dpal 'khor lo sdom pa'i dbang gi bya ba'i rim pa
Śrīcakrasaṃmbaraṣekakriyākrama
Text
ff. 70a–83a · 27 folio sides
- 70a
ras ni bzung 'gyur brgya nyid dang/ /glang po rta dang yul 'khor dang/ /rna rgyan dang ni gdu bu dang/ /mgul rgyan sor gdub dam pa dang/ /gser las byas pa'i mchod phyir thogs/ /chung ma bzang dang bu mo nyid/ /bran pho bran mo srin mo rnams/ /ding? nas brtsams te bran du ni/ /de la bdag ni dbul lags zhes/ /blo ldan kun nas dang ba yi/ /bdag nyid kyang ni dbul bar bya/ /de nas de la mkha' 'gro ma/ /rnal 'byor ma rnams mnyes par 'gyur/ /tshon la sogs pa'i dngos po kun/ /nang bar tho rangs bsdu bar bya/ /bsdus nas gser gyi bum par ni/ /bcug nas chu bo chen por dor/ /bum pa thams cad bsdus nas ni/ /sngon bzhin du ni dga' ston bya/ /de nas bdud rtsi lnga sogs ni/ /sbyar bas sa ni byug par bya// //slob dpon chen po lU yi pa'i/ /mngon rtogs tshad mar rab gzung ba'i/ /lam de'i dkyil 'khor cho ga ni/ /lung pa dad pas rab tu blangs/ /dpal ldan 'khor lo sdom pa yi/ /dkyil 'khor cho ga mdor bsdus pa/ /byas pI dge ba gang thob pa/ /'gro kun rdo rje 'dzin gyur cig /dpal 'khor lo sdom pa'i dkyil 'khor gyi cho ga lag tu blang pa'i rim pa pra dz+nyA rak+Shi tas mdzad pa gsal ba rdzogs so// //rgya gar skad du/ sh+rI tsakra saMm+ba? ra She ka kri yA kra ma/ /bod skad du/ dpal 'khor lo sdom pa'i dbang gi bya ba'i rim pa/ dpal 'khor lo sdom pa la phyag 'tshal lo/ /dngos po thams cad gcig sdom pa/ /dpa' bo sdom pa la btud de/ /rgya che mchog tu gsal pa yi/ /dbang gi bya rim bshad par bya/ /de la ji lta ba bzhin du dbang bskur ba rjes su gnang zhing/ /rnal 'byor bzhi la mkhas pa/ rnal 'byor pa rig pa bzlas pa'i rang
- 70b
gi slob ma legs par yongs su brtags te rjes su 'dzin par 'dod pas/ rgyal po dang chom rkun la sogs pa'i nye bar 'tshe ba thams cad spangs pa'i dkyil 'khor gyi khang par/ cho ga ji lta ba bzhin gnas te/ rdul tshon gyi dkyil 'khor ram ras dris pa la sogs pa'i dkyil 'khor la nyer spyod lngas mtshod de/ mtshan mo'i dus la bum pa rnams/ lhag par gnas par bya'o/ /bzhi bcur gcig gis dman pa'i bum pa las ma rnyed na dgu'o/ /de la gtso bo 'gyur ba'i bum pa la sna tshogs pad+ma'i ze 'bru la gnas pa'i gau ri dang 'phrog byed kyi snying ga'i steng du nyi ma la rdo rje dang rdo rje can bshad pa'i mtshan ma gnyis bri bar bya'o/ /mkha' 'gro ma dang lA ma dang/ khaN+Da ro hi dang gzugs can ma rnams kyi bum pa bzhi la sna tshogs pad+ma'i ze 'bru la gnas pa'i ro'i snying gar nyi ma bzhi la gri gug bzhi'o/ /rab gtum ma la sogs pa dang/ yang dag par ldan pa'i thod pa'i dum bu la sogs pa dpa' bo nyi shu rtsa bzhi rnams kyi bum pa nyi shu rtsa bzhi rnams la sna tshogs pad+ma'i dbus su gnas pa'i ro'i snying gar nyi ma la so sor gri gug dang rdo rje'o/ /khwa gdong ma la sogs pa phyogs dang phyogs bral du gnas pa rnams kyi bum pa brgyad rnams la sna tshogs chu skyes kyi dbus su gnas pa'i ro'i snying gar nyi ma la gri gug re re'o/ /las thams cad pa'i bum pa dang rnam par rgyal ba'i bum pa dag gi slar yang so sor/ glang po dang/ seng ge dang/ rta dang/ rma bya dang/ nam mkha' lding rnams kyi steng du gnas pa'i sna tshogs pad+ma'i snying por yi dags lnga bris pa'i snying gar zla ba dang/ nyi ma bzhi la go rim bzhin 'khor lo dang rin po che dang pad+ma dang/ sna tshogs rdo rje dang rdo rje rnams rnam par snang mdzad dang/ rin chen 'byung ldan dang 'od dpag med dang/ don yod grub pa dang mi bskyod pa ste/ de bzhin gshegs pa lnga po rnams
- 71a
kyi mtshan ma bri bar bya'o zhes pa rim pa'o/ /de la gtso bor gyur pa'i bum pa ni ches che ba nag po dang rtsa ba med pa/ lto ba 'phyang ba/ mgrin pa mtho ba/ mtshan ma legs par bris pa/ gos bzang pos mgrin pa bkris pa/ tsU ta'i lo ma la sogs pas kha brgyan pa/ gser dang dngul dang/ /mu men dang/ mu tig dang/ byu ru dang/ nas dang gra dang 'bras dang so ba dang/ til dang/ ma sha dang/ bri ha ti dang/ kaN+Da? ka ri/ gzhan gyis mi thub pa dkar po dang /daN+Totpal dkar po dang/ sa ha de wa ste/ sman lnga rnams lto bar gzhug go /bdud rtsi lnga dang sgron ma lnga lhan cig pa'i dri'i chu thod pa'i nang du gnas pa rnams kyis kyang lta ba yang dag par gang zhing yongs su gang bar bya'o/ /hUM lan bdun bzlas pa'i byu ru dang lhan cig pa'i skud pa dkar pos de rnams kyi mgrin pa dkri bar bya'o/ /lA ma la sogs pa rnams kyi bum pa bzhi dang khwa gdong ma la sogs pa rnams kyis bum pa bzhi ni/ sgo bzhi'i logs brgyad rnams su go rim bzhin mthar re re'o/ /ku sha'i stan la dgu po dgod de/ gtso bor gyur pa bcom ldan 'das kyi bum pa lte ba'i steng de nyid du dgod par bya'o/ /'di ni bum pa rnams kyi grangs su dgu la bya bar bshad pa'o/ /gang gi che bzhi bcur dman pa'i lha rnams kyi bum par 'gyur ba de'i tshe lha rnams kyi rang rang gi gnas kyi rjes su 'brang ba'i dgong par bya'o zhes bya'o/ /de nas bum pa lhag par gnas pa'i cho gas lhag par gnas par bya'o/ /de la cho ga 'di yin te/ slob dpon rang nyid lha'i rnal 'byor dang ldan pas/ rang gi snying ga'i sa bon gyi 'od zer gyi nam mkhar gnas pa'i dkyil 'khor gyi 'khor lo bkug nas/ mchod yon dang zhabs bsil la sogs pa dbul bar bya'o/ /phyi nas 'khor lo de chags pa chen po'i mes zhu bar gyur
- 71b
