F176MW1KG13607_0176mdo sdeAll versions of this work

'phags pa 'jug pa zhes bya ba theg pa chen po'i mdo

Aryamaiitreyaphrasthānannamamahāyanasutra

Text

ff. 217a–248b · 64 folio sides

  1. 217a

    ni zag pa med pa'o// 'di ni 'dus byas so// 'di ni 'dus ma byas so// 'di ni kun nas nyon mongs pa'o// / 'di ni rnam par byang ba'o// 'di ni dge ba'o// 'di ni mi dge ba'o// 'di ni 'jig rten pa'o// 'di ni 'jig rten las 'das pa'o// 'di ni 'khor ba'o// 'di ni mya ngan las 'das pa'o// 'di ni dngos po pa'o// 'di ni yod pa'o// 'di ni thob pa'o// 'di ni mngon par rtogs pa'o// 'di ni mngon sum du byas pa'o// / 'di ni lam mo 'di lam gyis 'bras bu'o// zhes bya ba 'di ni sgro btags zhes bya'o// de ci'i phyir zhe na/ btsun pa sha ra dwa ti'i bu mnyam pa nyid ni rnam par rtog pa med cing gang dag 'di ltar rnam par rtog pa de dag ni mnyam pa nyid du sgro 'dogs pa yin te/ mi mnyam par sgro 'dogs pa ni ma yin/ gang dag mthong ba med par mnyam pa nyid mthong ba de ni mnyam pa nyid mthong ba yin/ sgro 'dogs pa la spyod pa ni mi mnyam par mthong ba yin zhing / gang dag mnyam pa nyid la sgro 'dogs pa de dag mnyam pa nyid mthong ba yin la/ sgro 'dogs pa la spyod pa ni mnyam pa nyid mthong ba ma yin pa'i phyir ro// bstan pa 'di bshad pa na dge slong stong nyis brgya len pa med par zag pa rnams las sems rnam par grol te/ dge slong dag 'dul ba la dbang mdzad pa'i phyir bcom ldan 'das

  2. 217b

    cang mi gsungs par yol bar mdzad do// de nas byang chub sems dpa' sems dpa' chen po byams pas/ 'jam dpal gzhon nur gyur pa la 'di skad ces/ smras so// 'jam dpal kho bo ni nyan thos kyis theg pa la brtsams te/ de bzhin gshegs pa la zhu bar mi byed do// rang sangs rgyas kyis theg pa las brtsams te/ yang dag par rdzogs pa'i sangs rgyas kyis theg pa las brtsams te/ de bzhin gshegs pa la zhu bar ma byed pa nas/ kho bo mi gnas pa'i grwa du de bzhin gshegs pa la zhu bar byed do// 'jam dpal kho bo ni de bzhin gshegs pa la ci nas de bzhin nyid dang 'gal bar de ltar zhu bar byed do// 'jam dpal kho bo ni gang dag de bzhin nyid dang 'gal bar mi byed pa dang / gang dag chos thams cad dben pa nyid kyi phyir chos ci yang mi dmigs pa dang / gang chos kyi dbyings mi g.yo ba nyid kyi phyir/ 'dod chags dang / zhe sdang gti mug rnams kyis mi gos pa dang / gang dag 'khor ba mi dmigs pa nyid kyis phyir 'khor ba las 'das par mi byed pa dang gang dag gang nas kyang 'ongs pa med pa nyid dang / gang du yang 'gro ba med pa nyid kyi phyir mya ngan las 'das pa thob par mi byed de dag gis phyir de bzhin gshegs pa la zhu bar byed do// 'jam dpal kho bo ni ci nas yi ge rnams kyang mi brjod/ tshig gi lam la yang mi spyod la/ shes

  3. 218a

    rab kyis kyang bye brag phyed par 'gyur ba dang / shes pa yang gang yang med la/ 'di la rnam par grol ba yang gang / yang med pa de ltar de bzhin gshegs pa la zhu bar byed do// de ci'i phyir zhe na/ yi ge stong pa nyid phyir dang / thams cad skye ba med pa'i phyir ro// de nas 'khor der byang chub sems dpa' gang dag 'dus par gyur pa de ltar de dag 'di snyam du sems te/ kye ma byang chub sems dpa' sems dpa' chen po byams pa 'di/ de kho na ltar ldem po dag kyang snol zhing 'dug pa'i tshig 'di dag kyang snon la/ brjod pa thams cad kyang chos nyid mthun par sbyor ba lags te na zab me'i she rab dang ldan no snyam mo// de nas byang chub sems dpa' sems dpa' chen po rnam par brtse bas 'di skad ces gsol to// bcom ldan 'das byang chub sems dpa' sems dpa' chen po byams pa 'di// de tsam du zab mo bzod pa nges shing / shes rab dang spobs pa ston pa mkhas pa ni ngo mtshar lags so// bcom ldan 'das byang chub sems dpa' sems dpa' chen po byams pa yun ji srid gcig nas bla na med pa yang dag par rdzogs pa'i byang chub tu sems bskyed pa de/ bcom ldan 'das skye bo mang po la sman pa dang / skye bo mang po la bde ba dang / lha dang mi rnams kyi don dang sman pa'i slad du/ de bzhin gshegs par legs par bka'

  4. 218b

    stsal du gsol/ de ltar bgyis na byang chub sems dpa'i theg pa pa'i rigs kyi bu 'am rigs kyi bu mo rnams kyis gnas de dag thos na/ 'jug pa de yang / thos nas slar zhi bla na med pa yang dag par rdzogs pa'i byang chub las brtson par 'gyur lags so// de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba rnams la 'di skad ces bka' stsal to// rigs kyi bu byang chub sems dpa' sems dpa' chen po byams pas ni yun ring po nas/ tshangs par spyad pa spyod do// rigs kyi bu byang chub sems dpa' sems dpa' chen po byams pas ni mngon gyis rgyal ba rnams la bya ba byaso// dge ba'i rtsa ba bskyed do/ zab mo dang ldan no// rigs kyi bu byang chub sems dpa' sems dpa' chen po byams pa yang dag par zhugs te/ bskal pa brgyad khri bzhi stong yod nas/ de'i 'og tu gdod pas bla na med pa yang dag par rdzogs pa'i byang chub tu sems bskyed do// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gang gis zad du byang chub sems dpa' sems dpa' chen po byams pas/ bla na med pa yang dag par rdzogs pa'i byang chub tu sems bskyed pa'i mtshan ci lags/ de bzhin gshegs

  5. 219a

    pa dgra bcom pa yang dag par rdzogs pa'i sangs rgyas kyi legs par bka' stsal du gsol// de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to// rigs kyi bu de'i phyir legs par rab tu nyon la/ yid la zung shig dang / ngas khyod la bshad do// bcom ldan 'das de ltar 'tshal lo zhes gsol nas/ byang chub sems dpa' sems dpa' chen po rnam par rtse ba dang ldan pa'i 'khor de bcom ldan 'das kyis ltar nyan pa dang / bcom ldan 'das kyis de skad ces bka' stsal to// rnam par rtse ba sngon byung ba 'das pa'i dus bskal pa grangs med pa bas kyang ches grangs med pa/ yun ring zhing tshad med bsam gyis mi khyab dpag tu med pa'i snga rol/ de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rigs pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba'i kha lo bsgyur ba/ bla na med pa yang dag mi rnams kyis ston pa sangs rgyas bcom ldan 'das gser bzangs 'od ces bya ba 'jig rten du bya ba 'jig rten du bya'o// rigs kyi bu de bzhin gshegs pa gser gzangs 'od kyis spu'i khung bu re re nas 'od zer bye ba khrag khrig 'bum phrag mang mo dag gis shar phyogs 'gang bar

  6. 219b

    byed do// lho phyogs dang / nub phyogs dang / byang phyogs dang / phyogs mtshams dang / steng 'og kyang de dang 'dra'o// phyogs re res kyang de bzhin gshegs pa re res sangs rgyas kyis zhing byi ba khrag khrig 'bum phrag du ma 'gengs par mdzad do// de bzhin gshegs pa'i sku re res kyang sems can bye ba khrag khrig 'bum phrag du ma sangs rgyas dang chos rnams la 'dul bar mdzad de/ phyir mi ldog pa la 'god do// rigs kyi bu de bzhin gshegs pa dgra bcom pa yang dag par rdzogs pa'i sangs rgyas gser bzang de'i gser gyis 'od kyis/ 'jig rten gyis khams rtag tu snang bar byed do// sangs rgyas kyis zhing de ni nyi ma dang zla ba gnyis kyi ming med do// sgyu skar dang gza' dang skar ma dang / me'i 'od kyis ming yang mi grag go/ de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to// bcom ldan 'das de ltar na sangs rgyas kyis zhing de na ji ltar gdugs mtshan rnam par bzhag par 'gyur lags/ de skad ces gsol pa dang / bcom ldan 'das kyis byang chub sems dpa sems dpa' chen po rnam par rtsa ba la 'di skad ces bka' stsal to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas

  7. 220a

    kyis zhing de sa bzhi rin po che sna bdun las grub pa yin te/ gal te lag mthil ltar mnyam par gyur la/ rinan che sna bdun gyis bzhi chen po de las kyang rin po che sna bdun gyis pad+ma shing rta'i phang lo tsam la mdzes shing lta na sdug pa dang / dri zhim po'i ngad dang ldan la yid du 'ong ba dag gis mngon par 'phags te/ pad+ma re re las dri gsungs pa'i dri des kyang stong gsum gyis stong chen po'i 'jig rten gyis khams khyab te/ sems can gang dag gis dri de tshor ba de dag thams cad kyang bla na med pa yang dag par rdzogs pa'i byang chub tu nges so// pad+ma de dag kyang snga dro'i dus kyi tshe ni me tog rgyas la phye ma red kyi dus kyi tshe ni snying bar 'gyur te/ des sems can de dag 'di snyam du sems te phye mar red kyis dus la bab po snyam mo// rigs kyi bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang 'od de'i sangs rgyas kyis zhing de ni nyin mtshan rnam par bzhag par mngon no// rigs kyi bu sangs rgyas zhing de ni mi khom brgyad ni tha mi tsam yang mod do// sdug bsngal ba'i ming tsam dang / nyan thos dang rang sangs rgyas rnams kyang cing tsam yang med de/ sangs rgyas kyis zhing de ni byang chub sems dpa' 'khrig pa'i chos dang bral ba/ dri nga ba med pa'i 'ba' zhig gis yongs su gang bar gyur to// 'dus pa re re la yang

  8. 220b

    byang chub sems dpa' khri khrag bcu gnyis yod de/ de'i 'jug tu bcom ldan 'das de'i byang chub sems dpa' sde dpag tu med pa grangs med par 'dus par gyur to// de bzhin gshegs pa dgra bcom pa yang dag par rdzogs pa'i sangs rgyas gser bzang 'od de yang chos gzhan mi ston te/ byang chub sems dpa' sde snod phyir mi ldog pa'i 'khor lo 'ba' zhig bston par mdzad do// byang chub sems dpa'i 'khor le'i chos kyi rnam grangs gang zhe na/ 'di lta ste/ chos gang yang de bzhin nyid las phyir mi ldog pa dang / chos gang yang chos kyi dbyings las phyir mi ldog pa dang / chos gang yang dag pa mtha' las phyir mi ldog pa dang / 'dod chags 'dod chags kyis ngo bo nyid las phyir mi ldog pa dang / zhe sdang dang zhe sdang gi ngo bo nyid las phyir mi ldog pa dang / gti mug dang gti mug gis ngo bo nyid las phyir mi ldog pa dang / gzugs dang / gzugs kyi ngo bo nyid las phyir mi ldog pa dang / tshor ba dang / 'du shes dang 'du byed rnams dang / rnam par shes pa'i ngo bo nyid las phyir mi ldog pa dang / mig mig gi ngo bo nyid las phyir mi ldog pa dang / sna dang / lce dang / lus dang / yid yid kyis ngo bo nyid las phyir mi ldog pa dang / ngo bo nyid gang yin pa de ni dngos po med pa la/ dngos po med pa gang yin pa de ni/ gang las kyang phyir mi ldog pa dang / gang du mi 'jug pa'o// /

