MW21521_56BB23མན་ངག་ཨ་ཏི་ཡོ་གའི་ཆོས་སྐོར།All versions of this work

rma bya 'jing bsnol gyi rgyud las_/_'bras bu bla na med pa'i theg pa

Text

ff. 70a–79b · 20 folio sides

  1. 70a

    kyi sbyin pa dang chos mi sbyin pa brtags pa'i le'u ste bco lnga pa'o// // srog gi 'byung ba zhes bya ba'i rgyud kyi rgyal po chen po rdzogs so// // rgya gar gyi mkhan po gzhon nu bum pa'i zhabs kyis bsgyur ba'o// / rgya gar skad du kring kring ra tsa sa da na tan+t+ra bo d+hi tsit+ta d+harmA nA ma/ bod skad du/ rma bya 'jing bsnol gyi rgyud las/ 'bras bu bla na med pa'i theg pa/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das 'og min gyi gnas snying po byang chub na bzhugs pa'i sku rdo rje sems dpa' la gzigs nas/ kye ma thugs rje chen po bdag gi gdung brgyud 'dzin pa'i byang chub sems dpa' rnams la 'bras bu bla na med pa'i theg pa ji ltar bstan par bya zhes zhus pas/ rdo rje 'dzin pa khyod nyon cig/ 'bras bu bla na med pa'i/ theg pa la spyir lnga ste/ de yang gzhi lam 'bras bu rnam gsum gyis don nges par byed pa/ de gzhi dngos po'i 'dug tshul gyi le'us sems can thams cad kyi don ma 'gyur bar bstan pa dang / de'i don nges par byed pa lam la gnas pa mnyam pa nyid kyi le'us chos ji bzhin mar bzhag pa bstan pa dang / 'bras bu rang rig pa'i ye shes rtog pa mngon du byed pa bstan pa dang //

  2. 70b

    de yang spyod pa rnam par dag pa 'dam gyi pad+ma ltar bstan pa'i le'us 'phral byung gi rnam rtog chos nyid du bstan pa dang / yon tan gyi rtsa la ma 'gag pa dang / nam mkha' sprin dang char gyi tshul du bstan pa'i le'us gzhan don mthar phyin par bstan pa'i le'u ste dang po'o// // bcom ldan 'das mya ngan med pa'i dpal la phyag 'tshal lo// gzhi rtsa med pa'i chos nyid byang chub sems// zab cing phra bas dpag pa'i yul las 'das// yangs shing khyab pas nam mkha'i mtha' dang mnyam// sbom zhing rags pas snang srid dbang du sdud// de 'dra'i chos sku bla med byang chub sems// ma byung ma skyes 'od kyi snying po can// 'gro ba yongs kyi dpal mgon byang chub sems// sgra dang tha snyad tshig gi spyod yul min// dpag med bsam 'das mi gnas mya ngan 'das// don gyi snying po bla med byang chub sems// smra bsam brjod med rig pas pha rol phyin// mi skye mi 'gag rang rig byang chub sems// mi gnas bdag med ye nas rnam par dag/ ma bcos lhan grub snying po byang chub mchog/ ci yang snang bas bde chen longs spyod skra// ra du byung ye shes sprul skra byang chub sems// bdag med phyogs bral don dam lhun gyis rdzogs// nyag gcig ma 'gags snying po byang chub sems// ma bskyod dbyings nas

