MW21521_CC7224མན་ངག་ཨ་ཏི་ཡོ་གའི་ཆོས་སྐོར།All versions of this work

rdzogs pa chen po'i lta ba ye shes gting rdzogs kyi rgyud

Text

ff. 249a–267b · 38 folio sides

  1. 249a

    la mi tra dang / bod kyi lo tsa ba A tsar+ya dran pa'i ye shes kyis skad dang rgyud kyis bsgyur nas gtan la phab nas/ myang ting 'dzin bzang pos lcags sgrom nag po'i nang du/ ba se sgrom smug po'i nang du bcug ste da pu ru gzong phug mo'i brag tu bcug ste/ mkha' 'gro ma rdo rje rgya rga cig ma dang / badz+ra ra sA d+hu legs pa rtsa la gtad na sa sgras pra 'brom ye shes snying pos ba ton nas myang dbang phyug rgya mtsho la ga tad pa// shangs pa lte chung ba ye shes la gtad pa rdzogs so// / rgya gar skad du/ san d+hi ma hA dr-iSh+Ti dz+nyA na ga ta san d+hi tan tra nA ma bod skad du/ rdzogs pa chen po'i lta ba ye shes ga ting rdzogs kyi rgyud ces bya ba bcom ldan 'das dpal kun rig chos kyi rje la phyag 'tshal lo// 'di skad go zhing rtogs pa'i dus gcig na// bcom ldan 'das dpal kun rig rgyal po da rang byung sems la ngo bo nyid kyi sku// de nyid chos sku ston pa kun tu bzang // 'og min bde chen gnas mchog chos kyi dbyings// phyi nang med par mdzes shing 'od gsal ba'i// yid bzhin rgyan gyis spras shing blta na sdug/ yang sa dog med pa'i gzhal yas khang na bzhugs// gsung po mi mnga' tshos nyid rang bzhin ni// rang gi sems nyid brjod du med

  2. 249b

    pa'i don// ye nas ma bcos rang gi ngo bo nyid// skye med thugs la rang bzhin don gyis gsang // ma rig ye shes gdod nas med pa'i dus// snga phyi'i sems la 'pho 'gyur med ba'i tshe/ ngo mtshar rmad 'byung chos nyid rgyal po de// ma btsal sems las byung bas ngo bo nyid kyi sku// der 'dus nyid las mi zhan rigs lnga'i 'khor// rig pas 'dus pas sa bcu sems pa'i 'khor// sprul pa chos skyong mkha' 'gro dang nyan 'khor// ting nge 'dzin la 'dus nas yid kyis 'khod// de'i tshe 'khor rnams zhi gnas kyi bsam gtan la zhen pa'i rtog pa gsal bar gzigs nas 'di skad ces rdo rje sems dpas gsol to// sgom med gnas lugs don ni gang la bya// snod bcud skal ldan gang gis gzung bar bgyi// ston pa kun rig rgyal po sa ba shad du gsol// de skad gsal ba'i tshig gsan thugs kyis ni// 'dus pa'i tshogs la kun rig ston pas bka' stsal pa// sgrom med lta ba'i gnas lugs ngas bshad du// sangs rgyas kun kyang dngangs shing skrag pa'i phyir// gnod sbyin srin po yi dgas grul bum tshogs// 'jig rten lha mi rnams kyang dngangs 'gyur bas// rgyud 'di la ni 'gal sems sdig can rnams// dmyal bar nges 'gro

  3. 250a

    gtan du spring re rje// dper na rgya mtsho ma lus kun bsgral yang // yid bzhin nor bu rnyed par dka' ba bzhin// snod ldan slob ma dad ldan shin tu dkon// de phyir shin tu gsang ba'i gter du bzhag/ rdzogs pa chen po lta ba ye shes gting rdzogs kyi rgyud las/ don gyi gsang bar gsungs pa'i gleng gzhi'i le'u ste dang pa'o// / de skad ces bka' stsal pas// 'khor gyis don go nas// gdung ba bton nas yid kyis don gsol pa// ma rig las kyis sdug bsngal 'khyams pa'i sems// rnam rtog dra ba gang gis gcod pa'i thabs// thugs rje chen pos mi 'dzin yi re chad// sgrib pa'i mun pas 'thibs pa snying re rje/ 'gro drug sdug bsngal ma grol yi re mug/ rang sems sa 'khor dag la sa mkhan mdzad// sems can las la thugs rje yi chad kyang // snying rjes 'gro don thugs dam mi mdzad dam// sems can lha mi rnams ni shes pa rtsing // dbang po yul la yangs pa'i gzung 'dzin gyis// 'tsho ba dkon la che thung nad mang bas// thar lam mthob skyes shing 'chi la rtag/ da phyir lus ngag 'dus byas chos spyod kyang // long mad mtha' ring sgrub par dka' ba'i phyir// snying po man ngag rtogs par

  4. 250b

    bya ba'i phyir// sgom du med pa'i chos nyid thugs rjes gsungs// rdzogs pa chen po lta ba ye shes gting rdzogs kyi rgyud las/ gdung ba bton pa'i le'u ste gnyis pa'o// / / de nas 'dus pa'i tshogs dang // rdo rje sems dpa' thugs kyis gzigs nas nges par bka' stsal pa// sgom du med la mi 'bral gdams ngag rgyun// rdo rje sems dpas thugs nas brgyud pa yi// nga yis byin gyis brlabs pa'i mkhas pa la// rang sems rtogs 'dod slob ma las can gyis// dad pa shin tu rang nyid dul byas pas// lus dang longs spyod srog la mi lta bar// sring mo bu mo la sogs rab brgyan te// rta dang glang po nor gyi dbyig rnams kyang // ser sna med pas bla ma dag la dbul// da yang 'dus pa'i sems dpa' rdo rje nyon// chos phyir brtson 'grus che la dam tshig ldan// blo brtan shes rib zab cing don gsang thob// tshul shis ngang bzang rnams kyi gter// de dag yon tan brgyad ldan slob ma la// rab tu gsangs te don nyid ston pa yis// bla ma mkhas pa mtha' bcu rdzogs pa la// gnyen zhing dul la thugs rje rab ldan zhing // srid par chos rnams zhus kyang zad med pa'i// dam pa'i mdzod kyi gter ldan ston la mkhas// dper na seng ge 'jigs pa rtsad

  5. 251a

    gcod bzhin// blo dngos gcig par ston la gus par zhus// de nas 'dus pa'i sems dpa' rdo rje nyon// yang dag don gyi lta ba gsang ba 'di// gang zag phyin ci log dang lha dman la// thos pa chu nga la blo rtul shes rab med// nor phangs kha ral la sogs snod med la// 'di bstan gnyis ka sreg phyir rab tu gsang // de skad gsung ma thag tu yid dga' nas// 'khor rnams snod kyi don dang ldan par ni// khas blangs rang dam bcas nas yid bsdus te// mgrin gcig lhags nas 'khod par gyur to// rdzogs bapa chen po lta ba ye shes gting rdzogs kyi rgyud las/ snod bcud bstan pa'i le'u ste gsum pa'o// // bcom ldan 'das kun rig rgyal po yis// ched du brjod pa'i don 'di bka' stsal to// 'gro drug sems can med pa'i gong rol du// sangs rgyas med pas ye shes ming yang med// kun bzang nyid kyang glo bur sangs rgyas/ te// ma bcos gdod nas mi rtogs blos sgom pas// sangs rgyas nyid kyang gdeng mi gol ba'i lam// 'og ma'i phra mo'i rnal 'byor smos ci dgos// de skad gsang ba'i don gsungs ma thag tu// 'khor rnams sems rtog ste yi ma rangs te sems kyi don la the tshom du gyur nas ting nge 'dzin la yid byung bar gyur to// rdzogs pa chen po lta ba

