MW21521_246D57མན་ངག་ཨ་ཏི་ཡོ་གའི་ཆོས་སྐོར།All versions of this work

spyod pa thams cad kyi rgyal po brtson pa don ldan gyi rgyud

Text

ff. 123a–143b · 42 folio sides

  1. 123a

    bslabs par shes so// man ngag gis kyang ma bstan par rig go// lta ba thams cad kyi rgyal po kun tu bzang po che ba la rang gnas pa'i rgyud chen po rdzogs so// / bod skad du/ spyod pa thams cad kyi rgyal po brtson po don ldan gyi rgyud/ bcom ldan 'das dpa' kun tu babrang po thabs mkhas pa de la phyag 'tshal lo// 'di skad bstan pa'i dus do na/ bcom ldan 'das dpal kun tu bzang po ma skyes pa'i rang bzhin med pa'i dbyings na bzhugs pa'i tshe/ rdo rje sems dpas mi g.yo ba'i ting nge 'dzin las langs nas/ ston pa kun tu bzang po la 'dres pa chen po don gyis phyag 'tshal nas// 'di skad ces gsol to// bcom ldan 'das sems can thams cad ni lus ngag yad gsum gyi las la spyod cing / des khams gsum la spyod na/ lus kyi spyod pa gang ltar spyod cing / lta ba gang dang ldan pa dang / ngag gi las spyod pa gang ltar spyod cing / lta ba gang dang ldan pa dang / sems kyi spyod pa gang ltor spyod cing / lta ba gang dang ldan po dang / thabs kyi spyod pa gang ltar spyod cing / lta ba gong dang ldan pa'i don dang ldan pa/ bcom ldan 'das kyis lung bstan du gso lo// bde bar gshegs

  2. 123b

    pas lung bstan du gsol/ de skad ces gsol pa dang // bcom ldan 'das kyis bka' stsal pa// rdo rje sems dpa' thabs chen po// 'gro la phan par 'dod pa yis// legs par dris pa bstan par bya'i// sems can gang zhig 'khrul pa la// 'khor ba sgyu mar ma shes pas// spyod pa'i don du mtshan / mar sdod// de 'dra rtag pa'i ma tshan nyid pas// de yi sdod pa 'khor ba'i rmya// de bas ma na ngag gter 'dod pas// legs par man ngag rgyud 'di nyan par gyis// lus kyi spyod pa ji ltar spyod cing lta ba gang dang ldan par bya bo yang / lus kyi spyod pa thabs dang shes rab tu spyod pa dang / lus kyi spyod pa dbyings dang ye shes su spyod pa dang / lus kyi spyod pa lho'i dkyil 'khor du spyod pa dang / lus kyi spyod pa rnam par dag pa'i glong du spyod pa dang / lus kyi spyod pa snang la gsal bar spyod pa dang / lus kyi spyod pa ma spangs pa la mi gnas par spyod pa dang / lus kyi spyod pa mi 'gog pa la ma chags par spyod pa dang / lus kyi spyod pa sku lo skyod phyag rgya'i dkyil 'khor du spyod pa dang / luso kyi spyod pa chos kyi sku'i las ma g.yos pa'i ngang du spyod pa dang / lus kyi spyod pa 'khor ba rnam par dag pa'i ngang du spyod pa'o// // de la lus kyi

  3. 124a

    spyod pa thabs dang shes rab tu spyod pa ni/ lus ni thabs des gang nas gang du phyin pa ni shes rab/ 'byung ba lngas bskyed pa'i phung po ni thabs/ de 'byung ba thabs chen po/ gong la gnas pa ni shes rab/ rnam par shes pa'i tshogs brgyad ni thabs/ des gang la mthong zhing thos pa dang / myong zhing tshor ba dang / shes shing rig pa ni shes rab/ nyon mongs pa dug gsum ni tha bas/ des khams gsum rgyud drug tu gnas shing spod pa ni shes rab/ dbang po ni thabs/ yul ni shes rab/ rig pa ni thabs/ gnas pa ni shes rab ste/ de bas na 'di skad ces bstan pa yin te/ snod bcud thabs dang shos rab la// mtshan ma kun la ci spyod kyang // thabs la mkhas pa'i shes rab ste// thabs dang shes rab don rtogs na// sangs rgyas nyid kyi lung dang ldan// 'di las man ngag yongs med par// kun tu bzang po ngas bshad do// // de la lus kyi lta ba gang dang ldan na/ don dang ldan pa ni/ lus nyid ma skyes par shes pa ni/ dbyings nyid rnam par dag pa la/ de nyid rang bzhin med par dbyings la khyab pa ni/ rnam par dag pa'i glong / de la mi 'dzin mi chags shing yongs la khyab pa ni/ thabs mkhas pa'i bdag nyid/ des na rdo rje

  4. 124b

    sems dpa' lus ni yod kyang yod la/ med kyang med do// lus ni bstan kyang bstan la/ ma bstan kyang ma bstan no// lus ni khyab kyang khyab la/ ma khyab kyang ma khyab bo// de ci'i phyir zhe na/ rtags su bgrangs la don la mi 'dzin pa'o// lus ni chos nyid do// chos nyid ni lus so// de ci'i phyir zhe na/ de ni gnyis su med pa'o// rdo rje sems dpa' lus chos nyid ma yin/ chos nyid lus ma yin no// de ci'i phyir zhe na/ de ni mtshan mar ma bstan pa'o// rdo rje sems dpa' lus ni lha'i dkyil 'khor ro// lha'i dkyil 'khor ni lus so// ci'i phyir zhe na/ de ni so so ma yin tha mi dad pa'o// rdo rje sems dpa' lus lha'i dkyil 'khor ma yin/ lha'i dkyil 'khor lus ma yin de ci'i phyir zhe na/ de ni rtag pa can gyi lus ma yin pa'o// rdo rje sems dpa' lus ni man ngag go/ man ngag ni lus so// de ci'i phyir zhe na/ nges par bstan cing don la 'dus pa'o// rdo rje sems dpa' lus man ngag ma yin/ man ngag lus ma yin/ de ci'i phyir zhe na/ nga rgyal can gyi skar shing ma yin pa'o// de bas na 'di skad ces bstan pa yin te/ lus kyi sbrul skrod thams cad ni// phyag rgya chen po'i rang bzhin la// skon du bya ba gang yang med// legs nongs rnam par dbyer med pas//

