ro bsreg thal ba nag po thams cad rdzogs par 'dus pa'i rgyud kyi rgyal po zhes bya ba
Kuṇapoṣitabhasmikālasarbapūrṇṇasamudāyatantrarājanāma
Text
ff. 270b–281a · 22 folio sides
- 270b
rje chos kyi blo gros sdud pa po mkha' 'gro ma nyi ma'i 'od zer can gyis bsdus pa/ lha ma yin g.yul ngo zlog pa'i rgyud las/ rgyas btab pa'i le'u ste sum cu pa'o// // lha ma yin g.yul bzlog 'byung po kun 'dul chos las 'das pa'i rgyud rdzogs so// / @#// o rgyan skad du// bo la kar rna sha ri ra na tan tra/ rgya gar skad du/ ku Na po Shi ta b+ha smi ka la sarba pUr+N+Na sa mu dA ya tan+ta rA dza nA ma/ bod skad du/ ro bsreg thal ba nag po thams cad rdzogs par 'dus pa'i rgyud kyi rgyal po zhes bya ba/ dpal kun tu bzang po las kyi mnga' bdag chen po la phyag 'tshal lo// 'di skad bdag gis thos pa'i dus gcig na/ rnam par dag pa'i zhing khams chen po'i gnas/ rang bzhin thig le rtogs pa'i dus nyid na/ zer dang rtsal dang longs sku dang / byang chub sems dpa' kun tu bzang po dang / 'jam dpal spyan ras gzigs dbang mi g.yo mgon po dang / chos sku'i zer dang rtsal dang ni/ longs sku byang chub sems dpa' ste/ bsdu na chos sku longs sku byang chub sems dpa' dang / rgyu dang gzhi yis thams cad khyab pa yin// dag dang ma dag snang ba gsum du 'dus pa yin// gzhi lam 'bras bu ma lus 'dus par bstan// dag dang ma dag 'khor gyis bsdus pa yin// zhes byin gyis rlabs kyis gsungs so// de'i tshe de'i dus nyid ni
- 271a
longs sku'i kun tu bzang po yis/ byin chen kun tu bzang po la// lta ba sgom pa spyod pa dang // 'bras bu'i don rnams gsung bar zhu// zhes zhus so// thal ba nag po'i rgyud las/ gleng gzhi'i le'u ste dang po'o// // de nas yang dag bshad bya ba// longs sku'i gtso bo chen po nyon// sangs rgyas rnam lnga'i gtso bo khyod nyon cig/ lta ba'i don la bsam mi khyab// bsdu na rnam pa bzhi ru 'dus// log lta dag dang thun mong dang / khyad par mchog dang rnam pa gsum// brtags na phyi ma med pa dang // brtags na rgyu 'bras brtags pa ni// log pa'i lta ba yin par shes// thun mong lta ba sems nyid de// de dang gcig tu stong blta'o// khyad par lta ba bstan pa ni// don dam skye ba med pa'o// mchog gi lta ba bstan pa ni// gzhi shes pas ni lta ba'i mchog/ sems nyid ma skyes dus nyid na// lta ba chen po'i gzhi ma yin// de yi gong na med pa'i phyir// lta ba'i gong gcod chen po yin// de bstan lta ba rnams 'dral bas// gcod 'dral chen po zhes bya'o// de med pa yi sngon rol na// lta ba'i gnas lugs med pa yin// khas len lta ba yongs gcod mkhan// de med yongs su gcod pa med// theg pa'i gzhi ma chen po 'dis// grub mtha' cham la 'bebs par byed// lta ba'i rgyal po kun khyab 'dis// lta ba tshams la 'bebs
- 271b
par byed// phyi ma don du mi gnyer bas// tshe 'di'i 'dod pa sgrub pa la// lta ba'i rgyal po 'di bstan na// rdo rje dmyal bar the tshom med// ces gsungs so// thal ba nag po'i rgyud las/ lta ba ro bsreg pa'i le'u ste gnyis pa'o// // de nas yang dag bshad bya ba// longs sku'i gtso bo khyod nyon cig/ bsgom pa'i don la rnam gsum ste// thun mong khyad par mchog dang gsum// thun mong sems nyid bsgom pa yin// khyad par bskyed rdzogs bsgom pa yin// de yi 'bras bu ring ba yin// skye bo rtags myur 'bras bu brlag/ mu stegs rtags myur mkha' 'gro la sogs pa'o// nyan thos la sogs rtags myur 'bras bu ring // kri ya yo ga'i rtags myur 'bras bu ring // ma hA a nu rtags bul 'bras bu nye// a ti rtags med 'bras bu myur// de bas bsgoms na khyad par che// mchog gi dgongs pa bstan pa ni// gzhi shes pa ni lta ba'i mchog/ lta ba dras zag gcod pa yin// de nyid lam shes dgongs pa yin// ye shes khong gsal dgongs pa'i mchog/ thig le cham la 'bebs pa yin// de nyid yul med dgongs pa'i mchog/ de rtsa bsgom pa cham la 'bebs pa yin// ye shes zang thal dgod pa'i mchog/ blun bsgom cham la 'bebs pa yin// ye shes chos min dgongs pa'i mchog/ bskyed rim cham la 'bebs pa yin// kun mkhyen ye shes dgongs
