'phags ma 'od zer can zhes bya ba'i gzungs
Aryamaricyenamadharani
Text
ff. 263a–263b · 2 folio sides
- 263a
'od zer can gyi gzungs bzhugs so// aM
- 263b
rgya gar skad du/ ar+ya ma ri n+ye na ma d+ha ra ni/ bod skad du/ 'phags ma 'od zer can zhes bya ba'i gzungs/ bcom ldan 'das ma zer can la phyag 'tshal lo// 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ dge slong gi dge 'dun chen po brgya phrag phye dang bcu gsum gyi dge slong dang / byang chub sems dpa' sems dpa' chen po rab tu mang po dang / thabs gcig tu bzhugs te/ de nas bcom ldan 'das kyis dge slong rnams la bka' stsal pa/ dge slong dag lha mo 'od zer can zhes bya ba zhig yod de/ de zla ba dang nyi mi'i mdun dang mdun nas 'gro ste/ de ltar med/ bzung du med/ bcing du med/ dgag tu med/ brgal tu med/ rmongs par byar med/ chad pas bcad du med/ mgo brag tu med/ gzhur med/ tshig par byer med/ dgra'i dbang du mi 'gro'o// dge slong dag gang gis/ lha mo 'od zer can de'i ming shes pa de yang / bltar med/ bzung du med/ bcing du med/ dgag tu med//
Colophon
'phags ma 'od zer can zhes bya ba'i gzungs// //rdzogs s+ho// //khams pa lots+tsha ba/ dge slong ba ri rin chen gras kyis bsgyur ba'o