  6. 251b

    ye shes gting rdzogs kyi rgyud las/ ched du brjod pa'i le'u ste bzhi pa'o// // de nas sems dpa' rdo rje yis// 'khor rnams kyi bsam pa thugs su chud nas sems rtog bsal ba'i phyir don 'di zhus so// don gyi sangs rgyas ye shes gang las byung // don la 'pho 'gyur med pa'i lta bas gang // snang la 'pho 'gyur sna tshogs ci las byung // ma bsgoms skye bor mi gol thabs ci lags// blo dngos gcig par rtogs pa'i tshad ni gang // de skad yid kyis gsol ba'i don gsan nas// ston baM kun rig rgyal po chos rje yis// thugs kyi dkyil 'khor rin chen blo bye nas// sangs rgyas dpal gyi mgur nas bka' stsal pa// 'khor 'das gzhi ni ngo bo nyid kyi sku/ don gyi sangs rgyas rang sems don rtogs na// kun tu bzang po rang byung bcom ldan 'das// ye shes rab tu che mchog chos kyi sku// mi skye mi 'gag nam mkha'i rang bzhin no// 'khrul rtog nyid kyang ye shes bde ba'i glong // dper na khyung chen ga shog rdzogs mkha' la ldings pas na// chu rlung ri rab gyen thur nyam ming // bar snang nam mkha'i khams kun lam du bde// gang du dmigs pa'i sa phyogs byin par byed// de bzhin ye nas sems sbyangs rnal 'byor thugs// sangs rgyas snying por rtogs pa'i skal ldan rnams// chos sku mngon du grub pa'i gdams ngag

  7. 252a

    can// sems rtogs ye shes yon tan de las byung // rdzogs pa chen po lta ba ye shes gting rdzogs kyi rgyud las/ sangs rgyas kyi ye shes 'byung bar bstan pa'i le'u ste lnga pa'o// / de nas ston pa kun rig rgyal po des de skad ces gsang ba'i don gsungs pa dang 'khor rnams kyis rtogs pas sa nas gus pa'i bsam pa mthun par gyur cing yid dga' nas/ bcom ldan 'das kun rig rgyal po la bstod pa/ ded dpon sangs rgyas kun bzang chos kyi sku// 'khor ba dong sprugs ye shes glong ston pa// rang rig rgyal po byang chub ye she sku// 'khor ba'i ming med sangs rgyas lam ston pa// gzugs med chos kyi sku la yid kyis bstod// de skad ston pas don gsan yid kyis ni// kun rig rgyal po ston pa chos rje yi// 'dus pa'i 'khor gyi tshogs la bka' stsal pa// de nyid gdeng du go gyur rnal 'byor pas// mi sgom ched du mi lha rang yin te// sngon gyi sangs rgyas bcom ldan 'das rnams kyis// ma bsgoms dbang po rang yan btang las byung // skye bo mu stegs phyi nang 'brel chod phyir// gol sa dag tu mi 'gyur don nyid yin// de ltar shin tu rtogs pa'i rnal 'byor pas// skye ba 'di las mi len sangs rgyas nyid// don la the tshom mi za sangs rgyas chos nyid de// rang byung rgyal po byang chub sems nyid kyang // ma btsal rang

  8. 252b

    la yod pas bsgrub mi dgos// rdzogs pa chen po lta ba ye shes gting rdzogs kyi rgyud las/ 'khor rnams kyis rtog pa'i gdung ba bsal ba'i le'u ste drug pa'o// / de nas 'dus pa'i 'khor la phan gdags phyir// kun rig rgyal pos bka' stsal pa// sangs rgyas rgyal po chos kyi sku mchog kyang // 'khor 'das reg pa med par sems la rdzogs// don la 'gyur ba med pas lta ba'i lam// yul la mi ltos rang sems chos kyi sku// nam mkha' bzhin du ye shes mtha' mnyam pas// gzhi la 'gyur med rang rig byang chub sems// skyon gyis ma gos sems kyi dran pa la// 'pho 'gyur med pas chos nyid brdal ba'i sku// mi skye mi 'gag lta ba rang byung la// bsgoms pas mi rnyed rang sems 'gyur med don// ma bsgoms 'bral med da lta nga yi sems// bskal par 'khyams kyang sems la skye shi med// shi med nor mchog rig pa lta ba'i mchog/ don la ma bsgoms ye shes mthar phyin lam// sangs rgyas re ba med pas ltung mi srid// gdod nas 'gyur med byang chub chen po yin// rdzogs pa chen po ye shes gting rdzogs kyi rgyud las// don las 'pho 'gyur med par bstan pa'i le'u ste bdun pa'o// / de nas kun rig chos rjes don gsungs pa// dad pas 'dus pa'i 'khor rnams yid kyis nyo//

  9. 253a

    'khor 'das rang bzhin gcig tu ma nges pas// dbang po'i yul rnams ji ltar ltas par bde// don la mi bden gzung 'dzin mthu rgyas pas// ji ltar goms pas bltas pas de sna phyir// dngos po blos brtags pa la yod min te// yod na sems can kun la mthun snang rigs// gdod ma rang 'khrul bsgribs pa'i lus nyid kyis// 'gro drug mthong rtags so so sna tshogs pa// de phyir sems can rang sems so sor snang // ngo bo nyid kyi sku la 'gyur ba med pa'i phyir// blo yis brtags pas gcig yul gcig min pas// rang sems ma 'khrul snang ba the tshom med// des na gzhan yul rnams ni gdod nas med// 'khrul pa'i rtog sems 'gro ba so so sems// gcig na dge sdig rnam smin 'bras bu yang // sems can ma spyad kun gyis myong bar rig/ las kyi rnam smin thun mong mi 'gyur phyir// bag chags rtas bas 'khrul pa'i sdug bsngal yin// rdzogs pa chen po lta ba ye shes ga ting rdzogs kyi rgyud las/ snang ba 'pho 'gyur sna tshogs pa'i don las mi 'gal bar bstan pa'i le'u sti brgyad pa'o// / de nas kun rig ston pa snang mdzad kyis// 'dus pa'i dad ldan 'khor la bka' stsal pa// ma bsgom

  10. 253b

    dbang po rang yan pa zhag gyur kyang // phyi rol yul gyis tha spyad gdags pa la// 'khrul pa yin phyir shes phyir zhen pa med// chos brgyud rang sar grol bas mnyam pa'i phyir// skye bo nyid kyang ma blangs chos kyi rgyu// dbyer na a shu ka nyid bdud rtsir shes pa ltar// de bzhin skye bo rang sems 'di nyid ni/ bla mo'i don ldan par lan byang chub sems// bdag nyid snying po ye shes de na nyid yin// da yang 'dus pa'i sems dpa'i rdo rje nyon// nyid kyi don ma rtogs pas so so skye bo ste// de nyid lung ldan man ngag don rtogs kyis// rang sems rtogs pas skye bo med pa'i phyir// ma bsgoms gol sa med par mkhas pas gsungs// ngo bo nyid la rtag chad med pa'i phyir// sems der rang gsal don zin mi brjed pas// phyal pa lung ma bstan du gol sa med// dper na gser ba gyur rtsis gang thibs pa rnams// thams cad gser las gzhan du mi 'gyur bzhin// de bzhin mu stegs skye ba sems nyid kyang // man ngag gser rtsis thebs pa'i sems// mu stegs rnams kyang ye shes bde ba'i ngang // yul la mo zhe na phyir na sgom du med// rdzogs sa

