MW21521_1B268Eབསྐྱེད་པ་མཧཱ་ཡོ་གའི་ཆོས་སྐོར།All versions of this work

sgyu 'phrul le lhag

Text

ff. 209a–290b · 164 folio sides

  1. 209a

    las/ lung gi spyi sangs rgyas thams cad kyi gsang ba/ gsang ba'i snying po de kho na nyid nges pa'i bla ma chen po'i le'u las/ thams cad ma lus par 'phros pa rdzogs so// rgya gar gyi paN+Di ta A tsar+ya bi ma la mi tra dang / bod kyi lo tsa ba gnyag dz+nyA na kum ras bsgyur ba'o// rgya gar skad du/ Ar+ya bi kalpa rA dza/ ma yA dzA la sarga sha ta sa ha sri ka lak+Sha Na sarba tan+ta A ga ma/ sarba ta thA ga ta gu h+ya gra h+ya gar+d+ha yA han+te da pa la nA ma tsakra brti tsat+ta pha la nA ma/ bod skad du/ 'phags pa rtog pa'i rgyal po/ sgyu 'phrul dra ba le'u stong phrag brgya pa las/ mtshan nyid dang rgyud thams cad lung gi spyad pa/ de bzhin gshegs pa thams cad kyi gsang ba/ gsang ba'i snying po de kho na nyid nges pa'i le'u las/ sgyu 'phrul le lhag ces bya ba/ 'khor lo bskor ba'i chog/ sems kyi 'bras bu nges pa zhes bya ba bam po dang po'o// // bcom ldan 'das dpal kun tu bzang po dgyes pa chen po la phyag 'tshal lo// 'di skad bshad pa'i dus na/ de nas de bzhin gshegs pa dgyes pa chen pos mnyam pa'i dkyil 'khor la zhugs nas nyid kyi sku la thams cad ma lus par 'dus par bstan te/ ched du brjod pa 'di brjod do// 'das dang da ltar ma 'ongs dang // 'byung bar ma nges dus 'di dag/ snga phyi med par

  2. 209b

    mnyam yin par// nges pa med par yang dag gsungs// 'jig rten 'das dang 'jig rten pa'i// rang dang spyi ru bstan pa dang // ji snyed brtan g.yo la sogs pa// sgyu ma mig yor tshul yin te/ skyes bu blo rtsal rab ldan pas// de la rtag tu mnyam sbyor zhing // sems can kun gyi zhing gyur pas// de dag gnyis med dbyings su sbyor// thams cad thabs kyi/ mtshan nyid do// thabs la thabs ni rnam par sbyor// thabs chen thabs las byung ba yi// de ni byang chub rdo rje mchog/ ji snyed brjod pa'i kha brgyud kyang // yang dag don gyi snying po ni// gang nas btsal kyang mi rnyed de// rang rig sgrib med dag pa yin// de la rtag 'grus goms pa ni// bsnyen pa'i dam pa de yin te// de ni ma nor lam yin par// a yis bo d+hi rab tu bsdus// de ni nyid kyis dbyings nyid ni// gcig ces 'di zhes brjod du med// gnyis med dbyings kyi ngang du med// gsum du sna tshogs 'byung zhing spro// byin rlabs bsam yas mtha' yas mchog/ don bsdus gsung rab bzhi bcu gnyis// de las lhag pa'i don smra ba// de ni rnam dag lam min te// rang blo bsam pa'i 'khru pa yin/ thams cad rang rig byang chub sems// de ni lung gi tshad mar bshad// tshad bzhi phab pa'i don yin te// dag pa rnam gsum tshul sgom zhing // 'bru lngar 'dus

  3. 210a

    pas thabs chen te// 'gro ba kun la rang bzhin gnas// bya ba med la byas pa med// zad pa'i dus med yid bzhin te// dum pa bzang dang yid bzhin mdzod// za ma tog dang rin chen rgyal// gzhan na yod 'ongs ma yin te// rang sems bsod nams brtan pa yin// lho sbyin la sogs yod pa yi// nor 'drar rin chen ma yin te// bo d+hi da kor ni rin po che// sku gsum mi zad par ldan pa'i// rgyan gyi 'khor lo bsam mi khyab// dngos grub mchog gi snying po ni// dang por don rtog mtha' mi gtong // chu srin phyag rgya ji bzhin du// spyod yul kun tu tshad dpag med// ces gsungs so// sgyu 'phrul dra ba las/ phyogs bcu dus bzhi'i snod bcud bdag la 'dus pa dang / longs spyod dang sku/ gsung thugs mi zad pa'i rgyan gyi 'khor lo bskor ba'i le'u ste dang po'o// // de nas de bzhin gshegs pas rgyud kyi rgyal po sgyu 'phrul dra ba bstan pa las/ chos thams cad nam mkha'i mtha' dang yum gyi dbyings su 'dus par bstan nas/ ched du brjod pa 'di brjod do// yang dag don gyi gsang mchog ni// bde ba'i thugs kyi dkyil 'khor la// nges pa'i don chen bzhi bcu gnyis// yid bzhin rin chen gsal 'bar thim// a thams cad ma lus thig le'i dbyings// ska lnga'i 'od zer mang po kun//

  4. 210b

    thams cad yum gyur dbyings su thim// gsal 'bar sprin gyi bdag por 'gyur// byang chub sems kyi thigs pa ni// kun la khyab cing mi gnas pa// kha dog gnas dang dbyibs ma yin/ yon tan mchog gi snying po ni// rtog ge'i spyod yul yongs ma yin// zab cing rgya cher rab spungs pa'i// gsal ldan brtan pa'i spyod yul de// gzhan nas btsal zhing brtag tu med// thams cad nam mkha'i mtshan nyid de// sna tshogs 'jig rten khams g.yo dang // rgyal ba mngon 'byung thams cad kun// namo mkha'i khams su ma gyur pa// dus bzhi phyogs bcu gang na'ang med// dus gsum bde gshegs nyid mi mnga'// sngon gyi bde gshegs thugs chud pa'o// nam mkha'i ngang du thams cad thim// thams cad shes rab dbyings nyid de/ dbyings la dbyings ni rnam par sbyor// shes rab dbyings gnyis sbyor ba yi// byang chub rdo rje thig le yin// dkyil 'khor bsam yas lhun grub dang // rgya dang bral ba'i gzhal yas kyis// kun la khyab cing mi gnas pa// yon tan mchog gi gnos yin te// ma bcos rgyan gyi skad cig ma// de yi ma byas gang yang med// rang gi rnam rtog ma yin/ pa/ yang dag gshegs dang log rtog dang // gzhan yang sprul pa mang po'i tshigs// phyogs bcu ma lus thams cad kyis// de la gsad cing gzung du med// kha dog dbyibs

  5. 211a

    dang gnas ma yin// skyes bu dam pa mchog 'dod pas// de la rtag 'grus gsal bar gyis// de yi 'bras bu mthar phyin ni// rgyu 'bras med pa'i dus gcig ste/ thams cad ming gi mtshan nyid du// yi ge 'bru gsum rdzogs par 'gyur// mi zad rgyan gyi 'khor lor bsdus// tshogs chen gnyis kyang rdzogs par rol// skye 'jig med pa'i dbyings la bzhugs// 'jig rten 'das dang 'jig rten pa'i// mtha' yas dkyil 'khor bsam yas kun// rgyal ba yum gyi dbyings su thim// thams cad ma lus chos skur 'dus// to chos thams cad ming gi mtshan nyid de yum gyi dbyings su 'dus pa/ shin tu gsang ba'i le'u ste gnyis pa'o// // de nas de bzhin gshegs pas ye shes lnga'i dkyil 'khor la mnyam par zhugs nas/ ched du brjod pa 'di brjod do// lnga phung yan lag thams cad kyang // 'bru lngar gnas pa'i byang chub ste// oM dang mu du 'brel ba yi// byang chub rdo rje dril las byung // spyir ni brjod pa thams cad kyang // kun kyang ming tsam yi ge a// skye 'jig nyid na yi ge lnga// de ni byang chub sems yin te// gnyis med byang chub mchog 'byung ba// gsum shar lnga 'bar bcu 'byor pa// zag me rarin chen gter yin te// mngon shes drug ldan mtshan brjod spags// e las 'phros shing ar 'dus pa//

  6. 211b

    gsang ba'i thig le nyid kyi dbyings// nam mkha'i dbyings nas sprin 'byung ba// kun la khyab cing sna tshogs smin// bzhi bcu rtsa lnga'i khongs nas bsam mi khyab// byin rlabs la mtshan rmad po che// yon tan mi zed gter 'gyur ro// hoHya nas mnyam nyid gsang ba'i dkyil 'khor dbyings// dbyings la mi gzhan ye shes thig le'i ngang // ye shes dbyings nyid gzugs brnyan sgyu ma'i tshul// snang byed nyid na bya byed med par gnas// ye shes 'phrul chen bzhi bcu rtsa lnga'i don// dkyil 'khor bsam yas lhun grub kyis// thabs dang shes rab gnyis med mnyam par gnas// dag mnyam rnam gsum don rtogs bsgom byas shing // mnyam pa rnam bzhi'i don rtogs mchog gi gnas// rgyu 'bras lhun grub phun sum tshogs bzhir 'dus// ye shes lnga rdzogs sku gsung thugs kyis bsdus// chags med bzhi yi lam nas thig ler 'jug/ ye shes lnga rdzogs spyod yul maN+Da la// ma chags 'od gsal dkyil 'khor rdzogs par ldan// thams cad ma lus rang rig rgyal po yis// dkyil 'khor dag mnyam khro bo khro mor sbyor// chos rnams rang bzhin nyid kyis stong // nang dang nang gi phyi rol gyi// rnam rtog sna tshogs 'dzin pa yang // dngos po med dbyings skad cig ma// de nyid rnam par dag pa'i lam// phyin ci log nyid yang dag ste// ma rig pa ni ye shes gsal// /

  7. 212a

    nyon mongs sdug bsngal byang chub mchog/ thams cad yon tan mchog gi gnas// a ho/ phyogs bcu rgyal ba'i dkyil 'khor ma lus kun// nges pa'i don bkrol bzhi bcu rtsa lngar bsdus// bsdus pa'i don nyid yi ge 'bru lngar bsdus// lnga po'i don nyid 'bru gsum nang du bsdus// gsum po de nyid yi ge ar bsdus te// a nyid ma skyes mnyam rdzogs dbyings su thim// a homi dmigs stong pa nyid kyang brjod de mi lang // mi gnas de bzhin nyid kyang bsam mi khyab// ma skyes chos kyi dbyings kyang kun tu khyab// ma 'gags byang chub sems ni skye 'jig med// 'gro med 'ong med mi gnas pa'i// thugs rje'i byin rlabs rnam par 'phro// zhes nyid la nyid gsungs so// dbyings la dbyings byung thabs kyi phyag rgyar gsal// thabs las dbyings byang yum gyi phyag rgyar gsal// dbyings dang dbyings kyi ye shes 'byor pas na// byang chub sems tshogs dkyil 'khor brjod mi lang // a hoHde bzhin gshegs pa'i dkyil 'khor nges pa'i don ma lus par// mtshan nyid med pa'i phyag rgyar thim pa'i le'u ste gsum pa'o// / de nas de bzhin gshegs pa bcom ldan 'das dgyes pa chen pos/ 'gro ba thams cad la rang bzhin gyi dkyil 'khor yod par bstan pa dang / rigs

  8. 212b

    rgyud drug tu yang bshad/ de la chos nyid kyi rigs thams cad kun la yang yod do// nam mkhas kyang thams cad kun la khyab par gnas so// de ltar chos kyi dbyings dang nam mkhas kun la khyab kyang // mngon par thar pa'i don ma rtogs na/ me long g.yas g.yogs pa dang 'dra ste/ gzugs brnyan snang ba'i bya ba byed mi nus so// zhes gsungs nas/ yang 'di skad ces rdo rje 'chang gis/ mnyam nyid don rtogs rang rig rgyal po dang // rgya mtsho chen por chu klung kun 'bab ltar// bla med don rtogs theg chen 'di dag tu// rnam thar theg pa bsam yas ma lus 'dus// a hoHbdag med gnyis rtogs pha rol phyin rdzogs pa'i// sa bcu rims kyis bsgoms pa'i rnal 'byor pa// sangs rgyas sar 'gro go 'phang thob pa'i lam/ bden pa gnyis kyi sa rab thob par 'gyur// phyi nang rten 'brel sgyu ma mige yor tshul shes pa'i// dngos po gzugs la thogs med rab tu 'jug/ dge bshes mi slob rang gi rig pas rtogs// byang chub sar 'gro yid bzhin bde ba'i mchog/ bden bzhi don rtog rab tu spong byed pa'i// ye shes bcu drug cha spungs rab zhi ba'i// rgyun zhugs la sogs rim par sbyangs nas ni// nyon mongs dgra rnams zhi ba'i sa ru 'gro// theg pa gang du bstan par ma nges pa'i// yang na kun la 'thun nas 'jam par 'jug/ yang na nges

  9. 213a

    med 'di zhes brtag tu med// 'di ni ma nges rdo rje 'chang gis gsungs// dge bcu spyod cing mi dge slong byed pa// 'dod khams lha dang mir ni skye ba'i rgyu// tshad med bzhi spyod mi g.yo sgom byed pa// tshangs gnas la sogs skye ba'i rgyu yin no// chos kyi dbyings kyis kun tu khyab gyur kyang // rang gis rtogs pa'i skal dang mi ljon na// ji ltar dmyos long mdun du mdog bstan bzhin// 'di ni skal mod rigs chad sa yin no// chos kyi dbyings kyis kun la khyab pa yis// bla med theg pa bsam yas gsungs pa yang // so so'i rang rig blo la snang bar zad// ngan song 'gro drug tshogs rnams rgyu ba yang // 'khrul pa'i blo log rtog pa nyid snang ste// de bzhin nyid kyi dbyings las 'gyur ba med// mi dmigs rang rig goms byas bla na med pa'i mchog/ log rtog bdag dang bdag gir 'dzin gyur na// dngos med mi sdug sna tshogs snang bar 'gyur// / yang dag shes pa'i rang rig blo med na// bde gshegs zhing yang ngan song gnas su mthong // thag mchog mnyam pa'i don nyid rtogs pa ni// ngan song gnas nyid 'og min dga' ldan gnas// nam mkha'i dbyings ni bsam yas par// nyi zla gza' skar mtshan ma glog 'gyu dang // 'ja' tshon sprin mang sna tshogs 'khrug 'gyur yang // nam mkha

  10. 213b

    dbyings la gyur cing nyams pa med// mi dmigs chos kyi dbyings ni bsam yas par// sku gsung yon tan 'phran las rmad byung dang // 'jig rten gtso mchog sna tshogs thams cad dang // 'khrul 'khor sdug bsngal sna tshogs rnam mang yang // de bzhin nyid la zhu zhing bri ba med// rgyud kyi rgyal po sgyu 'phrul dra ba las// thams cad la chos nyid kyi rgyu yod pa dang / rigs chad pa dang / rigs brgyad po so sor phye ba'i mdo bshad pa'i le'u ste bzhi pa'o// / de nas de bzhin gshegs pa thams cad mnyam pa nyid la zhugs nas// 'khor bsam gyis mi khyab pa thams cad kyang nyid la nyid mnyes par mchod cing / kun tu bzang po dgyes te/ phyogs bcu dus bzhi ma lus pa thams cad kyi bzhugs gnas/ gzhal med khang rin po che sna tshogs bsam gyis mi khyab pa// tshad med dpag tu med pa rgyas pa/ mtha' dbus med par khyab cang / 'od zer sgrib pa med/ par rang byung ba la bzhugs te/ ched du brjod pa 'di brjod do// nyid kyi dbyings nyid 'phro ba tshad dpag med// kun nas dkyil 'khor yongs su ma chad pa'i// srid gsun yang dag mnyam sbyor spyod yul te// mtshan 'dzin 'das pa'i mchog gi rgyu las byung // dbang sgyur shin tu rnam par dag pa yi// de bzhin gshegs pa 'og min gnas bzhu

  11. 214a

    nas/ gzung 'dzin bral ba'i bla med rdzas 'dod dang // 'jig rten 'khor gyi gtsos bskur dbang phyug dang // gzhan yang 'jig rten phyogs bcu'i khams gnas pa// bdud rtsi ro yis dga' ba bde chen 'grub// dug gsum dri bral bdud sde tshar bcad pa'i// 'das dang ma 'das de bzhin nyid du sbyor// shes rab thabs ldan nges pa'i don/ 'byung ba// rig pa'i thabs chen dbang sgyur nyid du sgom// stong smon mtshan med rang bzhin 'od gsal ba// zad med bsod nams tshogs kyis brgyan par 'gyur// rang byung nyizla pad+ma ran chen rgyas la bzhugs// rdo rje mnyam nyid thugs su chud pa yis// mnyam rdzogs chen po lhun la rol par mdzad// bde gshegs dbyings nyid de bzhin nyid gnas pa// dus bzhi rgyal ba kun dang mnyam par 'ub// thams cad 'od gas la dkyil 'khor thugs chud pa'i// sku gsung thugs kyi rdo rje 'chang las byung // spyod yul 'phrog med brjod kyis mi lang ba'i// dus bzhi mnyam nyid nges pa'i don nyid nyon// thugs rje'i dbang gis 'gro drug dus gnas bzhugs// nga dang bdag med mnyam pa'i dbyings mkhyen pa'i// mnyam pa'i don grub rdo rje can zhes bya// rnam par rtog med byang chub rdo rje'i sku// shes rab mchog gis ma lus yongs bsdus pa// bde gshegs mi gnas mnyam nyid ngang du byon//

  12. 214b

    thabs chen ma 'dres rnam par dag pa yis// dmigs med bde gshegs nyid dbyings thugs chud pa'i// thabs dang shes rab dbyings nya dam pa'i mchog/ phyogs bcu dus bzhi dbyings nas mtha' gtugs pa// rang rig rgyal po che yis rtogs par 'gyur// nyid la nyid brjod de/ rdo rje gsang ba'i tshig tu'o// gzhal yas khang dbub pa thabs dra ba'i le'u ste lnga pa'o// // shes rab mchog ldan gsang ba'i ngang 'chang ba'i// thugs rje'i byin rlabs sna tshogs 'phro ba yi// bde gshegs ma lus thams cad 'byung ba'i gnas// yid bzhin rin chen mi zad par ldan 'phro// gzhal yas khang de ltar yang dbu ba bo// de nas de bzhin gshegs pa bcom ldan 'das kyis/ thugs rjes rol pa'i ting nge 'dzin la snyoms par zhugs nas/ ched du brjod pa 'di brjod do// nam mkha'i dkyil 'khor dngas pa yi// yid bzhin sprin tshogs rnams 'byung ba// sna tshogs 'byung zhing 'od 'phro 'bar// ra sr-id gsum sreg pa'i me yin te// yid kyi ye shes ma ru 'bar// ha dbang po dang ba'i dkyil 'khor du/ spyod yul rdzas rnams bsdus nas ni// lhan ne lhang nge 'od du zhu// a ni 'gyur dbyings nas phyag rgya 'bar// thugs rje'i byin rlabs rmad po che// hU 'gro ba sna tshogs

  13. 215a

    don byed pa// 'di ni byang chub mchog tu gsungs// hoHbzhi po 'joms shing ngan song sbyong // tra taHsman bcud len gyis dug sbyong bzhin// phyi dang nang gi dri ma dag/ bdag mad gnyis kyis 'dag par byed// hritagasal zhing gzhag par bya ba med// nyi ma shar ba'i 'od bzhin du// snang dang mi snang gnyis kau med// de bzhin mnyam nyid ye shes kyis// thams cad rgyal ba'i zhing du sbyor// oHrang rig ye shes rgyal po yis// phyogs bcu khams rnams dbang bsdus nas// thams cad mi dmigs dbyings/ su bstim// thams cad khro bo'i tshogs su 'gyur// rtog pa rnam bzhi mi dmigs dbyings 'gyur ba// shes rab yum gyi mtshan nyid dbyings su thim// thabs dang shes rab gnyis min dbyings 'gyur bas// chos rnams thams cad dbyings kyi khro mor 'gyur// chos thams cad khro mo dang khro mo'i rang bzhin du gyur pa// rang rig pa'i ye shes kyi me'i sbyor ba'i le'u ste drug pa'o// // de nas de bzhin gshegs pa khro bo'i rgyal pos sgyu 'phrul dra ba bstan pa las/ khro bo rnga ma pa'i tshogs su spros nas/ ched du brjod pa 'di brjod do// byang chub mchog gi snying po ni// mtshan mas btsal ba ma yin te// dag pa rnam gsum ma nor cing // rang rig rgyal po goms pa yis// byang chub mchog 'di

  14. 215b

    rnyed par 'gyur// drag po gtum po sgrub pa ni// b+ha ga la ni ling+ge gzhag/ mtshan ma ming du bcas par bya// khro bo'i zhal ni gang yang rung // lan gsum lan bdun rtag bsgom zhing // mngon du byung ba'i zhal 'bar te// bdag nyid dkyil 'khor lhar gyur nas// ling+ga yang dang yang bsdus te// dbyings kyi dkyil du bstim par bya// hUM gis bsdus shing phaT kyis 'phang / zhal gyi sa rang sngags khri'i bum dra// rnam gsum tshul gyis bzlas nas su// yang nas yang du gsol bar bya// 'gro la'i sems can thams cad kun// do bang me zhal du thi ma par 'gyur// ye ma ya yang lhag par 'jebs// sku mdog dud ka la sogs dang // mche gtsigs khro gnyer gcig pa dang // zhal bgrad phyag rgya 'bar ba dang // gang la goms pa bsgom par bya// bdag nyid 'dzin pa phyag rgya'i ste// mtshan ma gzungs nas rang sngags gdon// mngon par dbang pos bltar yod par// ril bur bsdus nas dbyings su mchod// / the tshom med par 'grub par nges// dam pa'i chos 'jig ma rungs pa// dpa' bos dgos pa yod pa'i phyir// kun la phan pa de gyis shig/ hoHhU dang dzaHdang spro la sogs// 'dren pa'i mchog tu de gsungs so// mtshan ma ming du bsdus pa yang // ji ltar sngon gyi de bzhin du// smon pa'i byang chub lam du gzhug/ mtshan ma bag chags med par bya// dbyings nas spro//

  15. 216a

    zhing a la bstim// a ho/ thugs la thugs brjod do// sgyu 'phrul dra ba las/ shin tu gsang ba'i khro bo nye bar sgrub pa'i le'u ste bdun pa'o// / / de nas de bzhin gshegs pa ma lus pa thams cad kyis/ rgyal po 'bar ba'i thugs rjeg tu ma 'khrug gi tshogs chen por bsgyur nas/ thams cad 'od phung 'phro/ zhing 'bar ba bstan pa/ ched du brjod pa 'di brjod do// sgyu 'phrul dra ba bstan pa yis// phyogs bcu'i zhing khams ma lus par// b+hU dang tsakr-i'i 'khor lor sprul// 'od 'phro 'bar paba'i tshogs chen hU// gtum chen dus mtha'i me ltar 'baro// hU/ nyi ma thod sbrul mang po'i gzi// khro gnyer glog stong 'gyu ba bzhin// rngam pa'i nga ro 'brug stong ldir// phaT/ khros pa'i sprin chen phyogs bcur 'bar// rnyiH khros pa'i me dpung rdo rje 'bar// rdo rje 'khor lo brtsegs pa 'bar// tsakra khro bo khro mo tshogs kyis bskor// gnas dang yul gyi phyag rgya mdzes// ha he slas dang byi mo bran mo'i tshogs// rang gi stan dang lag cha dang // ci bgyi zhes te chas te ga nas// sti ra'i rgyu ma'i zhags pa dang // nr-i yi tsit+ta za zhing rgyug/ shin tu rngam pa'i gzugs su gnas// ral pa muny+dza cod pan 'bar// phyogs bcu khebs pa'i gshog pa gdengs// rdo rje bltams pa'i brag ri 'bar// d+ha/ so so'i rang sngags skad gdangs dang //

  16. 216b

    sgrasgra dang ro drag tu 'don// d+h+yaHha he ngaT dang b+h+yor lu// khro ba chen po tshogs pa yi// dkyil 'khor chen po zhal 'bar la// bdag nyid gnyis su med par bsgom// so so'i rang sngags bzlas nas su// rgyud drug sems can thams cad dang // ma rungs gdug pa thams cad kun// dzaHhUM ba hos bkug nas su// lan gsum lan bdun zhal du bstim// lha yang rung ste/ brlag par 'gyur// hoHgzhan yang mchod pa'i zhal zas ni// 'byor pa sna tshogs kun gyis mchod// nri yi tshol dang tsha ba'i mar// dmar gyi ar+g+ha rgyun du 'bul// a to yang na lan gsum brgya rtsa brgyad// stong dang 'bum du dbul bar bgyi// nag po tsher ma can dang dug gi shing // gzhan yang sreg rdzas dug gsum dang // gnan pa'i cho ga kun gyis bya// sgyu 'phrul dra ba las/ thugs rje rol pa'i dkyil 'khor bstan pa'i ho ma/ oM hU traM hri a/ thams cad ma lus par 'dir 'dus pa'i le'u ste brgyad pa'o// // de nas de bzhin gshegs pa khro bo'i rgyal pos thams cad rdo rjer bsdus nas/ ched du brjod pa 'di brjod do// dag pa rnam gsum tshul sgom zhing // sgyu 'phrul dra bar brtan par gnas// thams cad hU du bsdus nas ni/ dkyil 'khor gru gsum 'bar bar bsgom// me dpung 'bar ba'i tshogs chen du// me lha ag+ne dzas bkug nas// ra zhes bya ba'i me sbar te// khro bo'i dkyil 'khor ma lus kun//

  17. 217a

    zhe sdang rdo rjer bsgom par bya// hU nyag tum po'i tshogs chen rab tu 'bar// dud ka nag po'i mdog 'dra las// 'bar ba'i 'od zer mang po 'khrug/ nyi mthod sbrur mang po sa brgyan// seng ge glang chen stag rnga ma dang // phyag rgya sna tshogs 'bar ba bsnams// hU dang phaT dang hU hu la'i sgra// skad drag phyogs bcu'i nam mkha' 'khrug/ phaT/ khro bo khri mo'i tshogs kyis bskor// yul dang gnas kyi phyag rgyar mdzes// ha he slas dang byi mo bran mo dang // b+h+yoHci bgyis la sogs tshogs kyis bskor// so so'i stan dang lag cha dang / rngam pa'i ngo ro rang sngags dang // mi sdug gtum pa'i gzugs can dang // shin tu khro bar bsgom par bya// bdag nyid phaT kyi ngang nyid du// gsal 'dris blo goms rtag tu bsgom// dzaHhUM ba hos bsdus nas su// rgyud drug sems can kun bkug nas// khro bo'i tsho gas la dbul bar bya// lha yang rung ste brlag par 'gyur// yo byad gzhan ni spyi dang mthun// gzir pa'i thabs kyang gong ma bzhin// mchod pa'i grangs kyang spyi dang mthun// a/ gzhan yang dkyil 'khor bsam yas kyi// zhal gdangs spyan bgrad khro rgyal bsgomo// rdo rje gtams pa gdengs pa dang // thod pa lcags kyu rnams kyis bskor// hU sgra skad drag po'i tshogs kyis 'bar// 'dzin pa'i phyag rgyas bkug nas su// zhal du bstim na lhag par 'grub//

  18. 217b

    rdul cha tsam yang med par byed// 'khor gyi tshogs kyang snga ma bzhin// stong pa'i tshul du sprod gtong bya// hU/ gtum po dmar smug mchu nges po// 'bar ba'i rdo rje 'phreng bas bskor// 'od chen 'bar ba 'phro ba yis// 'jig rten khams rnams dus gcig rngubs// hU khro bo'i tshogs kyi sngags rnams dang // gnas dang yul gyi phyag rgya dang // slas dang byi mo bran mo'i tshogs// so so'i rang sngags rdzogs par gdon// ha he b+h+yo/ gzhan yang bstod tshig 'di dag gis// hUM rdo rje thugs rje'i byin rlabs kyis// 'jig rten khams ni kun bkang ste// gtum 'khrug ma lus thams cad kun// rdo rje mthu yis bkug nas ni// btul bar mi 'gyur gang yang mdo// hU/ zhe sdang rdo rje 'khor bcas pas// 'jig rten khams ni rab 'byam kun/ skad cig yud la brlag mdzad de// brlag par ma gyur gang yang med// hU/ sgyu 'phrul dra ba las/ drag po'i hom gyi le'u ste dgu pa'o// // de nas de bzhin gshegs pa'i khro bo chen po pad+ma bsdus pa zhes bya bas 'gro ba mang po'i don gyi phyir/ ched du brjod pa 'di brjod do// shes rab thabs su sbyor ba yis// thams cad ma lus dbyings su sbyor// hri ti dkyil 'khor zla gam gdengs pa la// 'od zer mang po 'bar ba dang // rdo rje lcags sgrog bsdams pas bskor// gzhan yang rgyan gyi dam pa mchog

  19. 218a

    kun gyis de la brgyan cing bskor// me lha spyan drangs snga ma bzhin// khro bo'i dkyil 'khor ma lus kun// pad+ma rigs kyi khro bor bsgom// dmar smug drag po'i mdog dang ni// gzhan yang sprul pa mang po'i tshogs// phyogs bzhi mtshams bzhi steng 'og bskor// rngam pa'i rang sngags drag tu sgrog/ hritibadag nyid ma chags rdo rje ste// dkyil 'kho gong ma gsal bsgoms nas// phyogs bcu'i 'gro ba thams cad dang // gdug pa'i yid can ma lus kun// dzaHhU s+pho Tas bkug nas su// dkyil 'khor la ni dbul bar bya// dgos pa 'grub cing ngan song sbyong // hrigazhan yang dkyil 'khor mang po'i tshogs// dkyil 'khor pad+ma'i zhal 'dra la// tha ma pad+ma ljon shing dang // pad+ma rdo rje 'od 'bar bskor// gzhan yang rgyan mchog mdzes pa yis// dkyil 'khor kun la rgyas par brgya na// bdag nyid pad+ma'i lhar gyur pas// mchod pa lha rdzas sna tshogs dang // zhal zas bza' btung tshog rnams dang // dmar po'i shing dang dri zhim pa// lan grangs gong du smos pa bzhin// rtag tu mchod pa byas nas ni// 'jig rten 'di dang 'das pa yi// ci 'dod las de 'grub par 'gyur// sngags ni yi ge raM dang hri// mdog ni dmar smug 'od po che// phyogs bcu khyab cing hri la bsdu// dgyes pa'i glu dang gar gyis mchod// hri/ rdo rje pad+ma 'bar ba yis//

