Q23MW1PD96684_0023rgyudAll versions of this work

rnal 'byor ma'i kun tu spyod pa

Text

ff. 223b–233b · 21 folio sides

  1. 223b

    oM A ra la to// badz+ra dzA ki nI sa mA ya b+hU tri sha ho// de sa gsum dang bzhi dang lnga brjod par bya'o// g.yas bskod dang g.yon bskor gyis kyang thod pa'i nang gi sbyin par bya ba rnams tshe thal mo kha rkyen daphyed la sngags 'di brjod de/ / oM kha kha~M khA u0f7f khA ti/ sarba yak+Sha rA/ sa sarbat+tate Te ta paSho tsata An ma tas pasmar/ dzA kanA~M a d+ha ya e maN+Da la~M grId+hA sa ma yar/ na tum ma sa nA sid N+Dimra yadz+nyAn tu ya thaib ya thaiSh+Ti bran dza thA bi'i bri zla tham ti kra ma thA/ ma ma sa rba kAr d+ha ya~M sang su kha bi shud d+ha ye sa ha yi ka b+ha ban du hA hUM phaT phaT swA hA// de ltar chog dang tshogs bran mtshams bzhir sbyin par bya'o/ / de nas bcom ldan 'das de bzhin gshegs pa thams cad kyi ye shes gsang ba'i gsang tshen 'di gsungs pa// dngos po med pa'i bdag nyid chos// nam mkha' lta bur dri ma med// stong nyid ye shes rdo rje yis/ / stong pa shin du rnam par bsgom// legs so zhes ni bya ba byin// rgyud rdzogs pa yi sbyor ba las// legs so legs so ye shes che// bshad pa'i rgyud phyi ma las phag mo mngon par byang chub bzhes bya ba rdzog s+ho/ / / rgya gar gyi mkhan po dz+nyA nA kar yi zhal snga nas dang / zhu chen gyi lo ts+tsha ba khu ston dngos grub kyis bsgyur te gtan la phab pa'o// // rgyu gang skad du/ yo gi n+du san tsAr+ya/ bod skad du/ rnal 'byor ma'i kun tu spyod pa// bcom ldan 'das dpal rdo rje sems dpa' la phyag 'tshal lo// gang gi drin gyis bde chen gnas// skad cig gis ni thob gyur pa// bla ma rin chen lta bu yi/ / rdo rje can zhabs pad la 'dud// de nas yang dag bshad bya ba// kun tu spyod pa'i cho ga mchog/ 'khor lo gsum bdag 'di sgom pa// rnal 'byor lam la gnas pa yin// lugs 'byung lugs

  2. 224a

    las bzlog par ni/ / rgyud du sbas par gnas gang de// bstan pa ru ni ji skad gsungs// bshad pa yang ni de bzhin no// so sor bstan pa ma lus nyid// brda yi chog rgyas pa yin// gang gis shes pa tsam gyis ni/ / sgrub pa po yis grub thob pa// sum cu rtsa bdun tshul gyis ni// byang chub phyogs la gnas pa yin// 'jig rten du ni bsgom byar bshad// he ru ka dpal 'gro ba'i mchog/ de la thog mar rnal 'byor/ gyi dbang phyug gis phung po lnga la lha'i nga rgyal bskyed par bya ste// gzugs kyi phung po la ni rnam par snang mdzad de// tshor ba'i phung po lan rdo rje nyi ma'o// 'du shes kyi phung po la ni pad ma gar gyi dbang phyug go// 'du byed kyi phung po la ni rdo rje rgyal po'o/ / rnam par shes pa'i phung po la ni rdo rje sems dpa' ste// de bzhin gshegs pa thams cad kyi bdag nyid ni shrI he ru ka rdo rje'o// mig gnyis la ni gti mug rdo rje'o// rna ba gnyis la ni zhe sdang rdo rje'o/ / sna dag la ni phrag dog rdo rje'o// lce la ni 'dod chags rdo rje'o// lus la ni ser sna rdo rje'o// skye mched thams cad la ni dbang phyug rdo rje'i dbyings so// sa'i khams la ni ltung byed ma'o// chu'i khamra la ni bsod ma'o/ / me'i khams la ni 'gugs ma'o// rlung gi khams la ni gar dbang ma'o// nam mkha'i khams la ni pad ma'i dra ba mo ste/ de ltar phung po dang / khams dang / skye mched rnams la nga rgyal bskyed par bya'o/ / rnal 'byor ma'i kun tu spyod pa las lha rnams kyi gnas kyi rnam par dag pa gnas pa ste/ dang po'o// / de nas byang chub kyi phyogs kyi chos sum cu rtsa bdun lha'i sbyor bas sbyar bar bya ste/ de thams cad kyang gang zhe na/ lus dran pa nye bar gzhag pa dang / tshor ba dran pa nye bar gzhag pa dang / chos dran pa nye bar gzhag pa dang / sems dran pa nye bar gzhag pa dang / 'dun pa'i rdzu 'phrul

  3. 224b

    gyi rkang pa dang / brtson 'grus kyi rdzu 'phrul gyi rkang pa dang / dpyod pa'i rdzu 'phrul gyi rkang pa dang / sems kyi rdzu 'phrul gyi rkang pa dang // dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po dang / dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs dang / ting nge 'dzin yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang // chos rnam par 'byed pa yang dag byang chub kyi yan lag dang / dran pa yang dag byang chub kyi yan lag dang // btang snyoms yang dag byang chub kyi yan lag dang / yang dag pa'i lta ba dang / yang dag pa'i rtog pa dang / yang dag pa'i dag dang / yang dag pa las kyi mthal dang / yang dag pa'i 'tshe ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang / dge ba'i chos ma skyes pa rnams bskyed pa dang / dge ba'i chos skyes pa rnams gnas pa dang / mi dge ba'i chos skyes pa rnams spong ba dang / mi dge ba'i chos ma skyes pa rnams mi skyed pa'o// de ltar na dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang 'phags pa'i lam yan lag brgyad pa mthar thug pa rnams ni byang chub kyi phyogs kyi chos sum bcu rtsa bdun yin no/ / rnal 'byor ma'i kun tu spyod pa las byang chub kyi phyogs kyi chos sum cu rtsa bdun bstan pa ste/ gnyis pa'o// // de la de rnams kyi lha'i sbyor ba grangs ji lta bar mdor bsdus pa ste/ lus dran pa nye bar gzhag pa ni// mkha'agro ma'o// tsher badran pa nye bar gzhag pa ni lA ma'o// chos dran pa nye bar

