnyed par 'gyur ba 'am/ tha na bdag gi sbyin pa 358'a2(mdo sde): 'di las legs so zhes bya ba yang rnyed par 'gyur ro// zhes sbyin pa dam pa de de lta bu'i bsam pas chos kyi sbyin pa sbyin par mi byed do// 'on kyang ci ltar 358'a3(mdo sde): sems can 'di dag skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bya dang / yid mi bde ba dang / 'khrug pa 358'a4(mdo sde): rnams las thar bar bya zhes de ltar sbyin par byed de/ shA ri'i bu skyes bu dam pa de dag ni de lta bu'i lta ba dang / de lta bu'i tshul gyis chos kyi sbyin pa sbyin 358'a5(mdo sde): par byed do// shA ri'i bu gal te yang byang chub sems dpa' la la la zhig 'di skad du/ gal te bdag la khyod kyis lus byin pa lta na bdag khyed las chos 358'a6(mdo sde): kyi sbyin pa 'di len par 'dod do zhes zer na/ shA ri'i bu byang chub sems dpa' gang zhig de lta bu'i sbyin pa 'dod pa yod na/ 'di skad du khyod la bdag gi yan 358'a7(mdo sde): lag dang / nying lag las mchog tu gyur pa'i sha dag kyang zo zhig 'dod chags zad par byed pa'i chos 'di yang zung shig ces smra bar byed de/ shA ri'i bu 358'a8(mdo sde): byang chub sems dpa' de lta bu byed pa ni yang dka' ba'i 'du shes mi bskyed kyi/ ci ste gang 'di chos kyi sbyin pa de sten pa de nyid la ni dka' ba'i 'du shes bskyed pa 358'b1(mdo sde): byed do// shA ri'i bu byang chub sems dpa' de lta bu'i sti stang gis chos kyi sbyin pa sbyin par byed/ de lta bu'i sti stang gis chos 'dzin par byed/ de lta bu'i ste 358'b2(mdo sde): stang gis chos tshol bar byed de/ shA ri'i bu de lta bu'i sti stang gis chos nges par yongs su tshol ba po'i sems can yang rnyed par dka' ba yin/ shA ri'i bu de lta 358'b3(mdo sde): bu'i sti stang gis chos yongasu 'dzin pa po'i sems can yang rnyed par dka' ba yin/ shA ri'i bu de lta bu'i sti stang gis chos kyi sbyin pa po'i sems can yang rnyed 358'b4(mdo sde): par dka' ba yin te/ gang rnyed par dka' ba de ni ngo mtshar du gyur pa yin la/ de dag ni lha dang bcas pa'i 'jig rten gyis kyang bsngags par bya ba yin no// shA 358'b5(mdo sde): ri'i bu chos gsum po 'di dang ldan na/ byang chub sems dpa' bsngags pa'i bya ba rjes su thob par 'gyur ro// shA ri'i bu gzhan yang byang chub sems dpa' 358'b6(mdo sde): 'di la 'dod chags skye bar yang dag par rjes su mthong ba na/ 'dod chags 'di gzhi gang las byung ba tshol bar byed de/ yongs su btsal ba na de'i gzhi mi dmigs 358'b7(mdo sde): so// gang las 'dod chags de skye ba dang / gang gi 'dod chags de skye ba dang / ji ltar 'dod chags de skye ba de ltar gang gi skye ba de mi dmigs/ gang la skye ba 358'b8(mdo sde): de mi dmigs/ ji ltar skye ba de mi dmigs te/ 'dod chags de mi dmigs pa na/ 'dod chags kyi rgyus sdig pa'i las mi byed la/ de'i dkar po'i chos rnams

  14. 359a

    'phel bar 'gyur zhing / de ma smad cing bsngags par 'gyur te/ des na lha dang / klu dang / gnod sbyin dang / mi dang / mi ma yin pa dang / sangs rgyas dang / nyan thos rnams kyis bsngags par 'gyur ro// de chos thams cad khas mi len cing / yang dag par rjes su mi mthong // chos thams cad nam mkha' dang mnyam pa stong par mthong zhing / de sangs rgyas bcom ldan 'das rnams kyi byang chub la lhag par mos par 'gyur te/ 'jig rten rnams phyin ci log la yang dag par zhen pa mthong ba na/ de zhe sdang med pa dang / gnod sems med pa bzod pa mchog la rab tu gnas nas/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab rnams la brtson 'grus brtsom zhing sems can rnams yongs su smin par byed do// / de ci'i phyir zhe na/ gal te gnod sems dang ldan na ni khong khro ba mar bar 'gyur ro// khong khro ba mang ba las ni gzhan dag la khro ba'i tshig brjod par byed de/ de mi dge ba'i las mngon par 'du byed do// de mi dge ba mngon par 'du byed pas mi dge ba'i srid pa mngon par bskyed par 'gyur ro// shA ri'i bu yang bzod pa dang ldan pa'i byang chub sems dpa' ni bzod par byed do// de ci'i phyir zhe na/ gang bzod pa 'am/ mi bzod pa'i chos rdul tsam yang mi dmigs pa des na//

