F478MW1KG13607_0478rgyudAll versions of this work

de bzhin gshegs pa dgra bcom pa yang dag par rdzogs pa'i sangs rgyas ngan song thams cad rnam par sbyong ba gzi brjid kyi rgyal po'i rtog pa zhes bya ba

Sarbadurgatipariśodhanidejearājatathāgataharatesammyagsambhudtyebyepalapā

Text

ff. 274a–333b · 118 folio sides

  1. 274a

    sangs rgyas bcom ldan 'das rnams ni mi mnyam pa dang mnyam pa'i ye shes dang ldan pa'o// sangs rgyas bcom ldan 'das rnams ni mi mnyam pa dang mnyam pa'i rdzu 'phrul dang ldan pa'o// sangs rgyas bcom ldan 'das rnams ni mnyam pa dang mnyam pa'i stobs dang ldan pa'o// lha'i dbang po de ltar bas na/ sangs rgyas bcom ldan 'das kyis snod ji lta ba bzhin du sems can gyi don mdzad pa dang / ji ltar 'dul ba bzhin du sems can gyi don mdzad pa dang / mos pa ji lta ba bzhin du sems can gyi don mdzad pa yin par shes par bya ste/ 'di la the tshom dang som nyi dang / yid gnyis ma byed cig/ gang de bzhin gshegs pa rnams kyis 'dal bar mi 'gyur ba ni gnas ma yin no// de nas lha'i dbang po rgya byin rang gyi stan las langs nas/ yang bcom ldan 'das la mchod pa rgya che zhing che ba byas nas/ bcom ldan 'das la 'di skad ces gsol to// sems can rnams la phan pa nyid du bgyi ba dang / sems can thams cad la snying brtse ba nyid du bgyi ba dang snying rje ba can du bgyi ba dang / snying brtse ba chen po can du bgyi ba dang / bsam pa thams cad yongs su rdzogs par bgyi bar bcom ldan 'das bdag smon

  2. 274b

    pa bskyed du gsol/ bde bar gshegs pa bdag spobs pa bskyed du gsol/ bcom ldan 'das sum cu rtsa gsum gyi lha'i rigs 'di nyid nas/ lha'i bu nor bu dri ma med pa'i 'od ces bgyi ba zhig/ shi 'phos te dus las 'das nas gang bdun lon lags na/ bcom ldan 'das de gang du skyes/ bde ba 'am sdug bsngal ba ci zhig myong bar 'gyur ba bcom ldan 'das lung bstan du gsol/ bde bar gshegs pa lung bstan du gsol/ bcom ldan 'das kyis bka' stsal pa/ lha'i dbang po ji ste dus la bab par shes na nyon cig/ lha'i dbang pos gsol pa/ bcom ldan 'das dus 'di ni dus la bab pa lags so// bde bar gshegs pa dus 'di ni dus la bab pa lags so// bcom ldan 'das kyis bka' stsal pa/ lha'i dbang po lha'i bu dri ma med pa'i 'od ces bya ba de 'di nas shi 'phos nas// 'tshams med pa'i dmyal ba chen por skyes nas/ des der lo stong phrag bcu gnyis kyis bar du/ sdug bsngal ma rungs pa mi zad pa myong nas sems can dmyal ba chung ngu rnams su yang lo brgya phrag brgyar sdug bsngal myong ngo // byol song dang yi dgas kyi skye gnas su yang lo brgya phrag brgyar sdug bsngal myong nas/ mtha' 'khor

  3. 275a

    kyi mir skyes nas kyang 'on pa dang / rig pa dang / lkugs pa'i rang bzhin can dang / sgra mi gsal bar lo stong phrag drug bcu'i bar dmyong nas/ lo stong phrag brgya cu rtsa bzhir nad dang sna khrag 'dzag pa dang / mdze dang po la rnams kyis gzir ba dang / skye bo mang pos smad pa dang / yongs kyis spangs pa dang / rigs dman pa'i rigs can rjes su myong zhing sdug bsngal ba dang sdug bsngal rgyud ma dang / gzhan yang gnod byed pa dang / las kyi sgrib pa bar chad med pa rnam pa sna tshogs pa myong bar byed pa dang / gzhan yang sdug bsngal cig nas cig tu rgyud pa myong zhing myong bar 'gyur ro// de nas brgya byin la sogs pa'i lha'i bu thams cad kyis thos nas/ shin du sngangs shing skrag ste/ skye nas kha bub du 'gyel lo// de nas langs te 'di skad ces gsol to// sdug bsngal chen po rgyud po 'di las bcom ldan 'das ji ltar thar bar 'gyur// bde bar gshegs pa ji ltar thar bar 'gyur/ bcom ldan 'das ci nas kyang sdug bsngal gyi phung po 'di las rnam par grol bar 'gyur// 'di las sgrub par gsol// bde bar gshegs pa 'di las skyabs par gsol/ bcom ldan 'das kyis bka' stsal pa/ lha'i dbang po sangs rgyas bye ba phrag brgya

  4. 275b

    cu rtsa bzhis kyang bshad pa 'dings kyang bshad kyis nyon cig/ de nas lha'i dbang po brgya byin gyis/ yang bcom ldan 'das la me tog man d+ha ra ba dang / man d+ha ra/ ba chen po dang / me tog bkram pa sna tshogs dang / rin po che'i dbu rgyan dang / phyag gdub dang / dpu nga rgyan dang / snyan tsa dang / do shal dang / se mo do la sogs pa rgyan gyi khyad par rnam pa sna tshogs kyis mngon par mchod de/ lan brgya phrag du mar bskor ba byas shing phyag 'tshal nas/ legs so legs so bcom ldan 'das legaso bde bar gshegs pa legs so zhes bya bar mnyes par byas nas/ bcom ldan 'das lha dang bcas pa'i 'jig rten la phan pa dang / bde bar bgyi ba dang / ma 'ongs pa'i sems can rnams ngan song gi rgyud gsum las rnam par thar par bgyi ba'i slad du legs par bshad du gsol/ de nas tshangs pa chen po la sogs pa lha mang po rnams kyis yang 'di skad ces gsol to// legs so bcom ldan 'das/ legs so bde bar gshegs pa/ ci nas kyang ma 'ongs pa'i sems can rnams kyis mtshan thos pa tsam gyis kyang ngan song gsum gyi lam las rnam par grol te/ bde 'gro lha'i 'jig rten nas mi'i 'jig rten du skyes nas kyang / bla na ma mchis pa yang dag par

  5. 276a

    rdzogs pa'i byang chub thob par bgyi ba'i slad du bshad du gsol/ de nas bcom ldan 'das kyis brgya byin dang tshangs pa la sogs pa lha'i bu de dag dang / de bzhin gshegs pa thams cad kyi snying po 'dis byin gyis brlab par bya ba'i phyir/ gdon mi za bar don yod pa'i rdo rje byin gyis brlabs pa zhes bya ba'i ting nge 'dzin la snyoms par zhugs so// de nas yang nyid kyi thugs kha nas sngags 'di phyung nas lha de dag dam tshig can du byin gyis brlabs so// oM badz+ra a tiSh+Tha na dzA/ sa ma ye hUM// de ltar ting nge 'dzin la snyoms par zhugs nas kyang / gdon mi za bar mi mchom pa'i rdo rje'i byin gyis brlabs nas ngan song thams cad yongs su sbyod ba'i rgyal po zhes bya ba/ de bzhin gshegs pa thams cad kyi snying po 'di rang gi snying kha nas phyung ngo // oM sho d+ha ne sho d+ha ne sarba pA paM bi sho d+ha ne shud+d+he bi shud d+he/ sarbo karma a ba ra na bI shud+d+he swA hA/ rin po che 'di bshad ma thag tu sems can thams cad kyang ngan song gi rgyud kyi 'ching ba thams cad rnam par bcad do// ngan 'gro thams cad rnam par spangs so// sdug bsngal mi bzad pa rnams rab tu zhi ste/ skye bo mang po rnams bde ba dang ldan par gyur to// de las gzhan yang gsang ba'i snying po 'di gsung so//

  6. 276b

    oM sho d+ha ne sho d+ha ne/ sarba a pa ya na sarba sang+ge b+h+yo hUM/ lha'i dbang po gzhan yang 'di ni de bzhin gshegs pa thams cad kyi snying po'o// oM hUM oM sarba sa pa ya b+hi sho d+ha ne hUM phaT/ lha'i dbang po gzhan yang 'di ni de bzhin gshegs pa thams cad kyi snying po dang nye ba'i snying po'o// oM tra thA/ lha'i dbang po gzhan yang 'di ni ngan song gi rgyud thams cad rnam par sbyong ba'i snying po'o// lha'i dbang po brgya byin gzhan yang dran pa tsam gyis kyang bsod nams chung ba'i sems can rnams ngan song gi rgyud thams cad bde blag tu rnam par grol bar 'gyur ba 'di yin no// na mo b+ha ga ba te/ sarba dur ga ti/ pa ri sho d+ha ne/ ra dza ya/ ta thA ga ta ya/ ha ra ha te/ sa myag sam bud+d+hA ya/ tad+ya thA/ oM sho d+ha ne sho d+ha ne sarba pA paM/ bi sho d+ha ne shud+he bi shud d+he/ sarba karma a ba ra ni bi sho d+ha ni swA hA/ rtsa ba'i rig pa'o// oM sarba bid sarba a ba ra na/ bi sho d+ha ya ha na hUM phaT/ oM sarba bid hUM/ oM sarba bid yA/ oM sarba bid tra thA/ oM sarba bid oM// oM sarba bid sA/ oM sarba bid A/ oM sarba bid hUM/ oM sarba bid tra thA/ oM kA ya~M b+ha/ lha'i dbang po de bzhin gshegs pa ngan song thams cad yongs su sbyong ba'i gzi brjid kyi rgyal po'i gsang ba'i snying po 'di rigs kyi

  7. 277a

    bu 'am rigs kyi bu mo gang yang rung ba ming tsam nyan tam/ bcangs sam/ klags sam bris nas kyang mgo bo 'am/ rtsug phud dam/ dpung pa 'am/ 'gul du btags te bcangs na/ gzhan gang yang rung ba'i bde ba myong bar 'gyur ro// lha'i dbang po mdor na 'jig rten nam/ 'jig rten las 'das pa'i phan pa dang / bde ba thams cad myong bar 'gyur ro// de nas lha rnams kyi dbang po brgya byin gyis bcom ldan 'das la de bzhin du bskor ba byas te/ phyag 'tshal nas 'di skad ces gsol to// bcom ldan 'das ngan song thams cad kyi dbang du gyur pa rnams la phan pa dang bde bar bgyid pa dang / ci nas kyang sems can de dag ngan song thams cad las rgyab kyis phyogs par bgyi ba dang / bla na ma mchis pa yang dag par rdzogs pa'i byang chub bde blag tu rtogs par bgyi ba'i slad du gsol de nas bcom ldan 'das shAkya thub pas de bzhin gshegs pa thams cad kyis ngan song thams cad yongs su sbyong ba zhes bya ba'i ting nge 'dzin la snyoms par zhugs nas de bzhin gshegs pa thams cad kyi ngan song thams cad yongs su sbyong ba'i gzi brjid kyi rgyal po zhes bya ba'i dkyil 'khor chen po 'di gsungs so// sangs rgyas kun

  8. 277b

    gyi byang chub sems// bla na med par rtogs 'gyur ba// rgyal bas gsungs pa'i ye shes gang // de ni dkyil 'khor snying por gsungs// de nas yang bcom ldan 'das kyis sems can thams cad la thugs rtse ba'i slad du/ phyi'i dkyil 'khor 'di gsungs so// gtsug lag khang dang skyed mos 'tshal// mchod rten lha khang kun dga' tshogs// ji bzhin pa yi cho ga yis// gnas ni byin gyis brlab pa tsam// byin gyis brlab pa'i gnas der ni// phyi'i dkyil 'khor bri bar bya// gru bzhi pa la sgo bzhi pa// rta babs bzhi dang ldan pa dang // them skas bzhi'i phreng ba dang // seng ge ban glang rnams kyis brgyan// dar dang lda ldi do shal phreng // dril bu dang ni rnga mas brgyan// rdo rje rin chen pad+ma dang // rgya gram pa yi phyag rgyas brgyan// srad bu brgyad dang ldan pa la// phyi'i sgo 'khyud rnams kyis brgyan// dgu'i char ni bsgom pa las// sgo dang sgo 'khyud sum char bya// rdo rje srad bus thig gdab bo// dbus kyi dkyil 'khor thig gdab pa// chos kyi 'khor lo 'dra ba dang // lte bar bcas pa'i rtsibs bcu drug/ rim pa gsum dang ldan pa la// rtsibs ni gnyis 'gyur nyid du bya// dbus kyi phyogs su kun rig ni// dung dang kun du zla 'dra la// zhal bzhi

  9. 278a

    pa la rdo rje yi/ seng ge'i gdan la bzhugs pa dang // ting nge 'dzin phyag rgyar ldan pa dang // rgyan rnams kun gyis brgyan pa bri// de yi spyan sngar ngan song kun// sbyong ba'i rgyal po bris bya ste// phyag gnyis ting nge 'dzin du stsol// zla ba rgyas dang dngas pa'i mdog/ rgyan rnams kun gyis legs rdzogs la// rgyal mchog skyes bu gang ba bri// rgyab tu shAkya'i rigs dbang po// gtso bo thub pa bri bar bya// g.yon dang g.yas kyis phyogs bcur ni// rgyal mchog rin chen me tog gnyis// lo tsa na dang mA ma ki/ de bzhin dkar mo sgrol ma rnams// gang gi rigs kyi mtshan ma bzhin// grwa'i phyogs ni kun tu bri// rtsibs kyi nang ni thams cad du// rdo rje sems sogs sems dpa' mchog/ rdzu 'phrul che ba'i sems dpa' rnams// go rims bzhin du bri bar bya// mkhas pa so so la sogs pa// mchod pa gra'i phyogs su bri// sgo yi phyogs ni thams cad du// slo ba bzhi po bri bar bya// rta babs khyams ni thams cad du// byams pa la sogs bri bar bya// nyan thos rgyal ba thams cad dang // de bzhin rang rgyal gtso bo rnams// khro bo mngags pa po nya sogs// bri 'am yang na ming yang rung // phyi'i dkyil 'khor phyi rol du//

  10. 278b

    gling bzhi po ni bri bar bya// 'dzam bu gling du tshangs pa bri// byang phyogs su dbang phyug che// shar dang nub kyi gling du ni// brgya byin rtogs 'dod thams cad dang // 'khor dang bcas pa bri bar bya// gzhan dag kyang ni de bzhin te// lha min dri za na mkha' lding // gnod sbyin srin po lto 'phye che// 'byung po yi dgas 'dre rnams dang // klu dang sbrul dang ri rnams dang // rgyal po bzhi rnams bri bar bya// gza' dang skar ma rgyu dkar dang // khro bo ma rungs 'tshe ba yi// bgegs dang byi na ya ka dang // sems can kan la phan pa yi// drang srong bskal pa chen po rnams// mkha' 'gro ma dang bud med bri// de bzhin srin mo rnal 'byor ma// 'byung ba bzhi'i lha chen po// khyim dang ri la gnas pa dang // shing dang kun dga'i gnas la sogs// dur khrod grong khyer gnas pa rnams// ming ngam bda' ma yang na ni// thig le rnams kyang bri bar bya// de nas mkha pas dkyil 'khor la// bla re rgyal mtshan lhab lhub dang // gdugs dang rnga ma lnga ldi dang // phan dang sna tshogs na bzas mchod// gser las byas pa'i bya rnams ni// brgyad dam bcu drug lhag kyang rung // dbang bskur rin chen chus bkang ba'i// bum pa lnga ni bzhag par bya// mar me gtor ma bum pa dang // mdzes pa'i bshos

  11. 279a

    rnams bzhag par bya// bza' dang btung ba legs sbyar dang // bca' ba sna tshogs bzhag par bya// gnod sbyin srin po'i kha zas su/ gtor ma rnam pa sna tshogs bzhag/ 'byung ba can dang klu dang lha// mi dang mi min de bzhin te// me tog dri rnams sna tshogs dang // mar dang 'o ma kha rar bcas// rnam rgyal bum pa dri yi chus// rab tu bkang ba bzhag par bya// de nas khrus la sogs byas la// dri dang phreng mchog phreng ba can// dri zhim kha skad mchog mdzes pa// rdo rje 'dzin mas zhugs nas kyang // me tog thogs te sgo phyogs 'dug/ gtso bo rgyal ba sras kyi 'khor// mang po rnams ni spyan drangs te// phyag rgya sngags dang bdag ldan zhing // lcags kyu la sogs rnal 'byor gyis// dza hUM baM ho thugs rje'i bdag/ tshur gshegs kyis ni brjod nas yang // gsang ba'i bcings pas bcings nas ni// 'dzub gnyis lcags kyu'i tshul du bya// zhags pa bzhin du sbyar nas kyang // de gnyis lcags sgrog tshul du bya// 'theb gnyis nang du bkrugs nas yang // bskyod bar gyur na dbang du 'gyur// de nas mtshan ma skyes te bkugs nas ni// thog mtha' med pa'i mngon sum mthong // arga mchog bstabs gsang ba la sogs

  12. 279b

    ba yi// dbyangs snyan pa yi bstod dang lha rdzas kyis// mchog gi dam pa rnams kyis legs par bstod// de nas 'byung po kun gyi gtor ma bya// sems can bkres shing skom la btang ba dang // phyogs na gnas pa rnams la rnam par brtag/ de yi gtor ma ji ltar mthun par bya// de nas sngags pa bla med byang chub kyi// gnas su slob ma yongs su smin par bya// 'gro la phan phyir myur du byang chub par// de dag byang chub sems mchog bskyed du bzhugs// de rnams byin brlabs byang chub smon lam gdag/ zab cing rgya che ba yi chos grags la// srung ba byas nas brtul zhugs sdom gnas pa// rab bzhi kha nas sngags brjod bzhugs par bya// dar la sogs pas mig ni g.yogs nas ni// rdo rje 'dzin ma dpal gyi pad mor lag gnyis bya// me tog rin chen la sogs brgyan// g.yon gyis lag pa bkang ste bzhugs par bya// sngags ni 'di rnams yin no// oM badz+ra a ti tiSh+Tha hUM/ oM badz+ra sa ma ya hUM/ oM badz+ra pra be sha ya badz+ra hUM/ a sa me tri sa me/ ma hA sa ma ye ste// de nas sngags 'dis me tog la sogs dor bar bya'o// sangs rgyas dngos grub thob bya'i phyir// bdag la thugs rje dgongs nas ni// 'gro

  13. 280a

    la ban pa'i gtso chen gyis// sman par dgongs te bzhes su gsol/ oM badz+ra pra tig+ni ha hUM/ oM pra ti dza badz+ra sa ma ya hUM/ me tog rin chen la sogs pa/ gang la bab pa rigs kyi lha// gtso bo'i rigs de bsgrubs nas ni// dngos grub 'gyur te the tshom med// de nas sngags pa mkhas pa yi// sngags 'di dam tshig sbyin par bya// oM badz+ra sa ma ya hUM// oM badz+ra sa ma ya hri da ya me// / pra be sha d+hi d+ha tiSh+Tha hUM/ de nas dam tshig sgrogs par bya'o// 'di ni khyod kyi dmyal ba'i chu// dam tshig 'das na bsreg par byed// dam tshig srung na dngos grub ni// rdo rje bdud rtsi'i chu 'dis 'grub// ji ste dam tshig 'das na ni// de ma thag tu bkas nas gshegs// rdo rje 'dzin rgyal 'khros nas kyang // bdun rgyud rigs ni brlag par mdzad// de bas rtag tu bu khyod kyis// rgyal bas gsungs pa'i dam tshig dang // sdom pa dang ni bla ma'i bka'// shin tu mos pas srung bar bya// khyod kyis srog chags gsad mi bya// ma byin par yang blang mi bya// brdzun dang 'dod log spyod pa rnams// dngos grub 'dod pas bya ba min// 'chang ni btung bar mi bya zhing // sha la sogs pa bza' mi bya// sems can gnod pa'i sbyor ba ni// nam yang bya ba ma yin no// dkon mchog

  14. 280b

    gsum ni yongs mi spang // dus kun du ni byang chub sems// snying po sngags dang phyag rgya dang // lha dang bla ma de bzhin no// sdig la sogs pa gang yin dang // bla ma'i bka' las 'da' mi bya// lha la phul ba'i snying po dang // de'i grab ma la'ang 'gom mi bya// phyag rgya'i gzugs la'ang de bzhin te// sngags dang lha la smad mi bya// gdon gyi la sogs bya min// mu stegs can la rmad mi bya// mdor na yid gnyis the tshom mi bya ste// bdag gi de nyid dang ni sngags sogs de bzhin no// mos pa rten dang ldan pas dam bcas nas// sarba bid kyis ji ltar dbang bskur te// bum pa la sogs ji snyed mang thogs la// bcu po rnams kyis dbang bcu ci rgar bskur// de nas lag ta rdo rje dril bu sbyin// 'khor lo la sogs rin chen bdun thogs la// mi dbang dbang phyug 'khor lo thob pa dang // sdig pa gzhom phyir dbang ni bskur bar bya// sngags grib phyir ni mos ldan slob ma la// sngags pas bka' ni rab tu bsgo bar bya// des kyang mos pas spyi bos phyag 'tshal te// ji ste nor yod bla ma la dbul bya// nor dang gter deng 'bru dang dbyigs dang gser// gzhon dang khyim dang bu pho bu mo rnams// skyes pa dag dang bud med yang na ni// grong dang grong khyer de ltar ji bzhed rnams//

  15. 281a

    rang gi sems ni rab tu dad pa yis// yon gyi mchog nyid dbul ba nyid du bya// myur du grub phyir mos ldan bla ma la// mdor na rang gi lus kyang dbul ba nyid du bya// tshe 'di yi bde ba ma lus dang // 'jig rten phyi ma'i mchog dang // sangs rgyas nyid kyang thob 'gyur na// lha yi bde ba smos ci dgos// sangs rgyas kun dang bla ma mnyam// rdo rje slob dpon brnyas na ni// rtag tu sdug bsngal thob 'gyur bas// slob dpon la ni brnyas mi bya// rdo rje spun dang sring mo dang / rdo rje ma rnams nyid la ni// rnal 'byor can gyis brnyas ma yin// rtag tu 'khon dang bcugs mi bya// dkon mchog gsum la gnod byed la// bzod pa bsgom par mi bya ste// bla ma smod brtson ma rungs dang // dam tshig 'das pa yang de bzhin te// de la sogs pa'i byed ldan pa// dam tshig la ni 'da' ba dang // de sogs byed pa tshar bcad nas// 'grub 'gyur zhes 'byung legs par gda'// grub 'gyur zhes ni kun rig gsung // sems can kun la snying rje chags// bsgrub na myur du 'grub par 'gyur// de nas bcom ldan 'das kyis lha'i dbang po brgya byin dang / lha'i 'jig rten du bcas pa rnams kyi don dang / phan pa dang bde ba'i phyir bsgrub