te/ go rim bzhin rang rang gi bum pa rnams su gzhug go /me tog gi phreng bas nye bar mdzes pa'i rdo rje rnam par rgyal ba'i bum pa'i steng du bzhag go /oM badzra kuN Da li badzra hUM phaT ces pa'i sngags brgya rtsa brgyad kyis bsngags la las thams cad pa'i bum pa la yang sngags 'di kho na brgya rtsa brgyad kyi grangs mngon par bsngags par bya'o/ /gtso bo la sogs pa'i bum pa la yang rnal 'byor ji blta bzhin gtso bo dang dkyil 'khor ba'i sngags kyis so/ /de nas me tog dang bdug spos la sogs pa rnams kyis yang dag par mchod de/ gtor ma phul nas/ mi bskyod rdo rje zhes pa la sogs pa'i bstod pa sngon du 'gro bas dril bu dkrol bar bya'o/ /bum pa lhag par gnas pa'i cho ga'o/ /de nas dril bu dang/ ak+Sha bI DaM dang/ pa Ta ha dang/ ha hA'i rnam pa dang/ pi wang dang gling bu dang/ rda zlum dang/ rdza rnga dang/ rgod pa dang/ sgeg pa dang/ blu dang/ gar dang/ me tog dang/ bdug pa dang/ dri dang/ zhal zas dang/ me long dang/ ro dang/ reg pa dang/ chos kyi dbyings kyi mtshan nyid de nyi shu po rnams kyis dkyil 'khor mchod par bya'o/ /de'i rjes su dkyil 'khor par byas pa'i slob ma sngags kyi tshul gyis skal ba dang ldan pa me tog gi phreng ba 'dzin pa pus mo'i lha ngas la btsugs pa rnams la/ /kha cig gsang sngags grub don gnyer/ /dkyil 'khor 'dir ni 'jug par byed/ /de nas gzhan gyi bsod nams 'dod/ /gzhan dag 'jig rten pha rol gnyen/ /'jig rten pha rol la dmigs pa'i/ /dang pa mang du byed pa yi/ /blo ldan dkyil 'khor 'dir 'jug bya/ /tshe 'di'i 'bras bu 'dod mi bya/ /tshe 'di 'dod bzhin pa la ni/ /'jig rten pha rol de bzhin min/ /skyes bu ting 'dzin pha rol gnyer/ /che 'di'i 'bras bu 'bad med nyid/ /ces slob ma rnams la rjes su
- 72a
bsgrags la/ /de rnams kyang sems kyis dpal he ru ka'i gzugs rang gi lus la gzhug cing/ /rdo rje phag mo'i pad+mar gnas pa'i de bzhin gshegs pa thams cad zhu ba rnams kyis dbang bskur bar bsams nas/ dngos su lha'i dkyil 'khor gyi sgor 'dug ste/ 'jug par gsol ba gdab bo/ /phag mo lhan cig yang dag sbyor/ /dpal chen khyod bdag ston pa ste/ /byang chub chen po'i tshul brtan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum bdag la stsal du gsol/ /thar pa chen po'i grong mchog tu/ /mgon pos bdag ni gzhug tu gsol/ /zhes brjod nas dkyil 'khor du 'jug par gsol ba gdab bo/ /de nas slob dpon gyis slob ma gcig gtso bor byas nas/ bu chung shog cig theg chen gyi/ /gsang sngags spyod tshul cho ga ni/ /khyod la yang dag bstan par bya/ khyod ni tshul chen snod yin te/ /sku gsung thugs kyi rdo rje can/ /dus gsum 'byung ba'i sangs rgyas rnams/ /rdo rje sngags kyi mthu rnams kyi/ /mnyam med ye shes yang dag brnyes/ /sngags kyi rab sbyor mnyam med pa/ /gang gis shAkya seng gi sogs/ /dpa' bo rnams kyis bdud kyi sde/ /stobs chen drag po chen po bcom/ /'jig rten rjes 'jug rtogs nas ni/ /'khor lo bskor nas mya ngan 'das/ de bas kun mkhyen thob byed du/ /bu yis blo gros 'di gyis shig /ces de rnams la brjod nas/ /dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge yal? rje yi dang/ /sangs rgyas byang chub yid kyis bzung/ /de ni thub pa skal ba che/
- 72b
sangs rgyas rnams kyis bskyed ji ltar/ /byang chub sems ni bla na med/ /dam pa bdag gis bskyed par bgyi/ /srid pa'i rgya mtshor bying pa yi/ /'gro 'di mdza' dag bsgral ched du/ /bdag kyang thams cad mkhyen gyur nas/ /dbang phyug kun gyi gnas la gnas/ /zhes pa skyabs gsum gyis tshigs su bcad pa lan gsum brjod nas/ slob ma de rnams pa/ oM badzra kuN+Da li badzra hUM phaT/ ces pa'i sngags kyis bsrung ba byas te/ de rnams kyi snying ga mgrin pa spyi bo rnams su go rim bzhin zla ba la gnas pa'i rdo rje pad+ma dang 'khor lo'i dbus su hUM A:aoM zhes pa bsam par bya'o/ /slob dpon langs te rdo rje g.yas pa'i khu tshur gyis bzung nas slob ma rnams kyi snying ga mgrin pa mgo bor rdo rjes reg nas hUM A:aoM rang nyid brjod de mgo bor me tog mdun du bdug spos dang mar me de bzhin du snying gar dri sbyin par bya'o/ /de'i rjes su oM badzra kuN+Da li badzra hUM phaT zhes pa'i sngags lan bdun bzlas pas A shatwa la sogs pa ma gas? shing rma med pa song bcu gnyis pa'i tshad rtse mor me tog gi phreng ba dkris pa'i so shing slob ma rnams so sor sbyin no/ /de rnams kyang gdong shar ram byang du bltas te zos na steng du bltas nas ba lang gi lci bas ba lang gi ko ba tsam du byugs pa'i sa phyogs su dor ro/ /de la zhi ba la sogs pa'i las kyi bya brag /gang gi mngon phyogs lhung gyur na/ de'i dngos grub mchog shes bya/ /de bzhin shar du rtse mo yis/ /dngos grub bar mar rab tu grags/ /byang bltas de bzhin thad kar ni/ / 'jig rten par? yi dngos grub 'dod/ /so shing dor ba de bzhin du/ /ji lta'ang rtse mo 'og 'gro na/ /de tshe sa 'og dngos grub 'gyur/ /rnam dpyod med par nges pa yin/ /steng du phyogs na mkha' spyod nyid/ /de ltar the tshom med par 'gyur zhes so//
- 73a
de'i rjes su zhal bsil ba'i dri'i chu khyor ba gsum 'thungs te/ /oM haM(rgyud 'grel): bi shud d+ha d+harmA(rgyud 'grel): sarbba pA pa ni tsA sho d+ha ya sarbba bi kalba?rba? na ya hUM/ zhes pa'i sngags 'dis kha bshal bar bya'o/ /so shing gi cho ga sgrub pa'o// //de'i mdun du nye bar 'dug ste oM badzra kuN+Da lo? zhes pa la sogs pa'i sngags lan bdun bzlas pa'i ku sha rnams stan dang sdas? kyi byed du de rnams kyi lag par byin nas/ sngags 'di nyid kho na lan bdun mngon par sngags pa'i bsrung skud sum sgril mdud pa gsum byas pa dpung pa g.yas la bcings te/ chos bstan pas spro ba bskyed par bya'o/ /'jig rten du ni kun mkhyen rnams/ /res 'ga' 'byung dam mi 'byung srid/ /u duM bA ra'i me tog bzhin/ /brgya lam na ni res 'ga' zhig /gsang sngags spyod pa'i tshul 'byung ba/ /de bas kyang ni rnyed dka' ste/ /gang gis mnyam med sems can don/ /mya ngan mi 'da' byed par nus/ / bskal pa bye ba du ma ru/ /sngon du sdig pa byas pa gang/ /dkyil 'khor 'di 'dra mthong nas ni/ /de kun zad par 'gyur yin na/ /grags pa mdza' yas sngags spyod kyi/ /tshul la gnas na smos ci dgos/ /skyob pa'i gsang sngags bzlas na ni/ /go 'phang bla na med par 'gyur/ /spyod mchog 'di la gang rnams kyis/ /blo gros shin tu dri ma med/ /de rnams kyi ni sdug bsngal kun/ /'byung ba'i dan 'gro yang dag bcad/ /bdag nyid chen po khyed rnams kyis/ /rnyed pa mnyam med de ring rnyed/ /gang gis khyed rnams rgyal ba kun/ /sras bcas rnams kyis bstan pa 'dir/ /bdag nyid chen pos skye bzhin par/ /kun tu yongs su bzung nas gnas/ /de yis khyed rnams theg chen du/ /