- 272a
pa'i mchog/ sems bsgom cham la 'bebs pa yin// dpe yi ngo sprad bstan pa ni// ngo bo ma dang 'phrad pa 'dra// rtags ni ye shes ngo sprad yin// don ni rang snang ye shes yin// tshig gi ngo sprad byin rlabs dgongs pa bshad pa yin// dgongs pa'i gdams pa ngo sprod 'dis// 'di rnyed mi la btsong snyam nas// slob ma med par slob dpon rings// dgongs pa ma sang nyams myong ston// chu yi lbu ba ma krogrogs par yang 'ong // bsam gtan rtog med ma bsgoms par yang skye// dgra chung spang btub ma bsad par yang 'chi// the tshom mchod blun pos sgom pa slob// shes long med par yug pa ring // dam tshig rtsa ba chen po nyams pas na// 'chi yang mi gtong na ra ka na// zhes gsungs so// thal ba nag po'i rgyud las/ bsgom pa'i ro bsreg pa'i le'u ste gsum pa'o// // de nas yang dag bshad bya ba// longs bdag po khyod nyon cig/ sprad bya'i thabs la mang yod kyang // thun mong khyad par mchog dang gsum// thun mong dug lnga spangs nas spyod pa dang // sbyangs nas dge bcu phyin drug spyod// grangs med bdun nam gsum spyod na/ khyad par dug lnga la sogs gnas bsgyur nas// sbyor sgrol bdud rtsi rnam pa lnga// mi tshe lo brgyad gcig tu spyod pa'o// rtog pa 'joms pa'i spyod pa yin pa ste// 'joms mkhan yul
- 272b
choms snyam byed pa// snyam byed rtog pa slar la che// mchog gi spyod pa 'di yin te// gzhi mo'i don la spyod shes na// thams cad ma lus dus gcig na// dgongs pa ma lus gcig tu rtogs// spyod pas rtogs te dgongs pa shar// rang shar chos sku spyad rtogs shar// bkag sbyangs rnam rtog sangs rgyas gang // rgyud dag phyir na 'bras bu med// bsgyur nas 'bras bu thob ce na// pho bsgyur mor bsgoms mor 'gro/ yi// brtags pas rtogs te the tshom chod// blo nyid don spyad don rtogs nas// blo nyid don ltar shar ba yin// don dang rig pa dbyer mi phyed// rig pa ye yin ye shes chen por rtogs// bye ma mar btsir rdo la gser du bsgom pa dang / kha gsags spyi brtol tshul 'chos gzhog ngom mkhan// mun pa mon pa'i khong snying can// 'tshul chos slob dpon rgyal po ltar 'chos pa// ma bstan ston na dmyal bar thong // zhes gsungs so// thal ba nag po'i rgyud las/ spyod pa'i ro bsreg pa'i le'u ste bzhi pa'o// // de nas yang dag bshad bya ba// longs sku'i bdag po chen po nyon// 'bras bu'i don la rnam gsum ste// sems nyid stong bsgom sbyang ba yis// 'bras bu bskal pa bdun gsum na// kun tu 'od du 'gro bar 'dod pa'o// bskyed rdzogs bsgoms spyad 'bras bu yis// tshe bdun lnga dang tshe gcig gis// bcu bzhi bco lnga bcu
- 273a