  9. 221a

    rigs kyi bu de ltar na de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de sangs rgyas kyis zhing de na/ byang chub sems dpa' de dag la/ byang chub sems dpa'i sde snod phyir mi ldog pa'i 'khor lo'i chos kyis rnam grangs yang dag par ston to// de'i tshe chos kyi rgyal po chos dang ldan pa/ gling bzhi pa'i dbang phyug 'khor los bsgyur ba'i rgyal po gser mdog can ces bya ba zhig byung ngo // rigs kyi bu rgyal po gser mdog des/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang 'od de// / byang chub sems dpa'i dge 'dun chen po dang bcas pa la/ lo bye ba phrag brgya bcu rtsa bzhi'i bar du mchod pa dang bsnyen bkur byas// bla mar byas/ ri mor byas/ mchod par byas so// rigs kyi bu 'di ltar rgyal po bzhi dang / lha'i dbang po brgya byin dang / mi 'jed kyi bdag po tshang pa 'khor dang bcas pas kyang / rgyal po gser mdog gis bsam pa rig nas/ bcom ldan 'das de bzhin gshegs pa gser bzang 'od de la bsnyen bkur bya bar spro bar gyur to// rigs kyi bu rgyal po gser mdog des 'khor gyis khyams pa dpag tshad brgya bcu rtsa bzhi pa zhig byas te/ 'khor gyis khyams de dar gyi lnga ldi ni bris/ me tog

  10. 221b

    gis ni pus mo nub tsam du bya ba byas/ steng gis bar snang la ni mu tig dmar po'i 'dra ba bris/ snying po'i spos kyi mchog gis ni 'dug/ 'khor gyis khyam der de bzhin gshegs pa de'i bden bye ba 'bum phrag dgu bcu rtsa dgu re ba'i ras bcos bu bye ba khrag khrig 'bum phrag du ma ting ba'i rkang pa rin po che du mas spras ba zhig bsham so// byang chub sems dpa' re re'i bstan yang bye ba khrag 'bum phrag re ba dag bsham so// de bzhin gshegs pa de dpag tshad nyes stong na bzhugs te/ rigs kyi bu gser mdog gis gshegs shul dpag tshad nyis stong legs par brgyan pa nas 'di lta ste/ lam de'i ngos g.yas g.yon du stegs su rin po che sna tshogs kyis spras pa dag byas so// lam de pus mo nub tsam du me tog gis khebs byas so// steng gi bar snang la rin po che sna tshogs kyi dra ba'i bla re bris so// stegs bu de dag la yang rin po che'i shing ljon pa 'phang du mda' rgyangs gang tsam yod pa dag btsugs so// rin po che'i shing ljon pa cig tu rin po che'i ston pa gnyis kyis bar du rdzing rin po che'i stegs bus bskor bas/ gser gyis bye ma brdal ba/ bai DUr+ya'i them skas kyis rim pa byas pa/ me tog ud dpal dang / pad+ma dang / ku mu ta dang / pad+ma dkar pos gang ba/ ngur pa skad 'byin pa dang ldan pa dge byas so// de bzhin du rin po che'i shing ljon

  11. 222a

    pa'i bar thams cad du yang rdzing dag byas te/ bkod pa de kho na dang 'dra ba bkod do// rin po che'i shing ljon pa thams cad kyi drung du me tog sil ma thogs pa'i mi lnga brgya bkod do// rin po che'i spos kyi snod thogs pa lnga brgya bkod do// rnga bo che dang / rdza rnga dang / khar rnga dang / kim pa la dang / pi bang dang / khar sil bkro ma la sogs pa rol mo'i cha byad du rnam pa sna tshogs thogs pa'i mi lnga brgya yod do// gdugs dang rgyal mtshan dang / ba dan thogs pa'i mi lnga brgya bkod do// de ltar rin po che shing ljon pa re r-i'i drung thams cad mi brgya phrag de rnyed bkod nas/ gang gis che bcom ldan 'das de bzhin gshegs pa gser bzangs 'od phan mtshun gshegs pa de'i tshe/ khyod kyi me tog sil ma 'di dag gis gtor cig/ tsan dan gyis phye ma 'di dag gis gtor cig/ phog por 'di dag gis gdugs par gyis shig/ sil snyen 'di dag kyang bkrol cig/ gdugs dang rgyal mtshan dang / ba dan 'di dag kyang sgreng shing ces bsgre'o// rin po che'i shing ldan pa thams cad kyis drung du rin po che'i me tog sna tshogs kyis snod thogs pa'i lnga brgya yang bkod do// lhag ma rnams kyang de bzhin du sbyar te/ gang gis tshe de bzhin du sbyar te/ gang gis che de bzhin gshegs pa la ma 'di nas phan tshun gshegs pa de'i tshe/ khyod kyis rin po che'i me tog

  12. 222b

    'di dag gtor cig/ ces bsgo'o// rigs kyi bu 'di ltar bcom ldan 'das de bzhin gshegs pa gser bzangs 'od de gtsug lag khang de nas byung ma thag tu 'khor gyis khyam su gshegs te de'i bar du gtsugs lag khang nas byang chub sems dpa' rnams la snang ba byung ngo // rigs kyi bu lam 'di dpag tshad nyis stong po de dag byang chub sems dpa' sems dpa' chen pos gang ste/ byang chub sems dpa' sems dpa' blo re re phan tshun du 'dom re re tsam du 'greng ngo // rigs kyi bu 'di ltar de bzhin gshegs pa de phan tshun du gshegs pa na/ 'di lta ste/ sangs rgyas kyis mthus byang chub sems dpa' re re'i drang thad kyis steng na dngul gdugs dkar po gser gyis yu ba can/ mu tig dmar po dra bas g.yogs pa/ gser gyi dril bu g.yer ka'i dra bas bskor ba/ ma bzungs par na mkha' la phan chun du 'gro'o// byang chub sems dpa' thams cad kyang de dang 'dra'o// rin po che'i gdugs de dag la dril bu g.yer ka'i dra bas btags pa gang yin pa de dag rlung gis bskyod pa las snyan cing yid du 'ong ba 'byung ste/ rin po che'i gdugs de dag rlung gis skyod pa las sgra ji ltar byung ba de 'dra ba ni sil snyan yan lag 'bum dang ldan pa las kyang mi 'byung ngo // rin po che'i gdugs dang / dril bu g.yar ka de dag dang / rin po che'i shing ljon pa'i lo ma de dag dang / rin po che'i tha gu de dag

  13. 223a

    dang / cha rin po che'i stegs bu de dag dang / sil bstan dang / glu dbyangs de dag las kyang sangs rgyas kyis mthus chos kyi rnam pa sna tshogs kyi sgra 'byung ste/ de dag sems can gang dag sbyin pa mos pa de dag gis sbyin pa'i sgra thos so// gang dag tshul khrims la mos pa de dag gi ni tshul khrims kyi sgra thos so// de bzhin du gang dag bzod pa dang / brtson 'grus dang bsam gtan la mos pa dang / gang dag shes rab la mos pa de dag gis ni shes rab kyi ni sgra thos so// de bzhin du stong pa nyid dang / mtshan ma med pa dang / smon pa med pa dang / skye ba med pa dang / 'gag pa med pa'i sgra dang / de bzhin du dbang po dang / stobs dang / byang chub kyi yan lag dang / de bzhin du mngon par shes pa dang / stobs dang mi 'jigs pa dang / so so yang dag par rig pa dang / sangs rgyas kyis chos ma 'dres pa dag gis sgra 'byung ste/ sems can rnams ji ltar bur mos pa de lta bu'i sgra 'byung zhing thos so// chos kyi sgra de thos nas kyang sems can dpag tu med pa dag bla na med pa yang dag par rdzogs pa'i byang chub tu nges par gyur to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas gser bzang 'od de/ lam de nas phan tshun du gshegs pa na/ dbu'i grangs thad kyi steng gi bar

  14. 223b

    snang la rin po che 'bum phrag du mas sbas pa'i lha'i rin po che'i gdugs ma bzung bar 'phags te/ phan tshun du 'gra'o// rin po che'i gdugs de dang / dril bu g.yer ka de dag rlung gis bskyod pa la sgra snyan cing yid du 'ong ba 'byung ste/ de bzhin gshegs pa'i phyag rgya zhes bya ba'i chos bstan pa 'byung ngo / de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to// bcom ldan 'das de bzhin gshegs pa gser bzangs 'od de'i gdugs de las byung ba// de bzhin gshegs pa'i phyag brgya zhes bgyi ba'i chos bstan pa gang lags pa de/ bcom ldan 'das de bzhin gshegs pas legs par bka' stsal du gsol// de skad ces gsol pa dang / bcom ldan 'das kyis byang chub sems dpa' sems dpa' rnam par rtse ba la 'di skad ces bka' stsal to// rigs kyi bu de'i phyir legs par rab tu nyon la yid la zung shig dang / de skad ces gsol pa dang / phyag brgya rtsam ngas bshad par bya'o// rigs kyi bu chos thams cad stong pa nyid kyi phyag rgya dang / mtshan ma med pa'i phyag rgya dang / smon pa med pa'i phyag rgya dang / skye ba med pa dang / 'gag pa dang / gnas med pa'i phyag rgya dang / dngos po med pa'i phyag rgya dang / chos kyis

  15. 224a

    dbyings kyis phyag rgya dang / de bzhin nyid kyis phyag rgya dang / yang dag pa'i mtha'i phyag rgya dang / ji lta ba bzhin gyis phyag brgya dang / 'dod chags dang bral ba'i phyag brgya dang / dben pa'i phyag brgya dang / rnam par grol ba'i phyag rgya dang / mtshan nyid med pa'i phyag brgya dang / 'gro ba med pa'i phyag rgya dang / bzung du med pa dang / gnas med pa'i phyag brgyas btab po// rigs kyi bu chos thams cad ni na mkha'i phyag rgyas btab pa'o// / rigs kyi bu dper na na mkha' la ni phyag brgyas rko bar sla ba ma yin la/ phyag brgyar yang 'dug pa dang / phyag brgyas 'bur ba yang bdag tu med de/ de ci'i phyir zhe na/ gnas kyang med rkyen yang med/ rgyu yang med skyed pa yang med/ rten yang med pa'i phyir ro// rigs kyi bu de bzhin du byang chub sems dpa' seMs dpa' chen po gang chos thams cad na mkha' dang 'dra ba dang / na mkha'i rnam pa can dang / nam mkha'i ngo bo nyid dang / nam mkhar ston par yang dag par shes pa dang / nam mkha' lta ni chos thams cad gdags su med par gnas te/ bdag pa tsam du zad do// ji ltar na mkha'i chos thams cad gdags su med pa/ gnas te/ gdags pa tsam du zad pa de bzhin du chos thams cad la yang gdags su med par gnas te/ gdags pa tsam du zad par yang dag par shes

  16. 224b

    pa dang / gang chos rnams gdags su pa tsam du shes de bzhin nyid dang 'gal bar mi byed do// gang de bzhin nyid dang 'gal bar mi byed pa de ni de bzhin gshegs pa'i phyag rgya ste/ des na de bzhin nyid la rmongs par mi 'gyur ro// bstan pa 'di bshad pa na byang chub sems dpa' lnga brgyas mi skye ba'i chos rnams la bzod pa thob pa gyur to// de nas bcom ldan 'das kyis byang chub sems dpa' sems dpa' chen po rnam par rtse ba la bka' stsal pa/ rigs kyi bu 'di ltar de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de byang chub sems dpa'i dge 'dun dang bcas par 'khor gyis khyams der gshegs te der byon pa na/ lha 'bum dag mchod pa'i las bya ba la spro bar gyur te/ me tog ud pa la dang / pad ma dang / ku mu ta dang / pad+ma dkar po dag thor bar byed do// lha'i me tog man da ra ba'i char yang 'bebs so// sil snyen bye ba phrag 'bum dag kyang dkrol bar byed do// rigs kyi bu 'di ltar de bzhin gshegs pas gsar bzangs 'od de 'khor gyis khyams su bzhugs pa na/ rgyal po chen po bzhi dang / lha'i dbang po brgya byin dang / mi 'jed kyi bdag po tshangs pas mchod pa'i las bya ba dang / bsnyen bkur ba dang / bla mar bya ba'i phyir nye bar gnas par gyur to// mchod pa ji lta bu dag gis phyir spro bar gyur ce na/ 'di lta ste de bzhin gshegs pa de byang