  15. 359b

    gzhan mi shes pa'i sems can yin pa de dag la snying rje bskyed par byed de/ sems can kun nas gshe bar byed pa dang / kun nas khro bar byed pa dang / yongasasu spyod par byed pa de dag nyid la snying rje bskyed par byed do// des na byams pa chen po bsgoms pa yin/ dge ba'i chos rnams kyang bsgoms yin te/ bzod pa de dang ldan na bzod pa mchog pa gang yin pa 'di ni rjes su 'thun pa'i bzod pa yin te/ de snying rje chen po dang ldan pas bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams la chos ston par byed/ de dka' ba spyod par byed cing / bzod dka' ba byed de/ des na bzod pa mchog thob par byed/ des na thogs pa med pa'i ye shes mthong ba thob par byed/ des na sna tshogs pa med pa'i mthong ba thob par byed/ des na chags pa med pa'i ye shes mthong ba thob par byed do// shA ri'i bu chos bzhi po 'di dag dang ldan na byang chub sems dpa' bsngags pa'i bya ba rjes su 'thob par 'gyur ro// shA ri'i bu gzhan yang chos bzhi dang ldan na byang chub sems dpas skye ba dran par 'gyur te/ bzhi gang zhe na/ shA ri'i bu 'di la byang chub sems dpa' ji skad smra ba de bzhin du byed pa yin/ ji ltar byed pa de bzhin du smra ba yin/ khri ba skyes pa yang spong bar byed/ rab tu spong bar byed/ rnam par sel bar byed cing / ye shes la rab tu ston par 'gyur ba yin te/

  16. 360a

    shA ri'i bu 'di lta ste dper na me 'dag chen pos gang ba'i dong ni chu'i phung po chen pos nye bar zhi bar byed do// shA ri'i bu gzhan du byang chub sems dpa' khro ba skyes pa spong bar byed pa dang / sel bar byed pa dang / ye shes la rton par byed par 'gyur ro// shA ri'i bu chos dang po 'di dag dang ldan na// byang chub sems dpa' skye ba dran par 'gyur ro// shA ri'i bu gzhan yang 'di la byang chub sems dpa' thos pa tshol ba la gnas shing / dge ba'i chos thams cad tshol ba na gces pa mi 'dzin pa yin/ nyams 'og tu chud pa'i thos pa mang po dang ldan pa yin/ de gang dang gang du 'gro ba thams cad du 'dod pa'i bya ba rjes su thob par 'gyur la/ gzhan dag kyang thos pa mang po la 'god par byed pa dang / chos de dag la yang tshul bzhin du so sor rtog par byed de 'chi ba'i dus kyi tshe yang chos dang ldan pa'i dran pas gnas par 'gyur ro// shA ri'i bu 'di lta ste dper na skye bu zhig rtse ba dang dga' bas yongs su spyod pas lam du zhugs pa na/ de dus de'i tshe bgres par gyur la/ de dus phyi zhig na sngon gyi rtse ba dang / dga' ba de rjes su dran par gyur pa na/ 'di ltar de sngon gyi yid la byed pa des/ bgres pa yod pa sel bar byed do// shA ri'i bu de bzhin du dus gang gi tshe/ byang chub sems dpa' 'chi ba'i dus kyi tshor bas nyan pa de'i tshe/ chos dang ldan pa'i yid kyis dang du len par

  17. 360b

    byed de/ de shes bzhin dang ldan par 'gyur ro// de shes bzhin dang ldan pas ma'i mngal du 'jug cing de der gnas na yang dran pa dang ldan par 'gyur ro// shA ri'i bu chos gnyis po 'di dag dang ldan na/ byang chub sems dpas/ skye ba dran par 'gyur ro// shA ri'i bu gzhan yang byang chub sems dpa' ngag legs par srung ba yin te/ de gzhan la gshe bar mi byed de/ gti mug pa zhe 'am/ rmongs pa zhe 'am/ khengs pa zhe'am/ long ba zhe 'am/ theng po zhes gzhan la khro ba bskyed pas gnas pa ma yin no// gzhan du na sems can khros pa gang yin pa de la dbugs 'byin par byed/ bzod pa gsol bar byed/ rjes su mthun par byed/ dran pa la nye bar gnas par byed/ de la song por smra bar byed/ tshur shog legs par 'ongs so zhes par smra bar byed de/ ma 'jigs shig ma 'jigs shig ces sems can de dag la mi 'jigs pa sbyin par byed/ dbugs 'byin par byed de/ yid ches par byed cing / bzod pa gsol bar byed/ rjes su 'thun par byed do// sems can 'khrul pa'i spyod pa dag las kyang kun nas slong bar byed de/ shA ri'i bu chos gsum po 'di dag dang ldan na byang chub sems dpa' skye ba dran par 'gyur ro// shA ri'i bu gzhan yang byang chub sems dpa' 'di la mi dge ba'i chos rnams las shin tu 'das shing / dge ba'i chos rnams

  18. 361a

    dang ldan par 'gyur ba dang / de de la gnas nas gnas dag kyang de la rab tu dgod par byed pa dang / sti/ stang gis chos yongs su tshol bar byed pa dang / gzhan dag la rgya cher ston par byed de/ shA ri'i bu chos bzhi po 'di dag dang ldan pa'i byang chub sems dpa' skye ba dran par 'gyur ro// de skye ba dran pas gnas lnga rab tu 'thob pa yin te/ lnga po gang zhe na/ sngon thos pa'i chos gang yin pa de dag la de bzhin du mngon par 'jug pa nyid dang dran pa mchog tu 'gyur ba dang / shes rab rno ba dang / dran pa mchog dang shes rab dang ldan pa dang / de srog gi phyir yang sdig pa'i las mi byed pa ste/ skyes ma thag tu chos lnga po 'di dag 'thob par 'gyur ro// shA ri'i bu chos 'di bzhi ni byang chub sems dpa' rnams la med de/ bzhi gang zhe na/ byang chub sems dpa' rnams la g.yo ba med do// byang chub sem dpa' rnams la ser sna med do// byang chub sems dpa' rnams la phrag dog dang / phra ma med do// byang chub sems dpa' rnams la bdag bla med pa yang dag par rdzogs pa'i byang chub tu mngon par rdzogs par 'tshang rgya bar mi nus so snyam du zhum pa'i sems med do//

