Q2066MW1KG13126_2066rgyud 'grelAll versions of this work

dpal ldan dri ma dang bral ba'i 'od kyi rgyud la 'jug pa'i bshad sbyar snying po snang ba

Śrīmadabimalaprabhātantrabararaṇibādahridayaloka

Text

ff. 25a–86b · 124 folio sides

  1. 25a

    bla ma gcig yin te// de bzhin ye shes gcig yin srid dang thar pa gcig/ gcig min rgyu ru yang ni rnal 'byor nyams pa yis// rang dang gzhan gyi don nyams byed pa'i 'khrug par byed// ji ltar sangs rgyas mthu yis bdag gi lta ba ni// zhi 'gyur de bzhin mi rnams la ni 'gyur bar shog/ thams cad du ni du ma'i lam la brten pa yis// sems ni rgyal ba'i thugs rje chen por 'gyur bar shog/ dpal 'jig rten dbang phyug gis sprul pa'i sku pad+ma dkar pos mdzad pa rdzogs so// kha che'i paN+Di ta zla ba'i mgon pos bsgyur nas gtan la phab pa'o// 'di la 'gyur byang gcig/ kyang 'gyur mi 'dra ba gnyis yod pa las// 'di nyid 'gyur chung bde bar snang ngo // 5// dam shes kyi rgya chu pa na kyang shi nag #/ @#// / rgya gar skad du/ shrI ma da thi ma la pra b+hA tran+d+ha ba ta ra Ni bA da d+hi/ da ya le ka/ bod skad du/ dpal ldan dri ma dang bral ba'i 'od kyi rgyud la 'jug pa'i bshad sbyar snying po snang ba/ dpal ldan dus kyi 'khor lo la phyag 'tshal lo// bcom ldan phyin ci log rtogs gang mngon par byang chub rdo rje bzhi rnams dang // rnam thar tshangs pa zhes bya skad cig sku bzang sems dpa' zhes pa dang bcas dang // rnal 'byor dga' ba bzhi dang nyi ma ri bong can song yan lag dang bcas pa// mtha' dag rnams kyis 'khor ba rnam dag ston mdzad ston pa de la 'dud gyur cig/ gang gi sngon du byed pa yang dag sbyar ba 'gyur med pa// zla ba thig le dag pa rnam rgyas rim pas 'phel gyur pa// shes rab las byungs rnams rnam par rol par byed pa yi// dpal ldan rgyud kyi rab gsal rdo rje'i gnas la phyag 'tshal lo// sngags la sogs pa 'gyur med chu la dang ldan pa'i chu gter shes rab kyis

  2. 25b

    mthar byed bdag nyid// phyugs bdag la sogs bla ma'i bla ma yi yang bla ma dpal ldan byang chub rdo rje ste// mnga' bdag mthu yis yang dag byang chub rdzogs par mdzad pa'i zhabs kyi chu skyes bdud dang ni// nyon mongs lag ldan dbang po'i bum pa 'byed la gcan gzan mchog rnams brtson la spyi bos 'dud// 'jam pa'i dbyangs kyis legs par bzlas rnams gang na zhig/ 'phags pa 'jig rten dbang pos dpyad pa'ang na zhig/ long ba rig pa ngan pa bdag kyang gang na ste// de yis bkod pa'i cha la yang dag 'bad byas te// 'on kyang spyan ras gzigs dbang thugs rje'i zho sha yis// drangs bzhin pa yis de nas 'jig rten 'bad pa yis// dpyad pa de rnams dag gis dri ma med 'od kyi// rgyud la 'jug pa la ni bshad sbyar rnam par bsgrub// 'dir dang por re shig 'phags pa spyan ras gzigs dbang phyug gi sprul pa'i sku/ sa'i bdag po pad+ma dkar po bcom ldan 'das kyis nyung ngu'i rgyud kyi rgya cher 'grel pa dri ma med pa'i 'od rtsom bzhin pas// bdud dang bgegs mtha' dag rnam par zhig pa'i don dang / rab tu gsal ba'i rdo rje'i gnas rgyud kyi gsang chen las shin tu gsang chen rdo rje'i rnal 'byor ma lus pa rtogs pa'i don du/ mchog tu 'dod pa'i lha la phyag 'tshal ba gsungs pa// dpal ldan dus 'khor la phyag 'tshal zhes pa rgyas par ro// dpal gnyis su med pa'i ye shes kyis nye bar mtshon pa ni bcom ldan 'das dus kyis 'khor lo ste// dus ni mchog tu mi 'gyur ba'i bde ba chen po'i skad cig yin la// des bskyed pa'i sgrib pa med pa'i phung po dang // khams la sogs pa 'khor lo ste/ gang gi sku 'di yin pa

  3. 26a

    ni dus kyi 'khor lo'o// de la phyag 'tshal bar gyur cig ces pa'o// stong nyid snying rje'i bdag nyid can zhes pa 'dir 'das pa dang / ma 'ongs pa'i shes bya ni stong pa yin la// de mthong ba ni/ dngos po ste stong banyid rnam pa thams cad mchog dang ldan pa'i shes rab po zhes pa'o// 'dir phung po rnam par dpyad pa'i stong pa nyid ni ma yin te/ de gsungs pa/ phung po rnams dpyad stong pa rnam/ chu shing ji bzhin snying po med/ rnam pa thams cad mchog ldan pa'i// stong nyid de ltar 'gyur ma yin// skyes pa med pa 'gag med pa'i// shes bya gang zhig 'dir mthong ba'i// stong pa'i dngos po'i stong pa zhid// phung po rnam rnam dpyad pa min zhes so// kaM bde ba 'gog par byed pas na snying rje ste// ye shes 'gyur ba med pa'i thabs// mngon par shes pa drag can no// zhes pa'o// srid gsum skye dang 'jig pa med// shes dang shes bya gcig pa'i sku// zhes pa srid pa gsum 'dod pa dang // gzugs dang gzugs med pa'i khams lus dang ngag dang / yid kyi skye ba dang 'jig pa srid pa dang rtsa ngan las 'das pa yin la// ye shes de la ni med de cha bcu drug gcig pa nyid kyi phyir cha bcu drug pa cha med pa nyid las so// de nyid kyi phyir gsungs pa/ yang yang gtsug gtor dum du phyar ba/ slar yang rdo rje nor bur rdzogs// de chags bral las cha nyams pa// lus can ye shes nyams pa min zhes so// de la gang la dngos po ste/ yod pa nyid med pa de skad cig gcig gis mngon par byang chub pa nyid kyi phyir 'dod pa'i srid pa la sogs pa la gnas pa ma yin/ 'dod pa'i mya ngan las 'das pa la sogs pa la mi gnas/ srid pa dang mya ngan las 'das pa dag la mi gnas te phan tshun 'gal ba'i

  4. 26b

    phyir la/ 'di dag gi phyi rol yang ma yin te/ gtsub shing gtsubs pa las me bzhin 'dod chags chen po'i bdag nyid bcom ldan 'das so// 'dir shes pa ni sgrib pa thams cad dang bral ba'i mchog tu mi 'gyur ba'i skad cig ste/ shes bya yang khams gsum pa'i dngos po mtha' yas pa mthong ba yin la/ de kho na nyid du rgyu dang 'bras bu dbyer med pa'i phyir 'di dag gcig pa nyid gnyis su med pa 'di'i sku ste/ de ni cha 'gyur ba med pa'i mtshan nyid do// zhes pa'o// rtsa ba'i rgyud du yang / kun nas phyag dang zhabs la sogs/ kun nas spyan dang dbu dang nal/ kun nas d+mo ldan 'jig rten du/ thams cad zab par byas te gnas shes so// tshigs su bcad pa byed kyis phyi nas khyab par gyi bsgrub ste/ de'i phyir tshig bzhi rnams kyis sra bzhi'i bdag nyid bcom ldan 'das brjod par bya ba yin la// 'di 'arjod par byed pa yang po ti dang gzhung dang / don dang rtogs pa'i dbye bas rnam pa bkri'o// sdug 'tshal ba yang rims pas shes b+ha ste/ dza skad du/ sras gyi skye bo ngasan pa dang / lag pa sgyur bas dang / pus mo'i lha nga sa la son pas dang / ngag gis gzung thog pa dang / yid kyi don bsgom pa dang / ye shes kyi don rtogs pa'o zhes rjod par byed pa rgyud kyi rgyal po ste/ gang zhig phyir bcom ldan 'das brjod par bya ba dang / rjod par byed pa'i ngo bo nyid kyis gnas pa nyid kyi phyir ngo zhes pa'o// brjod par bya ba la ni ji sad du/ dkyil 'khor bcu rnams gcig tu byed// gcig tu byas pa'i phyir mi 'gro ba las sems nor bu dang pad+ma 'dzin/ gzung ba byen du drangs pa las dri ma med pa nyid thob pa'o zhes so// rdo rje tshig 'di gsal bar byed

  5. 27a

    pa'i ngag kyang ji skad du/ dkyil 'khor bcu po yang dag sbyor// mgo bor thal sbyar phyag 'tshal ba'o// rdo rje thal mo 'di yi ming // gzhan pa phyag rgya'i dbang po zhes so// rtsa ba'i rgyud du yang / sor mo rnams ni phan tshun du// dkyil 'khor bcu po yang dag sbyor// spyi bor lag pa'i mthil sbyar dag/ rtse gcig de ni gri gug go// zhes so// 'o na gang dus kyi 'khor lo de kho na stong pa nyid dang snying rje'i bdag nyid do// zhes pa de'i phyir ming gnyis dag gis dngos po gcig rtogs par byed pa'i phyir na/ stong nyid snying rje'i bdag nyid can zhes zlos pa 'di ci'i don du gsungs zhe na bden mod/ dbugs dbyung ba 'jug pa'i rgyun mtshan mo dang / nyin mo la sogs pa'i mtshan nyid can sems can rnams kyi skye ba dang / 'jig pa'i rgyur gyur pa gzhan yang dus kyi 'khor lo ste/ de yang mu stegs pa rnams kyis rtags pa nyid du yongs su brtags pa'i phyir na zlos pa gsungs pa'o// 'di kho na ci'i phyir mi 'gyur zhe na/ gang gi phyir bcom ldan 'das dus kyi 'khor lo ni dbugs dbyung ba dang 'jug pa'i rgyun mtshan nyin mo la sogs pa 'gog pa'i mtshan nyid can skye ba dang 'jig pa med pa'i phyir/ rnal 'byor rnams la thar pa ster brtag pa nyid la sogs pa'i skyon dang bral ba'o// ji skad du dus kyi 'khor lo 'dir bshad pa/ rnal 'byor pa la thar pa ste/ 'di nyid sgrub par byed pa ni/ bsam med snang ba rnams kyis bya zhes rgyas par ro// de'i phyir mchog ster ba po nyid dang / skyon gsal ba yang ngo zhes pa'o// 'o na gang stong pa nyid dang snying rje'i bdag nyid de kho na srid pa gsum gyi skye ba dang 'jig pa med pa yin pas zlos pa ci'i don du gsungs shes na bden mod/ khyab 'jug

  6. 27b

    dang dbang phyug dang / dbyig gis snying po la sogs pa lha gzhan rnams kyang rtag pa nyid du mu stegs pa rnams kyis yongs su brtags shing / nyan thos pa'i sangs rgyas rnams kyis kyang thams cad chad pas sgron ma lta bu'i mya ngan las 'das pa smra ste/ de'i phyir de'i chos nyid pa'i tshad du srid gsum skye dang 'jig pa med ces zlos pa gsungs so// 'di kho na ci'i phyir mi 'gyur zhe na/ gang gis phyir khyab 'jug dang dbang phyug dang dbyigs gi snying po la sogs pa lha rnams 'dod chags la sogs pa'i nyon mongs pa yod pa'i phyir 'khor ba pa dang / chags pa dang bral ba dang ldan pa'i phyir nyan thos pa'i sangs rgyas rnams mya ngan las 'das pa sngon du byed pa yin la/ bcom ldan 'das dpal dus kyi 'khor lo ni chags pa dang chags pa med pa'i mthar son pa nyid kyi phyir/ srid pa dang mya ngan las 'das pa la mi gnas pa'o zhes pa'o// 'o na gang dus kyi 'khor lo de kho na shes pa dang shes bya gcig pa'i sku can yin pas/ ci'i don du shes dang shes bya gcig pa'i sku zhes zlos pa gsung she na 'di bden mod/ 'on kyang gzhan sangs rgyas pa g.yo can par shes par smra ba dang / mdo sde pa bsam pa shin tu rags pa rnams kyang yod la de rnams yan lag dang yan lag can rnams kyi dngos pos rdul phra rab rnams dang bral bar 'dod mod/ rnam par shes pa'i chos nyid las ma 'das par rnam par shes par smra ba rnams 'jug cing mdo sde rnams ni rdul phra rab rnams sbyor bar 'dod pas shes bya dang shes pa tha dad par khas len to// zhes pa'o// de'i phyir de'i 'dod pa bsal ba'i don du shes dang shes bya gcig pa'i sku zhes zlos pa gsungs so// de'i lugs nyid ci'i

  7. 28a

    phyir mi 'gyur zhe na/ gang gi phyir ldan pa dang bral ba ni rtag pa la sogs pa'i skyon dang bcas pa ste/ bcom ldan 'das kyis rtsa ba'i rgyud du gsungs pa/ pra rab rdul rnams ldan pa min// thams cad chen rtag par 'gyur// phra rab rdul rnams bral ba min// thams cad tshen mi rtag 'gyur// dngos po rtag tu mi rtag min// pra rab rdul chas bye ba las// yan lag yod dang yan lag med// ces pa phyogs yongs 'dzin pa las// rnam par shes dang tshangs smra ba'i// g.yo can rnams kyis 'chad par byed// bde gshegs rgyal ba'i tshul la phyogs// gnyis spangs de rnams bsngags par 'os// rtag dang mi rtag 'dzin spangs pa// bden gnyis tshul la gnas pa rnams// bden pa gnyis la brten byas nas// sangs rgyas rnams kyis chos bstan pa/ slob dpon gang rnams byed de rnams// sangs rgyas pa gzhan mu stegs can zhes so// de'i phyir stong pa nyid dang snying rje'i bdag nyid rnam par dag pa'i sems shes bya ba dang ldan pa'o// de gzugs ldan 'das shes dang shes bya gcig pa'i sku can no zhes pa'o// de ltar rnam par shes pa'i sgrib pa rnam par dag pas stong pa chen po yi ge lnga'i rdo rje'i stong pa dang po rnam par shes pa 'gog pa'i mtshan nyid can de rnam par shes pa'i chos nid las 'das pa nyid kyi phyir/ de rnam par shes pa gzhan no zhes gsungs pa'i phyir ro// de'i rigs su skyes pa nam mkha' la sogs pa'i

  8. 28b

    khams dang dbang po rnams kyi yang 'das pa nyid do zhes so// de'i phyir thams cad nye bar 'dus pa'i rnam par shes par bya ba med pa kho na'o// de'i phyir yi ge so so'i ming gis sku bzhi'i bdag zhing can phyag gis 'os mchog rab bla ma bsal ba kho na'o// gang gsung bar 'gyur ba/ kA sogs yi ge rnams kyis de bzhin gshegs pa rnams kyis/ dang po'i sangs rgyas rigs med gang sprul pa dang / longs spyod rdzogs pa bzang po'i chos dang dag pa ste/ sku bzhi gsungs pa de la spyi bos rab btud nas// zhes pa gnas pa'o// // da ni 'du byed 'gog pa'i mtshan nyid can gzhan de rnams 'du byed rnams so shes pa'i gsung dang / rlung la sogs pa'i khams dang dbang po rnams sgrib pa med pa nyid las stong pa gnyis pa'i bstod pa gsungs pa/ rnam par bcas kyang zhes pa la sogs pa'o// gang mchog gis dang po'i sangs rgyas bcom ldan 'das mas 'khyud pa de'i sa gnyis su med pa de kho na la phyag 'tshal gyi gzhan la ma yin zhes pa'o// shes rab ma ni gang stong pa nyid do// bcom ldan 'das ma shes pa ma da du / da ma na parnams ba bum dang/ dbang phyug lagags yi na na pa yid dus skad du phyag rgya chen po'i thig ler// ji ltar til son til mar dang // ji ltar shing la son pa'i me// de bzhin chos rnams thams cad la// yang dag gnas kyang mi mthong ba// chos kyi dbyings ni b+ha gar bshad// b+ha ga rin chen za ma tog/ gang phyir dbang phyug sogs yon tan// ldan pa de phyir b+ha gar bshad ces so// ci'i mtshan nyid can zhe na// gsungs pa/ rnam par bcas

  9. 29a

    kyang rnam med do// rnam pa ni 'dzin pa'i rnam pa ste/ 'das pa dang ma 'ongs pa'i don mthong ba'i phyir rgya che ba dang / 'das pa dang ma 'ong ba'i don med pa'i phyir zab pa zhes brjod do// rdo rje gur du yang // dngos dang dngos po med pa dang // gdod nas grol ba'i de bzhin gshegs// gzugs med gzugs dang ldan pa'i mchog/ zab cing rgya che'i gzugs dang ldan zhes so// mchog gis dang po'i sangs rgyas ni// mchog skad cig dang rnam pa lnga dang rnam pa nyi shu dang / sgyu 'phrul dra bas mngon par byang chub pa'i mtshan nyid can mi 'gyur ba'i skad cig ste/ des dang por sangs rgyas pa'o// dang po'i sgra ni dang po dang tha ma med pa brjod par byed pa yin la/ dang po dang tha ma med pa'i phyir dbus med par don gyis bshad do// des na dang po yang 'di yin la sangs rgyas kyang ngo shes pa dang po'i sangs rgyas so// gal te dang por sangs rgyas yin na de'i tshe mtha' dang bar du sangs rgyas nyid med par 'gyur ro zhe na/ de ltar yang ma yin te gang gi phyir 'di ni dus gsum ban gyi N+DI shes pa'o// sgyu phrul dru ba yang / sangs rgyas phyogam pa ma med// dang bu'i sangs rgyas rigs med pa// yaM shes mig cig dri ma med// ye shes lus can gshegs// zhes so// bshad pa 'di yi ge la gnas pa ma yin no zhes kyang bsam par mi bya ste/ gang gi phyir sgra dang bzang por smra ba'i lugs la yang / an+tat+pa t+ya nu kul mo na ya zhes pa la sogs pa rnams su sgra brjod pa las mchog sbyin pa mi gtsang bar 'gyur ba de brda phyin ci log pa ste/ ji skad du/ rigs med mtha' dag gzugs las te// thod pa cha yis chog

  10. 29b

    pa nyid/ ces so// rnam pa dang bcas pa zhid kyi phyir dang // rnam pa med pa nyid kyi phyir zhes bya ma lus pa mthong ba las sangs rgyas so zhes rim pa kho nas so// kye'i rdo rjer yang / dngos dang dngos po med pang / dngos po rtogs phyir sangs rgyas nga zhes so// mchog gi dang po'i sangs rgyas shes pa rnams dbye med pa'i tshig go/ yang na bcom ldan zhes pa 'di dang khyad par gyis bsdu ba'o// de nyid kyi phyir mun pa'i gnas skabs dang bral bas kun mkhyen no// de gsungs pa/ sad pa'i skabs song sangs rgyas te// thams cad mkhyen pa zhes bsgrags pa// thams cad rig cing nges grol ba// mun pa'i skabs song med pa'o zhes so// bcom ldan 'das shes pa khams drug rnam par dag pa nyid kyi phyir dbang phyug la sogs pa'i yon tan gyi mtshan nyid kyi b+ha ga 'di la yod pas na'o// rtsa ba'i rgyud du yang dbang phyug dang ni gzugs bzangs dang // dpal dang grags dang ye shes dang // brtson 'grus phun sum tshogs pa ste// drug rnams b+ha ga zhes par bshad// sum cu rtsa drug khams dag pa// sa sogs rdo rje btsun mo rnams// de yi yon tan dbang phyug sogs// drug po de rnams b+ha gar bsgrags// zhes so// kyai rdo rjer yang / 'joms byed b+ha ga zhes bya ste/ bdud dang nyon mong dgra 'joms phyir// shes rab kyis gzhom nyon mongs te// de phyir shes rab b+ha gar brjod ces so// skye 'jig spangs pa zhes pa skye ba dang // 'jig pa dag ni dkar po dang nag po'i phyogs dag ste/ de dag gis rdo rje la mi gnas pa lhan cig skyes pa'i sku cha bcu drug pa ma ning zhes so// gang ye shes kyi le'ur gsung bar 'gyur ba/ 'dir

  11. 30a

    shes rab ni cha bco lnga'i bdag nyid dkar po'i phyogs so// nag po'i phyogs zla ba'i cha nams pa ni thabs so// de bzhin du dkar po mtshan mo'o// nag po zhin mo'o// de'i phyir lhan cig skyes pa'i sku ni/ shes rab ma yin thabs kyang min pa 'di ni sangs rgyas rnams kyi lhan cig skyes pa'i sku ste/ de ltar yod pa dkar po'i phyogs ma yin no// med pa ste cha'i dngos po med pa nag po'i phyogs ma yin no// yod med min te 'di dag phan tshun 'gal ba'i phyir tshogs pa med do// gnyis ka'i bdag nyid min pa'ang min zhes pa dkar po dang nag po'i phyogs 'di/ dag ma gtogs pa lhan cig skyes pa'i bde ba de ma yin no// de ltar mtha' bzhi yongs su dag pa'i cha bcu drug pa stong pa nyid kyi chos can te lhan cig skyes pa'i sku ru brjod de/ rnal 'byor pa rnams kyi bzhi pa zad pa las rgyu mthun pa'o// de ltar na ma ning ngo zhes grub po zhes so// rtsa ba'i rgyud du yang / skye ba dang 'jig pa dkar po dang // nag po'i phyogs de rab gnas pa'o// de dag dbus su gang ba gang // gang ba de ni mi gnas nyid ces so// 'gyur med bde ba zhes pa nor bu dang pad+ma las 'gyur ba med pas na 'gyur med de 'dis bde ba zhes pa byang chub kyi sems rnams 'gyur med pa gang gi yin pa zhes pa'o// dgod pa la sogs bde ba spangs pa zhes dgod pa kho na bde ba gang gi dang po yin la// bde ba kho na bde ba nyid de/ sogs pa'i sgra las lta ba dang 'khyud pa dang / lag bcangs dang gnyis sbyor du brjod pa ste de spangs pa zhes pa'o// 'o na mi 'gyur ba'i bde ba kho nas chog pa ma yin nam/ dgod pa la sogs pa bde ba spangs zhes zlos pa gsungs pa ci'i don zhe na/ bden mod de/

  12. 30b

    na nyid ma yin pa la de kho na zhid du mngon par nga rgyal ba bsal ba'i don du ste/ gzhan du na lha la yod pa'i bde ba yang de kho na nyid du 'gyur ro// rtsa ba'i rgyud du gsungs pa/ dbang po gzhis skyes bde ba lha// chags can rnams kyi de nyid bshad// 'jig rten gsum spyod las grol ba// 'gyur med bde ba sangs rgyas kyi'o// gdod dang lha la sogs las grol// gzhis sbyor thams cad rnam par spangs// rgyu dang 'bras las nges grol ba// 'jig rten gsum snang gnyis su med// ces so// sangs rgyas rnams kyis skyed mdzad ces pa sangs rgyas rnams te phung po lnga rnams 'dod chags chen po'i/ mis 'khor ba'i bag chags kyi dri ma dang bral bar byed pa'i phyir skyed byed skye dgu'i bdag po ste/ gti mug rnams g.yo ba med pa'i ro'i khams ltar ro zhes pa'o// sku gsum rnams dang ldan pa zhes pa chos kyi sku la sogs pa rnams dang ldan pa'o// 'o na ye shes kyi sku sangs rgyas bcom ldan 'das rnam par shes pa'i chos nyid las 'das pa nyid kyi phyir/ sems la sogs pa'i chos dang bral ba rnam par rtog pa med pa ste/ rnam par shes pa'i chos nyid 'das// ye shes gnyis med tshul 'chang ba zhes gsungs pa'i phyir ro// de ltar chos can med na chos rnams skye ba mi rigs pa'i phyir gzhan gyi don byed pa po nyid kyang med do// chos kyi sku la sogs rnams kyis gzhan gyi don byed pa yang ma yin te/ de rnams 'dzin pa la sogs pa'i bye brag gis so sor snang ba'i phyir rnam par rtog pa dang bcas pa nyid do// rnam par rtog pa med pa dang / rnam par rtog dang bcas pa dag lhan cig pa nyid ces bya ba yang ma yin zhing / lhan cig pa nyid med na sku gsum dang ldan

  13. 31a

    zhes ji ltar brjod ce na/ bden par brjod mod/ bcom ldan 'das kyi ye shes kyi sku de kho na sngon gyi smon lam gyi 'phen pa'i dbang gis dge ba yongs su smin pa'i sems can gyi bsam pa'i snang ba las rnam pa bzhir rigs kyang rnam par rtog pa med pa'i tshul gyis yid bzhin gyis nor bu ltar 'gro ba'i don byed pa'o zhes pa'o gang ye shes kyi le'ur gsung bar 'gyur ba/ gzhan don phun sum tshogs pa'i ched du gnyid 'thug po'i gnas skabs zad pa las chos kyi skur gyur pa ste/ de yang shes rab thabs kyi rang bzhin mun pa nges par bral ba ye shes rnam par shes pa'i dbye ba las/ shes pa la 'dir ye shes ni rnal 'byor pa'i 'dzin pa'i sems so// rnam par shes pa ni gzhan gyi sems shes pa bzung bar bya ba shes bya'i mtshan nyid can no// de ltar 'dzin pa'i sems ni rnal 'byor pa rnams kyi shes rab ste/ rtog pa dang bral ba nyid kyi phyir ro// thabs kyi sems ni yongs su brtags pa ste snying rje'i mtshan nyid can no// des na 'dzin pa dang gzung ba'i dbye bas shes rab dang thabs kyi rang bzhin gzhan gyi don byed pa po ni chos kyi sku'o// de yang lhan cig skyes pa las byung ba'o zhes pa'o// de ltar lte bar rgyu mthun pa lhan cig skyes pa'o// snang ga chos kyi 'khor lor rnam par smin pa'o// de 'di ste chos kyi sku ni longs spyod rdzogs pa'i sku ste/ gzhan don phun sum tshogs pa'i ched du sgra brnyan lta bur sems can du ma'i don mdzad pa'o// 'dir lha'i mig gis gang 'das pa dang / ma 'ongs pa'i gzugs mthong ba ni gzugs brnyan gyi rnam pa shin tu dang bar te/ der sgra gang nges par rgyu ba de sgra brnyan no// longs spyod

  14. 31b

    rdzogs pa'i sku ni shes rab dang thabs kyi ngo bo ste/ lha'i rnabs lha'i rnam par shes pa ni 'dzin pa'o// sgra brnyan ni bzung bar bya'o// de na 'das pa dang ma 'ongs pa'i dus dang grangs mkhyen te// bskal pa che ge mo la dang / dus bzhi che ge mo dang / lo che ge mo dang / zla ba che ge mo dang / phyogs che ge mo dang / zhin zhag che ge mo la sogs pa la che ge mo byung bar gyur to// che ge mo 'byung bar 'gyur ro zhes pa'o// de na sems can rnams gdul bar bya'o// zhes pa ste/ rmi lam gyis gnas skabs zad pa la mgrin par skyes bu byed pa longs spyod rdzogs pa'i sku ste steng du khu bas so// sems can rnams ni smin pa'i rgyu ru slar yang longs spyod rdzogs pa'i sku 'di ni sprul pa'i sku ru 'gyur te/ shes rab thabs kyi bdag nyid do// gcig yin yang sems can rnams la sprul pa sna tshogs ston pas du ma'o// de ltar gcig dang du mar dag sbyor ba ni don dam par te/ shes rab dang thabs so// kun rdzob tu ni gcig dang du mar 'gal ba'o// de yang sad pa'i gan+da skabs zad pa las dpral bar dri ma med par sprul pa'i sku gzugs ma lus pa ston pa'o// nor bu chen po rin chen tog ces pa'o// de ltar lhan cig skyes pa gcig po de kho na chos dang longs spyod rdzogs pa dang sprul pa'o zhes pa rnam pa bzhi'o zhes so// dus gsum pa yang dag rig ces pa dus gsum la yod pa dus gsum pa yin la/ de yang dag par rig pa ste/ rang bzhin gyi sems can gyi rnam par rtog pa skye mched drug rig pa'i phyir ro// rtsa ba'i rgyud du gsungs pa/ rang gi sems dang gzhan sems kyi// gzhan dag skye mched gang gi phyir// pha rol sems kyi rnam rtog gang // skye

  15. 32a

    mched drug gi mtshan zhid can// bdag gi sems kyi rnam rtog gang // skye mched drug gi mtshan nyid do// kun mkhyen shes pa 'dzin byed de// byung dang 'byung 'os bsgribs pa'o// zhes so// de ni tshor ba 'gog pa'i mtshan nyid can gzhan 'di ni tshor ba'o// zhes gsungs pa las me'i khams dang / dbang po la sogs pa rnams sgrib pa med pa nyid ces pa stong pa gsum pa bden don rnam pa bcu gzhis dang / de kho na nyid rnam pa bcu drug rig pa la bstod pa gsungs pa/ sangs rgyas shes pa la sogs pa'o// sangs rgyas dus kyi 'khor lo la phyag 'tshal nas 'grel bshad de pad+ma dkar po bdag gis ni bri bar bya'o// zhes 'chad par 'gyur ba dang spel lo// dus ni 'dir srog chen po ste de yang lus dang ngag dang sems rnam par dag pas rim pas g.yon pa dang g.yas pa dang / a ba d+hU tI du 'gyur ba'i dbugs yongs su rdzogs par rgyur byas nas grub pa'o// des bcu gnyis rnam par dag pas 'phro ba bcu gnyis kyi dbugs 'gags pa 'khor lo zhes pa'o// rtsa ba'i rgyud du gsungs pa// dus chen po ni srog chen po// 'bras bu'i dbugs bgrod zad pa las// stong phrag nyi shu rtsa gcig dang // brgya phrag drug gi dbugs rnams te// srid pa gsum du dbugs 'khor lo// 'di ni dus kyi 'khor lor bshad// ces so// de nyid kyi phyir sangs rgyas shes pa skad cig gcig gis mngon par byang chub pa skad cig thams cad rnam par 'byed pa ste/ dbugs kyi grangs kyi mtha' zhes ji srid pa'o// gang du stong phrag nyi shu rtsa gcig dang / brgya phrag drug mchog tu mi 'gyur ba'i bde ba'i skad cig tu rdzogs pa na mngon par byang chub pa ste/ skad cig de nas chos rnams thams cad skye ba med pa gnas pa med pa

  16. 32b

    'jig pa med pa'o// de'i phyir gcig dang du ma'i skad cig dang bral ba rigs med pa lhan cig skyes pa'i dga' ba lhan cig skyes pa'i sku yin la de la zhes pa'o// seng ge'i khrir bzhugs shes pa seng ge'i khri nam mkha'i khams rnam pa thams cad pa'i rin po ches brgyan pa shes rab kyi gzugs te// de la byang chub kyi sems mi 'gyur ba'i tshul gyis bzhugs pa'o zhes pa'o// srid pa gsum gyis mchod ces pa dgod pa la sogs pa dang bral ba'i phyir/ srid pa gsum ste lus dang ngag dang sems rnams kyis mchod pa ste/ rdo rje nor bu las gyen du shes rab kyi ye shes kyi stobs kyis bkug nas spyi gtsug tu 'dzin pa'o// de la mchod pa'o zhes pa'o// rdo rje'i rnal 'byor zhes pa rdo rje ste/ ye shes dang sems dang ngag dang lus kyi thig le dbyer med pa rnams kyis dag pa dang / chos dang longs spyod rdzogs pa dang / sprul pa'i sku'i pad+ma rnams su sbyor ba ste de yang dag par 'byor pa zhes pa'o// gcig ste gnyis su med pa de kho na nyid rnam par thar pa bzhi dang tshangs pa'i gnas bzhi rnams dang lhan cig tu 'dres par gyur pa gcig dang du ma'i skad cig dang bral ba'i ye shes so// 'pho ba'i bag chags dang bral ba'i phyir rnam dag pa'o// de kho na nyid re re yang sku'i rab tu dbye ba rnams kyis rnam pa bcu drug tu snang ste gang le'u 'di kho nar gsungs par 'gyur ba/ de las sku'i dga' ba dang gsung gi dga' ba dang thugs kyi dga' ba dang ye shes kyi dga' ba dang / de bzhin du sku'i mchog dga' dang gsung gi mchog dga' dang thugs kyi mchog dga' dang ye shes kyi mchog dga' dang / de bzhin du sku'i khyad par gyi dga' ba dang gsung gi khyad par gyi dga' ba dang thugs kyi khyad par gyi dga' ba dang /

  17. 33a

    ye shes kyi khyad par gyi dga' ba dang / de bzhin du sku'i lhan cig skyes pa'i dga' ba dang gsung gi lhan cig skyes pa'i dga' ba dang / thugs kyi lhan cig skyes pa'i dga' ba dang ye shes kyi lhan cig skyes pa'i dga' ba ste/ de ltar de nyid rnam pa bcu drug gi lhan cig skyes pa'i sku zhes brjod par bya la/ de nas chos kyi sku de nas longs spyod rdzogs pa'i sku dang de nas sprul pa'i sku'o// de bzhin du lhan cig skyes pa'i gsung dang lhan cig skyes pa'i thugs dang lhan cig skyes pa'i ye shes dang / chos kyi gsung dang chos kyi thugs dang chos kyi ye shes dang / longs spyod rdzogs pa'i gsung dang longs spyod rdzogs pa'i thugs dang longs spyod rdzogs pa'i ye shes dang / sprul pa'i gsung dang / sprul pa'i thugs dang sprul pa'i ye shes so shes so// de ltar bcu drug gi sgrib pa zad pa'i phyir rdo rje zla ba dri med 'od ces grub po// de nyid kyi phyir rdo rje zla ba dri med 'od nyidi las srid med srid pa spong ba ste/ srid med mya ngan las 'das pa dang srid pa 'khor ba yin la de dag 'khor ba spro ba'i rgyu can dag ste/ de dag dang bral ba de la'o// de phyir shes dang shes bya gcig gyur te/ shes pa 'khor ba las brgal ba'i mi 'gyur ba dang / shes bya mya ngan las 'das pa'i gzugs te/ de dag gcig tu gyur pa ni rtag pa dang chad pa las nges par grol ba nyid kyi phyir dbyer med pa'i ngo bo'o// de nyid kyi phyir yang dag pa'i sbyor ba'i tshul las rgyal ba mchog gi 'dus pa ste/ sgrib pa med pa'i phung po dang khams dang dbang po la sogs pa rnams kyi tshogs pa'o zhes pa'o// rnam pa bcu gnyis kyi bden don zhes pa la bden don ni de kho na nyid rin po che'o// de yang rnam pa bcu gnyis su dbye lte// ma rig pa la sogs pa yan lag bcu gzhis srog la sogs pa rlung

