rdzogs pa chen po thig le gsang ba de kho na nyid nges pa'i rgyud ces bya ba
Mahaatitadtaguhetantratilakanama
Text
ff. 237b–242b · 11 folio sides
- 237b
thams cad kyi mes sangs rgyas nyag gcig la skyal lo// sangs rgyas thams cad kyi dgongs pa'i mtha'i ni/ rang rig pa'i ye shes la bzhag go/ 'khor ba ru bzlog pa'i dus su/ mar me'i sdong bu la mar me'i sdong bu mnan ba'i tshul du zhing khams gcig/ rgyud lung man ngag gi mtha' ni/ brjod bya brjod byed med par skyalo// 'khor ba'i 'dam rdzab ni/ rnam par dag pa'i zhing / bde chen por ma bkod pa snang ba la sbyar ro// sems can gyi sdug bsngal ni/ rig pa'i rgyal ma 'gag pa la sbyar ro// sangs rgyas mya ngan las ma 'das kyi bar du/ rgyu ma lta bu'i sku 'ja' chen lta bu mthong ba'i nyam su myong bar bya'o// mya ngan las 'das nas mi gnas pa'i ye shes chen po bzhago// 'khor ba dong sprugs chen po'i rgyud las/ sangs rgyas thams cadud du bzhugs pa'i le'u ste bdun pa'o// / mkhas pa'i mkhas pa bla ma dam pa'i gdams ngag la// dka' dang sngos nas don gyi man ngag bcol// rdo rje gden nas shrI sid+has gnang // rang gi rgyud sbyangs 'gro ba'i don byas nas// sangs rgyas thugs kyi dgongs pas ma nor rgyud// thugs kyi klong nas bcud gsum spros pa ni// byang chub sems dpa' re re'i don du bzhag/ rgyud kyi snying po min ngag gzer bzhi po// sde dang tshams su bcad nas rgya yis btab// 'chi med bdud rtsi thig le nyag gci go/ rdo rje gdan gyi 'og nas bzhes pa 'di// rgyud rgyal rtsad por sa sa gas pa sa mas su rdzun
- 238a
rgya gar skad du/ ma hA a ti tad ta gu he ta na tra ti la ka na ma/ bod skad du/ rdzogs pa chen po thig le gsang ba de kho na nyid nges pa'i rgyud ces bya ba/ bcom ldan 'das dpal kun tu bzang po la phyag 'tshalo// 'di skad bdag gis thos pa'i dus gcig na/ dbyings rnam par dag pa'i thig le'i klong // rang bzhin rnam par dag pa'i pho brang na// bcom ldan 'das rdo rje sems dpa' nyid// ye ji bzhin pa'i rdo rje 'chang chen po dang / rgyud dag pa'i rdo rje 'chang chen por rdzogs pas/ nor bu rin po che nyi ma'i snying por gyur pa'o// de nyid las mi nyan pa'i dbang gi chu bo dang / thugs rjes rang byung dbang gi chu bo dang / ye shes rnam lnga dbang gi chu bo dang / dpa' bo 'bru lnga dbang gi chu bo bzhis/ rig pa'i rtsal dbang rdzogs pas/ rang snang gi 'khor dam pa'i dpal bzhi dang / mkha' 'gro ma lnga byang chub sems dpa' gsum dang / sprul pa bdun dang / de'i tshe thabs cig tu bzhugaso// de nas lag na rdo rje gdan las bzhengs te 'di skad gsol pa/ thig le nyag cig mtshon pa'i/ gzhi lam 'bras bu dri ma med pa sku gsum ye shes lnga ldan de/ rnam grangs rim pa gsungs du gsol/ zhes zhuso// de nas bcom ldan 'das kyis/ spyi don yongasu bsdud pa zhes bya ba'i ting 'dzin la snyoms par zhugs te 'di gsung so// rig pa 'dzin pa kun nyon cig/ thig le gsang ba'i lam mchog yin// bgrod med rtog pa rdo rje'i lam// ye shes stong nyid rang snang 'di// ye nas gnas pa'i gnas tshul dang // mi rtog 'khrul pa'i 'khrul tshul dang // 'khrul pa log pa'i tshul gyis// rnal 'byor dbang phyug chen por 'gyur// bskal pa dang po thog man// sangs rgyas 'od du mi 'gyur bzhugs//
- 238b
