sangs rgyas bcu pa zhes bya ba theg pa chen po'i mdo
Daśabuddhakannamamahayānasutra
Text
ff. 24a–31a · 15 folio sides
- 24a
dkar skad da da bud d+ha kan na ma ma hA ya na su tra/ bo skad du/ sangs rgyas bcu pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab/ bya rgod phung po'i ri la/ dge slong gi dge 'dun stong nyis brgya lnga bcu dang / byang chub sems dpa' sems dpa' chen po stong phrag rab tu mang po dang / thabs cig tu zhugs so// de'i tshe 'khor de nyid du/ byang chub sems dpa' sems dpa' chen po yul yangs pa'i byi tsa gzhon nu yon tan rin chen me tog rgyas pa zhes bya ba 'dus par gyur te 'dug ge/ de nas byang chub sems dpa' sems dpa' chen po yon tan rin chen me tog rgyas pa/ stan las langs te/ bla gos phrag pa gcig tu gzar nas/ pus mo g.yas pa'i lha nga sa la bcugs te/ bcom ldan 'das gang na ba der logs su thal mo sbyar ba btud nas/ bcom ldan 'das la 'di skad ces gsol to// gal te bdag cag gis zhu ba zhus pas/ bcom ldan 'das kyi thugs rangs pa ldan/ bcom ldan 'das de bzhin gshegs par dgra bcom pa yang dag par rdzogs pa'i sangs rgyas la phyogs 'ga' zhig zhul// de skad ces gsol pa dang / bcom ldan
- 24b
'das kyis byang chub sems dpa' sems dpa' chen po yon tan rin chen me tog rgyas pa la 'di skad ces bka' stsal to// yon tan rin chen me tog rgyas pa/ bcom ldan 'das kyis bang de bzhin gshegs pa dgra bcom pa yang dag par rdzogs pa'i sangs rgyas la gang dang gang 'dod pa dris shig dang / ngas dris pa de dang de'i lung bstan pas/ khyod kyi sems rangs par bya'o// de nas bcom ldan 'das la byang chub sems dpa' sems dpa' chen po yon tan rin chen me tog rgyas pas 'di skad ces gsol to// bcom ldan 'das rigs kyi bu 'am/ rigs kyi bu mo la las/ 'jig rten gyi khams gzhan dag na/ da ltar bcom ldan 'das bzhugs te/ 'tsho zhing bzhes la/ chos kyang ston la/ de dag gi mtshan bzung na/ myur du bla na med pa yang dag par rdzogs pa'i byang chub mngon par rdzogs par 'tshang rgya ba ma mchis sam/ de skad ces gsol pa dang / bcom ldan 'das kyis/ byang chub sems dpa' sems dpa' chen po/ yon tan rin chen me tog rgyas pa la 'di skad ces bka' stsal to// yon tan rin chen me tog rgyas pa/ legs so// legs so// yon tan rin chen me tog rgyas pa khyod 'di ltar/ 'dir lhags pa'i byang chub sems dpa' sems dpa' chen po rnams dang / lha dang / mi dang / skye bos mang pos rnams kyi don dang phan pa dang bde ba dang / 'jig rten la
- 25a
snying brtse ba'i phyir zhus te/ de bzhin gshegs pa dgra bcom pa yang dag par rdzogs pa'i sangs rgyas la don 'di yongs su 'dri bar sems pa/ yon tan rin chen me tog rgyas pa khyod yang legs so// yon tan rin chen me tog rgyas pa de'i phyir/ legs par rab tu nyon la yid la zung shig dang / ngas khyod la bshad par bya'o// bcom ldan 'das de ltar 'tshal lo// zhes gsol nas/ byang chub sems dpa' sems dpa' chen po yon tan rin chen me tog rgyas pas bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// yon tan rin chen me tog rgyas pa/ shar phyogs logs na/ yon tan thams cad rnam par dag pa zhes bya ba'i 'jig rten gyi khams yod de// de na de bzhin gshegs pa dgra bcom pa yang dag par rdzogs pa'i sangs rgyas yon tan bskal pa dpag tu med pa las 'das pa zhes bya ba da ltar bzhugs te/ 'tsho zhing bzhes la chos kyang ston to// bskal pa de ni thams cad nye bar bsags shing brtsegs pa zhes bya'o// de na sems can rnams kyi tshe yang dpag tu med do// bcom ldan 'das dpag tu med pa de'i 'khor thams cad kyang theg pa chen po la yang dag par zhugs pa sha stag ste/ rigs kyi bu 'am/ rigs kyi bu mos de bzhin gshegs pa dgra bcom pa