  18. 33b

    bcu gnyis kyi ngo bo rnams 'gags pa zhes pa'o// rtsa ba'i rgyud du gsungs pa// srog la sogs pa rlung ma dag/ yan lag bcu gnyis rigs byung ba// de rnams khyim du yang dag bshad// de rnams la ni gza' rnams 'byung // rnam pa bcu gnyis 'khor lo 'di// yan lag bcu gnyis srid par bshad// yan lag bcu gnyis 'gags pa yis// 'jig rten 'dren pa rdzogs sangs rgyas shes te// rdo rje nyi ma snang ba che zhes grub bo// byang chub sems shes pa dpal 'dus pa la sogs par yongs su bshad pa ste/ thog ma tha ma med zhi ba// dngos dang dngos med zad pa'i gtso// stong zhing snying rje dbyer med pa// byang chub sems shes bya bar bshad ces so// rgyal ba'i rdo rje'i gnas shes pa rgyal ba ni dus gsum gyi rdzogs pa'i sangs rgyas rnams te/ de rnams kyi rdo rje ni dbyer med pa'i ye shes bde ba chen po dang po dang bar dang tha mar dge ba'o// de'i gnas ni gtsug gtor dang / rdo rje nor bu'i pad+mar gnas pa'o// de ltar bden don rnam pa bcu gzhis pa de kho na zhing rnam pa bcu drug rig pa/ bcom ldan 'das dpal dus kyi 'khor lo de kho na zhing rin po che ma rig pa la sogs pa'i yan lag 'gags pa las khams bco brgyad kyi rnam pa 'gyur ba dang bral ba/ 'gro ba'i don mdzad pa'o zhes pa'o// 'phags pa rdo rje snying pos// kye'i rdo rjer gang gsungs pa/ rnal 'byor pa rnams la phyi rol gyi gzugs med do// lta ba po med do// mig gi rnam par shes pa med do// de bzhin du sgra med do// zhan pa po med do// rna ba'i rnam par shes pa med do// de bzhin du dri med do// mnon pa po med do// sna'i rnam par shes pa med do// de bzhin du ro med do// myong ba po med do// lce'i rnam par shes pa med do// de bzhin reg bya med do// reg pa po med do// lus

  19. 34a

    kyi rnam par shes pa med do// de bzhin du chos med do// shes pa po med do// yid kyi rnam par shes pa med do zhes pa'o// de bzhin du mig la sogs pa rnams kyang yod pa ma yin te// de ltar khams bco brgyad la sogs pa dang bral ba'i de kho na nyidi rin po che rnal 'byor pas ma rig pa la sogs pa 'gog pas bsgom par bya'o// ji skad du 'bum phrag lnga pa mngon par brjod par// 'gyur ba'i ma rig 'gags pa yis// 'du byed nges par 'gog pa yin// 'du byed nges par 'gags pa yis// rnam par shes pa 'gog pa yin// rnam par shes pa 'gags pa yis// ming dang gzugs dag 'gog/ pa'o// ming dang gzugs dag 'gags pa yis// skye mched drug po 'gag pa'o// skye mched po 'gags pa yis// reg pa yang ni 'gog pa'o// reg pa'ang nges par 'gags pa yis// tshor ba nges par 'gog pa'o// tshor ba nges par 'gags pa yis// sred pa yang ni 'gog pa'o// sred pa nges par 'gags pa yis// nye bar len pa 'gog pa yin// nye bar len pa 'gags pa yis// srid pa 'ang nges par 'gags pa yin// srid pa'ang nges par 'gags pa yis// skye ba 'ang nges par 'gags pa yin// skye ba 'ang nges par 'gags pa yi// rga dang 'chi ba 'gags pa'o// phung po khams/ rnams nges 'gags pa// de nyid nye bar zhi bar bshad// de ltar lus 'di 'gags pa yis// srog rlung yang na 'gag pa'o// srog rlung nges par 'gags pa yis// byang chub sems ni 'gags pa'o// byang chub sems ni 'gags pa yis// 'pho ba nges par 'gag pa'o// 'pho ba'i skad cig 'gag pa yis// rnal 'byor pa kun sangs rgyas nyid// de bzhin nyon mongs 'gags pa yis//

  20. 34b

    las rnams dag kyang nges par 'gog/ las rnams nges par 'gags pa yis// sdug bsngal yang ni 'gag par byed// sdug bsngal yang ni 'gags pa yis// de ni nyon mongs skye mi 'gyur// nyon mongs skye ba med pa las// skye ba 'byung bar mi 'gyur ro// de yi skye ba 'byung med par// sdug bsngal yang ni skye mi 'gyur// sdug bsngal med pas rnal 'byor pa// bde ldan sems can don rtog byed ces so// da ni 'du shes 'gog pa'i mtshan nyid can de 'du shes gzhan no zhes pa'i gsung las chu la sogs pa'i khams rnams dang dbang po la sogs pa rnams grib pa med pa nyid ces pa stong pa bzhi pa sku bzhi'i bdag nyid rnam par thar pa bzhi rnam par dag pa/ shes rab dang thabs gnyis su med pa rdo rje bzhi rnam par mdzes pa la bstod pa gsungs pa/ kun mkhyen zhes pa ste/ gang shes rab dang thabs kyi bdag nyid gnyis su med pa rnal 'byor dang po'i sangs rgyas de la phyag 'tshal nas shes pa'o// de yang bcom ldan 'das 'di ni stong pa nyid kyi rnam par thar pas rnam par dag pa ye shes rdo rje shes rab dang / thabs/ kyi bdag nyid lhan cig skyes pa'i sku thams cad shes pa nyid thob pa ni thams cad mkhyen pa ste/ thams cad gzigs pa nyid kyi phyir ro// mtshan ma med pa'i rnam par thar pas rnam par dag pa thugs rdo rje shes rab dang thabs kyi bdag nyid chos kyi sku rnam pa thams cad mkhyen pa nyid brnyes pa ni ye shes sku ste/ mchog tu mi 'gyur ba'i bde bas gnas pa nyid kyi phyir ro// smon pa med pa'i rnam par thar pas rnam par dag pa gsungs/ rdo rje shes rab dang thabs kyis bdag nyid longs spyod pa'i sku lam mkhyen pa nyid brnyes pa ni nyin mor byed pa'i sku ste/ mtha' yas pa mtha' yas pa'i sems can gyi skad rnams kyis

  21. 35a

    dus gcig tu 'jig rten pa dang 'jig rten 'das pa'i chos ston pa po nyid kyi phyir ro// mngon par 'du mi byed pa'i rnam par thar pas rnam par dag pa sku rdo rje shes rab dang thabs kyi bdag nyid sprul pa'i sku lam gyi rnam pa mkhyen pa nyid brnyed pa ni pad+ma'i 'dab ma rgyas pa'i spyan can te/ mtha' yas pa mtha' yas pa'i sprul pa'i sku rnams kyi dus gcig tu rnam pa thams cad pa'i sku'i bkod pa pa spro bar byed pa'i phyir ro// de ltar rnam par thar pa sku gsung thugs chags srid dang 'jig pa song rnams kyi dag pa zhes pa la chags ni 'dir ye shes so// srid pa dang 'dzag pa 'dir spro ba dang sdud pa dag song ba dag ste slar mi ldog pa dag gang rnams la yod pa zhes pa'o// lha mi lha min gyis bstod pa ni khams gsum pas zhabs kyis pad+ma la phyag byas pa zhes pa'i don to// 'o na gang kun mkhyen de khe na da po'i sangs rgyas bcom ldan 'das ma yin nam/ ci'i don du dang po'i sangs rgyas shes slar gsungs she na/ bden mod/ seng ge 'phrog byed la sogs pa'i thams cad mkhyen pa rnams kyang yod do zhes pas// / de'i 'dod pa bsal ba'i ched du ste gang gi phyir de rnams la sems can thams cad kyi skad kyis chos thams cad ston pa po nyid med pa'o// 'o na gang thams cad mkhyen pa de kho na ye shes kyi sku can ma yin na// ci'i phyir ye shes kyi sku zhes zlos pa gsung zhes na/ bden mod gzhan nyan thos dang / rang sangs rgyas rnams kyi yang dag par rdzogs pa'i sangs rgyas nyid bsal ba'i ched du ste gang gi phyir de rnams lhag ma dang / bcas pa'i mya ngan las 'das pa la gnas pa nyid kyi phyir ro// yang dag par rdzogs pa'i sangs rgyas ni lhag ma kun las nges par grol ba nyid kyi phyir ro// lhag ma dang bcas pa dang / lhag ma med pa sgyu 'phrul dra/

  22. 35b

    bar shin tu gsal lo// ji skad du lhag bcas phung po yod na yang // nyon mongs rnams kyis gdung med nyid// lhag med bag chags yod min pas// dri med nam mkha' ji bzhin no// zhes so// 'o na ye shes kyi sku de kho na mi shes pa'i mun pa 'joms pa nyid kyi phyir nyin mor byed pa'i sku ma yin nam/ ci'i don du nyin mor byed pa'i sku zhes zlos pa'i tshig gsung zhe na/ bden mod/ gzhan rnam par shes par smra ba'i sangs rgyas pa rnam par shes pa'i chos nyid la gnas pa nyid kyi phyir ro// ye shes kyi sku nyin mor byed pa'i sku rnam par shes pa'i chos nyid las 'das pa yang dag par rdzogs pa'i sangs rgyas so zhes pa'o// / 'o na gang rgyud du brjod par bya ba'i ye shes kyi sku de gzugs can ma yin la/ gang pad+ma'i 'dab ma rgyas pa'i spyan de gzugs can yin pas 'di 'gal ba'o zhes/ skyon 'di med de 'dir pad+ma'i sgras nges pa'i don/ du nam mkha'i khams brjod la/ pad+ma nam mkha'i khams der pad+ma'i 'dab ma rnams bzhin du rigs brgya rang ba'i ngo bo nyid kyi gnas pa'i sems can rnams so zhes pad+ma'i 'dab ma'o// de rnams kyi mtha' ji srid par bcom ldan 'das gang gis spyan brgya rnams yin pa ni pad+ma 'dab ma rgyas pa'i spyan zhes pa'o// rgyal ba'i bdag po'i lhan cig skyes pa zhes pa rgyal ba rnams kyi bdag po ni khyab par byed pa nyid kyi phyir drug pa ye shes kyi phung po'o// de yang 'di yin la shes rab kyi gzugs dang lhan cig skyes pas na lhan cig skyes pa yang ste/ de'i sku zhes pa khyad par ro// dus gsum pa'i ngo bo 'dzin pa'i phyir chos te rtag pa dang mi rtag pa la sogs pa dang bral ba'o// de'i sku ni phung po zhes pa'o// yang dag par longs spyod par bya bas na longs spyod rdzogs pa ste/ sems can thams cad kyi bdag nyid/

  23. 36a

    do// sprul par bya bas na sprul pa ste rnam pa thams cad mchog dang ldan pa'o zhes pa'o// 'o na sku rnams sgrub par bya ba de rgyal ba rnams sgrub pa pos stong pa nyid kyi ye shes bde ba dam pa sgrub par byed pa rnams kyis shes pa tha dad pa nyid kyis kun mkhyen gyi ye shes kyi sku zhes pa la sogs pa bstan par rigs na/ de ji ltar kun mkhyen ye shes sku zhes brjod/ ji skad du/ gzugs kyi tsho gas pa mtha' yas pa/ bdag gi sprul pa'i sku mchog go/ sgra yi phung po mtha' yas pa// bdag gi longs spyod rdzogs sku mchog/ chos kyi phung po mtha' yas pa// bdag gi chos kyi sku rab bsgrags// bde ba'i phung po mtha' yas pa// bdag gi bde su 'gyur med mchog/ gong bu'i phung po de bzhin sku// yang dag bsags par yongs su bsgrags// gang phyir sku rnams bsgrub bya sku'i sems can kun mgu sgrub byed pa'i// stong nyid ye shes bde dam pas// sgrub po rgyal ba min par 'gyur// da se bas// shes so zhe na/ bden pa brjod mod/ bsgrub par bya ba rnams dang sgrub pa po rnams dang sgrub par byed pa rnams gcig nyid gzhan nyid ma yin no// de med par 'di dang 'di de ma yin no zhes pa de ltar mi 'gyur ro// gal te bsgrub par bya ba la sogs pa rnams gcig pa nyid na de'i tshe su zhig ci yis ci zhig sgrub par byed/ 'on te gzhan nyid na de'i tshe su zhig gi ci zhig ci zhig gis 'bras bur 'gyur zhes pa'i don to// bde ba chen po'i sku la sogs pa bsgrub par bya ba yang ma yin te/ sgrib pa thams cad dang bral ba med par sangs rgyas ma yin la/ sangs rgyas med na bde ba chen po'i sku la sogs pa bsgrub par bya'o// zhes pa'i nges pa med pa'i phyir kun mkhyen ye shes sku zhes pa yang 'gyur ro// sku rnams

  24. 36b

    kyi mtshan nyid ni sgrub thabs kyi le'ur gang gsungs par 'gyur ba/ rnam pa thams cad mchog ldan pa'i// su ni rang rang bsam pa yis// mos pa sna tshogs sems can gyis// mthong ba sprul pa'i mtshan nyid do// sku gang sems can kun gyis spras// sems can bsam pa'i dbang rnams kyis// bdag gis rdzu 'phrul gsal byed 'di// longs spyod rdzogs pa'i mtshan nyid do// mi rtag pa min rtag pa'ang min// gcig min du ma'i mtshan nyid min// dngos min dngos po med pa'ang min// 'di ni rten bral chos sku'o// stong nyid snying rje dbyer med cing // chags dang chags bral rnam par spangs// shes rab ma yin thabs kyang min// 'di ni ngo bo nyid sku gzhan zhes so// da ni gzhan de ni gzugs so zhes gsungs pa'i phyir/ gzugs 'gog pa'i mtshan nyid can sa la sogs pa'i khams dang dbang po rnams dang / de'i rigs can rnams kyang sgrib pa med pa nyid ces pa stong pa lnga pa sru bzhi'i bdag nyid tshangs pa'i gnas bzhi dang / rnam par thar pa bzhi gcig tu 'dres par gyur pa/ bde ba bzhis rab tu phye ba byang chub kyi sems zhes bya ba la tshigs su bcad pa bzhis bstod pa gsungs pa/ stong nyid ces pa la sogs pa'o// gang shes rab thabs bdag nyid rnal 'byor byang chub sems zhes bya ba de la phyag 'tshal nas zhes pa'o// rnal 'byor de rdo rje'i rnal 'byor dang / shes rab thabs bdag nyid ces pa so sor 'brel par bya'o// rang bzhin ni med las stong pa'o// de mthong ba ni stong pa nyid do// de yis nye bar mtshon pa'i ye shes ni stong pa nyid kyi rnam par thar pa zhes pa'o// de bzhin du smon pa med pa la sogs pa rnams la yang ngo // des yang dag par dag pa bzhi pa zad pa'i phyir 'gyur ba med pa bde ba chen po rang gi don phun sum tshogs pa snying rje'i

  25. 37a

    mtshan nyid can te/ dbang po las skyes pa'i ye shes ni ma yin no zhes pa ye shes rdo rje'o// rnam dag ces pa rnam par dbye ba'i tshig go/ de kho na lhan cig skyes pa'i sku shes rab dang thabs kyi bdag nyid rnam par dag pa'i rnal 'byor pa'o// mtshan ma ni sangs rgyas so byang chub po zhes pa la sogs pa'i rnam par rtog pa'i sems te rgyu'o// stong pa nyid yin pa'i phyir rgyu med pa de'i phyir gang la mtshan ma med pa de mtshan ma med pa'i ye shes dang mtshan ma med pa'i rnam par thar pa'o// des yang dag par dag pa gnyid 'thug po zad pa las gnyis med de rtag pa dang mi rtag pa la sogs pa gnyis dang bral ba byams pa'i bdag nyid 'gro ba'i don mdzad pa/ rnam par rtog pa med pa gcig tu sems zhes pa thugs rdo rje'o// de kho na chos kyi sku shes rab dang thabs kyi bdag nyid chos kyi rnal 'byor zhes brjod do// mtshan ma med pa nyid kyi phyir rtog pa med la rtog pa med pa'i phyir ro// smon pa ste smon lam bdag sangs rgyas su 'gyur bar bya'o zhes pa la sogs pa gang la med pa de smon pa med pa'i rnam par thar pa ste/ des dag pa rmi lam zad pa'i phyir mi zad pa ste/ gzhom du med pa'i sgra sems can thams cad kyi skad kyi bdag nyid kyi bde ba'i sngags 'ga' ba'i mtshan nyid can te/ sems can thams cad kyi skad rnams kyis sems can rnams dga' bar mdzad pa'i phyir dang / yid skyob par gyur pa nyid kyi phyir la tha snyad tsam gyi bdag nyid ma yin te/ de ni nyi tshe ba nyid kyi phyir dang yul chung ba nyid kyi phyir ro zhes pa ste/ ngag rnams kyi gsung rdo rje'o// de kho na longs spyod rdzogs pa'i su shes rab dang thabs kyi bdag nyid gsang sngags kyi rnal 'byor zhes pa'o// smon pa med pa'i phyir gang la dkar po dang

  26. 37b

    dmar po dang srog dang thur sel dang rnam par shes pa'i mtshan nyid can mngon par 'du byed pa med pa ste/ mngon par 'dus ma byas pa'i rnam par thar pa ste/ des dag pa sad pa'i gnas skabs zad pa las rdzu 'phrul bgrod pa ste/ rdzu 'phrul te nam mkhar 'gro ba la sogs pa'i mtshan nyid can gyis 'gro bar byed pa zhes pa ste/ drag po'i nyams dang chags pa dang zhi ba la sogs pa'i ngo bo nyid kyis dri ma med pa stem 'dres pa'i btang snyoms kyi bdag nyid do// 'o na 'di dri ma med pa nyid du mi rigs te/ drag po dang zhi ba la sogs pa'i gzugs mthong ba'i phyir ro zhe na/ bden de de yang sems can rnams kyi rang gi sems kyi snang ba las te/ gang gsung bar 'gyur ba/ bsod nams ye shes kyi sprul pa zhes pa la sogs pa'o// sku zhes pa rdo rje'o// de kho na sprul pa'i sku shes rab dang thabs kyi bdag nyid dbyibs kyi rnal 'byor zhes pa'o// dbyibs shes pa rnam dbye med pa'i tshig go/ de yang thogs pa med pa mtshan dang dpe byad 'bar ba'o// 'o na bcom ldan 'das kyi sku mtshan ma la sogs pas brgyan par 'gyur mod// thogs pa med par ni ji ltar te/ gang gi/ lha byin gyis rgyogs 'phangs pa'i rdo bas mngon par snang ba las bcom ldan 'das kyi zhabs kyi mthe bong la tshor ba skyed nyid do// zhe na bden mod// 'di ni sprul pa'i sku ma yin gyi 'on kyang sprul pa'i sprul pa ste// 'di yang tshor ba ni las kyi mtha' phul du byung ba bshad pa'i don du bstan pa nyid do// de'i phyir sprul pa'i sku ni thogs pa dang bcas pa ma yin te/ gang gi phyir gzugs kyi phung po 'gag pa'i phyir 'di mi srid do// gang le'u 'di nyid du gsung bar 'gyur ba// de kho na lhan cig skyes pa'i sku stong pa nyid kyi rnam par thar pas rnam par dag pa/ ye shes kyi rdo rje kun mkhyen pa shes rab dang thabs kyi bdag nyid rnam par dag pa'i

  27. 38a

    rnal 'byor ces pa'o// de kho na chos sku mtshan pa med pa'i rnam par thar pas rnam par dag pa thugs rdo rje ye shes kyi sku shes rab dang thabs kyi bdag nyid kyi chos kyi bdag nyid kyi rnal 'byor ces brjod do// de khon longs spyod rdzogs pa'i spyod pa'i sku smon pa med pa'i rnam par thar pas rnam par dag pa gsungs/ rdo rje nyin mar byed pa'i sku shes rab dang thabs kyi bdag nyid sngags kyi rnal 'byor zhes bshad do// de kho na sprul pa'i sku mngon par 'dus ma byas pa'i rnam par thar pas rnam par dag pa/ sra rdo rje pad+ma'i 'dab ma rgyas pa'i spyan shes rab dang thabs kyi bdag nyid dbyibs kyi rnal 'byor ces brjod na/ zhes so// 'on 'byung ba med pa snying rjer 'gyur mod/ snying rje dang ye shes 'gyur ba med pa zhes pa'i gsung las te/ gnyis su med pa dang mi zad pa dang dri ma med pa rnams kyi byams pa dang dga' ba dang btang snyoms shes pa 'di ltar ji ltar zhe na bden mod/ chos thams cad rnam par brtags pa las dang sgrib pa med pa nyid las/ rnam par thar pa dang gnas bzhi gcig tu 'dres par gyur pa gnyis su med pa gsal pabar byas te/ ji skad du stong pa nyid dang mtshan ma med// de bzhin smon pa med dang slar// mngon par 'dus ma byas de rnams// rnam par thar pa bzhi ru bsgrags// snying rje de bzhin byams pa dang // dga' dang de bzhin btang snyoms te// de rnams tshangs pa'i gnas bzhi sde// chos kun yongs su brtags pa las// sgrib pa med pa'i chos kyis ni// de yis gnyis med brtags pa'o zhes so// gnyis su med pa ni tshig gsum po rnams kyis kyang ngo zhes pa'o// bsgrub par bya ba sku bzhi rnams kyi sgrub pa po yang sems dpa' rnam pa bzhi'o// ji skad du/ rdo rje sems dpa' zhes pa ste// rdo rje ni mi byed pa ste// swa dang gsungs dang /

  28. 38b

    thugs kyi bdag nyid ces pa'o// sems dpa' ni srid pa gsum la gcig pa nyid ces pa ste shes bya'o// 'di dag gcig pa nyid mchog tu mi 'gyur ba'o// chen po'i sgras mchog tu mi 'gyur ba ste// des dang/ sa rnams kyis kyang rdzogs pa'i sems dpa' gang yin pa de sems dpa' chen po'o// byang chub stong pa nyid dang snying rje'i bdag nyid rnam par gnas pa'i sems dpa' ni byang chub sems dpa' 'o// dam tshig ni byang chub kyi sems te/ de 'dzag pa med pa sems dpa'i sgras brjod do zhes pa dam tshig sems dpa' 'o// sems dpa' bzhi po 'di rnams kyang rtsa ba'i rgyud du bcom ldan 'das kyis gsungs pa/ ji skad du/ rdo rje mi phyed ces par bshad// 'dir ni don chen bcom ldan 'das// sems dpa' srid pa gsum gcig nyid// mchog tu mi 'gyur bar brjod bya// de bzhin mchog tu mi 'gyur rdzogs// sa rnams kyis ni yongs rdzogs pa// 'dod chags chen po sems dpa' che// sems can thams cad dga' bar byed// byang chub la gnas sems dpa' ni// byang chub sems dpa' mi g.yo des// nyin mongs la sogs zhe sdang tshogs// zhe sdang chen po sgra che ba// dam tshig bdud rtsi khu ba ste// de yi 'dzag med za ba ni// dam tshig sems dpa' tshul 'di yis// gti mug blo yis gti mug sel// zhes so// sgrub pa po bzhi po 'di rnams kyis yang snying po stong pa nyid kyi ye shes 'gyur ba med pa zhes bya ba sgrub par byed par bshad de/ ji skad du de ltar sems dpa' rnam pa bzhi// sku rnams kyi ni sgrub po mchog/ bzhi po rnams kyi snying po gang // stong nyid ye shes mi 'gyur ba'o// zhes so// byang chub kyi sems sngar brjod pa de kho na khyab bdag ste khyab par byed pa'o zhes de bzhin gshegs pa rnams kyis gsungs te/ ji ltar byon pa de ltar gshegs

  29. 39a

    pa ste/ ji skad du/ rtsa ba'i rgyud du 'gyur ba'i tshul gyis gtor nas/ gsang ba'i pad+mar ji ltar 'ongs// gsang las 'gyur med bde bas kyang // gtsug tor pad+mar de bzhin gshegs// zhes so// de yang dngos dang dngos med zad pa ste/ rtag pa dang chad pa las nges par grol ba'o// thog ma tha ma med ces thog ma skye ba dang tha ma 'chi ba ste de dag gang la med pa'o zhes pa'o// de nyid kyi phyir rnam par rtog pa thams cad dang bral ba'i phyir zhi ba zhes pa'o// de ltar rdul phra rab kyi chos nyid las 'das pa me long lta bu la sogs pa ye shes lnga'i bdag nyid rnal 'byor gyis rtog par bya ba stong pa nyid kyi yi ge lnga pa brten pa byang chub kyi sems 'byung ba thams cad pa dus gsum gyi 'jig rten gyi spyod pa las grol ba mchog tu mi 'gyur ba zab cing rgya che ba'i ngo bo rdo rjer rgyal ba rnams kyi gang gsungs pa de kho na rgya cher 'grel pa mdzad// pa ste/ de dang 'di kho na byed ces pa la sogs pa'i khyad par gyi tshig rnams kyis phyag rgya chen po thig ler mngon par gsal bar byas te/ mi phyed rdo rje zhes bshad pa// ye shes lnga yi bdag nyid mchog/ nam mkha' lnga yi nang thim pa// rang nyid nam mkha' lnga lta bu// pad+ma'i snying po'i dbus gnas pa// thig ler zhes bya bgrod pa spangs// 'jig rten pa min kun dga' byed// mchog gi bdud rtsi khyad par 'phags pa// rnam pa kun ldan rnam med pa// de ni rdo rjer yongs su bsgrags zhes so// dpal ldan dri ma med pa'i 'od kyi rgyud la 'jug pa'i bshad sbyar snying po snang bar rdo rje la phyag 'tshal ba'i nges pa ste dang po'o// // da ni ye shes 'gog pa'i mtshan nyid can te ye shes gzhan no zhes pa'i gsung las/ ye shes kyi khams dbang po rnams dang de'i rigs can rnams kyang sgrib pa med pa nyid ces pa thig le stong pa drug

  30. 39b

    pa yi ge drug dang rigs drug rnams gcig pa thig le'i khams chos thams cad kyi gzhi shes rab dang thabs kyi rnal 'byor pa bzhi'i bdag nyid sku bzhi dang rnam pa bcu drug gcig tu 'dres par gyur pa/ sad pa la sogs pa'i gnas skabs 'gog pa'i chos can rdo rje bzhi po sgrib pa dang bral ba kun tu rtog pa thams cad dang bral ba phyag rgya chen po las yang dag par skyes pa/ e baM gi yi ge lhan cig skyes pa rdo rje 'dzin pa la tshigs su bcad pa drug gis bstod pa gsungs pa/ sprul pa zhes pa la sogs pa'o// lhan gcig skyes pa gcig tu de kho na sku bzhi dang dga' ba bzhi sgrib pa med pa'i sbyor ba las rnam pa bcu drug ste ji skad du/ su'i dga' ba 'gog pa las sprul pa'i sku ste ji srid du ye shes kyi lhan cig skyes pa'i ye shes kyi bar du'o zhes so// sbyor ba ni stong pa nyid dang snying rje'i bdag nyid do de'i sdom pa ni 'dus pa ste/ sprul pa la sog pa'i sgra dang gsung dang thugs dang ye shes rnams kyi'o zhes pa'o// 'o na sku bzhi rnams ni rdzogs pa'i sangs rgyas kyis bstan pa rang bzhin gyis don phun sum tshogs pa'i mtshan nyid can shin tu rab tu grags pa ste// de ni sgyu ma lta bu'i dbyibs kyi bdag nyid sprul pa'i sku mtha' yas pa'i rdzu 'phrul gyis sems can 'dun par byed/ 'dun par byas pa'i sems can rnams la rang rang gi mos pa las sna tshogs pa'i skad kyis bdag nyid la longs spyod rdzogs pa'i sku chos ston to// chos bstan pa'i sems can rnams kyi phung po drug gi bdag nyid kyi byang chub kyi phyogs kyi chos sum cu rtsa bdun gyi mtshan nyid can chos kyi sku dngos po dang dngos po med pa la sogs pa bral ba yis rnam par rtog pa'i bag chags kyi dri ma sbyong bar byed la/ rnam par rtog pa'i bag chags kyi dri ma dag pa rnams kyang lhan cig skyes pa'i sku mchog mi 'gyur ba'i bde ba'i mtshan nyid

  31. 40a

    can sems can dang thun mongs ma yin pa 'bras bu'i ngo bo thob par byed pa nyid yang dag par rdzogs pa'i byang chub mngon du byed pa zhes pas sku bzhi la brten mod// rnam pa bcu drug so sor snang ba ji ltar zhe na/ bden mod kun 'byung gi bden pa la brten nas brjod pa ste/ gang na gcig yod pa der bzhi rnams so zhes pas skyon med do// ye shes kyi le'ur gsungs pa/ 'dod pa sprul pa'i sku ni nges par rab tu 'gyur te gang bdag ni de yi gsung nyid do// 'bar ba sprul pa'i thugs te yi mchog gi bde ba byed pa'i ye shes dag ni oM Da DA nyid/ dga' ba longs spyod rdzogs pa'i sku ste mchog dga' dang bcas khyad par dga' ba'i rim pa 'di yis ni/ gsung dang thugs so lhan cig skyes pa'i dga' ba nyid ni bde 'byung 'di yi ye shes rdo rjer 'gyur/ 'dar ba nyid ni srid pa gsum gyis btud pa chos kyi sku ste 'byung ba de'i gsung du 'gyur/ gnyid yur nyid ni chos kyi thugs ste gnyid ni 'di nyid kho na'i ye shes srid pa'i 'jigs 'joms so// yi ge nyid ni dag pa'i sku ste rang bzhin phan pa'i cha dang thig le nA da rim pa yis/ bde 'byung dag pa'i sku yi gsung dang thugs dang ye shes rdo rje rnams gsum srid par gnas pa'o zhes so// phyag rgya chen po'i thig ler yang // sku dang dga' ba 'dar ba dang // zhu dang kun dga' de bzhin no// zhes ni rnal 'byor dang po ste// 'dod pa'i dga' ba'i nges pa'o// gang ba dga' ba de bzhin du// brtan nyid 'byung ba mchog de bzhin// zhes 'di rnal 'byor gnyis pa ste// mchog tu dga' ba'i nges pa'o// / 'bar dang dga' ba thig le dang // gnyid yur zhes khyad par de bzhin zhes// 'di rnal 'byor gsum pa ste// khyad par dga' ba'i nges pa'o// o Da DA dga' b.rA da dang // rang bzhin lhan skyes de bzhin no// zhes

  32. 40b

    'di rnal 'byor bzhi par bshad// lhan skyes zhes pa'i nges pa'o// dga' ba bcu drug bye brag gis// bzhi po gsal bar byed pa nyid// de phyir thig le rim pas 'di'i// gtso bor thams cad slar yang nges// 'dod pa dgra ba der rnams shes// ro ni gang phyir shes rab skyes// de phyir rang gi yid kyang mi// 'khyud par mthong nas grol mi 'gyur// gang tshe bcom ldan shes rab ma// chags pa chen pos gang ba nyid// thob pa de tshe rang nyid ni// dbyer med gang ba las mchog go/ de phyir rtag pa yang dag par// phyi bcas nang ni yun ring bar// 'bar bar byed pa mchog dga' ste// de tshe spyi bo nas 'ju ba'o// 'bar ba thig le gsal 'gyur ba// khyad par dga' ba'i mtshan nyid do// slar yang gang tshe lha mo ni// rang gi bde bas yid 'khrugs pas// yang dag phun tshogs de yi tshe// de ni oM Da DAr 'gugs par byed// de yis bzhi pa rnam gsal te// lhan skyes dga' ba'i mtshan nyid do// de yang o Da DAr bkug rnams kyis// thig le'i gtso bo mthar gnas te// thig le dga' ba sogs dbye bas// lhan skyes gnyid do gzhan pa med// gang zhig sems kyi rang bzhin zhes// de phyir kun tu gnas pa'o// zhes so// 'o na 'di lta bur gyur pa'i lhan cig skyes pa sems can thams cad la yod pa nyid pas sangs rgyas nyid yongs su tshol ba dgos pa med do zhe na/ de'i phyir gsungs pa/ sad pa zhes pa la sogs pa'o// rnam par rtog pa du ma'i dngos po'i 'du shes sad pa'i sems kyis dngos po med pa'i sems ni sprul pa'i sku pad+ma'i 'dab ma rgyas pa'i spyan zhes pa'o// srog gi skyes pa yod pa dang med pa rmi lam gyi sems med pa'i sems ni longs spyod rdzogs pa'i sku nyin mor byed pa'i sku can zhes pa'o// mun pas zil gyis/