- 73b
sang ni legs par skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /gang gis byed rnams 'gro 'gyur la/ /de bzhin gshegs pa rnams su 'gyur/ /zhes chos bstan pa bsgrags nas slar yang de rnams la oM badzra kuN+Da lo'i? sngags kyis bsrung ngo/ /rdo rje can gyi sangs rgyas la/ /'gro ba bskyabs pa'i ched du dbang/ /yon tan 'byung gnas ji ltar stsal/ /de ltar bdag la gnang bar gsol/ /slob ma de rnams ku sha'i stan la nyal du gzhug cing/ /rmi lam gang cung zad mthong ba de nang? par dag smros shig ces so/ /de ltar rig pa'i dbang bskur bar 'os pa'i slob ma lhag nas bstan to/ /slar yang dkyil 'khor gyi khyad par zhugs te/ slob dpon gyis bsrungs ba'i don du rdo rje 'khyil pa'i sngags bzla'o/ /nad par gtor ma yang byin nas phyir byung nas slob ma de rnams la bos te/ de rnams kyi rmi lam dge mi dge dris nas/ rmi lam mi dge bar gyur na slob ma rnams la rdo rje 'khyil ba'i sngags kyis yang dag par bsrungs te/ sngar bzhin chos bstan pas spro bar bya'o/ /gal te slob dpon du dbang bskur ba 'dzin par 'dod pa de'i tshe khyad par gyi sdom pa bzung bar bya'o/ /'khor lo phyir mi ldog pa'i dbang/ /dam pa bdag ? stsal nas ni/ /mgon po 'khor lo lha dag gi /de nyid slob dpon 'phrin las dang/ /sangs rgyas kun gyi dam tshig dang/ /sdom pa gsang mchog rtag tu ni/ /sems can kun gyi don 'gyid phyir/ /slob dpon bdag 'gyur gsung du bsol/ /tshigs su bcad pa'i de dag gis slob dpon gyi sdom pa la gsol ba gdab par bya'o/ /lhag par dang bas/ bla mas rigs thams cad la gsol ba gdab pa/ che ge mo zhes bya ba 'di/ /byang chub sems dang
- 74a
dam tshig dang/ sdom pa rnams ni yongs 'dzin zhing/ /gsang ba'i 'khor lo 'dir 'jug 'tshal/ zhes pa 'dis bya'o/ /de nas gsang ba chen po'i rigs dag pa'i/ /gsang chen yongs su 'dzin par ni/ bdag nyid chen po khyed 'dod dam zhes brjod par bya'o/ /slob mas kyang 'tshal zhes brjod do/ /de nas rigs lnga la sogs pa'i dam tshig brjod de/ sangs rgyas chos dang dge 'dun te/ dkon mchog gsum la skyabs su song/ /'di ni sangs rgyas rigs dga' ba'i/ /sngom pa brtan par gyur pa'o/ /rdo rje dril bu phyag rgya rnams/ /blo gros chen po khyod kyis gzung/ /byang chub sems gang de rdo rje/ /shes rab bril bu zhes bshad do/ /slob dpon dag kyang bzung par bya/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa'i'o/ /sdom pa dam tshig yin par gsungs/ /rin chen rigs la de bzhin du/ /nyin dang mtshan mo lan gsum du/ /zang zing mi 'jigs chos dang byams/ /sbyin pa bzhi ni rab sbyin bya/ /phyi dang gsang ba theg pa gsum/ /dam chos khyod kyis bzung bar bya/ /'di ltar pad+ma rigs dag la/ /sdom pa dam tshig mchog yin no/ /las kyi rigs chen mtho ba la/ /sdom pa thams cad ldan par ni/ /yang dag nyid du bzung bar bgyi/ /mchod pa'i las kyang ci nus bya/ /grogs nyid rdo rje'i spun gyur pa'i/ /rnal 'byor rnams kyi bsnyen bkur ni/ /spang zhing dor bar mi bya ste/ /ji ltar nus bzhin kun tu spyad/ /theg pa sman pa 'dod min zhing/ /sems can don la rgyab phyogs min/ /'khor ba yongs su mi spang zhing/ /rtag tu mya ngan 'das dga' min/ /lha dang lha min gsang ba la/ /khyod kyis brnyas par mi bya zhing//
- 74b
phyag brgya bzhon pa mtshon cha dang/ /mtshan ma 'gom par mi bya'o/ /khyod kyi srog chags pa sang mi bya/ /ma byin par yang mi blang ngo/ /'dod pa log par ma spyad cing/ /rdzun du smra bar mi bya'o/ /sems can gdul don ma gtogs pa/ / bya ba ma yin thams cad spangs/ /rnal 'byor pa rnams bsnyen bkur zhing/ /legs pa rnams la nyer gnas bya/ /lus kyi las ni rnam gsum dang/ /ngag gi rnam pa bzhi dag dang/ /yid kyi rnam pa gsum rnams ni/ /ji ltar nus bzhin bskyed par bgyi/ /de ltar bla mas sleb ma la dam tshig dang sdom pa la sogs pa sbyin par bya'o/ /slob mas kyang gus pa dang bcas pas phyag 'tshal te/ gzung bar bya ba'i rim pa 'dis/ /sangs rgyas thams cad la phyag 'tshal lo/ /mgon po sangs rgyas de yi sras po rnams kyang bdag la dgongs su gsol/ /bdag che ge mo zhes bgyi ba deng nas brtsams te/ ji srid byang chub snying por 'dug gi bar du/ ji ltar dus gsum mgon bo rnams/ /byang chub tu ni nges mdzad pa'i// byang chub sems ni bla na med/ /rab mchog bdag gis bskyed par bgyi/ /tshul khrims brlabs pa rnam pa gsum/ /dge ba'i chos ni sdud pa dang/ /sems can don bya'i tshul khrims ni/ /so sor brtan por bdag gis gzung/ / sangs rgyas chos dang dge 'dun te/ /dkon mchog mchog gsum bla na med/ /sangs rgyas rnal 'byor skyes sdom pa/ /deng nas mchog tu bzung bar bgyi/ /rdo rje rigs mtho chen po la/ /rdo rje dril bu phyag rgya yang/ /yang dag nyid du gzung bar bgyi/ /slob dpon dag kyang bzung bar bgyi/ /rin chen rigs chen rnal 'byor gyi/ /dam tshig yid du 'ong ba la/ /nyin re zhing yang drug byas nas/ /sbyin pa bzhi ni rab sbyin bgyi/ /byang chub chen po las byung
- 75a
