rDzogs chen - Sems sdeAll versions of this work

rdo rje sems dpa'i lta ba/ rdo rje sems dpa' namkha' che

Aryapadbajrasadtva

Text

ff. 187b–190b · 7 folio sides

  1. 187b

    bar byed da/ yon tan na mkha'i mtha' dang mnyam// bsdu ba'i gnasu nges pa med// byang chub snying por de ma thag/ ting 'dzin rgyal po chen po 'byung // snang ba rgya mtsho chen po bzhin// mi rtog na mkha'i mkha' ltar yangs kun tu bzang po'i spyod yul la// skye zhing 'pho ba'i gnas med// rgyu rkyen yan log bcu gnyis po// skur pas btags pas bshad pa yin/ 'khrul pa rnams kyi sgo tsam du// mkhas pas de bzhin shes par gyis/ 'gro ba'i rgyud drug snang po yang / dang po'i lam du shes par gyis// 'dod spyod snying rjes brlal pas na/ gang du dga' bar byang chub spyod// shan pa sman 'tshong mtshams med lnga// kha na ma tho 'jig rten spong // yongs su rdzogs pa chos kyi rtsi// bde ba che las gzhan medado// rnam por mi rtog snying po 'di/ yongs kyi rgyud la sbas pa med// mi len byang chub spyod lam la// rnam pa kun tu rang bzhin gnas// yul thams cad la 'jug pa'i bsam gtan du bya ba/ rnam par mi rtog pa'i snying po/ man ngag 'di rnams kyang sems chos nyid du gyur pa rnams kyi rna bar rgyud pa// khyung chen lding ba rdzog so// rdo rje sems dpa' na mkha' che bzhugs// @#rgya gar skad du/ Ar+ya pad badz+ra sad tA/ bod skad du/ rdo rje sems dpa'i lto ba/ rdo rje sems dpa' na mkha' che/ kun bzang yangs pa chos kyi dbyings// rnam dag lam chen kun grol phyir/ mi skye mi 'gag cir mi dgos// byams pas don nyid rnams skyong phyir// rdo rje chen pos cir mi mdzad// che ba'i che ba zab mo yi// yon tan cir yang

  2. 188a

    bsngags pa med// don rnams ji bzhin mi skyod de// bye ba med pas grol ba grol// rang byung ye shes brtsal med pas// grol nas grol ba'i lam yang ston// 'byung ba chen po bcom ldan 'das// chub par gnas pas bcom ldan 'das// grol ba kun la rang bzhin gnas/ phyin ci log tu rnam rtogs kyang // grol ba rang byung gzhan las min// che ba'i ye shes rnyed dka' ba/ shes rab thabs la brten pas 'grub// ming tsam gzhan la brten 'dra yang // mngon sum bde ba rang las byung // cho 'phrul chen po dka' ba min// yon tan kun dang stobs kyi rnams// ji bzhin rtogs pa'i phra ba yis// de ma thag tu 'byung bar 'gyur// snang ba med pa'i chos nyid ni/ rna dbang gzhan las thob mi 'gyur// de bzhin lce yi dbang pos kyang // de la brjod du rdul tsam med/ 'gro ba'i sdug bsngal byang chub sems// kun tu chub pos rnam par rol// de la bskyod pa med bzhin du// na mkha'i mtha' ltar mnyam par gnas// khyab par ji yang mtshungs pa la// las so zhes pa rnam par brtags// ji ste de yi dbang gyur na// rang byung ye shes yod ma yin// rgyud nyid rdo rje rkyen dang 'dra// ma skyes pas na 'jig pa med// gdod nas snying po byang chub la// brtsol ba'i bsam pas dbyings mi bskyod// yon tan che ba'i bsam gtan ni bsam gtan nyid pas bsam du med/ ma bsams ma sbyangs chos nyid du// rnam rtog nyid las ye shes skye// phra ba'i sgo mor ming btags nas/ sems kyi dben pas lam tshol zhing // dgos

