MW21521_3CBD08བསྐྱེད་པ་མཧཱ་ཡོ་གའི་ཆོས་སྐོར།All versions of this work

gsang ba'i snying po de kho na nyid nges pa

Text

ff. 76b–109b · 67 folio sides

  1. 76b

    hUM thugs rje chen po'i byin rlabs kyis// bdag la byin gyis brlabs mdzad cing // bdag gi lhag ma'i bsam pa rnams// grub par byin gyis brlab tu gsol// hUMH'khyil zhing rgyan yang 'khyil ba la// sems kyi chos pas sku mi mnga'// sgra las 'das pa'i sbyor ba ste// bsam dang bral ba'i ye shes lags// hUsrid gsum 'joms pa'i lha la phyag 'tshal lo// mnyam nyid ngang gi lha la phyag 'tshal lo// khro la longs spyod mdzad la phyag 'tshal lo// rdo rje 'du 'phro khro la phyag 'tshal lo// zhes bstod de/ nyid kyi thugs kar zhugs te mi snang bar gyur to// 'phags pa thabs kyi zhags pa pad+mo 'phreng ba las/ ngo mtshar bstod pa'i le'u ste zhe gcig pa'o// / 'phags pa thab kyi zhags pa pad+mo 'phreng ba las/ rtog pa'i rgyal po'i don bsdus pa zhes bya ba rdzogs so// / rgya gar gyi paN+Di ta bi ma la mi tra dang / lo tsa ba snyags dz+nyA na kun ras dpal gyi bas ma yas su bsgyur cing zhus te gtan la phab pa'o// rgya gar skad du/ gu h+ya gar+b+ha ta twA ya hi/ bod skad du/ gsang ba'i snying po de kho na nyid nges pa'o// bcom ldan 'das dpal kun tu bzang po la phyag 'tshal lo// 'di skad bshad pa'i dus na/ de bzhin gshegs pa dgra bcom pa yang

  2. 77a

    dag par rdzogs pa'i sangs rgyas bcom ldan 'das longs spyod chen po/ phyogs bcu dus bzhi'i de bzhin gshegs pa thams cad kyi sku dang / gsung dang / thugs rdo rje'i bdag nyid ma lus mi lus lus pa med pa thams cad dang / so so ma yin tha mi dad dbyer med pa'i rang bzhin te/ 'og min gyi gnas mtha' dang dbus med pa na/ gzhi tshad med pa'i ye shes kyi 'khor lo gsal ba la/ ye shes rin po che 'bar ba'i gzhal yas khang rgya phyogs bcur yongs su ma chad pa// yon tan dpag tu med par rgyas pa'i phyir gru bzhir gyur pa/ lhag pa'i ye shes rin po che'i blo 'bur gyis mdzes pa/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad dang so so ma yin ngo bo nyid gcig pa'i ye shes kun tu 'khyil ba/ ye shes bsam gyis mi khyab pa'i ye shes rin po che'i dbyibs dang kha dog la sogs pa/ rnam pa tha dad pa'i bye brag dang khyad par du gyur pa/ spags pa/ tshad dpag tu med pa/ ye shes rin po che sna tshogs kyi 'phreng ba dang / chun 'phyang dang / shar bu'i brgyan dang / gzugs sna tshogs dang / sgra sna tshogs dang / dri sna tshogs dang / ro sna tshogs dang / reg bya sna tshogs kyis phyogs bcur 'khrigs par rang byung la/ mi sgrib par gsal ba'i rgyan bsam gyis mi khyab par klubs pa/

  3. 77b

    rnam par thar pa bzhi'i sgo nas 'jug pa'i sgo khyud can/ rnam par thar pa brgyad kyi rta babs dang ldan pa/ phyi dang nang med pa/ kun tu yang nang du gyur pa na/ mi 'jigs pa'i seng ge'i khri dang / stobs kyi glang po che'i khri dang / rdzu 'phrul rta'i khri dang / dbang rma bya'i khri dang / thogs pa med pa nam mkha' lding gi khri dang / rang bzhin gyis 'od gsal ba nyi zla'i dkyil 'khor dang gos pa med pa pad+ma rin po che'i khrol/ sku mdun dang rgyab med pa/ thams cad du zhal thal le bar gsal zhing / mtshan dang dpe byad du ldan pa/ bsam gyis mi khyab pa/ thams can du sku dang / gsung dang / thugs sna tshogs par kun tu snang ba'o// thabs dang shes rab kyi zhabs gnyis mnyam pa'i rtul zhugs kyis skyil mo krung du bzhugs pa/ ye shes drug gi phyag ye shes chen po'i phyag rgya 'bar ba can/ sku gsung thugs bsam mi khyab pa'i dbu gsum dang ldan pa/ bcom ldan 'das de bzhin gshegs pa rnam par shes pa'i rgyal po dang / de bzhin gshegs pa gzugs kyi rgyal po dang / de bzhin gshegs pa tshor ba'i rgyal po dang / de bzhin gshegs pa 'du shes kyi rgyal po dang / de bzhin gshegs pa 'du byed kyi rgyal po dang / de dag kun kyang mthing kha dang / dkar po dang / ser po dang / le brgan dang / ljang khu'i mdog tu 'tshar ba/ btsun mo dam pa snang ba'i dbyings dang / sra ba'i

  4. 78a

    dbyings dang / gnyen pa'i dbyings dang / dro ba'i dbyings dang / bskyod pa'i dbyings la sogag pa btsun mo'i tshogs dang gnyis su med par chos kyi dbyings kun ta mtha' yas par khyab pa ni/ 'di lta ste/ dper na til gyi gang bu bzhin du gang nas khyab par bzhugs so// de nas byang chub chen po rdo rje mthong ba dang / byang chub chen po rdo rje/ thos pa dang / byang chub chen po rdo rje snom pa dang / byang chub chen po rdo rje myong ba dang / btsun mo mthong bar bya ba dang / mnyan par bya ba dang / bsnam par bya ba dang / myong bar bya ba'i tshogs dang / byang chub chen po rdo rje mthong byed dang / byang chub chen po rdo rje thos byed dang / byang chub chen po rdo rje snom byed dang / byang chub chen po rdo rje myong byed// btsun mo 'das pa dang / da ltar dang / 'byung ba dang / ma byon pa'i tshogs dang / 'joms pa chen po rdo rje reg pa dang / 'joms pa chen po rdo rje reg byed dang / 'joms pa chen po rdo rje reg bya dang / 'joms pa chen po rdo rje reg shes dang / btsun mo rtag par ma yin pa dang / chad par ma yin pa dang / bdag tu ma yin pa dang / mtshan mar ma yin pa la sogs pa de lta bu'i tshogs brjod kyis mi lang ba dang / gnyis su med par bzhugs so// de nas de bzhin gshegs pa btsun mo'i tshogs dang gnyis su med

  5. 78b

    pa'i gsang ba'i dkyil 'khor de dag nyid kyi gsang ba 'di nyid sku dang / gsung dang / thugs dang / yon tan dang / 'phrin las rdo rje las phyung ngo // e e maHe ma'o// de bzhin nyid kyi dbyings nyid dbang sgyur ye shes dkyil 'khor thugs rje'i ngang // rang snang ba nyid ting 'dzin gzugs brnyan sgyu ma rnam dag gsal ba la// sku gsung thugs dang yon tan 'phrin las sel med pa yi yon tan yid bzhin rin po che// mi zad par ldan rgyan gyi 'khor lo rdo rje mchog gi gnas nyid do// zhes rdo rje gsang ba'i tshig tu'o// gsang ba'i snying po de kho na nyid nges pa las/ gleng gzhi'i le'u ste dang po'o// // de nas bcom ldan 'das byed pa po rdo rje yid kun tu bzang po thams cad ma lus pa'i rang bzhin gyi tshul rdo rjes btsun mo bya ba mo chos kun tu bzang mo la 'jug par gyur to// zhugs pas phyogs bcu dus bzhi'i de bzhin gshegs pa ma lus pa thams cad gcig gi rang bzhin dbyer med pas/ de bzhin gshegs pa nyid de bzhin gshegs pa nyid la ched du brjod pa 'di brjod do// e ma'o// rdo rje phung po yan lag ni// rdzogs pa'i sangs rgyas lnga ru grags// skyed mched khams rnams mang po kun// byang chub sems dpa'i dkyil 'khor nyid// sa chu spun dang ma mA k+ki// me rlung gos dkar sgrol ma

  6. 79a

    ste/ nam mkha' dbyings kyi dbang phyug ma// srid gsum ye nas sangs rgyas zhing // thams cad ma lus chos so chog/ sangs rgyas nyid las gzhan ma yin// sangs rgyas nyid las gzhan pa'i chos// sangs rgyas nyid kyis mi brnyes so// zhes brjod pas/ de bzhin gshegs pa thams cad mnyes par gyur to// de nas btsun mo chos bya ba mo kun tu bzang mo sa/ bcom ldan 'das yid kun tu bzang po dang gnyis su med par gyur nas/ ched du brjod pa 'di ba e ma'o// phyogs bcu'i stong khams ye nas dben// srid pa gsum ni dag pa'i zhing // snyings ma lnga nyid bde ldan gnas// phung po lnga nyid mngon sangs rgyas// thams cad ma snying po bas// gzhan du rgyal bas chos mi btsal// nyid las gzhan zhes bya ba'i chos// bcol kyang rgyal bas mi brnyes so// zhes brjod pas/ ye nas sangs rgyas par de bzhin gshegs pa nyid kyis mkhyen to// de nas gnyis su med pa'i bdag nyid chen pos// ye nas sangs rgyas pa'i sems ye shes su bskyed pa 'di gsungs so// e ma'o ngo mtshar rmad kyi chos// rdzogs pa'i sangs rgyas kun gyi gsang // skye ba med las thams cad skyes// skyes pa nyid na skye ba med// e ma'o ngo mtshar rmad kyi chos// rdzogs

  7. 79b

    pa'i sangs rgyas kun gyi gsang // 'gag pa med las thams cad 'gag/ 'gag pa nyid na 'gag pa med// e ma'o ngo mtshar rmad kyi chos// rdzogs pa'i sangs rgyas kun gyi gsang / gnas pa med las thams cad gnas// gnas pa nyid na gnas pa med// e ma'o ngo mtshar rmad kyi chos// rdzogs pa'i sangs rgyas kun gyi gsang // dmigs pa med las thams cad dmigs// dmigs pa nyid na dmigs pa med// e ma'o ngo mtshar rmad kyi chos// rdzogs pa'i sangs rgyas kun gyi gsang // 'gro 'ong med las 'gro dang 'ong // 'gro 'ong nyid na 'gro 'ong med// ces brjod pas/ de bzhin gshegs pa thams cad dang / btsun mo'i tshogs thams cad kyang mnyes pas khyab par gyur to// // de nas de bzhin gshegs pa thams cad btsun mo'i tshogs thams cad dang bcas pas/ ched du brjod pa 'di brjod do// e ma'o ye nas gsang ba'i chos// sna tshogs snang la rang bzhin gsang // ngo bo nyid kyis rab tu gsang // gzhan du min la shin tu gsang // zhes brjod pas/ de bzhin gshegs pa thams cad dang / chos thams cad ye nas sangs rgyas pa'i ngo bo nyid du gcig pa'i mtshan nyid yin pas dbyer med na rang 'gro ba'i rnam par rtog pa ma rig pa las/ 'gro ba lnga'i ris bsam gyis mi khyab par smin pa la/ thugs rje chen po sangs rgyas kyi ye shes chen po dang gis

  8. 80a

    skyes nas/ ched du brjod pa 'di brjod do// e ma'o bde gshegs snying po las// rang gi rnam rtogs kyis sprul// sna tshogs lus dang longs spyod dang // gnas dang sdug bsngal la sogs pa// bdag dang bdag gir so sor 'dzin// sus kyang mi 'ching bcings med de// btsang bar bya ba'ang yod ma yin// rnam rtog bdag tu 'dzin pa yin// nan gyis mkha' la mdud pa 'dor// bcings med rnam par grol med pa'i// ye nas lhun rdzogs sangs rgyas chos// bstan phyir spro ba sna tshogs mdzad// ces de bzhin gshegs pa nyid de bzhin gshes pa nyid la ched du gleng ngo // gsang ba'i snying po de kho na nyid nges pa las/ don dam pa dang kun rdzob kyi byang chub kyi sems ye shes su bskyed pa'i le'u ste gnyis pa'o// // de nas de bzhin gshegs pa thams cad las/ thugs rje chen po'i byin gyis brlabs shes bya ba'i rig pa'i skyes bu thub pa drug/ de bzhin gshegs pa'i sku dang / gsung dang / thugs rdo rje las 'thon to// thon nas kyang las kyi khang gis snrel gzhi dang / sa na man gyi 'jig rten drug gi phyogs bcu mtha' yas mu med pa'i stong gsum gyi stong chen po re rer/ thub pa chen po bcom ldan 'das re res 'dul ba rnam pa bzhis 'gro ba ris lnga'i don mdzad de/ bltams pa dang / rab tu byung ba dang