gsum gnyis dag la// de yi sa la phyin par 'dod// 'dod khams 'bras bur ma shes pas// 'bras bu ro langs byed pa yin// de yi phyir na mchog bstan te// 'bras bu'i sangs rgyas zhes bya'o// sangs rgyas sku gsum ngo bo nyid// 'dod mkhan gzhi lam 'bras bur sprad// de yi 'bras bu sku gsum ste// da lta nyid du bstan pa yin// gzhi yi chos sku ngo sprad pa// gzhi gsum shes na ngo spyod yin// de bstan tshig gi ngo sprod yin// de la dpe yi ngo sprod yin// kun snang brda yi ngo sprod ni// chu nang bzhin bstan lta bur sprad// de sprad bshad mi dgos par rtogs// brda yi byad dang me long bstan pa dang // me long g.ya' la phyi dgos bzhin// dpe bstan don nyid bshad la sprad// rtags kyi ngo sprod rna ba la// bsgrags pa tsam gyis sgro 'dogs chod// don gyi ngo sprod mig la sprad// mthong ba tsam gyis sgom mkhan dngas// blta spyod 'bras bu dus gcig grol// lus med lus yod khong gsal lus// zhing khams rnam dag sangs rgyas thugs su chud// thugs rje ye shes thugs kyi mchog/ yon tan ye shes zang thal yin// phrin las mig gcig dri med mkhyen// 'bras bu kun tu 'od la thim// dgongs pa rgya ma chad pa yin// sgrib g.yogs lus las ma 'das pa// thugs rje 'byung ba sgrib pas chod// de la 'bras bu'i sgrib pa
- 273b
la zlo ba// snang srid srid dang mi srid pa// skye 'gro ma lus thams cad kun// 'bras bu'i klong las 'das pa med// med par mthong ba 'bras bu yin// yod par mthong yang 'bras bu yin// gnyis med zer yang 'bras bu yin// rnam rtog nyid kyang 'bras bu yin// ye shes nyid kyang 'bras bu yin// rtogs dang ma rtogs rtag dang chad// grub dang ma grub 'khor 'das rnams// dus dang rnam pa thams cad du// 'bras bu'i nga las 'das pa med// glen pa yus kyis brnangs pa dang // dam bu snying med sgra rgan dang // tam+ba ra yi sgra 'byin dang // sprug pa glu len ri la bro 'khrab dang // tshul 'chos bcos ma 'og brus mkhan// sgro skur 'debs shing zhe la bsgrub// dad pa med pa'i mi rnams la// byin na rdo rje dmyal bar 'gro// dmyal 'gro'i ngo sprod dgos pa med// de bas brag la gla ba gab pa bzhin// mtshan mo spyod cing nyin mo spos// 'dod pa'i don yang bsgrub mi nus// ma bsgrubs dngos grub su la 'ong // nyan pa mang yang 'bul mi nus// ma phul yab sras ci la yin// tshig la mkhas kyang don ma rnyed// mkhas pa rang sgo spyad pas ston// des na shin tu gsang bar bya'o// zhes gsungs so// thal ba nag po'i rgyud las/ 'bras bu'i ro bsreg pa'i ngo spyod chen po'i le'u ste lnga pa'o// // de nas yang dag bshad bya ba// nyon cig longs sku kun bzang
- 274a
khyod// 'dus pa'i ngo sprod bstan pa ni// 'byung ba lnga yi rtsa ba ni// ngo bo nyid la 'dus pa yin// nyon mongs dug lnga ma rig pa// 'gru ba nyid la 'dus pa yin/ kha dog lnga yi rtsa ba de// 'ja' tshon lnga la 'dus pa yin// 'ja' tshon lnga yi ngo bo yang // ngo bo'i 'od la 'dus pa yin// blta bsgom spyod pa 'bras bu yang // rang byung thig le gcig pur 'dus// chos sgo brgyad khri bzhi stong yang // shes rab nyid la 'dus pa yin// sku lnga ye shes lnga po yang // ngo bo nyid kyi ye shes dang // ngo bo nyid kyi sku la 'dus pa yin// byang chub sems dpa' du ma yang // kun bzang byang chub sems la 'dus// dpe rtags ngo spyod bsam yas kyang // 'gyu ba'i mig la sprod par 'dus// 'khor 'das du mar snang ba yang // thig le zang thal chen por 'dus// zhes gsungs so// so mangs lta bu'i sems can la// ci yang bstan par ma gsungs so// skra shad lta bu'i gang zag la// de la bstan na skran du 'gyur// zhabs brdol lta bu'i gang zag la// de la bstan na 'bras bu brlag/ gzhog ral lta bu'i gang zag la// de la bstan yang rdo la gros 'debs 'dra// dug can lta bu'i gang zag la// bstan na phra ma mkhan grogs 'dra// skyes bu so ma dngas ma'am// blo che dad pa ldan pa dang // gtong phod che zhing phyi chas med// tshe 'di mi blta ba yi gang zag
- 274b