  16. 281b

    kha'i mchog 'di gsungaso// ras la bcom ldan 'das thams cad rig pa de bzhin du bris la/ g.yas su ni de bzhin gshegs pa ngan song thams cad yongs su sbyong ba'i gzi brjid kyi rgyal po'o// g.yon phyogs su ni shAkya thub pa'o// ngan song thams cad yongs su sbyong ba'i 'og tu ni kun tu spyan ras gzigs dbang phyug mdog zla ba lta bu// phyag na pad ma bsnams pa bya/ shAkya thub pa'i 'og tu ni/ phyag na rdo rje/ de gnyis pa ni sman gyi bla mo dog sngon po phyag gcig na 'bras bu a ru ra bsnams pa/ phyag gcig mchod mchod sprin du bya/ rta mgrin dang 'jig rten gsum las rnam par rgyal ba ma rungs pa 'joms pa la brtson pa gnyis ni rab kyi lha la rten pa bri// de gnyis kyi dbus su lo tsa na dong ma ma ki dang gos dkar mo dang sgrol ma rnams rang gi mtshan ma phyag ta thogs pa bri/ de dag gi 'og tu pad ma'i rdzing bu'i chu dang / chu srin dang / nya dang ras sbal dang / sbal pa dkar po dang / nya 'khar ba la sogs pa dang / chu las skyes pa'i me tog rnams du mas yongs su gang ba bri/ gdug pa dang mar me dri dang phreng ba dang / ba shos dang / me tog dang 'bras bu rnam pa sna tshogs pa bri/ de'i 'og tu sgrub pa po nyid thal mo sbyar te phyag 'tshal zhing 'dug pa bri'o// de nas ri mo'i sku gzugs de/

  17. 282a

    mngon par mchod de// bdag nyid kyi spyan dbye ba bya zhing bden pa'i byin gyis brlabs pa dmigs par bya'o// de nas ci ste mtshan ma gcig mthong na ni myur du dngos grub thob par 'gyur ro// 'on te mthong na ni ring mo zhig las dngos grub tu 'gyur te/ bzhad pa dang ni rnga sgra dang dril bu'i sgra dang 'brug de bzhin/ dge slong bram ze bu mo dang // 'bras bu mthong na myur du ni// mchog dang bar dang tha ma 'grub// de nas gzugs te byin brlabs te// sngags dang phyag rgya byin brlabs nas// ci ba dog pas ni mchod par bya// rtag tu mngon sum 'dug nas kyang // bdag gi de nyid dran byed cing // 'bum phrag gsum 'am yang na drag/ dngos grub mtshan ma byung bar du// de nas dben pa'i gnas su ni// brgyad brgya nyid du tshang bar bya// sngags ni 'khrul pa med pa bzlas// de nas bzlas pa'i 'jug tu ni// dkyil 'khor snga ma bzhin bsam la// mchod pa rgya chen byas nas kyang // mtshan gcig thog thag bzlas pa bya// ji ste gtso bo 'am de yi sras// yang na lha rnams mdzod gyur na// bsod nams snod la ci dga' bar// dngos grub mchog ni gsol bar bya// lha yi dngos grub 'bras bu ni// de la rtag tu dges nas gsol// phyag 'tshal

  18. 282b

    dngos grub la sogs blang / bu dkon mchog gsum dag la// skal pa re re phul nas ni// de nas rtag tu bdag spyod cing // med na mkhas pa bdag nyid kyis// blang nas yongs su spyod par bya// sems can kun la phan brtson par// bskal pa du mar gnas par 'gyur// ci ste dngos grub mi 'gyur na// las rnams thams cad nub par 'gyur// gnod sprin skar ma'i gdon la sogs// chad pas bcad cing bka' tsam gyis// zhi ba la sogs las kun byed// bran bzhin las kun byed par 'gyur// de nas lha rnams kyi dbang po brgya byin gyis bcom ldan 'das la 'di skad ces gsol to// bcom ldan 'das sdig pa bgyis pas sems can dmyal ba la sogs pa'i dbang du gyur pa rnams ji ltar sems can dmyal ba la sogs pa'i dbang du gyur pa'i sdug bsngal rnams spang ba'i slad du bsgrub par bgyi/ bcom ldan 'das kyis bka' stsal pa// lha'i dbang po nyon cig sems can dmyal ba la sogs pa'i dbang du gyur pa'i sems can sdig pa byed pa de dag/ ci nas kyang sems can dmyal ba'i sdug bsngal las thar sla bar grol bar gyur pa nyon cig/ de bzhin dkyil 'khor bris nas ni// de ltar yang ni bum pa la// brgya rtsa brgyad du bzlas nas ni// dbang bskur bas ni rab tu brtag/ de nas sdig pa kun sbyangs te// dmyal ba la sogs

  19. 283a

    sdug bsngal las// de ni myur du rnam par thar// sdig las rnam grol de nyid de// dag par 'gyur ba'i lha rnams kyi// rigs su skyes par gyur nas kyang // de ni rtag tu sangs rgyas dang // chos 'gro ba ni thob par 'gyur// phyir mi ldog pa'i sa la gnas// rims kyi byang chub thob par 'gyur// de yi gzugs bstan bri ba 'am// gur bum gyis ni ming yang rung // ngan song gsum gyi 'jig chen las// sems can rnams ni dgrol ba'i phyir// sngags mkhan gzhan le phan brtson zhing / snying rje can gyis dbang bskur ro// de nas rnal 'byor can gyis ni// sngags dang phyag rgyas de dbang bskur// lha yi gzugs su byas nas kyang // mchod rten dbus su bzhag par bya// rang gi lha 'am gzhan gyi lha// snying po snying khar bris nas kyang / lha 'dra bas ni sems bskyed de// khyim gyi nang du bzhag par bya// de yi ming nas smos nas su// gur gum bzang pos sngags bri bya// rims kyis 'bum ni tshad tsam du// mchod rten las ni rab tu brtsams// sdig can sdig ni zad bya'i phyir// bye ba snyed ni tshang bar bya// de ni nges par dmyal gnas las// 'di byas pas ni grol bar 'gyur// yi dgas byol song sdug bsngal las// grol de lha yi gnas su skye// de yi ming

  20. 283b

    nas brjod nas ni// ji ltar gsungs pa'i sngags bzlas zhing // 'bum phrag stong ngam yang na ni// bye ba snyed du rab bzlas nas// lha yi gnas su nges par skye// de yi ming nas brjod nas ni// mkhas pas 'bum phrag brgya'am ni// yang na brgya phrag stong snyed du// sbyin sreg byas par gyur na ni// dmyal ba chen por gyur pa yis// sdig pa de las thar bar 'gyur// ji srid mtshan mar shin tu ni// 'bar ba'i gnas las skyes gyur pa// til dang nyang kar 'bras rnams dang // ra yi 'o mar ldan pa dang / dri yi skas pa'i yam shing gis// cho ga bzhin du sbyin bsreg bya// de nas 'di ni nges par yang // lha yi gnas su skyes 'gyur nas// de ni mtshan ma ston par byed// yang no lha yi mchog tu 'gyur// yang na hom khung nang du ni// me yi lhas ni ston byed cing // lha yi gnas su skyes pa dang // sdig pa bcom pa'i mtshan mar ni// dkar bo nyid dang g.yas su 'bar// gyen du 'bar zhing dri ma med// zlum zhing rnam par mi 'phro la// brten la glog bzhin dri ma med// yang na me lha nyid kyis ni// bdag nyid de bzhin ston par byed// zla ba dri med dkar 'dra la// bzhin mdog dkar zhing lha mer 'bar// de ni mtshan ma de dag gis// dmyal ba la sogs rnam grol zhing //

  21. 284a

    sdig pa bcom nas bde 'gro na// skyes pa yin par shes par bya// gru bzhi pa yi tshad du ni// cho ga bzhin du khung skos la// rdo rjes mtha' ma bskor ba yis// 'khor lo dbus su bri bar bya// rigs lnga yi ni phyag rgya rnams// ji bzhin pa yi phyogs su bri// de bzhin sems dpa' rnams dang ni// 'jig rten gtso bo la sogs bri// bya dang bum pa gang ba dang // gtor mas snod rnams gang ba dang // brgyad brnyed tsam du bzhag bya 'am// yang na bcu drug snyed du bzhag/ bza' ba dang ni bca' ba'i bshos// me tog phreng sogs de bzhin te// bla re rgyal mtshan dar la sogs// gdugs mchog rnams kyis legs par brgyan// sbyin bsregs dkyil 'khor dam par ni// sprin bsregs rab tu byung ba ni// cho ga shes pas bris nas kyang // lha rnams mang po spyan drangs la// sngags shes pas ni sngags phyag rgyas// arga 'bul bar shes nas kyang // mdor na mchod pa byas nas ni// lha yi sbyor bas rab gnas la// ga bur gur gum la sogs pas/ mar dang 'o ma til sgos la// ti pa dang nyung kar 'bras rnams la// dri yi chu ni legs bkang ste// 'bras chen yos dpal du dang // sbrang rtsi sha kar ldan pa la/

  22. 284b

    brgya phrag du mar yongs bzlas la// yam shing las yang de bzhin te// rang gi sngags kyis btab pa'i shing // khung bu'i nang du bzhugs par bya// ro la sngags kyis btab nas yang // chu mchog gis ni dkris nas ni// bzlas pa'i chu yis byug par bya// gos dang rgyan gyis klubs nas kyang // sngags kyis btab pa'i bdug pas bdug/ me tog phreng la sogs pas mchod// gtsug pud dpung par de bzhin te// sngags bris pas ni bdags par bya// snying kha lkog ma kha phyogs su// sarba bid kyis byin gyis brlabs// dpral ba mdzod pu rna ba gnyis// sna dang rkyed pa dbus mo bol// long bu sna'i rtse mo dang // mig gnyis dang gsang ba yi// dbang po rnams kyi gnas dang ni// de ltar gzhan du yi ge sngags// mchog tu dge ba rnams bzhag go/ de nas ngan song sbyong ba'i phyir// bstan dang bcas te thabs dbus su// bzhag pa nyid du byas pa yin// de nas sngags 'chang sngags kyis ni// btab pa'i gos kyis g.yog par bya// de nas byin za dge ba rab sbar la// me lce stong gi bkris shing 'bar ba'i lus// zla dkar kun da'i bzhin la zhi ba'i dbus// mtha' yas pa yi gzugs kyis me bkug la// arga dbul bar btags nas de bzhin du/

  23. 285a

    blo mchog ldan pa'i mdun du gzugs sogs bzhag/ ji ltar gsung bzhin yon tan 'dod pa'i sa// de bzhin gshegs pa'i chos rnams spyan drangs la// arga la sogs brtags nas de bzhin du// bde gshegs gsung ba'i mchod pa gang yin bya// de nas byin za la ni brtag bya ba// sreg byas bkang ste sbar bya'i phyir// de nas sreg byas bkang ste rims kyi ni// rgyal la sogs pa brgya rtsa brgyad du brtag/ de nas sbyor ba'i sngags kyi rgyal po la// bsreg par bya ba nyi shu rtsa gcig brtag/ de nas spyan drangs yo byad lan gsum dang // arga la sogs pad+ma kar zhal mchod// phyag na pad ma dang ni zhags pa bsnams// 'jig rten gsum las rnam rgyal gzugs// zhabs kyi pad mas sdig gnan cing // rgyan rnams kun ni rab rdzogs la// rdzogs sangs rgyas ni dbu rgyan mtho// bsam 'am yang na bris kyang rung // de yi snying po de bzhin du// brgya phrag stong ngam yang na ni// bye ba'i tshad du sbyin bsregs bya// ci ste mtshan ma la sogs 'byung // de bzhin sdig can rgyud shes bya/ de nas thal bar gyur pa dang // rdo rje sdu ba'i sngags kyis ni// cho ga bzhin du bsdu bar bya// thal ba de dang rus pa'i rdul// sngags kyis btab pa'i dri chu dang /

  24. 285b

    ba skyes 'o ma la sogs lngas// sbyong ba'i sngags kyis blo ldan gyis// 'bum du bzlas pas rdzi nas ni// ga bur dri dang sgos pa yis// 'jim pa la ni sres nas kyang // gzugs su byas pa 'am yang na ni// mchod rten gyi ni ltar byas la// gcig gam gnyis sam gsum 'am lnga// yang na brgya rtsa brgyad par du// sngags dang phyag rgyas btab nas kyang // 'bum phrag nyis brgya'i bar du bzlas// de nas mchod rten 'bar gyur tam// yang na gzugs kyi zhal 'dzum 'am// dri dang bdug pa'i 'od kyang rung // snang ngam yang na da ltar 'am// lha la sogs pa'i rnam pa ni// sna tshogs par ni snang gyur tam// rdzu 'phrul rnam par 'phral pa dang // me tog la sogs 'dor ba dang // dung dang rnga la sogs pa'i sgra// gling bu pi bang la sogs rnams// ci ste mtshan ma de dag ni// sdig can blos ni mi mthong na// 'bum gyi phrag ni brgya stong ngam// ji srid mtshan ma byung bar du// de bzhin gshegs pa mchod nas ni// mnyam par bzhag pas bzlas pa byas// de yi mthar ni mkhas pas kyang // mtshan cig thog zag mi nyal bzla// de nas de yi sdig pa ni// dag pa nyid du nges par mthong // lha yi lus kyi gzugs gyur la// rang gi rgyud du ngo shes 'gyur// mtshan ma 'di dag shes nas ni//

  25. 286a

    rnam par mi rtogs sems kyis kyang // byams dang snying rjer ldan pa yi// las rnams thams cad byed par 'gyur// yang na med par gyur na ni// bzlos shing bsgom pa'i tshul gyi ni// ming tsam legs par bris pa 'am// mchod rten phreng ba bya ba dang // yang na gzugs su byas kyang rung // sbyin bsregs mngon par dbang bskur na// gdon mi za bar bde 'gro skye// thal ba nyud dkar bye ma sogs// rang gi ming smos sngags btab nas// bzlas pa byas te song nas kyang // rgya mtsho 'bab pa'i rlung da dor// de ltar na ni sdig can yang // ngan song las ni thar 'gyur na// dge ba'i chos rnams bskyed pa dang // byang chub sa bon bskyed pa'i bdag/ sangs rgyas 'bras bu rgyud ldan pa// sbyin pa'i pha rol phyin par ldan// tshul khrims rgyud dang rab ldan pa// bzod pa brtson 'grus mnyam bzhag dang // shes rab rnams kyi rgyud bsgoms pa'i// 'jig rten bsod nams ldan ci smos// myur bar de yi ngan song ni// bcom par 'gyur te the tshom med// dge ba'i rtsa ba ma bskyed la// med par lta/ ba gang yin dang // byang chub lam las rnam log par// bstan la zhe sdang gnod byed cing // sdig pa'i rang bzhin ma mthong la// pa ma la ni nyin de bzhin// byang chub

  26. 286b

    sems la ma brtan dang // 'dod chags bral ba bsad pa rnams// ci ste mtshan ma med gyur tam// sangs rgyas dge 'dun chos de bzhin// sngags dang phyag rgya'i tshogs la sogs// shes rab thabs rnams med na ni// sdig can de dag mi thar ces// bde gshegs rgyal ba nyid kyis gsungs// de nas brgya byin la sogs lha// pad+ma lta bu'i mig phye nas// legs zhes bya bas mnyes byas te// rab tu mgu bas mchod byas nas// brgya byin gzhan la ban brtson pas// ji ltar gsol ba'i bka' bzhin du// shAkya'i gtso bos bka' stsal pa// bde ba nyid du byas 'gyur nas// de nas de ni dmyal ba yi// sdug bsngal las ni thar nas kyang // dga' ldan gnas su sems can kun// phan phyir bde gshegs 'dra bar skyes// de nas dbang por bcas pa yi// grags chen lha rnams gar byed cing // mchod pa'i sprin ni mtha' yas pas// de bzhin gshegs la mchod bya'i phyir// lha yi tshogs kyis mchod byas te// tshe 'di nyid la mchod pa'i phyir// byang chub tu yang sems bskyed nas// lha rdzas rnam pa sna tshogs kyis// me tog bdug pa byug pa dang // gdugs dang rgyal mtshan 'phan la sogs// rgyan la sogs pa rab mdzes dang // na bza'i rin chen char la sogs// dga' ba'i

  27. 287a

    tshal ni gang bar byas// de nas ya mtshan che gyur te// lha rnams kyis ni phyag 'tshal nas// dga' ba'i 'tshal nas yid 'ong 'bar// kun nas dag par gyur pa yi// sna tshogs 'byung ba 'di ci lags// bcom ldan 'das kyis bka' stsal pa// grogs po dag shes par gyis shig/ rdzu 'phrul rnam par 'brul pa 'di ni// lha'i bu nor bu dri ma med pa'i 'od ces bya ba yin no// mtshams med pa'i dbang du gyur pa rnams myong zhing / mthong ba'i chos 'di nyid la// bde 'gro'i dbang du gyur pa gang yang lags pa de ni bcom ldan 'das ngo mtshar lags so// bde bar gshegs pa ngo mtshar lags so// de nas brgya byin la sogs pa'i lha'i bu thams cad kyis mgrin cig tu tshig 'di skad ces smras so// sangs rgyas 'dra ba'i ston pa med// chos dang 'dra ba'i dge ba med// dge 'dun 'dra ba'i snod med de// sngags dang 'dra ba'i 'dren pa med// de nas lha'i bu de dag gis bcom ldan 'das la 'di skad ces gsol to// bcom ldan 'das kyis byin gyis pa'i dga' ldan gyis lha'i ris su skyes pa'i lha'i bu de ci 'dra zhig/ de'i rdzu 'phrul dang mthu ji lta bu lags/ lha'i bu nor bu drim med pa'i 'od ces bgyi ba de bdag cag lta bar 'tshal lo// de nas bcom ldan

  28. 287b

    'das kyis lha rnams kyis snying dkal bar byed pa zhes bya ba'i 'od zer gyi phreng ba nyid kyi zhabs kyi mthe bo gnyis las phyung ngo // phyung nas nor bu'i dri ma med pa'i lus thams cad snang bar byed nas/ snying khar zhags te skal nas de nyid mi snang bar gyur to// de nas lha'i bu de nyid dga' bar gyur nas/ lus kyi 'od zer gyis dpag tshad brgya phrag stong tshun chad kyi/ nam mkha'i ngos thams cad gsal bar byas te/ lha'i bu stong phrag du ma'i 'khor gyis bskor cing mdun du byas nas/ lha'i rdzu 'phrul chen pos mi snang bar byas te/ 'ongs nas dga' ba'i tshal thams cad gsal zhing snang bar byas te// bcom ldan 'das brgya byin gnyis ma rtogs par/ lha rnams kyis 'od zer zil gyis mnan no// de nas lha'i bu des bcom ldan 'das kyis zhabs gnyis la phyag byas nas ched du brjod pa 'di ched du brjod do// kye ma shakya mgon po yis// sangs rgyas mdzad pa ya mtshan che// gang phyir ngan song ltung ba 'di// sems can glob bzhin myur du dgrol// de nas skad cig ma de nyid kyis tshe shing rta'i bang lo com kyis pad mamams cad na po che las byas pa// dngag chad brgya thag grang dri'i dadang ldan pa/ lha dang gu mun pa'i sgra bsgrags/ lamatshan dum yang dag pa

  29. 288a

    ston pa/ lha'i glu gar dang brdung ba dang gling bu dang / rnga dang ker ko rnams kyi sgra snyan pa 'byin pa zhig bcom ldan gyi spyan sngar byung ste/ de mthong nas kyang shin tu yang ya mtshan skyes te/ 'di skad ces smras so// de bzhin gshegs pa'i chos ni bsam gyi mi khyab/ sngags kyi yon tan sna tshogs bsam mi khyab/ byang chub brtan pa rnams kyang bsam mi khyab/ tshangs spong tshul khrims dri med skye bsam yas/ de nas lha'i bu de dag gis de lta bar 'dod nas// yang bcom ldan 'das la 'di skad ces gsol to// lha'i bu de dag de'i 'khor gyi dkyil 'khor rnams lta bar 'tshal lo// bcom ldan 'das lta bar 'tshal lo// bde bar gshegs pa lta bar 'tshal lo// de nas yang bcom ldan 'das kyis yang mthe bong gnyis nas 'od zer phyung ste/ 'od zer dri ma med pa des lha'i bu de dang de dag kun tu snang bar byas te/ bskal nas de nyid du mi snang bar gyur to// de nas nor bu dri ma med pa'i 'od ces bya ba de la sogs pa gnas gtsang ma'i lha'i bu rnams kyis bcom ldan 'das dang brgya byin gnyis kyi ba dan ma gtogs pa dga' ba'i tshal thams cad g.yos par byas te/ lan brgya stong du mar bskor ba byas nas/ yang dang yang du 'di skad

  30. 288b

    ces gsol te// kye ma sangs rgyas rnams kyis ni// sngags kyi byin brlabs ya mtshan che// gang phyir mtshams med ltung ba yi// sems can lha rnams myur du skyes// de nas lha'i bu nor bu dri ma med pa'i 'od ces bya ba lha'i bu de dag gis/ bcom ldan 'das la nor bu dang / gser dang / dngul dang / do shal dang / sen mo do dang / gdu bu dang / dpung rgyan dang snyan cha la sogs pa'i rgyan gyi khyad par rnam pa sna tshogs du ma dang / gdugs dang / rgyal mtshan dang / ba dan dang lda ldi dang / rnga ma la sogs pa yo byad kyi khyad par sna tshogs dang / seng ge'i gdan dang / gzims cha dang / phro brang dang / gzhal med khang dang / khang bu brtsegs pa la sogs pa gnas/ kyi khyad par sna tshogs pa dang / me tog la sogs pa mchod pa'i bye brag sna tshogs pa dang / rang gi lus dang ngag dang / sems rnams kyang phul te/ ba glang dang / rta dang seng ge dang / stag dang / spre'u dang / rko ba dang / thug ri dang / ma he dang / bung bu dang / rnga mo dang / chu srin dang / phag dang / ra dang / glang dang / ba dang / 'dod pa'i gzhon pa la sogs pa 'dod pa'i khyad par sogs du ma yang phul te/ bcom ldan 'das kyi 'khor gyi dkyil 'khor rnams dang mngon par mchod// lha rnams