  9. 80b

    dka' thub mdzad pa dang / sangs rgyas pa dang / bdud btul ba dang / chos kyi 'khor lo bskor ba dang / cho 'phrul chen po ston pa dang / mya ngan las 'das pa la sogs pa ston pa'i thub pa/ dus bzhi kun tu mkhyen pa dang / thams cad kyi sems kyi rgyud kun tu mkhyen pa dang / rdzu 'phrul gyi spyan gyis sarba kun tu gzigs pa dang rdzu 'phrul gyi snyan gyis kun tu gsan pa dang / rdzu 'phrul gyi tshogs kun tu don mdzad pa dang / zag pa med pas kun tu bzang po'i spyod pa yongs su rdzogs pa'i don mngon par shes pa drug dang / kun tu sku bsam gyis mi khyab pa dang / kun tu thugs bsam gyis mi khyab pa dang / kun tu zhal bsam gyis mi khyab pa dang / kun tu gsung bsam gyis mi khyab pa dang ldan pa/ bsam gyis mi khyab pa grangs med par phyogs bcur snang bar gyur to// thams cad kyang 'di lta ste/ 'dul ba'i dbang gis lha dang mi'i theg pa dang / nyan thos kyi theg pa dang / rang sangs rgyas gyi theg pa dang / byang chub sems dpa'i theg pa dang / bla na med pa'i theg pa sa/ ma rig pa'i rnam par rtog pa nyon mongs pa stong phrag brgyad cu rtsa bzhi'i gnyen por/ chos stong phrag brgyad cu rtsa bzhi gsungs so// gsung ngo // gsung bar 'gyur ro// de dag thams cad kyang gzung ba dang 'dzin pa'i phyi nang gi rten cing 'brel par

  10. 81a

    'byung ba dang / 'dzin pa dang 'phrul pa las bzlog pa dang / las dang las kyi 'bras bu chud mi za ba dang / las dang las kyi 'bras bus mi gos / gos par mi 'gyur/ gos su med pa ston pa'i mthar thug go// de nas de bzhin gshegs pa thams cad kyis ched du brjod pa 'di brjod do// ji snyed 'jig rten 'khrul pa'i chos// ma rig rtog pa'i gzung 'dzin gyis// phyi nang rten 'brel gnyis su 'khor// mi mthun bde sdug myong bar 'gyur// rang bzhin nyid las nyams pa med// yang dag sgyu ma'i tshul gnyis su// bdag dang bdag gi gzhan med de// rnam dag dbyings kyi tshul gcig go/ bdag dang bdag gi gzhan rnams ni// log par rtog pa tsam nyid las// phral zhing zab pa yod ma yin// log rtog nyid la nyid spyod de// gzhan du g.yo ba ci yang med// log rtog rgyu 'bras rgyun nyid kyang // gzhi rtsa med dbyings skad cig ma// rnam par thar pa dbyings nyid tshul// nyid la dbang sgyur nyid spyod phyir// bdag dang gzhan dang rtog pa'i rgyun// rnam dag bla med theg pa'i mchog/ theg pa bzhi yi nges 'byung las// theg pa gcig gis 'bras bur gnas// yang dag rtog pas rab brtags na// rang bzhin med las cir yang 'grub// sangs

  11. 81b

    rgyas mya ngan yongs mi 'da'// chos kyang nub par mi 'gyur te// ma rig smin mdzad gdul ba'i phyir// byung nas mya ngan 'da' bar ston// 'dul ba mdo sde chos mngon dang // dam tshig sgrub dang grub pa dang // sku dang gsung dang thugs kyi rgyud// phyogs bcu kun tu rab grags pa// gsang ba'i snying po las 'phros te// rang bzhin gsang ba'i snying po 'di// sde snod kun dang rgyud kun gyi// byung nas gtan la nges par 'bebs// chos rnams ming du btags pa tsam// ston pas don dang 'thun phyogasu// ming dang tshig tu btags nas bstan// ston ming tshig la dngos po med// ces brjod do// de nas de bzhin gshegs pa thams cad gnyis su med pa'i dkyil 'khor de nyid kyi gsang ba 'di nyid/ sku dang / gsung dang / thugs dang / yon tan dang / 'phrin las rdo rje las phyung ngo // a ho/ srid rtsa'i nyes dmigs bdag tu rtog las 'phros// rgyud drug skye 'gag lus dang longs spyod dang // gnas dang sdug bsngal 'khrul 'khor la sogs pa// log rtog nyid las gzhan du ci yang med// stong gi bdag med ye mkhyen rang rig thugs// dmigs bya dmigs byed med par dran dbang sgyur// ngo mtshar sku gsung yon tan zhing khams las// gzhan na med de de nyid de ltar yin// zhes rdo rje gsang ba'i tshig tu'o/

  12. 82a

    zhes brjod pas/ thub pa drug gis sprul pa grangs med pa dang / de bzhin gshegs pa thams cad kyis gsungs pa'ang de dag tu 'dus par de bzhin gshegs pa nyid kyis mkhyen to// gsang ba'i snying po de kho na nyid nges pa las/ chos thams cad gtan la 'bebs pa'i le'u ste gsum pa'o// // de nas de bzhin gshegs pa thams cad kyi dgongs pa gcig tu gyur nas/ mnyam pa chen po'i tshul rdo rje'i dbyings su chos thams cad ye nas sangs rgyas pa'i ting nge 'dzin las mi g.yo bar/ chos thams cad ming tsam du gnas pa'i yi ge 'phreng ba'i 'khor lo zhes bya ba 'di/ sku dang / gsung dang / thugs rdo rje las phyung ngo // a rab tu brtan 'gyur a dkar las// shin tu phra ba'i a rnams spro// phyogs bcu gang bar gsal 'gyur nas// bsdus kyang 'phel 'grib med par bstan// de las ming tshogs gsal 'bar kun// spro zhing bsdu ba'ang de bzhin te// 'di ni rdo rje dngos grub kyi// brtan 'byung ye shes rgyu yin no// a ka kha ga b+ha nga / tsa tsha dza dz+haH/ Tarba Da D+haN/ ta tha dad+hAn/ pa pha ba b+ham/ a ra la wa/ sha Sha sa hak+tA/ i mI/ u mU/ e ai/ oM o// 'di dag phyung bas/ 'jig rten drug gi phyogs mtha' yas pa rnam pa drug tu g.yos/ rab tu g.yos/ kun tu g.yos nas// chos thams cad ming gi mtshan nyid tsam

  13. 82b

    du gyur to// hoHde nas de bzhin gshegs pa thams cad kyis/ ched du rjod pa 'di brjod do// a ni stong dang mi stong gi/ dbu ma'ang dmigs su yod ma yin// thams cad ming tsam sangs rgyas kun// yi ge 'phreng ba nyid la gnas// a nyid sna tshogs par snang ba'i// ka la sogs pa bzhi bcu gnyis// sgra yi ming gis thams cad bsdus// mngon rdzogs rgyal por de nyid nges// a ma'o ngo mtshar ya mtshan gyi// 'phrul chen bzhi bcu rtsa lnga'i ming // tshig rnams ma lus 'dzin pa'i gnas// sna tshogs don chen smra zhing ston// dngos med yi ge'i rang bzhin sems// bdag med mtha' bral mi dmigs kyang // dbyibs dang kha dog ming tshegs kyis// rol pa ciri yang sprul cing ston// phyogs bcu dus bzhir gshegs pa yi// ye shes sems dpa'i sku gsung thugs// dkyil 'khor bzhi bcu rtsa lnga nyid// yi ge 'go nas kA la rdzogs// sems kyi rang bzhin yi ge ste// yi ge'i dngos po yod ma yin// dmigs med de nyid sna tshogs pa'i// sku gsung thugs kyi 'khor lo che// sku gsung thugs ni ngo mtshar gyi// ya mtshan 'phrul chen rab 'gugs pa'o// / dbyings la dbyings kyis bris pa ste// yi ge zhes ni de phyir brjod// 'go ni ma nor lam yin te// tig ni shes rab ming du smra// shad ni thabs chen tshogs su gcod//

  14. 83a

    a ni skye med de bzhin nyid// Tha ni sgyu 'phrul rdo rje nyid// Ta ni snang bas sgyu 'phrul nyid// Da ni sgyu 'phrul yid bzhin nyid// D+ha ni sgyu 'phrul rnam dag nyid// Na ni kun tu sgyu 'phrul nyid// tha ni dra bas mngon rdzogs nyid// ta ni dra bas brtan pa nyid// da ni dra bas lham me nyid// d+ha ni dra bas 'khril ba nyid// na ni dra bas kun tu 'gyur// ka ni spyan gyi thugs kyi mchog/ kha ni snyan gyi thugs kyi mchog/ ga ni shangs kyi thugs kyi mchog/ g+ha ni ljags kyi thugs kyi mchog/ nga ni thugs kyang 'jig byed pa'o// tsa ni spyan gyi sku yi mchog/ tsha ni snyan gyi sku yi mchog/ dza ni shangs kyi sku yi mchog/ dz+nyA ni ljags kyi sku yi mchog/ nya ni sku yang 'jig byed pa'o// pa ni smyan gyi gsung gi mchog/ pha ni snyan gyi gsung gi mchog/ ba ni shangs kyi gsung gi mchog/ b+ha ni ljags kyi gsung gi mchog/ ma ni gsung yang 'jig byed pa'o// ya ni skye ba rnam par dag/ wa ni gnas pa dag pa yin// ra ni 'jig pa dag pa ste// la ni stong pa dag pa'o// sha ni rtag par dag pa ste// Sha ni chad pa yod ma yin// sa ni mtha' bral bdag med pa// ha ni mtshan ma med pa nyid// k+Sha ni ye shes thugs kyi thugs// i ni rdul snyed lha rnams su// I ni rdul snyed lha ma yin// u ni rdul snyed mi rnams su/

  15. 83b

    A ni rdul skyed byol song rnams// e ni rdul snyed yi dgas su// aM ni rdul snyed dmyal ba rnams// oM ni thams cad 'jig par byed// oM ni thams cad zhig pa yin// yo ga 'khor lo tshogs chen 'dis// sku gsung thugs kyi 'phreng ba bsdus// zhes brjod do// a hoHde nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi gsang ba 'di nyid// sku gsung thugs yon tan 'phrin las rdo rje las phyung ngo // a ho/ thabs dang shes rab dgyes sprin byang chub sems tshogs rgyu 'khor lo// 'bras bu rgyal ba smin grub ngo mtshar mang tshegs bzhi bcu gnyis// 'dus ma byas nyid 'dus byas rdo rje dkyil 'khor 'byin pa'i dam/ 'da' par mi mdzad dbang med rgyu rkyen 'tshogs pa'i mthu chen yin// a ho/ rdo rje gsang ba'i chog tu'o// zhes brjod pas/ de bzhin gshegs pa thams cad yi ge'i 'khor lor gyur to// gsang ba'i snying po de kho na nyid nges pa las/ yi ge 'phreng ba'i 'khor lo bkod pa'i le'u ste bzhi pa'o// // de nas yi ge 'khor lo'i sprin bkod pa las/ sgyu 'phrul rnam par 'phro ba 'di ched du brjod do// rtsa ba med pa'i sems nyid ni// chos rnams kun gyi rtsa ba yin// sems nyid yi ge'i rang bzhin te//

  16. 84a

    yi ge yid bzhin rin chen sprin// sgyu 'phrul dkyil 'khor bzhi bcu gnyis// dra ba'i dkyil 'khor mngon rdzogs pas// phyogs bcu dus bzhi rdzogs pa yi// dkyil 'khor thams cad 'grub par 'gyur// bdud rtsi'i 'gyur zhing 'byung ba dang // bzhi brgya rtsa bzhi'i nad sel cing // longs spyod 'byung zhing ngan song spong // ci yang gzhan du 'gyur ba 'grub// nam mkha' rdo rje sra 'byung zhing // 'bar nas me yang tshig pa dang // chur 'gyur 'bab pa'ang de bzhin te// 'jig rten khams ni 'thor ba dang // thams cad stong zhing ltung bar 'gyur// dgug dang gtang dang bcing dang dgrol// gso dang gsad dang pha ma dang rgyal// ting 'dzin 'di yis byed par 'gyur// de nyid ye shes rang snang ba'i// mingo tshig gzugs sogs yid bzhin gyis// mun la snang byung ji bzhin du// 'gyur ba gser 'gyur sman gyi tshul// ston pa mchod brtson rtogs pa gsal// dam tshig sngags dang phyag rgya rnams// mnyams shes shing yo byad ldan// 'grub 'gyur mi ldan don med brlag/ dus gsum rgyal bas thugs chud pa'i// dngos grub mchog gi snying po ni// zad pa'i dus med yid bzhin mdzod// 'phel 'grib med par 'byung ba ste// dngos po med las dngos po sprin// sna tshogs rnam par 'byung zhing 'gyur// /

  17. 84b

    dngos rnams nyid ni dngos med par// rtogs pa'i dbang gyur ting 'dzin yin// gang gis dmigs med mi shes pa// de yis chos kyi dbyings mi shes// de phyir dngos dang dngos med pa// 'jigs pas dmigs med shes par gyis// gzhi rtsa med pa'i sems nyid na// pho mo ma yin ma ning min// mtshan med ma yin rigs rgyud min// kha dog ma yin dbyibs ma yin// gnas su ma yin gang yang min// de bzhin nyid dbyings ye shes te// thabs kyi phyag rgya kun gyi rgyu// thabs las thabs byung thabs bsam yas/ tha dad min las tha dad pa'i// nang dang nang gi phyi rol gyi// dkyil 'khor bsam yas ye shes rol// 'jigs med kun bzang phyag rgya'i mchog/ gang gis grang chen myos 'dra'i sems// mnyam par gzhag pas btul nas su// sngags dang phyag rgya rab brtan na// dngos grub ya mtshan chen por 'gyur// zhes brjod pas/ de bzhin/ gshegs pa nyid gzigs mos mnyes par gyur to// gsang ba'i snying po de kho na nyid nges pa las/ sgyu 'phrul dra ba bsgrub pa'i ting nge 'dzin gyi le'u ste lnga pa'o// / / de nas de bzhin gshegs pa thams cad kyi rang bzhin gcig dang du ma med pa'i bdag nyid thams cad kyis/ 'jig rten drug gi phyogs bcu thams cad la nyid kyi tshe