  17. 225a

    / chub sems dpa'i dge 'dun dang bcas par bzhugs pa la/ byang chub sems dpa' re re'i brgya pa na glang po che dkar po brgyan thams cad kyis brgyan pa nye bar gnas pa/ glang po che'i rgyal po de'i sna la yang 'di lta ste/ rlung gis nyi me skyabs pa'i phyir rin po che'i gdugs gsal zhing lta na sdug pa thogs pa dang / glang po che'i rgyal po thams cad kyis sna la yang mu tig sngon po bsal ba'i mu tig do shal 'phyang ba dang / mu tig gis do shal de las kyang chu bsil zhing bai DUr+ya sngon po 'dra la/ yan lag brgyad dang ldan pa bab ste/ chu des chu'i bya ba byed pa'o// byang chub sems dpa' dag khong ma thag tu 'di lta ste/ lha'i mthus lag pa g.yas pa la rin po che'i lhung bzed byang bar gyur to// lha rnams kyang byang chub sems dpa' de dag gi lhung bzed 'dzin par byed do// de bzhin gshegs pa gser 'od de ni tshangs pa nyin rin po che'i gdugs thogs te/ snam logs su 'dug go// rin po che'i gdugs de las kyang mu tig gis do shal de dag 'phyang ngo // mu tig gi do shal de dag las kyang chub sil zhing bai DUr+ya sngon po 'dra ba la yan lag brgyad dang ldan pa 'bab ste/ chu des de bzhin gshegs pa de chu'i bya ba mdzad do// lha'i dbang po brgya byin ni bcom ldan 'das de'i lhung bzed 'dzin to// rigs kyi bu 'di ltar de bzhin gshegs pa de byang chub sems dpa'i 'khor dang

  18. 225b

    bcas par bzhugs ma thag du byang chub sems dpa' de dag la/ lha mo re re 'dug na 'dug ste/ lha'i spos dri zhim po du ma mchis la theg par byed do// spras de 'theg pa na yang rdzi phyogs dang rdzi phyogs ma yin par ser ldang ste/ ser bu des byang chub sems dpa' de dag gis lus la spos kyis phog par byed do// skyes bu dam pa de dag ni dri nga ba med pa ste/ de dag ni lha mo'i 'du shes 'jug par mi byed la/ de dag gis spos kyis mtshan ma yang mi bskyed na/ chags par lta ga la 'gyur te da ni gnas med do// rigs kyi bu de ltar rgyal po gser mdog des/ de bzhin gshegs pa gser bzangs 'od bzhugs par rig nas/ bu stong dang bud med brgyad khri bzhi stong dang / rgyal po brgyad khri bzhi stong dang / khyim bdag brgyad khri bzhi stong dang / tshong dpon brgyad khri bzhi stong dang / blon po brgyad khri bzhi stong dang / bu mo brgyad khri bzhi stong dang / gan+dang yang skye bo'i tshogs mang po dag dang lhan cig tu rang gis lag nas bcal pa dang / bza' ba bsod pa mang po mchog tu gtsang bas tshim par byas te/ ci bzhed pa btab so// tshim par byas cing ci bzhed pa stabs te/ bshos gsol nas lcang sder gyur te/ phyag bcabs par rig nas/ de bzhin gshegs pa bye ba 'bum phrag dgu bcu rtsa dgu ri ba'i ras bcos bu phrug cig phul lo// byang chub sems dpa' re re la yang bye ba

  19. 226a

    phrag 'bum ri ba'i ras bcos bu phrugs re re phul lo// phul nas skye bo'i tshogs chen po de dag dang / yul gyi gtso bo rnams dang lhan cig tu thal mo sbyar nas 'di lta ste/ chos nyan pa'i phyir de bzhin gshegs pa'i spyan sngar 'khod do// rigs kyi bu 'di ltar de bzhin gshegs pa gser bzangs 'od des skye bo'i tshogs chen pos gus par 'khod do// byang chub sems dpa' chos 'dod par thugs su chud nas/ sgo so so pa zhes bya ba'i chos kyi rnam grangs bstan to// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to/ bcom ldan 'das gang bcom ldan 'das de bzhin gshegs pa gser bzangs 'od des bstan pa'i byang chub sems dpa' rnams kyis sgo so so pa zhes bya ba'i chos kyi rnam grangs gang lags/ bcom ldan 'das kyis chos kyi rnam grangs gang lags/ bcom ldan 'das kyis chos kyi rnam grangs de legs par bka' stsal du gsol/ de ltar bgyis na byang chub sems dpa'i theg pa pa'i rigs kyi bu 'am rigs kyi bu mo rnams kyang sgo so so pa'i chos kyi rnam grangs de la slob par 'gyur lags so// de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di

  20. 226b

    skad ces bka' stsal to// rigs kyi bu de'i phyir legs par nyon la yid la bzungs shig dang / sgo so so'i chos kyi rnam grangs de las brtsams pa tsam pa zhig bshad par bya'o// rigs kyi bu byang chub sems dpa' rnams kyi sgo so so ba ni gzhan ma yin gyis/ pha rol tu phyin pa drug po kho nar zad te/ 'di lta ste/ sbyin pa/ pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ste/ rigs kyi bu byang chub sems dpa' rnams kyis sgo so so pa ni de yin no// de ci'i phyir zhe na/ de nyid la sngon gyis de bzhin gshegs pa rnams kyis kyang bslabs nas bla na med pa yang dag par rdzogs pa'i byang chub mngon par sangs rgyas te chos kyis 'khor lo yang bskor/ sems can rnams kyang yongs su smin par mdzad nas/ yongs su mya ngan las 'das la/ ma 'ongs pa'i de bzhin gshegs pa rnams kyang sgo so so pa 'di nyid la bslabs nas bla na med pa yang dag par rdzogs pa'i byang chub mngon par rdzogs par 'chang brgya par 'gyur zhing / da ltar byung ba'i dus kyis de bzhin gshegs pa dgra bcom pa yang dag par rdzogs pa'i sangs rgyas gang dag 'jig rten gyi khams dpag tu med pa grangs med pa dag na bzhugs zhing 'tsho la bzhes pa'i de bzhin gshegs pa

  21. 227a

    de dag kyang sgo so so ba'i chos kyis rnam grangs 'di nyid la bslabs nas bla na med pa yang dag par rdzogs pa'i byang chub mngon par rdzogs par sangs rgyas te/ chos kyi 'khor lo bskor ba mdzad pa'i phyir ro// rigs kyi bu gang byang chub sems dpa' sgo so so ba'i yang dag par rdzogs smra bas smra ba ni/ pha rol tu phyin pa drug po 'di nyid yang dag par smra bas smra ba'o// de la sgo so so pa'i bye brag ni gang yin/ nyes pa ni gang yin/ rnam par gnon pa gang yin/ nges par 'byung ba gang yin zhe na/ ser sna'i sems ni byang chub sems dpa'i nyes pa'o// kun tu 'dzin pa'i sems ni byang chub sems dpa'i nyes pa'o// yongs su 'dzin pa'i sems ni byang chub sems dpa'i nyes pa'o// nor kun bsrungs la go bshad mi byed pa ni byang chub seMs dpa'i nyes pa'o// de la byang chub sems dpa'i gang ser sna'i seMs rnams par gnon cing bcom nas sbyin pa yid la byed pa ni de'i rnam par gnon pa yin no// de long spyod ji ltar chub yang rung / longs spyod brgya chen po dag yod kyang rung ste/ dge sbyong dang bram ze dang slong ba rnams la sgo bshad bye la/ de dag nga'i sems dang / kun tu 'dzin pa'i sems dang / mgu ba'i sems dang / rnam par smin pa la re ba med par sems can thams cad la snying rje bas/ phan pa'i dngos po sngon du btang ba'i

  22. 227b

    sems bskyed pas/ lag rgyang ste sbyin pa byin par byed pa'i byang chub sems dpa' de ni sgo so so la slob pa yin te/ 'di ni byang chub sems dpa'i nges par 'chud ba'o// rigs kyi bu 'chal pa'i tshul khrims ni byang chub sems dpa'i nyes pa'o// nyams pa'i tshul khrims dang / zhig pa'i tshul khrims dang / ral pa'i tshul khrims dang / nag nog gi tshul khrims ni byang chub sems dpa'i nyes pa'o// byang chub sems dpa' 'chal pa'i tshul khrims dang / nyams pa'i tshul khrims dang / 'dres pa'i tshul khrims dang / zhig pa'i tshul khrims dang / ral pa'i tshul khrims dang / nag nog gi tshul khrims gang zhe na/ byang chub sems dpa' gang nyan thos kyis sems sam/ rang sangs rgyas kyis sems sam/ dmigs pa can gyis sems bskyed pa dang / nyan thos kyi theg pa'am/ rang sangs rgyas kyi theg pa 'am/ dmigs pa'i lta ba 'dod pa dang / nyan thos kyi gtams sam/ rang sangs rgyas kyis gtams sam/ dmigs pa can gyis gtam la dga' bar 'dzin pa 'di ni byang chub sems dpa'i tshul khrims 'chal pa dang / tshul khrims nyams pa dang / tshul khrims 'dres pa dang / tshul khrims zhig pa dang / tshul khrim ral ba dang / tshul khrims nag nog can zhes bya'o// byang chub sems dpa' sgos sa la mi spyod pa dang / mi slob pa ni tshul khrims pa'i rab yin no// de na

  23. 228a

    bya/ ces bka' stsal pa dang / bcom ldan 'das la byang chub sems dpa' sems dpa' chen po rnam par rtse bas 'di skad ces gsol to// bcom ldan 'das ci'i slad du/ byang chub sems dpa' sems dpa' chen po/ de bzhin gshegs pa'i bslab pa gzhan las 'gal bar bgyis na ni/ tshul khrims 'chal par mi 'gyur/ gang gi tshe nyan thos kyi sems sam/ rang sangs rgyas kyis sems sam/ dmigs pa can sems bskyed de'i tshe tshul khrims 'chal pa'i rab du 'gyur lags/ bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to// rigs kyi bu byang chub sems dpa' de bzhin gshegs pa'i bslab pa gzhan las 'gal bar byas sam/ ngas lhung bar 'gyur ba'i chos bzhi gang dag gsungs pa de dag gis nyes byas sam/ mi dge ba bcu'i las kyis lam yang dag blangs te 'dug gam/ mtshams med pa lnga byas su zin kyang byang chub sems de byang chub kyang ma gtam ma spangs te/ byang chub kyi sems dang ma bral la/ dmigs pa can gyis sems dang / mngon par zhen pa'i sems kyang mi bskyed na/ byang chub sems dpa' de ni tshul khrims dang ldan pa kho na yin pa dang / tshul khrims ma nyams pa dang / tshul khrims ma 'dres pa dang / tshul khrims nag nog can ma yin par bzung bar bya ste/ byang chub sems dpa'i

  24. 228b

    sgo so so la spyod pa dang slob pa yang yin no// de ci'i phyir zhe na/ de dag ni byang chub sems dpa'i byang chub la bar du gcod par byed pa ma yin pa'i phyir ro// byang chub sem dpa'i sdig po'i las byas pas srid par 'gro ba bskyed du zin kyang 'on te byang chub sems dpa' ni ji tsam du srid par 'gro ba bskyed pa de tsam du pha rol tu phyin pa drug yongs su rdzogs par byed do// byang chub sems dpa' de bzhin gshegs pa'i bslab pa ji ltar byas pa la slabasu zin kyang / de nyan thos kyis sems sam/ rang sangs rgyas kyis sems sam/ dmigs par lta ba dang lhan cig rten par byas na byang chub sems dpa'i sems tshul khrims las ma nyams par 'gyur ro// rigs kyi bu gzhan de lta bus na byang chub sems dpa' gang byang chub kyi sems mi gtong la/ dmigs par lta ba'i sems kyang mi skye ba'i byang chub sems dpa'i sgo so so pa la spyod pa dang slob pa yin no// rigs kyi bu gzhan yang gnod sems kyi tha ba'i nyes pa'i sems ni byang chub sems dpa'i nyes pa'o// sems can rnams la ni snyoms pa'i yid la byed pa ni byang chub sems dpa'i nyes pa'o// sems can rnams dang chos rnams la tha dad par 'du shes pa ni byang chub sems dpa'i nyes pa'o// sems la dmigs pa la rten pa'i phyogs gcig pa ni byang chub sems dpa'i nyes pa'o// stong pa nyid la bzod pa ni byang chub sems dpa'i nyes pa'o// 'di la ni sbyin pa'o// 'di la mi sbyin no snyam