dang // byang chub yun du sgrub pa la// phung byed srog gcod 'di byin na// tsan dan ga pur 'grogs pa bzhin// dri mchog che zhing khyad par 'phags// lan grangs mang por ma brtags par// dkor mdzod gtod par cang nus sam// nang du rin po che bzhin du/ kha ru ma 'byin ma smra shig/ 'dam gyi gseb du sgyur byed pa/ kha mig byi dor mi byed gar dgar 'jog kha cig nor bu rin chen 'tshong / kha cig nor bu nyid la 'phra/ kha cig nor bu rin chen gtun du rdung // des na gdams ngag sba bar bya'o// zhes gsungs so// thal ba nag po'i rgyud las/ du ma'i srog gcod ro bsreg pa'i le'u ste drug pa'o// // mya ngan las 'das pa'i dgongs pa rdzogs so// // o rgyan skad du/ mi le tsi le tsu le b+he ba ra ya he kra ma na/ rgya gar skad du/ lo ka karma tsaR+Ya puN+ya ma hA pU ra Na ma hA pradz+nyA tan+ta nA ma/ bod skad du/ 'jig rten gyi phrin las spyod pa bsod nams chen po rdzogs par byed pa shes rab chen po'i rgyud ces bya ba/ dpal kun tu bzang po las kyi mnga' bdag chen po la phyag 'tshal lo// 'di skad bdag gis thos pa'i dus gcig na// khyab gdal chen po rgya yongs su ma chad pa'i klong nas/ chos sku kun tu bzang po zhes bya ba/ thugs rje chen po dang ldan pa de'i byin rlabs las/ mya ngan las 'das pa'i dgongs pa rin po che lta bu bka' stsal pa/
- 275a
de nas byang chub sems dpa' 'jam dpal gzhon nu'i snying po zhes bya bas longs sku'i kun tu bzang po bos te bka' stsal pa/ chos sku kun bzang gdung sob nyid// thugs rje byang chub sems dpa' 'di rnams so// 'jam dpal spyan ras gzigs dang phyag na rdo rje dang // sa snying nam mkha'i snying po sgrib pa sel ba dang // byams pa mai tri spos kyi glang po rnams la ni// yang dag dgongs pa bshad par zhu// zhes zhus pas// dgongs pa'i don rnams ma shes pas// byang chub sems dpa' brgyad la bshad// 'jam dpal gzhon nu'i snying po la// snying po ngo sprod mngon sangs rgyas// spyan ras gzigs kyi dbang phyug la// ye shes mig la sprad pa yis// de dus mngon sangs rgyas pa yin// phyag na rdo rje nyid la ni// ston pa nyid la ngo sprad pas// gnas de nyid du mngon sangs rgyas// byang chub sems dpa' sa yi snying po la// 'gyur med rig pa'i ngo sprod der sangs rgyas// byang chub sems dpa' nam mkha'i snying po la// rig pa yul med ngo sprod mngon sangs rgyas// byang chub sems dpa' sgrib pa sel ba la// ye shes rang snang ngo sbrasmad der sangs rgyas// byang chub sems dpa' byams pa mai tri la// thig le chos min ngo sprod mngon sangs rgyas// byang chub sems dpa' spos kyi glang po la// rig pa'i ye shes ngo sprad der sangs rgyas// byang chub
- 275b
sems dpa' brgyad po la// ngo sprod byas pa de nyid sangs rgyas nges// ma rig sems can rnams la ngo sprod bstan pa yang // dbang po rab la byang chub sems dpa' yis// brda dang dpe dang rtags dang don gyi ngo sprad pas// skad cig gcig la sangs rgyas nyid thob po// dbang po 'bring du gyur pa yang // brda dang dpe dang rtags dang don gyi ngo sprad pas// bar ma do nas mngon sangs rgyas par nges// dbang po tha mar gyur pa'i gang zag la// brda dang dpe dang rtags dang don gyi ngo sprad pas// bar ma do nas mngon sangs rgyas par nges// yin pa snang ba shar ba grol ba bzhi// gang zag gcig la ngo sprad shes par bya// zhes gsungs so// thal ba nag po'i rgyud las/ gdams pa ngo sprad gang zag ro bsreg pa'i le'u ste bdun pa'o// // o rgyan skad du/ bu na ye ye yo ga tshe tra/ rgya gar skad du/ ga Na pA ra Na daR+sha no pa de sha/ bod skad du/ tshogs rdzogs par byed pa'i ngo sprod// dpal ldan chen po rnal 'byor pa// tshad med rnam pa bzhi yi smon 'jug gis// sngon du 'gro ba rdzogs byas te// sa bslangs sbyang gzung bya ba// maN+Dal byi dor legs byas te// bla gab can nam dur khrod du// yang na bkra shis byin chen du// thig la sogs pa rim btab ste// maN+Dal bzhengs tshon byin gyis brlabs// bgegs bskrad gser skyems gtang bar bya// de nas dkyil