  18. 85a

    ba'i dkyil 'khor dbyung bar bzhed nas/ ched du brjod pa 'di brjod do// ye shes phyogs bzhi dbus brtags te// dkyil 'khor bsam yas gyun// grub ni/ rdzogs chen rtogs pa'i rnal 'byor pas// kun 'byung dkyil 'khor chen por spod// 'khor lo rtsibs bzhi mu khyud bcas// gru chad bzhis brgyan par khyams dang // kun tu gru bzhi sgo khyud ldan// rol mo sna tshogs sprin phung bzhin// dkyil 'khor bzhi bcu gnyis kyis brgyan// seng ge glang chen rta dang khyung // nam mkha' lding gi khri chen la// nyi zla pad+ma rin po che// gdan la rdzogs dang sems dpa'i tshul// 'khor lo rgyal po rgyal mo dang // g.yas nas mthong thos snom pa dang // myong dang btsun mo'i tshogs su bcas// gru chad la ni mthong byed dang // thos byed snom byed myong byed rnams// btsun mo'i tshogs dang bcas par gnas// bar khyams la ni thub drug dang // mdun dang rgyab tu byed pa dang // bya ba dag ni gnas par bstan// sgo khyud bzhi la 'joms pa ni// btsun mo'i tshogs dang ldan par gnas// rdo rje 'khor lo rin pa che/ pad+ma ral gri dril bu 'bar// ut+pal klu shing la sogs mtshan// mdzes tshul mnyes pa'i yo byad 'dzin// mthing kha dkar po ser le brgan// ljang khu la sogs sna

  19. 85b

    tshogs pa'i// gnyen lcug 'khril ldem gzhon tshul can// gsal 'tsher lhun stug gzi byin ldan// 'od zer 'phro ba'i tshogs chen po// 'bar ba'i 'phreng bas 'khyil ba ste// mtha' dbus med par khyab pa yin// dkyil 'khor bsam yas lhan gyis grub// skra yi phyag rgya che mchog no// de bzhin dbyings las ma g.yos kyang // yang dag thar pa'i gzugs skra dang // 'gro ba ma lus gdul ba'i phyir// mthun byas sku ni sna tshogs ston// ston nyid sgyu ma migayor tshul// tshul nyid dbyings las g.yos pa med// ma g.yos bzhin du sna tshogs pa'i// de tshe mi mthun sna tshogs la// so so 'dra bar snang ba ni// de bzhin nyid kyis ma bcos kyang // las 'phro'i dbang gis so sor snang // dpe na me long chu zla bzhin// de tshe 'gro drug thams cad la// sdig spong gzugs su snang bar bsta na// dge tshul rnams la dgra bcom gzugs// rang rgyal rnams la bse ru'i tshul// gzhan yang theg mchog rim pa bzhin// 'og min bla med ga nas mchog tu// sku ni rnam par snang mdzad tshul// byang chub sems dpa'i 'khor rnams la// de bzhin gsung mchog mi smra ste// sku yis chos rnams mjal bar ston// me long bstan pa'i tshul bzhin du// dngos kyi mdog ngan thams cad sel// 'khor gyis de bzhin sku bltas na//

  20. 86a

    byang chub sgrib pa gting dpag med// me long bzhin du sku la snang // de nas sa bcu rim gyis 'byang // bla med byang chub yang dag thob// chos sku dpag med brjod du med// longs sku zad med yid bzhin gter// sprul pa bye ba bsam mi khyab// mtshan dang dpe byad thams cad rdzogs// spyod yul kun tu man d+ha la// tshogs chan gnyis kyang rdzogs par ro// thabs dang shes rab sa la mchog/ de la sogs te bas ma yas mchog/ skye shi med pa'i g.yung drung sku// nyon mongs kun gyi zhing du gnas// zad mi shes pa'i gter du 'gyur// rdo rje rig pa 'dzin pa'i sku// thams cad dbyer med mnyam pa'i sku// thams cad mkhyen pa'i ye shes sku// de tshe sku lnga kun kyang rdzogs// zhes brjod pas/ 'jig rten drug gi phyogs bcu mtha' ya sa mu med pa thams cad du dkyil 'khor brjod kyis mi lang ba zhing gi rdul snyed du gsal bar gyur to// de nas de bzhin gshegs pa btsun mo'i tshogs dang gnyis su med pa'i dkyil de dag nyid kyi gsang ba 'di nyid sku gsung thugs yon tan 'phrin las rdo rje las phyung ngo // a ho/ dmigs bya dmigs byed mi dmigs dpag med pa sam mo khyab// ye shes rang rig dkyil 'khor sna tshogs brjod mi lang // mnyam dang mi

  21. 86b

    mnyam kun khyab khyab med khyab pa'i dbyings// ye nas kun gsal dkyil 'khor rnam spros spros pa med// a he/ zhes rdo rje gsang ba'i chog tu'o// gsang ba'i snying po de kho na nyid nges pa las/ dkyil 'khor spros pa'i le'u ste drug pa'o// // de nas de bzhin gshegs pa btsun mo'i tshogs dang bcas pa thams cad kyi sku dang gsung dang / thugs rdo rje las 'di dag phyung ngo // b+hU bi shA bi shud d+he/ hU badz+ra d+h+r-ig/ o dza ni dzo ga/ swa rad na d+h+r-ig/ aM a ro l-ig/ ha pradz+nyA d+hig/ muM d+hA du shwa ri/ la te sha ra ti/ maM mo ha ra ti/ pya ra ga ra ti/ taM badz+ra ra ti/ k+Shi hi raM tsa ya/ tra a ga ra b+ha ya/ hr-i ha hU pad+ma ba d+ha ma/ d+hau ku ru pa na hr-i/ tU la s+ye sa ma ya stAM/ traM mA le sa ma ya hau/ hri gi ra ti/ ho ha a nir ti ra ga ya mi/ me da ra ni sA hA/ ni sa raM pa ya swA hA/ hU sa ra tsa ya swA hA/ mr-i shri aM ra ga ya sA hA/ dza d+hu pa pra be sha/ hUM puSh+pa e be sha/ baM dI pa su ki ni/ ho gan d+he/ tsit+ta hU ya mAn ta krid phaT/ hUM big+h+na nan ta kr-id phaT/ hU pad+mAn+ta ta kr-id phaT/ hUM pradz+nyA na ta kr-i da phaT/ oM ma hA badz+re d+ha ra ma hA kro d+hi shwa ri dz+wa la ni hUM phaT/ oM ma hA ra da na d+ha ra ma hA kr-i ti shwa ri dz+wa la ni hUM phaT/ oM ma hA pad+ma d+ha ra ma hA kro ta shwa ri dza la ni hUM phaT/ oM ma hA karma d+ha ra ma hA kr-i ta shwa ro dzo la ni hUM phaT/ hUM hUM hUM badz+ra tsit+ta o/ a a a badz+ra pad tra sa ma ta a/ oM mu ne kra smaH

  22. 87a

    oM mu ne hUM t+yA swA hA/ oM mu ne sru swA hA/ oM mu ne pra sA hA/ so mu ne kA swA hA/ oM mu ne ye swA hA/ o ke h+ye hi b+ha ga ba na/ ma hA kA ru ni ke tri sha ho/ sa ma la ste/ dzaHhU pa ho/ o A hU sA hA/ bababab pa/ dz+ra dz+ra dz+ra dzA dzA/ sa sa sa sa sa/ ma ma ma ma ma/ ya ya ya ya ya/ oM AHhU swA hA/ o ye shes rgyal po sku gsung thugs// yon tan 'dzi las rmad po che// de nyid du ni mnyam sbyor bas// phyag rgya chen por bdag sbyor cig/ oM badz+ra sa ma ya hUM/ oM badz+ra sa a ya stau/ oM badz+ra sa ma ya ho/ dza hU ba hoH/ zhes brjod pas/ gsung dkyil 'khor 'di dag gis/ 'jig rten drug gi phyogs bcu thams cad khyab par grags so// rab tu grags so// kun tu grags so// de nas bcom ldan 'das byed pa po rdo rje dang bya ba mo rdo rje gnyis su med pa'i dkyil 'khor la thim par mdzad do// de nas phyogs bcu dus bzhi'i de bzhin gshegs pa'i bdag nyid chen po sa bdag nyid chen po'i ye shes dang byin pasdu ba zhes bya ba 'di ske dang / ga sung dang / thugs rdo rje sgyu 'phrul dra ba las phyung ngo // oM ma hA shU n+ya ta dz+nyA na badz+ra swa b+ha ba A da ma ko&ha/ oM ma hA a ta ri sha dz+nyA na badz+ra swa b+hA ba Ad ma ko&ha/ oM ma hA pra ta be sha dz+nyA na badz+ra swa b+hA ba a da ma koHhaM/ oM ma hA sa man ta dz+nyA na badz+ra swa b+hA ba Ad ma kau&haM/ oM ma hA kri ta a nu sta na dz+nyA na badz+ra swa b+hA ba Ad ma ko&ha/

  23. 87b

    oM sarba ta thA ga ta ma hA kA ya badz+ra swa b+hA ba Ad ma ko&haM/ oM sarba ta thA ga ta ma hA bA ga badz+ra swa b+hA ba Ad ma ko&haM/ oM sarba ta thA ga ta ma hA tsit+ta badz+ra swa b+hA ba Ad ma koHha/ oM sarba ta thAH ta ma hA u nu rA ga badz+ra swa b+ha ba A da ma kot+ta hau/ oM sarba ta thu ka ta ma hA pu tsa badz+ra swa b+hA ba A da ma koHhaM/ zhes brjod pas/ thim par gyur/ gsal bar gyur/ 'bar bar gyur to// e ma'o ngo mchir rmad kyi chos// rdzogs pa'i sangs rgyas kun gyis gsung // sgra dang ming tshig kun las 'das// sna tshogs sgra rnams gsal bar 'byang // gsung gcig dkyil 'khor yan lag ni// bsam gyis mi khyab kun tu khyab// sgra dang ming tshig so sar grags// thams cad gsung gi phyag rgya'i mchog/ rgyud mchog sgyu 'phrul dra ba las// bde ldan gsung gi don 'byung ba'ang // thams cad pad+ma'i ngang gyur na// grol thar lam dang 'khor ba'i sgra// ji skad brjod kyang gsung mchog ste/ theg pa mthon dman thams cad dang // log 'gro ma lus thams cad skad// byang chub rdo rje gsung du bsdus// bsngas nyid phyogs bcur rnam par grags// sgra nyid ma chags pang du gsungs// gsungs pa nyid na brjod du med// brjod med de nyid sna tshogs sgra// kun la grags shing so sor mjal// dper na de bzhin sbrid sangs

  24. 88a

    bzhin// gsung gcig sgra yis so sor go/ de ni gsung mchog rgyal po yin// theg pa mtho dman bsam las kyang // de bzhin nyid las ma gsung te// gdul bya'i thabs su so sor thos// ji ltar gsung rab kun brjod kyang // de bzhin nyid kyis gsungs pa med// yi ge med dang rig pa'i gsung // ljags kyi rtse mor ma phyung yang // thugs rje gsung gi byin rlabs kyis// 'gro don sna tshogs so sar gsal// gsal nyid gsung gi rdo rje'i mchog/ de bzhin gsung gi 'gro don rnams// de bzhin dang las ma g.yos kyang // dper na brag cha'i sgra bzhin no// gsang ba'i snying po de kho na nyid nges pa las/ dkyil 'khor bsdus pa dang gsang sngags kyi le'u ste bdun pa'o// // de nas de bzhin gshegs pa thams cad kyis// yan lag thams cad dkyil 'khor du lhun gyis grub par byin gyis rlob pa zhes bya ba 'di ched du brjod do// sgyu 'phrul dra ba mngon rdzogs pa ni// thams cad byang chub mchog gi rgya// gsang ba de nyid nges pa yis// snying po'i phyag rgya 'da' dka' 'o// mi bskyod nyi ma'i dkyil yi ge/ rin chen zla ba'i dkyil yi ge/ lnga gnyis zung du spros pa las// sbyar bas phyag rgya 'byung ba'i rgyu// oM dang mu gnyis

  25. 88b

    rtse sbyar te// 'bru brgyad bsnol nas rtse sprad pa// rgyal ba kun dang mnyam sbyor ba'i// bde ba chen po sbyin pa'i rgya// 'bru bzhi sbas nas thugs kar ba kan// hUM sgreng rtse mor rdo rje 'bar/ zla brtul 'bru sbas dril ga sil zhing // 'khril ba'i tshul gyis chos la brtan// 'bru bzhi sbas nas thugs ka ra ba ka na// muM sgreng rtse mor dril go sol 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkan// oM sbrang rtse mor 'khor lo 'bar// zla brtul 'bru sbas dral gsil zhing // 'khril ba'i tshul gyis chos la brtan// 'bru bzhi sbas nas thugs kar ba kan// lo sbrang rtse mor dril gsil 'bar// nyi ma 'bru lnga las su 'khrol// btud de 'dzum pa'i mdangs kyis blta// 'bru bzhi sbas nas thugs ka ra ba kan// swa sbrang rtse mor rin chen 'bar// zla brtul 'bru sbas dril gsil zhing // 'khril ba'i tshul gyis chos la brtan// 'bru bzhi sbas nas thugs ka ra dkan// ma sbeng rtse mor dril ga sil 'bar// nyi ma 'bru lnga las su 'khril// gtud de 'dzum pa'i mdangs kyis blta// 'bru bzhi sbas nas thugs ka ra ba kan// aM sbeng rtse mor pad+ma 'bar// zla brtul 'bru sbas dril gsil zhing // 'khril ba'i tshul gyis chos la brtan// 'bru bzhi sbas nas thugs kar