  31. 289a

    kyi dbang po brgya byin gyis 'khor gyi dkyil 'khor rnams dang yang mngon par mchod de/ legs so zhes bya ba gsol nas/ bcom ldan 'das dang brgya byin gnyis la/ bla ma dang sti stang du bya ste/ phyag 'tshal nas de bzhin du 'dong ngo // de nas brgya byin dang tshangs pa la sogs pa/ lha rnams ya mtshan du gyur te/ bcom ldan 'das la yang dang yang du legs so zhes bya bas bstod cing mchod de phyag 'tshal nas 'di skad ces gsol to// bcom ldan 'das gang gi slad de/ ma 'ongs pa'i byis pa so so'i skye bo rnams 'chang ba dang / klog pa la spro bar bgyi ba'i slad du/ de bzhin gshegs pa'i mtshan brjod pa'i yon tan bshad du gsol// brgya byin dang tshangs pa la sogs pa'i lha'i bu rnams ngas bshad kyis legs par nyon la yid la gzungs shig/ lha'i bu rnams dge ba bcu dang ldan pa'i sems can rnams kyis rna lam du grags par 'gyur te/ sems can ma rabs kyis ni ma yin no// pha rol tu phyin pa bcu la mos pa'i sems can rnams kyi rna lam du nye bar 'gro bar 'gyur gyi// sems can phal pa rnams kyis ni ma yin no// sems can bsam pa nges pa can rnams dang / phyir mi ldog pa'i yon tan mang

  32. 289b

    po la mngon par 'dod pa'i sems kyis rna lam du grags par par 'gyur ro// mdor na thams cad mkhyen pa'i ye shes la brten pa'i sems can rnams kyis rna lam du 'gro bar 'gyur ro// de nas brgya byin dang tshangs pa la sogs pa'i lha'i bu de dag yang dag par dga' bar skyes nas/ 'di skad ces gsol to// bcom ldan 'das bdag cag ni snod du gyur pa'o// bde bar gshegs pa bdag cag ni snod du gyur pa'o// gang gi slad du bdag cag gis de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba'i gzi brjid kyi rgyal po zhes bya ba'i mtshan brjod pa 'di/ bcom ldan 'das pad mo'i zhal nyid nas thos pas bdag cag ni ngan song gis 'jigs par mi 'gyur/ dus ma lags pas 'chi bas 'jigs par mi 'gyur/ 'chi ba dang / ltung ba dang rnam par 'thor ba dang / rnam par 'jigs ba la sogs pas mi 'gyur te/ bcom ldan 'das bdag cag ni gdon mi 'tshal bar sangs rgyas nyid du 'grub pa'i snod du 'gyur ba lags so// bcom ldan 'das rtag pa'i rgyal po 'dis/ sems can rnams kyis don bgyid pa gang lags pa'i skyes bu dam pa de dag gi 'bras bu cir 'gyur/ rnam par smin pa ni cir 'gyur/ bcom ldan 'das

  33. 290a

    kyis bka' stsal pa/ lha'i dbang po de dag ni skyes bu dam pa 'ba' zhig tu ma zad kyi/ yang dag par rdzogs pa'i sangs rgyas nyid du lta bar bya ste/ lha'i dbang po gang gis phyir 'jig rten pha rol tu song nas mtshams med pa la sogs pa'i sems can dmyal ba chen por skyes pa'i sems can rnams kyi sdug bsngal rnam pa sna tshogs pa rab tu spong bar byed pa dang / byang chub la gdon mi za bar rten pa dang / byang chub sems dpa' yis phyir mi ldog pa la rab tu 'jog pa'i phyir te/ lha'i dbang po dper na khyod kyis lha'i bu nor bu dri ma med pa'i 'od ces bya ba mtshams med pa'i sems can dmyal ba chen po skyes pa'i don bya ba bzhin no// lha'i dbang po de ltar gzhan yang ma 'ongs pa'i sems can rnams kyis don byed par de dag ci so so'i skye bo yin snyam sems sam/ gsol pa bcom ldan 'das ma lags so// bde bar gshegs pa ma lags so// lha'i dbang po sems can de dag ni skyes bu chen po gzhan la phan 'dogs pa ste/ de bzhin gshegs pa rnams kyis kyang phyag bya ba mchod pa brjod pa/ sti stang du bya ba brag la bskur bar bya ba yin no// lhar bcas pa'i 'jig rten gyis lta smos kyang ci dgos/ de nas brgya byin dang tshangs pa la sogs pa'i lha'i bu rnams dang /

  34. 290b

    rgyal po chen po bzhi dang / 'jig rten skyong brgyad dang / gnod sbyin gyi sde dpon chen po nyi shu rtsa brgyad dang / gnod sbyin chen po nor bu bzang po dang / nor bu bzang po chen po la sogs pa byang chub sems dpa'i sa la rabu gnas pa rnaMs dang / klu'i rgyal dga' bo dang / nye dga' bo dang / 'phrog ma'i bu lnga brgyas bskor ba rnams dang / gnod sbyin chen po pany+tsi rtsa ka dang / ban rtsi ka chen po la sogs pa dang / gzhan dag yang rgya che zhing rgya che ba'i lha dang klu dang / gnod sbyin dang / srin po dang / lha ma yin dang na mkha' lding dang / dri za dang / mi 'am ci dang / lto 'phye chen po dang / yi dgas dang / 'byung po dang / 'dre dang / gdon dang / skar ma la sogs pa thams cad kyis mgrin cig tu 'di skad ces gsol to// bcom ldan 'das bdag cag 'dus shing tshogs pa thams cad kyis/ skyes bu dam pa chen po de'i rkang pa gnyis mgo bos blang bar bgyi'o// mdor na rtag pa rgyun du dus thams cad du srung ba dang / sgrub pa dang / sba bar bgyi'o// bcom ldan 'das gang du rtag pa'i rgyal po 'di rigs kyi bu 'am rigs kyi bu mo dad pas/ 'chang ba 'am/ klog gam/ gzhan la rgya cher yang dag par 'chad par 'gyur ram// gdugs dang / rgyal mtshan dang / ba dan

  35. 291a

    la sogs pa mchod par 'gyur ram/ rgyal rigs sam/ bram ze'i rigs sam/ rje'u yi rigs sam/ rmang rigs sam/ gzhan yang rgyal po 'am/ rgyal po'i bu mo 'am/ rgyal po'i bu po 'am/ rgyal po'i 'khor ram/ rgyal po'i 'khor mo 'am/ gang yang rung bas 'chang zhing klog pa 'am/ gzhan la rgya cher yang dag par 'chad pa'i bar du bgyid pa na/ bcom ldan 'das banag cag 'dus shing tshogs pa cad de'i bran du gyur pa lags so// rang gi skye bo dang / gnyen gyi skye bo dang / grong dang / grong khyer dang / grong rdal dang / ljongs dang / rgyal po'i pho brang dang / 'khor rnams yongs su bskyang bar bgyi/ dus dus su char dbab por bgyi/ 'bra la sogs pa bskyed par bgyi/ skye bo mang po la phan pa dang bde ba'i slad du rjes su bsgrub par bgyi/ pha rol gyi phra ma gzhom par bgyi// sems can ma rungs pa gnod cing 'tshe ba 'phos/ de la mi phan pa'i sems bskyed pa gang yin pa dag rlag par bgyi ba'i slad du bsgrub par bgyi/ ma rungs par bgyi'o// de la bdud kyi las kyang bgyi'o// gnod par bgyi ba la yang nye bar gnas par bgyi ste/ bcom ldan 'das mdor na ma 'ongs pa'i sems rnams la rtag pa'i rgyal po/

  36. 291b

    'di ni sangs rgyas kyis mdzad pa lta bur gnas pa lags pas/ bcom ldan 'das bdag cag gis bu bzhin bskyang bar bgyi'o// bcom ldan 'das kyis bka' stsal pa/ lha'i dbang po khyod ji ltar smras pa de bzhin du rtag pa'i rgyal po 'di ni de bzhin du lta bar bya'o// lha'i dbang po legs kyis/ 'dzam bu'i gling na gnas pa'i sems can sdig pa'i chos la kun tu spyod pa sems can dmyal ba'i dbang du gyur pa/ 'khor ba mi gtsang ba'i dong du bying ba'i sems can la phan pa dang bde bar bya ba'i phyir yun ring po nas bag yod par byos la bsgrubs shig// bam po gnyis pa'o// / / de nas bcom ldan 'das byang chub sems dpa' sems dpa' chen po phyag na rdo rjes/ bcom ldan 'das kyis mthus rtag pa'i rgyal po rtag pa phyi ma 'di bshad do// dpa' bo gdan las bzhengs nas ni// dges shing rdo rjes gsor nas kyang // shAkya'i bdag bo dges mdzad pa/ bcom ldan 'das thub pa'i gtso la phyag 'tshal nas/ sgrib pa thams cad rnam par dag pa'i rdo rje zhes bya ba'i ting nge 'dzin la snyoms par zhug

  37. 292a

    nas ngan song thams cad rnam par sbyong ba zhes bya ba'i rang gi snying po 'di nyid thugs kha nas byung ba'o// oM sarba pa bAM da ha na badz+ra hUM phaT/ oM sarba a pa ya bi sho d+ha na badz+ra hUM phaT/ oM sarba karma a ba ra na ni b+hasmi ku ru hUM phaT/ oM b+h+rUM bi na sha ya a ra na ni hU~M phaT/ oM b+h+yAM bi sho d+ha ya a ba ra na ni hUM phaT/ oM dza la dza la/ d+ha ka d+ha ka/ ha na ha na/ a ba ra na ni hUM phaT/ yau sr-i sa ra sa ra/ pra sa ra pra se ra/ a ba ra na ni hUM phaT/ oM hUM ha ra ha ra sarba a ba ra na ni hUM phaT/ oM hUM phaT sarba a ba ra na ni bi s+pho tra ya hUM phaT/ oM b+hI taM b+hI ta sarba a ba ra na ni hUM phaT/ oM trat+tA trat+ta sarba a ba ra na nihUM phaT/ oM tshin d+ha tshin d+ha sarba a ba ra na ni hU~M phaT/ oM b+hed ta b+hid ta sarba a ba ra na ni hUM phaT/ oM d+ha ha d+he ha sarba na ra ga te he druM hUM phaT/ oM pa tsa pa tsa sarba pre ta ga te he tuM hU~M phaT/ oM ma tha ma tha sarba tir g+hA ti he tru hUM phaT/ de nas de dag gi yo byad rnams bshad do// oM sarba a pa ra ya bi sho d+ha ni d+ha ma d+ha ma d+hU pa ya hUM phaT/ oM sarba dur ga ti bi sho d+ha ni pus pa b+hi lo gi ti hUM phaT/ ma~M sarbas pa ya b+hi d+ha ma ni nya' lo ki ka ri hU~M phaT/ oM sarba A pA ya ga ti gan d+ha ba sha ni gan d+ha pa tI hUM phaT/ sgo ba rnams kyi sngags la/ oM sarba na ra ka kang t+ya ya

  38. 292b

    a ka ra ni hUM phaT/ oM sarba na ra ka ud d+ha ra ni hUM phaT/ oM sarba a pa ya ban d+ha na ma tsa ni hUM phaT/ oM sarba a pa ya ga ti ga ha na bI na shAn+da hUM phaT/ de nas dkyil 'khor bshad de/ 'khor lo 'dra ba'i dkyil 'khor la// shin tu mdzes pa'i rtsibs brgyad can// lte bar bcas shing rtsibs rten ldan// nang gi rim pa bris nas ni// lte ba'i nang du shAkya yis// bdag po'i thub pa bzhag par bya// phyag na rdo rje stobs can ni// dpa' bo de'i spyan sngar bris// rgyab tu 'khor lo sgyur ba bris// g.yas su rgyal ba'i gtsug gtor la// g.yon par rnam par rgyal ba bri// gzi brjid phung po me yi phyogs/ dbang po'i phyogs su gdugs dkar po// rnam par 'thor ba rlung gi phyogs// rnam par 'joms pa ni ri tir// bris nas phyi rol bri bya ste// gru bzhi pa la sgo bzhi pa// seng ge rta babs brgyan par bya// dpa' bo lcags kyu zhags pa dang // lcags sgrog dril bu stan rnams bzhag/ pra yi phyogs ni kun tu yang // gdugs la sogs pa bri bar bya// de nas dri zhim dri la sogs// rang gis las ni skas nas yang / rdo rje 'dzin mas zhugs nas ni// oM dza hUM baM ho// b+ha ga ban/ e ha hi/ ma hA ka ru ni ka tri sha ho sa ma ya sto// zhes brjod pas lha thams

  39. 293a

    cad spyan drangs so// de nas de bzhin gshegs pa la mos pa bskyed de mchod pa byas nas de bzhin du bcug ste dbang bskur na ngan song thams cad las rnam par grol te/ bde 'gro mtho ris kyi 'jig rten dang / gong nas gong de sa rnams yang skye bar 'gyur ro// dngos grub thams cad kyang thob par 'gyur ro// sangs rgyas su yang gdon mi za bar 'grub par 'gyur ro// snga ma bzhin du las thams cad byed cing thams cad la thogs pa med par 'gyur ro// bya ba byas pas rim thams cad dang gdon dug la sogs pa las thar bar 'gyur ro// phyag na rdo rje hUM zhes bya bas las thams cad byed par 'gyur ro// brtag pa gzhan gyi cho ga yang las thams cad 'grub par 'gyur ro// lha dang kwa dang gnod sbyin dang srin po la sogs pa ngan song gi rgyud kyi dbang du gyur pa rnams kyis shi ba'i ro 'am/ gzugs brnyan nam ming la sogs pa bris te bzlas pa dang / sbyin bsregs dang / dbang rnams kyis snga ma bzhin du bskur na/ ngan song thams cad las grol bar byed do// de nas byang chub sems dpa' sems dpa' chen po phyag na rdo rjes seng ge'i lta stangs kyi bcom ldan 'das kyi zhal du lta ste/ phyag 'tshal nas 'di skad ces gsol to//

  40. 293b

    bcom ldan 'das phyag rgya dam pa yi mtshan nyid bshad par bgyi'o// thugs rje skal ba'i thugs lnga pa'i// rgyal ba kun gyis byin gyis brlabs/ mnyam par bzhag pas dpral bar ni// phyag 'tshal ba yi thal mo sbyar// sangs rgyas bde gshegs skyes rnams kyi// phyag 'tshal ba yi phyag rgyar bshad// rnal 'byor rig pas mgrin phyogasu// thal mo snyam par sbyar ba dang // rtag tu pad ma'i rigs nyid kyi// pad mo'i phyag rgya yin par bshad// rdo rje thal mo sbyar nas yang // snying khar gung mo thal sbyar nas// rdo rje rigs kyi phyag rgya 'di// dam tshig thams cad 'dzin byed pa// lag pa g.yon pa thal mo gan kyal dubang du bzhag la// de yi steng du ga pa bzhag la/ mthe bong gnyis kyi ngo sprad la zhi bas lta bas lta ba 'di ni/ de bzhin gshegs pa'i rigs kyi ting nge 'dzin gyi phyag rgya ste dam tshig yin par bshad do// de nyid las bzlog ste steng 'og stsol la/ mthe bong mthe chung cig la cig lu gu rgyud kyi tshul du snol snying khar bzhag pa 'di ni/ rdo rje 'dzin gyi dam tshig gi phyag rgya'o// bral mo rdzogs par sbyar ba las/ mthe bo mthe chung gnyis mnyam par lhag ma rnams rkyang ba 'di ni pad ma rigs kyi pad ma'i phyag rgya'o// rdo rje bsdams pa las gung mo

  41. 294a

    gnyis rdo rje 'dra bar snyams la mthe bong dang mthe chung gnyis rkyang pa 'di ni phyag na rdo rje'i phyag rgya'o// de nyid las mthe bong dang mthe chung gnyis de bzhin du byas la/ 'dzub mo dang srin lag pad mo 'dra bar bkug pa ni/ ngan song thams cad yongs su sbyong ba'i rgyal po'i phyag rgya'o// de nyid la 'dzub mo srin lag gnyis rin po che 'dra bar byas pa ni dbang bskur ba'i phyag rgya'o// mthe bong mthe chung so sor snyoms la lhag ma rkyang ba 'di ni sdig pa thams cad bsreg pa'i phyag rgya'o// lag pa g.yon pas de bzhin du sbyar zhing bya ba 'di ni las thams cad pa'i phyag rgya'o// snyim pa bzed pa las gyen du 'thor ba ni bdug pa'i phyag rgya'o// de las 'og nas gyen du 'thor ba ni me tog gi phyag rgya'o// de nyid las mthe bo gnyis gyen du snyams la mdun du 'dzin pa 'di ni mar me'i phyag rgya'o// de nyid las dung 'dra bar byas pa ni dri'i phyag rgya'o// de nyid las rab tu rkyang ste 'dzin pa ni gtor ma'i phyag rgya'o// de nyid las gung mo gnyis nang du bcug pa ni arga'i mchod pa'i phyag rgya'o// rdo rje bcings pa las gung mo gnyis bsnyams te tshigs bcad la sor mo thams cad brkyang ba ni rnam par thar pa'i phyag rgya'o// de nyid las mthe bod

  42. 294b

    dang mthe chung gnyis bkug pa ni rnam par 'joms pa'i phyag rgya'o// de nyid las 'od zer 'bar ba 'dra ba'i gzi brjid phung po'i phyag rgya'o// de nyid las spyi bor bskor na gdags dkar po'i phyag rgya'o// rdo rje khu tshur gnyis las 'dzub mo gnyis dang mthe chung gnyis snol te bdud pa gyen du bskor ba ni 'khor lo'i phyag rgya'o// rdo rje bsdams pa las gung mo gnyis rdo rje byas la 'dzub mo gnyis rin po che ltar byas te lhag ma rnams 'od zer 'dra bar byas pa ni rgyal ba'i gtsug gtor phyag rgya'o// de bzhin du 'dzub mo gnyis rdo rje ltar byas la sog sor mo lhag ma rnams bsdams nas rdo rje 'dra bar byas pa ni rnam par rgyal ba'o// g.yas pa mchog sprin byas la g.yon pa mi 'jigs pa sbyin pa de ni de bzhin gshegs pa'i yin no// rdo rje bsdams pa las 'dzub mo gnyis brkyang ste rdo rje 'dra bar byas pa ni rdo rje'i phyag rgya'o// de nyid las 'dzub mo g.yos pa bkug pa ni lcags kyu'o// de nyid las me tog 'dra bar byas po ni mda'i phyag rgya'o// de nyid las slar bkug ste mthe bo rtse mo sprad pa ni blo gros legs pa'o// de nyid la tshogs par ma bcag pa rin po che'o// de nyid las sor mo rnams 'od zer bar 'gyed pa

  43. 295a

    ni gzi brjid kyi'o// de nyid las spyi bor bzhag pa ni me tog gi'o// de nyid las mdun du bzhag pa ni bzhad pa'o// de nyid las pad mo 'dra bar byas pa ni pad ma'o// de nyid las rtse mo yid bkug pa ni ral gri'o// de nyid las gdu bu 'dra bar byas pa ni 'khor lo'o// de nyid las rtse mo yang pad ma'i 'dab ma 'dra bar byas pa ni lce'i 'o// de nyid las rtse mo yid brkyed pa ni rgya gram gyi'o// de nyid las shin tu bskyed pa ni bsrungs pa'o// de las rtse mo gnyis slar bkug pa ni gnod sbyin gyi'o// de las dam du bkag pa ni sngams pa'o// snga mas pa nyid mdun du bzhag pa ni bdug pa'o// de nyid byug pa ltar byas pa ni dri'o// de nyid las 'dzub mo gnyis bkug pa ni lcags kyu'o// de nyid rtse mo gnyis sprad pa ni zhags pa'o// de nyid cig mdun pa ni lcags sgrog go/ de nyid las bskyod pa ni mnyes pa'o// sku gzugs kyi cho ga yang 'dir de bzhin byas te cung zad na bcom ldan 'das 'jig rten gsum las rnam par rgyal ba'i gzugs zi'o// yang gzugs ni dkyil 'khor gyi tshul du bris la/ me tog la sogs pas mchod de/ de'i spyan sngar 'bum tsam zhig sngar bsnyen pa byas nas las thams bya'o//

  44. 295b

    de nas tshangs pa la sogs pa'i lha'i tshogs rnams kyis bcom ldan 'das phyag na rdo rje la 'di skad ces gsol to// bcom ldan 'das las kyi rnam par smin pa gang gis lha'i bu nor bu dri ma med pa'i 'od ces bgyi ba dmyal ba la sogs pa'i sdug bsngal gyi dbang du gyur/ de nas bcom ldan 'das phyag na rdo rjes/ bcom ldan 'das shAkya thub pa'i byin gyis brlabs kyis 'di skad ces bka' stsal to// lha'i dbang po nyon cig 'di ni sngon gyi sgrib pa yin te/ 'dzam bu gling na mtha' 'khob pa'i rigs ngan du rtogs pa'i rgyal po lus mi bde ba zhes pa zhig tu gyur te/ des mi shes pa'i dbang gis mi dge ba'i bshes gnyen la brten nas/ rgyal po 'dod pa'i phyir rang gi ma'i 'tsho ba dang bral bar 'gyur ba dang / de'i mya ngan gyis gzir nas ma yang dus las 'das so// lan cig ci zhig gi rkyen gyis nags tshal stag po gzhan zhig tu rtse zhing dga' ba'i phyir nye bar song ngo // de nas drang srong dgos pa med pas byams pa zhes bya ba zhig gnas te/ de mthong ba dang rgyal po shin tu ye mtshan skyes te/ kye ma'o 'di ltar seng ge dang / stag dang / ri dwags dang / phag rgod dang / bablang dang / ma he la sogs pa dang / sbrul dang sre mo dang / sbrang bu dang /

  45. 296a

    sbrang bu mchu rings dang / sbrul gdug pa rnams kyis brtse ba dang / bza' ba dang btang ba dang / bgo ba dang / longs spyod rnams las rnam par bral ba/ rlung dang drang bas yongs su gdungs shing brtse ba de na/ bdag nyid chen po 'di gnas so snyam par sems kyis rnam par brtags nas de'i drung du nye bar song ste phyin pa dang / de la 'di skad ces smras so// drang srong chen po khyod ci'i phyir na/ rlung dang tsha ba la sogs pa'i sdug bsngal gyis bdag la gnod par byed/ drang srong gis smras pa/ skyes bu chen po skal pa chen po brgya phrag du mar sgrib pa'i sdug bsngal myong bar gyur pa las/ sdug bsngal gyi khur bu cung zad tsam zhig blangs nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur bas/ 'di ni sdug bsngal ma yin gyi/ ska cig tsam 'am yud tsam zhig yul gyi bde ba myong bas/ skal pa brgya phrag stong du ma ru mthar thug pa med pa/ dmyal ba la sogs pa'i sdug bsngal rjes su myong bar 'gyur ro// yul gyi bde ba 'dod pa'i phyir ba ma la sogs pa yang dag par gsod par 'gyur na/ srog chags gzhan lta ci smos/ sangs rgyas dang chos dang dge 'dun yongs su mi shes pa'i phyir