- 276a
'khor bri ba ni// dbus su thig le chen po la// 'dab drug bcu drug gnyis kyis brgyan// gru chad sgo dang rgyan chas pa// tshogs 'khor chen po'i dkyil 'khor yin// dbang bskur kun la sbyar ba ni// dbus su thig le zlum po la// rdo rje'i ra bas bskor ba la// tshom bu rnam pa lnga dang ni// dbus su tshom bu bkod pa ni// ngo sprad dkyil 'khor bstan pa ni// ngo bo sku lnga'i ngo bo sku// rang bzhin ye shes rnam lnga ngo bo'i ye shes nyid// mtshan nyid 'das pa rnam lnga'i thig le nyid// thugs rje thub drug mdzad de 'gro ba'i don yang mdzad// de yi mtha' mar pad+ma lnga// rgyal ba rigs lnga kha sbyor tshul du bri// 'dab ma lnga la mkha' 'gro rnam lnga bri// gru chad lha mo brgyad dang sems dpa' brgyad// lha snam 'dod yon lha mos mtshon// sgo bzhi ye shes sgoms brgyan// de ni brten pa lha yi dkyil 'khor bstan pa yin// zhes gsungs so// ro bsreg thal ba nag po'i rgyud las/ dkyil 'khor bri ba'i thabs bstan pa'i le'u ste brgyad pa'o// // de nas yang dag bshad bya ba// rten gyi rdzas rnams dgod pa yang // rnam pa gsum gsum dag tu shes// rdul tshon lha ru shes dang gzhal yas dang // ngo sprod dal du shes par bya// rdzas la dbang rdzas mchod rdzas dang // dngos grub gsum du shes par bya// rdzas dgod byin brlab byas nas ni// dang po
- 276b
mtshams gcod dkyil 'khor bsgom// bgegs bskrad bsad gso byas nas ni// bden pa bdar dang gser skyems gtong // mchod sbyin dkyil 'khor la sogs bya// de nas rnam par mi rtog bsgom// de nas bshags pa sgrib sbyang dkyil 'khor bsgom// de nas byin rlabs rdzas kyi dkyil 'khor bsgom// de yang phyi ru 'dod yon lnga yi ngang du bsgom// nang du lha yi dal du bsgom// gsang ba bla na med pa'i dal du bsgom// dbyer med ye shes dal du bsgom// tha ma mjug sdud gnyis su shes par bya// de nas rang bzhin kun tu snang dag las// rgyu dang ting 'dzin rnam gsum dkyil 'khor bsgom// de nas 'byung ba rim brtsegs dkyil 'khor bsgom// de nas rten gzhal yas dkyil 'khor bsgom// brten pa lha yi dkyil 'khor 'khor lo bsgom/ bla ma'i dkyil 'khor dang / yi dam mkha' 'gro'i de la gsum bsgom/ de nas gdams pa'i ting 'dzin rnam gsum bsgom// rang 'dod bya phyir rgyal ba rnams kyang spyan drangs te// phyag 'tshal gdan dbul sgo dbye la sogs bya ba yin// de la mchod bstod bstim gzhug dge shis byas nas ni// thams cad mnyes byed srog gi snying po 'bod// ces gsungs so// thal ba nag po'i rgyud las/ rnam rtog mtshan ma'i ro bsreg pa'i le'u ste dgu pa'o// // de nas yang bka' stsal pa/ bla ma yi dam
- 277a
gsal bskyed mkha' 'gro gsal byas la/ de ming srog snying 'phrog pa'i yi ge'i phreng ba bzlas par bya/ zhes so// longs sku kun tu bzang po yis// byang chub sems dpa' 'jam dpal gzhon nu la// spyi srog thams cad bsdus pa dang // rang dbang dam tshig bsdus pa rjes su drang ba gnyis su 'dus// de la spyi bsdoms srog gi snying po smras pa ni// chos sku'i kun tu bzang po yis// byin rlabs gang nas gsungs pa yin// de yang khyod la bstan par bya// oM sa ma ya s+t+waM dzaH/ spyi bsdams srog snying ngo // rang ngam srog gi snying po la// de la thams cad 