  26. 89a

    bkan/ byaM sgreng rtse mor dril gsil 'bar// nyi ma 'bru lnga las su 'khril// btud de 'dzum pa'i mdangs kyis blta// 'bru bzhi sbas nas thugs kar bkran// ha sgreng rtse mor ral gri 'bar// zla brtul 'bru sbas dril gsol zhing // 'khril ba'i tshul gyis chos la brtan// 'bru bzhi sbas nas thugs ka ra bka na/ taM sbrang rtse mor dril gsil 'bar// nyi ma 'bru l-I las su 'khril// btud de 'dzum pa'i mdangs kyis blta// ut+pal klu shing la sogs mtshan// rin chen myu gu ral gri bar// pad+ma dkar po rdo rje 'bar// chos kyi 'khor lo rin chen ste// gzugs mdzes rin chen 'phreng ba dang // pi wang gar mkhan mchog nyid de// me tog 'phreng dang spos mchog ma// mar me byug pa la sogs pa'i// las la 'khril zhing chos la brtan// dbu rnams 'byo zhing 'dud pa'i tshul// gong gi phyag rgya chen po bzhin// gnyis med dbyings kyi ngang du 'khril// sgo bzhi'i khro bo'i phyag rgya ni// ni 'go gdengs dang rdo rje gnon// thong sbrul chen po gnon pa dang // rdo rje rgya gram las kyis gnon// lcags kyu zhags pa s+pho ta ho// sgo bzhir gnas pa de dag kyang // 'dud tshul 'khril pa gong ma bzhin// thub drug phyag rgya sna tshogs te// mdor bsdus

  27. 89b

    phyag rgya drug yin no// yum ni dmigs med chos kyi dbyings// kun bzang mnyam gzhag ye shes 'phro// yum 'gyur mnyam rdzogs pad+mo'i dkyil// gzhan yang phyag rgya sna tshogs te// yang na de bzhin gshegs nyid dam// yang na rdo rje thal mo nyid// phyag rgya chen po'i tshogs mchog ni// thabs dang shes rab ldan 'byor na// ma bskyod ma bskul thams cad kun// phyag rgya chen po'i ngang du gnas// yan lag bzhi bcu rtsa gnyis ldan// de nyid yan lag spros bdag ste// bzhi bcu rtsa gnyis gsum 'phror 'gyur// de ltar ldan pa'i gtso mchog gis// rgyal ba rgyal mchog de bzhin du// bcu gnyis drug gi 'od 'phro 'bar// de la sogs te bsam mi khyab// phyogs bcu dus bzhi bsam yas su// 'dul ba'i don rnams so sor ston// theg pa mtho dman thams cad dang // phyin ci log rtog bsam las dang // zhi khro'i tshogs chen thams cad la// so sor mthun byas kun tu snang // dper na gar mkhan nyid 'dra ba// lus la ma bkod sna tshogs ston// mdor na phyag rgya thams cad ni// 'di zhes gcig ces brjod du med// gnyis dang gsum du rnam par 'phro// bskyod dang spro ba'ang de bzhin te// mdor na bskul bskyod thams cad kun// phyag rgya

  28. 90a

    chen po'i ngang du gnas// gnas nyid mi gnas gnas pa'ang min// de skad dag mchog nyid kyis bshad// gsang ba'i snying po de kho na nyid nges pa las/ yan lag thams cad dkyil 'khor du byin gyis brlabs nas phyag rgya spros pa'i le'u ste brgyad pa'o// // de nas de bzhin gshegs pa dgyes pa chen pos/ rdo rje gsang ba'i dam tshig bkod pa la snyoms par zhugs nas/ ched du brjod pa 'di brjod do// shin tu phra ba'i dam tshig mchog/ phyag rgya chen po'i phyag mthil du// thugs kyi dkyil 'khor dam pa de// sor ni bzhi yi tshad du bya// 'bru lnga spos lnga rin chen lnga// snying po lnga dang sman lnga dang // bdud rtsi lnga ni rab bsnyams la/ rig pas thig no gdab par bya// lte brtsibs dang ldan pa yi// rtsibs bzhi 'khor lo mu khyud bcas// gru chad bzhi dang gru bzhi pa'i// bar khyams sgo khyud ldan par bya/ sen zlum tsam gyi nyi zla la// tsa na'i 'bru tsam pad+ma'i ga dan// yungs 'bru tsam gyi yi ke las// phyag rgya til 'bru tsam du bri// bcos bu'i ras ni sna tshogs dang // rgyan 'phreng btung dang bro bas bskor// klu tshig bro gar rol mo yis// sprin phung tshogs kyis rab tu mchod// yum dang 'jom sems ma yis// ji ltar 'dod pa'i las

  29. 90b

    bzhin mchod// dbyibs dang kha dog mtshan ldan pa'i// zhal du gyur pa'i me bos la// bza' btu khro ba'i tshogs rnams kyis// las bzhi'i mchod pa rab tu sbyin// khro bo'i dkyil 'khor de bzhin te// shin tu phra la spangs pa yis// bsam yas dag la'ang de bzhin bya// rig pas dpag pa tsam du'o// mchod pa'i phyag rgya chen po ni// sems kyi yi bzhin sprin tshogs kyis// phyogs bcu thams cad sangs rgyas zhing // mnyen 'jam reg na bde ba yi// sna tshogs rin po che yi gzhi// mdzes par bris shing spras pa dang // kun 'byung rin chen phung po 'bar// dbyibs legs rdzing bu bro mchog bsil// rin chen khang pa sna tshogs dang // rgyan dang dpag bsam ljon pa'i tshal// glu dbyangs tshogs su bcad pa'i sgra// bla re rgyal mtshan na bza' gdugs// do shal dpung rgyan se mo do// bza' dang btung ba'i mchog rnams dang // rang la mdzes par brgyan pa yi// lha dang lha mo rdul snyed kyis// bro gar la sogs bsam yas kyis// phyogs bcu nam mkha'i khams bkang nas// dkyil 'khor kun la rgyas par dbul// skal ldan gsal ba'i khyad par gyis// rim gyis yang na cig car du// chos kyi dbyings dang mnyam sbyor zhing // mchod pa'i phyag rgya chen por

  30. 91a

    bsgom// gsal ldan ma'am byin brlabs la// stong gsum yungs 'brur gzhug tshul du// dbyings nas dkyil 'khor spyan drangs mchod// mnyes nas grub pa'i dam tshig mchog/ bdag nyid chen po mchod pa yis// sangs rgyas dkyil 'khor ma lus mnyes// srid gsum 'gro ba thams cad la// dga' ba chen po sa khyab par 'gyur// sgyu 'phrul dra ba brtan pa yas// phyogs bcu dus bzhi re gshegs pa yi// sangs rgyas dkyil 'khor ma lus dang // khams gsum 'gro rnams mngon du 'gyur// lus ngag sems dang chos thams cad// gang na'ang mi gnasami dmigs te// mig yor tshul du sbyor ba yi// nam mkha' la ni nam mkha' bsgom// kun byas dbang phyug rig pas 'jug/ de nas slob ma gzhug par bya// de nas rigs kyi bu mchog des// rgyal srod dang ni rang gi lus// bu dang chung ma nor gyi dbyig/ rab tu gces dang yid 'thad dbul// dbang phyug longs spyod lngas mchod na// dkyil 'khor thams cad mchod pa yin// nye ba'i dkyil 'khor smos ci dgos// nyes pa thams cad dag par 'gyur// dad brtson brtul zhugs rab rtogs na// phan pa'i dang sbyin nus pa'i dbang // rim pa bzhin du sbyin par

  31. 91b

    bya/ snying rjes chud ma zos par zung // yang na thal mo rab bsnol nas// phyag rgya chen po'i pang du ni// dkyil 'khor mdzub gang tshad du yang // mkhas pas cho ga ji bzhin bya// yang na sa gzhi rab bsnyams la// dkyil 'khor khru gang tshad du bya// yang na lus gang tshad du ste// yang na lus ni gsum gyi tshad// phur bu srad bu tshon phye dang // gos rgyan mdzes pa'i yid 'ong grogs// thig gdab cho ga phun sum tshogs// mkhas ldan chen pos bsgrims ta bya// yang na khru ni bcu drug dang // nyi shu'am nyi shu rtsa lngar bya// rigs kyi dkyil 'khor lnga rnams bsgom// sku gsung thugs ldan gzugs kyang dgod// yang na rgyang grags dpag tshad dam// nam mkha' dbyings ni bsamayas par// sangs rgyas dkyil 'khor sna tshogs bsgom// ma mthong rmongs la bstan phyir tshon// kha dog nyi shu rtsa lnga 'am// sna lnga'i tshon gyis bri bar bya// 'dul ba'i cho ga bzhin du dgyes// ting 'dzin rol mo mtha' yas mchog/ yi ge'am gdan nam snying po'am// phyag rgya'am sku gsung thugs ldan par// byin rlabs ya mtshan rmad po che// 'grub 'gyur sangs rgyas kun gyi dam// sa la sogs las phyag rgyar byas// rnam grol rim pa thob par 'gyur// dag pa'i ye shes kyis sbyangs pas// smos ci dgos te de nyid yin// phyogs

  32. 92a

    dus dkyil 'khor bdag nyid che// mi dmigs thugs kyi dkyil 'khor las// dkyil 'khor thams cad spyan drang ngo // rang snang dbyer med dkyil 'khor la// 'jug pa'i mtshan nyid mnyam sbyor bas// phyogs dus kun nas gshegs pa yi// bsnyen pa'i dkyil 'khor rab tu rdzogs// nye bar gyur pa'i dam tshig mchog/ dpag bsam shing dang yid bzhin gyi// rin po che dang 'byung ba kun// de dag rdzas yod ma yin te// rang sems bsod nams brtan pa yin// ngo mtshar cho 'phrul rmad kyi chos// gzhan nas yod 'ongs ma yin te// thabs la brten pa'i shes rab nyid// de lta bu yi ngang du 'byung // shes rab dbyings kyi de bzhin nyid// thabs kyi phyag rgyar gyur pa'i phyir// ye shes la ni ye shes rol// ye shes rol pa nyid kyang gsog/ rgyal bas sngon byung skyob pa dang // byin rlabs ston pa'ang de bzhin te// bya byed nus pa'i gzi byin gyis// sgyu mardo rje btsan po mchog/ cho ga lnga ni rdzogs byas shing // yo byad lnga ni rdzogs par ldan// sngags kyi yan lag lnga rdzogs pas// ma nyams 'jug la rab brtson na// zhag ni sum cu phrag drug gam// bcu gnyis bcu bzhi bcu drug gis// dbang sgyur rigs kyi dam pa 'grub// de tshe bcu drug tshun chad kyis// skra lnga lhun gyis

  33. 92b

    rdzogs pa ni// ye shes thig le de nyid la// ye shes thig le nyid snang ba// bsam gyis mi khyab mtha' yas mchog/ phyogs bcu dus bzhi mngon rdzogs pa'i// zhing khams rnas dag bsamalas dang // rgya dang bral ba'i gzhal yas khang // 'khor lo'i rgyan dang rol mo'i tshogs// dkyil 'khor ma lus bsam las kun// mthong nas nye bar mnyes pa dang // rgya chen gsung las don 'byung ba'ang // mthun pa'i ye shes rang snang ba'o// gcig dang du ma ra bral ba yi// mtha' dang dbus med de bzhin nyid// sangs rgyas kyis kyang mi ge brig+sa/ te/ rang byung ye shes gnas med snang // log par rtogs brtags rnam dag cing // ye shes dbyings las mi gzhan phyir// thugs rje chen pos 'brel pas na// 'gro drug dus gnas ma lus snang // bde ba chen po'i dkyil 'khor ni// stangs dbyal gnyis sam yang na lnga// byas te dad ldan rab zhugs na// 'dod pa yid 'ongs mnyam par 'gyur/ skal ba mnyam pa'i ye shes de// gnyer na nye bar 'byung ba yi// ya mtshan chen po 'byung bar nges// dad me nyams na phung bar 'gyur// zhes ched du brjod do// gsang ba'i snying po de kho na nyid nges pa las/ rdo rje bkod pa'i gsang ba'i dam tshig gi le'u ste dgu pa'o// // de nas bcom ldan 'das dgyes pa chen pos/ rgyal po

