'phags pa chos bzhi bstan pa zhes bya ba theg pa chen po'i mdo
Text
ff. 84b–85b · 3 folio sides
- 84b
pa chen po'i mdo rdzog so///rgya gar gyi mkhan po dI pa~M ka rA shri dz+nyA na dang /zhus tshan gyi lo tsA ba dge slong shAkya blo gros dang /dge slong dge bo'i blo gros kyis bsgyur cing zhus te gtan la phab pa///rgya gar skad du/Ar+ya tsa tur+d+harma ni rde shai n+yA ma ma hA yAM na sU traM/bod skad du/'phags pa chos bzhi bstan pa zhes bya ba theg pa chen po'i mdo//sangs rgyas dang byang chub sems dpa' thams cad la phyag 'tshal lo//'di skad bdag gis thos pa dus gcig ni/bcom ldan 'das sum cu rtsa gsum lha'i nang na lha'i 'dun sa chos bzang na dge slong lnga brgya tham pa'i dge slong gi dge 'dun chen po dang /byams pa dang /'jam dpal la sogs pa byang chub sems dpa' sems dpa' chen po rab tu mang po dang thabs cig tu bzhugs te/de nas bcom ldan 'das kyis byang chub sems dpa' sems dpa' chen po byams pa la bka' stsal pa/byams pa byang chub sems dpa' sems dpa' chen po chos bzhi dang ldan na sdig pa byas shing bsags pa zil gyis non par 'gyu ro//bzhi gang zhe na 'di lta ste/rnam par sun 'byin pa kun tu spyod pa dang /gnyen po kun tu spyod pa dang /sor chud par byed pa'i stobs dang /rten gyi stobaso//de la rnam par su 'byin pa kun tu spyod pa ni mi dge ba'i las spyad na de la 'gyod pa mong ba yino//de la gnyen po kun
- 85a
d+hu spyod pa ni mi dge pa'i las byas nas kyang //dge pa'i las la shin du brtson pa'o//de la sor chung par spyod pa'i skyobs ni snyam pa yang dag par blangs pas/ mi byed pa'i sdom pa thob pa ni//de la rten gyi stobs ni sangs rgyas dang /chos dang /dge 'dun la skyabasu 'gro ba dang /byang chub kyi sems mi gtong ba ste/de stobs dang ldan pa la rten pas sdig pas zil gyis gnon par mi nus so//byams pa byang chub sems dpa' sems dpa' chen po chos bzhi po de dag+ha dang ldan na sdig pa byas shing bsags pa zil gyi non par 'gyu ro//byang chub sems dpa' sems dpa'a'o chen pos medo 'di rtag tu bklag par bya'o//kha ton du bya'o//bsam par bya'o//bsgom par bya'o//mang du bya'o//des na nyes par spyad pa 'bras bu 'byin par mi nus par 'gyu ro//bcom ldan 'das kyis de skad ces bka' stsal nas/byang chub sems dpa' sems dpa' chen po byams pa dang //dge slong de dag dang /byang chub sems dpa' de dag dang /brgya byin la sogs pa'i lha'i bu rnams dang /thams cad dang ldan pa'i 'khor de dag yi rangs te/bcom ldan 'das kyis gsungs pa la mngon par bstod do//'phags pa chos bzhir ston pa zhes bya ba theg pa chen po'i mdo rdzog so///rgya gar gyi mkhan po su ren+d+ra bo d+hi dang /thus chen gyi l-i tsA bro ban+de
- 85b
shes sdes bskur cing bus twe gtan la phab pa/rgya gar skad du/tsat+yad+harmA ku su tra/bod skad du//chos bzhi pa'i mdo//sangs rgyas dang /byang chub sems dpa' rnams cad la phyag tsho tsha lo//'di skad bdag gis thos pa dus gcig na/bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs te/de nas bcom ldan 'das kyis brtan zhing zab la snyan cing rgya che ba'i sgo dbyangs kyis dge slong rnams la bka' stsal pa'i dge slong drag rigs kyi bu mkhas pas ji srid 'tsho'i bar du gnas bzhi la yid brtan par mi bya'o//bzhi gang zhe na/dge slong dag rigs kyi bu mkhas pas bdag ni bud med dag la dgra' ba'o snyam du ji srid 'tsho'i bar du yid brtan par mi bya ba dang /dge slong dag rigs kyi bu mkhas pas bdag ni rgyal po'i pho brang 'khor la dga' ba'o snyam du ji srid 'tsho'i bar du yid brnyan par mi bya ba dang /dge slong dag rigs kyi bu mkhas pas bdag ni gzugs bzang ba mdzes palta na sdug pa nad nyung ba'o snyam du ji srid 'tsho ba'i bar du yid brtan par mi bya pa dang /dge slong dag rigs kyi bu mkhas pas bdag ni phyug pa/nor mang ba/yo byad phun sum tshogs pa'o snyam du ji srid 'tsho'i bar du ying brtan par mi bya'o//bcom ldan 'das kyis ngo
Colophon
'phags pa chos bzhi bstan pa zhes bya ba theg pa chen po'i mdo rdzogs so/ /rgya gar gyi mkhan po su ren dra bo d+hi dang /zhus chen gyi lo tsA ba ban+de ye shes sdes bsgyur cing zhus te gtan la phab pa/