'dus pa ni// IM swa hri ra tsa ya swA hA/ zhes pa kun tu bzang po'i srog gi snying po nyid do// 'di ni rgyal ba rigs lnga dang / kun tu bzang po nyid du 'grub par 'gyur ro// spyan sreg bya bar 'dod na yang 'grub par 'gyur ro// bdud rtsi byin rlabs dang gtor ma dang sman dang / tshogs la sogs byin gyis brlab par byed pa nyid do// dgra dang bgegs la sogs pa thams cad kyang / 'di bzlas pa tsam gyis brlag par 'gyur ro// bum pa gsar pa bcas te rdzas blugs nas bsgrub pa zhag bdun byas nas/ bud med sbyang bar gnas te khrus byas na bu rnyed par 'gyur ro// shing skam po la gtor na me tog skye'o// skud pa sngon po la mdud pa brgya rtsa brgyad byas te byis pa'i sker btags na 'khru
- 277b
rims bsrung ngo // rdzas ni/ bzang drug la sogs pa dri sna tshogs so// de ltar byas na sri'u sos par 'gyur ro// gser la btab ste rin po che lnga'i gseb tu bcug ste/ lus la bsrel na 'jigs pa brgyad skyob par 'gyur ro// mi tshil dang gu gul nag po gla rtsi la btab na/ klu'i nad thams cad sos par 'gyur ro// yid la bzlas te mi dang khyi dang rta la sogs pa'i klad pa dang dug sna tshogs dang khrag dang du ba dang / spresde sna tshogs la btab na btsan dug rdo rje bzhin du 'joms so// zhes byin gyis rlabs kyis gsungs so// thal ba nag po'i rgyud las/ rtog pa ngan pa'i ro bsreg pa'i le'u ste bcu pa'o// // yang bka' stsal pa/ byang chub sems dpa' khyod nyon cig/ srog gi snying po au yin no// de rjes sa ma ya traM dzaHdzaHang+ku sha zhes klad du'o// swA hA mtha' rten las mthar shes par bya// chos sku rdo rje sems dpa' oM yig ldan// longs sku rang dam sngags smras pa// oM badz+ra satwa hUM/ shAn+ti puSh+Ti/ ba shang mA ra ya phaTaHang+ku sha dza dzaHzab khung 'dab brgyad gru gsum zla gam dang // gru bzhi la sogs mdzes pas brgyan// dus tshod bzhi dang kha dog dang // dal gyi lha tshogs rim par bya// tshe 'das lus brjes drangs pa de// maN+Dal steng du dbang bskur bkru snyad gtang // gzugs phyin brlabs la thab khung bskyed// me lha spyan drangs bdun po rnam
- 278a
dag rdzogs par bya// ye shes me dang dam tshig bzhu btul bya// phung po me lhar bskyed par bya// de dag mchod rdzas me lha bzhu btul bya// ye shes lha phab lus la bstim// dgug gzhug bcings dang dgas pa bskyed// mchod bstod las bcol smon lam gdab// gtor gtang dal bsdu gshegs sam bsdu// nga rgyal ldan pas gnas su 'gro// zhes gsungs so// thal ba nag po'i rgyud las/ 'byung po ro bsreg pa'i le'u ste bcu gcig pa'o// // de nas yang dag bshad bya ba// nyon cig byang chub sems dpa' khyod// sa bcu'i byang chub sems dpa' yi// srog gi snying po thams cad 'dus pa ni// de ni bdag gis brjod par bya// oM badz+ra ma hA mu na ye swA hA// byang chub sems dpa' rigs drug gi/ dngos po'i rtog pa 'joms pa'i tho chen yin// ma rig ling tog sel ba'i thur ma yin// gsang sngags 'di ni zlas gyur na// gza' skar rmi lam ngan pa dang // bkra mi shis dang da la yams dang // mu ge sad dang ser ba dang // lo nyes phyugs nyes thams cad dang // smyo 'bog rgyal nad klad gzer dang // lha smra 'dre smra snying zhugs dang // gdon gyis brlabs nas chos 'chad dang // bdud kyi byin rlabs lung ston dang // gcer bur rgyug cing khrel shor dang // don ma rtogs pas ro snyoms byed snying 'dod// pha rol ma mthong
- 278b