  20. 218b

    phyogs bcu mtha' yas rab 'byam kun// dpal dang gzi brjid tshe la sogs// pad+ma 'ab rabs de bsdus nas// sangs rgyas sku dang mnyam pa dang // gzhan yang longs spyod mchog la sogs// ci 'dod las rnams dbang du 'gyur// lha srin la sogs smos ci dgos// hri/ 'dod chags rdo rje 'khor bcas paso// 'jig rten khams ni rab 'byam kun// skad cig yud la dbang du bsdus// dbang du ma gyur gang yang med// hrita sgyu 'phrul dra ba las/ thams cad ma lus par dbang du bsdus te/ dbang ga hom gyi le'u ste bcu pa'o// / / de nas de bzhin gshegs pa khro bo'i rgyal po rnam par 'phro ba zhes bya ba'i dkyil 'khor 'di dag nyid kyi dbyings nas phyung nas/ ched du brjod pa 'di brjod do// bde ba chen po'i dkyil 'khor 'bar// 'od zer 'phro ba mang po 'khrug/ bsod nams zhing gyur mchog tu 'bar// rgyal ba'i yon tan mkha' dang mnyam// tra ye shes phyogs bzhi dbus 'od 'bar// dkyil 'khor zhags pa rin chen bskor// gzhan yang phyag rgya sna tshogs dang // khro bo kun kyang dga' 'phro ste// 'od chen dkar po 'bar ba dang // phyag rgya sna tshogs cir yang ba sgyur// lha dang lha mo'i 'khor gyis bskor// mchod pa'i yo byad sna tshogs dang // dkar la dri zhim shing rnams dang // gzha yang mchod yon thams cad kyis// dkyil

  21. 219a

    'khor la ni rgyas par dbul// bdag nyid rin chen rab 'bar nas// tra dkar yi ge 'od du 'bar// khro bo kun kyang de bzhin te// mngon du gyur pa'i dkyil 'khor dupA sha ho dang dzaHhUM gis// phyogs bcu'i lam lnga kun bkug ste// dbyings su thim par 'od 'phro sgom// thams cad sangs rgyas zhing dang mnyam// gzhan nas yod 'ongs ma yin/ te/ sgyu ma'i ye shes bstan pa yin// gzhan yang dkyil 'khor bsam yas ni// rin chen dbyings la rdo rje 'bar// dkyil 'khor rgyan gyis 'khor bar bskor// gzhan yang lha dang lha mo yis// phyogs bcu khyab par mchod cing dbul// yon tan rgyal ba'i zhing dang mnyam// tra glu dang gar gyis mchod par bya// sangs rgyas zhing khams ma lus kun// mchod yon rin chen dpal 'phel gyis// phyogs bcu gang bar rgyas phul na// thugs rje'i dbyings kyis rgyas par rol// ho/ tra/ nga rgyal rdo rje 'khor bcas pas// 'jig rten khams ni rab 'byam kun/ skad cig yud la rgyas mdzad de// rgyas par ma gyur gang yang med// sgyu 'phrul dra ba las/ rgyal po rgyas mdzad kyi rgyas pa'i hom gyi le'u ste bcu gcig pa'o// / / de nas de bzhin gshegs pa snang mdzad khro bo chen pos/ thams cad dkyil 'khor 'bar ba chen por bsgyur nas/ ched du brjod pa 'di brjod do// ye shes dkyil 'khor mtha' dbus med//

  22. 219b

    bsam yas lhun gyis grub pa yis// rgyal ba'i dkyil 'khor ma lus kun// bde gshegs nyid las mi gzhan shar// o/ dkyil 'khor zlum por 'bar ba la// 'khor lo 'bar bas rab bskor zhing // 'od ni ser po rab tu 'bar// rmad du byung ba'i sku la sogs// bdag nyid chen pos bsgom par bya// dkyil 'khor thams cad 'grub par 'gyur// sa bon yi ge oM ser po// me lU spyan drangs snga ma bzhin// khro bo'i dkyil 'khor ma lus kun// kun kyang gti mug rdo rje ste// 'od zer sna tshogs 'phro ba dang // 'khor lo phyag rgya 'bar ba dang / lha dang lha mo'i tshogs kyis brgyan// gdan dang gnas kyang dbyings nyid de// rgyal ba'i dkyil 'khor de dag tu// phyogs bcu gnas pa thams cad kun// tsakra'i lcags kyus bkug nas su// dkyil 'khor dbyings su bstim byas nas// gtum 'khrug gdug pa ma rungs pa// lhan ne lhang nge zhi bar 'gyur// otagazhan yang dkyil 'khor bsam// yas te/ dkyil 'khor 'khor lo 'bar ba yis// oM dang seng ge'i mgos bskor te// brgyan pa'i rdo rje phyag rgya kun// rdzogs ldan zhi bas bskor bar bya// rgyal ba'i lus mdzes 'khor lo 'bar// rgyan rnams zhi la dkar ba dang // byang chub mchog 'bar lhan ner bsgom// mkha' la rgyu dang bar snang 'phro// gzhan yang 'gro drug ma lus kun// zhi 'gyur 'di

  23. 220a

    la the tsom med// gar dang thusos mchod byas te// phyogs bcu'i gdug pa ma rungs pa// gdug pa'i yid ni rang bor nas// lhan ni dkar por 'od du 'gyur// bde ldan byang chub 'od 'phro 'bar// tso ma gti mug rdo rje 'khor bcas pas// 'jig rten khams ni rab 'byam kun// skad cig yud la zhi mdzad de// zhi bar ma gyur gang yang med sgyu 'phrul dra ba las/ thams cad ma lus par zhi bar gyur nas/ zhi ba'i hom gyi le'u ste bcu gnyis pa'o// // de nas de bzhin gshegs pas rgyal po che mtha' yas su sprul nas/ ched du brjod pa 'di brjod do// sgyu 'phrul dra ba brtan bsdus te// b+h+rUM dang bi sha'i dkyil 'khor du// ma dang a yi dkyil 'khor la// rdo rje 'khor lo rab bskor nas// bzhi bcu rtsa lnga'i don bsgoms te// de lis phyogs bcu gang bar gnas// b+h+rUM dzaHhUM dang baM hos dgug/ sku gsung thugs kyi snying po mchog lus ngag sems la bstim par bya// ni nyid dngos bas ma yid bzhin mdzod// bum pa'i mchog ni bzang po yi// tshe gzhag gnas ni de yin te// yang nas yang du bkug byas te// mngon du smin par gyur pa dang // dbyings su yang ni sba bar bya// rdo rje go cha bsrung ba yis// brtan zhing 'khor lo gdab par bya// snying po 'brulnga'i

  24. 220b

    nang du bstim// sangs rgyas ma lus thams cad kun// rgyal po che dpag med par bsgom// sku mdog gangs ri 'tsher ba la// rgyan 'phreng sna tshogs rnams kyis brgyan// yid bzhin rin chen 'phreng ba dang // yid bzhin rin chen za ma tog/ rin chen rgyan dang bum pa bzang // gzhan yang 'gro ba'i don bya ba// bsam gyis mi khyab mtha' yas mchog/ bgegs kyis nri rnams mi ster na// tshe dpag med kyang khro bo ste// phyogs bcu'i nam mkha'i khams bkang nas// sgra skad drag po bton nas ni// thams cad ma lus thul bar bya// / dbang du tshe dpag med pa bsgrub// a/ tshe bsnyen dang ni bsnyen pa dang // tshe bsgrub dang ni tshe grub pa// thabs dang shes rab 'byor pa yis// ci 'dod las rnams grub par 'gyur// tshatshe yi dbang mo brgyud 'phel ma// dkar mo mdog la 'od 'phro'abar// phyag na rin chen gang ba yis// phyag rgya sna tshogs tsari yang ba sgyur// 'jig rten drug gi phyogs bcu na// gnas pa'i 'gre drug ma lus kun// phan pa'i tshe dbang 'di sbyin te// de las lhag pa'i brgyud 'phel med// de yi bzlas pa 'phrul tshan ni// rnam gsum tshul gyis ma 'khrul bar// sngags bzlas cho ga par mchod// 'dris gsal brtan pa mchog gis bya// oM mA A A mA/ hU hU~M trA ng+ku hU/ sraM swa gr-i swa swa/ A A~M sA sA A/ ha haH6\u0f7f/ b+h+rUM b+hUd+d+haM d+hU b+hU/

  25. 221a

    bababab pa/ rdza dz+ra dz+ra dz+ra dz+ra/ A sA sA sA swA/ su mu su su su/ she she she she she/ hUn+dun+dud+b+haSh+Ta/ sa sa a a sa/ s+ho/ tshe rnams dbang du ma grub na/ bde gshegs lnga yang tshe dpag med// sku gsung thugs kyi gzugs kyis ni// phyogs bcu nam mkha'i khams bkang nas// phyag rgya mtshon cha sna tshogs kyis// 'jig rten phyogs bcu'i bdud bcom nas// 'gro lnga'i tshe rnams dbang du bsdus// phyag rgya gshol la sogs pa yis// 'og gi 'jig rten khams dkrugs nas// gshin rje'i gnas nas tshe bkug ste// snying po lnga la bstim par bya// phyag rgya 'khor lo chen po yis// steng gi 'jig rten khams bskor te// dbang phyug lha chen la sogs dang // bar snang bgegs rnams rgyu ba las// nr-i tshe rab tu dgug par bya// 'khor lo'i 'brul bstim nas ni// de nas yi ge 'bru lnga ste// nri yi gnas lngar bstim par bya// oM oM badz+ra ka ba tsa rak+Sha hUM/ oM sarba ta thA ga ta oM badz+ra ad+hi tiSh+Te swAhA/ phyag rgyas bsrungs pa'i cho ga ste// 'bru lnga yi ge 'bru gcig ste// 'bru gcig dmigs med dbyings su thim// a/ yid bzhin bum pa rin po che// rgyan dang rin chen 'phreng bas brgyan// rin chen lnga dang sman lnga dang // 'bru lnga spos lnga yungs kar bcas// sngags mkhan rab ldan blo brtan pas// yan lag ma nyams sngags bzlas bsgom//

  26. 221b

    rgyan chas lnga dang ldan byas nas// dkyil 'khor thams cad grub par 'gyur// de nas rigs kyi bu de yis// yo byad ma lus ldan byas nas// mchod yon rnam pa sna tshogs kyis// mnyes mchod dngos grub thob par 'gyur// sgyu 'phrul dra ba las/ tshe'i cho ga dbang dam pa shin tu gsang ba'i le'u ste bcu gsum pa'o// // de nas de bzhin gshegs pa rdo rje sdud pa pos/ 'gro ba lnga rang dbang med par smra ba zhes bya ba bsdus nas/ ched du brjod pa 'di brjod do// gsang ba'i dkyil 'khor nyid kyi dbyings// kun tu bzang po'i thugs rje'i ngang // sku gsung thugs ldan yon tan rdzogs// mnyam pa'i zhing du sbyar bar bya// rdo rje rab tu gsang ba yis// rdo rje khams kun zhing sbyar te// oM dang muM du 'byor pa bsgom// thams cad dbyings su thim par bya// gsang ba'i dkyil 'khor dam pa dang // thig le man+ta de dag tu// ni thel man+t+ra bzang po'i thig/ rta babs sgo khyud bzang po dang // rdo rje rtse gcig 'od 'bar bar// 'gugs pa'i lcags kyu dam pa yis// rdo rje rtse gcig rtse gsum bri// dkyil 'khor rgyud dang ldan par bya// mchod yon sna tshogs mchod par/ yaMdud ka ye shes 'od 'phros nas// a las zla ba'i dkyil 'khor du// dza las lcags kyu grangs med pas// de yi steng du gzhug par bya// ma las nyi ma'i dkyil 'khor du//

  27. 222a

    dza las lcags kyu mang po yis// gang dgug de yi snying ka nas// drangs te de yi khar gzhug bya// sngags 'di rab tu brjod par bya// oM dzaHhUM baM ho/ a nri su ti bri du med pra be sha ya/ ci 'dod las de bzlas par bya// lag gnyis sor mo phyir bsnol te// khu tshur dam du bcang nas ni// srin lag mthe'u chung mthe bong gnyis// bar du mthe bong de drangs te/ oM ming A be sha a a// thal ba nyungs kar drag tu brdeg/ mi de'i khong du gzhug par bya// babs na rdo rje lcags sgrog bcings// gang yin zhes ni dris nas no// lha 'dre la sog+sas gang yin pa// lce zhig na ni mchod par bya// gdon zhig na ni tsan dan gur kum bsres nas ni// de blud sngags 'di brjod par bya// oM badz+ra d+ha ka kro d+ha sa ma ya hUM phaT/ gal te smra ru mi gtub na// lag gnyis sor mo phyir bsnol te// khu tshur bcangs nas mtheb gnyis zur sprad de// gyen sbrang dbab pa'i kha ru gtug par bya// sngags oM badz+ra b+ha sha dzi ha pra be sha hUM hU/ zhes mang du bzlas/ ye shes thogs med sgrib mi mnga'// bden pa'i tshig de zhugs par ba sam// lce yi thor tor a dkar po// zla ba'i dkyil 'khor de steng du// au d+hiHdmar po bsgom byas na// gdon mi ze bar smra bar 'gyur// bdag nyid Ta ka ki hUM bsgoms la// a dang nri la sogs pa yi// lam lA'i sems can gang yang rung // Ta ka ki

  28. 222b

    hU dang rang sngags kyis// lan 'bum bzlas shing dgug par bya// pra be sha yang bzlas par bya// gzhan yang dzaHhU ba to ste// bzhag cing dbab pa'i sa de ni// byis pa lo grangs bcu gnyis pa/ gcig dang lnga la dbab par bya// thig le bum pa ma long sar// gzhan yang gnas rnams thams cad la// smra ba'i cho ga phun sum tshogs// phyag rgya rdo rje spar ma ste// dgug pa'i phyag rgya kun gyis dgug/ dzaHhUM/ dbang phyug lha chen la sogs bsdu// bcol cing bya ba de bzhin no// Tak+ki hU dzas mi btub na// rgya gr-i dang gnas dang yul// zur phyin mgo mjug mnan nas ni// drag tu bzlas shing lcags kyus dgug/ srog gi snying po ma nor bar// gzir zhing drag tu drang bar bya// 'jig rten 'das dang 'jig rten pa'i// dgug pa'i thabs yod ce yang rung // nem nur med par dgug par bya// bya ba sna tshogs las zin nas// sngar byas bum pa lnga po la// sman lnga 'bru lnga rin chen lnga// rigs kyi yum dang bdud / rtsi 'khyil// ci 'dod las rnams thams cad dang // gzhan yang dgos pa ci yang rung // oM badz+ra a mr-i ta hUM/ a a a/ oM ma hA badz+ra a mr-i ta phaT dza/ A gats+tsha/ A gar+b+ha zhes kyang brjod do// oM bud+d+ha lo tsa na sA hA/ zhes kyang bzlas/ gsang ba'i dkyil 'khor dam pa de// ye shes lnga rdzogs nyid la brjod// ye shes snying po khyod nyon cig/ sngon

  29. 223a

    goms blo brtan 'dris pa yis// yang nas yang du sngon gsal du// byang chub mchog gis rtag sgoms shig/ de ltar byas pa'i dngos grub ni// 'jig rten 'das dang 'jig rten pa'i// brda phrad skad kyi dngos grub thob// ces gsang ba'i tshig tu'o// 'gro ba'i don gyi phyir yang ched du brjod do// pra dbab pa'i le'u ste bcu bzhi pa'o// / / dang por de bzhin nyid gsal zhing 'dris par bsgom// de nas bdag gi snying khar a dka ra zhing 'tshe ra ba gcig bsgom/ a de shin tu gsal bar gyur pa dang / phyogs bcur 'od 'phro bar bsgom/ 'od al slar bsdu zhing bstim/ ma dang malas nyi ma dang / zla ba'i dkyil 'khor ldem zhing 'tsher ba gsal bar bskam// drilas pad+ma'i dkyil 'khor gsal bar bsgom/ hUM shin tu 'od 'bar bar bsgom/ snying gi dkyil du rdo rje sems dpa' mtshon gang ba gcig phyag rgya dang ldan par bsgom/ bzhi bcu rtsa gnyis kyi sngags dang / yig 'bru dang / phyag rgya yang gsal bar bzlas/ 'bru gsum dang 'bru lnga yang bzlas/ 'dug nas 'bru bzhis mtshams bcad/ rtag tu hom bya/ tshogs dang mchod pa yang bya/ mang po mi nus pa'i don du'o// phyag rgya rnam pa bdun la/ phyag rgya chen po dang / chos nyid kyi phyag rgya dang / dam tshig gi phyag rgya dang / las kyi phyag rgya dang / thabs dang shes rab 'byor pa'i phyag rgya dang / ting nge

  30. 223b

    'dzin gyi phyag rgya dang / lhag pa ting nge 'dzin gyi phyag rgya'o// phyag rgya bya ba'i le'u ste bco lnga pa'o// // bam po gnyis pa'o// / de nas de bzhin gshegs pa dgyes pa chen po mnyam pa nyid la bzhugs nas/ lhag pa'i ting nge 'dzin gyis dngos grub myur bar len pa'i thabs 'di dag gsungs so// de bzhin nyid dang mnyam sbyor phyir// dam pa'i don gyis bsgom par bya// byang chub tshogs la gzung bar gnas// mchog tu bde ba'i zhing gnas pas// mnyam rdzogs chen por lhan bsgom zhing // byang chub sems su brtan par gzung // bya ba byed la bya med bya// mi gnas gnas la gnas par bsgom// b+ha ga'i dkyil du ling ka a// shin tu 'tsher zhing gsal bsgoms nas// 'od 'phro 'bar bas thams cad khyab// dug gsum ngan song ga nas bsregs nas// b+ha ga'i dkyil du 'od 'phro ba stim// thim 'gyur dbyings nas phyag rgya 'bar// a ma las ni nyi zla 'bar// phyogs bcur 'doms pa'i mun sel zhing // nyon mongs sdug bsngal ba sil ba'i sman// thugs rje'i byin rlabs bsam mi khyab// rol pa'i phyag rgya bsam mi khyab/ mkha' la 'ja' tshon sprin mang yang // nam mkha'i dbyings su thams cad bsdus// thams cad mkhyen nyid bsam yas kyang // chos kyi dbyings su thams cad bsdus// thams

  31. 224a

    cad yi ge hUM du 'gyur// hU nyid gsang ba'i thugs kyi dkyil// 'od zer 'phro bas 'bru gsum ste// sang na yi ge 'bru lnga'o// lnga po'i don 'bros bzhi bcu gnyis// gzhan yang dkyil 'khor bsam yas mchog/ ma bcos ngang nyid gnas pa la// ye shes lhag pa'i dkyil 'khor bsgom// sen zlu ma zla ba gang ba yi// thugs kyi dkyil du gnas par bya// nyi ma'i dkyil 'khor gang ba yi// gzhal yas 'od zer 'bar ba khang // pad+ma'i gdan dang rin po che// de dkyil yi ge hUM gnas pa// shin tu phra zhing sungs 'bru' bar// gnas gcig dang ni gnas gsum dang // gnas lnga dag tu rab tu bsgom// shes rab can la 'dris pa dang // nI yi mig gis bltar yod par// shin tu phra zhing gsal bar bsgom// shin tu blo gsal 'dris gyur nas// phyogs banu stong khams rdul snyed du// thugs rje'i byin rlabs bsam yas spro/ spos kyang hUM la nyams pa med// bsngas kyang phyogs bcu bri ba med// spros med bsdus med de bzhin las// yi ge mu du thim par 'gyur// thim 'gyur dbyings nas phyag rgyar 'bar// shin tu gsal zhing 'dris pa dang // phyag rgya sku nyid gsal bar bsgom// sku de mtshon gang 'od 'bar nas// thabs dang shes rab

  32. 224b

    ldan pa'i rgya// 'od 'phro 'bar zhing don byed bsgom// yang na phyag rgya chen po ste// bdag nyid zhal gcig phyag gnyis bsam// zhal gsum phyag drug dag tu bsgom// gzhal yas khang dang gdan khri rnams// 'phra ba'i tshul de snga ma bzhin// mtshan dang dpe byad thams cad ldan// dbu rgyan yi ge lnga dang ldan// rdo rje 'khor lo ral gri 'bar// rin chen pad+ma dril bu 'bar// phyag rgya chen po de dag las// phyogs bcu ma lus ma lus gzhal yas khang // nyi zla gza' skar dkyil 'khor gdan dang rgyan// bde gshegs dkyil 'khor ma lus bsgom// thugs rje'i byin rlabs 'gro don mdzad// zhi ba phyogs gcig shes bya sbyong // sa bcu mnyam par sbyong byed cing // bde gshegs 'khor yang dag par byed/ 'di ltar bsgrubs pa'i rigs mchog de// 'bras bu mngon du ma gyur kyang // sdug bsngal thams cad yongs mi 'byung // lha mi mtshan rdzogs yongs su 'grub// theg pa dman par yongs mi skye// bde gshegs 'byung dang skol mi 'gyur// byang chub gzungs la zhugs pa yin// zhes nyid la nyid gsungs so// rdo rje gsang ba'i tshig tu'o// rdo rje sems dpa' bsgrub pa'i le'u ste bcu drug pa'o// / de nas de bzhin gshegs pa sgyu 'phrul dra ba las/ thugs rjes 'gro ba 'dul ba'i bdud rtsi 'byung ba zhes bya

  33. 225a

    ba'i ting nge 'dzin la snyoms par zhugs nas/ ched du brjod pa 'di brjod do// e ma'o so nas dag chos las// log rtog rnam pa gnyis su grub// thams cad 'byung ba lnga las skyes// kun kyang gtsang zhing dri med las// rnam rtog mi mthun so sor 'gyur// la la'i sman la la la'i dug/ sman du ma gyur gang yang med// dug tu ma gyur gang song med// thams cad ma lus rgyu gcig las// mi mthun khyad par so sor snang // sus kyang ma byas su byed yod// rnam rtog zhags pas so sor bcings// lus gnas longs spyod sna tshogs dang // sdug bsngal 'khrul 'khor ma lus dang // khams gsum phyin ci log bzhi dang // dus gsum 'gro lnga thams cad dang // nyon mongs sdug bsngal// thams cad sbyong // rnam par thar pa lnga rdzogs byed// sa bcu rdzogs shing sangs rgyas sa yang rdzogs// de phyir sman 'di rab tu bsgrub par bya// kun la phan pa'i sman yin pas/ de phyir nga dang bdag ma 'dzin// gtsang dang sme ba'i blo rtog bor// thams cad mnyam pa nyid du spyod// rtsa ba byang chub sems nyid rtog/ thabs kyi pha rol phyin pa spyod// / snying rjes chud ma zos par zung // bdud rtsi mchog ni mnyam pa'i dbyings// bdud rtsi'i don ni skye shi med// bdud rtsi'i gnas ni byang chub sems// bdud rtsi'i las ni rnam

  34. 225b

    rtog sbyong // bdag dpal tshogs shing 'gro don mdzad// sman gyi byin rlabs bsam mi khyab// ngan song sbyong zhing mtho ris bsgrub// gser bsgyur sman dang nun sel bzhin// gzhan yang dgos pa sna tshogs bsgrub// rkyen las 'byung ba'i dug rnams dang // rtsa ba'i dug dang sbyar ba'i dug/ klu dug spod gtong dug la sogs// thugs rje chen po'i byin rlabs kyis// dug rnams thams cad gdul ba'i phyir// dkyil 'khor ma lus tshang bar bsgom// gnas lnga dag tu 'bru lngas bstim// oM hUM tAM hri a la sogs// yang na yi ge aM gis bya// yang na yi ge hri yis btang // dug rnams bdud rtsir gyur par bya// mnyam pa'i dbyings su thim par bya// a ho gsang ba'i tshig tu'o// hUbadag nyidi zhe sdang rdo rje ste// thugs rjes bdag rtog 'dul bar byed// nga dang bdag med dbyings sbyor zhing // byams pa'i thugs dang ldan pa'o// o/ bdag nyid gti mug chos skra ste// rmongs pa'i nad rnams sel bar byed// ye shes 'od zer gsal ba'i ngang // thams cad 'byung ba'i 'khor lo'o// traM/ bdag nyid nga rgyal yon tan te// snying rjes 'gro don 'phel bar byed// zhi ba'i blo tshon dbyings su sbyor// yon tan rgya mtsho dpag med pa'o// hri bdag nyid 'dod chags gsung mchog ste// nyon mongs las rnams dag par byed//

  35. 226a

    nyon mongs sdug bsngal rnam par dag/ chags med sems ni byang chub pa'o// a bdag nyid las kyi sems dpa' ste// don rnams ma lus 'grub par byed// log rtog ma lus 'dul ba'i mchog/ phyogs bcu dus bzhir 'phro ba'o// mu bdag nyid shes rab 'od gsal te// le lo g.yeng ba sel bar byed// thugs rje myur ba las byung ba// rgyal ba kun tu thogs med pa'o// ye shes drug gis nyon mongs spang // dbugs chen dag kyang 'byin par byed// dug gsum sbyong ba sku gsum ste// lam lnga sbyong ba ye shes lnga// 'khor ba'i rtsad gcod shes rab mtshon// hU du bsdus shing haulas g.yeng // ra gyis bsreg cing phaT kyis 'phang // thabs dang shes rab 'brel ba yi// thig le'i dbyings su thim par bya// de nas gnyis med dbyings gyur nas// ye shes sems dpa'i sku ru bsgom// 'bru gcig 'bru gsum 'bru lnga ste// bzhi bcu rtsa gnyis ma lus dang / sangs rgyas dkyil 'khor tshang bar bsgom// nga med bdag med phyag rgyar gsal// de nas longs spyod lnga kun la// ye shes lnga dang rigs lnga dang // lha mo lnga dang sman / lngar bsgom// oM hUM tra hri a/ oM badz+ra a mr-i ta kun+da li ha na ha na hUM phaT/ oM bi shud d+he a mr-i te hUM phaT/ oM d+ha ra mA a mr-i te hUM phaT/ oM AHhUM/ zhes brjod pas/ thams cad dag

  36. 226b

    par gyur te dbyings su thim// bdud rtsir gyur to// sa chu me rlung nam mkha' rnams// rang bzhin med par gzhig pa'i phyir// gcig la'ang lnga lngar dbye bya zhing // muM gyis dbyings su thim par bya// 'byung ba che rnams de dag la// lhag pa'i ting 'dzin bskyed par bya// rags pa thabs kyi phyag rgya ste// de bzhin gshegs pa lngar bsgom zhing // 'byung ba so so'i mtshan 'dzin te// yum lnga dag tu b+hai bar bya// de rig ye shes lnga nyid do// rgyur byas gzugs sogs bzhi bcu gnyis// phyi nang snod bcud thams cad kun// de bzhin nyid kyi dbyings 'dus na// de las gyur cing bskyed pa kun// smos ci dgos te de nyid yin// a ho/ kye ma'o lhag pa'i byin brlabs kyis// bdag la lha rnams bsdu bar bsgom// de nas lha dang gnyis med nas// bdag nyid yi ge o dang mu// gnyis dang ba dag dang dbyings su thim// bdag nyid bdud rtsi 'khyil bar bsgom// sku mdog gangs ri nyi shar 'dra// zla ba pad+ma ga dan khril// nyi ma stong gi gdan khrir ldan// lha dang lha mo'i tshogs kyis bskor// khro bo khro mo'i 'khor lor bcas// gnas dang yul gyi phyag rgyar mdzes// slas dang byi mo'i tshogs kyis bskor// 'khor lo rtsibs bzhi mu khyud bcas// dbus su bdud rtsi 'khyil ba ste// shar gyi rtse la rdo rje nyid//

  37. 227a

    lho yi rtse la rin po che// nub kyi rtse la snang mtha' yas// byang gi rtse la don yong grub// thabs dang shes rab ldan par bsgom// phyag rgya rnams kyang gsal bar bsgom// snying po 'bru tshig gsal bar bzlas// de la bdud rtsi'i phyag rgya ni// bum pa gang ba yid bzhin 'bar// re ba yid bzhin skong bar byed// nyon mongs sdug bsngal sel bar byed// 'dod lnga yon tan ldan par byed// dngos grub chen po bla med pa'o// bdud rtsi char bzhin 'bebs par byed// sgo bzhi phyag rgya dag dang ldan// a mr-i ta yi rgyu nyid ni// byang chub sems dang sha chen dang // dri chu dri chen ma sar bcas// pad+ma rak+ta la sogs dang // gzhan yang 'dod yon sna tshogs rnams// dbye ba'am yang na mi dbye bar// bdud rtsi nyid du byin gyis brlabs// rtog pa'i bag chags sbyangs pa'i phyir// gtsang sme med par bza' bar bya// dbyings su yang ni bstim par bya// phyag rgya 'od zer 'bar bar bsgom// bzhi brgya rtsa bzhi'i nad sel zhing // dug gsum sdug bsngal med pa dang // bskal pa yun ring gnas pa dang // dngos grub chen po thob 'gyur te// tshogs gnyis rdzogs par yang dag gsungs// bdag nyid yig hUM gyur nas// longs spyod lnga ldan thams cad la// oM A hUM du gyur par bsgom// 'od 'phro

  38. 227b

    'bar zhing phyogs bcur spro// slar 'dus 'od 'phros bdud rtsi 'bar// shin tu gsal zhing rtse gcig bsgom// gzhan yang yi ge tshogs pas gdab// 'thungs na ngan song sgrib pa 'byung / trata/ rtag tu brten na dngos grub mchog kyang 'grub// lus kyi nad rnams thams cad 'byang // lha la rtag tu mchod byas na// bdag dang gnyis su med par 'gyur// mi mthun phyogs la gtor byas na// drag po gtum po'ang lhan ner 'gyur// gzhan yang dngos grub thams cad kyi// ji ltar dmigs pa bzhin du 'grub// sangs rgyas go 'phang thob 'gyur na// lha la sogs pa smos ci dgos// the tsom med par sgrub par gyis// rtag tu spyod cing dbyings su thim// rgyud kyi rgyal po sgyu 'phrul dra ba las/ sman bsgrub pa'i le'u ste bcu bdun pa'o// // de nas de bzhin gshegs pa sgyu 'phrul dra ba las/ rang bzhin gyi dkyil 'khor las lhag po'i ting 'dzin gyi dkyil 'khor gyis/ sngags 'chang rnams lhar gsal ba'i dkyil 'khor 'di don yod par bya ba'i phyir/ ched du brjod pa 'di brjod do// e ma'o ye nas rnam par dag pa yis// thabs dang shes rab ldan par gnas// byang chub mchog tu nyi zla shar// de nyid bzhugs gnas yin par gsungs// chos rnams thams cad gnyis med pa'i// dbyings su thim/

  39. 228a

    pa'i 'od zer gsal// gcig dang spros pa thams cad med// dkyil 'khor spros med zlum po'i tshul// ye nas mya ngan 'das pa'i chos// ye shes rgyu dang 'bras bur ldan// thams cad mkhyen pa'i ye shes sku// chos kyi 'khor lo yongs kyis bskor// thugs rje'i byin rlabs 'phros pa yis// ye shes bzhi yi dkyil 'khor 'phros// ye shes lnga dang sku gsung thugs// byin rlabs ya mtshan bsam mi khyab// rab tu snang ba'i thabs las byung // bsod nams ye shes tshogs rdzogs pa'i// thugs rje rgyal lnga'i gzhal yas khang / mtha' dbus med par rgyas par gnas// stong smon mtshan med 'od gsal 'jug/ de phyir ye shes sgo bzhi shar// der 'gro lam stegs brgyad dang ldan// rang bzhin ye nas 'od gsal phyir// nyi zla brtsegs pa'i gdan khri 'bar// ye nas rnam par dag pa'i phyir// ma chags pad+ma 'bar ba'i gdan// zad med ye shes gter gyur pas// yid bzhin rin chen 'bar ba'i gnas// ye nas mnyam nyid mi 'da'i phyir// ta la'i ljon shing rang bzhin gnas// re ba yid bzhin skong ba'i phyir// dpag bsam shing gi rin chen 'bar// yid bzhin/ rin chen rgyal gyis bskor// thams cad la ni dbang sgyur phyir// 'jig rten lha chen rnams kyis bskor// gsang ba de nyid nges pa las// 'phrul chen bzhi bcu rtsa gnyis kyis//