  11. 254a

    rgyas zhes bya ba'i don nyid kyis// sna tshogs zhe na las grol phyir bsgom mi dgos// rdzogs pa chen po lta ba ye shes gting rdzogs kyi rgyud las/ ma pabasgoms kyang skye bo dang mu stegs kyi golas med par bstan pa'i le'u ste dgu pa'o// // de nas 'dus pa'i snying po 'khor rnams la// kun rig ston pa chos rjes bka' stsal pa// sems can ma 'khrul sangs rgyas med pa'i gong // ngo bo nyid kyi sku la rang byung sems// de nyid ye nas gnas lugs yin pa'i phyir/ de rtogs chos sku mya ngan 'das pa'i chos// kun tu bzang po rang byung ye shes thugs// rlung sems rang gis rig pas chos kyi rje// rang sems rang 'khrul 'gro drug sems can te// kun gzhi'i bzhi cha chos sku ye shes la// gsum ldan 'khor ba'i sgrib pa'i lus nyid yin// dus tshod bla ma'i gdams ngag don ston pas// gzhi cha chos sku rang byung de nyid dang // dang po'i sems nyid ngo bo nyid kyi sku// snga phyi ma bslad chos skur gcig pa'i phyir// blo dngos gcig pa'i don la bsgom mi dgos// nga yang 'dus pa'i 'khor rnams yid kyis nyon// sangs rgyas ye shes thugs dang sems can sems// 'brel med so sor snang ba ma yin te// btsal med rang sems chos skur gcig pa'i phyir// blo dngos gcig par yid

  12. 254b

    nyid sems ches yin// 'khor ba'i lus 'di sdug bsngal sgrib g.yogs dang // sangs rgyas sku dang ye shes bde ba'i ngang // 'khor 'das gnyis ka rtsa ba gcig pa'i phyir// lhun gyis grub pa dag tu blo dngos gcig/ bdag nyid rnal 'byor thugs nyid kyang // ngo bo nyid las ma 'das don yin phyir// tha mal 'di nyid yin rtogs chos sku la// blang dor med pas blo dngos ngo bo gcig/ dper na chu nyid chang du rkyen gyis 'gyur// de bzhin par do'i rang sems 'di nyid la// bla ma'i rkyen gyis rtogs pas sgom mi dgos// mi sgom phyir na gol med blo dngos gcig/ de yang 'dus pa'i snying po/ yid kyis nyon// ye shes rtogs nas mnyam pa'i don nyid la// rgyun du ma brjed rig pas gsal thebs nas// bag chags nyon mongs rtogs pa'i skyon gyis kyang // de la rdul tsam mi sgrib ye shes gsal// dper na skyes bu sngags kyi gdeng ldan pas// dug ma gsal bas dug nyid sman du 'gyur pa bzhin// snga phyir ma song chos sku ye shes ni// snga phyir ma spangs glo bur rang stongs phyir// blo dngos dbyer med rtogs pa'i tshad yin no// rdzogs pa chen po lta ba ye shes gting rdzogs kyi rgyud las/ blo dngos gcig par bstan pa'i le'u ste bcu pa'o// / / de nas sems dpa' rdo rje snying po yis// dad pas 'dus pa'i 'khor la phan gdags phyir// bden pa'i don gyis 'di skad yid kyis gsol// rang sems snying po don rto gra lta ba la/

  13. 255a

    ma bsgoms 'bral med don ni ji ltar 'grub// ye shes don ni mtshon du ji ltar med// spyod pa 'ching grol med pa'i don ni gang // sa la sbyang du med pa'i don ni ci// rtogs na dam tshig bsrungs nyams ji ltar med// bsgoms na gol sa'i skyon ni ji ltar lags// la bzla'i don gyi ye shes gang la bgyi// de skad gsol pa'i yid kyis don gsan nas// kun rig ston pa chos rjes bka' stsal pa// rang sems snying po'i don rtogs chos sku las// bsgom bya'i ye shes chos skra gud na med// snga phyi sems kyi ye shes mtha' bral ba// ma nor sgom pa po yang ga la yod// de la sgom mkhan sems la dngos med na// mi gnas mi rtog 'jogs pa rnal 'byor min// sems dpa' rdo rje snying po da nyon cig/ a ti rdzogs chen chos sku bden gnyis bral// ngo bo nyid kyi rang shar ye shes ni// yod med dbus kyi ye shes mtha' gsum bral// yul la spong sdud gnyis ka'i gdo / nas med// dper na nam mkha' rang du shes pa bzhin// ji bzhin ma nor rang sems rtogs pa yis// lus ngag ma skyes rtogs pa'i gzhi med pa'i// skyil krung drang 'dug skrag cad khan med/ de bzhin sems dang rtag chad spros bral bas// rtogs kyang mi rtog sgom pa'i 'khor mi 'ong // ye shes lta ba'i shugs la byung bas na// rnal 'byor dmigs pa'i shes pas mi sgom

  14. 255b

    ste/ rtogs pas rang sems ma skyes ye shes phyir// rnal 'byor ched du sgom pa brten mi dgos// sems dpa' 'dus pa'i snying po de nyon cig/ yul gyi snang ba spyod yul mgrub byis nam mkha' lta bur ye shes rang gsal bas// rang sems chos sku ngang gi de rtogs pas// rnal 'byor ci yang yid la mi sgom na// yang dag lta ba'i don dang mthun par 'grub// sems dpa' rdo rje snying po de nyon cig/ rdzogs chen go las gcad phyir sgom med de// ye shes sgom med dag tu rab rtogs na// bsgoms kyang skyon med chos dbyings nam mkha' 'dra// skal med de ni ku gyi re bskongs// kun la khyab cing ma rdzogs med mod kyi// kun gyi gdams ngag ma 'phrod rtogs par dka'// rdzogs pa chen po'i lta ba'i ye shes gting rdzogs kyi rgyud las/ ma bsgoms 'bral ba med pa'i le'u ste bcu gcig pa'o// // de nas kun rig rgyal po chos rjes bka' stsal pa// 'dus pa'i tshogs rnams yid kyis da nyon cig/ rang sems ngo bo nyid kyi chos sku ni// dbang po mngon sum mi gnas kun la khyab// chos sku tshig tu 'di zhes bstan par ni// rdo rje sems dpas kyang ni mtshon du med// de yang rdo rje sems dpa' yid kyis nyon// 'khor 'das tshig las 'das pa'i ye shes te// dbyibs dang kha dog dbang po'i spyod yul du// sangs rgyas nyid kyis bstan cing mtshon du med// mtshon