ngo bo nyid kyi snang ba la// ngo bo nyid kyi sku shar bas// nam mkha' dang ni nyi ma bzhin// sa bon bzhi la rdzogs pa'i dus// ma chad pa'i yul can na// snying po bcud ngu dril bar gnas// ma byon sngon rol 'das pa'i dus// gzhi snang ba chen po'i gnas lugs yin// chos nyid yul gyi 'khrul gzhi dang // 'od lnga lus kyi 'khrul bzhi dang // rig pa sems kyi 'khrul gzhi dang // gnas dang dbugs la rtogs byas nas// lhan cig ma rig skyes pas bsgribs// kun brtags ma rigs pa yis slad// rgyu'i rkyen dang bdag po'i rkyen// dmigs pa'i rkyen dang mtshungs pa'i rkyen// dran byed kun tu tshol ba'i yid// nges par 'jog dang gtan la 'bebs// chos nyid 'byung ba dngas nyid 'byed// snying ma lnga las gnod du chags// dngas ma shes pas ma bzung bcud// mchog tu srid pa'i sgo lnga gnyis// me tog u dum 'bar bar 'khrungs// sems can sangs rgyas skye ba'i brten// bar gyi bskal par byung ba la// ye shes snang ba nang du nub// 'khrul pa'i snang ba ma shar te// rang sor gnas pa'i yid bskyod pa// gzhi 'phags 'bras bu ma smin dus// sangs rgyas ye shes snying po can// rgyu las myu gu shar ba ni// mig la gsal ba'i bdag nyid can// 'khor 'das spyi bdud ma khrol bas// thabs dang shes rab sbyor ba gsum// spyan gyis gzigs nas thugs kyis mkhyen// zhal gyi me dag dkar dmar spro// dkar po'i gzugs ni sa las grub// tshor ba ser po chu'i rlan// 'du shes dmar 'i mo yis smin// 'du byed ljang khu rlung gis g.yos// rnam shes mthing gan ma kha'i ma// nor bu drim med pa dang // nyi ma rab tu snang bar smin// mdzar snang yul snang dang ba dang // ha rdzi bu 'dod mdze
- 239a
ba/ shing thog ral pas shing shun dang // rang snang bsod nams dag pa yi// 'dod chags chos kyi dga' sems las// 'jig rten skye bo mi sing sogs// rim par chags pas nyon mong drug/ ngo bo drug dang 'bras bu drug/ khams gsum 'khor ba'i 'khrul pa srid// sprul pa'i sangs rgyas 'od srung byon// bskal pa tha mar gnas pa'o// yul la thig le 'od lnga dang // sku dang ye shes rnam pa las// shes pa ye shes lnga ru shed // grub pa rgyal ba nyid du grub// grol ba ye shes chen por grol// len pa myong ba'i lus blangs pas// ye shes rang sa zin pa yin// mthong ma myong ba'i yul mthong bas// chos nyid ma dang 'phrad pa yin// shes ma myong ba'i rtam shes pas// rang byung mngon du gyur pa'o// nyid la nyid blangs 'di skad gsol// mnyam pa'i rgyal po kun rig chos kyi rje// 'og min rdo rje dbyings kyi dkyil 'khor du// rdo rje sems dpa' rang la sems rtog pa'i phyir// bla med do/ mtshar che ba'i sangs rgyas 'di// rmang dang rtsa ba bcad pas sangs rgyas sems las byung // sems kyi bsam pa bdag la brten du gsol// rig lnga bde bar gshegs pas bka' stsal pa// sems la sangs rgyas 'ong bar ni/ rnam gsungs mi gsung gsung mi 'gyur// ma gsungs pa nyid rgya cher bshad// mi bskyod pa nyid ji bzhin gzhi// thugs la nyi ma bzhi shar ba// sku gsum ye shes lnga ldan pas// don gyi ngo sprod gdam par bzhag/ rin 'byung don ni ji bzhin ma// thugs la 'od lnga'i spro ba byung // spyan la thim pas rtag su bzhag/ snang mtha'i bcad ni ji bzhin ma// dngos su shel gyi mchod rten bab// rdo rje sems dpa'i me long ste// dpa'i ye shes yongs su spong // don