  3. 71a

    rang byung kun la khyab// mkha' ltar dngos med zhi ba gcig tu grags// nyi ma'i snying po dngos med mya ngan 'das// rang 'byung 'gag med skar tshegs grangs mang yang // bdag nyid chen po mi 'gyur bdag nyid sku// thugs rje thabs mkhas nam mkha' sprin gyi tshul// phan gnod yod med snying po ya ma brla// las dang thugs rje nam mkha' sprin gyi tshul// gzhi rtsa med pa'i chos nyid byang chub sems// rig pa'i rtsal chen ma 'gags rang bzhin yongs la khyab// rdo rje sems dpa'i thugs rje 'od po che// nyi ma thag dang chu sprin ga pur bzhin// rdo rje sems dpa'i zhal tshems nyag gcig ma// dga' rab rdo rje mkhas pa'i skyes mchog gis// las phro skal bar ldan pa'i thugs rgyud las// bsnan 'bri med pa'i rin chen gter 'di 'tshong // snod ngan bu dang rgyu ngan slob ma la// chu srin gre ba bzhin du dam du sdom// zhes bka' stsal to// de nas byang chub sems dpa' sems dpa' chen pos/ rgyud dag pa'i rdo rje sems dpa' la zhu ba drug zhus pa/ kye thugs rje chen po/ khams gsum gyi sems can thams cad ni/ nad pa lta bu'o// dug lta bu'o// ro myags kyi 'dam rdzab lta bu'o// mun pa lta bu'o// 'byor rtsi lta bu'o// tsher ma lta bu'o// rdo rje

  4. 71b

    'dzin pa nyon cig/ ngas gdams pa'i tshig gsum bstan gyis/ legs par yid la zung zhig/ 'khor ba'i rgya mtsho mtha' rings rnam par dag pa'i zhing du bsgral ba dang / 'khor ba'i 'dam rdzab la rdo rje'i rdzong bca' ba dang / sdug bsngal gyi bye brag nor bu rin po cher 'gyur ba dang gsum las// rigs kyi bu phyi snod kyi 'jig rten thams cad 'byung ba lngas bsdus pa thams cad 'byung byung gi dus na sangs rgyas kyi zhing yongs su dag pa/ ma byas par snang ba/ bde zhing yangs pa/ zug rngu med pa/ rgya yongs su ma chad/ tshig dang dbang po'i spyod yul med pa/ brjod bya thams cad las 'das pa/ 'das zhes bya ba yang ming gi rnam grangs te/ de la ci yang mi gnas pa des ni 'khor ba'i rgya mtsho mtha' ring ba rnam par dag pa'i zhing du bsgral ba'o// khams gsum gyi sems can thams cad sdug bsngal gyi gur chud/ ma rig pa'i rgyar 'thums nas sdug bsngal bar gnas kyang / snying po byang chub kyi sems rang 'byung gis 'od gsal ba/ rgyu rkyen med par ka dag pas rdo rje lta bu'i ye shes la gnas su rung gis/ gdos pa can shes rab kyi snying po med pa ni ma yin no// rgyu drug gi sems can thams cad rdo rje snying po'i sku dri ma med par gnas pas

  5. 72a

    yongs la khyab pa/ gzhan dbang du ma gyur pa/ zad cing bri ba med pas rgya ma chad pa/ thabs kyis rgyal po stobs kyi rig pa shar bas 'khor ba nyid rang byung gi ye shes su ka dag/ sdug bsngal gyi 'dam rdzab nyid chos nyid bde ba chen por rang dag pas 'khor ba'i 'dam rdzab la rdo rje'i rdzong bcas pa'o// rigs kyi bu nyon cig/ sems can thams cad la dus gsum du shes par bya'o// ye shes kyi lus sdug bsngal sdug bsngal gyi mtha' las grol ba'o// bag chags smin pa'i lus sha khrag gi gdos pa can gnyis 'brel sems kyi lus bde sdug gnyis 'dzin/ gzhi shes pa chos kyi ska la bag chags kyi nad med kyang / rnam rtog sems kyi yul las bag chags nang du langs pas/ gso byed sman pa'i rgyal pos bzang drug sman gyis gso zhes 'byung ste/ ma rig pa 'khor ba'i nad rig pa mya ngan las 'das pas gso// rnam rtog dug lta bu'i nad chos ye shes kyi bdud rtsi chen pos gso// sdug bsngal 'dam rdzab chen po'i nad bde ba chen po'i zag pa med pa'i ye shes kyis gso/ gti mu ga mun pa lta bu'i nad shes rab mar me rlung gis ma bskyod pa lta bus gso/ bag chags sbor rtsi lta bu'i nad rang bzhin med pa man shel lta bus gso// rtog pa rtsing zhi ba