  5. 125a

    thabs kyi phyag rgya'i dkyil 'khor la// sbrul skyod thugs dam rgya mtsho bskul// gnyis med rol pa'i thig le che// nges par gsungs pa'i lung yin pas// rtogs dang ldan pas ci dgar spyod// don dang ldan pa'i skyes bus ni// gang ltar spyad pa gser 'gyur bzhin// gang la reg pa gser du 'gyur// sman gyi rgyal po ma ki ta// gang la reg pa sman du 'gyur// man ngag gdeng chen rnal 'byor pas// nyes pa spad kyang dpal du che// mtshams med lnga yang thar pa'i gnas// srog gcod rku yang sangs rgyas las// don dang mi ldan gang zag rnams// lus spyod bzabs kyang nyes pas dog/ rang nor spyod kyang lan chags nor// thar par spyad kyang 'ching ba'i gyi/ grol bar byasems kyang 'khor ba'i rgyu// bde chen nyid du don shes shing // rang byung rgyal bar grang ban pon// lus kyi spyad pa yin zhes pad/ de la lus kyi spyod pa gang la yang mi chags par spod pa yang / lta ba goms pa'i gdeng dang / man ngag goms pa'i drod tshad 'di zin pas/ lus kyi spyod pa don dang ldan du zad kyis/ lung dang mi ldan zhing gang zag 'og ma'i sgrin tshig dag gis spyad kyang / spyod pa'i don dang mi ldan par 'gyur ro// de la lus kyi/

  6. 125b

    spyod pa dbyings dang ye shes su spyod pa ni/ phyi snod kyi 'jig rten la sogs pa/ 'byung ba chen po lnga'i mtshan nyid du snang ba thams cad mu mtha' med pas kyang dbyings yongs la khyab pas kyang dbying so// zag pa med pas kyang dbyings/ nam mkha'i ngang du dbyer med pas kyang dbyings/ des bskyed pa'i lus dang / dbang po dang / rnam par shes pa'i snang ba thams cad kyang ma bcos pa'i don dang ldan pas ye shes/ de nyid rig pa spros pa dang bral bas kyang ye shes/ rtag par mi 'dzin cing mtshan/ mar mi spyod pas kyang ye shes yin pas/ don 'di ltar las su rung zhing sems la 'chang bas na/ lus kyis ci spyad kyang dbyings dang ye shes te/ ji ltar snang ba kun la dbyings dang ye shes su snang bar byas nas/ sangs rgyas kyi dgongs pa la yang dbyings dang ye shes las med/ se mos can gyi lus kyi spyod pa ci spyod pa thams cad dbyings dang ye shes kyi glong du spyod cing nyin dang mtshan med/ dus dang rgyun mi 'chad par gnas na/ sems can gyi lus kyi spyod pa nyid/ sangs rgyas kyi che ba'i bdag nyid du 'byung bas/ lus kyi spyod pa dbyings dang ye shes su spyod pa ste/ des na 'di skad ces bstan pa yin te/ lus kyi spyod pa rab sprod pas// dbyings dang ye shes gnyis

  7. 126a

    su med/ 'du 'bras med pas dbyings su rol// yab yum gnyis su med pa'i ngang // byang chub sems kyi ngang du zhu// dbyer med gcig tu bstan ba'o// zhes bstan par bya'o// // lus lha'i dkyil 'khor du spyod pa ni/ lus ni lha'i dkyil 'khor gyi rang bzhin ye nas yin pa ste/ spyod kyang lha'i dkyil 'khor du spyod de/ lus kyi sbrul skyod ni lha'i dkyil 'khor gyi 'phrin las so// lus kyis gang la khyab pa'i don mdzad pas lus la grangs su snang na lha'i grangs/ lus la rtags su snang na lha'i rtags/ lus la gzugs su yod pa ni lha'i gzugs/ lus la gzhigs na rang bzhin med pa lha'i dkyil 'khor rang bzhin med pa ste/ lus skyes na lha'i dkyil 'khor gyi sku rdzogs par snang ngo // lus mi rtag par 'chi na lha'i dkyil 'khor ma skyes par bsdu ba'o// lus longs spyod na lha'i dkyil 'khor la longs spyod do// lus bzhengs na lho'i dkyil 'khor 'gro ba'i don la bzhengs so// lus bskyod na lha'i dkyil 'khor 'gro ba'i don la bskyed do// lus brnal na lha'i dkyil 'khor mnyam pa nyid la brnal lo// des na lus kyi spyod pa lha'i dkyil 'khor du spyod do// // lus kyi spyod po rnam par dag pa'i glong du spyod pa ni/ chos nyid ma

  8. 126b

    skyes pas/ lus kyi spyod pa rnam par dag pa'i glong du spod do// dbyings su mtha' med pas/ lus kyi spod pa rnam par dag pa'i glong du spyospod do// snang srid theg le che/ por sangs rgyas pas/ lus rnam par dag pa'i glong du spyod pa'o// don dam pa la phyi nang med cing lus mo g.yos par shes pa la mtha' dbus med pas/ lus kyi spyod pa rnam par dag pa'i glong du spyod pa'o// / lus kyi spyod pa snang ba gsal bar spyod pa ni/ thabs kyi snying por skyes pas/ lus kyi spyod pa bde ba tsho// por snang zhing thams cad du bya ba byed pas/ don gyi man ngag dgongs pa'i glong na gsal bar spyod pas/ lus kyi spyod pa snang po gsal bar spyod pa'o// / lus kyi spyod pa ma spangs pa la mi gnas par spyod pa ni/ 'bor ba'i lus chos nyid kyi rang bzhin yin pas ma spangs la/ de la rtag pa can du mi gnas pas/ chos nyid lus kyi spong po yin pas/ lus kyi spyod pa ma spongs pa la mi gnas par spyod pa'o// lus kyi spyod pa mi 'gog pa la ma chags par spyod pa ni/ bde ba chen po'i longs spyod yin pas mi 'gog la/ 'dzin pa'i skyon med pas/ ma chags par spyod pa'o// lus kyi spyod pa sbrul skrod phyag rgya'i dkyil 'khor du spyod pa ni//