  34. 93a

    sbyin pa zhes bya ba'i ting nge 'dzin la snyoms par zhugs nas/ ched du brjod pa 'di brjod do// shes rab thabs kyi phyag rgya las// bde ba'i 'bru tshogs gsal ba'i rgyun// rdo rje'i lam nas pad+mor 'khyil// rtse nas pastim zhing dkyil 'khor bsgyur// nyan byed 'khor lo'i gzhal yas su// gsal ba'i thig le ngo bo nyid// traM gi phyag rgya'i tshogs mchog las// rin chen dkyil 'khor gsal spro thim// traM/ gsang ba gsang chen gsang mchog gang // gsang ba kun las mnyan par bya// gsang ba'i don nyid brtag pa las/ gzhan du smra bar bya ba min// gsal ba'i 'khor lo'i gzhal yas su// gsal ba'i thig le'i ngo bo nyid// yi ge 'phreng ba'i tshogs mchog las// rigs kyi dkyil 'khor gsal spro thim// oM/ dus gsum rgyal ba'i sras chen po// sku gsung thugs kyi rdo rje zung // rgyal ba thams cad mnyes mchod la// rgyal ba kun dang mnyam par sbyor// lag pa'i 'khor lo'i gzhal yas su// gsal ba'i thig le'i ngo bo nyid// ha gi phyag rgya'i tshogs mchog las// las kyi dkyil 'khor gsal spro thim// oMHkhyod ni rdo rje las yin gyis// las rnams ma lus kun gyis shig/ pho nya mang po'i 'du 'phro kun// khyod kyi dgos pa byed pa yin// smra byed 'khor lo'i gzhal yas su// gsal ba'i thig le'i ngo bo

  35. 93b

    nyid/ hri yi phyag rgya'i tshogs mchog las// chos kyi 'khor lo gsal spro thim// oM/ chos kyi bdud rtsi bla med kyis// dad ldan skyes bu ngoms par byos// rab 'bring tha ma'i blo can la// 'thun par gsang sgrags gzhan du min// bskyod chen 'khor lo'i gzhal yas su// gsal ba'i thog le'i ngo bo nyid// hU au swa a ha rnams las// dkyil 'khor lnga dang khro 'phreng bsgom// oM/ phyogs bcu dus bzhi thams cad kyi// sku gsung thugs kyi rdo rje che// dkyil 'khor kun gyi byed pa po// dkyil 'khor kun gyi sbyin pa spyod// slob dpon mnyes par ma byas shing // dbang rnams thob par ma byas par// nyan pa la sogs rtsom pa rnams// 'bras bu med cing brlag par 'gyur// dbu rgyan cod pan 'phreng ba dang // go cha rgyal mtshan phyag rgya dang // gdugs dang bum pa bza' btung dang // snying po lnga yis dbang bskur na// dus 'di phyin chad rgyal ba'i sras// ngan song thams cad med pa dang // tshe ring bde ba phun sum tshogs// mtho ris thar pa'i bdag por 'gyur// zhes brjod do// gsang ba'o snying po de kho na nyid nges pa las/ dbang sbyin pa'i le'u ste bcu pa'o// / de nas de bzhin gshegs pa dgyes pa chen pos/ sgyu 'phrul dra ba'i rgyal po bsgyur ba zhes bya ba'i ting nge 'dzin la snyoms par zhugs nas/ ched du brjod pa 'di brjod do//

  36. 94a

    rgyu gcig pa dang yig 'bru'i tshul// byin gyis brlabs dang mngon sum par// rab tu rtogs pa rnam bzhi yis// thams cad mngon rdzogs rgyal po che// yan lag dbang po rnam shes kun// rnam smin o du shes par bya// rdzogs pa'i dkyil 'khor nyid du bsgom// yang na khro bo'i dkyil 'khor bsgom// gzugs sgra dri ro reg la sogs// rnam smin muM du shes par bya// yum gyi dkyil 'khor nyid du bsgom// yang na khro mo'i dkyil 'khor bsgom// gos rgyan bza' btung glu dang tshig/ bro gar tshogs kyi sprin phung la// hUM du shes pas rab spyad na// ngo mtshar 'byung ba'i dkyil 'khor mnyes// lha mo klu mo rigs ngan mo// dbye'am yang na mi dbye bar// bsnyen pa dang ni nye bsnyen dang // sgrub pa dang ni sgrub chen po// yum gyi pad+ma'i dkyil 'khor du// bde ba thugs kyi dkyil 'khor spro// sangs rgyas sprin tshegs ma lus la// dgyes/ mnyam mchog gi sbyin pas bstim// sgrub pa'i nyi zla snying po de// dkyil 'khor rdo rje lce yis blang // mkha' 'gro gsal 'bar tshe la sogs// yid bzhin sprin gyi bdag por 'gyur// zhing gyur mchog dang mchog phran rnams// nyi zla'i dkyil du mkhas pas gzhag/ nga rgyal lag gi 'du byed bsgom// hU du gyur pas rnam par dag/ dbyings su

  37. 94b

    thim nas phyag rgyar 'bar// skur gyur 'od zer 'phros pas brjid// gtsug tu rnam par rgyal ba bsgom// ngo mtshar ngan 'gro thar pa'i thabs// ya nas skye med de bzhin nyid// / sgyu mar snang ba mig yor tshul// sbyor sgrol bya ba kun byas kyang // rdul cha tsam yang byas pa med// snod bcud rgyud rnams dag rtogs shing // mnyam gnyis lhag pa'i mnyam gnyis kyis// dkyil 'khor kun/ tu bzang po'i zhing // byed spyod tshogs chen gnyis gyur nas// yan lag ma nyams yo byad ldan// cho ga rdzogs par shes pa'i// / rnal 'byor tshogs pa'i dkyil 'khor gyis// nges par legs pa'i dgos pa 'grub// lnga dang lnga yi sbyor ba yis// chom bu yi lha bkod la// khro bo bcu dang khro ma bcu/ 'khor lo'i tshul du rnam par bsgom// de bzhin rigs dang rdo rje'i rigs// pad+ma'i rigs te ske gsung thugs// khro bo'i tshogs dang ldan pa yis// tshom bu gsum gyi lha rnams bsgom// rigs kyi rigs te rigs kyi gtso// thugs kyi thugs te thugs kyi mchog/ khro bo'i tshogs dang ldan pa yis// tshem bu gcig pa'i lha rnams bsgom/ khro bo khro mo'i tshogs chen po// pho nya phyag brnyan bka' nyan tshogs// ci bgyi la sogs tshogs rnams kyis// dngos grub las rnams rdzogs par byed//

  38. 95a

    rnal 'byor sngags 'chang dngos grub ni// mnyam rdzogs lhan grub dang gnas shing // spyod pas ci la thogs med pa'i// thams cad ye nas dbyer med pa'o// rdo rje rigs su thams cad dkyil// 'od 'phro 'bar bar rab tu bsgom// chags med tshul gyis bstim par bya// gnyis med gyur nas phyag rgya che// yang na sku gsung thugs nyid de// thams cad ma lus sku gsung thugs// ting 'dzin gsal 'bar 'od zer 'phro// gnyis med dbyings kyi ngang du thim// rigs 'dzin dngos grub mchog thob 'gyur// dkyil 'khor ma lus 'bar ba 'grub// nyon mongs sdug bsngal sel bar byed// rdo rje rigs su skye ba'i gnas// sngags 'chang dngos grub yang dag ni// thabs dang shes rab thams cad kyis// dkyil 'khor lnga dang khro 'phreng bsgom// chags pa med pa'i tshul gyis ni// 'od zer rnam pa mang po 'phro// gnyis// su med par bstim par bya// dngos grub mchog gi snying po 'grub// rnal 'byor thabs dang shes rab kyis// de bzhin gshegs dang yum du bsgom// sems dpa' sems ma nyid du bsgom// so so'i sngags dang phyag rgya dang // ting 'dzin yang dag so sor gsal// gnas dang longs spyod ci bde dang // ma nyams blo ni rab ldan pas//

  39. 95b

    dang por dam nos bzhin du bya// le lo skyed snyoms med pa yis// the tshom med par bsgrub byas na// dkyil 'khor thams cad 'grub par 'gyur// rdo rje gsang mchog dam pa thob/ sgrub pa'i zhag dang chos grangs ni// rgyud las smos pa bzhin du bshad// rdo rje gsung ba'i tshig tu'o// zhes de bzhin gshegs pa nyid la de bzhin gshegs pa nyid ched du gleng ngo // gsang ba'i snying po de kho na nyid nges pa las/ chags kyi dkyil 'khor gyi le'u ste bcu gcig pa'o// // de nas de bzhin gshegs pa dgyes pa chen pos rol mo'i sprin rnam par spros te/ rgyan bkod pa'i ting nge 'dzin la snyoms par zhugs nas/ ched du brjod pa 'di brjod do// sgyu 'phrul dra ba mngon rdzogs pa'i// dkyil 'khor brtan pa'i ting nge 'dzin// bro gar 'du 'phro'i phyag rgya las// 'dzul lam nam mkhar 'gro bar 'gyur// glu tshig sgra yi phyag rgya yis// / chos kyi dngos grub thob par 'gyur// rgyan dang bgo ba'i phyag rgya yis// 'bar ba'i rgyal po thub med 'grub// bza' dang btung ba'i phyag rgya yis// yid bzhin sku dang bdud/ rtsi 'grub// A la kA li'i phyag rgya yis// thams cad thams cad 'grub par 'gyur// shes 'jug mtshan nyid 'byor pa'i gzungs// 'bras bu smin byed rgyu dang rkyen//

  40. 96a

    nus mthu can du gang gyur pa// rigs 'dzin rgyal ba'i zhing du grags// mi dang lha dang tshangs pa yi// skye ba rnam dag 'dzin mod kyang // khyad par sa la gnas 'gyur yin// pha rol phyin pa kun tu rdzogs// thabs dang shes rab thabs kyi mchog/ shes rab mchog gi mchog gyur pa'i// sa yi khyad par bcu dang gsum// rgyu 'bras khyad par lhun gyis rdzogs// mkha' dkyil dngas pa'i dbyings nyi zla// ye shes rgyal po stangs dbyal bsgom// rgyal ba'i dkyil 'khor thams cad kun// ma lus par ni bsgoms par 'gyur// dus bzhi phyogs bcu gang nas kyang // rdzogs pa'i sangs rgyas rnyed mi 'gyur// sems nyid rdzogs pa'i sangs rgyas te// sangs rgyas gzhan du mtshol cig/ dkyil 'khor kun tu rab sbyor bas// dkyil 'khor thams 'grub par 'gyur// cho ga lha ga ma mtshang na'ang // skyon nyid dag ste nyes pa med// ces ched du brjod pas/ rol mo'i sprin gyis mnyes par gyur to// gsang ba'i snying po de kho na nyid nges pa las/ tshogs bsgrub pa'i le'u ste bcu gnyis pa'o// / de nas de bzhin gshegs pa phyogs bcu dus bzhi'i sku dang / gsung dang / thugs rdo rje'i dkyil 'khor thams cad cig tu 'dus nas/ dgyes pa chen pos chos thams cad se nas

  41. 96b

    rdzogs pa chen por lhun gyis grub pa'i dem tshig shin tu gsang ba'i snying po'i sprin bkod pa'i ting nge 'dzin la snyoms par zhugs nas/ me du brjod pa 'di brjod do// ma rtogs pa dang / log par rtogs// phyogs rtogs yang dag nyid ma rtogs// 'dul ba dgongs pa gsang ba dang // rang bzhin gsang ba'i don rnams ni// yi ge sgra ba tags ming tshogs la// brten pa'i tshig gis rab mtshon te// khong nas gab sbas don 'byin pa// ston pa rdo rje'i thugs la gnas// dkyil 'khor ldan pa'i dkyil 'khor gyis// dkyil 'khor la ni dkyil 'khor sgom// dkyil 'khor dkyil 'khor las byung ba// thugs kyi dkyil 'khor dkyil 'khor mchog/ gsang ba'i thig le dkyil 'khor dbyings// 'byung ba shes rab rigs kyi yum// chen po rigs kyi de bzhin te// byang chub sems ni rdo rje'i tshogs// dbang po yul dus rig pa rnams// kun tu bzang po'i dkyil 'khor la// bdag nyid chen po lhag pa yi// thugs kyi ye shes lngas blta zhing // snying po thig le mnyam sbyor bas// bde ba'i ye shes rol mo yis// ye shes dgyes la mchod par 'bul/ zag pa med pa'i bsod nams kyis// ye shes sgyu ma rang snang ba// rol mo'i dkyil 'khor mtha' yas mchog/ gsang ba'i thig le nyid kyis dbyings// de ni

  42. 97a

    sangs rgyas kun gyi dngos// phyogs bcu dus bzhi mngon rdzogs pa'i// sku gsung yon tan 'phrin las thugs// ma lus bdag nyid zhal mthong ba// dbang sgyur mchog nyid dam pa yin// dkyil 'khor la gnas dkyil 'khor nyid// rdzogs pa'i dkyil 'khor lhun gyis grub// rgyan du dkyil 'khor ma lus thogs// rdzogs pa'i dkyil 'khor mnyam spor bas// thugs rje'i dkyil 'khor yongs kyis 'byung // phyogs dus dkyil 'khor 'dul ba'i mgon// sgyu ma'i dkyil 'khor sgrol ba yis/ bya byed med par dkyil 'khor spyod// ye shes rdzogs pa'i dkyil 'khor la// thos bsam sgom pa'i mnyam sbyor gyis// rang byung kun ngam lhun gyis grub// 'do ni sangs rgyas thams cad kyis// 'da' bar mi mdzad dam chog mchog/ gang zhig 'di la mos gyur pa// sangs rgyas dkyil 'khor thams cad kyis// phyogs dus kun nas thams cad du/ dkyil 'khor ma lus bsnyen pa yi// nye ba'i sras su dgongs par 'gyur// bskal pa zhing gi rdul snyed du// shin tu sbyangs la rab gnas shing // dkyil 'khor ma lus bsnyen pa yi// 'bras bu gsang chen 'di yin te// 'jig rten drug gi phyogs bcu na// 'das dang da ltar byung ba yi// rgyal po'i dkyil 'khor ma lus pa// brnyes nas sku lnga