  25. 229a

    pa'i de ni byang chub sems dpa'i nyes pa'o// 'di la ni yin dbu'o// 'di la ni dbul lo// snyam pa de ni byang chub sems dpa'i nyes pa'o// 'di la ni chos bshad par mi bya'o// snyam de ni byang chub sems dpa'i nyes pa'o// 'di la ni bsnyen bkur bya'o// 'di la ni bsnyen bkur mi bya'o// / snyam pa de ni byang chub sems dpa'i nyes pa'o// byang chub sems dpa'i so so 'byed par byed de/ 'di ni tshul khrims dang ldan pa'o// 'di ni tshul khrims 'chal pa'o// snyam du so sor phye nas/ tshul khrims 'chal po'i nyes par byed pa de ni byang chub sems dpa'i nyes pa'o// de ci'i phyir zhe na/ byang chub sems dpa' ni sems can thams cad la sems mnyam pa dang / chos thams cad la sems mnyam par bya dgos shing / nyi ma dang zla ba'i dkyil 'khor 'dra ba dang / sa dang chu dang me dang rlung dang / nam mkha' lta bur snyoms pa'i sems dang / stong pa nyid la bzod pa dang ldan par bya dgos pa'i phyir ro// byang chub sems dpa' gang sems can gang yang yongasu mi gtong ba mi gnas pa'i sems dang / tshad nges par mi byed pas sems can thams cad kyis phyir snying rje bskyed cing byams pa mos par byas te/ khyab par byas nas bsgrub te gnas la/ chos rnams la yang stong ngo snyam du bzod pa'i byang chub sems dpa' de ni byang chub sems dpa'i sgo so so ba la spyod pa dang spobs pa yin no//

  26. 229b

    gzhan yang byang chub sems dpa' gang 'khor ba la tshad nges par byed pa de ni byang chub sems dpa'i nyes pa'o// bskal pa 'di tsam gyis bar du ni bdag 'khor bar bya'o// / bskal pa 'di tsam par du ni 'khor bar mi bya'o// snyam pa de ni byang chub sems dpa'i nyes pa'o// sems can 'di dag snyed cing bdag gis dkrol bar bya'o// / sems can 'di snyed cig ni bdag gis dkrol bar mi bya'o// snyam pa de ni byang chub sems dpa'i nyes pa'o// sems can 'di skad cig bdag gis dkrol bar bya'o// / sems can 'di snyed cig gis grol bar mi bya'o// snyam pa de ni byang chub sems dpa'i nyes pa'o// 'di ni brtson 'grus so// bdag ni brtson 'grus can no// bla na med pa yang dag par rdzogs pa'i byang chub mngon par rdzogs par 'tshang brgya par bya'o// snyam pa de ni byang chub sems dpa'i nyes pa'o// de la byang chub sems dpa'i rnam par gnon pa gang zhe na/ rigs kyi bu 'di la byang chub sems dpas 'di ltar go cha bgo bar bya ste/ 'khor ba'i sngon gyis mtha' mi sngon no// zhes ji skad du 'byung ba de srid du bdag 'khor ba na 'khor te/ gal te bdag sems can re re'i phyir yang / bskal pa de kho na snyed du 'khor ba na 'khor bar bya dgos par gyur na bdag gi/ spro bar bya'o// rnam grangs 'di gzhan du sems can thams cad kyis don gyis phyir/ phyi ma'i mtha'i mur thug pa ji srid pa de srid du 'khor ba dgos na yang bdag spro ste/

  27. 230a

    yang brtson 'grus dang / nga rgyal dang / byang chub la mngon par zhen pa spangs la/ mi dmigs pa'i brtson 'grus gis go chas spros par bya'o snyam ste/ de ltar byang chub sems dpa' go cha gos pa de ni byang chub sems dpa'i sgo so so pa la slobs pa yin no// rigs kyi bu gzhan yang byang chub sems dpa' gang grong dang grong khyer dang grong rdal dang / yul 'khor dang / rgyal po'i pho brang dag tu song na/ sems can rnams kyis don nus shing lcogs pa 'os yin bzhin du/ de dgon pa'i phyogs dben pa'i cig tu 'dug nas dben pa na spyod cing bsam gtan gyis ro dga' ba dang bde ba rten cing gnas pa de na byang chub sems dpa'i nyes pa'o// byang chub sems dpa' gang sbyin par byed pa la/ skyo bar yang med sems kyi dmigs pa la yang mi rten/ nang du yang dag 'jog kyang 'phel/ bar byed do// bsam gtan gyis ro myang ba yang med mi gnas pa'i bsam gtan yang yin na/ byang chub sems dpa' de ni/ byang chub sems dpa' de ni/ byang chub sems dpa'i sgo so so ba la spyod pa dang slob pa yin no// rigs kyi bu gzhan yang byang chub sems dpa' gang shes rab kyis pha rol tu phyin pa yang spyod pa nad chos thams cad stong par shes nas/ 'di la bdag gam/ sems can nam/ srog gam/ gang zag gang yang med do// snyam du shes nas/ bdag nyid du la

  28. 230b

    bar bya ba dang / zhi gnas la rnal 'byor du gnas la sems can gzhan phyin ci log tu dmigs pa'i 'dzin 'khris zin pa de dag la stong pa nyid bdag med pa'i tshul de mi brjod ston brda' sprod par mi byed pa ni/ sems de'i thabs la mi mkhas pa yin par rig par bya ste/ nyes par byed pa yang yin no// / byang chub sems dpa' shes rab kyis pha rol tu phyin pa la spyod pa na/ chos thams cad ngo bo nyid med par shes shing / chos thams cad ngo bo nyid kyis stong par shes nas 'di la bdag gis/ sems can nam/ srog gam/ gang zag gang yang med do// snyam ste/ de ngo bo nyid kyis stong pa'i chos 'di dag lus kyis mngon sum du byas ste/ thams cad la mi dmigs pa'i sems dang ldan la sems phyin ci log tu sems shing / dmigs pa can gang yin pa de dag kyang phyin ci log tu zin cing dmigs pa'i sems su gyur pa de las rab tu grol bar byas nas/ de dag la yang chos thams cad ngo bo nyid do zhes ston cing / de dag kyang chos thams cad rang bzhin gyis stong ngo // zhes bya ba la 'dzud par byed pa'i byang chub sems dpa' de ni thabs mkhas par yin par rig par bya te/ byang chub sems dpa'i sgo so so ba la spyod pa dang slob pa yin no// rigs kyi bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas

  29. 231a

    gser bzangs 'od bshos nas/ 'khor gyis khyams der 'khor de'i nang du byang chub sems dpa'i sgo so so ba zhes bya ba'i chos kyis rnam grangs 'di rgyas par bshad do// bcom ldan 'das des chos kyi rnams grangs 'di bshad pa na/ sems can chad med pa dag yang dag par rdzogs pa'i byang chub tu nges par gyur to// rigs kyi bu ngas bskal pa las lhag par byang chub sems dpa'i sgo so so ba'i chos kyi rnam grangs 'di las btsams te/ chos stan du zin kyang spobs pa 'am/ chos kyi rnam grangs zad par mi 'gyur mod kyis 'on kyang / de tsam pa tsam bstan pa yin no// rigs kyi bu de ltar rgyal po gser mdog des de bzhin gshegs pa de byang chub sems dpa'i dge 'dun dpag tu med pa dang thabs cig tu lo bye ba phrag brgyad bcu rtsa bzhi thams cad par bkod pa lta bu dang / bsnyen bkur dang / phu dud bya de lta bus bkur stir byas/ bla mar byas/ rim gror byas/ mchod par byaso// de nas byang chub sems dpa' sems dpa' chen po rnam par rtse bas 'di skad ces gsol to// btsun pa bcom ldan 'das rgyal po gser mdog des de bzhin gshegs pa de dang byang chub sems dpa' de dag gis gtsug lag khang ma bgyis lags sam/ de bzhin gshegs pa dang / byang chub sems dpa' de dag gang na bzhugs lags/ de/

  30. 231b

    skad ces gsol ba dang / bcom ldan 'das kyis byang chub sems dpa' chen po rnam par rtse ba la 'di skad ces bka' stsal to// rigs kyi bu de bzhin gshegs pa de dang / byang chub sems dpa' de dag ni rang rang gis sprul pa'i khang pa brtsegs pa'i nang na gnas so// de nas bcom ldan 'das kyis byang chub sems dpa' sems dpa' chen po rnam par rtse ba la bka' stsal pa/ rigs kyi bu de ltar lo bye ba phrag bcu rtsa bzhi po de dag 'das pa'i tha ma'i nyen par rgyal po gser 'dog gis de bzhin gshegs pa de dag la bshos gsol yon phul te slar gshegs par rig nas bsam pa 'di lta bu zhig bsam te/ ci bdag gis dge ba'i rtsa ba 'di brgya byin 'gyur bar yongs su sngo bar bya 'am 'on te tshangs par 'gyur bar yongs su bsngo bar bya 'am/ 'on te 'khor lo bsgyur ba thob par bya ba'i phyir// yongs su bsngo bar bya snyam mo// de nas de'i sems bskyed par bcom ldan 'das de bzhin gshegs pas bzangs 'od des thugs su chud do// de nas de bzhin gabye pas rgyal po de'i sems yongs su rtogs pa thugs kyis mkhyen nas/ rgyal po dang skye bo'i tshogs mang po de dag gis mdun steng gis bar snang la/ de bzhin gshegs pa'i sku de kho na bzhin du rnam pa thams cad yongs su rdzogs pa'i lus shig sprul te/ de steng gis bar snang de la 'dug nas/ rgyal po gser mdog la tshigs su

  31. 232a

    bcad pa 'di skad ces smras so// de na mi ni shes rab 'chal// byis pa'i rang bzhin gyur pa bzhin// rgyal la bsnyen bkur byas nas ni/ bya dga' chung ngu gsol bar byed// de bzhin la la sangs rgyas la// bsam gyis mi khyab mchod byas nas// tshangs pa brgya byin rgyal po'i srid// dam pa'i gnas la 'dod par bya// rgyal por gyur dang brgya byin dang // de bzhin tshangs par gyur pa rnams// 'di dag mi dag brten ma yin/ bsnyen pa yin te 'jig tshul can// srog chags kun la phan pa'i phyir// byang chub sems ni bskyed par bgyi// sangs rgyas mkhas rnams kyis// de 'dra'i sems ni bsngags pa yin/ rgyal po khyod ni yul 'khor bcas// mchod pa brgya chen byas zin gyis// byang chub sems ni bla na med// brgya chen sems ni khyod kyis bskyed// dma' ba'i smon lam ma 'debs shig/ de na byis pa'i spyod yul yin// shes rab bzang po mkhas par gyis// byang chub mchog la 'jug pa bgyis// mya ngan la ni 'dod pa'i phyir// sangs rgyas gshegs rnams la// gang gis stong gsum thams cad kyang // rin po che bkang ste phul ba bas// gang gi thal mo sbyar byas pa// sems kyi sngon byas la tshig tu brjod pa ma byas kyang // de ni de bas shin tu che// gang gis sems can thams cad la// bskal par bye ba brjod

  32. 232b

    med du// sems can kun la snyam byas kyang // de'i bcu drug char mi phod// gang zhig thal sbyar byang chub sems bskyed dang // phyogs bcu dag ni 'jig mdzad pa rnam 'dren sangs rgyas gang dag bzhugs rnams la// bsod nams 'dod pa'i 'gagos sngon chad kyis// 'khor bar bskal pa byi bar mchod pa bas// mi gang mkhas shing mdzad pa'i rang bzhin can// bde bar gshegs pa'i bstan la yid ches shing // byang chub sems ni brten par bskyod nas kyang // bde gshegs mchod rten la me tog phul// 'di ni de bas bsod nams khyab brjod na// byang chub sems kyi me tog 'bul byed la// bsod nams snga ma don dper mi rung // brgya mtsho dang ni chu'i thig pa bzhin// sangs rgyas zhing 'dir sems can ji snyed pa// bskal ba re re la ni sangs rgyas gyur// bskal pa mang por las gzhan mi byed par// bsod nams bshed kyang mtha' mi thugs pa med// de dag byang chub sems kyi rnam par smin// bskal pa mtha' yas rab tu bshad pa yang // cung zad tsam yongasu brjod mi 'gyur// sa bzhi dag la rdul ni blangs pa bzhin// de ltar rgyal po skyes mchog khyod kyis kyang // byang chub sems dpa' rnams kyis phan yon thos nas// myur du blo gros dma' ba kun spongs la// byang chub phyir ni brgya chen sems bskyed cig/ 'jig rten