  19. 361b

    sha ri'i bu gang la chos bzhi po 'di ni mkhas pa rnams kyis kye ma'o 'di tshul 'chos pa'o// kye ma'o 'di ni kha bsag can no// kye ma'o 'di rgyas stor ba'o// kye ma'o 'di ni kun nas nyon mongs pa'i chos can no// kye ma'o 'di ni 'jig rten gyi zang zing lhur len pa'o// kye ma'o 'di ni gos da zas ched cher byed pa ste/ 'jig rten na rkun por rig par bya'o// de ci'i phyir zhe na/ shA ri'i bu gang zag de lta bu la ni dngos po bzhi med de/ de'i rtag bzhi gang zhe na/ zas la ched cher byed pa la gnas pa dang / bdag la mchog tu 'du shes pa dang / sgrogs pas nye bar ston pa dang / de la byang chub sems dpa'i brtson pa gang yin pa 'di la byang chub sems dpa'i yon tan gyi gnas gcig la yang mngon par sbyor ba med pa'o// shA ri'i bu byang chub sems dpas brtsam par bya ba'i byang chub sems dpa'i yon tan yang gang zhe na/ 'di lta ste/ tshul khrims yongs su rdzogs par byed pa nyid dang / tshul khrims ma ral ba nyid dang / dran pa ma nyams pa med pa nyid dang / lkug par gtong ba nyid dang / bzod pa'i stobs dang / khro ba med pa nyid dang / 'tshe ba med pa dang / zos pa mang ba dang / sbyin pa dang / dul ba dang / yang dag par sdom pa dang / 'dod pa rnams don du gnyer ba med pa nyid dang / gnod

  20. 362a

    sems thams cad la don du gnyer ba med pa nyid dang / myur du mngon par 'byung ba nyid dang / phra ma med pa nyid dang // khro ba med pa nyid dang / dge ba'i chos yang dag par len pa dang / ye shes kyi spyod pa dang / sems can thams cad la byams pa'i sems nyid dang / mi 'thun pa rnams sdum par byed pa dang / 'khor ba'i 'dam gyi zam pa nyid dang / chos kyi gtam byed pa nyid dang / bzod pa'i stobs so sor rig par byed pa dang / las kyi rnam par smin pa la rton pa ni/ shA ri'i bu nges par byang chub sems dpar 'gyur te/ shA ri'i bu 'di ni byang chub/ 'di ni byang chub sems dpas brtsams pa'i byang chub sems dpa'i yon tan rnams yin no// shA ri'i bu gang la byang chub sems dpas brtsams pa'i byang chub sems dpa'i yon tan gyi chos 'di dag med pa de dag ni/ byang chub sems dpa' tshul 'chos pa/ ngan 'gro'i gnas dang ldan par rig par bya'o// shA ri'i bu chos bzhi po 'di ni byang chub sems dpa' rnams kyi bla na med/ pa yang dag par rdzogs pa'i byang chub bsgrub pa yin te/ bzhi gang zhe na/ chos dang chos shes pa dang / sbyin pa dang sbyin pa shes pa dang / zhal ta byed pa'i bya ba shes pa dang / thos pa mang po btsal ba shes pa'o// shA ri'i bu ji ltar na byang chub sems dpa'i chos shes bya zhe na/ 'di lta ste/ dran pa nye bar gzhag pa

  21. 362b

    bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad dang / chags pa med pa dang / zhe sdang med pa dang / gti mug med pa dang / dge ba bcu'i las kyi lam 'di rnams ni byang chub sems dpa'i chos shes bya'o// de la chos shes pa gang zhe na/ gang de rnams tshul bzhin bsgrub par byed kyi/ log par mi bsgrub pa ste/ sbyin pa dang / dul ba dang / yang / dag par spong ba 'di ni chos shes pa zhes bya'o// de la sbyin pa gang zhe na/ shA ri'i bu 'di la byang chub sems dpa' la gang yod pa de yongs su gtong bar byed de/ de lag pa yongs su gtong ba yin/ rkang pa yongs su gtong ba yin/ lag pa dang rkang pa yongs su gtong ba yin/ sna yongs su gtong ba yin/ mgo yongasu gtong ba yin/ yan lag dang nying lag yongs su gtong ba yin/ bu yongs su gtong ba yin/ bu mo yongs su gtong ba yin/ chung ma yongs su gtong ba yin/ srog yongs su gtong ba yin/ nor yongs su gtong ba yin/ bde ba yongs su gtong ba yin/ lus yongs su gtong ba yin/ dngos po yongs su gtong ba yin/ yul yongs su gtong ba yin/ rin po che yongs su gtong ba yin/ bdog pa thams cad yongs su gtong ba yin te/ shA ri'i bu byang chub sems dpa' de ltar sbyin pa sprin na bla na med

  22. 363a

    pa yang dag par rdzogs pa'i byang chub la bsnyen pa yin no// de la sbyin pa shes pa gang zhe na/ ji ltar lhung bzed du chud pa dus su/ sbyin pa dang / rung ba sbyin pa dag ni sbyin pa sbyin par byed de/ ji ltar dge slong rnams la chos gos dang / bsod snyoms dang / gnas mal dang / na ba'i gsos sman dang / yo byad rnams yongs su btang zhing 'gron du gnyer bar byed do// shA ri'i bu gang yang byang chub sems dpa' mkhas pas smad pa'i sbyin pa 'di rnams las rab tu ldog pa yin te/ 'di lta ste/ dus su ma yin pa'i sbyin pa dang / rung ba ma yin pa'i sbyin pa dang / chang gi sbyin pa dang / dug gi sbyin pa dang / gnod pa'i sbyin pa dang / 'gyod pa'i sbyin pa dang / mtshon cha'i sbyin pa dang / phrogs pa'i sbyin pa dang / brnyas pa'i sbyin pa dang / rang gi lag gis ma yin pa'i sbyin pa dang / rgyab kyis phyogs pa'i sbyin pa dang / 'dod pa la sten pa'i sbyin pa dang / mi 'thun pa'i sbyin pa dang / dam pa ma yin pa'i sbyin pa dang / smad pa'i sbyin pa dang da dug dang sbyar ba'i sbyin pa dang / so sor gnod pa'i sbyin pa dang / rnyed pa'i phyir sbyin pa dang / rtag tu 'jigs pa bskyed pa'i sbyin pa dang / byang chub yongs su nyams par byed pa'i sbyin pa dang / 'chi ba'i zhags pa'i sbyin pa dang / rmongs pa'i sbyin pa dang / sten pa'i sbyin pa dang / 'jigs pa'i sbyin pa dag las ldog par 'gyur ro// shA ri'i bu 'di la mkhas pas smad pa'i sbyin pa yin