  33. 41a

    mnan pa shin tu gnyid log pa'i sems med pa'i sems can ni chos kyi sku ye shes kyi sku zhes pa'o// bzlog par dka' ba'i 'dod chags kyi dri mas gos pa dbang po gnyis kyi bdag nyid bzhi pa sems med pa'i sems ni ngo bo nyid kyi sku thams cad mkhyen pa zhes pa ste/ sku bzhi'i sgrib pa rab tu spangs pa'o// ye shes kyi gnas 'gyur ba'i bde ba'i bzhir gnas pa yang ma yin te/ a ba d+hU ti dbugs 'bab pa med pa'i phyir ro// dkyil 'khor lnga 'gog pa'i bdag nyid ye shes lnga skyes pa'i phyir/ sems kyi gnas nyid du gnyid log pa'i bzhir dang 'pho ba bcu gnyis 'gags pa'i phyir/ ngag gi gnas rang dang gzhan gyi gzhir dang / cha bcu drug gi bsgrib pa zad pa'i phyir lus kyi gnas sad pa'i phyir/ lus kyi gnas sad pa'i bzhir lhan cig skyes pa gnas pa yang ma yin no// 'bras bu dang rgyu'i 'brel pa yang ma yin te/ ji skad du/ las kyi phyag rgya yongs dor zhing / ye shes phyag rgya rnam par spangs zhes so// las kyi phyag rgya ni nu ma dang sgrar ldan pa 'dod pa'i khams kyi bde ba'i rgyu'o// las ni 'o byed pa dang 'khyud pa dang / gsang bar reg pa dang / rdo rje spyod pa la sogs pa'i bya ba'i bdag nyid can no// de yis nye bar mtshon pa'i phyag rgya rtogs pa'i rgyu'o// rtogs pa ni 'dir 'gyur ba'i bde ba'i mtshan nyid do// ye shes kyi phyag rgya rang gi sems kyis yongs su brtags pa dang sngon rjes su nyam pa zhes pa ji srid pa ste/ gzugs kyi khams kyi bde ba'i rgyu'o// ye shes ni sngon dgod dgod pa dang rtse rtse ba la sogs pa bsgom pa'i mtshan nyid can no// rtogs pa ni 'dir g.yo ba'i bde ba'i mtshan nyid can no// 'di nyid kho na mi'i phyugs dpe tsam/

  34. 41b

    la mngon par zhen par 'gyur ba'i bde ba'i bag chags la mngon par dga' ba rnams kyis lhan cig skyes pa'i bde bas sangs rgyas nyid kyi 'bras bu ster ba po brjod do// de'i phyir dga' ba'i don du 'di gsungs so zhes pa'o// gal te de ltar na gang las 'di skye bar 'gyur zhe na/ gsungs pa/ phyag rgya che las yang dag skyes// lhan skyes gzhan dang 'grogs pa min/ zhes so// chen po yang 'di yin la phyag rgya yang ste// 'di'i chen po nyid ni rnam pa thams cad mchog yin pa nyid de nyi tshe ba nyid ma yin no// 'dis byang chub kyi sems rdo rjes rgyas 'debs par byed pas phyag rgya ste/ rtogs pa ni 'dir rang gi sems kyis yongs su brtags pa'i chos dang bral ba du ba la sogs pa sngon ma can rang gi sems kyi so sor snang ba rnal 'byor pas rtogs par bya ba pra phab pa lta bu'o zhes pa'o// 'o na rgyu dang 'bras bu'i dngos po 'brel pa nyid lhan cig skyes par 'gyur la de la de yang skye bo thams cad kyis bde ba chen po nyid du yang dag par myong zhing rjes su myangs pa yang yin no zhe na ma yin te/ de ni bde ba'i 'khor lo nyid kyi phyir dang / ha cang thal ba'i skyon du 'gyur ba nyid kyi phyir cis na lhan cig skyes pa'i bde ba nyid yin zhes pa'o// rang gi lta ba'i 'dod pa 'dor bstan par gsungs pa dbang skyes bde ba de nyid du/ za shal mi rnams smra bar byed// bde ba chen po de nyid du// rgyal ba mchog rnams gsungs ma yin// rten cing 'brel byung las byung ba// gal te bde ba cher 'gyur na// g.yan pa phrugs pa las byung de// ji ltar bde ba chen po min// las kyi phyag rgya g.yo can gdug/ ye shes phyag rgya de bzhin te// rnam par rtog mang dor byas nas// phyag rgya chen po rten par byos// phyag rgya che dang rab 'grogs pas// sangs rgyas rnams kyi mi 'gyur ba de// 'jig

  35. 42a

    rten gsum spyod las grol ba// ji ltar dbang po las skyes 'gyur zhes so// 'o na phyag rgya chen po las skyes pa nyid kyi phyir lhan cig skyes pa dang rgyu dang bcas pa zhid la phyag rgya chen po yang rgya nyid do// de lta na ni gnyis ka yang rgyu dang 'bras bu las ma 'das so// de'i phyir las kyi phyag rgya dang ye shes kyi phyag rgya rgyur 'gyur mod// phyag rgya chen po yang ngo zhes pas khyad par ci zhe na bden te phyag rgya chen po ni pra phab pa'i rang bzhin can zhes pa 'di'i phyir phyag rgya chen po rgyu las skyes pa zhing ma yin la/ phyag rgya chen po las skyes pa ldan du gi skyes par 'dod cing rgya las skyes pa ni ma yin te/ gang gi phyir rgyu phyag rgya chen po ma skyes pa nyid kyi phyir 'bras bu lhan cig skyes pa zhes bya ba yang ji ltar 'dir rgyu las skyes par 'gyur bar 'os shes pa'o// de nyid kyi phyir rgyu dang 'bras bu'i dngos po med pa'i phyir phan tshun gyi phyag rgya yang srid pa ma yin te// 'dir ni shes rab kyi gzugs brnyan phan tshun rgyas btab par de'i tshe 'gyur te gal te skye ba dang 'jig pa'i mtshan nyid can du 'gyur na'o// 'di kho na ci'i phyir mi 'gyur zhes na brjod par bya ste/ dngos po med pa las byung ba'i mtshan nyid can nyid kyi phyir shes rab 'di'i gzugs brnyan ji ltar skye ba yin/ shes bya ma lus pa mthong ba'i phyir ji ltar 'jig pa yin zhes pa'o// gang yang / shes bya ma lus pa mthong ba de'i phyir phyi rol gyi ngo bo las ma yin la de'i phyir/ rang zhing bdag nyid la bya ba 'gal ba'i phyir// ci las phan tshun rgyas btab par 'gyur zhes pa'o// gal te de lta na phyag rgya chen po ma skyes pa nyid kyi phyir 'bras bu yang mi srid pas chos ma skyes pa 'ga' zhig gi yang 'bras bu ci yang sus kyang nyams su myong ba med do zhe na/ bden mod ji ltar ma skyes pa mo gsham gyi bu mo dang/

  36. 42b

    rmi lam gyis dus su yang dag par sbyor ba na bde ba nyams su myong bar 'gyur ba de dang 'dra ba nam mkha' las byung ba'i gzugs bsten pa las/ 'bras bu'i ngo bo lhan cig skyes pa'i bde ba rnal 'byor pa rnams kyis rang rig par 'gyur ba zhid do// shes rab dang thabs kyis dbang po las ma skyes pa phyag rgya chen po las skyes pa nam mkha' lta bu sgrib pa spangs pa// 'byung po thams cad la gnas pa ni de kho na de ma rig pa rnams kyis rig par bya ba ni ma yin no zhes pa'o// dbang mdor bstan par gsungs pa// shes rab rgya las ma byung zhing // shes rab rtul sazung ba 'bras// shes rab rtul pa ma skyes phyir/ shes rab las skyes rgyus skyes min// zhes rgyas par ro// gal te de ltar na dkyil 'khor gyi 'khor lo sogs pa 'di'i rgyur 'gyur ro zhe na gsungs pa/ rnam rtog ces pa'o// rnam rtog bsgom pa ni zla ba dang nyi ma dang / rdo rje yongs su gyur pa la sogs pa'i dkyil 'khor sgom pa yin la/ de las 'das pa ni shin tu rgal ba ste/ nam mkha' las byung ba nyid kyi phyir/ rgyu dang 'bras bu med pa'i phyir phyag rgya chen po mi 'gyur ba shes rab ye shes so// yul dang dbang po dang rnam par shes pa 'gag pa'i phyir bde ba dbang po med pa'o// gzung ba ni phyi rol gyi shes bya yin la de rnam par spangs pa ste/ rdul phra rab kyi chos nyid las 'das pa nyid kyis phyir ro// phyi rol gyi shes bya med pa'i phyir de'i 'dzin pa po rnam par rtog pa'i shes bya med pa'i phyir 'dzin pa rnam par spangs pa'o// de nyid kyi phyir bsgom par bya ba dang sgom pa pa'i rnal 'byor med pas na dbyibs ni mtshan dang dpe byad la sogs pas brgyan pa'i sku yin la de las kyang ngo // bsgom pa dang bral ba'i phyir rtog pa ni brtags pa ste/ de yang skad cig gis rnam pas

  37. 43a

    yongs su rdzogs pa'i yul sogs pa'i mtshan nyid can no// ngag 'das pa'i phyir na brjod pa ni ngag gi bya ba yin la/ de rnams kyis rnam par spangs pa'o zhes pa'o// 'on de ltar sgrib pa thams cad spyas pastan cig skyes pa'i bde ba ni ci'i mtshan nyid can du 'gyur/ dpe thams cad las 'das pa mtshan nyid med pa ni shes par nus pa yang ma yin no// zhes gsungs pa dri bzhes so// ba'i grong cad ni 'brog byed zla ba'i grong nid du rab tu grags so// de yang res 'ga' 'ga' zhig du rdul dang khrag sa dang dubs 'khrugs pa'i de'i mtha' grogs la sogs par so sor snang ba'o// rnam pa dri na'i grong byed kyi rnam pa dang 'dra ba'o zhes pa ste smra pa thams cad pa'i mtshan ni dag sungs so// zabab pa ni khams gsum gyi na can nas mthong ba'i mtshan ni can no// de'i rang bzhin 'dra ba gang gi rang bzhin yin pa zhes pa snyen la 'byor las byung ba'i mtshan nyid gsungs so// dri skad du/ ji ltar zla bab me long la// gzhon rnams mthong gzhi med ste// de bzhin 'das dang ma 'ongs chos// maN+Da' la de nyid rdul 'thod pas// gal te yod pa'i gzugs mthong na// gang gi gdong ba cis mi mthong // gal te med pa'i gzugs mthong na// ri bo'i rin ji ltar min// gzhan cis tshig gis mi mthong zhing // rang gi mig gis mthong min pa// skye ba med pa mthong ba ni// gzhon nu ma ya~M thA dzaM bzhin// zhes te mtshan nyid gnyis su kun rdzob tu'o// bzlog pas ni mtshan nyid med pa khon te/ rang dag par bya ba ni 'din bstan par bya ba dang // ston pa pa dang ston pa las 'das pazhin kyi phyir rozhes pa'o// phyag rgya chen po theg ler yang // kun rdzo rnam pa'i gzugs kyis ni// chu thigs pa ni

  38. 43b

    du yang dag gnas// dam pa'i don du blta ba min// blta min ma yin gnyis ka'ang min// rang gi rig bya mchog zhi ba// dngos dang dngos med zad par byed// de nyid chen po mchog 'di ni// dngos dang dgra med bdag nyid ste// zhes so// 'on de bzhin gshegs pas gsungs pa// phung po dang khams dang skye mched med na/ dbang po gnas sbyor ba dang bral ba/ shes rab ye shes rang rig par bya bar mi 'gyur te/ 'pho ba med pa nyid kyi phyir ro zhes pa ma yin nam/ ji ltar rnal 'byor rang gi sems kyi snang ba la rang gi sems kyi rjes su 'brel bar byas nas/ rang gi sems sgrib pa med par byed cing 'gyur ba med pa'i bde ba chen po'i ye shes zhams su myong bar byed de/ rdul phra rab tshogs pa'i lus med pa'i phyir ro// 'di nyid ni byin ci log pa ste lhas byin bdag nyid kyi phrag pa la zhon nas grong khyer du 'gro'o// zhes pa'i ngag bzhin 'dir 'ga' zhig gi bsam pa 'byung bar 'gyur te/ de'i phyir brjod par bya'o// 'dir gang rmongs pa rnams kyi brjod par bya ba rdul phra rab tshogs pa'i bdag nyid can phung po dang khams dang skye mched rnams med par sems tsam gyis shes rab ye shes dang rig par bya bar mi 'gyur ro zhes pa de ma yin te/ gang gi phyir zhen gro bung pa'i sems kyi bag chags kyi dbang po las so// 'dir phung po dang khams dang skye mched ces pa sems kyi bag chags kyo bur pa ste/ de'i drin gyis sems la bde ba dang sdug bsngal gyi sems kyi bag chags 'jug gi don dam par rnam par dpyad na/ lus 'di la nye bar 'che ba phra mos ni ma yin no zhes pa'o// 'dir rdul phra rab tshegs pa'i bdag nyid kyi lus ni rmi lam gyis gnas skabs na kun nas lhung ste gnas la 'di la nye bar 'tshe ba chung ngu cung zad yod pa ma yin no// gang gis sems la

  39. 44a

    sdug bsngal rab tu 'jug pa 'dir 'jig rten pa rnams la rab tu grags pa ste/ gnas skabs de nyid du sems kyi bag chags kyi bdag nyid kyi lus gzhan du rdul phra rab tshogs pa dang bral ba yul gzhan du 'gro bar so sor snang ba ste/ de yul gzhan du song ba'i lus la chom rkun la sogs pa rnams kyi gnod pa byas par gyur pa na nye bar 'tshe ba des sems la sdug bsngal rab tu 'jug go/ sdug bsngal des du'o// de 'di rmad du 'byung ba chen po ste lus med cing chom rkun la sogs pa rnams med par sems la rang gis rig par bya ba'i sdug bsngal 'jug pa'o// de bzhin du rmi lam du 'dod pa chen po nye bar longs spyod pa rnams kyi sems la bde ba rab tu 'jug go/ de kho na ngo mtshar ba ste/ lus med cing 'dod pa longs spyod pa rnams med par yang rang rig pa bya ba bde ba'i shes pa can sems can rnams kyi sems la rab tu 'jug pa'o// nyi tshe ba'i shes pa de nyid kyang mkhas pa rnams kyis rnam par dpyad par mi nus na 'khor ba'i bag chags las 'das pa mya ngan las 'das pI/ bag chags las byung ba rnal 'byor pa'i rang rig par bya ba kun tu bzang po mi 'gyur ba'i bde ba chen po'i ye shes rmongs pa rnams kyi rnam par dpyad par nus pa lta ci smos zhes pa mchog tu mi 'gyur ba'i ye shes grub pa'o// lhan cig skyes pa 'di nyid e baM yi ge shes rab thabs bdag nyid rnal 'byor du gnas pa'o zhes pas rim pas te e yig ni shes rab thig le stong pa yig ge drug pa chos kyi 'byung gnas dmigs pa dang bcas pa'i stong pa nyid kyi bdag nyid dri za'i grong khyer gyi rnam pa can phra phab pa'i rang bzhin can rten ye shes zhes pa'o// ba yig ni lus dang ngag dang yid kyi bdag nyid thabs stong pa

  40. 44b

    chen po yi ge lnga pa 'gyur ba med pa'i ngo bo dmigs pa med pa'i snying rje'i bdag nyid brten pa rnam par shes pa'o// e baM gi yi ge'i bdag nyid ye shes dang rnam par shes pas byin gyis rlabs 'gro ba'i don byed pa po sangs rgyas bcom ldan 'das thams cad mkhyen pa sgrib pa thams cad las nges par grol ba 'jig rten dang 'jig rten las 'das pa'i chos ston pa po dang mi rnams kyi ston pa mchog tu thugs rtse ba can/ rgyu med par mnyes gshin pa can srid pa gsum gyi bla ma zhes pa'o// de ltar na// 'di rnams rnam pa drug tu brjod// mi 'gyur ye shes tshor ba dang // rnam shes gzugs dang 'du byed dang // 'du shes phung po de rnams rigs// ye shes me dang nam mkha' sa// rlung chu rnams kyi rim pa bzhin// yid mig rnam pa lus dang sA// lce rnams kyi yang de bzhin nyid// spa ro chos kyi dbyings dang dri// reg bya kha dog rnams kyi yang // rdo rje kun gyi gcig nyid de// shes rab su 'gyur med dang bcas// shes pa rgyal ba rnams kyis lhan cig skyes pa gsungs so// de bzhin du 'bum phrag lnga pa mngon par brjod par// shes rab thabs bdag de bzhin du// sku yi rdo rje gnyis med rnams// drug tu byas nas khams rnams dang // de bzhin yul dang dbang po rnams// bya dang las dbang rnams kyang ste// gnyis med nyid kyis yang dag gnas// sangs rgyas rnams kyi sdom pa ni// e waM yi ger so sor gnas zhes so// da ni shes rab dang thabs kyi mtshan nyid kyi dbye ba sngon ma can phyag 'tshal ba gsal bar byed pa gsungs pa// phra rab rdul zhes la sogs pa'o// yul dang rnam par bral ba nyid kyi phyir// rdul phra rab ni dbang po las 'das pa'i don te de yang 'di yin la chos kyang ste/ de'i dngos po de las 'das pa ni thogs bcas kyi gzugs 'das pa'i phyir ro zhes

  41. 45a

    pa'i don to// pra phab pa'i rang bzhin ni yid la phyi rol gyi shes bya ltar/ gzhon nu ma'i me long la sogs pa'ang khams gsum pa so sor snang ba gang yin pa ste/ de sems kyi snang ba tsam nyid kyi phyir gang la yod pa ni pra phab pa'i rang bzhin can te de la ste/ thams cad du rnyog pa med pa la'o// sgyu ma'i rang bzhin nyid kyi phyir// rnam pa thams cad mchog ldan pa// dag pa dngos dang rang gi sems ro gcig par gyur pa la'o// de ltar yul las 'das pa'i phyir dang / rnam par rtog pa'i sems dang bral ba'i phyir phyi dang nang gcig pa'i ngo bos gsum gyi rnam pa thams cad yongs su gyur pa'i sems ni dri ma dang bral ba'i nor bu bzhin te// gzugs brnyan so sor 'dzin pa'i me long la ste rnal 'byor pa rnams kyi'o zhes pa'o// 'di nyid phyag rgya chen po zhes par brjod de// rnal 'byor pa'i rgyud la rtogs pa'i don gcig yang dag par rig par byed pa'i phyir ro// 'di'i chen po nyid ni sa bcu'i dbang phyug nyid sgrub par byed pa'i phyir ro// phyag rgya chen po 'di kho na ni yang dag par rdzogs pa'i sangs rgyas kyis thob par byed pa'i phyir rgyal ba skyed par byed pa mo dang sna tshogs yul zhes par mngon par brjod do// ji skad du/ sangs rgyas thams cad bskyed mdzad ma zhes pa ste/ dus gsum du 'jug pa'i rdzogs pa'i sangs rgyas rnams phung po lnga la sogs par sgrib pa med pa nyid kyis skyed par byed pa'i phyir ro// rdul phra rab tshogs pa med pa'i phyir dang rnam par mi rtog pa nyid kyi phyir yang skye ba dang ni 'jig pa spangs zhes pa ste/ 'dis ni las kyi phyag rgya dang ye shes kyi phyag rgya yongs su spangs pa gsungs so// nam mkha'i go skabs nyid kyi phyir dang rnal 'byor gyi rtogs par bya ba gcig pu'i ngo

  42. 45b

    bo nyid kyi phyir spyod pa ste/ sgrib pa thams cad kyi gnyen por gyur pa dang stong pa nyid ces pa'i bar ro// kun tu bzang po'i zhes pa ste kun tu ste 'dod pa dang gzugs dang gzugs med pa'i khams su bzang po ste/ 'jig rten gsum gyi spyod pa'i gnyen po'i bde bas rdzogs pa nyid kyi phyir thog ma dang bar dang tha ma rnams su dge ba gsungs pa ste/ bcom ldan 'das de ni spyod pa de dang ldan pa ste/ gtsug tor dang dpral ba dang mgrin pa dang snying ga dang lte ba dang gsang ba'i pad+ma nam mkha' dang rlung dang me dang chu dang sa dang / ye shes kyi khams kyi rang bzhin rdo rje btsun mo'i b+ha ga rnams su dri ma med pa nyid kyi rnal 'byor pa spyod do zhes pa'o// de ni sna tshogs te kun nas nyon mongs pa dang nyon mongs pa med pa rnams kyi sgrib pa dang bcas pa/ sgrib pa med pa nyid du skyed pa po ni sna tshogs yum zhes brjod par bya'o// de nas de la phyag 'tshal ba 'ba' zhig tu ma zad kyis dus kyi 'khor lo de la yang zhes pa'o// dus kyi 'khor lo yang 'dir yi ge so so'i ming can te/ kA yig las ni rgyu zhi ba// la yig las ni 'dir thim zhing/ tsa yig las ni g.yo ba'i sems// kra yig las rim pa cing las so zhes pa'o// A li kA li snyoms 'jug dang // hUM phaT yi ge sogs spangs pa zhes pa ste// A li ni a yig la sogs pa dbyangs kyi tshogs/ pa ha yig zla ba yin la dbyangs so so yang ngo // kA li ni ka yig la sogs pa gsal byed kyi tshogs pa k+Sha yig nyi ma ste gsal byed so so yang zhes pa A li dang kA li zhes pa'o// a sogs ka sogs ri bong can dang nyin mor byed pa de dag gam/ ha yig dang ShA yig dag gam a yig dang pa yig dag snyoms par 'jug pa gcig tu byed pa ni gdan te rten no zhes pa ste/ ba yig gsal byed kyi bdag nyid pad+ma'o// a yig gi bdag

  43. 46a

    nyid zla ba'i dkyil 'khor te ha yig gi bdag nyid yang na'o// re pha'i bdag nyid nyi ma'i dkyil 'khor te/ k+Sha yig gi bdag nyid yang na'o zhes pa dang / hUM yig yongs su gyur pa rdo rje'i mtshan ma yongs su gyur pa'i lha'i sku/ kha dog dang dbyibs brtags pa'i chos can brten pa'i mtshan nyid can te de spangs pa'o zhes pa'o ci'i phyir zhe na mngon par zhen pa'i mtshan nyid can gyi phyir dang 'gyur ba'i rang bzhin gyi phyir ro// / 'dir a yig la sogs pa dbyangs rnams dang ka yig la sogs gsal byed rnams te/ 'byung bar gyur pa rten cing 'brel par 'byung ba rnams kyang bstan bcos rig pa rnams kyis mi 'gyur bar brjod de// de skad cig tu yang smras par mi 'gyur zhing mi g.yo ste gzhan gyi gnas su mi 'gro'o zhes pa mi 'gyur ba'i sgras dbyangs zhes brjod do// de yis sngags ngan pa 'khrul te mi 'gyur bzhid kyis dbyangs kyi cho gra sam gsal byed kyi tshogs 'dzin no// don dam par dbyangs dang gsal byed kyi tshogs ni mi 'gyur ba ma yin no// ji lta bur 'dod ce na gsungs pa// 'gyur ba med las 'khrungs pa'i sku zhes pa ste/ 'dir 'gyur/ ba med pa ni mchog tu mi 'gyur ba'i bde ba'i ye shes te/ de las skyes pas na 'khrungs pa gang gi phung po dang khams dang dbang po la sogs pa'i lus yin pa zhes pa ste/ de bzhin du yid skyob par gyur pa nyid kyi phyir mchog tu mi 'gyur ba'i ye shes ni sngags su yang brjod do// de bzhin du gzhan nang rig pa shes rab kyi pha rol tu phyin ma rang bzhin gyis 'od gsal ba phyag rgya chen mo lhan cig skyes pa'i dga' ba'i ngo bo can chos kyi dbyings kyi rgyu mthun pa rdzogs pa'i gnas skabs ni lhan cig skyes pa'i sku zhes rgyal ba rnams kyi gsungs la/ rten cing 'brel par 'byung ba'i spyod yul ma yin pa mchog gi dbang po'i spyod

  44. 46b

    yul rdo rje sems dpa' dang / sangs rgyas kyi yum de dag ni mchog tu mi 'gyur ba'i bde ba'i rang bzhin rdul phra rab kyi chos nyid las 'das pa me long la pra phab pa dang rmi lam dang mtshungs pa dag ste/ mchog tu mi 'gyur ba'i rang bzhin gyi phyir ro zhes pa'o// 'dir 'gyur med rnams ni gzugs dang tshor ba dang 'du shes dang 'du byed dang rnam par shes pa sgrib pa med pa rnams 'gyur med lnga ste/ stong pa chen por gsungs so// de bzhin du sa dang chu dang me dang rlung dang nam mkha'i khams sgrib pa med pa rnams 'gyur med lngar gsungs so// 'gyur med drug ni mig dang rna ba dang sna dang lce dang lus dang yid sgrib pa med pa rnams te rang rang gi yul 'dzin pa spangs pa rnams so// de bzhin du gzugs dang sgra dang dri dang ro dang reg bya dang / chos kyi khams sgrib pa med pa rnams kyang 'gyur med drug tu gsungs te/ phung po dang khams dang skye mched 'di rnams gcig tu ro mnyam par gyur pa ni thig le stong par 'gyur ro// thig le de yang mi 'pho bar gyur pa ni mchog tu mi 'gyur bar brjod la mchog tu mi 'gyur ba yang a yig ste a yig las yang dag par byung ba yang dag par rdzogs pa'i sangs rgyas shes rab dang thabs kyi bdag nyid rdo rje sems dpa' ma ning gi go 'phang lhan cig skyes pa'i sku zhes brjod do// zhes pa kun rdzob tu mtshan nyid kyi dbye ba ste/ bzlog pas ni 'di dag gi mtshan nyid kyi dbye ba gang las yin pa 'am/ rten dang brten pa'i 'brel pa gang las yin zhes pa'o// // da ni bsdus pa'i rgyud du ston pa po la sogs pa bsdus pa'i 'brel pa bsgrub pa'i don rtsa ba'i rgyud du gsungs pa'i phyag 'tshal ba'i sngon ma can/ zla ba bzang pos gsol ba btab pa tshigasas bcad pa gnyis kyis gsungs pa/ kun mkhyen zhes pa la sogs pa'o// sngon sham b+ha la'i yul nas rang nyid 'ongs te/ rgyal po

  45. 47a

    zla ba bzang po nyi ma'i 'od kyi lha mo rnam par rgyal ma'i mngal nas byung ba phyag na rdo rje'i sprul pa'i sku/ grong khyer bye phrag dgu bcu rtsa drug na gnas pa'i rgyal po rnams kyis rjes su bgrod bzhin pas dpal 'bras spungs su dpal dus kyi 'khor lo'i rgyud bstan pa'i ched du dang sems can mtha' dag gi nye ba'i skal pa dang ldan pa nyid mthong nas/ 'jig rten pa dang 'jig rten las 'das pa'i dngos grub bsgrub pa'i don du gsol ba btab pa ni sangs rgyas rgyal po zas gtsang ma'i lha mo sgyu 'phrul chen mo'i mngal nas byung ba yin ste/ kun mkhyen ye shes sku zhes pa// nyi ma'i sku can khyab bdag ste// pad+ma'i 'dab ma rgyas pa'i spyan// sangs rgyas de la gus btud nas// 'dis ni ston pa po bsdus so// rdo rje seng ge'i dbyings la gnas pa ste bzhugs pa'o zhes pa 'dis ni gnas bsdus pa'o// lha dang lha min gyis bstod ces pa ni 'khor yang dag par bsdus pa'o// zla bzang gis gsol pa zhes pa ni gsol ba 'debs pa po bsdus pa'o// sku bzhi yi ni bdag nyid can// de nyid bcu drug dbye bar ldan// zhes pa chos bstan pa yang dag par mi bdag zla bzangs nub po// rgyud bstan pa ni mi rnams kyis// bsod nams ye shes dgos pa can// zhes pa'o// // da ni gyi dang lus dang gzhan du sgrib pa med pa'i chos kyis sems rdo rje shes rab dang / thabs kyi bdag nyid rdo rje'i rnal 'byor la rim gyis tshigs su bcad pa gsum gyi stong pa gsungs pa dag ces pa la sogs pa'o// gang rdo rje sems dpa' dang thugs kyi rdo rje dpal dul kye 'khor lo dang po'i sangs rgyas

  46. 47b

    bcom ldan 'das te/ shes rab dang thabs kyi bdag nyid rdo rje'i rnal 'byor bcom ldan 'das de la phyag 'tshal nas shes pa'o// de 'di yang mngal nas skye ba'i bskyed pa'i rim pa rnam pa bzhi dang chos mi mthun pa ste/ ji ltar 'gyur ba'i ma rig pas bskyed pa nyid kyi rnam par shes pas byin gyis brlabs pa ni skad cig gcig pa'i bde ba'o// de nas de kho na zla ba lnga ji srid pa ni a ba d+hU tIr bde bas brgyal ba'o// de nas sor mo nyi shu pa ji srid pa ni cha shas yongs su rdzogs pa'o// de nas lo bcu drug gi mtshams su bu dang bu mo la sogs pa mtha' yas pa'i sgyu ma'i skyed par nus pa'o// zhes pa mngon par byang chub pa bzhi rnams kyis rdo rje bzhi dang sku bzhi'i bdag nyid bcom ldan 'das 'jig rten pa'i dngos grub kho nas 'jig rten las 'das pa'i 'bras bu 'byung ba'i ched du sngags pa ngan pa rnams sgom par byed do// de dang chos mi mthun de nyid kyis bdag dang ye shes gcig sbyor zhes pa ste/ sdeb sbyor gyi ngor dag pa'i sgra sngar bstan te ye shes rdo rje dang dag pa'i sku dag gcig ste gnyis su med par sbyor ba'o// de bzhin du thugs rdo rje dang chos kyi skul sogs pa rnams la'ang shes par bya'o// dag pa ye shes dang rnam par shes pa'i bdag nyid thig le 'pho ba ma ngo bo nyid kyi sku ni ye shes rdo rje'i rnal 'byor rdo rje'i sems dpa' rang gi don phun sum tshogs pa don thams cad gzigs pa ste/ skad cig gcig gis mngon par rdzogs par byang chub pa nyid kyi phyir ro// skad cig gcig gis mngon par rdzogs par byang chub pa ni 'dir brgya phrag drug lha'i stong phrag nyi shu rtsa gcig gi dbugs yongs su rdzogs pa'i mtshan nyid can te dbugs kyi 'khor lo yongs su zad pa'i phyir ro// rtsa ba'i rgyud du yang / rgyal dbang rnams kyi skye ba'i gnas// mi 'gyur ba skad cig na/ srog chen sems ni garma

  47. 48a

    gyur cing // srog rlung zad par son pa dang // lha yi mig ni skyes gyur cing // sha yi mig gi cho gas nyams dang // gnyug ma'i skye mched zhams gyur cing // gzugs brnyan skye mched mthong ba na// mi dbang// thams cad bdag gis mthong // bdag la ma mthong rtag tu med ces so// de kho na chos kyi sku thugs rdo rje'i rnal 'byor sems dpa' chen po rang sangs rgyas la sogs pa rjes su 'dzin pa po mchog tu mi 'gyur ba'i bde ba ste/ rnam pa lnga mngon par rdzogs par byang chub pa nyid kyi phyir ro// rnam pa lnga mngon par byang chub pa ni 'dir me long lta bu la sogs pa ye shes lnga'i bdag nyid can te sa la sogs pa'i khams dang gzugs la sogs pa'i phung po shes rab thabs kyi bdag nyid kyi dkyil 'khor lnga 'gog pa'i rang bzhin nyid kyi phyir ro// de kho na longs spyod rdzogs pa'i sku gsung rdo rje'i rnal 'byor byang chub sems dpa' bden don rnam pa bcu gnyis pa byang chub sems dpa' rjes su 'dzin pa po sems can thams cad kyi skad kyis chos ston pa po ste/ rnam pa nyi shus mngon par rdzogs par byang chub pa'i phyir ro// rnam pa nyi shus mngon par rdzogs par byang chub pa ni 'dir dbang po lnga dang yul lnga dang las kyi dbang po lnga dang las kyis dbang po'i bya ba lnga rnams sgrib pa med pa'i mtshan nyid 'pho ba bcu gnyis 'gog par gyur pa'i dngos por shes par bya'o// de kho na'i sprul pa'i sku rdo rje'i rnal 'byor dam tshig sems dpa' de nyid rnam pa bcu drug rig pa lha la sogs pa rjes su 'dzin pa po sgyu 'phrul gyi dra ba mtha' yas pa rnams kyi spros pa'i sku can te/ sgyu 'phrul dra bas mngon par rdzogs par byang chub pa nyid kyi phyir ro// sgyu 'phrul dra bas mngon par rdzogs par byang chub pa ni 'dir cig car mtha' yas shing mur thugs pa med pa'i sgyu ma sna tshog

  48. 48b

    pa sprul pa'i mtshan nyid can te lus kyi dga' ba la sogs pa'i thig le bcu drug 'gog pa las shes par bya'o zhes pa'o// rig lhag ma rnams kyi bshad pa sngar zhing brjod zin to// 'o na rdo rje sems dpa' yang gzhan la dus kyi 'khor lo mchog gi dang po'i sangs rgyas kyang gzhan yin te/ zhal dang phyag dang dbyibs la sogs pa tha dad pa'i phyir ro// de ji ltar tha dad pa med par bstan ce na/ bden mod don dam pa'i bden pas zhal dang phyag la sogs pa med pa'i phyir skyon med do zhes pa'o// gang le'u 'di nyid du gsung bar 'gyur ba/ 'dod pa'i don gyis 'bras bu ster ba ste/ 'bras bu ni 'gyur ba med pa'i bde ba ye shes kyi sems so// sems 'di gnyis gcig pa nyid ni shes rab dang thabs ni bdag nyid rdo rje'i rnal 'byor don chen po mchog tu mi 'gyur ba dang po'i sangs rgyas rigs med pa dus kyi 'khor lo bcom ldan 'das rdo rje sems dpar rgyud gzhan thams cad du rab tu grags so zhes so// 'o na phyi rol tu rab tu grags par 'gyur du chug mod nang gi bdag nyid la zhams su myong ba med par grub pa ji ltar yin zhe na/ gsungs pa/ zhabs gcig ces pa la sogs pa ste/ gtso bor byang chub kyi sems rdo rje dpal dus kyi 'khor lo'i zhabs zhes pa'o// gnas med pa yang rdo rje'i gnas te lhan cig skyes pa'i bde ba'i gzhi zhid kyi phyir ro// bkod pa ni bskyed pa ste ma rig pa 'gog pa'i ched du'o// rdo rje nor bur te mi gnas pa'i mya ngan las 'das pa'i sa la'o// rdul dang zhi ma'i dkyil 'khor bzhi la ste ye shes kyi khams la'o// gcig ni g.yas pa gang yin pa'o zhes pa rkang pa gcig gis mthil gnon pa'o// gtsug tor srid pa'i bde ba las shin tu 'das par khu ba ri bong can la ni rkang theg sen mo sngar 'dod pa'i cha 'char ba'i bdag nyid rnam par shes