  33. 233a

    'dren pa gser gyis mchod sdeng 'o// bsam gyi mi khyab yon tan kun ldan pa// de yis byang chub sems ni rnam par smin// 'di 'dra zhes ni phan yon 'di dag bstan// byang chub sems kyis rnam smin bstan pa yis// bsod nams de las gsal te gzugs yod na// zhing rnams gang ga'i bye ma snyed gang byas kyang // de dag bkang bas cha tsam zad pa med// rjes su bstan pa 'di 'dra thos nas kyang // rgyal po gtso bo'i sems ni dgar 'gyur te// sor mo bcu yis thal mo sbyar byas nas// sangs rgyas phyag 'tshal zhes ni tshig tu spras// byang chub phyir ni bdag gis sems bskyed de// bdag ni chos rjes su sangs rgyas 'grub par shog/ byang chub rdul bral 'das byas rtog nas// sems can gang ga'i bye snyed bkrol ba'i phyir// sangs rgyas sku des tshig tu brjod nas// de tshe rgyal ba'i gtso bo dga' gyur pa// shes nas stong gsum thams cad rab g.yos te// ngang pa'i rgyal po bzhin du mkha' las song // rgyal po gser mdog sems ni dang 'gyur nas// bu dang bu mo de bzhin chung ma dang // rgyal po dang ni tshong dpon khyim bdag rnams// sangs rgyas la ni phyag 'tshal 'dong zhes pos// bye ba brgya phrag drug bcus yongs su bskor cing // me tog rnams dang phrag pa gdug pa thogs// sangs rgyas gang la bar ni gnyi rgyud song // zhabs la phyag 'tshal nas ni phyogs gcig 'dug/ de bzhin bu dang bu mo chung ma dang // blon po dang ni tshong dpon khyim bdag dang // rgyal po gzhan dang de bzhin 'khor gyis rnams// de dag

  34. 233b

    kyang ni gus par phyag 'tshal 'khod// lha rnams kyis kyang bar snang thams cad khyab// sil bstan dkrol zhing me tog char 'phab pa// gser gyi mdog de yul gyis mi bskor nas// thal mo sbyar byas sangs rgyas zhu bar byed// stobs bcu ldan pa dpag med lha'i lha// mi 'dug kha lo bsgyur ba khyod la zhwa// gang gis byang chub sems ni brten por bskyed// de'i bsod nams ji tsam skyed 'gyur lags// bcom ldan 'das ji ltar spyod pa spyad bgyis na// bskal par mang por sdug bsngal mi mthong bar// nges par bde dang bde blag tshig gyur pas// byang chub bdud brtsi mya ngan med par rtog/ bdag gzhan rka ldag btang yang mi 'chal zhing // mgo dang rang sha sAl yang mi 'tshal bar// bdag ni nges par gder gnas spyod pa yin// thabs 'dir thub pas bdag la bstan du gsol// rtag tu bde dang klag ldan par shog/ nam kyang bdag lus sdug bsngal ma gyur cig/ byams dang bzod dang dul dang bsdom pa la// gnas nas bdag gis byang chub mchog reg shog// le lo ma/ mchis rtag tu slab la slob bdag gis bslab pa nams kyang bzhig mi bgyi// 'dren pa bdag ni dam bcas brtan par bgyi// nams kyang tshig tsam lhur lan yongs mi bgyi// rang 'byung bsod nams 'bras bu bdag la gsungs// de bzhin gshegs pa theg pa la bde ba gsangs// ji ltar spyad pa'i skabs pa bka' stsal du gsol// thos

  35. 234a

    nas ji ltar bstan bzhin gnas par bgyi// gser 'od gser bkod 'od bzangs des gsungs pa// kye kye se'i bdag po mnyam par bgyi// bde ba'i rgyu gang bsod nams khyod la bshad// bslab pa'ang bshad kyis de phyir las nyon// gang gis stong gsum rin chen gang byas la/ stobs bcu mda' ba rnams la 'bul byed pa// de bas byang chub tu ni smin byed pa// bsod nams shin tu mang po 'phel bar 'gyur// gang gis zhing rnams gang ga'i bye ma snyed// rin chen gang bas byas nas sbyin pa byin// de bas byang chub tu ni smon byed pa// bsod nams shin tu mang po 'phel bar 'gyur// gang gis bskal pa bye ba khrag khrig tu// sems can thams cad la ni mchod pa byed pa// de bas byang chub tu ni smin byed pa// bsod nams shin tu mang po 'phel bar 'gyur// gal te sems can thams cad dgra bcom gyur// ye shes dbang thob gyur pa de dag la// bsod nams 'dod pa'i gang zag la la zhig/ bskal ma bye ba khrag khrig mchod pa byed pa la// gang gis snying rje bskyed nas byang chub tu// brgya chen sems ni bskyed par 'gyur te// sems can la la gang gis byang chub tu// sems kyi gtso bo bskyed par byas nas kyang / gom pa bdun na po ba'i bsod nams 'di// de bas khyab par 'phags par 'gyur ba yin// gal

  36. 234b

    te sems can mtha' dag sangs rgyas te// spobs pa mtha' yas ldan pa nyid gyur la// ji ltar sngon gyi 'khor ba'i bskal pa'i bar// sems can cig bus mchod pa byas pa dang // mkhas pa'i mi ni gang yang rung ba yis// byang chub mchog tu sems ni bskyed nas kyang // me tog cig pu phul ba'i bsod nams 'dis// de bas khyad par 'phags par 'gyur ba yin// bskal pa bye ba khrag khrig mang por ni// bsod nams de'i bshad pa tsam byas kyang // bsod nams 'bras bu de'i bshad pa ni// nams kyang zad par 'gyur ba ma yin no// rigs kyi bu 'di ltar bcom ldan 'das de bzhin gshegs pa gser bzangs 'od des// rgyal po gser mdog de la 'di skad ces bka' stsal to// rgyal po chen po ches gcig dang ldan na byang chub sems dpa' ses dpa' chen po myur du theg pa bde bas bla na med pa yang dag par rdzogs pa'i byang chub mngon par rdzogs par 'tshang brgya par 'gyur la// sdug bsngal ba dang / yid mi bde bar mi 'gyur ro// chos gcig po gang zhe na/ 'di lta ste/ bag yod pa ste/ rgyal po chen po byang chub sems dpa' bag yod pa ni myur du bla na med pa yang dag par rdzogs pa'i byang chub mngon par rdzogs par 'tshang brgya par 'gyur ro// de la bag yod pa gang zhe na/ 'di lta ste/ bslab pa yongs su mi btang

  37. 235a

    ba dang / dam bcas pa las mi nyams pa dang / sems can thams cad la byams pa gnas pa dang / seMs can thams cad yongs su mi btong ba dang / byang chub la 'dug pa rten pa dang / brtson 'grus mi gtong ba dang / dge ba'i gshes bsnyen rnams la bsnyen bkur byed pa dang / chos la gus pa dang / thos pa mang pos mchog mi shes pa dang / gzhan dag la chos kyis bsgo sha byed pa dang / zang zing med par chos bston pa dang / sbyangs pa'i yon tan dang / yo byad bsnyungs pa rnams mi gtong ba dang / 'dod pa nyung ba dang / mchog shes pa dang / nga rgyal bcom pa dang / chos nyan pa la rna ba blags te nyan pa dang / bla ma la gus pa dang / bzod pa la gnas pa dang / gnod sems kyi tha ba'i nyes pa dang / rnam par spangs pa dang / zab mo stong pa nyid chos la mos pa dang / dmigs pa lta thams cad rnam par spangs pa dang / nang du yang dag par 'jog la 'dun pa drag po dang ldan pa dang / sems can yongs su smin par bya ba la mi g.yal ba dang / 'du shes zlog pa dang / bre mo'i gtam rnam par spong ba dang / lus sems dben par gnas pa dang / dgon par gnas pa dang / sems mnyan pa dang / tshul khrims mchog tu mi 'dzin pa dang / bdag la mi

  38. 235b

    ston pa dang / gzhan la mi spong ba dang / 'gyod pa thams cad las nges par 'byung bar byed pa dang / mngon par 'byung ba dang / dge sbyong gis tshul rgyun tu dga' ba dang / bzod par smra ba dang / bzhin khro gnyer med pa dang / chos thams cad bskyed pa med pa dang / 'gags pa med pa la 'dzud pa dang / chos thams cad na mkha' dang 'dra ba rtog pa 'di ni byang chub sems dpa'i bag yod pa zhes bya'o// rgyal po chen po gzhan yang byang chub sems dpa'i bag yod pa ni 'di lta ste/ nyan thos dang rang sangs rgyas kyi sems dang / dmigs par lta ba'i sems can tha na rmi lam du yang yod la mi byed pa ste/ rgyal po chen po 'di ni byang chub sems dpa'i bag yod pa'o// rgyal po chos bzhi dang ldan pa'i byang chub sems dpa' ni myur du bla na med pa yang dag par rdzogs pa byang chub mngon par rdzogs par 'tshang rgya bar 'gyur te/ mgo bo dang rkang lag dang / mig yan lag dang / sha dang / khrag dang / rus pa dang / rkang dang tshil dang / mdog dang / lpags pa dang / lus thams cad yongs su gtang mi dgos par bdog pa thams cad yongs su gtong bar 'gyur/ theg pa bde bas kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bzhi gang zhe na/ rgyal po chen po 'di la byang chub sems dpa'

  39. 236a

    ni dge ba'i chos yongs su btsal ba la/ yid ma rten pa yin te/ de na dge ba'i rtsa ba gang ci bskyed kyang rungs te/ de la rten por gnas shing / zhum pa med pa'i sems dang ldan la theg pa chen po la shin tu rten no// rgyal po chen po gzhan yang byang chub sems dpa' ni tshul khrims kyi phung po shin tu yongs su dag pa/ 'phags pa dang / mkhas pas sngags pa/ bla na med pa yang dag par rdzogs pa'i byang chub kyis yongs su zin pa dang / ldan pa yin te/ des ni bdag nyid tshul khrim la gnas par rig par gnas nas/ chos kyi dga' ba nyams su myong ngo // rgyal po chen po gzhan yang byang chub sem dpa' ni byams pas gnas dang / bsam gtan rten pa dang / mi gnas pa'i bsam gtan pa yin te/ rgyal po chen po byang chub sems dpa' ting nge 'dzin la gnas shing / mi gnas pa yid la byed pa dang / sems can thams cad la snyoms pa'i sems dang ldan pa'i bde bar gnas pa ci 'dra ba de lta bu'i bde ba'i rnam pa gzhan med do// rgyal po chen po gzhan yang byang chub sems dpa' ni ji lta ba bzhin du chos la rtog par yin te/ de ltar ji lta ba bzhin du yongs su rtog ste// / 'du byed kyi rnam pa 'di dag thams cad ni stong pa ste/ 'di la bdag gam/ sems can nam/ srog gam/ gang zag gam/ yongs su gtong ba yang yin pa 'am/

  40. 236b

    yongs su gtong ba gang yin pa 'am/ len pa gang yin pa 'am/ bzod par byed pa gang yin pa 'am/ gang la bzod par bya ba 'am/ bzod par bya ba gang yin/ pa 'am/ brtson pa gang yin pa 'am/ gang gis phyir rtsom pa 'am/ bsam gtan byed pa gang yin pa 'am/ bsam gtan du bya ba gang yin pa 'am/ sgom par byed pa gang yin pa 'am/ sgom par byed pa gang yang med do// snyam mo// de de ltar ji lta ba bzhin du rtogs pa na/ 'dus byas kyis chos thams cad rang bzhin gyis stong par rig nas/ dmigs par lta ba la ga la yod par mngon par zhen pa med la/ bde bar yang gnas te/ rgyal po chen po chos bzhi po de dag dang ldan pa'i byang chub sems dpa' chen po ni bde ba thams cad dang ldan par myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// rigs kyi bu de ltar rgyal po gser mdog des bye ba khrag khrig 'bum phrag dgu bcu rtsa dgu ri ba yi chos kyi sbyin pa de bzhin gshegs pa de la phul nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de la 'di skad ces gsol to// bcom ldan 'das sems can thams cad la blo rje ba'i slad du bdag gis bla na med pa yang dag par rdzogs pa'i byang chub tu sems bskyed do// zhes gsol nas/ de'i tshe tshigs su bcad pa 'di dag gsol to// bdag ni

  41. 237a

    zhum pa ma mchis sems kyi su// mi mchog spyan sngar tshig 'di gsol bar bgyi// sems can kun la snying rtse bskyed nas kyang // 'dren pa rnams ni byang chub sems gzhol bgyi// bdag la nams kyang g.yo rgyu ma mchis te// stobs bcu ldan pas bdag gis bsam pa mkhyen// yon tan mnga' ba drang chen 'dra ba ni// lha mi gzhan bdag gis dbang ma mchis// bdag ni sdug bsngal rnams skyabs skyobs pa dang / dpung nyan gyur te sdug bsngal chos rnams grol// khyu mchog bdag nyid bde la gnas nas kyang // srog chags rnams ni bdag gis bde la bkod// 'dren pa bde gshegs gsungs pa'i chos gang dag/ de la bdag na spyad phyir gnas par bgyi// 'dren pa ji ltar khyod ni lha mis mchod// de ltar bdag kyang mi rnams mchod rten shog/ byang chub thams cad mchog ni tshol bgyid cing // bskal pa mang por sbyin pa byin par bgyi// zas skom gos dang shing rta zhon pa dang / gser dngul rin chen du ma sbyin par bgyis// 'dren pa bdag ni bslabs la gus par bgyis// de ni ji bzhin yongs su bsrungs par bgyis// nyams par mi bgyid gang la'ang gnas mi bgyid// 'dren pa ni tshul khrim dag par bgyid// sems can kun la snyoms pa'i bsams pa yis// srog chags rnams la byams pi sems su bgyid / bkur sti bgyis dang / mtho bar 'gyur dang