  9. 127a

    mi 'da' ba dang / rtags dang ldan pa dang / dus dang ldan pa la dus med pa'o// lus kyi spyod pa chos kyi sku las ma g.yos pa'i ngang du spyod pa ni/ lus nyid ma skyes pa'i g.yung drung du 'dus ma byas pas/ rtogs pa'i klung la 'pho 'gyur med pa'o// lus kyi spyod pa 'khor ba rnam par dag pa'i ngang du spyod pa ni/ dper na nyi mas gang du khyab par mun pa'i g.yung drung yang gsal ba dang 'dra bar/ de lus rnam par dag pas lus kyis gango nas gang du spyod pa 'khor ba'i chos kyang / rnam par dag pa'i ngang du gyur pa'o// de nas 'di skad ces bstan par bya'o// lus su spyod pa sangs rgyas te// sangs rgyas pa ni lus yin paso// ye shes lus 'di sangs rgyas pa'o// sangs rgyas gzhan na yongs med pas// 'gro ba'i mgon pos lus la brjod// 'di ltar goms pa'i gdeng chen gyis// dus ni nyin dang mtshan med pas// de ni brtson pa don dang ldan// lus la yangs pa'i rgyu med pas// de ni brtson pa don dang ldan// rdo rje sems dpas rtogs par gyis// rdo rje rgyal ba'i lus spyod la/ sngags pas nges par de ltar spyong // nges pa nyid du bstan pa ste// sangs rgyas rnams kyis zab par gsungs// spyod pa thams cad kyi rgyal po brtson

  10. 127b

    pa don ldan gyi rgyud las/ lus kyi spyod pa gang ltar spyod pa dang / lta ba gleng gzhi'i le'u ste dang po'o// // de nas bcom ldan 'das kyis/ ngag gi spyod pa gang ltar spyod cing / lto ba gang dang ldan po 'di ched du brjod do// ngag gi spyod pa gang yin pa// shin tu rnal 'byor rnams kyis nyon// de la ngag gi spyod pa la rnam pa gsum ste/ ngag chos nyid du spyod pa dang / ngag bzlas pa'i yi ger spyod pa dang / ngag stong pa nyid du spyod pa'o// de la ngag chos nyid du spyod pa ni/ ji ltar snang ba thams cad la ngog gis ming btags pas/ tshig thams cad ni chos nyid/ chos nyid thams cad ni yi ge/ yi ge thams cad ni ma skyes pa'i rang bzhin du shes pas chos nyid do// de la 'di skad bshad pa ste// nam mkha' dang ni sa brag dang // rtsi shing dang ni nags tshal rnams// yi ge nyid du bston pa ste// yi ge ma skas rang bzhin ni// de la ngag smras chos nyid do// de bzhin nga ma grog g.yang sa dang // gyen dang brur dang snod kyi rdzas// 'byung ba lngas bsdus thams cad kun// yi ge nyid du bstan pa ste// yi ge ma skyes rang bzhin la// de la ngag spyod chos nyid do// de la ngag gi spyod pa ni// sems can lus dang dbang po dang // rnam grangs

  11. 128a

    shes pa'i rim pa dang // 'phags pa'i sku dang shes rnams// yon tan bye brag bstan pa yang // de yang yi ger bstan pa ste// yi ge thog mar ma skyes pas// de la dag spyod chos nyid do// legs dang nyes pa gang smras shing // snyan dang mi snyan sgra bsgrags nas// zhi dang khro ba'i chos rnams kun// yi ge nyid du tshig smras nas// yi ge mo skyes chos nyid ni// de la ngag spyod chos nyid do// bde ba dag dang sdug bsngal dang // sgyu ma brag cha la sogs dang // de bzhin rmi lam smig rgyu rnams// yi ge nyid kyis bstan pas na// yi ge'i rang bzhin ma skyes pas// de la ngag spyod chos nyid do// de bzhin btags pa gang yin pa// chos nyid yin bas gzhan las med// don gyi man ngag 'di shes na// ci spyad ngag gis chos nyid spyod// de la ngag bzlas pa'i yi ger spyod pa ni/ ngag ljang lgang sA ci brjod kyang / de dag thams cad yi ge bzhi bcu rtsa gnyis kyis ma bsdus pa glang yang med de/ ka kha ga g+hA drA/ tsaN+Da Shadz+ha wa/ Ta rda ra na no/ pa pa ba d+hA ma/ ta thA d+ha na/ nya ya ra la/ sha sa ha/ oM dza ga pa sha/ i I/ u u/ e ai/ o au A ka/ gi gu dbyings kyi 'dren rtags dang // zhabs bskrad thugs rje

  12. 128b

    byang chub pa// 'greng bu ma 'gags gsal ba'i sku// na ro chos nyid glong na rol// zla tshes dbang mchog 'dren pa'i yum// thig le byang chub sems su 'khyil// don du man ngag gdeng du gnas// dgongs pa lha yi dkyil 'khor gsal// bzlas pas bsnyen 'dzab snying por rdzogs// rtogs pa gde chen glong du 'phyos// bshad pas sems can shes pa grol// ci brjod chos kyi bzlas brjod pas// don du mi 'gyur gang yang med// ngag gis brjod pa don re che// chos kyi mdzod rnams thams cad gsal// ma brjod na yang don re che// chos nyid tshig dang yi ger med// tshig tu brtags na btags te legs// chos rnams tshig dang yi ger bstan// ma bstan na yang pa tra de// tshig dang yi ges sgros ma btags// ma yeng sa dran pa bzlas brjod yin// don dang mthun pa bsgrub pa yin// 'di ltar don dang gang ldan pa/ log par smras kyang nges pa'i don// bzo bo mkhas pa'i lag dang 'dra// don chen 'di dang ma ldan na// bden par smras kyang log pa'i don// dpe ra na blun po'i bzo dang 'dra// chos mdzod thams cad ngag las byung // sangs rgyas thams cad ngag gis bstan// byang chub sems rnams ngag gis bstan//

  13. 129a

    dngos grub rlabs chen dag gis bsgrubs// 'di ni ngag gi spyod pa yin// don chen gting du go ba ste// brtson pa don dang ldan pa yi// dus gsum sangs rgyas thams cad la// gsung gi spyod pa 'od las med// gsung gi spyod pa gang yin pas// ngag gi spyod pa 'di shes na// sangs rgyas byang chub thag mi ring // / de la dag stong pa nyid du spyod pa ni/ legs nyes kyi don gang ngag gi sgo nas smras shing brjod kyang / de la dngos po med pas/ de nyid snga ma ni stong da ltar ni mi gnas/ phyis mi rtogs pas/ dus gsum du brjod pa ma skyes pa'o// stong pa nyid du gnas pa ni/ ngag stong pa nyid du spyod pa'o// de la 'di skad bshad pa'o// rdzas la dngos por bstan pa yang // tshig la dngos por ma grub pas// rdzas kyang dngos med stong pa'i zhing // bzang dang ngan par bstan pa yang // tshig la dngos por ma grub pas// bzang ngan dngos med stong pa'i gzhi// bde dang sdug bsngal brjod pa yang // tshig la dngos por ma grub pas// bde sdug dngos med stong pa'i zhing // de bzhin gleng brjod thams cad kun// tshig la dngos por ma grub pas// gleng brjod thams cad stong pa'i zhing // stong pa nyid ni mi gnas pa// mi

