rDzogs chen - Man ngag sde/Yang ti'i skorAll versions of this work

rdzogs pa chen po kun tu bzang po ye shes gsal bar ston pa'i rgyud phyi ma zhes bya ba

Mahasinṅhajñanabhasamanta jñanaprabhadiśauttatantranama

Text

ff. 29a–30a · 3 folio sides

  1. 29a

    ma'i dngos po kun las 'das// stong gsal bde ba'i bdag nyid can// thams cad mkhyen la dad pas bstod// ces rdo rje'i tshig gis bstod par gyur to// rdzogs pa chen po kun tu bzang po ye shes gsal bar ston pa'i rgyud las// rgyud yongasu bzung ba'i le'u ste bcu gnyis pa'o// // dus gsum sangs rgyas thams cad kyis dgongs pa cig tu dril ba'i rgyud zhes bya ba rdzogs so// // gu ru shrI sing ha pra b+ha dang gnub sangs rgyas ye shes kyi bsgyur ba'o// ye shes gsal bar ston pa'i rgyud phyi ma bzhugs/ @#// rgya gar skad du/ ma hA sin+d+hu dz+nyA na b+ha sa man+ta/ dz+nyA na pra b+ha di sha ut+ta tan+ta na ma/ bod skad du/ rdzogs pa chen po kun tu bzang po ye shes gsal bar ston pa'i rgyud phyi ma zhes bya ba/ bcom ldan 'das dpal kun tu bzang po rdo rje 'chang gis sangs rgyas chen po la phyag 'tshalo// 'di skad bdag gis thos pa'i dus cig na/ bcom ldan 'das rdo rje 'chang gi sangs rgyas kun tu bzang po nyid/ chos kyi dbyings kyi pho brang na/ rdo rje 'dzin pa la sogs pa rigs lnga'i sangs rgyas rnams dang cig tu stong gsal chen po ting nge 'dzin tu bzhugaso// de nas rdo rje 'dzin pas gsol pa/ kye bcom ldan bde mchog kun tu bzang po/ nyid kyi stong gsal bshad du gsol/ de skad gsol pa gsan nas kyang / kun tu bzang pos bka' stsal pa// stong gsal rig pa bshad kyis nyon/ de yang gzhi las 'bras bu'i tshul// gcig las snang tshul tha dad shar// so sor kha kar 'dong pa min/ gzhi nyid rtog pa stong

  2. 29b

    gsal te// de nyid ldan skyes ma rig pas// kun tu btags te 'khrul par snang // des na stong gsal ngo yis bzung // zhes gsung so// kun tu bzang po ye shes gsal bar ston pa'i rgyud phyi ma las gzhi gtan la dbab pa'i le'u ste dang po'o// // de nas gzhan yang bka' stsal pa// lam ni rnam pa gnyis yin te// thun mongs spyi ru bstan pa dang // khyad par lam du dkri ba'o// de la spyi ru bstan pa ni// lta ba dbyer med rang grol yin// sgom pa 'dzin med rang gsal te// spyod pa rang byung lhug pa'o// de ltar rtog pa'i rnal 'byor pa// nyams dang rtag ni sna tshogs snang // gal te nyams la mngon zhen cing // lung bstan don// nyid mi ldan na// bdud kyi spyod yul bco brgyad snang // nyams la rtog pa'i gdeng ldan na// rang byung ye shes nyid kyi grogs// khyad par lam du dkri ba ni// rang bzhin gnas pa'i bar do la// ngo phrug ma dang phrad pa/ bzhin// thig le stong gsol ngo yis spyad// ting nge 'dzin gyi bar do la// sgregs mo me long lta ba ltar// rtog pa'i don la gnas par bya// rmi lam dag gi bar do la// bag chags nyin tshams sbyar ba ni// chu bo'i gzhung ltar shes par bya// skye shi ngag gi bar do la// ye shes ngo yis bzung ba ni// rkong chad sa yi wa 'jug bzhin// las dang sems gnyis btsun byas la// rab ni chos sku dag la 'pho// 'bring gi/ gzugs sku dag la 'pho// tha mo ni la khams dag la 'pho// de nas ye shes rgyun nyid de// srid pa dag gi bar do ru// mun par mar me stegs pa ltar// thams cad gsal bas mngon shes 'char// yar

  3. 30a

    'gro mar 'gro tha ma gsum// rig pa nyid las log pa med// zhes gsungaso// lam gtan la phab pa'i le'u ste gnyis pa'o// / de nas gzhan yang bka' stsal pa// 'bras bu'i rim pa 'di ltar 'byung // 'bras bu sangs rgyas nyid yin te/ rig pa 'di nyid sku dang ni// ye shes dag tu snang ba ste// de yang rig pa sems nyid 'di// bde ba chen por nar son pa// ma rtog rig pa 'di nyid rang // sdug bsngal dag tu shar ba yin// gzhan nas thob pa'i gnas medado// zhes gsungaso// 'bras bu gtan la dbab pa'i le'u ste gsum// / de nas dpal kun tu bzang po rdo rje 'chang la 'khor gyis bstod pa ni// kye kye bcom ldan rdo rje 'chang // stong gsal dang las chos nyid ston// sku dang ye shes bdag nyid can// bde chen kun bzang nyid la bstod// zhes bstod nas/ 'khor thams cad kyis rdo rje 'chang gis ngang du sangs rgyas par gyur te/ de nas kun tu bzang pos bka' stsal pa// rgyud 'di ston pa rdo rje 'chang // 'di thob sangs rgyas thams cad kyis// thugs kyi dngos grub chen po yin// de phyir rgyud 'di bzung bar bya// ces gsungs so// nga zhing gtad pa'i le'u ste bzhi pa'o// // dus gsum gyi sangs rgyas thams cad kyi bka' dgros pa'i rgyud/ kun tu bzang po ye shes gsal bar ston pa'i rgyud phyi ma zhes bya ba rdzogaso// rgyad phyi ma'i phyi ma bcu rgya gar skad/ san ti ma hA sa man ta b+ha da tsi ta g+hu he na ma tan tra/ bod skad du/ rdzogs pa chen po kun tu bzang po ye shes gsal bar ston pa'i rgyud phyi ma'i phyi ma zhes bya ba// bcom ldan 'das rdo rje