  4. 225a

    gzhag pa ni kha Na Da ro ti'o/ / sebs dran pa nye bar gzhag pa ni gzugs can pa'o// 'dun pa'i rdzu 'phrul gyi rkang pa ni rab tu gtum na'o// brtson 'grus kyi rdzu 'phrul gyi rkang pa rig tum pa'i mig can ma dpyod pa'i rdzu 'phrul gyi rkang pa ni 'od ldan ma'o/ / sems kyi rdzu 'phrul gyi rkang pa ni sde chen ma'o// dad pa'i dbang po ni blo gros ma'o// brtson 'grus kyi dbang po ni pi thung ma'o// dran pa'i dbang po ni lang ka'i dbang phyug ma'o// ting nge 'dzin gyi dbang po ni shing grib ma'o// shes rab kyi dbang po nis srung ma'o// dad pa'i stobs ni 'jigs byed chen mo'o// brtson 'grus kyi stobs ni rlung gi shugs can ma'o// dran pa'i stobs ni chang 'thung ma'o// ting nge 'dzin gyi stobs ni sngo bsangs ma'o// shes rab kyi stobs ni stobs bzang ma'o// ting nge 'dzin yang dag byang chub kyi yan lag ni tan ma'o// brtson 'grus yang dag byang chub kyi yan lag ni khwa gdong ma'o// dga' ba yang dag byang chub kyi yan lag ni 'khor lo'i shugs can ma'o// shin du sbyangs pa yang dag byang chub kyi yan lag ni khaN Da ro ti'o// chos rnam par 'byed pa yang dag byang chub kyi yan lag ni sna chen ma'o// dran pa yang dag byang chub kyi yan lag ni tsakra wa ra ti ni'o// btang snyoms yang dag byang chub kyi yan lag ni shin du dpa' me'o// yang dag pa'i lta ba ni stobs chen ma'o// yang dag pa'i rtog pa ni 'khor los sgyur ma'o// yang dag pa'i ngag ni brtson 'grus chen mo'o// yang dag pa'i las kyi mtha' ni khra gdong ma'o// yang dag pa'i 'tsho ba ni 'ug gdong ma'o// yang dag pa'i rtsol ba ni khyi gdong ma'o// yang dag pa'i dran pa ni phag gdong ma'o// yang dag pa'i ting nge 'dzin ni bcom ldan 'das dpal he ru ka'o// dge ba'i chos ma skyes pa rnams bskyed pa ni gshin rje brtan ma'o// dge ba'i chos skyes pa yang dag par srung ba ni gshin rje pho nya ma'o// mi dge ba'i

  5. 225b

    chos skyes pa rnams spong ba ni gshin rje mche ba ma'o/ / mi dge ba'i chos ma skyes pa rnams mi skyed pa ni gshin rje 'joms ma'o// rnal 'byor ma'i kun tu spyod pa las byang chub kyi phyogs kyi chos sum bcu rtsa bdun lha rnams/ kyi rnam par dag pa bstan pa ste gsum pa'o// // de nas yang dag bshad bya ba// dpa' bo gnyis med dam pa ste/ te ru ka dpal sku'i yan lag/ yan lag kun ni cha shas gnas// sen mo dang so la ni thod pa phyed pa'o// sgra dang spu la ni keng rus chen po'o/ / lpags pa dang dri ma la ni keng rus so// shal ni mche ba rnam par gtsigs pa'o// rgyus pa la ni sna dgra'o// rus pa la ni 'dod dpag medo// mkhal ma la ni rdo rje 'od do// snying la ni rdo rje sku'o// mig gnyis la ni/ myu gu can no// mkhris pa la ni rdo rje ral pa ca no// glo ba la ni dpa' bo chen po'o// rgyu ma la nI rdo rje hUM mdzad do// gnye ma la ni rab bzang do// lto ba la ni rdo rje bzang po'o// bshad pa la ni 'jigs byed chen po'o// mtshogs ma'i srubs la ni mig mi gzang / / bad kan la ni stobs po che'o// rnag la ni rin chen rdo rje'o// khrag la ni rta mgrin no// rdul la ni na mkha'i snying po'o// tshil la ni dpal he ru ka'o// mchi ma la ni pad ma gar gyi dbang phyug/ mchil ma la ni rnam par snang mdzad do/ / snabs la ni rdo rje sems dpa'o// rnal 'byor ma'i kun du spyod pa las dpa' bo'i rnam par dag pa bstan pa ste bzhi pa'o// // de nas gzhan yang bshad bya ba// dngos grub thams cad sgrub byed pa gang zhig shes pa tsam gyis ni/ / sgrub pos dngos grub thob 'gyur ba'o// ji ltar nang gi bdag nyid shes// phyi yi dkyil 'khor dam pa yin// rnam dgod ji ltar sbyar ba ni// snying po thams cad bsdus pa ste// rten dang rten pa'i tshul gyis ni/ pe ram pa sogs yang dag gnas// bla ma las rgyud rim bzhin du// gang zhig cho ga 'di shes pas// ri steng pad ma ge sar gyi// sna tshogs 'dab ma 'jam pa la// de yi dbus bzhugs dpa' bo ni//