  3. 188b

    rgyud du dben 'dzin te// brtags na rnam par rtogs 'gyur bsgom// rgyu dang 'bras bur ming 'dogs shing // dge sdig gnyi ga rnam par sel// 'jig rten 'di las 'byung zhes// blang dor brong ba mchog tu bskyed tshogs dang ma chags tshig gi lam// sgyu ma bzhin te brag cha 'dra// bde dang sdug bsngal rgyu mthun zhes// 'gro ba'i mgon pos sems dpas gsungs/ 'dod chags zhe sdang gti mug kyang // byang chub chen po'i lam las byung // kun spyod yon tan rna ma lnga yang // chos nyid dbyings kyi sa rgyan zhes gsungs// nam mkha'i rtog pa skye med pa// rtog pa de nyid nam mkha' 'dra// mi tshigs na mkha'i bsngo bo las// rang don chen po na mkha' 'byung // rtog med mnyam nyid chos kyi skra// gzung bas mi zin chu zla 'dra// kun tu bzang po'i rol pa yi// a li ka li zab tu bstan// de ni a dang mdzes pa'i ta// pa dang yan lag spo ba bzhin dang / 'jig rten yongs kyi spyod yul la/ sangs rgyas gsung gi zab mo 'byung // e ma'o sangs rgyas spyod yul 'di// btsal bas rnyed pa'i gnas med la// drug gi chos bzhin yul med pas// mdongs pas na mkha' rnyogs pa bzhin/ gong nas gong du tshangs pa'i lam/ bya bral chos dang mthun pa bzhin/ ci ste lam la bgrod 'gyur na// nam mkha' mtha' bzhin thug pa med// de ltar de bzhin de yi phyir de lta de bstan de yang thob// de ni snying po de bas na// de las de 'byung ngo mtshar che// sngon gyi de dang de ltar de// de bzhin de ni gnas su che// de ltar de yi lam 'dra bar// de ni de yi rang bzhi no// de dang 'dra ba

  4. 189a

    yongs kyi lam// zla ba las byung rten dang bcas// kun gyi mnyam pa de nyid yin// phyogs su ltas pas grub pa med// nga lta'i bde dang phyi ma'i bde // mngon sum pa dang rgyab nas byung de yang rnam pa'i skyon yin pas// de la rten par mi bya'o// dus gsum gcig ste khyad par med// sngon med phyir med gdod nas byung // chos sku khyab pas gcig pa'i phyir/ che bas chen por rang bzhin gnas srid pa gsum na sbyor ba yang // ming tsam sgyu mar snang ba ste// 'khor lo sgyur ba'i gnas chen yang // sgyu mo sbyor ba'i sti gnas yin// rnam sbyong dus la ltos pa'i rnams// dus de 'byung bar mi 'gyur te ma bral smon pa med pas na// stong pa'i mtshan nyid gsungs pa bzhin// gcig ste rnam par yongs kyis med// rnal 'byor na mkha' bya lam gnas// ma byung mi skye snying po la// sgros btags cho su ga la yod phyi nang gnyis ka phyi nyid na// zab mo cha shas rtogs yul med// srid pa ming tsam log pa'i stobs// de bas ting 'dzin mo nyam dang bral// de la tha tshig phyi dang nang // de bzhin phung po khams bzhin gnas// dus gsum 'di dang mau 'bral bas// tha tshig ming du brtags pa med// mi g.yo ba ni sku si rgya// mi bskyod pa ni ye shes che// mi len pas na bdag nyid cing / mi 'dor tshig bral mnyam nyid do// gang dang gang gis gang du yang // kun bkol kun spyod bdag las byung // 'di la skyes pa bud mod ces/ mnyam pa'i rgyal pos yongs ma gsungs// de la sbrul zhugs drag shul gyis// gnasu bya ba'i ming med de

  5. 189b

    a dad par ni rnam ldan na// sgyu ma'i bde ba skye bar 'dod// rang bzhin gcig tu ma nges pas// ji ltar ltas pa der snang ste// snang 'dod rtsol sems bde ba yang // de ni de sgrib skyon chen yin// byang chub yan lag kun gyi sgo// ma chags bsgoms pa chu zla bzhin// ma gos ma chags 'byung 'gyur yang // bsgom pas dbying ba'i spyod yul bzhin// dkyil 'khor khro gnyer cha lugs kyi// khro bdag chen po'i cha bzung nas// yi ge mngon du byung na yang // zhi ba de nyid mthong ba min// nyon mongs pa yi dbang gis ni// ta la'i mgo bo btsod pa dang // sa bon me yis sreg pa bzhin// de yi dbang du mi 'gyur ston// rnam grangs brgya stong phrag yangs pas dang gang ltar skyod kyang me tog skyes// mtshan ma med pa'i dbang gis na// sti gnas 'di las 'byung mi 'gyur// gleng bral 'di la gnas pa yin// rnal 'a byor de ni skal pa bzang // bdag dang gzhan don mi byed pas// sgyu mo'i lhun grub yul las rol// lhag ma med pas yongasu rdzogs// 'gyur ba ma yin dang por gnas// nam mkha' bzhin te mtha' mnyam zhing // gzhan la stobs 'gyur chos ma yin// lhan gyi grub pa'i bde chen te// mtshungs pa med pa'i chos nyid kyis// rang gi mthu yi rig pa las// chos ni 'byung bar mi 'gyuraro// sla zhing dka' la sla phyir dka'// mngon sum mi gnas kun tu khyab// mngon sum 'di zhes bstan par ni// rdo rje sems dpa' mtshon du med// ngo mtshar rmad byung rol pa 'di// bya bral na mkha' ji bzhin te// ci yang mi dmigs gauti mug las// de ma thag du rang las byung // 'di ni