  49. 49a

    pa'i khams la gnyis pa gang g.yon pa zhes pa ni tshangs pa'i sgo nga'i rtse mo gnon pa'o// rtag tu ni dus gsum du'o// rdul phra rab kyi chos nyid las 'das pa nyid kyi phyir rig pa dang shes pa'i gri gug gis bcad du med pa'o// rnam par shes pa'i chos nyid las 'das pa nyid kyi phyir gzung ba dang 'dzin pa'i gri gug gis dbyer med pa'o// bde ba chen po'i rgyu nyid kyi phyir 'dod pa'o// bya ba byas pa skam sar te nor bu la gnas pa'o// 'jig rten gyi spyod pa spangs pa'i phyir// 'jig rten gsum gyis mchod pa ste// 'khor ba'i pha rol gyi mtha' gtsug tor la gnas pa'o zhes pa'o// 'di skad brjod par 'gyur te/ gang steng dang 'og tu rtsa drug gi rang bzhin khams drug 'gag pa ye shes kyi sku can bcom ldan 'das khams gsum pas zhabs kyi pad+ma la phyag byas pa/ dngos po dang dngos po med pa'i bdag nyid dkar po dang nag po'i phyogs sgribs pa med pa nyid kyis na stong pa nyid dang snying rje bco lnga pa gnyis kyi bdag nyid kyi zhabs zla ba dang zhi ma'i rang bzhin 'khor ba dang mya ngan las 'das pa'i lam 'gog par byed pa po dag gis nya dang gnam stong mngon par khyab pa 'gro ba'i gtso bo gcig pa de'i zhabs la phyag 'tshal nas zhes pa'o// sems can rnams ni rnam pa gzhan du ste/ ji skad du/ sangs rgyas kun gyi mdzod pu yi// pad+ma zla ba bdud rtsi nya// nyi rdal gnam stong gsang bar te// gtsug tor nor bu de dag cha// zhes pa ston pa'i rdo rje'i gnas// lus can kun gyi phyin ci log ces so// gang 'di lhang nang gi bdag nyid la grub mod// 'di tsam gyis 'di'i don gsal ba dang ldan pa 'thad pa sgron ma lta bu ma yin no zhe na gsungs pa rlung zhes pa la sogs pa'o// 'dir sgrib pa med pa'i chos la//

  50. 49b

    'jig rten gyi khams kyi dkyil 'khor du rlung dang me dang chu dang sa'i dkyil 'khor te/ bzhi rnams sgrib pa med pa dang nyid kyis na lnga'i bdag nyid brtan pa'i khams sgrib pa med pa dang pad+ma'i tha snyad kyis bstan pas khams drug gi bdag nyid can gyi gang zag sgrib pa med pa dang / zla ba sgrib pa med pa dang nyi ma sgrib pa med pa dang dus me sgra gcan sgrib pa med pa dang / de'i steng du 'dod chags dang zhe sdang dang gti mug dang nga rgyal gyi ngo bos dbang phyug ste mchog lha dang / g.yas su phung po dang nyon mongs pa dang 'chi bdag dang lha'i bu'i bdud de g.yon phyogs lha'o// 'di dag gi mgo ste spyi bor gtso bo dpal dus kyi 'khor lo khams gsum pa'i 'khor los sgyur ba zhabs g.yon dang g.yas pa srid pa'i yum sna tshogs yum ste de'i zhabs dang lhan cig bkod pa'o// phyag 'tshal te pad+ma dkar po bdag gis ni rgya cher 'grel bri bar bya'o zhes 'chad par 'gyur ba dang sbrel lo zhes pa'o// ji skad brjod par 'gyur te/ phyi rol du thun mong par srid pa mtha' dag la mngon par khyab pa'i rdo rje'i rnal 'byor gyi ngo bo nyid du gnas pa'i bcom ldan 'das bstod pa khyad par du lus la bcom ldan 'das de nyid so so rang gis rig par bya ba rdo rje'i rnal 'byor gyis/ rtogs par bya ba'i dngos po chen po nyid kyis gnas pa ste 'dus byas pa ni ma yin nono// ji ltar phyi rol de bzhin lus/ ji ltar lus la de bzhin gzhan zhes pa'i gsung las bcom ldan 'das de nyid dkyil 'khor du sems can gyi bsam pas rdo rje'i sku'i rang bzhin nyid kyis gnas pa'o zhes mngon par bstod pa'o// // da ni thams cad mkhyen pa'i ye shes kyi spyod yul zab cing rgya che ba 'jug par dka' ba rdo rje'i rnal 'byor rab tu gsal bar byed pa'i rgod pa yongs su spangs par gsungs pa/ de ltar// /

  51. 50a

    zhes pa la sogs pa'o// de ltar de ma thag par brjod pa'i rdo rje'i rnal 'byor gang zhig bsten pa ste/ rnam pa thams cad rtogs pa'i phyir ro// bstan pas rang gis rtogs nas de la mos pa'i lha dang mi rnams la gsal bar byas pa'o// dpag med de mtha' yas pa rnams kyis so// bde gshegs rnams kyi shes pas 'gyur ba med pa'i tshul gyis mdzes pas te dri ma med pa nyid du gshegs pa'i yang ji tsam du bzod par bya bar gshegs pa'i phyir te/ rtsa stong phrag bdun cu rtsa gnyis gang ba'i phyir legs par gshegs pa'o// yang na 'gyur ba'i ma rig pa'i sgrib pa spangs pa'i phyir te// rim pa ltar gzugs mdzes pa'i gzhon nu ma bzhin dang / legs par gang ba'i bum pa bzhin dang / rims nad legs par byang ba bzhin du bde bar gshegs pa rnams te de rnams kyis so// rdo rjen stong pa lnga'i rtse mo can no// gsang sngags kyang 'gyur ba med pa'i bde ba'i ye shes can te tha snyad byas pa'i mtshan nyid can ni ma yin no// 'di ji ltar zhe na yid skyob par gyur pa nyid kyi phyir ro// ji skad du rtsa ba'i rgyud du gsungs pa// lus ngag sems kyi khams rnams ni// gang phyir skyob par gyur de'i phyir// sngags don sngags kyi sgra yis ni// stong nyid snying rje 'gyur med pa// bsod nams ye shes rang bzhin sngags// stong nyid snying rje'i bdag nyid can zhes pa'o// 'o na dus kyi 'khor lo gang du rdo rje 'dzin pas sangs rgyas bcom ldan 'das bcu gnyis kyi dbang phyug rnams rdo rje'i rnal 'byor gyi ston pa po dang // gsang sngags mkhyen pa'i byang chub sems dpa' sa bcu'i dbang phyug rnams sdud par byed pa rnams yin nam/ de la ji ltar na bcom ldan 'das blo gros zhan pas smra bar 'dod pa nyid kyis bdag nyid

  52. 50b

    skabs dbye bar 'dod ce na/ mkha' la zhes pa'o// ci zhes pa gang du ji zhes dri ba ste/ 'gro ba min nam ci ste 'on kyang gzhan la 'gros gzhan pa nyid do zhes pa'o// 'di ni dgongs pa ste/ 'dab chags chu ngu dang 'dra ba dag gis bgrod par bya ba ni nam mkha'i khams dang 'dra ba'i rdo rje rnal 'byor 'di'o zhes pa'o// // da ni rgyud kyi che ba nyid gsal bar byed pa sngon ma can bdag nyid rgya cher 'grel pa bya ba'i ched du yang dag par rdzogs pa'i sangs rgyas kyis dbugs 'byin par gsungs pa/ gang du zhes pa la sogs pa ste gang du ste rgyud kyi rgyal por gsungs te nye bar bstan to// srid pa mtha' dag ste/ 'du shes med 'du shes med min skye mched nas brtsams nas ji srid du dmyal ba'i mthar thugs pa'o// gsal bar te sgrib pa med par ji ltar gyur pa'o// zhes pa bya ba'i khyad par las rgyud kyi rgyal po'i rdo rje'i tshig rab tu gsal ba nyid bstan to// sngags ni rnam pa gnyis te de bzhin nyid kyi brda dang tha snyad pa'i brda can de dang bcas te 'jug pa'o// rgyal ba'i dbang pos te yang dag par rdzogs pa'i sangs rgyas rnams kyis so// A li ni byang chub kyi sems te tshigs su bcad pa kha cig tu ring po la thung ngu'o zhes pa'i gsungs las so// kye'i rdo rjer ni ring po ste gsal ba kho na'o// ji skad du/ zla bar gyur pa byang chub sem/ cha bco lnga yi bdag nyid can// A li'i ngo bo bde ba che// rnal 'byor ma rnams de yi cha zhes pa ste/ byang chub kyi sems thig le 'dzin pa rnams kyis shes pa'o// rgyal ba'i ched du ste rgal ba'i ched du'o// 'o na brjod ma thag pa'i rim pas nus pa chung ba rgya mtsho chen po rgal bar zhugs pa khyod kyi pha rol tu 'gro bar gang las srid par 'gyur zhe na/ 'di ni bden pa kho na ste gal te de la rgal ba'i mthu med par gyur na

  53. 51a

    mod/ rgyal ba bcom ldan 'das dpal shAkya seng ge'i mthu ste byin gyis brlabs pa yang ste/ de las so zhes pa'o// rtsa ba'i rgyud du gsungs pa/ phreng 'dzin tshigs bcad sum cu yang / lhag pa'i phyag rgya le'u lngas// dpal ldan rgyud dag rdzogs par ni// smra ba'i rgyal pos ston 'gyur te// sdud par byed pa po yang 'di// rgyas 'grel byed pa pad dkar 'dzin zhes so// da ni nyung ngu'i rgyud sdud par byed pa lung bstan pa gsungs pa// gang zhes pa la sogs pa'o// gang nyung ngu'i rgyud gsung bar lung bstan te/ stobs bcu pa zas gtsang gi sras pos sngon te dang por ro// gsang bdag la rdo rje'i rnal 'byor gsungs shing bstan pa mchog gi dang po'i sangs rgyas stong phrag bcu gnyis pa las dpal dus kyi 'khor lo nyung ngu'i rgyud kyi mtshan can te nges bstan to// don gyi sgo nas mtha' dag ste// gzhung gi ni nyung ngu zhes pa'o// 'jam dpal gyis te rgyal po grags pas so// ka lnga par te rgyal po'i pho brang gang du byang chub sems dpa' rnams kyis dpal dus kyi 'khor lo'i dkyil 'khor bzhengs shing de'i shar du chos snyan pa'i ched du rin po che'i seng ge'i khri yang yod pa'o// thub pa rnams la te tshangs pa'i drang srong phyed dang bcas pa'i bye ba gsum rnams la'o zhes pa'o// / da ni rgyud kyi rgyal po rgya cher 'grel pa'i rim pa gsungs pa/ rgyas 'grel zhes pa la sogs pa'o// gang zhig rgyas 'grel rab tu rgyas bshad chen po'i mtshan nyid can theg pa rnams kun don gsal bar byed cing mdor ston pa rgyal po zla ba bzang pos bris la stong phrag bcu drug pa ste/ rtsa ba'i rgyud kyi zhes don gyis so// de 'jig rten dbang phyug gi sprul pa'i sku sa bcu'i dbang phyug pad+ma dkar po bdag gis rdo rje'i rnal 'byor la phyag 'tshal nas

  54. 51b

    bri bar bya'o// rtsa ba'i rgyud kyi rjes su 'brang ba ste 'brel pa la sogs pa'o// de ltar na yang gzhung gi stong phrag bcu gnyis pa ste/ 'di'i tshad stong phrag bcu gnyis pa'o// rdo rje'i tshig dang bcas te 'jug pa'i rgyu gang yin pa de 'byed de/ rnam par dbye ba'i ngang tshul 'di'o zhes pa'o// rtsa ba'i rgyud du gsungs pa/ de nas zla bzang rtsa rgyud la// khyod ni sdud par byed pa po// khyod nyid rgyas 'grel byed pa ste// 'dir ni sems can yongs smin byed// 'jam pa'i rdo rje'ang zhung rgyud la'o// rgyas 'grel byed pa'ang pad 'dzin rang zhes pa'o// dpal ldan dri ma med pa'i 'od kyi rgyud la 'jug pa'i bshad sbyar snying po snang ba brgya phrag bcu gsum par rdo rje 'dzin pa la phyag 'tshal ba'i nges pa ste gnyis pa'o// da ni byang chub sems dpas mdzad pa'i rgya cher 'grel mnyan pa'i rim pas bdag nyid chen po nyid bsgrags pa gsungs pa/ thos nas shes pa la sogs pa'o// rgyas 'grel ni byang chub sems dpas mdzad pa ste/ de ni mngon shes thob rnams kyis// bya yis mkhas rnams kyis min nyid ces pa'i gsungs las so// gtso bo'i ste brjod par bya ba dus kyi 'khor lo yi'o// rnal 'byor pa zhes pa rnal 'byor la ngang tshul 'di yod pa'o zhes pa'o// kyang gi sgra ni 'dir bsdu ba ste/ gzhan byis pa'i khas pa khyim gnas la sogs pa 'ga' zhig tu ma zad kyi rnal 'byor pas kyang ste yang dag pa'i ye shes kyi lam du ba la sogs pa'i lam la gnas pas so// ci byas nas she na/ rgyal bas gsungs pa'i tshogs te dbang gi le'ur gsungs pa'i rim pas dbang mchog ste/ shes rab ye shes blangs nas so// rgyud 'di thos nas te nyung ngu'i rgyud kyi rgyal po'o// de nas khang pa rnam pa du ma dang longs spyod rnam 'jig du ma gtang nas so// bi b+ha ba ni/

  55. 52a

    'dir rnam par 'jig pa la ste sems kyi khyad par la ni phun sum tshogs pa'o// sems ni sangs rgyas nyid kyi ched du gtad de bskyed pa'o// bla ma las shes pa rdo rje slob dpon brtag pa'i cho ga brtags pa'i bla ma'i skabs las so// rnam pa gzhan du na brtag pa'i mtshan nyid dang bral ba'i bla ma mazhes par byas pas slob ma rnams kyi chos la zlog par 'gyur ro// chos las bzlog pa las dmyal bar 'gro'o zhes pa'o// 'di skad brjod par 'gyur te ma 'ongs pa'i dus su byas pa'i mkhas pa shes pa ngan pas khengs pa rnams mkhas pas mngon pa'i nga rgyal bskyed par 'gyur ro// mngon pa'i nga rgyal des dbang ma blangs shing rgyud ma thos pa kho nar 'brel pa ma bsam nas slob dpon ma bsten pa rgyud kyi don dang dbang gi don mi shes pa rnams bdud kyi ris rnams bzhin du sems can rnams kyi bla mar gyur nas phyin ci log tu ston par gyur to// gzhan gyi bud med dang rdzas rnyed pas dmyal bar 'gro ba la spro ba rnams so zhes pa ste/ 'di dgag pa lhur len pa tshigs su bcad pa 'di gsungs so zhes pa'o// 'o na de ltar na mngon par shes pa med pa rnams kyis rgya cher 'grel byed na 'dir skyon ci yod/ gang gis na 'di brjod par bya zhe na gsungs pa/ gang zhes pa la sogs pa'o// gang mngon par shes pa med par rgya cher 'grel pa chen po ste de na thams cad mtshon par byed pa rgyas bshad chen po dang mdor bstan pa chen po'i mtshan nyid can byed pa'o// dpal ldan rdo rje theg par zhes pa dpal gnyis su med pa'i ye shes kyis nye bar mtshan pa rdo rje theg par 'gro ba'o// rdzogs pa'i sangs rgyas kyi theg pa de la gnas pa ste zhon pa'o// bstan bcos du ma'i rnam rtog chos kyi snying zhes pa ni bstan bcos te rtog ge la sogs pa rnams kyis dbugs

  56. 52b

    byung ba'i rnam par rtog pa ste mi bden pa'i shes pa yang ngo // de kho na chos te rang gi ngo bo nye bar ston pa'i tshul yun ring por zhugs pa'i gdengs can gyi rkang pa lta bu'i snying ste sems gang gi yin pa zhes pa'o// da ni glang chen long ba'i rgyud ltar rang gi rgyud nyams par byed pa'o// de'i rgyud ni yan lag bzhi pa'i dpung stobs dang ldan pa'o// gnas pa ni bstan pa ste dgra'i rgyud rgyal ba'i ched du'o// bsod par byed pas na bdud de de'i gzhan ni pha dang ma'i 'brel par gyur pa'o// rtag tu ni dus thams cad du'o zhes pa'o// don ni 'di yin te/ rgya cher 'grel byed pa po mngon par shes pa dang bral ba nyid kyi phyir long blta bu bden pa mthong ba dang bral ba bstan bcos du ma'i rnam rtog chos kyi snying can nyid kyi phyir glang po che bzhin du bzlog pa la bzlog pa'i lus can mkhas pa nyid kyi dregs pa dang ldan pa nyid kyi phyir myos pa bzhin du ngargyal chen pos khengs pa las bdud kyi phyogs su gyur pa ni/ 'gyur ba'i bde ba la sogs pa bdud kyi stobs rgyal ba'i ched du gang gnas pa'i rgyud mtha' drug gi mtshan nyid can dbang bzhi la sogs pa brjod par byed pa de rtsa ba dang bcas pa rtsad nas dbyung bar 'bad pa'i rmongs pa chen po ste/ de dgag pa'i ched du tshigs su bcad pa 'di gsungs so// 'o na 'di lta bu'i skyon rnam par smin pa'i 'bras bu rngub pa can mthong nas kyang rgya cher 'grel byed pa la 'jug pa ni ci mkhas pa'i rang bzhin can du 'gyur ram zhes/ dogs pa la gsungs pa/ mkhas pa'i zhes pa la sogs pa'o// mngon pa'i nga rgyal can ni mtha par sems pa yin gyi/ bden pa mthong ba ni ma yin pa'o// rgyal bdag gsung ni gang zhig theg le las ni dkar po'i rgyun 'bab ces pa la sogs pa rnams la dgongs pa gang gis mi shes pa'i ngang tshul

  57. 53a

    can de ni rgyal bdag gsung ni mi shes ngang tshul lo// 'gyod pa dang srog gcod pa la sogs mi dge ba'i lam can zhes pa la ngan pa'i bya ba ni ngan byas te gang bsod nams btang ba dang 'jig rten gyis smad pa'o// de'i dngos po ni 'gyod pa nyid do// srog gcod pa ni srog chags gsod pa'o// de dag kho na mi dge ba'i lam gyi dang po yin pa'o// sogs pa'i sgra las ma byin par len pa la sogs pa'o// de la gnas pa zhes pa lhag ma'o// des na bud med bde bas sems drangs shes pa dbang po gnyis kyis 'gyur ba'i bde bas gang gis sems drangs te dbang du byas pa zhes pa'o// 'o na chang gis kun dga' gcig ste b+ha ga nyed pa bu ni sgrub pa'i ched du'o gzhan pa gsungs pa med ces pa la sogs pa de bzhin gshegs pas gsungs pa yin nam/ zhe na/ bden mod sgra ji bzhin ma yin te/ chang yang gzhan yin b+ha ga yang gzhan yin te/ phyag rgya chen po'i dngos grub kyi ched du gsungs pa'o// sgra ji bzhin pas kyang bde ba 'phel ba'i don du ste bde ba nyams pa'i ched du ma yin no// 'di dpal ldan shes rab bde nyam shes pa ste dpal ldan shes rab ni phyag rgya chen po'o// de'i bde ba ni mchog tu mi 'gyur ba'o// de las nyams pa ni ring du gyur pa'o// de las rdo rje'i tshigs bcom ste bzhi pa la sogs pa'i rdo rje'i tshig bcom pa'o// de nyid kyi phyir phyi rol gyi longs spyod kyis zil gyis mnon pa ste/ dam pa ma yin pa'i bza' ba dang btung ba la sogs pa la chags pa'o// theg mchog ni rdo rje theg pa la'o// mngon par shes pa la sogs pa med par rgya cher 'grel pa byas nas longs pas bdag nyid lhung nas long ba gzhan dmyal bar 'jug go/ ni'i sgra ni gang gi phyir gyi don te de'i phyir de ltar chos kyi yang dag pa'i ye shes kyi

  58. 53b

    lam la gnas par spro ba ni ji ltar yang rang gi chos rjes su sgrub pa dang mthun pa'i lam bor nas 'tsho ba'i sdong po'i 'bras bu za bar byed pa de ltar ni shes rab 'chal pa'i rang bzhin can ni mkhas pa nyid du mngon pa'i nga rgyal bskyed nas de slar yang de bzhin du/ khyod kyi srog chags bsad par bya zhes pa la sogs pa'i rdo rje'i tshig phyin ci log tu ston par rang gi byas pa'i rgya cher 'grel pas bzung nas/ lam 'di ni bcom ldan 'das kyis thar pa'i ched du gsungs pa'o zhes sems can rnams la rgya cher sgrogs par byed de gang las rang yang nyams shing gzhan yang zhams su 'jug pa nga zhing zab mo'i don mi shes pa la lam nyams pa bzhin du/ lam yin pa nye bar ston pa lam phyin ci log las bzlog par mi nus so zhes pa'o// gal te gzhan chos mtshungs pa ma yin pa rnams kyi dmyal bar 'gro bar mi rig pa ma yin nam zhe na bden mod gang rnams des sbyar ba'i 'grel bshad las rdo rje'i tshig gis don phyin ci log tu thos shing shes nas nged ni sangs rgyas bcom ldan 'das kyis gsungs pa'i don kun nas shes so zhes pa 'di ltar mngon pa'i nga rgyal skyed par byed pa de rnams kyang rgyal ba'i bdag po'i gsung mi shes pa'i ngang tshul can rtag tu long bar gyur pa rnams te/ sngar kho nar dmyal bar 'gro ba rnams so zhes pa 'di lta bu la sogs pa rnams kyang dgag pa'i don du tshigs su bcad pa 'di gsungs so zhes pa'o// gal te de la mngon par shes pa med pa rnams kyi rgya cher 'grel mi bya la byas kyang ston pa po rnams kyis bstan par mi bya zhing / de rnams kyang lam las phyin ci log pa dang brdzun du smra ba nyid gzung bar 'os pa ma yin pa'i tshi ga can rnams yin na rgya cher 'grel byed pa po phyin ci ma log pa bden pa mthong ba rnams ni su

  59. 54a

    rnams yin zhe na gsungs pa/ ston pas zhes pa la sogs pa'o// rang gi sgra'i rnam grangs la nyid kyi sgra yang yod de de'i phyir nyid de bdag nyid kyis te gzhan dang gzhan gyis ma yin pa'o// ston pas te yang dag par rdzogs pa'i sangs rgyas kyis so// rdo rje'i theg par te theg pa chen por ro// rgyal bdag bde ster te/ lhan cig skyes pa'i bde ba sbyin pa por ro// gang rgya cher 'grel pa nyid dang sdud par byed pa nyid du lung bstan pa bdag 'dra ste/ sa bcu'i dbang phyug 'jig rten dbang phyug lta bu de rnams thams cad ni sangs rgyas mthar thug zhes pas sangs rgyas bcom ldan 'das rnams kyis bdag zhid chen po sgrogs so// lha dang lag 'gro mi rnams smin pa'i don du ste srid pa gsum gyi skye bo rnams kyi sangs rgyas nyid kyi ched du ste/ tshig 'jam pos bslab pa'i gnas sbyin pa'i rim gyis sems shes nas dpe'i tshul gyis 'dod chags la sogs pa'i skyon rnams rnam par sel ba zhes pa ni smin pa'o// de nyid gang gi don te dgos pa yin pa'o// phyi nas dka' thub kyi bslab pa nas ji srid du don dang mthun pa bsgoms pas skyon rnams rtsa ba nas 'byin pa'o// ji skad du nad pa rnams la dang por sman gyis sbyor ba phra mos smin par byed pa la phyi nas drag pos rims la sogs pa'i skyon rnams nges par sgrol ba'o zhes so// gang rnams mngon shes lnga rnams kyang med pa de rnams kyang rnyed pa dang bkur sti'i don du bdag cag rgyal dbang yin zhes bden pa min par smra'o zhes pa de'i phyir de rnams kyis ngag thar pa 'dod pa rnams kyis mnyan pa mi bya dad par mi bya yid la mi bya'o zhes pa'o// gal te de lta na 'phags pa phyag na rdo rjes mdzad pa'i rgya cher 'grel bar ji ltar gsungs te 'dir dang por bum pa'i dbang la slob ma rdo rje

  60. 54b

    slob dpon du gyur pa'o// de bzhin du gsang ba dang shes rab ye shes dang bzhi pa la yang ngo // slob dpon zhid 'di ci zhig tu 'gyur zhe na/ rdo rje sems dpa' zhes bya ba'o zhes so// de ji ltar yin te dang por bum pa'i dbang bskur gyis dbang bskur slob dpon no zhes pa'i gsung las rgyal ba'i dbang po nyid du rigs so zhes na de ltar ma yin te/ dbang bskur bzhi'i rims pa rnam par bzhag pa'i don du'o// de yang kun rdzob tu sde dam pa'i don du ni ma yin no// ji skad 'phags pa rdo rje snying pos mdzad pa'i rgya cher 'grel par gsungs pa ji ltar bshad pa rnam snang dang / gci ba khu ba'i dam tshig ni// mi bskyod 'od dpag med yin pa// de bzhin slob dpon rdo rje 'dzin// gshang gci khu ba phyag rgya rnams// ji ltar slob dpon sbyin pa po// de bzhin lus ngag yid rnams kyi// grub pa sbyin byed rdo rje 'dzin// kun rdzob dang ni bzlog pas kyang // slob ma rnal 'byor rnams kyi yang // dkyil 'khor byang chub rtsa ba ru// gang de sngon la phyi ma min// dgongs pa'i skad ni mi shes shing // ming tsam gyis ni rmongs pa rnams// rgyal ba'i dbang po rnams spangs nas// du 'bod du ni 'gro bar 'gyur zhes so// de ltar byang chub sems dpas mdzad pa'i rgya cher 'grel pa la thar pa 'dod pa rnams kyis gdams ngag dam pas thos pa dang bsams/ pa dang / bsgom pa la sogs pa rnams kyis mchog tu mngon par dang par bya'o// zhes pa'o// 'o na de ltar gang gis 'di kho na la rab tu dad par bya ba byang chub sems dpas mdzad pa'i rgya cher 'grel de la rnam par grangs pa'i yon tan ci zhig mthong zhe na gsungs pa sna tshogs la sogs pa'o// ma 'ongs pa'i dus kyi tshe na 'byung bar 'gyur te/ sangs rgyas kyi blo ste shes pa sna tshogs te rnam pa du ma 'byung bar 'gyur/

  61. 55a

    te/ rtog ge la sogs pa'i bstan bcos la gtad pa'o// sogs pa'i sgra chos mngon pa'i mdze da dang shes rab kyi pha rol tu phyin pa la sogs pa'i bstan bcos rnams te de rnams la so song gnas pa'o// de skad du rang gi le 'a gsungs pa/ gang shig de khon nyid gang zag ces bya lung nas smra ba de ni rang bzhin gyis bdag nyams/ kun rdzob tu ni don du/ ba po yang don dam pa 'i/ med pa ru ni 'dod pa'o// srid gsum mtha' dag rnam par shes pa nyid du smra ba po yang rnam par shes par 'dod par byed/ gang zhig stong nyid snying rje gnyis su med par smra ba phyogs nyam de ni ma nyams par 'gyur ro zhes so// sna tshogs su ma zad kyi log par yang ste/ log pa'i shes pa ni chad pa'i stong pa nyid kyi shes pa la sogs pa'o// gzhan gyi rtog ge la sogs pa dang 'grogs pa'i dbang las te gzhan rnam par shes pa tshangs par smra ba la sogs pa rnams kyi 'dod bya ma yin pa'i bstan bcos dang 'grogs pa'i dbang du gyur pa nyid kyi phyir ro zhes pa'o// sbubs thabs le'ur gsungs pa/ srid gsum phra rab gzugs min rnam par shes pa'o zhes pa ni de bzhin rnam par shes pa med de sangs rgyas shes rab gang du'ang gnas pa ma yin zhes pa'i tshig ni sangs rgyas pa rnams ston par 'gyur/ gang gis 'gyur med dang bral mi rnams kyis ni stong pa nyid de gzung nas stong par lta byed pa/ de nas gtso bos gang zhig 'pho med de lhan cig skyes pa'i lus kyis bde ba sngags kyi theg pa par bstan zhes so// de'i phyir bdag gis te 'jig rten dbang phyug gi sprul pa'i sra pad+ma dkar po sangs rgyas sras pos rgya cher 'grel pa bri bar bya ste gsal bar bya'o// blo ngan skyon ni 'joms byed de// blo ngan skyon ni 'dir phyin

  62. 55b

    ci log pa'i chos ston pa yin la de 'joms par byed pa'o// su rnams kyi zhe na 'dod pa'i yul la ste rdo rje theg pa la lam ston byed pa gang rnams te/ lam ni phyag rgya chen po'i bdag nyid can no// de rnams kyi'o// ci yis she na/ de'i de sna tshogs pa'i bdag nyid kyis blos dang log pa la sogs pa'i bdag gis dang / rtog ge la gtad pa nyid kyis dang / rang dang gzhan gyi bstan pacos rnams dang // kun nas 'grogs pa nyid kyis so zhes pa ste/ tshigs su bcad pa 'dis rgya cher 'brel pa'i shes bya'i sgribs pa rab tu spong ba gsal bar byed pa nyid gsungs so// / shes bya'i sgrib pa rab tu spong ba gsal bar byed pa nyid med pa pa sgom par bya ba'i lam gsal bar 'gyur ba med la/ zhon mongs pa'i sgrib pa rab tu gsal bar byed pa med par bsgom pa bstan par bya bar nus pa yang ma yin te/ de'i phyir de'i don du gsungs pa/ 'dod chags zhes pa la sogs pa ste rgya cher 'grel pa ji lta bu bri bar bya zhe na/ skye ba 'dzin pa'o// gang du zhen dpal ldan rdo rje'i theg par rtag tu 'khor ba'i rgya mtsho chen po dang bral bar ro// de nyid gsungs pa/ srid pa'i chu gter la ni ste/ srid pa'i phung po la sogs pa'i bdag nyid dam khams gsum pa'o// de nyid chu gter te chu dang gsher ba zhes pa rnam grangs su nang gi le'ur ro// 'dod chags mtha' yas tshu la zhes pa 'dod chags ni 'gyur ba'i bde ba'i bdag nyid kyi chos sam kun tu sbyor ba'i bdag nyid de/ de kho na gang du mtha' yas pa'i chu yin pa zhe pa'o// rnam 'byed med/ dang zhe sdang sprul dang chu srin 'khrig par zhes pa rnam 'byed ni gnas dang gnas ma yin pa shes pa yin la/ de med pa ni bral ba ste/ rnam 'byed nyams pa zhes pa'i don to// zhe sdang ni chags pa dang bral ba'i bdag

  63. 56a

    nyid kyis chos sam 'bral ba'i bdag nyid do// de dag kho na sbrul dang chu srin dag ste/ klu dang chu srin dag yin la de dag gis dkrigs pa mngon par khyab pa'o// gti mug klong ni rab mang ste/ gti mug ni rmongs pa'i bdag nyid kyi chos sam kun tu sbyor ba dang 'bral ba'i bdag nyid do// de kho na klong yin la de rab tu mang ba ste rnam par rgyas par ro// song dang 'ong ba'i nor gyi dpal la brkam pa'i rlabs ngogs can te song ba 'ang de yin la 'ong ba yang zhes pa ste/ de yang de yin la nor yang ngo zhes pa skye ba dang mdzad pa'i byang chub kyis sems sam gos dang rgyan la sogs pa'o// de'i dpal ni phun sum tshogs pa'o// brkam pa ni 'pho ba la mngon par 'dod pa'i bdag gis chos sam rang gi rdzas la chags pas gnas par gyur pa'o// de dag kho na gang gi rlabs dang ngogs yin pa zhes pa'o// rlabs ni rgya mtsho'i chu'i rnam 'gyur ro// ngogs ni 'gram mo// 'gyod sogs gsod pa la sogs las kyi rta gdong 'khor lo sgra drag ces pa 'gyod pa nyid gang gi dang po yin pa'i las rnams te/ sogs pa'i sgra yis the tsom la sog pa 'chad par 'gyur ba'o// gsod pa srog gcod pa gang gi dang po yin pa de rnams te/ de rnams kyang yin la las rnams kyang zhes pa'o// de rnams kho na rta gdong ste rta sgo dang / 'khor mo ste chu rnams 'khor ba'o// de dag las drag po ste 'jigs par 'gyur ba'i sgra gang na yod pa der zhes pa'o// de'i phyir nyon mongs pa'i sgrib pa spangs pa rab tu gsal bar byed pa las bde zag kho nar yang dag par rdzogs pa'i sangs rgyas nyid kyi rin po che 'thob pa'o zhes gsungs pa/ dam pa'i bde ba zhes pa la sogs pa'o// rgya cher 'grel pa mnyan par gyur pa de ni 'dren par byed pas na 'dren pa'o// lam gyis ni du ba la sogs pas so//

  64. 56b

    dam pa'i bde bas zhes pa khyad par la gsum pa ste/ 'dod pa lnga la longs spyod pa sngon ma can bde ba chen po la 'jug par shes pa'o// chen po rnams kyi ste dbang po gnyis kyi bde ba mngon par 'dod par da pa rnams kyi'o// myang 'das pha rol don gnyer rnams kyi ste/ mya ngan las 'das pa ni mi gnas pa'i mya ngan las 'das pa yin la de'i pha rol ni phul du byung ba dri ma med pa nyid thob pa ste/ de don du gnyer ba gang rnams kyi ngang chu la yin pa zhes pa las la drug pa'o// myur du rgal ba'i ched du/ shes rab rlung gi dar gyis zhes pa byed pa la gsum pa'o// shes rab ces pa gzugs brnyan mthong ba ste de nyid rlung gi dar ro// myur 'gro zhes pa myur du 'gro ba'i ngang tshul 'di'i yin pa zhes pa ste/ 'di kho na ni 'di nyid ces te 'dren pa ni yang dag ston par byed pa ste yang dag ston par byed pas na'o// yang dag ye shes yid bzhin nor bu'i zhes pa las la drug pa'o// yang dag pa'i ye shes ni pra phab pa lta bu ste de nyid yid bzhin gyis nor bu'o// 'jig rten gsum gyi bdag po nyid skye ba po'i zhes pa 'jig rten gsum gyi ste lus dang ngag dang yid kyi bdag po nyid do// bzhi pa nyid dang sangs rgyas nyid ces pa'i bar ro// de'i ster ba po yi bo// bdud dang nyon mongs tshogs 'joms mkhas pa'i zhes pa bdud rnams dang nyon mongs pa rnams kyi tsho gas te 'dus pa 'joms te gshig pa mkhas te byang ba zhes pa'o// tshigs su bcad pa 'dis ni 'bras bu 'thob pa'i rim pa gsungs so// de ltar byang chub sems dpas mdzad pa'i rgya cher 'gre ba skye ba 'dzin pa lta bu ste/ de ltar ni skye ba 'dzin pa na rgya mtsho chen por sngar legs par bstan par byas pa'i lam nges pas chu yi rab tu dbye ba dang / sbrul dang chu srin dang klong dang rlabs dang

