nor bu 'phra bkod rang gi don thams cad gsal bar byed pa'i rgyud
Text
ff. 357a–389a · 65 folio sides
- 357a
ra na'i skad du/ e dur sarba gu lang ha/ kha che'i skad du/ sa hu du ra na hUM ka A/ ma hA sing+ge la'i skad du/ spo sa rad+h+wa ru pa ya ha hu ra/ rgya gar skad du/ sarba bran tI spr-i ka rad+na du ta e ma du tAn tra nA ma/ bod skad du/ nor bu 'phra bkod rang gi don thams cad gsal bar byed pa'i rgyud ces bya ba/ bcom ldan 'das kun 'dus rig pa'i klong la phyag 'tshal lo// 'di skad bdag gis bstan pa'i dus gcig na/ rang gi rig pa'i de bzhin nyid gang yin pa'i klong / ye shes rab tu gsal ba sa brgyan pa'i pho brang na/ rang gi ye shes kyi dkyil 'khor gnas te/ de'i don ngas bstan gyis/ kye thub pa chen po'i 'khor mkha' 'gro ma dang bcas pa nyon cig/ rang byung thabs kyi rgyud chen po 'di yis sems can gyi mun pa thams cad snang par 'gyur gyis/ rigs kyi bu rnams kyis yid ma yengs pa'i tshul gyis zhus shig/ 'di skad bdag gos thos pa'i dus gcig na/ bcom ldan 'das tsat+ta rin po che 'od gsal ba'i gzhal yas na/ rig pa rang byung gi sku dang chos nyid thig le'i dgongs pa la thabs cig tu bzhugs so// de'i tshe 'dus pa'i 'khor tshogs shin tu mang bar gyur te/ bcom ldan 'das
- 357b
dpal stobs ldan nyid la 'di skad ces zhus so// kye kye bcom ldan 'das/ rig pa'i stobs thun mong ma yin pa dang ldan pa/ bdag cag rnams la rgyud chen po 'di bka' bgro ba mdzad du gsol/ lung bstan du gsol/ rtogs par mdzad du gsol/ thabs bstan du gsol/ bstan pa la gzung du gsol/ snang ba bstan du gsol// ces rang snang gi don ma nor bar zhus so// de nas bcom ldan 'das 'dus pa chen po'i sa ma ti las langs nas/ 'khor chen po rnams la bka' stsal pa/ e ma to// khyed kyis zhus pa de legs so// ngas don gyi dkyil 'khor thugs tsat+ta rin po che'i dkyil 'khor phye nas/ gsang sngags kyi dgongs pa nyid ma nor bar bstan gyis/ ma nor bar legs par nyon cig/ gsang ba'i dkyil 'khor chen po na sa// shes ra ba rang byung gi lha mo lnga skye 'gag med par gsal ba yin pas na/ thugs rje lnga da bri bskol med par gsal ba ste/ ye shes kun khyab kyi snang ba yul la shar nas/ stong pa chen po rang byung gi klong du thim pa'i tshe/ ye shes kyi snang ba lha mo dbyings gsal bar byed pa'i sgron ma la brtag par bya'o// mkhas pas ye nas rang snang gi stobs la
- 358a
thugs rje'i sgron ma gsal bar mthong nas don la 'jug go// thabs kyis rang rang gi bden pa mthong bar 'gyur te/ kun tu mtha' yas so// de nas 'dus pa'i 'khor tshogs de rnams kyi nang nas/ ye shes kyi lha mo rgyan rab tu 'bar ba zhes bya bas 'di skad ces gsol to// kye kye bcom ldan rnam grol ba dag/ chos nyid rtogs par 'dod pa yi// sems can thugs rjes yang dag zung // ma rig mun khang gzhom du gsol// ces zhus so// de nas thugs kyi dbyings nas bka' stsal pa/ stobs ldan ye shes lha mo nyon// ngas bstan legs par yi la zung // khams gsum 'khor ba'i sems can nyid// dang po 'khrul pa'i dus nyid las// da lta'i snang ba skye tshul gnyis// lam la cig char 'jug pa dang // lam la mthong tshul skye ba'o// stong pa'i ye shes chen po na// ci yang med las cir yang 'khrul// tha ma cis kyang ldog pa yin// ci yang med pa'i dngos po ni// gang gi phyogs su ma ltung ba'o// cir yang 'khrul pa'i dngos po ni// mthun snang tsam du snang bar zad// 'on kyang de yi don mi skye// chos dbyings rgyan ltar snang ba'o// zhes gsungs
- 358b
so/ de nas yang 'dus pa'i tshogs de rnams kyi nang nas// ye shes kyi lha mo sna tshogs 'byung bas 'di skad ces zhus so// kye bcom ldan 'das thugs/ rje rig pa'i sku dang ldan pa/ snang ba'i dus ji lta bu lags/ gsung du gsol/ de nas bcom ldan 'das rang byung gi rgyal po des 'di skad ces gsungs so// kye 'dus pa'i lha mo khyod nyon cig/ rtogs byed kyi shes rab yul la 'jug pa'i dus su snang ba rang snang ste/ shes pa kha yan du gtang bar bya'o// snang ba ye shes kun tu mtha' yas te/ don skye med rig pa'i snying po can du gnas so// ye shes 'gag med kyi klong nas/ rang byung rtags kyi dkyil 'khor lnga gsal ba ni// don dam pa'i chos nyid dang / kun tu bzang po'i klong du phyi nang gi chos gsal ba'o// de nas 'dus pa'i 'khor de rnams kyi nang nas/ ye shes kyi lha mo 'od zer kun nas 'byung bas 'di skad ces gsol to// e ma bcom ldan 'das thugs rje dang thabs su ldan pa yang dag par rdzogs pa'i sangs rgyas la rdzu 'phrul ji lta bu/ snang ba ji lta bu/ stobs ji lta bu/ rtsa la ji lta bu/ yon tan ji lta bu/ ngo bo ji lta bu/ bzhugs tshul ji lta bu/ gsung du gsol/ bstan du
- 359a
gsol lo// de nas bcom ldan 'das kyis bka' stsal pa/ kye ye shes kyi lha mo khyod nyon cig/ yang dag par rdzogs pa'i sangs rgyas kyi rdzu 'phrul ni tshad med do// dpag tu med do// bzung du med do// gzhal du med do// sangs rgyas kyi snang ba ni che chung gi mtha' las 'das te/ nam mkha' lta bu'o// sangs rgyas kyi stobs na yin min gyi mtha' las 'das te/ glang po che lta bu'o// sangs rgyas kyi rtsa la ni spangs thob kyi mtha' las 'das te/ seng ge lta bu'o// sangs rgyas kyi yon tan ni gang stong gi mtha' las 'das te/ yid bzhin gyi nor bu lta bu'o// sangs rgyas kyi ngo bo ni bdag rtog gis mtha' las 'das te/ kun khyab kyi ye shes nyid do// sangs rgyas kyi bzhugs tshul ni/ dbang po dang yul las 'das te/ rang snang nyid do// de ni rang byung gi dgongs pa nyid kyi tshig go/ de nas yang 'dus pa chen po'i tshogs de rnams kyi nang nas/ ye shes kyi lha mo 'od zer ston ma zhes bya ba sa 'di skad gsol to// kye bcom ldan 'das thugs rig pa'i snang bas brgyan pa/ rang rig gi ye shes kyi gnas lugs ji lta bu lags gsung du gso la/ ces zhus
- 359b
so// de nas yang bcom ldan 'das kyis bka' stsal pa/ kye ma ye shes kyi lha mo khyod nyon cig/ ngas thabs kyi dkyil 'khor nyid ma nor bar bstan gyis// legs par yi de la zung zhig/ rang gi rig pa'i ye shes nyid la gzung 'dzan gyi rnam par rtog pa med kyang // snang tshul la rnam par rtog pa'i 'du 'phro mtshan ma dang bcas pa 'byung ste/ sems can gyi blo'i dri mar gyur nas/ lung du ma bstan pa rnams la phyir snang ma nus te/ snang ba dang rkyen dang bcas pa'i phyir/ nga'i thugs la g.yos pa med kyang / sku'i mtshan nyid cir yang ngo ma shes nas/ sems can yul la 'dzin pa'o// rang byung gi ye shes dmigs pa ma dag pas/ yul can gyi shes pa rang snang ba'o// rdo rje'i ye shes 'gyur ba med par kun tu snang bas/ gzigs snang gi mtha' thams cad las 'das pa'o// rang 'byung gi ye shes thabs 'gag pa med par rang snang bas/ bdag tu rtogs pa'i blo dang bral nas/ ye shes kyi yul snang bar 'gyur ro// shes rab rang byung gi ye shes gzung 'dzin gyi mtha' la sa 'das nas/ bsam bral dngos dag go// de yang ye shes kyi rtsa la ma 'gags pas/ rigs drug ltar
- 360a
snang ba'o// de nas yang ye gas kyi l+h+wa mo snang ba'i sgron mas 'di skad ces gsol to// kye thugs rje rang byung gi rgyu dang ldan pa// khyad par gyi chos nyid gang lags gsung du gsol/ ces nus so// de nas thugs rje chen po des 'di skad ces bka' stsal to// e ma mi shes kyi lha mo nyan cig/ nga rang byung gi sangs rgyas la rnam rtog gi gnas med do// de ci'i phyir zhe na/ 'byung ba'i skyon dang bral ba'i phyir ro// nga rang snang gi shes rab la the tshom gyi mtha' med do// de ci'i phyir zhe na/ rang snang gi spyod pa ma 'gags pa'i phyir ro// nga rang shes rig gi rgyal po la phyogs ltung gi mtha' me do// de ci'i phyir zhe na/ rig pa nyid rkyen dang bral ba'i phyir ro// nga rang rig gi lha mo rgyan ma bkod par gsal ba la/ gsal 'grib kyi phyogs med do// de ci'i phyir zhe na/ ye shes kyi snang ba nyid ye nas gsal ba'i phyir ro// de'i phyir rigs kyi bung rang gi snang ba rnam par dag pa dang 'grogs par bya'o// de nas yang 'dus pa'i tshogs kyi nang nas/ ye shes kyi lha mo dbyings rig gsal ba'i sgron ma sa 'di skad ces zhus so// kye kye bcom ldan 'das thugs kyi
- 360b
dkyil 'khor dpal ldan pas/ thun mong yul gyi chos gang lags bstan du gsol/ zhes zhus so// de nas yang ston pa ye shes kyi skus bka' stsal pa/ kye ma ye shes kyi lha mo khyod nyon cig/ ngas thun mong gi snang ba'i chos nyid bstan gyis legs par nyon cig/ thun mong du snang ba'i chos nyid 'di lta ste/ phyi'o 'byung ba lnga nyid thun mong rang rgyud kyi chos yin te/ phyi snang ba'i 'byung ba thams cad rang gi rig pa nyid dang sbyor bas na/ thun mong gi chos yin te/ de yang dbye ba 'di lta ste/ sa'i mtshan nyid sra bar byed pa nyid kyang / rig pa'i ye shes skye 'jig dang bral bar sbyor/ rlung gi mtshan nyid 'degs par byed pa nyid kyang / rig pa'i ye shes thogs pa med pa dang sbyor/ me'i mtshan nyid sreg par byed pa nyid kyang / rig pa'i ye shes nyon mongs pa'i dbang du ma song ba dang sbyar/ chu'i mtshan nyid rlan par byed pa nyid kyang / rig pa'i ye shes yul kun la 'jug pa dang sbyar/ nam mkha'i mtshan nyid yangs pa nyid kyang / rig pa'i dbyings rgya ma chad pa dang sbyar ba'o// de nas 'dus pa'i tshogs de rnams kyis mgrin gcig tu 'di skad ces gsol to// kye kye bcom ldan 'das thugs rje dang thabs su ldan pas/
- 361a
