N347MW22703_0347mdo sdeAll versions of this work

chos kyi 'khor lo rab tu bskor ba'i mdo

Text

ff. 427a–431b · 10 folio sides

  1. 427a

    khams de 'jigs pa chen por 'gyur/zla ba'i kha dog bcog 'dra bar dmar por snang /slar yang 'bral tu dkar po'i rang bzhin du gyur na/rlung ma ldang / bar drag por 'bab/ro skam lta bur chu mig byung na/lo tog legs par 'gyur/me ma bus par yul khams der du ba byung na/yul 'khor der 'jigs pa chen po 'byung /mda' gzhu skyes kor la/me 'am/dud pa byung na/yul khams der dgra'i 'jigs pa 'byung //de skad bcom ldan 'das kyis bka' stsal pa dang /rgyal po gzugs can snying po 'khor dang bcas pa/bcom ldan 'das kyis gsungs pa la yid rangs te/mngon par bstod do//mig bcu gnyis pa zhes bya ba'i mdo/ rdzogs so///rgya gar skad du/d+harma tsakra pra brtan sU tra/bod skad du/chos kyi 'khor lo rab tu bskor ba'i mdo/'phags pa dkon mchog gsum la gus par phyag 'tshalo//'di skad bdag gis thos pa dus gcig na/bcom ldan 'das yul bA rA Na sI'i drang srong lhung ba ri dgas rgyu ba'i gnas na bzhugs so//de nas bcom ldan 'das kyis dge slong lnga sde rnams bos te bka' stsal pa/dge slong dang rab tu byung ba dag mtha' gnyis po 'di la gnas par mi bya'o//gang su

  2. 427b

    dag 'dir 'dod pa rnams dang /bde ba la zhen pa ni mi rigs pa dang dman par 'gyur ro//so so'i skye bo rnams ni don med pa dang ldan pa'i phyir/grang su dag lus dub pa dang / 'bral ba'i sdug bsngal bsngags par bya ba ma yin pa rnams kyis don med pa dang ldan no//dge slong dag 'di rnams ni mtha' gnyis kyi mtha' ste/de la 'jug par mi bya'o// de bzhin gshegs pa mngon par rdzogs par sangs rgyas nas dbu ma'i lam 'di gsungs//mig byed pa dang /ye shes byed pa dang /zhi bar byed pa dang /mngon par shes pa dang /yang dag par khong du chud pa dang /mya ngan las 'dras pa la yang dag par 'jug go/dge slong dag de bzhin gshegs pas mngon par rdzogs par sangs rgyas nas gsungs pa'i dbu ma'i lam gang zhe na/mig byed pa dang /ye shes byed pa dang /zhi bar byed pa dang /mngon par shes pa dang /yang dag par khong du chud pa dang /mya ngan las 'das pa la yang dag par 'jug go/dbu ma'i lam ni 'phags pa'i lam yan lag brgyad de/brgyad po 'di ni 'di lta ste/yang dag pa'i lha ba dang /yang dag pa'i rtogs pa dang /yang dag pa'i ngag dang /yang dag pa'i las kyi mtha' dang /yang dag pa'i 'tsho ba dang /yang dag pa'i rtsol ba dang /

  3. 428a

    yang dag pa'i dran pa dang /yang dag pa'i ting 'dzin to//dbu ma'i lam 'di yang de bzhin gshegs pa mngon par rdzogs par sangs rgyas nas gsungs so//mig byed pa dang /ye shes byed pa dang /zhi bar byed pa dang /mngon par shes pa dang /yang dag par khong du chud pa dang /mya ngan las 'das pa la yang dag par 'jug go/'di yang dge slong dag sdug bsngal 'phags pa'i bden pa ste/skye ba'i sdug bsngal dang /rga ba'i sdug bsngal dang /na ba'i sdug bsngal dang /'chi ba'i sdug bsngal dang /mi sdug pa dang phrad pa'i sdug bsngal dang /sdug pa dang bral ba'i sdug bsngal dang /gang 'dod pa btsal ste ma rnyed pa de yang sdug bsngal ba dang /mdor na nye bar len pa'i phung po lnga sdug bsngal lo//'di yang dge slong dag sdug bsngal kun 'byung 'phags pa'i bden pa ste/gang sred pa 'byung ba can dang /dga' ba'i 'dod chags dang ldan pa dang /de dang de la mngon par dga' ba na/'di lta ste/'dod pa'i sred pa dang /'khor ba la sred pa dang /'khor ba dang bral ba la sred pa'o//'di yang dge slong dag sdug bsngal 'gog pa 'phags pa'i bden pa ste/gang zhig 'di bzhin sred pa ma lus pa