  46. 296b

    sdig pa thams cad byed par 'gyur ro// drang srong gis smras pa'i tshig 'di dag thos pa dang / shin tu 'jigs skrag skyo ste/ sdug bsngal thams cad kyis gzir nas/ 'di skad ces smras so// sangs rgyas dang chos dang dge 'dun dang zhes bgyi ba de ci zhig de'i rang bzhin ji lta yin pa dka' thub chen po smos shig/ de la kho bos skabs su mchi'o// pha ma la brtses pa dang / srog chags rnams kyi srog bcad na sdig pa ji lta bu zhig thob par 'gyur/ sangs rgyas dang chos dang dge 'dun yongs su shes na bsod nams ci 'dra ba zhig thob/ pha ma dang srog chags rnams ma bsad na bsod nams ci 'dra ba zhig thob/ 'bras bu ci 'dra ba zhig thob/ 'dod pa'i long spyod spangs na bsod nams dang 'bras bu ci 'dra ba zhig thob/ de nas drang srong des de la 'di skad ces smras so// ci ste sems can chen po khyod nga'i tshig nyan par 'dod na/ thal mo sbyar la phyag 'tshal la// gus pas nyon dang bshad par bya// de bzhin bgyi zhes bsgrub nas ni// ci bdog pas ni mchod byas nas// sangs rgyas spyod yul sangs rgyas kyi// zab mo'i chos ni mnyan par 'gyur// sangs rgyas chos dang tshogs dag la// thos nas kyang ni skyabs song // sangs rgyas rnams

  47. 297a

    kyis sgrib med chos// rgyal pos thos nas dga' bar 'gyur// yi dgas byol song dmyal ba rnams// sdig pa kun gyi 'bras bu ste// yul spyod pa dang srog chags rnams// gsod cing shin tu mi zad dang // pha ma brtses pa'i rgyu las byung // bskal pa du mar rab sdug bsngal// dmyal ba'i sdug bsngal mi zod pa// mgon med skyabs yang med pa ste// thos nas mya ngan zu rngu yis// rang gi yid la bcag su nas// ji ltar rlung gis me 'bar bzhin/ de nyid du ni dus las 'das// las kyi rnam smin de yis ni// dga' dang ldan pa'i lhar skyes nas// brgya byin lha'i dbang po yis// blon po gzugs dang ldan pa la/ lha rnams kun dang yid 'thun zhing // rab dga' bde dang ldan par skyes// bde ba'i mchog ni mya nga 'gyur nas// ngan song du yang ltung bar 'gyur// de nas da lta lha dbang po// khyod kyis mthus kyang de bzhin gyi// dga' ldan gnas 'di dga' ba'i mchog/ bde mang kun gyi gnas su skyes// lha yi dbang po nyon cig gang goH// de byung ba yi de'i dus na// drang srong du gyur pa de ni gzhan yin par khyod kyis blta bar mi bya'o// bcom ldan 'das shAkya thub pa de bzhin gshegs pa

  48. 297b

    dgra bcom pa yang dag par rdzogs pa'i sangs rgyas 'di nyid yin no// de'i bar gyur pa gang yin pa de ni gzhan yin par khyod kyis lta bar mi bya'o// lha'i dbang po khyod de'i tshe de'i dus na de'i bar gyur pa'o// ma yin pa de ni gzhan yin par mi lta'o// de'i tshe de'i dus na sha tsi ka yin no// 'khor gyi dkyil 'khor gang yin pa de ni gzhan yin par mi lta'i// 'khor 'di nyid yin no// de nas brgya byin la sogs pa lha tshangs pa rnams dang lha'i bu rnams yid rab tu dga' zhing yid rangs te/ ba spu'i bu ga nas spu rnams langs shing rgyal ba rgyal ba zhes bya ba skad cher bos nas bcom ldan 'das phyag na rdo rje la ming bcu po 'dis mngon par bstod de gsol ba btab bo// ga ta k+Sha/ ka ta b+ha/ ko d+ha ko d+ha/ ba lU ko ti ra ga/ ko lag kA/ sho la b+ha/ klo la ko pa lpa/ ka li sta thA/ i ti/ zhes bya ba nas brgya byin la sogs pa lha mchog rnams/ sems can kun la phan pa dang // tshe dang nad med spel ba'i phyir// mgon po khyod la gsol ba 'debs// bcom ldan 'das tshe 'thung ba dang // skal pa chung ba rnams kyi don dang / phan pa dang bde ba dang / tshe sring ba'i slad du bshad du gsol/ gsang ba'i bdag po'i bshad du gsol/ bcom ldan 'das phyag na rdo rjes brgya byin dang tshangs pa la sogs pa'i

  49. 298a

    'khor mang po de dag gzigs nas/ legs so zhes bya bar mgu bar byas te/ tshangs pa la sogs pa'i lha'i bu rnams gang khyed kyis 'di lta bu'i spobs pa yang dag par bskyed pa de ni legs so leg so legs par bsgrub shig bshad par bya'o// de nas bcom ldan 'das phyag na rdo rjes thams cad kyi tshe dpag tu med pa khyab par 'byung ba'i rdo rje zhes bya ba'i ting nge 'dzin la snyoms par zhugs nas/ tshe dang bsod nams ye shes dpag tu med pa 'phel ba zhes bya ba'i de bzhin gshegs pa thams cad kyi snying po 'di rang bzhin gyi snying kha nas phyung ngo // oM pun n+ya pun n+ya/ ma ha pun n+ya/ a pa ra mi thA/ a yu pun n+ye/ gany+dza na sa ma pa ro ba tsi ya ka ra ni swa hA/ de bzhin gshegs pa thams cad kyi snying po'i gzungs 'di bshad ma thag tu ngan song thams cad rab tu zhi ste/ sems can dmyal ba dang / byol song dang / yi dgas rnams su skyes pa'i sems can thams grol bar bdag nyid kyis rab tu shes so// 'jig rten gyi khams thams cad snang bar bya ste/ snang bar byas nas yang sangs rgyas kyi mdzad pa bcu gnyis kyi tshul du byas nas/ de bzhin gshegs pa thams cad kyi thugs kyi chos kyi yi ge nyid zhugs par gyur to// de nas bcom ldan 'das kyis tshe dpag tu med pa'i rdo rje 'od byed pa zhes bya

  50. 298b

    ba'i ting nge 'dzin la snyoms par zhugs nas/ de bzhin gshegs pa thams cad kyi tshe dpag ta med pa zhes bya ba'i snying po'i gzungs 'di bshad do// oM a ma te/ ya mi twod pa b+he/ a mi ta bi kran d+he/ i mi ta a ma pa b+he/ ga mI ni sarba karma kle sha k+Sha yaM ka ri swa hA/ de nas 'di bshad ma thag tu de bzhin du sems can thams cad kyi sdug bsngal rab tu zhi'o// de nas yang bcom ldan 'das kyis gdon mi za bar sgrib pa thams cad rnam par 'joms pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyis sgrib pa gcod pa zhes bya ba'i gzungs 'di rang gi snying kha nas phyung ngo // oM ka ka ni kaM ka ni/ ro tsa ni ro tsa ni/ to tra ni tro tra ni/ tra sa nI tra san+d+hi/ pra ti ha na pra ti hA na/ sarba karma/ ya pa ra na b+ha ra ma pa ra ni/ sarba sa ta nan swa hA/ 'di bshad ma thag tu yang thams cad de bzhin du 'gyur ro// de nas bcom ldan 'das kyi sgrib pa thams cad kyi dri ma med pa rnam par dag pa'i rdo rje zhes bya ba'i ting nge 'dzin la snyoms par zhags nas/ de bzhin gshegs pa thams cad kyi sgrib pa rnams ma lus par 'joms pa zhes bya ba'i snying po 'di rang gi thugs kha nas phyung ngo // oM rad ne rad ne/ ma hA rad ne/ rang na sam pa b+he/ rang na ki rad n+te/ rad nA ma la bi shud+d+he sho d+ha ya/ sarba pa paM

  51. 299a

    / hwA tra tha/ de nas 'di bshad ma thag ta bdud kyi gnas thams cad bcom rnam par bcom par gyur to// de nas bcom ldan 'das kyis gdon mi za bar mi chom pas thams cad 'joms pa zhes bya ba'i ting nge 'dzin la snyoms par zhugs nas/ de bzhin gshegs pa thams cad kyi snying po'i gzungs 'di rang gi thugs kha nas phyung ngo // oM a mu mu ka/ a pa ti ha ra/ sarba pa ran bi ran sha ni/ ha ra ha ra hUM phaT/ sngags 'di bshad ma thag tu 'jig rten gyi khams thams cad g.yos rab tu g.yos/ bskyod rab tu bskod/ yang dag par rab tu bskyod do// skal rab tu skal/ yang dag par skal nas/ rmad kyi ya mtshan 'jig rten du 'byung bar 'gyur ro// de nas dkyil 'khor 'di yin to// gra bzhi pa la sgo bzhi pa// sgo ba rnams dang ldan pa ste// rta babs bzhi dang ldan par bya// lte ba dang ni sgo khyud ldan// de yi dbus su 'khor lo yis// dkyil 'khor dam pa bris byas te// rtsibs bzhi pa dang ldan pa la// lte ba'i dkyil 'khor ldan par bya// de yi dbus su gtso bo ni// phyag na rdo rje stobs can ste// phyag na rdo rje dril bsnams shing // zla brgyas pa'i zhal 'dzum bris// shar gyi rtsibs kyi steng du ni// mgon po me spyong bri bar bya// lha'i phyogs su rin chen gri// nub phyogs rgyas skyes pa

  52. 299b

    ma la// byang phyogs su ni gdon mi za// dpa' bo stobs can bri bar bya// de bzhin gshegs pa thams cad kyang // 'khor lo sgyur bar chas pa dang // zla ba'i dkyil 'khor mdog 'dra zhing // rgyan rnams kun gyi brgyan pa dang // phyag ni mchod sbyin mi 'jigs pa// rdo rje dkyil mo dkrung bzhugs bris// grub bzhi'i phyogs ni thams cad du// de bzhin bdug spos de dag bri// sgo ba dag kyang khros pa la// khro ba'i dbang du gyur pa bri// de nas rnal 'byor can nyid zhugs// sngags kyi lha rnams spyan drangs te/ dza hUM baM ho b+ha ga ban/ badz+ra e ha hi sa ma ya sto// de nas gtso bo byon pa dang // mdor na mchod pa byas nas yang // 'chi bdag sbrul gyis 'jig ldan rnams// 'chi bdag 'joms byin/ bzhugs par bya/ oM badz+ra sa ma ya hUM/ rdo rje ti ri ti rib cing // lag na rin chen thogs te bzhugs// yang na me tog phreng ba ste// de ni dkyil 'khor nyid du dor/ oM pra ti dza badz+ra hUM/ de nas gna'i dam tshig sbyin par bya ste/ oM badz+ra sa ma ya haM/ de nas 'dir gdong g.yogs dkrol bar bya'o// oM badz+ra ha sod ga ta ya hUM/ de nas 'dis dkyil 'khor stan par bya/ oM badz+ra pa sha ho// de nas 'dis dbang bskur ba bya'o// oM badz+ra a b+hik+Shits+tsha hUM/ oM b+hud+ha a b+hik+Shiny+tsA oM/ oM rad na a b+hik+Shiny+tsa tAM/

  53. 300a

    oM pad ma a b+hik+Shin+d+ra hri/ oM karma a b+hik+Shiny+dza A/ de nas bum pa'i dbang bskur bar bya'o// oM badz+ra ka la sha a b+hik+Shiny+tsa hUM/ oM b+hut+ma ka la sha ya b+hi k+Shiny+tsA mo// oM rad na ka la sha a b+hi k+Shits+tsha traM/ oM pad ma ka la sha a b+hik+Shiny+tsa hri/ oM karma ka la sha a b+hik+Shin+d+ra A/ de nas phreng ba'i dbang bskur bar bya'o// oM rad na ma b+hik+ShiH tr-i traM tr-i ta tre/ oM badz+ra pa tra lam pa a b+hi k+Shiny+tsA hUM traM/ oM b+had+ha mu tra a b+hi Shiny+tsa A/ oM badz+ra mu tra a b+hi Shiny+tsa hUM/ oM ra na mu tra a b+hi Shiny+tsa tAM/ oM pad ma mu tra a b+hi Shiny+tsa hI/ oM karma mu tra a b+hi Shiny+tsa yA/ oM badz+ra na ma a b+hi Shiny+dza hUM/ au tAM hi a/ oM badz+ra ka ra ma a b+hi Shiny+tsa a/ oM badz+ra tsakra a b+hi Shiny+tsa hUM b+h+yAM/ oM badz+ra tsakra a b+hi pa ti dze a b+hi Shiny+tsa au yau au// hUM hUM hAM/ te taM taM/ hi hi hi/ a a a/ oM badz+ra d+ha ra bya ya b+hi Shiny+tsa hUM/ oM ta thA ga ta da ra bya a b+hi Shiny+tsa a/ oM rad na d+ha ra bya a b+hi Shiny+tsa traM/ oM bad ma d+ha ra a b+hi Shiny+tsa hri/ oM sarba ta thA ga tar+dz+dza hA a b+hai Shiny+tsa oM// oM badz+ra b+hA h+ya ya b+hi Shiny+tsa hUM/ oM ra na gu h+ya sa b+hi Shiny+tsa traM/ oM pad ma gu h+ya a b+hi Shiny+tsa hi/ oM karma gu h+ya a b+hi Shiny+tsa ma/ oM prad ha su ba sa ma yo ga a b+hi Shiny+tsa a/ de ltar dbang bskur nas de nas che sring ba'i rig pa 'di sbyin no// oM b+h+rUM badz+ra sa yu she hUM ya/ de'i sgrub pa 'di yin te/ bcom ldan 'das rdo rje

  54. 300b

    tshe yi brlab pa'i 'od can zla ba dkyil 'khor la bzhugs shing / rgyan thams kyi brgyan pa/ phyag gnyis mi 'jigs pa dang mchod sbyin mdzad pa las/ bdud rtsi 'dzag pa bri'o// de'i 'og tu bsgrub pa po'i lag pa thal mo brgyad la gdong byin du bcom ldan 'das la lta ba bris la mchod pa rnam pa lngas mchod de/ de'i spyan sngar 'bum tsam bzlas pa bya'o// de nas zla ba nya ba dang mchod pa chen po byas nas pa dmar ser gyi mar snod sar par bcug la/ rdo rje g.yon pas gnon la/ bcom ldan 'das rab tu sems shing / mtshan gcig thog thag tu bzlas pa bya'o// de nas dri snam zhing sngon ma byung ba'i dri dad dang ldan pa la/ rlangs pa 'am/ du ba 'am/ me byung ngam/ 'od zer ram/ me sgron nam/ 'od 'byung ngam/ de la sogs pa'i mtshan ma byung na/ mar de 'am/ mar sar pa 'am/ til mar ram/ chu 'am/ 'o ma 'am/ zho 'am/ chang ngam/ khrag gam/ zhag gam/ glad pa 'am/ sha 'am gang yang rung ba la rab tu bsgrubs te/ nang par sngar gsungs pa la sogs pa byas te bdag nyid spangs te 'thungs sam zos na/ mtshan ma ji lta ba bzhin byung nas ni// zla ba dang nyi ma yod kyi bar du tshe ring zhing rdo rje dang mtshungs par gyur te/ tha mas ni tha ma 'grub pa 'di la the tsom med do// mtshan ma ma byung na 'jig rten na nad med lobs skyen/

  55. 301a

    lus la skra dkar dang gnyer ma med par 'gyur ro// lus brtan zhing tshe lo rgyas par 'gyur ro// gzhan yang bzlas pa byas pa tsam gyis zhib dang rgyas pa dang / dbang la sogs pa'i las rnams rtag mi dgos par 'gyur te the tshom med do// / de nas rgyal po chen po bzhis bcom ldan 'das phyag na rdo rje la phyag 'tshal nas 'di skad ces gsol to// bcom ldan 'das bdag cag kyang sems can thams cad kyi don dang / phan pa dang bde ba'i don du rang rang gi snying po bshad par 'tshal gyis// bcom ldan 'das kyis bka' stsal du gsol/ rdo rje 'dzin pas bka' stsal du gsol/ rgyal po chen po rnams legs kyis nyon cig dang / ngas kyang rjes su yi rang zhing byin gyis brlab bo// de nas gnod sbyin gyi rgyal po chen po ngal sos pos/ bcom ldan 'das kyis snang zhing rjes su yi rangs te byin gyis brlabs pas/ rang gi snying po 'di rang gi snying kha nas phyung ngo // oM b+he/ de nas dri za'i rgyal po gnas srungs pos yang rang gi snying po 'di bshad do// oM d+hi/ de nas grul bum gyi rgyal po 'phags skyes pos yang rang gi snying po 'di bshad do// oM b+hi/ de nas klu'i rgyal po mig mi bzang gis yang rang gi snying po 'di bshad do// oMk+Sha/ de nas de dag gi dkyil 'khor/

  56. 301b

    bshad de/ gru bzhi pa la sgo bzhi pa// dkyil 'khor lngas ni rgyan par bya// de yi dbus su gtso bo ni// phyag na rdo rje 'gying bcas bri// de yi g.yon pa'i phyogs su ni// ngal sos dag pa'i lag pa na// be con ne le thogs pa dang // rin chen rgyan gyi brgyan pa dang // sbom zhing seng ge'i gdan la bzhugs// gser mdog gzi can ldan pa bri// mkhas pas bum pa bzang la sogs// rin chen chu bo 'bab pa bri// mdun du gnas srung de nyid ni// pi wang byed la sogs pa dang // mdzes pa'i kha dog ljang khu ste// rgyan rnams kun gyis brgyan pa bri// g.yas phyogs dpa' bo lus 'phags po// ral gri lag na thogs pa bri// nub phyogs su ni mig mi bzang // rdo rje zhags pa 'dzin pa'i mchog sbrul mgo bdun gyis bskor ba las// mig dang dmar zhing shin tu 'bur// sgo bzhi'i phyogs ni thams cad du// sgo ba rnams yang de bzhin no// de nas rdo rje phyag rgya zhes bya bas// sngags mkhan nyid ni bzhugs pa dang // bcom ldan 'das ni spyan drangs te// de nas rgyal po spyan drangs so// spyan drangs nas ni mkhas pas mchod// cho ga bzhin du mchod pa dbul// de nas sngags mkhan sngags 'di dang // rdo rje 'dzin ma'i phyag rgya 'dis// slob ma rgyal rigs rje rigs sam// bram ze la sogs de bzhin te/

  57. 302a

    me tog rin chen thogs bzhugs// oM badz+ra sa ma ye hUM/ de nas me tog rin chen 'di dor bar bya'o// oM pra ti dza ba mo ha tam/ gang la bab pa'i rgyal po ni// de ni 'dis grub gzhan du min// de nas grub na bzhag pa yi// bum pa bzhis ni dbang bskur te// lnga pa phyag na rdo rje yi// phyag rgya'i dbang ni bskur bar bya// de la sogs pa'i go rims kyis// dkyil 'khor nyid du dbang bskur nas// rgyal po ma yin rgyal por 'gyur// rgyal po yin che bar 'gyur// 'dzam bu gling dbang dpal dang ldan// gling bzhi pa dbang ba'i bdag/ lan bzhir dbang ni bskur ba dang // lan bzhir bzhugs par byas nas ni// de la rdo rje 'dzin rgyal dag/ bu sdug bzhin du bskyang bar bgyi// bdag cag rgyal po chen po bzhis// 'bangs dang 'khor du bcas pa dang // pho brang 'khor du bcas pa yis// rgyal po rtag tu bskyob bar bgyi// de nas de yi phru ma dang // de yi nang dang 'chi bdag gi/ 'jigs dang mu ge la sogs pa'i// gnod pa rnams ni gzhom par gyi// ngal soso pos ni rgyal bar bgyid// gnas bsrung pos ni zhi bar gyid// phyugs dang gnyen bcas dus min pa'i// 'chi bdag lus 'phags po yi 'joms// mig mi bzang gis bkra

  58. 302b

    shis shing // mu ge la sogs rnam par 'joms mdor na bdag gi de yi ni// re dang bsam pa kun bgyi ste// ci ste nges par ma lags na// phyag na rdo rje mkhas par 'gyur// de nas phyogs bcu skyong rnams kyis// bcom ldan 'das la phyag 'tshal nas 'di skad ces gsol to// bcom ldan 'das bdag cag rnams kyis yang / sems can thams cad la phan pa dang bla'i srad du rang rang gi snying po 'di dbul bgyi'o// 'jig rten skyong ba rnams legs so legs so// legs kyi phul cig/ de nas 'byung po rnams kyi bdag po dbang ldan la sogs pas rang rang gi snying po rnams phul pa/ oM i au i oM a/ oM ya oM ni/ oM b+ha/ oM bA/ oM ku oM A/ oM b+hA// de nas de dag gi dkyil 'khor bshad/ do// dkyil 'khor snga ma bzhin du bris/ mgon po dbus su de bzhin bzhag/ phyogs skyong rang gi phyogs gnas su// / bzhag la spyan sngar nyi ma dang // pag gi gzugs gnyis bzhag bya ste// sgo ba rnams dang de bzhin no// de nas spyan drangs te// kan la mchod pa kun gyis mchod par bya// de nas bdag nyid zhugs nas// slob ma rnams ni bzhugs bya zhing // phyogs skyong rang gi sngags btab pa'i// bum pa rnams kyis dbang bskur ro// de nas phan par

  59. 303a

    'dod pa yis// sgrub phyir snying po sbyin par bya// phyogs skyong rang gis phyogs gnas rnams// brtag mi dgos par 'grub par 'gyur// de nas de dag mgu nas ni// 'di skad ces ni tshig gsol to// bcom ldan 'das gang rgyal rigs spyi bo nas dbang bskur ba'i rgyal po'i dkyil 'khor 'dir zhugs te/ dbang bskur ba thob pa 'am/ gzhan yang rigs kyi bu 'am rigs kyi bu mo dad pa de dag bcom ldan 'das bdag gis rtag tu dus thams cad du bsrung ba dang skyabs pa dang sba bar bgyi'o// pha rol gyi phra ma gzhom par bgyi'o// dus dus su char dbab par bgyi/ 'bru dang me tog dang 'bras bu rnams bskyed par bgyi'o// de nas chos kyi rgyal po chen po gshin rjes/ bcom ldan 'das la phyag 'tshal nas/ 'di skad ces gsol to// bcom ldan 'das bdag gis kyang / rgyal po chen po de'i tshe bsring bar bgyi'o// dus ma lags pa'i 'chi ba brgyad so sor dgab par bgyi'o// srin po rnams kyi bdag po ni ri tis kyang 'di skad ces gsol to// bcom ldan 'das bdag gis kyang rgyal po dang / rgyal po'i bu dang / bram ze dang / rgyal rigs dang / mi gzhan gang rung ba dag la nad dang / yi dgas dang 'dre mi 'jigs par