bdag cag rnams la thabs kyi dkyil 'khor gsung du gsol/ ces zhu'o/ 1de nas yang bka' stsal b+hU/ e ma rigs kyi bu rnams mi yengs par nyon cig/ gsang sngags thabs kyi ye shes ngas bshad kyis/ ma yengs par nyon cig/ ye shes kyi ngo bo rtog med du yod kyang rtsa la sna tshogs su snang bas/ sems can gyi blo la dri ma dang bcas te/ rang gsal du ma ster bas thams cad bsgribs nas/ snang ba'i rjes su song ba'o// de yang shes rab kyi na chod na/ sgrib phyogs kyis mi sgrib par bstan par bstan pa'o// rang snang shes rab kyi sku ngo shes na/ chos thams cad kyi mdo dang rgyas pa shes par 'gyur te/ nyon mongs ye shes kyi sdung bar song ba'o// de nas 'dus pa'i tshogs de rnams kyang shin tu ngo mtshar ba mthong nas/ 'di skad ces bgros so// 'dra skad bdag gis thos nas go zhing shes nas rtogs pa'i dus gcig na/ rang rig pa thams cad kyi de bzhin nyid/ bcom ldan 'das dpal kun tu bzang po dang gnyis su med par snyoms par zhugs so// de yang cha yis ma gos pa'i pho brang chen po thugs tsati'i dkyil 'khor na gnas te/ gsung gi sprul pa grangs med pas
- 361b
'gro ba'i don byed do// thugs kyi dgongs pa gcig las ma g.yos pa nyid do// sku'i cho 'phrul cir yang ston pa nyid do// rang 'byung gi thabs cig gis ngo bo gang la thams cad du snang ba nyid do// cho 'phrul gyi ting nge 'dzin bsam gyis mi khyab pa nyid do// ye shes kyi dkyil 'khor kun tu ston pa nyid do// mdzes pa'i 'od zer phyogs bcur 'phro ba nyid do// snang ba'i 'du 'phro tsar yang ston pa nyid do// ye shes kyi thabs gang la yang ma 'gags pa nyid do// thugs kyi klong nas dgongs pa'i nyi zer shar ba nyid do// sangs rgyas kyi zhing khams sku mngon par snang ba nyid do// gsang ba'i sgron ma phyogs gang la yang mi gnas pa nyid do// shes rab kyi ngo bo gar yang thogs pa med pa nyid do// sku gsum gyi snang ba mtha' rnam par dag pa nyid do// chos nyid kyi dbyings rgya gang du yang ma chad pa nyid do// chos kyi sku'i snang ba phyogs gang du yang ma lhung ba nyid do// ye shes kyi sgo bzhi skye 'gag med par gsal ba nyid do// thig le'i 'du 'phro 'byung 'jug med par rtag pa nyid do// zhi ba'i sku la 'phel 'grib med par kun tu snang ba nyid do// gsang sngags kyi lam la thabs ma 'gags par snang ba nyid do// khro ba'i sku la rgyan med par sgeg pa nyid
- 362a
do// ye nas gnas pa'i thugs rje la 'gag pa med pa nyid do// lta ba rang byung gi ye shes la rtsis dang bral ba nyid do// chos can yul gyi snang ba kun tu mtha' yas pa nyid do// sku mi zad pa rgyan gyi 'khor lo rgyun du 'khor ba nyid do// spyod pa rmad byung gi ye shes kun dang 'thun pa nyid do// sgom pa rang gsal gyi ye shes ma g.yos pa nyid do// chos nyid mtha' bral gyi dgongs pa kun tu snang ba nyid do// yengs med rgyun gyi dam tshig sdom pa nyid do// bya bral gcig rdzogs kyi 'phrin las zin pa nyid do// mi 'dod rang byung gi yon tan rgyas pa nyid do// grags stong chos sku'i sgra la thug pa med pa nyid do// chos kyi sku'i mtshan nyid gar yang thogs pa med pa nyid do// rang gi ye shes kyi dkyil 'khor la 'phel 'grib med pa nyid do// da rang byang thabs kyi ye shes la tha dad med pa nyid do// sku'i dkyil 'khor kun nas 'byung ba nyid do// dus gnyis su snang ba med pa'i ye shes la dri ma med pa nyid do// thugs rje rang byung gi snang ba kun tu yangs pa nyid do// thugs rje rang byung gi dkyil 'khor 'od gsal ba nyid do// mtha' gar yang mi phyed pa'i yul 'byed pa med pa nyid do// thabs ma 'gags
- 362b
pa'i spyan gyis phyogs bcur gzigs pa nyid do// shes rab rang snang gi 'od zer phyogs med pa nyid do// gsang sngags thabs chen yongs su rdzogs pa nyid do// stong pa kun khyab kyi ye shes mtha' rnam par 'byed pa nyid do// rang rang gi thugs dgongs pa rtse gcig las ma g.yos pa nyid do// thugs rje'i sku rnam par 'byed pa nyid do// sangs rgyas kyi lam lnga la mkhas pa nyid do// sangs rgyas kyi dkyil 'khor lnga dang 'du 'bral med pa nyid do// thugs rje'i spyan lnga khong nas gsal ba nyid do// stong pa'i spyan nyid mkha' la spyod pa nyid do// thig le'i 'od lnga rang las byung ba nyid do// de bzhin gshegs pa thams cad kyi thugs rdo rje lta bu dang gnyis su med par thabs cig tu snyoms par zhugs so// zhes nor bu 'phra bkod chen po'i rgyud las/ gleng gzhi'i le'u ste dang po'o// // de nas rig kyi lha mo yis// bcom ldan rang rig don ldan la// 'dun pa'i tshig gis rab zhus pa// kye kye bcom ldan stobs ldan pa'i// rigs kyi lha mo'i tshogs rnams la/ rang gi gtan tshigs thabs ldan gsungs// de skad zhu ba zhus gyur nas// nam mkha' dag la rab gnas so// de nas rang rig bcom ldan 'das// nye ba'i
- 363a
'khor dang bcas pa yis// lha mo rnams la bka' stsal pa// kye ma sangs rgyas rjes gzung phyir// khyed la nga yis legs par bstan// ma yengs tshul gyi gus pas nyon// gtan tshogs thabs kyi yan lag kyang // bsam gyis mi khyab grangs mang yang // gsang sngags nges don gtan tshags 'di// 'byung ba 'gyur ba ma yin pas// gsang sngags gtan tshags khyed kyis zung // yang dag nges pa'i lung 'ad nyin// mdo don gtan tshigs rgyas bshad kyi// legs par nges pa'i don la nyon// drang ba'i theg pa rnam mang yang // nges pa don gyi mdo sde 'di// 'gra' yang 'byung ba ma bshad do// sangs rgyas ye shes lam 'dzin pas// nges pa'i lung 'di bka' stsal pa// sems can thar pa'i lam dang nye// ye shes dkyil 'khor rab bstan pa// mig mthong gsang ba'i sgron mar 'gyur// snang mdzad sems kyi gzung 'dzan las// the tshom blo yi spyod yul 'char// rnam rtog rab tu spang bya'i phyir// nges pa'i lung 'di rab bshad pas// theg pa dma' ba'i gang zag rnams// shin tu bred cing dngangs par 'gyur// rnam rtog blo yi dri ma rnams// rab tu
- 363b
dag pas gsal phyir 'gyur// yongs su rdzogs pas lam rgyal grub// 'di nyid 'dod rgyal ma yin te// gsang sngags che ba'i dgongs pa nyid// rang gi don la che bar bshad// gzhi rdzogs lam gsal 'bras bu snang bar 'gyur// theg pa'i mtho dman thams cad kyang // rang rang don la mi mthun pas// gsang ba'i don ni rtogs mi 'gyur// de yang ngo bo'i mtshan nyid dang // rang bzhin kun khyab nges tshig go/ thugs rje kun 'byung nyi zer la// gsang sngags thabs kyi lam nyid las// thabs kyi zhags pa sngar shar bas// 'dzin byed dbyings dang rig pa zin// thog med rnam grol rlung chen gyis// rang snang dag pa'i nam mkha' la// ma bskyod bzhin du de bzhin gshegs// rnam dag dbyings kyi pho brang na// ye shes rtogs pa'i me lnga yis// mtshan ma rtogs 'dzin sbyar sbyar ba sreg/ nyon mongs bzhi bcu thal bar brlag/ rnam rtog 'khor ba'i chu rgyun bcad// 'khor ba'i dri ma rab bsal bas// ye shes don la the/ tshom med// tha mar brgya las yang dag grol// 'dzin pa'i phur pa rang byung bas// 'khor ba yi ni rtod thag bcad// rang rig gsal ba'i mthong phye bas//
- 364a
gti mug 'khor ba'i mun pa sangs// snang ba thug phrad don dgongs kyis// thad ka'i shes pa don ldan 'gyur// thig le spyi tshangs rang gnas kyis// snang ba skye 'gag phyogs dang bral// yul sems gnyis med ting 'dzin gyis// dri ma gnyis kyi mtha' las grol// thams cad rang gsal chos nyid kyis// nyon mongs 'tshang ba'i mdud pa grol// gzhi rdzogs chos nyid dkyil 'khor gyis// sgo lnga'i g.yul la rnam par thar// tha dad thun mo nga ma yin pas/ shes bya'i yul la rnam par 'byed// dkyil 'khor ye shes rnam lnga yis// yang dag don la rnam par rol// skye shi med pa'i chos sku yis// rtogs 'dzin yul gyi dri ma sangs// gsang ba rgyun gyi thugs rje yis// gcod rong mun pa'i gting nas 'dren// shes rab yum gyi phyag rgya yis// 'dzin rtogs gnyis kyi mtha' dang bral// yangs pa'i chos nyid gsal mthong bas// 'khor ba'i zhe 'dod thabs kyis spangs// rang rig thabs kyi klong chen 'dis// ye shes gsal/ ba'i nyams ldan 'gyur// snang srid ye rgyal mthar thug gi/ rig pa'i rang mdangs mthong bar 'gyur// e ma sangs rgyas don ldan pa// ye shes rang la 'char bar
- 364b
'gyur// gzhi yi chos nyid rdzogs gyur nas// lam la 'bras bu thob par 'gyur// de yang ye shes lhun gnas pas// nges pa'i bden pa rab tu mthong // shes pa khyad kyis gang gnas pa// don ni gcig las ma g.yos kyang // rang snang dkyil 'khor lhun gyis grub// ye nas rang rig 'od gsal bas// rang snang 'ja' tshon rnam par 'phel// snang ba ye shes skur ldan pas// shes rab ye shes khong nas gsal// de nas snang dang gsal ba dang // rang bzhin kun tu khyab pa'o// gsang ba'i ye shes snang 'byung bas// 'khor ba'i mun pa rnam par bsal// tshig la shes rab rang gsal bas// 'bras bu dkyil 'khor nyag gcig gsal// theg pa gcig la don brjod pas// so so'i bzhed gzhung bsam mi khyab// a nu'i mos pa go 'byed phyir// rang rang 'od du bstan pa'o// de yang theg chen gsang ba las// yang dag nges pa'i lung rtogs pas// a nu man chad theg pa rnams// rtsol sems blo yi chos su bstan// rang gi don la mtha' yas kyang // gzhi la gcig las med par nges// theg pa theg pa zhes bya ba// gud na yod pa ma yin te// rig pa stobs dang ldan gyur na// theg
- 365a