  4. 428b

    la 'dod chags dang bral ba dang /'gog pa dang /bor ba dang /so sor bsgyur ba dang /grol ba dang /grol ba la zhum pa med pa'o//'di yang dge slong dag sdug bsngal 'gog par 'gro ba'i lam 'phags pa'i bden pa'o//'di yang 'phags pa'i lam yan lag brgyad pa ste/'di lta ste/yang dag pa'i lta ba dang /yang dag pa'i rtog pa dang /yang dag pa'i ngag dang /yang dag pa'i las kyi mtha' dang /yang dag pa'i 'tsho ba dang /yang dag pa'i rtsol ba dang /yang dag pa'i dran pa dang /yang dag pa'i tinge 'dzin to//dge slong dag 'di ni sdug bsngal 'phags pa'i bden pa ste/sngar chos ma thos pa la/mig skyed pa dang /ye shes bskyed pa dang /shes rab bskyed pa dngarig pa bskyed pa dang /snang ba snyed pa'o//de yang sdug bsngal 'phags pa'i bden pa sde/dge slong dag 'di yongasu shes par bya'o// sngar chotshwa ma thos pa la/mig bskyed pa dang /ye shes bskyed pa dang /shes rab bskyed pa dang /rig pa bskyed pa dang /snang ba bskyed pa'o//'di ni sdug bsngal kun 'byung 'phags pa'i bden po ste/dge slong dag 'di ni sngar chos ma thos pa la/mig bskyed pa dang /ye shes bskyed pa dang /shes rab bskyed pa dang

  5. 429a

    rig pa bskyed pa dang /snang ba skyed pa'o//'di yang sdug bsngal kun 'byung 'phags pa'i bden pa ste rab tu spang bar bya'o//dge slong dag 'di ni sngar chos ma thos pa la/mig bskyed pa dang /ye shes bskyed pa dang /shes rab bskyed pa dang /rig pa bskyed pa dang /snang ba bskyed pa'o//'di ni sdug bsngal 'gog pa 'phags pa'i bden pa ste/dge slong dag 'di ni sngar chos ma thos pa la/mig bskyed pa dang /yo shes bskyed pa dang /shes rab bskyed pa dang //rig pa bskyed pa dang /snang ba bskyed pa'o//'di yang sdug bsngal 'gog pa 'phags pa'i bden pa ste/mngon sum du bya'o//dge slong dag 'di ni sngar chos ma thos pa la/mig bskyed pa dang /ye shes bskyed pa dang /shes rab bskyed pa dang /rig pa bskyed pa dang /snang ba bskyed pa'o//'di ni sdug bsngal 'gog par 'gro ba'i lam 'phags pa'i bden pa'o//dge slong dag 'di sngar chos ma thos pa la/mig bskyed pa dang /ye shes bskyod pa dang /shes rab bskyed pa dang /rig pa bskyed pa dang /snang ba bskyed pa'o//'di yang sdug bsngal 'gog par 'gro ba'i lam 'phagaso pa'i bden pa ste/bsgom par bya'o//dge slong dag 'di ni sngar chos ma

  6. 429b

    thos pa la/mig bskyed pa dang /ye shrIs bskyed pa dang /shes rab bskyod pa dang /rig pa bskyed pa dang /snang ba bskyed pa'o//dge slong dag de ltar bshud pa rnam pa/ bzhi po 'di ni 'phags pa'i bden pa'o//'di lta ro lan gsum du bzlas te/rnam pa bcu gnyis po ji ltar gyur pa rnams ye shes mthong ba shin tu rnam par dag pa yin//dge slong dag nga spangs te/lha dang bcas pa'i 'jig rten dang /bdud dang bcas pa dang /tshangs pa dang bcas pa dang /dge sbyong dang bcus pa dang /skye dgu'i bdag po dang /lha dang mir bcas pa rnams las/bla na med pa yang dag par rdzogs pa'i sangs rgyas gzhan med do//dge slong dag gdo yang 'di ni 'phags pa'i bden pa bzhi po 'di ltar lan gsum du bzlas te/rnam pa bcu gnyi su ji ltar gyur pa'i ye shes mthong ba shin tu rnam par dag pa yino//ji ltar dge slong dag ni 'jig rten lha dang bcas pa dang / bdud dang bcas pa dang /tshangs pa dang bcas pa dang /dge sbyong dang bcas pa dang /skye dgu'i bdag po dang /lha dang mir bcas pa rnams las/bla na med pa yang dag par rdzogs pa'i sangs rgyas mngon par rdzogs par sangs rgyas nas so sor rtog so//ye shes 'di yod pi dag mthong bar gyur pa dang /sngar med pa'i rnam par grol ba dang /bdag