  23. 363b

    pa de dag la/ thams cad kyi thams cad du mi spyod cing / lhag par mi spyod de/ byang chub sems dpa' thams cad kyi thams cad du spyod cing lhag par spyod/ pa gang yin pa de ni byang chub sems dpa' zhes brjod par bya'o// byang chub sems dpa' gang la byang chub sems dpa'i yon tan rnams dang ldan par gyur kyang sbyin pa las nyams pa ni byang chub sems dpa'i yon tan med pa yin no// shA ri'i bu byang chub sems dpa' khyim gyi gnas nas mngon par byung ba gang byang chub kyi yan lag la mngon par brtson pa des/ ji ltar spyod par bya/ sbyin pa gang sbyin par bya/ sbyin pa ci tsam zhig sbyin pa sbyin par bya/ shA ri'i bu byang chub sems dpa' khyim gyi gnas nas mngon par byung ba gang / byang chub kyi yan lag la mngon par brtson pa gang yin pa des so sor thar pa'i sdom pas bsngags te gnas par bya ba dang / cho ga dang spyod yul dang / spyod pa phun sum tshogs par bya ba dang / kha na ma tho ba phra rab tsam la 'jigs par blta ba dang / lus dang / ngag dang / yid kyi las kyi mtha' yongs su dag pa dang / 'tsho ba yongs su dag pas bslab pa yang dag par blangs te bslabs par bya'o// des lung nod pa lhur bya ba dang / kha don ltar bya ba dang / dgon pa na gnas pa lhur bya ba dang / ji ltar thos pa dang / ji ltar kun chub par byas pa'i chos dag la rgya cher bstan par bya ba dang / chos kyi sbyin pa po dang /

  24. 364a

    chos kyi sbyin bdag tu bya'o// shA ri'i bu byang chub sems dpa' khyim pa gang gis sangs rgyas kyi zhing gang ga'i klung gi bye ma snyed rin po che sna bdun gyis yongs su bkang bar byas te/ de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas/ shA ri'i bu rab tu byung bar gyur pa'i byang chub sems dpa' gang gis tshig bzhi pa'i tshigs su bcad pa gcig bstan na/ 'di nyid de bas bsod nams mang du bskyed de/ shA ri'i bu de bzhin gshegs pas ni rab tu byung bas zang zing gi sbyin pa bya bar ma gnang ngo // de ci'i phyir zhe na/ shA ri'i bu nga rab tu byung bar gyur nas bskal pa grang med bsam gyis mi khyab pa 'am rab tu byung ba chos gos dang / bsod snyoms la 'gron du bos par ma dgongs so// gzhan du na chos kho na la sti stang dang / bla mar byas te/ nye bar brten nas gnas par bya'o// de ci'i phyir zhe na/ shA ri'i bu nga'i nyan thos rnams kyis nor can du bya'i/ zang zing gi nor can du ni mi bya'o// shA ri'i bu gang yang lhung bzed du 'ong ba'i rnyed pa chos dang chos kyi rnyed par 'gyur na/ de tshangs par mtshungs par spyod pa rnams dang thun mong du bza' bar bya'o// gal te la la zhig 'ongs nas lhung bzed dam/ chos gos pa la gal te sangs rgyas kyi gnang ba'i chos gos gsum las lhag par gyur na/ ji ltar btang ba bzhin du sbyin par bya'o//

  25. 364b

    gal te de la chos gos gsum las nyung bar gyur na gang la brten de tshangs par spyod pa la gnas pa de ni yongs su btang bar mi bya'o// de ci'i phyir zhe na/ de bzhin gshegs pas chos gos gsum btang bar mi bya'o zhes gsungs pa'i phyir ro// shA ri'i bu gal te byang chub sems dpas chos gsum yongs su btang bar bya ste/ slong ba po gtso bor byed par gyur na des 'dod pa chung ba sten pa ma yin no// shA ri'i bu de bas na byang chub sems dpa' gang khyim gyi gnas nas mngon par byung ba des chos la kun tu bsten par bya zhing de la mngon par brtson par bya'o// shA ri'i bu byang chub sems dpas gang yang se gol gtogs pa tsam du yang sems can thams cad la byams pa'i sems bsgom par bya ste/ 'di ni bshes pa zhes bya'o// shA ri'i bu ci tsam gyis na byang chub sems pas zhal ta byed par shes par bya zhe na/ des chos dang 'thun pas zhal ta bya zhing de bzhin gshegs pa'i mchod rten la yang zhal ta bya'o// mkhan po dang slob dpon la yang gus pa dang bcas par bya'o// de ltar 'dis brtson 'grus rtson par bya ste/ ji ltar ji srid 'tsho'i mthar thug pa'i bar du gnyid dang rmugs pa gsal bar bya ste/ shA ri'i bu 'di ni byang chub sems dpa'i zhal ta byed pa'i bya ba yin no// shA ri'i bu de la thos pa mang po tshol ba'i bshes pa gang zhe na/ shA ri'i bu gang

