gnod sbyin ma ru tse ro langs gsang ba'i rgyud
Yakṣamarucebetālighuhyatantra
Text
ff. 329b–334a · 10 folio sides
- 329b
rnams la snang bar gyis// zhes bka' stsal pa dang dbang phyug chen po shin tu yi rangs te bstod do// // 'jam dpal ma ru tse'i sngags rgyud las phyi ma'i phyi ma rdzogs so// // rgya gar skad du// yak+Sha ma ru tse be tA li g+hA h+ya tan+t+ra/ bod skad du/ gnod sbyin ma ru tse ro langs gsang ba'i rgyud/ bcom ldan 'das drag po 'dul ba la phyag 'tshal lo// 'di skad bdag gis thos pa'i dus gcig na/ ri bdun gyi byang phyogs kyi ngos la/ gnod sbyin gyi rgyal po ma ru tse zhes bya ba gnas te/ lha dang lha ma yin la sogs pa thams cad dang g.yul 'gyed pa/ mi dang dud 'gro la sogs pa thams cad gsod cing / mi dang rta sha mi lpags la sogs pa la longs spyod pa/ de lta bu'i las mkhan de las kyi dbang gis gnas der 'khod do// de nas 'phags pa kun dga' bo/ zhing bsnol ba'i stan las langs te/ bcom ldan 'das drag po sgrol ba la zhus pa/ kye kye dpal ldan drag po sgrol ba lags// thams cad gsod pa'i sems can 'di// myur du sgrol lam 'dul ba dang // las las bzlog gam zhen pa dgag/ ces gsol pa dang / dpal ldan drag po sgrol bas bka' stsal pa// e ma ho sems can chen po 'di// sgrol dang sbyor la brtson pa yis// 'dis ni bstan pa bsrung ba yin// dus la bab par bstan pa'o// zhes
- 330a
bka' stsal pa dang / de nas 'khor 'dus pa'i tshogs kyis bskor ba byas nas/ shin tu bde ba dang bcas pas yid rang ngo // ro langs gsang ba'i rgyud las/ gleng gzhi'i le'u ste dang po'o// // bcom ldan 'das drag po sgrol byed la phyag 'tshal lo// rnam bzhi las dang ldan pas mnyam pa dang // sgrol brtson las la mkhas pas bshad par bya// zhes dam bcas so// de nas 'phags pa kun dga' bos gsol pa/ sems can la sogs bde ba dang // bka' yi bstan srung bshad du gsol// zhes gsol pas/ rngam pas bshad pas nyon cig/ 'phags pa kun dga' bo/ 'di sgrub rnal 'byor dam can gyis// gcan gzan dar ma'i thod pa la// drag po'i rgyan gyis brgyan byas la// sgrol bdag gnas su ting nge 'dzin// bla rdo gsal ba'i rten gsal te// gal te de yi bka' bcag na// sgrol ging bdag po'i dam tshig bstan// de bas lus la bcang ba'o// de yi dam tshig nyams gyur na// sgrol ba'i thod pa drang ba'i sngags// 'di ni ched du gsungs pa'o// hUM gu ru hri ka pra ma he he bra ma b+h+yo// hri ka ru lu pra ma ha ta dgra bopo'i khyim du 'grims shig/ nang cha ma cho dgu thongs shig/ ces pa ni 'dren pa'o// de nas byin rlabs bshad par bya// sngags dang ldan pas bsnyen pa'o// oM badz+ra ma hA de wa tsit+ta dza la b+h+yo b+h+yo// bkra shis grangs
- 330b
ni rtsa gcig go// bzlas te gzhal yas khang nang du bsam pa'o// de yi nang du bsam bya ba// sgrol ging srog bdag ma ru tse// sha med sgeg cing keng rus 'chang // zhal gcig phyag gnyis sku mdog dmar// thod phreng do shal sbrul gyis brgyan// be con g.yas la zhags pa g.yon// yi dwags pho mo'i steng na bzhugs// g.yon na gnyer 'byung ro langs ma// kham nag ral pa gyen du 'bar// ral gri g.yas la thod khrag g.yon// ha la ha la'i sgra 'byin ma// ti ra'i tshogs dang bcas pa'o// dpa' bo ro langs gsang ba'i rgyud las/ sgrub pa dang bca' gzhi'i le'u ste gnyis pa'o// // de nas yang dag bshad