  40. 228b

    thams cad lha nyid rtag tu sbyor// thams cad ma lus dkyil 'khor mchog/ 'dis ni rang bzhin dkyil 'khor dang // gzugs brnyan lhag pa'i dkyil 'khor gsum// ting 'dzin lhag pa'i dkyil 'khor dag/ byang chub sems dang tshogs mchog bstan// zhes nyid la nyid bshad do// shin tu gsang ba'i dkyil 'khor bsdus nas/ lhag pa'i gzugs brnyan bstan pa'i le'u ste bco brgyad pa'o// // de nas de bzhin gshegs pa khro bo'i byin rlabs phyag rgya 'byung ba zhes bya ba'i ting nge 'dzin la snyoms par zhugs nas/ chod / brjod pa 'di brjod do// dbang po yul dus rig pa rnams// thabs dang shes rab ldan gyur cing // mnyam pa'i ngang nyid rtog gsal na// thams cad bde ba chen po'i rgyu// bskyod chen 'khor lo'i gzhal yas su// khro bo khro mo thams cad kun// gsal zhing 'od zer 'phro bsgoms na// bskul bskyod thams cad phyag rgya yin// bla med chen pos de skad gsungs// yan lag snying po rtse gcig dang // rtse lnga rtse dgu bcu gcig tu// las rnams so sor rab tu bsgom// thabs dang shes rab ldan pa'i zhabs// rtag tu rdo rje 'bar bar 'gyur// thabs chen re re bskyod na ni// pad+ma chags med re re 'byung // rdo rje pad+ma de 'byor na// sems can thams cad bla na med// byang chub shing drung skye bar 'gyur// rang bzhin dkyil 'khor lha

  41. 229a

    rnams kyang // khro bo'i dkyil 'khor bsgom byas te// dbu yi dkyil 'khor bskul bskyod na// sangs rgyas dkyil 'khor thams cad g.yo// lag gi 'du byed bskyod byas na// rigs 'dzin zhing khams thams cad g.yo// rkang pa'i stabs chen mnan mchongs na// sdug bsngal mi bzad thams cad dang // bdud dang log 'dren thams cad mnan// yan lag thams cad bskul gsigs na// ba spu'i bu ga thams cad nas// khro bo grangs med rdul snyed 'phro// de dag sprul pa grangs med kyis// phyogs bcu'i khams mang rdul snyed du// khro bo'i don rnams rdul phran snyed// thugs rjes 'dul zhing dbyings su thim// thams cad khro bo'i dkyil 'khor dang // khro mo'i dkyil 'khor rab tu 'dus// thams cad rdo rje brag steng na// me ri'i dkyil 'khor rab tu 'bar// 'di ni spyi yi phyag rgya chen po yin// steng gi bgegs rnams 'dul ba'i phyir// rdo rje 'khor lo ni mgo gdengs// 'og gi 'jig rten khams 'dul ba// rdo rje thong gshol nr-i s+phar dang // rdo rje gtun chen dril ba'o// shar gyi bgegs rnams 'dul ba ni// rdo rje rab tu 'bar ba dang // stir chen po'i dbyug pa'o// lho yi bgegs rnams 'dul ba ni// rin chen ni mgo'i dbyug pa dang // gshin rje chen po'i rkang gzung ba'o// nub kyi bgegs rnams 'dul ba ni// sbrul dang ti ra nya dbyug dang /

  42. 229b

    khyung chen gshog pa rab tu brde ba// rgya mtsho che rnams rked par gtub// byang gi bgegs rnams 'dul ba ni// na mgo gsum pa'i dbyug pa dang // rin po che yi dbyug to can// gnod sprin gdon rnams tshar bcad pa'o// mtshams bzhi'i bgegs rnams 'dul ba ni// phyogs bzhi dag gis 'dul bar 'gyur// gal te de yi sa mthul na// byang shar mtshams kyi bgegs 'dul ba// rdo rje rtse gsum ni mgo gdengs// i sha nyid kyang phyag char bsnams// 'byung po'i sde kun rab tu btul// shar lho'i mtshams kyi bgegs 'dul ba// rdo rje ye shes me chen 'bar// me nyid kyang ni tshig par byed// drang srong nyid kyang phyag rgyar bsnams// me lha'i gdon 'khor dbang du bsdus// lho nub mtshams kyi bgegs 'dul ba// rdo rje srin po'i mgo can te// rab tu rno ba'i ral gri 'bar// bden bral nyid kyang phyag na bsnams// srin po'i tshogs rnams rab tu bsdus// nub byang mtshams kyi bgegs 'dul ba// rlung gi ba dan ni mgo gdengs// shin tu drag po'i glang po brjid// tshig bsrung nyid kyang phyag na bsnams// g.yeng ba thams cad rab tu bsdus// 'og gi 'jig rten bgegs 'dul ba// phyag rgya ri rab chen po ste// phag chen po ni phyag na bsnams// 'og gi bgegs rnams 'dul ba'o// gzhan yang nyi zla'i dkyil

  43. 230a

    'khor gyis// tsha dang grang ba'i sdug bsngal sel// me yi dkyil 'khor chen po yis// thams cad ma lus sreg par byed// chu yi dkyil 'khor chen po yis thams cad ma lus 'khru bar byed// rlung gi dkyil 'khor chen po yis// thams cad ma lus gtor bar byed// rdo rje ral gri 'khor lor bcas// mda' gzhu tho chen gri chen dang / rdo rje dung chen dgra star bcas// mche gcig spu gri'i so dang ni// rnga dang dung mdung sta re dang // gzhan yang phyag rgya sna tshogs so// dbus kyi he ru'i phyag rgyu na/ stiste ra'i dbyug to chen po dang // 'khor lo chen po rab tu 'bar// dung chen dmar gyis gang ba la// rdo rjes dkrug cing rab tu gsol// shar gyi khro bo'i phyag rgya ni// stir chen po'i dbyug pa dang // rdo rje dung chen rab tu 'bar// nr-i mgo dmar chen gang ba gsol// lho la khra bo'i phyag rgya ni// stir chen po'i dbyug pa dang // yid bzhin nor bu rin chen 'bar/ yid bzhin nor bu'i gzhal yas su// dmar gyi arga rab tu gsol// nub kyi khro bo'i phyag rgya ni// stir chen po'i dbyug pa dang // pad+ma chags med rab tu 'bar// dung chen dmar gyis bkang ba gsol// byang gi khro bo'i phyag rgya ni// stir chen po'i dbyug pa dang // rdo rje rgya zam rab tu 'bar// dung chen dmar gyis bkang ba gsol// khro mo rnams kyang khro

  44. 230b

    dang 'thun// gnas dang yul gyi phyag rgya ni// rgyud gzhan dag dang mthun par bshad// ma mo rnams kyi phyag rgya ni// 'jig rten 'das mdo che las bshad// sgyu 'phrul dra ba las// phyag rgya spros pa'i le'u ste bcu dgu pa'o// // de nas de bzhin gshegs pa khro bo'i rgyal po dpal shrI he ru kas/ sum kro d+hi shwa rari dang gnyis su med par 'du ba mdzad nas/ byang chub sems kyi rdo rje las/ khro ba'i dkyil 'khor mang po spros nas/ 'jig rten pa'i dbang mo dang / bdag po dang / rgyal po dang / rgyal po'i yang rgyal po dang / blon po dang / sde dpon dang / 'khor 'bum phrag bsam gyis mi khyab pa la sogs pa thams cad ma lus par dbang du bsdus nas/ 'jigs byed chen pos lha chen po rnams da ltar dang dus phyi ma'i dus su/ la la ni tshe 'phel ba'i las su bskos/ la la ni longs spyod 'phel bar bskos/ la la ni 'byung ba chen po la thogs pa med par 'gro bar bskos/ la la ni gzugs mi snang bar 'gro bar bskos/ la la ni gzugs sna tshogs cir yang 'gyur bar bskos/ la la ni mi mthun pa'i phyogs dbang du bsdu bar bskos/ la la ni nyam shing rmongs par bskos/ la la ni bskams shing 'pho bar bskos// gzhan yang bya ba sna tshogs ci 'dod par bskos nas/ ched du brjod pa 'di brjod do// mnyam

  45. 231a

    zhing rig pa'i rdo rje yis// 'jig rten gtso mchog dbang du bsdus// thugs rje chen po'i byin brlabs kyis// 'gro ba'i don rnams sna tshogs bstan/ thabs dang shes rab ldan gyur pas// ji ltar dmigs pa bzhin du grub// 'di ni rang byung lha yi lha/ byams dang snying rje ldan par rol// thugs rje chen po thabs mkhas pas// thams cad kun la spyod 'gyur yang // bag chags sogs par mi 'gyur te// bsod nams ye shes tshogs 'gyur rdzogs// thabs mkhas spyod pa ma gtogs par// gzung 'dzin 'khrul rtog rdul tsam med// de bzhin nyid dang dbyer med phyir// rtag tu rang bzhin 'od gsal gnas// / de nas bdag nyid rgyud don gong nas 'byung ba'i lha khro bo dang zhi ba gang la goms pa de gsal bar bsgoms nas/ ting nge 'dzin las su rung zhing / lha gsal bar gyur pa dang / rang gi lha'i bzlas pa 'bum 'bum gdon te/ lha chen po na dgug pa'i phyir// lcags kyu zhags pa s+pho Ta baM// ma hA de wa hU dza/ dza hU baM ho/ lha yi dbang po'i snying kha nas// yang nas yang du rnam par drangs// ma ma trag rak+Sha ma hA de wa gr-ih+Na hU hU hUM/ lha li gzugs ni 'tsher la dkar// lus ni rin chen kun gyis brgyan// gtsug na yid bzhin rin chen 'bar// lag pa g.yas

  46. 231b

    na thogs pa ni// yid bzhin bdud rtsi bum chu gsol// g.yon na rin chen sna lnga ste// lha rnams kun gyi re ba skong // btsun mo u ma ta dang gnas// rtag tu 'dod yon lnga dang ldan// bdag nyid snang mdzad gzhal yas khang // lha yi gzugs ni snga ma'i tshul// lha yi sa bon 'bum phrag tu// srog dang ldan par bzlas par bya// mdun nas dza rU bi hos drangs// rgyab nas rdo rje can gyis phul// dze nye je nye gnyis med par// lha chen po ni gsal gyur nas// ci 'dod las de byed du gzhug/ lha chen 'khor rnams thams cad kyang // de grub dbang med 'du bar 'gyur// gang 'dod las rnams byed par 'gyur// / de nas rgyal po chen po sde bzhi'i sgrub pa'i thabs 'di gsungs so// byang chub sems mchog ting 'dzin gyis// phyogs bzhi ma lus thams cad kun// rigs sngags 'chang gi don grub tu// rgyal chen bzhi yang dbang du bsdus// bdag nyid rigs bzhi he ru ka/ gong don 'byung ba bzhin du bsgom// lha nyid rtag tu gsal 'gyur zhing // lha yi gzugs tshul gsal bar bsgom// bdag nyid lha dang gnyis med par// yang dag don du ldan par bsgom// de nas rgyal po yul 'khor srung // gzugs ni gangs ri nyi shar 'dra// mchod sbyin 'od zer brgya dang ldan// lag g.yas rdo rje tri shul//

  47. 232a

    lag g.yon bdud ci bum pa gsol// in+d+ra ya swA hA/ dza hU ba ho/ a mr-i ta hU hU hUM su re ta wak+ta dzA hUM hUM/ zhes lan 'bum bzlas la/ bdag nyid rdo rje he ru ka/ 'dren pa'i phyag rgya de dag gis// lha yi dbang po'i snying nas drangs// rgyab nas rdo rje can gyis phul// de yis lha nyid dbang gyur nas// las ni gang 'dod byed par gzhug/ thams cad thams cad 'grub par byed// kun la'ang byin zhing kun ya za// lha yi 'khor rnams thams cad kun// ma lus par ni yang dag 'du// bran bzhin du ni phyi bzhin 'brang // / rgyal chen 'phags skyes bsgrub pa ni// bdag nyid rin chen he ru ste// sku mdog rgyud nas 'byung ba bzhin// phyag rgya rnams kyang de bzhin te// 'od kyi 'du 'phro byin brlabs kyis// 'phags skyes po ni dbang du bsdus// dr-i ta raSh+Ta la swA hA/ dzaHhU ba ho/ gr-ih+Na grih+Na/ dur byin hA ta/ hang hang hang rat+na/ dzaHhU baM ho/ snying po lan 'bum du bzlas te// srog dang ldan par ting 'dzin bya// bdag nyid rat+na he ru ka/ 'phags skyes po yi snying kha nas// dzaHyis rab tu gzung nas ni// bdag gi mdun du dgug par bya// rgyab nas rdo rje can gyis phul// de nas mngon du gyur pa dang // gang 'dod las ni byed du gzhug/ mdog ni gser gyi mdog tu 'bar// 'khor rnams thams cad bdag la

  48. 232b

    bsdu// yid bzhin rin chen gzhal yas 'grub// rgyal po mig ngan bsgrub pa ni// bdag nyid pad+ma he ru ka/ sku mdog gong gi snga ma bzhin// phyag rgya'i tshul yang de bzhin te// snying po 'bum phrag gsal bzlas na// ting 'dzin phyag rgya bsgyur rung zhing // lha nyid du ni gsal gyur nas// rgyal po de yi gzugs mdog ni// shin tu dmar zhing 'tsher ba ste// lag g.yas bdud rtsi bum pa gsol// lag g.yon 'dod yon lnga yi tshul// nub phyogs klu rnams re bskong // sbrul 'bum mgo yi gdengs ka can// de ni rab tu dbang bsdu'i phyir// b+hi rA b+ha ka swA hA/ dza hUM baM ho/ na ga shi ni bai pag/ baM pe ga dziHhUM baM ho/ 'bum phrag du ma bzlas nas ni// de ni bdag gi dbang du bsdu// bdag nyid lha ru gsal bsgomaso nas// mig mi bzang gi snying kha nas// dzaHyis rab tu gzung nas drangs// rgyab nas rdo rje can gyis phul// de nas bdag dang gnyis med par// dbyer med par ni gyur pa dang // ci 'dod las de byed du gzhug/ mig ngan 'khor rnams ma lus pa// bdag gi yas/ rnams rdzogs par byed// rgyal po rnam thos bsgrub pa ni// bdag nyid khro bo bdud rtsi 'khyil// sku mdog phyag mtshan snga ma bzhin// gsal zhing 'od

  49. 233a

    'phro 'bar bsgom zhing // rang sngags snying po 'bum phrag bzlas// ting 'dzin bsgyur du rung ba dang // rnam thos dag ni rtag tu bsgrub// gzugs ni rin chen pa g+h+nAn// yang na mdag ni sna 'tsher// phyag galas rin chen dbyug tu thegs// gsan na'i dang yon bum pa gas la// dbul rin chen sna tshogs mdzes/ bai shra ma na yau swA hA/ dza hUM ba ho/ ku bai ra ba ba kar ka ra yang yang / dzaHhUM baM ho/ 'bum du bzlas shing srog yod par// yang dang yang du bzlas par bya// bdag nyid bdud rtsi he ru ka/ dzaHyis rnam thos snying nas drangs// dbang du yang dag bsdu bar bya// rgyab nas rdo rje can gyis phul// yid bzhin rin chen dbang du 'gyur// gnod sbyin 'khor rnams bran bzhin bsdu// rin chen spro zhing las rnams bsgrub// ci 'dod las rnams byed par 'gyur// sgyu 'phrul dra ba las/ lha chen po bsgrub pa dang / rgyal po chen po bzhi'i dkyil 'khor bkod cing bsgrub pa'i le'u ste nyi shu pa'o// // de nas de bzhin gshegs pa rgyud kyi rgyal po sgyu 'phrul dra ba las/ lhag pa'i gzugs brnyan gyi dkyil 'khor gyis/ dngos grub blang ba'i thabs 'di gsungs so// ye nas mnyam nyid dkyil 'khor la// thabs dang shes rab ldan byas te// rang rig

  50. 233b

    ye shes rgyal po yis// thams cad ma lus maN+Da la'i// de bzhin nyid kyi gzhal yas la// rig pa rang dbang gyur pa yis// mnyam la mnyam par mi gnas pa'i// chos sku'i phyag rgya chen por bsgom// 'jig rten brtan g.yo thams cad la// rang bzhin dkyil 'khor gnas mod kyang // gzung 'dzin rnam rtog zhags pa yis// rang gis bsgribs shing bdag tu bcings// kun gyis yang dag rtogs bya'i phyir// de bzhin skra yi gzugs brnyan bstan// rtog dang mi rtog rang rig dang // yang dag thabs chen rdzogs pa'i don// ri ni chen sna tshogs la sogs dang // 'byung ba bzhi las gyur rnams kun// thams cad byang chub mchog gi rgyu// gzugs sogs ri mor bris pa dag/ ye shes chen po rab 'byam gyis/ don du mi 'gyur yongs ma gsungs// de bzhin ting 'dzin dkyil 'khor gyi// thams cad dbyings su bsdus nas ni// nyid kyi thugs la bstim byas te// thams cad sku yi phyag rgya che// dkyil 'khor rnam gsum dag byas pas// nam mkha'i dbyings kyi dkyil 'khor du// rang rig ye shes 'phro 'du yis// thams cad chos sku'i phyag rgya che// yang dag rtogs pa'i khyad par gyis// ting 'dzin don rnams gsal bsgoms nas// ma mA ki ni rgyun chags la// yang dag chos sku'i phyag rgya che// de bzhin ting 'dzin gsal

  51. 234a

    bsgoms nas// don mchog ma lus rdzogs bya'i phyir// mkha' la 'phyo ba'i dkyil 'khor du// dri med chos sku phyag rgya ra gsal// dbyings dang de bzhin nyid med par// ting nge 'dzin gyis dbang sgyur nas// kha dog dbyibs dang gzugs su bsgyur// sna tshogs 'phrin las rnam par rol// don gyi snying po mchog rnams dang // byang chub phyogs rnams rab tu rdzogs// 'jig rten gtso mchog rnams kyis bskor// a hoHchos sku phyag rgya de dag las// las lnga'i dkyil 'khor rab tu bsgrub// ting nge 'dzin gyis dbang sgyur na// ji ltar dmigs pa bzhin du 'grub// drag po gtum po gdul ba'i phyir// bdag nyid drag por bsgrubs nas ni// chos sku nag po 'od 'bar gyis// bgegs kyi ling ga gnan par bya// gtum po drag po'ang brlag par 'gyur// mi mthun phyogs kyang rdul du rlog/ 'di dag 'gro ba thams cad du// shin tu stobs drag che dang ldan 'gyur ro// thams cad ma lus gnyis med dbyings bsdu'i phyir// bdag nyid h+ya grI war bsgom// dmar po'i chos sku gsal bsgoms te// mi mthun phyogs rnams gdan du gding // ting 'dzin gsal bar byin brlabs nas// thams cad ma lus dbang du sdud// mthu chen dag kyang phyi bzhin 'brang // ci 'dod las rnams byed par

  52. 234b

    'gyur// thams cad yon tan 'phel bya'i phyir// bdag nyid rgyal ba'i khyu mchog ste// gser gyi mdog 'dra phyag rgyar bsgom// gang 'phel chos sku'i gdan la gzhag/ de ltar dag pas byin brlabs na// yon tan nam mkha'i mtha' dang mnyam// tshe dang longs spyod 'phel ba dang // ji ltar dmigs pa bzhin du 'grub// thugs rje chen po'i byin brlabs kyis// gtum po ma lus zhi ba'i phyir// dkar zhing 'tsher ba'i chos sku bsgom// gang zhig gtum khro zhi ba'i gdan// de bzhin ting 'dzin byin brlabs na// gtum po rngam po'ang zhi bar 'gyur// gzhan yang ji ltar dmigs pa bzhin// zhi zhing dul ba nyid du 'gyur// thams cad mkhyen pa'i ye shes kyis// rnam bzhi'i dkyil 'khor dbyings su bsdus// bya byed med par dkyil 'khor spyod// lhan grub dkyil 'khor ye nas rdzogs// a hoHchos sku'i phyag rgya chen po ni// dngos grub gang 'dod sbyin par nges// nye ba'i lha ni gang bsgrub pa// phyag rgya'i snying po bris bcug na// gang bsgoms the tsom med par 'grub// de ni rgyal ba kun dang mnyam par 'gyur// the tsom med par nges 'grub 'gyur// 'jig rten pa yi lha bsgrub na// lha yi snying po gang yang rung // bris te dkyil 'khor nang bcug na// lha de nye bar 'grub par 'gyur// chos nyid

  53. 235a

    rten cing 'brel bris na// chos kyi don rnams rtogs 'gyur te// rang dang spyil don rtogs nas// skye rgas na 'chi med par rtogs// phyag rgya chen po de dag las// nyon mongs las rnams sbyong byed pa'i// lha yi snying po ma nor don bris na// ngan song sdug bsngal med par 'gyur// gzhan yang dkyil 'khor bsam las dang // dpag tshad med pa'i phyag rgya che// sku gsung thugs ni rgyun mi 'chad// zhing khams bye ba rdul dang mnyam// a hoHrdo rje gsang ba'i tshig tu'o// sgyu 'phrul dra ba las lhag pa'i gzugs brnyan gyi dngos grub len pa'i thabs te/ mchod rten gdab pa'i le'u ste nyer gcig pa'o// // de nas de bzhin gshegs pas rgyud kyi rgyal po sgyu 'phrul dra ba las/ shin tu gsang ba'i phyir gsang sngags kyi rgyud sde phyi ba dang nang pa thabs kyi rgyud gzhan las khams bco brgyad du bstan/ gtsug lag thams cad la yang khams bco brgyad du bstan pa yin/ lung gi spyi 'di ni shin tu zab pa'i phyir khams nyi shu rtsa gcig tu bstan te/ lung gi spyi yang rgyud dang gsung rab thams cad 'byung ba'i gnas yin/ gsang ba'i dbang po dang gsang ba'i sul gnyis ka yang / skye mched khams thams cad 'byung ba yin pa'i phyir/ shin tu gsang bar gsungs so// dkyil 'khor de dag shin tu gsang bar bstan/

  54. 235b

    pa'i phyir/ nyid la nyid ched du brjod pa 'di brjod do// e ma'o ye nas gsang ba'i chos// thams cad kun la rab tu gnas// rang gis dag mnyam ma rtogs pas// kun la yod cing rang bzhin gsang // gzhan du min la shin tu gsang // don nyid kyis ni gsang ba'i rgyu// mnyam pa'i rdo rje can gyis gsungs// 'di ni byang chub snying po mchog/ a ho rdo rje gsang ba'i tshig tu'o// dbang po yul dus gsang ba'i rnams// byang chub sems dpa'i dkyil 'khor nyid// phung po lnga dang 'byung ba lnga// rigs lnga yab yum bcu ru sbyor// skye mched khams rnams bco brgyad po// byang chub sems dpa' sems ma nyid// dkyil 'khor nyid kyi dbyings yin te// thams cad 'byung ba rdo rje gsang ba'i dbang // dbang po yul nyid shes rab pad+ma'i dbyings// dbang po'i thugs ni rdo rje sems// thams cad byang chub sems ma yin// rdo rje gsang ba'i dbang por 'dus// thams cad 'byung ba'i gter nyid dang // thams cad 'gro ba'i gnas nyid de// de yis ma bskyed gang yang med// 'khor dang mya ngan 'das pa'i rgyu// de las thams cad skye zhing 'byung // kun gyi phyag rgya'i rgyu yin te// bde ba byang chub bsgrub pa'i rdzas// de las bskyed cing de las 'phro// dngos grub thams cad grub pa'i gnas// dbang po rdo rje pad+mar ldan// gnyis med byang chub

  55. 236a

    sems nyid 'phro// mi dmigs bde dang longs spyod 'phro// sku gsung thugs dang ye shes lnga// gsang ba'i lha mo bzhi rnams dang // mchod pa'i lha mo rdzogs ldan pa ni// 'jig dang gnas dang ldan dang smon pa yin// g.yo dang bskyod dang 'jug dang bde gnas pa// gsang ba'i dbang po pad+mos thob par 'gyur// de phyir gsang sngags mchog rdzogs pa// bsod nams ye shes tshogs kyang rdzogs// de bzhin nyid kyi gsang ba las// khams ni nyi shu rtsa gcig bshad// rdo rje gsang ba'i dbang po dang / pad+ma bde gnas 'byung ba dang // gsang ba mchog gi 'phrul chen spro// 'di ni rtsa gcig yin par gsungs// shin tu gsang ba zab pa'i phyir// khams nyi shu rtsa gcig tu bshad pa'i le'u ste nyer gnyis pa'o// thas na pa masaspyan pa 'di nad kyang byung / 'jig dang gnas dang sman pa'i byang chub sems// gso dang baspyod dang ldan dang gnas// dgug dang 'dzin dang de bzhin te// bsdus dang 'khris pa'i don 'grub phyir// bsdams dang mi gtong dbang 'gyur te// bde ba sgra snyan phyogs bcur sgrogs// shin tu sgeg pa'i gzi brjid 'bar// yid bzhin rin chen 'phreng ba 'bar// dbyangs snyan yid 'phrog pazi ldan 'bar// gzugs mdzes bskyod pas phyogs bcur g.yo//

  56. 236b

    kun tu tshim byed bro bsung thim// lta mdzes rin chen phung po 'phro// 'od gsal 'phro bas kun tu 'bar// bdud rtsi bsil dro 'jam pa'i dbyings// a la la ho/ gsang ba'i dbang po pad+ma ldan gyur na// chags pa med pa'i tshul gyis su// pha rol phyin pa cu rgyu 'bras rdzogs// sa bcu rim gyis bkod med rdzogs// kun tu 'od gsal pad+ma can yang rdzogs// thabs dang shes rab bla med pa yang rdzogs// bsod nams ye shes tshogs chen rdzogs par rol// a ho/ de bzhin nyid kyi gsang mchog las// khams ni nyi shu rtsa gcig ste// bco brgyad po ni rgyud gzhan bzhin// gsum ni de bzhin kun gyi bdag/ bco brgyad 'byung ba'i gnas yin te// byang chub 'grub pa'i zhing yang yin// bde ba sbyin pa'i rgyu yin te// gsang pa'i mtshan nyid brjod pa ni// dbang po rdo rje gsang ba'i rgyal// yul ni pad+ma bde mchog dbyings// sems ni byang chub 'byung ba'i gter// dbang po yul sems ldan gyur na// gsang ba mchog gi 'phrul chen spro// dkyil 'khor rdul snyed grangs med dang // phun sum tshogs pa'i lhun grub rnams// gsang dbang mche go gis sbyin par byed// 'di ni rtsa ba yin par gsungs// gsang ba'i mchog don 'di dag ni// lta ba dman la bshad byas na// dus min par ni

  57. 237a

    srog zad nas// mgo 'gas snying yang 'tshog par 'gyur// khab len gyis ni lcags sdud ltar// mi 'dod bzhin du dbang med pa// ngan song mi khom bskal par gnas par 'gyur// de bas 'di ni shin tu gsang bar bya// shes rab rgya chen blo zab yangs pa yis// blo brtan snying rje drung dang ngang tshul bzang la bstan// gzhan du na ma yang sprin mi bya// zhes nyid la nyid brjod do// shin tu zab pa'i phyir rgyud gzhan gyi nang du ma bshad do// gsang ba'i dkyil 'khor khams nyi shu rtsa gcig tu bsdus nas// thams cad ma lus par dbyings su bsdus pa'i le'u ste nyer gsum pa'o// // de nas de bzhin gshegs pas rgyud kyi rgyal po sgyu 'phrul dra ba las/ chos thams cad yid dang chos su 'dus par bstan pa dang / shes rab thams cad ni sum bzhir 'dus/ yum bzhi yang gcig tu 'dus so// thabs thams cad ni rigs bzhir 'dus/ rigs bzhi yang gcig tu 'dus te/ thams cad dbyings dang dbyings kyi ye shes su 'dus par bstan nas/ tshig mgo mjug gi don bsdus nas yang 'di skad brjod do// don gyi rtsa ba mchog yin no// thams cad ma lus mi lus mi dmigs mi chags chos nyid de// de bzhin nyid dbyings sna tshogs mang po thabs su snang // thabs nyid sgyu ma mig yor chu zla gzugs brnyan

  58. 237b

    yin// de nyid rang rig ye shes chags med sna tshogs snang // thabs dang shes rab ldan pas mchog gi gnas gyur pas// ji ltar spyad kyang gnyis med zad med sgrib mi 'gyur// shes rab thabs chen mchog la ye nas rol pa yin// de nyid phyag rgya sna tshogs sprul par rang rig ste// rgyu 'bras ye shes dbyer med snga phyi ma yin pas// 'bras bu'i lam du gyur nas dus gcig mnyam par sbyor// 'di ni yod bzhin rin chen thams cad 'byung ba'i gnas// thams cad 'dus pa'i gter dang yid bzhin mdzod// gnyis bral mnyam dang mi mnyam thams cad nyid kyi dbyings// nga dang bdag med sna tshogs mtshan ma dbyer med pa// stong dang mi stong mi gnas de bzhin nyid du rngubs// rang byung rdo rje dkyil 'khor zad med gter chen 'phro// 'das dang ma 'das dkyil 'khor bsam yas lhun grub dang // mi zad par ldan rgyan gyi 'khor lo drug rdzogs pa// skye med dbyings kyi rang 'byung 'od gsal 'phreng ldan mchog/ ye nas ma bcos ma byas rang rag ngang gis gsal// thams cad 'byung 'jug rang rig gter chen nang du bsdus// phyogs bcu ma lus mi lus thams cad kun 'dus dang // zhing khams bas ma yas gzhal yas bas ma yas rin chen mchog chen kun// skye med dbyings dang rang rig gnyis su yang dag 'ug// mos spyod stong nyid

  59. 238a

    rgyu 'bras yang nas yang spungs mi dmigs pa// ye nas 'od gsal chags med ma chags dkon mchog gnas// ming tsam mchog rol thabs dang shes rab mchog gis rdzogs// lam stegs nyid du pha rol phyin bcu rdzogs par rgyu 'bras spyod// mnyam nyid rig pa'i rdo rje thabs chen yang dag ldan// 'gro med 'ong med mi gnas kun khyab khyab med nyid kyis bshad// a ho/ rgyud kyi rgyal po sgyu 'phrul dra ba las/ pha rol tu phyin pa bcu dang / sa bcu dang / sa gnyis dang / thabs kyis mchog dang / sangs rgyas kyi zhing ma lus par yid dang chos su 'dus par bstan pa'i lo'u ste nyer bzhi pa'o// / rgyu sa po mdzu ring 'dir 'du she'o// dra gas/ de nas de bzhin gshegs pa thams cad kyis/ mi 'chi ba'i rdo rjer bsgrub pa 'di gsungs so// rdo rje zhing chen bsgrub 'dod pas// thams cad skye shing med tshul du// mnyam nyid dag pa nyid du bsgom// khro ba bdud rtsi 'khyil ba yi// dzaHhA baM hos dgug par bya// bdag dang khro bo gnyis med par// yang nas yang du bsgom par bya// skra rnams gsal bar gyur pa dang // zhing chen 'og tu gzhug par bya// dkyil 'khor ma lus der bkod nas// khro bo khro mo 'khor du bsgom// mngag pa'i pho nya phyogs bcur btang // thams cad ma lus dbang du bsdu// sgrub pa gcig