  6. 226a

    'dod pa'i don kun sgrub mdzad pa// mkha 'gro ma dang ldam dang // gaN Na ro ha gzugs can ma// pad ma phyogs kyi gnas la dgod// dngos grub thams cad sgrub byad yin// phyag gnyis pa la zhal gcig pa/ / sna tshogs gzugs dang rnam ril ma'o// mtshams kyi bzhi po dag la ni// lnga pas gang ba'i thod pa bzhag/ bu la sogs dang yang dag sbyar// yul dag yul du gnas pa yin// spyan drang 'khor lo'i dbus gnas la/ / rnal 'byor rig pas rtag tu mchod// bu zhes bya ba ni pu li ra ma la ya na khaN Da ka pa la dang pra tsaN De'o// dza zhes bya ba ni dz+wa la d+ha ra na ma hA ka ka la dang tsaN DAk+Shi'o// u zhes bya ba ni u T+Tin ka ka la dang / pra bA ba ti'o/ / a zhes bya ba ni ar bu ta na bi ka daMSh+Ta dang ma hA na sa ste gnas so// go zhes bya ba ni gong ba rin su re be ri Ni dang / bi ra ma ti'o// ra zhes bya ba ni ra ni mi shwa rin a mi tA b+ha dang / kha ra ba ri'o// de zhes bya ba ni da wi ko Ti na badz+ra pra b+ha dang lang ke shwa ri'o/ / ma zhes bya ba ni ma la ben badz+ra he ha dang / du mdza ya'o// nye ba'i gnas so// thugs kyi 'khor lo ste// nam mkha' la rgyu ba'o// kA zhes bya ba ni ka ma rU pa na ang gu ri dang e ra ba ti'o/ / oM zhes bya ba ni o Te na badz+ra dza ti la dang ma hA b+hai ra'o// zhing po tri zhes bya ba ni tri sha ku ne na ma hA b+hai ra ba dang / bA yu be ge'o// ko zhes bya ba ni ko sa la na badz+ra hUM ka ra dang / su rA ba k+She'o// nye zhing ngo / / ka zhes bya ba na~M ka ling kan su b+ha dra dang / sha ma de ba'o// la zhes bya ba ni lam pa ka na badz+ra pra b+ha dang / su b+ha dra'o// tshan do ha'o// ka zhes bya ba kan tsin ma hA b+hai ra ba dang / ha yA kaR+Sha'o// hi zhes bya ni ti ma la ya na bi ru bak+Sha dang / kha ga na'o// nye ba'i tshan do ha'o// gsung gi 'khor lo ste sa la rgyu ba'o// pre zhes bya ba ni pre ta pu ri na ma hA ba la dang tsakra be ge'o// gri zhes bya ba ni gri ha de ba ta na rang na badz+ra dang

  7. 226b

    gaN ro lo/ 'du ba can na// sa zhes bya ba na sor ldan ha lA grib dang / shotaN ni'o// su zhes bya ba na su baR+Sha dI pAn a kA sha gar b+ha dang tsakra bar mna'o// nya bar 'dru ba can no// nA ga ra na shA sa ra ka dang / su rab ri'o/ / saM zhes bya ba ni san du de shan// pad ma 'ang gi ni u0f7fpra ri dang / ma hA ba la'o// dur khrod do// ma zhes bya ba ni ma ru de shan bo ro tsan dang cag kra bar tina'o// ku zhes bya ba ni ku lu ta ya na badz+ra satwe dang ma hA be r+ya/ nye ba'i dur khrod do// sku'i 'khor lo ste sa 'og na spyod pa'o// kA kA s+ye dang / hu luka s+ye dang / shwan s+ye dang / su ka ra s+ye ni phyogs su'o// ya ma d+ha d+hi dang / ya ma du te dang / ya ma rash+mi dang / ya ma mthan mtshams su'o// de ltar phyi dang nang gi bdag nyid ji srid nges par rtogs pa'i spyod yul du gyur gyi bar du dmigs par bya'o// rnal 'byor ma'i kun tu spyod pa las lha'i gnas kyis bstan pa ste/ lnga pa'o// / de nas bdag po sog kun gyi/ / mtshan ma phyag rgya'i tshogs rnams dang / rang mdog phyag mtshan bzhugs tshul rnams// rgyud du sbas pa nges par bya// rgyal chen shrI he ru ka ne// gdug pa thams cad rab 'joms pa// phyag gnyis yang dag 'byung ba dang / gnyis kyis glang po'i lpags pa 'dzin// g.yas pa'i lhag mar dgra sta mdung // rtse gsum gri gug Da ma ru// g.yon gyi lhag mar kha T+wA~M bsgreng // thod pa dmar chen zhags pa dang // tshangs pa'i mgo bo rnams bshad de/ / bcu gnyis kyis ni brgyan pa yin// thod pa'i phreng ba'i mchod phyir thogs// brgya phyed par ni shes par bya// bcom ldan lum ni mdun du bzhugs// zhal gcig 'bar ba chen po ste// 'byung ba yas ni thong padag/ gdug pa'i bdud kyi khrag bkang bsams// g.yas pas rtag tu sdigs 'dzub dang // ma rungs pa yi gri gugacasams// sku mdog dmar zhing cher 'char ba// thod dum brgyan pa'i sku regs

  8. 227a

    can/ / dbu skra grol zhing spyan gsum sku// mche ba gtsigs pa 'jigs su rung // byin pa zhabs kyis legs par 'khyud// gnyi ga kha sbyar tshul gyis bzhugs// maba' 'gro ma sogs ban po ni// kha T+wAM ga snong gri gug bsdams// skul spyan gsum rgya lnga sogs// skra grol bas ni rnam par brgyan// dpa' bo nyi shu rtsa bzhi ni// phyag rgya lnga la sogs pas brgyar// phyag gnyis zhal gcig spyan gsum pa/ / ral pa'i cod pan dar gyis bcings// rdo rje dril bus legs 'khyud cing // chags pa chen po rjes chags mdzad// rnal 'byor ma ni nyi shu bzhi// dbu skra grol bas rnam par brgyan// phyag rgya lnga las sogs pa dang / / spyi bor nor bus rnam par brgyan// rnal 'byor snod dang bcas pas 'khyud// sdigs 'dzub gyis ni gri gug bsnams// he ru ka dpal la sogs kun// g.yas rkyang ba yi gnas pas bzhugs/ / mgur chu dpung rgyan rna cha dang // thod pa'i phreng bas rnam par brgyan// mchod phyir thogs dang thal ba ni// phyag rgya drug par rab tu bshad// pha rol phyin drug rnam dag pas// phyag rgya drug gis brgyan pa yin/ / sku gsung thugs kyi rdo rje ni// spyan gsum 'og dpag dag gis brgyan// sku gsung thugs kyi dbye ba yis// yi ge gsum gyi dngos grub kyi// ngo bor bdag nyid bsgom bya zhing / dngos grub 'dod pas gzhan mi bya// de yi bsod nams gang 'gyur ba// sgrub pa'i yon tan rgya chen po// lce ni brgya stong du ma yis// bsod nams brjod par nus ma yin// khwa gdong la sogs rnam pa bzhi/ / thams cad kyang ni sgo skyong ste// kha T+wAM ga dang thod pa thogs// sku la phyag rgya lnga sogs ldan// gshin rje brtan sogs mtshams bzhir te// de dag zhabs gnyis brkyang ba dang // gzugs