pa zhes ni de la bya// rig pa stobs dang mi ldan na// sna tshogs theg pa bsam mi khyab// ye shes gcig dang 'du 'bral bas// gsang ba'i ye shes tshig las 'as// 'dzin pa'i phrar pas thams cad bzung // zhe 'dong 'khor ba'i sdug bsngal chos// bsam gyis mo khyab rgya cher snang // yul tu snang ba'i chos sku dang // sems can mos pa'i mtshan sku gnyis// mtshan ma'i phyogs su ma lhung na// khyad med gcig tu nga yis bshad// sku gcig sems can kun la snang // sku gcig 'gro don mthar 'byin pa'o// sku gcig snang ba kun tu ston// sku gtsug mtha' la mi gnas pa'o// rdo rje snying po ye shes sku// bsam gtan snying po'i tshig las 'das// mngon par byang chub sku nyid gsal// ye shes tshig tshe de gnyis snang bral// rdo rje'i 'dzin sku don mi 'gyur// mtha' gnyis mi gnas rang sa che// phyag rgya'i rdo rje 'gyur ba med// mi bskyod dkyil 'khor las byung ba'i// yang dag gzhung nyid rab bstan sku// thig le sna tshogs sku yi dbyig mtshan ldan dkyil 'khor sku gsum rdzogs/ bya ba med pas dbyings dang ldan// gcig las mi g.yo chos kyi sku// gnyis su ma yin rang snang yul// don dam
- 365b
kun rdzob gnyis las 'das// 'dzin pa'i mtha' gnyis rnam par spangs// dkyil 'khor rdo rje yid bzhin gter// mtha' las mi g.yo mnyam pa'i ngang // gol sgrib gnyis kyi rtog pa sangs// byas pas ma byung chos kyi sku// gzung bas mi zan chu zla 'dra// thugs rje thabs la rab snang bas// nyi ma dang ni zer bzhin no// shes rab rtsal gyis rab gnas pas// don gyi dkyil 'khor snang mtha' yas// sku yi sems nyid stong bdag med// ye shes phung po skye 'jig bral// bsam 'das chos nyid zhi ba ste// snang ba mtha' yas zhing du grol// rang byung sku gnyis rnam par dag/ stong pa nyid kyi dam tshig las// rig pa'i yul du rnam par snang // dper na sems can la la dag/ las la mngon par zhen pa ltar// chos nyid ngo bo ma mthong bas// chos spyod bcu la zhen par 'gyur// gsang ba'i / theg pa rtogs mi 'gyur// gsang sngags rang byung theg chen 'di// nyon mongs ye shes gnyis las 'das// stong zhing bdag med yul snang bral// dri ma gsum / las rab tu thar// yang dag gsang don gnyen po'o// e ma ho/ bde gshegs sangs rgyas mdzad spyod ni// dmigs med dkyil 'khor chen po las// dben
- 366a
na bzhin dang me long bzhin// gang rtogs pa las de ltar snang // ye shes rang gsal nyi shur ltar// snang ba'i dkyil 'khor 'od du gsal// shes rab ye shes las byung ba'i// snang ba'i sgron ma 'od 'bar zhing // khyab brda la'u ba chub ting 'dzin ni// gcig bzhin spros dang bsdu ba med// / rig pa'i khor yug phyogs dang bral// ye shes khur yug 'od du gsal// sgron ma khor yug dmigs pa med// mtha' gnyis gsang 'byed mun sangs nas// rnam rtog nyid las ye shes gsal// sangs rgyas zhing sbyong 'dren sel zhing // stong pa'i yul la rnam par 'das// tshig dang yi ge ltar snang ste// brtag par snang ba thams cad kun// dper na brag cha lta bur snang // rkyen du snang ba thams cad kun// rang snang tshag las 'das pa'i yul// snang dang mi snang gnyis med kyang // rjes su snang ba gang yang med// dper na nam mkha' bya lam bzhin// thog le nyag gcig rdzogs pa che// thig le 'od du rab tu snang // rdo rje'i dkyil 'khor 'od nyid las// sgron ma'i rang 'od nyid du 'gyur// rang byung don gyi snying po nyid// yod de yod pa ma yin pas// dngos po nyid kyi mtha' dang
- 366b
bral// med de med pa ma yin pas// til 'bru 'am ni nyungs 'bru la// mar nyid ye nas lhun grub bzhin// sems can lus ltar snang ba la// de bzhin gshegs pa'i sa bon ni// 'thun pa'i 'od dang rang chas bzhin// gnas nas lam zhugs sgo dag tu// rnam par 'thon nas don la spyod// nam mkhas gar khyab sems can te// rig pa'i don yang de tsam mo// de yang mtha' yas thug med de// rang gi ngo bo gcig tu gnas// rdzogs sangs rgyas ni rang rig nyid// ngo bo dus gsum 'gyur ba med// rang bzhin rtag tu 'gag pa med// thugs rjes kun la rab snang zhing // snang ba kun tu mtha' yas shing // dkyil 'byams rang snang thugs brtol nas// nyon mongs lnga yi dri ma rnams// tha dad nyid las rang rig sku// rgyun du snang bas rang byung zhing // gcig tu gsal bas 'gyur med zhing // rang rang tsat+ti rin chen na// mtshon ga 'od 'bar bum pa'i tshul// nang na ye shes me 'od 'bar// gzhal yas ye shes dus med snang // sku yi ngo bo re re las// gsung gi sprul pa grangs med cing // thugs kyi dgongs pa 'da' med cing // bsam pa med pa'i rig snang las// goms pa'i blo na reb brtan na// snang mdzad chen
- 367a
po lta bar 'gyur// snang ba'i ye shes 'od 'bar zhing // mthun 'jug thabs kyi spyod pa las// rang snang yul ni ji snyed pa// rtogs pa'i lta ba de tsam mo// sems can bsam pa ji tsam par// 'dul ba'i chos kyang de tsam mo// sems can rtog pa ma zad par// theg pa nyid kyang zad mi 'gyur gsang ba'i theg pa gcig yin kyang // sems can yul la tha dad snang // dper na rin chen gser nyid la// ser po rang bzhin lhun grub ltar// rang rig ye shes ngo bo la/ 'od gsal dkyil 'khor lhun gyis grub// ye shes lam la rab gnas shing // chos nyid yul gyi snang ba las// sangs rgyas 'od mi 'gyur ba yis// dang po sangs rgyas 'od srungs la// 'od snang don nyid rab tu zhus// 'od srungs chen pos bka' stsal pa// e ma ho/ yangs so chos nyid rnam dag par// che bo lta ba rmad po che// snang ngo rang snang dkyil 'khor nyid// yul dang yul med rnam par dag/ phyi dang nang med kun tu snang // stong dang mi stong tshig las 'das// 'od ni thug pa med par snang // sgra ni gcig pu bde ba che// yul ni stong khyab ye shes snang // lam ni kun snang 'gyur ba med// gsang ba'i lam nas rab byung nas//
- 367b
dngos bral stong pa'i ngang du thim// 'gyur med gcig pu'i ngo la brtag/ rang yul de las ma yengs na// chos can snang ba grangs med kyang // phyogs kyi snang ba gcig mthong na// thams cad skye med ngo bor rtogs// sems kyi 'du 'phro dza snyed pa// thams cad rang snang yin pa la// ma rig sgo lnga'i sbubs dag nas// ye shes 'thon par ma 'gyur nas// rang snang chos nyid ngo bor bsgribs// sangs rgyas nyid kyi rtog pa yang // rang snang nyid las ma 'das so// chos nyid yul gyi snang ba yang // 'od zer nyid las ma 'das te// rigs kyi yul la sa 'od du gsal// rdo rje sems dpa'i 'od nyid las// mthun pa'i phyogs la ltos pa med// sangs rgyas ye shes rang byung ni// lam dang chos nyid dkyil 'khor ldan// gcig la snang ba bsam mi khyab// rgyal ba'i sku nyid 'gag med pas// rgyal ba'i gsung la thug pa med// sku gsung thugs kyi snang ba ni// kun tu mtha' yas thug pa med// grangs dang tshig dang yul las 'das// chos dang chos min lta ba yang // mthun par snang ba tsam du zad// don gyi ye shes lngar ldan no// yangs pa'i grong khyer rdo rje mtha' yas zhing // dkyil 'khor pho brang nyid ni yangs pa'i bdag nyid 'dzin/
- 368a
phyogs dang rigs su 'dzin na yang dag lta ba min// nga dang bdag tu 'dzin na yang dag mthong ba min// yin dang min par rtogs na dgongs pa nyid ma rnyed// stong dang gsal bar 'dzin na chos phyir tshig la 'brengs// gsang ba grangs su 'dren na rig pa'i gnas ma rnyed// chos spyod lam du khyer na bden pa'i tshig ma mthong / mthong snang khyad du gsod na theg pa'i sgo ma mthong // bya byed 'bras bur 'dod na gsang sngags thabs ma rnyed// snang ba chog phyir 'brengs na dgos pa'i lam ma rnyed// yul dang sems su 'dzin na ting 'dzin drod ma thob// 'jig rten chags phyir 'brengs na chos nyid rtogs pa med// 'jig rten bya ba'i chos dang ma bral na// sangs rgyas dgongs pa rnyed par nga yis yongs ma bshad// rkyen dang rkyen med snang ba las// chos kyi sku dang lam nyid las// mthun pa'i phyogs nas par bltas pas// rang snang gzugs brnyan dkyil 'khor mthong // dri ma'i the tshom nang du chod// sa yi snang ba grangs med kyang // ye shes don la gcig las med// sku dang ye shes phyogs nyid nas// mtshan ma'i yul la phar bltas pas// snang ba'i drod tshad nyams su myong // rkyen snang dag pa'i yul dag nas// dmigs rkyen
- 368b
yul la phar bltas pas// rang gi bde chen khong du chud// phyogs kyi dri ma nyid las kyang // snang ba'i sgron ma rab gsal ba// 'bar ba nyid kyi thugs la shar// sangs rgyas thig le nyag gcig las// yul gyi rtog pa rnam par bas la// dri ma'i rkyen las rab tu grol// 'dus pa'i phyogs nas phar bltas pas// gcig mthong bden pa khong du chud// ye shes thabs la mkhas pa yis// phyag rgya 'da' med dam tshig las// 'gyur ba med pa'i lam du tshud// gsang ba'i theg pa'i yul du snang // lam gyi theg pa byed 'gyur ba// des ni pha rol sgrol mi nus// thugs rje'i theg pa 'di nyid las// dgongs pa'i don las ma 'das na// sangs rgyas rdo rje rab bstan pas// mi shigs rdo rje nyid du 'gyur// spyod pa'i rdo rje 'gag med pas// tshad med rdo rje ngo mtshar che// yang gsang lta ba'i rdo rje bstan// rtogs pa'i rdo rje gzi brjid che// thun mong rdo rje gsal ba che// sems can thams cad bsgral bya'i phyir// shes rab rnon po'i gri dag gis// ma lus thams cad bsgral bar bya// sangs rgyas zhing khams ma lus par// stong zhing bdag med yangs pa che// gsal 'tsher lhun sdug 'od zer 'bar// gsal 'byams klong
- 369a
yangs thig le'i ngang // gsal la bkod legs dpangs re mtho// sku brjid gsal bar rab tu snang // rtogs pa'i chos nyid mtha' yas shing // sems can las nyid ma zad kyang // gsang ba'i thabs ni bstan byas na// ye shes rang chas rnyed mthong 'gyur// rdzogs chen man ngag gsang don 'di/ yang dag med par snang rung med// yang dag yod na snang ba mthong // stong gsum 'jig rten sa stengs nas// chos nyid lam du rab gnas pa// byang chub nyid las kun 'byung zhing // so so'i gnas na sar spags nas// 'dzin pa'i bsam pa don las 'das// don gyi ye shes tshad ma med// snang ba'i dkyil 'khor thig le che// gsang sngags thabs la rab gnas pa// chos nyid yul la rnam par 'grub// bden pa'i dus na dkyil yangs shing // lam rgyal 'do ni ma bsgrubs gang gis 'grub// gang zhig rtogs pa'i don tshol na// chos nyid snang ba mthong bar 'gyur// las nyid rdo rjer bstan pa na// gcig gcig gis kyang thugs 'byung // ye nas rang bzhin 'od gsal bas// sku gsum rang bzhin snang bar shar// sku lnga ye nas rang dag pas// chos nyid yenas mtha' dbus med// gas