  6. 72b

    zug rngu tsher ma lta bu'i nad mnyam pa nyid mi g.yo ba rgya mtsho lta bus gso// de ni sdug bsngal gyi bye brag nor bu rin po che ltar bsgyur ba zhes bya'o// zhes byang chub kyi sems rma bya 'jing bsnol gyi rgyud las/ gzhi chos sku'i rang bzhin bstan pa'i le'u ste gnyis pa'o// // de nas byang chub sems dpa' sems dpa' chen pos yang zhus pa/ kye ma bcom ldan rdo rje 'chang // zag med lam la rab gnas pa'i// de bzhin gshegs pa'i bsam gtan gyis// blo dngos gnyis med sbyor ba ni// sangs rgyas nyid kyi dgongs pa ste// thabs la mkhas pas bstan du gsol// zhes zhus pas/ rdo rje 'dzin pa khyod nyon cig/ dri ba dris pa legs so// de bzhin gshegs pa'i dgongs pa dpag tu med kyang sems can gyi blo'i bye brag dang sbyar nas/ chos ji bzhin ma la blo de bzhin ma gnas pa'i ched du/ mar me'i sdong bu la mar ma'i sdong bu bsnan pa'i tshul du ma bcos ji bzhin gnas na de bzhin nyag gcig ma zhes bya'o// de yang lung las/ bstan bya ston byed gnyis yod na// bsgom bya sgom byed ci phyir mi na// zhes 'byung ste/ byang chub kyi snying po la byang chub kyi snying po bstan te/ snying po bstan par bya ba'i don du/ dus rtag tu snying po la gnas par bya'o// rtogs pa'i don shes bya ma

  7. 73a

    ma 'gags kyang / bka' lung gi phyi mo rang rgyud la mi gsal gyi bar du/ shes bya la gsal gdab cing ting nge 'dzin la gnas par bya'o// byang chub snying po 'gyur med chos kyi sku// gzhan nas ma btsal sems nyid mngon sangs rgyas// rang la gnas pa'i don de sems kyi sems la ltos// ma byung ma skyes rang 'byung chos kyi sku mi g.yo mi 'gyur mnyam pa chen por gzhag/ gsal ba rtog med ye shes chos kyi sku// ma bcos bde ba chen po'i ngang du gzhag/ sku gsum lhun grub bkod pa rgyan gyi sku// bde chen 'du 'bral med pa'i ngang la gzhag/ thig le nyag gcig rang bzhin spros dang bralo// sna tshogs shar kyang nyag gcig nyid du bsgom// nam mkha'i mthong nas gsal ba'i nyi/ shar bzhin// skye med dbyings nas rang 'byung 'od gsal ba// thugs rje sprul pa'i 'od zer 'phro bar bsgom// snang srid rnam dag pad+mo'i dkyil 'khor nas// bskyed rdzogs rnam gsum mi chags ma btsal lhun gyis rdzogs// bsod nams ye shes tshogs rdzogs dag pa'i sku// kun tu bzang po'i mdzad spyod rdzogs par bsgom// sgrib gnyis ma byang tshogs gnyis lhun gyis rdzogs// man shel sku ltar dri med gdod nas dag/ rnam rtog skon bral ye shes lhun gyis grub// rang 'byung rdo rje snying po yin pa