  65. 57a

    ngogs dang rta gdong dang 'khor lo la sogs pa rab tu bzlog pa la mkhas pa bu ga med pa la sogs pa'i yon dang ldan pa'i gzings zhon pa/ rlung ras la sogs pa'i thabs rnams kyis bde blag kho nar lam bzang pos mgyogs pa dang bcas par drangs nas 'dod pa'i rin thang med pa'i yid bzhin gyi nor bu rin po che la sogs pa gzings kyi tshong pa rnams la ston par byed pa/ ji lta ba bzhin du 'di yang ngo zhes pa'o// mngon par shes pas med pas byas pa'i rgya cher 'grel pa la ni 'di lta bu'i mtshan nyid mi srid do// de ltar ni lam rin po che yongs su mi shes pa'i phyir dang / de'i sgrib pa spong ba rab tu spang ba ston pa las shin tu ring pa nyid kyi phyir dang 'khor ba'i rgya mtsho'i rang bzhin gyi khyad par ma bshad pa'i phyir dang / 'dod chags la sogs pa gdug pa'i rang bzhin can rnams kyi khyad par dang rab tu rgyu ba dang dbye ba rgyas par ma bstan pa'i phyir dang / phyag rgya chen po bsgom pa la sogs pa thabs rnams nges par ma bstan pa'i phyir dang / sangs rgyas nyid kyi ched du dkyil 'khor gyi 'khor lo la sogs pa'i ni pashi dag byed pa'i bang dang / 'byu bya bar 'byung bar bya nyid du byugs pa'i phying du / 'byur bamed par bad pa dag par thabs med pa'i ba ba ca bar brjod pa'i dang / chags pa chen po'i me 'gyur ba med pa'i bde ba rdo rje'i rnal 'byor gyi bdud dang nyon mongs pa'i tshogs thog ma'i gdams ngag tu sgrub par byed pa'i phyir dang / de'i phyir rnam pa thams cad pa'i yang dag pa'i ye shes yid bzhin nor bu sna tshogs pa dang legs pa nyid la sogs pa'i shes pa'i dbye bas yang dag par mthong ba med pa'i phyir ro zhes pa'o// dpal ldan dri ma dang bral ba'i 'od kyi rgyud 'dus

  66. 57b

    pa'i bshad sbyar brgya phrag bcu gsum pa mi g.yo ba'i snying po snang bar byang chub sems dpas mdzad pa'i rgya cher 'grel gyi yon tan bsgrags pa'i nges pa ste gsum pa'o// // da ni thar pa 'dod pa rnams kyi lam gyi sgrib pa dgag pa brjod par bya ste/ de la lam yongs su spangs pa lam ma yin pa la brten pa ni srid par 'khyam pa'i rgyu mtshan du tshigs su bcad pa gnyis kyi ston pa gsungs pa/ de nyid gcig pu rdo rje 'dzin pa'i phyag rgya chen po ste zhes pa/ phyag rgya chen mo de nyid gcig pu ste gnyis pa med pa ni kun mkhyen bde ba ste 'dzag pa med pa'i bde ba phul du byung ba dri ma med pa nyid kyi ngo bos ster bar byed do zhes pa'o// phung po la sogs sgrib pas rab tu dman yul can zhes pa phung po ni gzugs la sogs pa rnams te/ sogs pa'i sbas khams dang dbang po dang yul dang lus kyi dbang po dang bya rnams dang shes bya ba dang nyon mongs pa dang snyoms par 'jug pa'i sgrib pa rnams gzung ngo // phung po la sogs pa rnams kho na sgrib pa rnams so// de rnams kyi rab tu dman pa'i yul ni gzugs brnyan mthong ba ste de gang gi yin pa de la de skad ces bya'o// gang zhig pra phab brgyad lta bu zhes pa brgyad rnams kyang de rnams yin la/ pra phab rnams kyang de lta bu ste 'dra zhing mtshungs pa gang yin pa zhes pa'o// de gsungs pa/ me long mthe bong sgron me zla/ nyi ma chu dang ral gri mig/ pra 'bebs 'jug pa brgyad rnams ni// rgyal ba rnams kyi pra 'bebs gsungs zhes so// de ltar sems kyi snang ba tsam chos kyi dbyings ni phyag rgya chen mo zhes brjod do// ji skad du ye shes kyi le'ur gsungs pa/ de'i phyir g.yo med bde ba'i skad cig skyes pa 'dir ni chos kyi dbyings kyis ster byed de/ srog gis ro'i 'gro ba rnams la gnas pa/

  67. 58a

    thams cad bkrugs cing nyon mongs bdud rnams bcom byas nas/ rdzu 'phrul kun mkhyen sa dang srid gsum bla ma nyid ni rnal 'byor rnams kyi skye ba 'di la ste/ lam du zhugs rnams gal te 'chi bar gyur na/ de bzung ba las skyes pa gzhan gyis zhes so// slar yang de nyid du gsungs pa/ sems kyis snang ba tsam ste rang gi yid la skyes pa me long gi ni gzugs brnyan lta bu nyid/ gang zhig mtha' dag rgyal ba'i sras dang sangs rgyas rnams kyis bsten pa rnal 'byor dbang pos bstan bya ste/ yang dag ye shes me lce rab tu rgyas pa bdud tshogs yul dang bcas pa mtha' dag sreg byed cing // lus la chags pa la sogs kyang ste rnal 'byor rnams la lo'i sbyor bas bde mnyam ster bar byed ces so// de ste 'di ltar gyur pa'i phyag rgya chen po bor nas sangs rgyas nyid kyi ched du gang le los nyes par bcom bsten par byed cing 'dod par byed de/ nor la chags shing 'khyog po'i snying ldan zhes pa ste nor la chags pa yang 'di yin la 'khyogs po'i skang yang ste las kyi phyag rgya'o// brtag pa zhes pa ye shes kyi phyag rgya'o// de yis te las kyi phyag rgya yis sam rnam par brtags pa'i blo ye shes kyi phyag rgyas de ni 'pho ba ste chags pa nyams pa'i mtshan nyid can 'thob par byed ces pa'o// de'i phyir 'gyur ba'i rnal 'byor las 'gyur ba de nyid sangs rgyas nyid mchog tu mi 'gyur ba'i bde ba'i go 'phang ni ma yin no// ji skad du ye shes kyi le'ur gsungs pa/ nim pa'i shing la dgun 'brum min te dug las bdud rtsi dang ni tshangs pa'i shing las 'dam skyes dang / stong pa las ni myang 'das bde ba mi dge'i dbang las dge ba srog chags gsod las grub pa rnams/ phyugs rnams mchod sbyin las

  68. 58b

    ni mtho ris mchog tu zhi ba'i go 'phang dbang po rnams 'gog pa las min/ rig byed las ni gun mkhyen gsung dang 'gyur med mchog gi bde bar 'gyur ba ma dag sems las min shes so// 'o na sangs rgyas nyid du mi 'gyur mod/ bsod nams ni cis bzlog ce na gsungs pa/ sdig to zhes pa la sogs pa'o// chags pa nyams las sdig pa ste snying rje zad pa'i bdag nyid las so// de zhing gang gis phyir zhe na shin tu sdug ma ste 'dod ldan ma myos ma la zhe sdang ste/ sdang bar byed pa 'di ni byams pa zad pa'i bdag nyid de/ skye bo zhes so sor 'brel lo// sdang las gti mug ste yang dag par bstan pa nyams pa dga' ba zad pa'i bdag nyid dang / rmongs pa ni bde ba nyams pa'i mtshan nyid can btang snyoms zad pa'i bdag nyid can no// zhes pa tshangs pa'i gnas bzhi med pa'i phyir sdig pa zhing de bsod nams ga la yod ces pa'o// / 'o na 'dod chags 'phel ba'i mtshan nyid can snying rje dang / zhe sdang nyams pa'i bdag nyid can byams pa dang / gti mug zad pa'i bdag nyid can dga' ba 'gyur ba med pa dang / 'gyur ba med pa'i bde ba'i bdag nyid can btang snyoms shes pa 'di yang yod dam ci zhe na/ yod de sangs rgyas thod par ji skad du// lta bar ldan pa snying rjer 'gyur// 'khyud pa yi yang byams pa ste// drang ba'i sbyor bdag dga' ba yang // chags par byed pa de bzhin no// gnyis dag tshogs pa'i skad cig gang // de btang snyoms su bdag gis bshad// 'di ltar gyur pa'i rnal 'byor dang // ldan pa nad kyis ji ltar 'joms zhes so// dam pa'i min pa'i bza' ba ni// sha la sogs pa dang dam pa min pa'i btung ba ni chang la sogs pa'o// sogs pas ni gar dang glu la sogs pa'i yul lo// de yis shes pa dam pa ma yin pa'i bza' ba dang btang

  69. 59a

    ba la sogs pa'i yul gyis sems la co dris shing / gang las zhi bar gsos pa yang dang yang du shin tu sdug ma la rab tu 'jug ste/ ji srid du sems rmongs pa'i bar zhes pa'o// de las bde ba zhams/ shing skye ba drug ste 'gro drag rnams su 'khor bar 'gyur te/ thug pa med pa nyid du skye bar 'gyur te sdig pa las so// zhes pa'o// da ni lam don du gnyer ba rnams kyi don la rton pa nyid gsungs pa/ sgra dang zhes pa/ la sogs pa'o// sgra ni legs pa'i sgra sa myag saM bud d+ha la sogs pa'o// sgra min ni sgra nyams pa lha dang klu'i brda sprod pa las phyi rol tu gyur pas byas pa gA bi zhes pa la sogs pa'o// de rnam par dpyad pa las ni chen po khyad par can gyi don dang ldan pa med pa'o// sna tshogs yul skad ngan pa ni i t+ya so b+ha ga bA zhes pa la sogs pa'o// chen po rnams kyi ni phyag rgya chen po don du gnyer ba rnams kyi ste dbang po rnon po nyid kyi phyir ro/ zhes pa'o// thams cad mkhyen pa'i gsung de ni sna tshogs pa'i skad kyi bdag nyid/ mchog ste bla na med pa'i bde ba sbyin pa'o// sems can rnams kyi mos pa'i sems kyi dbang las te/ mngon par yid ches pa bstan gnyer rnams kyi'o// sogs pa'i sgra las don dang 'brel pa dang / ngag dang rnam par dbye ba dang tshig dang yi ge la sogs pa bzung bar bya'o// zhes pa legs par sbyar ba'i skad ni nyi che ba nyid do zhes pa'o// / 'on sba la don rtogs pa sgra nyams las ma yin pa ma yin nam zhes gsungs pa/ sgra nyams pa las kyang zhes pa la sogs pa'o// kyang gi sgran rim pa tha dad pa la ste sgra nyams pa las kyang rnal 'byor

  70. 59b

    pa yis don ni 'dzin par byed de yul gyi skad las te/ ji skad du/ kaN+Da Da pa'i kar+N+Na'i sgras// rdo dang rkang pa brjod par byas// la lar 'on par rab brjod de// de bzhin rgyud rnams su bstan pa'o// tso bo ri'i sgra ni 'jig rten 'gar// zan gyi don rab rtogs par byed// la lar chom rkun pa nyid brjod// de bzhin rgyud du bstan pa rnams zhes so// de bzhin pu ru She ga Na Da zhes pa la sogs pa'o// lhag ma ni go bla'o// da ni tshig 'bru la rton pa dgag pa gsungs pa// dam pa'i zhes pa la sogs pa'o// dam pa ni 'jig rten gsum rnams su mchog go// don ni dgongs pa ste phyag rgya chen po'i lam mo// de'i de nyid ni mi 'gyur ba'i ye shes so// de'i yul ni rdo rje'i gnas te de la zhes pa'o// tshig 'bru ni 'dir sgra bzang po la sogs pa'i bdag nyid can no// lhag ma ni go bla'o// de ni rnam par shes pa la rton pa nyid dgag pa gsungs pa/ ye shes la sogs pa ste/ nyid kyi sgra gnyis kar yang spel bar bya'o// brjod par bya ba gang brjod pa ste/ mngon par brjod par gyur pa ni/ sgra dang sgra nyams par 'gyur ro zhes brjod par bya ba nyid du nges par 'gyur ba de ye shes nyid ma yin no zhes pa'o// de ni thams cad mkhyen pa'i gsung nyid du mi 'gyur te/ da ni zhi che ba ste zhi che la yod pa lha la sogs pas bkod pa'o zhes pa'o// // da ni ye shes la rton pa nyid gsungs pa mchog tu zhes pa la sogs pa'o// / gang zhig shes rab ye shes dang / shes rab ni phyag rgya chen mo pra phab pa'i rang bzhin can yin la// de nyid ye shes te dus gsum pa mthong ba'o// sangs rgyas rnams kyi ste ma lus pa'i ngo bo mthong ba rnams kyi'o// de nyid mchog tu mi 'gyur ba// bzhi pa'o de ni slar yang de bzhin te// rang gi phyag rgya chen po rgyal bas gsungs zhes pa ste/ mchog ni khams gsum pas mchod pa'o// mi 'gyur ba ni 'pho ba med pa'i bde ba'o//

  71. 60a

    bzhi pa ni lhan cig skyes pa'i dga' ba'i thig le 'gog pa'o zhes pa'o// phyi nas khyad par gyi bsdu ba'o// de las rang gi phyag rgya chen po 'di rgyal bas gsungs te/ 'di rab tu gsal bar mdzad do// de yang de bzhin no zhes pa 'dis gzhan du rnal 'byor pa gdug pa'i slob dpon gyis 'jigs pa las shes pa'o// 'o na shes rab ye shes kyi khyad par bzhi pa 'am mchog tu mi 'gyur ba zhes pa gcig gis chog pa ma yin nam/ gnyis kas don gcig rtog par byed pa'i phyir ro zhe na bden mod/ mi'i phyugs rnams 'byung bar 'gyur te/ gang rnams shes rab ye shes ni dkyil 'khor gyi 'khor lo bsgom pa'i rnam par rtog pa'i shes rab kyi bde ba bzhi par sems shing de rnams phyag rgya chen po'i ye shes las nyams pa rnam par rtog pa dor ba yongs su dor ba las dam pa ma yin pa'i bla ma'i gdams ngag las shes rab ye shes mi shes pa rnams 'gyur ba'i bde bas skyed pa'i 'dzag pa'i bde ba shes rab ye shes nyid du nye bar ston par 'gyur ro zhes pa dgag pa'i don du mchog tu mi 'gyur ba zhes pa'i khyad par gsungs so// gang rdo rje'i tshig shin tu mi shes pa rnams bzhi pa de yang de bzhin no zhes pa'i gsung las las kyi phyag rgya las skye bar 'gyur ba'i bde ba gsum pa ni rgyu dang 'bras bu dbye ba med pa las shes rab ye shes su sems par byed de dbang po gnyis kyi bde bar mngon par 'dod pa slob dpon ma bsten pa mchog mi 'gyur ba'i bde ba nyams pa phyugs rnams las kyang phyugs te/ de rnams kyis 'gyur ba'i bde ba med par kun tu bzang po shes rab ye shes nyams su myong bar mi 'gyur ro zhes gsungs pa kho na bzhi pa nyid du 'jig rten rnams 'dzin du 'jug go zhes pa 'di'i don du bzhi pa zhes pa'i khyad par gsungs so// gal te yang las kyi

  72. 60b

    phyag rgya dang ye shes kyi phyag rgya zhes pa las skyes pa'i 'gyur zhing 'dzag pa'i mtshan nyid can 'di de bzhin gshegs pa'i ye shes su 'gyur na de'i tshe/ bcom ldan 'das kyis sgyu 'phrul dra bar/ bcu drug phyed phyed thig le/ 'chang zhes dang / de bzhin du bsam gtan bzhi pa'i mtha' 'chang ba zhes pa la sogs pa 'di gsungs pa 'di ci zhig rgyud kyi rgyal por yang ye shes kyi le'ur/ de ltar sems ni rnam bzhi srid pa gsum la gnas/ pa srog chags rnams kyi thig le'i dbus su ste/ rnal 'byor dbang po rnams kyis bde mnyam 'bras ster khyab par byed ni thar pa'i rgyu ru bsrung bar bya/ thig le btang na rnal 'byor rnams kyi skye bo'i sa bon mchog gi bde ba song la thar pa gang / de phyir 'khor ba'i bde ba'i skad cig 'di ni sdom brtson rnams kyis thams cad dus su dor bar bya zhes so// de'i phyir shes rab kyi ye shes zhes kyang smra bar mi bya ste/ 'dir gal te shes rab ye shes 'pho ba'i mtshan nyid can shes rab kyi rgyu las skyes pa'i 'bras bu thabs kyi shes rab ye shes yin na/ de'i tshe thabs kyi rgyu las skyes pa'i 'bras bu ni shes rab kyi phyag rgya chen po'i dngos grub kyi don du thabs ye shes su 'gyur ro// de ltar na phan tshun ltos pa nyid kyi phyir ye shes gnyis dag tu 'gyur ro// de ltar gnyis ka'i ye shes so sor gyur na gnyis su med pa'i ye shes med do// gnyis su med pa'i ye shes med pa'i phyir sangs rgyas nyid kyang med par 'gyur te/ rnam par dag pa mchog tu mi 'gyur ba'i ye shes dang bral ba nyid kyi phyir ro zhes so// cis te shes rab ye shes ni shes rab ye shes yin na de'i tshe thabs kyi ye shes thabs ye shes so zhes pa ste skyon snga ma bzhin no zhes so// 'on gsum pa 'gyur ba'i bde ba'i mtshan nyidi can shes rab ye shes su mi 'gyur mod/ rnam pa gzhan du 'gyur du chug mod/ bcom

  73. 61a

    ldan 'das kyi dpe la 'gyur ba'i bde ba 'jig rten rjes su gzung ba'i don du gsungs pa ji ltar zhe na/ 'di ni bden mod/ kun rdzob du dpe'i don du gsungs pa ste/ bzlog pa ni 'di de bzhin gshegs pa'i ye shes su mi 'gyur ro zhes pa'o// 'di kho na rjes su 'gro ba dang ldog pa dag gis 'phags pa'i tshigs su bcad pa gnyis kyi dbyer byas nas brtan par gsungs pa/ zag ces pa la sogs pa'o// gang gis dkar po ni byang chub kyi sems so// ma rgyas pa ni kha ma bye ba'o// tsu ta'i 'bras bu rgyu ci yis 'byung ste gang gis kyang ma yin no zhes pa'i don to// de gsungs pa/ grub pa kun gyi gter gyur pa/ byang chub sems ni lhang gyur la/ phung po rnam shes/ brgyal ba na/ grub pa smad med ga la yin zhes so// de ltar bzhi pa'i gnas skabs kyi sgrib pa zad pa'i bdag nyid kyi rgyu med par byis pa'i rigs can las gzhan pa ni sangs rgyas nyid ces pa'i 'bras bu re ba ma yin no// gal te// de ltar na skye bo thams cad nyid 'gyur ba'i bde ba re bar byed ce na/ gsungs pa/ gang gis zhes pa la sogs pa'o// gang gis te srog chags kyis 'khor ba'i bde ba'i bag chags kyi sa bon gyis skyed pa 'du byed kyi sdug bsngal las te 'gyur ba'i bde ba la chags pa nyid kyi phyir ro// bya thams cad skom pa ni sa la gnas pa'i chu tshol bar byed la/ tsAT ka ni btung bar sems pa ma yin no zhes pa'o// 'di skad brjod par 'gyur te/ gang tsa Ta ka'i spyod pa'i rjes su spyod pa de ni mkhas pa'i rigs can skye ba snga ma'i stong pa nyid dang snying rje kun rdzob pa'i dmigs pa med pa'i bag chags kyi stobs kyis rdul phra rab tshogs pa las 'das pa dkyil 'khor gyi 'khor lo la sogs// pa rnam par rtog pa bsgom pa dang bral ba phyag rgya chen po'i dngos grub kyi sgrub byed la dmigs par byab ma yin pa mchog mi 'thung ba'i bde ba mngon sum du bya ba'i ched du 'bad par byed de rtag tu rang dang gzhan gyi don du gan

  74. 61b

    ba'o// gang shes rab dman pa dbang po gnyis kyi bde ba mngon par 'dod pa las chags bral las skyes pa'i sdug bsngal kho na la mngon par rgyug go// de ni byis pa'i rigs can rang gi don nyams pa rang nyid kyang sdug bsngal ba yin na de'i gzhan gyi don ga la yin zhes pa'o// 'di kho na drang ba dang nges pa'i don dag gis gsungs/ 'khor ba'i zhes pa la sogs pa'o// 'khor ba ni 'dod pa dang gzugs dang gzugs med pa'i mtshan nyid can/ no// de'i bde ba ni phreng ba dang can dan dang bud med la sogs pa nye bar longs spyod pa'i mtshan nyid can no// mi rtag pa ni 'jigs pa'i ngang can no// de yang thob pa min te rnyed pa min yang rmongs chen tshol bar byed la/ mkha pa 'khor ba'i bde ba la ltos pa med pa ni yang dag pa'i rgyal srid kyi bde ba 'dor bar byed de yang dag pa'i rgyal po ni 'khor los sgyur ba yin la de'i dngos po ni de nyid de/ de'i bde ba thob pa yang ngo // thar pa'i ched du/ ste/ 'khor ba'i sdug bsngal las nges par grol ba'i ched du'o zhes pa drangs pa'i don to// nges pa'i don gyis na khor ba ni phung po dang khams la sogs pa'i mtshan nyid can no// de'i bde ba ni dbang po gnyis kyis skyes pa ste/ mi rtag pa ni skad cig tsam mo// de ma thob kyang ste yan lag can ma'i rang bzhin las so// de lta na'ang tshol bar byed re bar byed do// de nyid kyi phyir gti mug pas na rmongs pa'o// chen po ste rnam 'byed pa dang bral ba nyid rmongs pa chen po zhes brjod do// mkhas pa ste bden pa mthong ba'i byang chub sems dpa' ni yang dag pa'i rgyal srid kyi bde ba yang dag par 'dod par byed do// yang dag pa'i rgyal po ni 'khor los bsgyur ba chen po 'og min gyi khang pa na bzhugs pa bcom ldan 'das dpal shAkya seng ge ste/ de'i bde ba ni mtha' yas pa'i yon tan gyi 'bras bu rab tu sbyin pa'o// de yang thob pa ste phyag rgya chen po dang yang

  75. 62a

    dag par 'grogs pa las so// thar pa'i ched du ste/ mi gnas pa'i mya ngan las 'das pa'i ched du'o zhes pa ste nges pa'i don la rton pa nyid la brten par bya'i/ drang ba'i don la rton pa nyid la ma yin no// de yang 'dir bde ba chen po'i rtogs par byed pa ste rab tu mnan nas rgyu bar byed pa nyid kyi phyir ro zhes pa dgongs pa'o// 'o na 'gyur ba med pa'i bde ba thob pa ni khyod kyi lugs kyis sangs rgyas nyid yin la de yang yongs su 'dor ba ni mkhas pa'i rigs can zhes pa ji ltar yin ce ste/ 'jig rten las 'das pa nyid kyi phyir 'jig rten gyi yang dag par 'byung ba ma yin pa las 'das pa'o sems na 'di lta bu lung mthong dam ci zhe na/ bden mod gsal ba kho nar mkha' 'gro ma rdo rje gur la sogs par mthong ste/ chags pas 'jig rten bskyed pa ste// chags pas 'phangs las zad par 'gyur// rdo rje'i chags pa yongs shes las// yid ni rdo rje sems dpar 'gyur// chags pa'i zhags pas bcings pa yis// 'jig rten chags las 'khrugs par 'dod// chags dang bral ba'i mngon byang chub// chags pas bgrod pa rnams kyis nyams// 'jig rten pa'i bsnyen par yang 'jug pa'i sems la brten nas gsungs pa/ gang rnams sems can don gyi rgyu ru rnams sangs rgyas nyid kyi// bde ba mtha' yas rab tu thob pa yang dag ston mdzad cing // 'khor ba'i dbus su rab tu 'jug par mdzad pa rnams/ de rnams zhabs kyi chu skyes dag la spyi bos phyag 'tshal lo// zhes so// de ltar 'on 'gyur ba med pa'i bde ba de tshangs par spyod pa'i bde ba dang mtshungs par 'gyur ba ma yin nam zhe na ma

  76. 62b

    yin te yang 'dod ldan gyi bde ba dang 'grogs pas non pa yin ste/ ji skad du lo zhes pa la sogs pa'o// ri dgas rnams bza' zhing ldan pa'i ngang tshul 'di'i yin pa zhes pa ri dgas zas can de seng ge'o// brgya lam na ste/ thams cad kyi tshe ma yin no// lan cig ni khor gcig go// gal te de lta na yang gnyis ka dag la ni bde ba mchog yod pa ma yin no// ni'i sgra ni yang gi don la'o// de dang cis 'dra bar 'gyur zhe na/ gsungs pa/ lan cig rtag tu khu ba ltung phyir ro// ji lta bar ro zhes pa'o// ji ltar te gang dang 'dra bar de bzhin te/ de dang 'dra bar dka' thub pa'i rmi lam gyi dus dang 'dod ldan gyi sad pa'i dus su 'dzag phyir te/ sems nyams pa'i phyir ro zhes pa'o// rmi lam dang sad pa'i gnas skabs kyi sgribs pa 'di dag gis gsungs so zhes pa dgongs pa'o// 'o na tshangs par spyod pa shin tu gnyid log pa rmi lam gyi 'dod lhan ma'i rnam pa'i bag chags skye ba med pa'i phyir gang dang 'dra ba'i bde ba de dang 'dra bar der 'gyur ro zhe na gsungs pa/ gnyid log pa yang zhes pa la sogs pa'o// ji ltar te gang dang 'dra bar/ de ltar te de dang 'dra bar ro// stobs med pa'i skye gnas kyis zos pa ste/ bud med kyi b+ha ga'i sbrul gyis so// dka' thub mi byed cing dka' thub tu byed pa ma yin te sems zhen pa'i phyir ro// don ni 'di yin te/ ji ltar 'ga' zhig rmi lam du sos btab pa sad par gyur pas yul gyis kho na nyid mi shes pa rang gi lus 'dzin pa la chags pa de lta bur bud med kyi b+ha ga yis sos btab pa phyag rgya chen po'i de kho na nyid mi shes pa ci zhig ltar yid bzhin gyi nor bu byang chub kyi sems kyi de kho na nyid med pas bud med kyi b+ha ga'i sbrul gyis nyams par byas pa'o// zhes pa'o// shin tu gzhid sad pa'i gnas skabs kyi sgrib pa gsungs so zhes pa'o// 'o na de

  77. 63a

    ltar bzhi pa la sogs pa'i gnas skabs kyi sgrib pa yod pa'i phyir 'gyur ba'i bde ba de kho na nyid ma yin na de ci ma ning bzhin du 'gyur ba med pa'i bde ba de kho na nyid du 'gyur ram zhe na gsungs pa/ bsreg pa zhes pa la sogs pa'o// ji ltar te gang dang 'dra bar ro// rdo dreg ni rdo 'ga' zhig gis dbus su pags par 'gyur ba bsregs par gyur pas dri ma med par 'gyur ro// de bzhin te de dang 'dra bar ro// sems shes pa byang chub kyi sems so// shes rab ye shes kyis te phyag rgya chen po chags pa'i sems sam/ las kyi phyag rgya dang chags pa'i mes bsreg pa'o// dag pa ste 'gyur ba med pa dri ma med pa nyid du zhi bar 'gro'o zhes pa'o// ji skad brjod par 'gyur te/ rdo dregs gis bsrud pa'i gos dri ma can ni mar gyis byug pa me chen po la thal bar byas pa dri ma med pa nyid du nye bar 'gro ba ji lta bar de bzhin du sems dam pa ma yin pa'i bag chags kyi dri ma can phyag rgya chen po'i mar gyis byugs/ gtum mor chags pa'i me la dbugs 'byung ba dang rngub par thal bar byas pa 'gyur ba med cing dri ma med pa nyid du nye bar 'gro ste/ sdom pa rtsom rnams kyi'o zhes pa'o// 'phags pa'i tshigs su bcad pa 'dis ma ning gi skyon zad pa'i mtshan nyid can gyi 'gyur ba'i bzhi pa la sogs pa'i gnas skabs dang chos mi mthun pa'i chos 'dzin pa yis mchog tu 'gyur ba'i bzhi pa dri ma med pa nyid du bshad do// don dam pa'i bsnyen par yang / ji ltar rdo rje dreg gos ni me yis bsregs pa na/ 'ju bar mi 'gyur thar pa nyid du'ang min// de bzhin chu skyes chags pa'i byang sems mchog/ rang bzhin dag 'di'o sdom brtson rnams kyi'o// dge slong gis ni mtha' yas don du bsrung bya gang // gang zhig 'dod can bde ba'i don du btsal bya ba// de dag dbus su gnyis med rnal 'byor rin po che// gang zhig 'dzin par byed de zad med la rab zhugs// 'dod bya'i na chung 'grogs la chags/

  78. 63b

    pa'i 'dod ldan dang / dge slong tshul khrims 'chal pa gtsug lag khang gnas dag/ las kyi bde ba'i don ni rgyu du byed pa gang // yang dag sbyor ba de ni rgyal ba'i rdo rje'i tshig ces so// rdo rje'i gnas 'di rtogs par bya ba'i don kho nar kun rdzob tu dper byas pa ste/ bzhi pa shes rab ye shes yin te gsum pa ma yin no// zhes pa gnas pa'o// / da ni bzhi pa'i g.yo ba'i bdag nyid kyis sems dpa' bo nyid kyi rnal 'byor gyis bcings pa'i thabs 'phags pa'i tshigs su bcad pa nyid kyis gsungs pa/ me yis shes pa la sogs pa'o// dngul chu ni dngul chu yin te 'bros par byed do ste/ kha cig tu bdag nyid kyis tshig can gzhan gyi ched du ba'i tshig go/ hi ni gsal lo// thabs med pa'i rtag tu ste thams cad kyi tshe nyams par 'gyur ro zhes pa'i don to// 'o na 'di ltar 'gal bar gyur pa yod pa na 'di ji ltar 'ching zhe na gsungs pa sman zhes bya ba la sogs pa'o// jiltar te gang dang 'dra bar ro// dngul chu g.yo ba yang sman la sogs pa'i stobs kyis 'ching bar byed/ sman ni 'dir gang zhig blugs pa tsam las zangs kyi 'dab ma mer bcug pa'i dri ma 'phral la 'phrog par byed pa de skal ldan rnams kyis mthong ba'o// sogs pa'i sgras mak+Shi ka dang bi ma la la sogs pa'i ro rnams dang / kA k+Shi dang ka si sa la sogs pa nye ba'i ro rnams dang / dzam b+ha la la chu sbyin pa dang 'jig rten dbang phyug la sogs pa'i bsam gtan dang sngags dang spyod tshul dang phyag rgya bcings pa la sogs pa rnams bzung bar bya'o// 'di rnams kyi stobs kyis te mthu yis so// me dang phrad pa rnams kyis shes pa lnga pa'i don la gsum pa'o// mang po'i tshig ni me dang phrad pa mang po nyid du gsal bar byed pa'o// gzhan du na me chu ngu dang phrad pa las res 'ga' gnas la/ me drag po dang phrad pa las nges par 'bros so zhes pa

  79. 64a

    brtag pa'i don du gsungs pa'o// de bzhin du de dang 'dra bar khu ba dga' ba la sogs pa'i rgyu ni 'ching bar byed do// shin tu rnal 'byor rnams kyi zhes pa la rnal 'byor ni 'dir rab tu sbyor ba du ba la sogs pa thams cad de/ rnam par rtog pa las 'das pa'o// mang po'i tshig ni so sor sdud pa la sogs pa rnams gsal bar byed pa'o// shes rab ma dang 'grogs pa rnams kyis shes pa 'dir yang lnga pa'i don la gsum pa'o// shes rab ma ni las kyi phyag rgya'o// de dang 'grogs pa ni yang dag par sbyar ba'o// mang po'i tshig ni yang dang yang du sgrib pa rtogs par byed pa'o// ji srid du brtan par gyur nas lus 'bugs so zhes pa'i bar ro// sgrub thabs kyi le'ur gsungs pa/ me ni dngul chu'i dgra nyid yin te me dang rnam par bral na dngul chu 'ching ba nam yang med/ ma bcings na ni gser byed med de gser dang bral na smra bo rnams la longs spyod med pa nyid/ de bzhin bud med sbyor ba thal na rtag tu rnal 'byor pa rnams kyi ni sems 'ching mi 'byung la/ bcings pa med na phug pa'i lus med ma phug lus kyis 'dir ni lhan cig skyes pa bde bar gter ba yin zhes so// 'o na las kyi phyag rgya sngar spangs pa ma yin nam/ 'dir ni de dang 'grogs pa mngon par 'dod pa zhes pa'i phyir 'gal lo zhe na/ der ni 'gyur ba'i bde bas sangs rgyas nyid 'thob pa la spangs kyi// / mi 'gyur ba'i bde ba 'phel ba'i ched du ma yin no zhes pa ste/ don dam bsnyen par gsungs pa/ bud med 'grogs pas dman la thar pa'i bde ba med/ bud med 'grogs pas dman la srid me'i sdug bsngal med/ de phyir rang gi blo yis legs par rnam dpyad nas/ slob ma rnams ni zung zhig rab tu rtogs par gyis zhes so// da ni 'phags pa'i tshigs su bcad pa gnyis kyis dpe dang bcas par byang chub kyi sems/