  60. 238b

    gam yang na gnyis// gsum dang lnga ru bsgom par bya// pho nya mang pos ni bkug nas// zhing la yang nas yang du gzhug/ dmar dang gser dang mdog snum 'byung // de nas ting 'dzin bdud rtsi yis// lan grangs 'bum phrag mang por bzlas// bzlas pa'i tshul ni rnam gsum dang // rdo rje sngags zlos rtse gsum dang // de yi bar nas bzlas pa 'byung // 'od zer lnga dang ldan par bya// zhing de lte ma ldem por gyur dang // bdud rtsi lnga yis bsku bar bya// de nas yi ge 'bru yang dgod// gsal zhing 'tsher bar bsgom par bya// dbang po lnga la dbang po'i tshul// yan lag lnga la rigs lnga'i tshul// rdo rje ting 'dzin de yis bsgom// de nas zhing de 'gul gyur nas// shin tu zhags pas bsdam par bya// yan lag rnams kyang gzhum par bya// phyogs bzhi dag tu thod pa bstan// de nas thod pa nub tu bstan// h+ya grI wa'i skur bsgom zhing // sngags ni 'bum phrag mang du bzlas// phyogs bcur spro zhing zhing la bstim// de nas zhing de drag 'gul nas// rdo rje ting 'dzin de yis ni// brtan pa nyid du bsgom par bya// de nas spar bar byed pa dang // a nri su ti pra du tri gang yin// rdo rje drag tu gdab cing dbab// thos pa'i kha nas hri byung na// rdo rje ting 'dzin so yis bcad// rdo rje sngags zlos khong du bstim/

  61. 239a

    gnyis su med par bsgom par bya// de nas zhing de langs pa dang // rdo rje byin nas dbang yang bskur// bdud rtsi chu yang blug par bya// las rnams thams cad byed du gzhug/ de ltar bsgrub pa'i rigs mchog gis// thal ba thams cad sos par 'gyur// bsgrub pa'i sa ni dur khrod dang // ri brag gnyan po bgegs yod par// nags khrod stong pa'i tsher ma can// gnod sbyin srin po 'byung po'i gnas// de dag tu ni bsgrub par bya// dgu dang bcu gnyis bcu gsum dang // bcu drug man chad bsgrub par bya// phyi nang 'tsho ba'i yo byad rnams// lam lnga'i gang dang sman rnams bcad// 'bru rnams tshogs par bcang bar bya// rtag tu tshogs chen mchod par bya// rtag pa dag tu ma ldan na// gsum dang lnga ru bar mi bcad// kha zas rnams kyang thod par bza'// btung ba dag kyang de bzhin te// mar me rtag tu gtang bar bya// rgyun nr-i yi mar las bya// yan lag bsku ba'ang de bzhin no// sdong bu pad+ma'i rgyus las bya// snod ni dung chen srubs med pa// lcang lo yod dang med pa dang // de bI pu tra ma byung ba/ mdog ni ban glang can la yod// rdo rje bsgrub pa bar gcod phyir// rtag tu mtshams ni gcad par bya// nI yi rkang pa g.yas g.yon nas// sbom po ma yin phra ba nyid//

  62. 239b

    de la kI la ya byas la// phur bu'i sngags dang khro sngags kyis// lan 'bum du ni bzlas nas ni// lag pa g.yas g.yon thal sor la// khro bo bcu dang khro mo bcu// 'od 'bar gzugs kyi sku ru bsgom// de nas gnyis med sbyor tshul du// bsgrub pa rdo rje bsgom par bya// bsgrub pa'i dngos lam gtogs pa// phyogs bcu rnams su mtshams kyang bcad// dngos grub ma thob par du ni// bsgom dang bzlas dang phyag rgya gsum// bag yod mgo la me 'bar bzhin// par mtshams med par bsgrub par bya// de ltar bsgrub pa'i rigs mchog gis// lha ma srin rnams bran bzhin bkol// 'jig rten dbang phyug dbang du sdud// rdo rje rigs mchog 'khor rkyen rnams// yod bzhin du ni 'byung bar 'gyur// rdzu 'phrul chen po 'di dag ni// lus sbed nus nas mngon du 'byung // de ma yin par shin tu gsang // ros langs bsgrub pa'i le'u ste/ nyer lnga pa'o// // de nas de bzhin gshegs pas rgyud kyi rgyal po sgyu 'phrul dra ba las/ ting nge 'dzin gyis rim par sbyong zhing dngos grub myur bar len pa'i thabs dra ba las 'di skad ces gsungs so// dkyil 'khor bsam yas dngos grub pa// mi dmigs dbyings nas don 'byin te// ma bcos ji bzhin ngang bzhag

  63. 240a

    dang // lhun gyis grub pa'i dkyil 'khor 'byung // mi dmigs thugs kyi dkyil 'khor las// ting nge 'dzin gyis dbang sgyur na// ye shes sprul pa sna tshogs 'grub// yo byad thams cad maN+Da la// ye shes dkyil 'khor thar byed skyong // longs spyod sku dang sangs rgyas zhing // ji ltar 'dod pa smon na 'grub// yangs shing rgya che lhun grub ni// phyi nang snod bcud ye nas dag/ dag rtogs nyid kyang dbyings nyid yin// 'di ni rdo rje mnyam yin no// dngos grub myur du 'grub 'dod na// shin tu phra zhing zab par bsgom// bdag dang bdag gi gzhan rnams ni// shin tu mi dmigs dbyings su bsgom// ting 'dzin de ni goms pa dang // thams cad sgyu ma mig yor dang // sprul pa'i tshul du shes par bya// de bzhin yang nas yang goms nas// de nas phra ba'i ting 'dzin bsgom// phyi nang snod bcud hU du bsdu// gang bsgru ba yi ge so so ste// s+thi ra ni gang bsgom kun tu 'dra// rdo rje sams dpa' nyid du 'du// yan lag lpa dang rnam shes nyid// yi ge hUM du shin tu bsdu// nI yi mig gis ltar yod par// yang nas yang du 'dris pa dang // 'od zer mang po spro bar bya// phyogs bcu dus bzhi gang ba dang // slar yang hU~M la bsdu bar bya// hU nyid mi

  64. 240b

    dmigs dbyings su thim// thim gyur dbyings nas a dkar 'bar// shin tu 'tsher bar gsal bsgoms la// thams cad a ru gyur par bsgom// de bzhin du ni 'dris gyur nas// a las ma yi dkyil 'khor bsgom// a ma gsal bar 'byor gyur nas// nyi zla gang ba sgril mar bsgom// hri gsal pad+ma chags med bsgom// rin chen 'bar ba'i gzhal yas bsgom// nyi zla gdan dang gzhal yas khang // thams cad 'dus shing phra bar bsgom// de dkyil yi ge hUM ka nas pa// mthing kha' tsher la gsal ba yi// 'od zer 'phro bar rnam par bsgom// 'od 'phro dbyings su slar bsdus nas// shin tu rdo rje phra bar bsgom// rdo rje 'od 'phro gsal bar gnas// dbyings su yang ni bstim par bya// de nyid sems dpa'i skur gyur nas// shin tu 'phro ba'i 'dus par bsgom// de bzhin gnyis med gsal gyur nas// sku gcig rdo rje dril 'bar bsgom// de bzhin nyid du gyur pa dang // dbu gsum phyag drug nyid du bsgom// gzhan yang khro 'dul sna tshogs bsgom// blo yi shes rab che chung las// rim pa bzhin du bsgom par bya// yang na cig char bsgom par bya// nyi zla gza' skar dus gcig tu// chu dkyil dngas par gsal 'bar

  65. 241a

    bzhin// de ltar goms rtogs rigs mchog des// ji ltar dbang sgyur bzhin du 'grub// mkha' la 'phyo dang rigs 'dzin gnas// chu rgyun zlo ga dang rlung mi 'gul// ri brag la sogs thogs med 'dzul// chu la mi 'bying mes mi 'tshig/ dug dang mtshon gyis 'jig mi 'gyur// mi snang ba dang mang por spru la// gzhan yang ji ltar 'dod pa bzhin// lha srin rnams la dbang sgyur dang // tshe dang dus la srid stang dang // stong gsum yungs 'brur shong ba dang // yungs 'brus stong gsum bskyed pa dang // ji ltar dmigs pa bzhin du 'grub// sbrul dang gcan gzan gdug pa rnams// khyi bzhin phyi bzhin 'brang bar 'gyur// bdud dang gdug pa la sogs pas// tshugs par mi 'gyur bran bzhin 'gyur// lus ma spangs par rigs 'dzin pas// ye shes bsod nams longs spyod kyis// yi ge 'khor lo tshogs mchog brnyes// thugs rje sprul pa'i byin brlabs kyis// so sor thar pa'i lam yang ston// 'gro ba ma lus don yang byed// las rnams ma lus kun byas nas// skye gi med pa'i gsung drung thob/ mtshan dang dpe byad kun gyis brgyan// bsang rnams so she sa tshogs can ldan/ mthar byen bya ba med par 'grub// bsgrub med spa ma/

  66. 241b

    chos kyi dbyings// 'od med 'gro mod de bzhin nyid// 'di ltar bsgrubs te bsgoms byas na// 'bras bu mngon du ma byung yang // tshe rabs skye ba thams cad du// las ngan kun tu skye mi 'gyur// theg pa dman par yong mi lhung // rdo rje rigs mchog 'dzin par 'gyur// zhes rdo rje gsang ba'i tshig tu'o// shin tu gsang ba dngos grub myur du thob par bya ba'i le'u ste nyer drug pa'o// // de nas de bzhin gshegs pas rgyud kyi rgyal po sgyu 'phrul dra ba las/ sku'i dkyil 'khor mngon du phyung ste 'di skad ces gsungs so// de bzhin nyid kyi dbyings ldan la// rgyu dang dra ba 'brel gyur nas// sku mchog rdo rje 'od snang ba// 'thun pa'i rdo rje rang snang ba'o// rgyud drug 'khor ba'i lus snang ba// rnam rtog 'thun pa'i las snang ba'o// de bzhin sku mchog dri bral dang // bde gshegs sku lngar mdor bsdus te// bcom ldan 'das dang byang chub gzugs// bla med gzugs dang rdo rje sku/ de la sogs te sku bas ma yas// phyogs bcu dus bzhi kun ston pa// thabs kyi 'gro 'dul skur ston te// byang chub mchog gi rdo rje sku// chags med zhing du sku ston pa// dbyings las ma bcos bzhin du snang // sku snang de bzhin nyid kyi dbyings// rnam dag sku ston ma yin te// log 'gro rtog pa thams cad la// so sor 'dul ba'i sku

  67. 242a

    yang ston// de tshe skye 'chi med pa'i sku// las dang ma chags pad+ma'i sku// thar dang mthar sna tshogs kyang // sna tshogs snang la gnas pa med// snang dang mi snang gnyis ka min// de ltar rtogs pa'i rigs mchog ni// badz+ra zhes ni gdags pa yin// ji snyed sku ston bsam yas pa// thams cad ma lus rdo rjer bsdus// 'khor lo zhes kyang brjod pa yin// de la sogs te sku bsam yas// byang chub thugs kyi dkyil nas byung // sku ni sna tshogs thams cad kyang // 'ja' tshon chu zla 'drar shes na// dbyings nyid la ni dbyings snang zad// thugs nyid gsung gi dkyil 'khor snang // gsung nyid sku yi dkyil 'khor te// dbyer med bzhin du yongs kyis so// dkyil 'khor bzang po bsgrub 'dod pas// rtag tu dus gnas thams cad du// bdag dang bdag gir dbyer med par// ye nas dkyil 'khor yin par brtag/ 'di ni dngos grub mchog yin par// kun tu rgyal gyis de skad gsungs// sgyu 'phrul dra ba las/ sku'i dkyil 'khor mngon du phyung ba zhes bya ba'i le'u ste nyer bdun pa'o// / bam po gsum pa'o// // de nas de bzhin gshegs pas rgyud kyi rgyal po sgyu 'phrul pa las/ sngags 'chang rnams don yod par bya ba'i phyir/ dam tshig gsum brgya'i sku'i dkyil 'khor rab tu ni/ rlung kyi rgyal po tsam las pagad khangs cu shes 'byung /

  68. 242b

    rtsa ba mdor bsdus nas/ sngags 'chang rnams kyi don du ched du brjod pa 'di brjod do// phyogs bcu'i 'jig rten rdul snyed du// log rtog mi zad rdul phran snyed// rtog 'dul gnyen po bsam mi khyab// 'dul ba sdom pa bsam yas dang // rdo rje theg mchog mang po kun// nyid las g.yos shing spros med kyang // rang rig 'phrul pa'i rtog pa yis// lta ba mtho dman bsam mi khyab// de 'dul don phyir 'tsham par bstan// yang dag nyid dang log rtog nyid// ngo bo nyid kyis gnas gyur na// de la bcos shing bsgyur du med// ye nas ngo bo yod yin na// nyon mongs spangs shing byung bsgrub med// thams cad ma lus ro gcig 'gyur// kun rdzob chu zla ltar min pas// cir yang 'gyur zhing cir yang 'grub// rnal 'byor de nyid rtogs pa yis// don dam skye 'gag med pa ste// kun rdzob sgyu ma cir yang 'grub// gnas ngan dus na log rtog nyid// gzung 'dzin bral ba nyid rtogs na// bdag med ye shes rang rig nyid// snying rje thabs mkhas ting 'dzin gyis// ji ltar dmig pa bzhin du 'grub// so so'i rang bzhin nges shes na// yang dag lam gyis bcos su med// de bas yang dag blo can gyis// thams cad dngos po med par bshad// dper na dug gi rigs shes pas// dug gis mi tshugs bzhin du snang // ha la ha la'i dug rnams

  69. 243a

    dang / bsgrubs na ra sa ya na'i sman// bdud rtsir 'gyur zhing tshe ring 'grub// nyon mongs rang dang spyi bstan pa// mtshan nyid ma nor don rtogs na// rnam par byang ba'i lam du 'gyur// skra gsung thugs kyi sa dngos grub kyang // gang na'ang med de nyid yin// nang gi chen po lnga nyid kyang // rang dang spa yi don brtags na// mtshan ma med pa rnam par dag/ so so'i rtsal rnams 'dzin gyur pas// thabs chen du ni rnam par 'phro// mtshan rnams rang bzhin mi gnas pas// shes rab dbyings su rnam par sbyor// // gti mug ces ni brjod pa yang // ma rig ming gi rnam grangs te// gnyis med don gcig yin par bshad// rang gi/ mtshan nyid brjod pa ni// chos dang bdag dang dngos po rnams// ngo bo yod la sogs pa'i rtags// rtog pa'i sgyu ma'i rlung gyur te// log rtog spros pa'i rgyun yin la// thams cad chos dbyings ro gcig ste// bzod pa'i chos nyid mig can yin// spre yi mtshan nyid brjod pa ni// mi rtag sdug bsngal stong bdag med// mar pa ni spang du med// rig pa yang dag bsgrub tu med// thams cad dbyings su ro gcig thim// sgyu ma'i dngos po rtog pa ni// sgyu mar rtog nyid mi dmigs pas// mi dmigs

  70. 243b

    de nyid sna tshogs snang // skyes pa nyid na chos nyid gcig/ dbyings nyid mi dmigs de bzhin nyid// de nyid chos sku'i phyag rgya che// mi dmigs sgyu mar dngos po la// rtog pa'i yul gyi dngos nyid kyang // chos nyid mi dmigs ye nas dag/ sgyu ma mi dmigs dbyer med phyir// yod med gnyis ka dbyer med pas// ting nge 'dzin gyis dbang sbyar na// thugs kyi phyag rgya chen po yin// chos nyid dmigs su med pa ste// mi dmigs bzhin du sgyu mar spro// gdul bya'i bya ba bsam mi khyab// gsung gi phyag rgya chen po'o// de ltar gti mug spang du med// rnam par snang mdzad rgya chen yin// / zhe sdang rang dang spyi bstan pa// kun nas mnar sems rtog pa yis// sgyu ma'i dngos po thams cad la// 'jig par mos pa'i rang bzhin can// spyi yi mtshan nyid brjod pa ni// mi rtag sdug bsngal stong pa dag med// zhe sdang snying rje spang ba sgrub med// chos kyi dbyings su ro gcig phyir// sgyu ma'i rang bzhin mnar sems pa// dngos po thams cad 'jig rtogs na// sgyu mar snang ba thams cad kyang // chos kyi dbyings las mi gzhan te// ma dmigs pa nyid sgyu mar skyes// chos rnams kun gyi rang bzhin ni// bdag dang srog dang gso ba'i rang bzhin med// snang ba thams cad bdag med chos kyi

  71. 244a

    dbyings// mnar sems sgyu ma chos nyid ro gcig ste// thams cad mi dmigs de bzhin nyid yin pas// kun kyang dbyer med chos sku'i phyag rgya yin// ma dmigs sgyu ma kun nas mnar sems pa// rtog pa'i yul la kun nas mnar sems te// chos nyid sgyu ma mi dmigs dbyer med phyir// don dam kun rdzob ro gcig ste// ting nge 'dzin gyis dbang sgyur na// thugs kyi phyag rgya chen po yin// mi dmigs sgyu ma kun nas mnar sems pa// gdul bya'i bya ba bsam mi khyab// gsung gi phyag rgya chen po yin// zhe sdang spyi yi mtshan nyid ni// yang dag nyid kyis rab brtags na// rnam par byang ba'i mtshan nyid de// chos nyid mi dmigs spang du med// nga rgyal mtshan nyid bshad pa ni// khong nas 'gying zhing sems khengs pa// pha rol zil gyis gnon par byed// spri yi mtshan nyid bshad pa ni// mi rtag sdug bsngal stong bdag med// nga rgyal spangs nas zhi bsgrub med// chos kyi dbyings su ro gcig pas// kun rdzob sgyu mar khong 'gying nyid// de bzhin nyid las mi gzhan te// chos nyid mi dmigs sgyu ma 'gying bar skyes// skye 'gying nyid na chos nyid ro gcig ste// 'gying ba'i rang bzhin mi dmigs ngang gis dag/ 'gying dang mi 'gying dbyer med phyir// chos sku'i

  72. 244b

    phyag rgya chen po yin// mi dmigs pa nyid sgyu ma'i 'gying bar skyes// 'gying bas yul gzhan zil gyis gnon pa nyid// chos kyi dbyings las mi gzhan te// sgyu ma'i chos nyid dbyer med phyir// don dam kun rdzob gnyis ka gcig/ ting nge 'dzin gyis dbang sgyur na// thugs kyi phyag rgya chen po yin// mi dmigs sgyu mar 'gying ba ni// nga rgyal gdul bya bsam ma khyab// gsung gi phyag rgya chen po yin// nga rgyal spyi yi mtshan nyid ni// sred pa kun la zhen pa no// rnam par byang ba'i mtshan nyid de// zhi ba sgrub nga rgyal spang du med/ 'dod chags rang gi mtshan nyid ni// sred pa kun la zhen pa ste// spyi mo mtshan nyid bshad pa ni// mi rtag sdug bsngal stong bdag med// chags spangs ma chags bsgrub tu med// chos kyi dbyings su ro gcig phyir// kun rdzob sgyu ma'i rang bzhin du// 'dod cing chags pa sgyu mar srid// mi dmigs pa las mi gzhan phyir// mi da migs de nyid sgyu mar skyes// chos rnams pa dag las mi gzhan te// spyod pa sgyu ma ro gcig phyir// chos nyid chos can gnyis su dmigs su med// rgyal ba kun dang dbyer med pa'i// chos sku'i phyag rgya chen po yin// mi dmigs sgyu mar 'dod cing chags rtog pa// yul dang 'dod chags nyid kyang chos nyid mi dmigs te// sgyu ma dang ni

  73. 245a

    mi dmigs dbyer med phyir// bden pa gnyis kar dbyer med ro gcig pas// ting nge 'dzin gyis dbang sgyur na// thugs kyi phyag rgya chen po yin// mi dmigs dbyings nyid 'dod chags sgyu mar spros pa ni// gdul bya'i bya ba bsam gyis mi khyab ste// gsung gi phyag rgya chen po yin// 'dod chags mtshan nyid rtogs pa nyid// rnam par byang ba yin pa'i phyir// chags dang ma chags gnyis med pas// 'dod chags mtshan nyid spang du med// / phrag dog kun gyi mtshan nyid ni// gzhan gyi phun sum tshogs ba la// sems dag rtag pa'i sgyu ma gzhan// thabs kyis sbyor ba'i rang bzhin can// phrag dog spyi yi mtshan nyid ni// mi rtag sdug bsngal stong bdag med// dog pa spangs shing sangs bsgrub med// chos nyid du ni ro gcig phyir// kun rdzob sgyu ma'i mtshan nyid ni// gzhan gyi phun sum tshogs pa la// phrag dog pa yi sgyu ma nyid// mi dmigs pa las mi gzhan te// mi dmigs pa nyid sgyu mar skyes// phun sum tshogs par sbyor ba yis// thabs kyi sgyu ma'i chos nyid de// rgyal ba kun dang dbyer med pa'i// chos sku'i phyag rgya chen po yin// mi dmag sgyu ma gzhan gyi phun sum tshogs pa la// phrag dog rtog par 'dzin pa dang // rtog dang phrag dog mi dmigs te// sgyu ma mi dmigs dbyer med pa'i// bden pa gnyis ka ro gcig pas//

  74. 245b

    ting nge 'dzin gyis dbang sgyur na// thugs kyi phyag rgya chen po yini// mi dmigs gzhan gyi phun sum tshogs pa la// phrag dog rnams su spros pa ni// gdul bya'i bya ba bsam mi khyab/ gsung gi phyag rgya chen po'o// phrag dog mtshan nyid rtogs pa ni// rnam par byang ba'i mtshan nyid de// dog pa spangs med yangs bsgrub med// sems can rnam pa mang po kun// nang gi chen po lnga bstan pa// rang spyi'i mtshan nyid bshad par bya// thabs dang shes rab ma rtogs pas// ma grol khams gsum 'khor bar las// ma grol khams gsum 'khor ba yin// de ltar nges pa tsa mngon na// sngags kyis yongs su zin pa'i nad// kun la gnod par byed mi nus// thabs dang shes rab rtogs pa yis// dug gsum sdug bsngal ga nod mi 'gyur// thabs la mkhas pas ma zin na// lam gyi dge sbyong stegs bcas kyang // mtho ris mi dang lha ru skyes// skye shi med pa'i sa mi thob// thabs mas snying rjes zin pa ni// mtshams med sems can ma lus kun// byang chub snying rjes gsad na yang // bsod nams dpag tu med pa thob// ma gsad na ni sems can yal bar bor// snying rje med de sdig yod 'gyur// 'dod chags zhe sdang gti mug dang // nga rgyal phrag dog chen po dang // gang phyir byang chub sems de ni// rdo rje de bzhin gshegs par

  75. 246a

    gsal/ nyon mongs pa ni de bzhin gshegs// ngo bo yin par yang dag gsungs// chos kun rang bzhin dag pa'i phyir// 'khor ba yongs su dag par 'gyur// thabs dang shes rab ldan pa la// nyon mongs thams cad byang chub rgyu// 'khor ba rang bzhin bdag med pas// de phyir de bzhin gshegs bsam yas// thabs dang shes rab ldan gyur pas// phyin cig log nyid byang chub lam// 'khor ba rang bzhin mi dmigs phyir// mya ngan 'das pa yod ma yin// gsang sngags bla na med pa ni// thabs kyis ji ltar zin bzhin 'grub// bsam gyis mi khyab nges pa med// don dam cir yang ma grub la// sgyu ma'i sprul pa bsam mi khyab// thabs chen dag gis zin pa ni// nyon mongs lam yang rnam par grol// thabs chen dag gis ma zin na// dge ba spyad kyang grol mi 'gyur// rnal 'byor don dam ldan pa yis// nyon mongs 'ching ba'i chos spyad kyang // rnam par grol bar 'gyur ba yin// 'khor ba dang ni mya ngan 'das// gnyis ka yod pa ma yin pas// 'khor ba stong par shes pa ni// de ni mya ngan 'das pa'i mtha'// nyon mongs phyin ci log rnams dag/ thabs la mkhas pas zin gyur kyang // grol la thar par mi 'gyur na// byang chub sems dpa' rnams kyis ni// 'dul ba'i dbang gis bya byed

  76. 246b

    kun// rngon dang smad 'tshong ston pa ltung // byang chub sems dpa' spyod tshul bzang // phal la med pas mi rung na// sngags mchog shin tu zab pa yis// skye bo kun gyis bya bar 'byung // bdud rtsi dang du blang bar gsungs// mnyam dang mi mnyam dbyer med na// sku gsung rdo rje dbang thob 'gyur// grub pa'i rdzas su de phyir gsungs// mnyam pa'i don nyid ma rtogs na// byol song la la chos dang ldan gyur kyang // drang srong mtsho dang rtag 'thun dang // ji srid 'dod pa spong byed pa// de dag grol bar ngas ma bshad// chos rnams yongs su dag pa mos// rnam bzhi'i tshul gyis don rtogs mngon// rgyu rnams rab tu dag pa dang // 'bras bu yongs su dag 'gyur te// don dam dmigs med rang bzhin dag/ kun rdzob sgyu mar ye nas dag/ rgyu yi mtshan nyid dag pa ni// phyi rol chen po lnga rnams te// sems nyid gzung 'dzin rnam snang ba// gzung ba'i yul nyid 'byung ba che// rgyu nyid rang gi sems yin pas// 'byung ba chen po rgyu las dag/ 'bras bu yongs su dag pa ni// sems can kun gyi rus pa ste// rdo rje byang chub sems yin la// sha ni pad+mari rak+Sha yin// dri chen dri chu gur kum chu// so so'i lus la gnas pas dag/ don dam dmigs pa med pa ni// phyi nang chos rnams thams cad kyang // gang gi ngo bo'ang ma yin te// skye 'gag med

  77. 247a

    par se nas dag/ kun rdzob ye nas dag pa ni// sgyu ma'i rang bzhin thams cad snang // chu zla'i tshul du'ang mi dmigs gnas// mi dmigs pa nyid snang tshogs snang // de bzhin gshegs par ye nas mnyam// de bas gtsang sme med par spyod// sems can rtog pa bzlog phyir sman// gtse ru dang du blang bar bya// de bas sems can phyin ci log/ chos rnams dag par ma shes te// thabs dang shes rab ma rtogs pas// kha cig ji srid 'tsho yi bar du zos// kha cig drang srong bzhin du rtswa chu zos// zos kyang ma grub don ma rtogs// rnal 'byor thabs ldan rnams kyis ni// rang bzhin yongs kyi dag pa yi// mnyam pa'i dbyings su yang dag rtogs// thabs dang shes rab 'brel pa yis// the tsom med par 'grub par 'gyur// dngos dang dngos med rtogs pa'ang mtshan// gtsang dang mi gtsang rtogs pa'ang mtshan// mtshan ma nyid kyang rnam spangs te// mkhyen pas dbus la gnas mi gnas// bsgrub pa'i rdzas su yang dag gsungs// byang chub sems dang sha chen dang // dri chen dri chu rak+ta dang // sgrub pa pos ni rtag par bza'// dngos grub la mtshan chen po 'grub// tshol dbang dang rig pa 'dzin// mkha' la 'phyo dang thog med 'grub// mthar ni skye med rdo rje'i sa// gzhan

  78. 247b

    yang ji ltar dmigs pa bzhin// 'grub 'gyur 'di la the tsom med// gsang ba'i snying po'i don nyid kyis// yi dam mi spangs rtag bsgom zhing // yi dam lha ma mtshan nyid ni// de bzhin gshegs pa thams cad kyi// sku gsung rdo rje'i bdag po yin// lha spangs dge slong don med 'gyur// lha ni mi spang don nyid ni// lhan grub ye shes sems dpa' 'khor bcas thams cad kyis// bdag dang gnyis med so so tha dad ma yin pa'i// dus gsum pode gshegs dkyil 'khor thams cad kyis// sku gsung thugs kyi rdo rje'i bdag po ste// phyag rgya chen po yongs su rdzogs par bsgom pa'i don// dkon mchog gsum spangs tshangs par spyod pa'i don med 'gyur// bdag nyid lha dang mnyam sbyor na/ yon tan chung yang 'grub par 'gyur// ye nas mnyam nyid sbyor bas su// lha nyid du ni rtag tu bsgom// bde gshegs kun dang mnyam sbyor bas// dkyil 'khor kun dang mnyam pa 'gyur// bde gshegs kun dang mnyam pa'i phyir// sku gsung ye shes lnga rdzogs 'grub// rdo rje slob dpon smad mi bya// byang chub ston pa'i 'dren pa'o// long ba'i dmigs bus 'dren pa dang // nyon mongs sdug bsngal mtsho skams yin// slob dpon de la smod pa ni// dper na mun khung sgron gsad na// mthong ba'i

  79. 248a

    don mi rtogs pa bzhin// sdug bsngal nyam thag sun ring du// bskal pa mang por myong bar mngon// de bas rtag tu gus pa bgyis// las la dbang ba'i rgyal po bas// shin tu gtso bor blang bar bya// drin chags bskyed pa'i pham pas// shin tu lhag pa'i ri mor bya// rdo rje mched dam lcam dral ni// bla med byang chub 'gro ba'i spun// chos nyid dam tshig smon lam mthus// byang chub rigs 'dzani sar nges pas// de la ldog cing 'khu ba ni// rang la rang gis mtshon btab na// rang srog tshe rabs lnga brgya'i bar// rang gis gcod cing phung bar 'gyur// tshe 'dir mi dge sna tshogs pa// mi 'dod bzhin du 'byung bar 'gyur// 'jig rten pha rol dag tu yang // ngan song gsum dang mi khom pa'i// sdug bsngal kha brgyud myong bar 'gyur// yun rings rtag tu mi thar pa'i// shin tu nyam thag myong bar 'gyur// grub pa gcig bzhin lhan cig spyad// gnyis med spyod dang rjes spyod mthun// bde ga shegs dkyil 'khor bla med yin// shes rab gsal bas rtag tu gdung // gsang ba gzhan la mi bi sgrags shing // sku gsung thugs kyi dam chog rnams// rnal 'byor mnyam pa rnam gnyis kyis// thabs dang shes rab 'brel rtogs na// mnyam pa'i spyod pas la dor te//

  80. 248b

    pal dang mi 'dra yang dag rtogs// ma rtogs pa yi phyogs rnams dang // skye bo kun la'ang rab tu gsang // gsang phyir gdam ngag sna tshogs gsungs// thabs la mkhas pas// byas pa yin// gsang sngags skyon yod ma yin te// thugs rje chen po thabs mkhas kyis// snod ma yane dang blo rtul rnams// las 'phro ngan pa'i don phyir gsang // rgyal pa gang gis gsang don 'di// las 'phro ngan la bsgrags gyur na// dper na gtsub shing mes gtsubs na// gtsu bo shing nyid kyang 'tshig par 'gyur// gzhan yang 'tshig par 'gyur pa bzhin// don bzang po 'di me dang 'dra// skal ba chung zhing shes rab dman// blo ngan rgyu 'bras rmongs pa rnams// mnyam pa nyid la skur 'debs pas// ngan song gsum du 'phang bar 'gyur// gsang thos ma rtogs sdug bsngal myong // gsang ba 'phel bar byed pa yang // smra byed lce la zhing rmo zhing // sdug bsngal chen po myong bar 'gyur// de phyir sems can don phyir ka sang // rlung phyogs tsam du'ang brjod mi bya// sngags dang phyag rgya rgyun ma bcad// sngags shes rab tu bsgrags pa ni// don dam kun rdzob dbyer med pa'i// mnyam pa'i dkyil 'khor chen po ru// sku gsung thugs kyi yo ge oM// de la sogs pa bzhi bcu gnyis// phyag rgya chen po'i mtshan nyid ni// phyogs