  15. 256a

    cing bstan par dka' ba'i rang sems de// yod med kun las 'das pa'i byang chub sems// dngos med yid la dran pa'i ye shes ni// kun bzang nyid kyi mi gzigs lta ba'i mchog/ gzung 'dzin mthu rtas rnam smin lus 'di la// dbang po yul rnams ming du rjod byed de// don la phan pa rdul tsam mtshon mi nus// dper na bum pa nang gi mar me la// dngos med brjod med nam mkha' chen po min// de bzhin tshe gcig mi rtog don bsgoms kyang // ye shes rang shar chen po'i lta ba min// bum chag nam mkha' chen por thim pa bzhin// lus bral rang sems ngo bo nyid kyi sku// de nyid rig pas gsal btab bde ba'i glong // de tsam nyid las kun tu bzang pos kyang // ngo bo nyid kyi sku la mtshon du med// / rdzogs pa chen po lta ba ye shes gting rdzogs kyi rgyud las/ ye shes kyi don la mtshon du med par bstan pa'i le'u ste bcu gnyis pa'o// // de nas dang pas 'dus pas 'khor rnams la// kun rig ston pa chos rjes bka' stsal pa// sangs rgyas rnams kyi dgongs pa ji lta bu// rang gi mtshan nyid ma bcos de bzhin nyid// chos sku skye med rtogs nas 'gro don du// ji ltar snang ba'i gzugs can sprul pa'i sku// mdzad pa bcu gnyis 'gro don mthar phyin pa// thugs rjes sprul pas 'gro ba kun 'dul yang // ye shes blo ldan

  16. 256b

    rlom sems rdul tsam med// bdag dang gzhan du rtog pa med pa'i phyir// ye nas gnyis med gcig ni chos kyi sku// mthun 'jug 'tsham pa'i spyod pa rgya mtsho ni// thugs rje chen pos 'gro don rdzogs par mdzad// rang byung ye shes dbyings las ma g.yos kyang // 'gro ba'i dpal mgon kun tu bzang po ni// bdag dang gzhan don blang dor med pa'i phyir// spyod pa rgya mtsho sna tshogs ci bder spyod// pad+ma skye ba'i rgyu ni 'dam yin te// pad+ma la ni 'dam gyi skyon gyis gos pa med// chos nyid blang dor med par rtogs gyur na// ye shes rtog mad nyams pa rdul tsam med// thun mtshams mi sgom rgyun gyi rnal 'byor la// 'ching grol spyod pa med phyir gol ba med// rdzogs pa chen po lta ba ye shes gting rdzogs kyi rgyud las// spyod pa 'ching grol med par bstan pa'i le'u ste bcu gsum pa'o// // de nas kun rig ston pa chos rjes bka' stsal pa// 'dus pa'i 'khor rnams yid kyis de nyon cig/ sa med chos sku rdzogs chen ye shes la// yang dag mi 'gros mchog spyir chibs// bgrod med sems nyid ye shes mchog gi lam// ye shes mthar phyin chos nyid sa/ sems dpa' rdo rje snying po de nyon cig/ sa ni dang po 'khor bar mi ldog par// snying po byang chub mchog ni yin shes na// gza' zhing bgrod pa'i yul ni ga la yod// bya med rdzogs pa'i ngang du

  17. 257a

    rab rtogs ni// lam la bzang shings spya yul las 'das// bgrod med snying po lam gyi don ston pa// gzhan nas btsal bas rnyed par mi 'gyur te// shes snying po kun tu khyab gnas pas// rang byung ye nas rang rig 'od gsal bas// sa lam btsal du med de snying po'i don// rnam par snang mdzad che mchog kun tu bzang // dayang sems dpa' rdo rje snying po nyon// dper na rgyal po gzhan du mi 'gro bzhin// rang sems yul la mi spyod don la gnas// de tsam nyid na chos sku bde ba'i grong // lam lam bgrod chos nyid ye shes sku// sa dpa la ma la bgrod na byang chub 'gegs// rdzogs pa chen po'i lta ba ye shes gting rdzogs kyi rgyud las/ sa lam sbyang du med pa'i le'u kye bachu bzhi pa'o// / de nas dad pas 'dus pa'i 'khor rnams la// kun rig ston pa chos rjes bka' stsal pa// dam tshig bsrungs nyams med pa'i ye shes ni// 'og ma bzhin du dam du ma bcas pas/ nyams pa med phyir ye bsrungs chen po yin// gdeng ldan lta ba'i dam tshig rgyun du dran// ched du ma yin dang gis don gsal bas// ye bsrungs chen po'i dam tshig lta ba yin// da yang 'dus pa 'khor rnams yid kyis nyon// theg pa'i khyad par ji snyed grags pa dang // tshul khrims sdom dang phyi nang dam tshig kyang // 'gro ba gdul bya ji ltar 'dod la bstan// tha snyad tsam du gdul

  18. 257b

    bya zhes brjod kyang // dam du bca' bar bya ba rdul tsam med// dam bca' med pa'i don gyi ngang rtogs na// dam du bcas kyang skyon med nam mkha' 'dra// 'dus pa'i snying po rdo rje sems dpa' nyon// chos sku mi g.yo thugs kyi dam tshig ste// blang dor med par dam tshig chen po yin// rang sems mi spong ye shes chen por gnas// dus gsum don dam ma bral nyams pa med// / rdzogs pa chen po'i lta ba ye shes gting rdzogs kyi rgyud las/ dam tshig bsrungs nyams med par bstan pa'i le'u ste bco lnga pa'o// // de nas 'dus pa'i 'khor la bka' bstsal pa// bsgoms na gol sar gyur pa 'khrul pa'i phyir// rang gi sems nyid ma rtogs rtsol ba ste// phyi yi yul gyi rtsol ba sems bsdus nas// 'og ma'i lta ba 'dod lugs rnam bzhi la// gnyis med snang stong khas mi len pa rnams// so sor rtog pa'i rig pa gzhal byas nas// gsal bde stong pa'i mnyam gzhag don bsgoms pas// dug lnga sgom pa'i gang zag lo// bying rgod mtha' dag shes phyir byar byed// de nyid lta ba ma shes gti mug ste// gsal la mi rtog 'dod chags sgom pa rnams// bde la mi rtog zhen pa'i nga rgyal can// 'khor ba med dang lhung du dogs pa'i zhe sdang gis// mi dmigs don la gza' gtad byas nas sgom// rtsol bas bsgoms kyang yul la 'gyur med phyir// mi rtog 'dod phyir

  19. 258a

    ma nor don dang bral// rtog pa bzang ngan ci skyes sems nyid du// dgag rgyu med pa tsam du blos gzung nas// gsal bde mi dmigs ched du bsgoms pas nor// yul la gtan tshigs gzhigs pas smos ci dgos// de yang 'dus pa'i snying po yid kyis nyon// grib ma gzugs su bsgyur ba ji bzhin du// lha dang rtsa ba'i thig le thabs sgoms rnams// mtshan ma yul la dmigs phyir sgom pa po// de nyid sems su blos byas phyir na gol// rkyen ma thub phyir gnas lugs chos ska min// de phyir bsgoms na 'khor ba'i nad chen yin// rdzogs pa chen po lta ba ye shes gting rdzogs kyi rgyud las/ bsgoms na go la sar bstan pa'i le'u ste bcu drug pa'o// / / de nas kun rig ston pa kun bzang gis// 'dus pa'i 'khor la bka' stsal pa// dga' dang gus pa'i sems kyi yid kyis nyon// la bzla ba yi ye shes don chen ni// kun gzhi bzhi cha mkha' la nyi shar 'dra// thams cad kun 'dus rang snang ye shes gsal// ye nas btsal med 'bras bu mngon sangs rgyas// rgyal ba kun gyi yang mes chen po ste// gol med gdod nas dag pas chos kyi sku// rang byung 'gag pa med pas ye shes glong // lam lnga ma bgrod ye shes sa yi mchog/ cis kyang dmigs su med pas rang sems ye shes sku// gzhan la