- 239b
bsgrub sgra ni ji bzhin ma// phyag rgya lnga'i 'khor lo las// dngas snyig byed dang srog 'dzin pa// snying rje med par las rlung skyong // sems dang ye shes rgyab dgyes pa// sems ni nam mkha' dngas shes bya// ye shes 'od du 'char zhes bya// snang ba lnga dang lnga dang // ngo bo thugs rjes rgyun thogs pa// nyi shar sgron me thogs pa bzhin// chos nyid bar de'i snang ba 'char// ye shes ngos gzungs gdam ngag bya// dbang po rab la bar do med// 'jug dang snang dang she la grol// mthar phyin pa rnams dus mtshungs cig/ dbang po rab 'og skad cig drug/ dang po 'khor ba dong nas smug/ gnyis pa bden mthong gsum pa bstan// bzhi lnga mngon shes thugs rje 'char// drug pa mya ngan 'das pa yin// 'bring ni ma yengs cig car char // skye ba rim kyi thad kar chong // dbang po tha ma'i tha ma cig/ 'khor ba'i stong phur ma phyin pas// bag chags lus len 'khor bar 'dus// srid pa'i bar dor las 'phra mthung da/ 'od gsal ye shes rgyu ma'i dbugs// dbugs chad ye shes 'char dus nas// lnga ldan bde gshegs snang ba 'char// rdo rje dbyings kyi dkyil 'khor ni// rigs lnga'i 'od gsal tshom bu lnga// rnam snang yab yum dbus na gnas// rig bzhi yab yum phyogs phyogs bzhir byung // tshom bu'i dkyil 'khor dang po la// rdo rje sems dpa' sangs rgyas spyan// sa snying geg mo byams pa dang // me tog bzhi skor tshum bu gnyis// mA ma ki dang rin 'byung la// nam snying phreng ba kun bzang dang // spos ma bzhi skor tshom bu gsum// snang ba mtha' yas gos kar la// spyan ras klu ma 'jam dpal dang // mar me bzhi skor tshom bu bzhi// 'dod yon dam tshig sgrol ma la/
- 240a
@phyag rdor gar ma sgribs sel dang // dri chab bzhi skor tshom bu lnga// 'gro drug 'dul ba'i thub pa drug/ tshad med bzhis 'dul sgo ba bzhi// mtha' bzhi las 'grol sgom bzhi// dbyings dang ye/ shes mi bral bas// kun bzang yab yum du gnas// dkar dang dmar mthing ser dang ldangs// 'khor lo rdo rje rin chen pad// rgya gram thugs kyi dgongs na gsal// mtshan dpe tshul dgu bzhugs gdan bcas// snang med mkha' la 'ja' mtshon dgu/ rjod med spos dral klong du shar// yon tan skur grub rtogs tshogs grol// dag pa 'jig rten snang ba yin// rtog med rnam mkhyen chos kyis spyan// mkha' la nyi ma shar ba bzhin// me long bzhin du gzigs par 'gyur// rnam rtog mi mnga' sa le mkhyen// zag med ye shes phyi gsal dus// mngon par shes pa drug dang ldan// rdzogs ldan dgongs pa sbyor ba gsum// spyan gyi yar gzigs mar la snang // thad ka rang la gsal ba dang // thugs kyi gang 'dul las mkhyen gzigs// rgya gram pad+ma'i kha sbyor gyis// chos nyid 'dang chos kun a// ye shes ha dang shes rab sha// ngo bo mi 'gyur sa dang ni// mnyam pa nyid kyi yi ge ma// zhal sbyar yig drug rdo rje sgra// dkar dmar srang bu 'ong du 'phro// las ngag gang zag spyan la 'jug/ thig le gsum du 'du 'bral med// 'brel ba drug ni ye shes rlung // rig pa byang sems rgyu ba gsum// kun rdzob byang sems gnas pa gsum// rgyu dang 'bras bu bsgom pa gnyis// 'dug tshul snang tshul gnas sa cig/ 'chi ka gsum du 'dug pa ces// rgyud lung man ngag 'khor lo bskor// rtogs pas bdag sgrol srid pa shar// rje smon dmangs kyi dpe ru bzhag/ dam pI/