  8. 73b

    bsgom/ ma bcos chos sku kun gzhi byang chub sems// sa la ma bgrod lam la mi gnas kyang // rtog pa gdeng du ma gyur bar du bsgom// sangs rgyas nya ga gcig tshes la mi gnas kyang // 'khrul rtog spang phyir chos nyid ngang du bsgom// dug lnga ye shes lnga ru sangs rgyas kyang // rnam grol zag med lnga ru gsal bar bsgom// 'byung lnga lha mo lnga ru sangs rgyas kyang // mdzes pa'i lha mo sprul skar gsal bar bsgom// snang srid rnam dag brjod pa las 'das kyang // zhing khams rnam dag chos sku'i yul du bsgom// byang chub sems la skye shi mi mnga' yang // 'du 'bral med pa'i rgyan gyi theg pa bsgom// snod bcud dngos po ye nas rnam dag kyang // ci la mo chags mi rtog ting 'dzin bsgom// 'khor dang longs spyod skar tshogs brgyan pa yang // ci la ma chags rang bzhin rnam dag bsgom// sgyu ma'i phung po ye shes gnas yin kyang // ma chags mi gnas btang snyoms chen por gzhag/ kun gzhi rnam shes sku la mi 'khor bas// rang byung ye shes bdag med mya ngan 'das// rtag chad tshig las 'das par sun phyung nas// mtho dman glong du rab tu khong bsnyams te// mnyam pa chen pos mnyam las 'das par bsgom// brjod pa'i tha snyad las 'das

  9. 74a

    rtogs pa na// rnam dag byang chub dbyings kyi bsgom pa yin// ces byang chub kyi sems rma bya 'jing bsnol gyi rgyud las/ gzhi lam dang bcas pa'i le'u ste gsum pa'o// // de nas yang byang chub sems dpa' sems dpa' chen pos zhus pa/ ston pa thugs rje che mnga' bas// 'gro ba mgon por de bzhin gshegs// gzhi lam gnyis su med pa yi// lam gyi 'bras bu bshad du gsol// zhes zhus te/ rigs kyi bu nyon cig/ dri ba dris pa de legs so// yang dag par rdzogs pa'i sangs rgyas kyi gdams pa rin po che ni brjod pa thog tu mi phebs shing bstan par dka' na yang / ngas re zhig mtshon pa'i phyog 'ga' tsam smra yis/ legs par yid la zung zhig/ rigs kyi bu 'bras bu bla na med pa ni gud nas mi 'byung ngo // gzhi lam gnyis su med par mnyam pa'i dus na/ de bzhin gshegs pa'i bsam gtan zhes bya ste/ lhag mthong dang zhi gnas gnyis su med nas rang byung gi ye shes mar me rlung gis ma bskyod pa ltar shes bya nyams su myong na/ gzhi lam 'bras bu mthar phyin sangs rgyas nyag gcig ma zhes bya ste/ ye shes dbyings na gsal na 'bras bu nyag gcig ma// dbyings nyid rig par shes na 'bras bu nyag gcig ma//

  10. 74b

    gzugs ska 'od du shar na 'bras bu nyag gcig ma// bde chen zag pa med na 'bras bu nya ga gcig ma// snang srid dbang du 'das na 'bras bu nya ga gcig ma// ting 'dzin ro la chags na 'bras bu nyag gcig ma// 'khor ba rang bzhin med na 'bras bu nyag gcig ma// mtshan ma zil gyis non na 'bras bu bde ba che// zhes pa'i don to// rgyu chos kyi sku la 'bras bu gzugs sku gnyis byung ba ya / thig le'i rtsa la ma 'gags pa yin te/ de yang rgyu 'bras dbyer mi phyed par rtsa la nyid rtsal du shes pa'i dus na/ 'bras bu sku gsung thugs mthar phyin pa'o// sku gsum ye shes rang 'byung du shar nas ye shes gzugs kyi skur snang la/ gzugs nyid rang bzhin rnam par dag ste mtshan ma lo 'das na 'bras bu ye shes su grub pa'o// ngo bo nyid kyi snang ba sna tshogs yang grags tshod du me long g.ya' dag pa ltar bstan kyang don spros pa dang bral/ rang bzhin rnam par dag na 'bras bu mi gnas pa'i ye shes chen po zhes bya'o// mtshan ma dang bral ba chos nyid sku/ bya ba thams cad dang grol na 'bras bu bla na med pa zhes bya'o// phyir mi ldog pa'i lung nges pa bka' lung gi phyi mo las/ yo ji bzhin ma'i rdo rje 'chang chen po rgyud dag pa'i rdo rje 'chang la snang ba'i dus na/ rgyu 'bras dbyer