  14. 129b

    gnas pa ni ma skyes pa// ma skyes pa ni chos nyid la// ngag gi gleng brjod thams cad kun// ci med stong par shes par bya// sus kyang smra med smra mi 'dzin// 'dren pa'i dbango bo cang mi gsungo // gsungs kyang gsungs pa med pa'o// de 'dra'i don la gang gnas pa// de ni ngag gi spyod pa ste// de la nyin dang mtshan med pas// / brtson pa don dang ldan ces bya// de la lta ba gang dang ldan na/ don dang ldan pa ni/ lta ba rnam pa lnga ste/ brjod pa med pa'i lta ba ma yengs par lta ba dang / thabs la mkhas pa'i lta ba gang ltar drangs kyang don dang mi 'gal ba dang / don dang ldan pa'i lta ba gzhung du 'gro ba dang / chos nyid stong pa'i lta ba stong pa zhing du dag pa dang / ma byung ma skyes pa'i lta ba ma bcos par gnas pa ste/ de la 'di skad ces bshad par bya ste/ 'gyur ba med pa'i mkha' dubyings na// ngag gi spyod pa ma skyes pas// don gyi lto ba thag gcad pa'o// spyod pa thams cad kyi rgyal po brtson pa don ldan gyi rgyud la sa/ ngag gi spyod pa gang ltar spod cing lta ba'i le'u ste gnyis pa'o// // de nas bcom ldan 'das kyis sems kyi spyod pa gang ltar spyod cing / lta ba gango dang ldan pa'i tshod du brjod pa 'di

  15. 130a

    brjod do// sems kyi spyod pa gang yin pa// rdzogs chen rnal 'byor rnams kyis nyon// de la sems kyi smod pa la don rnam pa lnga ste/ sems nyon mongs pa gnas su dag par spyod pa dang / semos rang byung gi ye shes su spyod pa dang / sems 'gyur med kyi snying por spyod pa dang / sems bcos med kyi chos nyid du spyod pa dang / sems btsal du med pa'i ye shes su spyod pa dang lnga'o// de la sems nyon mongs pa gnas su dag par spyod pa ni/ 'dod chags dang / zhe sdang dong / gti mug dang / nga rgyal dang / phrag dog la sogs pa sems la 'dzin pa thams cad ye shes chen po'i don gyis 'byung ba las/ stong pa bstobs chad las ma byung bas/ de nyid ma nor ba'i don dang mthun par shes pa ni/ sems nyon mongs pa gnas su dag par spyod pa ste/ de la 'di skad ces bshad par bya'o// chags pa med ba'i sems nyid ni// sangs rgyas thugs rje yab dang yum// gnyis su med pa'i don gyis chags// 'di ltar lung dang ldan pa ni// bde ba'i ro las ma gtogs pa// log par gol ba gang yang med// gti mug chen po'i sems nyid ni// chos kyi sku ste tha mi dad// don gyis dmigs pa med pa'i ngang // 'di ltar lung dang ldan pa

  16. 130b

    ni// ma skyes pa las ma gtogs pa// mi shes rmongs pa'i gol sa med// zhe sdang chen po'i sems nyid ni// ma rtogs mtshan ma kun bcom pas// thabs la mkhas pas rol pa'i sku// 'di ltar lung dang ldan pa ni// rol pa'i sku las ma gtogs par// 'khor bar 'khyam pa'i gol sa med// nga rgyal chen po'i sems nyid ni// kun la khyab par 'phags pa ste// thabs kyi rgyal por rang byung bas// 'di ltar lung dang ldan pa ni// che ba'i sku las ma gtogs pa// nyon mongs khengs pa'i gol sa med// phrag dog chen po'i sems nyid ni// nyon mongs mtshan ma mi shong bas// chos nyid ngang la rnam rtog med// 'di ltar lung dang ldan pa ni// man ngag don las ma gtogs pa// phyogs char gol ba gang yang med// de ltar spyod pa gang yin pa// nyon mongs spyod kyang spyod du zad// spyod kyang yon tan yin pa las// don du ma song gang yang med// 'di ltar nyin dang mtshan med par// maun ngag 'di las ma yengs na// sau ma sa kau spyod pa dam pa yini// kun tu bzang po'i lung las gsungs// de la sems rang byung gi ye shes su spyod pa ni/ rang byung gi ye shes 'di btsal ba dang bcas pa las

  17. 131a

    gyur pa ma yin te/ de ci'i phyir zhe na/ ye thog ma nas kun tu bzang po'i ngang las thams cad byas zin pas/ rgyu rkyen gang gis kyang bskyed du med pa ste/ rang byung gi rgyal po ma skyes pa'i glong nas shar bas/ dang por ma skyes/ bar du ma btsal/ mtha' mar ma bsgrubs pas/ nam mkha' la btsal ba med par snang ba dang 'dra bar/ rang byung gi ye shes rtogs pa'i don dang ldan pa de/ rnal 'byor tshad ma rnams kyis/ blo la rang snang bar tshad mar 'byung ba ste/ de la 'di skad bshad par bya ste/ rgyud drug skye 'gro ma lus pa// sus kyang byas med byed mi 'gyur// yul dang dbang po thams cad dang // rnam par shes pa'i tshogs kun dang // rang sems rtogs pa'i khyad paro las// dper na nam mkha'i mtshan nyid la// 'byung ba'i cha rnams snang 'gyur yang // nam mkha' nyid du 'byung ba bzhin// kun/ gzhi sems kyi mtshan nyid las// ji ltar snang zhing grags pa dang // go zhing rtogs pa thams cad kun// rang byung rgyal po'i ye shes las// gal te las kyi dbang btsan na// rang byung ye shes de yang med// 'khor ba nyid du sems pa yang // 'khor ba rang byung ye shes pas// rtogs pa'i man ngag ma bstan byung //