  26. 365a

    sangs rgyas kyi byang chub kyi phyir byang chub kyi sems bskyed pa thos pa mang po la mngon par brtson par byed pa de ni byang chub sems dpa' bden par smra ba ma yin par rig par bya'o// shA ri'i bu ming tsam gyis bla na med pa yang dag par rdzogs pa'i byang chub tu mngon par rdzogs par 'chang rgya bar mi nus kyi/ shes rab dang ldan pa nyid kyis ni bla na med pa yang dag par rdzogs pa'i byang chub tu mngon par rdzogs par 'tshang rgya bar nus so// shes rab de yang gang las nges par 'byung ba yin zhe na/ mang du thos pa las shes rab 'byung ba yin te/ shA ri'i bu de lta bas na khyod kyis mngon par 'du bya zhing khyod kyis so sor rig par bya'o// byang chub sems dpa' theg pa la yang dag par zhugs pa'i sems can mang du thos pa la ji ltar the tsom skye bar 'gyur zhes gang byang chub sems dpa' de sems can rnams la phan 'dogs par byed pa'i byang chub la bdud sdig can bar chad byed par 'gyur te/ shA ri'i bu byang chub sems dpa' sems bskyed nas thos pa mang po la mngon par mi brtson pa gang yin pa de ni bdud sdig can gyis yongs su byin gyis brlabs pa nyid yin no// de lta bas na shA ri'i bu bdud kyi las thams cad yongs su shes par 'dod pas brtson 'grus brtsom par bya tshig gtso bor mi bya/ mkhas pa'i bya ba shes par bya zhing / 'jig rten thams cad la grags

  27. 365b

    pa'i bya ba shes par bya'o// shA ri'i bu de lta bas na 'jig rten thams cad las mngon par 'phags pa'i brtson 'grus dang / 'jig rten thams cad las mngon// par 'phags pa'i tshul khrims kyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// shA ri'i bu gnas 'di don du gnyer ba mang yang / nan tan gyis yang dag par bsgrub par byed pa ni med de/ de bzhin gshegs pa'i stobs bcu dang / 'jig rten thams cad las mngon par 'phags pa'i ye shes dang smon lam las yongs su nyams par 'gyur ro// de lta bas na shA ri'i bu byang chub sems dpa' sems can thams cad gang gis dga' bar 'gyur ba'i tshig de smra bar bya/ byang chub sems dpas bdag gi don du smra bar mi bya/ byang chub sems dpa' brtson 'grus dman par bya'o// shA ri'i bu stong du bsgrangs pa las gcig 'grub pa 'am/ 'grub pa med cing shA ri'i bu stong phrag bcu dang / stong phrag nyi shu dang / stong phrag sum cu dang / stong phrag bzhi bcu dang / stong phrag lnga bcu dang / bye ba phrag stong du bgrangs pa las gcig 'grub pa 'am/ 'grub pa med do// de ci'i phyir zhe na/ shA ri'i bu de ltar gang byang chub sems dpa'i spyod pa 'di la gnas pa de ni mngon par 'byung bar dka' ba yin no// shA ri'i bu de lta bu de ni bla na med pa yang dag par rdzogs pa'i byang chub don du gnyer bas 'di ltar

  28. 366a

    sems bskyed par bya ste/ bdag gis sems can thams cad kyis mnag dka' ba mnag par bya/ bzod dka' ba bzod par/ bya zhing / bdag gis chos btsal bar bya ba'i phyir/ mngon par dga' bas brtson par bya'i/ longs spyod btsal ba'i phyir ni ma yin no// de ci'i phyir zhe na/ chos tshol bar byed pa ni ye shes tshol bar byed pa yin te/ 'dod pa rnyed pas rlom par mi byed rab tu rlom par mi byed do// de bas na byang chub sems dpa'i theg pa la yang dag par zhugs pa'i sems can rnams kyis shes rab kyi gtso bor bya'o// longs spyod gtso bor mi bya'o// shA ri'i bu de ltar na gang chos kyi sbyin pa 'di/ la byang chub sems dpas mngon par brtson par bya'o// shA ri'i bu de la byang chub sems dpa' mang du thos pa'i shes pa btsal bar bya zhe na/ shA ri'i bu 'di la byang chub sems dpas thos pa'i legs par bshad pa de khyer la shog ces phyogs bzhir skyes bu btang bar bya/ khyed cag rnams kyis de rnam pa'i nye gnas dang / nad g.yog gi don du spro bar bya'o zhes skyes bu gzhan bzhi yang btang bar bya ste/ shA ri'i bu byang chub sems dpas phyogs bzhir skyes bu pa'i sems kyis khyab par chos kyi rjes su 'gro ba'i blo gzhag par yang bya/ phyogs gang du chos thos pa'i phyogs der yang 'gro bar bya'o// shA ri'i bu de ltar na byang chub sems dpas chos btsal

  29. 366b

    bar bya ste/ 'di ni mang du thos pa tshol ba shes pa yin no// shA ri'i bu chos bzhi po 'di dag ni byang chub sems dpa' rnams kyi bla na med pa yang dag par rdzogs pa'i/ byang chub bsgrub par byed pa yin te/ sha ri'i bu sngon byung ba 'das pa'i dus na byang chub sems dpa' mkhas pa'i brtson 'grus zhes bya ba byung bar gyur te/ dus de'i tshe de bzhin gshegs pa dgra bcom pa yang dag par rdzogs pa'i sangs rgyas legs skyes zhes bya ba byung bar gyur pa de yongs su mya ngan las 'das nas de'i bstan pa gnas par gyur pa'i tshe/ byang chub sems dpa' mkhas pa'i brtson 'grus zhes bya ba de mchod rten la phyag 'tshal zhing rgyu ba na byang chub kyi shing drung ga la ba de logs su song ste/ phyin nas des byang chub kyi shing de mthong ba na rab tu ngu zhing bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des 'di la bzhugs nas bla na med pa yang dag par rdzogs pa'i byang chub tu mngon par sangs rgyas shing / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des 'dir bdud dpung dang bcas bzhon pa dang bcas pa btul te/ seng ge'i khri 'di'i don du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des bskal pa brgya stong phrag du mar dka' ba spyad de/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de