- 240b
/ lha gnas rnam gsum du// rnga sgra nges pa'i 'khor lo bskor// rin chen dbusu mya ngan 'das// dgongs brda' dag gi rgyud par 'gyur// rnam rtog mthus bltas bag chag dbubs// rin chen stug po'i gzhal yas na// rig pa rtog med chos kyi sku// dag pa'i rtsal shar 'od lnga'i klong // rigs lnga'i skur bzhugs longs spyod rdzogs// thugs rje 'od gsal rang bzhin de// rang gi lus la khyad par gnas// de ni sprul pa'i sku zhes bya// ngo bo stong pa'i ngang gnas pa/ chos kyi dbyings kyi ye shes yin// 'gag pa med par 'od gsal ba// me long lta bu'i ye shes yin// de dang ma bral mnyam pa nyid// shes rab ma 'gogs chos rnams mkhyen// so sor rtogs pa'i ye shes yin// bya ba pa'i ye shes yin// sngon du ma 'gyur cha lnga yin// zur gsum sku gsum rtags yin te// dkar spags rtag pa 'od kyi rtags// rtsa bzhi ye shes bzhi ru gtan// ma 'khrul ba'i sangs rgyas de// don gyi ngo spyod thag chod yin// 'dug tshul 'od du 'dug pa la// snang tshul phyi nang med par snang // rgyang zhag chu la 'od gsal ba// rtags kyi ye shes mtshon gang ba// mi 'gyur ba'i lta ba yin// rtags kyi ngo sprod yid ches 'gyur// rdo rje sems dpa'i me long ni// ma byas pa'i chos yin te// dpe'i ye shes dam pa yin// chos kyi sku'i ngo sprod kyi// chos sku rang nas don rtogs shing // rdzogs pa chen po'i dgongs pa tshong // sems dang ye shes rnam pa gnyis// sems kyi ngo bo dbugs yin te/ bzhugs pa'i gnas ni blo ba la// rgyu ba'i gnas ni mgrin pa la// sgo ni kha dang snang dbug gnyis// skyon ni 'khor ba'i chosu snang // de'i yul ni 'khrul ba ste// ma ngag 'khrub pa'i snang ba yin// gzigs pa'i spyan ni shes rab po//
- 241a
rtogs bcas don spyod shes rab can// ye shes ngo bo sum rtsegs yin// ye shes bzhugs gnas rtsi ta yin// lam ni dang kar skud pas te// de'i sgo ni spyan la 'char// yon tan sku dang ye shes so// longs spyod rdzogs pa'i ngo sprod ni// 'dra 'bag mched sku gnyis la sprad// longs sku lnga ldan ngo spyod kyis// longs sku rang gnas don rtogs shing // ma hA yo ga'i dgongs pa 'tshed// sprul sku 'od khyim ngo sprod kyi// sprul sku rang gnas don rtog shing // a nu yo ga'i dgongs pa tshod// sku gsum 'du 'bral med pa ni// nyi ma'i snying po gnyis la spyang // 'du 'bral med pa'i ngo sprod kyis// dbyer med rang gis rang rtogs shing // rdzogs ldan chen po'i dgongs pa chong // rang bzhin gnas pa'i bar do la// rang rig lta bas thag ched de// de ltar shes na the tshomachod// blo'i the tshom bcad pa ni// grol ba'i dgongs pa dam pa yin// the tshom chod pas blo las grol/ ltar med lha'i gdengs la gnas// bgrod med lus ngag bya ba glong // rtsa dang rlung gi ngag sgo gdams// rgyal po gdan la gzhag par bya// blon po can du gzung bar bya// dmangs rnams cha ma la dbab pa dang // srong la dbang po gnas du tsam// nam phyed shes par bum par gzhags// tho rang dbang po rang grol la// nyin mo snang ba rang shar bshad// bshad pa rnam dag bde ba che// ting 'dzin par dor gsal gdab cing // dbugs phos dus na sems sgo bcad// las gyi mtha' ni zad pa'i dus// snang ba sems kyi dbang du 'dus// sems ni ma yengs dbang du 'dus// ma yengs mtshon gyi gru 'dus ltar// 'deb byed khyad byed yi mnyam rlung // ma de bu de 'bral gyur nas// me'i