- 369b
sngags tshig dang ye bral bas// dgongs pa'i gzhag thabs don la thug/ rnam rtog mtshan ma ye med pas// gsal dang dro dang bsil snang ba'o// rkyen med ye shes rang snang yul la rnam par rol// yang dag gsang sngags tshig gi bden pa nyid// rang gi blo yi the tshom thams cad bsal// 'khor ba'i sdug bsngal lam las grol ba'o// zhes nor bu 'phra bkod chen po'i rgyud las/ thabs kyis 'dul thabs bstan pa'i le'u ste gnyis pa'o// // de nas rigs kyi lha mo 'od zer 'phreng ba can gyis 'di skad ces gsol to// kye kye/ bcom ldan kun tu bzang po rdo rje sems// khams gsum 'khor ba'i sems can la// rig byed gdams ngag bstan pa'i gnas// nye ba'i 'khor la gsung du gsol// de skad rab tu zhus nas kyang // bde ba'i stan la rab tu 'dug/ 'dzum pa'i gar dang rol mo yis// gtso bo nyid la rab tu mchod// de nas bcom ldan lha nyid kyis// lha mo mdzes pa'i tshogs rnams la// gsang ba'i nges don chos rnams bstan// kye tshe rigs kyi sems mnyon// nga yis gang zag rigs bshad kyis// khyod kyis sdom pa'i dkyil 'khor zung // don gyi snying po'i ye shes ni// mtha' gnyis
- 370a
la yang mi gnas te// don gcig kun tu ston par 'gyur// dkyil yang sa ye shes 'khor lor ldan// chos nyid ming las rab snang phyir// 'jig rten lta ba grangs mang yang // don 'di rtogs pa shin tu dka'// gsang sngags nyid la thabs spyod pa// gzhan 'byung chos la ltos med pa// rang snang chos nyid dkyil yangs pas// 'thun pa'i yul snang lam du snang // chos dbyings rgyan dang ldan byas nas// gsang sngags lam du yang dag su spyod pa// dmigs med/ yul gyi snang ba chos sku'i ngang // 'das dang ma 'das tshig gi lam// chos kyi sku ni mtshan ma'i tshig las 'das// dmigs pa'i yul la chos spyod kun tu spyod// rdo rje dbyangs mkhan ma nyid rab tu chos nyid zhing // kun 'byung snang ba chos nyid zhing la rol// rtogs dang ma rtogs tshig gi mtha' spyod kyang // 'das pa'i sku ni yul la snang 'byung bas// mtshon byed chos kyi sku yi snang ba las// mtha' yas tshig tu med pas don gnyis kun tu snang // spyod pa nyid la dpyad rgyu ga la yod// gas/ ba'i ye shes kun tu snang ba de// chos sku thig le'i klong du ye gnas pas// rtog med bsam gtan nyid las bsam du med// sangs rgyas sku ni kun tu gsal mdzes
- 370b
ldan// ming yang sna tshogs mtshan ma'i yul med cing // chos dang chos min snang ba 'dres shing mtshungs// thugs kyi dkyil 'khor snang ba kun ston pa// sems can rnams kyi snang ba dam pa ni// snang dang snang bar byed pa'i yul ma yin// mi snang ma yin chos kun rnam par dag/ rang snang yin pas gzugs sku mdzes skur ldan/ gcig pa ma yin rang snang kun tu yas// du ma ma yin brjod pa'i tshig dang bral// chos dang ye shes thabs mkhas rnam par rol// yi ge nyid las/ tshig tu yang dag brjod// gsang sngags rdo rje'i spyani rnam par snang // yul du snang ba'i chos sku 'gag pa med// chos kyi sku la dri ma rkyen dang bral// gsang ba'i ye shes tshig tu rab tu gsal// kun tu snang ba'i chos nyid skur gsal ba// rang snang ye shes chos sku'i cho 'phrul las// snang rung mi snang tshig phyir 'brangs pa de// rtogs dang ma rtogs tshig la mngon par gnas// chos sku ye shes ye nas gnas pa'i phyir// phyi nas bltas na nang gi chos nyid mthong // kye ma gsang ldan chos nyid dang // rdzogs chen rang snang 'byung ba kun gyi rtse// ye nas rang byung 'od gsal bas// snang ba chos sku'i longs spyod zhing // yin pas dngos po'i
- 371a
phyogs dang bral// gsang ba'i tshig las don 'byung phyir// dgyes pa chen po'i snang ba ni// rang rang snang ba don mtha' yas// spyod pa'i rgyu nyid ma nges pas// spyod pa'i rkyen nyid gsang sngags rgyud// e ma rgyu rkyen gnyis med pas// gsang sngags thabs la che chung med// phyi med nang med dngos bral nyid// kun gyi spyod yul min pa'i phyir// tshig gis gtan la phebs mi 'gyur// rtsol bral dgongs pa rang gnas pas// phyi med nang med dbyibs su med// ci yang yod pa ma yin te// cir yang grub pa nyid du bstan// gsang ba'i sku nyid kun tu khyab// snang ba med pa'i chos sku ni// yin min gnyis kyi mtha' las 'das// kye ma 'od kyi dkyil 'khor nas// bsam med rang snang sku lngar gsal// sku gsum rang bzhin rnam dag pas// sangs rgyas ye shes rgyan bzang ba// sku yi 'od nyid ma 'gags kun la rol// gsung gi zer la thug med 'phro// thugs kyi dgongs pa nyag gcig go// e ma rdo rje 'dzan pa'i sku// bsam yas lhun grub thug med cing / gang zag rnam gsum rdzogs chen snod du gsungs// rigs kyi bye brag bsam gyis mi khyab kyang // chos kyi dbyings la spyod dang ma dbyed med// nam
- 371b
mkha'i mtshan nyid ye nas ka dag pas// chos sku nyid la dngos po bsam pa med// phyi dang nang med yangs pa chen po la// yangs pa'i mtshan nyid mtha' bral dngos po med// rdzogs chen lta ba gsang 'dus dam pa 'di// theg pa'i skabs la grangs mang yang // gsang pa'i nges don gcig las med// chos nyid dkyil 'khor/ yangs pas na// gnas pa med pa'i sku gsung thugs// stong pa chen po chos kyi sku// 'das pas dmigs su ga la yod// rgyu dang rkyen du med pas na// stong dang mi stong gnyis las 'das// rdo rje sems dpa'i mtshon dpe ni// dri med dkar po zla ba'i mdog/ mun dang snang ba'i mtshams nas brtag/ nor bu 'od gsal dri med pas// snang ba kha dog lnga dang ldan// spu lnga so sor ma phye bas// mdun dang rgyab tu mi 'byed pas// snang gsal chos nyid 'od po che// gsal ba'i chos nyid kun tu 'bar// snang byed sgron ma kun gyi mchog/ stong pa chen po'i mkha' klong du// snang ba thams cad 'od du shar// shar ba de nyid dpag pa min// sus kyang gzung bar nus ma yin// gal te shes rab mig ldan pas// rang snang dri med zla rgyas bzhin// bzhin bzangs dkyil 'khor mthong gyur te// yengs
- 372a
med rdzogs chen bsgom pa'o// brjod med chos sku bsam 'das nyid// rig pas don la skye la mi nus// thabs mkhas chos sku rtogs med pas// mkha' la 'ja' tshon mdzes shar bas// rgya mtsho gting gi dkyil 'jam zhing // bar snang bzhin du 'od gsal mnyam// rdzogs chen rtse la rang snang bas// dma' ba'i rigs la drod med cing // rdzogs chen chos su rnam par dag/ gsang sngags thabs mkhas nges rdzogs 'di// rdzogs dang ma rdzogs gnyis las 'das// gcig dang gnyis su bgrang ba med// du ma rten dang dngos po bral// dri ma bzhi dang phra rags sangs// stong zhing bdag med mtshan ma med// stong pa'i mu la mi gnas pas// spyod pa'i dus na rang snang zhing // sa dang lam la mi gnas te// don gcig la yang gnas pa min// rdzogs lam byang chub nye gnas pas// thams cad gcig tu rab 'dus te// kun gyis gol ba yod ma yin// gal te gol ba rdzogs srid na// mtha' yas min te don/ gnyis las// gsang ba'i gsang sngags gab pa'i gnas// rig sngags gzungs sngags gtan tshigs rnams// rdzogs pa'i gsang don 'di la 'dus//
- 372b
de yang ngo bo rang gnas pas// bya byed med par rang sar dag/ 'dzin chags med par cig char rdzogs// gsal ba ma yin mngon gnas pa// rang rdzogs nyid du rnam dag pas// zhes nor bu 'phra bkod chen po'i rgyud las/ mtshon dpe dkyil 'khor gyi le'u ste gsum pa'o// // de nas lha mo snyan ma'i blo gros zhes bya ba des 'di skad ces gsol to// kye kye bcom ldan rdo rje sems// yang dag gsang ba'i lung ston cig/ de skad rab tu zhus pa dang // bcom ldan rdo rje sems dpa' yis// nye ba'i 'khor la bka' stsal pa// kye ma nye ba'i 'khor rnams nga la nyon// gsang sngags gtan tshigs grangs mang yang // legs pa'i don ni gcig las med// rang gi rig pa'i gnas lugs ni// mdo nyid 'gags pa ma yin pas// ye shes ma dang bu yi tshul du rab tu gnas// sems dang ye shes dngos po'i don mi rtogs// sems ni bag chags kun gyi rtsa ba ste// sems can kun gyi dri ma dang por bstan// yid ni rlung dang 'dra ste// bag chags gnas su sdud// sems can kun gyi dri ma gnyis par bshad// dbugs ni chu dang 'dra ste bag chags kun gyi gnas// sems can kun gyi dri ma
- 373a
/ gsum pa'o// dug+halpA m+me dang 'ang+gaste snang ba yul la marnyed// sems can kun gyi drim bzhi pa'o// 'gro ba kun la de bzhin rab tu gas chos kyi sku la dri ma ye dag pas// mtshan ma'i blo yi dri mag la yod// dri ma dag pa'i reg pa ye shes sku// rang rig byang chub mtshan ma dngos bral bas// rig pa'i ye shes ci yang ma yin no// gnang ba'i blo yi the tshom rab bsal nas// chos nyid dngos bral ting 'dzin thob par gsungs// rig pa'i ye shes rang snang 'od 'bar bAs/ byA brul snying po dri med chos spu'i don// nyams su blangs na bde chen ye shes 'byung // skye med rang snang chos nyid rang rig no// tha dad gcig tu sdud pa ma yin te// rig pa'i dkyil 'khor rnam dgu 'od gsal ba'o// e ma rung gsal chos nyid 'od gsal bas// mtha' la mi gnas dbyings la spyod// ci yang ma yin snying po che// 'gyur ba ma yin drang por gnas// stong pa ma yin 'od gsal zhing // gsal ba mtshan mar ka dag pas// dngos por 'dzin pa'i yul las 'das// yod pa ma yin 'dzin chags bral// med pa ma yin snying po gsum// gzhi rdzogs rnam dag 'od re gsal// gsal bzang thal lhun re sdug/