ba'i/ /pad+ma'i rigs chen dag pa la/ /phyi dang gsang ba theg pa gsum/ /dam chos so sor gzung bar bgyi/ /las kyi rigs chen mtho ba la/ /sdom pa thams cad yang dag ldan/ /mchod pa'i las ni ci nus bzhin/ /de nyid kyis ni so sor gzung/ /byang chub sems ni bla na med/ /dam pa bskyed par bgyis nas ni/ /sems can kun gyi don bgyid phyir/ /bdag gi sdom pa ma lus bzung/ /ma bsgral ba rnams bdag gis bsgral/ /ma grol ba rnams bdag gis dgrol/ /dbugs ma phyung rnams dbugs phyung zhing/ /sems can mya ngan 'das la dgod/ /oM sarba ta thA ga ta yo ga kA ya bA rtsit+ta mutbA da yi Shu mya she ShA na ba she Sha satwa d+hA tu hi ta su khot+ta ma sid d+hi a tyan+na b+ha ba si da d+hi ma ha shwa ryA d+hi pa tyA ya tsa zhes pa 'dis slob ma byang chub tu bskyed do/ /de ltar slob dpon gyi sdom pa bzung nas/ zhes pa slob dpon du dbang bskur bar ? 'os pa'i slob ma lhag gnas bstan pa'o// // de'i rjes su bris pa la sogs pa'i dkyil 'khor la mchod pa rgya chen po byas nas rang gi lha'i rnal 'byor sngon du 'gro bas slob ma 'jug pa'i tshigs rang nyid zhugs te phreng ba'i dbang bskur ba la sogs pa bcom ldan 'das bdag po'i thugs las thob par bya'o/ /de'i tshe slob ma rnams 'jug pa'i don du/ bden pa'i gsol ba gdab par bya ste/ /chos rnams gzugs brnyan lta bu ste/ gsal zhing dag la rnyog pa med/ /gzung du med cing brjod du med/ /rgyu dang las las kun du byung/ /de bzhin de kho na nyid des 'byung/ zhes pa'i bden pas dkyil 'khor ni/ /gzugs brnyan gsal bar slob ma rnams/ /kun gyi sdig med mthong bar shog /ces ba la sogs pas gsol ba gdab bo/ /de
- 75b
nas yol ba las/ phyi rol tu yon phul te dbang bskur ba'i skal ba can gyi slob ma rnams rnam par snang mdzad kyi gzugs su dmigs te/ A khaM bA ri hUM zhes pa'i sngags kyis me tog phreng ba bzung la las thams cad pa'i chus mngon bar gtor te mig dar bcing bar bya'o/ /dkyil 'khor du 'brug? pa'i don du/ kye dga' ba la dga' khyed su yin zhes dri/ des kyang 'di skad du/ bskal bzang bdag bde ba chen po la'o/ /zhes brjod do/ /de nas bla mas slob ma'i snying gar rdo rje bzhag te/ oM sarba yo ga tsit+ta utpA da yA mi/ oM su ra te sa ma ya stwaM ho(rgyud 'grel): sing d+hi badzra ya thA su khaM/ zhes byang chub tu sems bskyed pa brjod de/ deng khyod de bzhin gshegs pa thams cad kyis byin gyis rlob pa 'gyur gyi/ de bzhin gshegs pa thams cad kyi gsang ba chen po 'di khyod kyis dkyil 'khor du ma zhugs pa rnams la smra bar mi bya ste/ ma dad par yang mi bya'o/ /hUM dza:hUM zhes pa 'dis bkug ste/ yol ba'i nang du bcug ste dkyil 'khor shar sgor bzhag nas 'di skad brjod par bya'o/ /dang khyod de bzhin gshegs pa thams cad kyi rigs su zhugs kyis de'i phyir ngas khyod la rdo rje ye shes bskyed par bya ste/ ye shes gang gis khyod de bzhin gshegs pa thams cad kyi dngos grub kyang thob par 'gyur na/ dngos grub gzhan lta ci smos/ khyod kyis 'di dkyil 'khor ma mthong ba'i mdun du smra bar mi bya ste/ khyod dam tshig nyams par gyur ta re zhes so/ /slar yang mgo bor rdo rje bzhag ste smras pa/ 'di ni khyod kyi dam tshig gi/ rdo rje ste/ gal te 'ga' zhig la smras na khyod kyi mgo bo 'gem par byed do/ /me tog dang bcas rdo rje snying gar bzhag ste brjod pa oM rdo rje sems dpa' rang .nyid de dang/ khyod kyi snying la yang dag gnas/ /gal
- 76a
te tshul 'di smras nas ni/ /skad cig de la dral nas gshegs/ /zhes pa 'dis mna' byed du bcug nas bdud rtsi lnga pad+ma'i snod du gnas pa'i yi ge gsum gyis byin gyis brlabs te/ oM badzra a mri to da ka Tha zhes pa 'di bdun bzlas so/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs pas dngos grub ste/ /rdo rje bdud rtsi'i chu 'thung shig /ces brjod de 'thung du gzhug go /de nas 'di brjod par bya ste/ / deng nas brtsams te khyod kyi phyag na rdo rje nga yin gyis/ ngas 'di gyis shig ces gang smra ba de khyod kyis bya'o/ /khyod kyis nga la brnyas par yang mi bya ste/ khyod yang ba ma spangs pas dus byas nas dmyal bar ltung bar gyur ta re zhes so/ / dam tshig gi chu sbyin pa'o/ /de nas slob mas 'di skad brjod par bya ste/ de bzhin gshegs pa thams cad kyis bdag la byin gyis rlobs shig /rdo rje sems dpa' bdag la 'bab par mdzad cig ces so/ /de nas pa'i yan lag lnga de bzhin gshegs pa lnga'i sa bon gyis byin gyis brlabs te/ til mar chen po dang gu gul chen po dag cha mnyam par lhan cig tu sres pa chang dang gu gul yang dag par ldan par byas pa'i bdug spos 'dus byas nas/ slob dpon gyis rdo rje ? mo'i sngags bzlas te/ slob ma la bdug spos 'dis bdug par bya'o/ /de nas kun tu 'bebs par 'gyur ro/ /gsung babs na sngon med pa'i tshigs su bcad pa brjod par byed do/ /thugs babs nas byung ba dang 'byung bar 'gyur ba dang/ da ltar nga? yang shes par byed do/ /oM tiSh+Tha sa ma ya ba ri pA li te hUM hUM hUM ho ho ho swAhA/ zhes pa 'dis rdo rje spyi bor bzung na gshegs so/ /de nas oM tiSh+Tha badzra zhes pas brtan par byas nas khyod kyis mig la
- 76b