  11. 75a

    mi byed pa'i rang byung gi bcom ldan 'das zhes bya ste/ rgyud dag pa'i dbyings nyid nas 'bras bu ye shes dkyil 'khor rang snang ba'i dus na/ rgyu 'bras kyi chos thams cad mi phyed pas/ sangs rgyas mar me mdzad stong gi gtsug pud rin po che zhes bya bar grags te/ 'bras bu mthar phyin pa'o// rang gi shes bya mthar phyin pa'i dus su bdud dang mu stegs kyis glags mi rnyed la/ phywa dang dbang phyug gis grogs sbyar med de/ rgyal mtshan gyi rtse mo ltar nub pa med cing / nor bu rin po che ltar zad mi shes la/ shes bya rang gi ngo bo la shes bya rang gi ngo bos dbang bskur ba'i dus na/ 'phags pa gtsug tor dri ma med pa zhes grags so// byang chub kyi sems la byang chub kyi sems gnas pa'i dus su/ rgya mtsho chen por chu bran 'du ba'i tshul te/ chos nyid skye ba med pa'i glong du chos can mtshan mar snang ba thams cad rang bzhin gyis rnam par dag pas/ byang chub sems dpa' kun tu bzang po zhes grags so// chos thams cad la dbye ba med cing bzang ngan du mi lta/ bdag dang gzhan du mi lta ba'i dus na nam mkha' dang nyi ma'i tshul te/ byang chub sems dpa' byams pa kun gzigs zhes grags so// chos thams cad du gang la yang mi len/ gang yang mi dor/ gang gis/

  12. 75b

    kyang mi sgrib/ gang gis kyang grogs mi nus/ gang la yang mi brten/ gang du yang ma gol/ rang bzhin rnam par dag pas mtha' med/ shes bya'i ngo bo la ma bsgribs yongs su gsal bas chad pa'i mtha' med pas/ 'phags pa nam mkha'i snying po zhes grags so// zhes byang chub kyi sems rma bya 'jing bsnol gyi rgyud las gzhi lam 'bras bu rnam pa gsum mthar phyin par bstan pa'i le'u ste bzhi pa'o// // de nas byang chub sems dpa' sems dpa' chen pos yang zhus pa/ 'jam dpal gzhon nu dpa' bo mchog/ gzhi lam 'bras bu mthar phyin pas// nyon mongs 'khor ba'i rgyun bcad de// dag pa'i zhing du yang dag bsgral rnam rtog dpa' bo zil gyis mnan pa'i phyir// gcod pa'i tshul khrims bshad du gsol// ces zhus te/ rdo rje 'dzin pa nga la nyon// spyod pa rnam pa gsum du brtags// glang po che lam du zhugs pa'i spyod pa dang / smon pa snying stor dran pa med pa'i spyod pa dang / shad ma bye'u chung lta bu'i spyod pa'o// de'i grogs gsum la/ 'dam gyi pad+ma'i me tog dang / bya ti ba tshang du 'jug pa dang / bu gcig pa'i ma lta bu ste/ de ni rnal 'byor chen po'i spyod pa yin/ dpa' brtul stag gi/