  20. 258b

    smon du med pas rang la rdzogs// chos sku 'di zhes gzhan nas mi rnyed pas// rtogs par 'dod na rang gi sems la tshol// sems la don rnyed rtogs pa'i rnal 'byor pa// 'khrul pa med phyir sems can 'khor ba med// rang sems rtogs pa'i don las ma gtogs pa// bde zhing skyid pa'i sangs rgyas logs na med// de phyir rgyu la mi rtogs 'bras bu med// med la rtsol brgya mtsho chu bor nas// smig rgyu ri dgas chur mthong snyegs pa bzhin// sgom med don nyid bor nas su sgom pa// byang chub med par rang gis sdug bsngal mnon// de yang sems dpa' rdo rje yid kyis nyon// rang sems de nyid rtogs pa rnal 'byor pa// ye shes brgyud nyid chos kyi gter du smin// nam mkha' go yangs 'byung ba'i lam du bde// rtogs pa'i go yangs sangs rgyas lam du bde// / sems nyid go yangs sgom med lam du bde// dus gsum 'gyur med rang rig lta ba'i dbyings// 'dod dgu rang la yon tan 'chang ba'i phyir// rgyu 'bras gzhan la rag ma lus pa'i zab// dper na ma dros mtsho dkyil me 'bar ba// nam mkha'i dkyil nas bab pa'i chu yis na// bskal par de la gnod par mi nus bzhin// rang sems chos nyid rang byung ye shes la// 'khor bar 'khyams kyang sgrib pas gos pa med// rin chen me 'od nam mkha' 'thon pa'i tshe// rgya mtsho nyid kyang bdud rtsir gyur pa bzhin// rang gis byang chub sems nyid rtog tsam na// dug lnga

  21. 259a

    nyid kyang ye shes chen por 'char// rdzogs pa chen po lta ba ye shes gting rdzogs kyi rgyud las// ye shes kyi don la bzla ba'i le'u skye bcu bdun pa'o// // de nas gsang ba'i bdag po rdo rje sems dpa' yis// 'dus pa'i tshogs la nges don phan gdags phyir// ston pa kun rig sems kyi rgyal po la/ bden pa'i yid kyis 'di skad ces gsol to// dug lnga ma spangs rang grol ji ltar 'byung // che ba'i yon tan mi 'byung gang gis sgribs// tshogs ma bsags pa'i gzugs rmug / k+shi k+ShA ts+tsha ts+tsha/ pa mi sa da/ pa thugs kyi sa de skad ces gsol pa'i don gsan thugs kyis bka' stsal pa// dug lnga ma spangs rang grol ye shes ni// rin chen 'od kyis mun pa med pa ltar// 'khor ba thog ma rtsad chod don gyi phyir// ngo bo nyid kyi sku ni rang rtogs pas// gdod nas ma rig dag pas gti mug bral// de yang 'dus pa'i sems dpa' nyon// ma rig med phyir zhe sdang yul mi dmigs// de phyir rang sems snying po chos ska la// snga phyi zhen pa'i dbang gis zhe sdang na// kha dog yul la mnar sems byed pa'i phyir// ba mo la ni nyi ma shar ba bzhin// phye

  22. 259b

    'brel gcad pa'i man ngag dran par bya// da yang dad ldan 'khor rnams yid kyis nyon// 'dod chags skye ba'i yul ni sgo lnga 'byung ba'i sems// phyi rol zang zing nor la brkam chags nas// bung bas me tog gzhibs nas mi zhe na ltar// chags pa nyid na zhen med rang gi sems// sems la byed pa med phyir sems nyid don du shes// sems can pho mo las kyi chags pa la// rang sems chos nyid rtogs pa'i rnal 'byor pas// mi sdug gnyen pos sgom pa mi dgos par// yul la pho mo yod phyir chags pa spyod gyur kyang // sems la pho mo med pas nyes pa med// de nyid dus na rig pas gsal thebs pas// dus gsum pho mo sbyar kyang nyams pa med// de yang 'dus pa'i dad ldan yod kyis nyon// nga rgyal chen po rang sems rtogs pa 'char// de phyir khams kyis rab tu byed pa yin// gnyen pos mi dgos rang grol byang chub sems// dper na sgyu ma mkhan gyi sprul pa la// sems can yin zhes mkhas pas sgro mi 'dogs// de bzhin blo dngos gcig par rtogs pa yi// sgom du yod sogs par ni nga rgyal byed// 'dus pa'i snying po 'khor rnams nyon cig/ lta ba nam mkha' lta bur 'phang chod rnal 'byor pas// mtho la phrag dog mnyam la smad gyur kyang // mi len mi spong mnyam pa chen po ste// ma ki ta yis

  23. 260a

    thams cad sman du gyur pa bzhin// don drang ma nor man ngag gdeng gis 'phangs// bla ma'i bka' nod ye shes rnal 'byor la// dug lnga spangs kyang rang grol ye shes thugs// rdzogs pa chen po lta ba ye shes gting rdzos kyi rgyud las/ nyon mongs ma spangs rang grol du bstan pa'i le'u ste bco brgyad pa'o// // de nas yang 'dus pa'i 'khor la bka' stsal pa// sangs rgyas yon tan mtshan dang dpe byad de// stobs dang mi 'jigs chos ni bco brgyad dang // dus ni da lha byung ba lus kyis bsgribs// dper na khyung chen sgo nga'i nang na gshog rgyas kyang // sgo nga ma chag 'phur mi nus pa bzhin// rang sems chos skur rtogs pa'i rnal 'byor kyang // lus 'di che ba'i yon tan mi 'byung phyir// thun mong sman gyi sbyor ba'i thabs kyis ni// rtsi sbyor sman dang ri lu bcud len gyis// rang lus 'di nyid gsos 'gyur lus rgyas tshe// dug dang mtshon sogs mi tshugs grub gyur nas// mkha' la bya bzhin 'phur ba byung nas ni// sems kyi mngon shes rmi lam mno 'gyur te// lus 'di yul yin phyir na sems min pas// gnas skabs 'brel pa yod phyir rtags byung kyang // sha khrag lus 'dim bor bar du ni// sangs rgyas che ba'i yon tan 'byung mi srid// da yang rdo rje sems dpa' nyon// drang don grub

  24. 260b

    pa thob pa rnams kyang ni// thabs kyi sbyor ba yin phyir lus kyis bsgribs// dper na me yod du ba 'byung ba bzhin// rang sems ma bcos de dag gsal gyur na// che ba'i yon tan ma lus shugs kyis byung // sangs rgyas nyid kyang rtswa mchog grong khyer du// rang lus bor phyir sems can smos ci dgos// de phyir bcom ldan 'das kyang rdo rje gdan thog tu// yang sangs rgyas pas mtshan dang dpe byad ldan// che ba'i yon tan ma lus lhun gyis rdzogs// rdzogs pa chen po lta ba ye shes gting rdzogs kyi rgyud las/ dus 'dir sangs rgyas kyi yon tan mi 'byung bar bstan pa'i le'u ste bcu dgu pa'o// // de nas yang 'dus pa'i 'khor la bka' stsal pa// rang sems ngo bo nyid du gsal gyur na// ye shes tshags chen rdzogs pas chos kyi sku// dper na rgya mtsho rnyog med dngas gyur na// nam mkha'i gzugs brnyan 'byung ba mi 'gag bzhin// chos nyid ngang la longs spyod rig pa'i rgyun// de yi sprul pa sna tshogs sprul pa'i sku// de yang rdo rje sems dpa' yid kyis nyon// chu nyid tshags kyis btsags kyang gzugs brnyan med// med bzhin sems kyi ngo bo nyid la no// kun bzang sangs rgyas nyid kyis gzugs btsal kyang // gdos pas lus la sangs rgyas rnyed mi srid// bsod nams tshogs kyis gzugs sku 'byung