ci lta bu snang zhes dris te/ de nas de rnams kyis dkar po dang ser po dang dmar po dang nag por snang ba brjod pa rnams kyis/ zhi ba dang rgyas pa dang dbang dang mngon spyod kyi dngos grub kyi skal ba can du brjod nas bden pa'i byin rlabs bya'o/ /yang dag dkyil 'khor 'di zhes byar/ /bdag gis slob ma rab tu gzhug /lha rnams rigs kyi rim pa ni/ /bsod nams ji lta de ltar shog /'di yi dngos grub ji 'drar 'gyur/ /rigs ni gang gi snod du rung/ / bsod nams mthu yang ji 'dra ba/ /de ltar dkyil 'khor du gyur cig /slob mas kyang g.yon skor du bskor ba lan gsum byas nas g.yas su mngon par phyogs bar gyur pas sngar bzung pa'i me tog gi phreng ba/ pra tIts+tshA badzra ho? zhes pa 'dis dkyil 'khor du dor ro zhes so/ /de nas me tog ltung ba'i rjes su 'brangs nas dman pa dang mchog la sogs pa'i dngos grub slob ma la mtshon te de la gal te sangs rgyas rnams kyi dbu'i gtsug tor ram mdzod spur lhung? na de'i tshe phyag rgya chen po'i dngos grub bo/ /gal te spyan nam zhal la lhung na de'i tshe sngags kyi dngos grub bo/ /stod kyi cha la yang mchog go /bar? gyi cha la yang ma'o/ /'og gi cha la dman pa'o/ /gzugs brnyan las shin tu ring na mngon spyod do/ /nye na dngos grub myur ro/ /lha rnams kyi rang gi ba'i gnas kyi re'u mig gis yongs su bcad pa las shes par bya'o/ /gal te lha gnyis dag gi bar du lhung na de'i tshe me tog gang la nye ba de'i rigs su 'gyur ro/ /dkyil 'khor gyi phyi rol tu lhung na dngos grub phra mo'o/ /gal te re khA rnams su lhung na de'i tshe slar yang dor bar bya'o/ /gsum byas nas de nyid du lhung na dngos grub med do/ /phyi'i rdo rje phreng ba'i phyi rol
- 77a
du lhung na dngos grub med do/ /snying por ltung na ches dka' o/ zhes pa me tog lhung pa'i cho ga'o// //de nas de dag gi me tog gi phreng ba slar yang bzung nas slob ma'i mgo bor bcings te? pra ti grih+Na twa? mi maM satwa ? rtsam? pa la zhes brjod/ de nas de'i mig dag tu zla ba la e yig gnyis bsams te/ oM yig gi 'od zer gyis bkug pa'i dkyil 'khor ba rnams dang lhan cig rdo rje drag po slob ma'i snying gar gzhug cing sngags 'dis gdongs bcings pa dgrol bar bya'o/ /oM rdo rje drag po rang nyid deng/ /mig 'byed par ni brtson par mdzad/ /mig ni thams cad 'byed mdzad de/ /rdo rje'i mig ni sran med/ /ces brjod la mig dang bsal bar bya'o/ /de nas dkyil 'khor bstan par bya ste/ /rang bzhin gyis dag sangs rgyas pa dang/ /lus ni rang bzhin dri ma med/ /dpa' po dpa' mo'i dbang po'i grong/ /dkyil 'khor la ni bu khyod ltos/ /de nas gnas dang nye ba'i gnas la sogs pa'i? bdag nyid can gyi dkyil 'khor lus kyi dkyil 'khor la gnas pa byang chub kyi phyogs kyi chos sum cu rtsa bdun gyi rang bzhin/ sum cu rtsa bdun gyi dkyil 'khor pa'i lha'i? 'khor lo/ /dpal he ru ka'i lha'i yan lag nye bar bstan par bya'o/ /dkyil 'khor du 'jug pa'i cho ga'o/ /de ma thag tu slob mas bla ma mgon la bdag nyid thams cad kyis btud nas gsol ba gdab ste/ bsam gyis? mi khyab chos snod mchog /bdag la dbang bskur bar mdzed cig /slob mas gsol ba btab ma thag tu rnam par rgyal ba la sogs pa'i bum pa blangs te/ pad+ma'i snod du gnas pa'i chu? la hUM yig dang
- 77b
rdo rje las byung ba'i mi bskyod rdo rje slob dpon gyis bsgom par bya'o/ /rang gi snying ga'i sa bon gyi 'od zer gyis ye shes sems dpa' bskul bar brtson pas ye shes sems dpa' gzhug cing/ de ltar yang dag par mchod nas chus gtor ro/ /de nyid mi ba spyod gzugs kyis ni/ /rnam shes phung po'i ngo bo ste/ /brtse chen ston pa dpa' ba yis/ /dbang bskur 'di ni spyi bor sbyin/ /oM tri tsakra bI ra dwaM a b+haM Shiny+tsa mi zhes pa chu'o'o// // ri mo la sogs cod pan rnams/ /rin chen mchog gi sa bon aM?/ /las bsgrubs rdo rje nyi mar bshad/ /'di ni snga ma bzhin mchod nas/ /rdo rje mkha' 'gro spyi bo ru/ /bsams nas rdo rje can bskyed bya/ /cod pan rnam ba de nyid ni/ / sdig med tshor ba'i bdag nyid do/ /oM sarbba bud d+hA DA ki nI ye badzra bar+N+Na ni ye hUM hUM phaT swAhA/ zhes pa'i sngags 'di yin te/ sngags de lta bu gzhan rnams kyang brjod par bya'o// //cod pan gyi'o/ de nas bcom ldan 'das kyi phreng ba'i sngags kyis lan bdun mngon bar bsngags pa'i phreng ba mgo bor bcings nas dbang bskur par bya'o/ /zhes pa phreng ba'i dbang bskur ba'o// //dzrim dang rdo rje pad+ma las byung pa'i 'du shes de bzhin gshegs pa 'od dpag med rdo rje bsgrubs nas slob ma dag la lag pa g.yas dang snying gar sbyin par bya'o/ /he ru ka dpal dpa' bo la sogs kyis/ /de ring khyod la dbang bskur ro/ /'di de sangs rgyas thams cad nyid/ /legs par grub phyir rdo rje zung/ /rdo rje'i'o// //ral gri kha yig yang dag byung/ /don yod grub pa'i gzugs can te/ /'du byed ngo bo dril bu ni/ /lag pa g.yon par sbyin par bya/ /
- 78a
'di ni rnal 'byor ma kun gyi/ /dril bu dbyangs kyi rjes bgror bshad/ /khyod kyis kyang ni rtag tu bcang/ /byang chub mchog tu rgyal ba bzhed/ /'khor lo gsum bdag dpa' po yis/ /lag tu rdo rje dril bu 'dzin/ /rang bzhin gyis mdzes dga' ba ni/ /phyag rgya chen por byin gyis brlab/ /bdag po'i'o/ /slob ma'i spyi bor lag byin nas/ /buM las rnam snang mdzad gzugs kyis/ /gzugs kyi phung po'i ngo bo nyid/ / rdo rje can gyis ming dbang bskur/ /oM tri tsakra a d+hI pa ti sh+rI he ru ka ba'i rA stwaM a b+hi Shiny+tsa mi/ /khyod ni che ge mo rdo rje'o/ /ming gi'o// //dbang lnga thob pa'i rgyu las ni/ /rnam dag sangs rgyas lnga 'di dag / ma rig bral ba'i rim pa las/ /ye shes lnga rnams thob par byed/ /de ma thag tu/ gang gis bdag ni khyod drin las/ /rang dang gzhan don nus 'gyur pa/ /rdo rje slob dpon gyi ni dbang/ /thugs rje'i gter kye bdag la stsol/ / zhes gsol ba btab pas yi ge nyi shu rtsa gnyis pa'i sngags brjod de/ sngags kyi dbang bskur bar bya'o/ /sngags kyi dbang ngo/ /de nas rdo rje'i brtul zhugs mi bskyod pa'i gzugs su dmigs te/ 'di de sangs rgyas thams cad nyid/ he ru ka dpal phyag na gnas/ /khyod kyis kyang ni rtag tu bcang/ /he ru ka dpal brtul zhugs brtan/ zhes pa 'dis hUM yig las skyes pa'i rdo rje sbyin par bya'o/ /oM sarba ta thA ga ta sid d+hi badzra sa ma ya tiSh+Tha e Sha twaM d+ha ra yA mi hI(rgyud 'grel): hi hi hi hi hUM/ zhes brjod de slob ma rdo rje'i brtul zhugs 'dzin du bzhug go /zhes pa rdo rje'i brtul zhugs sbyin pa'o/ /de nas dril bu'i brtul zhugs sbyin par bya ste/ oM badzra g+haN+Te ra Ne