- 241b
bcud kyi bu bso lho// bdun phrag grangs rnams ma rdzogs par// rlung gis las rnams rim par byed// gsang bar zla dgu ngo bcu bzhugs// rigs drug gnas gshegs mdzad par rdzogs// bcu gnyis mthar phyin chos skur thim// 'khor ba las grol skye shi med// dbyer med don ni shes pas shes// shes rab 'gag med rnam par dgrol// mi 'gyur kun 'byung rin chen dbugs// rdzogs ldan chen po'i dgongs pa ni// shes rab mkhar la deng pa yin// stobs ldan shugs kyis spyod par byed// sbyor skyol shugs kyis skyod par byed// sbyor skyel skur gnas mi rdzogs la// 'byung ba ma la zha ba yis// se chu me rlung na mkha' lha// mtshan ma rang sar grol bar byed// sra gsher tshe dang g.yo mtshan med// ye shes dbyingasu ma thim pa'i mkha'// chos dbyings ngang nas ye shes gsal// brtsal stobs bzhi la 'du bar byed// gtso 'khor mi gcod mi gzigs gsal// shes rab mkhas la gsal ba yis// thim gsal bdag med mi 'byed gsal// sku gsum ye shes nang sel ston// sku gsum ye shes dbyings na sel// rig pa rang sa zin pa yis// sku 'dus dgongs pa ldan pa dang // dgongs pa 'pho 'gyur med par byed// 'gyur med 'gag med 'du 'bral med// sku gsum dza log dgongs pa ni// gsal ba gsum ldan rdo rje la// dbyer med rtse cig ye shes spyan// mi rjes gzugs skem chos las grol// dus der yul gsum cig tu 'dus// rang bzhin nam dag snang ba yin// lus gsum gcig la rdzogs pa ni// 'gyur ba med pa'i rin chen dngungs// spyan gsum cig tu 'khyil ba ni// ye shes mi gcig dri ma med// grol ba'i dgongs
- 242a
pa mthar phyin pa'o// chos kyi mtha' las grol ba'o// sangs rgyas la ni yul med do// ye shes la ni chos medado// 'bras bu de la bdag med do// dgongs pa de la thun med// yang dag mtha' las grol ba yis// mi skyod stobs kyis gcod byed pas// mya ngan 'das las goms pa cig/ gsum rdzogs mthar phyin lnga nyid dag/ thar rdzogs cig po lhun gyis grub// rang bzhin ma bcos ji bzhin gnas// rdo rje gdan la grub mthar phyin// ces gsungaso// de nas lag na rdo rje dang / spyan ras gzigs dang / 'jam dpal dang / mkha' 'gro ma shin ting thod pa'i phreng ba can dang / rdo rje khro gdong ma dang / na mkha'i bu mo rdo rje rlung gi gsho pa can dang / gtsu gi rgyan gcig ma dang / pur ma nye bar zhi ba dang // rig pa 'dzin pa rnams dgyes te// bcom ldan 'das la bstod pa// gzhi snang chen po'i gnas lugs kyis// yang dag lta ba gtan la 'bebs// ma rig 'khrul pa'i byung tshul gyis// sems can sangs rgyas ngang du shar// 'khrul pa log pa'i grol tshul gyis// rdos bcas yul las grol ba ni// rang dngas dag pa chen por gsal// sha khrag lus las grol ba ni// rin chen #/ gsang ba'i dbugasu gsal// dran rtogs sems las grol bas ni// rig pa rang gdang chen por gsal// thig le rang dngas bcu gnyis kyis// dus snang bas rim par che// de bzhin gshegs pa'i chos lnga yis// ma spyod mkha' la de bzhin gshegs// byang chub sems dpa'i chos drug gis// lus sems lus ngag byang chub sku// nges pa'i don la bdag cag 'dud// ces bstod nas bcom ldan 'das kyi gsungs pa la bstod // rdzogs
- 242b
ba chen po thig le gsang ba'i nges rgyud rdzogs s+ho// / mahA//