  42. 237b

    dma' bar 'gyur ma mchis// bskal pa bye ba mang po bsam yas par// bdag ni ji srid sngan chad 'khor bar gyur// mi dpa' khyed la rten nas de srid du// sems can gcig gis phyir yang spro bar bgyi// lha mi 'dren pa bde gshegs gsungs pa yi// bsam bde ba de la gnas par bgyi// 'dren pa bsam gtan bde la reg gnas shing // rtag tu dgon pa'i gnas par bgyi// bdag gis stong pa nyid la nges par bgyi// lta ba lta ni rten par yongs mi bgyid// dma' ba'i spyod pa rtag tu rnam par spang // mchog gis spyod pa dri med sbyangs par bgyi// rigs kyi bu de ltar rgyal po gser gyis bla na med pa yang dag par rdzogs pa'i byang chub tu sems bskyed ma thag pa de'i mod la/ stong gsum gyi stong chen po'i 'jig rten gyi khams 'di rnam pa drug tu rab tu g.yos so// rgyal bu brgyad khri bzhi stong po de dag gis kyang bla na med pa yang dag par rdzogs pa'i byang chub tu sems bskyed do// khyim bdag brgyad khri bzhi stong po de dag dang / tshong dpon brgyad khri bzhi stong po de dag dang / bu dang bu mo dang chung ma de ngag dang // gzhan yang skye ba'i tshogs chen pa de dag dang / lha'i bu brgyang khri ni snang rnams rgyal po gser mdog de'i rjes su srab cing thams cad kyis bla na med sang// ba gas pa'i byang chub kyi sems pababyung ngo // rigs kyi du 'di ltar rgyal logs ma dag das bu brgyal por bcug sa/ bcug nas kyang burnams dang / bu bo

  43. 238a

    dang rta chung ma rnams dang / tshong dpon dang / khyim bdag dang / rgyal phran rnams dang / lhan cig tu srog chags bye bas bskor te dad pas khyim nas khyim med par rab tu byung ngo // de dag de lta bu byung nas lo khri'i bar du tshangs par spyod pa yongs su byang bar spyad do// rgyal po gser mdog gis kyang / mngon par shes pa bsgrubs nas/ mang du thos pa'i mthar phyin par gyur to// byams pa'i ting nge 'dzin kyang bsgrubs po// dge ba'i rtsa ba de dag lhag pa'i bsam ba yang dag par zhugs pas des 'khor los bsgyur ba'i rgyal por gyur pas sangs rgyas nyid khri mnyes par byas te/ sangs rgyas bcom ldan 'das de dag thams cad la yang / na gza' dang / zhal zas dang / gzim cha dang / ba dan dang / snyun gyis gsos sman dang / yo byad kyis bkur sti byas/ bla mar byas nas sangs rgyas bcom ldan 'das de dag thams cad kyi thad du dad pas khyim nas khyim med par rab tu byung ngo // rigs kyi bu de'i tshe de'i dus na/ rgyal po gsor mdog du gyur pa de gzhan yin snyam du khyod som nyi 'am/ yid gnyis sam/ the tshom za na/ rigs kyi bu khyod kyis de ltar mi lta'o// de ci'i phyir zhe na/ byang chub sems dpa sems dpa' chen po byams pa 'di/ de'i tshe de'i dus na rgyal po gser mdog du gyur to// rigs kyi bu de'i tshe de'i dus na/ tshangs par gyur pa/ bcom ldan 'das

  44. 238b

    de bzhin gshegs pa dgra bcom pa yang dag par rdzogs pa'i sangs rgyas gser bzangs 'od de la mchod pa'i lam la brtson par gyur pa gang yin pa de'i gzhan zhig yin snyam 'am/ khyod som nyi 'am/ yid gnyis sam/ the tshom za na/ rigs kyi bu khyod kyis de ltar mi lta'o// de ci'i phyir zhe na/ rnam par rtse ba khyod nyid de'i tshe de'i dus nas tshangs par gyur to// rigs kyi bu de'i tshe de'i dus na/ lha'i dbang po brgya byin/ bcom ldan 'das gser bzangs 'od la bsnyen bkur dang rim gro byed par spro bar 'gyur ba gang yin pa de gzhan zhig snyam du som nyi'am/ yid gnyis sam/ the tshom za na/ rigs kyi bu khyod kyi de ltar mi blta'o// de ci'i phyir zhe na/ nga nyid de'i tshe de'i dus na lha'i dbang po brgya byin du gyur te/ byang chub tu sems ma bskyed par mi gnas pa'i sems kyis/ de bzhin gshegs pa de la bsnyen bkur byas so// rigs kyi bu do'i tshe de'i dus na/ sems can ji snyed kyi rgyal po gser mdog dang lhan cig tu bla na med pa yang dag par rdzogs pa'i byang chub tu sems bskyed po de dag gi nang nas tha na sems gcig kyang bla na med pa yang dag par rdzogs pa'i byang chub las phyir mi ldog par ngas mthong ste de dag thams cad ni shes rab che ba dang / brtson 'grus che ba sha stag te/ byang chub kyi phyogs kyis chos rnams yang dag par bsgrub shig/ pha rol tu phyin pa drug yongs su rdzogs par byas nas/ sangs rgyas kyis zhing tha dad pa

  45. 239a

    dag tu mtshan tha dad pa'i de bzhin gshegs par gyur te/ 'jig rten du byung nas thams cad kyis chos kyis 'khor lo bskor to// chos kyi 'khor nAs yongs su mya ngan las 'das so// de bzhin gshegs pa dgra bcom pa yang dag par rdzogs pa'i sangs rgyas de dag thams cad kyang dang byang chub sems dpa' byams pa dang / 'khor 'dir byang chub sems dpa' sems dpa' chen po 'dus pa gang yin pa 'di mthong / mchod pa byas so// bsnyen bkur byas so// de bzhin gshegs pa de dag gis dam pa'i chos kyang bzung ngo // de nas bcom ldan 'das la byang chub sems dpa' sems dpa' chen po rnam par rtse bas 'di skad ces gsol to// bcom ldan 'das bla na med pa yang dag par rdzogs pa'i byang chub de tsam du yun ring du thogs pa dang / bla na med pa yang dag par rdzogs pa'i byang chub tu sems bskyed pa de tsam du bka' ba ni ngo mtshar lags so// de ci'i slad du zhe na/ der srog chags bye ba khrag khrig 'bum phrag de snyed kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang 'od de'i gsungs rab la bla na med pa yang dag par rdzogs pa byang chub tu sems bskyed la/ bcom ldan 'das kyis ni ma skyed pa'i slad du'o// de skad ces gsol pa dang / bcom ldan 'das kyis byang chub sems dpa' sems

  46. 239b

    dpa' chen po rnam par rtse ba la 'di skad ces bka' stsal to// rigs kyi bu de de bzhin te/ khyod ji skad zer ba bzhin du bla na med pa yang dag par rdzogs pa'i byang chub 'di ni yun ring thogs so// bla na med par rdzogs pa'i byang chub tu sems bskyed pa yang dka'o// rigs kyi bu ngas mngon par shes pa/ bcom ldan 'das de bzhin gshegs pa yang dag par rdzogs pa'i sangs rgyas gser bzang 'od de'i sngon rol dang / de'i 'og tu spangs rgyas mang po bye ba khrag khrig 'bum dag la nga la ri mo byas/ mchod par byas/ bskur sti byas/ bla mar byas mod kyi/ de srid du ngas bla na med pa yang dag par rdzogs pa'i byang chub tu sems bskyed de gzhan du nga 'di snyam sems te/ sangs rgyas bcom ldan 'das de dag de tsam du mdzes shing de tsam lta na sdug pa/ de tsam du snying du sdug pa ni ngo mtshar to snyam ste/ de dag la nga'i sdug pa'i sems dang / dga' ba dang gus pa bskyed par zad de/ ngas bla na med par yang dag par rdzogs pa'i byang chub tu sems bskyed do// rigs kyi bu de bas na/ rnam grangs 'dis khyod kyis 'di ltar rig par bya ste/ sangs rgyas bye ba khrag khrig 'bum phrag dpag tu med pa grangs med pa dag dang / rang sangs rgyas bye ba khrag khrig 'bum phrag dpag tu med grangs med pa dag dang / nyan thos kyi bye ba khrag khrig 'bum phrag dpag tu med grangs med

  47. 240a

    pa dag la byang chub sems dpa' rnams kyis ji ltar mchod pa byas su zin kyang de srid du yang bla na med pa yang dag par rdzogs pa'i byang chub sems mi bskyed pa dang / de gzhan du na phyis gang gis che/ dge ba'i rtsa ba yongs su 'dus par gyur pa de'i 'og tu/ bla na med pa yang dag par rdzogs pa'i byang chub tu sems bskyed par zad do// de nas bcom ldan 'das kyis de'i tshe tshigs su bcad pa 'di dag bka' stsal to// dang po dag ni don dam gzigs pa dang // grags pa chen po shes rab pha rol son// mi mchog sangs rgyas bye ba khrag khrig dang // bsam yas rnams la gus pas mchod par byed// dang por yon tan 'byung gnas rnams mchod kyang // bdag na mkhas pa chos kun shes pa'i mchog/ 'jig rten dag na sangs rgyas gyur cig/ de srid du yang sems ni bskyed mi bya// de dag rang sangs rgyas bye ba snyed la yang gus pa bskyed nas mchod par byed// pos kyi mi phyog kha lo bsgyur pa rdzogs sangs rgyas gyur ces sems ni de srid bskyed mi byed/ gus pa rgya chen yang dag bskyed nas kyang // dbang du gyur pa bye ba snyed mchod mod kyi// ye shA rgya mtsho mi mchog 'dra ba ni// de srid du yang sems ni skye mi byed// don dam gzigs pa rnams kyi gzugs mthong nas// dga' ba'i shugs ni rgya chen bsam

  48. 240b

    mi khyab// mkhas pas mi 'dul rdzogs pa'i sangs rgyas su// gyur ces sems ni de srid skyed mi byed// gang tshe de dag bsod nams rgya chen bsags// lus dang yid kyi bden pa na// 'dren pa mi rnams mchog tu gyur cig ces// byang chub don du sems ni bskyed par byed// de dag gis ni bskal ba bye ba snyed// bsnyen bkur byas nas bsod nams bstsags nas kyang // sems dge ba dang 'jam zhing mnyen pa yis// de tshe byang chub tu yang sems bskyed de// bdag gis dge ba'i rtsa ba gang lags pa// des ni bdag kyang thams cad gzigs gyur cig/ nams kyang bdag gis smon lamanyam ma 'gyur// de dag de skad smon lam 'jug par 'gyur// bdag gis dge ba'i rtsa ba gang bsags pa// de ni srog chags thams cad rgal gyur cig mi dge la sogs bdag gis gang byas pa// de'i 'bras bu mi zad bdag gi spang // mthu dang brtson 'grus brtan po bskyed nas ni// phyis nas bya chub phyogs tu sems kyang bskyed// sems ni nams kyang zhum par ma gyur cig/ dga' ba rgyu chen bsam yas thob gyur cig/ mkhas pa'i som la dmigs par mi byed de// byang chub mi dmigs bdag nyid kun mi dmigs// chos 'di nyid mtha' dag stong par shes na ni// de na byang chub sems ni brjed

  49. 241a

    mi 'gyur// de skad ces bka' stsal pa dang / bcom ldan 'das la byang chub sems dpa' sems dpa' chen po/ rnam par rtse bas 'di skad ces gsol to// bcom ldan 'das ci'i slad du byang chub sems dpa' sems dpa' chen po byams pa la byams pa zhes bgyi/ byang chub sems dpa' sems dpa' chen po byams pa 'dis ming 'dis ga las rnyed lags/ de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to// rigs kyi bu sngon 'byung ba 'das pa'i dus na/ bskal pa grang med pa bas kyang ches grangs med pa/ yun rings po tshad med pa 'das pa'i dus na/ de bzhin gshegs pa dgra bcom pa yang dag par rdzogs pa'i sangs rgyas rigs pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba'i kha lo bsgyur ba/ bla na med pa lha dang mi rnams kyis ston pa sangs rgyas bcom ldan 'das rin chen gdugs zhes bya ba 'jig rten du 'byung ste/ rigs kyi bu de bzhin gshegs pa rin chen gdugs btsas ma thag tu gom pa bdun bor nas gnas gtsang ma'i rigs rnams kyi lha rnams kyis steng du ngar snang la rin po che sna bdun gyis gdugs bzung ngo // rin po che sna bdun/