- 78b
tA pra ra Ni tA saM pra ra Ni tA sarba bud d+ha k+She twa pra tsA li ni pradz+nyA pA ra mi tA nA da swa b+hA ba badzra d+harma h+ri da ya san to Sha NaM hUM hUM hUM phaT swAhA/ zhes pa dril bu'i brtul zhugs so/ /de nas kha TwAM ga dang Da ma ru dang thod pa'i brtul zhugs sbyin par bya ste/ kha TwAM ga dang cang te'u snod/ /dpa' bos byin pa 'di ni bzung/ /he ru ka dang la phyag rgya 'di/ /phyi dang nang du yang dag gnas/ /zhes pa'i tshigs su bcad pa 'dis/ /slob ma'i lag pa g.yas pa dang g.yon par sbyin par bya'o/ /kha TwAM ga dang cang te'u dang thod pa'i brtul zhugs so/ /de nas lung bstan pa/ rdo rje can gyi lag g.yon gyis/ /gri gug chos gos grwa bzung nas/ /lag pa mi 'jigs sbyin pas gnas/ /slob ma dbugs dbyung bstan par bya/ /'dir bdag 'khor lo gsum dbang phyug /rang nyid sangs rgyas kun rang bzhin/ /he ru ka dpal ming can gyi/ /de bzhin gshegs par khyod lung bstan/ /dpal he ru ka zhes bya ba'i de bzhin gshegs pa/ sid d+hi sa ma hwaM b+hur b+ha ba swa(rgyud 'grel): khams gsum pa yi rgyal srid che/ /dpal ldan yon tan 'byung gnas bdag /bdud kyi tshogs kun pam byas nas/ /grong khyer mchog tu khyod zhugs so/ /zhes pa lung bstan pa'o/ /de nas slar yang gsol ba gdab par bya ste/ /da ltar mtshan ma med pa ni/ /'gro ba'i bya ba byed 'gyur ba/ /phyir mi ldog pa'i dbang bskur che/ /dpa' bo chen pos bdag la stsol zhes gsol ba btab pa'i slob ma rgyan thams cad kyis brgyan pa mtho ba'i gdugs dang rgyal mtshan dang bla re rgyan pa shar gyi sgor seng ge'i stan la gnas pa'i pad+ma 'dab ma brgyad pa'i steng du rdo rje sems dpa' i gzugs su dmigs te/ hUM yig las skyes pa'i rdo rje bsgoms nas/ thog mdza' med pa'i sems dpa' ni/ /rdo rje sems dpa'
- 79a
dga' ba tshe/ /kun tu bzang po kun bdag nyid/ /rdo rje snyems ma'i bdag po'i bdag /ces pa 'dis sbyin par bya ste/ /bcom ldan 'das dpal mchog dang po'i skyes bu'o zhes pa'i de kho na nyid kyis bzung bar bya'o/ /de'i rjes su A(rgyud 'grel): yig las skyes pa'i dril du/ 'di de sangs rgyas thams cad kyi/ /shes rab dbyangs kyis rjes 'gror bshad/ /khyod kyis kyang ni rtag tu bcang/ /byang chub mchog tu rgyal bas bzhed/ / ces pa 'dis lag pa g.yon du sbyin no/ /srid pa ngo bo nyid kyis bdag /ngo bo nyid kyis srid bral byas/ /rang bzhin dag pa'i sems dpa' mchog /srid pa mchog ni mdzad pa yin/ zhes brjod cing slob mas kyang mngon par brjod par bya'o/ /de'i rjes su yid kyis lus brtan de nyid las/ /phyag rgya'i dam tshig rab tu brjod/ /gang gi lus ni thams cad brtan/ /des na phyag rgya rab tu bsgrags/ /ces pa 'dis rang gi 'dod pa'i lha'i lus nang gi phyag rgya chen por byin gyis brlabs nas 'khyud par bya'o/ /de nas 'khor lo gsum bdag po/ /ston pa ye shes sems dpa' yi/ /thugs ka'i sa bon 'od zer gyis/ /bskul ba'i rim pas bkug gyur pa'i/ / dpa' bo lha ma rnams kyis ni/ /bkur sti rgya chen rnams kyis mchod/ /de bzhin ye shes chus gang ba'i/ /bum thogs de bzhin gshegs rnams kyis/ /rdo rje 'chang dbang dbang bskur bar/ /dpa' bos rnam par bsam par bya'o/ /dbang bskur ba ni rdo rje che/ /khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /zhes sngags brjod de dbang bskur bya'o/ /ji ltar gsungs pa/
- 79b
bcu drug lo can shes rab la/ /log pa dag gis yang dag 'khyud/ /rdo rje dril bu mnyam sbyor las/ /slob dpon gyi ni dbang du 'dod/ /ces pa phyag rgya'i dam tshig go /de nas mi bskyod pa cod pan du 'gyur te dpa' bo dang lha mo dag gis byin gyis rlob par byed do/ /oM su pa tiSh+Tha badzre swAhA zhes pa'i sngags brjod do/ /de nas me tog la sogs pa'i mchod pa rnam pa sna tshogs ba rnams kyis 'di kun nas mchod par bya ste/ rnal 'byor ma chen mo rnams kyis ji ltar 'dod bar ro/ /de nas rdo rje can gyis bka' bsgo bar bya ste/ de nyid rig pa'i rnal 'byor pas/ /mi bya ba ni cung zad med/ /de nyid shes nas de nas ni/ /dpa' bos 'dod pa lnga spyod cig /bdag nyid dpa' bo kun rang bzhin/ /lha mo kun bdag rang nyid do/ /de phyir bdag gis thams cad bya/ /bdag nyid he ru ka dpal mchod/ /brten nas skyes pa'i chos can gyis/ /sems can gzugs brnyan rang bzhin no/ /khams gsum de ltar shes nas ni/ /sems can don ni dri med byos/ zhes pa bka' i'o/ /de nas bya ba byas slob mas/ /bla ma la ni yon phul te/ /skye bo dam pa 'dus pa la/ /bdag nyid kun gyis bstod phyag bya/ /phyir mi ldog pa'o/ /slob dpon gyi dbang ni phyir mi ldog pa'i dbang zhes brjod la/ dbang lnga dang slob dpon gyi dbang yang bum pa'i dbang du brjod de/ thams cad du bum pa rnams kyi bya ba yin pa'i phyir/ /dbang bskur ba drug po 'di rnams rgyud thams cad du mi 'gal lo/ /de ltar slob dpon du dbang bskur bas sku rdo rje rnam par sbyangs nas/ de'i rjes su yol ba la sogs pa rnams kyis dben par byas pa'i phyogs su slob ma rang gi sems dga' ba/ gzugs dang lang chos brgyan pa/ dam
- 80a