  60. 303b

    bgyi/ srin po la sogs pas mi 'jigs par bgyi/ dus ma lags par 'chi bdag gi 'jigs par mi bgyi ste/ dus thams cad du bsrung ba dang sgrub pa dang sba bar bgyi'o/ de nas klu'i bdag po ba re nas kyang 'di skad ces gsol to// bcom ldan 'das bdag gis kyang brtag par du thams cad du rgyal po dang / yul thams cad yongs su ba skyang bar bgyi'o// kun ta bsrung bar bgyi/ 'bru rnams bskyed par bgyi/ klu'i nyes pa rnams mi 'jug par bgyi/ dug dang ser ba rnams mi 'bab par bgyi/ dus ma yin par 'chi ba rnams so sor dgag par bgyi/ de nas yang rlung gi bdag pos 'di skad ces gsol to// bcom ldan 'das bdag gis yang sems can chen po la dus thams cad du rlung gi 'jigs pa mi 'byung bar bgyi'o// dus ma lags pa'i rlung mi 'byung bar bgyi'o// 'bru dang me tog dang 'bras bu thams cad bskyed par bgyi'o// 'jigs pa thams cad so sor dgag par bgyi'o// de nas gnod sbyin gyi rgyal po chen po bai ras kyang / bcom ldan 'das la phyag 'tshal nas 'di skad ces gsol to// bcom ldan 'das bdag gis yang gnod sprin gyi sde dpon tshon po nyi shu rtsa brgyad dang lhan cig tu mchis te/ stobs dang ldan pas

  61. 304a

    sems can chen po de la dus thams cad du 'jigs pa thams cad so sor dgag par bgyi'o// nor dang 'bru thams cad legs par bsrung bar bgyi/ rang gi skye bo thams cad dang yul dang gnas dang / bran dang / snag gi gnyen dang / rus kyi gnyen dang / grogs dang bu dang bu mo dang / chung ma la sogs pa bsrung bar bgyi'o// glang dang ba dang / bung bu dang / rnga mo dang lug dang ma he dang / ban glang dang / rta dang / ra la sogs pa yang bsrung bgyi'o// de nas 'byung po thams cad kyi bdag po dbang byed kyis kyang / bcom ldan 'das la phyag 'tshal nas 'di skad ces gsol to// bcom ldan 'das bdag gis kyang rgyal po de dang / rgyal po de dag gi bu dang / rgyal rigs dang / bram ze'i rigs 'di rnams dang / pha rol sgrub pa dang / phan gdags pa dang / yongs su sgrub pa dang / zhi ba dang / bkra shis pa dang / chad pa spang ba dang / mtshon cha spang ba dang / dag gzhil ba dang / dug gzhom pa dang / mtshams bcad pa dang / sa'i 'og gi mtshams bcad pa dang / phyogs kyi mtshams bcad pa dang / rdo rje rabs bskor ba dang / rdo rje phur bu gdab pa dang / rdo rje dra ba rnams bri bar bgyi/ dgos pa thams cad la nye bar gnas

  62. 304b

    par bgyi/ dgos pa dang dgos pa ma lags pa rnams kyi mtshan ma nye bar gnas par bgyi/ dge ba dang mi dge ba thams cad rmi lam du yang bsgom par bgyi/ sgrub na yang bgegs ma mchis par bgyi/ dngos grub thams cad gsal bar bgyi'o// de nas yang na mkha' lding gi bdag po na mkha' la sprod pa rnams kyis yang / bcom ldan 'das la phyag 'tshal nas 'di skad ces gsol to// bcom ldan 'das bdag gis yang dus thams cad du rgyal po de dang / rgyal po'i bu dang / rgyal po'i blon po dang / bram ze dang / rgyal rigs rnams 'jigs pa thams cad las bdag nyid 'khor thams cad dang bcas par mchis la/ bsrung ba dang sgrub pa dang / sba bar bgyi/ mchog thams cad rab tu rtag par bgyi/ nad thams cad rab tu zhi bar bgyi/ dus thams cad du phyi bzhin du rab tu 'brang bar bgyi/ de nas sa 'og gi bdag po phag chen po sa yang / bcom ldan 'das la phyag 'tshal nas 'di skad ces gsol to// bcom ldan 'das bdag cag gis yang mi'i bdag po de dag dang / mi'i bdag po/ de'i bu dang / yang na lan gnyis su byung ba 'am/ lan gnyis su byung ba'i bu dang / rgyal rigs dang / rje rigs dang / rmang rigs dang / gzhan yang rigs kyi bu 'am/

  63. 306a

    rigs kyi bu mo dad pa rnams kyis/ dus thams cad du don thams cad bsgrub par bgyi'o// 'jigs pa thams cad las dus thams cad du yang bsrung bar bgyi'o// bdag nyid kyis kyang yongs su skyab par bgyi'o// de nas bza' chen po brgya de 'khor rgyu skar dang bcas pa rnams kyis kyang / bcom ldan 'das la 'di skad ces gsol to// bcom ldan 'das bdag cag 'khor dang bcas pa rnams kyis rang rang gi gsang sngags kyi snying po rnams dbul bar 'tshal na/ de dag bcom ldan 'das kyis byin gyis brlabs du gsol/ legs so leg so ngas byin gyis brlab kyis/ gza' chen po rnams shod cig/ de nas nyi ma la sogs pa'i gza' chen po rnams kyis/ bcom ldan 'das la phyag 'tshal nas 'di skad ces gsol to// oM A/ oM swo/ oM a/ yau b+h+ya/ oM b+hI/ yau k+Sha/ oM b+ha/ oM ra/ de nas de dag gi dkyil 'khor bshad de/ dbus ni bcom ldan 'das phyag na rdo rje nyid 'jig rten gsum las rnam par rgyal ba'i gzugs bri'o// ngos rnams su ni phyag rgya chen po bzhi bri'o// ba tha sang ni mdun du la// zla ba rgyab tu bri bar bya// g.yas su phur bu bri bya zhing // g.yon par gza' lag bri bar bya// me'i phyogs su mig dmar dang / rlung gi phyogs su

  64. 306b

    nyi ma ste// dbang ldan phyogs su spen pa'o// srin po drang thad sgra can bris// dkyil 'khor bris la 'khor yug tu// rgyu skar thams cad bri bar bya// sgo skor de bzhin sgo ba rnams// khros pa'i yid du bri bar bya// rdo rje 'dzin mas zhugs nas ni// rdo rje lcags kyu la sogs pas// thams cad yang ni spyan drang ngo // de nas slob ma rnams zhugs te/ oM badz+ra ha na hUM/ oM badz+ra gra ha sa ma ye hUM/ oM badz+ra gra ha pra ti dza sa ma ye hUM phaT/ de nas gza' brgyad sngags btab pa'i// bum pa brgyad kyi dbang bskur ro// de nas rdo rje phyag rgyas dbang bskur te// gza' rnams thams cad bsgrub par bya'o// de nas gza' chen po de dag gis// bcom ldan 'das la phyag 'tshal nas 'di skad ces gsol to// bcom ldan 'das bdag cag gza' chen po brgyad kyis kyang / rgyal po chen po de dag dang / rgyal po'i bu la rtag par dus thams cad du de bzhin du thams cad bgyi'o// de nas rgyu skar dang / ska cig dang / yud tsam dang / thang cig dang / dus dang / zla ba gcig dang / spyir ba dang / khyims dang / dus 'byor pa dang / 'jug po la sogs ba'i dkyil 'khor gyi lha rnams kyis kyang / de bzhin du phyag btsal nas 'di skad ces gsol to// bcom ldan 'das bdag cag gis yang dus thams cad du sems can chen po//

  65. 307a

    ru bya/ de'i bka' mi bcag ste/ dpon bzhin du bskyang bar bgyi'o// grong dang / grong khyer dang / grong rdal dang / ljongs dang / rgyal po dang / pho brang 'khor dang rgyal po'i pho brang 'khor gnas thams cad so sor sgrub par bgyi'o// 'jigs pa chen po byung ba'i tshe yang bdag cag mchod na gdon mi 'tshal bar 'jigs pa mi 'byung ngo // de nas klu chen po brgyad kyis yang bud ces bya ba'i sgras bcom ldan 'das mnyes par byas nas/ 'di skad ces gsol to// bcom ldan 'das bdag cag gis yang de dag thams cad kyis gsang ba'i snying po 'di rnams dbul lo// klu chen po rnams kyis gsang ba'i snying po rnams phul cig/ de nas de dag mag nas/ bcom ldan 'das la phyag 'tshal nas 'di skad ces gsol to// oM bu/ oM b+ha/ oM pra ma/ oM pI/ oM pi'i/ oM pI'u// / de nas de dag dkyil 'khor bshad de// pad ma chen po'i 'dab brgyad la/ kha dog dkar po bri brar bya// de'i dbus su gtso bo ni// phyag na rdo rje rab gnas pa// sbrul mgo mtha' yas gdengs pa yi// ltos 'gro chen po sdigs pa bri// mtha' yas 'jog po de bzhin du// kar tog dang rigs ldan dang // nor rgyas bu dang dang skyong dang // padam chu lnga de bzhin du// mdor na 'dab ma re re la// de dag sbrul mag

  66. 307b

    'bar ba bri// sbrul mgo bdun bcas chung ma yis// mgul nas 'khyud dang bcas pa bri// bum pa brgyad dang / gtor ma brkyad dang / bshos mdzes pa dang 'byung po'i mar dang / 'o ma spring rtsi bcas/ byas pa rnams ni bzhag par bya// de nas rdo rje bdag nyid zhugs// sbrul mgos sbrul mgo can rnams dgag/ phud ces bya bas lhan cig tu// dza hUM baM ho zhes brjod do// de nas bu ni zla rgyal po dang // rgyal rigs thams cad rab bcug nas// dug gi nyes skyon gsal ba'i phyir// phud ces/ bya bas dbang bskur ro// de nas ming tsam brjod pa sa yang // kwa rnams de dag thams cad 'grub// de nas de dag kun mag nas// bcom ldan 'das la phyag 'tshal nas// spyan sder thal mo sbyar 'khod nas// smon lam rab tu 'debs par 'gyur// bcom ldan 'das bdag gis bcom ldan 'das kyi bstan pa la mngon par dga' ba rnams/ gal te dkyil 'khor 'dir zhugs pa rnams smras par gyur na/ de'i tshe bcom ldan 'das nyid la smras par gyur cig/ de'i tshe bdag cag gi gnas bye mas bsregs par gyur cig/ rdo rje kun tu 'bar bas bdag cag gi mgo bo bkas par gyur cig/ rtag par dus thams cad du sems can chen po de bsrung ba dang / sgrub pa dang /

  67. 308a

    / sba bar bgyi'o// byin chen po dang / stobs dang / brtson 'grus bskyed par bgyi'o// de'i dug rnams med par bgyi/ dus dus su char dbab par bgyi/ pha rol gyi g.yul thams cad la dus dang dus ma yin pa'i char dbab par gyi'o// 'jigs pa thams cad gzhom par bgyi/ rgyal po'i bka' dang rdo rje 'dzin pa'i bka' rab tu bsgrub par bgyi/ de nas bsgrub pa bshad de// lha rdzas 'od phreng dkar po yis// dbu la sbrul mgo bzhin bskor ba'i// rdo rje 'dzin gtso bsams nas kyang // phud zhes bya ba 'bum bzlas nas// de nas dug slad bud ces ni// bya ba'i dkyil 'khor bsam nas yang // lha rdzas 'od zer phreng bas yang // de la phud ces bya ba bsam// lag pa sbrul mgo zhags 'dra dang // phud zhes bya ba'i rlung gis bskor// lpags pa sha dang rus gnas dang // dug rnams thams cad ma lus par/ bud ces bya ba'i lag pas drang // de nas las rnams kun byed cing // dug rigs dug sbyar la sogs pa'i// khu tshur gyis yang kun phyin na// sbrul mgo'i phyag rgyas smos ci dgos// de nas lha chen po rnams kyi bdag po// 'jigs par byed pa chen po bud med brgyad kyis bskor bas// bcom ldan 'das la 'di phyag 'tshal nas 'di skad

  68. 308b

    ces gsol to// bcom ldan 'das bdag cag gis skrag pa dang / bud med rnams kyis skrag pas lha dang kla la sogs pa cad sgeg/ rnam par skrag/ rab tu skrags te/ khabub tu 'gyel nas dang bral te/ sems kyang stor nas kun ta chad pa de dag la phan bdags pa'i slad du bdag cag gi snying po rnams dbul bar 'tshal gyis// bcom ldan 'das kyi legs par byin gyis brlab tu gsol// 'jigs par byed pa chen po legs so legs so// rab tu 'jigs par byed pa bdag nyid dang / lha'i bud med thams cad kyi snying po rnams shod cig/ de nas 'jigs par byed pa chen pos 'jigs par byed pa'i sgra phyung nas 'di skad ces gsol to// oM bai rA/ oM b+hi bI swahA/ oM bA swa hA/ oM bI swa hA/ oM b+ha swa hA/ oM be swa hA/ oM bi swa hA/ oM pU'u sra hA/ oM bAM swa hA/ oM bA swa hA/ bcom ldan 'das 'jigs byed chen po ni// brgyad po de dag gi ngag nyan// de dag gi dkyil 'khor bshad de// 'khor lo chen po rtsibs brgyad la// bris nas dbus su phyag na rdo rje// khro bo 'jig rten gsum las ni// rnam rgyal zhes bya bzhag par bya// de'i zhabs drung 'jig byed pa// bdag po chen po khros pa ni// bdag po chen po 'jigs byed pa// 'jigs byed ma dang bcas pa bri/

  69. 309a

    bris nas dbus su phyag na rdo rje// rtsibs kyi nang ni thams cad du// gzhan yang 'jigs byed brgyad po ni// bud med rnams dang ldan pa la// khros pa'i bzhin dang yid khros par// ci bde bar ni bri bar bya// 'di ni sgo sgor de bzhin du// sgo ba bzhin du khros ldan bris// de nas lcags kyur la sogs pas/ bkag ste mgo bo'i thod par ni// khrag gis bkang ste mchod nas yang // sha chang gtor ma bzang po dang // snod rnams khrag gis bkang ba dang // mgo thod mgo bo'i dum bu dang / khrag dang chang bkang bum pa brgyad// dkyil 'khor der ni bzhag par bya// de nas 'jig rten gsum rgyal ba'i// mchog gi slob ma bzhags par bya// bum pa 'am mgo bo'i thod par ni// de ltar brgyad kyi dbang bskur ro// de nas las rnams sprin byas te// bud med khyim 'am mtshan cig par/ 'jig rten gsum ni 'dul ba'i mchog/ tshul bzhin du ni mchod nas yang // 'bum phrag bzhi ni bzlas pa bya// de nas 'jigs par byed pa yi// bdag nyid chen po'i sgra thos nas// mi 'jigs pa ni mgo thod par// khrag mchog bkang ste arga 'bul// de nas khro bo 'jigs byed pa// ma rung yid can bud med kyi/

  70. 309b

    tshogs kyi bskor zhing 'jigs byed pa'i// brgyad kyis bskor ba mthong bar 'gyur// de mthong 'jigs pa med gyur la// hUM zhes bya ba dran byed cing // sha 'am yang na chang mchog gis// thod pa bkang ste dbul bar bya// de nas 'jigs byed ma rungs 'joms// mgu nas rab tu 'grub 'gyur nas// ci 'dod ces ni smras nas kyang // mgu ba yin gyis de bzhin byed// sa rnams sbyin pa ma rtogs par// bde chen hUM gi tshul gyis gsol// khu ba bro ba'i btung ba dang // rdzas dang ral gri 'khor lo dang // rtse gsum pa dang mtho ris dang // mi 'am sa 'og rgyal po dang // gling dang gling bzhi brgya byin dang // gnod sbyin dbang phyug srin po nyid// rigs 'dzin dang ni rigs 'dzin gyis// 'khor lo sgyur dang 'jig rten ni// gsum gyis bdag dang bka' nyan dang // rang gi 'khor dang bud med kyi// dngos grub gang yang rung ba ni// ci bAr yang sbyin par byed// sprin dang dgod cing 'gro bar 'gyur// skag dang de ma thag tu gsod// de nas tshangs pa la sogs pa'i lha chen po rnams kyis/ bcom ldan 'das la phyag 'tshal nas 'di skad ces gsol to// bcom ldan 'das bdag cag gis yang bcom ldan 'das kyis bka' stsal

  71. 310a

    nas rang gi cho ga zhib mo bshad par 'tshal gyis/ bcom ldan 'das kyis thugs rtse bar dgongs te/ byin gyis brlab par gsol// de nas tshangs pa la sogs pa'i lha rnams kyis rang gi snying po rnams bshad do// oM A/ yau b+hi/ oM r+ya/ oM I/ oM ka oM ga/ oM bri/ oM ka// de nas de dag gi dkyil 'khor bshad de// dkyil 'khor snga ma bzhin bris la// dbus su 'jig rten gsum 'dul ba// de'i mdun du dpa' bo ni// dbang phyug rtse gsum lag thogs bris/ rgyab tu tshangs pa bris bya ste// g.yon pa'i phyag na 'khor lo thogs// g.yas par dbang po rang gi ni// phyag rgya mtshan ma lag thogs bri// rang gi dkyil 'khor chud ma rnams// 'dir yang sgo ba de bzhin te// byang du bum pa gang ba bzhag/ dkyil 'khor gyi ni phyi rol du// stobs bzangs la sogs mthu chen bzhag/ de nas zhag nas lha rnams ni// mkhas pas kun nas bkug par bya// dza hUM baM hos lha thams cad// dkyil 'khor dam par bzhugs par mdzod// de nas 'ongs par mthong ba dang / dga' ba chen por mchod par bya// de nas rdo rje 'dzin ma yis// phyag rgyas slob ma rnams zhugs te/ oM pra ti dza sto/ mahAs ta badz+ra dar yod ma yang gnya' na ha ha ha to//

  72. 310b

    me tog cho ga bzhin du dor// mig bye nas ni bstan par bya// de nas sngags kyis btab pa yis// bum pa'i nus ni dbang bskur ro// de nas lha rnams gang rga ba'i// dngos grub rab tu sbyin par bya// 'bum gcig 'am ni 'bum gnyis sam// dang po snyen pa byas nas kyang // dbang phyug la sogs lha mchog rnams// de dag sgrub pas sgrub bya ste// mtshan cig la sogs gnas sam ni// phyag na rdo rje'i pho brang ngam// yang na de bzhin gshegs pa 'am// ring srel ldan pa'i mchod rten du// lha rnams thams cad cho ga bzhin// sgrub pas rtag tu sgrub byas nas// nam byed nas ni lhag mthong nas// 'di ni ci bde sbyin byi bya yis// bzang po myur te soms te spros// gang phyir mchog ni khyod la sbyin// de nas sngags shes dngos grub sprin// lha la mchog ni gsol ba btab// lha rdzas khu ba bro btung dang // mi snang ba dang mkha' 'gro dang / ri lu rdzas dang rgyal la sogs// yid 'dod tshad med gsol ba btab// de nas dbang phyug chen po la sogs pas// bcom ldan 'das la phyag 'tshal nas 'di skad ces/ gsol to// bcom ldan 'das 'jig rten dang 'jig rten las 'das pa'i dkyil 'khor 'dir zhugs pa gang lags pa de dag bcom ldan 'das bdag cag lha rnams

  73. 311a

    kyi sgrib pa thams cad rnam par sbyang du gsol// mtho ris kyi lam bstan par bgyi'o// bde 'gro'i lam bstan par bgyi'o// ngan song ma lags pa'i lam bstan par bgyi'o// sgrib pa ma mchis pa'i lam bstan par bgyi'o// dben pa'i lam bstan par bgyi'o// rnam par dben pa'i lam bstan par bgyi'o// 'byung ba'i lam bstan par bgyi'o// mya ngan las 'das pa'i lam bstan par bgyi'o// dam pa'i chos kyi lam bstan par bgyi'o// bde 'gro'i lam bstan par bgyi'o// spong ba'i lam bstan par gyi'o// nyon mongs pa med pa'i lam bstan par bgyi'o// sangs rgyas nyid du 'grub pa'i lam bstan par bgyi'o// byang chub sems dpa' nyid du 'grub pa'i lam bstan par bgyi'o// rdo rje 'dzin pa nyid du 'grub pa'i lam bstan par bgyi'o// dus thams cad du 'jigs pa thams cad las bsrung ba dang / sgrub pa dang / sba bar bgyi'o// bdag bu bzhin du yongs su sgrub par bgyi'o// de'i pha rol gyi dgra kun gzhom par bgyi'o// grong dang grong rdal dang / ljongs dang / rgyal po'i pho brang dang / rgyal srid rnams bsrung bar bgyi'o// yul dang phyogs dang grong khyer dang / grong 'khor rnams bsrung bar bgyi'o// rgyal srid kyang brtsal bar bgyi'o//

  74. 311b

    rgyal srid thob pa rnams ni rgyal srid rgyas par bgyi'o// gling gcig pa dang / gling gnyis pa dang / gsum pa dang / bzhi pa dang / bde 'gro dang / lha'i gnas dang / sa'i 'og dang / 'khor lo sbyar ba rnams brtsal bar bgyi'o// mdor na brgya byin dang / tshangs pa nyid dang / rtogs 'dod nyid dang / dbang phyug chen po nyid kyang brtsal bar bgyi'o// de nas bcom ldan 'das phyag na rdo rje nyid 'khor gyi dkyil 'khor la kun tu gzigs nas 'dzum pa dang / 'khor gyi dkyil 'khor g.yos// rab tu g.yos/ yang dag par g.yos/ 'gul yang dag par 'gul/ 'bar rab tu 'bar/ yang dag par rab tu 'bar/ dgod rab tu dgod yang dag par rab tu dgod/ rtse rab tu rtse yang dag par rab tu rtse zhing smad kyis ya mtshan du ma 'jig rten du yang dag par rab tu snang bar gyur to// de nas tshangs pa la sogs pa lha'i tshogs rnams shin tu mang bar gyur nas bcom ldan 'das la phyag 'tshal nas 'di skad ces gsol to// bcom ldan 'das sangs rgyas bcom ldan 'das dang byang chub sems dpa' rnams ni rgyum mchi/ bar 'dzum pa mi mdzad na/ 'dzum pa mdzad pa'i rgyu gang lags/ bcom ldan 'das de ci'i slad du 'dzum pa'i rgyu gang lags pa lung bstan du gsol// de nas bcom ldan