  43. 97b

    lhan gyis rdzogs// 'byung dang ma 'ongs thams cad kun// 'di yis lhun gyis grub par 'gyur// 'di ni gsang chen nges pa yi// 'bras bu lam du gyur pa yin// rgyal po'i dkyil 'khor ma lus la// 'di las gsang ba'i nges don med// btsal yang rgyal bas mi brnyes so// kun gyi phyag rgya chen po'i mchog/ thos bsam sgom la rab sbyangs pa'i// shes rab mig ldan rnams kyis zung // snod ldan ngang tshul bzang la brtan// lus dang longs spyod gtong la sbyin// gzhan du nams kyang sbyin mi bya// rmongs la 'phyar bas gal te sbyin// dus min par ni srog zad nas// bsregs dang sbrebs la yun ring gnas// zhes de bzhin gshegs pa nyid kyis de bzhin gshegs pa nyid la ched du brjod do// gsang ba'i snying po de kho na nyid nges pa las/ shin tu gsang ba man ngag gi snying po'i le'u ste bcu gsum pa'o// / de nas de bzhin gshegs pa thams cad nyid kyi dkyil 'khor la dgyes pa chen po'i glu 'di blangs so// oM phyogs bcu dus bzhi rdzogs pa yi// ye shes dkyil 'khor thig le che// bsod nams dkyil 'khor sku yi tshogs// snang stong thig le kun tu rdzogs ho// oM rdo rje bsod nams thig le che// rdo rje ye shes dkyil 'khor ldan

  44. 98a

    rdo rje sgra chen mtha' yas pa// rdo rje rgyal po thig le che ho// oM sku gsung thugs kyi rdzogs pa che// yon tan 'phrin las kun tu rdzogs// ye nas lhun rdzogs kun tu bzang // 'dus pa'i tshogs chen thig le che ho// oHmi dmigs sgyu 'phrul mnyam pa'i dbyings// mtha' yas kun nas sna tshogs 'phro// mtha' yas kun nas lhan gyis thim// sna tshogs sku gsung thugs chen po ho// oM phyog sa bcu'i 'jig rten rdul snyed du// rgyal ba'i don rnams rdul phran snyed// sprul pa'i rdul phran bsam yas kyis// skad cig yud la lhun gyis grub bo// oMHthams cad ma lus sku gsung grugs// sku gsung thugs kyi bdag nyid che// sku gsung thugs kyis kun tu khyab// sku gsung thugs kyi thig le che ho// zhes ched du bsgrags so// gsang ba'i snying po de kho na nyid nges pa las/ mnyes pa'i mchod pa'i le'u ste bcu bzhi pa'o// / de nas de bzhin gshegs pa thams cad kyi bdag po sangs rgyas thams cad kyi ngo bo nyid kyi khro bo'i dkyil 'khor mngon par 'du mdzad de// de ci'i phyir zhe na/ bdag tu rmongs pa'i rtog pa dang / brtags pa la mngon par zhen pa dang / yang dag pa'i lam dang bral ba dag/ gab pa'i gsang ba ma rtogs par sbas pa'i

  45. 98b

    gsang ba la mngon par 'chel nas/ rgyu dang 'bras bu la rmongs pas/ srid pa'i sa bon rtsub mos 'phangs nas/ mtshams med pa'i rab tu tsha ba'i dmyal bar skyes so// de rab tu tsha ba'i sdug bsngal drag pos gdungs pa dang / 'di bas shin tu grang yang ci ma rung snyam pa'i mod la rab tu sbrebs pa dang / pad+ma lta rogs pa'i sdug bsngal drag po dag gis rab tu gdungs pa de lta bu'i sdug bsngal rab tu tsha ba la sogs pa brgyad dang / shin tu grang ba la sogs pa brgyad po dag tu/ 'jig rten gyi khams rgyud cing bskal pa chen po stong phrag bcu gnyis su myong ngo // de nas rnam par smin pa de zad pa dang / yi dwags ltogs pa dang / skom pa'i sdug bsngal gyis nyen pa dang / 'dod pa'i dngos po rnams yid du mi 'ong ba dang / gdug cing rtsub pa'i dngos po sna tshogs su 'gyur ba dang / long yi med par yang 'gyur zhing / shin tu rid cing bskams pa dang / lus dang / yan lag dang dbang po mi 'tsham par gyur pa/ bskal pa chen po drug tu skyes so// de nas las kyi sgrib pa rtsub mo'i rnam par smin pa de khad kyis bsrabs pa dang / sngon gyi srid pas mtshams sbyar nas/ yi dwags srin po chen po rab tu gdug pa gtum po lus gcig la mgo bo brgya pa dang / mgo sna tshogs pa dang / lus brgyal mgo bo gcig pa dang /

  46. 99a

    lus sna tshogs pa dang / yan lag mang po dang / yan lag sna tshogs pa dang / gdug pa'i lag cha sna tshogs pa thogs pa dang / 'khor rab tu mang po dang / 'jigs pa'i gzugs sna tshogs dang / 'jigs pa'i nga re sna tshogs sgrogs pa/ gzugs dang / nga ro dang / dr-i dang / kha rlangs kyis thams cad skyi bung zhes byed pa/ rab tu 'jigs pa'i rlung nag dang / grang ba dang / tsha ba'i dbugs kyis phyogs bcu kun tu khams 'khrug par byed pa/ nad bzhi brgya rtsa bzhi 'debs par byed pa/ myos shing nyams par byed pa'i mthus// klu'i ris dang / lha ma yin gyi ris dang / lha'i ris dang / tshangs pa'i ris dang / 'od gsal dang / dge rgyas dang / 'bras bu che ba man chad dbang du bsdus so// de sngon sten pa'i stobs kyis thams cad mkhyen pas gzigs nas thugs rjes 'dul bar gyur to// // de nas de bzhin gshegs pa che ba'i rdo rje bkod pa'i sgyu 'phrul dra ba las/ 'jig rten drug gi phyogs bcu srid pa gsum gyi bdag po 'dul ba'i nga rgyal chen po'i gzi brjid ston pa'i phyir/ de bzhin gshegs pa thams cad kyi sku gsung thugs rdo rje'i bdag po/ bcom ldan 'das dgyes pa chen pos/ khro bo'i rgyal po'i dkyil 'khor gyi sprin chen po rnam par 'phro ba'i sgyu 'phrul phraba'i rgyal po'i tong bzhil snyoms par zhugs te/ de bzhin nyid kyi dbyings nyid

  47. 99b

    nas/ khro mo/ dbang phyug chen mo mngon du phyung ste// hi hi zhes dgyes pa'i gzi mdangs kyis/ rin chen pad+ma rgyas par mdzad nas/ gnyis su med par 'khril ba'i dgyes pas thim nas/ / byang chub sems kyi sprin las/ hU hUM hU~M bi shwa badz+ra kro d+ha dz+wa la ma Na ba la phaT phaT phaT ha la ha la ha la hUM/ zhes brjod pas/ 'jig rten drug gi phyogs bcu mtha' yas pa khyab par/ khro bo'i dkyil 'khor gyi tshogs stong gsum gyi 'jig rten tsam/ phyogs bcu'i rdul phra mo snyed 'thon par gyur nas/ 'jig rten drug gi phyogs bcu thams cad g.yos// rab tu g.yos/ kun tu g.yos so// 'ur 'ur/ rab tu 'ur 'ur/ kun tu phur bur ro// che mchem/ rab tu chem chem/ kun tu chem chem mo// shig shog/ rab tu shig shig/ kun tu shig shig go/ gtor gtor/ rab tu gtor gtor/ kun tu gtor gtor ro// 'jig rten drug gi phyogs bcu'i stong khams thams cad na gnas pa'i dbang che ba dang / gami brjid che ba dang / mthu che ba'i dbang phyug chen po la sogs pa thams cad brgyal/ rab tu brgyal/ kun tu brgyal bar gyur to// de nas bcom ldan 'das dgyes pa chen po nyid 'jigs byed chen po shin tu rnga ma pa/ spyi bung zhes byed pa'i 'bar ba chen po'i khrag 'thung sku smug nag tsar yang 'gyur ba/ dbu dang / phyag dang / zhabs stong khams kyi rdul snyed mtshon cha sna tshogs 'dzin

  48. 100a

    pa de dbu gsum phyag drug zhabs bzhir gyur te/ dur khrod chen por dgyes nas khrag gi rgya mtsho'i dkyil na/ keng rus chen po'i ri rab kyi steng 'bar ba chen po'i klong gi 'khor lo'i dkyil na dbang phyag chen po dang dur khrod kyi bdag po dregs pa chen po khyo shug gi gdan la brkyang ba skam du bzhugs so// khro bo'i dkyil 'khor gyi sprin phung de dag kyang / la la ni dpal khrag 'thung chen po rdo rjer gyur te/ shar phyogs su bzhugs so// la la ni dpal khrag 'thung chen po rin po cher gyur te/ lho phyogs su bzhugs so// la la ni dpal khrag 'thung chen po pad+mar gyur te// nub phyogs su bzhugs so// la la ni dpal khrag 'thung chen po kun tu las su gyur te/ byang phyogs su bzhugs so// de dag kun kyang 'jigs byed chen po'i cha lugs dang / rngam pa'i nga ro dang / 'bar ba'i klong na dbu gsum/ phyag drug/ zhabs bzhis dri za dang / gnod sbyin dang / srin po dang / gshin rje la sogs pa khyo shug gi gdan byas pa la bzhugs so// btsun mo khrag 'thung chen mo'i tshogs rnams kyang / so so'i sku la 'khril ba'i tshul gyis bzhugs so// rigs lnga'i he ru ka las gcig tu bstim ste bsdus nas/ gcig gis mang po 'dul ba'i ngo mtshar bstan to// de nas dregs pa chen po la sogs pa gtum pa'i sems kyis gdug pa'i rdzu 'phrul chen po sna tshig

  49. 100b

    bstan nas/ mgrin gcig tu gdug pa'i nga ros brlang po'i gtum chog tu smras pa/ zong thong snying rje'i bdag bcad ltar byed ngam shes dzer zhing / shin tu gdug pa'i sems kyis khros nas/ rngam mo/ de nas bcom ldan 'das dgyes pa chen po dbu dgu/ phyag bco brgyad/ zhabs brgyad du gnas nas/ rngam pa'i skad kyis thugs rjes 'dul ba'i thabs kyis shin tu khros nas/ hUM hUM hUM/ ha ha ha/ kha hi kha hi kha hi zhes brjod nas/ dbang phyug chen po la sogs pa gdug pa chen po'i tshogs de dag gi snying dang dbang po kun phyung / nang khrol kun drangs/ yan lag kun bcad gtubs nas/ sha kun zos/ khrag kun 'thungs/ rus pa kun 'chos so// de na so hUM hUM hU b+h+yo ai a ra li dzaHdzaHzhes brjod pas/ phyogs bcu'i 'jig rten gyi khams nam mkha' dang bcas pa nyungs 'bru gcig tsam du chud par bsdus so// de nas 'byung po ma lus pa'i rgyal po'i yang rgyal po dregs pa chen po la sogs pa'i chung ma/ 'byung po thams cad kyi jo mo'i yang jo mo/ srin mo chen mo mi'i srin mo dang / tshangs mo dang / 'khrug mo dang / dbang mo dang / 'jug sred mo dang gzhon nu mo dang / dmar mo dang / bdud rtsi mo dang / zhi ba mo dang / be con mo dang / srin mo dang / za ba mo dang / dga' ba mo dang / ra ro khrag 'thung myos ma dang / gcig pu spyong

  50. 101a

    ma dang yid 'phrog ma dang / grub mo dang / rlung mo dang / gsod byed mo dang / mi mo dang / phag mo dang / rgan byed mo dang / sna chen mo dang / chu lha mo dang / nag mo chen mo dang / ra mgo dmar ser chen mo dang / bum sna sngo nag chen mo dang / gsus 'dzin ser nag chen mo la sogs pa zan dang / yang bran dang / g.yog dang / yang g.yog 'khor ning gi rdul snyed kyang bsdus so// de nas bcom ldan 'das dgyes pa chen po dpal khrag 'thung chen po 'dul ba'i thabs kyis/ yang rigs lnga'i 'jigs byed chen por snang bar byas nas/ de dag kun kyang dgyes pas rol pa'i dkyil 'khor gyi sprin 'byung ba zhes bya ba'i ting nge 'dzin la snyoms par zhugs te/ sku dang / gsung dang / thugs rdo rje las 'di phyung ngo // oM AHhUM badz+ra pra be sha a la la ho// zhes brjod pas/ 'byung mo'i rgyal mo rnams shin tu chags pa'i yid g.yos nas/ pad+ma'i dkyil 'khor sdud cing rgyas par gyur nas/ dper na khab len la lcags 'du ba'i tshul du/ bcom ldan 'das dgyes pa chen po dpal khrag 'thung chen po rdo rje'i skul/ srin mo chen mo mi'i srin memo dang / dmar mo dang / dga' ba mo dang / gsod byed mo dang / nag mo chen mo dang / dmar ser chen mo dang / sngo nag chen mo dang / ser nag chen mo rnam 'khril lo// bcom