- 373b
b+ha barmad byung ngo mtshar che// 'gag med rang shar dang re spro// rdzogs pa kun snang gsal snang che// dmigs med pasam bral dkyil 'khor che// rdzogs chen man ngag grib bde// sangs rgyas nyag gcig thig le che// mtshan ma dngos thul yangs pa che// skye med rang byung sku lnga dag/ chos nyid klong yangs khod re snyoms thig le stong pa nyams re dga'// rdo rje rgyas 'debs bde ba che// gsang ba'i chos nyid klong re yangs// stong pa'i sku lnga 'od re gsal// bya ba rdzogs pa'i dkyil 'khor che// dmigs med bsam pa lhun grub pa'o// kye ma snying po rdo rje brjod las 'das// stong pa kun snang chos sku ni// tha snyad dri ma rab tu sangs// mthun snang chos skur rang snang zhing // rig pa'i skul 'gyur med pas// bya ba rdzogs pa'i 'od lnga yang // ye gnas lhun khyab chen por snang // 'od lnga'i rang gdangs ma 'gags pas// mtshan mar 'dzin pa'i rnam rtog rgyu// spyod lam thabs mkhas 'dzin chags bral// rdzogs pa'i klong du kun 'dus shar// rtogs med gsang ba'i chos kun rdzogs// yang dag chos nyid gcig med pa// sems can thol thug pa med// rang byung ye shes stong pa yangs// chos sku'i ye shes rdzogs
- 374a
sangs rgyas// rdzogs chen sgron ma 'od gsal bas// stong pa nyid kyi lam du 'gyur// sgron ma'i de nyid mngon rdzogs pas// gsang sngags lam la nye ring med// rang gi tsat+ti'i dkyil 'khor gyi// thig le nyag gcig rang rdzogs nas// ye nas gnas pa'i rdzogs chen don// gsang chen rdzogs pa'i klong du gnas// thig le stong pa'i sgron me dang // rang byung dbyings kyi sgron me gnyis// stong dang mi stong mtha' las 'das// rtsol ba med par mngon gnas pa'i// / snang ba rdzogs phyir rang gnas shing // chos nyid mi 'bral dbyibs las 'das// rig pa'i ye shes sku mnga' ba// rang snang 'od kyi dkyil yangs nas// 'dzin chags bral ba'i rang snang yul// chos kyi bsam pa rab spangs pas// rdzong du rdo rje'i mkhar brtsigs pa// cis kyang mi shigs rdo rje che// rdo rje'i mkhar la skye 'jig med// stong pa dngos po'i yul dang bral// phyogs med rnam par dag pas na// don dam kun rdzob gnyis su med// don ni rang gi rig pa la// rtags ni mngon snang smra dang bcas// snying po don dam 'gyur ba med// gsal 'tsher lhun thug 'od gsal bas// bde ba snying po dngos nyid las// sa bon rdo rje'i rgyu rkyen
- 374b
bral// rdzogs pa'i don las mi 'da' zhing // thabs mkhas stong pa'i dkyil na gnas// rig pa'i ye shes dngos po yang // sems can kun la rab gnas pas// kun gyis mthong bar dka' ba'i don// nga yis rab tu bshad par bya'o// e ma rig pa'i gnas lugs ni// rang rang tsat+ta'i dkyil na gnas// yab yum gnyis kyi cha 'dzin pa'i// thabs dang shes rab tshul du gnas// yab kyi cha 'dzani thabs kyi sku// yum gyi cha 'dzin shes rab sku// 'od dang 'od zer tshul du gnas// dbyings dang rig pas rang brgyan te// lhun rdzogs thig le chen por gnas// lta ba'i dngos po 'gyur med sku ltar gnas// sgom pa'i dngos po rtog med 'od ltar gnas// spyod pa'i dngos po stong dang gsal bar gnas// 'bras bu'i dngos po gzhi rdzogs ka dag gnas// rang gsal rig pa 'od gsal mnyam pa'i ngang // 'dzin chags bral ba'i rdzogs chen gsang sngags che// de ni zhi ba'i bzhugs tshul lo// thig le bzhugs tshul bstan pa 'di lta ste// rtsa rnams nang na thig len slu ltar gnas// che ba'i tshad ni nam mkha'i mtha' dang mnyam// chung ba'i tshad ni rta rnga bcur bshags tsam// gsal ba'i tshad na nyi zla'i dkyil 'khor 'dra// de yang
- 375a
gsal 'tsher gzi brjid ldan// 'gro dang 'od dang gnas pa'o// bya ba med pa'i 'gro 'ong can// rdzogs pa gzhi la rang rdzogs la// lam du thig le mngon par snang // lta ba 'od gsal ngang la rol// sgom pa nyi zla'i zer ltar 'phro// spyod pa rnam dag 'od gsal ba'o// rang rang mgo la khro bor gnas// yab dang yum du mngon par snang // khro dang khro ba'i tshul 'chang zhing // ye shes lnga lnga dag dang ldan// sku yi ye shes re re la// dbu yi ye shes lnga lnga'o// lta ba 'gag med zang thal lo// sgom pa sgom med mnyam par gnas// spyod pa 'gag med rol par 'char// 'bras bu dbyings dang rig par ldan// de nas sgo la thon pa'i tshe// dbyings kyi rang bzhin shes rab sku// rig pa'i rang bzhin thabs kyi sku// 'du 'bral med par mngon snang ba'o// ma 'gags 'gag med snyang po che/ brjid pa'i sku ltar mi gnas te// ngo bo rnam dag ye shes brdal ba nyid// stong pa chen po'i chos nyid yul la rol// gsal ba zang thal chos sku ngo bos stong // stong pa'i dus na rang bzhin ma nges te// sku dang ye shes dkyil 'khor rtogs pa med// thabs dang shes rab don la 'gyur ba med// stong pa'i
- 375b
sgron ma bya btsal gnyis dang bral// thugs rje 'byung ba sgron ma nyi zer bzhin// sgron ma'i 'od zer gting la thug pa med// gsang ba'i 'od ni tsat+ta'i nang du gsal// rang bzhin 'od ni nam mkha'i mthongs na gsal// dkyil 'khor rang rdzogs 'od ni/ de bzhin no// zhes nor bu 'phra bkod chen po'i rgyud las/ snang ba'i ye shes ngos 'dzin pa'i le'u ste bzhi pa'o// // de nas lha mo dbyangs mkhan ma zhes bya ba des 'di skad ces gsol to// rkye skye bcom ldan rdo rje'i sems// dmigs pa med pa'i phyogs dag nas// chos nyid rang snang don brjod pa'i// bdag cag rnams la gsung du gsol// de nas bcom ldan rdo rje sems dpa' yis// mos pa'i 'khor la bka' stsal pa// kye ma mos pa'i 'khor rnams nyon// nga yis rang rig chos bstan gyis// khyed kyis rtog med yid kyis nyon// sems kyi sdug bsngal ji snyed pa// bskal ba'i bar du thar sa med// de nyid spang bar bya ba'i phyir// sangs rgyas 'od dpag med pa yi// don dam rig pa'i klong yangs nas// brjod med tshig bstan ngo mtshar che// nga yi sku la 'gyur med kyang // nga yi snang ba phyogs bcur
- 376a
snad/ nga yi chos nyid rang snang yang // mun pa'i phyogs kyis yong mi brlag/ sems can snang ba bsam mi khyab// rnam drug ldan pa'i yul dag nas// rkyen lnga rnam par 'phros pa yis// sems kyi grogs ni bzhi dag las// blo yi snang ba drug tu shar// rnam pa'i yul lnga rab tu bzung // bcu drug gam ni gsum dag gis// dri ma stong pa yas pa'am// yang na stong phrag brgyad cu'o// snang ba dri ma gnyis dag las// ngar 'dzin dri ma gnyis su snang / chos kyi dri ma bzhi dag las// rnam pa'i dri ma lngar snang ba'o// mthun pa'i mun pa sum 'gyur ro// snang ba las ni mun pa 'byung // mun las snang ba nyid kyang bstan// blo yi spyod pa drug nyid las// rkyen ni dgu'am brgyad du bstan// dang po'i 'byung ba zhi gcig pa la// de na rnam pa bzhi dag las// 'dra ba'i bzhi las gol ba gnyis// de nas gsum mam lnga dag 'byung // mun pa'i chos nyid bsam yas te// stong pa'i mun pa de nyid kyis// nyi zer sprin bsgribs ji bzhin no// dngos po'i mun pa drug rnams ni// dper na mig mdzes rol mo bzhin// de nyid la'ang rab tu chags// 'khor nang lam ni lnga nyid do// /
- 376b
e ma ho/ de yang mun pa'i spyod pa rnams// nga yi snang ba 'di bstan pas// thams cad skye med mig dang nye// gol bar snang ba blo yin te// blo ya snang ba bsam mi khyab// snang ba'i ye shes sku 'bar ba// rim pa'i spyod pa ji snyed pa// snang ba rnam pa lnga dag gis// mun pa'i phyogs dag sel bar 'gyur// rdzogs pa'i lta ba rnam drug gis// dri ma'i phyogs dag sel bar 'gyur// dkyil yangs dbyings ldan rnam gnyis kyis// gol sa rnam gsum sel bar 'gyur// rang byung bzhag thabs rnam gsum gyis// bsgribs pa'i phyogs rnams sel bar 'gyur// rtogs pa'i rgyal po rnam dgu yis// rkyen lnga'i phyogs rnams sel bar 'gyur// stong gsal lam nyid lnga yis kyang // gsang ba'i mun gsum sel bar 'gyur// mun pa'i phyogs nyid thams cad kun// sgron ma 'bar ba gcig gam ni// shes rab dag pa'i sku gcig gis// thams cad ma lus sel bar 'gyur// chos nyid rang gi ngo bo na// gnas lugs rnam pa gsum la thug/ thugs kyi dgongs pa rtse gcig kyang // 'byung sa chen po gtsag la thug/ don gyi ye shes chen po yang // bskyal sa chen po gnyis la thug/ dri med
- 377a
rang snang chos sku yang // shar sa chen po gsum la thug/ 'dzin chags bral ba'i rang gdangs kyang // stong pa chen po'i lam la jug rdo rje sems dpa'i gsang don yang // dri ma dag pa gcig la thug/ rang bzhin dag pa'i chos sku yang // chags bral 'bras bu lnga la thug/ dngos 'das thog le nyag gcig kyang // chos sku'i gnas sa gsum la thug/ ye nas gnas pa'i rang gas la kyang // bcud kyi snying po gsum la thug/ rang rig gsal ba'i sgron ma yang // lta stangs chen po gsum la thug/ gsang ba'i ye shes rnam lnga yang // rdo rje gsang ba'i tshi ga la thug/ gsang ba'i chos sku chen po yang // chos sku'i gnang ba gnyis la thug/ rtags kyi ye shes mtshon gang yang // rang byung bsten pa gcig la thug/ sangs rgyas dgongs pa rang gnas de bzhin no// e ma ho/ rgya rkyen bral ba'i skad cig la// de ma thag tu rang la 'byung // mtshon pa'i ye shes ngo bo yang // 'byung ba'i rkyen bral rang la 'byung // brtag pa kun gyi chos rnams kun// gzung dang 'dzin pa gnyis med pas// gnyis snang yul du med pas na// bsam 'das ngo bo brjod las 'das// sku yi snang ba ye nas
- 377b