bya ba// ro langs gnas nas dgug pa ste// ting nge 'dzin dang ma bral bar// the tshom med pas bsgrub pa ste// ro langs gsang ba'i ma ru tse// snying la srog gi 'khor lo ni// 'di ltar gnas par shes par bya// dbus su oM las bskor ba ste// sgrol ging rtsa ni bco brgyad do// g.yas pa'i rtsa dgu bskor ba'i sngags// ru ru trag sha shal gyi sbyang // 'bru dgu g.yas pa'i rtsa la bskor// rtsa dgu g.yon du gsang ste bskor// ro la mu ti snying kha rag b+h+yo b+h+yo// bco brgyad rtsa dang yi ge dag/ gnad dbab dkrug pas bcu dang srog/ rang dbang med par mtshan ma ston// de ltar du ni bsgrub par bshad// ro langs gsang ba'i rgyud las/ rtsa ba'i 'khor lo
- 331a
dbye ba'i le'u ste gsum pa'o// // yang ni dpa' bos bka' stsal pa// srog bdag gtor ma bshad bya ba// ri lung la gnas 'bru mchog la// gar mkhan dpa' bo'i gtor ma bya// tsa ra dkar po gnya' nag dang // g.yul du bsad pa'i skyes bu'i sha/ gar mkhan dpa' bo'i dam rdzas bya// lha la phog pa'i bdud rtsi yang // bsres te sngags kyis dbul bar bya// zhes bshad de dpa' bo rang rgyud par 'gyur ro// ro langs gsang ba'i rgyud las/ sgrub pa dang srog sngags bstan pa'i le'u ste bzhi pa'o// // sgrol ging de la phyag 'tshal nas// gang la bya ba gnas nas 'gugs// gro ga shing shun shog shog la// gang la bya ba'i ming rus bri// bsad pa'i drag sngags bzlas par bya// de tshe dgra bgegs gang yin pa// myur du gnas nas dgug par bya// sha hUM srog gi rlung yin te// srog rtsa nag po drang bar bya// ro langs nag po 'dzum pa 'dra// 'od zer nag po ston pa dang // kaM kaM krug krug 'dren pa ni// glog gam sprin dmar chad pa 'dra// gang yin gnas nas 'dren pa'o// de ldan pas ni sngags 'di bzla/ oM baM hri dgra bopo snyam pa ra suM hri ha hUM badz+ra ha na dgra bo a b+hi tsar+ya hUM phaT// gsang ba'i gnas nas dgug pa ni// yang gsang dag tu bstan pa yin// hrI ni rak+Sha rbad/ bla khug srog khyer la b+h+yo// de yis 'gugs par the tshom
- 331b
med// srog bdag srog ni 'gugs 'gyur bas// dbugs rgud bsad par bstan pa yi// ro langs gsang ba'i rgyud las/ bla 'gugs pa'i le'u ste lnga pa'o// // de nas dpa' bo gar mkhan mchog la phyag 'tshal nas/ nr-i tri bsad par bstan pa ni// ro tshas ras dang tA la'i shun pa la// de la dmigs pa'i ming rus bri// bar ma nyi shu rtsa gcig pas// de la 'khor zhing gsod pa yi// dpal chen las la rngam pa ste// de nas rngam pa'i sngags 'di gsungs so// oM ta ki rA dza badz+ra tiSh+Tha hUM hUM/ snying la za ba ts+tshin+da ts+tshin+da mA ra ya hUM phaT/ badz+ra ha na ha na ti pa tsakra hUM phaT/ pu tri pa la ma trod mA ra ya swA hA// 'di dag gsungs pa gsod la rngam// 'dis ni gsod par gdon mi za// 'khor ni stag sbyang mang po gsod la rngam// de yis lus srog bral bar gdon mi za// spyugs pa klu dang 'khor tshogs las la 'gyed// mche ba gtsigs pas rang la 'jigs pa ni// srid pa gsum po g.yo ba dag tu bstan// de bas drag po srid gsum bdag po bshad// thams cad ro dang sha la rngams pas na// des na gsang ba'i sha rgyud yin par bshad// dpa' bo gar mkhan gyi rgyud las/ rngams shing bsad pa dang sha la rol pa'i le'u ste drug pa'o// // grub pa'i dus dang rtags bstan pa// dpa' bo tshur la log pa'i rtags// rab 'bring tha ma la sogs pa// dpa' bo