  6. 190a

    thams cad mtshungs pa'i lam// 'gro ba kun gyi rang bzhin gnas// thabs mkhas pa yi spyod yul yin// sman nyid sman pa tshol ba bzhin// go ba'i yul na bde ba che// 'di ni rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grub// ma nges gzha' tshon kha dog gsal// rigs kyi khyad par mngon par snang // de bzhin g.yo rdul mi g.yo ba// 'byung ba lnga las rtso chen yin/ 'ongs dang ma byon de ltar gyis// tha snyed ming la mi gnas te// ske 'gag med par nas btogs shing // de nyid dus gsum chen por sbyor// mnyam pas rim par bkod pa med// gcig pas phyogasu sngo dang bral// chos kyi rgyan rnams bkram pa yang // rang bzhin gnas pas 'i drim pa med// lhun gyis grub pas mi sngo zhing // gdod nas dag pas bdud rtsi yin// 'du byed bcu gnyis khyad par du lhag po'i bsam pas bzung ba med// yid kyis bsam pas yon bdag ste// ltas pa'i stobs ni bkram pa'o// mthong bar gyur pa dngos grub la// de ni mnyam bzhag rdzogs pa'o// yud tsam bzung bar sbyor ba yin// dga' bar gyur pa dam tshig ste// thabs kyis gar thabs spyod ba yang // gnyis min sbyor ba phul ba yin// mi bzung gtong bas gtor ma yin// byed pa med pas las rnams yin// mi rtog ye shes gags gsal nas// mi gsungs mnyam pas sngags tshi go/ bla ma ma tshong dang gtong ba dang // de bzhin bsod nams thams cad kyang // ma chags ma g.yo stobs med na// byas na 'ching ba chen por 'gyur// de bas

  7. 190b

    de bya sgrib par 'gyur// de ltar de la de rtog na// de la de nyid grub pa med// byang chub kyi sems mi nub pa'i rgyal mtshan lta ba na mkha' che rdzog s+ho// / rdo rje sems dpa' na mkha' che u rgyan gyi slob dpon dga' rab rab rdo rjes dpal a su ra 'od ldan gyi brag phug tu gsungs pa rdzogs s+ho// / bde 'jam bzhugs/ rgya gar skad du/ many+dzu su kha/ bod skad du bde 'jam/ bcom ldan 'das rdo rje bde ba la phyag 'tshalo// bde 'jam dbyings phyug b+ha ga la// dbyer meng lhun rdzogs thig le dbyings nyid che// bskyod pa mi mnga' yi nas rin po che// bya ba med par lhun rdzogs thig le che// thams cad ma bkag dbyer med bdag nyid che// smyo med da byings las thams cad ma 'gags shing // dus gsum 'du 'bral med pa'i gsal ba yang // don dam klong du gyur pas sems dpa' che// rgyu las bsgrub du med pas ye nas gnas/ btsal du med pas bad pa mngon sum dbyings/ smon du med pas thams cad rang la rdzogs// tha snyad med pas rnal 'byor chen po'i bdag go 'phang med pas lta ba kun gyi dbyings// 'dul ba'i las rnams thams cad ci spyad kyang // rol pa nyid las ma nyams shin tu bde/ thig le nyid pas spang du med pa'i phyir// rtsa ba'i 'dod chags zhe sdang gti mug kyang // srang du med pas byang chub chen po'i lam// bsam du med pa'i ye shes gsal ba ni/ rnam grangs med pas dbyings nyid dag pa'i klong // gzugs rnams med pas byang chub snying po'i sku// rnam