  80. 64b

    mthong ba'i thabs ni thabs ma yin pa spangs pas gsungs pa/ shing la gnas pa zhes pa la sogs pa'o// ji ltar te gang 'dra bar/ me mi mthong ste shing la gnas kyang zhes pa'i kyang ni yang gi don to// bcad dang / dbye ba'i thabs rnams dag gis shes pa byed pa la gsum pa'o// bcad pa ni sta re la sogs pa rnams kyis so// dbye ba ni shing gri chu ngu la sogs pa rnams kyis so// thabs ni sgo'o// gtsub pa'i shing ni dbyug pa'o// pA Ni ni lag pa'o// de dag gis bsrubs pa las me ste/ de la gnas pa yang zhes pa ni/ srub stan gyi shing de la gnas pas de la gnas pa'o// de bzhin te dang 'dra bar sems kyi 'od gsal ni sems kyi 'od gsal ba ste khams gsum pa mthong ba'o// rtog pa'i bsgom pa'i thabs rnams kyis mi mthong ste/ rnam par rtog pa yang mngon du byed pa'i sgo rnams kyis so// 'di ni sems kyi 'od gsal ni brkyang ma dang ro ma gcig tu sbyor bas mthong bar 'gyur zhes pa byed pa la gsum pa'o// gcig tu sbyor ba ni gnyis su med pa'i rnal 'byor ro// de nyid du ste rang gi sems nyid la'o zhes pa'o// don dam bsnyen par yang gsungs pa/ shing las me dang chu da // las ba rnams pas gas sa// da me rdzog 'azugs pas grus pa dab / A rnams kyi thabs kyang bas rjes// sa kyis gas pa cung zad med// gzhag bya med cing sgrib dang 'phel ba dag kyang med// sems la rang sems so sor snang ba tsam du ni// khams gsum pa ste dper na chung son nyi ma bzhin zhes so// sems gcig kho na shes rab gzugs brnyan rtogs pa du ma'o zhes pa dgongs pa'o// da ni lam shes pa'i de kho na nyid thob pa gsungs pa/ lam zhes pa la sogs pa'o// de bzhin gshegs pas gang gsungs pa/ bcu drug bzhi yi rab tu dbye ba can/ de kho na nyid bzhi

  81. 65a

    pa dpal ldan bla ma'i zhal te rnal 'byor pa ma yin pas 'thob pa ma yin no// sna tshogs rnam rtog la sogs lam gyis ni// sna tshogs rnam rtog ni pad+ma dang nyi ma dang zla ba sgra ga can gyis gdan dang sa bon dang mtshan ma yongs su gyur pa zhal dang phyag dang kha dog dang dbyibs can rang byin gyis brlabs pa la sogs pa'o// sogs pa'i sgras chos thams cad chad pa'i stong pa nyid du smra ba la sogs pa'o// de kho na nyid rab tu gsal bar dbang gi le'ur gsungs pa/ 'dod dang dga' ba dang ni 'dar dang 'gyur med kyang ste bzhi po yis ni sbyor ba de gcig ste/ gang ba dang ni nus dang skye ba dag dang mchog gi dga' ba de ltar gnyis par nges par 'gyur// / 'bar ba dang ni thig le rgyal ba dag dang slar yang khyad par dga' ba de ltar gsum pa'o// oM Da DA dang ni nAd dag dang gnyid dang lhan cig skyes pa'i dga' ba de ltar bzhi par 'gyur zhes so// de'i phyir rnam par rtog pa'i lam ni de kho na nyid ma yin la/ de kho na nyid ma yin pa zhes bya ba yang de kho na nyid kyi sgrub thabs su 'gyur ba ma yin no// / gal te de sbubs thabs su mi 'gyur na ci zhig der 'gyur zhe na/ gsungs pa/ bskyed pa'i zhes pa la sogs pa'o// / de kho na nyid bde ba chen po'i sgrub thabs te 'di yi sgrub par bya ba'o zhes pa sgrub thabs ni de kho na'o// gzhan ma yin te pad+ma la sogs par kun tu rtog pa'o// de kho na nyid de ci zhes na/ bskyed pa'i rim pa las grol ba ste mngal/ du 'jug pa'i rim pa las grol ba ste/ hUM dang ni phaT yig ces pa sngags so// sogs pa'i sgras phyag rgya la sogs pa'i rtog pa'o// de dang bral ba de kho na nyid do// de ci zhe na gsungs pa/ rdzogs pa'i rim pa'i rnal 'byor zhes pa la rdzogs pa ni nges par grub pa ste/ nam mkha' bsgom pas rtogs par bya ba'o// de'i rim pa ni du ba la sogs pa'i lam mo// de'i rnal 'byor ni shes rab gzugs brnyan gyis 'gyur ba med pa'i ye shes

  82. 65b

    chen po skyes pa ste ldan pa'o zhes pa'o// / 'di kho na ston pa gsungs pa/ du bzhes pa la sogs pa'o// du ba khon rtags gang gis dang po yin pa de rnams so// mtshan ma ni yid ches par byed pa ste/ gang gis mngon par 'dod pa gas bar byed pa de'o zhes pa'o// srogs rtsol ni bum pa can gyi steng dang 'og gi rtsa gsum 'gog pa'i bdag nyid do// dbu mar 'bab pas te sems kyi rtsar srog gi rlung 'bab cing rjes 'jug pa'o// rig pa'i brtul nags kyis/ rig ma'i gtso bo'i brtul zhugs tshangs par spyad pa'o// rigs ma ni rang gi rgyal bas dbang bsrung ba lhag pa'i yon tan can bzung bar bya'o// mngon par brjod pa bla mar yang // prag sI ni mchog mdzes ma// gzugs dang lang tshe brgyan byas ma// gci turnal 'byor la sems ma// dam tshig shes shing brtul zhugs brtan// brtan ma chags med ngo tsha med// sred bral nga rgyal med thob nas// de dang lhan cig sngags rig pa// rang gi rig ma'i brtul zhugs spyad ces so// de las rdo rje ma lhung bas ni rdo rdo ltung ba med pa ste// 'dis gnas par 'gyur ba'o zhes pa'o// steng du khubs shes pa nor bu dang pad+ma las log nas 'gro ba la la nAr son pas so// lam 'di yis te du ba la sogs pa yan lag gi mtshan nyid can gyis so// rnal 'byor po ni rnal 'byor te rdzogs pa'i rim pa'i rnal 'byor 'di la yod pa'o zhes pa'o// sangs rgyas rnams kyi ni/ bde ba dbang po med pa ste mchog tu mi 'gyur ba mngon par sgrub pa ni mchog tu mi 'gyur ba gang gis kun nas mngon par sgrub par byed cing rdzogs par byed pa'o zhes pa'o// yang na phon mo kun gyi/ lhan cig skyes pa 'thob pa ste/ rtsa stong phrag bdun cu rtsa gnyis 'gags pa'i rang bzhin can mkha' 'bo ma rnams kyi stong pa lhan cig skyes par brjod de gsum spangs pa gzhom du med pa'o// 'jig rten pa las grags pa bzhi pa'i sgrib pa'i bdag nyid kyi lhan cig skyes pa ni ma yin no// stong pa ni gcig pu brjod de sgrib pa thams cad dang bral ba'i phyir ro zhes

  83. 66a

    pa yang na'i sgra'i don to// 'o na de ltar rdzogs pa'i rim pa'i rnal 'byor de kho na nyid dang de kho na nyid kyi bsgrub thabs yin la gzhan med do zhes brjod pa ma yin nam/ de'i phyir de nyid 'gyur mod/ de las gzhan pa nye bar mi mkho bas ci bya zhe na/ gsungs pa/ gzugs shes pa la sogs pa'o// 'jig rten ni khams gsum pa ste de la yod pa 'jig rten pa yang 'di yin la dngos grub kyang ngo zhes pa'o// dngos grub ni 'og min gyis srid pa'i mthar thugs pa'i dbang phyug sgrub par byed pa'o// gzugs la sogs par rtog pa rnams kyis shes pa la gzugs su rung gnod pa byar rung bas gzugs te de kho na gang gi dang po yin pa'o// de ni kun tu rtog pa ni yid kyi las zhes pa'o// de la gzugs bsgom pa ni las kyis phyag rgya'o// sogs pa'i sgras ye shes te de'i bsgom pa ni ye shes kyi phyag rgya'o// dkyil 'khor gyi 'khor lo la sogs pa bsgom pa goms pa rnams gyi zhes pa dkyil 'khor ni rten gyi mtshan nyid can te 'khor lo lha yi tshogs pa brten pa'i mtshan nyid can no// sogs pa'i sgra sngags dang phyag rgya dang gdan la sogs pa'o// de rnams bsgom pa ni mngon du phyogs par pa la// dgams pa ni yang dang yang du man pa nan pa s+m+R+YuM de rnams kyis shes pa'o// gas la ma di dzinas dang sa thub thams cad 'thub pa 'a dub la stsogs pa'imam ma dngag gas chog gnas nas pa ci zhig ces so// chen po yang 'di yin dngos grub kyang ngo zhes pa dngos grub chen po ste phyag rgya chen po'i dngos grub po// 'dod pa ste 'jig rten las 'das pa'o// lta ci zhig ste ci zhig 'grub/ du ba la sogs pa'i lam gyi mnangag med par ma yin pa de kho na'o zhes pa'i don to// 'on lam gyi gdams ngag 'di ci yang dag par rdzogs pa'i byang chub thob par brtson pa'i blo can thams cad la thams cad nas 'byung ba de kho na yin/

  84. 66b

    nam/ 'on te dag pa 'gro ba'i don byed pa la mkhas par spro ba 'ga' zhig kho nas 'byung ba yin zhe na gsungs pa lam zhes pa la sogs pa'o// bla ma dam pa ni dpal ldan bla ma'o// de'i tshe mtshan nyid ni don dam pa'i bsnyen par sangs rgyas par gsungs te/ ji skad du bsgom ldan srid pa'i bsam gtan la ni chags nyams pa/ 'dod ldan 'dod pa chen po la ni thugs bcings pa/ brtul zhugs chen po'i dbang po gzhis bde'i sbyor ba la/ phyag rgya rab tu 'grogs la'ang 'dod chags ma nyams shing / zla zhi'i lam ni so sor nyams pa'i rnal 'byor can/ shes rab me la rnal 'byor stobs las rab zhugs pa/ kun dga'i bde ba bdud rtsir chags pa de kho na// dpal ldan tha ma rdo rje 'dzin sdig bcom pa'o// zhes rgya cher ro// de'i bka' drin ni de kho na nyid kyis man ngag gis rjes su 'dzin pa'o// de las 'byung bar 'gyur te skye bar 'gyur ro// gang rnams kyi zhe na/ slob ma dag pa rnams la'o// dag pa ste dbang bskur ba la sogs pa rnams kyi tha mal pa'i nga rgyal gyis dri ma spangs pa zhes pa yang yin la slob ma rnams te gzhan gyi don byed pa la sogs pa rnams kyis rjes su bstan par bya ba yang ngo zhes pa'o// phyag rgya chen po'i thig ler gsungs pa/ sngags la sogs pas gang sbyangs pa'i// dug ni bcud len de bzhin du// dbang bskur sogs kyis slob ma ni// ma dag dag dang ldan par 'gyur zhes so// gang rnams pha rol gyi bya ba la dge ba la brtson/ pa ste/ dge ba la spro ba zhes pa'o// dpal ldan dri ma dra dang bral ba'i 'od kyi rgyud la 'jug pa'i bshad sbyar mi g.yo ba'i snying po snang bar lam gyi sgrib pa dgag pa'i nges pa ste bzhi pa'o// // da ni lam thob pa rab tu dang ba rnams kyi lam 'phrog pa'i rgyu mtshan gsungs pa gzhan zhes pa la sogs pa'o// 'di ni ste de ma thag tu brjod pa sangs rgyas nyid gang gis bde blag tu tshol bar byed cing don du gnyer bar byed pa'o zhes pa'o// dga' ba rgyas

  85. 67a

    par byed pa na rin chen de yid bzhin gyi nor bu rin po che dang 'dra ba rin po che ste rnyed par dka' ba nyid kyi phyir dang bsam pa'i don gyis 'bras bu rab tu sbyin pa nyid kyi phyir/ lam bzang rin chen te/ phyi nas khyad par gyi bsdu ba'o// rab tu myos pa ni bag med spyod pa ste/ rang la phan pa dang bde ba la ltos pa med pa'o// 'gro ba drug po rnams su nyams par 'gyur bas na sems can no// gzhan te gang snying brtse ba la sogs pa'i yon tan dang bral ba gzhan la phan pa dang bde ba la mi brtson pa'o zhes pa'o// rab tu zhugs pa'i nor de'i khyim ni bud med do// de kho na dgon pa ste 'brog dgon pa sems can gyi gnas so// yul ngan chom rkun rnams kyi zhes pa 'di rnams kyi zhes pa 'di rnams su dbang po rnams khyad par du 'ching ngo zhes pa yul rnams te/ gzugs la sogs pa'i phyi rol gyi longs spyod rnams so// de rnams kyang ngan pa ste ro bro ba chung ba nyid kyi phyir dang rnam par smin pa rtsub pa nyid kyi phyir dang / rgyal ba'i chos kyis bsten pa nyid kyi phyir ro// de rnams kho na chom rkun pa ste/ byin pa'i lam bzang po'i rin po che yang de rnams kyis 'phrog par byed rku bar byed pas shes pa'o// // 'di rnams 'ba' zhig lam bzang rin chen nor khyim dgon par zhugs pa 'phrog par ma zad kyi/ gnyen 'dun thibs po'i nang du zhugs pa yi// the tsom la sogs pa'i rkun po rnams kyis kyang ngo // gnyen 'dun ni chung ma dang bu dang cha 'o la sogs par grags pa'o// thibs po ni nags so// yid ches pa gsum rnams kyis nges pa'i lam bzang rin chen la yang som nyi za ba ni the tsom ste/ 'di ci lam bzang po yin nam 'on te ma yin zhes pa'o// 'gyod pa ni lam ngan pa bdag gis byas te/ de'i phyir bdag gis lam mngon sum du mi bya'o zhes pa 'di lta bu'i rnam pa can no// gnyid ni nyal ba ste lus dang yid dag las su mi rung bar bsgrub pa'i mtshan nyid can rmugs shing gnyid pa zhes//

  86. 67b

    bya ba'i bar ro// le lo ni spro bzhan pa'o// brgod pa ni sems rnam par g.yeng ba nyid de grong khyer la sogs par 'khyam pa zhes pa ji srid pa'o// de ltar 'di ni la sgom pa rnams kyi ting nge 'dzin gyis dri ma 'phags pa'i tshigs su bcad pa 'dis bshad do zhes pa'o// ting nge 'dzin gyi dri ma 'di rnams 'ba' zhig gis 'phrog par ma zad kyi/ srog gcod pa la sogs pa rnams kyis kyang ste/ rin po che zhes pa ni lam bzang rin chen no// rtag tu ste dus gsum da'o// srog gcod pa ni sems can gsod pa'o// brdzun ni mi bden par smra ba'o// ma byin zhes pa ni gzhan gyi rdzas rku ba'o// gzhan gyi bud med ni 'dod pa logs par spyod pa'o// tshig rtsub po ni pha rol po'i gnad 'gems par byed pa'o// phra ma smra ba ni nyon mongs pa can gyi sems kyis phan tshun 'byed pa'o// ngag 'khyal ni 'dod pa la sogs pa dang ldan pa'i ha ha hi zhes pa la sogs pa 'dod chags yang dag par skyed pa'i tshig go// brnab sems ni pha rol gyi rdzas la log par chags pa'o// gnod sems ni gnod par byed pa'i sems nyid do// lta ba ngan pa ni med pa'i lta ba'o// de bzhin du yod pa'i sdig pa lnga ni 'tshe ba la sogs pa'o// nye ba'i sdig pa lnga ni tshe lo la sogs pa'o// ba lang la lta ste/ 'tshe dang mi bden gzhan gyi bud med spongs shing / gzhan gyi nor dang chang gi ltung ba de bzhin nyid/ 'khor bar rdo rje'i zhags pa yin te rang gi dge ba mthar byed sdig pa lnga po 'di rnams so// tshe lo kha na ma tho bcas pa'i zas dang tshig ngan klog dang 'byung po lha yin dbang po'i chos/ b.lang byis pa bud mod skyes pa rnams dang lha mi'i tha ma gsod pa lnga ni mi bya'o// grogs po rje bo rnams dang lha dang mi yi tha ma dge 'dun yid brtan rnams la 'dra/

  87. 68a

    ba yang / dbang po rnams ni kun nas chags pa'o zhes pa srid pa'i bdag po'i brtul zhugs rnams ni nyi shu lnga zhes pa'o// sdig pa can gyis las shes bya ba bar du gcod pa byed pa ste/ mtshams med pa lnga po byed pa rnams kyang nang du bsdus pa'o zhes pa'o// 'di rnams 'ba' zhig gis lam bzang rin chen 'phrog par ma zad kyis/ shin tu bza' dang btang ba rnams kyis dang / sna tshogs longs spyod rnams kyis kyang ngo // bza' ba ni/ shin tu sha la sogs pa bza' ba'o// btung ba ni chang 'thung ba la sogs pa'o// shin tu ni brgyal ba'i chos kyis so zhes pa'o// longs spyad par bya bas na longs spyod de phreng ba dang tsan dan dang bud med dang mal stan la sogs pa sna tshogs pa bkra ba'o// brtson 'grus ldan pa la yang ste lam bsgom pa la spro ba'i bo// brjod ma thag pa'i brtson 'grus bstan pa 'ba' zhig gir ma zad kyi brtson 'grus dang ldan pa'i yang ngo zhes pa yang gi sgra'i don to// bag med pa ni shin tu bza' ba dang btung ba la sogs pa dang mi dge ba'i grogs po dang 'grog pa'o// de'i phyir brgyal ba ste sems med pa nyid du gyur pa la 'phrog par byed pa kho na'o// rnam pa sna tshogs pa'i srid pa'i longs spyod la mngon par dga' ba ni dge ba byed pa rnams kyi yang bar du gcod par byed pa brjod ces pa'o// // 'o na de ltar lam rin po che yongs su rtog pa po la mngon par dgongs nas bar du gcod pa byed pa'i skyon rnams brjod pa ma yin nam/ lam thob pa rang nyid yongs su rtog pa po ma yin pa la brjod pa ci zhig ce na gsungs pa rang nyid ces pa la sogs pa'o// ci ste gang gi phyir rang nyid yongs su rtog pa po min pa gang de'i phyir gzhan cig shos g.yon can khram pa chen po la ston te rang nyid yongs su rtog pa po min pas rin thang chen por 'gyur ba shes ched du/ g.yon can gzhan la ston te min zhes pa'i// de yis tshig la rin chen

  88. 68b

    'dor bar byed// rin thang chen por 'gyur ba ste rin po che chen po yin nam zhes shes par bya ba'i ched du'o// des smras pa mi 'gyur ro// de nas de'i tshig las te g.yon can gyi ngag las 'dor bar byed pa kho na'o zhes pa'o// de bzhin kho nar shes rab 'chal pa'i rigs can ni sdig pa'i grogs po'i ngag las lam bzang rin thang med pa'i rin po che thob pa yang gtong bar byed do// zhes pa lam rin po che yongs su rtog pa don du gnyer ba rnams kyi yang sdig pa'i grogs po dang nye bar 'grogs pa'i skyon brjod do// zhes pa'o// 'o na de ltar lam rin po che rnam par shes par bya na rang nyid yongs su rtog pa po ma yin pas ni/ gang gi zhe na bden mod de ni gal te gang rnams kyis skabs las rin po che chen po yongs su rtog par byed du gzhugs pa de rnams kyis ni rnam dag ngag gis te mi slu ba'i tshig gis ci ste gsal bar rnam par bya ste/ rin thang med pa rin po che 'di'o zhes nges par bya'o// de ltar kho na rigs kyi bus lam rin po che thob pa dge ba'i bshes gnyen gyi tshig las 'di ni rin thang med pa'o zhes legs par yongs su brtag pa shin tu brtan par byas nas/ lhag par rjes su 'brel par bya dor bar mi bya'o// zhes dge ba'i bshes gnyen la brten pa ni rtag tu dge legs kyi ched du legs par bshad de/ lam rin po che bsgom pa la brtson pa rnams kyi yang ngo zhes pa'o// de ltar lam bsgom pa la rab tu zhugs pa'i yang bdud kyi las rnam par spangs pa med par sems brtan par 'gyur ba ma yin no// zhes pa de'i phyir de kho na ston pa gsungs pa bdud ces pa la sogs pa'o// bdud sdig can ni yang dag par rdzogs pa'i sangs rgyas rnams kyi gzugs rnams su sprul nas lam bsgom pa la rab tu zhugs pa'i byang chub sems dpa'i bgegs te bar du gcod par byed de/ ji skad du/ 'di ni bla na med pa yang dag par rdzogs pa'i byang chub kyi ched du ba'i lam ma yin la/ gang gis khyod

  89. 69a

    gnas pa'i lam 'dis 'ga' zhig kyang nges par 'byung ba dang nges par 'byung bar 'gyur ba dang nges par 'byung ba yang ma yin no// zhes pa la sogs pa rig par bya ste rgyas par 'phags pa shes rab kyi pha rol tu phyin pa'i bdud kyi las kyi le'ur gsungs pa las shes par bya'o// zhes pas bdud kyi las kyi skyon nye bar spangs nas thams cad nye bar bsdu ba gsungs pa de phyir zhes pa la sogs pa'o// ci ste gang gis phyir lam 'phrog pa'i rgyu mtshan 'di yod pa de'i phyir te rgyu'i phyir ro// chom rkun rtsa lag ces pa nye bar mtshon pa ste/ the tsom la sogs pa yang yongs su btang byas te 'bad pas te gus pa chen po bla ma dam pas byin pa'i lam bzangs rin chen khyad par du 'phags pas/ legs par sba ba rab tu gsal bar ma yin par slob ma rnams kyis bya'o// zhes pa thar pa 'dod pa rnams kyi lam rin po che yongs su bsrung ba gsungs so// zhes pa'o// 'o na thar pa'i ched du lam gzhan yang yod pa ma yin nam des na 'di la gus pas ci zhe na/ gsungs pa dpa' bo zhes pa la sogs pa'o// dpa' bo'i rim pa ni phyi rol gyi drag po'i lha mchod pa dang dmigs pa la sogs pa'i mtshan nyid can no// rang byin gyi brlab pa'i rim pa ni sems kyis ni ba'i rnal 'byor gyi skal dmigs pa'i mtshan nyid can no// thar pa'i mched du sangs rgyas rnams kyis yang dag par bstan pa min zhes pa'o// bstan pa 'di ci zhig yin zhe na gsungs pa/ shin tu rnam dag rim pa gcig tu'o zhes pa ste rdzogs pa'i rnal 'byor gnyis su med pa'o// gal te 'di lta bu ji ltar shes par bya zhe na gsungs pa bde ba nyid kyi zhes pa la sogs pa'o// rgyu gang zhig gis rgyal ba'i dbang po rnams kyi mtshams med pa lnga po byed pa rnams yang dag bzung ba ste dbugs phyung bar gyur pa'o// mtshams med pa lnga po rnams ni/ ma gsod pa dang pa gsod pa dang //

  90. 69b

    dgra bcom pa gsod pa dang / dge 'dun 'byed pa dang / ngan sems kyis de bzhin gshegs pa la khrag 'byin pa zhes pa'o// lnga po rnams kyi gang yang rung ba'i skyon gyis bar mtshams med pa kho nar mnar med par skal par gnas par 'gyur te/ des na mtshams med par brjod do// bde banyid kyis te thabs bdebs so// dbang don gyis te bzhi pa'i don gyis so// gzhan du na mtshams med pa lnga pobyed pa rnams dpa' bo'i rim pa drug po'i las kyis zil gyis mnan pa rnams dang / rang byin gyis brlab pa'i rim pa 'khor ba'i bde ba shin tu 'phel ba'i bag chags kyi rgyud rnams kyis thar pa thob pa ma yin te/ rgyud des shes pa'o// 'on gal te ma pa gnyis po 'di rim pa ma yin par khyed sems na de'i tshe/ bcom ldan 'das kyis ci'i don du gsungs shes gsungs pa dpa' bo zhes pa la sogs pa'o// hi ste gang gis phyir lus la srog zad pa 'di gsung pa de'i phyir dpa' bo'i rim pa phyir rol la min no// 'o na de ltar lus la rang byin gyis brlab pa gsal lam zhen gang gi phyir rang gi sems byin gyis brlab pas sor snang ba ste de yang stong pa la khams gsum pa nyid mthong ba'o// mtshan zhes pa rab tu grags pa'o zhes pa'o// 'gro ba'i don byed pa rnams kyi shin tu rnam par dag pa'i rim pa rnam par gzhag pa yang gsungs pa'o zhes pa'o// 'o na rang byin gyis brlab pa ni khams gsum pa mthong ba nyid du gsungs pa de mthong ba las de mi ldog pa'i phyir des na 'khor ba gzhan du gyur pa'i mtshan nyid can sangs rgyas nyid ji lta bu dang 'dra bar srid par 'gyur zhe na/ gsungs pa 'khor ba zhes pa la sogs pa ste/ 'khor ba khams gsum pa snying po med pa brdzun pa slu ba'i chos can la sangs rgyas 'ad de de thams cad mkhyen pa nyid dang / rnam pa thams cad mkhyen pa zhid dang lam mkhyen pa nyid dang lam gyis

  91. 70a

    rnam pa mkhyen pa nyid dang stobs bcu dang mi 'jigs pa la sogs pa rnam par 'byor pa'i mtshan nyid can ni 'bras bu ste snying por 'gyur ro// de zad las te 'khor ba zad pa las so// de 'khor ba zad pa'i par mchod du ci dang 'dra bar 'byung zhe na chu shing gi 'bras bu bzhin dang 'dra bar zhes pa ste ji ltar snying po med pa'i chu shing la 'bras bu snying po 'bras bu smin pa chu shing nyams pas yang dag 'byung ba de bzhin du sangs rgyas// nyid kyang ngo zhes pa'o// // 'o na sangs rgyas nyid kyis sgrub par byed pa byang chub kyi sems su 'dod na de kho na zhid ni de kho na nyid kyis sgrub par byed pa'o zhes pa'i gsung las/ de yang sgyu ma las skyes pa nyid kyi phyir sgyu ma ni rig pa yin la des 'jug pa'i de ji ltar sangs rgyas kyi sgrub par byed par 'gyur bar 'os she na gsungs pa/ sdig pa zhes pa la sogs pa'o// sdig pa ni shU ka'i srin bu'o// ku lI ra ni kar ka Da'o// gang gi skabs las byung zhing 'byung bar nang gi ma de de rnams kyis nyams par byed pa ji lta ba de bzhin zhes pa de ltar rnal 'byor gyi sems te/ rnal 'byor ni thabs dang shes rab snyoms par zhugs pa'o// de la yod pa'i sems ni dbang bzhi pa ste gang sgyu ma ma rig pa 'pho ba'i chos can gyis skabs las kun rdzob tu skyes pa yin zhing de rnam par nyams par byed par 'gyur ro zhes pa'o// sgyu ma dang bral ba na 'khor ba slar ldog pa med par brjod de de kho na nyid kyi rnal 'byor pa rnams dbugs dbyung ba'i don du'o// // 'o na byang chub kyi sems ni bems po'i khams su 'dir brjod la de yang bems po ma yin pa mchog tu mi 'gyur ba'i ye shes sangs rgyas nyid kyi/ sgrub par byed pa ji ltar brjod ce na khu bar 'gyur ba med pa'i rang bzhin gyis mchog tu mi 'gyur ba sgrub par byed ces pa'i gsung gi phyir ro// de nyid kyi phyir de kho nyid rnal 'byor gyi sems 'di'i mchog tu mi 'gyur

  92. 70b

    ba'i ngo bo sa bcu drug bzhi'i rab tu dbye ba gsal bar byed pa gsungs pa gnyis med ces pa la sogs pa'o// gnyis shes bya ba 'khor ba dang mya ngan las 'das pa'i sems te de gang la yod pa ma yin pa'o/ zhes pa'o// nor bu dang pad+ma las g.yo ba med pa'o// zhes pa g.yo ba med do// rjes su 'gro ba ste shes rab dang thabs kyi bdag nyid 'di la yod pa ma yin no zhes pa rjes 'gro med do// bla na med pa'i bde ba rab tu sbyin pa nyid kyi phyir 'dod pa'o zhes rnal 'byor bzhi pa'o// brgya phrag drug lhag pa'i stong phrag nyi shu rtsa gcig gis dbugs 'gog pa'i phyir mchog tu mi 'gyur ba'o// chags pa dang chags pa dang bral ba'i phyogs dkar po dang nag po zhes pa dag gis gnas dang bgrod pa med pa'i phyir 'dod chags chen po'o// rnam pa dang bcas pa dang rnam pa med pa las nges par grol ba nyid kyi phyir dngos po dang dngos po med pa'o// shes bya ma lus pa mthong ba'i phyir ye shes so zhes pa rnal 'byor gsum pa'o// 'gro ba dga' bar byed pa sngon ma nyid kyis phyir ram chags pa med pa nyid kyi phyir sems dpa'o// dang po dang bar dang tha mar dge ba byed pa nyid kyi phyir kun tu bzang po'o// bdud dang nyon mongs pa dang rnam par rtog pa dang bral ba'i phyir sgra ste grags pa gyi dang nang gi brjod pa 'am yang na rab tu sgrogs shing rnam par lhod pa'i seng ge'i sgra can gyi g.yul 'di la yod pa ma yin pa'o zhes pa sgra 'thab pa med pa'o// gzhom du med pa'i sgra'i ngo bo nyid phyir 'di'i sgra ste grags pa chen po'o zhes pas sgra che ba'o zhes pa rnal 'byor gnyis pa'o// 'jig rten gyi spyod pa rnam par spangs pa nyid kyi phyir lhan skyes so// sku bzhi'i sgrib pa zad pa'i phyir dpal byang chub sems kyi thig le 'dzin pa'o// stong pa nyid dang snying rje dag dbyer med pa nyid kyi phyir dpal dus kyi 'khor lo rdo rje'o// tshul khrims

  93. 71a

    kyi tshogs yang dag par rdzogs pa nyid kyi phyir shes rab thabs kyi bdag nyid rnal 'byor ro zhes pa rnal 'byor dang pa'o// shes rab thabs kyis bdag nyid rnal 'byor de 'di kho na rgyud thams cad du rgyu dang 'bras bu'i bdag nyid kyis 'bras bu don du gnyer ba rnams la nges par bstan to// dpal ldan dri ma dang bral ba'i 'od kyi rgyud la 'jug pa'i bshad sbyar brgya phrag bcu gsum pa mi g.yo ba'i snying po snang bar lam 'phrog pa'i gyu mtshan bshad pa'i nges pa ste lnga pa'o// da ni gnyis med la sogs pa bcu drug bzhi'i rab tu dbye ba can rdo rje'i rnal 'byor dpal dus kyi 'khor 'di nyid kyi go 'phangs thob pa'i ched du rim pa ji lta bar rnal 'byor ma'i zhabs dran pas thig le bcu drug gi sgrib pa 'jigs pa chen po'i nye bar 'tshe bzhi par byed pa gsungs pa/ snying rje zhes pa la sogs pa'o// snying rje dang stong pa nyid dag mi byed pas nye bar mtshon pa'i sku 'di'i yin pa zhes ba'o// snying rje ni dmigs pa med pa'i dus shes pa ste/ 'gyur ba med pa'i bde ba dang ye shes dang thabs dang snying rje'i bdag nyid ces pa kun rdzob gzugs can ma'o// dmigs pa dang bcas pa'i stong pa nyid rdul phra rab med pa'i ngo bo 'khor lo zhes pa ste shes bya'i rnam pa'i 'gro 'khor lo// dpal ldan shes rab stong nyid bdag ces 'chad par 'gyur ro// de'i phyir dus kyi 'khor lo gnyis med 'dod ces so// gnyis su med pa shes rab dang thabs kyi bdag nyid dpal dus kyi 'khor lo 'di'i dpal 'jig rten pa dang 'jig rten las 'das pa'i phun sum tshogs pa rang dang gzhan gyi mtshan nyid can no// de thob pa'i ched du rnal 'byor ma rnam terdo rje'i dbyings kyi dbang phyug ma la sogs pa rnams dang a ba d+hu d+hi la sogs pa rnams kyang ngo // de rnams kyi zhabs bsgom par bya zhes pa kha cig tu gzhan gyi ched kyi tshigacan la bdag gi ched kyi tshig go// bgegs

  94. 71b

    nyams pa ni dgra dang seng ge la sogs pa'i nye bar 'tshe bzhi pa'o zhes pa'o// bgegs zhi ba de nyid mdor bstan pa gsungs pa dgra dang zhes pa la sogs pa'o// 'dir rigs kyi bu 'am rigs kyi bu mo gang la la zhig mtshan dang nyin du rnal 'byor ma 'chad par 'gyur ba rnams kyi'o// kyang gi sgra ni rim pa tha dad pa la ste zhabs kyang dran par byed pa de'i gsal bar te nges par dgra dang seng ge la sogs pa rnams nyams pa ste/ mthong ba med par 'gyur ro zhes pa'o// da ni 'jigs pa chen po bcu drug zhi bar byed pa'i tshigs bcad bcu drug rnams kyis rgyas par bshad pa gsungs pa glang chen zhes pa la sogs pa'o// glang chen ni glang po che'o// shing rta ni shing rta rnams so// rta ni rlung ltar mgyogs pa'i rta'o// mi ni dpung bu chung rnams so// glang chen la sogs pa de rnams thams cad kyang yin la go bgos pa'i lus can yang ngo zhes pa'o// phal cher glang po che zhon pa rnams 'dir rang gis lag gis mdung dang shing rta la gnas pas 'khor lo zhes pa mda'i 'khor lo dang / rta la zhon pa rnams kyi ral gri dang / rkang thang rnams kyi mda' gzhu'o zhes pa mtshon cha'o// de rnams rang gi mtshon rnams kyis bcom ste rgyal ba'i grags pa thob par 'gyur zhes pa bdag gis ched can gyi tshig can la gzhan ched kyis tshig go zhes pa'o// don ni 'di yin te phyi rol gyis ji lta ba la gnyis kyi stobs rnam par gnon par bya ba'i ched du lhan cig bgrod par byed do// zhes pa g.yul te der gnas pa'i dgra bo shin tu gdugs pa dpung yan lag bzhi rnams dang ldan pa gshin rje lta bu 'chi ba'i gnas sde po che lta bur thogs pa med pa'i nus pa can 'byung ba'i bdag po lta bur drag po'i gzugs can gzhom par mi nus pa gang de yang dka' ba med pas rnal 'byor ma la zhabs dran pa'i stobs kyi byin brlabs las rang