  7. 430a

    ni lhag ma med par yang srid pa len pa med par mya ngan las 'das//bcom ldan 'das kyis de/skad ces bka' stsal pa dang /dge slong lnga sde bcom ldan 'das kyis gsungs pa mngon par dga' bo//'di ltar lung du bstan pa de tshun chod nas/tshe dang ldan pa kau N+Din+ya rdul spangs pa dang /dri ma med pa'i chos kyi mig skye so//gang nung zad kun 'byung ba'i chos thams cad ni de 'gog pa'i chos yin no//bcom ldan 'das kyis chos kyi 'khor lo rab tu bskor zhing bskor nas/sa'i lha rnams kyis bstod pa'i sgra sgrogaso//dge sbyong ngam/bram ze 'am/lha 'am/bdud dam/tshangs pa'am/'jig rten du gzhan sus kyang bskor bar mi nus pa 'di ni bcom ldan 'das kyis yul bA ra nu si'i drang srong lhung ba dang /ri dgas rgyu ba'i gan su bzhugs nas bla na med pa'i chos kyi 'khor lo rab tu ma bskor ba bskor to//de nas sa'i lha'i sgra thos nas/ rgyal chen ris bzhi'i lha rnams kyis bstod pa'i sgra skrag so//dge sbyong ngame/bram ze 'am/lha 'am/bdud dam/tshangs pa'am/'jig rten du gzhan sus kyang bskor bar mi nus pa 'di ni bcom ldan 'das kyis yul bA rA na si'i drang srong lhung ba dang /ri dgas rgyu ba'i gan su bzhugs nas/bla na med pa'i chos kyi 'khor lo ma bskor ba

  8. 430b

    ra to//rgyal chen ris bzhi'i lha rnams kyis bstod pa'i sgra thos nas/sum cu rtsa gsum gyi lha rnams kyis rgyud 'i/sgrag so//dge sbyong ngam/bram ze 'am/lha 'am/bdud dam/tshangs pa 'am/'jig rten du gzhan sus kyang bskor bar mi nus pa 'di ni/bcom ldan 'das kyis yul bA rA na si'i drang srong lhung ba dang /ri dgas rgyu ba'i gnasu bzhugs nas/bla na med pa'i chos kyi 'khor lo ma bskor ba bskor to//sum cu rtsa gsum gyi lha rnams kyis bstod po'i sgra thos nas/'thab bral gyi lha rnams kyis bstod pa'i sgra skrag so//dge sbyong ngam/bram ze 'am/lha 'am/bdud dam/tshangs pa 'am/'jig rten du gzhan sus kyang bskor bar mi nus pa 'di ni/bcom ldan 'das kyi yul bA rA na si'i drang srong lhung ba dang /ri dgas rgya ba'i gnasu bzhugs nas bla na med pa'i chos kyi 'khor lo ma bskor ba bskor to//'thab bral gyi lha rnams kyis bstod pa'i sgra thos nas/dga' ldan gyi lha rnams kyis bstod pa'i sgra bsgragaso//dge sbyong ngam/bram ze'am/lha 'am/bdud dam/tshangs pa 'am/'jig rten du gzhan sus kyang bskor bar mi nus pa 'di ni bcom ldan 'das yul bA rA na si'i drang srong lhung ba dang /ri dgas rgyu ba'i gnasu bzhugs nas/bla na med pa'i chos kyi 'khor