  18. 131b

    dug gsum nyid du sems dpa' yang // dug gsum rang byung ye shes pas// ci yang bltas pa de bzhin bzang // rang byung ye shes spyod pa la// 'khor ba ngan song ming yang med// sems can las dang spong len med// rtogs pa'i klong du rang byung bas// rgyal ba nyid kyis 'di la bsngags// sems la dran rig byung ba yang // rang byung rgyal po'i ye shes yin// sems la byung tshor byung ba yang // rang byung rgyal po'i ye shes yin// sems la bde sdug byung ba yang // rang byung rgyal po'i ye shes yin// rang byung ye shes chen po ni// dus gsum rgyal ba'i rje btsan yin// lta ba skye shi med pa'i glong // dgongs pa 'du 'bral med pa'i ngang // spyod pa bcings med snying por spod// sgrub pa btsal ba med par sgrub// don gyi snying po nges pa'i lung // rang la yod pas bde ba'i zhing // rgyu nyid dag pa sa thar pa'i gnas// gzhung dang mthun pas nges pa'i don// 'di ltar sems spyod gang yin pa// ji ltar spyad kyang smad du zad// rang byung nyid las ma gtogs pa// zhen cing chags pa/ gang yang med// 'di ltar du sa dang rgyun med pas// mno ngag 'di las ma nyams na// semos kyi rang byung spyod par bshad// de la sems 'gyur/

  19. 132a

    med kyi snying por spyod pa ni/ sems ni kha dog dang dbyibs su 'gyur ba med pas/ 'gyur ba med pa nyid kyi don gyi snying po yin pa sa/ dper na gsal ba gang yin pa nyid nyi ma yin la/ nyi mo gang yin pa ni gsal ba dang dro ba yin pa dang 'dra b.radus mi 'gyur bas thog ma dang tha ma med par shes pa dang / spyod pa mi 'gyur bas nyin dang mtshan med par shes pa dang / sems mi 'gyur bas skye shi med par shes pa nyid 'gyur med kyi snying po yin pas/ 'gyur med kyi snyi ngo bo de nyid de ltar shes pa yin pas// de la 'di skad ces bshad par bya ste/ dus kyi boskal pa'i chu brug kyang // nam mkha' nyid la 'gyur ba med// bar snang khams kun gang yang med// de ni 'byung ba'i snying po yin// bar snang mtshon cha'i char phab nas// skye shi gnyis kyi ming btags kyang // byang chub sems la 'gyur ba med// de ni sems kyi snying po yin// sems la dngos po rdzas med pas// kho dog dbyibs su 'gyur ba med// sems la rtag pa'i mu med pas// ske shi gnyis su 'gyur ba med// sems la brten pa'i gnas med pas// phyogs dang rigs su 'gyur ba med// sems la chags pa'i

  20. 132b

    gnyid med pas// spong len gnyis su 'gyur ba med// sems la nga dang bdag med pas// bzang nga na gnyis su 'a gyur ba med// sems la rag pa'i rgyu med pas// rgyu 'bras gnyis su 'gyur ba med// sems la 'dzin pa'i sems med pas// mtha' dbus che chung 'gyur pa med// sems la dmigs pa'i sems med pas// yang dog mtho dman 'gyur ba med// de ni snying po nges pa'i lung // 'di ltar rtogs pa'i rnal 'byor pas// 'gyur med snying por spyad pas zad// de ltar dus dang rgyun med pas// lta ba 'di la gang gnas pa// sems spyod brtson pa don dang ldan// rang byung bcos med snying por 'grub/ sosangs rgyas rnal 'byor dus gsum du// kun tu bzang po dgongs pa tshang // gang ltar spyad kyang spyad du zad// 'gyur med snying po yin par shes// de la sems bcos med kyi chos nyid du spyod pa ni/ chos rnams kyi chos nyid de ni/ yang dag par rdzogs pa'i sangs rgyas rnams kyis kyang ma bcos bcos bar yang dka' la/ kun rdzob tu sems can gyis bslad kyang ma bslad/ bslad du med pas/ de bzhin du sems kyi don yang dag par gnas pas/ gzhan

  21. 133a

    du bstan du med pa ste/ de ci'i phyir zhe na/ de ni dper na dngos po med pa la/ gang gis gzung bar dka' ba bzhin/ chos nyid stong pa la sgo 'dogs par dka' bas/ don chos nyid yin par shes po la/ ma bcos par de dang mthun par spyod pa ni/ bcos med kyi chos nyid du spyod pa ste/ de la 'di skad ces bshad par bya'o// sems nyid ma skyes chos nyid ni// tshig dang yi ge kun spangs pas// 'di 'dra zhes ni bstan par dka'// sems kyi mtshan nyid de nyid la// de bzhin btsos pa med pa'o// de ni chos nyid yin zhes bya'o// rang sems ma skyes gang shes pa// de ni chos nyid spyod pa yin// ji ltar bzo mkhas tshul shes kya la sems nyid bcos par yongs ma gsungs// tshig dang yi ger ma bcos pos// de ni skye 'gag med pa'i dbyings// rang bzhin kun tu bzang po zhes// nges bar yang dag bstan par bya// ma bcos pa yi chos nyid la// sangs rgyas thams cad kun 'byung bas// 'byung ba nyid ni bac+doMs pa med // dper na nam mkha mtshan nyid la// 'ja' tshon gzugs brnyan snang ba yang // snang tsam nyid na rang bzhin med// de bzhin bcos pa med pa yis// skye dang 'gag spangs

  22. 133b

    chos nyid dbyings// gnyis med so so ma yin pas// skye ba med pas spros pa med// rang bzhin med pas 'dzin pa med// 'pho 'gyur med pas yum gyi glong / de la skye dang 'gag spangs pa'i// kun la rol pas yab kyi dbyangs// yum yab gnyis med so so min// de nyid bcos med chos nyid de// sus kyang bcos maud bcos mi 'gyur// 'di ltar rtogs pa'i rnal 'byor pas// bcos med chos su spyod pa de// de ltar nyin dang mtshan med pas// man ngag 'di la gang gnas pa// sems spyod brtson pa don ldan rgyud// nges pa nyid du 'grub pa ste// de ni rtag tu nges pa la// man ngag rlung la gnas pa'o// de la sems btsal du med pa'i ye shes su spyod pa ni/ sems kyi mtshan nyid ye nas ye shes kyi don dang ldan pa ste/ de la ni rgyu rkyen rten 'brel gyis btsal ba ma yin te/ rang gi rang bzhin gyi snying po man ngag gi don dang ldan pas/ thams cad du legs pa 'byung ba'i rang bzhin yin pas/ de lta bu'i don shes shing rtogs pa dang ldan pas spyod pa ni/ btsal ba med pa'i ye shes su spyod pa ste/ de ci'i phyir zhe na/ de ni rag gar yang ma lus pas/ yid bzhin