tshig dang sdom pa'i skal pa can/ rigs lnga so sor bcings pa'i me tog dang ldan pa'i shes rab ma/ bla ma la gsang dbang bskur ba'i don du phul te/ de la bdag nyid 'brel pa spangs pa'i dus su/ bla ma la btud nas pus mo btsugs thal mo sbyar te/ 'khor lo'i mdun du bya ba byas/ /'khor lo'i spyan ni bla ma che/ /dpa' bos de nyid la btud nas/ /de nas gsang don don gnyer bya/ /skyob pa skyabs med rnams kyi skyabs// 'khor lo sdom pa bdag skyobs mdzod/ /rgyu med par ni thugs rjes che/ /mgon med bdag gi mgon mdzod cig /bdag nyid chen po khyed ji ltar/ /khyab bdag bdag kyang de ltar mdzod/ /'khor ba'i 'dam gyi tshogs su ni/ /byang ba bdag la skyabs mdzod cig /ces pa'i tshigs su bcad pa gnyis po 'dis gsol ba gdab par bya'o/ /de'i rjes su rim gyis bsgoms sam/ /skad cig gis bdag nyid dpal he ru kar bsgoms te/ slob mas phul ba'i shes rab ma rdo rje phag mo'i rnal 'byor gyis sprul pa la go cha chen po la sogs pa rnams kyis go bgos nas/ /de bzhin du sku gsung thugs byin gyis brlab cing kye'i rdo rje las bshad pa/ rdo rje pad+ma byin gyis brlab ste/ hUM yig las rdo rje/ bya yig las nor bu rtse mor byA yig ser pos dang/ A yig las pad+ma 'dab ma gsum pa byA yig las ze'u 'bru dkar po rtse mor dyA yig ser pos byin gyis brlab cing/ ji ltar gnas pa'i bcom ldan 'das dang bcom ldan 'das ma'i sngags kyis tsum pa na 'am/ dkyil 'khor gyi dbus sam dkyil 'khor dang nye bar shing dang gas kyi khri la sogs pa'i bde ba'i mal du bzhag ste/ mtshan phyed kyi dus su gsang ba'i dbang bskur brtsam par bya ste/ de bzhin du rdo rje
- 80b
pad+ma 'byed pa la sogs pa'i bya bas 'dzag pa'i gnas skabs su/ gdong g.yogs bcings pa'i slob ma'i mgo bo dang/ dpral ba dang mig gnyis dang kha dang mgrin pa dang/ snying ga ste gnas bdun du snying po dang nye ba'i snying po dang/ phreng sngags brjod cing rdo rje dang pad+mas dbang bskur ba sbyin par bya'o/ /de gnyis ka'i dus tshang rdzogs pa dang gsang ba'i de nyid las mthe bong dang ming med dag gis bcing? te/ zhes pa des na rdo rje dang pad+ma yiso/ /slob ma 'od dpag tu med pa'i bdag nyid/ /a ho shin tu bde chen nyid/ /bstan la ston ba yang dag brjod/ /kun rtog bcom pa'i slob ma yis/ /pad+mar gnas de kun tu spyad/ /'das pa'i rdo rje 'chang sogs kyis/ /ji ltar sangs rgyas sras dbang bskur/ /de bzhin du ni byang chub sems/ /mdzes pas bu khyod dbang bskur ro/ /gsang ba'i dbang bskur ba'i dus su slob ma dang shes rab ma rnams kyang mig dar bcings te mig gnyis la oM yig gnyis bsam mo/ /oM rdo rje sems dpa' rang nyid dang/ khyod kyi mig ni 'byed par brtson zhes pa la sogs pa brjod pas phye ste dkyil 'khor bstan nas dkyil 'khor kyi 'khor lo'i rnam pa nA da las skyes so/ /zhes de kho na nyid bsgrag par bya'o/ /gsang ba'i dbang bskur bas gsung rdo rje rnam par sbyar bar bya'o zhes pa gsang ba'i dbang bskur ba'i cho ga'o/ /de'i rjes su yan lag lngas slob dpon la phyag byas nas pus mo g.yas pa'i lha pas la btsugs te/ ka po ta'i thal mos mdun du 'dug ste sngar brjod pa'i tshigs su bcad pa gnyis kyis gsol ba gdab ste/ de'i lag par shes rab ma'i lag pa bzhag nas/ dpa' mo dang dpa' bo'i tshogs thams cad dbang du byas te/ rdo rje'i spyi bor bzhag nas bla ma rdo rje can gyis brjod par bya
- 81a
ste/ /lha mo 'di ni phyag rgya che/ /mdza' yas bde ba sbyin pa mo/ /bu yis rnam pa kun tu zung/ /mchod pa bla na med pa gyis/ zhes brjod nas sbyin par bya'o/ /de yang gur kum dang tsan dan gyis byug pa/ dri bzang po'i me tog gi phreng bas nye bar mdzes par/ /gos med par rang gi chu skyes gsal bar ston par byed do/ /de de ma thag tu/ lha mo de dpa' bo'i pu la bla na med pa'i bka' bsgo bar byed de/ dpa' bo byang chub sems za bar/ /khyod ni spro ba yin nam ni/ /rigs pA las ni rab byung ba/ /rig ma mchong? ba la gus sam/ /rin chen dri chu stobs khrag sogs/ /nga lta za bar yid ches sam/ /gzhan yang lha yi dam tshig ni/ /ji ltar 'dod pa smros shig bu zhes so/ /slob mas 'di skad brjod de/ dam tshig la sogs 'dzin par ni/ /lha mo bdag ni cis ni spro/ /bud med rnams la rtag gus dang/ /pad+ma mchod par cis mi bgyid/ /de nas lha mo de dga' ste/ /skra grol gos dang lhan cig tu/ /rnam par rgyas pa'i pad+ma ni/ /bstan te b+ha dza pad+ma ho/ /e ma bdag gi pad+ma 'di/ /bde ba thams cad yang dag ldan/ /gang zhig chogs sten byed pa/ /de yi mdun na bdag gnas so/ /sangs rgyas gnyis? pa la sogs pa/ /pad+mar bya ba ji bzhin gyis/ /bde chen rgyal po rang nyid ni/ /'di nyid du ni rtag tu bzhugs/ /b+ha dza mok+Sha haM(rgyud 'grel): zhes so/ /de ma thag tu slob mas shes rab ye shes kyi dbang bskur ba'i don du/ dkyil 'khor dang bla ma la btud nas/ /dkyil 'khor la g.yon skor gyis bskor ba gsum byas te/ slar yang de bzhin nyid du brtsams par bya ba nyid kyi phyir yang rtsom pa 'jug go /bdag nyid dpal 'khor lo sdom pa'i gzugs kyis dang/
- 81b
de yang rdo rje phag mo'i gzugs kyi rdzogs par bya ste go chen po la sogs pa rnams kyi go bgos nas?/ rdo rje dang pad+ma dag ji ltar brjod pa'i sa bon las yongs su gyur par byin gyis brlab pa yang byas nas g.yon ngos su 'jug pa'i rtsa bla mas bstan pa la brten nas sor mo la brten bsgul te/ oM sarba ta thA ga? ta a nu rA ga N+ya? badzra swab+hA ba At+ma ko? haM? zhes brjod pas pad+ma la rdo rje bzhag ste shin tu dga' ba'i bstan bcos byad pa'i bya bas bla ma'i mdun du thob pa'i gsang ba'i dbang nyid la yang/ /shes rab ma la ji ltar gnas pa bzung ba'i brdas slob? mas shes rab ye shes nyams su myong ba yin la/ /bla mas kyang brda las slob ma'i bde ba nyams su myong ba nges par rtags so/ /dbang bskur ba ni rdo rje che/ /khams gsum pa yis phyag byas pa/ /sangs rgyas kun gyi gsang gsum pa'i/ /gnas las byung ba sbyin par bya/ zhes brjod cing bskur bar bya'o/ /de nas bcom ldan 'das ma de mnyes nas/ /bsten ba gsang sngags brjod pa mos/ /mgo bor lag pa g.yon byin nas/ /rjes su gnang ba bstan par bya/ /deng nas bzung ste bu khyed kyis/ /ji srid byang chub snying po'i par/ /rmi lam bzhin du 'bro kun gyi/ /don ni bdag nyid kun gyis byos/ zhes shes rab ye shes kyi dbang bskur bas thugs rdo rje rnam par sbyang bar bya'o zhes shes rab ye shes kyis dbang bskur za'i cho ga'o// //rim pa gsum po 'di yi mchog /man ngag gis ni 'dir shes bya/ /'di ni rang nyid gsal ba ste/ /phyi rol yul ni spangs pa'o/ /rig 'di gor? nas de nas ni/ /thabs gzhan gyis ni sangs rgyas med/ /brtul zhugs rnams kyi mchog gi mchog /rig ma'i brtul zhugs spyad cig bu /zhes