  50. 241b

    des kyang stong gsum gyi stong chen po'i 'jig rten gyis khams thams cad snang bar byas so// der lha rnams kyi kye ma 'di ni de bzhin gshegs pa rin po che gdugs zhes bya bar 'gyur ro// zhes sgra sgrags te/ de na de bzhin gshegs pa'i mtshan rin chen gdugs zhes bya bar gyur to// de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen gdugs de'i gsung rab la dge slong gros brtan po zhes bya ba tshong dpon gyi rigs las rab tu byung ba zhig yod do// rigs kyi bu dge slong blo gros brtan po des bsod snyoms par gyur to// de'i tshe de'i dus na de bzhin gshegs pa rin chen gdugs de'i bstan pa la bab pa na 'dzam bu gling na grong brgyad khri bzhi stong yod do// grong rdal brgyad khri bzhi stong yod do// yul 'khor brgyad khri bzhi stong yod do// tshong dus brgyad khri bzhi stong yod do// dge slong blo gros brtan po de yang grong dang grong khyer dang / grong rdal dang / yul 'khor dang / tshong dus de dag thams cad du bsod snyoms kyi phyir rgyu bar/ gyur la/ de 'di snyam du sems te/ nam srog chags brgyad tshang bar bslang ba'i bzhi lnga 'am bkod kyi bar du bdag gis zan mi za'o snyam mo// rigs kyi bu 'di ltar na dge slong blo gros bstan pa de lta bu'i yid dam bcas nas grong dang / grong khyer ram grong rdal las/ yul 'khor ram/ tshong 'dus gang dang gang du bsod snyoms kyi phyir rgyang

  51. 242a

    de dang der srog chags brgya chang bar slab pa'i bzhi lnga la ma bkod kyi bar du zan mi za'o// rigs kyi bu dge slong blo gros brtan po des/ gang gis che nyi ma gcig gis srog chags bslab pa'i bzhi lnga la bkod pa de'i dus dang de'i skabs kyang yod do// gang gis tshe nyi ma gnyis kyi srog chags brgya bslab pa'i bzhi lnga la bkod pa de'i dus dang de'i skabs kyang yod do// des zan bcad nas nyi ma gsum pa'i tshe zan bza'o// gang gis tshe nyi ma gsum gyi srog chags brgya bslab pa'i bzhi lnga la bkod pa de'i dus dang de'i skabs kyang yod do// nyi ma bzhis srog chags brgya 'tshang bar bslab pa'i bzhi lnga la bkod pa de'i tshe de'i dus dang de'i skabs kyang yod do// rigs kyi bu gang gis tshe nyi ma lnga dang / drug dang / bdun gyi srog chags brgya bslab pa'i bzhi lnga la bkod pa de'i dus dang skabs kyang yod de/ de zhag bdun gyis bar du zan kyang sems can rnams la snying rje'i phyir sems can rnams la snying rje'i phyir/ sems yongs su mi skyo ste zhag brgyad pa'i tshe zan za'o// rigs kyi bu rnam grangs de lta bus dge slong blo gros brtan po des lo brgyad khri bzhi stong gi bar du yongs su mi skyo ba'i sems kyis grong khyer chen po de dag tu song zhing / grong dang grong khyer dang grong brdal dang / yul 'khor dang / tshong 'dus de dag tu song nas/ sems can bslab pa'i bzhi lnga la bkod do// rigs

  52. 242b

    kyi bu dge slong blo gros brtan po des/ lo brgyad khri bzhi stong 'das nas/ srog chags skyes pa dang / bud med dang / khye'u dang bu mo bye ba khrag khrig 'bum phrag sum bcu rtsa drug gi bslab pa'i bzhi lnga la bkod do// rigs kyi bu dge slong blo gros brtan pa 'di snyam du sems te/ bdag gis sems can mang po 'di dag bslab pa'i bzhi lnga la bkod zin gyis/ bdag gis 'di dag bla na med pa yang dag par rdzogs pa'i byang chub la gzung gor ma chag go snyam ste de dag gi zad du song nas/ lo bzhi khri nyis stong gi bar du sangs rgyas kyi sngags pa brjod do// chos kyi sngags pa brjod do// dge 'dun gyis sngags pa brjod do// theg pa chen po'i sngags pa brjod do// sems can bslab pa'i bzhi lnga la bkod pa gang yin pa'i sems can de dag gis nang du nas lo brgyad khri bzhi stong po gzhan 'das pang srog chags bye ba phrag gsum du tshang ba/ gang dag sngon gyis sangs rgyas rnams la dge ba'i rtsa ba skyed pa/ rgya chen po la mos pa de dag bla na med pa yang dag par rdzogs pa'i byang chub la bcud do// lhag ma dman pa la mos pa rkyen gyis mthu dang ldan pa de dag ni rang sangs rgyas kyis byang chub dang / nyan thos kyis theg pa la sems bskyed du bcug go// rigs kyi bu de ltar dge slong blo gros brtan po des 'di snyam du sems te/ bdag gis sems can 'di dag theg pa gsum po la

  53. 243a

    mos par byas shing / bdag gis sems can 'di dag bag yod par gnas par bya phyir ting nge 'dzin la gzud pa bstan to snyam mo// rigs kyi bu de ltar dge slong blo gros brtan po des yang lo nyi khri mchig stong gis bar du srog chags bye ba khrag khrig 'bum drug bcu po de dag la ting nge 'dzin la dmigs pa'i lung phog go/ rigs kyi bu dge slong blo gros brtan pos des srog chags bye ba khrag khrig 'bum phrag sum bcu rtsa drug pa'i sems can de dag thams cad ni byams pa'i ting nge 'dzin bsgrub par 'gyur ba de lta bur gdam ngag bstan cing de lta de lta bur rjes su chos ston to// rigs kyi bu 'di ltar dge slong blo gros brtan po de dag gi tshe grong du 'gro ba de'i tshe byams pa'i ting nge 'dzin la snyoms par zhugs te 'gro'o// de byams pa'i ting nge 'dzin la snyoms par zhugs nas/ grong dang grong khyer ram/ grong rdal lam/ yul 'khor ram/ tshong 'dus su bsod snyoms kyi phyir 'gro ste/ de 'gro ba na sems can byams pa la gnas pa gang yin pa de dag thams cad dge slong blo gros brtan po de'i rkang pa sgo'i them pa la bzhag pa'i tshe/ byams pa'i ting nge 'dzin la snyoms par zhugs par gyur ro// rigs kyi bu lhag pa'i bsam pa dang / dge ba'i rtsa ba yid ches pa dang / stong pa nyid la mos pa'i khyad par la ltos// de'i phyir dge slong blo gros brtan pa'i rkang pa sgo'i them pa

  54. 243b

    la bzhag pa'i tshe/ sems can de dag thams cad byams pa'i ting nge 'dzin la ji ltar btsud pa gzhan du byams pa'i ting nge 'dzin la snyoms par zhugs so// de nas dge slong blo gros bstan po byams pa'i ting nge 'dzin gyis rnam 'phrul de lta bu mthong nas/ sa bla'i lha rnams kyis a la la byang chub sems dpa' sems dpa' chen po 'di ni byams par gyur te/ 'di ltar grong dang grong khyer dang grong rdal dang yul 'khor dang / tshong 'dus su 'gro ba na sems can rnams byams pa'i ting nge 'dzin la snyoms par 'jug pa'i phyir sgra bsgrogs shing skad 'byin par byed do// sa bla'i lha rnams kyis sgra thos nas/ bar snang gi lha rnams kyis sgra bsgrags shing skad phyung de/ de dag gis sgra thos rgyal chen bzhi'i rigs kyi lha rnams dang / sum bcu rtsa gsum gyis lha rnams dang / 'thab bral dang // dga' ldan dang / 'phrul dga' dang / gzhan 'phrul dbang byed kyi lha rnams nas gnas gtsang ma'i lha rnams kyi bar du gcig gis gcig tu sgra thos nas a la la byang chub sems dpa' sems dpa' chen po 'di ni byams par 'gyur te/ 'di ltar 'di grong dang grong khyer dang / grong rdal dang / yul 'khor dang / tshong 'dus su song ba na sems can rnams byams pa'i ting nge 'dzin la snyoms par zhugs so// zhes sgra bsgrags shing skad byung ngo // de'i mig de las yang bcom ldan 'das de bzhin gshegs pa dgra bcom pa yang dag par

  55. 244a

    rdzogs pa'i sangs rgyas rin chen gdugs de rjes su yid rang bar mdzad do// 'di skad du byang chub sems dpa' dge slong blo gros brtan po 'di ni srid par 'gro'i 'chi pho dang skye ba thams cad du byang chub sems dpa' sems dpa' chen po byams pa zhes bya bar 'gyur te/ mngon par grags par 'gyur ro/ byang chub thob pa'i tshe yang 'di'i ming 'di nyid du 'gyur te/ 'jig rten du nyan thos kyis dge 'dun dpag tu med pa dang / rin po che bkod pa'i sangs rgyas kyi zhing gi bde ba thams cad dang ldan pa'i sems can rnams 'dus pa'i nang du de bzhin gshegs pa dgra bcom pa yang dag par rdzogs pa'i sangs rgyas byams pa zhes bya bar 'gyuraro// zhes lung bstan to// rigs kyi bu de'i tshe de'i dus na/ dge slong blo gros bstan po zhes bya bar gyur pa de gzhan zhig yin snyam du khyod som nyi 'am/ yid gnyis sam// the tshom za ba srid do/ de tshun chad tshe rabs thams cad du ming 'di lta ste/ byams pa zhes bya ba 'ba' zhig du gyur to// byang chub thob pa'i tshe yang 'di'i ming 'di lta ste/ de/ bzhin gshegs pa dgra bcom pa yang dag par rdzogs pa'i sangs rgyas byams pa zhes bya ba kho nar gyur te/ rigs kyi bu rgyu ni de yin no// rkyen ni de yin te/ de nas byang chub sems dpa' sems dpa' chen po byams pa la byams pas byams pa zhes bya'o// de nas bcom ldan 'das kyis byang chub sems dpa' sems dpa' chen po byams pa'i sngon du 'byung

  56. 244b

    ba 'di bshad ma thag pa de'i mod la stong gsum gyi stong chen po'i 'jig rten gyis khams 'di rnam pa drug du g.yos so// steng gis bar snang la yang lha'i glu dbyangs grag so// me tog gi char yang bab po// de nas de'i tshe rgyal po chen po bzhi dang lha'i dbang po brgya byin dang / mi 'jed kyi bdag po tshangs pa dang / gzhan yang lha'i bu 'bum phrag du ma dag gis lha'i me tog man da ra ba dag khyer nas byang chub sems dpa' sems dpa' chen po byams pa ga la ba der gtor te/ tshig 'di skad du kye ma byang chub sems dpa' sems dpa' chen po 'di ni skye bo mang po la phan phyir zhugs te/ skye bo mang po la bde ba dang / 'jig rten la snying rtse ba dang / lha dang mi rnams kyi skye bo phal po che'i don dang / phan pa dang bde ba'i phyir go cha chen po bgos te/ 'di ltar thams cad mkhyen pa nyid ma thob par sems can bye ba khrag khrig 'bum phrag de snyed kyi don byas pa'i phyir ro// sems can gang dag byang chub sems dpa' sems dpa' chen po byams pa'i ming tsam thos pa de dag kyang rnyed par mchog legs par rnyed pa yin na/ sha'i mig gis mngon sum du mthong nas/ dga' ba thob pa de dag lta ci smos/ btsun pa bcom ldan 'das byang chub sems dpa' sems dpa' chen po byams pa la bdag cag phyag 'tshal lo// zhes smras so// de nas lha'i bu de dag gis tshig de skad ces spras ma thag de'i mdo la/ skye bo'i chog