  81. 249a

    bcu dus bzhi gshegs pa yi// sku gsung thugs dang ye shes lnga// bdag dang dbyer med phyag rgya che// gsal la brtson pa'i yon tan ldan// yid bzhin ma chags dbang sgyur te// goms shing brtan par bya ba yin// de bas bar chad brtson med na// dper na sa bon tshig pa las// 'bras bu 'dod pa dang 'dra ste// bsgrub pa'i 'bras bu med par 'gyur// mi kho ma 'khor bar gnas gyur te// rnal 'byor chen po la zhugs pas// phyi nang chos rnams thams cad la// dmigs med gcig dang du mar bral// mtha' dbus gang yang ma yin pa'i// ngo bo nyid med mtshan nyid med// mnyam pa chen po'i phyag rgya yis// phyogs bzhi dus bzhi thams cad dang // 'jig rten 'das dang 'jig rten pa'i// yon tan skyon rnams skye 'gag med// gang gis ngo bor ma grub mnyam// kun rdzob chos nyid dbyer med pa'i// mi dmigs gang gi ngo bo min// chu zla'i tshul du sna tshogs par// snang zhing bya ba byed nus pa'i// phyag rgya chen po'i phyogs bcu dang // dus bzhi khams gsum thams cad dang // 'jig rten pa dang 'jig rten 'das// yon tan skyon rnams thams cad kyang / sgyu mar mnyam par ye nas gnas// sngags 'chang gsal por rtogs byas nas// bdag nyid chos nyid skye 'gag med// ngang las ma g.yos par gnas na// phyag rgya

  82. 249b

    chen po thams cad kyang // rdzogs par phyogs bcu dus gsum gyi// de bzhin gshegs pa'i sku gsung thugs// thams cad dbyer med ye mnyam la// ma 'dres rgya yongs ma chad pa'i// gzhal yas khang dang nyi zla yi// dkyil 'khor ba sa ma yas lhan grub ni// sku gsung thugs ni bsam mi khyab// mnyam pa'i dbyings chen rdzogs par bsgom// de ltar dam tshig 'di gsungs te// de la ga nas na 'grub par 'gyur// yan lag ma nyams sngags bzlas shing // 'dod pa kun la longs spyod bya// lus dang ngag sems brtan gyur nas// byang chub rab 'byam thob par 'gyur// dam tshig chen po las 'das na// nyen ni shin tu che bar gsungs// sangs rgyas byang chub sems dpa' dang // sngags kyi spyod pa don sgrub pa// rmongs pas gal te 'das byas na// de'i srog kyang der zad 'gyur te// dam tshig bsrung dang sngags bzlas dang // phyag rgya rgyun mi 'chad pa bzhin// brtson 'grus che zhing brtan pas gzung // rnal 'byor brtson 'grus chung gyur na// mi 'grub nyen yang che bar gsungs// ji ltar ral gri so la nan tan du// skyes bus myur du gzung na ni/ lag pa nges par chod par 'gyur// de bzhin nan tan byed pa'i gsang sngags pa// 'chi'am yang na 'bras bu med par 'gyur// rnal 'byor dam pa

  83. 250a

    rnams kyis ni// sngags kyi yan lag ma nyams gsal// don ldan ma nyams dag byas shing // brtson 'grus cher bskyed myur bar 'grub// sngags goms ma nyams phyag rgyar gsal// cho ga yo byad gtsor ma gsungs// tshogs na yang ni nyes pa med// mtshogs na yang 'grub par 'gyur// bdag nyid rang gi lhar sbyor bas// dngos grub thams cad 'grub par 'gyur// cho ga lhag gam ma tshang na'ang // 'grub par 'gyur te nyes skyon med// ces gsang ba'i tshig tu'o// dam tshig sum brgya pa rtsa ba bco lnga/ mdor bshad pa'i le'u ste nyer brgyad pa'o// // de nas de bzhin gshegs pas rgyud kyi rgyal po sgyu 'phrul dra bas/ dam tshig bco lnga pa'i mdo 'di ltar yang bshad do// thams cad mkhyen pa'i ye shes kyis// thams cad mnyam pa'i ngang nyid du// dbyings su ro gcig de bsdus te// don du mi 'gyur yongs ma gsungs// yon tan mchog gi 'dod pa ni// snang srid ma lus thams cad kun// mnyam pa'i zhing du sbyor bas na// chags pa med pa'i tshul du spyod// 'di ni rnam dag legs pa'i lam// byang chub mchog tu 'gro ba'i gnas// bde mchog mi zad rin chen gter// cis kyang mi tshugs rdo rje'i sku// nyon mongs sdug bsngal 'dod chags ni// lus dang zas

  84. 250b

    kyis bsgrib 'gyur te// yi dgas sdug bsngal gnas su 'gro// skom dang bkres pas nyon mongs 'gyur// rnag khrag ngan skyugs rtag mthong yang // de la spyod pa'i dbang yang med// rtsub cing gdug pas bsrung bar 'gyur// thugs rje chen po'i zhe sdang ni// 'khor ba'i lam lnga sgo bcad cing // bde gshegs lam du 'dzud par byed// yang dag don dang ldan par 'gyur// thugs rje'i tshul gyis khro ston tsang // shan tu mnyam pa'i ngang du 'jog/ rdo rje sems dpa' zhi ba'i/ sa// yang dag mchog gi bde ba 'grub// ye shes gsal ba'i gti mug ni// bdag dang bdag gir dbyer med de// rang bzhin med pa'i dbyings la rol// thams cad brjod du med pa'i ngang // kun tu khyab pa'i sku mnga' ba'i// shin tu 'od gsal rnam dag lam// byang chub sems dpa'i sgrib pa sbyong // sems can nyon mongs dug sel 'gyur// thams cad zhing spong nga rgyal ni// yon tan bskyed pa'i mdzod yin te// nga med bdag med mi dmigs la// su zhig de la nga rgyal skyed// dpung bzhi'i tshogs kyis mi thub pa'i// shin tu rgyal ba'i khyu mchog 'grub// lha srin bdud sde tshar bcad pa'i// dpa' bar 'gro ba'i ting 'dzin thob// phrag dog yangs pa'i don sbyor ba// nga dang bdag med don

  85. 251a

    rtogs na// dog dang yangs pa gnyis ka med// bde mchog dkyil 'khor yangs pa 'grub// phrag dog dngos po mi shes shing // nga dang bdag tu 'dzin gyur na// lha ma yin gyi gnas su skye// de nas yi dgas gnas su 'gro// gal te yul sa rnyed gyur na// shin tu mi bde dog par 'gyur// gzhan yang longs spyod thams cad la// dbang byar med cing gzhan dbang 'gyur// mdor na nyon mongs sdug bsngal 'grub// phrag dog yang dag rtogs pa ni// nga dang bdag tu 'dzin pa dang // phyin ci log la phrag dog ste// thams cad gnyis su med par sbyor// bde ba mchog kyang 'grub par 'gyur// gnyis med don yang rtogs par 'grub// nga med bdag med dbyings su thim// lhan grub don mchog 'grub par 'gyur// yi dem lha ni rtag bsgoms na// rgyu 'bras lhun gyis grub pa yi// bdag gis kun la dbang sgyur te// rigs 'dzin go nas su skye bar 'gyur// rdo rje slob dpon smad mi bya// yon tan rin chen gter chen po// thams cad ma lus ston pa ste// nyon mongs ma lus rtsad gcod pa// bla med 'bras bu thob par byed// lus la dbang ba'i rgyal po bas// shin tu lhag pa'i bkur sti bya// drin chags bskyed pa'i pham pas// shin tu gdung zhing brtse bar bya//

  86. 251b

    sngags dang phyag rgya rgyun mi bcad// phyag rgya chen po rtag tu gzhag/ sngags ni rtag tu brjod par bya// nyin yang lan gsum mtshan yang yan gsum du// mkhas pa dag ni rgyun du bya// bar ma chad par bsgrims te bzlas// gsang ba'i man ngag gzhan la spel mi bya// rdo rje lce yi tshul yod kyang // theg pa dman dang ma 'dres pa// skye po phal la smra mi bya// rdo rje mched dang lcam dral la// rngan dang dpya sems smad pa dag/ rdzi phyogs tsam du'ang sgra mi bya// shin tu gdung zhing brtse bar bya/ bdud rtsi sman rnams rtag tu spyad// bla med 'grub pa'i gso sa yin pas// gtsang sme med par bza' bar bya// yid bzhin bdud rtsi dbang byed 'gyur// 'dod chags zhe sdang gti mug dang // nga rgyal phrag dog chen po ni// sangs rgyas lnga po de yin pas// mi spang rtag tu bsgrub par bya// dam tshig dam tshig/ ces bya ba// gud na yod pa ma yin te// rang gi lta ba dam tshig yin// mi gtong phyir yang dam zhes bya// gzugs su gyur pas dam zhes bya// rdo rje ma nor lam ston pas// de la yang ni tshig ces bya// yang na de bzhin bka' bcag pas// mi khom gnas su tshig par 'gyur// dam tshig ces ni de la brjod// a ma rdo rje rigs kyi

  87. 252a

    bsgrub bya ba// sgrol dang sbyor bas mthar phyin 'gyur// sbyor ba nyid na sgrol ba yin// sgrol ba nyid na sbyor ba yin// rang bzhin gyis ni sbyor sgrol dang // ting nge 'dzin gyis sbyor sgrol dang // dbang po yul dus sbyor sgrol dang // thabs chen dag gis sbyor sgrol dang // mngon du phyung ba'i sbyor sgrol lo// yang na sbyor sgrol bdag la rdzogs/ shes rab dbyings dang bdag tu sbyor// thabs chen sprul pa bsam mi khyab// dbyings dang dbyings su thams cad sgrol// rol pa'i 'phrin las bsam mi khyab/ dbyings dang dbyings su thams cad sgrol// sbyor sgrol 'phrin las bdag la rdzogs// byang chub sems sprul phyogs bcur 'phro// ngan song gnas rnams stong par byed// rigs 'dzin bde ldan thob par byed// bla medo zhing rnams dag par byed// sku gsung lhan grub phyogs bcur 'dul// rdo rje zhes te mtshan bsgrags te// theg dman rnams kyang rdo rjer dgod// zad mi shes kyi gter yang 'grub// rdo rje rig pa 'dzin pa'i sku// thams cad dbyer med mnyam pa'i sku// thams cad mkhyen pa'i ye shes mchog/ thugs rje'i sprul pa dpag med kyis// 'gro drug dus gnas ma lus mkhyen// 'gro ba nyid na nyid kyi sku// nyon mongs byang chub lam du mkhyen// 'khor ba nyid na bde gnas so//

  88. 252b

    chos kyi dbyings dang sems can mtha'// dbyer med yang dag nyid du'o// // de nas de bzhin gshegs pa rgyud kyi rgyal po sgyu 'phrul dra ba las/ dam tshig rnam par spros pa 'di nyid la nyid ched du brjod pa 'di brjod do// spong ba rdo rje zhes bya ba'i dam tshig ni/ zhe sdang rdo rje thugs rje'i ngang // dmyal ba'i gnas rnams tshar gcod pa/ brgyad brgyad bcu drug zhing du sbyor// tsha ba rnams la bsil ba'i sman// grang ba rnams la dro ba'i sman// ba sil dro 'jam rtsub cha snyoms pa// thugs rje'i byin rlab de ltar ston// byin brlabs ya mtshan rmad po che// chags pa'i ye shes zhes bya ba'i dam tshig ni// chags pa med pa'i tshul gyis ni// 'dod pa kun la longs spyod bya// ji ltar bde ba'i ro myong zhing // myong tshor nyid na rang bzhin med// chags pa med pa'i ye shes kyis// yi dwags gnas rnams tshar gcod cing // lus la zas kyi sa bsgribs pa yi// nyon mongs gnyis ka med par ston// gti mug ces bya ba'i dam tshig ni// nga dang bdag med dbyer med pa'i// shes rab chen po 'od gsal gyis// dran smra med pa'i sdug bsngal gsal// rmongs byed sgrib pa dag par byas// ye shes gsal ba'i thugs rje yis// bya byed med par

  89. 253a

    nyon mongs sgrol// byol song gnas ni stongs byed cing // thugs rje'i sgron ma de ltar ston// phrag dog chen po'i dam tshig ces bya ba ni yangs pa chen po'i ye shes kyis// nga dang bdag 'dzin rnams la ni// thugs rjes gnyis med mnyam sbyor zhing // dog dang yangs pa gnyis ka med// rgya chen yangs pa'i blo ldan pas// 'di la mi chud gang yang med// thams cad yangs pa nyid du sbyor// lha ma yin rnams stongs par byed// nga rgyal bde mchog ces bya ba'i dam tshig ni// ye nas chos nyid mnyam pa la// nga dang khyod ces bya ba med// thams cad dbyings su ro gcig ste// gnyis med mtshan nyid bsnan du med// che chung med pa'i ngang yin pas// bya ba dag ni med par bstan// nga rgyal bdag med rtogs pa yis// dregs pa'i gnas rnams stongs par byed// rang bzhin gyis 'od gsal ba zhes bya ba'i dam tshig ni// 'jig rten 'di na ci yod pa'i// ming dang tha snyad 'dzin pa dag/ so so'i mtshan nyid bshig byas nas// rang bzhin med de yang dag nyid// rang byung chen po rjem shes kyis// thams cad sangs rgyas zhing du sbyor// mo bcos ma byas ngang gis gsal// ye nas 'od gsal sangs rgyas zhing // nyid kyi dkyil

  90. 253b

    'khor zhes bya ba'i dam tshig ni/ rang rig nyid la gnas pa yi// sus kyang ma byas rang byung ste// thams cad de bzhin nyid du sbyor// gnyis med dbyings kyi ngang du thim// rang byung ye shes dkyil 'khor gyis// ma lus de bzhin nyid du sdud// sdud dang mi sdud gnyis ka min// yang dag kho na nyid du'o// bde ba'i rang bzhin zhes bya ba'i dam tshig ni// thams cad ma lus rnam par dag/ nyid kyi dbyings las mi gzhan phyir// bde dang mi bde gang yang med// thams cad dbyings su ro gcig ste// ji bzhin nyid kyi ngang btsan par// yang dag nyid kyis de skad bshad// bshad dang nyan dang gnyis ka min// de bzhin nyid du yang dga'adu// dus bzhi rgyal mchog ces bya ba'i dam tshig ni// gong na med pa'i ye shes mchog/ thams cad kun la dbang sgyur bas// thams cad mnyam pa nyid du sbyor// 'das dang ma 'das thams cad kun// 'byung dang 'byung bar ma nges pa'o// ye shes rtogs pa'i khyad par gyis// dus bzhi snga phyi med pa yi// mnyam pa nyid du lhan ner sbyor// lhan grub ye shes zhes bya ba'i dam tshig ni// 'jig rten 'das dang 'jig rten pa'i// thams cad dbyer med byang chub ste// ye nas rnam par dag pa'i chos// ma

  91. 254a

    bcas lhun gyis grub pa yis// byang chub la mchen 'di yin te// thams cad dbyer med dang du 'dus// byang chub don grub le nas rdzogs/ mnyam pa'i zhing du thams cad thi maM// rdo rje skye gnas shes bya ba'i dam tshig ni// theg pa che mchog rigs su nges// rigs de byang chub brtan par gzung / thams cad mnyam pa'i dbyings shes na// rigs mchog kun gyi skye gnas yin// skyes pa nyid na skye ba med// las dang las kyi bag chags med// ces kyang ma gos thams cad 'joms// skye shi med pa'i sa yang yin// byang chub kyi zhing bkod pa zhes bya ba'i dam chog ni/ phyogs su mtha' yas mu med pa'i// snang grags bsam gyis mi khyab pa'i// phyi dang nang gi gnas pa dag/ de bzhin dbyings kyi ngang du thim// mdor na zhing khams ma lus pa'i// yon tan rin chen bkod pa yi// mi shes rgyan gyis spras pa rnams// zhing de yon tan bsam mi khyab// ye shes bzhugs nas shes bya ba'i dam tshig ni/ gzung 'dzin bral ba'i ye shes ni// de bzhin gshegs pa kun gyi gnas// gsang sngags chen po bsgrub 'dod pas// gzung 'dzin bral ba'i don nyid rtogs// chos kyi dbyings dang sems can ni// gnyis med

  92. 254b

    de bzhin nyid du gcig/ de ltar rtogs pa'i skyes bu ni// rdo rje bzhugs gnas yin par bshad/ mi 'jigs rgyal mchog ces pa'i dam tshig ni/ rnam par byang dang nyon mongs gnyis// so sor yod pa ma yin te// nyon mongs gnyen pos bcos su med// thams cad dbyings su ro gcig pas// de la 'jigs pa'i gnyen po med// cis kyang mi tshugs gong na med// mchog tu bde ba'i zhing yang yin// nga med bdag med rgyal ba'i mchog/ gzhal yas khang bstan pa zhes bya ba'i dam tshig ni/ phyogs bcu dus bzhi thams cad kun// rgyal ba'i zhing du sbyor bas su// dog yangs tshad kyang dpag tu med// sangs rgyas spyi gtsug lta bu'i mtshan// ye shes rgyu las grub pa'o// ji ltar dmigs pa bzhin du 'grub// zag pa zad las grub pa yi// nams kyang 'jigs med chos kyi dbyings// sna tshogs kun bsgyur zhes bya ba'i dam tshig ni/ rdos pa can gyi chos mon pas// ji ltar bsams pa bzhin du 'grub// reg pa rang dbang gyur pas na// stong par bya'am mi stong bya// thams cad dbyer med dang yin pas// kha dog dbyibs dang rin po che// thams cad khyab dang yungs 'bru'i tshul// bsam yas mtha' dbus med pa'o// 'dren byed gnas stobs shes bya ba'i dam tshig ni/ ma rig log rtog pasam yas kyis/

  93. 255a

    'jig rten khams rnams brgyud cing 'khor// 'khor ba'i rgyu dang 'bras bu gnyis// gzhi rtsa med de skad cig ma// yang dag byang chub sems rig na// ma rig rgyu 'bras rnam par dag/ nyon mongs pa nyid byang chub ste// thams cad ma lus bde gnas so// lam la ston byed ces bya ba'i dam tshig ni/ ting 'dzin rnam gsum bsgom byas te// nyon mongs lam lnga'i sgo bkag nas// lam lngar snang ba rnam rtog yin// rtog dang mi rtog gnyis ka min// gnyis med de nyid yang dag lam// thabs dang shes rab dang nyid du// shin tu mnyam gzhag rtogs bya zhing // bla na med la ston par byed// yang dag don ston ces bya ba'i dam tshig ni/ theg pa bsam yas gsungs pa yang // de bzhin nyid kyis ma brjod kyang // sems can blo yi rim pa bzhin// so sor 'tsham par kun tu gsal// 'di ni rdo rje thig mchog ste// rgya mtsho'i grong du chu 'bab bzhin// thams cad chu yi ngo bo nyid// theg pa thams cad rdo rje'i sa// rab tu rtogs byed ces bya ba'i dam tshig ni/ shes rab blo chen rab ldan pas// don du mi 'gyur yongs ma gsungs// sred gsum 'gro ba/ bsam yas su// thugs rjes ston pa bsam mi khyab/ don dang 'thun pa 'ba' zhig ston// mi mthun zhags pa 'khor ba gcod// bde gshegs zhing rnams dag par byed// thams cad

  94. 255b

    dbyings su rtogs par 'dus/ sgyur byed byang chub ces bya ba'i dam tshig ni/ rang rig ye shes dbang thob pas// dkar po chen gyis mdog bsgyur bzhin// dug kyang sman du gyur pa dang // de bzhin dug gsum byang chub ste// 'gro lnga byang chub lam du sbyor// nyon mongs sdug bsngal thar par byed// thar dang mthar gnyis ka med// thams cad ma lus byang chub rgyu// mnyam rdzogs lhan grub ces bya ba'i dam tshig ni/ ye shes sgyu mar snang ba dang // log rtog sgyu mar snang ba gnyis// sgyu ma yin pas rang bzhin mnyam// mnyam pa nyid la mi gnas pa'i// bsod nams ye shes tshogs rdzogs te// ye shes gnyis kyi dkyil 'khor la// theg mchog rdo rje ma lus rdzogs// dpe byad mtshan bzang dpag tu med thams cad dbang sgyur zhes bya ba'i dam tshig ni/ shin tu rtogs pa'i khyad par gyis// spyod yul thams cad smon na mkhyen// de bzhin nyid dang kun rtog la// gnyis su med par dbang sgyur te// ma lus thams cad bde ldan zhing // thams cad byang chub mchog tu 'gyur// ye nas dngos po med pa la// ji ltar dmigs pa bzhin du 'grub// rigs 'dzin gnas stobs shes bya ba'i dam tshig ni/ shes rab rnam gsum goms byas na// ting 'dzin mnyam pa'i don rtogs te// rtag tu yangs pa chen po bsgom// rgyu 'bras

  95. 256a

    dus gcig rdzogs pa yis// rang rig nyid la dbang thob ste// tshe ni bcu dang drug pa yin// brgya brgya dag tu bsgyur zhing gnas// lus ma bor bar sangs rgyas sa// zad med gter ldan zhes bya ba'i dam tshig ni/ shes rab chen po rnam dag pas// spyod yul thams cad dag par 'gyur// shes dang spyod yul gnyis su med// de bzhin nyid du ro gcig ste// thams cad rgyal ba'i zhing sbyor bas// zad med rin chen gter du 'gyur// mi zad par ldan dam tshig mchog/ 'og min mtha' dbus bsam mi khyab// bsgrub med mnyam rdzogs shes bya ba'i dam tshog na// thams cad mnyam pa'i dkyil 'khor la// rang byung ye shes 'phyo ba ni// dbyings dang rig pa gnyis min pa// de bzhin nyid du rdo rjes rig thams cad gnyis su med pa la// bsgrub dang grub pa yod ma yin// ye nas lhun gyis grub pa la// de la lam gyis bcos su med// thams cad byin gyis rlob pa zhes bya ba'i dam tshig ni/ chos rnams ye nas dag gyur kyang // phyin ci log gis blo log na// log rtog gnas dang longs spyod dang // ma rig 'khrul 'khor bsam mi khyab// 'khrul rtog blo ngan bzlog pa'i phyir/ thugs rje chen po thabs mkhas pas// nyon mongs 'dren cing mtho ris gnas// byang chub lam chen rtogs par ston// gsung mchog mtha' yas shes bya ba'i

  96. 256b

    dam tshig ni/ chos rnams ma lus thams cad kun// ming dang tshig tu btags nas ston// ji snyed mang po'i don brjod kyang // rdo rje gsung la spros pa med// spros med de nyid sna tshogs pa'i// kun tu brda 'jal ye shes gsung // sgra dang ming tshig kun las 'das// thams cad pad+ma chags med pa'o// bsgyur ba zad med ces bya ba'i dam chog ni// thams cad mkhyen pa'i ye shes kyis// snang srid ma lus thams cad kun// de bzhin nyid du dbang sgyur te// thams cad ye shes dbyings su bstim// zad med ye shes gter ldan pas// thugs rje'i byin brlabs bsam me khyab// 'jig rten 'das dang 'jig rten pa'i// so so'i don rtogs rnam par dag/ thams cad skad 'jal zhes bya ba'i dam tshig ni/ thar pa'i dkyil 'khor 'bum phrag dang // 'gro drug dus gnas ma lus la// gsung gcig tshig tu ma brjod kyang // sngon gyi thugs rje'i byin brlabs kyis// thar dang ma thar gnyis ka la// so so ji ltar 'dod pa bzhin// chos kyi gsung mchog dam pa yis// thar pa bskul zhing ngan song sbyong // rang rig dbang sgyur zhes bya ba'i dam tshig ni/ phyogs dus bsam gyis mi khyab pa// de na ji snyed yod pa yi// mtshan ma sna tshogs btags pa yang // rang rig rnam par rtog pa nyid// sangs rgyas zhing khams

  97. 257a

    rab 'byam na// de bzhin gshegs pa'i dkyil 'khor dang // sprul pa mtha' yas 'byung ba yang // ye shes rnam par dag pa'i yul/ yi ge med 'jal zhes bya ba'i dam tshig ni/ yi ge'i tshig dang sgra spangs pa'i// brjod med ngang du gnas pa ni// gsung gcig rang bzhin med pa yi// chos rnams thams cad ye nas dag/ thams cad thugs su gyur pas na// sgra dang tshig la gnas pa min// thugs la thugs ni mi gnas pa'o// bdud sde tshar gcod ces bya ba'i dam tshig ni// nyon mongs pa nyid rnam par dag/ phung po lnga nyid mngon sangs rgyas// bdag nyid lha yi dkyil 'khor te// skye ba med pa'i g.yung drung gnas// bdud bzhi bcom pa'i skyes mchog gis// dregs pa chen po thams cad bcom// ma rig log 'dren 'dul mdzad de// chos kyi dbyings su thams cad thim// stong gsum kun tu grags pa zhes bya ba'i dam tshig ni/ thugs rje chen po'i byin brlabs kyis// phyogs bcu'i 'jig rten rdul snyed du// 'gro ba'i 'phrin las bsam mi khyab// sku gsung thugs dang yon tan dang // lhun gyis grub pa'i ye shes kyis// thams cad gdul bya chud ma zos// ngan song sbyong zhing byang chub zhing // ye shes tshogs rdzogs kun tu ston/ ye shes

  98. 257b

    gsung mchog ces bya ba'i dam tshig ni/ 'das dang ma 'das thams cad kun// yang dag shes pas rab brtags na// rang bzhin med las cir yang snang // snang ba nyid na dbyings nyid de// de ltar rtogs pa'i ye shes ni// kun la dbang sgyur rang dbang can// thams cad tshig gi sgra ltar gnas// 'di ni ye shes gsung mchog yin// bsam las rdo rje gsung zhes bya ba'i dam tshig ni/ chos rnams bsam gyis mi khyab ste// mtha' dang dbus med kun tu khyab// khyab dang khyab med rdo rje'i sku// sgra skad sna tshogs bsgrags pa dang // dngos po med la dngos po'i sgra// ji ltar pi wang lag thogs na// sgra ni sna tshogs 'byung 'gyur yang // dngos po med pa de bzhin nyid// phyogs dus dbyer med ces bya ba'i dam tshig ni/ phyogs bcu ma lus thams cad dang // dus bzhir 'byung ba ma lus kun// phyogs dang snga phyi med pa yi// thams cad de bzhin nyid kyi dbyings// 'jig rten 'das dang 'jig rten pa'i// so sor snang ba thams cad kun// rang rig rgyal por yang dag 'du// rang rig de nyid thams cad yin// 'jig med rdo rje zhes bya ba'i dam tshig ni// 'dus ma byas nyid 'dus byas yin// 'dus byas snang ba rdo rje nyid// snang dang mi snang gnyis ka min// yod dang med

  99. 258a

    pa'ang dbyer med de// rang bzhin ye nas dag pa yi// ma bcos ma byas dang gis gsal// gzhig dang bshig par bya ba min// cis kyang mi tshugs rdo rje'i bdag/ de bzhin sku nyid ces bya ba'i dam tshig ni// de bzhin zhing khams bsam yas dang // 'gro ba ma lus thams cad la// thar pa rnams la dag pa'i sku// rtog pa rnams la 'khor ba'i lus// so sor 'tsham par don ston cing // ston pa nyid na dngos po med// chu zla'i tshul du kun la snang // kun la de ltar rtogs par byos// lhun grub bde gnas shes bya ba'i dam tshig ni/ chos rnams ma lus thams cad la// byang chub snying po yod par lta// rang bzhin ye nas 'od gsal ba'i// byang chub snying por thams cad 'dus// phyi nang ma lus thams cad kun// bdag gi ngang du gnas pa ni// bdag la bdag ni dbang sgyur nas// spyod yul thams cad sngon nas shes// che mchog rnam dag ces bya ba'i dam tshig ni/ rig pa rang dbang gyur pas na// thams cad kun la dbang sgyur te// gong na med pa'i sa mnan nas// thams cad kun gyi gtso bo yini// thams cad ma lus gnyis min pa// bsgo dang bsgo bar bya ba min// de bzhin nyid la dbang sgyur bas// thams cad dbyings su ro gcig go/ chos kyi 'khor lo zhes bya ba'i dam

  100. 258b

    tshag ni/ phyi nang snod banud bdag rnams la// rang bzhin dkyil 'khor yenas gnas// chen po'i gzugs snang thams cad ni// de bzhin gshegs pa'i dkyil 'khor nyid// sgyu ma rtsal rnams 'dzin gyur pa// de bzhin sum gyi dkyil 'khor ro// rang rig byang chub dkyil 'khor te// thams cad kun la 'khyil bar gnas// zad med gau ter chen zhes bya ba'i dam tshig ni/ zag bcas gnod sbyin nor 'dra ba// sems can 'phel 'grob zad 'gyur gyis// de bzhin gshegs pa'i yon tan ni// zad med 'phel 'grib med pa yi// mang du spros pas phra mi 'gyur// nyung du bsdus pas sbom po min// zad med rin chen gter yin pas// thams cad kun tu khyab pa'o// rnam dag byang chub ces bya ba'i dam tshig ni/ ches rnams ma lus thams kun// ye nas rnam par dag pa la// rnam rtog rkyen gyis blo bur du// khams gsum 'khor ba'i btson rar gnas// rang rig sgrib med dag pa yis// mya ngan 'das dang 'khor ba gnyis// rang bzhin med par don rtogs nas// sangs rgyas zhing du rnam par dag/ gzung 'dzin bral byed ces bya ba'i dam tshig ni/ phyin ci log tu rnam brtags pa'o// bdag dang bdag gir so sor snang // de la 'dzin pa gnyis zhugs nas// rang bzhin med cing so sor snang // yang dag

  101. 259a

    rtogs pas rab brtags na// dngos po thams cad stong pa yin// dngos po stong nyid mi gnas pa// de rtogs sdug bsngal bral byed cing // / bam po bzhi pa'o// / yum gyur dbyings phyug ma zhes bya ba'i dam tshig ni/ 'byung ba lnga la brten gyur na// thams cad 'byung zhing ma lus gnas// skye 'khrung ma lus gzhi yang yin// thams cad kun gyi rgyu yang yin// de bzhin shes rab rnam gsum gyis// le lo med pa'i brtson 'grus 'bod// de bzhin dbyings nyid rtogs gyur na// bla med byang chub 'byung ba'i gnas// chos la skyon med ces bya ba'i dam tshig ni// bla na med pa'i dkyil 'khor dang // ngan song gnas rnams ma lus kun// rgyu nyid rang bzhin gnyis ka dag/ rang bzhin ye nas de bzhin no// 'bras bu rnam par dag pa ni// 'jig rten brtan g.yo la sogs pa// snang ba nyid na ngo bo med// de bzhin chos sku chen po yin// sems can don byed ces bya ba'i dam tshig ni/ byang chub sems su rgyu gcig pas// rtsa ba snying rje chen po 'byung // thabs kyis pha rol phyin pa spyod// nyon mongs lam las 'grol bar byed// nyon mongs khams gsum gnas pa yang // phyin ci log nyid snang ba yin// de rtogs mtho ris thar pa'o// rtogs nas don 'dzin ces bya ba'i dam tshig ni/ thams cad lhan gyis