  25. 261a

    ba min// rim dgu ston pa'i sangs rgyas gzugs kyi sku// mos pa so so 'dul phyir snang mod kyang // rgyud nas chos sku rtogs pa'i thabs su bstan// smon lam dbang gis 'gro ba'i don byed pa// 'og ma'i blo gzhag sangs rgyas chos sku min// de phyir rang sems ma rtogs dge ba yis// rgyu med 'bras bu mi 'byung dpe bzhin du// bskal pa stong du tshogs ni bsags byas kyang // 'bras bu gzugs sku'i sangs rgyas 'byung mi 'gyur// da yang 'dus pa'i dad ldan 'khor rnams nyon// gser sbrul mig gis 'dod pa'i yon tan lnga// dus gcig nyams myong dpe bzhin rnal 'byor pas// ngo bo nyid kyi sku rtogs chos kyi sku// de la rig pas longs spyod rdzogs pa'i sku// sna tshogs nyid ni gsal thebs sprul pa'i sku// las med rtogs par dka' phyir gsang ba'i sku// blo dngos gcig phyir mngon par byang chub ste// de rnams gcig gis yon tan lngar 'byung bas// sangs rgyas 'gro don btsal mi dgos pa'i phyir// sems can rang sems chos kyi sku// rdzogs pa chen po lta ba ye shes gting rdzogs kyi rgyud las/ chos sku rtogs na gzugs sku 'byung ba'i le'u ste nyi shu pa'o// // de nas kun rig ston pas 'dus pa'i 'khor rnams la// the

  26. 261b

    tshom gags ni bsal thabs bka' stsal pa// 'khor 'das spyi yi mtshan nyid sems yin te// rtogs na kun kyang yin phyir ma rtogs min// a ti theg chen snying po rdzogs pa'i phyir// yod med gang nges rtag chad skyon yon phyir// ma nges rgyu 'bras log pa'i kha rje kha// sangs rgyas 'bras bu ma tho ba snying rje'i gnas// de yang 'dus pa'i 'khor cho gas yid kyis nyon// 'jig rten pa dang 'das pa'i chos rnams kun// gnyis ka'i gzhi ni ngo bo chos skur nges// yul gyi snang ba ma nges sna tshogs pa// blang dor med phyir chos rnams lhun gyis grub// 'dus pa'i gtso bos snying po'i don gsol pa// yul nyid sems la sems nyid yul yin la// yul nyid yin phyir yul la sdug bsngal rigs// sems nyid yul na rang nyid bem por thal// spong sdud mi shes zhen pa skye bo'i blo// de phyir rdzogs chen chos sku blang med gang // de yang 'khor gyi snying po yid kyis nyon// yul nyid spong sdud zhen pa rnams kyi skyon// blang dor med phyir gnyen pos btsal mi dgos// de tsam nyid ni bsam gtan mchog gi lam// de la gnyen po med phyir bla med chos kyi sku// de yang 'dus pa'i 'khor rnams da nyon cig/ sgom du yod med sgro skur mthong lhung phyir// sgom pa'i zhi gnas mtha' la zhen pa ste//

  27. 262a

    ma rtogs sgom med don gyi gdeng dang ldan// de phyir mtha' yi lta ba nor ba'i lam// da yang dad ldan 'khor rnams yid kyis nyon// a ti man nga chos sku'i snying po ni// bsgoms kyang 'gal med rang sems nam mkha' 'dra// ma bsgoms pas kyang chos sku gtor bral me// byang chub lam du sems nyid rtogs pa che// sems dpa' rdo rje yid kyis don zhus pa// sangs rgyas sems can gcig gam tha dad lam// tha dad 'brel med thugs rjes phan mi nus// gcig na 'gro drug sems can ci phyir byung // kun rig ston pas bka' stsa la yid kyis nyon// de gnyis so sor snang ba ma yin te// rtogs na ngo bo gcig phyir thugs rje 'byung // rang sems ma rig rnam rtog sdug bsngal yin// don la dbyer med sems nyid lhun gyis grub// 'dus pa'i tshogs kyis sems don yid kyis zhus// sangs rgyas sems can rgyu 'bras yin gyur na// sangs rgyas las byung rnam gsum don med 'gyur// sems can las byung tshogs gnyis dus mi rtag/ kun rig ston pas 'khor la bka' stsal pa// sangs rgyas sems can rgyu 'bras ro gcig phyir// ltos pas gcig la gcig byung ma yin te// gnyis ka'i ngo bo rang sems chos skur gcig/ sangs rgyas sems can skyon yon rnam gnyis kyis// chos

  28. 262b

    nyid 'khrul pa gang yang gzhi gzhag nas// gnyis ka ltar yang rtsod na mi 'gal phyir// ma rig ye shes gang rung phyogs gzung na// kun kyang yin la thams cad min pa'i phyir// rgyu yod dang ni rgyu med gang 'khrul pa// gzhir gzhag ma nor shin tu gces par gsungs// sems dpa' rdo rje 'khor gyis don nus pa// rang la yod pa'i mkhas pas ji skad ston// ye nas yod na man ngag bstan mi dgos// med na ri bong rwa bzhin rgyu mi dmigs// kun rig ston pas 'khor la bka' stsal pa// ye nas rang la yod pa'i chos sku ni// bla mas mtshon nas rang sems don bstan pas// ma rig rnam rtog chos skur shes pa las// logs na btsal nas bstan pa ma yin no// dad ldan 'khor gyis don ched yid kyis zhus// bla ma'i man ngag yul la mi rtog pas// tsam du nyams myong zhi gnas skyon yin phyir// rtog na rang rgyud yin phyir man ngag min// ma dran 'du shes med pa nyid du thal// da yang sems dpa' rdo rje snying po nyon// yul la mi rtog de nyid bsam gtan do// rtog dang mi dran gnyis ka'i gzhi nyid ni// thog mtha' chod na chos nyid byang chub sems// de yang rang byung ye shes don rtogs na// yul nyid mi rtog mi sgom don la gnas// de yang man ngag gis bcos don dang 'gal// ma bcos man ngag bka' la dgos med 'gyur//