  23. 134a

    gyi nor bu rin po che ltar dgos 'dod thams cad 'byung bas/ man ngag don dang ldan pa'i dgongs pa nyid ni/ rig pa gsal bar nang nas shar bas/ btsal ba med par spyod pa yin pas/ de la 'di skad ces bshad par bya'o// btsal ba med pa'i sems nyid ni// chos kyi sku ste 'di nyid shar// ma g.yos pa yi dbyings nyid la// ma bcos pa yi chos nyid gsal// ma btsal ba yi yau shes shar// shar bas sangs rgyas thams cad thon// sangs rgyas thon pas sems can zad/ nyi ma shar bas mun pa nub// rig pa gsal bas mun pa stongs// ye shes gsal bas 'khor ba dngas// de la sus kyang btsal ba med/ @ med snying por shes pa la// rgyu 'bras can gyis de ma bstan// bcos pa med par shes pa las// gnyen po can gyis de ma bstan// 'gyur ba med par shes pa la/ 'chi 'pho can gyis de ma bstan// ma g.yos pa yi shes pa las// 'dzin rtog can gyis de ma bstan// mnyam pa nyid kyi shes pa las// che chung can gyis de ma bstan/ kun tu bzang pos shes pa las// gtsang sme can gyis de ma bstan// mtha' dbus med par shes pa las// phyogs ris can gyis de ma bstan//

  24. 134b

    de ltar shes pas sems shes la// sems shes pas ni ma btsal bas// ma btsal bas ni ye shes te// ye shes de shes spyod pa yin// thig le chen po btsal ba med// stong pa chen po btsal ba med// skye 'gag med pas btsal ba med// ma g.yos chos nyid btsal ba med// de ltor shes pa'i ye shes ni// de ni spyod pa don dang ldan// 'di ltar rtogs pa btsal ba yin// btsal ba nyid na btsal ba med// 'di ltar shes spyod spyod pa yin// spyod pa nyid na spyod pa med// de ni brtson pa don dang ldan// g.yeng med spyod pa don dang ldan// 'di ltar rtogs pa'i rnal 'byor pas// btsa lo ba med par su spyod pa/ brtson pa don ldan yin zhes bya// de ni sangs rgyas nyid du bstan// bcom ldan 'das kyis yang lung bstan// man ngag nges pas nyid lung bstano// 'di ltar spyod pa thar pa ste// thar pa nyid na ma thar gnas// ci phyir btsal ba med pa'o// btsal ba med cing bshad pa yang // lung dang gnas su btsal ba dang // 'du 'dzi g.yeng bas btsal ba dang // sdug bsngal phyogs rigs btsal ba dang // gzhan las gzhan du btsal ba min// ji bzhin de la ji bzhin btsal// man ngag de la nyid

  25. 135a

    khur btsal// 'gyur med de la glong du btsal// bcos med de la spros med btsal// yin pa'i don la nges pas btsal// gnas pa'i don la rtag par btsal// shes pa'i don la spyad par btsal// de ni btsal ba med pa yi// ye shes spyod pa yin zhes bya'o// // de la sems kyi lta ba gang dang ldan na/ don dang ldan pa ni/ sems kyi lta ba yengs pa med pa dang / sems kyi lte ba 'gyur ba med pa dang / sems kyi lta ba bcosra pa med pa'o// de la sems kyi lta ba yengs pa med pa ni/ gnyen po btsun pa ma yin/ rang gi rang bzhin gyis ma yengs pa de/ de ci'i phyir zhe na// ci spyad pa bde chen gyi glong yin pas/ yongs pa med pa'o// de la sems kyi lta ba 'gyur ba med pa ni/ rang bzhin mi g.yo ba la/ tshig dang yi ges gzhan du bstan par dka' bas/ cis kyang mi 'gyur ba'i don no// sems kyi lta ba bcos pa med pa ni/ dper nu nam mkha' la cha shas su bgos shing 'tshes pa ni tshi sa chad pa dang 'dra bar/ kun gzhi byang chub sems kyi mtshan nyid la/ ye khyab cing gangal ba chen por grub zin pa la/ tshig dang yi gas

  26. 135b

    bcos par dka' ba'i don te/ de la 'di skad ces bshad par bya'o// rang sems med pa'i sngon rol na// sangs rgyas byang chub yod ma yin// dus gsum rje btsan byang chub sems// kun tu bzang po nga yi sems// rnal 'byor skal ldan pa yi sems// 'phags pa'i rgyal ba nga yi sems// kun gyi snying por gyur pa lags// yang sa la khod snyoms byam pa'i klung // gzhan la phana'i dogs nus pa'i mthu// rang la btsal sem sra goms pa'i gro dang // gzhi gzhag don gyi snying por lta'o// spyod pa thams cad kyi rgyal po brtson pa don ldan gyi rgyud la so/ sems kyi spyod pa gang ltar spyod cing lta ba'i le'u ste gsum pa'o// / / de nas bcom ldan 'das kyis thabs kyi spyod pa gang ltar spyod cing / lta ba gang dang ldan pa'i don dang ldan pa 'di ched du brjod do// thabs kyi spyod pa gang yin pa// rdo rje sem sa pas mnyan par gyis// nges par lung 'di bstan par bya'o// de la thabs kyi spyod pa la rnam pa gsum ste/ kun rdzob dngos po'i chos la thabs kyis spyod pa dang / nyon mongs pa nang gi chos la thabs kyis spyod pa dang / bde ba chen po yum gyi

  27. 136a

    ga la gnyis su med par thabs kyis spyod pa'o// de la kun rdzob dngos po'i chos la thabs kyis spyod pa ni/ gnam ri dang sa brag rtsi shing dang nags tshal la sogs pa ji srid rdzas su yod pa thams cad dang / lus dang phung po la sogs pa skye 'gro ming dang mkhan du tshogs pa thams cad 'byung ba chen po lnga la sogs pa skyed cing snyoms pa thams cad la sogs pa/ skyon du bltas nas spong ba ma yin/ de nyid thabs kyi spyod pa ste/ dper na skyes bu dpa' rtsal dang ldan zhing thabs lo mkhas pas sngo ba'i phyogs thams cad btul naso/ yon tan du snang ba dang 'dra bar/ thabs mkhas po'i spyod pas/ mtshan mo rdzas su snang ba thams cad sgyu ma yin pa dang / rang bzhin ma grub pa dang / gnyis su med pa dang / ma skyes pas gang la spyod kyang / yon tan las skyon med de/ sgyu ma ltar shes pa la ma skyes par gol bas/ srog gcod pa la yang yon tan las skyon med de/ rang bzhin med par sheso pa la/ mnyam pa nyid du go bas/ ma byin par blangs pa la ya ngo yon tan las skyon med de/ gnyis su med par shes pa las// tha mi dad pas mi tshangs par smad kyang / yon tan las skon med de/ de don la