  102. 259b

    grub pa dang // sgyu ma mig yor tshul shes pa// gnyis ka rang rig nyid du 'dus// de nyid yang dag yin par bshad// sgra dang tshig tu brjod pa na// yang dag don gyi snying po 'byin// ming tshig sgra la mi rten par// blo yi ga ting du go bar byos// sems la gnas bcas shes bya ba'i dam tshig ni/ thams cad ma lus chos so cag/ sems nyid las ni gzhan na med// sems dang chos su dbyer med pas// byang chub lam de ring ba min// byang chub sems shes brjod pa ni// gang nas ma 'ongs gar mi 'gro// rtog med rang rig kho na tsam// sangs rgyas sems can sems la gnas// brjod med spros med ces bya ba'i dam tshig ni/ 'jig rten 'das dang 'jig rten pa'i// sna tshogs ji snyed brjod pa yang // so so mtshan nyid ma gtogs pa// ba spu'i cha tsam brjod pa med// bsod nams chen po'i bstangs pa yi// sangs rgyas zhing nyid dag pa'o// las ngan dag gis khams gsum gnas// de gnyis dbyings la spros pa med// mi 'gyur rdo rje gsung gi dam tshig ces bya ba ni/ rnam dag sku gsum sprul pa dang // che mchog sna tshogs bstan pa yang // byang chub sems la snang 'gyur te// snang ba nyid na dbyings su 'ub// phyin ci log g.yo bsam yas kyis// khams gsum gnas dang lam lngar 'khor// de nyid log rtog sna tshogs snang // de la ma

  103. 260a

    gtogs gang yang med// ye nas ma bcos shes bya ba'i dam tshig ni/ bla med byang chub smos ci dgos// 'gro lnga ma lus thams cad kun// ye nas byang chub snying por gnas// de bzhin dbyings kyis kun tu khyab// ji lta ba yi ngang gnas la// de ltar rtogs pa'i blo 'jug pas// gnyis su med par rtogs 'gyur na// su yis 'chos shing su yis rtog/ rang bzhin 'od gsal zhes bya ba'i dam tshig ni/ chos rnams ma lus thams cad kun// rang bzhin ye nas dag pa yi// sus kyang ma byas ngang gis gsal// ma chags pad+ma 'dra ba yi// ye shes can gyi spyod yul te// kun dang thun mong de ma yin// de bzhin gshegs pa'i spyod yul te// skyes bu blo rtsal rab kyis rtogs// thams cad dbyings phyug ma zhes bya ba'i dam tshig ni/ mi zad yon tan gter gyur pa// zad pa'i dus med yid bzhin mdzod// bdag dong bdag gir med pa yi// shin tu zab pa'i blo las byung // chos dbyings zab mo'i don rtogs na// sku dang ye shes bsam mi khyab// rang rig ye shes don rtogs na// skye shi med pa'i g.yu drung thob// byang chub snyom byed ces bya ba'i dam tshig ni/ gzung 'dzin bral ba'i ye shes kyis// chags med dbyings la mnyam gzhag na// thams cad de bzhin nyid kyi zhing // nyon mongs sdug bsngal

  104. 260b

    'byung mi 'gyur// chos kyi rang bzhin ji lta bur// bdag gis yang dag rtogs byas te// theg pa dman dang phyin ci log/ thams cad mnyam pa'i dbyings su dgod// phyogs dus gnyis med ces bya ba'i dam tshig ni/ phyogs bcu dus bzhi thams cad kyang // rtog pa'i mtshan ma so sor snang // snang ba nyid na dbyer med de// mtha' dbus med de zlum pa yin// de bzhin rang gi rig pa yang // mtha' dang dbus med du ma min// gang du'ang mi 'gro kun tu khyab// kun la de bzhin mi gnas pa'o// thams cad 'byor ldan zhes bya ba'i dam tshig ni// chos rnams so sor rtogs byas shing // thams cad gnyis med dbyings shes na// mi zad par ldan rgyan thob ste// kun tu zad med rin chen gter// de bzhin nyid la gnas bcas na// nyon mongs sdug bsngal mi 'byung zhing // rtag tu bde gnas byang chub nyid// mtshan dang dpe byad kun dang ldan// thabs nyid shes rab ces bya ba'i dam tshig ni/ 'di ltar snang ba thams cad kun// thams cad thabs kyi mtshan nyid de// thabs la gra bas ni rnam par sbyor// sgor dang sbyor ba gnyis ka min// sna tshogs snang ba thams cad kyang // snang ba nyid na rang bzhin med// de nyid shes rab yin par bshad// rtag tu thabs nyid mi dmigs po'o//

  105. 261a

    shes rab nyid thabs su sbyor ba zhes bya ba'i dam tshig ni/ de bzhin nyid kyi dbyings nyid las// rol pa sna tshogs cir yang 'byung // 'byung ba nyid na rang bzhin med// / med pa nyid na sna tshogs snang // thams cad shes rab dbyings las byung // mnyan bsam bsgom pa'i shes rab kyis// shes rab thabs kyi don rtogs byos// kun la de ltar 'byor par gyis// gnyis med byang chub sems shes bya ba'i dam tshig ni/ thabs dang shes rab ldan gyur na// gnyis med byang chub sems 'phro ste// kun gyi 'byung gnas byed pa'o// de yis ma byas gang yang med// kha dog dbyibs dang gang yang min// shin tu rtag dka' sus mi rig/ bdag gis bdag kyang mi mthong na// gzhan gyis rtogs par ga la 'gyur// thams cad sbyor ba zhes bya ba'i dam tshig ni/ ye nas lha dang lha mo yi// dkyil 'khor yang dag sbyor ba dang // dbang po yul du sbyor ba'o// phung po lnga nyid de bzhin gshegs// 'byung ba lnga nyid yum du sbyor// dus bzhi lha mo nyid du sbyor// rtag chad mu bzhi khro mo'o// thams cad ma lus 'byung ba kun// mnyam pa'i dbyings dang rig par sbyor// yang na shes rab dbyings ma la// bde gshegs dkyil 'khor kun bkod nas// bdag nyid rig pa'i lhar bsgoms

  106. 261b

    te// gnyis su med par ldan par bya// rdo rje dril bur ldan gyur na// byang chub pad+ma shin tu spro// phyogs dus dkyil 'khor mnyes pa dang // 'gro ba mang po bde thob nas// slar yang gnyis med dbyings su thim// thim 'gyur dbyings nas phyag rgyar 'bar// bde gshegs thabs dang shes rab rdzogs// phyag rgya drug kyang yang dag rdzogs// bsod nams tshogs chen gnyis kyang rdzogs// thams cad dbyings su 'byor pas na// ngan 'gror mi ltung yang dag 'grub// 'di ni bsgral ba chen po yin// sgrol ba nyid na sbyor ba yin// sbyor ba nyid nam lus bsgral/ thams cad ma lus par bsgral ba zhes bya ba'i dam tshig ni/ phyi nang snod bcud ji snyed pa// gnas pa'i sems can thams cad kun/ bdag nyid chen po rtogs pa yis// dbyings su yang ni bsgral bar bya// shin tu khro bo chen po yis// thabs kyis lha chen bsgral ba ltar// chos nyid rtogs pa'i ting 'dzin gyis// gnyis su med par thabs kyis bsgral// thugs rje chen po'i byin brlabs kyis// lam lnga'i sems can kun bkug nas// thams cad ma lus bsgral bar bya// ri rab chen po gling bzhi la// gnas pa'i sems can ma lus kun// thugs rje chen pos byin brlabs te// ye shes me chen bsgoms byas nas//

  107. 262a

    thams cad ma lus bsreg par bya// dbyings su yang ni bstim byas te// de bzhin gshegs par byin gyis brlabs// rgyal ba'i sras su dbang yang bskur// de ltar bsgral ba kun byas kyang // bsgral ba'i dngos po gang yang med// phung po lnga po gzhig pa la// bshag nas 'byung ba bag la zhe// ma bshig na yang 'byung ba yin// rnam shes med pas gsad bya na// gnas pa nyid na dngos po med// sems kyi rang bzhin de la ni// dus gsum sangs rgyas dgrar langs kyang // sus kyang zin cing sod pa med// 'o na thugs rjes gang bsgral na// rnam rtog mtshan ma thams cad kun// phyin ci log las bzlog byas te// ting 'dzin sngags dang phyag rgya dang // shin tu goms pas dbang bskur te// byang chub zhing la dgod par bya// de tsam la ni bsgral zhes gdags// sgrol ba nyid na sbyor ba yod// nyon mongs sdug bsngal rtsad bcad nas// byang chub gnas su bsgral bas na// gnyis med dbyings su sbyor ba yin/ ma byin par len pa zhes bya ba'i dam tshig ni/ 'jig rten 'das dang 'jig rten pa'i// chos rnams ma lus thams cad kun// bdag dang bdag gi gzhan na min// rang bzhin ngang gis bdag med pa'i// kun la thogs med spyad gyur kyang // spyad dang spyod par gnyis ka med// thams cad ye nas

  108. 262b

    stong pa la// gang gis len cing gang la spyod// snang srid ma lus thams cad la// thogs pa med par spyad gyur kyang // 'ching bar mi 'gyur bsod nams tshogs// chags med ye shes chen po yini// ma lus thams cad chos kyi dbyings// de nyid rang rig yin par bshad// gnyis su med par rtogs gyur na// blangs pa nyid ni kun tu bzang / brdzun du smra ba zhes bya ba'i dam tshig ni/ chos rnams ma lus thams cad kun// ye nas dngos po yod ma yin// rang bzhin ngang gis 'od gsal la// ming tsam tshig gis mtshon mod kyi// ming dang tshig la dngos po med// ma rig pa yi 'khrul rtog gis// nga dang bdag tu med pa la// so so'i mtshan ma dngos por gzung // 'dzin pa'i dngos po yongs med de// chos rnams thams cad ming tshig tsam// ji snyed mang po brjod pa yang // rjod par byed dang brjod pa med// chos rnams thams cad rdzun du snang // rdzun nyid la ni rdzun spyod de// rdzu na zhes rtags rtsam yod ma yin// thams cad rdzun gyi tshig bzhin no// rdo rje 'joms byed ces bya ba'i dam tshig ni// thog ma med nas phyin ci log/ bdog dang bdag gir med pa la// rnam rtog mtshan ma so sor 'dzin// 'dzin pa dngos po yod ma yin// mi mthun mtshan ma gzhom pa'i phyir// rdo rje lta bu'i ting 'dzin gyis// bdag rtogs bag chags kun bcom nas//

  109. 263a

    rdo rje dbyings su thim par bya// chos kyi 'khor lo zhes bya ba'i dam tshig ni/ thugs rje chen po'i byin brlabs kyis// khams gsum nyon mongs 'khor ba rnams// gzhan gyis bcings te 'khor ba min// 'dzin rtog chags pa nyid kyis 'khor// blo chen rab tu ldan pa yis// chos kyi don po mchog nyon la// 'khor ba spangs med sangs rgyas zhing // thams cad ma lus chos nyid rtogs// rin chen 'byung ba zhes bya ba'i dam tshig ni/ nor gyi mchog ni dkor bdun yin// 'dod pas btsal bas mi rnyed de/ rang rig dbyings kyi ye shes dang // sku gsung thugs 'das mi dmigs pa// chags pa med pa'i tshul gyis ni// gnyis su med par sbyor byas nas// nor bdun chen po 'byung bar 'gyur/ mtshan dang dpe byad sna tshogs ldan// pad+ma chags med ces bya ba'i dam tshig ni/ 'jig rten 'das dang 'jig rten pa'o// chos rnams ma lus thams cad la// bsgo dang bsgo bar bya ba min// pad+ma 'dam nas skyes pa 'dra// 'di ltar snang ba thams cad kun// bdag las gud na gcig kyang med// bdag nyid shin tu mi dmigs pas// nyon mongs nyid kyang byang chub shing // don rnams grub pa zhes bya ba'i dam tshig ni/ rdo rje rigs kyis thams cad bcom// rin chen rigs kyis yon tan 'byin// pad+ma rigs kyis

  110. 263b

    chags ma 'gyur// thu gsung thugs dang sa shes lnga// thams cad don rnams rdzogs par byas// gzung dang 'dzin pa rnams spangasaH// mnyam par dbyings la sems kyis blta// skye shi med par lhun gyis grub/ nor bdun chen po zhes bya ba'i dam tshig ni/ sku gsung thugs dang yon tan dang // 'phrin las rmad byung kun grags pa/ gzhan nas yod 'ongs ma yin te// rang byung ye shes gnas med yin// mtho dman kun gyi gzugs snang dang // bla med byang chub sku snang ba// me long lta bu'i tshul bzhin du// smra tshogs kha dog dbyibs su snang // de bzhin gshegs pa'i gsungs rab rnams// sgra dang ming tshig kun las 'das// brjod med rang bzhin kun tu go/ nyon mongs med cing bla med sgra// ma brjod stong gsum grags pa yin// gsung brjod bsam gyis mi khyab pa// brjod pa nyid na stong gsum med// de nyid sna tshogs brjod pa'o// thams cad mkhyen pa'i thugs ldan pa// yang dag rtogs pas rab brtags na// gzhi rtsa med dbyings skad cig ma// mtha' dang dbus kyang brtag tu med// de nyid sna tshogs 'byung ba'i rgyu// sus kyang ma bcos ma byas pa// bdag gis bdag kyang dmigs mi 'gyur// dngos med kun la dbang bsgyur ba// sku gsung yang dag ldan gyur na// yon tan nam mkha'i mtha' dang mnyam// mi 'gyur

  111. 264a

    sangs rgyas zhing du 'ug/ spyod yul ma lus thams cad la// ji ltar dmigs pa bzhin du 'byung // mi zad rin chen gter chen 'grub// gzhan gyis dbrog tu med pa yi// bo de'i dkor ni rin po che// thugs rje chen po'i byin brlabs kyis// bya byed med par rnam zhi mdzad// mdzad dang mdzad par bya ba med// sgyu ma'i tshul du kun la spyod// spyod med ngang gi dkyil 'khor la// chags med tshul du rnam par rol// bya byed rnam pa sna tshogs kyang // byed pa nyid na chu zla'i tshul// gzung 'dzin bral ba'i ye shes ni// rtsa ba lnga zhes brjod mod kyi// brjod pa'i mtshan nyid longs med de// mtshan nyid med pa sna tshogs snang // de nyid thams cad mkhyen nyid yin// kun la khyab cing mi gnas pa// de ni rig pa rang dbang 'gyur/ bsam gyis ma khyab kun tu khyab// nam mkha' snang byed ces bya ba'i dam tshig ni/ chos rnams ma lus thams cad la// de bzhin nyid kyis kun tu khyab snod bcud ma lus thams cad la// snang ba chen pos khyab par 'gyur// nam mkha' gzung du med pa ltar// snang srid thams cad de dang 'dra// chos rnams thams cad sems yin te/ sems ni nam mkha'i rang bzhin no// rten byed sa chen po zhes bya ba'i dam tshig ni/ ji ltar sa gzhi chen po la// sems kyis zin dang ma zin pa'i/

  112. 264b

    skye 'khrungs ma lus 'byung // thams cad kun gyi gnas rten te// de bzhin theg chen bla med la// byang chub sangs rgyas kun kyang gnas// theg pa mtho dman thams cad 'byung // thams cad theg chen dbyings su 'dus// sreg byed ye shes me zhes bya ba'i dam tshig ni/ bdag med rang rig ye shes kyis// dngos dang dngos min bag chags bsregs// rang dang spyi yi chos rnams dang // sems kyi rnam rtog thams cad kun// dngos po med par rtogs byas nas// 'khor ba ma spangs rnam par dag/ mya ngan mi 'das ye nas gnas// 'gro dang gnas par bya ba min// rtog pa thams cad ye shes tshogs// thams cad 'khru byed ces bya ba'i dam tshig ni/ sems can ma lus thams cad kun// sgrib gnyis dag pa'i 'khor bar 'gyur// mnyan bsams bsgoms pa'i shes rab kyis// bdag med gnyis kyis rtogs byas nas// pha rol phyin rdzogs sa bcu 'grub// sa gsum yang dag rdzogs byas te// mnyam pa'i zhing la thams cad bkod// khrus kyi mchog ni de yin no// g.yengs byed chen po zhes bya ba'i dam tshig ni/ sems can ye nas dag bal// bdag 'dzin rdul gyis g.yengs par 'gyur// sems dang rdul rnams med rtogs pas// ye shes rlung gis bag chags gtor// chos rnams ye nas rlung dang 'dra

  113. 265a

    de la gzung du med pa ltar// kun la de ltar 'byor par gyis// ma bcos ye nas de ltar gnas// thams cad kun la dbang sgyur zhes bya ba'i dam tshig ni/ rang rig phyin ci ma log pa'i// gzung 'dzin gnyis med rtogs pa yis// thams cad mnyam pa'i ngang gyur na// thams cad ma lus bdag yin pas// thams cad kun la dbang sgyur te// ji ltar dmigs pa bzhin du 'grub// ji ltar spyad kyang bsod nams tshogs// mnyam rig ye shes chen po yin/ chos thams cad gzugs brnyan ltar shes pa zhes bya ba'i dam tshig ni/ thams cad 'byung ba'i gnas yin te// snang ba nyid na 'ja' tshon bzhin// rang bzhin med pa kun tu snang // de nyid chos sku yin par bshad// cis kyang ma gos ma spangs pa'o// so sor snang zhing 'thun pa'i gzugs// bdag dang bdag tu ma rtogs pa// de lta bu yi ngang du snang // chos rnams sgra ltar shes pa zhes bya ba'i dam tshig ni/ sgra rnams ji snyed brjod pa yang // dngos po med las dngos po'i sgra// brjod dang sgra yi dngos po man// chos rnams sgra ltar shes par byos// thams cad ma lus don 'byung ba'i// tshig gi mtshon las gud na med// sgra nyid don gyi dngos po min// don nyid sgra las

  114. 265b

    gud na med// chos rnams dri'i mtshan nyid du shes par bya ba'i dam tshig ni/ chos rnams thams cad dngos med par// sna tshogs 'byung zhing rnam par 'phro// de bzhin du yi dngos po yang // yod pa ma yin kun tu man ma// the tsom med pa'i shes rab kyis// chos kun de ltar shes par gyis// dri yis rab tu tshim 'gyur yang // dri dang snom pa gnyis su med// chos rnams ro ltar shes pa zhes bya ba'i dam tshig ni/ chos rnams ma lus thams cad kun// gzhi rtsa med las thams cad 'byung // de bzhin dbang po dngos med dang // rdzas kyi dngos po med pa yi// rnam shes dbang po yul tshogs na// ro yi dbang po thams cad 'grub// ro dang ro ru rtog pa yang // rang bzhin med par skad tsag ma// chos rnams reg bya ltar shes pa zhes bya ba'i dam tshig ni/ gzugs rnams dbu ba rdos pa 'dra// tshor ba chu yi chu bur bzhin// mtshan 'jan smig rgyu bzhin du gnas// rnam shes sgyu mas dbang sgyur na// mtshan ma sna tshogs 'byung bar nges// bde ba'i ro mchog kun yang myong // de nyid bsod nams tshogs chen te// bde ba'i bde ba chags med yin// 'dus byas rnam par dag pa zhes bya ba'i dam tshig ni/ yang dag nyid la gnas bcas nas// phyi nang snod bcung rnam par dag/ rigs par snang ba de

  115. 266a

    bzhin gshegs// sgyu ma 'dzin pa yum gyi dbyings// gzugs kyi mtshan ma dngos po med// gcig la'ang lnga lngar bshig pa dang // thams cad nam mkha'i ngang du gnas// nam mkha' de bzhin chos kyi dbyings// 'dus ma byas kun tu 'byung ba zhes bya ba'i dam tshig ni/ gshegs sku sgyu mar snang ba dang // log rtog sgyu mar snang ba gnyis// gzhi rtsa med de rang bzhin stong // rigs dang brgyud du brtag tu med// rigs dang kha dog dbyibs med las// phyi nang snod po nud thams cad snang // snang ba nyid ni chos kyi sku// cir yang 'gyur zhing thams cad 'grub// glang po brjid gnon zhes bya ba'i dam tshig ni/ sems can ma lus thams cad kun// rnam rtog 'du byed mang pos g.yengs// ji ltar byis pa shed ma bya// bya byed mang po sa g.yengs par gnas// bya byed mang po bdag med par// ting nge 'dzin gyis dbang sgyur nas// mtshan ma/ mnyam pa'i dbyings su gnan// 'du byed sna tshogs mi g.yo brtan// dbang lnga rdzogs pa zhes bya ba'i dam tshig ni/ chos rnams thams cad skye med pas// shin tu brtan pa'i dbang thob 'gyur// rang rig ye shes 'od gsal bas// thams cad mkhyen pa'i dbang yang thob// chos rnams thams cad dbyer med pas// kun la spyod pa'i

  116. 266b

    dbang thob ste// spyad cing chags pa med pa'i tshul// kun kyang rang bzhin ye nas mnyam// thams cad rgyas 'debs shes bya ba'i dam tshig ni/ phyogs bzhi mtshams bzhi steng 'og tu// rang byung chen pos kun tu khyab// rang byung de nyid dngos med par// kun gyi phyag rgya'i rgyu yin no// chos dbyings de nyid zab pa yi// kun la gnas shing brtag dka' 'o// mnyam pa'i dbyings su thams cad 'dus// ye nas bde gnas zhing du'o// chos rnams dbyer med ces bya ba'i dam tshig ni/ ye nas dbyings su ro gcig pas// de lang dang bdag ma rtog/ rang bzhin rnam par dag pa la// gtsang dang sme ba'i blo ma byed// thams cad bde gshegs snying po bas// rkyen gyi rdul gyi sa ga la 'go/ shes rab mchog gis de ltar rtogs/ ma lus kun 'dus dbyings shes byos// thams cad 'jigs byed ces bya ba'i dam tshig ni/ shes rab blo rtsal ldan pa yis// bdag rtog mtshan ma kun gzhig nas// mtshan nyid med pa'i phyag rgya ru// thams cad 'dus par yang dag rtogs// rtogs pa nyid na dngos med do// de nyid sna tshogs par snang ba// snang ba nyid na bya byed med// de nyid 'jigs pa'i phyag rgya yin// g.yung drung tshe 'phel zhes bya ba'i dam tshig ni/ chos rnams thams cad bdag yin pas// rang rig ye shes 'od gsal bas// thams cad mkhyen

  117. 267a

    pa'i dbang yang thob// chos rnams thams cad dbyer med pas// kun la spyod pa'i dbang yang thob// spyod cing chags pa med pa'i tshul// kun kyang rang rig ye nas zlum// thams cad sangs rgyas 'di zhes bya ba'i dam tshig ni/ gang du 'gro zhing gang du skyes// 'jig dang skye ba'i dngos po med// dngos med de la su zhog gsod// gang zhig gnyis su 'dzin pa la// skye dang 'chi ba de la yod// ye shes spun gyis brtags pa na// skye 'jig nyid na dngos po med// thams cad mi 'gog pa zhes bya ba'i dam tshig ni/ mchog gsum rdzogs pa man chad nas// ngan song gnas rnams thams cad du// yang dog par na dbyer med de// gang yang spang bar bya ba min// theg pa mtho dman bsam yas pa// don du mi 'gyur yongs ma gsungs// ngan song gnas rnams thams cad kun// bla med byang chub rgyu yod pa'o// thams cad spyod pa zhes bya ba'i dam tshig ni// thams cad kun tu bzang po yi// 'dod pa'i yon tan lnga rnams la// thogs pa med par spyad bya ste// bsod nams tshogs chen yin par brtag/ de bzhin gshegs pa lnga ru brtag gzhan yang stong khams thams cad na// shes rab dbyings dang 'dod yon rnams// rab 'bring tha ma thams cad spyad/ thams cad mi chud pa zhes bya ba'i dam tshig ni/ phyogs

  118. 267b

    dus mnyam pa'i dkyil 'khor du// rdo rje rigs mchog ma gtogs pa// theg pa dman dang lta ba dman// des ni theg mchog rtogs mi 'gyur// mnyam pa'i dbyings kyis kun khyab kyang // nyon mongs sdug bsngal nyid kyis bsgribs// de yis yang dag nyid mi mthong // ma mthong ba la mi chud bya// thams cad bsrung du med pa zhes bya ba'i dam tshig ni/ thams cad ma lus sangs rgyas la// bsgrub cing bsrung bar bya ba med// dge dang mi dge gnyis ka med// nyon mongs spong zhing byung bsgrub med// de bzhin nyid kyi klong gyur na// bde dang mi bde dbyer med de// ye nas dag many+dza ma nyid du gnas// de la bsrung du rdul tsam med// thams cad bsrung ba zhes bya ba'i dam tshig ni/ sems can khams gsum 'khor ba yis// thog ma med nas sems yan btang // phyin ci log kyang 'jol tog spyad// gzung 'dzin don la shin tu chags// des na 'khor bar rtag tu 'khyams// de bas rang sems rtogs bya ste// le lo g.yeng ba yongs spangs nas// nga med bdag med mnyam par bsrungs// thams cad 'jigs byed ces bya ba'i dam tshig ni// rdo rje sems dpas bka' bcad pa'i// snyom pa'i rtsa ba thams cad kun// de bzhin du ni ma bsrungs na// yak+ka khro bo me dpal gyis// snying las drangs te khrag 'thungs nas// ngan song gsum du skye bar 'gyur// de yi sdug bsngal bzod

  119. 268a

    blag chad// dam tshig 'di na rdo rje na/ dam rdzas so sor spyad pa zhes bya ba'i dam tshigan// rigs lnga so sor dbye ba yi// rdo rje sems dpa' glang po'i sha// rin po che ni rta ya sha/ pad+maH'i sha chen po ste// don yod nam mkha' lding gi sha// de bzhin gshegs pa sha chen te// dbye 'am yang na mi dbye bar// yang na thams cad gcig tu bsdu// yang na mtshan nyid med par brtagating nge 'dzin gyi dam tshig ni/ thams cad ma lus chos so cog/ de bzhin nyid kyi rgyas btab pas// gnyis su dbyer med ting 'dzin brtan// de ltar sems rgyas sems can ni// rang rig byang chub sems yin pas// dus gsum na ni rgyal mi bzhugs// sus kyang ma bcos ma byas pa'i/ brjod pa'i tshig las 'das pa de// rgyal ba yin zhes rgyal ba gsung // de ltar shes pa rgyal ba bas// thabs mkhas shes pa'i ting 'dzin yin// phyag rgya'i dam tshig ni/ bde gshegs dkyil 'khor ma lus kun// ye nas rang bzhin 'od gsal ba// thams cad kun la yod par bshad// ye shes sems dpa'i dkyil 'khor nyid// bla na med pa'i mchog yin te// rdo rje rigs mchog thams cad kyis// bar ma chad par rtag tu bsgrub// byang chub shing drung skye bar 'gyur// bla med byang chub mchog kyang 'grub/

  120. 268b

    skye shi med pa'i bde 'grub ste// sems la dbang yang thob par 'gyur// spyod yul thams cad smon na shes// gang zhig dkyil 'khor 'di spangs na// nyon mongs ngan song gnas su skye// byang chub 'bras bu thob mi 'gyur// bla med 'gro ba'i rgyu yang bcad// rigs chad nyid du gnas par 'gyur// rdo rje sems dpa' bsgrub 'dod pas// rtag tu mnyam pa'i don rtogs la// sku ni 'ja' tshon tshul 'dra bar// snang la rang bzhin med par bsgom// 'khor rnams chu zla'i tshul shes pas// gsal la rang bzhin med par bsgom// lha yi sku rnams gsal bsgoms na// bsod nams tshogs chen thob par 'gyur// de nyid gzugs brnyan tshul shes na// ye shes tshogs chen thob par 'gyur// rnal 'byor pas ni rtag tu bsgom// yi dam lha de spangs byas na// ngan song mi bde rtag tu myong // sngags dang phyag rgya rgyun mi gcad pa'i don ni// sngags dang phyag rgya bar mi ga cad// rnal 'byor bsgrub pa'i lam yang yin// mi gtong sdom zhing 'dren pa'ang yin// don mchog rdzogs pa'i gnas yin te// rtag tu mnyam gzhag phyag rgya yi ni// dug gsum gting 'byan sngags yin te// yang dag don chen klung 'dod pas// dus 'tshams med par phyag rgya sngags// yid brtan drag tu bzlas brjod bya// yon tan nam mkha' mtha' dang mnyam//

  121. 269a

    phyag rgya brjod dang yi ge oM// rdo rje slob dpon gyi mtshan nyid bstan pa/ bla med dkyil 'khor ston pa'o// yon tan zad med sbyin pa yin// byang chub lam chen 'dren mdzad pa'i// chags med zhing du dgod pa yin// nyon mongs sdug bsngal rtsad gcod cing // 'khor ba'i lam rnams stongs par byed// ma rage mun sel sgron ma yin// long ba rnams kyi dmigs bu mkhan// de la rtag tu mchod byas na// sangs rgyas byang chub thag mi ring // rdo rje mched dang lcam phrab gyi mtshan nyid bstan pa// rdo rje rigs kyi spun yin te// thog ma med nas las 'thun pas// lha spyod gcig tu 'dir skyes te// gcig la gcig ni mig 'drar bya// shin tu gdung zhing brtsa bar bya// mched la rngan sems dbye byas na// dmyal ba chen por ltung bar 'gyur// de bas dam tshig 'da' ma byed// gsang ba'i mtshan nyid bstan pa ni/ de bzhin gshegs pa'i dkyil 'khor ni// srid gsum ma lus kun la khyab// phyin ci log gis rang bsgribs nas// dbul mo'i gter dang gyad kyi nor bu 'dra// de bas rdo rje gsang mchog 'di// thams cad mkhyen pa'i thugs rje yis// chos la skyon yod ma yin te// sems can don phyir shin tu gsang // theg pa dman dang phyin ci log/ de la gsang ba bstan gyur na//

  122. 269b

    rang bzhin gsang don mi shes par// 'phral gyi spyod yul de dag las// shin tu nges pa'i don gzung nas// gsang don de nyid log par khrid// ma rtogs de nyid dmyal bar 'gro// / de bas rab tu gsang bar bya// thugs rje chen po dang ldan pas// thar lam kun la mkhas par bya// shes rab mchog dang ldan pas na// sems can snod rarim dang sbyar zhing // theg pa mthe dam na de nyid ni// so sor 'tshams par bstan dgos so// dang du blang dang mi spang dang // rnal 'byor pa yis rtag tu sprad// chags pa med par gyur pa dang // dngos grub sa mtshan chen po ni// dam tshig mdor bshad nang nas 'byung // ma rtogs pa yis spyad gyur na// yi dgas srin po'i gnas su skye// yang na dam tshig 'di lta bur// ji ltar spyad kyang sdom mi 'da'// byed spyod tshogs tshon gnyis su 'gyur// 'gro dang 'dug dang nyal ba na// ma nyams de yi dbyings na gnas// shes rab mchog gis/ rtag tu gyis// chos rnams ma lus thams cad la// bya lam nam 'phang spyod pa bzhin// 'dzin chags ma lus thams cad kun// mkha' la rlung chen 'phyo ba bzhin// yid kyis rtog pa ma lus pa// chu la nya chen 'phyo ba ltar// rnal 'byor lta ba de ltar ltos// de ltar rtogs pa'i shes rab kyis// tshig tsam ma yi ni blo gting spos// /