  29. 263a

    nga yang 'dus pa'i 'khor tshogs yid kyis nyon// bla ma mkhas pa'i man ngag don zab mos// kun gzhi bzhi cha chos sku'i ngo bo nyid// bcos su med las rang sems nam mkha' 'dra// sgo lnga yul nyid 'khrul phyir 'brel pa chod// yid la lta ba bstan pas nyon mongs grol// de phyir bka' don shin tu gces par gsungs// / rdzogs pa chen po lta ba ye shes gting rdzogs rgyal po'i rgyud las/ the tshom gyi gags bsal ba'i le'u ste nyer gcig pa'o// / de nas 'dus pa'i tshogs la bka' stsal pa// blo dngos gzhi la dbyer med rab rtogs na// ming gi tha snyad rnam grangs 'dzin med phyir// yul la mi zhe na ma rig rang sar grol// rtsal med bsam gtan nyams su myong ba'i rtags// phan gnod ji lta bu dang phrad gyur na// byams sdang gnyis kyi sems ni skyes pa'i tshe// mnyam nyid rig pas gsal thebs rnal 'byor de// blo dngos gnyis med nyams su myong ba'i rtags// de yang sems dpa' rdo rje nyon cig/ kun tu bzang po 'od dang bcas nas ni// dbang po'i mngon sum byon nas chos bstan kyang // bzang po yin pa'i sems kyis dang rgyu ni// gshin rje'i 'jigs pa byung yang nyam ming // gnyis la 'khrul par rtogs phyir spong len med// lta ba gdeng ldan nyams myong yin pa'i rtags

  30. 263b

    theg pa'i bye brag chos rnams ci gsungs kyang // don la bzang ngan med rtogs phyir na sgro skur bral// chos la bzod pa thob pa'i nyam myong rtags// lus ngag yid gsum sdug bde ci byung yang // skyon yon mi lta rang sems 'khrul pa'i phyir// snga phyir med par lta ba'i ga deng ldan na// chos nyid rang gsal nyams su myong ba'i rtags// lus la mi mthun pa yi// nad dang bgegs// byung yang bag chags dang ni nyon mongs pa// rtog pa rtas pa nyid las ma rtogs pa// zhen pa med phyir chos sku dad pa yis// mi gtong dran par byed pa'i rnal 'byor pa// dngos grub rtsol med dgongs pa nyams myong rtags// de yang 'dus pa'i snying po de nyon cig/ byang chub sems la snga phyi med pa'i phyir// 'jig rten mthon dman gar skyes lus nyid kyang // skye 'gag med pa'i sems la sems gnas na// 'du 'bral med pa'i dgongs pa nyams myong rtags// rtags chen de ldan rnal 'byor rnams/ kyis ni// ci spyod thams cad ye shes sangs rgyas thugs// mi yi lus la sgrib g.yogs 'di nyid la// lha mi rnams kyis phyag 'tshal mchod par 'gyur// rdzogs pa chen po lta ba ye shes gting rdzogs rgyal po'i rgyud las/ rtags bstan pa'i le'u ste nyer gnyis pa'o// // de nas sems dpa' rdo rje snying po yis// dad ldan

  31. 264a

    'khor la phan gdags phyir// mnyam pa'i rgyal po kun bzang la// yid kyis dran pas 'di skad don gsol pa// lta ba nyams pa'i rnal 'byor skyon ni gang // de la bskang thabs ji ltar bstan par bgyi// skongs pa'i 'bras bu ji ltar 'byung // 'khor 'das sa mtshams bag chags gang gis gzung // de yi gdams ngog rnal 'byor gang la gtad// mnyam pa'i ye shes rgyal pos lung bstan gsol// de skad zhus pa'i don gsan yid kyis bka' stsal pa// don med pa rgyal dregs pa'i mkhas 'dod pas// rang gi lta bas ya rabs mtho bzhed nas// tshig la mnyam sbyar mkhas pa'i zla med kyang // dam tshig phyal por byang chub sems spangs nas// log 'dren khong gsog gden tshig ci smras kyang // 'khrul pa'i sems nyid log 'dren dab du 'gyur// gnam lcags mkha' las 'dam du bying ba bzhin// dmyal par nges 'gro gtan du snying re rje// da yang 'dus pa'i rdo rje sems dpa' nyon// gsang sngags gsang ba'i lta ba'i sgor zhugs nas// yang dag rang sems don la mi 'dud par// mi chos zang zing lus ngag las byed pas// ri bos srog chags 'og tu mnan pa ltar// mi shes rang gi nga rgyal snyems byed pa// nam yang sangs rgyas byang chub thob mi srid// de yang sems//

  32. 264b

    dpa'i snying po de nyon cig/ rgya mtsho byings kyi pha bong dkyil skams ltar// theg pa 'og ma'i sde snod chos mnyan kyang // yang dag don gyi lta ba'i gdeng med par// tshig tsam lung las chos kyi khungs phyung nas// bya med chos la nga rgyal blo bstan nas// lus ngag rtsing chos phaT hra la spyod byed pas// sangs rgyas bkas kyang 'khor bar mi skyobs te// / sdug bsngal ya nga'i 'bras bu the tshom med// lta ba nyams pa'i skyon du bshad pa'i phyir// shin tu rnal 'byor don nyid rtogs pa gces// rdzogs pa chen po lta ba ye shes ga ting rdzogs rgyal po'i rgyud las/ rnal 'byor pa'i lta ba nyams pa'i skyon bstan pa'i le'u ste nyer gsum pa'o// // de nas yang kun rig rnam par snang mdzad kyis// rnal 'byor lta ba nyams na skang ba'i thabs// 'dus pa'i tshogs la ched du bka' stsal pa// rang gi byang chub sems nyid ma rtogs na// ma hA yo ga'i chos kyi tshogs mchod phyir// bkang bshags 'phrin las gzhung du byas gyur kyang // rnal 'byor lta ba dam nyams skongs mi 'gyur// da yang rdo rje sems dpa' yid kyis nyon// bla mas brgyud pa'i gdams ngag don ldan la// rang sems dpang du btsugs nas don zhus nas// rgyun du mi gtong lta ba dran byas nas// snying po mchog gi sangs rgyas chos kyi sku//

  33. 265a

    bde chen thugs la gsal ba'i dam tshig ste// yan lag dam tshig nyams kyang sgrib mi nus// rgyun du mi gtong ting 'dzin don bstan na// mtshams med la sogs byas kyang chos kyi sku// 'gro ba drag pos yid byas lta ba ni// mi brjed gzungs su don la gus pa'i chos// sems la gsal bas rnam rtog ming yang med// skyabs dang mgon du lta ba'i mchog tu gsungs// rdzogs pa chen po'i lta ba ye shes gting rdzogs rgyal po'i rgyud las/ rnal 'byor pa la lta ba nyams na bskang ba'i thabs bstan pa'i le'u ste nyer bzhi pa'o// // de nas 'dus pa'i snying po 'khor rnams la// kun bzang ston pa chos rjes bka' stsal pa// lta ba nyams pa bskang ba'i 'bras bu ni/ rang sems sangs rgyas ye shes snying po 'byung // rtog pa tsam gyis sangs rgyas sa la gnas// 'bras bu gzhan du btsal mi dgos pa'i mchog/ rang 'byung gdod nas dag pas ngo bo nyid// chos sku 'gyur pa med pas rang sems don// 'bras bu dus la mi ltos da lta nyid// ye shes dbang thob sangs rgyas kun dang ma nyam// rnam smin lus 'di bral bas kun bzang thugs// byang chub chos nyid rang byung mthar phyin pas// mi tshe 'di yis byang chub mchog thob nas// rgyu la mi ltos 'bras bu ye shes tshogs// da lta nyid du sems 'di