  9. 227b

    gnyis ldan zhing yid 'phrog ma/ / mkha' 'gro ma bskyed ji bzhin du// khragadong la sogs dbye ba nyid// de ltar ma lus 'khor lor gnas// mdog dbye'i cho ga'i rim bzhin no// rnal 'byor ma'i kun du spyod pa las rang gi mtshan ma dang / / zhal dang / phyag rgya dang / sku mdog dang / mtshon cha bstan pa ste/ drug pa'o// de nas go cha gnyis po ni// gang shes pas ni myur ba ru// sgrub pa po yis grub thob pa// rgyud du sbas pa nges bshad bya// oM ha/ na ma hi/ sra ha hu/ bau sha Ta he/ hUM hAM ho/ phaT haM snying ka spyi bo spyi gtsug dang / / dpung pa mig gnyis go cha sbyar// dang po rdo rje sems dpa' ste// gnyis pa rnam par snang mdzad gnas// gsum pa pad ma gar dbang rgyal// bzhi pa he ru ka dpal bshad/ / lnga pa rdo rje nyi ma ste// dug pa la ni rta mchog yin// de ni go cha rnam drug gis// shin du bsrungs pa nyid yin no// oM baM/ haM yoM/ hriM mo/ hr-i hr-i/ hUM hUM/ phaT phaT/ / lte ba snying ka de bzhin kha/ spyi bo spyi gtsug go cha nyid// dang po rdo rje phag mo'o// gnyis pa ya mi ni ru brjod// gsum pa rmongs byed ma nyid de// bzhi basbyin ma yin par bshad// lnga pa kun tu skrag par grags/ / drug pa gtum mo yin par bshad// go cha drug nyid phag mo dang // dpa' bo gnyis med rnal 'byor ma'o// rnal 'byor ma'i kun du spyod pa las go cha gnyis bstan pa ste/ bdun pa'o// // /

  10. 228a

    de nas go cha gnyis shes nas// ye shes 'khor lo rnam bsgoms nas// sngags dang phyag rgya'i sbyor ba yis// dam tshig 'khor lor myur gzhug bya// rkang pa mnan la steng du blta/ steng du pheM gi sgra bsgrags la// phyogs bcu 'jig rten khams gnas pa'i// dpa' bo rnal 'byor ma rnams dgug/ sngags kyis yang dag bskul ba dang // skad cig de la spyan drang bya// 'dzub ma dgug byas gung mo nges par sbyar/ / mthe bong rdo rje brtan por yang dag sbyar// de ni dpral ba'i phyogs kyi dbus gzhag la// gcu zhing gcu zhing bsko rab byas pa yis// sngags pas dpa' bo rnal 'byor ma byin ba rlab/ / yi ge d+ha ni sA rtser yang dag sbyar// bya ni mtshan gyi lte bar yang dag dgod// lte ba snying ka kha dang bral ba rla// sngags kyi tshogs dang bcas pas byin gyis brlab// lte ba snying ka dag tu rnal 'byor ma/ / sangs rgyas mkha' 'gro ma yi sngags kyis ni// a ba dA tI gnyis kyis dpa' byin brlab// rnal 'byor ma dang dpa' bo gnyis med yin// dang por dga' ba dpa' bo ste// mchog tu dga' ba rnal 'byor ma/ / rab tu dga' ba ma lus nyid// bde ba'i thabs de kyin rig pa'o// lnga phralas stengs 'og ca// skad cig gas ni gzugs gcig 'gyur// bsgom pa bdag gis bshad pa yi// bcu ba de nyid bshad pa ni/ / g.yas dang g.yon gyi lag gnyis kyis// bkor ba mkha' 'gro'i ba de yin// rnal 'byor ma'i kun du spyod pa las// ye shes kyi 'khor lo spyan drang ba dang / bsrub bstan pa brgyad pa/ / de nas sprul par shes bya dang // longs spyod rdzogs par 'dod pa nyon// theg pa chen po phyag cam// rnal 'byor ma yi grub ster bshad// phyag rgya chen po las lhag pa'i//

  11. 228b

    rnal 'byor kun las mchog gzhan med// he ru ka dpal rgyal po che// rnal 'byor kun dbang dbang phyug yin// mkha' 'gro ma yi dra ba sdom// nam mkha' dang mnyam las blangs pa// kun mkhyen ye shes de'i rang bzhin/ / he ru ka dpal dpa' bo mchog/ skye bo dam pa kun 'dus pa// zhi ba'i btung bas grub 'gyur ba// rtag pa'i go 'phang mchog yin te// skyon med pa ni rtag pa'i gnas// pu la sogs pa'i yang dag sbyar/ / yul dang yul du rnam par gnas// he ru ka dpal bdag nyid dgod// yi ge nyi shu rtsa bzhi ni// longs spyod rdzogs par shes bya ste// rnal 'byor che la gnas pa yin// mdor bsdus nas ni rab 'jug ba/ / blo gros brtson pas shes par bya// ldog pa'ang ji ltar bstan pa ni// bshad bya sgrub pa po rnams nyon// shrI ni gnyis med ye shes te// he ni rgyu sogs stong pa nyid// ru ni bkod dang bral ba ste// ka ni gang du'ang mi gnas la/ / de ni rang bzhin stong pa ste// kun du 'gro zhing mi shigs par// mdor bsdus nas ni sgom byed pa// 'dod pa'i dngos grub thob par 'gyur// chos dang longs spyod sprul pa yi// sku gsum ngag ni rnam bsgom pa/ / byang chub phyogs ni sum bcu bdun// dor ni nges par bsgom par bya// rnal 'byor ma'i kun du spyod pa las// 'jug pa bstan pa ste dgu pa'o// / de nas bsgoms pas du bgyur na// bsdus pa spyod tshul khyad par gyis/ / sbyor dang bral bar mi bya ste// spyod pa'i rnal 'byor pa 'di yin// sngar na ji skad bshad pa bzhin// bsam gtan chog rgyas byas la// rang 'dod las la gtor ma ni// khyad par du yang sbyin bar bya/ / zla ba mar ngo'i tshes bcu dang // zla ba yar ngo'i de nyid la// 'bad pas dpa' bo chad sogs dang // rdo rje lha mo rab mchod cing // sngar bshad sngags dang rgya sbyar ba// cho ga bzhin du yang dag bsrung /