- 25b
yang dag par rdzogs pa'i sangs rgyas yon tan bskal pa dpag tu med pa las 'das pa zhes bya ba de'i mtshan bzung na/ bskal pa stong phrag drug bcur 'khor ba las rgyab kyis phyogs par byed do// shi 'phos nas kyang / sgrib pa med pa'i gzungs zhes bya ba 'thob par 'gyur ro// sangs rgyas kyi zhing bye ba phrag bcu'i sangs rgyas bcom ldan 'das rnams kyis kyang / spobs pa yang dag par bskyed do// chos ston pa yang khengs par mi 'gyur ro// de la 'di skad ces bya ste/ gang gis skyob pa'i mtshan ni bzung byas na/ de la byang chub dam pa rnyed sra zhing / bde bar gshegs pa'i yon tan gzhan dag dang / yon tan dri med de dag mis 'thob 'gyur// yon tan rin chen me tog rgyas pa/ lho phyogs logs na/ yon tan rin chen bkod pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas yon tan bkod pa'i dpal gzi brjid kyi phung po'i bskal pa zhes bya ba da ltar bzhugs te/ 'tshe la bzhes shing chos kyang ston to// bskal pa de ni yon tan rgya che ba zhes bya'o// rigs kyi bu 'am/ rigs kyi bu mos// de bzhin gshegs pa dgra bcom pa yang dag par rdzogs pa'i sangs rgyas yon tan rin chen bkod pa'i dpal gzi brjid kyi phung po'i bskal pa zhes bya ba'i mtshan bzung ba/ shi
- 26a
'phos nas nyi ma'i dkyil 'khor 'od kyi mtha' klas pa zhes bya ba'i ting nge 'dzin thob par 'gyur ro// sangs rgyas kyi zhing gang dang gang du smon lam btab pa de dang der skye bar 'gyur ro// bla na med pa yang dag par rdzogs pa'i sangs rgyas kyang skye ba gcig gis thogs so// shi 'phos nas skyes bu chen po'i mtshan sum cu rtsa gnyis kyang 'thob par 'gyur ro// de la 'di skad ces bya ste/ khyab bdag mtshan 'di sus bzung ba// mtha' klas pa'i ting nge 'dzin// 'od ni nyi ma'i dkyil 'khor can// mtshan rnams bcas te shi bas 'thob// yon tan rin chen me tog rgyas pa// nub phyogs logs na/ sbyor bas mun pa thams cad dang bral ba zhes bya ba'i/ 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas/ chos thams cad la spobs pa bkod pa'i dpal da ltar bzhugs te/ 'tsho la bzhes shing chos kyang ston to// bskal pa de ni shAkya'i rgyal po bkod pa zhes bya'o// rigs kyi bu 'am/ rigs kyi bu mos/ de bzhin gshegs pa dgra bcom pa yang dag par rdzogs pa'i sangs rgyas/ chos thams cad la spobs pa bkod pa'i dpal zhes bya bar de'i mtshan bzung na/ mtshon
- 26b
cha dang / me dang / chu dang / dug gis 'chi ba'i dus byed par mi 'gyur zhing / rdzus te skye bar 'gyur ro// shi 'phos nas shugs brgya pa zhes bya ba'i ting nge 'dzin thob par 'gyu ro/ de la 'di skad ces bya ste/ rgyal ba de'i mtshan ni sus bzung ba// me dang chu dang dug gis mi 'chi zhing // 'di la mtshon gyis mi tshugs mkhas pa dang / mngal du mi skye gzugs rnams mi nges 'thob// yon tan rin chen me tog rgyas pa// byang phyogs legs na/ mun pa dang / rdul bral ba zhes bya ba'i 'jig rten gyi khams yod de/ de na de bzhin gshes pa dgra po pa yang dag par rdzogs pa'i sangs rgyas spobs pa dpag tu med pa bkod pa yang dag par spyod pa zhes bya ba/ da ltar bzhugs te/ 'tshe la bzhes shing / chos kyang ston to// bskal pa de ni rin chen che ba zhes bya'o// rigs kyi bu 'am/ rigs kyi bu mos/ de bzhin gshegs pa dgra bcom pa yang dag par rdzogs pa'i sangs rgyas/ spobs pa dpag tu med pa zhes bya ba de'i mtshan bzung na/ sangs rgyas bye ba phrag khrig drug bcu mnyes par byed do// thams cad kyi rjes su song ba zhes bya ba'i gzugs 'thob par 'gyur ro// sgyu ma lta bu las/ nges par 'byung ba zhes bya ba'i ting nge 'dzin 'thob par 'gyur ro// mi zad pa'i za ma tog ces bya ba'i ting nge 'dzin la