  51. 101b

    ldan 'das dpal khrag 'thung chen po'i skul/ tshangs ma dang / 'khrug mo dang / dbang mo dang / 'jug sred mo dang / gzhon nu mo rnams 'khril lo// bcom ldan 'das dpal khrag 'thung chen po rin po che'i sku la/ bdud rtsi mo dang / zhi ba mo dang / be con mo dang / za ba mo dang / srin mo rnams 'khril lo// bcom ldan 'das dpal khrag 'thung chen po pad+ma'i sku la/ khrag gis myo so ma dang / gcig pu spyod ma dang / yid 'phrog ma dang / grub mo dang / rlung mo rnams 'khril lo// bcom ldan 'das dpal khrag 'grung chen po kun tu las kyi sku la/ me mo dang / phag mo dang / rgan byed mo dang / sna tshad mo dang / chu lha mo rnams 'khril lo// de nas bcom ldan 'das dgyes pa chen po'i khro bo'i dkyil 'khor de dag gis/ hUM zhes brjod pas/ pad+ma'i dkyil 'khor gyi tshogs bsdus nas shin tu bcum par gyur to// de nas dgyes te zhes brjod pas/ byang chub sems kyi sprin las/ dkar mo'i tshogs dang / rkun mo'i tshogs dang / rmongs mo'i tshogs dang / thal byed ma'i tshogs dang / spos mo'i tshogs dang / gtum mo'i tshogs dang / sme sha can gyi tshogs dang / mtshogs ma'i tshogs rnams rang rang gi lag cha dang ngo mtshar dang bcas nas 'thon to// thon nas kyang 'bar ba chen po

  52. 102a

    'khor lo'i rtsibs mtshan shar phyogs nas 'khor bar 'jigs pa'i gzugs dang / rang gi lag cha dang bcas nas 'khod do// de nas shin tu dgyes nas he zhes brjod pas/ seng gdong chen mo'i tshogs dang / stag gdong chen mo'i tshogs/ wa gdong chen mo'i tshogs dang / khyi gdong chen mo'i tshogs dang / bzhad gdong chen mo'i tshogs dang / kang ka'i gdong chen mo'i tshogs dang / dur bya'i gdong chen mo'i tshogs dang / 'ug pa'i gdong chen mo'i tshogs dang bcas pa rnams rang rang gi lag cha dang ngo mtshar dang bcas nas 'thon par gyur to// thon nas kyang 'bar ba chen po'i 'khor lo'i phyi rol shar phyogs nas 'khor bar rngam pa'i mdangs kyis 'khod do// de nas shin tu dgyes pas phyogs bcu'i zhing ma lus par khyab nas/ phaT ces brjod pas/ rdo rje sring 'gro ma'i tshogs dang / rdo rje gdong mo'i tshogs dang / rdo rje 'jig rten ma'i tshogs dang / rdo rje ro langs ma'i tshogs rnams rang bang gi lag cha dang ngo mtshar du bcas nas 'thon par gyur to// thon nas kyang 'bar ba'i dkyil 'khor gyi sgor// shin tu rngam pa'i gzugs kyis gnas so// de nas dgyes pa chen po'i sprin las phyogs bcu nas phaT ces bsgrags pas/ thams

  53. 102b

    cad thos nas ma mo thams cad kyang rang rang gi gnas ga la ba der yud tsam gyis phyin par bkye'o// de nas bcom ldan 'das dgyes pa chen po dpal khrag 'thung chen po de dag kun thugs rje chen po bdud rtsi 'byung ba zhes bya ba'i ting nge 'dzin la snyoms par zhugs nas/ sku dang / gsung dang / thugs rdo rje las 'di dag phyung ngo // oM badz+ra mahA a mr-i ta ma hA kro d+ha a a a/ zhes brjod pas/ dbang phyug chen po la sogs pa thams cad/ bcom ldan 'das khro bo chen po de dag gis snam nas bton te/ mi gtsang ba'i 'dam gyi rgya mtshor chud pa las/ snam nas uts+tsha sa ma kro d+ha phyung nas 'dam kun 'thungs te dran pa slar rnyed nas/ khro bo'i dkyil 'khor gyi tshogs de dag thams cad kyang dbu dgu brgya/ phyag stong brgyad brgya/ zhabs brgyad brgya/ sku 'bar ba chen po'i dkyil 'khor na bzhugs par mthong ngo // de'i dus na 'jig rten drug gi phyogs bcu'i srid pa kun tu dregs pa'i dbang phyug thams cad 'dul ba'i thabs sna tshogs bsam gyis mi khyab par so sor snang bar dus gcig tu btul lo// de nas de dag shin tu 'dar zhing bred pa rab tu zhum pa'i nga ros/ 'bangs su mchi/ 'bangs su mchi/ 'bangs su nan tan ma bgyis na/ mgo dang lus ni brgyar gshags shing // snying yang 'gas shing gtubs gyur cig/ rul myags tshig nas

  54. 103a

    brlag pa dang // dmyal bar lhung nas 'bod par shog/ ces 'bangs su mchi bar mna' bor nas/ dkyil 'khor gyi gdan du bzhag go/ thams cad kyis mgrin gcig tu yang smras pa/ bdag cag rnams kyi mchis brang dang // ma dang bu mo sring mo rnams// dkyil 'khor chen por bzhes su gsol// dpa' bo lha rjes bzhes su gsol/ bdag cag so so'i 'khor bcas kyis// tshogs kyi dkyil 'khor chen po 'di// ming tsam 'dzin par byed pa yang // gtsug gi nor bu 'bar bltar// g.yo sgyu med cing gus ldan pa'i// sems kyis blangs nas spyi bo yi// gtsug tu gzhag ste bkur bar bgyi// de yi dgos pa ci yang rung // ma lus rdzogs par bdag cag bo sgrub/ gal te dpa' bo'i spyan snga 'dir// smras pa bzhin du ma bsgrubs na// bdag cag rnams kyi mgo lus snying // bkas gtubs dum bur rul bar mchi// zhes smras so// de nas de dag gi chung me'i tshogs dang / ma dang / sring mo dang / bu mo'i tshogs thams cad dkyil 'khor du yud tsam gyis longs nas/ thams cad kyis mgrin cig tu smras pa/ bdag cag 'khor tshogs thams cad kun// dpa' bo chen po'i 'bangs su mchi// dpa' bo chen pos bdag cag rnams// las kyi dngos

  55. 103b

    grub stsal du gsol// zhes smras so// de nas bcom ldan 'das dgyes pa chen pos/ lag tu rdo rje byin nas ming gi dbang bskur te dkyil 'khor gyi phyi rim du bkod do// gsang ba'i snying po de kho na nyid nges pa las/ khro bo rang bzhin gyi dkyil 'khor gyi sprin rnam par spros pa'i le'u ste bco lnga pa'o// // de nas bcom ldan 'das dgyes pa chen pos dkyil 'khor gyi tshogs chen po 'di dag dam tshig gis grub par bya ba'i phyir/ de bzhin gshegs pa khro bo khrag 'thung chen po btsun mo dang bcas pa'i tshogs de dag gi sku dang / gsung dang / thugs rdo rje ye shes chen po rngam pa las gsung gi dkyil 'khor 'di dag phyung ngo // oM sarba ta thA ga ta ma hA shrI he ru ka ma hA tsaH Da sarba duSh+TAn ta ka ha na da ha pa tsa hU hU hUM phaT/ oM badz+ra ma hA shrI he ru ka ma hA tsaN ba sarba duSh+TAn ta ka ha na da ha pa tsa hUM ts+tsha hUM phaT/ oM rad na ma hA shrI he ru ka ma hA tsaN ba sarba duSh+TA Na ta ka/ ha na da ha pe tsa hUM hUM hUM phaT/ oM pad+ma ma hA shrI he ru ka ma hA tsa Na ba sarba duSh+TA na ta ka ha na de ha pa tsa hUM hUM hUM phaT/ oM karma ma hA shrI he ru ka ma hA tsaN Da sarba duSh+Ta Na ta ka ha na da ha pa tsan+du hUM hUM phaT/ oM sarba ta thA ga ta ma hA kro d+hi shI ri sarba duSh+TA na hUM phaT/ oM ma hA badz+ra d+ha ra ma hA kro d+hi shwa ri dz+wa la ni hUM phaT/ oM ma hA sur+ya rad na d+ha ra ma hA kro d+hiHri b+hi d+ha ma hUM phaT/ oM hri sho ta

  56. 104a

    sa man+ta pad+ma d+ha ra mahA kro d+hi shwa ri kha hi hUM phaT/ oM sarba a mo ka karma d+ha ra ma hA kro d+hi shwa ri bi shwa hUM phaT/ oM badz+ra ko ri ha/ badz+ra tsau ri ha/ badz+ra pra mo ha/ badz+ra pet+tA li ha/ badz+ra tsaN ba li ha/ badz+ra puk+ka si ha/ badz+ra g+hasma ri ha/ badz+ra sma sha ni ha/ badz+ra sing ha mu kha he/ badz+ra byA g+h+ri mu kha he/ badz+ra shri la mu kha he/ badz+ra shA na mu kha he/ badz+ra gri b+ha mu kha he/ badz+ra kang ka mu kha he/ badz+ra ka ka mu kha he/ badz+ra ul+lu ka mu kha he/ badz+ra ar+ya te dza te nga dze/ badz+ra a mu ka hUM/ badz+ra lo ka baM/ badz+ra pasmai ba la ya ba to tsa b+h+yob+hob+h+yob+h+ye b+h+ya b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+hU b+h+yo b+h+yo b+h+yo/ b+h+yo b+h+yo b+hU b+h+yo b+h+yo b+h+yo/ b+h+yo b+h+yo b+h+yo b+h+yo/ ru lu ru lu ru lu hUM/ e h+ye hi a na ya/ dzaHhUM baM hoHraM/ oM badz+ra kro d+ha sa ma ya hUM/ aukhro la khros pas zhi mdzad pa// thugs rje khro dpal rngam pa'i tshogs// 'bar ba'i byin rlabs rmad po che// da nyid du ni bdag la gsol// o badz+ra kro t+ma sa ma yastAM/ oM badz+ra kro d+ha sa ma ya ho/ oM badz+ra kro d+d+ha sa ma ya phaT/ a li u li ta li ta pa ti/ daM Ta gu Na ro'u tri/ kha ra lo ki ni kha ti ho/ hUHhe phaT/ ces brjod pas/ 'jig rten drug gi phyogs bcu thams cad tshig/ rab tu tshig/ kun tu tshig go/ 'bar/ rab tu 'bar/ kun tu 'bar ro// thams cad du 'bar ba'i dkyil 'khor gyi tshigs kyis

  57. 104b

    gang rab tu gang / kun tu gang bar gyur to// gsang ba'i snying po de kho na nyid nges pa las/ khro bo'i tshogs chen po'i gsung gi dkyil 'khor spros pa'i le'u ste bcu drug pa'o// / de nas bcom ldan 'das dgyes pa chen pos/ de dag gi dkyil 'khor bstan pa'i phyir ched du brjod pa 'di brjod do// 'bar ba'i dkyil 'khor rtsib sa bzhi pa/ gru chad bzhis ni rnam par brgyan// gru bzhi sgo khyud bzhi dang ldan// 'bar ba'i bar khyams gnyis kyis mdzes// thod sbrul sna tshogs nyi mas brjid/ 'bar ba'i 'phro ba mang pos 'khrug/ khyu mchog ma he gzig dang stag/ gtum pa dom gyi spa ra bas ni// dbang phyug lha chen la sogs bzung // smug nag sngo nag ser nag dang // dmar naka ljang nag 'jigs pa'i sku// dbu gsum phyag drug zhabs bzhir bgrad// ko rlon kos ni sna tshogs gyon// rngam pa'i sgra chen 'jigs par sgrog/ sbrul dang thod 'phreng nyi mas brjid// stong gi 'jig rten khor lug bcas// rdo rje dung chen gang ba dang // ral gri dgra sta gshol la sogs// rang gi lag cha sna tshogs bsnams// btsun mo 'jigs pa'i tshogs dang 'khril// gnas dang yul gyi phyag rgya dang // sgo bzhi'i phyag rgya rab mdzes shing // slas dang byi mo tshogs kyi gtso// bcu gnyis dang ni brgyad

  58. 105a

    kyis mdzes// rang gi stan dang lag cha dang // ci bgyi zhes ni chas te gnas// zhes brjod pas/ 'jig rten drug gi phyogs bcu thams cad du/ 'bar ba'i dkyil 'khor kun tu gsal bar gyur to// gsang ba'i snying po de kho na nyid nges pa las/ khro bo'i dkyil 'khor bstan pa'i le'u ste bcu bdun pa'o// // de nas bcom ldan 'das dgyes pa chen pos/ mnyes pa'i mchod pa chen po 'di ched du brjod do// de la mchod sbyin dam pa ni// thog mar bdag nyid rtogs bsgoms bsgral// denas gnyis med blo yis ni// blo ngan 'jig rten snying re rje// gnyis su med par bsgral bar bya'o// 'khril ba'i mchod chen mnyam sbyor bas// bdag nyid mnyes pas mnyes par bya/ mnyam pa'i grub rdzas chen po dag/ bdag dang mnyam pa'i tshogs la dbul// bza' dang bca' dang btung dang bgo/ longs spyod lnga ldan thams cad ni// dkyil 'khor la ni dkyil 'khor thim// phyogs bcu dus bzhir gshegs pa yi// bder gshegs yon tan rmad po che// gzhan nas yod 'ongs ma yin na// lha srin la sogs smos ci dgos// / rnal 'byor las su rung rnams kyis// phyag rgya chen po rdzogs gyur cing // gsal ba yid gnyis med pas na// dkyil 'khor chen po 'bar bar 'gyur// zhes brjod pas/