  12. 229a

    oM A ra lI ho// dzaHdaM baM hoH/ badz+ra DA ki nI sa ma ya s+t+wa~M tr-i sh+ya ho// de ltar lan gsum bzhi lngar brjod// dam tshig sogs rdzas legs gnas pas// rdo rje thal mo gyen kha cha// dpa' bo rnal 'byor mas mngor bzla/ / oM kha kha khA ti khA hi/ sarba yak+Sha/ rAk+Sha sa/ bA te pre ta/ pi sha tsa/ un pA da/ a pasma ra badz+ra/ DA kiNI da ya/ i maM ba li gI hA du sa ma ya rak+Sha na tu ma ma sarba sadi d+hi mi pra yan ts+tshan du ya the be// ya theSh+TaM bum dza tha/ dzi ga tha/ pi pa tha/ pa ti kra ma tha/ ma ma sarba ka ra ta ya/ sad su kha sid d+he ya/ sa ha yi ka b+ha ban du hUM hUM phaT phaT swA hA// dpal po'i 'khor lo la sogs sngags// dur khrod la sogs kyis kyang brgyan/ lha phyogs la bltas rnal 'byor pas// gnas ni mthon por rab tu mchod// nye bar mtshon pa ji lta bar// bdag gi nus pas dbul bar bya// dgun zla 'bring po la sogs pa'i// chos bcu la ni dad pas mchod// skyo bo dam pa kun 'dus la// bde ba thams cad dbul bar bya// der ni bshos rnams bza' bya ste/ lhag ma snod du gzhag par bya// de yi lag tu 'ongs bzhin la// gang gis kyang ni gzhom mi nus// de ni skye bo dang ldan rnams kyis mchod/ / he ru ka dpal mngon par dgyes gyur nas// kun du dgyes pa'i mchog ni stsol 'gyur te// gang phyir mchog ni de yi lag na gnas// mtshan mo skra ni grol gyur pas// brtul zhugs gos med gtor sbyin na/ / he ru ka dpal rnal 'byor bdag/ des ni ma mo dga' bar 'gyur// rnal 'byor ma'i kun du spyad pa las gtor ma dang // mchod pa tshes bcur bya ba bsrung ba bstan pa ste bcu pa'o// / de nas pha rol phyin drug dang // byang chub phyogs ni sum nu bdun// gnas sogs sa ni bcu po rnams// me mchog lha'i bdag nyid can// dngos po gang dang gang gis ni// mi rnams yid ni yang dag sbyor/

  13. 229b

    de yis de yi dngos 'gyur te// sna tshogs gzugs can nor bu 'dra// de bzhin 'jigs bcas sa pa 'am// 'jigs med ji lta ji ltar gnas// bsam gtan dag gam bsam gtan gyis// las rnams thams cad rab sgrub byed/ / spyod dang grol ba'i 'bras rab stsol// tshe 'di nyid la thob 'gyur ba// bsgom pa bdag gis bshad par bgyi// 'dod pa kun las bcas pa yin// log pa'i shes pa shes pa can// gang yang khyod kyis bshad mi bya/ / bla ma'i rim las ji ltar bstan// gang gis myur du shes 'gyur ba/ skye babye ba stong phrag tu// sgyu 'phrul ye shes kyis bskul ba// dad pa yang dag bskyed pa dang // rnal 'byor spyod tshul gnas pa yin/ / lkug cing glen la thabs ngan ldan// byas pa'i shes pa'i shes pa can// sems can yongs su ma smin dang // phyi rol bstan bcos kyis 'tshal ba/ de dag kun gyis mi shes te// mi shes mun pas khebs pa dang // khengs pa la ni rten par dga'// nga rgyal la sogs bdun sems ldan// de kun gyis kyang sangs rgyas kyi// spyod yul gsang ba mi shes so// he ru ka dpal yang dag 'jug/ slob dpon bdag nyid chen po yis// mA ra du dngos grub skyed byed// 'phral du yid ches byed pa yin// kun spyod cho ga'i rnal 'byor shes// cho ga'i bya ba bstan par bya// srid pa gsum po ma lus na// de ni kun mkhyen bstan pa shes/ / mthong ba dang ni reg pa dang / thos pa dang ni dran pa yis// sdig pa kung las bral 'gyur ba// de ltar de ni the tshom med// lha rnams zlog ste dgod pa dang // sngags kyi dbye ba bzlog pa dang / / bsgom pa gsang ba bzlog pa ni// snying po thams cad bsgrub pa yin// rgyud rnams kun gyi spyi yi ni// sems ni yongs su smin pa dag/ 'dir ni sbyor sogs sngags rnams kyi// dam tshig de ltar bstan