  30. 367a

    'di la dkyil mo krung gcig gis zhag bdun bzhugs so// bcom ldan 'das de bzhin gshegs pa dgra bcom pa yang dag/ par rdzogs pa'i sangs rgyas 'di la bzhugs pa na/ bcom ldan 'das de mthong nas lha bye ba sa ya brgya stong phrag du mas phyag 'tshal ba gang yin pa'i lha de dag ni rnyed pa legs par rnyed pa yin no// bdag kyang dus nam zhig na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes byang chub kyi shing gi rtsa ba de la nyin mtshan brgyad du rab tu ngu bar gyur te/ de'i bar du bza' ba'am/ btung ba la longs ma spyad par gyur na/ gnas gtsang ma'i ris kyi lha nye bar 'ongs nas/ de la 'di rjes lhag par gdung bar ma byed par sangs rgyas kyi yon tan gang yin pa de yongs su tshol cig ces smras so// des smras pa khyed rnams kyis sangs rgyas kyi yon tan shes sam/ de dag gis bdag cag gis ni mi shes mod kyi/ 'on kyang lus 'di la 'bras chan dang zan dron gyis gsos ste/ bza' ba btsal ba la brtson par gyis la/ khyod myur du 'chi ba'i dus byed par 'gyur ba ma byed cig ces smras so// des lus nyams chung bar ni mngon par shes pa med kyi/ 'on kyang gang du 'gro par bya ste/ 'di nyid du bdag 'chi ba'i dus byed par bya'o zhes nyin mtshan bdun du ngu zhing 'chi ba'i dus bya'o zhes smras so// shA ri'i bu brtson 'grus des bskal pa bye ba drug

  31. 367b

    cu phyir bsnyil bar gyur to// shA ri'i bu byang chub sems dpa' des de'i 'og tu bskal pa bye ba nyi shu rtsa lngas bla na med pa yang dag par rdzogs pa'i byang chub tu mngon par/ rdzogs par sangs rgyas so// des bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can bye ba phrag brgya stong bla na med pa yang dag par rdzogs pa'i byang chub las phyir mi ldog par yongs su smin par byed do// de'i tshe'i tshad ni dpag tu med cing 'di'i nyan thos kyi dge 'dun yang tshad med cing dpag tu med par 'gyur ro// shA ri'i bu ci'i phyir mkhas pa'i brtson 'grus zhes bya zhe na/ de dus thams cad du nges par 'byung ba la brtson pa dang / dus thams cad brtson 'grus brtsom pa la brtson pa dang / dus thams cad du thos pa mang po la brtson pa ste/ shA ri'i bu de lta bu'i brtson 'grus 'dis byang chub sems dpa' mkhas pa'i brtson 'grus bla na med pa yang dag par rdzogs pa'i byang chub tu mngon par rdzogs par 'tshang rgya'o// shA ri'i bu chos bzhi dang ldan na/ byang chub sems dpa' shes rab dang ldan zhing myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ bzhi gang zhe na/ shA ri'i bu byang chub sems dpa' thos pa mang / ba yin/ thos pa 'dzin pa yin/ thos pa brtsegs pa yin/ tshangs pa mtshungs par spyod pa rgan rabs dang / bar ma dang / gsar bu la gus pa dang bcas pa yin/ dris na

  32. 368a

    lag pa g.yas pas lam ni 'di'o lam ni 'di'o zhes nye bar ston pa yin zhing chos ston pal brtson pa yin no// shA ri'i bu chos bzhi po/ de dag dang ldan na byang chub sems dpa' shes rab dang ldan par 'gyur zhing myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// de la ji ltar thos pa btsal bar bya zhe na/ rang gi 'dod pa btang ste/ mkhan po dang slob dpon gyi gzhung la gnas pa dang / gus pa bcas par bya'o// chos bzhi rnam par spang bar bya ba yin te/ bzhi gang zhe na/ gnyid dang rmugs pa dang / bre mos gtam dang / khros pa dang / khyengs pa nyid de/ chos bzhi po 'di dag rnam par spang bar bya'o// chos bzhi dag la goms par bya ba yin te/ bzhi gang zhe na/ mi nyal ba la goms pa dang / brtson 'grus brtson 'grus brtsams shing 'chag pa'i rang bzhin can du bya ba dang / mkhan po dang slob dpon gyi bsnyen bkur la gus pa dang bcas shing khyengs pa med pa dang / gzhan dag la gus pa bskyed pas thos pa 'dzin pa dang / de la bzhag nas tshig yongs su rdzogs par byed pa ste/ chos bzhi po de dag dang zlos pa tshol ba yin no// chos bzhi po 'di dag gis kyang slob dpon gnyen par byed de/ nges pa dang bshes pa dang / bshes pa brtan pa dang / chos la gnas pa dang / nges pa'i tshig bzang po dang ldan pa ste/ chos bzhi po de