  28. 136b

    sbosgom pas su mi ston/ man ngag la sI ldings su bstan pas kyang / thabs kyi smod pa'o// de la phyogs cha'i ris su ma phye/ bdag med kyi shes rab tu brdal bas kyang / thabs kyang thabs kyi spyod pa'o// de la bzang ngan rim par ma phye/ rang byung gi longs spyod du mdzad pas kyang / thabs kyi spyod pa'o// de la 'di skad ces bshad par bya'o// snang srid mtshan ma'i rdzas rnams kun// ma rig rmongs pa'i blo rnams kyis/ yod pa nyid du snang ba de/ thab so la mkhas pa'i rnal 'byor pas// rang bzhin med par rig par spyod// rgyu 'bras mtshan ma'i chags sems la// gang zag 'khrul pas btags pas yin// mkhas pas yin dngos med rtogs// 'byung ba ma skyes yum gyi glong // 'gyur med snying po yin pas na// spyod pa'i rgyal po 'di las 'byung // lus kyi spyod pa thams cad bsgral// sems can thams cad bsgral ba ni// rgyal ba mnyes te sras su skye// gtsang sme med par zo ba ni// rgyal ba mnyes te sras su skye// spong len med par sbyor ba ni/ rgyal ba mnyes te sras su skye// bzang ngan med par spyod po ni// rgyal ba mnyes te sras su skye// thabs kyi spyod pas mo spyad na// spangs pa nyid kyang

  29. 137a

    'khor ba'i rgyu// thabs kyi spyod pas spyad pa ni// bdag pos zhing la longs spyod 'dra// gang zhig de dung mi ldan nA// rang nor spyad kyang ma bslangs// thabs la mkhas pa'i spyod pa ni// 'byung ba chos nyid yum du spyad// snang srid kun tu bzang mor spyod// yum ni chos kyi dbyings su spyad// lus ni phyag rgya chen por spyod// phung po rnam grol zhing du spyod// dug gsum sku gsung thugs su spyod// don dom nyid du ma skyes pas// thabs kyis spyad kyang gol sau med// ma chags rtog pa med par spyod// don dang mthun zhing 'gal ba med pa'o// de la nyon mongs pa ning gi chos la thabs kyis spyod pa ni// dper na nyi ma'i dkyil 'khor la/ mun pa dang gis mi gnas pa dang 'dra ba bzhin du/ thabs la mkhas pa'i spyod pa la/ nyon mongs pa dang gis mi gnas te// thabs la mkhas pas 'dod chags chos nyid dag pa'i rgyan du spyod/ zhe sdang thugs rje chen pa'i zhing du spyod/ ga ti mug ma skyes pa'i dbyings su spyod/ nga rgyal che// ba'i yon tan gyi mchog tu spyod/ phrag dog rnam par rtog po mi mnga' bar spyod pas/ dper na de bzhin gshegs pa'i sku la gang ltar bltas pos legs pa

  30. 137b

    bzhin thabs ma mkhas pa'i spyod pas ji ltar spyod pa legs pa'i zhing yin pas/ de la 'di skad ces bshad par bya ste/ nyon mongs rgyu rnams thams cad kun/ thabs kyi spyod pa zhing yin pos// de yang mo spang spyad par bya// gti mug thabs kyis ma spyad na// de bzhin rigs kyi sku mi 'grub// zhe sdang thabs kyis ma spyad no// rdo rje rigs kyi sku mi 'grub// nga rgyal thabs kyis ma spyad na// rin chen rigs kyi sku mi 'grub// 'dod tshogs thabs kyis me sprad na// pad+ma rigs kyi sku mi 'grub// phrage dog thabs kyis mi spyad na// las kyi rigs kyi sku mi 'grub// nyon mongs lnga po thabs su mnyam// rigs sku lnga spyod par 'dus// nyon mongs lnga po sgyu mar spyod// rigs kyi sku lnga thabs su shes// nyon mongs lnga po gcig tu spyod// rigs kyi sku lnga gnyis med thabs// nyon mongs lnga po ye nas dag/ rigs kyi sku lnga gdod na so byung // nyon mongs lnga po nam mkha'i khams// rigs kyi sku lnga gzo' skar tshul// nyon mongs lnga po rgya mtsho bzhin// rigs kyi sku lnga chu zla ltar// rgya mtsho chu zla dbyer med mnyam// don la gnyis med thabs su spyod// nyon mongs lba

  31. 138a

    la thabs kyis spyod// man ngag don 'di su spyod pa// dus drug nyin dang mtshan med par// 'phrin las tshegs par ma chad pas// brtson pa don dang ldan ces bya'o// // de la bde chen yum gyi b+ha ga la/ gnyis su med par thabs kyis spyod pa ni/ thams cad du bde ba'i longs spyod de/ dper na gser gyi gling nas sa rdo btsal gyis mi rnyed la/ 'dod chags kyi dga' ba brdar na/ gang yang mi dga' ba dang / mi bde ba med pa bzhin/ chos nyid bde ba chen po'i don gyi man ngag la/ 'khor ba'i skyon dang zug rngu btsal gyis mi rnyed la/ chos nyid kyi dga' bde sems kyi ro nyams su btar na/ dga' ba'i longs spyod ma yin pa dang / bde ba'i longs spyod ma yin pa gang yang med par shes pas/ de nyid blo'i chags par bya ba'i yul du gyur pa yin pas/ yum gyi b+ha ga yin la/ de gnyis su med par spyod pa ni thabs te/ dus thams cad du rtsol ba dang bral bas/ gnyis su med pa'i rol pa rgyun ma chad nal na nal te legs par btsal med kyi dga' ba de la bzhugs/ sems kyis thams cad du dran rig skyes pas/ dus gsum du rig pas dbyings lon pas/ 'du 'bral med pa'i