  75. 312a

    'das phyag na rdo rjes rnams kyis gsol pa'i tshig gsan nas 'di skad ces bka' stsal to// tshangs pa la sogs pa'i lha rnams sngon gyis sangs rgyas thams cad kyis bshad pa'i 'chi bdag zhi bar byed pa'i rig pas dang / ngas ma yin par 'chi bdag 'joms par byed pa'i rigs sngags gzi brjid chen po gang yin pa thos sam// de nas bcom ldan 'das phyag na rdo rje la phyag 'tshal nas/ tshangs pa la sogs pa lha chen po de dag yang dag par rab tu mgu nas pas spu langs te/ legs so zhes bya ba 'dis bstod do// bcom ldan 'das legs so legs so// rdo rje 'dzin pa legaso legs so// gang gi slad du tshe thung ba'i sems can tshe srid par bgyi ba dang / dus ma lags pa'i 'chi bdag gis nyen pa rnams// gang gis dus ma lags par 'chi ba las rnam par grol bar bgyi ba dang / ngan song du skyes pa'i sems can rnams ngan song gi rgyud thams cad las ci nas kyang rnam par grol bar bgyi ba dang / 'khor ba'i 'jigs pas skrag pa'i sems can rnams bde blag tu 'khor ba la rgyab kyis phyogs par gyur nas/ myur du bla na ma mchis pa yang dag par rdzogs pa'i byang chub mngon par rdzogs par 'tshang brgya bar 'gyi ba'i slad du/

  76. 312b

    gzi brjid chen po'i stobs dang / mthu chen po'i rigs pa bshad du gsol// de nas bcom ldan 'das phyag na rdo rjes tshangs pa la sogs pa'i lha rnams kyis gsol pa'i tshig gsan nas/ de bzhin gshegs pa thams cad kyi snying po rigs sngags 'di skra dang gsung dang thugs rdo rje las phyung ngo // oM pu n+ya pu n+ya/ ma hA pu n+ye/ a pa ra mi ta/ a yu pu n+ye/ gnyan sam bA ro pa tsi te swA hA/ rtsa ba'i rig pa'o// oM tri swahA/ nye ba'i snying por rig par bya'o// yo brA swahA/ nye ba'i snying po'i rig pa'o// oM gr-i swa ha/ snying po yang dag par bskal ba'i rig pa'o// oM traM swa ha/ snying po dam pa'o// oM d+hi swa hA/ gsang ba'i snying po'o// de nas de dag gi dkyil 'khor bshad de/ dkyil 'khor rtsibs bzhi po byas la/ de'i dbus su de bzhin gshegs pa tshe dang ye shes dpag med bsod nams ye shes kyi tshogs dang / gzi brjid tshad med pa'i rgyal po zhes bya ba bzhag ste/ 'bum zhes pa'i snying po'o// de'i spyan sngar phyag na rdo rje tri zhes bya ba'i snying po'o// g.yon par khro bo ste kruM zhes bya ba'i snying po'o// g.yas par na mkha'i snying po ste traM zhes bya ba'i snying po'o// rgyab ta ni 'phags pa kun tu sprin ras gzigs dbang phyug mi 'jigs par sbyin pa zhes bya ste/

  77. 313a

    hri zhes bya ba'i snying po'o// de bzhin gshegs pa'i 'od kyi dkyil 'khor la rig pa rnams bri'o// bum lnga dang brgyad 'khor lo skor ba'i sngags kyis btab la bzhag go// mdun pa la sogs pa'i las thams cad pa'i khro bo'i sngags kyis btab pa dang mchod pa la sogs pa bzhag ste/ sgo ba thams cad kyang de bzhin no// de nas sngags mkhan bdag nyid zhugs la/ bde bar gshegs pa dam pa sras dang 'bang du bcas shing 'khor gyis bskor te/ rig pa dang lhan cig spyan drangs so// de nas bdag nyid dbang bskur te/ dkyil mo dkrung bcas nas 'dug la/ stong brag bzlas nas de bzhin gshegs pa 'am/ rdo rje 'dzin pa 'am/ 'phags pa spyan ras gzigs dbang phyug yang rung ste/ mngon sum du mthong nas ci 'dod pa'i mchog so sor thob par 'gyur ro// ci ste mnyam par ma bzhag na de'i tshe yid kyi las thams cad nas par 'gyur ro// de nas rdo rje 'dzin ma'i phyag rgyas bcings nas/ oM badz+ra d+ha ra/ rad na d+ha ra/ bad ma d+ha ra/ bi sho d+ha ra/ ta thA ga ta sa ma ya ti kra ma tha ga ta sa ma ya d+ha ra ad ma ko haM/ zhes nga rgyal bskyed la slob ma bzhugs par bya'o// 'dis me tog dor bar bya'o// yo ta thA ga ta pra ti dza ho sa ma la s+ho// de nas phreng ba nyid kyis mags

  78. 313b

    bcings la dbang bskur bar bya'o// oM sarba ta thA ga ta a b+hik+Shits+tsha badz+ra d+ha ra yad nya ba ya hUM praM/ oM badz+ra badz+ra a b+hik+Shiny+tsa hUM hUM/ oM rad na rangad na a b+hik+Shiny+tsa hUM traM/ oM pad ma pad ma a b+hi k+Shiny+tsa hU~M hri/ oM karma karma a b+hi k+Shiny+tsa hUM kruM/ de nas dam tshig dang bka'i dbang bskur bar bya'o// de la dam tshig ni dkon mchog gsum dang / byang chub sems dang bla ma rnams mi spang // srog chags rnams ni bsad mi bya// ma byin par yang blang mi bya// rdzun du smra ba bya ma yin// pha rol bud med spyad mi bya// bla ma smad par mi bya ste// de'i grib ma la 'gom mi bya// slob dpon ma yin ming gzungs la// rdo rje slob dpon mtshan mi brjod// sngags dang phyag rgya mi smad de// lha rnams la lta ga la zhig/ ci ste glen pas smad na ni// nad kyis nges par 'chi bar 'gyur// snying dang lha'i grib ma 'am// 'jig rten 'jig rten 'das pa yi// phyag rgya'i yi ge mtshan ma rnams// gom pas 'gom par mi bya'o// glan pas dkon mchog gsum la sogs// sangs rgyas stan la gnod byed dang // bla ma smod la brtson byed rnams// mkhas pas sgrims te sngags kyi bsad// chos min ldan dang sdig spyod dang // rtag tu sems can brtson dang // dam tshig sdang rnams snying rtse bas/

  79. 314a

    sngags mkhan gyi ni sngags kyis bsad// 'jungs pa rnams kyi nor blangs la// sems can phongs la sbyin par byed// bla ma la ni mchod pa dang // da lta dam tshig bsgrubs pa dang // dkyil 'khor phyi dang dam tshig can// phan phyir rgyal ba'i sras rnams la// mchod phyir mi'i bdag po 'am// phyug po rnams kyis nor 'phrog go// sems can rnams la phan spyod pa// rtag tu dam tshig bla ma'i nor// srog chags srog ni bsrung bya'i phyir// rdzun du yang ni smra bar bya// sangs rgyas rnams ni mnyes byas dang // dam tshig rnams ni srungs pa dang // sngags mkhan gyi ni grub pa'i phyir// gzhan gyi bud med brten par bya// rdo rje sems dpa'i gnas 'dug na// thams cad spyod cing kun zos yang // 'grub 'gyur nyes par mi 'gyur ni// snying rje ldan pas smos ci dgos// de nas 'dis dbang bskur bar bya'o// oM sarba ta thA ga ta ad gnya' na/ t+ya ma mri gri na ha na/ badz+ra su si d+ha ye// oM badz+ra stista hUM/ 'dis rdo rje lag tu byin la las thams cad kyi dbang bskur bar bya'o// mos rba karma ni ku ru bu d+ha nam hA/ de nas bla ma'i phyid khyod kyi lus mchog sbyin par bya// nor dang dbyigs dang 'bru rnams dang // stan dang gzhon pa de bzhin te// bran gyi mtsha

  80. 314b

    dang khang pa dang // rgyal po rgyal srid de bzhin te// bu dang bu mo chung ma dang // ma dang srid mo tsha mo dang // gzhan yang ci bzhed thams cad ni// phan par bsam phyir bla ma dbul// de nas byang chub bar du ni// sangs rgyas nyid dang gzhan dag dang // 'jig rten pa yi mthu chen rnams// gang 'dod pa dag bsgrub 'dod pas// dngos grub rnams ni gsol bar bya'o// de nas bu la phan pa'i phyir// sngags mkhan ser sna med sems dang // dad pas dang ba'i sems ldan la// dngos gru ba rnams ni sbyin par bya// chos rnams thams cad dngos med par// sems kyis bsgom par byas nas kyang // a las zla ba'i dkyil 'khor bsam// rang gi sa bon de dbus su// bsam nas dam tshig phyag rgya yang // bsam zhing de bzhin de nyid du// sgrub pa po ni sbyar bar bya// lha'i rnal 'byor tshul du bsgyur// de nas rang gis sa bon dang // phyag rgyas phyag rgya de byin brlab// lta 'og go rim ji bzhin du// sangs rgyas rnams kyis dbang bskur ro// de nas nga rgyal bskyed nas yang / mkhas pa yis bsgrub byas nas// de bzhin gshegs kyang bsgrub 'gyur na// dngos grub gzhan lta smos ci dgos// de nas tshangs pa'i lha chen po rnams kyis bcom

  81. 315a

    ldan 'das la phyag 'tshal nas 'di skad ces gsol to// bcom ldan 'das rgyal po dang / rgyal po'i bu dang / rgyal po'i blon po dang / rgyal rigs dang / rje'u rigs dang / rmangs rigs dang / gzhan yang dma' zhing kho re chung ba phyag dar ba dang / mtha' 'khob pa'i rigs can gyi skye bo rnams dkyil 'khor gyi rgyal po 'dir zhugs nas/ de dag gi rnams par smin pa ji lta bur 'gyur/ bcom ldan 'das kyis bka' stsal pa/ gang ma 'ongs pa'i sems can la phan pa'i phyir/ nga la zhugs te 'di ni legs so legs so// lha'i bu rnams kyi dkyil 'khor gyi rgyal po 'dir zhugs pa dang / dbang bskur ba dang / bris pa dang / 'dir bcug pa dang / rjes su yi rang ba dang / phyag byas pa dang / mchod pa rnams kyi 'bras bu dang / rnam par smin pa rnams kyi 'bras bu nyon cig/ lha'i bu rnams mdor na nga rgyal yang de'i yon tan bshad pa'i spobs pa med de/ de'i bsod nams kyi phung po gang yin pa de ni brgya phrag stong du mar bsgyur kyang / grangs su yang mi chog bgrangs par yang mi chog/ dper yang mi bzod/ de bzhin du de bzhin gshegs pa thams cad kyi bsod nams kyi phung pos mi bzod do// dkyil 'khor 'dir zhugs

  82. 315b

    pa'i sems can rnams kyis 'bras bu dang / rnam par smin pa gang lags pa ni bcom ldan 'das ngo mtshar che'o// rdo rje 'dzin pa ngo mtshar che'o// bcom ldan 'das bdag gis dkyil 'khor la sogs par zhugs par spro'o// bcom ldan 'das rdo rje 'dzin par spro lags so// de nas lha de dag de bzhin du phyag 'tshal nas 'di skad ces gsol to// bcom ldan 'das 'dzam bu gling gi sems can bsod nams chung zhing tshe 'thung ba dang / ngan song gi rgyu dang ldan pa dang / sems can dmyal ba dang / yi dgas dang / byol song rnamasu skyes pa mchis na/ bcom ldan 'das de dag la bdag cag gis ji ltar bsgrub par bgyi/ kye lha'i bu rnams sems can de dag ni dkyil 'khor 'dir chug shig/ chos kyi yi ge zlos su chug shig/ des sems can de dag tshe ring bar 'gyur/ bsod nams dang bral ba rnams bsod nams dang ldan par 'gyur// / ngan song las rnam par grol bar 'gyur ro// kye lha'i sras rnams ngan song du skyes zin pa gang yin pa de dag gi ming la yang dbang bskar cig/ gzugs brnyan la yang dbang bskur bar bos shig/ mchod rten la yang dbang bskur bar byos shig/ rang gi lha'i ska la yang dbang bskur bar byas shig/ chung ngu na de dang rigs

  83. 316a

    mthun pa dang / de'i bu dang rigs mthun pa dang / de'i ming 'dzin pa 'am bran la yang dbang bskur cig/ zhag bdun du dkyil 'khor la bcug ste dbang bskur na/ gdon mi za bar zhag bdun gyis ngan song gi sgrib pa las rnam par grol bar 'gyur ro// lha'i bu rnams de'i ming nas smos te 'bum phrag gnyis sam gsum 'am/ 'bum phrag bzhin 'bum phrag brgya phrag stong gi bar du bzlas brjod byas nas/ mtshams med pa lnga byas pa yang rnam par byang bar 'gyur ro// sdig pa chung ngu byas pa rnams lta ci smos kyang ci dgos/ lha'i bu rnams zhi ba yi hom khung tha ma bar mchog/ khru gang khru do khru bzhi pa'i// zlum po nyid du byas nas ni// de'i ming yang nyung skar gyis// brgya phrag stong du bsregs byas nas// ngan song kun las thar bar 'gyur// de yi sha dang rus pa dang // skra dang thal ba la sogs pas// cho ga de dang 'dra bar ni// sbyin sregs byas na ngan song yang kun las rnam par thar par 'gyur// de'i dbus su 'khor lo ni// rtsibs brgyad 'od zer dkar 'bar bri// 'khor lo rdo rje rtse sde pa// 'od zer dkar dang ldan par bris// de nas rdo rje rgya gram dang // rdo rje ni chen tu skyes mchog/ de nas sdig pa bzhon

  84. 316b

    pa'i phyir// phyag rgya sna tshogs bzhag par bya// phyi yi rdo rje rims ni// phyag rgya rnams ni phyi rol bri// gza' dang skar ma'i mtshan ma dang // de ltar 'jig rten skyong ba rnams// gtso bo ri mo lugs ma 'am// rdo rje can dang lhan cig bzhag/ bya dang bum pa dag pa dang // gtor ma lha bshos rab dkar bzhag/ mdor na thig ni btab nas kyang // cho ga bzhin du bri bar bya// dkar po'i gos ni gon nas kyang // sangs rgyas gzugs can mi 'jigs pas// ngan song rgyud nas gnas pa yi// sems can rjes su dran byed cing // sdig pa sgrib pa sbyang ba'i phyir// dag pa'i rgyud kyis sbyin bsreg na// mar dang 'o ma sbrang rtsi chen// 'bras yos nyungs dkar bsreg pa dang // de yi rus pa sha la sogs// yang na ming nas smos te bya// de ni bede 'gror skyes nas kyang // mkhas pas rgyas par bya dgos te// khra de 'am khru bzhi pa/ de ltar mchog ni khru brgyad pa// byas nas hom khung grub bzhi pa// kun ta mu ran ldan par bya// de dbus pad ma rin chen dang // 'od zer ser po ldan pa bri// 'khor yug tu ni rin chen dang / mu ran rnams la chu skyes bri/ phyi rol du ni rigs lnga bri// so so'i phyag rgya bri bar bya// de ltar phyi'i lha rnams dang // lcags kyu la sogs

  85. 317a

    bri bar bya// gos rnams ser po bsgyur nas kyang // mtho ris gnas pa rjes dran zhing // de la phan zhing rgyas pa'i phyir// rgyal ba'i las ni byas pas kyang // lus can de ni tshe dang dpal// gzi brjid bde ba'i longs spyod 'phel// de nas phan phyir nges par yang // dbang du bya ba'i las byas te// hom khung gzhu'i dbyibs 'dra ba// khra gang ba 'am khra do 'am/ khru bzhi par byas de dbus su// pad ma dmar po bris nas kyang // de'i dbusu dmar bcas pas// gzhu yang de bzhin bri bar bya// 'khor yug tu ni mdar bcas pa'i// gzhu ni kha dog dmar po bri// sngags rdzogs pa'i rtag par yang // phyi rol de dang 'dra bar bya// sems can de yang dran bya ste// dmar por gyur pa'i gos gon la// me tog dmar ram pad ma dmar// 'bras bu dmar ram tshos bkras bsam// mar ra ma gar gum bsres pa dang // tsan dan dmar po'i phye ma yis// sbyin bsreg bya nas lha la sogs// thams cad de yi dbang du 'gyur// de la gdon rnams rnam gzhoms byed/ mngon spyod kyang ni tsam byas te// byed dang gsum 'am khro gsum 'am// de ltar dam pa khru dgu bya// khru gsum dang ni ldan pa dang // dbus su rdo rje rtse dgu'o//

  86. 317b

    rtse gsum pa dang rgya gram pa'i// rdo rje rnams dang dbyug pa dang // mgo rtse gsum pa'i rdo rje dang // dgra sta rtse cig mu khyad skor// phyi rol tu yang rim gsum du/ snga ma bzhin du brgyan par bya// snga ma bzhin du brgyan par bya// bya dang gtor ma bum pa dang // bshos gtsang rnam pa mang du bzhag/ sha dang khrag gis bkang ba yi// mgo bo'i thod pa kun tu bzhag/ de yis lus can sdig sogs dang // bgegs rnams gzhom par bya ba'i phyir/ gos nag bgo zhing 'khros nas kyang // 'jig rten// gsum rgyal bdag nyid sbyar// de nas de yi sdig bcom lus// bgegs dang bral te ci bde bar// mtho rigs 'jig rten mi'i nang // mkhas pa yi ni ci dgar spyod// go rim 'di dag nyid kyi no// tshe 'di gnas la bya ba ste// de nas gang gis phyir bya ba// de yi phyir yang de bzhin 'gyur// gzhan dag gis ni las rnams kyang // snga ma bzhin du de ltar bya// des ni sems can rnams la yang // myur du bde skyid 'grub par 'gyur// de nas tshangs pa la sogs pa'i lha rnams yid mgu nas// bcom ldan 'das la phyag 'tshal nas// 'di skad ces gsol to// bcom ldan 'das ngan song du skyes pa'i sems can rnams kyi don dang phan pa dang bde ba'i slad du/ brtag pa'i rgyal po 'di

  87. 318a

    bri ba dang // brir 'jug pa'i rigs kyi bu 'am rigs kyi bu mo rnams bdag cag tshangs pa la sogs pa'i lha rnams kyis bu bzhin du yongs su sbyang bar bgyi'o// gang rgyal po dang / rgyal po'i bu dang / rgyal po'i blon po rnams dang / ji ltar gsungs pa'i rjes su slob na/ de'i rgyal srid 'phel bar bgyi/ yul phyogs dang rang gi skye bo dang / yongs kyi skye bo dang / bran la sogs pa bsrung bar bgyi// nor dang 'bru rnams mang du 'byor par bgyi/ bud med dang skyes pa dang / khye'u dang bu mo rnams dang ldan par bgyi/ 'byor pa dang / rgyas pa dang / lo legs pa dang / zhi ba dang / zhi ba rnams su bgyid na/ ji ltar bshad pa las mi rtogs par bgyi ba lta smos yang ci 'tshal gang gis brtag pa'i rgyal po'i dkyil 'khor 'di dad pas rgyal mtshan gyi rtse mo la btags te/ grong dang grong khyer du btsugs la// bdag nyid kyis bsdus pa dang / glang po che'i steng du bzhag la/ grong dang grong khyer la sogs pa thams cad bskor na/ nad dang gdon gnod pa thams cad ma mchis par 'gyur la/ sems can chen po de'i drang na bdag bran gyi tshal lam/ bu'i tshul du gnas par bgyi'o// gang 'di rab tu spyod pa de na bcom ldan 'das phyag na rdo rje nyid longs spyod pa'i skus rdo rje sems dpa'i skur bzhugs

  88. 318b

    par 'tshal bar bgyi ste/ bcom ldan 'das rdo rje sems dpa' kun tu bzang po re ba thams cad yongs su skong ba de nyid brtag pa'i rgyal po'i gzugs bzhugs par 'tshal bar bgyi'o// de bzhin gshegs pa thams cad 'khor dang bcas te bzhugs par 'tshal bar bgyi'o// sa phyogs de mchod rten du gyur par 'tshal bar bgyi'o// mchod par bgyi ste phyag 'tshal bar bgyi'o// kun tu bsrung bar bgyi'o// bdag cag tshangs pa la sogs pa'i lha rnams kyis brtag pa'i rgyal po 'di kun la rgyas par 'chad pa'i rdo rje slob dpon dka' thub chen po'i g.yog bgyi/ bran gyi tshul du gnas par bgyi'o// bka' nyan pa'i tshul du gnas par bgyi'o// sgo ba thams cad mnyan par bgyi'o// phan pa dang bde ba thams cad bgyi'o// dngos grub yang btsal bar bgyi'o// bcom ldan 'das mdor na de'i rkang pa'i rdul mgo bos blang bar bgyi'o// bcom ldan 'das la phyag bgyi'o// rdo rje sems dpa' lags par 'tshal bar bgyi'o// de bzhin gshegs pa lags par bgyi'o// de nas bcom ldan 'das phyag na rdo rje tshangs pa la so ba'i lha rnams la 'di skad ces bka' stsal to// tshangs pa la sogs pa'i lha rnams chos la rim gro byas pas/ de ltar dam tshig bcas par gyur pa gang yin pa de ni legs

  89. 319a

    so legs so// legs par bsgrubs shig/ de nas bcom ldan 'das phyag na rdo rjes sngags rig pa dang / phyag rgya dang snying po thams cad brtan par bya ba'i phyir nyid kyi snying po 'di bshad do// oM badz+ra b+h+r-i hU~M/ oM badz+ra pa Ni dri d+ha ti shwahUM/ oM hUM/ a/ oM badz+ra hUM phaT/ oM trit+ta badz+ra hUM phaT/ oM badz+ra hUM sa hUM/ oM badz+ra hUM ya/ de nas de dag gi dkyil 'khor bshad de/ dkyil 'khor snga ma bzhin bris la// dbus su rdo rje bri bar bya// yang na rdo rje sems dpa' 'am// kun tu bzang po bde ba che// spyan sngar phyag na rdo rje la// g.yas su ni rin chen bsnams pa bri// rnam par gsal ba nub phyogs bri// byang phyogs phyag na rgya gram bsnams// phyi rol du ni bkun bskor zhing / sangs rgyas thams cad bzhag par bya// de'i phyi rol sems dpa' rnams// go rim bzhin du bri bar bya// de'i phyi rol sems dpa' rnams// byams pa la sogs mchog chen bri// de ltar dge slong kun dga' sogs// thub rnams de'i phyi rol bri// rang gi chung ma bus bskor ba'i// tshangs pa la sogs phyi rol bri// gza' dang skar ma lha rnams dang // rgyal po chen po bzhi dang ni// phyogs skyong 'jig rten skyong ba rnams// de'i phyi rol dmyal ba kun// 'dod chags la sogs byol song 'dra// sgo sgor