'gyur med kyang // ye shes thugs la 'khrul rtog ye nas med// gsang sngags thabs kyis ye shes kun spangs pa// thig le nyag gcig dgongs pa brjod las 'das// gsang sngags rgyal po rdo rje a yi bdag/ nang med nang nas rin chen mdzod snang ba// yengs med rgyun gyi dam tshig bsam 'das pa// snang mdzad 'phrul gyi me long dkyil 'khor nyid la blta 'dod na// sgron ma'i snang ba phyogs med 'char bar ltos// 'khor lo'i gzhal yas skye dang 'bri med pas// rang gsal thugs kyi rig pa nyid la ltos// rang bzhin chos kyi sku yi snang ba las// gzugs brnyan mtshan ma'i sku yi cho 'phrul ltos// ston pa rdo rje 'od dpag med pa yi// sangs rgyas kun gyi ye shes gdung gzung bas// skye med 'od gsal snang ba rang lus thob// kye ma gsang sngags nyid kyi lta ba'i gnas lugs las// rang bzhin nyid kyi snang ba rang snang bas// rdo rje sems dpa'i me long 'di bstan pas// ye shes spun gyis 'gro ba 'dren par 'gyur// sems kyi tshe 'phrul bsam 'das brjod med pas// thams dang shes rab 'du 'bral med pas na// gsang sngags thig le stong dang mi stong med// kye ma sangs rgyas sku ni/
- 378a
sna tshogs ma yin pas// ye shes snang ba gcig dang du ma med// che chung yul med shin tu bzung bar dka'// yang dag chen po'i gnas lugs de bzhin no// zhes nor bu 'phra bkod chen po'i rgyud las/ rang bzhin snang ba'i thugs bstan pa'i le'u ste lnga pa'o// / de nas ye shes kyi lha mo gsal ba'i rgyan ces bya bas 'di skad ces gsol to// kye kye bcom ldan rdo rje sems// rang snang chen po'i lta stangs gsungs// sangs rgyas kun gyi ye shes ni// don dam dang ni kun rdzob bo// spyi dang 'dres pa'i khyad par las// gsang sngags bzhugs tshul gsung du gsol// de nas bcom ldan rdo rje sems// zhi ba'i gdan las langs nas ni// las kyi snang ba'i cho 'phrul bstan// nges pa'i rgyud lung le'u 'di gsungs so// e ma lha mo brgyan ldan nyon// ngas bstan legs par yid la zung // sems kyi snang ba ji snyed pa// lam gyi spyod pa chen por spyad// rnam rtog las ni ji tsam par// rang snang chen po'i klong du bsgom// bsam byed 'du 'phro ji snyed pa// thabs kyi 'dren sgo chen por 'byung // chos nyid dag pa'i sku nyid kyang // snang mdzes sems
- 378b
kyi me long ltos// e ma/ dri ma gnyis su snang ba yang // ming tsam don la yod ma yin// nyon mongs yig drug spyod pa yang // mngon sum nyid la yod ma yin// sangs rgyas sku yi longs spyod kyang // rang snang nyid la yod ma yin// thig le rang 'od rnam lnga yang // rgyun du snang bar yod ma yin// yan lag drug ltar bshad pa yang // don dam nyid la yod ma yin// sems can 'phrul pa'i snang ba yang // gzhi snang nyid la yod ma yin// thabs kyi gsang ba chen po las/ sku ni rab tu skye med pas// rang snang chen por snang ba'o// zhes nor bu 'phra bkod chen po'i rgyud las/ 'khrul snang zhing khams su bstan pa'i le'u ste drug pa'o// // de nas yang bcom ldan 'das dpal rdo rje sems dpa' ting nge 'dzin la sa langs te/ snang ba chen pos phyogs thams cad du khyab par mdzad do// chos sku'i rol pa bsam gyis mi khyab par mdzad do// de nas ye shes kyi lha mo dbyangs mkhan mas 'di skad ces gsol to// kye ma yang dag par rdzogs pa'i sangs rgyas bcom ldan 'das thugs rje chen po dang ldan pa// rtsol ba can du 'gro ba'i gdams ngag ni gang lags
- 379a
mi 'gro ba'i gdams dag ni gang lags/ sem can rnams gang gis grol bar 'gyur/ bshad du gsol/ gsung du gsol/ lung bstan du gsol/ thabs dam pa mdzad du gsol/ ces zhus so// de nas yang bka' stsal pa// kye ma ye shes kyi lha mo khyod nyon cig ngas thabs kyis sgom 'gags par bstan gyis/ legs par nyon cig/ yang dag par rdzogs pa'i sangs rgyas la rtsol ba mi mnga'// rig pa'i sku nyid la rtsol ba mi mnga' bas/ bya byed dang bcas pa rnams kyis mi grol bar bstan/ bya byed las 'das pa rnams kyis grol bar bstan/ yang dag pa'i gdams ngag gis rang rig par mtshon par byed pa ni/ chos kyi sku rang rig pa'i ye shes mtha' gang la yang rag ma lus pa'o// rig pa ston pa'i thebs kun gyi thun mong ma yin pa 'dis yang dag pa'i sku mtshon pa'o// kye ma rigs kyi bu rang gi mig gi de kho na nyid snying po rdo rje'i sku lu gu rgyud du bstan pa ni/ mig gi de bzhin nyid sku gsum 'du 'bral med pa'i don rig pa rang gsal gyi dgongs pa ma bcos pa'i ye shes mkhas pas blta bar bya'o// rgyang zhags chu'i sgron ma la/ yang dag pa'i sangs
- 379b
rgyas rig pa lu gu rgyud kyi sku yongs su gsal lo// de yang dbyings dang rig pa'i du 'bral med par gnas te/ don gyis ma bsgribs par rang snang bas/ mig gis de kho na nyid kyi rang bzhin de nyid la gzung bar bya'o// de'i tshe rig pa'i snang ba ngo bo dang bcas pa de nyid/ rig pa cog bzhag gi lta ba dran par bya'o// rig pa de nyid rang gi/ 'dug tshul gyi dngos po nyid las ma g.yos par/ de yang de nyid la mig gi zur gyis blta bar bya'o// de nas rang gi dbyings kyi snang ba sku dang bcas pa gsal/ sangs rgyas thig le nyag gcig dgongs pa rang byung gi ye shes kyi ngang las ma g.yos na/ sangs rgyas thams cad kyi sku'i de bzhin nyid mthong bar 'gyur ro// de'i tshe glang po che'i lta stangs kyi dgongs pa la gnas shing / seng ge'i mchongs thabs kyis ngo bo 'gro tshugs su gzung bar bya'o// khyung nam mkha' la lding ba'i 'gros kyi rjes bcad na/ sangs rgyas thams cad kyi ngo bo de bzhin nyid mthong bar 'gyur ro// de'i tshe snang ba ye shes su bslangs pa'i gdams ngag la gnas par bya'o// de nas yang bcom ldan 'das rdo rje sems dpa' nyid la/ snang ba'i lha mo 'od zer kun ldan zhes bya bas 'di skad ces gsol to// kye kye bcom ldan
- 380a
'das yang dag par rdzogs pa'i sangs rgyas kyi dgongs pa la ngo span pas chog gam/ ngo sprad pa la dgos pa ci yod/ des grol ba lag sam zhes zhus so// de nas yang bka' stsal pa// kye ma 'khor gyi lha dang / mi dang / klu dang / byang chub sems dpa' rnams nyon cig/ yang dag par rdzogs pa'i sangs rgyas la ngo sprad du med do// sprad pa'i yul med do// ngos bzungs thams cad dang bral bas/ ngo sprad pa'i rgyu rkyen dang bral ba'o// ngo sprad pa la dgos ba ni gang yang med par bstan pa'o// rigs kyi bu rig pa'i de bzhin nyid/ mig gis de kho na nyid cog bzhag gcig gi lta ba shes na/ chos thams cad kyi spyi dang rang gi mtshan nyid shes par 'gyur ro// kye ma rigs kyi bu nga yongs su mya ngan las 'das pa'i 'og tu/ dus kyi snyigs ma lnga brgya tha ma'i dus su bslu bri byis pa'i ngang tshul can dag gis/ sangs rgyas kyi dgongs pa dpe la yid ches pa'i dus 'byung ste/ de'i tshe nga'i rgyud gsang ba 'di 'byung ba yin no// yang dag pa'i rig pa nyid la dpes mtshon du med do// rang bzhin gyi 'od lnga rang chas su yod pa la/ gzugs brnyan gyi 'od lnga bstan kyang sangs rgya bar mi 'gyur ro// ma chags pa'i chags pa chen pos
- 380b
ma spyad na/ rtsol ba dang bcas pa'i dpe ma byas pa'i chos nyid rnyed par mi 'gyur ro// rtsol bsgrub thams cad dang bral ba'i cog bzhag gcig gi ngang du ma shes na// rtog pa dang bcas pa'i yid kyis yang dag pa'i don rnyed par mi 'gyur ro// de nas yang zhus pa/ kye ma ston pa chen po/ rig pa'i ngo bo thabs gang gis mthong bar 'gyur/ lung bstan du gsol/ snang ba bstan du gsol// de nas yang bka' stsal pa// kye ma snang ba ston pa'i lha mo rnams nyon cig/ yang dag pa'i man ngag gi rtsol bsgrub thams cad dang bral ba ni/ mi snang ba'i snang ba chen po la mkhas par bya ste/ rig pa'i sku rnam par dag pa la rab tu blta bar bya ste/ sku med pa'i sku'i klong du thams cad 'ub chub par blta bar bya'o// sangs rgyas kyi sku gzigs snang thams cad bral kyang / rig pa'i sku mngon sum du gsal bas ye shes 'char nub med par bstan pa'o// rang snang chos nyid kyi snang ba dbyings rnam par dag pa'i sgron ma la gnas par bya ste/ de'i tshe sangs rgyas kyi zhing khams mngon par dga' ba mthong bar 'gyur ro// snang ba'i chos nyid de la byar med bya mi dgos/ btsal du med rtsol ba las 'das pa'o// rig pa'i gnas lug
- 381a
la mkhas par bya'o// rig pa'i 'gro sa nyid la phugs gtad do// rig pa'i 'gro sa nyid la gtsun par bya'o// rig pa'i gnas pa la gzer gdab par bya'o// rig pa'i bskya la sa chen po gcig gis la bzla bar bya'o// mthong ba'i sku'i snang ba la bstan pa tshig gi gzer gdeg par bya'o// rig pa'i rtsa la gsum lus la 'byongs par bya'o// snang ba'i 'char lugs gcig gi de bzhin nyid shes na/ chos thams cad kyi de bzhin nyid shes par 'gyur ro// rig pa'i lta stangs chen po gcig gi de bzhin nyid shes na/ chos thams cad kyi lta ba'i de bzhin nyid shes par 'gyur ro// sku'i gnas lugs gcig mthong na/ thams cad kyi gnas lugs mthong bar 'gyur ro// ye shes kyi 'char sa gcig gi don shes na/ chos kyi sku'i de bzhin nyid thams cad shes par 'gyur ro// rang rig pa'i sku gcig mthong na/ rig pa'i sku thams cad mthong bar 'gyur ro// rig pa'i sku'i snang ba thams cad rang sar grol cing / rang sar gnas shing / rang sa las gzhan du ma g.yos pa nyid do// sangs rgyas kyi ye shes kun tu snang zhing / gzhi snang chen po las ma bskyed pa'o// rig pa cog bzhag ni lta ba kun gyi bcud du phyung
- 381b