  14. 230a

    pa yin/ / bde gshegs dbugs 'byin gsungs pa ni// dag pa'i lus ni skyon med pa// bsod nams chung ba'i sngags pas kyang / de dga' bas ni rnyed par 'gyur// rnal 'byor ma'i kun tu sbyong pa las thams cad rnam par dag pa bstan pa ste bcu gcig pa'o/ / / de nas bsrung ma ni bza' min dang // dkyil 'khor ba mI dkyil 'khor min// bzlas brtul sbyin sreg med min gyi// mdor na sems 'dus tshul can yin/ / gzung bya rnam shes ye shes ni// bla mas bstan las rtsol bya ste// phyi rol gyi ni bstan bcos pa// lam de shin du ring ba yin// rnal 'byor pa rnams thabs kyis ni// bla ma'i// bsnyen bku ral brtson pa// ston pa'i mtshan nyid bstan pa dang // dpa' bos de nyid bstan pa yin// skad cig rnam pa'i rnal 'byor ba dag/ skad cig rnam pa'i phyag rgyar ldan// kun nas thams cad skad cig ste/ / skad cig gis ni gsang sngags brjod// sras dang lha dang lag bcangs dang // 'khyud dang gnyis gnyis la sogs pa// de bzhin gshegs pas dbugs 'byin gsungs// gong nas gong du bsten par bya/ / thams cad 'dir ni bstan pa yin// rnam pa gzhan dag rtswa dang 'dra// de nyid srog chags rnams kyi srog/ de nyid mi 'gyur dam pa yin// de nyid thams cad khyab byed de// lus kun la ni rnam// par gnas// de nyid sangs rgyas ye shes te// he ru ka dpal yin par bshad// skyes pa ma ning la sogs nyid// phra ba'i snying po'ang 'dzin pa yin// ye shes bdag tu byung de la// gang zhig sa la gnas rnams dang / / bstan bcos dag ni ma lus dang // rig byed grub mthar gnas pa rnams// 'jig rten 'di dang gzhan dag tu// de med par ni grub mi 'gyur// rig byed grub pa'i mtha' rnams las// 'di ni snying

  15. 230b

    khar rab tu bshad/ / 'gro ba 'di kun sangs rgyas lnga'i bdag nyid// gar mkhan dag dang ni mo bzang ltar snang // gang du bde chen zhes bya gcig pu nyid// gcig pu nyams ni du mas gar mdzad do// 'dug dang ldang/ pa nyid dag dang // 'jug dang rdzogs pa nyid dag dang // byin gyis rlob dang dbang bskur dang // ting 'dzin mchod pa bsdus pa yin// de nas cho ga'i ming gzhan pa// thabs dang shes rab gnyis med pa/ de nyid du ni kun skyes pa// 'byin dang sdung bar byed pa yin// a A/ i I/ u A/ r-i rAM/ maM lAM/ ai ai/ o au/ aM aH/ ka kha ga g+ha / tsa tsha dza dzAnya/ Ta Sha Da D+hA Na/ ta tha da d+ha na/ ba ba ba b+ha ma/ ya ra la wa/ sha Sha sa ha/ k+Sha/ 'di ni bcom ldan lha de yin// mchog nyid lhag par gnas pa yin// lha kun gyi ni skyed pa dang // sngags rnams kyi ni rgyud nyid yin// gang zhig 'di rtag sgom pa dang / rtag tu klog cing sems pa dang / / rnal 'byor pa yis dang por brjod// he ru ka dpal gnyis med 'gyur// der ni lag sogs rgyan yin te// ska rags gnas rnams thams cad yin// 'di ni rtag tu 'dzin byed pa/ chos kun rtogs par byed pa yin// A li kI li bdun bsams te// rnal 'byor chen pos rnam gnas la// zla ba'i dkyil 'khor legs rdzogs pa// lte ba'i rtsa bar gnas par bsgom// de yi dbus gnas bsam pa ni/ / dam pa'i gnas mchog yi ge ste// sku gsung thugs kyi rdo rje can// lha yi sku ni bsgom par bya// de ni gzugs las 'das pa ste// dngos po med pa'i sems nyid yin// bsam mi khyab pa nyid bsams te/ / bsam de mtshan mar brtag mi bya// yang na bdag nyid sems bsam pa// de las gzungs ni thob par 'gyur// rnal 'byor ma'i kun tu spyod pa las rgyud thams cad nges par byas pa'i de kho na

  16. 231a

    nyid kyi gnas gcig pu bstan pa ste bcu gnyis pa'o/ / / de nas gzhan yang bshad bya ba// dpa' bo rnal 'byor ma gnyis med// he ru ka dpal rnal 'byor che'o// gnas ni yi ge'i sa pa yin/ / pu li ra ma ya gol// dza la d+ha ra spyi gtsug nyid// u D+ya ni rna ba g.yas pa ste// or bu ta ni rgyab tshogs la'o// gnas so// go ta ba ri rna ba g.yon// ra me shwa ri smin ma'i mtshams// de'i kau Ti mig gnyis te/ mal yA ni dpung mgor ro// nye ba'i gnas so// kA ma rU pa mchan khung dgod// o Ta nu ma gnyis la'o// zhing ngo // tri sha ku ne lte ba'i dbus// ko sa la ni sna rtser ro// nye ba'i zhing ngo // ka ling ka ni kha la dgod// laM ba ka na mgrin dbus nyid/ / tshan d+ho ha'o// kan tsaM snying la dgod par bya// hi ma la ya mtshan rtsar ro// u ba tshan do ha'o// pre ta pu ri mtshan la ste// gri ha de babashang lam la'o// 'du ba can no// sau raSh+Ta brla gnyis bsam// gser/ gling rje ngar gnyis la'o// nye bar 'du ba can no// na gar ni sor mor ro// sin du rkang pa'i bol gnyis la'o// dur khrod do// ma ru mthe bo gnyis la dgod// ku lu ta ni pus mor gnas// nye ba'i dur khrod do// pu dza o a gor de ma/ / ka o tri ko ka la ka hi// pre gris su na sa ma ku// gnyid log ma log ldang ba dang // bza' 'am 'gro ba'i chos spyod pa 'am// gang yin der ni rnam bkod na// 'jig rten gsum gyis mi g.yo'o// ming gi rgyud ni 'bum sde las/ / snying po bsdus par gyur pa yin// nam mkha' dang ni mnyam pa'i rgyud// 'buM phra gcig nas de bzhin bshad// shes rab rgyud ni gsang ba ste// med 'byung ba las gnas pa yin// bstan pa/ yis ni sprul pa yin// bshad pas longs spyod rdzogs par 'dod// so sor bstan pa ma lus nyid// mya ngan 'das pa'i de nyid bstan// sku gsum 'khor lo gsum du bshad// ches sogs longs spyod rdzogs pa nyid//