- 27a
par 'gyur ro// bla na med pa yang dag par rdzogs pa'i sangs rgyas su ma gyur pa'i bar du ngan song gsum du mi skye zhing mi spyod par 'gyur ro// sangs rgyas kyi zhing gang dang / gang du skyes pa de dang der sems can ngan song ba thams cad yongs su grol bar byed cing / de dag thams cad bla na med pa yang dag par rdzogs pa'i byang chub las phyir mi ldog par byed do// de la 'di skad ces bya ste/ bde gshegs de'i mtshan ni sus bzung ba/ sems can mtha' yas byang chub bskyed pa dang / gzungs dang ting nge 'dzin rnams 'thob pa dang / ngan 'gror skyes pas 'jigs par mi 'gyur ro// yon tan rin chen me tog kun tu rgyas pa/ shar lho'i phyogs mtshams logs na/ yun ring por bde bar bkod pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas/ sprin gyi 'brug sgra sgra dbyangs stong pa zhes bya ba/ da ltar bzhugs te/ 'chol ba zhes shing chos kyang ston to// bskal pa de ni yon tan 'byung ba zhes bya'o// rigs kyi bu 'am/ rigs kyi bu mos/ de bzhin gshegs pa dgra bcom pa yang dag par rdzogs pa'i sangs rgyas/ sprin gyi 'brug sgra sgra dbyangs stong zhes bya ba de ni mtshan bzung na/ de shi 'phos
- 27b
nas so so yang dag par rig pa bzhi 'thob par 'gyur ro// mi 'jigs pa bzhi 'thob par 'gyur ro// byams pa chen po dang / snying rje chen po 'thob par 'gyur ro// sangs rgyas kyi chos ma 'dres pa bco brgyad 'thob par 'gyur ro// ji ltar de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi 'jig rten gyi khams bde ba can de 'dra pa'i sangs rgyas kyi zhing gi yon tan bkod pa rnams 'thob par 'gyur ro// bud med kyang shi 'phos nas skyes pa'i dngos po 'thob cing / sangs rgyas bcom ldan 'das kyi zhal mthong skye bar 'gyur ro// de la 'di skad ces bya ste/ gang gis mtshan 'di dag ni bzung byas nas// 'od dpag med 'dra'i zhing dag 'thob pa dang // bud med por 'gyur bsam gyis mi khyab pa'i// yon tan 'di gzhan yang 'thob par 'gyur// yon tan rin chen me tog rgyas pa/ lho nu ba phyogs mtshams logs na/ yon tan dpag tu med pa bkod pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas nyi ma'i 'od dam pa'i dpal gyis gzi brjid 'byung ba zhes bya ba da ltar bzhugs te/ 'tshol bzhes shing chos kyang ston to// bskal pa de ni yid la yang dag par bskyed par bya'o// rigs kyi bu'am/ rigs kyi bu mos/ bcom ldan 'das de bzhin
- 28a
gshegs pa dgra bcom pa yang dag par rdzogs pa'i sangs rgyas nyi ma'i 'od dam pa'i dpal gyi gzi brjid 'byung ba zhes bya ba'i mtshan thos na/ mtshan de dag thos pa tsam gyis sangs rgyas bye ba mnyes par byed par 'gyur ro// thams cad du mdangs lta bu zhes bya ba'i ting nge 'dzin thob par 'gyur ro// rigs bu 'a rigs kyi bu mos mtshan de dag rgyun tu bzung ba byas na/ shi 'phos nas sems can thams cad mdangs lta bu zhes bya ba'i ting nge 'dzin la 'jog par byed cing / thams cad bla na med pa yang dag par rdzogs pa'i byang chub tu nges par 'gyur ro// rgyu gang dang / rkyen gang gis/ sems can thams cad mdangs lta bu zhes bya ba'i ting nge 'dzin thob par byed cing / sems can thams cad bla na med pa yang dag par rdzogs pa'i byang chub tu nges par 'gyur zhe na/ rigs kyi bu 'am/ rigs kyi bu mos gang la las/ ting nge 'dzin 'di la gnas shing chos bstan na/ de ltar ches bstan pas/ ting nge 'dzin 'di thob par 'gyur zhing / stong gsum gyi stong chen po'i 'jig rten gyi khams de'i sems can ji snyed pa de dag thams cad kyang bde bar 'gyur ro// dper na de bzhin gshegs pa dgra bcom pa yang dag par rdzogs pa'i sangs rgyas yid du 'ong ba zhes bya ba'i zhing na/ sems can rnams bde ba la/