  95. 72a

    gi mtshon rnams kyis bcom nas/ rgyal ba'i grags pa'i dpal la brten par byed do// de bzhin du lus la yang gnyis kyi dpung ste srid pa dang mya ngan las 'das pa zhes bya bar dkar po dang nag po'i phyogs 'grogs so// zhes pa g.yul te 'dir nor bu dang pad+ma'i lte bar brjod par bya'o// der gnas pa'i ye shes kyi lhan cig skyes pa'i dga' ba'i thig le thog ma med pa'i srid par nges par 'byung ba dngos por mngon par zhen pa'i bag chags kyis lhag par bsgos pa srog chags ma lus pa rnams kyi mthar byed gzhan pa lta bur shin tu 'khrugs pa phung po dang / khams dang yul dang dbang po'i tshogs rnams dang lhan cig pa phyed dang bcas pa'i brgya phrag bcu gsum gyi srog ma 'gags pa'i bdag nyid 'jig rten gsum gyi bdag po nyid la sogs pa rnam par nyams pa kun nas skyed par byed pa gang yin pa de skad cig gcig khe na mnyam par bgrod pa'i zhabs bsgom pa'i stobs bskyed pa las yan lag drug gis mtshon rnams kyis nges par bkag ste 'jig rten pa dang 'jig rten las 'das pa'i dpal bsgrubs nas 'gro ba'i don mtha' nga pa na / na gags [।] sa sa 'o// du na ga thas pa bang shA seng ge'i sgra ni 'gyur ba'i dbugs so// shin tu rnam par 'gyur ba'i gdong ni shin tu skyo bas rnam par khyab pa'i gdong pa'o// mche ba rnon po gtsigs pa ni so'i las kyi sbyor bas shin tu gdug pa'o// snga ma ni 'dir rdo rje'o// gsor bzhes pa'i don la g.yo ba bzhin pa'o// sder mo gug la brtan pas glang chen myos pa'i klad pa mchog tu 'gems/ 'khyogs cing rno ba'i rtse mo can brtan zhing ring ba yang sen mo de rnams te/ de rnams kyis myos pa'i deSh+Tha dang sa ni

  96. 72b

    bum padag ste nu ma zung dag gang gis mchog tu 'byed pa'o zhes pa'o// rab khros ni khams 'khrug par gyur pa'o// nyi ma shar ba'i mig can ni chags pa bde ba skyes pa las nyi ma shar ma thag pa'i mig dang ldan pa'o// ro 'dzin ral gri g.yo ba ni phyag rgya'i kha rnams kyis lce btsir ba las lce'i ral gri bskyod pa'o// ral pa can nor bu dang pad+ma'i ge sar dang ldan pa'i phyir ro// gsod 'dod ni thig le lhung ba dang ldan pa'i phyir 'ching bar byed 'dod pa'o// ring du 'gro bar 'gyur ba ni dri ma med pa nyid du gyur pas 'gro'o zhes pa'o// / glang po'i bdag po ni 'dir ngag gis lhan cig skyes pa'i dga' ba'i thig le'o// mdog sngo zhes pa dung can ma'i rtsa ste/ chung ngu las gzhan rgyas par byed pa'i phyir kha dog nag por 'gyur ro// 'chi ltas 'byung ba'i phyir mig ser skya ste 'dren byed dri ma can no// myos byed ni lag ldan gyi dAn la zhu ba bzung bar bya'o// de nas 'gram pa gnyis po myos byed chu ni rab tu mang bas gang / 'gram pa gnyis po'i bar ji srid pa ste kha cig tu ring po la thung ngu'o// rab tu mang ba'i sgra las gnyis pa'i mad thob ste/ bdag nyid kyi sbyor ba las shes pa bab bcol du rjes su 'brel pa dang bcas pa'i mtshan nyid kyang byed do// shes rab kyi sgra rtsa nas 'byin par byed cing grugs par byed de brla gnyis la sogs pa gnon zhing kun nas len pa sprin bzhin sgra sgrogs byed ces pa'i don la sgrogs bzhin pa ste dbugs 'byung bar byed bzhin pa'o// bcings pa ni u ra'i zhags pa ste sbrul gyi zhags pa la sogs pa'o// rtse mo ni tor tho'i cha'o// so'i rtse mos 'byed par byed de nor bus rab tu stobs la sogs pa byed pa'o zhes pa'o// de yang so sor ldog pas khams mtha' dag g.yo ba byung ba 'dis kyang de'i lus gtong bar byed do zhes pa'o// // me ni 'dir lus kyi lhan cig skyes pa'i dga' ba'i thig le'o// me lce ni lus kyi drod de 'di'i 'bar ba ste khyab par gyur pa'o zhes pa'o// kun

  97. 73a

    nas te thams cad nas so// phyogs dang mtshams su ste rim pas g.yon pa'i yan lag dang / g.yas pa'i yan lag gi lag pa dang rkang pa la sogs pa rnams su'o// kun tu du ba'i mun pa chen po ste kun tu ste/ rna ba dang sna la sogs pa dang / gdong la sogs pa rnams su rab tu dga' ba shin tu bsten pa las du ba ste gyen du g.yo ba yin zhing des mun pa ste dbang po rnams yul rnams la 'khrul pa'o// chen po ste rab tu skye ba'i mur thugs pa skyes pa'i kun tu ngu ba'i mun pa gang gis yin pa zhes pa'o// me stag ste thig le'i tshogs rnams so// gang las she na/ grong dang dgon pa gcig tu bsregs pa las te grong ni gtsug tor gyi 'khor lo dang / dgon pa gas ba'i pad+ma ste de dag gcig ste bar ma chad pa yang 'di yin la bsreg pa yang 'di'o zhes pa de dang 'di yang gtum mo 'bar ba'i rnal 'byor las so zhes pa'o// dus kun tu shin tu dga' ba'i dus tshod ji ltar 'gyur bar ro zhes pa bya ba'i khyad par ro// 'chi ba ni byang chub kyi sems dang 'bral ba'i mtshan nyid can no// phyogs kun gsang ba'i 'khor lo'i mtha'i mtshan nyid can no// rab tu thob pa ste mngon par khyab pa'ang 'di yin la/ 'khor lo drug bde ba rol tu byed do zhes pa'i don to// gdengs can dbang po ni ye shes kyi khyad par dga' ba'i thig le'o// khams 'khrugs pa nyid kyi phyir khros pa'o// mun pa mang ba nyid kyi phyir mig sman sngon po'i mdog can no// dug ces pa ni gdengs can ji lta ba bzhin zhes pa'i tshig las so// 'brog por bgrod pa'i lus can ni 'khyog po ste/ gya gyur bgrod pa gang gi yin pa de 'dra ba'i lus te gzugs 'di yi'o zhes pa'o// drag po'i

  98. 73b

    phud sgra ldan pa ni 'jigs par byed pa'i 'gyur ba'i dbugs dang ldan pa'o// mche ba 'khyog po zhes pa ni mche ba ni g.yon pa dang g.yas par 'bab pa yin la de dag gis 'khyog po mi mnyam pa mnyam pa bgrod par 'bab pa med pa'i phyir ro// lce gzhinyis ldan pa ni phyugs kyi steng du brjod pa las le lo'i yid do// 'chi ba'i 'jigs byed ni brgyal ba'i sdug bsngal ster ba'o// rlung gi shugs can zhes pa srog dang thur sel/ dag 'khor bar byed pa'i phyir rlung gi shugs dang 'dra ba 'di'i shugs so zhes pa'o rab tu gtum pa ni rab tu gyur pas gtum pa ste gtum mo gang las yin pa'o// yang dag phrad pa ni gsang ba'i pad+ma'i lte bar mngon/ par som pa'o// bde bas rgyal bas gyen du lta bar byed pa nyid kyi phyir drag po'i mig can no// gdengs ka gsal bar byas pa rnam pa sna tshogs la dga' ba nyid kyi phyir longs spyod dang rnam par ma bral ba'o// za bar byed ces pa'i don la za bzhin pa'o// brgyal ba ni dug skyugs pa'i ngang tshul lo// nyams pa ste mi mthong bar rab tu 'gyur te rab tu gyur par bgrod pas so zhes pa'o// chom rkun pa ni sems kyi khyad par dga' ba'i thig le rnamapa sa// mang ba chagan kyi rol la skyes pasas// dgon par tegasang pa'i ba drung ste ba' ma mi dbang dro'o// snang ba'i sems ldan rnam pa sna tshogs pa'i shi tu dgu' ba la na bar ma sa pa'i phyir bla na med pa'i bde ba nges par 'phrog pa'i bsam pa'o// lag mthil gyi gzhu yis shes pa byed pa la gsum pa'o// rna ba nas rna ba'i bar der mda' rnams bkang ba ni rna ba'i bar du mda' bkang ste/ gang gi shes pa'o// rkang pa'i mthil las ga la sogs pa'i skabs byas pa rnams shes par yang blta bar bya ste/ gzhan du na rkang pa brtan pa ma yin pa rnams mkha' yi bya ba ji ltar 'grub ces pa'o// dam pa'i

  99. 74a

    lam gyis ni dri ma med pa nyid kyi grong khyer du rab tu 'jug pa'i phyogs so// mdung dang ni 'khor lo ral gri lag thogs shes pa mdung gi sgras dbyug pa'i rnam pa a ba d+hU tI la brten pa'i rlung ngo // de yang mi bskyod pa byang chub kyi sems su brjod par bya'o// 'khor lo ni rnam par snang mdzad de bshang ba'o// ral gri don yod grub pa ste gci pa'o// gyen du rtsa gsum du 'phangs pa las gshang ba la sogs pa gang rnams 'og tu bgrod pa de rnams kho na mtshon cha nyid kyis lag pa la brten pa rnams te de'i bya ba rab tu 'jug pa'i phyir ro// phrad pa ni rang gi yul du thob pa'i mtshan nyid do// chags pa che banyid kyi phyir drag po'i mig can no// lam 'gro na skye bo rgyu ba ni dbugs phyin pa'i byang chub kyi sems so 'joms byed pa ni so sor 'joms par byed pa'o// ring du 'gyur ba ni gnas gang nas 'ongs pa nyid du song nas gnas so zhes pa'o// bcings pa ni ngag gi khyad par dga' ba'i thig le'o// dpung pa dag ni zhags pas bcings shing rkang pa'i pad+ma zung dag lcags sgrog rnams kyis bsdams shes pa yan lag bcu gnyis kyis 'khor lo 'gag pa'i rlung rab tu rgyu ba'i phyir ro// dge don du phyi ma'i tshig la gnas pa'i naSh+Ta dang 'bru mang po'o// khu bas bskyed pa lce'o zhes mang du gsungs pa'i phyir lce ni sems so// rin chen dbang phyug bdag po nyid kyi phyir mgrin pa ni ngag go// chu yi khams skyed par byed pa nyid kyi phyir mchu ni lus su brjod par bya'o// des na lus dang ngag dang sems tshogs pa dang mi ldan pa ni skam pa ste yongs su nyams pa ni gang gis lus chu srin pa sogs pa khyim bcu gnyis kyi 'khor lo'i bdag nyid yin pa

  100. 74b

    zhes pa'o// bkres pa ni 'gyur ba'i bde ba zhes bya ba yin la des gzir ba ste skye bar 'dod do// srung ma rnams kyi mi 'dod chags dang zhe sdang gti mug dang brgyal ba la sogs pa rnams kyis so// rje bo khros pa'i bka' yis/ te/ rje bo ni haM yig go// de yis khros pa'i bka' yis te gtum mo 'bar ba'i mtshan nyid can gyis bsrung bzhin pa ni/ nged rnams las 'da' bar mi rung gis dbang po med pa'i bde banyid du song zhig ces pa'o// nyin mtshan dus su ste dbyu gu drug cu'i bdag nyid pad+ma'i 'dab ma bcu gnyis su'o// 'di las te rlung gi zhags pa dang lcags sgrog gis bcings pa las grol bar te dbang po med pa'i bde ba nyid du 'gro ste son par byed do zhes pa'o// chu'i gter ni las kyi khyad par dga' ba'i thig le'o// zhon pa ni mos pa'o// chu gter bzhon pa la ste rdo rje theg pa la'o// tshogs pa dang mi ldan pa sna tshogs pa'i rlabs 'khrugs pa yang 'di yin la chu gted tezla ba'i dbugs kyang ngo zhes pa'o// ci rnams kyis she na drag po'i rlung rnams kyis twe a ba d+hU DI'i 'gyur ba'i dbugs rnams kyis so// kun tu 'khyor byed pa ni 'og tu bgrod par ro// chu srin zhes pa ni byang du bgrod pa'i 'pho ba'o// nya zhes pa nya'i mnyam pa'i 'pho ba'o// rigs kyi sgra yis bgrod pa'i mnyam pa dang 'brel ba lhag ma'i 'pho bcu rnams bzung bar bya'o// chu gter chom rkun rnams kyis ni srid pa'i bag chags kyi khyad par rnams kyis so// bkag gyur pa ni gyen gyi sol du bgrod pa 'gog pa A ta bor ba'o// gdug pa rnams kyis chags bral las skyes pa'i sdug bsngal ster ba po rnams kyis so// me yis til mar grol ba rnams kyis ni/ me'i til mar grol ba khams 'khrugs pa'i skad cig gang rnams kyi sa yin pa zhes pa'o// me yis char chen po kun nas rgyun tu 'bab pa la ste lte ba'i pad+ma'i ze 'brur rgyun mi 'chad par drag po'i

  101. 75a

    gtum mo 'bar ba'i char pa 'bab pa byang chub kyi thig pa gang du yin pa zhes pa'o// chu gter 'khrugs pa de las pha rol ni rab kyi mthar thugs pa ste/ dri ma med pa nyid ji srid par ro zhes pa'o// / ro langs rnams ni ye shes kyi mchog dga' ba'i theg le rnams so// mang po'i tshig ni rtsa rnams mang ba nyid kyi phyir ram yang na phyi rol la ltos pas so// 'jigs byed pa ste 'jigs pa sgrub par byed pa'o// ci rnams kyi she na/ phaT yig rnams kyis lus kyi rtsar dbugs 'bab pa rnams kyis so// 'jigs rung sgra rnams kyis te/ g.yas pa'i rtsar dbugs 'bab pa rnams kyis so// kha nas me 'bar rnams kyis te gtum mo spyod ba'i dbu ma'i rtsa'i me ste 'gyur ba'i dbugs rnams kyis so// gri gug ni sems gcod pa'i bdag nyid can dung can ma'i rtsa'o// thod pa ni nor bu dang pad+ma'o// de dag gis nye bar mtshan pa'i lag pa rnams kyis te g.yon pa dang g.yas pa dkyil 'khor lnga 'bab pa'i bdag nyid rnams kyis so// phyogs bcu'i dkyil 'khor du ste/ rtsa bcu'i bdag nyid snying gi pad+ma'o// dkyil 'khor dang 'dra ba ni dkyil 'khor te khor yug go// de la mchog tu mnar ba nyid kyi phyir gzir ba'o// mi khrag la dga' ba ni zla ba zad pa las rdul steng du son pa yang dag par chags pa'o// de nyid kyi phyir gsang ba la sogs pa'i 'khor lo yongs su nyams pa nyid kyi phyir lus skam pa'o// srogs dang thur sel gyis rtsa rnams kyis kun nas bkag pa med pa nyid kyi phyir gos dang bral ba'o// 'og tu ltung ba las steng du bsrung ba'i ched du bsrung ba ste bde legs su bgrod pa

  102. 75b

    zhes pa'o// nad ni sems kyi mchog tu dga' ba'i thig le'o// sor mo'i rtse mo'i zlum po nyams shes pa la lag ldan gyis lag pa dang zla ba dang lcags kyu la sogs pa'i rnam pas pad+ma rnam par zhu ba'i phyir gang gi phyir sor mo'i rtse mo zlum po nyams te zhig par nye bar son pa'o zhes pa'o// nyin bzhin 'khun pa ni 'dod chags kyi shugs kyis brang phug pa la sogs pas yongs su brgyan pa'i yan lag can no// sna dang mchu dang rna ba nyams pa ni sems ngal ba las dbang po'i tshogs ma tshogs pa'o// rnag ni rang gi gnas nas g.yos pa'i byang chub kyi sems so// de yang mang po ste rnam pa mang por sbom pa dang sbom bcu/ dang pra ti s+thA ya dang rab dug la sogs pa'i rnam pas 'bab pa'o// rma rlon rnams las te sbom po dang phra mo'i rtsa ba'i tshogs rnams las so// gang du zhe na// kha dang mgrin pa lag pa rkang par te gang las snying ga'i pad+ma lte ba la brten nas thams cad spro bar byed pa'i phyir ro// yongs su btang ba ni yongs su bor ba'o// gnyen gyi tshogs ni rnam par 'gyur ba'i phung po dang khams la sogs pa'i tshogs pa rnams kyis so// rul pa'i dri'i mthu las te/ rab tu nyams pa'i sems kyis byin brlabs las so// shi ba'i lus bzhin zhes pa brgyal bas bskyed pa'i phung po dang khams la sogs pa'i tshogs pa'o// nad rnams kyis te 'gyur ba'i 'dod chags rnams kyi grol ba dang / 'dod pa ste rdo rje yan lag med par de 'gyur ro zhes pa'o// dbang po'i pho nya ni ngag gi mchog dga'i thig le rnams so// mang po'i tshig ni bya bar mang po rab tu 'jug pa'i phyir ro// gang rnams kyis bsdigs par byed kun nas khro bar byed pa'o// ci rnams kyis shes na gdengs can 'phrog byed shar b+ha dang stag dang glang chen gdong rnams kyis so// 'phrog byed ni seng ge'o// sha ra b+ha ni ri brag go// 'di rnams kyis te dkyil 'khor lnga

  103. 76a

    'bab pa'i bdag nyid rnams kyis so// 'bar bcas te gtum mo'i me'i 'od dang ldan pa rnams kyis so// rnon po ste rtsub por mche ba ste zung du 'jug pa'i bdag zhid can du ldan pa gang yin pa rnams kyis so// 'khor lo ral gri mda' dang rtse gsum lcags kyu rdo rje'i lag pa rnams kyis shes pa dri dang reg bya dang ro dang sgra dang gzugs dang chos kyi dbyings kyi yul la kun nas chags pa'i sgra dang lus dang lce dang rna ba dang mig dang yid kyis dbang po'i bdag nyid rnams kyis so// 'o na lcags kyu me'i khams kyi bdag nyid yin pa nyid kyi phyir ji ltar yul gzugs nyid du brjod ce na/ bden pa brjod mod dngos po khyad par yongs su 'gyur ba'i gzhi las so zhes pa'o// phyogs kun tu ste mgrin pa'i pad+ma'i 'dab ma rnams la'o// byang chub la ste 'gyur ba med pa bsgom pa la'o// bsam gtan ni so sor sdud pa bsgom pa'i dngos po la mngon par phyogs pa'o// de la gcig tu ste tha dad pa med par gzhol ba ste ngal ba 'di'i yin pa zhes pa'o// mchog bde la gnas ni bde ba chen po dang kun nas 'brel pa ni rang yid la ste bde ba chen po'i rgyu can la 'jug go zhes pa lhag ma'o// dang pad+ma ji srid par ro// nags nas te mgrin pa'i pad+ma'i lte ba nas so// 'dam rdzab kyis gang lam du ste rnam par rtog pa'i bde ba la lhag par gnas pa dbu ma'i lam du'o// dgun te bde bas brgyal ba'i dus so// ba'i lam ni 'gyur ba'i lam mo// srog dang thung sel gyis rtsa rnams kyi kun nas bkab pa med pa nyid kyi phyir dgos dang bral ba'o// sogs ni khams mtha' dag 'khrug pa'i dus su'o// nyi ma'i 'od zer gyis gdungs

  104. 76b

    pa ni gtum mo'i me 'bar bas gdungs pa'o// 'jigs bcas mya ngan lam du ste 'jigs pa ste 'chi ba'i sdug bsngal gyi mtshan nyid can dang bcas pas 'jug pa'i mya ngan lam ste dga' bral bzhi'i lam du'o// chu med pa ni/ lha'i bdud rtsi'i ro myong ba dang bral ba'o// yul gzhan du zhes pa ni yul gyi ste gtsug tor gyi 'khor lo la sogs pa nor bu dang pad+ma'i mthar thugs pa'i mtshan nyid can gyis gzhan te bral ba'i yul ni chags pa dang bral ba'i mtshan nyid can te der ro// der gsungs pa/ srid las mya ngan 'das par ro// de las slar yang 'khor bar 'gro// zhes pa'o// dbul ba ni zhi ba'i bde ba'i nor dang bral ba'o// zhabs bzang dag bsgom pa rnams kyis te/ skyes bu rnams kyi nang na gang sgom par byed pa rnams kyi'o// de rnams kyis te de ma thag par brjod pa'i sdug bsngal rnams kyi grol ba zhes pa rnams dbye ba med pa'i tshig go// 'dod dang ldan pa ste yid kyi shing rta kun nas rdzogs par 'gyur ro zhes pa'o// bud med dang bral ba ni ye shes kyi dga' ba'i thig le'o// gang rnams su mtshan khung mig dang rna ba dang sna dang kha dang lus dang brjod pa las shes pa mtshan khung ni g.yon pa dang / g.yas par pa'i yul gsal bar bya ba'i don du gsungs pa'o// drag por te brgyal ba'i chos can du ji ltar 'gyur ba ltar ro// dri ni dri'i bzhon pa ste dga' ba'i rlung ngo // skal ngan nyid ces pa 'di'i skal pa ste ye shes ngan pa'o zhes pa yin la/ de'i dngos po de'i dngos po de nyid de ma rig pa zhes pa'i don to// dus kun tu ste mtshan mo dang zhin mor g.yon pa dang g.yas par 'bab pa'i mtshan nyid can no// bzang po'i dga' ba 'bral ba ste dga' ba zang po ni

  105. 77a

    bde ba chen po'o// de ltar bral ba ni spangs pa'o// gang las she na mi mo kun la bral phyir te/ kun yang 'di yin la nA rI rnams te rtsa stong phrag bdun cu rtsa gnyis rnams kyang ngo // de rnams la dga' ba'i rlung gis gang ba med pa de las shes pa'o// mi dge ba'i 'bras bu'i dbang las te ma rigs pa la sogs pa'i rkyen yod par gyur pa las so// bud med rnams kyis te a pad+hA tI la sogs pa rnams kyi sdang bar gyur te 'chi ba'i bdag nyid can no// bde ba mchog sbyin zhabs ni bsgom par byed pa de rnams kyi/ bde ba mchog ste bde ba chen po ster bar byed do zhes pa de yang de yin la zhabs kyang ngo zhes pa'o// skal bzang zhing ni bde ba chen po'o// de las kha dog ste sna tshogs pa'i kha dog kyang yin la gzugs te zab cing rgya che ba'i mtshan nyid can yang ngo zhes pa kha dog gzugs can 'gyur zhes pa'o// mi'i dbang po ni sems kyi dga' ba'i thig le'o// 'khrugs pa ni rab tu 'khrugs ba'o// malus phyir te ma rig pa'i bag chags dang kun tu chags pa'i phyir ro// mtha' gcig tu gsod pa la zhin zhes pa ni shin tu gsod pa la ste brgyal ba'i chos can la brtson pa'o// 'jig pa'i gshin rje lta bur zhes pa 'jig pa ste 'chi ba'i dus su gshin rje ste nar ma'i byang chub kyi sems kyi bdag nyid can no// 'khrug par gyur pa ni gsod pa'i ched du sgrub par byed pa de bzhin du 'di yang khyad par du skul bar byed pa'o// sde ni yan lag bzhi pa'i dpung ste 'dod chags dang zhe sdang dang gti mug dang brgyal ba'i mtshan nyid can no de yang 'chi ba'i 'jigs byed de sems rnam par nyams par byed pa'o// myur du ste ma 'gor bar ro// g.yogs 'khor gang rnams la zhes pa sems kyi rgyun gyis bkol bar bya ba g.yog rnams te de rnams la zhes pa'o// sgom par byed pa de rnams kyi rang yid la ste dpral ba'i pad+ma'i lte bar ro// zhabs na 'jig rten gsum po kun gyi mgon po

  106. 77b

    ste srid pa gsum po'i sa pa ma lus pa'i mnga' bdag go// de yang ste mi bdag 'khrugs pa yang ngo // 'ba' zhig tu ma zad kyi ste yang rab tu zhi bar 'gyur ro zhes pa yang gi sgra'i don no// ni ste gang gi phyir 'khrug pa zhi ba de'i rgyu'i phyir ro// yang dag pas sam kun sbyin pas shes pa rtag tu chags pa chen po mngon par dang bar byed pa zhes bya ba ni yang dag par bsam pa'o// sbyin pa ni sngags mi 'gyur ba ste 'pho ba gtong ba sbyin pa'o// zhes pa la sogs pa gsungs pa'i phyir ro// de rnams kyi mchog sbyin pa 'pho ba med pa'i thig le'i 'phreng ba'i skad cig gis bde ba'i rab tu dbye bar 'gyur ro zhes pa'o// rdo rje lhung ba ni ngag gi dga' ba'i thig le'o// gang rnams kyi zhes pa nang gi rdo rje la ltos pas 'brel pa la drug pa'o// rnam pa gzhan du gang rnams la zhes pa thob po// de yang 'chi bar byed do// 'ga' zhig tu'ang zhes pa lus la ste gal te 'gyur na'o// brgyal bar byed de so sor nye ba'i yul dus la'o// gang las shes na/ mkha' la ste skabs las shes pa phyi rol ltos pas so// 'o na tshigs su bcad pa snga ma bcu bzhi pa rnams su phyi rol la ltos pas rnam par bkral ba la ma yin nam tor gyi 'khor lo las so// 'ga' zhig tu ste 'chi ltas shar ba la sogs pa'i dus su 'chi bar byed do// glo bur pa'i sems 'phos pas 'ga' zhig tu zhes pad+ma'i snying por bud med 'grogs pa las te/ yang dag par sbyor ba las rtag tu ste dus thams cad du brgyal bar byed do// chags bral zhing du ni gnyis kar yang byed do// skye ba skye ba gzhan rnams las shes pa bdun pa'i don la lnga pa'o// skye ba ste skye ba 'di dang skye ba yid gzhan

  107. 78a

    ba bar mchod pa skye ba gzhan der de pha rol gyi 'jig rten du'o// slar yang zhes pa ma rig pa'i bag chags kyis sa bon skyed par sad pa las so// dpal ldan las dang ye shes mchog gi chu skyes la son rdo rje'i zhab ni sgom byed pa/ de rnams kyis shes pa la/ las shes pa las kyis phyag rgya'o// mchog ces pa phyag rgya chen mo'o// 'di rnams kyi chu skyes pad+ma la son pa'o// zhes pa'o// de yang de yin la rdo rje'i zhabs dpal 'jig rten pa dang 'jig rten las 'das pa'i phun sum tshogs pas nye bar mtshan pa yang ngo // de yang rdo rje lhung ba'o// rab tu zhi ba ste nang du rengs pa nyid thob pa'o// de nyid kyis phyir rdo rje rengs pa dang khu ba steng du son pas slar yang skye ba ste phyir yang 'khor ba'i bag chags dang bral ba'i phyir mtha' nyid 'chi ba dang brgyal ba dang chags bral du yang 'gro ba min zhes pa'o// / don thams cad nyams pa ni lus kyi dga' ba'i thig le'o// / gang rnams kyis te bag med par spyod pa rnams kyi nor kun nyams pa ni nor dang 'bru ma lus pa zad pa'o// zhes pa'i phyi rol la ltos pas so// bud med 'grogs la chags pa bral las te chags pa'i bde ba nyams pa las slar yang ste phyir zhing skye ba gzhan rnams kyis shes pa bdun pa'i don la gsum pa ste skye ba gzhan rnams su'o// de ste nor nyams pa tshe 'pho ba'i mtshan nyid can dang gser gyi rgyan la sogs pa rnams so// / mang po ste rnam pa mang por rab tu gyur pas 'byung bas ste/ bag chags bsgos pa'i sems las te skye ba snga ma 'gyur ba'i bde ba'i rdzas nyams pa la zhen pa dang ldan pa'i yid las so// gang de dag gis rtag tu 'brel par bsgom par byed pa de rnams kyi'o// mi mnyam mnyam pa'i zhabs te 'jig rten las 'das pa nyid kyi phyir dang bcu pa 'jig rten gsum dang thun mong ma yin pas sems kyi zla ba de bzhin gshegs pas ji ltar rtogs

  108. 78b

    pa de ltar rtog pa zhes pa'i bye brag bshad pa nye bar blangs nas mnyam pa ste mtshungs pa dang ldan pa yin la zhabs kyang ste gsang ba'i 'khor lor gnas pa rdul gyi chos can bgrod bya rten zhes pa'o// yang na gang mnyam pa dang mi mnyam pa dag gis te zla ba dang zhim dag gis zhabs te gnas nor bu dang pad+ma'o ni gsal lo// sna tshogs gzugs can ni mtha' yas pa dang mthun pa'i rang gi ngo bo'o// ci rnams kyi zhe na/ shes rab rnams kyi a bad+hU tI la sogs pa rnal 'byor ma rnams kyi'o// gang mchod pa ste ye shes kyi sku thob pa las gtsug tor gyi pad+ma'i lte bar bzung ba'o// bstod pa ste 'gyur ba med pa'i bde ba las dri ma med pa nyid du drangs pa'o// sku rnams kyis shen/ rgyal ba mchog rnams kyis te sgrib pa med pa'i phung po rnams kyis so// zhabs te sgom pa rnams kyin kun de ni mnyam pa'i zhes pa skye 'khong ba'i bag chags dang bral ba las so// kun te theg le'i dbye ba tha dad pa yang 'di yin la don du gnyer bar bya zhing 'dod par bya ba'o zhes pas na nor 'ong ba dang 'ong ba ma yin pas yang ngo // mchog tu mi 'gyur ba'i ngo bos btan par 'gyur zhes pa'o// 'o na rim pa gang gis lus kyi dga' ba la sogs pa'i thig le rnams bcu drug bzhi'i rab tu dbye bas 'chang ba de kho na'i rim pas 'gog pa yang rim par bya ba ma yin nam/ des na sprul pa'i sku la sogs pa rnams sngon du bstan par rigs te/ gang ye shes kyi le'ur gsung bar 'gyur ba/ lus kyi dga' ba 'gag pa rnams las sangs rgyas kyi sprul pa'i su'o zhes pa la sogs pa'o zhen bden med/ ye shes kyi lhan cig skyes pa'i dga' ba'i thig le'u ba nang bu dang pad+ma'i lte ba la 'gag pa las cu gsum gyi thig la rnams 'gog ste/ gsang ba las rdo nor bu je srid par lhan cig gyes pa'i dga' ba ma 'phos pa'o zhes pa'i gsung las so// gnas bzung dag

  109. 79a

    gis rim pa'i don du sngar lhan cig skyes pa'i sku nyid kyis rgyas par bstan pa'o zhes pa'o// de nyid kyi phyir chos dang longs spyod rdzogs pa dang sprul pa 'di rnams ni dag pa'i sku las spro bar bya'o zhes pa'o// lo na rnal 'byor ma rnams kyis rang gi ngo bo rgyas par ma bstan pa'i phyir dang / de'i zhabs kyi mtshan nyid ma bshad pa'i phyir rnal 'byor ma de rnams ci yin pa dang zhabs gang dran pa 'jigs pa 'phrog pa'i zhabs de ci yin mi shes so zhe na gsungs pa/ rnal 'byor ma rnams shes pa la sogs pa'o// rnal 'byor ma rnams ni dmar ser dang i Da dang a ba d+hU tI rnams shes pa 'dir rnal 'byor te/ shes rab dang thabs kyi bdag nyid las srog dang thur sel bsdams pa las ngang tshul te mi 'gyur ba'i srog rtsol yod do zhes pa rnal 'byor ma rnams so// dmar ser ni ro ma'o// i Da ni brkyang ma'o// a ba d+hA tI ni yid bzangs ma'o// 'di rnams dang de rnams ni nyi ma dang zla ba dang sbag can gyi lam rnam pa gsum rnams shes pa'o// nyi ma ni me'i khams kyi rang bzhin gyi phyir mgrin pa'i 'khor lo shes rab gsung rdo rje'o// de'i lam ni phyed dang bcas pa'i drug cu rtsa gnyis dang brgya phrag bzhi lhag pa'i stong phrag bcu'i dbugs dbab po// zla ba ni chu'i khams kyi rang bzhin gyi phyir dpral ba'i 'khor lo thabs kyi sku rdo rje'o// de'i lam rnams ni phyed dang bcas pa'i drug cu rtsa gnyis dang brgya phrag bzhi lhag pa'i khri phrag gis dbugs 'bab pa'o// sgra gcan ni stong pa'i khams kyi rang bzhin gyi phyir gtsug tor gyi 'khor lo thabs kyi thugs rdo rje'o// de'i lam ni bdun cu rtsa lnga lhag pa'i brgya phrag drug gi dbugs 'bab pa'o// rim pas g.yas pa dang g.yon pa dang dbu ma'i rtsa de rnams song ba ste/ steng du 'gags par 'gyur ba rnams rnal 'byor rnams so zhes pa'o// 'o na rtsa gzhan pa rnams kyang lus

  110. 79b

    dang ngag dang sems nyid kyi gtso bo rnams yod de de rnams kyang bshad par rigs pa ma yin nam de ltar ni sa'i khams kyi rang bzhin las lte ba'i 'khor lo shes rab kyi sku rdo rje bshad pa'i rtsa zhes brjod par bya'o// rlung gi khams kyi rang bzhin gyi phyir steng kha'i 'khor lo thabs kyi gsung rdo rje gci ba'i rtsa zhes brjod par bya'o// ye shes kyi khams kyi rang bzhin las gsang ba'i 'khor lo shes rab kyi thugs rdo rje khu ba'i rtsa zhes brjod par bya'o// zhe na bden mod/ 'di rnams lam gcig la mngon par sbyor ba'i phyir shes rab dang thabs gcig gi ngo bo nyid kyi lus dang ngag dang sems la mi 'khrul pa'i phyir dang skye ba dang 'gog pa rnams su gcig gis sbyor bas 'bab pa nyid kyi phyir ma bshad do zhes pa dgongs pa'o// de gsungs pa/ zla ba'i lam gyis bshang ba'i rtsa// nyi mas gci ba 'bab pa ste// skye 'chi ma zham pa chags pa la// sgrag can gyis ni khu ba 'bab ces pa'o// de bzhin du gang zhig zla zhi mun pa can dang // bshang gci khu ba 'bab pa rnams// srog dang thur sel rim pa yis// de rnams lus ngag sems kyi rtsa// zhes so// de bzhin du zla ba nyi ma'i rtsa 'gags na// bshang dang gci ba'i rtsa 'gag go/ sgra gcan ni 'gags pa na// 'og du khu ba 'bab 'gags 'gyur// skyed dang sdud pa'i byed pa can// 'di rnams grol bas grol bar 'gyur// srog dang thur sel lam gsum las// 'di ni rtsa yis kun spyod do zhes so// rnal 'byor ma 'di rnams kyi gang sngar bshad pa mnyam par bgrod pa'i zhabs dag ste/ g.yon pa dang g.yas par 'bab pa dag dbu mar rab tu zhugs pa las rlung dag mnyam pa ste mtshungs par bgrod pa'o// zhes phyogs gnyis ka rdzogs par bshad do// dngos dang dngos med rab nyams de dag ces pa/ dngos po ni spro ba'i rim pas rnam par shes pa la sogs pa dkyil 'khor lnga 'bab pa'i bdag nyid g.yon par ro//