mngon shes ston// snying 'dod gar dgar smra ba yis// ma rtogs nyon mongs rnams kyis 'dre dbang khrid// gdon gyis brlabs te lung ston tha ra ra// tha ma snying du 'dre zhugs smon pa 'ong // smyon pa 'dres brlabs chos smros shi zer dga'// rang yang 'dre dbang song ba mi tshor bas// drag sngags rgyal po 'di ni bzlas gyur na// 'dre nyid byer nas sangs rgyas dgongs pa 'char// lta ba sgom pa zab mo bstan kyang ni// drag sngags rgyal po sum khri 'di zlos shig/ blta ba bzang snyam bzang rtog 'dre yis khyer// rang 'dres khyer ba mi tshor ro// bsgom pa nyams myong khel snyam byed// bsgom pa 'dres khyer ma tshor ro// spyod pa ro snyoms byas pa yis// rnam rtog zhi ba snyam byed pa// spyod pa 'dre zhugs mi tshor ro// 'bras bu 'jig rten dga' brod skyes snyam byed// 'bras bu 'dres khyer mi tshor gyis// drag sngags rgyal po sum sbrel gyis// nyin stong mtshan stong bzlas par bya// lta sgom spyod pa rgyud la ston shes sam// de ltar shes na spyod pa'i bdud bsrungs nas// blta bas chos sku mngon du 'char// bsgoms pas longs sku shugs las 'byung // sbrul sku da la nyid 'di yin mod// 'dre la ngo spyod zer zhing gtang rag gtong // chos 'chad slob dpon rang la 'dre chen yod// lta ba mnyam yang bdag dang mi mnyam zer// chos nyid ye nas mtho dman
- 279a
med pa ma rtogs par// dgongs pa'i rang sgo gcig las med pa la// bdag la nyams myong gdams pa zab zer ba// blo yi 'khrul pa yin pa ma rtogs so// rang snang ye shes sku gsum shar ba la// 'bras bu myur ro zer ba don la rmongs// nyams myong zhe 'dod rnam rtog ro dang 'dra// ro yis ro khrid nyon re mongs// nyams myong ro bsregs thal ba rdul du rlog/ ces gsungs so// thal ba nag po'i rgyud las/ ro shan dbye ro bsreg 'khor ba rtsad gcod kyi le'u ste bcu gnyis pa'o// // de nas yang dag bshad bya ba// thor bu bya ba'i rim pa ni// ro bsregs pa yi rus pa brdung // de brdung tsha tsha bya ba ni// gang dag rtogs ldan sbyong byed na// thab khung 'og tu rdo leb bzhag/ de steng rdo rje rgya gram bri// bu gu btod la bsreg par bya// gdung byung smra bar mi bya zhing // mi gtsang mi bsnyen nye khrus bya// byang sems sbrul sku ring bsrel nyid// de bzhin gshegs gdung sha rI ram// longs spyod rdzogs pa'i sku dang mchod rten no// chos sku skye med sha rI ram// mchod pa tshogs 'khor ma byas na// snying dang 'dra bar bstan pa las// kun la bstan na gdung 'bros so// dngos grub yal nas 'gro bas gsang zhing mchod// klu gnyen sa bdag rims kyis mi tshugs so// rtag tu sde brgyad de la srung skyob byed// mkha' 'gro chos skyong rgyal
- 279b
po lta bur khur// ston 'tshong rkun ban bka' chad spos sam gri ru 'chi// rgyal ba rgya mtsho'i byin gyis brlabs par nges// thun mong dngos grub ma bsgrubs par yang 'byung // sa bdag klu gnyen dag gis rdo rje khyud du mthong // rtag tu gtsug tu bkur zhing mi la bstan pa min// za ma tog gam ga bu srubs med na// blugs la dar tshon dmar pos dril// de la mchod bstod yon tan bsam mi khyab// sngags sbrel byin brlabs 'bi 'bi dang // gdab dang bskur dang rab gnas rten 'brel brjod la sogs// zhes gsungs so// thal ba nag po'i rgyud las/ ro'i snang ba brtag pa dang tsha tsha'i le'u ste bcu gsum pa'o// // de nas yang dag bshad bya ba// bar chad bsrungs nas bstan bsrung phyir// mkha' 'gro'i srog snying bshad par bya// spyi bsdoms srog dang snying po dang // rang rang snying po srog dang drag sngags gsum// de nyid bdag gis bshad par bya// gro ga dag la bris nas ni// dkyil 'khor 'khor lo rtsibs bzhi sgo dang bcas// dbus su gru gsum mthing nag la// dpangs su chag gang brtsig par bya// rdo sol ro sol nag por byug/ de nang thod pa kha sbyar du stsal te// dug thun dag gis brabs byas pas// smyo 'bog drag pos 'chi bar bshad// zhes gsungs so// yang na snrel gri'i thod pa ru/ khrag dang