  57. 245a

    chen po dang bcas/ lha dang mi dang lha ma yin du bcas pa'i 'jig rten dag gis tshig 'thun par 'di skad du// byang / chub sems dpa' sems dpa' chen po byams pa la phyag 'tshal lo// byang chub sems dpa' sems dpa' chen po byams pa la phyag 'tshal lo// phyag 'tshal lo zhes smras so// chos kyi rnam grangs des brtan pa na srog chags stong khri nyis stong chos mig rdul med cing dri ma dang bral bral ba rnam par dag go// dge slong la stong la stong ni len pa med pa zag pa rnams las sems rnam par grol lo// srog chags stong phrag du ma ni dge ba'i rtsa ba yongasu smin par 'gyur te/ de dag kyang de bzhin gshegs pa dgra bcom pa yang dag par rdzogs pa'i sangs rgyas byams pa'i 'khor/ 'dus pa gnyis pa la dgra bcom pa mngon du byed par 'gyur ro// zhes de dag kyang bcom ldan 'das kyis lung bstan to// de nas tshe dang ldan pa kun dga' bo bstan las langs te/ bla gos phrag pa cig tu gzar nas/ pus mo g.yas ba'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ ji ltar bzung bar bgyi/ de skad ces gsol pa dang / bcom ldan 'das kyis tshe dang ldan

  58. 245b

    pa kun dga' bo la 'di skad ces bka' stsal to// kun dga' bo de'i phyir chos kyi rnam grangs 'di ming byams pa dang po sems bskyed pa zhes bya bar zungs shig/ byang chub sems dpa' rnam par rtse bas zhus pa zhes bya bar gzung shig/ byang chub sems dpa' lung brtan pa zhes bya bar zung shig/ de bzhin gshegs pa'i phyag brgya brtan pa zhes bya bar yang zungs shig/ byang chub sems dpa'i sgo so so pa zhes bya bar zungs shig/ kun dga' bo chos kyi rnam grangs gzung ba'i phyir dang / gzhan dag la yang rgyas par yang dag par brtan pa zhes bya ba'i bar gyis phyir khyod la gtad do// kun dga' bo rigs kyi bu 'am/ rigs kyi bu mo gang gis stong gsum gyi stong chen po'i 'jig rten gyis khams 'di rin po che sna bdun gyis gang bar byas te/ de bzhin gash+ye pa rnams la phul bas ni/ gang gis byang chub sems dpa' sems dpa' chen po byams pa dang po 'jug pa 'di thos nas/ sems kyi rgyud byang chub gzhog ba'i dang / byang chub tu smon pas mos par byed dam/ 'dzin tam/ 'chang ngam/ kun chub par byed dam/ bsgom 'am/ gzhan dag la rgyas par yang dag bar smon par byed na 'di ni de bas ches bsod nams mang du bskyed par 'gyur ro// de nas de'i tshe bcom ldan 'das kyis tshig su bcad pa 'di dag bka' stsal

  59. 246a

    to// mi lus thob pa brnyed pa dka'// sangs rgyas 'byung ba'ang rnyed par dka'/ sangs rgyas dad pa rnyed par dka'// byang chub sems kyang rnyed pa dka'// gnas skabs bzhi po 'di dag ni// bskal pa bya ba brnyed dka' ste// de phyir thob nas ma spangs shig mthu rtsal dag kyang chud ma gzen// mi lus thob pa rnyed pa dang // sangs rgyas 'byung ba rnyed par dang // sangs rgyas dad pa'ang rnyed pa dang // byang chub sems ni rnyed gyur na// de phyir brtson 'grus bskyed nas kyang // rtag ta bag ni yod par bgyi// drang srong chen po de dag gis// bag yod pas ni byang chub rnyes// sangs rgyas chos rnams thams cad kyis// rtsa ba'i sgo dang tshul gyis lam// bag yod pa dang brtson 'grus yin// mkhas pa rnams kyang 'di la slob// bcom ldan 'das kyis de skad ces bka' stsal nA/ byang chub sems dpa' rnam par rtse ba dang / byang chub sems dpa' byams pa dang / thams cad dang ldan pa'i 'khor de dang / lha dang mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa byams pa 'jug pa zhes bya ba theg pa chen po'i mdo rdzogs s+ho// // rgya gar gyi mkhan po phrad nya par ma dang / 'dzin mi tra dang su ran ta bo de dang / zhwa chen

  60. 246b

    gyi lo tsha ba ban d+he ye shes sdes la sogs pas bsgyur cing zhus te gtan la phab pa'o// #// rgya gar skad du/ ar+ya rad na ka ran da ka na ma ma hA ya na su tra/ bod skad du/ 'phags pa dkon mchog gi za ma tog ces bya ba theg pa chen po'i mdo// thams cad mkhyen pa la phyag 'tshal lo// 'di skad bdag gis thos pa'i dus gcig na/ bcom ldan 'das mnyan du yod pa na rgyal bu rgyal byed kyi 'tshal mgon med zas sbyin gyis kun dga' ra ba na/ dge slong stong nyis brgya lnga bcu'i dge slong gos dge 'dun chen po dang / byang chub sems dpa' khri dang thabs cig tu bzhug so// yang de'i tshe bcom ldan 'das smig mi'i ldum bu'i 'khor gyi khyams na/ 'khor brgya stong du mas yongs su bskor cing mdun gyis ltas te/ chos ston to// / de nas 'jam dpal gzhon nur gyur pa byang chub sems dpa' lnga stong dang lhan cig tu/ brgya byin dang / tshangs pa dang / 'jig rten skyong ba rnams kyis yongs su bskor cing mdun du bdar te/ smig ma'i ldum bu'i 'khor gyis khyam su ga la ba dang / bcom ldan 'das ga la ba der dong ste lhag nas/ bcom ldan 'das kyis zhabs gnyis la mgo bos phyag 'tshal nas/ bcom ldan 'das la lan gsum bskor ba byas te/ byang chub sems dpa' de dag dang / brgya byin dang / tshangs pa dang / 'jig

  61. 247a

    rten skyong ba rnams dang lhan cig tu phyogs gcig tu 'khod do// phyogs gcig tu 'khod nas/ bcom ldan 'das la 'jam dpal gzhon nur gyur pas 'di skad ces gsol to// bcom ldan 'das da ltar ci'i mchid cig mdzad/ bcom ldan 'das bka' mchid de nyid kyis rjes su rgyun mi chad par mdzad du/ de nas sangs rgyas kyi mthus tshe dang ldan pa rab 'byor gyis/ 'jam dpal gzhon nur gyur pa la 'di skad ces smraso// 'jam dpal da ltar na nyan thos dang ldan pa'i bka' mchid mdzad nas/ 'jam dpal bdag gis khyod la bskul gyis/ byang chub sems dpa' dang ldan pa'i bka' mchid brtsams par slob par gyis shig/ 'jam dpal gyis smras pa/ tshe dang ldan pa rab 'byor nyan thos dang / rang sangs rgyas thams cad ni/ byang chub sems dpa' dang ldan pa'i gtam gyis snod du gyur pa ma yin na/ btsun pa rab 'byor byang chub sems dpa' dang ldan pa'i gtam ci dgos// rab 'byor gyis smras pa/ 'jam dpal 'dir gang snod du gyur pa 'byung ba de dag khyod shod cig/ 'jam dpal gyis smras pa/ tshe dang ldan pa rab 'byor 'di na snod du gyur pa ni gang dag yin/ snod du gyur pa ni gang dag yin shes sam/ rab 'byor gyis smras pa/ 'jam dpal gyis bdag ni gzhan gyis sgra'i rjes su 'brang ba yin pas/ snod ma yin pa lta ci shes sdod kyis 'on kyang 'jam dpal khyod byang chub sems dpa'

  62. 247b

    dang ldan pa'i gtam brtsams par spobs par gyis shig/ 'jam dpal gyis smras pa/ btsun pa rab 'byor gang su dag skyon med pa zhugs pa de dag thams cad/ ni/ sangs rgyas kyis chos rnams kyis snod du ma gyur pa'o// btsun pa rab 'byor gang dag skyon med pa la yang rtog cing sems can rnams la yang lta la/ skyon med par yang ma lta zhing / skyon dang yang lhan cig mi gnas pa de dag ni/ sangs rgyas kyi chos rnams kyi snod du gyur pa'o// btsun pa rab 'byor gzhan yang gang dag 'tshams la gnas par gyur pa/ slob dang mi slob pa'i chos la zhugs pa/ sems can thams cad la btang snyoms pa/ srid pa la me 'bar ba lta bur blta ba/ yang yongs su skyob pa/ khams gsum thams cad kyis skrag pa/ skad cig tsam yang srid mngon par grub par mi dga' de dag ni/ sangs rgyas kyis chos rnams kyi snod du ma gyur pa'o// btsun pa rab 'byor gang dag phyi ma'i mtha' bskal pa bye bar go cha dgos pa/ srid pa thams cad mi 'jigs mi sdang ba khams gsum spyod yul ba/ dri ma gsum dang bral ba/ 'khor ba la skyed mod 'tshal dang / gzhal med khang du 'du shes pa/ srid pa thams cad la chags pa dang bral ba de dag ni sangs rgyas kyis chos rnams kyis snod du gyur pa'o// btsun pa rab 'byor gzhan yang gang dag 'dod chags dang / zhe sdang dang / gti mug dang / bag la nyal ba dang / kun tu bkris

  63. 248a

    te 'dug pa dang / nye ba'i nyon mongs pa thams cad spangs pa de dag ni/ sangs rgyas rnams kyis snod du gyur pa'o// / btsun pa rab 'byor gang dag 'dod chags pa yang ma yin la/ 'dod chags spyod par yang ston pa/ zhe sdang gis sdang ba yang ma yin la/ zhe sdang spyod par yang ston par+Nagati mug gi rmongs pa ma yin la/ gti mug spyod par yang ston pa/ nyon mongs pa dang yang bral ba/ khams gsum du yang snang ba/ sems can thams cad la byams pa/ ma khams pa/ ma zhum pa/ sems can thams cad kyis khur khyer ba/ de bzhin nyid kyis rjes su song ba/ dkon mchog gsum gyis gdung mi 'chad par bya ba'i phyir zhugs pa/ rigs pa gsum dang ldan pa/ rigs pa mngon du gyur pa/ de dag ni/ sangs rgyas chos rnams kyis snod du gyur pa'o// rab 'byor gyis smras pa/ 'jam dpal gal te chos kyi dbyings kyang cig/ de bzhin nyid kyang cig/ yang dag pa'i mtha' kyang cig ni/ snod dam snod ma yin de ji ltar mngon// / 'jam dpal gyis smras pa/ btsun pa rab 'byor 'di lta ste dper na/ rdza mkhan gyis 'jim pa'i gong bu cig las snod rnam pa sna tshogs byas te/ snod de thams cad so gcig ni 'bru mar gyis sdod du 'gyur/ kha gcig spang rtsi kha ra'i snod du gyur/ kha gcig ni ngan pa mi gtsang ba'i snod du gyur te/ 'jim pa'i gong bu de dang / so btang

  64. 248b

    la ni tha dang cung zad kyang med do// btsun pa rab 'byor de bzhin du chos kyi dbyings kyang cig/ yang dag pa'i mtha' yang cig/ ji ltar las mngon par 'du byas la de/ bzhin du snod kyis khyad par du 'gyur ro// de la sbrang rtsi dang la kha ra'i snod ji lta bzhin du/ byis pa so so'i skye bo thams cad la lta'o// 'bru mar dang mar gyi snod ji lta ba bzhin du nyan thos dang / rang sangs rgyas thams cad la lta'o// ngan mi gtsang ba'i gnod ji lta ba de bzhin du byis pa so so'i skye bo thams cad la lta'o// rab 'byor gyis smras pa/ 'jam dpal rnam grangs gang gis gang dag snod du gyur pa de dag snod ma yin par 'gyur ba dang / gang dag snod ma yin pa snod du 'gyur ba'i rnam grangs yod dam/ 'jam dpal gyis smras pa/ btsun pa rab 'byor gyis smras pa/ rnam grangs gang gis na gang dag snod du gyur pa de dag gnod ma yin par 'gyur ba dang / gang dag snod pa de dag snod du gyur pa yin/ 'jam dpal gyis smras pa/ btsun pa rab 'byor gang la la nyon mongs pa thams cad kyis snod du gyur pa/ bag chags kyis tshams sbyor ba bcom pa de dag ni/ sangs rgyas kyis chos rnams kyis snod du gyur pa'o// btsun pa rab 'byor gang dag nyon mongs pa thams cad kyi snod du ma gyur pa/ bag chags kyi 'tshams sbyor bcom pa de dag ni sangs rgyas kyi chos rnams kyi snod du gyur pa'o// 'jam dpal gyis smras pa/ btsun pa rab 'byor ci yang ma yin no// de ci'i phyir zhe na/ gang gis

Colophon

'phags pa byams pa 'jug pa zhes bya ba theg pa chen po'i mdo rdzogs s+ho// rgya gar gyi mkhan po phrad nya par ma dang/ 'dzi na mi tra dang su ran ta bo de dang/ zhu chen gyi lo tsha ba ban d+he ye shes sdes la sogs pas bsgyur cing zhus te gtan la phab pa'o