  111. 80a

    dngos po med pa ni sdud pa'i rim pas sa la sogs pa dkyil 'khor lnga 'bab pa g.yas par ro// de dag gi rab nyams te rab tu zhig pa 'am de dag rab tu nyams pa dag gang dag gis yin pa zhes pa yang na'o// rgya cher 'grel du kha cig tu zhes gsungs pa las dang / sangs rgyas mang po la nye bar brten pa rnams shes pa la sogs pa sbyor ba mthong ba'i phyir skyon med do// de dag gi ste mnyam par bgrod pa'i zhabs dag gi 'gyur med de g.yo ba med pa'o// zhabs de 'di gcig ni ye shes kyi sku gtsug tor gyi 'khor lo'o// gnyis pa ni bde ba'i bzhi rten gnas rdo rje nor bu dang pad+ma'o// zhabs de dag dran par byed pa ste yan lag drug gi rnal 'byor gyis brtan par byed pa'i rnal 'byor pa de'i 'gyur ba med pa'i ye shes bsgom pa khams kyi rnam par 'gyur ba spangs pa ni rgyud kyi rgyal por 'jigs pa mtha' dag 'phrog par gsungs so// 'jigs pa ni de ma thag par brjod pa'o// skye ba 'di la ni mi'i skye ba la yin gyi lha dang mi la sogs pa la ma yin no// de ltar mthong ba sngon ma can gang zhig dran pa sngon du phyogs pa zhes bya ba de nyid kyi bsngags pa gsungs pa gnas shes pa la sogs pa gsungs pa'o// 'dir rnal 'byor ma rnams kyi ste a ba d+hU ti la sogs pa rnams kyi gnas te bzhi ni rdo rje nor bu'i khang pa'o// der 'jug ched du rgyal bas gsungs pa'i lam du ba la sogs pa'i mtshan nyid can brjod de gsal bar byas so// bdag gis te sa bcu'i dbang phyug 'jig rten dbang phyug gi sprul pa'i sku pad+ma dkar pos so// 'dir zhes pa ni rgyud la 'jug par ro// de 'di yang bstod pa sngon ma can te/ bstod pa ni dpal ldan dus kyi 'khor lo la phyag 'tshal zhes pa la sogs pa yin la de sngon ma can te gang gi thog ma yin pa zhes pa'o// nyon mongs pa med ces pa gang du sngar bshad pa bzhi po rnams dang bral ba ste mi mnyam pa'i

  112. 80b

    bgrod pa rab tu 'jigs pa gsal bar byed pa'i phyir ro// bdud mnyam shes pa gang du sngar bshad pa'i bdud bzhi rnams nyams pa ste nyam pa'i bgrod pa rab tu zhi ba bston pa'i man ngag yin pa'i phyir ro// gzhan yang skyes bu gang rnams bdud kyi grogs kyis te 'dod pa'i chung ma la sogs pa dang kun nas 'grogs pas song ba ste/ rnam par g.yos pa rnams kyi lam zhams par gyur pa de rnams lam thob par 'gyur ba 'di yis te bdag gis brjod pa yis so// rdo rje nor bu khyim dang ste rdo rje ni bdud dang nyon mongs pa rnams kyis mi phyed pa ste/ rlung chub dang mi ldan pa'i phyir ro// de'i nor bu ni rin po che ste bla na med pa'i dga' ba rgyas par byed do zhes pas so// de kho na khyim ste sangs rgyas thams cad kyi za ma tog ces pa'o// de rnams shes pa ni byang chub sems dpas mdzad pa'i rgya cher 'grel la lhag par mos pa tha ma dam pa'i zhabs kyi pad+ma yang dag par bsten pa rnams so// ring min te nye bar 'ong gyur cig ces pa'o// 'o na de ma thag tu bshad pa'i lam gyi rdo rje nor bu'i khang par 'jug par gyur pa la'ang lam sgom pa po la 'bras bu de 'gyur rapa ci zhe na/ gsungs pa/ sum cu rtsa gnyis shes pa la sogs pa'o// 'dir nam mkha' kun nas 'grogs pa'i sems dang ldan pa gang yin pa'i rnal 'byor pa de ni du ba la sogs lam gyi lhan skyes bde ba'i go 'phangs bsgoms nas dus kyi 'khor lor 'gyur zhes pa ste/ sogs pa'i sgras smig rgyu la sogs pa mtshan ma dgu po rnams dang so sor sdud pa las sogs pa yan lag drug rnams so// zhes pa ste cha bcu drug rnam par dag pa las so// mtshan mo'i rnal 'byor gyis nang du 'dus pa las dang / 'di rnams kho na nyi ma'i yan lag bcu gnyis rnam par dag pa las so// 'dir zhes pa phyi rol tu rdo rje'i nor bu'i khyim du yang ngo // rim gyis bcom ldan 'das 'di ni sum cu rtsa gnyis mtshan gyi yan lag can zhes pa nye bar mtshon pa

  113. 81a

    ste dpe byad brgyad cus brgyan pa'i sku can yang ngo zhes pa'o// de la mtshan rnams ni zhabs shin tu gnas pa la sogs pa rnams te ye shes kyi le'ur mchog tu mi 'gyur ba'i ye shes grub par bshad par bya'o// dpe byad rnams ni sen mo zangs ltar dmar ba nyid la sogs pa rnams te bsod nams dang tshul khrims dang ye shes kyi tshogs las byung ba rnams so zhes pa phyi rol tu'o// nang du bcom ldan 'das dpal dus kyi 'khor lo ye shes kyi sku ste spyi gtsug du shar ba'i dbyangs sum cu rtsa gnyis kyi bdag nyid zla ba'i gzugs kyi brgyan par byas pa'i gtsug tor gyi 'khor lo dang // 'og tu dang ba'i gsal byed brgyad nu'i bdag nyid nyi ma'i dpe byad las rdo rje nor bu'i pad+ma ste rim pas so// 'gro ba'i ste 'dod pa dang gzugs dang gzugs med pa zhes pa dang lus dang ngag dang yid kyi mtshan nyid can gyis bla ma ste ston pa po dang mchog tu mi 'gyur ba'i ye shes rdo rje'o// chos kyi 'khor lor zhes pa 'a chos kyi phyi rol tu gsungs rab yan lag bcu gnyis te ji skad du/ mdo sde dbyangs bsnyad lung bstan dang // tshigs bcad ched brjod rtogs par brjod/ de lta byung dang gleng gzhi dang // shin tu rgyas pa skye rabs bcas// gtan la phab dang rmad byung chos zhes te// phyi rol tu sor bcu gnyis pa'i rdo rje'o// nang du ni 'gyur ba'i ma rig pa la sogs pa 'gags pa las bden don bcu gnyis kyi bdag nyid la yang dag par gnas par gyur pa'o zhes pa'o// lha rnams kyis ste khyab 'jug dang gshin rje la sogs pa rnams kyi mgo bo'i gtsug gi nor bu'i 'od kyis tshogs kyis shes pa la phyi rol dri ni 'di shin tu grags par zad de/ 'od ni 'dir 'od zer ro// lus la ni lha rnams ni tshig bcu gnyis rnams so// de rnams kyi mgo bo'i gtsug gi nor bu ni rlung bsdam pa'o// de'i 'od zer gyi tshogs ni rtsa stong phrag bdun

  114. 81b

    cu rtsa gnyis rlung rnams kyis yongs su gang ba nye bar thangs nas te/ de rnams kyis gcig tu 'dus par gyur pa nyid kyi phyir gtugs pa'i zhabs kyi pad+ma zhes pa ste/ zhabs dag gi ste zla dang nyi ma'i mtshan nyid can dag gis pad+ma dag ste gtsug tor dang nor bu'i pad+ma dag gtugs te sbyar la gang gis yin pa zhes tshig sdud byas nas yi ge bsnan par bya'o// yang dag lam zhes pa la lam ni phyi rol du srog gcod pa las ldog pa dang / sbyin pa la sogs pa la rab tu 'jug pa'i mtshan nyid can no// lus la ni rnam pa gzhan du ste srog gcod pa la sogs pa la rab tu 'jug pa dang sbyin pa la sogs pa ldog pa'i mtshan nyid can de rnal 'byor srog gcod pa ni zhes pa la sogs pa dang / nor ni gtong ba sbyin pa zhes pa la sogs pa gsungs pa'i phyir ro zhes pa'o// yang dag pa'i sgra nye bar blangs pa ni lam ma yin pa la lam gyi blo gsal ba'i don du'o// yang dag pa'i lam ma yin pa 'tshe ba la sogs pa'i bdag nyid can dang dkyil 'khor gyi 'khor lo bsgom pa la sogs pa'i mtshan nyid can gyis ni rim pa bzhin du 'jig rten dang 'jig rten las 'das pa'i 'bras bu rab tu sgrub par byed pa ma yin te/ lam rab mchog ni dam pa rnams kyis 'byung bar bya'o zhes pa'o// ston byed ces pa 'dir yang yang yig yi ge nyams par rig par bya'o// nyin mor byed pa ni nyi ma ste nor bu'i pad+mar rdo rje kho na'o// mun pa thams cad bcom pa ni gang gis ma rig pa la sogs pa nag po'i tshes gcig 'ong ba'i mtshan nyid can bcom pa'o zhes pa'o// rdzogs pa'i rim pa lam gcig pu 'di ni rgyud kyi snying por shin tu gsal ba kho nar bshad de/ skad du so sor sdud sogs drug po rnams kyis stong nyid bsgob pa stobs bcu'i stobs dang ldan pas gsungs/ mtshan mo du ba la sogs nal 'byor slar yang zhin par nam 'khang sngon la sogs kyang / so sor sdud

  115. 82a

    pas rnal 'byor pa yis nam mkha'i mthil du son pa'i dus gsum gzugs rnams mthong / de la bsam gtan gyis ni phyi rol dngos rnams spangs nas sems brtan par yang byed/ srog rtsol rnams kyis srog rlung ri bong can dang nyi ma dang bral mun can mar 'bab byed/ slar yang 'dzin pa'i yan lag gis ni thig ler dbugs dbyung dbugs rngub dag gis dman par byed/ mkha' la rjes su dran pas rang gi gzugs las ri bong can las bzhin du 'od chen spro// 'khor lo nas ni 'khor lor ting nge 'dzin gyis 'gro ste spyi bo dri med bde bas rdzogs par ro// nam mkha' lta bas gti mug mtha' ru 'gyur te stong pa nyid ni mthong bas so// bdag nyid lta bas 'dod chags mtha' ru 'gyur te srog gi rlung ni 'gags pa na'o// yan lag med pa'i lta bas zhe sdang mthar 'brur 'khor lor dri med rnal 'byor las/ srog gis ltabs nga rgyal mtha' ru 'gyur te gzhom med chang pa'i rnal 'byor las/ srog dang thur sel nges par 'gags na sangs rgyas gzugs la dri med dam pa'i dkyil 'khor 'gyur/ gsang sngags lte ba snying gi chu skyes mgrin pa mgo bor spyi bor sa bzung rim pas so// khu ba steng dang rdul yang 'og tu son pas gzhom du med pa'i tshangs pa'i dbyangs las ni/ sku dang gsung dang thugs kyi rdo rje dri ma gsum spangs sangs rgyas gang gis ston byed pa'o zhes pa'o// / 'on du ba la sogs pa'i lam bsgoms nas bcom ldan 'das dus kyi 'khor lo'i ting nge 'dzin la snyoms par zhugs pa yang dag par rdzogs pa'i sangs rgyas lha la sogs pa rnams kyi ston pa por yang dag par gyur pa/ gang gis bka' yis khyod rgya cher 'grel byed pa'i phyir du 'bad pa 'di su zhig yin zhe na/ gsungs pa/ gang zhig ces pa la sogs te/ gang bcom ldan 'das dpal shAkya seng ge zhes pa la shAkya/

  116. 82b

    rigs su 'byung bas na shAkya ste/ de yang 'di yin la seng ge dang 'dra bas ga seng ge ste mi 'jigs pa nyid rgyal ba'i phyir dang gzhom du med pa'i nus pa can yang ngo zhes pa ste/ ji skad du gsungs pa/ 'dir bcom ldan 'das de bzhin gshegs pa dgra bcom pa yang dag par rdzogs pa'i sangs rgyas so zhes bdag nyid kyis dam bca' mdzad pa la 'dir 'di la chos 'di rnams khyod kyis mngon par rdzogs par byang chub po zhes lha dang bcas pa bdud dang bcas pa tshangs pa dang bcas pa dge sbyong dang bram zer bcas pa'i lha dang mi dang lha ma yin gyi skye dgu ru su zhig gis chos dang mthun par rgol ba bskyed pa'i rgyu mtshan yang dag par rjes su ma mthong ste/ rgyu mtshan yang dag par rjes su ma mthong bas de bzhin gshegs pas bde ba thob cing mi 'jigs pa thob par gnas te/ khyu mchog rlabs po'i gnas su dam 'cha'o// 'khor gyi nang du seng ge'i sgra sgrog go// chos kyi 'khor lo dge sbyong ngam bram ze 'am gzhan sus kyang 'jig rten du chos dang mthun par ma bskor ba rab tu bskor ba ro zhes rgyas par ro// de nyid las seng ge nyid kyi phyir bdud dang nyon mongs ri dgas gsod byed rab gtum zhes pa/ bdud dang nyon mongs kyang de rnams yin la ri dgas dang 'dra bas na ri dag pa rnams kyang ngo zhes pa'o// de rnams gsod pa po yang 'di yin la rab tu gtum ste gzhom du med pa'i nus pa can yang ngo zhes pa'o// rtag tu dus thams cad du'o// lha dang mi dang lha ma yin dang mi'i dbang pos yongs su bskor nas dpal ldan 'bras srungs kyi mchod rten gyi nang 'og dang steng du rgyang grags lhag pa'i dpag tshad drug la gnas pa'i dpal dus kyi 'khor lo'i dkyil 'khor gyi shar sgo'i mthar rin po che'i seng ge'i khri la bzhugs pa'i bcom ldan 'das kyis/ ma 'ongs pa'i dus su sems can mang po rnams yongs su smin par gzigs nas nyung ngu'i rgyud

  117. 83a

    kyi rgya cher 'grel bya ba'i ched du bdag la gnang ba mdzad do// de'i phyir de'i snying rje yis rgya cher 'gral bri'o zhes pa bcom ldan 'das de'i 'gro ba ste/ sems can thams cad la btse ba gang yin pa de yis shes pa 'dis ni rgya cher 'grel byed pa la khyad par gyi rgyu bshad do// 'o na bcom ldan 'das sa bcu'i dbang phyug nyid kyi phyir shes rab chung ba yin pas bcom ldan 'das sa bcu gnyis kyi dbang phyug gis dgongs pa ma shes pa kho nar de'i brtse ba tsam gyi dbang gis rgya cher 'grel byed pa la zhugs pa yin na rgya cher 'grel byas kyang ji ltar 'gro ba'i don byed par 'gyur te de ltar ni dper na shes rab yongs su dman pa 'ga' zhig gis sman pa dam pa'i gdams ngag ma shes par rims la 'o ma'i btung ba rab tu bsngags so zhes pa thos nas brtse ba dang ldan pas rims bzhin gzhon nus mnar ba'i rang gi bu la 'o mas rigs gso bar bya bar brtson pa lta bu ste/ 'o ma de yang rims rgan pa bad rkan zad pa la bdud rtsi lta bur bshad pa la rims gzhon nu la dug dang 'dra ba'o// de'i phyir snying brtse ba tsam gyis phan pa dang bde ba'i ched du phun sum tshogs pa ma yin no zhe na/ gsungs pa/ de'i shes rab kyis bskul zhes pa la/ de'i shes rab ni zab pa dang rgya che ba'i mtshan nyid can de des bskul ba'o// 'gro ba mtha' dag gi don dngos su ston pa'i phyir spro ba'i blo gros so// ji ltar kho ba yang dag par rdzogs pa'i sangs rgyas kyis stong pa dang snying rje dag dang bral bas rgya cher 'gral ma byas par gnas par spro ba yin/ ji ltar ma 'ongs pa'i dus su sems can thams cad kyi snang ba byas par 'gyur ba yin zhes pa'o// dpal ldan dri ma dang bral ba'i 'od kyi rgyud la 'jug pa'i bshad sbyar brgya phrag bcu gsum pa mi g.yo ba'i snying po snang bar 'jigs pa chen po bcu drug gis nye bar 'tshe bzhi par byed pa'i

  118. 83b

    nges pa drug pa'o// // da ni bcom ldan 'das dpal dus kyi 'khor lo'i mtshan gyi don yi ge re res gsungs pa/ k+Sha yig las ni zhes pa la sogs pa'o// rgyu ni byang chub kyi sems te lus zhes bshad pa'o// zhi ba ni sad pa'i gnas skabs zad pas rnam par rtog pa dang bral ba ste/ dpral bar lus kyi thig le 'gog pa las sprul pa'i sku'o// de ltar gyur pa na rmi lam gyi gnas skabs zad pa'i bdag nyid ni srog thim pa ste ngag gi thig le 'gog pa las mgrin par longs spyod rdzogs pa'i sku'o// sad pa dang rmi lam gyi gnas skabs su sgra la sogs pa'i yul rnams rnam par spyod pa ni g.yo ba ste/ 'pho ba'i chos can mun pa zil gyis gnan pa'i sems khams bco brgyad kyi rnam par 'gyur ba dang ldan pa'o// de bcings pa ni mun pa dang bral ba shin tu gnyid log pa sad pa ste/ sems kyi thig le 'gog pa las snying gar chos kyi sku'o// 'di ci las she na gsungs pa/ ka yig las shes pa ste rim pa ni lus la sogs pa'i thig le rnams 'pho ba yin la de bcings pa ni lhan cig skyes pa'i bde bas te bzhi pa'i gnas skabs zad pa g.yo ba'i bgrod pa can ye shes kyi thig le 'gog pa lte bar lhan cig skyes pa'i sku'o// zhes sku bzhi'i bdag nyid do// bcom ldan 'das dus kyi 'khor lo shes rab dang thabs kyi bdag nyid de kho na shes pa dang shes bya'i 'brel bas brjod de/ ji skad du 'gyur med bde ba ye shes sgrib pa thams cad zad pa'i rgyur gyur pa ni dus zhes brjod de/ thabs dang snying rje'i bdag nyid mngon par shes pa drug gi bdag nyid do// shes bya'i rnam par 'gro ba 'khor lo// shes byakhams gsum pa mtha' yas pa'i dngos po'i mtshan nyid ni 'khor lo ste/ de nyid shes rab stong nyid rnam pa thams cad pa'i bdag nyid do// 'di dag gcig pa nyid ni dus kyis 'khor lo zhes bshad do//

  119. 84a

    rgyud kyi rgyal por yang / mtha' yas sangs rgyas zhing rnams dang ni dpag med yon tan rnams dang nam mkha' la sogs khams rnams dang / gnas dang skye dang nyams dang rnam gsum zhes pa'i srid pa dang / ni 'gro ba drug tu sems can kun/ sangs rgyas khro ba ma tshogs rnams dang snying rje'i thugs ldan byang chub sems dpa' btsun mo rabacas rnams te/ 'di rnams srid pa gsum po rnams kyis phyag byas rgyal bde 'byung gcig po'i 'khor lo gcig yin no// zhes so// snying po'i don 'di brjod par byed pa dang brjod par bya ba'i 'brel pa med par gsal bar 'gyur ba ma yin no// zhes gsungs pa 'di'i zhes pa la sogs pa'o// 'di'i zhes pa yi ge so sor bshad pa'i dus kyi 'khor lo 'di dang slar yang 'di'i zhes pa bshad ma thag pa'i rdo rje'i rnal 'byor gyi'o// bden pa gnyis la gnas pa'i zhes pa/ kun rdzob kyi bden pa la gtsug tor la sogs pa'i 'khor lo drug po khams drug gi rdo rje btsun mo'i b+ha ga'i ngo bo rnams su bde ba chen po'i ngo bo nyid kyis gnas pa nyid kyi phyir ro// don dam pa'i bden pa la ni slar yang gnyis su med pa'i chos kyi khams kyi rnam par 'gyur ba dang bral bas so// thams cad du zhes pa thams cad du bcom ldan 'das gnas pa nyid kyi phyir ro// ji skad du ye shes kyi le'ur gsungs pa/ dus dang sna tshogs la sogs rdo rje skyes bu dpe zla med pa thams cad du 'gro spros pa med/ gzugs gcig tu gnas rna ba dang ni sna dang kha dang mig ste thams cad nas ni phyag dang zhabs/ 'byung ba'i mtha' ste 'byung po'i mgon po srid pa gsum po mchog 'dzin rgyu rnams kyi ni nur gyur pa/ rig pa la sogs rnal 'byor gyis ni rtogs bya mchog bde'i go 'phang dus kyis 'khor lo la phyag 'tshal zhes so// kye'i rdo rjer yang / nga las 'gro ba thams cad

  120. 84b

    'byung nga las srid pa gsum yang 'byung // nga yis 'di dag thams cad khyab// 'gro ba'i rang bzhin ngas ma mthong zhes so// bde mchog la sogs par yang // kun nas phyag dang zhabs kyi mtha'// kun nas mig dang dbu dang zhal// kun nas thos ldan 'jig rten du// thams cad khyab par te gnas zhes// rnam pa de lta bu'i brjod par bya ba tshig gis rtogs par bya ba'i mngon par brjod par byed pa nyung ngu'i rgyud kyi rgyal por ni brjod byed du 'gyur ro zhes pa mngon par brjod par byed pa dang / mngon par brjod par bya ba dag gi brjod bya dang rjod byed kyi mtshan nyid kyi 'bral ba bshad par 'gyur ro zhes pa'o// brjod bya dang rjod byed kyi 'brel pa 'di kho na bde brag tu rtogs pa'i ched du rgya cher 'grel gyi dgongs pa sangs rgyas kyi lung bstan pa sngon ma can gsungs pa/ 'dir zhes pa la sogs pa'o// 'dir te dus kyi 'khor lo mngon par brjod par ro// rgud ces pa kun rdzob dang don dam pa'i bden pa la brten pa'i bcom ldan 'das dus kyi 'khor lo 'dis rgyud du bya zhing bye brag tu rtogs par byed pas ni rgyu de gzhung bsdigs par brjod par bya'o// de bzhin gshegs pas lung bstan pa// 'jig rten mgon po bdag gis ni zhes pa// rgyas 'grel byed pa pad dkar 'dzin ces pa'i gsung las sangs rgyas kyi bka' ste des so// waM gsal bar ro// 'jam pa'i dpal gyis bskul nyid kyis te 'jam dpal gyi sprul pa'i su mi'i dbang po grags pas so// ji skad du gsungs pa/ sangs rgyas kyis ni gsungs las dus kyis 'khor lo bdag gis kyang ni phreng 'dzin sdeb sbyor bcings pas brjod/ pad+ma dkar po rdo rje 'dzin pa khyod kyis 'di ni sngags pa rnams la bstan pa nyid du mdzod/ ces pa 'di'i phyir bdag gis rgya 'grel bri bar bya/ gsang ba gsal byed pa gsang ba sba bar bya'i don rab tu gsal bar byed do zhes pa'o// gang du

  121. 85a

    zhe na rgyud du ste/ zhung ngu'i dus kyi 'khor lor ro// 'o na rgyud kyi rgyal por 'di ni rdo rje'i gnas rab tu gsal ba ma yin nam/ ji ltar sbas pa srid ce na/ bden mod yul mang po nyid kyi phyir rgyud kyi rgyal po 'di gsal por brjod pa yin yang / 'jig rten las 'das pa'i don ni byis pa'i mkhas pa bden pa ma mthong ba rnams dang / rmongs pa bstan bcos la goms pa med pa rnams kyis rtogs par nus pa ma yin no zhes gsungs pa/ byis pa'i mkhas dang rmongs rnams la zhes so// 'khor ba'i bde ba la kun nas chags pa'i phyir byis pa'ang de rnams yin la/ phyi rol gyi bstan bcos tsam yongs su shes pa'i phyir// / mkhas pa rnams kyang ngo zhes pa'o// bden pa mthong ba'i byang chub sems dpa' rnams kho na mkhas pa'o// zhes pa'o// ma yis bu la phan pa bzhin zhes pa/ dper na ma yis phan pa ste/ gsang zhing sbas pa'i nor gdug pa'i bu'i 'jigs pa las pha yis sbas nas bsrungs pa/ dus la ma bab par yang bu rnams bde ba'i don du rab tu gsal bar byas nas ston par byed pa de bzhin du gdug pa'i slob dpon gyis 'jigs pa las bcom ldan 'das kyis dgongs pa dang dgongs pa ma yin pa dang / sgra dang sgra min dang drang ba dang nges pa'i don rnams kyis sbas pa'i don gang yin pa gsang ba de yang / dbang po la rab tu gsal bar byed pas byis pa'i mkhas pa dang rmongs pa rnams la khyad par med par phan pa ste/ 'gro ba'i don byed pa'i bde ba chen po'i don du rab tu gsal ba byed do zhes pa'o// de lta bu'i rgya cher 'grel gyi don dang mthun pa'i mtshan nges par bstan pa/ rgyud la 'jug pa nye bar bsdu ba sngon du 'gro bas gsungs pa/ yang dag lam zhes pa la sogs pa'o// gang gi phyir rdo rje sems dpa' zhes pa bcom ldan 'das

  122. 85b

    dus kyi 'khor yang dag lam/ rgya cher 'grel pa gang gis rnal 'byor pa rnams kyis thob byed de rab tu thob par byed pa de'i phyir ro// 'dir zhes pa rgyud la 'jug par ro// rgyud la 'jug pa'i ngag nye bar bsdus nas dri ma med pa'i 'od ces bya ba'i rgya cher 'grel 'di ni 'di ni mur du ste ma 'gor bar ji ltar 'gyur ba de ltar yang dag par bri bar bya'o zhes sbrel lo// log pa'i shes pa la sogs pa mun pa'i tshogs rab tu 'joms par byed pa'i phyir na/ dri ma blo ngan pa'i skyon rnams gang gis 'od las bral ba'o zhes pa ste/ rgya cher 'grel gang bzhi pa'i don gang la sogs pa'i gnas rab tu gsal bar byed pa'i phyir rab tu gyur pa yang 'di yin la// 'on te 'od zer zla ba'i cha bcu drug gi sgrib pa dang bral ba las gsal bar byed pa yang ngo // zhes pas rgya cher 'grel gang gi 'od dri ma dang bral ba yin pa de ni de skad ces brjod do// rgya cher 'grel gyi don dang mthun pa brjod par bya la zla ba'i cha bcu drug gi sgrib pa dang / chos mi mthun pa nyid gsal bar byed pa'i sngags pa sbyor ba de rgyu ci'i phyir zhe na bden te/ gang 'di phyag na rdo rje'i sprul pa'i sku rgyal po zla ba bzang pos rtsa ba'i rgyud kyi rgya cher 'grel stong phrag drug cu pa dri ma dang bral ba'i 'od ces bya ba mdzad pa de nyid/ spyan ras gzigs kyi dbang phyug gis sprul pa'i sku rgyal po pad+ma dkar pos mtshan de kho nas stong phrag bcu gnyi rnams kyis yang dag par bsdus so// shes pa de'i phyir zla ba'i sbyor ba rigs te/ phyi dang nang gis bag chags kyi sgrib pa nyid kyi phyir ro zhe pa'o// gang gsung bar 'gyur ba bzang po yang 'di yin la zla ba yang 'di// yin pas zla ba bzang po ste/ de bzhin gshegs pa thams cad kyi zhan pa por gyur pa rdo rje zla ba dri bral 'od do zhes pa'i phyir rgya cher 'grel yang dri ma dang bral ba'i 'od ces bya ba'o zhes gnas so// zhes rtsa ba'i

  123. 86a

    rgyud kyi rjes su 'jug pa stong phrag bcu gnyis pa nyung ngu'i rgyud kyi rgyal po dus kyi 'khor lo'i rgya cher 'grel pa dri ma dang bral ba'i 'od du bdud dang / bgegs tha dag nyams par byed pa mchog tu 'dod pa'i lha dang dam pa'i lam nges pa'i mdor bsdus chen po dang po'o// zhes pa'i sba ni ngag rdzogs pa la blta bar bya'o// rtsa ba'i rgyud kyi rjes su 'jug pa 'dis snying po'i don la mi 'khrul pa'i nges par bshad do// bdud dang bgegs thams cad nyams par byed pa mchog gis 'dod pa'i lha dang dam pa'i lam zhes pas brjod bya dang dgos pa'i nges pa gsungs so// stong phrag bcu gnyis pa zhes pa 'dis tshad kyi nges pa gsungs so// / dus kyis 'khor lo'i rgyud nyung ngu'i rgya cher 'grel du zhes pa 'dis ni 'grel pa bshad pa'i nges pa mngon par gsungs so// dri ma dang bral ba'i 'od ces pa 'dis ni mtshan gyi nges pa bstan to// nges pa zhes pa 'dis ni rnam pa gzhan du bya ba ma yin no bstan to// mdor bsdus chen po'o zhes 'dis ni nyung ngu'i rgyud kyi rgyal po'i rgya cher 'grel du ming nges pa gsungs so zhes pa'o// / dpal ldan dri ma dang bral ba'i 'od kyi rgyud la 'jug pa'i bshad sbyar brgya phrag bcu gsum pa mi g.yo ba'i snying po snang bar gyi dus kyi 'khor lo nges pa ste bdun pa'o// 'di ni chos kyi rje shong lo tsA ba rdo rje rgyal mtshan gyi bka' drin la brten nas legs par sbyar ba brda sprod pa'i tshul la khro'i snang ba cung zad skyes pa dpang lo tsA ba dge slong dpal ldan blo gros brtan pas bskur cing zhus te gtan la phab pa'o// paN+Di ta la ma mnyan zhing / rgya dpe rnying pa'ang ma rnyed pas/ 'di la 'khrul pa ci mchis pa/ mkhas pa rnams kyis bzod pa mdzod// slar yang mkhas pa gzur gnas pa// rgyad po dag po rnyed pa yis// tshig dang don la legs brtags nas// 'khrul pa mchis na bcos par gsol// dge 'dis myur du

  124. 86b

    srog chags kun// rnam kun mchog ldan stong nyid dang // mchog tu mi 'gyur bde ba dag/ rtogs shing thob nas kun mkhyen shog/ 'dis 'gro ba du ma la phan par gyur cig/ b+ha wan+d+ra/ @6// parma can gyis bka' 'phel zhes bya ba bzhugs// rgya gar skad du/ pad+ma ni nA ma pany+dzika/ bod skad du/ pad+ma can zhes bya ba'i dka' 'gres/ dpal dus kyi 'khor lo la phyag 'tshal lo// rnam pa kun tu yon tan skyon kun dang // ldan par gyur dang rnam par bral ba dang // kun nas srid pa byung bar mdzad pa yi// gang zhig da la rtag tu phyag 'tshal lo// zhon mongs pa dang bdud kyi rang bzhin no// dbang phyug dag dang 'dod pa'i lha yin pa// gang gis zhabs gnas kyis ni mnan par mdzad/ dpal ldan dus 'khor de la spyi bos 'dud// 'jig rten tha snyad bral zhing rtag tu 'byung ba dang // dbang po bral ba'i bde ba 'gyur ba med pa dang // dmigs bcas stong nyid dang ldan dmigs med snying rje'i bdag/ mchog tu mi 'gyur bde ba de la phyag 'tshal lo// rnam pa dang bcas rnam med pa// dngos po kun gyi rang bzhin can// ming bral bde ba skyed mdzad ma// sna tshogs yum la bdag phyag 'tshal// thos pa'i shes rab mtsho las skyes par gyur pa dang // dpal ldan bla ma'i 'od zer rnams kyis blo'i kha phyer gyur// ma rig pa yis gdungs pa bsil bar byed pa yis// dka' 'grel pad+ma can zhes bdag gis bri bar bya// de yang rang zhid dran pa'i don du yin gyur gyi// gzhan ma rnams la phan 'dogs phyir ni ma yin no// ci'i phyir zhe na de bzhin gshegs pa rnams kyis ni// gzhan don mdzad kyi gzhan ma rnams kyis nam yang min// thos pa chung dang bden pa ma mthong dang // nyon mongs ma spangs blo ni ma dag pas// gal te skyon dang bcas par gyur na yang // skyes bu dam pas bzod par bzhes su gsol// gang zhig sa bcu'i dbang phyug rnams kyis spyad gyur pa// de la phal

Colophon

'di ni chos kyi rje shong lo tsA ba rdo rje rgyal mtshan gyi bka' drin la brten nas legs par sbyar ba brda sprod pa'i tshul la blo'i snang ba cung zad skyes pa dpang lo tsA ba dge slong dpal ldan blo gros brtan pas bsgyur cing zhus te gtan la phab pa'o/_/paN+Di ta la ma ma nyan zhing /_rgya dpe rnying pa'ang ma rnyed pas/_/'di la 'khrul pa ci mchis pa//_mkhas pa rnams kyis bzod pa mdzod/_/slar yang mkhas pa gzur gnas pa/_/rgya dpe dag po rnyed pa yis/_/tshig dang don la legs brtags nas/_/'khrul pa mchis na bcos par gsol/_/dge 'dis myur du srog chags kun/_/rnam kun mchog ldan stong nyid dang /_/mchog tu mi 'gyur bde ba dag //rtogs shing thob nas kun mkhyen shog //'dis 'gro ba du ma la phan par gyur cig