  9. 431a

    lo ma bskor ba bskor to//dgar ldan gyi lha rnams kyis bstod pa'i sgra thos nas/'phrul dga' lha rnams kyis bstod pa'i sgra bsgrag so//dge sbyong dam+b+ha/bram ze'am/lha 'am/bdud dam/tshangs pa 'am/'jidzeg rten du gzhan sus kyang bskor bar ma nus pa 'di ni/bcom ldan 'das kyis yul Na si'i drang srong lhung ba dang /ri dgas rgyu de'i gnas su bzhugs nas/bla na med pa'i chos kyi 'khor lo ma bskor ba bskor to//'phrul dga'i lha rnams kyis bstod pa'i sgra thos nas gzhan 'phrul dbang byed kyi lha rnams kyis bstod pa'i sgra sgragaso//dge sbyong ngam/bram ze 'am/lha 'am/bdud dam/tshangs pa 'am/ 'jig rten du gzhan sus kyang bskor bar mi nus pa 'di ni bcom ldan 'das kyis yul bA rA Na si'i drang srong lhung ba dang /ri dwags rgyu ba'i gnas su bzhugs nas bla na myed pa'i chos kyi 'khor lo ma bskor ba bskor to//gzhan 'phrul dbang byed kyi lha rnams kyis bstod pa'i sgra thos nas/tshangs ris kyi lha rnams kyis bstod pa'i sgra skra gso / dge sbyong ngam/bram ze'am/lha 'am/bdud dam/tshangs pa'am/'jig rten du gzhan sus kyang bskor bar mi nus pa 'di ni bcom ldan 'das kyis yul bAR+Ya

  10. 431b

    na po'i drang srong lhung ba dang /ri dgas rgyu ba'i gnasu bzhugs nas bla na med pa'i chos kyi 'khor lo ma bskor ba bskor to//de nas skad cig dang yud tsam de la tshangs pa'i 'jig rten gyi bar du smras khyab par gyur to//'dir yang 'jig rten gyi khams stong phrag bcu yang dag par g.yoso//yang dag par rab tu g.yoso//yang dag par rab tu ldeg go// bag yod par gyur/ya mtshan du gyur/snang bar gyur/'jig rten rnams de ltar gyur to//'jig rten rnams de ltar gyur te//tshangs pas chos bstan pa thos nas/ lha rnams rang rang gnas song //d+ye nas yang bcom ldan 'das kyis chod du brjod pa tshad du brjod de/kun shes pa'i N+ya rI kau Di n+ya'o//kun shes pa rnams kyis kau n+ya'o//de'i phyir 'di ni tshe dang ldan pa kau Di n+ya ste/kun shes kau De n+ya ces pa'i ming thob bo//chos kyi 'khor lo bskor ba'i mdo rdzogs so/// sangs rgyas kyi bstan pa la mi phyed pa'i dang pa dang ldan zhing/gtsug lag gnyis la thugs legs par byed pa/dpal 'byor dbang phyug dam pa dkar phyogs kyi zla ba 'phel ba'i zhal lu ba sku zhang grogs pa rgyal mtshan du dben sha'i bka' lung gis byang chub kyi snying po rdo rje'i gdan las/lho phyogasu dpag tshad drug brgya tsam bgrod pa'i gnas/

Colophon

chos kyi 'khor lo bskor ba'i mdo rdzogs so/ /sangs rgyas kyi bstan pa la mi phyed pa'i dad pa dang ldan zhing / gtsug lag gnyis la thugs legs par byang ba/ dpal 'byor dbang phyug dam pa dkar phyogs kyi zla ba ltar 'phel ba'i zha lu ba sku zhang grags pa rgyal mtshan du dben sha'i bka' lung gis byang chub kyi snying po rdo rje'i gdan las/ lho phyogs su dpag tshad drug brgya tsam bgrod pa'i gnas/ sing g+ha gling pa bram ze'i rigs las legs par rab tu byung zhing / bsnyen par rdzogs pa sde snod gsum la thugs legs par byang ba'i paN+Di ta chen po A nan+da shrI'i zhal snga nas/ mang du thos pa'i lo tsA ba shAkya'i dge slong nyi ma rgyal mtshan dpal bzang pos/ skad gnyis smra ba rnams kyi gdan sa/ gtsug lag khang chen po dpal thar pa gling du bsgyur cing zhus te gtan la phab pa'o//sa'i steng du nyi ma dang zla ba lta bur gyur cig