  123. 270a

    rdo rje theg chen khas 'tshal// mnyam pa'i don nyid mi shes par// gsang sngags dam tshig mnyam zer zhing // thugs thub dag tu spyad byas pas// dmyal khams dag tu brgyud par 'gyur// mnyam pa'i don nyid ji lta bu// mnyam nyid rang bzhin gang yang min// mnyam dang rtog pa gang yang med// ci la'ang mau gnas kun la spyod// spod par byed dang sprod pa med// de ltar rtogs pa'i rigs mchog ni// rdo rje rigs 'dzin skye ba yin// 'jigs med kun tu bzang por sbyor// yon tan mi zad gnas kyang yin// mnyam pa'i don nyid mi shes shing // kun rdzob don dam gnyis med la// chos dang gang zag bdag med la// 'di ni byang chub sa pa yin// las dang nyon mongs thams cad la// mnyam pa'i don du mi shes shing // rten 'brel rgyu 'bras yod 'dzin na// 'di ni reng sangs rgyas kyi sa// chos rnams ma lus thams cad la// bden bzhi'i dngos po yod lta zhing // spong dang mi spong byed 'gyur na// 'di ni nyan thos sa pa yin// dge bcu dag la gtsor len cing // dge dang mi dge mi mnyam pas// lha dang mi yi skye gnas te// 'dod khams dag tu 'khor ba'i sa// mnyam pa'i don nyid mi rtogs shing // tshad med bzhi dang bsam gtan bzhi// rim pa so sor bdag 'dzin cing // gzugs sogs rnams la bdag tu rtog

  124. 270b

    'di ni tshangs gnas rim par skye// mnyam gnas gzugs med ma rtogs nas// ming bzhi med par ma shes te// skye mched bzhi la gnas gyur pas// srid pa'i rtse mo sa ru skye// thams cad mnyam par ma skyes nas// ma lus kun la zhe sdang zhing // snying rje yang dag med gyur na// 'di ni mi bzod chen po yin// dmyal khams bcu drug gnas pa yin// chags med dngos po mi shes nas// thams cad kun la 'dod chags shing // lus kyis bsgribs dang zas kyis bsgribs// yi dgas chen po'i gnas su skye// nga dang bdag med/ mi shes shing // chos rnams kun la rmongs byas shing // shes rab gsal don med pas na// dge sdag gnyis kyi don ma rtogs// 'di ni byol song gnas su skye// shin tu nga rgyal cher bskyed cing // thams cad bdag gir gzung bas na// kun la rtsod pa'i las byed cing // lha ma yin gyi gnas su skye// theg mchog mtho dman thams cad dang // 'dzag/ rten lta ba thams cad kun// ye shes chen pos rab brtags na// rang bzhin med la cir yang 'grub// rang bzhin dbyings las nyams pa med// shes rab chen po'i mig ldan pas// mtho dman gnas dang lam drug gnas// so so'i de bzhin 'khor ba gzigs// sngags mchog bla na med pas ni// mtshan ma kun tu mi rtag par// mnyam pa'i ngang du

  125. 271a

    thams cad med// kun kyang mnyam pa nyid yin pas// 'jig rten 'das dang 'jig rten pa'i// so so'i lta ba brjod ma bya// spyir ni log rtog bsam yas pa/ ye nas yod pa ma yin te// so so'i rnam rtog bag chags kyis// gzung 'dzin dra bas bsgribs gyur te// ci yang med la car yang snang // snang ba nyid na rang bzhin med// de ltar rtogs na bde 'gro'i gnas// rdo rje can gyis de ltar rtogs// rnal 'byor chen po'i lta spyod na// ji ltar spyod kyang rang bzhin med// mkha' la bya chen ldings pa bzhin// chu la nya chen 'phyo ba bzhin// mkha' la rlung chen 'gro ba bzhin// rnal 'byor lta ba de ltar blta// rnal 'byor spyod pa chen po ni// thams cad kun la dbyer med spyod// bde ba'i ro mchog myong 'gyur te// de la su zhig chags par byed// spyod bzhin ma chags ye shes yin// bde ba'i tshogs nyid bsod nams tshogs// de lta bu yi ngang du spyad// 'di ni spyod pa rlabs chen yin// lta spyod la char ma gyur pas// sngags 'chang rnams kyis rtag tu spyad// kha cig lta ba mnyam gnas kyang // spyod pa dag dang yongs mi mnyam// kha cig spyod pa rdzogs byed kyang // mnyam pa'i lta ba yongs mi shes// kha cig lta spyod gnyis ka med// kha kag lta spyod gnyis ka byed// yang dag skyes

  126. 271b

    mchog dam pa yis// don dam kun rdzob dbyer med par// yang dag nyid du rab tu rtogs// bla med theg pa'i nang nas ni// don dam du ni dbyer med de// kun rdzob tsam du thams cad la// dag dang ma dag gnyis kar 'dzin// thabs kyi theg pa chen po na// rnam par byang dang sdug bsngal dag/ kun rdzob tu yang dbyer med de// lta ba mtho dman de tsam mo// thabs kyis lta spyod chen po ni// bla med theg pa las 'phags pa// don dam du ni nor bdun no// kun rdzob tu ni mnyam rdzogs so// mnyam pa nyid las ma g.yos bzhin// thabs kyis pha rol phyin pa ston// thabs dang shes rab rnam par dag/ thams cad dag ces bya ba yang // dngos po gsal dag ma yin te// snang spyod nyid na rnam par dag/ / dam tshig chen po'i mdo rnams las// rigs lnga dag tu bstan pa ni// chos rnams ma lus thams cad kun// rigs chen dag tu zad par 'dus// ma lus chos kun dbyer mi dmigs// cis kyang mi tshugs rdo rje yin// rigs ngan 'joms pas rdo rje yin// mi dmigs dbyings nas kun 'byung ba// yon tan chen po'i gnas yin te// zhing khams mi zad gnas kyang yin// 'di na rin chen rigs su gsungs// chos rnams thams cad dbyer med pas// chags dang chags par bya ba med// de bzhin nyid du don gcig ste//

  127. 272a

    nyon mongs nyes pas mi gos pa// thams cad ma lus dbyings 'dus pas// 'di la bya ba rdul tsam med// ma byas bzhin du don 'grub pa// skyon yon byang chub nyid du sbyor// 'di ni las rnams grub pa yin// chos rnams ma lus thams cad kun// mtha' dang dbus med du ma bral// gang yang ma yin de bzhin nyid// dbyer med pa mi tshul rtogs te// 'di ni de bzhin gshegs pa'i rogs// snang srid ma lus thams cad la// gsal zhing dro ba'i gnas byed cing // mtshan ma bag chags sreg byed pa// 'di ni me yi rigs su bshad// chos rnams ma lus thams cad la// dngos por snang ba gzung du med// ngang gis ye nas 'byor ldan zhing // gnyen chags nyid du gnas pa ni// yang dang yang du rgyun ma chad// mi bde drag pas chu chen yin// chos rnams ma lus thams cad la// dngos por snang ba thams cad gzung du med// bskyod nas thams cad kun smra ste/ 'di ni rlung chen yin par bshad// dam tshig chen po'i mod rnams las// 'byung ba lnga rnams bshad pa ni// thams cad ma lus 'byung ba yin// thams cad ma lus mtsho bskyed yin// chos rnams ma lus thams cad la// sra zhing brtan pa'i gnas yod pas// dngos po med pa'i tshul rtogs te// 'di ni chen po yin par

  128. 272b

    bshad// chos rnams ma lus thams cad la// de bzhin nam mkha'i chen po yis// phyi dang nang gi go 'byed pa'o// thams cad gsal ba'i ngang yin te// 'byung ba bzhi po thams cad kyang // thams cad nam mkha'i ngang du thim// chos rnams ma lus thams cad kun// de bzhin nyid kyi dbyings su 'ug/ nyon mongs pa lnga zhes bya ba'i dam chog ni/ ma rig pa ni rig par 'gyur// phyin ci log ni yang dag ste// nyon mongs lnga po de bzhin gshegs// dngos med rtogs na byang chub lam// ma rtogs ngan song gsum du'agro/ de bas thos bsam bsgom pa yis// yang dag don nyid rtogs byas te// thams cad sangs rgyas zhing du sbyor// 'dod chags rang bzhin med pas na// yang dag don la chags byed de// chags pa med pa'i tshul gyis gnas// ma chags pa la chags pa ni// shin tu chags mchog chen po yin// rgyal ba'i zhing khams 'byung 'gyur ba// snang mtha' yas kyi zhing dag yin// thams cad pad+mar rdzus las skyes// rdo rje 'dzin gyi sa ru skye// zhe sdang chen po'i mtshan nyid ni// phyin ci log la zhe sdang zhing // zhe sdang dngos po med sems na// sdang dang mi sdang mnyam shes te// cis kyang mi tshugs rdo rje yin// mnyam pa chen po'i ngang nyid ni// thams cad kun tu dbyer med de// de ltar

  129. 273a

    ma rtogs kun la snang // de bzhin phal gyis mnyam mi shes// de ni zhe sdang nyid du mthong // yang dag rtogs pas rab btags na// zhe sdang thugs rje chen po yin/ mnyam pa chen po'i ngang nyid ni// thams cad kun tu dbyer med la// gti mug rmongs pa zhes brjod pa// chos rnams ma lus thams cad kun// don dam du ni dbyer med la// kun rdzob sgyu ma mi g.yor tshul// snang ba nyid na dngos med pas// de la su zhig bdag tu 'dzin// thams cad dbyer med mi dmigs pa// shes rab can gyi gti mug yin// de rtogs de bzhin gshegs pa'o// nga rgyal mtshan nyid bstan pa ni// mnyam pa nyid la gnas bcas nas// phyin ci log dang theg dman la// shin tu nga rgyal chen por snang // nga rgyal zhi ba so sor min// / rang bzhin med pas dbyings su 'dus// 'di ni yon tan 'byung gnas te// de bzhin gshegs par shes par byos// phrag dog mtshan nyid brjod pa ni// nga dang bdag tu 'dzin pa ste/ 'dzin nyid dngos po yod ma yin// mnyam nyid shes la phrag dog cing // thams cad mnyam pa nyid du 'dus// mi mnyam pa la shin tu sdom// de bas phrag dog chen po yin// phyin ci log ni bdag tu 'chings// gzung dang 'dzin pas shin tu dog/ gzung 'dzin bral ba'i ye shes ni// dag yangs med de thams cad mnyam// de nyid shes pas las rab 'grub// /

  130. 273b

    phung po lnga zhes bya ba 'dam tshig ni/ phung po lnga por snang ba yang // kun rdzob bya ba sna tshogs byed// bde ba'i yul dang me bde'i yul// so so'i yul rnams myong byed cing // lnga po'i mtshan nyid gzhig byas na// so so'i mtshan nyid dngos po med// gang gis de la dngos bzung na// pha song gsum du skye bar 'gyur// de la gzugs kyi mtshan nyid ni// snang ba nyid na dngos med dang // snang med de nyid sna tshogs ston// snang dang mi snang gnyis su med// de rtogs rnam par thar pa'i lam// gzugs nyide longs spyod tshogs pa'i sku// tshor ba'i mtshan nyid brjod pa ni// kun la rnam gsum 'byung mod kyi// bde dang mi bde dngos po med// gnyis ka ma yin lung ma bstan// sna tshogs tshor po 'byung 'gyur yang // tshor dang 'byung ba gnyis ka stong // stong nyid dngos po yod ma yin// de rtogs chos kyis go bgos yin// 'du shes mtshan nyid bshad pa ni// gsum tshogs mtshan mar 'dzin pa yin// so so'i mtshan nyid bshig pa ni// dngos po med de de bzhin nyid// dngos med de nyid sna tshogs la// bya byed med par kun tu 'jug/ khams/ gsum ma lus thams cad la// mtshan mche chung bsam mi khyab// khyab med dngos po yod ma yin// de ltar rtogs na sangs rgyas mtshan// 'du byed mtshan nyid 'di ltar gnas//

  131. 274a

    rtsa ba brgyad pos klod gyur te// lnga bcu rtsa gnyis kun la 'phro// de rtogs rtsa ba yod ma yin// med bzhin log g.yo rnam par 'byung // de la dngos por 'dzin pa ni// rtag tu nyon mongs g.yengs gyur nas// khams gsum btson rar rgyun du 'khor// yang dag don bzhin rig pas ni// 'phro ba'i gzhi rtsa de bzhin nyid// de las rnam rig 'byung ba ni// dngos po med de skad cig ma// ye shes dbyings las rol par mdzod// sprul pa'i tshogs chen yin par bshad// kun gyi 'byung gnas rnam shes te// de yi dngos po'i rang bzhin na// kha dog dbyibs dang rigs brgyud min// gang yang ma yin nyid mi dmigs// don kun la dbang sgyur te// mtho ris 'gro'am ngan song 'gro// rtogs dang ma rtogs khyad pararo// bzhi po mnyam pa'i ngang shes na// de ni ye shes chen po yin// // kha dog lnga'i dam tshig chen po ni/ sems can ma lus thams cad la// ye shes lnga yis kun khyab kyang // rang gi rnam rtog bsgribs byas te// ye shes lnga yi don ma mthong // ma mthong rmongs pa thams cad la// ye shes mtshan nyid bstan pa'i phyir// dkar dang dmar dang ser ba dang // ljang khu la sogs nag por bstan// chos rnams bdag med rtogs byas nas// byang chub sems nyid dag pa'i phyir// shin tu mdog ni dkar bar bstan// de rtog

  132. 274b

    bya phyi ri dag pa'i phyir// chos rnams ma lus thams cad kun// pad+ma rA ga zhes brjod do// chags dang chags par bya ba med// chags med phyir yang dmar po'o// yon tan gter chen phrad mi shes// thams cad 'byung ba'i gnas yin te// de bzhin nyid dbyings ma lus la// zad med rin chen gter gyur pa// mdog ni gser gyi kha dog bstan// chos rnams// phyin ci log rnams la// thugs rje chen po'i byin brlabs kyis// dbyings su yang dag bsdu dgos pas// las rnams ma lus rdzogs byed de// kun tu las ni ljang khu'i mdog/ de bzhin nyid kyi dbyings nyid la// cis kyang mi tshugs bcos su med// kha dog nag po'i dngos po la// tshon gzhan dag gis bsgyur du med// de bzhin kun la shes par byos// phyogs lnga zhes bya ba'i dam tshig ni// mtha' dang dbus med de bzhin nyid// dbyer med dang du gnas pa la// ye shes rtogs pa'i don bya'i phyir// phyogs dang dbus su gnas par byas// sems can ma rig ldongs pa la// nyon mongs ma lus bsal bya'i phyir// ye shes sgron ma'i 'od 'bar bas// ma rig mun pa sel bar byed// de phyir de la shar zhes bya// sems can ma lus thams cad la// nyon mongs sdug bsngal mi gnas shing // ma rig mun pa nub gyur pas// de la nub kyi

  133. 275a

    phyogs zhes bya// sems can kun gyi nyon mongs kun// ye shes chen po bdag med par// sdug bsngal rab tu byang byas pas// de la byang gi phyogs zhes brjod// de ltar ma lus thams cad la// thugs rje shar dang sgrib pa nub// rnam rtog mtshan nyid 'byung mi 'gyur// de ni yon tan chen po rdzogs// de ltar chos rnams ma lus kun// de bzhin nyid kyi dbyings su 'dus// phyogs rnams ma lus thams cad kun// de bzhin nyid de zlum po'i tshul// phyogs rnams kun ni de ltar blta// ma rig phyin ci log rnams kyis// phyogs rnams so sor gzung gyur na// rtag tu nyon mongs 'khor bar 'gyur// // bam po lnga pa'o// / dbang po lnga zhes bya ba'i dam tshig ni/ yul lnga dag la dbang byed pa'i// phyin ci log ni dngos por 'dzin// dngos por gzung bas khams gsum 'khor// gzugs rnams/ ma lus thams cad la// snang zhing dngos po med pa dang // lha dang lha mo'i dngos por rtag/ bdag dang lha nyid gnyis med pa'o// sgra rnams sna tshogs grags pa yang // sgra nyid dngos po med par shes// sla brjod ma lus thams cad ni// chos kyi sgra chen sna tshogs yin// dri yi dngos por snang ba yang // dri nyid rang bzhin gang yang med//

  134. 275b

    dri snom chos kyi dra yin te// shes rab chen pos de ltar rtogs// ro yi dngos por snang ba dang // ro'i rang bzhin yod ma yin no// ro nyid de bzhin nyid kyi ro// bde ba de yis tshim par byed// reg bya sna tshogs snang ba yang // reg bya'i dngos po yod ma yin// reg byar snang ba longs spyod yin// bde ba chen po chos kyi sku// mi shes phyin ci log rnams kyis// dbang po yul la chags gyur na// rtag tu 'dod dang mi 'bral zhing // ngan song gsum dang mi khom brgyad// rtswa dang sog ma me bzhin du// khams gsum dag tu 'khor bar 'gyur// de bas ye shes chags med rtogs// byas la mi sogs bsod nams byos// kun la dpyod cing mi gos pas// ye shes chen po rtag tu bsgoms// // mnyam pa rnam lnga zhes bya ba'i dam tshig ni/ don dam skye ba med par mnyam pa dang / kun rdzob sgyu mar mnyam pa dang / don dam pa dang kun rdzob dbyer med par mnyam pa dang / chen po lnga de bzhin gshegs pa lngar mnyam pa dang / rnam par shes pa brgyad ye shes lngar mnyam pa'o// de la don dam par skye ba med par mnyam pa ni/ chos rnams ma lus thams cad kun// de bzhin nyid dang stong pa'i mtha'// yang dag nyid dang chos kyi dbyings// mtshan nyid med cing dmigs

  135. 276a

    su med// gzung du med cing smon pa med// ye nas mya ngan 'das pa yin// thams cad nam mkha'i mtshan nyid de// nam mkha' la yang mtshan nyid med// kun rdzob sgyu mar mnyam pa ni// 'dus byas dngos po sna tshogs ni// sgyu ma'i tshul du thams cad snang // 'phral snang bya ba kun kyang byed// rtog pa kun gyi tshad mar snang // 'di dag thams cad gzugs brnyan te// bya byed snang zhing dngos po med// chu zla'i tshul du thams cad gau naus// thams cad snang la rang bzhin med// don dam pa dang kun rdzob dbyer med pa ni// chos rnams ma lus thams cad kun// gzhi rtsa med las thams cad byung // med dang yod pa gnyis ka min// don dam kun rdzob dbyer med de// 'dus ma byas nyid 'dus byas yin// snang ba nyid na dngos po med// dngos med de nyid sna tshogs pa// de nyid sgyu ma mig yor tshul// 'byung ba chen po lnga de bzhin gshegs pa lngar mnyam pa ni/ sa chu me rlung nam mkha' las// ya mtshan sna tshogs 'byung 'gyur ba// gzhi rtsa yod pa ma yin te// rang bzhin ngang gis de ltar 'byung // so so'i rigs tshogs snang ba ni// thabs chen dag tu rtag tu mnyam// mtshan 'dzin so sor gnas pa ni// shes rab dbyings kyi ngang du mnyam// rnam par shes pa brgyad ye shes lngar mnyam pa ni/ rnam rtog kun gzhi ma

  136. 276b

    yin pa// rang bzhin med pa don gyi gzhi// 'di ni chos kyi dbyings shes bya// de bzhin nyid kyi ye shes so// chos rnams ma lus thams cad kun// nga dang bdag tu ma 'dzin zhing // kun kyang dbyer med nyid yin pas// thams cad me long lta bu'i tshul// thams cad kun la yud rtog cing // rtog dang rtog par bya ba med// dus gsum du yang mi dmigs pa// 'di ni mnyam nyid ye shes yin// log rtog dbang po spyod yul spangs// dbang po yul rnams dngos med par// thams cad dbyer med de bzhin nyid// so sor rtog pa'i ye shes yin// mnyam pa rnam lnga de ltar brtag/ chos rnams ma lus thams cad la// ye nas rang bzhin med pa dang // thabs shes lhun gyis grub pa brtag/ 'di ni yang dag rtogs pa yin// // tshogs kyi dkyil 'khor zhes bya ba'i dam tshig ni/ bsod nams ye shes tshogs rdzogs te// rang rig mtha' dbus med pa'i dkyil// ye shes bzhi 'phro 'khor lo'i tshul// yang na rdo rje sems dpa' nyid// rigs bzhi lha dang lha mo dang // 'khor gyi khro bo khro mo yis// yang na 'das pa dkyil nyid de// 'jig rten sna tshogs 'khor yin no// tshogs kyis mchod pa zhes bya ba'i dam tshig ni// thabs dang shes rab ldan gyur cing // byang chub sems dang ma chags pa'i// gnyis su med par thim gyur nas// tshegs chen gnyis kyang rdzogs par ldan// 'dod yon lnga po thams cad

  137. 277a

    dang // sna tshogs snang ba thams cad kun// de bzhin gshegs pa'i dkyil 'khor dang // gzugs mdzes lha dang lha mor brtag/ thams cad ma lus sgra rnams ni// chos kyi sgra chen yin pa dang // ngan song spong zhing thar lam ston// stong gsum grags pa'i sgra chen dang // thams cad 'jal ba'i sgra yang yin// bde 'tshim byed bsod nams tshogs// brjod med mi gnas ye shes yin// 'di ni tshigs med pad+ma'i gsung // chos nyid dngos po med pa la// dri yis mchog tu tshim byed pa// bsod nams tshogs chen yin par bshad// chags med ye shes tshul yin te// de bzhin dri yis mnyes mchod na// rigs 'dzin sa rnams bskul bar 'gyur// ngan song gsum du chos kyi dro// kun tu bde gnas thob par byed// bde gshegs dkyil 'khor ma lus la// bde ba'i ro yis mchod par 'gyur// tshim byed bsod nams tshogs chen 'gyur// dngos por mi 'dzin ye shes tshogs// de lta bu yi ro mchog gis/ thams cad kun la tshim par 'gyur// yi dwags gnas su longs spyod ldan// dkyil 'khor ma lus mchod pa yin// bde ba chen po yang rdzogs pa'o// rnal 'byor las su rung rnams kyis// rnam pa mang pos brgyan pa dang // 'byor mchod dag gis longs spyod na// dkyil 'khor bsam yas lhan grub 'gyur// bde chen dkyil 'khor 'bar 'gyur

  138. 277b

    na// sdig pa'i mun nag sel bar byed// dpung bzhi'i tshogs kyis mi thub pa'i// mthu chen dag kyang 'grub par 'gyur// tshogs kyi 'phrin las shes bya ba'i dam tshig ni// bya byed med pa'i tshul gyis ni// kun la thogs pa med ltar sprad// thams cad ma lus 'dul bar byed// mi mthun phyogs rnams dbang du byed// yon tan chen po 'phel bar byed// khro bo/ gtum po'ang zhi bar byed// thams cad kun la spyad bde ba// chags pa med pa'i tshul gyis gnas// dbyings su bsdus pa'i dkyil yin te// 'phro 'du mang po'i 'khor gyis bskor// mnyam pa chen po'i ngang nyid ni// de lta bu yi tshul du gnas// 'khor gyi 'phra men tshim byed ces bya ba'i dam tshig ni/ bdag nyid 'dul ba'i dbang phyug tu// rtag tu ma nyams khro bo'i tshul// 'khor gyi khro rnams de bzhin te// mdog dang phyag rgya thams cad dang // sngags mchog dam pa ma lus gdon// de nas 'phra men 'khor bsdus nas// so so'i las dang 'thun byas te// so so'i gnas su gzhag par bya// dbang du baspu dang bsgo ba'i thabs// ji ltar 'tsham pa bzhin du bya// ma lus thams cad byos shig par// lhag ma byin nas dbang yang bskur// gzhan yang 'gro ba thams cad la// 'dod yon lnga yi sbyin pa btang // de nas las rnams rdzogs byas nas// dbang phyug chen pos gnas brtan

  139. 278a

    nas// rigs lnga ye shes lnga la sogs// 'khor gyi dkyil 'khor ma lus pa// bdag la thams cad bsdu bar bya// de ltar bsgrub pa'i ngang 'chang ba// ye shes tshogs gnyis rigs byas nas// rig pa 'dzin pa'i sa la gnas// theg dman spyod par yongs mi 'gyur// mi khom gnas su skye mi 'gyur// skye shi med pa'i gsung drung thob// sangs rgyas zhing yang sbyong bar byed// ngan song gnas rnams stong par byed// yang dag mchog gi snying po 'grub// a/ dam tshig rnam par bshad pa'i le'u ste nyer dgu pa'o// / / sku gsung thugs dang yon tan dang // 'phrin las rmad byung kun grags pa// gzhan nas yod 'ongs ma yin te// rang byung ye shes gnas med yin// mtho dman kun gyi gzugs brnyan dang // bla med byang chub skur snang ba// me long lta bu'i tshul bzhin du// sna tshogs kha dog dbyibs su snang // de bzhin gshegs pa'i gsungs rnams ni// sgra dang ming chog kun las 'das// brjod med rang bzhin kun tu go/ nyon mongs med pa bla med sgra// ma brjod stong gsum grags pa yis// gsung brjod bsam gyis mi khyab pa// brjod pa nyid dang stong gsum med// de nyid sna tshogs brjod pa'o// thams cad mkhyen pa'i thugs dang ldan// yang dag rtogs yang rab brtan na// gzhi rtsa med dbyings skad cig ma// mtha'

  140. 278b

    dang dbus kyang rtag tu med// de nyid sna tshogs 'byung ba'i rgyu// sus kyang ma bcos ma byas pa// bdag gis kyang ni dmigs mi 'gyur// dngos med kun la dbang sgyur ba// sku gsum yang dag ldan gyur na// yon tan nam mkha'i mtha' dang mnyam// mi 'gyur sangs rgyas zhing du'ub// spyod yul ma lus thams cad la// ji ltar dmigs pa bzhin du'abyung // me zad rin chen gter chen 'grub// gzhan gyis dbrog tu med pa yi// bo de'i dkor na rin po che// thugs rje chen po'i byin brlabs kyis// bya byed med par dkyil 'khor mdzad// mdzad dang mdzad par bya ba med// sgyu ma'i tshul du kun la spyod// spyod med ngang gi dkyil 'khor la// chags med tshul du rnam par rol// bya byed rnam pa sna tshogs kyang // byed pa nyid na chu zla'i tshul// gzung 'dzini bral ba'i ye shes ni// rtsa ba lnga zhes brjod mod kyi// brjod pa'i mtshan nyid yong med de// mtshan nyid med par sna tshogs snang // de nyid thams cad mkhyen pa yin// kun la khyab cing mi gnas pa// de ni rig pa rang dbang sgyur// bsam gyis mi khyab kun tu khyab// dbang po yul du snang ba kun// yul rnams yod pa ma yin te// kun gzhi rnam par shes pa nyid// dngos po sna tshogs par snang ste// snang ba dngos po rnam gzhig na// so so'i mtshan nyid rnam

  141. 279a

    bshig na// gzhig na nam mkha'i ngang du zha// nam mkha' de nyid lngas gzhigs na// mtshan nyid med pa'i dbyings su thim// thams cad kun gyi 'byung ba'o// gzhi rtsa med de skad cig ma// snang ba mi 'gog thabs yin te// rang bzhin med pa shes rab nyid// nyon mongs rnam par shes pa ni// kun gzhi nyid snang spod yul la// nga dang bdag tu rnam par rtog/ bde sdug mtshan mar so sor 'dzin// kun gzhi dngos po med pa la// bag chags sogs pa'i gnas med de// snang ba dngos po med pa la/ nyon mongs blo yis blang du med// bsgo dang bsgo bar bya ba med// de ltar sgo byed dngos po med// med bzhin sems kyis bya ba min// men bzhin sems kyis log brtags pas// khams gsum btson rar rtag par 'khor// yid kyi rnam par shes pa ni// snang dang mi snang gnyis ka la// skad cig yud tsam rtog pa yin// rtog pa nyid kyang ma grub na// yul gyi dngos po ga la 'grub// yid kyi de bzhin rgyu nyid ni// snga ma 'das shing mi dmigs pa// phyi ma ma byung rtag tu med// de ltar rang bzhin dmigs su med// rtsa shing kha na rlung 'phyo 'dra// rgyud ni yongs su ma chad pa// 'di ni kun tu 'byung ba yin// de ltar don rnams dngos po med// chu dang rlung dang rlabs 'dra ba// de gsum

  142. 279b

    gcig dang so sor min// de bzhin kun gzhi nyon mongs yid// gcig pa ma yin so so ma ni// chos kyi dbyings dang mnyam pa'i dbyings// thams cad ye shes dbyer med cing // gcig tu yang ni brjod pa med// de ltar ma rtogs sems can yin// rtogs na sangs rgyas gud na med// byang chub sems kyi rang bzhin ni// shin tu mi dmigs pa rtag dka' ba// yangs la rgya che gting zab pa// shes rab zab pas/ rtogs 'gyur te// gang nas ma 'ongs gar ma 'gro// 'ongs dang 'gro bar bya ba min// shin tu brtag dka' mi dmigs pa// mtha' dang dbus kyang brtag tu med// gzung 'dzin bral ba'i rang rig nyid// dmigs med tshul du de ltar snang // dbyings dang dbyings kyi ye shes kyang / 6/ rang rig kho na tsam du zad// sems can ma lus thams cad kyis// de ltar khong du chud par byos// nyon mongs sdug bsngal med pa dang // bla med 'bras bu thob par 'gyur// sems can ma lus thams cad la/ snying rje'i thag pa ma chad par// nyon mongs lam las grol byed cing // byams pa dag gis mnyes par gyis// de bzhin 'khor ba'i btson ra la// snying rje'i zhags pa cher brkyang nas// nyon mongs 'das nas 'dren par byed// snying rje chen po skyo ma byed// de bzhin skye bo phal rnams la// las kyi sgrib pas mi gos shing // thams cad mngon

  143. 280a

    par sangs rgyas par// dga' ba dag la 'gyod ma byed// sems can nga dang bdag med la// thugs rjes gnyis rtog mi byed de// bu gcig 'dra bar blo gzhag bya// thams cad dri ma med par bya// chos rnams thams cad stong pa bas// de la dngos dang rtog pa med// nam mkha'i ngang du gnas pa la// de la bcos shing bsgyur du med// chos rnams thams cad mtshan nyid med// snang ba thams cad dngos med pas// yod dang med pa thams cad kun// rang bzhin med pas mi dmigs so// 'jig rten 'das dang 'jig rten pa'i// chos rnams sna tshogs snang ba yang // bdag las gzhan pa ma yin pas// kun la smon cing chags su med// byang chub sems rnams thams cad ni// shin tu brtag dka' gting zab pas// rtog ge'i spyod yul de ma yin// ma dmigs mi dmigs dmigs su med// sems nyid de ni ji lta bu// byang chub de ni sems yin no// sems dang byang chub dbyer med pas// sems can ma lus thams cad dang // dus gsum chos rnams thams cad yin// thams cad ma lus chos so cog/ sems dpa' byang chub nyid du 'u ba// bo de chen pos de skad bshad// skye bu blo rtsal rab ldan pas// ci la'ang thogs pa med par spyad// spyad pa nyid na'ang chags med cing // dus mtha' med par ma nyams gnas// 'di ltar snang ba thams cad la//