paba'o// de yang mig gi de bzhin nyid kyi 'dug stangs la gnas par bya'o// zhes nor bu 'phra bkod chen po'i rgyud gsang ba las// shin tu gsang ba gdams ngag gi le'u/ ste bdun pa'o// // de nas yang 'khor rnams kyis 'di skad ces gsol to// kye ma bcom ldan rdo rje 'chang // gsang sngags gsang ba'i gdam ngag ni/ bstan pa'i snod ni gang gang lags// bstan du mi rung gang dag lags// dpa' bo chen pos bka' stsol cig/ de nas rdo rje 'chang chen des// 'di skad rab tu bka' stsal to// kye ma nyon cig lha yi rigs// ngas bstan legs par yid la zung // snang ba'i dkyil 'khor chen po 'di// kun la bstan pa ma yin// te/ gsang ba thub pa 'ga' la bstan// gsang sngags gsang ba'i gdams pa 'di// bstan pa'i rigs ni 'di lta ste// gsang ba'i gnyer gtad thub par byed// gsang ba'i don la 'grus pa dang // shes rab blo rtsa la che ba dang // dam tshig sdom pa ldan par bstan// de nas khyad par 'khor rnams kyis// rdo rje 'chang/ la yang zhus pa// kye kye bcom ldan rdo rje 'chang // rdzogs chen man ngag gsang don 'di// rang gar bstan pa ma yin te// nges pa'i lung rgyal khu byug mchog/ 'di nyid
- 382a
bstan pa'i gang zag rnams// rigs dang spyod lam chen po dang // kha dog mtshan nyid gsung du gsol/ de nas bcom ldan rdo rje 'cha ting nge 'dzin las bzhengs nas ni// khyad par 'khor la bka' stsal pa// kye ma khyad par 'khor tshogs nyon// nga yis bstan gyis legs par nyon// rigs kyi khyad par 'di lta ste// rgyal rigs dang ni bram ze'i rigs// de bzhin rje rigs chen po dang // khyad par chen po'i ma rnams la// gsang sngags nges don bstan par gsungs// yang dag rigs byed kha dog brtag/ pho mo gnyis ni gang yang rung // kha dog 'di dang ldan pa na// rdzogs pa chen po'i snod du gsungs// yan lag rags shing kha dog gnag/ so nyid thags bzangs dkar la 'dril// mig rtsa yid tsam dmar ba dang // sgra yi mtshan nyid chen po yang // g.yas su 'khyil zhing kham nag mdog lus la bkur bsti chung ba dang // phyi yi spyod yul tha mal mdog/ tshig rnams shugs 'byung smra ba dang // yang na tshig gi rnam pa kun// gcig gis gang ltar smras pa ltar// skyes bu de yang de ltar smra// rdzogs chen gdams ngag bstan par gsungs// de rnams gcig la tshang ba na// shan pa'i rigs sam smad 'tshong rigs// phyag dar khrod
- 382b
ba'i rigs kyang rung // rigs ngan gang dag su yin kyang // gsang ba'i man ngag bcud 'di gtad// rgyu chung yo byad med pa na// rang gi yo byad sbyar nas kyang // lhag ma med par rab tu sbyin// gsang ba'i bcud gsum man ngag 'di// rigs dang kha dog brtag thabs rnams// ngan mya ngan 'das 'og tu// gsang ba'i man ngag yang bcud 'di// nges pa'i rgyal po 'di ltar bstan// de rnams ldan pa'i skyes bu la// gong gi gdams ngag bstan par bya'o// zhes nor bu 'phra bkod chen po'i rgyud gsang ba las/ gsang sngags sbyin pa'i snod bstan pa'i le'u ste brgyad pa'o// // de nas yang 'khor chen po de rnams kyis 'di skad ces gsol to// kye kye bcom ldan 'das rdo rje 'chang chen po/ yang dag par rdzogs pa'i sangs rgyas kyi dgongs pa'i don ji lta bu lags/ lung bstan du gsol/ ces zhus so// de nas yang bka' stsal pa/ e ma ho// nyon cig 'dus pa'i 'khor chen po rnams/ yang dag par rdzogs pa'i sangs rgyas kyi lta ba rang byung gi ye shes ni dang po gang gi phyogs su ma lhung bas/ snang ba'i dus na gang ltar yang lta zhing snang ba'o// rang snang gyi sku bsam pa las 'das te/ mngon sum gyi yul snang ba ma bkod par snang ba'o// rgyan dam pa'i ye shes sku 'od dang 'od zer du snang ba/
- 383a
de'i tshe sku'i snang ba rgya chen po dag mthong bar 'gyur ro// rig pa'i sku yul du med pa la yul ltar snang ba 'byung ste/ de'i tshe rdo rje 'dzin med kyi sku mthong bar bya'o// de nas yang 'dus pa'i 'khor gyis 'di skad ces gsol to// kye ma bcom ldan 'das thugs rje chen po dang ldan pa/ yang dag pa'i lta ba rang rig pa'i ye shes sku rdo rje'i gnas lugs gsung du gsol/ de nas yang bka' stsal pa/ kye 'dus pa'i 'khor rnams nyon/ yul las 'das pa'i dbyings ngo ma shes na/ rig pa'i gnas stong par 'gyur ro// de yang yul las 'das pa'i dbyings/ 'byung ba las 'das pa'i rang mdangs/ mtshon pa las 'das pa'i rang snang ngo // sems las 'das pa'i rig pa ngo ma shes na/ chos thams cad kyi 'bras bu brlag par 'gyur/ de yang rig pa rang snang gi ye shes tshig las 'das pa/ stong pa kun khyab kyi ye shes snang ba las 'das pa/ rang byung stobs kyi rig pa 'dzin pa las 'das pa'o// rig pa ye shes kyi sku la mtshan ma'i yul med pas rang snang zhing / rang gi don las ma 'das pa'o// kye ma rig pa'i sku la 'gyur byed med kyang / bzung ba dka' ba ni smig rgyu lta bur snang / gsang ba'i gnas na gnas pa'i rig pa ngo bo snying po rdo rje'i lus can mthong ba'i tshe/
- 383b
sangs rgyas thams cad kyi sku'i snang ba 'char te/ mthong ba'i yul rnam par dag na/ dmigs pa can ye shes su 'char ba zhes bya'o// de yang sku'i snang ba nyid du mar med cing du ma dang bral ba'o// zhes nor bu 'phra bkod chen po'i rgyud gsang ba las/ rang bzhin kun snang du bstan pa'i le'u ste dgu pa'o// // de nas yang 'dus pa'i 'khor rnams kyis 'di skad ces gsol to// kye kye bcom ldan rdo rje 'chang // rang snang chen po'i lta stangs rnams// mos pa'i 'khor la gsung du gsol// de nas rdo rje 'chang chen des// ting nge 'dzin las bzhengs nas ni// nye ba'i 'khor la bka' stsal pa// kyem nyon cig rang bzhin lha mo rnams// yang dag nges pa'i lung rgyal 'di// kun gyi spyod yul ma yin te// gsang sngags lta ba'i gnas lugs ni// gcig tu med la du mar med// gsang ba'i rig pa rang snang ni// rang rig lta ba'i rgyun gyi sku// thig le/ nyag gcig brtag dka' bas// gsang sngags ye shes yongs su rdzogs// lta ba'i snang ba cig char bas// gsang ba'i sku las 'od byung bas// 'gro ba'i rig pa mi gsal bas// dri ma med pa'i dbyings rig ni// 'du 'bral med pa'i ngang du rdzogs// yongs rdzogs sku ni 'or du 'bar// chos kyi sku ni snang ba las// sku gsum
- 384a
snang ba dus gcig rdzogs// rang gsal thabs kyi ye shes sku// rang rig cog bzhag lta ba ni// ma yengs dang la tsar snang gsal// du ma cig char rdzogs pa bde// rang snang thabs kyi rgyun du snang // sku gsung thugs kyi ye shes ni// mtshon byed spros pa med pas na// gnas pa'i dus na sku ltar snang // 'char ba'i dus na ye shes te// rgyun du snang lugs de bzhin no// de yang snang lugs sku yi dbyibs// gcig dang gnyis su lta ba la// rang rdzogs snang ba chen po ni// bdag gzhan gnyis kyi mtha' 'das na// rig pa ma dang 'phrad pa'i rtags// ye shes rgyun gyi dam tshig ni// brtags par snang ba thams cad kun// ma bcos chos kyi dbyings su lta// ka dag dri ma med pa'i rig pa ni// sku las yang dag dbyings su thim// rig pa'i me long lta shes na// chos nyid dbyings snang ma 'gags gsal// rig pa'i sku nyid lta 'dod na// dri ma sangs pa'i nam mkha' ltos// rkyen nyid rang du lta 'dod na// mtha' yas sku yi klong du ltos// 'phro zhing sdud med lta 'dod na// chos nyid dbyings kyi rgyan du ltos// rang bzhin gzugs la lta 'dod na// dri med dbyings rig gnyis la ltos// sku yi 'od zer lta 'dod na// bya byed med pa'i ngang du ltos
- 384b
de ni rdzogs chen lta stangs so// de nas yang dag nges pa'i lung // 'di nyid dron gyis bkrol te gsungs// rang bzhin nyid kyi snang ba la// ngo bo nyid kyi skur shar bas// 'dzin med dang du rang rig gsal// spros pa med pa'i chos dbyings la// 'dzin chags med pa'i 'od snang bas// lta ba med pa'i lta ba yis// phyogs ros med pa'i nang du 'ub// rang byung dgongs pa'i bzhag sa ni// du ma rang grol dang du 'ub// rdzogs pa chen po'i rig pa nyid// mgon po dri ma med pa las// mtha' yi mun pa rang rig gsung // chos nyid gsung gi rol pa las// rdul med dri mi rang sar grol// sku ni sna tshogs dag pa na// sku gsung thugs kyi dkyil 'khor rdzogs/ don dam bsam 'das lhun grub pas// chos kyi sku yi rgyud nyid las// sems can kun gyi rang lus rdzogs// chos nyid gsal ba'i gsal lam las// rig pa'i sku las 'du 'bral med// byed pa'i rgyu nyid gnyis ltar snang // snang ba'i rgyu nyid gcig las med// dri med dag pa'i sangs rgyas la// rgyu mthun nyid du bya ba min// spros med tshig ni sna tshogs rdzogs// seng ge rtsa la rdzogs chen po yi// lta stangs chen por bshad pa'o// zhes nor bu'aphra bkod chen po'i rgyud las//
- 385a
rdugs can sa stangs smraskrun pa'i lanabacu pa/ de nas yang sgyu mamab+hA'i mtshan can gyis 'dus nas kyusmra to// kye kye bcom ldan rdo rje 'chang // rang rig gnas tshul gsung du gsol// de skad rab tu zhus pa dang // bcom ldan nyid kyis bka' stsal pa// nyon cig ye shes lha mo khyod// da yis snang ba'i don bstan gyis// som nyi yid gnyis rab spongs la// ma yengs gus pa'i tshul gyis nyon// gsang sngags kun gyi lta ba ni// byed pa ma yin bya ba min// gsang ba'i ngang du kun rdzogs pas// rgyun gyi byed pa yongs kyis med// nang med nang gi dngos po las// phyi nang gnyis ka phyi nyid nang // yod med stong pa nyid yin pas// rang bzhin snang ba thad ka la// chos kyi sku yi mun pa sangs// chos kyi sku ni gcig yin pas// bya byed dri mo gnyis las 'das// rig pa'i snang ba rang rdzogs pas// chos kyi me long bzhin snang bas// gsal ba'i 'od ni sna tshogs 'byung // dri ma gsum las rab 'das pas// dper na nam mkha' sprin med bzhin// snang dang mi snang mtha' las 'das// sangs rgyas chos la mi gnas pas// rnam
- 385b