- 28b
gcig tu bkod pa dang / ngan song du song ba'i sems can rnams kyang yongs su grol bar byed cing / lha dang / mi'i ngo bo nyid 'thob par byed pa dang / de dag thams cad kyang / blan med pa yang dag par rdzogs pa'i byang chub tu nges par byed pa bzhin no// de la 'di skad ces bya ste/ gang gis mgon po de'i mtshan ni bzung byas na// phyi rol ma yin tog par byed pa dang // mdangs gsum ting nge 'dzin ni thob byed cing / de dang gzhan du mang po bskyed par byed// yon tan rin chen me tog rgyas pa/ nub byang phyogs mtshams kyi logs na/ ngan song spangs pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas rnam pa mang pos gzi brjid kyi rgyal po'i dpal 'byung ba zhes bya ba da ltar bzhugs te/ 'tshel bzhes shing / chos kyang ston to// bskal pa de ni dge ba rgya che ba zhes bya'o// rigs kyi bu 'am/ rigs kyi bu mos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam pa mang po gzi brjid kyi rgyal po dpal 'byung ba zhes bya ba de'i mtshan bzung na/ shi 'phos nas spobs pa dpag tu med pa bkod pa zhes bya ba'i gzungs 'thob par 'gyur ro// tshegs chung ngus de bzhin gshegs pa dgra bcom pa yang dag par rdzogs pa'i sangs rgyas
- 29a
'od dpag med kyi sangs rgyas kyi zhing gi yon tan phun sum tshogs pa bkod pa yongs su 'dzin par 'gyur ro// skye ba gcig gis bla na med pa yang dag par rdzogs pa'i byang chub tu 'grub par 'gyur ro// sangs rgyas bye ba dgu bcus chos ston pa yang thob par 'gyur ro// de la 'di skad ces bya ste/ gang gis rgyal ba'i mtshan de bzung byas na/ skye ba gcig gis byang chub 'thob pa dang // 'od dpag med dang mnyam pa'i zhing dag dang // gzungs kyang sems can de yis 'thob par 'gyur/ yon tan rin chen me tog rgyas pa/ byang shar gyi phyogs mtshams logs na/ ngan song gi gnod pa thams cad dang bral ba zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas bskal pa bye ba grangs med pa kun tu 'byung ba zhes bya ba da ltar bzhugs te/ 'tshe la bzhes shing chos kyang ston te/ bskal pa de ni spobs pa zhes bya'o// rigs kyi bu 'am/ rigs kyi bu mos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bskal pa bye ba grangs med pa kun tu 'byung ba zhes bya ba de'i mtshan bzung na/ shi 'phos na sgra dbyangs yan lag drug bcu dang ldan pa'i spobs pa phun sum tshogs pa 'thob par
- 29b
'gyur ro// sangs rgyas bye ba phrag brgya cu las dge ba'i rtsa ba bskyed par 'gyur ro// de la 'di skad ces bya ste/ gang gis rgyal ba'i mtshan de dag ni bzung ba ni/ rgyal ba bye ba phrag khrig rgya cu mchod pa yi// bsod nams de dag de la chung bar mi 'gyur zhing // sgra dbyangs phun sum yon lag drag bcur ldan pa 'thob// yon tan rin chen me tog rgyas pa/ steng gi phyogs logs na/ gzi brjid dpag tu med pa bkod pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas dge ba gser gyi nam mkha' nges par sgrogs pa bkod pa dpal gyi gzi brji 'byung ba zhes bya ba da ltar bzhugs te/ 'tshe ba zhes shing chos kyang ston to// bskal pa de ni snang ba shin tu gsal ba zhes pa'o// rigs kyi bu 'am/ rigs kyi bu mos/ bcom ldan 'das de bzhin gshegs pa'i dgra bcom pa yang dag par rdzogs pa'i sangs rgyas dge ba gser gyi nam mkha' nges par sgrogs pa bkod pa dpal gyi gzi brjid 'byung ba zhes bya ba de'i mtshan bzung na/ tshul khrims kyi phung po dpag tu med pa yongs su dag pa dang / ting nge 'dzin gyi phung po dpag tu med pa dang / shes rab kyi phung po dpag tu med pa dang / rnam par grol ba'i phung po dpag tu med pa dang /