- 82a
pa rig pa'i brtul zhugs so/ /chu sogs phyir mi ldog pa'i mdza' / /slob dpon dbang du bshad pa ste/ /phyi rol bstan pa gang 'di dag thams cad nang du gnas pa'o/ /kun tu spyod pa'i rim dbye las/ /dpa' po man ngag las shes bya/ /gang tshe dbang bzhi bstan rnams kyi/ /brtul zhugs can ni dbang bskur 'gyur/ /de tshe de nyid ces bya 'di/ /bsam med chos ni thob phyir ro /phyi dang nang du yang dag bshad/ /phyi dang nang gi rang ngo bo/ /chos rnams kun gyi ngo bo ste/ /bsam gyis mi khyab ces bshad ngo/ /snang ba med cing skye ba med/ /ngag gi lam min gnas med pa/ /de nyid lnga pa rdzogs pa'i rim/ /lhan cig skyes pa mi zad pa'o// bsam gyis mi khyab mdza' yas sogs/ /de ni brtan g.yo 'gro bdag nyid/ /bdag med nyid kyis bdag tu gnas/ /dpa' bo bde ba chen po rtogs/ zhes pa de kho na nyid kyi man ngag go /de ltar dbang bskur ba mdza' dag yang dag par thob pa'i slob ma bya ba byas pa yang dag par shes pa sems mngon par dang bas bla ma la yon dbul bar bya ste/ de nas de bzhin gshegs gsungs pa'i/ /yon ni bla ma la dbul bya/ /stong phrag brgya yi gser dang ni/ / rin chen rnam pa sna tshogs dang/ /gos zung brgya phrag nyid dang ni/ /glang po rta dang yul 'khor dang/ /rna rgyan dang ni gdu bu dang/ /mgul rgyan dang ni sor gdub mchag /gser las byas pa'i mchod phyir thogs/ /rang gi chung ma'am bu mo dang/ /dran dang bran mo srid mo dang/ /bcas pa'ang bsgrubs nas dbul bar bya/ /bdag kyang dngos po thams cad kyis/ /rtag tu bla ma la dbul bya/ /deng nas btsams te bdag bran du/ /khyod la bdag gis yul
- 82b
ba lags/ /de ltar cho ga de byas nas/ /sgrub pos shin tu nges pa nyid// //yon phul ba'i phan yon gsungs pa/ /de nas de ni mnyes byed pa/ /gang yang mkha' 'gro lA ma nyid/ /dum skyes ma yang khyad par du/ /mkha' 'gro ma rnams rnal 'byor yum/ /sgrub por bcas pa'i mkha' 'gro ma/ /kun gyiS 'gro 'di rnam par spyod/ /kun tu sgrub pa po de yi/ /bran du 'gyur bar the tshom med/ /'jig rten gsum kyis mi bzlog pa'i/ /'di yi rnal 'byor 'grub par 'gyur/ /mi snang ba dang khur bur gnas/ /mkha' spyong rkang byug bcud len nyid/ /sgrub pa ? yi 'dod pa ni/ /rtag tu brtan par 'gyur ba ste/ /gzugs rnams du mar byed pa dag/ /nam mkha' la ni 'gro bar byed/ /mkha' 'gro ma yang khyad par du/ /kun tu skye bo nges 'dul byed/ /lan cig? mthong ba'i sbyor ba yis/ /skad cig rnal 'byor nyid du 'gyur/ /mngon par dbang bskur ba med pa'i nga rgyal gyi rnal 'byor la dgos pa med par lta bar gsungs pa/ sngags pa dkyil 'khor ma mthong ba/ /gang zhig rnal 'byor nyid 'dod byed/ /mkha' la khu tshur bsnun pa dang/ /smig rgyu la ni 'thung bar byed /sbyin sreg byas shing gtor ma sbyin byas nas/ /dam pa'i skye bo 'dus par gyur pa la/ dge 'dun ston mo byas nas de nas ni/ /dman dang mgon med rnams kyang tshim par bya zhes/ /ma lus 'gro la phan ched du/ /'di bris pa yi bsod nams kyis /gang tshe bdud kyis tshogs bcom na/ /thams cad he ru ka dpal gyur// //dpal 'khor lo sdom pa'i dbang gi bya ba'i rim pa/ paN+Ti ta chen po slob dpon rtag pa'i rdo rje'i zhabs kyis mdzad pa rdzogs so// //'di ni lo tsa ba chen po thams cad mkhyen pa
- 83a
bu sngon zhabs kyis bka' drin las/ /brda sprod pa'i tshul la blo'i snang ba cung zad skyes pa shAkya'i dge skong d+harmma sh+rI b+ha dras 'dren pa dam pa de nyid kyi bka' spyi bos blangs te/ dpal mar me mdzad ye shes kyis byin gyis brlabs da'i gnas zha lu ri phug tu bsgyur ba'o// //'phags pa kun tu bzang po la phyag 'tshal lo/ /sdom ni/ thab khung? bcas te ri mo bri/ /bud shing brtsigs te lnga yis mchod/ /dzwa las me swar? lha bskyed cing/ /e hi sogs kyis ye shes gzhug /sarbbas yungs kar chu than gyis/ /rdul bsal suM b+has bsang ba bya/ /argaM la sogs phul nas ni/ /age mar gyi sreg blugs gsum/ /dbul lo til dang mnyam sa 'bras/ /sarbba dang ni puSh+Tas dbul/ /gtso bo gsum las khyad par bsre/ /sarbba saM pa da sngags kyis ni/ /zho zan bu ram las sbyar bsreg /du rab? me tog bcas pa ni/ /badzra A yus bsreg par bya/ /a pra ti yis ku sha dang/ /yam shing til gyi sna? la'o/ /'bru dang 'bras gzhan? ji snyed pa/ /skabs? 'dir skur? bzhin gsum gsum dbul/ /na ma(rgyud 'grel): a ner bcas pa yis/ /par+Na hur ti dbul bar bya/ /dung chos chu yis bsangs nas ni/ /lnga yis mchod de zhu bar bsam/ /der ni rten dang brten par bcas/ /dkyil 'khor man ngag bzhin du bsam/ /bsang ba arga la sogs pa/ /sngar bzhin rnam pa lnga yis mchod/ /ye shes lnga yis gsang sngagS kyis/ /yam shing ku sha ma gtogs pa/ /pur+Na hur ti'i mthar thug pa/ /rdzas rnams sngar bzhin bsreg par bya/ /pur+Na rkang pa brgyad pas so/ /bsgrub pa'i sbyin sreg 'di ru bskyar/ /min na de'i rjes bsdus lhag bsreg /
Colophon
dpal 'khor lo sdom pa'i dbang gi bya ba'i rim pa/_/paN+Di ta chen po slob dpon rtag pa'i rdo rje'i zhabs kyis mdzad pa rdzogs so/_/'di ni lo tsA ba chen po thams cad mkhyen pa bu ston zhabs kyis bka' drin las/_/brda sprod pa'i tshul la blo'i snang bcung zad skyes pa shAkya'i dge slong d+harma shrI b+ha dras 'dren pa dam pa de nyid kyi bka' spyi bos blangs te/_/dpal mar me mdzad ye shes kyis brlabs pa'i gnas zha lu ri phug tu bsgyur ba'o