  17. 231b

    bsod nams ye shes tshogs dag ni// bden pa gnyis la gnas pa yin// blo na glen zhing lpags pa dang // shes rab dman zhing log lta can// phyi rol bstan bcos kyis 'chal ba// bla ma la ni sun 'byin yin// de dag kun kyang rnas spangs te/ / gus kyang bshad par ma bya'o// cha dang cha'i khyad par la// der ni gnyis su med par bshad// drag byed dbang gi lha mo dang // bka' bsgo'i lha mod pa' bo skyes// de 'og sa lus kun spyod pa// 'khor ba las grol gtso bo yin// ma lus rig byed las sprul pa// grub pa'i mthar ni de rab bsgrags// dpa' bo khyod kyis ngal bshad// sangs rgyas mu stegs can la swa// sgra dang sgra nyams brda rnams kyi// las 'di nyid kyi rjes su 'brang / / bsdus don yang dag blangs pa dang // brda'i tshig ni rgyas pa yin// gang gis kun spyod mi shes par// rnal 'byor pa ni rnal 'byor ston// de yid la ba don med de// 'bras bu de ni thob ma 'gyur/ / 'grol 'phags pas sngon gsungs pa// sbas te gzhan du gsungs pa yin// kun spong 'dir ni bshad pa las// sgrub pa pos ni rab mnyam bzhag/ rgyal bas sngon ni chud chen po'i/ sngags kyi yige sgrub mngang pa/ / las kyi bya ba gang lnga zed dge dang mi dge brtags te bya// yi ge mtha' dang dbus dag tu// der ni thams cad rab tu grub// rnal 'byor ma'i kun du spyod pa las A li kA li dang // las thams cad kyi nges pa gnyis su med par bsten pa ste/ bcu gsum pa'o// / de nas rgyud rnams thams cad du// sras gsang cho ga bshad bya ste// sangs rgyas bzhi yi gdan bzhugs pa// rdo rje la sogs dpa' rnal 'byor// mkha 'gro la sogs rdo rje yi/ / dpa' bo rnal 'byor dbang phyug gtso// me long la sogs rnam pa bzhi// gnyis med gnyis su med sbyar nyid// gnyis med rdzas ni me tog sogs// re re nas ni dbul bar bya// phyag rgya lnga sogs

  18. 232a

    mchog lus kyi/ / pha rol son pas par byin drug/ lag pa'i mchod sogs ye shes can// blo ldan dpa' bos shes par bya// rnal 'byor ma drug go rims bzhin// rdo rje sems sogs bcu gnyis dang // dpa' bo/ chen por sbyar bya la// lag pa'i mchod la sogs pas bstod// lnga po lnga dang yang dag pa sre// 'o ma dang yang bsre bar bya// mchod pa des ni legs gnas la// spyod dang grol ba'i 'dod dang ldan// lag pa'i mchod pas rnal 'byor pa/ / dbul ba'i 'dod don grub par 'gyur// sems ni gzhan du gyur pa dang / bza' btung gos sogs thob par 'gyur// lha yi mchod pa byas na ni// de la bsam pa rnam grub 'gyur// dpa' bo 'di ni dpa' chen po// sa steng rnal 'byor ma rnyed dka'// rnal 'byor pa'i spyod brtul zhugs// rnal 'byor dbang phyug kun gyi gtso// gang zhig rtag tu 'dis rang mchod// 'dod pa'i 'bras bu kun rab ster// rnal 'byor ma'i kun spyod pa las// dpa' bo bzhi dang yang dag par sbyor ba'i lag pa'i mchod pa bstan pa ste bcu bzhi pa'o/ / // de nas dpa' bo rnal 'byor ma// gnyis med spyod pa'i cho ga bshad// dang por mnyam bzhag rnal 'byor pas// 'bad de nus pa bskyed par bya// nus pa bskyed pa'i rjes thogs la// yid la 'dod pa'i brtul zhugs spyad // sems can rjes gzung don gyi phyir// dpa' bo chen po 'gro bya zhing // srog chags yan lag go bgos la// bde don gnyer bas bde ba srung // mchod bying thogs ni kun spangs la/ / he ru ka dpal gtsang sbyar gnas// grol ba'i 'bras bu 'dod pa yis// rnal 'byor ma kun mnyes par bya// rtsa ba'i sngags kyis dpa' bo gang // tshangs pa'i skud pa la sogs brtag/ lha yi snying rtso/ gsang sngags kyi// brgya byed phreng bas brgyan pa yin// thod pa'i dum bu la sogs kun// lus kyi khams su brtag par bya'o// dpa' bo'i go cha drug gi ni// rgya 'dis lus ni mdzes pa yin// rdo rje phag mo sogs sngags gang