  34. 265b

    kun tu bzang // lus 'di bral bas sangs rgyas chos kyi sku// skye ba mi len 'bras bu btsal mi dgos// dngos po lus med snying po byang chub sems// sprin med nam mkha' gza' skar 'char ba bzhin// rang sems rtogs pas 'gro don btsa lo mi dgos// rdzogs pa chen po lta ba ye shes gting rdzogs rgyal po'i rgyud las/ lta ba nyams pa skong ba'i 'bras bu bstan pa'i le'u ste nyer lnga pa'o// // de nas kun rig rgyal pos 'khor rnams la// 'khor 'das sa mtshams bka' stsal pa// thog mar 'khrul pa'i gzhi ga nas bag chags te// gnyid dang 'dod chags 'jigs dang ltogs pa rnams// sngar gyi mngal gyi sgrib g.yogs bag chags rtas// sems dpa' rdo rje 'dus pa snying po nyon// skye ba rang sems ma rtogs par do nas// dper na sprin dang ling tog chu bur mig/ rdzas rnams mi mthong bsgribs pa'i mun pa bzhin// ma rig dbang gis bsgribs pa'i bag chags kyis// rang la yod pa'i tshes skra don chen bsgribs// de tshe sngon gyi rdzas rnams rjes dran nas// gos dang gnyen 'dun dran pa byung nas kyang // nga nyid nges par shi'am gar 'gro ba'i// sgrib g.yogs lus kyi chur bur dmigs pa'i phyir// dper na mig phyung bzhin du bag chags blos// dug lnga las la kun spod yid

  35. 266a

    dran 'gyur// shes rab lta ba'i mig med gti mug blos// mi shes byed pa med phyir 'dus byas kyis// dge ba lus ngag yid kyis ci spyad kyang // phan pa rdul tsam mi nus don med 'khyam// de tshe gzugs bral yid kyi dbang po ni// kun tshang thogs med 'gro ba'i phyir ni 'khrul// dper na 'dab chags mkha' la 'gro yang ni// 'dod pa'i dbang gis sa khung rnyi yis 'dzin// de bzhin gzung 'dzin dbang gis lus su 'jug/ de tshe gcig gis tha dad gang len pa// char sogs sdug bsngal nyen gyur skyabs tshol ba// gzhal yas khang dang spyil skyibs nang dag tu// rang dbang med par shugs kyis chud pa snyam// pho mo 'du 'phrod rkyen gyi mngal du 'jug/ rnam bzhi gang rung las kyis skye ba'i phyir// mthon dman la so la 'dam pa'i dbang med pa// de yang 'dus pa'i 'khor rnams da nyon cig/ mtha' ma'i rnal 'byor lta ba rtogs pa yi// gdams ngag skol med bsam gtan zhi gnas kyis// ye shes bag chags cha mnyam ting 'dzin gyis// rtog pa mtha' ma nyams su myong ba'i phyir// 'dod khams lha mi gar skyes rang dbang yod// rtogs pa 'bring gis rnal 'byor lta ba ni// dran pa ma yengs tsam du don gsal na// rnam rtog chags pa de nyid zil gyis gnon// dper na mi gang

  36. 266b

    rtsal ldan de shugs kyis// rtsal med non bzhin rjes su gsal bas na// dper na khyung sgong nas bya ba ton bzhin// rnam smin lus dang bral nas don dran te// gtsang ma ris kyi lhar ni skyes nas kyang // mngon par 'bras bu sangs rgyas ye shes 'byung // de yang sems dpa' rdo rje snying po nyon// rtogs pa rab kyis blo dngos gcig pa'i phyir// lta ba'i rgyun la yengs pa mi 'byung phyir// lus kyi sgrib g.yogs bral ba'i skad cig la// 'bras bu sangs rgyas rgyal po chos kyi sku// dpe med kun bzang ye shes thugs kyi thugs// nam mkha'i mthongs su nyi shar mun pa med// de bzhin rnal 'byor lus bral sems nyid la// ma rig med par chos nyid gsal ba'i phyir// sangs rgyas ye shes thugs la 'char nub med// rdzogs pa chen po lta ba ye shes gting rdzogs kyi rgyud las/ 'khor 'das gnyis kyis mtshams bstan pa'i le'u ste nyer drug pa'o// // de nas kun rig rgyal pos don bstan pa// theg pa'i rgyal pos chos nyid lhun rdzogs 'di// skal dang ldan pa'i 'khor rnams khyed kyis kyang // rgyud 'di yid la gnas shing 'chang bar gyis// de yang 'dus pa'i rdo rje snying po nyon// spyod pa tshul 'chos byed cing slob dpon smod// nor 'phangs chos

  37. 267a

    'dod thabs kyis 'dru ba la// ye shes gting rdzogs rgyud chen lta ba ni// snod ngan rnams la nam yang bstan par ma gsungs so// bka' bzhin ma byas don gyi snying po chos// 'jig rten nor phyir don ston rnal 'byor la// sangs rgyas dkon mchog bka' chad 'byung nges phyir// 'jig rten mkha' 'gro dam can smos ci dgos// gnod sbyin srin pos srog bcad mnar med lhung // de yang 'khor gyi sems dpa' yid kyis nyon// bstan pa 'jig pa'i dus 'dir chos rnams kyi// snying po rdzogs chen don 'di 'byung 'gyur bas// snod ldan rnal 'byor 'ga' la gtad pa las// dad med snang dgu rnams kyi spyod yul min// 'khor rnams kun kyang nges par de ltar zhog/ len cig rnal 'byor khas 'che chos pa kun// don med tshig mkhas nyams su len pa med// 'dus byas chos spangs don la mi 'dud par// bsod nams 'dod phyir grong du chos 'chad 'byung // da yang rdo rje sems dpa' snying po nyan// rnal 'byor gang zhig snod ldan chos// gzhung bzhin don las mi 'da' dad pa can// dka' dgu smos nas man ngag rgyud 'di tsho la// de tshe rnal 'byor las can don gyi phyir// skra skyibs mi bya rgyud 'di bstan par bgyi// gal te snod ldan ma phrad dus nye na// chos skyong yod pa'i gtsug lag khang chen nam// dregs pa'i lha chen

  38. 267b

    gnas pa'i brag dkyil du// sa phyogs brtags la dang ldan phyi rabs la// phan phyir smon lam btab la sbas te gzhag/ rdzogs pa chen po lta ba ye shes gting rdzogs kyi rgyud las// 'khor la rgyud gtad pa'i le'u ste nyer bdun pa'o// // rdzogs pa chen po lta ba ye shes gting rdzogs kyi rgyud 'di u rgyan gyi yul bye ma la g.yung drung nas// sing ga la slob dpon d+harma gar pas u rgyan gyi slob dpon ma hA bo d+hi la bshad/ des a tsar+ya dran pa'i ye shes kyis bod yul du bsnams nas byon pa'o// ston pa'i thugs dam lags so// rdzogs so// / rgya gar skad du/ san+ti ma hA d+hi ti sarba garbe tan+t+ra nA ma/ bod skad du/ rdzogs pa chen po lta ba thams cad kyi snying po'i rgyud ces bya ba/ bcom ldan 'das mnyam pa nyid kyi rgyal po dpal kun tu bzang po la phyag 'tshal lo// 'di skad gsungs pa'i dus gcig na// kun rig sems kyi rgyal po de// 'og min chos kyi dbyings dag na// mnyam pa'i don la rab zhugs te// 'og min chos kyi dbyings dag na// gsang sngags padag po la sogs pa// 'khor rnams 'dus nas rab tu 'khod// de nas rdo rje sems dpa' yis// 'dus pa'i tshogs la phan gdags phyir// gus pa'i tshul gyis