  13. 76a

    spyod pa dang / brtul zhugs pag gi spyod pa dang / chags med bung ba'i spyod pa dang / dbang sdud mu stegs kyi spyod pa dang / bde ba mthun 'jug gi spyod pa'o// de ni rnal 'byor 'bring gi spyod pa yin no// dman pa phyag dar khrod pa'i spyod pa dang / mtshon pa nyams myong gis brtan pa dang / 'dod pa bya'i spyod pa'o// de ni rnal 'byor tha ma'i spyod pa'o// bcom ldan 'das kyis bka' stsal pa/ lta ba glong du gyur pa'i spyod pa ni/ tha mal gyi shes pa'o// zhes thugs kyi rgyud nas kyang bshad pa'o// chos nyid glong du gyur pa'i spyod pa ni/ ci la yang ma chags ma zhen pa'o// nyams myong rgyud la skyes pa'i spyod pa ni/ srab la phyar pa'o// brtul zhugs bcos pa'i spyod pa ni/ bya ri skegs lta bu'i ste ma nges pa'o// zhes gsungs so// byang chub sems dpa'i spyod pa'i mtha' ni ma bcos pa'o// rang bzhin rnam par dag pa'i dus na ci la yang ma zhen pa'i spyod pa rnam par dag pa'o// bde ba chen po'i yul shar ba'i dus su/ zug rngu'i mtha' rang bzhin gyis 'gag pa'o// shes rab khyad par can rgyud la skyes pa'i dus na/ snying rje chen po khyad par can gyi spyod pa skye bar 'gyur ro// 'dod pa med pa 'gro ba ris drug gi gnas yul du snang ba'i dus su/ chos thams

  14. 76b

    cad ci la yang ma chags pa'i spyod pa skye bar 'gyur ro// sangs rgyas kyi zhing yongs su dag pa yul du snang ba'i dus su/ thun mong gi dngos po 'gag nas ngo tsha ba dang bag tsha ba'i 'du shes med de/ tshig nam mkha' la khungs 'don cing spyan nam mkha' la gzigs te/ mdzub mo nam mkha' la gtod pa'i spyod pa 'char ro// chos kyi skus sprul pa'i sku nyam su bskur ba'i dus su/ lus la grang dro dang na tsha med cing gcer bu'i spyod pa shugs 'byung du 'char te nam mkha'i ri mo la khung 'don pa'o// zag pa med pa'i ting nge 'dzin gyi ro nyams su myong ba'i dus su/ zas kyi 'du shes chung zhing grogs la mi chags par ri dgas rma na ma ltar gcig pu ri su la 'grim pa'i spyod pa 'char ro// sems ye shes kyi dbang du 'dus shing snang ba chos nyid kyi dbang du 'dus pa'i dus na/ nam mkha' la 'gro ba dang / chu la mi nub par 'gro ba dang / gzhan gyi mi snang ba'i rtsal la spyod par 'gyur ro// rig pa dbyings la shar ba'i dus su/ yul gzhan dag gi snang ba mthong bar 'gyur ro// sems las su rung ba'i dus su/ gzhan gyi sems shes shing dngos po thams cad la brdzun du snang bar 'gyur ro// chos nyid stong pa nyid las su rung ba'i dus su/ phyi'i 'byung ba dang mi ma yin gyi sgra thams cad sel bar 'gyur ro// spyod pa rnam par

  15. 77a

    dag pa de rnams ni rgyud dag pa'i rdo rje sems dpa' la sdang ste/ lus ma bor bar mngon par rdzogs par sangs rgyas pa'o// na mo bud+d+hA ya/ tad+ya thA d+har+m+ma sang g+ha ri/ many+dzu shri A pra b+ha/ b+ha ga ba ti/ sa pa ri/ su ka a/ de nas byang chub sems dpa' sems dpa' chen po dga' mgu yi rangs te/ bcom ldan 'das la thal mo mnyam par sbyar nas/ yan lag lnga sa la gtsugs te/ kye legs so dpal ldan mgon po che// zhal nas 'byung ba dka' bas te// gsung ba de nyid don gyi mchog/ bdag blo mun pa kha 'byed pas// snang gsal thugs rje 'od kyi me// sems can kun gyi skyabs mdzad pas// mgon po dri med ye shes sku// 'gro ba'i don du sku sprul pas// rang 'byung sangs rgyas rnam par gzigs// byams mgon thugs rje'i skyabs mdzad cing // sangs rgyas log par dad sel la// gus pa'i tshul gyis skyobs su mchi// zhes brjod nas bstod pa'o// byang chub kyi sems rma bya 'jing bsnol gyi rgyud las/ spyod pa brtag pa'i le'u ste lnga pa'o// / / de nas byang chub sems dpa' sems dpa' chen pos yang dri ba dris pa/ 'jam dpal gzhon nu thugs rje can// zhu ba zhus pa legs gsungs pas//