  90. 319b

    bsrung ba de bzhin du// sgo ba stobs kyi dam pa rnams// dri rnams lnga yi nus bkang ba'i// gser gyi bum pa 'od can dang // gtor ma dang ni lha bshos dang // me tog gdus pa rab mdzes dang // gdugs dang rgyal mtshan 'phan rnams dang // bla re dang ni rnga mchog dang // dril bu rdo rje nor bu dang // do shal nyi zla la sogs brgyan// 'dod chag rnams kyis 'bras bu ni// 'dod pa'i yon tan lngas bkang ngo // de nas sngags mkhan nyid kyi ni// spyan drangs bdag nyid kyis ni dbang bskur la// sdoms gnas dam tshig ldan pa dang // bla ma mos shing mi 'jigs pa// rigs skyes byon dang bral ba dang // ser sna ma lus spangs 'gyur zhing // yon tan mang por ldan gyur dang / stong dang tshul khrims mang du thos// byams pa dang ni snying rje'i sems// dga' dang btang snyoms gnas pa dang // stong pa mtshan ma med pa'i sems// smon pa med pa'i sems ldan pa'i// slob ma dam pa sngags 'di yis// byang chub tu ni sems bskyed la// sngags mkhan gyis ni bzung bar bya/ oM badz+ra hUM dza/ oM badz+ra sa ma ya a/ pra be sha yahu~M/ o badz+ra ba ni pra tI na/ badz+ras snyam hA su ka r+b+he/ bas to// sa ma ya sto/ me tog gi phreng ba dor nas/ gang la bab pa'i sngags dang phyag rgyas mgo pa 'aci sa

  91. 320a

    bya'o// de nas dam tshig sbyin par bya ste/ oM ci ste khyod kyis su la yang rung ba la smras na ni/ phyag na rdo rje nyid kyis rdo rje 'bar zhing rab tu 'bar bas khyod kyis mgo bo bkas par 'gyur ro// oM badz+ra sa ma ya hri ha ts+tsha ma/ 'dis dam tshig gi chu blud la gdong g.yogs dkrol bar bya'o// oM badz+ra tsag she ba sha ho// ad gnya' pha ta lan te ma kha ya ni na hUM phaT/ de nas phyag na rdo rje dang sangs rgyas dang byang chub sems dpa' thams cad bstan to/ 5/ bcom ldan 'das kyis spyan sngar dbang bskur bar bya'o// oM badz+ra pa ni sA yan te/ oM na rag to a bi k+Shiny+tsa da/ oM badz+ra a b+hi k+Shiny+tsa sarba badz+ra a b+hi k+Shiny+tsA ka ta hUM a/ oM b+had d+ha a b+hi k+Shiny+tsa sarba b+hud d+ha ya b+hi k+She te au hUM/ oM rad na a b+hi kIny+dza rad na sarba a b+hi k+She ke te au traM/ oM pad ma a bi k+Shiny+tsa sarba pad ma a b+hi k+She ke te yo hI/ oM karma a b+hi k+Shiny+tsa sarba karma a bi k+She kaM te au a// / de nas bdag gi lus la sogs pa yon dbul la/ bka' nod par bya'o// oM sarba ta thA ga ta yang gnya' na a b+hi k+She ka te d+ha sa mi gra na/ badz+ra sing+ga ye swahA/ de nas las thams cad byed du 'jug cing dngos grub kyang sbyin no// bde bas bde ba bskyed nas ni// dkyil 'khor bzhi pa'i dbus su ni// kun tu bzang po bde ba che// bdag nyid kyi ni bsgom

  92. 320b

    nas kyang // snying khar hUM zhes bya ba bsam// rdo rje sems dpa' mnyam par 'gyur// dpal ldan las rnams kun byed cing // kun tu bzang po bdag nyid 'gyur/ de ltar 'gyur ba the tshom med// hUM las sangs rgyas gzugs 'gyur la// phyag na rdo rje bdag nyid 'gyur// snying khar 'khor lo rab bsgoms la// phyag na rdo rje 'dra bar 'gyur// rdo rje khro bo rnams bsgoms te// snying kha'i dbus su phaT ces bya// hUM zhes bya bskor bsam nas// khro bo chen po nyid du 'gyur// rdo rje brtan par bdag bsgoms la// snying kha ra traM oM zhes bya ba'i// bskor ba'i hUM dang taM ldan pa'i// bsams na rin chen 'dra bar 'gyur// rdo rje bsgoms la snying kha yi// dbu su hri zhes bya ba bsam/ oM zhes bya bas bskor bsam na// phyag na pad mo mnyam par 'gyur// 'khor lo rgya gram hUM ldan par// a zhes bya ba bskyed nas yang / oM zhes bya bas bskor bsam nas// rdo rje las dang mnyam par 'gyur// de nas las rnams bshad bya ste// zhi ba dang ni rgyas pa dang // de ltar dbang dang mngon spyod rnams// bzlas dang sprin bsregs cho ga yis// las rnams thams cad bya ba yin// rdo rje sems dpar bdag 'gyur la// zhi ba'i las rnams brtsam bya zhing // cho ga shes pas nang pa nyid// bzlas

  93. 321a

    brjod sbyin bsregs nyid byed zhing // 'od zer sprin gyis de lus la// pho brang 'gyur ba rnams bsgoms la// rtag tu shar ltas 'od zer gyis// nyes pa thams cad sel byed pa// 'di ni sems can phan dga' bas// de bzhin gshegs pa'i rigs las byas// kun tu bzang po'i sku chen nam// bde ba chen por bsam nas yang // nang ma re re 'od byed pa// snga ma bzhin du las byas te// nang par sngar ni sems can rnams// sdig can sems ni zhi bar byed// ge sar 'od mdzes cing 'bar ba'i// rin chen 'dzin du bsams nas ni// bza' ba legs byas nyi ma yi// gung la rgyas pa'i las shis te// rin chen 'dra bas khung bskos te// bzlas dang sbyin bsregs rab tu bya// yang na sngags pas snga ma bzhin// 'od kyis lus la rab gang ste// sbyor dang ldan pas khung bu ni// pad mo 'dzin par bdag sbyar la// rgas dang nye ba nyi ma'i mthar// bzlas dang sbyin bsregs nyid byed cing // 'od zer sprin gyi rab bkang nas// thams cad ma lus dbang du bya// 'dren pa kun tu bzang po yis// zhi ba'i las kyis rab tu bya// rdo rje rin tshon rgyas pa ste// dbang bskur ba yang de bzhin no// dpal gyi rnam rgyal

  94. 321b

    de bzhin du// longs spyod dbang phyug dpal mnyam med// rdo rje nyi ma'i gzi brjid dang // mdog sdug shin tu 'bar bar bya// gzhad cing smad du mdzes pas ni// dga' mgu rangs pa rnams su 'gyur// pad+mo bzhad pas chos kun ni// rtogs mdzad sangs rgyas thams cad kyang // mnyes 'gyur lha bran smos ci dgos// gzhan gyi rigs mchog tshogs rnams dang / rnon pos mchod pa nyid du mdzod// gdon dang yi dgas 'dre rnams dang // gnod sbyin srin po bka' nyan dang // bza' mchog brgyad po ma rungs rnams// 'khor los tsan 'byin par mdzad// lkugs dang lkugs pa ma yin dang // glan rnams mi smra smra bar mdzod// lce la dza zhes bya ba yis// ma rungs rnams yang lkugs par mdzad// rgya gram gyis ni mchod pa dang // sems can don mdzad thams cad ston// haM zhes bya bas 'phro mdzad cing // rdo rje bsrung bas bsrung ba mdzad// hUM zhes bya ba'i so yis ni// rdo rje gnod sbyin nyid kyis kyang // ma rungs rab tu ma rungs kun// za byed sdig spyod smos ci dgos// ma rungs snying kha dam du ni// baM zhes bya ba bsams nas yang // dug dang rims dang gdon la sogs// rdo rje sems dpas bcings par mdzod// bzlas dang sbyin bsregs las rnams kyis// dgos pa thams cad 'grub par 'gyur// 'od zeragasal

  95. 322a

    bi dngos po la// rgyas par gyur par bsgom bya zhing // zhi ba lha yi rnal 'byor nga // zhi ba'i sems kyis zhi bya ba// rang gi lus ni gser gcos dang // nyi ma gsal shar dge 'dra dang // bsam pa brgyas dang bya ba'i phyir// 'od zer sprin gyi dgang bar bya// pad ma sems dpa'i ting 'dzin gyis// hri 'dra 'od zer btab pa yis// snying la kun tu bskor byed cing // 'dod pa kun gyis dbang du byed// rdo rje hUM gi ting 'dzin gyis// 'khros nas rdo rje mtshon cha'i char// sdig spyod lus la dbab gyur nas/ de ma thag tu gsod par 'gyur// de nas bcom ldan 'das phyag na rdo rje la phyag 'tshal nas 'di skad ces gsol to// bcom ldan 'das phyag na rdo rjes sems can thams cad la phan pa'i phyir the tshom thams cad gcod pa// ngan song thams cad zlog pa'i brtag pa dam pa 'di bshad pa legs so legs so// // de nas bcom ldan 'das phyag na rdo rje phyag rgya'i le'u 'di bshad do// lag pa gnyis mdun du bzhag la/ a las zla ba'i dkyil 'khor du byin gyis brlab par bsam ste/ hUM zhes bya ba dang / a zhes bya bas zla ba'i dkyil 'khor de nyid byin gyis brlabs la/ lag pa gnyis thal mo gnyis ka la sogs pa'i yi ge bcu drug gis kun tu dgang zhing 'phro bar byas te// mthe bong gnyis la oM/

  96. 322b

    zhes bya bar bsam/ gung mo gnyis la traM zhes bya ba bsam/ 'dzub mo gnyis la hUM zhes bya ba bzhag/ srin lag gnyis la hri zhes bya ba bzhag/ the chung gnyis la a zhes bya ba bzhag/ de ltar yi ge rnams bzhag par byas nas/ de bzhin gshegs pa rnams yin par bsam pa bskyed de/ chos thams cad gcig la cig 'dres pa dang bdag dang yang rjes su 'thun par dran par byas te/ lag pa gnyis pad mo lta bur sbar la/ oM zhes bya ba gnyis brkyang ba dang / a zhes bya ba gnyis bkug ste/ de bzhin du hUM zhes bya ba dang / hri zhes bya ba gnyis pad mo'i 'dab ma 'dra bar bya'o// traM zhes bya ba gnyis gzhibs te brkyang la/ 'di na bcom ldan 'das kyi rtsa ba'i phyag rgya las thams cad dang ldan pa'i dam tshig go// de nyid rnon po ldan pa dang / de las rab tu 'khor lo dang 'dra ba ni 'khor lo'o// de nyid las khar bzhag pa ni sgra'i ste/ 'di ni phyag rgya'i tshogs so// de nyid gnyis su byas nas las kyi byas na las kyi'o// g.yon pa mgo thod thogs 'dra dang // g.yas pa mdung rtse rtse gsum pa// g.yon pa pad ma kha 'dzum dang / g.yas pa oM zhes bya bar bzhag/ g.yon pa 'khor lo dbyug to gsum// a dang oM gnyis rtse sprad la// lkog ma gsum ni rdo rje can// hUM dang mo gnyis bzhugs byas la/

  97. 323a

    lhag ma mdar byas mda' can gyi'o// lag pa g.yas g.yon 'khor lor bya// 'di ni nyi ma zla ba zhal// thal mo dal sbyar sor mo 'gro/ gza' lag rtag tu se gol rtog/ de nyid tshig dbang gsungs pa ste// mchul tshig 'byung 'dra bar bzhag/ pa wa sangs ni gnyis mnyam sbyar// spen pa dbyung ba 'dzin pa bya// ban glang sna ni chu srin 'dra// shes bya rgyu skar me tog 'dra// de nyid bskor na kleg phreng ni// bla 'og bzhag pa sprin phyag rgya// 'di dag snying po'i phyag rgya ste/ las kyi phyag rgya 'di nyid do// de las srin lag sbas pa ni// phyag na rdo rje'i phyag rgya'o// de hUM zhes bya ba'i tshig bar ma bcag pa ni/ dbang bskur bar sbyin par byed pa ste/ nam mkha'i snying po'i phyag rgya'o// de nyid la hUM zhes pa'i bsdams pa la// srin lag pad ma 'dra bar byas pa 'di ni pad ma las byung ba'i phyag rgya'o// de nyid hUM zhes bya ba dang hri zhes bya ba gnyis bzhibs te bsgreng ba ni/ bcom ldan 'das rdo rje sems dpa'i phyag rgya'o// de nyid las pad mo 'dra bar byas pa ni bde ba chen po'i phyag rgya'o// de nyid las 'od zer 'phro ba'i tshul du byas pa ni kun tu bzang po'i phyag rgya'o// de nyid nang du bkug pa ni khro bo sna tshogs kyi phyag rgya gzi can no// de nyid las shin tu bsdams pa ni rdo rje bsdams

  98. 323b

    pa'o// brkyang ba ni bsrung ba'o// hUM zhes bya ba'i so ni gnod sbyin no// hUM zhes bya ba gnyis lcags kyur byas pa ni dgug pa'o// de nyid mngar byas pa ni 'dod pa'o// oM zhes bya ba gnyis sbyar ba ni dgos pa'o// de nyid 'khor lo lta bur byas pa ni gzi brjid kyi'o// de nyid nor bu 'dra bar byas pa rgyal mtshan gyi'o// skar na bzhad pa ste de nyid khar bzhag na dges shing 'dzum pa mdzad pa ya mtshan no// thal mo pad mo ltar bkugs pa ni pad ma'i 'o// a zhes bya ba dang / oM zhes bya ba nang du bkug pa ni ral gri'i phyag rgya'o// gcig la cig sbyar ba ni 'khor lo'o// snga ma las oM zhes bya ba gnyis khar bzhag pa ni tshig 'byung ba ni/ mdor na phyag rgya 'di dag la ni las thams cad sbyin par byed pa'o// de nyid sbrul du sbrul mgor 'gyur// kun tu gnod sprin mche ba 'dra// srin po yi ni khrag 'phrog pa// lag pas skor ba ba rlung gi ste// dbyug tor ldan paM gnod sprin no// bum pa bzhag pa nor gyi ste// mthe bo ni le rna 'dra bya// mgo bo'i thod pa nag po ste// 'bring gi ri ti lag rkyang pa// pi baM g.yon thogs dri za'o// lag gnyis 'bar ba me 'bar ba// gung mo dbyug 'drag shin rje yi// rnol khro dang dbang sgyur ba// mthe chung ral gri 'dzub bzhag pa// rlung gi phyag rgya rgyal mtshan yin/

  99. 324a

    de la sogs pa'i phyag rgya rnams// lag las skye ba skyes par 'gyur// lha rnams kun gyi thun mong du// pad ma'i phyag rgya bkra shis te// klu rnams shes bya yud pa la// de ltar sor ni gnod sbyin rnams// srin po rnams kyi mgo bo'i tshal// bud med rnams kyi sor bcu snol// gza' rnams kyi ni dbyug pa'i tshul/ arga dbul ba rgyu skar rnams// de dag kun gyi sems bsgrub pa'i// mgo bo'i thod pa khar bzhag pa// phyag rgya 'di ni phra men ma'i// mgo thod lce yi phyag rgya ni// rdo rje rnal 'byor ma yi bshad// de dag kun gyi thun mong du// phyag rgya chen po bshad par bya// thal mo brkyang ba bshad par bya// yang na thal mo pad mor bya// rdo rje khu tshur bcings nas ni// a zhes bya ba lu gu rgyud// hUM zhes bya ba gnyis bsgrengs la// phyag na rdo rje'i phyag rgya ni// rdo rje bsdams pa bsdams nas yang // hUM dang a gnyis bzhibs te bsgreng // oM zhes bya ba nges 'bar ba'i// phyag rgya snang bar byed par dgongs// de la a zhes bya bas bcings// oM zhes bya ba nang du bzhug/ a zhes bya ba sngon bzhin sbyar// oM yang a dang 'dra bar bya// traM zhes bya ba bzhibs nas ni// e dang oM gnyis lu gu rgyud// lhag ma bzhibs pa'i phyag rgya 'di// bdud rtsi 'khyil bar shes par bya// traM zhes bya ba

  100. 324b

    bzhibs nas ni// hUM zhes bya ba de bzhin no// de yang las rnams kun la gsungs// spun gyi mig dang 'dra bar bshad// ma ma ki ni rdo rjer bshad// kar mo pad ma nyid du bshad// ud pa li ni sgrol mar dgongs// // sa sa sa sa/ sa sa sas/ sa sa sa sa/ sa sa sa sa/ ba ba ba ba/ ba ba ba ba/ ba ba ba ba/ bab pa pa/ dzA dzA dz+re dz+wa/ dz+ra dz+ra dzA dzA/ dz+wa dz+wa dzA dzA/ dzu dzA dz+wa dzA/ ta ta tAtA/ tA twa ta tA/ tA tA tA tA/ tata tA ta/ hUM dza ho da/ tre rang gi ha/ hring+gi ke b+ha/ ka ra k+ShaM saM/ oM b+hud d+ha lo tsan d+ha/ oM badz+ra mA ma ki traM/ oM badz+ra ban d+ha re d+he hi d+he ti/ sid d+hi din 'bu'i 'u din/ lo gong / d+hi ra ma b+ha swa hA/ oM badz+ra ta re tud+ha re hUM hA hUM swa hA sahA/ zhi ba'i brdung ba'o// shaM ba ta pa ta/ shAM ba ta shAM pa ta/ shaM pa ta shaM pa ta/ shAM ba ta shaM pa ta/ shAM pa ta shaM pa ta/ shAM pa ta shaM pa ta/ shaM pa ta shaM pa ta/ shAM pa ta shaM pa ta/ shaM pa ta shAM pa ta/ shAM pa ta shaM pa ta/ rgyas pa'i 'ardung ba/ b+hU b+h+rUM b+h+r-i g+haM b+h+yAM g+haM g+h+raM b+h+raM g+h+raM g+haM g+h+raM b+h+yAM g+h+ra g+h+raM g+h+raM g+h+raM/ dbang gi brdung ba/ ho dz+nye ha~Md+b+ha ho d+h+r-itsa d+hu nai d+hurba r+d+ha r+d+ha d+had+hurba d+hu dzad+he tsA d+ha hid+d+he do d+he hod+b+ha tse d+hu do hUM/ mngon spyod bajungag Shata kha ta kha ga khang la ka ba tar m-i ny-i la ti li mo ny-im ti to kha~M ta kha ta/ de nas lha rnams mi ga nas bya ba ni rdo rje la bag 'tshal te/ khro bo'i kho la bshad pa'i phyin/ kyi

  101. 325a

    gsol ba 'debs pa nyid du 'gyur// de nas bcom ldan 'das phyag na rdo rje sems dpa'i skur bzhugs te/ gnyis su med par mnyam pa zhes bya ba'i ting nge 'dzin la snyoms par zhugs te// rdo rje sems dpa' khro bo me'i rdo rje nyi ma zhes bya ba'i snying po nyid kyis thugs kha nas byung ngo // oM badz+ra sad ta kro ta a na la/ na ma hA badz+ra kro d+ha/ ta pa tA pa/ bi tra pa bi tra ba/ sarba a ba yA/ na ga sha na sha/ ha rA ha ra/ pra nan hUM phaT/ oM te lo ka ra hUM phaT/ oM te log d+ha ma ka hUM phaT/ oM tre log kru N+ya shen+d+ra hUM phaT/ oM tri b+ha ban+d+ha d+ha kA hUM phaT/ oM ya mri te hUM phaT/ oM ka la d+ha na d+ha hUM phaT/ oM ka ni du ni hUM phaT/ oM hrI hUM phaT/ oM ka la a b+hu sha hUM phaT/ oM ka la pa sha hUM phaT/ oM ka la ban d+ha hUM phaT/ oM ka la ra ga hUM phaT/ oM ka la ra ga kA si hUM phaT/ oM ka la d+ha na d+ha hUM phaT/ oM ka la ri ti hUM phaT/ oM ka la ya k+Sha si hUM phaT/ de nas dkyil 'khor mi zad pa// che ba'i mchog ste rtsibs bcu gnyis// lha rdzas 'bar ba'i phreng bas dkris// shin tu 'bar zhing cher 'bar ba// de ltar dkyil 'khor bris nas kyang // rdo rje sems dpa' bzhag par bya// 'jig rten gsum snang la sogs khro bo kun// ma rungs snying khar gnan nas sdig byed cing // zhal ni shin tu 'jigs 'jigs lta/

  102. 325b

    phyag ni brgya phrag du mar ldan// sbrul dang mi sdug mgos brgyan pa// stag lpags kyi ni rmad g.yog dgos// sgyu ma thogs zhing dbu' mtha' yas// mgo thod shas bkang phyag na bsnams// de ltar bris nas phyi rol du// srin mo'i tshogs rnams bzhag par bya// sgo ba rnams ni ji bzhin du// rang gi phyag rgya'i phyag mtshan can// de nas bdud rtsi gang yin pa// bum pa bcu drug bzhag par bya// bdug pa me tog dri zhim dang // mar me dang ni bro snod dang // kha zas bkang ba'i gtor ma dang // bza' dang bca' dang bdud rtsi ces// mgo thod gang bar gyur pa rnams// dkyil 'khor da ni mang da bzhag/ de nas slob dpon bdag nyid yang // mgu nas mgo thod phyag rgyas bzhugs// phyag rgya de dang de yi ni// sha rnams kun gyi dam tshig gsol// de nas 'od ldan snyed nas ni// hUM zhes bya ba bsgrub par ba// de nas sngags mkhan sgo sgor yang // de nyid dran byed snyen par bya// de ni nges par dngos grub ste// yud tsam 'jig rten gsum dbang sbyar// dkyil 'khor du ni tshogs rnams dang // rang gi lha yi tshogs rnams la// rgyud las 'byung ba'i dam tshig brjod// de nas mchod de lang nas kyang // tshogs chen rdo rje sems dpa' yis// tshul du gnas nas 'byung bar bya// de nas slob ma bsdus nas ni// lag na rin

  103. 326a

    / chen thogs te bzhugs// oM badz+ra kro ta sa ma ya hUM/ oM badz+ra rak+Sha si phaT/ oM badz+ra kro d+ha na la rkang pu ra pra ti dza hUM/ oM badz+ra kro ta na ni rak+Sha hUM/ ba sha hUM/ oM badz+ra kro ta sa ma ye bi pa hU~M phaT// oM badz+ra kro ta sa ma yan ti kra ma hUM phaT/ oM badz+ra kro d+ha ri d+hi sa ma ya a b+hi k+Shiny+tsa hUM phaT/ 'dis dbang bskur la/ de bzhin du dbang bskar bya'o// de nas de dag gi bsgrub pa bshad de/ bdag nyid khro bor snyoms zhugs te// de nas snying khar nyi ma bsgom// rang gi chos kyi yi ge las// khros nas yang dang yang khros shing // de nyid cig tu bsgom par bya// de nas grub 'gyur gzhan du min// khro bo'i rgyal po las dngos su// bsod pa yin par bshad mod kyi// zhi dang dbang dang rgyas pa rnams// de dag byed 'gyur gdon mi za// rdo rje sems dpa'i ting 'dzin gnas// khro bo'i dkyil 'khor sgom byas la// gdugs pa'i na 'dzin byed cing // mdor na dug rims gdon la sogs// de bzhin de dag thams cad ni// thabs la sogs pas 'jigs pa// khros nas snying las 'byung 'gyur ba// bsad pa'i las la bsam par bya// khros par gyur pa rgod pa'i khas// sha dang khrag rnams 'jib byed cing // de dag 'tsho ba 'phrog par byed// bsam na nges par rlag par 'gyur// khro bo 'ag