  33. 368b

    ngag dang ldan na slob dpon gnyis par byed do// bdag chos bzhi dang ldan na dga' ba thob par 'gyur te/ bzhi gang zhe na bdag gi btsal ba don yod pas bdag nyid kyis dga' ba thob pa dang / bdag thos pa'i gter dang ldan pa dang / bdag 'di la brten nas shes kyi phung po dang ldan pa dang / gzhan dag la chos kyi sbyin pa sbyin pa na dga' ba dang rangs pa skye bar 'gyur ro// chos bzhi po 'di dag dang ldan na/ byang chub sems dpa' bdag nyid dga' ba 'thob par 'gyur ro// de de lta bu'i thos pa tshol ba la gus pa dang bcas pa dang / ri mo dang ldan pa dang / sri zhu dang ldan pa dang / bdag nyid mi 'phyar ba dang / bdag nyid dul ba'i don dang / bdag nyid yongs su mya ngan las 'da' ba'i don dang / gzhan dul ba'i don dang / gzhan zhi ba'i don dang / gzhan mya ngan las 'da' ba'i don byed pa yin te/ bdag gcig pu'i don byed pa ni ma yin no// de ltar thos pa tshol zhing de ltar yongs su tshol ba na/ mthong ba'i chos kyi shes rab kyang 'phel bar byed na/ 'jig rten pha rol gyi lta smos kyang ci dgos te/ shes rab de yang thos pa nan tan du byed pas bsgrub pa yin no// byang chub sems dpa' thos pa la nan tan du bsgrub pa des ni/ ser skya rjes su dran par bye'o// de bas na tshangs par spyod pa dag la gung gus pa dang bcas par bya/ mdun du

  34. 369a

    gnas te 'phya bar mi bya/ smra bar mi bya/ rkang pa bkru bar mi bya/ mdun du so shing bza' bar mi bya/ mdun du mchil ma dor bar mi bya/ sgra drag pos smra bar mi bya/ ma 'dris par mi bya/ gtam gyi bar chod mi bya/ ma smras par 'gro bar mi bya'o// snga phyi'i 'du shes mi bya/ gang cung zad tsam rab tu smra bar mi bya/ gzhan dang gzhan pa'i gtam mi bya/ dman pa dang ldan par mi bya/ gzhan dris pa na gzhan gyis brda sprad par bya/ gang dris pa de nyid brda sprad par bya/ rkun po'i gtam mi bya/ mdo sde la rton par bya/ bdag dang gzhan gyi sems bsrung bar bya zhing / de dang rjes su mthun pa'i dge ba'i rtsa ba rten par bya/ gang sangs rgyas kyi byang chub yang dag pa nyid la zhugs pa de rnams la phan gdags par bya/ gang ma zhugs pa rnams la yang gnod pa mi byed/ de la rnam pa de dag gnyi ga la yang gnod par mi bya'o// gang dag bdag la khros par gyur nas yang dag pa ma yin pa brjod par byed cing / srog gi bar chad byed pas gnas pa/ tshangs par spyod pa'i bar chad byed pa la 'jigs pa 'am gus par bya ba dang / tha na dpa' ba'i tshig gis kyang de dang sems yongs su 'dris par bya/ gang las lung nod pa dang / kha ton pa dang 'brel pa de la ni ston pa'i 'du shes bskyed cing gus par bya'o// de ltar tshangs par mtshungs par spyod pa rnam

  35. 369b

    la gus par yang bya'o// ji ltar lam bstan par bya zhe na/ sems mnyam pa nyid dang / sems rab tu dang ba nyid dang / yang dag par 'du shes pa dang / som// nyi med pas lam la lam nye bar bstan par bya'o// gal te the tsom med par ma gyur na des lam shes pa'i skyes bu dag las mnyan nas lam nye bar bstan par bya'o// / chos bzhi po de dag dang ldan na byang chub sems dpa' myur du bla na med pa yang dag par rdzogs pa'i byang chub tu mngon par rdzogs par 'tshang rgya'o// de la 'di skad ces bya ste// tshul bzhin bsnyen bkur byed pa dang // tshul bzhin chos ni nyan byed cing // tshul bzhin shin tu don sems pa// chos rnams kun gyi pha rol phyin// lus/ can rnams la phan don du// chos de yongs su tshol ba na// mkhan po dag dang nye gnas ni// gus pa kun gyis bya ba yin// rtag tu byams pa la gnas nas// byas pa gzo dang byas pa tsher// ngo tsha 'brel yod phun sum tshogs// phrag dog tshul 'chos rnam par spang // nad pa rnams ni gso byed pa// rnyed dka' rin ces 'du shes kyis// de dag 'du shes nyer gzhag nas// legs par bshad pa yongs su btsal// de dag thos pas bder 'gyur dang // shes rab rnon po'ang skye 'gyur zhing // 'dod chags zhe sdang gti mug dag/ thams cad byams pas zhi bar 'gyur// dper na skyes bu khrus byis phreng ba min pa na// lag

  36. 370a

    pa gnyis kyis yongs blangs nas// spyi bo la ni 'jog pa ltar// de bzhin legs bshad thos nas kyang // dga' ba'i sems ni skye 'gyur ba// rgyal srid thob pa'ang de lta bu'i// dga' ba rnyed pa ma yin no// rtag tu de dag chos smra la// mchog tu bla mar bya ba yin// chos ni rdzogs sang+yas mtshan te// chos ni dgra bcom rgyal mtshan yin// sangs rgyas chos rnams thos nas kyang // bsgrub pa dag rab gnas shing // tshul khrims thos pas nges 'byang ste// dper na yar ngo'i zla ba bzhin// mi rmongs zhe sdang med pa yis// lam mchog dag ni sten pa dang // byis pa gang la gus bcas pa'i// lta ba'i gnas kyang rnam par spangs// seng ges spangs pa'i wa bzhin du// zil gyis mnan nas chos rnams 'chad// rlung gis sprin gyi tshogs bzhin du// mu stegs can des zil gyis mnan// sa la sprin gyi tshogs bzhin du// chos kyis yongs su tshim par byed// sems can rnams kyi sdug bsngal ni// sman pa'i rgyal po bzhin du sel// sems ni rtse cig mnyam gzhag pas// de dag rnam rtog spyod yul min// de dag khro bar lhur mi len// 'phyar ba la yang mi gnas so// dus dang dus min rnam shes shing // don shes pa yis rnam par 'dren// rtag tu bzod stobs la dga' zhing // shes pa'i las rnams byed