  16. 77b

    'gro mgon rdo rje sems dpar bshad// sangs rgyas thugs kyi dpal be'u dang // sangs rgyas dbu yi gtsug tor dang // sangs rgyas zhal gyi ljags bzang nas// 'od zer 'byung ba bstan du gsol// ces dri ba dris te/ rdo rje 'dzin pa khyod nyon cig/ khyod kyi dri ba dris pa de legs so// phyogs bcu dus gsum gyi sangs rgyas thams cad la thugs rje 'byung ba ni ngas brjod kyi mi lang zhing bsam gyis mi khyab na/ ngas ma 'ongs pa'i sems can la mdo tsam zhig bstan gyis nyon cig/ thugs rje bye brag gang gis kyang rtsal ma 'gags pa yin gyis/ dper na nam mkha' sprin dang char gyi tshul ces 'byung ste/ thugs rin po che dpal be'u nas sangs rgyas byams pa mi mnyam mgon po zhes bya ba phyung nas/ rang bzhin rnam par dag pa'i chos bstan to// dbu'i gtsug tor nas 'jam dpal dri med snying po zhes bya ba phyung nas/ sku gdung dang ring bsrel gyi chos bstan to// zhal gyi ljags bzang nas sangs rgyas bye ba rnam par gzigs zhes bya ba byung nas/ rgyu 'bras kyi chos ma lus par bstan to// sangs rgyas stong gi yon tan ni// sangs rgyas gcig pu nyid la 'dus// gcig pu rab tu snang ba'i chos// 'gro ba kun la rang bzhin gnas// zhes 'byung ste/ phyogs bcu dus gsum gyi sangs rgyas

  17. 78a

    thams cad kyi yon tan ni bsam gyis mi khyab pa cig 'byung ste/ de dag kyang sangs rgyas 'od dpag med chen po'i rtsa la snang ngo // sangs rgyas 'od dpag med nyid 'gro ba yongs kyi snying por shar bas// 'gro ba sems can thams cad la// snying po rnam dag ye shes rdzogs// zhes gsungs so// sangs rgyas kun gyi gtsug pud lnga// rgyal mtshan rtse mo bzhin du gnas// sangs rgyas kun gyi che ba lnga// nam mkha' bzhin du khyab par gnas// rdo rje snying po bla na meng // rin chen gtsug tor dri ma med// nyes pa'i skyon rtog sel bar byed// pad+ma'i snying po 'od 'bar ba// mtha'o la mi gnas phyag rgya che// mgon po dri ma med pa'i sku// yon tan kun gyi snying por bshad// thabs mkhas thugs rje stobs kyi bdag/ bdud bzhi 'dul mdzad dpa' bo'i mchog / dag pa'i zhing du yang dag sgrol// thugs rje chu bo'i rgyun mi 'chang // shes rab gru yis sgrol mdzad pa// sprin chen glog gi 'phreng ba can// rgyun gyi thugs rdo rje'i bdag/ snying po bdag med ya ma brla// rtog pa'i rjes 'brang gcod pa'i mtshon// nam mkha' nyi ma'i tshul bzhin du// snang medo