- 332a
rgyud du bshad par bya// las dang ldan pa rtags 'di 'byung // rgya gar mon dang char sprin dag byung na// 'di dag rab tu 'grub par bshad// thod pa 'gul dang 'od 'byung zhing // sku dngos bstan pa ni grub pa'o// rdo rje slob dpon byung na dam tshig bskang // mdze can la sogs dman pa'i rigs byung na// dam rdzas bstar zhing mod la bstab pa bya// sprin dang ser ba 'tshub ma dag byung na// nges par drag po grub pa'i rtags// bsgrub khang 'tsheg cing chem sgra chen po ni// drag po'i las la myur du shis// rgyal sras btsun chen zhub can dang // de ltar byung na drag po'i las la shis// ha la pa tri kI la ya// de yang drag po'i las la shis// ra mda' khu log byung na gnod sbyin 'khrugs pa'i rtags// de ltar byung na 'dzab dang bsnyen pa bsgyur// dus su rtags rnams mthong na mi 'khrugs brtan pa thob// ro langs gsang ba'i rgyud las/ grub byed rtags kyi le'u ste bdun pa'o// // de nas dpa' bo rngam pa yis// dur khrod mkha' 'gro ma mo'i tshogs// gnod sbyin drag shul stobs ldan re ma ti// kha nas drag po sngags kyi 'od 'phro ba// 'chi bdag gsang ba re ma tI// kang kang cig cig bskal pa'i me ltar 'bar// me 'bar drag mo gnod sbyin re ma ti// khrag la rngub cing srog rtsa gcod pas na// gsod byed drag mo me 'bar re ma ti// de
- 332b
dag gsad pa'i 'khor lo bshad par bya// 'jig rten drag shul sa la byas pa yi// sgo can dug can sa nag la// yang na kham nag mdog can la// dka' thub can gyi khru gang ba// gting du zu dang gyen du brtsig pa ni// de yang dka' thub gyi khru la shis// kha dog nag po 'jigs pa'i tshon gyis bris// bang rim gsang ba'i ngo ldan gsum pa la// 'og ma dmar po srin mo'i mkhar chen la// gnam lcags ur mo'i gzer chen btab pa la// steng na nyon mongs re ma tI// khram srang dang ni g.yo zhing chad pa ni// skyes pa shi ba'i khrag gis chag chag btab// dug dang sbyar ba'i gtor ma gtang bar bya// rkang chen la sogs gling bu 'bud par bya// rgya skyegs khar ma gu gul dud pas bdug/ drag po dbye ba'i sngags ni bstan par bya// ma ma trag rak+Sha ru tra mA ra ya phye phye// srid pa'i lha gnyen ma lha zhang lha dang // le gu lha dang pho lha dgra lha rnams// bya spu rlung gis khyer ba lta bur bsam// de nas gsang ba'i 'khor lo bskor ba ni// khro chu gnam lcags zhun ma'i gzhi ma la// slang nag man+dir drag po'i thod pa bca'// rnal 'byor pa yi rigs kyi bya ba bshad// dka' thub can gyi kha dog dmar po 'dzin// yang na gcer bu phyung la skra bshig la// pho mo chags pa'i bdag nyid de// rak+ta'i thig les brgyan par bya// mi ni phrin las bdag mo ste// thal chen las kyi
- 333a
mtshan mas mtshan// thod pa tshe srog dbang mdzad pa// zhag chen gsang ba'i zo ris bsnan pa'o// gcer bu dpa' bo'i ting 'dzin brtan par bya// zhing lpags ti ra'i tshogs kyi gdan steng na// gdan mchog yin te de tshe gding bar bya// sha chen rkang dang tshil bu la sogs pa// phreng ba mchog kyang de tshe bgrang bar bya// pho sngags bstan pa'i bla 'gugs g.yas nas bskor ba ni// za byed pho yi ting 'dzin ldan par bshad// ro langs sngags dang ldan pa'i drag shul can// de tshe sngags bzlas g.yon du bskor bar bshad// skyes bu drag sngags bzlas pa ste// gzhan gyis thos na snying