rtog dri ma'i skyon dang bral// sku gsum rang rdzogs chos nyid ni// byed pa ma yin rang sar grol// chos sku dri ma mi gnas pas// 'dzin med thig le rnam par dag/ thig le nyag gcig snang ba las// rtogs pa'i yid ni ga la yod// dbyings kyi sgron ma'i rgyan bzang las// chos nyid yul gyi snang ba shar// sna tshogs snang ba bsam mi khyab// kye kye rang snang lha mo nyon// nga yi chos la tshig med pas// stong pa'i phyogs la rab gnas shing // nyi tshe phyam chad ma yin pas// dngos po yod pa nyid las 'das// ngal chos dang sems med pas// stong pa nyid du bdag mi lta// 'dzin chags spyod pa'i yul las 'das// sems las/ sangs rgyas mi 'byung bas// 'khor ba'i rtsa ba nga mi bsgrub// chos kyi sku la yul med pas// kha dog lnga po su zhig bya// rig pa'i sku la rang snang bas// ngo spod nyi shus su zhig grol// rang rig sku la bltar med pas// dri med dag pa chen po'o// zhes nor bu 'phra bkod chen po'i rgyud las/ snang ba ye shes su bslang ba'i le'u ste bcu gcig pa'o// // de nas yang gsang ba'i rigs kyi rdo rje mkha' 'gro mas/ rdo rje 'chang chen po la 'di skad ces gsol
- 386a
to// kye kye bcom ldan rdo rje 'chang // rdzogs pa'i sgra ni bsam yas pa// gcig gis bsdu ba gsung du gsol// de nas rdo rje 'chang chen des// nye ba'i 'khor la bka' stsal pa// rdo rje rigs kyi mkha' 'gro ma// lta ba gsang ba'i sngags brjod kyis// ma yengs pa yi gus pas nyon// kye kye rdo rje 'dzin ma'i tshogs// bya ba mi bya byed pa spangs// bsgrub pa mi bya sngags kyi tshig mi bzlas// chos la mi dpyad dran pa'i rjes su min// yid la rtog pa rnam mang ste// rang snang gcig las med par gsungs// sna tshogs sku ni bsam yas te// ye shes sku gcig bstan pa yis// thams cad rang rig grogs su 'gyur// e ma ho rab tu snang ba yi// sku yi 'od ni brjod las 'das// mtshan ma'i yul ni ka dag pas// dri ma'i phyogs kyis nga mi sgrib// ngal skye dang 'tsho med pas// dge ba'i phyogs kyis nga mi skyob// nga la lus sems gnyis med pas// sdig pas nga yi sku mi sgrib// rang rig ye shes 'od gsal bas/ 'khor ba'i mun pas nga mi sgrib// ngal zhe sdang sems med pas// zhi gnas lhag mthong su zhig 'dod// nga la 'dzin pa'i phyogs med pas// rtog pa'i
- 386b
bsam pa'i mtha' mi rnyed// hA ha chos med pa las chos nyid 'byung // yul med pa las yul ltar snang // chos med shes rab 'khor gsal bas// dran byed yul du med pa'o// e ma ho/ chos las 'das pa'i sgra ngo ma shes na/ rig pa lu gu rgyud kyi sku la ltos shig/ chos thams cad kyi ye shes ngo shes par 'dod na/ yid rang byung gi ye shes la dris shig/ sangs rgyas thams cad kyi sku'i snang ba ltar 'dod no/ rig pa ma 'byed pa'i sku ngos zung zhig/ chos nyid yul gyi snang ba la gtan tshogs kyi gzer thebs par 'dod na/ ye shes mkha' gsal gyi snang ba la ltos shig/ de bzhin du sku'i snang ba la rtag tu ltos shig/ ces nor bu 'phra bkod chen po'i rgyud gsang ba las/ chos la sangs rgyas mi 'byung bar bstan pa'i le'u ste bcu gnyis pa'o// / de nas yang rin chen rigs kyi mkha' 'gro mas 'di skad ces gsol to// kye kye bcom ldan 'das rdo rje 'chang chen po// rig pa'i snang ba dang sku'i mtshan nyid ji lta bu gsung du gsol// de nas yang bka' stsal pa/ kye kye rin chen rigs kyi mkha' 'gro ma 'khor bye ba dang bcas pa nyon/ yang dag pa'i rig pa spyan
- 387a
lnga'i de bzhin nyid thob par 'dod na/ rig pa rdo rje lu gu rgyud kyi sku la ltos shig/ de yang rig pa'i sgra de mngon sum du snang zhing / mngon sum la rab tu gnas pas/ sha'i spyan gyis mngon sum du mthong byed ma 'gags pa'o// de'i don las phyi nang gi dngos po thams cad rtogs pa ni/ shes rab kyi spyan thob pa'o// de la phyi nang gi chos rdzogs shing shar ba ni/ chos kyi spyan gyis thams cad sdud shes pa'o// de don ma 'gags par shes shing / chos thams cad kyi de bzhin nyid shes pa ni/ thams cad mkhyen pa'i spyan gyis thams cad mkhyen cing thams cad gzigs pa'o// de la yang mi gnas par rig pa'i sku de nyid las gzhan du ma yed pa ni/ rnam par grol ba'i ye shes mthong ba'i spyan rnam par dag pa'o// de'i phyir na spyan lnga'i de bzhin nyid rig pa rdo rje lu gu rgyud kyi sku la thug go/ skye shi med pa'i srog 'dzin par 'dod na/ rdo rje lu gu rgyud kyi lta stostengs la thug go// 'gag pa med par rang grol bar 'dod na/ lu gu rgyud kyi snang ba la thugs dmigs pa med par mtshan ma'i chos zil gyis gnon par 'dod na/ lu gu rgyud kyi ye shes la ltos shig/ du ma med par gcig la lta bar 'dod na/ lu gu rgyud kyi snang
- 387b
bal ltos shig/ dran pa med par chos kyi sku la lta bar 'dod na/ lu gu rgyud dngos la ltos shig/ phyi nang gi chos thams cad shes par 'dod na/ lu gu rgyud rgya rlung rgyu ba la ltos shig/ gnas pa med par sku la lta bar 'dod na/ rdo rje lu gu rgyud kyi rang snang la ltos shig/ mtshan ma'i chos nyid rang snang du lta bar 'dod na/ chos nyid lu gu rgyud kyi sku la ltos shig/ gsang sngags thams cad kyi thugs lta bar 'dod na/ rdo rje lu gu rgyud kyi sku la ltos shig/ sangs rgyas thams cad kyi dgo/ pa thugs su chud par 'dod na/ rdo rje lu gu rgyud dang ma bral cig/ chos thams cad kyi mdo dang rgyas pa shes par 'dod na/ rdo rje lu gu rgyud kyi sku'i 'dug tshul la ltos shig/ gsang ba ye shes thams cad la mkhas par 'dod na/ rdo rje lu gu rgyud kyi zer la ltos shig/ lta ba dang sgom pa spyod pa gsum 'du 'bral med par 'dod na/ rdo rje lu gu rgyud kyi sku las ma yengs shig/ chos thams cad kyi gzhal yas khang 'dzin par 'dod na/ dbyings dang rig pa'i don khong du chud cig/ rdo rje sems dpa'i gdung 'dzin par 'dod na/ rig pa rdo rje lu gu rgyud kyi sku dang ma bral cig/ snang ba thams cad 'od gsal du 'char bar 'dod na/ rdo rje lu gu rgyud kyi
- 388a
ye shes la mkhas par gyis shig/ kye ma yang dag par rdzogs pa'i sangs rgyas sku thams cad kyi mnga' bdag kyang rdo rje lu gu rgyud la thug go/ rang byung gi ye shes thams cad kyi de bzhin nyid snang ba'i 'gro sa ni/ rdo rje lu gu rgyud dang nam mkha' rnam par dag pa la thug go/ zhes nor bu 'phra bkod chen po'i rgyud gsang ba las/ sku thams cad kyi 'dus sa bstan pa'i le'u ste bcu gsum pa'o// // de nas yang pad+ma rigs kyi mkha' 'gro ma rnams kyis 'di skad ces gsol to// kye kye bcom ldan rdo rje 'chang // gsang sngags kun gyi gnas pa'i sa// mos pa'i 'khor la snang bar mdzod// de nas rdo rje 'chang ba yis// nye ba'i 'khor la bka' stsal pa// kye ma nyon cig pad+ma rigs// nga yis don chen rab bstan gyis// khyed kyis nges pa'i yid kyis zung // gsang sngags kun gyi gnas tshul ni// rin chen zur brgyad gzhal yas dang // 'gyur byed rtsa yi gzhal yas dang // dung khang ban d+ha'i gzhal yas dang // lta byed mig gi gzhal yas so// gzhal yas chen po de bzhin// gsang sngags kun gyi gsang chen gnas// rang rig skul g.yo ba med// sgo nas lam du rab byung nas// mkha' mnyam stong pa'i ngang du thim// rig pa'i ngo bo de nyid la// 'gag med zang thal gnas pa'i
- 388b
dpe// dper na rgya mtsho dngas pa la// gza' dang skar ma shar ba bzhin// bag la nyal ba'i dus med par// sna tshogs zang thal chen por gnas// don gyi ye shes cir snang yang // ngang du rdzogs shing ngang las byung // gnas tshul chen po de nyid las// lta ba'i don nyid lu gu rgyud// chos can snang ba grangs med kyang // chos nyid don la gcig las med// e ma lta brgyun gyi rnal 'byor gyis// de yi don la 'gyur med lta// de yang lu gu rgyud kyi sku// mngon du snang zhing bzung ba dka'// lta ba rgyun gyi rnal 'byor gyis// de yi don la ma yengs na// bag la nyal dang ma nyal med// nyin mo snang dang mtshan mo nub// gnyis su snang ba yod ma yin// spyod pa'i rgyun gyi rnal 'byor gyis// lu gu rgyud kyi ngo bo dang // dus bzhi nyid du ma bral na// spyod pa rgyun gyi rnal 'byor yin// rang rig sgom pa'i rgyu med kyang // sgom pa rgyun gyi rnal 'byor 'byung // dus dang dus min thams cad du// lu gu rgyud dang ma bral na// sgom pa rgyun gyi rnal 'byor yin// de ni rang rig khyer sor bstan// e ma hoHlta ba rgyun gyi rnal 'byor la// gol sa rnam pa gsum yod de// stong pa nyid la bltas pa na// gzugs/ med skye mched mu bzhir gol// dngos po nyid du bltas pa na// gzugs khams gnas rigs bcu bdun dang // bems po lta bur gol bar 'gyur// lu gu rgyud kyi snang ba la// brtag pa nyid
- 389a
du rab bltas na// chags pa chen pos bcings gyur nas// 'gro drug gnas su gol bar 'gyur// spyod pa rgyun gyi rnal 'byor la// gol sa rnam pa gsum yod de/ 'di ltar snang ba thams cad la// smyon pa lta bur spyad byas na// lha ma yin du gol bar 'gyur// bung ba lta bur spyad byas na// nam mkha' lta bur mtha' yas gol// don med tshig res spyad byas na// / 'jig tshogs lta bar grol bar 'gyur// tshogs drug yul snang thams cad la// bu chung lta bur spyad byas na// lung ma bstan pa gnas su gol// sgom pa rgyun gyi rnal 'byor la// gol sa rnam pa gsum yod de// btang snyoms bdag med bsgom byas na// stengs nas mun snang nyid du gol// ting 'dzin yig 'bru bsgom byas na// chags na 'khor ba'i gnas su gol// mi rtogs stong par bsgom byas na// chad pa mu med nyid du gol// gol ba'i rgyu ni bsam yas kyang // golas chen po de las med// lu gu rgyud la golas med// lam pa'i rgyud la gol bar snang // don la gol sa gcig kyang med// rgyu dang 'bras bur btags pa yang // golas gcad phyir gsungs pa'o// zhes nor bu 'phra bkod chen po'i rgyud gsang ba las// rnal 'byor rgyun du byed pa'i le'u ste bcu bzhi pa'o// / nor bu 'phra bkod chen po'i rgyud gsang ba chen po zhes bya ba rdzogs so// sarba mang+ga laM/ gnyis sus