  18. 78b

    bde ba'i dbyings nyid na// 'gag med rang byung ye shes sku// nam mkha' sprin gyi tshul bzhin du// rang byung spros med mkha' la dengs// rgyu 'bras dag pa'i dbyings nyid nas 'bras bu ye shes dkyil 'khor rang snang ba'i dus su/ snod bcud thams cad chos nyid kyi grong du gad la/ mi 'byed pa'i lta ba nam mkha' dang mnyam par re dogs kyi 'phrang gcad/ zag pa med pa'i ye shes rang snang bas bdag dang gzhan gyi don mthar phyin/ shes rab kyi stobs ma 'gags pas bdud dang srin po'i mthu byin zil gyi mnan no// kye kye rdo rje 'dzin pa nyon cig/ thabs la mkhas pa'i byang chub sems dpa' ni sems can gyi pha ma yin gyi/ de yang dri ma med pa'i don gyis gnas par bya'o// rtogs pa'i don la rtse gcig tu ma yangs par gnas na/ byang chub sems dpa' bsam gtan zhes bya ste/ rdo rje'i gdan la rdo rje bzhag pa'o// 'jam dpal dri med snying po ngas// sems can rnams kyi don gyi phyir// gsang ba'i rgyud gsum yang dag thugs kyi rgyud/ thugs kyi grong nas byung nas gdams par bzhag/ sangs rgyas lag tu gtad pa'i phyir/ sangs rgyas gtsug pud rnam par rgyal ba zhes bya ba thugs

  19. 79a

    / las nor bu dri ma med pa'i rgyud mdzad do// 'bras bu bla na yod pa dang / bla na med pa'i theg pa shan dbye ba'i phyir/ ljags kyi pad+mo las sangs rgyas bya ba rnam par gzigs bya ba phyung nas/ byang chub kyi sems rma bya 'jing bsnol gyi rgyud mdzad do// sangs rgyas la sprul pa'i sku ye shes kyi lus su gnas pa'i phyir mdzod pu'i bu ga nas 'od zer lnga 'phros nas/ sangs rgyas bde ldan mgon po spen ras gzigs zhes bya ba byung nas/ lha mo 'od zer can gyi rgyud mdzad do// las dge sdig la mtho dman med par la bzla ba'i phyir shangs kyi rlung sgom nas mthu stobs kyi bdag po phyag na rdo rje phyung ste/ bya btsal med par ye shes bla ma'i rgyud phyung ste/ chos las 'das pa'i sku yongs su rdzogs par bstan no// zhes byang chub kyi sems rma bya mdzod bsnol gyi rgyud las/ rdzogs pa chen po 'bras bu bla na med pa'i theg pa las le'u ste drug pa'o// // 'jam dpal dri ma med pa'i snying pos/ byang chub sems dpa' ro langs bde ba la gdams pa'o// rdzogs so// // 'bras bu bla na yod pa'i theg pa la bgrod du yod/ gzhi 'am/ lam/ 'bras bu/

  20. 79b

    byang chub sems dpa' la snang ngo // paN+Di ta zla ba bzang po'i zhal snga nas kyang / yang dag yang dag rdzogs 'dod na// yang dag yang dag nyid la ltos// zhes gsu te/ byang chub kyi snying pos byang chub nyid la ltos zhes pa'o// 'bras bu bla na med pa'i theg pa bya btsal las 'das pa'o// rang bzhin lhan grub kyi sangs rgyas/ rten med kyi ye shes/ rang byang gi ye shes/ gzhi dang snying po me tog can// rtog pa mngon du gyur pa'i sangs rgyas sems la dbong thob pa'o// sangs rgyas nyag gcig la snang ngo // / bcom ldan 'das mya ngan med pa'i dpal la phyag 'tshal lo// gzhi rtsa med pa'i chos nyid byang chub sems// zab cing phra bas dpag pa'i yul las 'das// yangs shing khyab pas nam mkha'i mtha' dang mnyam// sbom zhing rags pas snang srid dbang du sdus// de 'dra'i chos sku bla med byang chub sems// ma byung ma skyes 'od kyi snying po can// 'gro ba yongs kyi dpal mgon byang chub sems// sgra dang tha snyad tshig gi spyod yul med// dpag med bsam 'das mi gnas mya ngan 'das// don gyi snying po bla med byang chub sems// smra bsam brjod med rig pas pha rol phyin// mi skye mi