- 280a
dug sna tshang bar blugs// ming rus bcas te thun brabs na// zla ba gcig na brlag par 'gyur// zar nu dug dang re'u lhag pa// mdzo zho sbyar na mdzes 'dzin 'gyur// nyungs kar brag dang d+ha du ra// dbyi mo thang phrom dur bying ni// rgyu ma dag gis 'chi bar 'gyur// bse zho sbrang rgod d+ha du ra// sbyar na smyo 'bog gdon mi za// kyi lce nag po bul tog mdze khrag sbyar byas nas// thun du brabs pas mdze rims 'gyur// b+ha ri sha sa A be sha btags nas// thun du brabs na ser ba 'byung // zhes gsungs so// thal ba nag po'i rgyud las/ sngags sbyor ba drag sngags kyi le'u ste bcu bzhi pa'o// // de nas yang dag bshad bya ba// byang chub sems dpa' khyod nyon cig/ chos spyod du mi ster zhing // slob ma dam la ldog pa la// mkha' 'gro rnams kyi snying 'byin dang // dam nyams chad pa gcod par byed// dus kyi snyigs ma 'byung ba'i tshe// sngags pa'i bstan pa nub pa dang // drag sngags 'di yis bstan pa bsrung // dus ngan tha ma byung tsam na// mkha' 'gro ma yi dmod pa 'di// 'gal ba cham la 'bebs pa'i phyir// dad ldan skyes bu gcig dang 'phrad// skal med rnams la byin na dam tshig nyams// dus ngan tha ma'i don ched du// bstan srung rgyal po chen po 'dis// las rnams thams cad 'grub par byed// spu gri lta bu'i drag
- 280b
sngags 'di// spel na mkha' 'gro'i chad pa 'ong // phung sri dam la mi gnas pa/ kha la chos min nga rgyal can// chos dang mi ldan rgyud 'di sba// dam la gnas shing tshul 'chos med// byang chub srog bzhin 'tsho bar byed// kun gyi snying du de sdug ste// gcig nas gnyis las ma spel cig/ byang chub sems dpa' chen po nyon// chos kyi sgo mo brgyad khri bzhi stong la// bstan srung brgyad khri bzhi stong yod// phyi srung bsnyen bsgrub las dang gsum du bstan pa yin// nang la dril ba'i drag sngags yin// gsang ba rgod du phyung ba 'di yin pas// dug lnga 'dra ba'i ngan sngags 'di// dgra dang bgegs stsogs par gcod byed// cham la dbab phyir bzla lugs kyang // chos nyid don gyi bzlas pa dang / snying po 'phro 'du dug sbyor bzlas pa dang / khams gsum yongs sgrol bzlas pa dang // dkyil 'khor lha yi bzlas pa dang // bsnyen bsgrub las kyi bzlas pa dang // ngan sngags spu gri so sdebs bzlas pa dang // sngags rgod thog 'dra'i bzlas pa dang // ngan sngags mda' 'dra'i bzlas pa dang // phra men me 'dra'i bzlas pa'o// kun kyang gcig la shes gyur na// thams cad 'dus pa'i rtsa ba yin// chos nyid klong gi bzlas pa nyi ma'i 'od ltar bzlas// byang chub bsgrub dang lam chen du// chos nyid don gyi bzlas pa bya// zhes gsungs so// thal ba nag po'i rgyud las//
- 281a
gdams pa ngan sngags kyi le'u ste bco lnga pa'o// // de nas longs spu'i kun bzang la// byang chub sems dpa' kun bzang gis// rgud 'di bdag gis ji ltar zhes zhus te/ bdun rnam dag brjod nas zhus pa/ rgud kyi rgyal po thal ba nag po 'di/ khams gsum 'khor ba ro bsreg pas// ro bsreg chen po'i rgyud du zung // ngan zabs las tshogs bstan pas na// thal ba nag po'i rgyud du zung // sku gsum rang snang ngo sprad pas// dmar byang chen po'i rgyud du zung // zhes gsungs pas/ byang chub sems dpa' kun tu bzang po rjes su yi rang ngo // thal ba nag po'i rgyud las/ gtad pa dang nga ba'i le'u ste bcu drug pa'o// // thal ba nag po'i rgyud rdzogs so// //