  37. 370b

    par 'gyur// mkhas dang mthu la brtan pa dang // chos dang chos la mkhas pa dang // dpa' zhing sems stobs che ba ste// rlung gis chang ba'i rdul bzhin du// sdig/ can rnams ni zil gyis gnon// phyogs rnams dag tu gsal gnas pa// nyi ma 'char ba ji bzhin no// mkhas pa de dag rang don la// tshad du smra ba brjod mi byed/ 'jig rten rnams la phan pa'i phyir// bsam gtan mngon shes dag la mkhas// de dag rnam pa 'di 'dra bas// bdud kyi steng na gnas pa yin// sems can rnams la brtse ba'i phyir// 'jig rten mar me byed cing rgyu// shA ri'i bu gzhan yang chos bzhi dang ldan na/ byang chub sems dpa' bzod pa bsgrub pa yin te/ bzhi gang zhe na/ gus pas tshul khrims bsrung zhing so sor thar pa la khyad du mi gsod pa dang / gus pas byams pa bsgom par byed cing gnod sems la sbyor ba yang spong bar byed pa dang / thams cad mkhyen pa la 'dun pa dran pa bskyed par byed pa dang / dge ba'i chos thams cad la gces pa mi 'dor ba ste/ shA ri'i bu chos bzhi po de dag dang ldan na/ byang chub sems dpa' bzod pa bsgrub pa yin no// bcom ldan 'das kyis de skad ces bka' stsal nas/ bde bar gshegs pas de skad gsungs nas/ ston pas gzhan yang 'di skad bka' stsal to// de dag sangs rgyas kyis bsngags pa'i// tshul khrims ma nyams ma ral bsrung // tshul

  38. 371a

    khrims phung po dag pa la// dga' ba nye bar skye bar 'gyur// chos rnams mang po tshol byed cing // thos pa mngal legs gnas/ naHrta gang gis the tsom gcod byed pa// de'i shes rab 'phel bar 'gyur// skye dang 'chi ba'i rgyun dag las// 'di dag ci ltar dgrol bya zhes// ltos med phan pa'i sems dag gis// dam pa'i chos kyang ston par byed// gnod sems don du mi gnyer bas// byams pa'i sems kyang bsgom par byed// mi 'jigs pa dang phan pa'i sems// bdag dang sems can mnyam pa nyid// byang chub la brtan zil gnon pa'i// brtson pa dag kyang legs par brtson// gang dag byang chub la brten pa'i// dge ba'i chos rnams tshol ba dang // bsgom par bya ba rnam par spong // ji ltar spang bya spangs pa yis// myur du mya ngan 'da' bar 'gyur// dgon pa'i gnas la mngon phyogs shing // gnod pa dag la rgyab kyis phyogs// thos pa tshol la brtson pa dag/ go 'phang mchog ni rtogs par 'gyur// dge slong dge slong ma rnams dang // dge bsnyen de bzhin dge bsnyen ma// thams cad dang ni de dag gis// 'dris pa rnam par spang bar bya// byis pa'i chos lam la rten pa// rmongs pa kun kyang skyabs med de// gang zhig chos la rten pa dang // de dag sangs rgyas mchog tu gzhon// mi gang sems can don dag pa'i// sangs rgyas pa dang ma yin no//

  39. 371b

    g.yo med chos la 'dod pa dag/ byang chub la ni rab tu dang // sangs rgyas dag tu mi lta ba'i// mi rnams mtshan nyid gsum gsungs te// g.yo dang chos min/ 'dod pa dang // snyom las dag rtag dga' ba'o// 'dod chags zhe sdang nga rgyal dang // de bzhin sdig pa rab spangs nas// blo ldan brtson 'grus ldan gyur pa/ byang chub la ni rab gus 'gyur// bcom ldan 'das kyis de skad bka' stsal nas/ tshe dang ldan pa shA ri'i bu dang / lnga dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// byang chub sems dpa'i so sor thar pa chos bzhi bsgrub pa zhes bya ba theg pa chen po'i mdo rdzogs s+ho// // rgya gar gyi mkhan po d+hi bang ka ra dang / shri dz+nyA na dang / zhu chen gyi lo tsa ba dge slong shAkya blo gros dang / dge slong dge ba'i blo gros kyis bsgyur cing zhus te gtan la phab pa'o// / rgya gar skad du/ Ar+ya ba lo ki te shwa ra pa ri prits+tsha/ sap+ta d+harma ka na na ma ma hA ya na sU tI/ bod skad du/ 'phags pa spyan ras gzigs kyi dbang phyug gis zhus pa chos bdun pa zhes bya ba theg pa chen po'i mdo// bcom ldan 'das 'jam dpal gzhon nur gyur pa la phyag 'tshal lo// 'di skad bdag gis thos pa dus gcig na/ bcom ldan 'das

Colophon

byang chub sems dpa'i so sor thar pa chos bzhi bsgrub pa zhes bya ba theg pa chen po'i mdo rdzogs s+ho// rgya gar gyi mkhan po d+hi bang ka ra dang/ shri dz+nyA na dang/ zhu chen gyi lo ts ba dge slong shAkya blo gros dang/ dge slong dge ba'i blo gros kyis bsgyur cing zhus te gtan pa phab pa'o