  19. 232b

    mgur chus rke ba mdzes pa yin/ / sangs rgyas kun gyi mkha' 'gro ma'i// lpags pa'i gos ni 'dzin pa'i mchog/ kha T+wA~M ga ni lha'i sku// shes rab Ta ma ru ru brtag/ yi ge bdun gyi gsang sngags kyi// rna chas snyan ni mdzes pa yin/ / rnal 'byor ma drug gsang sngags dang // ska rags byas pa brgyan pa yin// 'khor lo kun gyi rnal 'byor ma'i// sngags ni lag pa'i thod pa yin// rnam par snang mdzad yum sngags dang // thod pas mgo bo brgyan pa yin/ / de ltar bdag nyid rnam bsams nas// tsham dam sngags kyis legs par bsrung // rtag tu tshangs par spyod 'gyur ba// gsang sngags rkang pa brgyad mchod pa'o// nyin mo bcom ldan dpa' bo ste/ mtshan mo bcom ldan ma brtags pi bya ci yang yod min te/ rtag du mi bsam yod ma yin// mi bza' ci yang yon min la// dge dang mi dge mi smra med// bdag nyid ji bzhin 'gro de bzhin// bdag ci 'dra bar gzhan de bzhin// de ltar rnam bsam rnal 'byor bdag/ 'jigs pa thams cad yongs spangs te// dpa' bo seng ge bzhin du spyod// bsam pa thams cad rdzogs byed yin// he ru ka dpal gzhir gnas pa'i// yan lag bskyod ba ji snyed dang // tshig du brjod pa ji snyed pa// de snyed phyag rgya gsang sngags yin// rigs lnga'i kun du spyod pa ni// rigs gcig nyid du spyad par bya// de ltar shes pa'i bdag nyid can// go 'phad mchog tu 'gro bar 'gyur// gnyis med ye shes sems ldan la// mi bya ba ni ci yang med/ / me rtog bdag nyid sems kyis ni// 'dod pa'i yon tan lnga rnams spyad// rnal 'byor ma'i kun du spyod pa las gnyis su med pa'i brtul zhugs dang / gsang sngags bstan pa ste bco lnga pa'o// gzhan yang phyi ma'i dus kyi tshe// dus mthar dngos grub mi thob ste// blo ni gzhan du rnam 'khrugs pas// phyag rgya dkyil 'khor bzlas pa yis// bde bar 'grub par mi 'gyur gyi// bsgres dang skom gyi sdug bsngal

  20. 233a

    'gyur/ / 'bad de 'dod bya dmigs nas ni// de nyid kyis bdag rnal 'byor pa// ji ltar he ru ka'i ye shes// ji 'dod par ni yongs su rgyu// rna ba ring nas thos padang // skad cig gis mthong rnal 'byor/ pas// chos 'di de ltar shes nas ni// bsam pa thams cad rdzogs byed yin// shes rab chen por byas pa nyid// gnyis med ye shes brtul zhugs bzang // A li kA li ma gtogs par// gal te chos 'di 'dod na ni/ / de yi ngal ba don med te// 'bras bu thob par mi 'gyur ro// mdo dang bya ba'i spyod pa rnams// rnal 'byor gsang sogs dbye ba nyid// 'jig rten kun la bshad pa ni// byang chub don gyi rgyu nyid yin// nga yis 'jug par bshad pa ni/ / tshogs gnyis gnyis su med pa yin// de nyid chos kyi rang bzhin zhes// mya ngan 'das pa 'ba' shig 'dod// thams cad bden pa gnyis la ni// rten par nges ni sngon bshad pa// rnal 'byor pa yis dngos grub kyis/ / sgom pa mngon dgar gyur pa yin// spros pa kun la dmigs nas ni// spros pas spros pa med par bya// rgyud rnams kun du gsang ba gang // sprul pa rnams kyi de nyid bstan// rgud 'di yis ni rnal 'byor pa/ / ba den pa gnyis la yang dag rten// sems rnams thams cad bsal nas ni// longs spyod kun la nyer spyad bya// blo ldan chen po 'khor lo sdom// sdom pa la ni rnam par dpyad// rnal 'byor ma'i mtshan ma gang / / gzugs dang brda dang tha snyad dag/ khyim lnga la sogs yul rnams su// rnal 'byor ma ni lnga nyid gnas// bsgrub par bya ba'i gnas kun du// g.yon nas bskor ba la rab brtson/ ji ltar sngar bshad 'khor lol// grangs kyi tshogs brtul zhugs can// dpa' bo'i sngags sogs rnal 'byor ma'i/ yid la 'dod pa dgod par bya// shar gyi 'dab mar mkha' 'gram// bong bu'i rnam par

  21. 233b

    bsgob par bya/ / he ru ka dpal zhes bya ba// las rnams thams cad byed pa yin// he ru ka dpal go 'phang gnas// lus ngag yid kyi las rnams la// bshad dang ma bshad gang bsams pa// de dag thams cad myur du 'grub/ / rnal 'byor ma yi kun du spyod pa las dngos grub kyi nges pa dang dpal he ru ka'i mdzad pa bstan pa ste bcu drug pa'o// // de nas he ru ka dpal rgyud// sems ni dri med yin par bshad// dag paM'i chos kyi sprul pa ni/ / phag mo'i gzugs su bstan pa yin// thabs dang shes rab sbyor ba las// de nyid dang ni thams cad 'byung // me long la sogs rnam pa bzhi// pad ma'i mdab gnas rnal 'byor ma// mkha' 'gro ma bzhi pad mar gnas/ / pA ma kI sogs bzang mo yin// thod pa'i dus sogs 'khor lor gnas// nyi shu rtsa bzhi gnyis med yin// sems can 'khor ba las grol ba// dpa' bo nyid ni yin par brtag/ khro bo rnam rgyal la sogs kug/ sgo dang mtha' yi mtshams rnams su// sna tshogs gdul ba'i thabs can gyis// sems can don la brtson par mdzad// gsang ba'i gnas kyi rnam gnas pa// rab tu 'bad de sba bar bya// rnal 'byor ba dang dpa' bo las/ / ji ltar 'dod pa'i dngos grub ster// rnal 'byor 'bras bu bob nas ni// srid mtshor ltung bar mi 'gyur ro// 'khor ba las ni bsgral ba'i thabs// rgyud kyi snying po sdus pa yin// bla ma slob mas/ rtogs sla phyir// chog rgya cher ma bshad de// sems ni ngal so rnal 'byor pa// mya ngan 'das pa bstan mi bya// de ltar spyod pa'i skyes mchog 'di// sdig pa thams cad rnam dag 'gyur// 'jig rten 'di'am pha rol 6/ / 'das ni sangs rgyas nyid 'thob 'gyur// ji ltar sngar bshad sdig pa rnams// spang bar bya ba'i mtshan nyid yin// gang zhig 'di sgom rnal 'byor pa// 'dod pa'i bde ba thams cad ster// he ru ka dpal ma

Colophon

rnal 'byor ma'i kun du spyod pa rdzogs s+ho // // (ga, 235a2)