- 30a
rnam par grol ba'i ye shes mthong ba'i phung po dpag tu med pa yongs su dag par byed do// sa nas sar 'thob par 'gyur ro// 'jig rten dang / 'jig rten las 'das pa'i ye shes mchog 'thob par 'gyur ro// gnyen gyi stobs dang / rgyal srid thob par 'gyur ro// spobs pa mi bul bar 'thob par 'gyur ro// myur du bla na med pa yang dag par rdzogs pa'i byang chub tu mngon par rdzogs par 'tshang rgya'o// sems can thams cad kyang 'chi 'pho dang / sngon gyi gnas rjes su dran pa dang / brda skad shes pa 'thob par 'gyur ro// spobs pa rgyun mi 'chad pa 'thob par 'gyur ro// rigs mthon po 'thob par 'gyur ro// rigs chen po 'thob par 'gyur ro// tshe rabs dran par 'gyur ro// mngon par shes pa lnga dang / sangs rgyas kyi chos ma 'dres pa bco brgyad 'thob par 'gyur ro// la 'di skad ces bya ste/ gang gis sangs rgyas mtshan de dag ni bzung na/ yan lag kun dang ldan pa'i phun sum tshogs pa dang // byang chub dam sangs rgyas ring por mi thogs shing // 'jig rten rnams kyi shes pa bla med 'thob par 'gyur// yon tan rin chen me tog rgyas pa/ 'og gi phyogs logs na/ rdul thams cad 'dus
- 30b
pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul rnam par 'phrul pa'i gzi brjid 'byung ba zhes bya ba da ltar bzhugs te/ 'tshe la bzhes shing chos kyang ston to// bskal pa de ni 'jig rten kun b+hAsags pa zhes bya'o// rigs kyi bu 'am/ rigs kyi bu mos/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos thams cad kyi tshul rnam par 'phral par gzi brjid 'byung ba zhes bya ba de'i mtshan bzung na/ zla ba'i gzungs zhes bya ba 'thob par 'gyur ro// skye ba gcig gis bla na med pa yang dag par rdzogs pa'i byang chub 'theb 'gyur ro// sangs rgyas bye ba phrag dag bcus chos bstan pa thos par 'gyur ro// thos nas kyang thams cad kun tu 'dzin par 'gyur ro// de la 'di skad ces bya ste/ gang gis mgon po'i de'i mtshan ni bzung byas na/ sangs rgyas bye ba'i chos ni 'dzin byed cing // skye ba gcig gis byang chu dam pa dang // zla ba zhes bya'i gzungs ni 'das pa 'thob par 'gyur/ byang chub sems dpa' sems dpa' chen po yon tan rin chen me tog rgyas pa dang / byang chub sems dpa' sems dpa' chen po yon tan thams cad dga' ba'i gzungs 'tho
- 31a
par 'gyur ro// byang chub sems dpa' bye ba phrag bcu ni phyir mi ldog pa la gnas pas gnas par gyur to// lha dang mi khri phrag dpag tu med pas ni/ bla na med pa yang dag par rdzogs pa'i byang chub tu sems bskyed do// bcom ldan 'das bges shing de skad ces bka' stsal to// byang chub sems dpa' sems dpa' chen po// yon tan rin chen me tog rgyas pa dang / byang chub sems dpa' sems dpa' chen po yon tan thams cad dga' ba dang / byang chub sems dpa' dang / dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par dga'o// sangs rgyas bcu pa zhes bya ba theg pa chen po'i mdo rdzogs s+ho// / rgya gar skad du/ Ar+ya da da sha bud d+ha kan na ma ma hA ya na su tra/ bod skad du/ 'phags pa sangs rgyas bcu gnyis pa zhes bya ba/ theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na/ bya rgod kyi phung po'i ri la/ dge
Colophon
sangs rgyas bcu pa zhes bya ba theg pa chen po'i mdo rdzogs s+ho/