khrag 'thung bar bshad// gsang ba'i sngags de grangs dang bcas pa bzla// oM ma ma dug b+h+yo// dgra bo nr-i baM hri rol rol/ gzer mu tri ma he/ nag mo thum ril li li// snying 'byin trig hon phyung / nr-i sha ku ru kha so ba ti yaM/ sen men yaM/ dgra bo pra be sha ya ma/ ru tra yaM snying rtsa chod srog phrig prig shaM shaM khyer b+h+yo/ khu le za khu le za snying la rbud/ lce dur ma sod/ dus tshad log na rang gi srog rtsa gcod// des na gsang ba'i drag sngags yin par bshad/ drag po sngags kyi mtshon cha'i char 'bebs pa 'di skad do// oM ma tsit+ta rak+Sha nir mA ra ya rbad/ rak+ka rak+kha ni mA ra ya rbad/ hri ni mA ra ya rbad/ ga ta ga ta ni mA ra ya rbad/ de dag bzlas pa bya ba
- 333b
yin// ro langs gsad pa'i 'khor lo bskor bar bshad// dpa' bo gar mkhan mchog gi rgyud las/ 'khor lo dkrug pa'i le'u ste brgyad pa'o// // de nas dpa' bo gar mkhan mchog/ gshin rje gshed po'i dam tshig lung du bstod pa'o// hUM nam mkha' yangs pa'i dkyil 'khor nas// gshin rje dmar po ral pa can// rA tra myur du bsgral ba'i phyir// sgrub pa'i gnas 'dir dam la shog/ ces dam bsgrags te bstod do// de nas dpa' bo gar mkhan la// 'khor sems dpa' dang sems ma la sogs pas/ bstod pa gar dang bcas pa ni/ hUM/ sngon gyi rgyal ba'i lung phog ltar// tshe srog bdag po ma ru tse// sgrol ging bya bar dam bcas pas// dam rdzas bdud rtsi 'di la kha raM khA hi/ zhes gus pas mchod cing bstod do// de nas bcom ldan 'das kyis bshad pa/ rnal 'byor can gyi rtog pa gzhom pa'i phyir// ma ru tse ni gar mkhan mchog nyid de// gar mkhan mchog nyid rgyal po rnam thos sras// rnam thos sras nyid karma he ru ka/ don la the tshom med na rigs lnga'i sangs rgyas 'grub// dpa' bo gar mkhan mchog gi rgyud las/ gnod sbyin dmar po'i tan+t+ra/ gsod byed spu gri'i so/ las kyi mchog/ man ngag gi nying khu/ bdud kyi mda'/ las kyi gshin rje zhes bya ba'o// gshin rje wa thod dmar po'i rgyud tsha rgod dmyal ba'i las rdzogs/ gnubs kyi
- 334a
man ngag/ drag po'i sngags rgod/ bstan srung spu gri lta bu'i rgyud pad+ma dbang rgyal gyi bka'// / @#// rgya gar skad du/ many+dzu shri ya ma ma ru tse man+ta tan+t+ra shAs+tha/ bod skad du/ 'jam dpal gshin rje ma ru tse'i sngags rgyud bstan pa/ bcom ldan 'das dpal phyag na rdo rje la phyag 'tshal lo// 'di skad bdag gis thos pa'i dus gcig na/ dpal phyag na rdo rje chos kyi sku las longs spyod rdzogs pa'i skur bzhengs te/ 'gro ba'i don mdzad pa las/ byang phyogs gnod sbyin gdong dmar ba/ gdul bar dka' zhing gtum pa rnams la dpal phyag na rdo rjes ma ru tse pa ta ye hUM/ zhes gsungs pa las// sgrol ging gi bdag po 'jam dpal ma ru tse/ sku 'od zer dang bcas nas 'thon te/ dpal phyag na rdo rje la 'di skad ces gsol to// e ma ho bcom ldan mthu stobs bdag/ zhe sdang gdug pa'i sems can dag/ phrin las zhi bas mi 'dul bar// gdug pa de dag ji ltar gdul// zhes smras pas/ de nas dpal phyag na rdo rjes/ ma hA rak+ta maN+Da la zhes brjod pas/ khrag gi rgya mtsho mtha' dang dbus med pa// rba rlabs 'khrugs pa gcig tu gyur to// de nas a tsan+da maN+Da la hUM/ zhes brjod pas zla ba'i dkyil 'khor brdal ba chen po gcig tu gyur par gnas so// 'jam dpal dmar po'i sngags rgyud las/ gleng gzhi'i