  59. 105b

    mnyes pa'i mchod pa chen po sa 'jig rten drug gi phyogs bcu thams cad khyab par gyur to// gsang ba'i snying po de kho na nyid nges pa las/ mchod sbyin dam pa bstan pa'i le'u ste bco brgyad pa'o// // de nas bcom ldan 'das dgyes pa chen pos/ sngags 'chang rnams don yod par bya ba'i phyir dam chog chen po 'di ched du brjod do// bla med theg par rab nges na// nyon mongs las rnams kun spyad kyang // byas la mi sogs tshogs 'gyur te// tshul khrims sdom pa phun sum tshogs bla med mchog gi dam tshig tu// 'dul ba'i dbang gis tshul khrims dang // ji snyed sdom pa bas ma yas pa// ma lus kun 'dul rnam par dag/ yod med dbu ma mi de mi ges shing // sgyu ma mige yor lta bu'i tshul// srog med srog kyang gcad du med// srog dang skyes bu log rtog tsam// bden pa gnyis ka dbyer med pas// 'phrul dga'i tshul de tha dad min// gzhan dang ma byin med pa'i phyir// blangs med thams cad nyid kyi dbyings// chos rnams sgyu ma lta bu dang // ming dang tshig tu btags pa brdzun// brdzun nyid la ni brdzun spod pa// brdzun zhes btags tsam yod ma yin// ma chags pa la chags pa dang // chags pa nyid na chags pa med// de ni tshangs mchog

  60. 106a

    rgyal po ste// shin tu chags pa chen po yin// bla med mi spang bla ma bkur// sngags dang phyag rgya rgyun mi gcad// yang dag lam du zhugs la byams/ gsang ba'i don phyir smra mi bya// 'di ni rtsa ba lnga rnams te// sgrub dang bsrung ba'i dam tshig mchog/ gti mug chags dang zhe sdang dang // nga rgyal phrag dog mi spang ngo // / dkar rtsi dmar rtsi dri sha chen// dag pa'i snod bcud mi dor ro// yan lag bcu yi dam tshig ste// ye nas dag mnyam rtogs pas spyad// bsrung zhing bsgrub pa'i dam tshig lnga/ rtsa ba yin te rigs med 'gyur// mi spang mi dor lnga gnyis ni// yan lag dam tshig 'da' dka' 'o// mnyam la mnyam par sbyor ba yi// mnyam pa'i dam tshig la gnas na// mnyam rdzogs chen po thob 'gyur bas// 'das na sangs rgyas ma yin no// rtsa ba nyams pa'i phyal pa dag/ gso la nye bar mi brtson dang // skad cig yud tsam smra ma byed// nyams gyur nyes pa brjod mi lang // rtsa ba'i dam chog nyams gyur na// sgrub pa thams cad log par 'gyur// yid du mi 'ong skra tshogs pa'i// 'bras bu mi 'dod bzhin du 'du// yan lag dam tshig nyams gyur na// 'bras bu med cing ngan song ltung // dam tshig rnams ni rdo rje che//

  61. 106b

    sangs rgyas kun gyi bdag nyid yin// rtsa ba'i dam tshig lnga la ni// gcig la'ang gnyis dang bcu phrag gsum// yan lag dam tshig lnga gnyis la// gcig la'ang pa cu phrag gnyis su dbye// dmacho ga 'di ni rma da po che// 'jig rten drag gi phyogs banu na// srid gsu ma 'gro ba ji snyed pa// rtogs 'dul dam tshi gi de snyed spro// gzhan yang rgyal mchog kun bzang gi/ thams cad ma lus phyag rgya yi// sgrub med dam pa ma lus 'grub// de la sogs pa mtha' yas mchog/ rgyal ba'i rigs mchog 'dzin pa de// 'jig rten gtso dang 'khor gyis bkur// dam pa mchog dang dam pa yis// sras dang spun dgongs byin gyis rlob// bde gshegs nyid kyi yul bzhugs pa// 'jigs med kun ta bzang por spo ra// ji bzhini nyid dang 'dul ba'i thabs// ji snyed sdom pa bas ma yas pa// ma lus rnam dag lhun gyis/ grub/ nyams na bskangs pas rdzogs pa dang // de la sogs pa mtha' yas mchog/ ces brjod pas/ de bzhin gshegs pa nyid de bzhin gshegs pa nyid la 'dul bapar gyur to// gsang ba'i snying po de kho na nyid nges pa las/ dam tshig gi le'u ste bcu dgu pa'o// // de nas de bzhin gshegs pa bcom ldan

  62. 107a

    'das dgyes pa chen pos// lhun gyis grub pa'i dam tshig byin gyis rlob pa zhes bya ba'i ting nge 'dzin la snyoms par zhugs nas/ ched du brjod pa 'di brjod do// e yi tshogs kyi dkyil 'khor mchog/ 'bar ba gtum chen rngam pa la// khros pa'i yid kyis mchod sbyin bya// sangs rgyas bsod nams sku yang 'jig/ bdud rtsi lnga 'am zas lnga la// mtshan ma ming du bcas par bya// bkug nas rdo rje phur pas gdab// rdul du byas la tshogs la dbul// e yi tshogs kyi dkyil 'khor du// lu gu rgyud du sbrel bsdams nas// bcings gyur ba skyod na phyogs bcur g.yo// myos nas gas te 'tshig par 'gyur// baM gyi tshogs kyi dkyil 'khor mchog/ 'bar ba gzi brjid lhan chen la// chags pa'i yid kyis mchod sbyin bya// rdo rje gsung yang dbang du 'gyur// bdud rtsi lnga'am zas lnga la// mtshan ma mang du bcas par bya// rdo rje chags pa'i phur pas gdab// chags pa'i tshogs la thim par dbul// baM gyi tshogs kyi dkyil 'khor du// lu gu rgyud du sbrel ba sdams nas// 'gugs 'gyur rdo rje'ang phyi bzhin 'brang // ci 'dod de bzhin 'ong bar 'gyur// ma yi tshogs kyi dkyil 'khor mchog/ 'bar ba 'du 'phro gzi chen la// dga' ba'i yid

  63. 107b

    kyis mchod sbyin bya// yon tan nam mkha'i mtha' dang mnyam// bdud rtsi lnga'am zas lnga la// yon tan yid bzhin gter du brtag/ nga rgyal dga' 'phro'i phur pas gdab// rdo rje gzi brjid 'phel bar 'gyur// ma yi tshogs kyi dkyil 'khor du// lu gu rgyud du sprul bsdams bskyod// gzi brjid 'bar ba'i 'phrul chen sde/ yid bzhin nam mkha' gang bar 'gyur// ya yi tshogs kyi dkyil 'khor mchog/ gsal ba'i gzi brjid 'tsher ba la// dang ba'i yid kyis mchod sbyin bya// gtum che na rngam po'ang lhan ner 'gyur// bdud rtsi lnga'am zas lnga la// gtum rngam 'khrug pa'i ngo bor brtag/ lhan ner gsal ba'i phur pas gdag/ 'bar ba lhan ne'i tshogs la dbul// ya yi tshogs kyi dkyil 'khor du// lu gu rgyud du sbrel bsdams nas// 'bar ba lhan ne'i byin gyis khyab// thams cad g.yo ba med par byed// sras dang bye mo bran mo'i tshogs// lhag ma'i mchod sbyin 'dod pa sbyin// rang gi dam tshig rab bsgrags nas// gang 'dod las de byed par bsgo// sngon tshe dpal chen he ru ka/ shin tu gdug cing gtum bag can// thams cad ma lus 'dul mdzad pa'i// dbang dang byin rlabs rmad po che// lha chen la sogs dbang

  64. 108a

    bsdus nas// 'khor rnams dbang phyug slas su byas// so so'i las rnams bskos pa de// ji ltar dam bcas khas blangs pa'i// ma thogs myur du mngon par phyung // dam bcas bzhin du ma byas na// ji ltar rang gi man sa bor ba'i// sdom bcas de las 'da' ma byed// dam tshig de las 'das gyur na// mgo lu so snying yang tshal pa bdun// yak+Sha khro bos gtubs par 'gyur// de bas rnal 'byor sngags 'chang gis// ji ltar bcol ba bzhin du byos// las de mngon du ma byas na// rang gi mnas bor khas blangs bzhin// rul myags tshig nas dmyal bar 'gro// rnal 'byor dam la gnas 'gyur ba'i// las rnams yongs su bya ba dang // 'khor rnams bu gcig bzhin du skyongs// 'phra ma na ma yang dngos grub thob// bcol ba'i las rnams mngon du byos// zhes bsgo'o// khro bo sgrub pa'i las kyi gtso bo na 'di yin no// khrag 'thung chen po la sogs pa'i// bro gar glu tshig chen pos ni// thams cad thams cad ci 'dod par// thams cad thams cad byed pa yin// mdzod ldan chen mo la sogs pa'i// bro gar glu tshig chen mos ni// 'du bar 'dod na 'du bar byed// 'phel bar 'dod na 'phel bar byed// spos

  65. 108b

    mo chen mo la sogs pa'i// bro gar glu tshig chen mos ni// lhan ner 'dod na lhan ner byed// rmugs par 'dod na rmugs par byed// seng gdong chen mo la sogs pa'i bro gar glu tshig chen mos ni// thams cad kun la za bar byed// rdul cha tsam yang med par byed// bzhad gdong chen mi la sogs pa'i// bro gar glu tshig chen mos ni// thams cad kun la 'byin par byed// kun la rab tu nyams par byed// slas dang byi mo bran mo'i tshogs// bro gar klu tshig chen mos no// sprad cing gtang bar bya ba ste// thams cad thams cad byed pa yin// ljon pa dang ni lcug phran tshal// sdong gcig dang ni me reg drung // dang ba dga' ba chags pa dang // khros pas ka li rab tu bya// zhes brjod pas// de bzhin gshegs pa nyid la de bzhin gshegs pa nyid spong bar gyur to// gsang ba'i snying po de kho na nyid nges pa las/ lhan gyis grub pa'i 'phrin las byin gyis rlob pa zhes bya ba'i le'u ste nyi shu pa'o// // de nas bcom ldan 'das dgyes pa chen po/ tshogs kyi dkyil 'khor gyis shin tu rngam pa'i mdangs kyis glu 'di blangs so// hUgatumatshan dus mtha'i me ltar 'bar// 'od zer nyi ma 'bum gyi gzi// khro gnyer klog stong 'gyu ba bzhin// mche ba zangs lag za byed che to// hU/ rngam pa'i nga ro 'brug stong ldir// tug chem

  66. 109a

    ri rab 'bum snyil skad// a a ha la'i gad rgyangs che// spyugs pa'i 'thor rlung g.yeng ba che ho// hUM khro bo shes rab 'od po che// ye shes dkyil 'khor kun tu gsal/ 'bar ba'i ye shes kun tu 'joms// sna tshogs ye shes thig le che ho// hUM khro bo'i rgyal po sprin chen po// khros pa'i dkyil 'khor char chen 'bebs// dkyil 'khor yid bzhin 'byung ba'i gter// sna tshogs khros pa'i thig le che ho// hUM/ bdud kun gyi ni bdud chen po// bdud kyi bdud de bdud rnams 'joms// 'jigs pa'i tshogs kyang 'jigs byed pa// 'jigs byed chen po thig le che to// hUM rdo rje brag chen sra ba po// rdo rje chu bo sdud chen po// rdo rje me ste kun 'bar che// rdo rje rlung ste 'thor rlung che ho// zhes ched du glu blangs so// gsang ba'i snying po de kho na nyid nges pa las/ khro bo la bstod pa'i le'u ste nyi shu gcig pa'o// / de nas bcom ldan 'das dgyes pa chen pos/ de bzhin gshegs pa nyid la gsang sngags kyi rgyal po brtan par gzung ba 'di ched du brjod do// kye kye phyogs bcu dus bzhi'i rang bzhin 'di// de bzhin gshegs pa'i ngo bo nyid// gzung 'dzin spros las 'chel ba yis// rnam rtog zhags pas so sor zin// sa rnams khyad par bkod pa yang // gsang ba'i snying por 'gro ba'i lam// ye shes ngo mtshar rab 'byam gyis//

  67. 109b

    don du mi 'gyur yong ma gsung // de bzhin gshegs pa thams cad kyi// phyag rgya gsang chen snying po 'di// rtogs nas smra bar gang byed pa// de nyid nga yan dbang yang rdzogs// de bzhin gshegs pa thams cad la// gsang ba 'di las gzhan mi mnga'// sgo dang skur pa zhi ba yi// gsang ba'i snying po de kho na// nyid de nges pa'i dbyings nas phyung // de ni nges par lung bstan te// sras ni thugs las skyes pa yin// sa rab rig pa 'dzin la gnas// zhes brjod pas/ de bzhin gshegs pa thams cad dbyer med par dgyes nas/ dus bzhin mnyam pa nyid kyi dbyings sku gsung thugs lhan stug po bkod pa'i rgyan nyid du bzhugs so// 'phags pa rtog pa'i rgyal po sgyu 'phrul dra ba'i le'u stong phrag brgya pa las/ mtshan nyid dang rgyud thams cad kyi lung gi spyi/ de bzhin gshegs pa thams cad kyi gsang ba/ gsang ba'i snying po de kho na nyid nges pa las thams cad ma lus par spros te/ 'khor lo bskor ba de dag go'i 'bras bu'i mchog gsang ba'i snying po de kho na nyid nges pa las/ mnyes pa dang yongs su gzung ba'i le'u ste nyi shu gnyis pa'o// // rdzogs so// / rgya gar gyi paN+Di ta bi ma la mi tra dang / lo tsa ba rma rin chen mchog gis bsgyur ba'o// sgyu 'phrul bzhi bcu pa gsang snying 'phrin las kyi rgyud/ @/