  144. 280b

    mngon sum mtshan mas rtag mthong yang // snang ba nyid na dngos po med// de bzhin yang dag nyid du rtogs// gang zhig stong pa'i ngang yod ces// med pa'i rang bzhin rtog pa ste// ri bong rwa dang mo gsham bu// tshig tsam gdags su rung mod kyang // thams cad ming tsam stong nyid min// thams cad ma lus stong zhes te// dran med brjod pa ma yin pas// rtog med rang bzhin 'od gsal zhing // 'di ltar snang ba thams cad kun// rdos pa can gyi chos med de// shes pa 'ba' zhig kho na'o// thams cad gnyis med rtogs gyur na// de nyid don dam dbyings yin te// gzhan nas btsal zhing gzhag tu med// yod las btsal na sgro btags 'gyur// med las btsal na skur btab ste// yod med gnyis las btsal byas na// de ni lung du ma bstan 'gyur// rnam par rtog pa mi mnga' ste// de yis mi shes gcig kyang med// rnal 'byor lta ba de lta bu// tshig gi snga phyi yod mod kyang // don gyi cig char rdzogs par bsgom// de lta bu'i don rtogs pa na// 'gro nyal 'dug sdod longs spyod kyang // theg chan bsgoms las nyams pa med// gong gi don ltar ma rtogs pa'i// blo ngan mnyam par khungs byung nas// ma rtogs le lo snyoms las byas// don ma thob par ngan song 'gro// sems kyis mnyam par ma rtogs na// tshig gi mnyam pas 'tshang ma rgya//

  145. 281a

    de bas don tshig ldan par byos// 'on kyang the tsom med par 'grub// rnal 'byor don chen rtogs pa yis// dus mtha' med par de ltar bsgom// yon tan nam mkha'i mtha' dang mnyam// spyod yul sangs rgyas nyid du gcig/ rtag tu bsod nams tshogs chen ldan// bya byed med pa'i brtson 'grus kyis// des ni byang chub snying po len// zhes gsang ba'i tshig tu'o// dam tshig gi le'u ste sum nu pa'o// // de nas de bzhin gshegs pas gsang ba'i snying po de kho na nyid nges pa las/ bdag dang sems can dbyer med par yang dag pa'i dbyings su 'dus shing / bdag gis rdo rje sems dpa'i zhal mngon sum du mthong ba'i don bstan pa'i phyir/ ched du brjod pa 'di brjod do// kun rdzob sgyu mar zhal mthong ba'i// thams cad mig yor sgyu ma'i tshul// snang srid ma lus thams cad kun// chu zla'i tshul du 'drar shes shing // yul dang rtog pa gnyis med par// gang gis de ltar rig pa de// gzhi rtsa med dbyings skad cig ma// snga phyi med dbyings de bzhin nyid// cis kyang mi tshugs rdo rje yin// rdo rje sems dpa' de la gnas// lta spyod 'thun pas zhal mthong yin// rang bzhin dkyil 'khor yang dag ni// chos dbyangs bdag dang dbyer med pa'i// mnyam par sbyor zhing dag pa'o// thams cad byang chub lhan

  146. 281b

    grub cing // de ltar gang gis rtogs gyur pa// de ni ye shes mig can te// de yis yang dag snying po mthong // de nyid cis kyang mi tshugs pa// shin tu sra zhing brtan pa yin// rang bzhin dbyings nas 'od gsal ba// sems dpa'i mchog tu yang dag gsungs// de ltar rtogs na zhal mthong yin// de bzhin mnyam rdzogs lhun grub kyis// de bzhin gshegs dang ye shes lnga// rang byung chen po'i dkyil 'khor bsgom// rtog gnyis bral ba'i thabs mkhas kyis// lha gsal dngos po med bsgoms na// mthong thos la sogs med pa'i tshul// rang rig ye shes gsal bsgoms la// rang bzhin med la cir yang 'grub// 'grub 'gyur nyid na dngos po med// ji ltar bcom ldan de bzhin gyis/ bdud dpung dkyil du tal btsugs// thams cad byang chub shing bsdus te// gdug pa dang gis mi dga' nas// ta la bcad pasam yongs mi chod// rdo rje/ sems dpa' de nyid yin// bdag dang ting 'dzin 'thun gyur pas// de nyid rdo rje zhal mthong yin// rdo rje sems dpa' nyid bsgoms te// ting 'dzin shin tu 'dris gsal na// thams cad rdo rje nyid du 'gyur// kun la dbang sgyur cis mi tshugs// bdag dang sems dpa' dbyer med de// las 'thun ji ltar snang ba bzhin// bdag

  147. 282a

    dang sems dpa' lta spyod gcig/ de nyid rdo rje zhal mthong yin// gzugs brnyan dkyil 'khor yang dag ni// chen po rags pa thabs su spor// so so'i mtshan 'dzin shes rab rtogs// gnyis med 'bral ba thabs tshe na yin// kun kyang shes rab dang du rtogs// snang dang gnas pa thams cad kun// de bzhin nyid las ma g.yos phyir// yod dang med pa gnyis ka med// gnas dang mi gnas dbye ru med// mnyam pa'i dbyings su thams cad 'dus// 'dus nyid gnas su ma phebs pa'i// thams cad de lta bu yi dang // mnyam nyid dbyer med cis mi tshugs// de nyid sems dpa'i bzhugs gnas yin// de ltar rtogs pa'i rigs mchog de// sems dpa' nyid dang rigs 'thun pas// de nyid rdo rje zhal mthong yin// sgyur byas phung po khams rnams la// gzhi rtsa de bzhin nyid du gcig/ sgyu mar snang ba gzugs brnyan tshul// snang ba nyid na dngos po med// dngos med de nyid sna tshogs ston// phung po lnga nyid de bzhin gshegs// dbang po rnam shes byang chub sems// yul dus po de chen po yin// bdag rtogs rnam bzhi khro bo yin// rtag chad mu bzhi khro mo'o// de sems rang rig nyid ces bya// thams cad dbyings gyur kun tu bzang //

  148. 282b

    de nyid rdo rje sems dpa' yin// gang gis de ltar rtogs gyur na// sems dpa' nyid dang dgongs 'thun pas// de nyid rdo rje zhal mthong yin// chos rnams ma lus thams cad kun// ming dang tshig dang yi ge dang // sgra yis mtshon nas don bstan pa// kun kyang yi ge ming tshig bzhin// gang yang dngos yod ma yin te// dngos med de nyid sna tshogs snang // snang ba nyid na gang yang min// bya byed sna tshogs kun byed kyang // dngos po med de yang dag nyid// de ni ces kyang ma chags pa'i// sa rdo dran med ma yin te// de nyid shin tu 'od gsal yin// rdo rje sems dpa' de ltar gnas// gang gis de ltar rtogs pa yis// rigs mchog dam pa'i rgyu yin no// rdo rje rigs dang dbyer med phyir// de nyid rdo rje zhal mthong yin// skyes bu blo rtsa la rab ldan pas// kun dang dbyer med don rtogs te// 'bras bu mngon sum ma gyur yang // byang chub sems la gnas bcas pas// dper na mngal dang sgo nga yin// mngon du mi 'byung ba sgrib 'gyur yang // rtsal chen 'dul ba 'byung ba bzhin// rnam rtog gzugs ni bor ma thag/ thams cad kun la dbang sgyur zhing // rigs mchog dam pa 'dzin par 'gyur// rdo rje sems dang mnyam pa yi// dngos grub mchog rnams

  149. 283a

    nges par rdzogs// bde ba can gyi zhing yang thob// byang chub mchog la rol par 'gyur// lha mi rnams kyi ston pa'o// lus ngag sems la dbang thob nas/ ji ltar da migs pa bzhin du 'grub// tshad med pazhi la dbang byed 'gyur// bde ba'i rigs mchog kun la spod// skye rgan 'chi le sogs pa'i// sdug bsngal zad pa'i go 'phang thob// rdo rje rigs mchog 'dzin 'gyur te// thugs rje chen po'i byin brlabs kyis// 'gro ba ma lus thams cad kun// rdo rje rigs su 'dren par byed// bdud sde tshar gcod nyon mongs 'dul// chos kyi 'khor lo yang dag bskor// 'gro ba ma lus thams cad la// mi rtag pa yi tshul yang ston// nyan thos rnams la dgra bcom tshul// byang chub rnams la rang byung tshul// bla med theg pa sangs rgyas tshul// lhan grub rnams la rdo rje dbyings// kun la 'thun pa'i tshul yang ston// rang bzhin dbyings las g.yos pa med// ma g.yos bzhin du kun tu ston// chos rnams ma lus thams cad kun// de lta bu yi ngang du gnas// zhes rdo rje gsang ba'i tshig tu'o// nyid la nyid de skad brjod do// gsang ba'i snying po de kho na nyid nges pa las/ skyes bu dam pa blo rtsal rab kyis/ rdo rje sems dpa' zhal mthong ba'i le'u ste so gcig pa'o// /

  150. 283b

    / de nas de bzhin gshegs pa gsang ba'i snying po de kho na nyid nges pa las/ sngags 'chang rnams don yod par bya ba'i phyir// thams cad phyag rgyar bsdus shing // phyi nang snod bcud thams cad la 'di ltar brtag cing / phyag rgya'i dam tshig bsrung ba dang / dam tsha gi gnas yin no// phyag rgyar bsdus shing spros pa yang yin no// ched du brjod pa 'di brjod do// gsang ba de nyid nges pa las// byang chub mchog 'di bstan pa'o// mnyam pa chen po'i dkyil 'khor ni// phyogs bcu dus bzhi ma lus pa'i// 'das dang ma 'das thams cad kun// ye nas dbyer med de bzhin nyid// mnyam dang mi mnyam bya ba min// de bzhin nyid kyi ngang du 'ug/ 'jig rten 'das dang 'jig rten pa'i// brjod pa ma lus thams cad kun// chos nyid ngang las ma gtogs pa'i// nyon mongs log rtog rdul tsam med// phyag rgya sna tshogs 'od 'bar yang // de bzhin nyid la ma gtogs te// bdag nyid dbyings las mi gzhan phyir// mnyam la mnyam par gnas pa yi// rnam gsum tshul gyis bsgom byas shing // phyag rgya bskyed cing log 'dul ba// bya byed med pa'i tshul gyis su// las rnams ma lus rdzogs par byed// de ltar rtogs shing rigs kyi mchog/ bdag nyid phyag rgya kun gyi mchog/ ye nas rang bzhin 'od gsal ba'i// byang

  151. 284a

    chub skye 'khrud rgyu yang yin// 'bras bu yang dag nyid du'o// rgyu 'bras dbyer med rdo rje yis// bcu gsum don grub bde gnas pa// mthar phyi ni gang // la'ang mi gnas pa'o// rang bzhin phyag rgya chen po ni// phyi nang snod bcud thams cad kun// thams cad shes rab ngang du gnas// rigs lnga bde gshegs yab yum du// ma bcos ye nas de ltar gnas// thabs dang shes rab nyid la rol// bde ming ma chags tshogs chen po// yang dag nyid la rab tu rtogs// lhag pa'i phyag rgya chen po ni// nang gi rtags ni/ phyir phyung ste// mdor bsdus phyag rgya drug pa dang // gzhan yang phyag rgya sna tshogs pa// lag gi 'du 'phro bas ma yas pa// yan lag stabs chen sku la gsags kun// nyid kyi dbyings nas ma g.yos kyang // rang bzhin nyid kyis de ltar gnas// 'joms shing cis kyang mi tshugs pa// rang byung chen po lha yi lce// thams cad kun la 'bogs par byed// dpa' bo zhes kyang gdags par bya'o// las dang las kyis mi gos par// gnyis med dbyings kyis don rtogs shing // ma chags pa la chags pa dang // shin tu rnam par dag pa yi// de bzhin nyid kyi dkyil 'khor la// sku gsung thugs ldan zad mi shes// yon tan mo zed gter du 'gyur// 'di ni mi zad par ldan pa'o// sku gsung thugs las rnams rdzogs pa'o//

  152. 284b

    rnam par rtog med tshul gyis ni// thams cad kun la chags med rol// gdul bya'i don chen bsam mi khyab// 'joms dang ma chags kun 'byung dang // thams cad dbang bsdus don grub pa// ma lus kun 'dus rnam par dag/ kun nas zlum zhing 'od zer 'phro// rigs bzhi ma lus thams cad kun// mnyam rdzogs chen po'i dbyings su 'dus// rigs/ rnams gcig med gcig pa ste// lhan grub dkyil 'khor ngang nyid du// phyag rgya'i dam tshig mtshan nyid ni// thugs kyi rtags su bstan pa yin// dper na rgyal pos rgyas btab na// sems can kun gyis yongs mi 'da'// de bzhin mnyam nyid phyag rgya yis// kun la khyab cing thams cad snang // sku gsung thugs kyis rgyas btab na// bdud dang mu stegs mang po kun// mi mthun phyogs kyis dbang byar med// rdo rje sems dpa'i rigs des ni// 'di lta bu la rtag tu gnas// de lta bu yi blo med na// rdo rje'i rigs su yongs mi bshad// gsang ba'i snying po de kho na nyid nges pa las/ phyag rgya dam tshig gi le'u ste so gnyis pa'o// // gsang ba'i snying po de kho na nyid nges pa las/ glu gar rtse 'jo bro kar gyi dam tshig ces bya ba 'di/ nges par ched du brjod pa 'di brjod do// phyogs bcu mtha' yas dus bzhi yi// thams cad dbyer med

  153. 285a

    man pa li// nyi zla shar ba'i gzhal yas la// pad+ma chags med gdan ba ting nas// rin chen zad med pho brangs// che chung dpag tshad med pa yi// bya chub bde ldan dkyi la 'khor la// bde ldan byang chub rab bkod nas// ma lus kun 'das dbyings bsdus nas// lus bskyod yan lag bsgral gsi ge dang // dbang po lnga yo spyod yul kun// phyag rgya chen po yin par bshad// gong gi dkyil 'khor gsal bsgoms nas// bdag nyid dbyings las mi gzhan phyir// mnyam la mnyam par gnas par bsgom// bdag nyid lha yi dkyil 'khor du// lhag pa'i ting 'dzin gsal bsgoms nas// bro thabs gar gyi phyag rgya dang // glu dbyangs tshig gis sgra bsgrags nas// phyogs bcu'i skye gnas ma lus kun// rdo rje lhun grub sku mthong zhing // chos kyi dung chen sgra yang thos// sgrib gnyis byang nas byang chub 'grub// bde mthong snyan pa grags 'gyur ba// bsod nams tshogs chen 'grub par 'gyur// thabs dang shes rab ldan gyur nas// thams cad gnyis med dbyings su sbyor// gnyis mod dbyings 'gyur byang chub 'bar// 'od 'phro 'bar bas phyogs bcur gsal// sangs rgyas zhing spangs rigs 'dzin bskul// ngan song gnas rnams dag par byed//

  154. 285b

    thabs dang shes rab ldan gyur na// sangs rgyas dkyil 'khor ma lus 'byung // rgyur byas 'bras bu smin grub na// dkyil 'khor bzhi pa nu rtsa gnyis rdzogs// bde bas thabs chen thabs kyi mchog/ shes rab bde mchog brtan ldan rdzogs// rdo rje dril bu yang dag ldan// rak+Sha byang chub dus gcig 'bar// gnyis med zung du 'brel gyur na// bde gshegs dkyil 'khor ma lus 'byung // rnal 'byor thabs dang shes rab ldan// rgyan mchog mdzes pas kun brgyan nas// ting 'dzin 'od 'bar gsal bsgoms te// phyogs bcu gang bar dkyil 'khor spro// ma lus dkyil 'khor bdag nyid che// mi dmigs dbyings nas dkyil 'khor mchog/ spyan gyis gzigs dang snyan gyi sags na// dri dang ro dang reg pa'i rnams// thabs dang shes rab nyid gnas shing // bde mchog ro yang tshim par byed// spyod bzhin chags dang gnyis med par// tshogs chen dag kyang rdzogs par ldan// b+h+rUM dang tsakra'i dkyil 'khor du// nyi zla 'phrugs pa'i sa gzhi la// ma chags pad+ma'iri gdan bting nas// thabs dang shes rab chags med tshul// yan lag lnga po thams cad kun// rang bzhin yongs kyis dag pa dang // ting 'dzin de bzhin gshegs lnga'o// ye nas ma bcos yongs gis te// lhag pa'i ting

  155. 286a

    'dzin dkyil 'khor gyis// dbu la de bzhin gshegs pa'i 'khor// yan lag bzhi la rigs bzhi'i 'khor// kha dog dbyings dang phyag rgya dang // thabs dang shes rab gsal bsgoms te// phyogs bcur spro zhing ngan song sbyong // gnas su bsdu zhing dkyil 'khor bstim// 'das dang ma 'das thams cad kun// bde gshegs zhing du thams cad gnas// yan lag chen po lA bskyod na// rigs kyi dkyil 'khor ma lus g.yo// 'gro lA byang chub lam du 'dzud// snyigs ma lnga yang rnam par dag/ bzang mdzes legs pa'i gos bgos nas// 'od zer sna tshogs 'phro bar 'gyur// de nas mthar thug med kyi bar// ye shes lnga yis brgyan par 'gyur// skyes bu blo/ rtsa la rab ldan pas// rtag tu dkyil 'khor de ltar bsgom// tshig tsam ma yin blo gting gis// bdag dang dbyer med nyid du'o// thabs dang shes rab ldan gyur na// shar phyogs su ni kha bstan te// seng ge stabs chen mchong bar bya// lce dkyil yi ge hri bsgoms nas// lce ni 'bum phrag mtha' yas dang // hri yang bsam gyis mi khyab 'phro// phyogs bcu dus bzhi mtha' yas su// gsung gi dkyil 'khor rab 'bar ba// gsung gcig dkyil 'khor yan lag ni// bsam gyis mi khyab kun

  156. 286b

    tu grags// sgra dang mi de cho ga so sor gra ga sa// lpags kyi dbang po bkram las gsungs// swar dang ma gra ra gnyis ka brjo// nges pa kho na yang dag 'du// de bzhin nyid kyis gcig me gsungs// rna ba'i dbang po'i dkyil 'khor du// tA gyi yig 'brugs la bsgoms nas// rna dkyil phyogs bcu dus bzhi yis// mtha' yas bsam gyis mi khyab spro// traM yang bas ma ya sa 'od 'phro 'bar// phyogs dus dkyil 'khor ma lus thos// 'gro drug 'khor ba'i gnas kyang thos// sgra dang thos pa gnyis med pa'o// de bzhin dri dang ro reg rnams// so so'i mtshan nyid gsal bsgoms nas// yig 'bru'i snying po de bzhin dgod// sangs rgyas dkyil 'khor ma lus dang // 'gro drug ma lus thams cad kun// chags pa med pa'i tshul gyis rol// dri la sogs pa'i bde mchog gis// kun la tshim par yang dag gsungs// 'gro drug ma lus thams cad la// ji ltar 'tshams pa'i don yang byed// thabs mkhas thugs rjes de ltar rtogs// kun byas byang chub nyid du'o// de bzhin rigs dang rdo rje'i rigs// ma chags la sogs shes rab ldan// gtso bo lnga dang gtso mo lnga// thabs dang shes rab ldan bsgoms te// tshom bu gcig gam yang na gsum// lnga yi dkyil 'khor rab bsgoms te// thabs dang shes rab phan tshun

  157. 287a

    du/ lha gsal 'od 'phro ba stim byas te// dkyil 'khor 'od zer 'bar bar bsgom// ting 'dzin shin tu gsal gyur nas// bdag dang phyogs dus dbyer med pa'i// gnyis su med par bsgom par bya// de nas thabs dang shes rab gnyis// lha spyod la char ma gyur par// dkyil 'khor bdag la bsal bar bsgom// dbus nas shar phyogs kha bstan te// rkang pa'i stabs chen bskyod byas shing // lag gis 'du byed kun bskyod nas// bro dang gar gyi phyag rgya bya// dkyil 'khor 'od zer dkarda 'phro ba// byang chub sems su rnam par dag/ shin tu gsal dag 'od zer 'bar// thabs dang shes rab de grub shog/ mnyam nyid rig pa'i rdo rje yis// tsas kyang mi/ tshugs rdo rje las// bdud bzhi dag ni 'joms par byed// theg mchog rdo rje'i rigs 'dzin pa// thabs dang shes rab de grub shog/ mnyam nyid rigs pa'i rdo rje yis// nyon mongs sdug bsngal med par byed// me long lta bu'i ye shes kyis// thabs dang shes rab gsal gyur shog/ nyon mongs sdug bsngal rtsad bcad nas// ma rig mun pa sel bar byed// thugs rje 'od zer nyi shar ba// thabs dang shes rab 'od 'bar shog/ shin tu sra zhing skye shi med// rdo rje'i thugs rje rol ston pa// 'grol

  158. 287b

    thugs rje yongs kyis 'byung // thabs dang shes rab byams ldan shog/ thabs dang shes rab ldan gyur pas// yon tan phyogs su kha bstan te// lus bskod yan lag bskul gsogs nas// thabs chen dag kyang brdung bar bya// dkyil 'khor ma lus 'byung ba'i gter// zad med nor bu rin po che// ma lus kun gyi re ba skong // thabs dang shes rab de grub shog/ nam mkha'i dkyil gyi mdog bstan pa// yang na thams cad gser bcom// dkyil 'khor bsam yas zad mi shes// thabs dang shes rab myur grub shog/ bde gshegs/ dkyil 'khor ma lus pa// 'byung ba'i gter chan zad mi shes// yon tan chen po rigs 'dzin pa// thabs dang shes rab myur grub shog/ bde gshegs dkyil 'khor ma lus pa// thams cad mnyam pa'i ngang gnas nas// de bzhin mnyam nyid ye shes te// thabs dang shes rab mnyam grub shog/ bde gshegs yon tan rmad po che// ye nas chags med/ byang chub zhing // yang dag nyid la thams cad gnas// thabs dang shes rab myur grub shog/ thabs dang shes rab ldan gyur nas// nub phyogs su ni kha bstan te// yan lag dbang po bskyod byas na// gar byas shin tu gas la byas nas// stabs chen dag kyang brdung bar bya// chos rnams ma lus kun spyod kyang // pad+ma la ni 'dam bzhin du//

  159. 288a

    chags pa med pa'i tshul gyis gnas// thabs dang shes rab de grub shog/ las dang nyon mongs nub gyur pa'i// bag chags mtshan ma rdul tsam med// thabs dang shes rab myur grub shog/ byang chub chags med dkyil 'khor no// gang nas ma 'ongs nyid kyi dbyings// mi gnas tshul gyis dbyings na bzhugs// thabs dang shes rab myur grub shog/ thabs dang shes rab ldan gyur pas// byang phyogasu ni kha bstan nas// lus bskyod yan lag gar byed cing // phyag rgya sna tshogs so sor gsal// rkang pa'i stobs chen brdung bar bya// yang dag rtogs pa'i shes rab kyis// bskal pa bsam gyis mi khyab pa'i// sgrib pa thams cad byang byas te// thabs dang shes rab myur grub shog/ sku gsung grugs kyi byin brlabs kyis// bdud bzhi bcom nas mi mthun gsal// rkang pa'i stabs chen brdung bar bya// bya byed med la don rnams grub// thabs dang shes rab myur grub shog/ thams cad ma lus rdzogs byed pa// sna tshogs kun tu 'gyur ba'o// ljang khu'i tshul du mdog bstan pa// thabs dang shes rab myur grub shog/ thams cad ma lus don grub pa// las rnams ma lus rdzogs par byed// nan tan chen po'i bya ba rdzogs// thabs dang shes rab myur grub shog/ sdug

  160. 288b

    bsngal dra ba'i tshar bcad de// dkyil 'khor ma lus kun byas kyang // gang nas ma 'ongs gar mi 'gro// thabs dang shes rab myur grub shog/ bde gshegs ma lus thams cad kyang // phyugs dus dkyil 'khor bdag nyid che// mi dmigs thugs kyi dkyil 'khor du// ma lus kun 'dus rnam par dag/ thabs chen dkyil 'khor yang dag pa// bde gshegs yul la rnam par 'phro// thabs dang shes rab ldan pa yi// bde ba'i dkyil du mkhas pas brdung // thams cad ma lus rigs bzhi yi// nang du ma 'dus gang yang med// de nyid bde gshegs dkyil 'khor nyid// thabs dang shes rab de grub shog/ rigs lnga'i dkyil 'khor dbus bsdus shing // ye shes lnga yi 'od zer spro// phyogs bcu gang bar gas la gyur nas// thabs dang shes rab 'od 'bar shog/ de bzhin rigs mchog 'dzin pa no// thams cad ma lus// dbyings bsdus te// thams cad kun tu bzang por ston// thabs dang shes rab gtsor grub shog/ sbugs rje chen po'i byin brlabs kyis// phyogs dus gnas pa ma lus la/ chos kyi 'khor lo chen po bskor// thabs dang shes rab mchog grub shog/ 'gro ba ma lus thams cad la// de bzhin nyid kyi rgyu yod par// ma mthong rmongs

  161. 289a

    pa nam mkha'i mdog/ thabs dang shes rab dbyings grub shog/ sku ni sna tshogs cir yang snang // thabs chen rnams la mnyam pa'i sku// nyan thos rnams la dgra bcom tshul// rang rgyal rnams la bse ru'i tshul// pha rol phyin rdzogs shAkya'i tshul// lha mi rnams la dge bcu'i tshul// dud 'gro rnams la in+ta ya/ gzhan yang 'gro ba thams cad la// ji ltar 'dul ba bzhin du ston// de lta bu yi sku ston pa// thabs dang shes rab sku grub shog/ thabs dang shes rab ldan bsgoms nas// rgyun rnams kyis ni rnam par 'argyan// lan yag lnga la dkyil 'khor dgod// ye shes brgyan gyi za sang brdung // gnyis maud dkyil 'khor thus po tshul// mtha' dbus med pa'i dkyil 'khor du// lhun grub dkyil 'khor byang chub tu// thabs dang shes rab myur grub shog/ chos dbyings dam pa bdag med la// mi dmigs dbyings su ma lus 'dus// mnyam dang mi mnyam dbyer med la// thabs dang shes rab dbyings grub shog/ bde gshegs dkyil 'khor dbu bskyod na// sangs rgyas zhing khams ma lus g.yo// lag gis 'du byed bskul bskyod na// rigs 'dzin zhing khams dag par byed// rkang chen dag gis stabs mchongs na// 'gro drug gnas rnams

  162. 289b

    stongs par byed// spyan gyis phyogs bcur blta byas na// bdud bzhi'i dpung rnams 'pham par byed// thabs dang shes rab ma lus kun// de lta bu yi don grub shog thams cad ma lus de bzhin te// de ni gang yang dmigs med pas// skye dang 'gag dang gnas pa dang // 'ong dang 'gro ba'i dngos po med// rnal 'byor bro gar rtse 'jo yas// sna tshogs byed la byas pa med// de ni rnam pa sna tshogs pa'i// rnal 'byor las rnams grub par shog/ thabs dang shes rab thams cad kyis// de lta bu yi longs spyod na// sangs rgyas dkyil 'khor ma lus mnyes// srid gsum 'gro ba thams cad la// dga' ba chen pos khyab par 'gyur// lus ma spangs par rigs 'dzinas// yun rings chos kyis bde spyad nas// bla med rdo rje sems dpa'i sa// dpe byad mtshan gyis rnam par brgyan// mngon shes drug ldan thams cad mkhyen// tshogs chen gnyis kyang rdzogs par rol// sangs rgyas zhing la dbang sgyur te// spyod yul kun tu man d+ha li// ji ltar dmigs pa bzhin du grub// rnal 'byor las su rung rnams kyis// 'di lta bu yi las byas na// 'bras bu mngon du ma gyur yang // lus ngag yid la dbang thob nas// sangs rgyas 'byung dang skal mnyam 'gyur// theg pa dman par yongs mi skye//

  163. 290a

    ngan song gnas su yong mi ltung // gnas ngan longs spyod mi bde ba'i// ngan pa'i sa ru 'gro mi 'gyur// rdo rje theg chen brjed mi 'gyur// tshe rang bde ba phun sum tshogs// lus byad bzang zhing yan lag rdzogs// dbang po tshang zhing lhag chad med// skad gdangs snyan zhing 'gro don byed// bdag gi longs spyod thams cad kun// gzhan la gnod pa med par 'grub// tshan po che yi shugs dang ldan// 'gro ba'i don du yang dag byed// gzhan la gnod pa yongs mi byed// snying rje che zhing shes rab ldan// mthu stobs che zhing thabs ldan pas// bdag dang gzhan don rdzogs par spyod// mthar phyin skye shi med pa'i sa// sangs rgyas yon tan rin po che// bkod pa'i gzhal yas thams cad la// dbang sgyur spyod pa'i dngos grub thob// rnal 'byor gang gis 'di 'dra'i don// ljags kyi dbang po bkram las ni// gsang don nges pa'i don ston pa/ bla med mchog tu grub par shog/ bla med byang chub skor tshugs can// shin tu brtan pa'i ro bor gnas// mu stegs rlung gis tshugs mi 'gyur// theg mchog rdo rje lta bul/ dkyil 'khor mi zad 'byung ba'i gter// yod bzhin nor bu rin po che// byi dor byas shing shin tu gsal// bskal pa grangs med gnas gyur kyang // sku ni shin tu gzhon pa'i

  164. 290b

    tshul// skye shi med pa'i rdo rje yis// thams cad 'byung ba'i gter yin te// yon tan phun sum tshogs dang ldan// bla med byang chub 'grub 'gyur na// ye shes rdo rje 'grub par shog tshogs chen gnyis kyang rdzogs gyur shog/ thams cad kun gyi ston pa'o// thams cad mkhyen pa'i go 'phang brnyes// sangs rgyas zhing la dbang byed shog/ de rtogs kun kyang rdo rje'i rigs// sku gsung grugs kyang grub par shog/ rnal 'byor thabs dang shes rab dang ldan pa rnams kyis dus thams cad du 'dod yon lnga spyad cing / klu gar dang bro thabs bya'o// gsang ba'i snying po de kho na nyid nges pa las/ pro gar rtsed 'jo'i le'u ste so gsum pa'o// // 'phags pa rtog pa'i rgyal po/ sgyu 'phrul dra ba le'u stong phrag brgya pa las/ mtshan nyid dang lung gi spyi gsang ba'i snying po de kho na nyid nges pa las/ sgyu 'phrul le lhag bstan pa zhes bya ba rdzogs so// / rgya gar skad du/ gu h+ya gar+b+ha ta tA ni sh+tsa ya ma yA dz+wa la aSh+Ta tan+t+ra nA ma/ bod skad du/ gsang ba'i snying po de kho na nyid nges pa sgyu 'phrul brgyad pa zhes bya ba'i rgyud/ bcom ldan 'das dpal kun tu bzang po la phyag 'tshal lo// 'di skad bshad pa'i dus cig na/ de bzhin gshegs pa yang dag par rdzogs pa'i sangs rgyas bcom