  104. 326b

    rten gsum snang mdzad// zla ba 'dra ba dge bsam zhing // 'od zer byung ba mang po yis// khyab par gyur pa rnams bsams la// rims dang dug dang gdon la sogs// 'od zer des ni phyung nas yang // de yi nang gnod pa rnams// zhi ba'i phyir ni ring du dor// de nas hUM ni tshig bzhag pa// rdo rje lta bur lus bsam zhing // haM gi 'khor los go char bya// 'od zer chu'i dbang bskur ro// de nas de yi ming smos la// bzlas pas tshul bzhin bsam par bya// de nas/ khung bu gsum la rnam cig ni// zla ba rgyas pa'i 'od zer 'phro 'dra la/ khra gang tsam 'am khru do ba// mi rgyal mchog rnams kyis ni gnyis su 'gyur// de yis sa rnams rnam par sbyang byas te// 'khor lo'i steng na zla ba'i dkyil 'khor gyi// dbus su/ rdo rje rtse lngar gyur pa cig/ 'od zer dkar pos phreng bskor gzi can gyi// phyag rgya'i tshogs rnams cad bri bar bya// rigs rgyal sogs pa yi zur phyin cing // rgyal po bzhi'i ji bzhin phyag mtshan rnams// phyogs kyi bdag po rnams yang phyogs phyogasu// lha chen la sogs phyag rgya khyab 'jug dang // 'khor lo lta bu nyid du bri bar bya// dri zhim nus bkang mdog 'od dkar gyur pa// dkar po shin tu bkris pa'i bum pa brgyad// dkar gsum gang ba'i gtor ma lha bshos dang // bdug pa mar me me tog rnams

  105. 327a

    kyang bzhag/ mchod pa bya ba phyir ni bla re dang // gdugs dang rgyal mtshan rnga ma la sogs bzhag/ nang reg bur bcas pa'i dri zhim pa'i tsan dan la sogs pa'i byug pa byug/ kha ni shar phyogs bltas te sbyin bsregs bya// de bzhin gshegs pa'i stan la 'dug bya 'am// yang na rnal 'byor ldan zhing sems dpa'i gdan// go sa la sogs pa dkar dang phreng ba dkar gyi brgyan// mar dang 'o ma sbrang rtsi dang // nas kyi thug pa la sogs rnams rnams// til mar dang ni til nyid dang // nyung dkar dang ni 'bras yos dang // 'bras chen dang ni gro rnams dang // me tog shin tu dri zhim rnams// ga bur dang ni bsres nas kyang // tsan dan dkar pos bgos pa dang // 'dab bdun me tog 'bras rnams dang // zho dang ldan par yam shing la// de dag khu bu'i khyad par las// rang gi sor gyis gcal bya zhing // nyi shu rtsa bzhi yan cad mchog/ sor bcu drug ni bar ma ste// tha ma bcu gnyis nyid du shes// shin tu chung na sor brgyad de// bud shing zho dang ldan pa la// dri chus skus par shes par bya// bud shing de las byang ba'i ma// slar nas dri chus gtor nas ni// pad ma dkar po zhal 'dra dge/ pad ma nor bu rig pa thogs// lags

  106. 327b

    na ldan dgar mchog thogs pa// pad ma dkar po gdan stengs 'dug/ de lta'i me lnga kun nas yang // arga blangs te dbul bar bya// de nas zla rgyas dkar po la// bzhugs pa'i 'gro phan spyan drangs te/ pad ma dkar po shar phyogs su// bsam ste steng du bzhag par bya// de nas de ltar bsam nas yang // sgrub bya rtag tu mdun bzhag ste// de yi nyes pa drangs nas ni// shin tu bsrings te sbar bar bya// nang par sngar ni rtsang 'gyur zhing // shin tu dri zhim lus byugs la// bdud rtsi bzhin bsam sprin bsreg bya// dam tshig 'di ni mda' bar dka'// lha rdzas bdud rtsi bro lnga 'di// dbang por me lha brtag byas la// khro bo de ni de lus su// spyan drangs nas ni bzhugs par bsam// de nas dang po khro bo la// sreg bya lan gsum dbul bar bya// de nas dkon mchog gsum po la// de nas me lha nyid la'o// de nas rdo rje sems dpa' la/ de nas lha rnams re re la// de nas bgegs la sogs la dbul// de nas yid 'ongs lha yang rung // de nas dbang por khro bo yi// sngags kyis yam shing sprin bsregs bya// de nas cig tu sreg nas yang // bdud rtsi sngags kyis btab nas yang // de bzhin sprin bsregs byas 'og tu// brgya stong rnyed dam yang na ni// brgya rtsa brgyad kyi bar du ni//

  107. 328a

    / khro bo nyid la dbul bar bya// de'i lus la dbang bskur zhing // mnyam par bzhag pas srung nas yang // 'jug tu mngon par mchod nas ni/ lha rnams thams cad gshegs su gsol// 'di ni zhi ba'i las rnams yang // 'grub 'gyur 'di la the tshom med// ci ste de ni sdig can nam// gal te mnyam par ma bzhags pas// de tshe dngos grub ma gyur na// stong pa nyid du rnam bsgoms la// de nas de bzhin byas nas kyang // gdon mi za bar dngos grub 'gyur// zhi ba'i las so// 'bras bur ldan pa'i nags tshal lam// yang na nags sam rgyal po dang // rgyal rigs khyim du rgyas pa ni// dga' ba'i sems kyis bya ba ste// khru do pa 'am khra bzhi pa 'am// de ltar mchog ni khru brgyad pa'o// chung mchog bar pa rnams la cig/ rgyas pa'i las ni bya ba yin// mdor na haM khung bya ba ni// stegs bu brtsigs te dkyil 'khor ni// chung ngu la ni khru brgyad ste// bar ma la ni khru bcu gnyis nyid// mchog la bcu drug yang na ni// nyi shu rtsa bzhir shes par bya/ mu khyud sor brgyad bcu drug gam// sum cu gnyis ni bya ba yin// byi yi 'khor lo de yi byed// pad ma rnams kyis brgyan par bya// pade ma'i tshogs ni brgyan par bya/

  108. 328b

    de yi dbus su rko ba ni// legs par brtags te phyed kyi tshad// grub bzhi pa 'am zur brgyad pa// yang na dpal skyes pad ma 'dra// mdor na 'jim pa ser po yis// / de bzhin khru mchog rkos nas ni// gur gum la sogs skas na yang // de yi 'bras bu bri ni// mtshon mchog ser pos skas nas yang // gser 'od 'dra bar bsgom par bya// de nas mtshon ni dmar ser gyis// rin tshon pad ma la sogs pa'i// phyag rgya'i dkyil 'khor 'khor yug te// gnas pa nyid du bri bar bya// rim gnyis yang na rim bzhi 'am// yang na rims pa brgyad ldan par// der ni sgo ba de dag nyid// phyag rgya'i gzugasu bri bar bya// bum pa kha dog gser 'dra zhing // dri dus rab tu bkang bas/ shin tu mdzes brgyan bcu gnyis sam/ sum cu gnyis sam bcu drug s+ho// 'bri ba'i da nimi shog/ brgyan yal ga ma togasatu/ ma pa dang // phreng ba mar me rgyan rnams dang // me tog la sogs ser pos brgyan// byang phyogs kha ltas 'dag nas ni// 'jig rten gsum rgyal khro bo yi// nyid kyi rnal 'byor rjes dran zhing / lha mi yid pazhin nor rgyal mtshan// gcom yi ni gser dang 'dra// de bzhin nyi bA kA be ra/ nor sbyin dang ni 'jam b+ha lA/ gse gyi

  109. 329a

    char ni rab 'bebs zhing // yid kyi 'dod pa skong mdzad pa// mdor na de yi 'od zer gyis// nges par dbang ni bskur bar bsams/ de nas rgyal srid thob 'gyur na// lus rgyas pa lta smos ci dgos// rgyas pa bya phyir de ming nas// smos te brgya rtsa brgya phrag brgyad// yang ni de bzhin stong phrag ni// brgya rtsa brgyad du bzlas pa bya// de nas sprin bsregs rab bya ste// byang phyogasu ni seng ge yi// gdan gyi steng na rin chen dang // pad ma nyi zla'i gdan steng na// rdo rje rin chen rin chen mchog/ rin chen dpal dang gzi brjid mchog/ rdo rje gzhad dang rgyal mtshan dang // brgyan rnams kun gyi brgyan pa ni// phyag ni mchog sprin gzhol ba dang // rin chen char yang 'bebs brtson zhing // 'od zer gser phreng thams cad kyis// de la shin tu khyab byed bsam// dang dang cang te'u pi baM dang / sil snyan glu dang gar mchog dang // mdor na mchod pa byas nas ni// de yi 'od du las tsam mo// khung bu'i khyad par nyid las yang // yam shing bud shing khyad par bya// 'dzub gang khu tshur bcangs khru gang // chung ngu nyid du bshad pa yin// bar ma khru dor shes par bya// khru bzhi pa ni mchog yin te// me tog 'bras bur bcas rigs

  110. 329b

    kyis// me tog me tog sbrang rtsir bzhug/ 'bru rnams thams cad 'byor pa dang // me tog 'bras bu ser por ldan// mar dang sbrang rtsi sres nas ni// bar cher dpal gyi 'bras bur ldan// me lha gser dang 'dra ba la// phyag bzhi pa ste 'dir de bzhin// pad mo'i gdan bzhugs rnam rgyan pa// spyan drangs bsreg byas sbyin bsreg bya// de yi lus su khro rgyal po// byin chen legs par bcug nas ni// sngon bzhin dran byed de zhal du// sbyin bsregs yongs su btag bya ste// 'bum 'am nyis 'bum tsam gyis kyang // don ni nges par rab tu 'grub// 'bum phrag brgyas ni rgyal srid dam// longs spyod phun sum chog pa 'grub// de nas 'jug tu 'od zer gyis// de la dbang bskur bsrung bar bya'o// de nas de ni rgyas 'gyur te// phyag na rdo rje'i bka' bzhin no// // rgyas pa'i las rdzogs s+ho// / chags pa'i ting 'dzin gyis bya// chags pa bcom ldan rdo rje can// rdo rje chags pa de las byung // khams gsum chags par byed pa'i phyir// pad ma sems dpas rtag tu chags// de bas 'dis ni de dag gi/ las 'grub par ni bshad pa yin// gtso rlag mkhan nam zla mtshan can dag gi/ khyim du chags pa'i las rnams bya ba yin// /

  111. 330a

    rdo rje chags pa'i gnas yang rung // phyag na pad ma'i gnas nyid du// rtag tu rdo rje sems dpa'i gnas// bde chen gyi ni gnas chen dang // pad ma ud dpal rdzing bu dang // ban du ka'i me tog gnas// me tog 'bras bu dmar tshal ni// yid 'ong sems ni chags byed pa// der ni stegs bu khru brgyad dam/ de ltar bcu gnyis bcu drug rnams// byas nas de'i dbus su yang // haM khung dkyil 'khor bya ba yang // khru gang yang na khru do pa 'am// de ltar khru ni bzhi par bya// gzhu 'dra ba dang pad ma dang // yang na rdo rje 'dra bar bya// mda' 'dra zla ba kham 'dra dang // de ltar pad+ma'i 'dab ma 'dra// zhang du chu yi phyed kyi tshad// zheng gi tshad ni phyed tsam du// hom khung zab su rko bar bya// mu khyud sor ni bzhi par bya// nyis 'gyur ba ni nyis 'gyur bya// tha ma mchog gi khyad par las// yam shing so sor nges par bya// dbang ni yam shing bsreg shing gi / tshad ni zhi ba'i las su gsungs// shin tu dmar ba'i tsan dan nam// yang na shing dmar gzhan yang rung // me tog 'bras bu dmar po 'am// rtsag dang tsan dan rgya skyegs sogs// leb rgan rtsi dang gur gum gyis// mdor na bud pa'i shing dang ni// yam shing la yang skas nas ni// 1nga dkar

  112. 330b

    kha dog dkar po 'am// btsag dang 'tshal yang de bzhin du// zangs kyi phye dang nyung dkar dang // skye tshe 'brug dang lan cha dang // til dang thig le ze 'bru dang // la bu gnyungs tog de bzhin te// khrag dang rdul ni chen po rnams// bsreg pa'i phyir ni bsdus nas yang // sngar bshad 'bras bu la sogs pa'i// khu bas yang yang skus nas ni// khro bo sngags kyis byin brlabs te// ba dang rams bshos pa yis// bshig ma thag pa'i mar sar dang // mar dang til mar rnams kyis dgang // ga bur la sogs bsgos nas yang // bdud rtsi btab te bzhag par bya// de nas hom khung dmar po la// byi ru'i sdong po 'dra bar yang // bsam nas spos mar la sogs dang // gur gam dmar pos byug par bya// de nas kha dog dmar po yis// stug po nyid du bska bar bya// gur gum dmar pos bsres pa yi// mtshon gyis ri mo bri ba ni// hom khung nang du pad ma bri/ de'i steng du mda' bcas bzhugs// rtag tu hom khung 'khor yug tu// pad ma nyid du bri bar bya// gzhu yi dbus su rdo rje nyid// 'khor yug tu ni mda' nyid bris// bzhi yi phyi rol pad ma nyid// bris nas de'i steng du mda'// de yi phyi rol rdo rje dang / lcags kyu mda' bcas gzhu bris la// lho phyogs rgyal mtshan rin chen dang // gzi brji

  113. 331a

    du/ dkyil 'khor bri bar bya// pad ma ral gri 'khor lo rnams// nub phyogs nyid du bri bar bya// rdo rje mche ba go cha'i mchog/ byang phyogs su ni bri bar bya// gra rnams su ni spos la sogs// phyag rgya'i gzugs su bri bya zhing // me tog dmar po la sogs pas// shin tu snga ma bzhin mchod de// dpal ldan gos dang phreng ba dmar// dmar po dris ni bskas nas yang // rtag tu kha ni nub ltas la// dmar thag ma chad las bya ste// pad ma dmar po'i brtan bsam la// rab chags phyag na pad ma bsnams// g.yon du rdo rje chags pa la// g.yas su bde ba chen po ste// bsams na de yi dbus ni// chu srin rgyal mtshan 'dzin pa bzhag/ rdo rje gzhu dang g.yon rgyas mda'// me tog dmar rgyan rab mdzes ma// dri dmar la sogs rab mchod de// mda' dang gzhu thogs de bzhin du// pad ma dmar dang dbyug bsnams pa'i me yi lha ni bkag nas yang // de yi lus su khro rgyal po// legs par bcug ste bzhag par bya// 'od zer chags pas sbyar nas ni// de lus rdo rje lcags kyu dang // zhags pa tsa pas ga yang/ gapa kyi dugs// dka bas sa ste sems zhugs pas// ya byung gang na dang // dmas pas bya/

  114. 331b

    dang lha min smos ci dgos// las rnams zin par gyur pa dang // chags pa'i sems su byas nas ni// de yi 'od zer spyi bor dgang // de ni bsrungs nas btang bar bya// de nas rdo rje 'dod pa yis// lha rnams mchod de gshegs par gsol// de nas bsrung ba byas nas ni// rdo rje 'dod pas rtag tu bzlas// dbang gi las rdzogs s+ho// de nas brgya byin tshangs pa la sogs lha// yang nas yang du phyag 'tshal te// rin chen gdugs la sogs mchog gi/ mchod pa sna tshogs byas nas yang // phyag na rdo rje rgyal mtshan la// dga' ba'i bsam pas bstod byed pa// sangs rgyas kun pas sngar sangs rgyas// mi shes dri ma kun bcom pa// rdo rje rdo rje 'dzin rgyal po// rdo rje rjes 'dzin 'dzin rgyal po// rdo rje skra ste sku che ba// phyag na rdo rje phyag 'tshal bstod// rdo rje yan lag rdo rje'i mchog/ rdo rje 'bar ba che 'bar ba// rdo rje shugs te shugs che ba// rdo rje mtshon cha mtshon chen po// phyag na rdo rje phyag chen po// rdo rje mda' ste/ rab 'bebs pa// rdo rje rnon po rno ba che// che ba'i che ba rgya mtsho che// rdo rje pad ma byang chub che// byang chub sangs rgyas rang byung ba// rdo rje rgya chen rgya chen te// rdo rje sgyu ma rnam sbyong ba// rdo rje sku ste gnod sbyin che// rdo rje pad ma rnams sbyong ba// rdo rje khro bo drag po che// rdo rje dgra sdang 'joms pa'i

  115. 332a

    @#gtso// rdo rje srung ba bsrung ba che// rdo rje don yod lcags kyu byed// rdo rje ro langs ro langs che// rdo rje srin po za ba po// rdo rje gnod sbyin gnod sbyin che// rdo rje gdon te gdon gyi mchog/ 'jigs byed dga' ba drag po ste// rdo rje 'jigs byed sngangs pa// bsgrub dka' bsgrub pa legs pa ste// rdo rje legs pas dges mdzad pa// rdo rje dga' ba dga' ba che// dga' bI rdo rje dbang byed pa// 'dod bstag pas na bstags po che// na mkha' dang ni mnyam pa'o// re ba thams cad rdzogs mdzad pa// rdo rje dbang bskur rin chen mchog/ rdo rje rgyal mtshan yon tan mchog/ rdo rje ye shes ye shes che// rig par byed pa'i tshogs kyis mchog/ ha la ha la nag po che// sgra skad che zhing 'jom pa dang // rdo rje 'dod pa 'dod pa che// rtog pa'i dus ngan rnams 'joms pa// ska cig g.yo ba'i the tshom gcod// glog bzhin zhal gyi ljags las 'phro// rdo rje me ste ma rungs 'dal// drag po rab snang snang mdzad pa// nyi ma stong gis gdungs pa'i zhal// spyan dmar 'jigs par mdzad pa po// khro bo du ma'i 'od bzhin 'phro// phyag rnams du ma'i mtshon cha brgya// du ma'i zhal te sgra yang stong // 'khyil zhing rgyan yang 'khyil ba ste// sems kyi chos pas sku mi mnga'// rnam par rtog pa ma lus spangs// ma rig 'jom pa

  116. 332b

    tshangs pa ste// 'dod chags zhe sdang dri mthar mdzad// sgyu ma khyab 'jug rdo rje can// rtse gsum 'chang ba 'chang 'phrog pa// 'dod chags zhe sdang gti mug che// srid dang / srid min rnam sbyong ba// zhi zhing dul ba dga' ba ste// sangs rgyas sangs rgyas rab rtogs pa// sangs rgyas bdag nyid sangs rgyas sku// rdo rje rab skyes rdo rje sems/ kun tu bzang po cher bzang po// mtshan ma dam pas rnam rgyan pa// khams gsum bdag nyid khyab pa po// thams cad rdo rje'i bdag nyid gtso// gang gis 'di bris klag gyur tam// rtag tu de don 'chang byed dam// dran nam mnyan par byed yang rung // phyag na rdo rje 'dra bar 'gyur// de nas bcom ldan 'das kyis 'di skad ces bka' stsal pa dang // rgya byin dang tshangs pa la sogs pa'i 'khor rnams dang / lha dang mi dang / lha ma yin dang / dri za dang gnod sprin dang / srin po la sogs pa/ bcom ldan 'das kyi gsungs pa la mngon par dga' ste/ rjes su yi rang ngo // de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su spong ba'i gzi brjid kyi rgyal po'i brtag pa// rdzogs s+ho// / sangs rgyas la phyag 'tshal lo// dur khros dag nang shan pa yi// khyim dang srin po'i gnas

  117. 333a

    / rnams su// mngon spyod kyi ni las bya ba// thabs khung tha ma bar ma mchog/ phye dang gsum 'am khru gsum 'am// khru dag pa ni byas pa las/ stegs bu de'i tshad brtsigs te// gru gsum pa 'am mdung rtse 'dra// lugs phye sol bye dag gis ni// bskas pas thabs khung nag por bya// dbus su rdo rje rtse dgu pa/ nag po shin tu 'bar ba bri// mu ran steng du rtse gsum dang // rgya gram pa yi rdo rjes mtshan// de yi phyi rol mu khyud la// dbyug pa dang ni dgra sta dang / ral gi shin tu 'bar ba bri// de yi phyi rol keng rus te// bde gshegs la sogs phyag rgyas mtshan// dud sprin mdog 'dra drang srong mchog/ mi ro'i steng bzhugs rtse gsum dang // gzar bu phreng ba ril bar ldan// de lta'i me lha spyan drangs nas// lhor ltas khros pa'i sems kyis bsreg/ shin du gdug cing tsher mar bcas// bsregs shing yams shing byas nas kyang // sha dang khrag dang lcags phye dang // rus bye dag dang ke tshe dang // dri chen dri chu la sogs pa'i// rdzas rnams kun la dug gis ni// bsgos pas lan grangs 'bum bsregs nas// de yis longs spyod 'byor pa dang // gnyen dang 'khor dang bran rnams dang // bu dang chung mar bcas pa rnams// spangs te/

  118. 333b

    srog dang bral nas ni// sdug bsngal mi bzang myong bar 'gyur// mngon spyod kyi las rdzogs s+ho// / rgya gar gyi mkhan po shan ti gar+b+ha dang / lo ts+tsha ba ban dz+nyA na rak+Shi tas bsgyur ba'o// / rgya gar skad du/ sid+d+he e ka ba ra ma hA ten tra ra dza na ma// bode skad du// dpa' bo gcig tu grub pa zhes bya ba'i rgyud kyi rgyal po chen po// 'jam dbyangs mgon po la phyag 'tshal lo// dpa' bo'i dbang phyug smra ba'i mchog/ 'gro ba'i bu 'jam pa yi// rdo rje dpa' bo gcig sgrub pa'i// rgyud mchog sems can don du gsungs// lha nyid gsang sngags tshul gyis te// sgrub pa thams cad rab sbyin byed// sngags pa de nyid bsgom par bya// de nyid grub na de yang grub// sngags pas lus ni dag pa yis// gang tshe phran tshegs grub pa na// zhing du gyur pa'i lus ldan la// grub pa chen po rab tu 'byung // yid bzhin nor bu dang mnyam pa'i// sngags pas 'di yi rim pa yi// sa la sogs pa thob nas su// sems can don ni rtag tu byed// de ltar mkhyen nas thugs rjes non// rdo rje 'dzin sogs kyis bsam la// grub pa yi ni gsang sngags tshogs/

Colophon

de bzhin gshegs pa dgra bcom pa yang dag par rdzogs pa'i sangs rgyas ngan song thams cad yongs su sbyong ba gzi brjid kyi rgyal po'i brtag pa// rdzogs s+h+yo/