  32. 138b

    dbyings su rgyun ma chad/ dran rig ma skyes na ma skyes te/ dran med ye shes kyi glong na/ 'dzin med thabs kyi rgyal po/ 'gyur med dga' bde'i glong na bzhugs pas// / de la 'di skad ces bstan par bya'o// rtsa ba gnyis su med pa ni// yab yum gnyis su med pa ste// don 'di rtogs na shin tu bde'o// dbyings la sbyor bas yum zhes bya'o// thabs la spyod pas yab ces bya'o// nyams su len pas byang chub sems// blo la bstar bas dgos pa'i ro// gang yin pa yi chos rnams la// 'di shes pa yis de bzhugs byas// bde ba chen po'i thabs su spyod// mu mtha' med pa'i spyod pa la// de yi rtsol ba der bzhugs pas// bde ba chen po'i thabs su spyod// ma spangs pa yi rgyu rnams la// rol pa chen po'i tha bas bzhugs pas// bde bo chen po'i thabs su spod// gnyis su med pas dga' zhes bya// gsal la dog pas dga' zhes bya// chags par bya bas yum zhes bya// dmigs par bya bas yab rgyas bya'o// gaunas par byas pas b+hu ga'o// dga' bo de skyes pas dag pa'o// sprad por byas pas b+ha ga'o// rdo rje semasod pa'i dga' ba'o// kun tu bzang po'i bde ba'o// mnyamo pa nyid kyi spobs pa'o// skye

  33. 139a

    'gag med pa'i 'phrin las so// rnal 'byor thugs kyi dgongs pa'o// sangs rgyas rnams kyi mdzad spyod do// 'di ltar man ngag don 'chang ba// thabs kyi spyod pa dam pa 'chang // 'di ltar thams cad du gnas pa// brtson pa don dang ldan pa'i rgyud// thabs kyi spyod pa yin zhes bya'o// de ltar lta bo gang dang ldan na don gang dang ldan pa ni/ lta ba thog ma nyid nas ldan pa la/ de 'di lta ba yin pa de bzhin du lta ba ste/ de gang zhe ni/ de yang thog ma med nas rang bzhin med pa'i ma skyes pa yin pa las/ de bzhin du lta ba thog ma nyid nas ma g.yos shing / gnyis su med par de bzhin du lta ba dang / thog ma nyid nas ma bcos shing / mi 'gyur pos de bzhin du lta ba'o// de la 'di skad ces bshad par bya'o// ye nas bcos pa med pa yi// rang byung snying po yin pa la// de bzhin btsal ba med pa yi// de bzhin g.yos pa med par gzhag/ de nyid chos nyid yin shes nas// gzhan du chos nyid brtag mi dgos// ma bcos pa yi man ngag la// de nyid goms pas gdeng chen du// nges par lung bstan bshad par bya'o// des ni yod ces la bzlas so// spyod pa thams cad

  34. 139b

    kyi rgyal po brtson pa don ldan gyi rgyud las/ thabs kyi spyod pa gang ltar spyod cing lta ba'i le'u ste bzhi pa'o// // de nas bcom ldan 'das kyis de skad ces bka' stsal pa dang / rdo rje sems dpa' shin tu gdung ba'i mchi mas dus so// de nas bcom ldan 'das kyis/ rdo rje sems dpa'i thugs ngan bsang ba'i phyir/ 'di skad ces bka' stsal to// 'gro la phan pa'i gtso chen gyis// gdung ba skyes pa shin tu legs// gang zhig nyan par brtson pa ni// legs 'ongs bu la bshad par bya'o// de nas rdo rje sems dpas gsol pa/ sangs rgyas thams cad spyod pas sangs rgyas na/ sems can spyod pa de ltar ma rtogs pa shin tu 'gyod do// ngag gi spyod pa ci brjod pa chos nyid skye 'gag med pa yin pas/ 'gro bas de ltar ma rtogs po shin tu 'gyod do// lus kyi spyod pa ci la rol pa gnyis su med pa'i thabs dang shes rab yin pas/ sems can gyis de ltar ma rig pa shin tu 'gyod do// sems kyi spyod pa ci bsams shing dran pa thams cad/ ye shes kyi ngang gis rol pa lags pa de ltar ma rtogs pa shin tu 'gyod do// sems can thams cad kyis lus kyi spyod pa

  35. 140a

    ma shes pas sdug bsngal sna tshogs nyams su myong nas/ thabs dang shes rab nub par gyur pa dang / ngag gi spyod pa ma shes pas lce la zhing rmo ba la sogs pa sdug bsngal nyams su myong nas/ chos nyid skye ba med pa'i don nub par gyur pa dang / sems kyi spyod pa ma shes pas nyon mongs pa kha lo brgyud pas sdug bsngal sna tshogs nyams su mong nas/ rig pa'i ye shes nub par gyur ba dang / thabs kyi smod pa ma shes pas/ 'dzin chags kyis yangs spyod pas// sdug bsngal sna tshogs nyams su myong nas/ sangs rgyas kyi dgongs spyod dang bral bar gyur pa'i sems can glen pa rnams la/ thabs mkhas pa'i lta bo'i rgyal po spyod pa 'di lta bu mnga' ba de/ sems can gyis de ltar ma 'tshal ba de don ji lta bu lags/ sems can du gnas pa yang spyod pa/ 'khor bar 'khyams pa yang spyod pa/ nyon mongs shing nyam thag pa yang spyod pa/ 'di ltar gsungs na/ de nyid bde ba yang dag pa las skyon du ma song ba ste/ sems can gyis de ltar ma 'tshal ba de ji lta bu lags/ sangs rgyas kyi thugs yang dag pa'i ye shes btsal ba med pa'i snying po de sems can gyi den spyod pa dang / skyon nyid las byung

  36. 140b

    ba las/ de sems can gyis ma 'tshal ba de ji lta bu lags/ chos kyi sgo mo bka' stsal cing ji snyed cig gsungs pa yang / 'khor ba nyid na de nyid byang chub kyi chos su gsungs pa de/ sems can rnams kyis chos de bzhin du ma 'tshal ba de ji lta bu lags/ de la bdag ni shin tu mchi ma dku'o zhes ngus so// de bzhin du rigs lnga kun gyis kyang dus so// rnam par snang mdzad kyis sems can rtag chad gnyis su blta ba la dus so// rin po che'i rigs kyi sangs rgyas kyis sems can bzang ngan gnyis su blta ba la dus so// pad+ma'i rigs kyi sangs rgyas kyis sems can gtsang sme gnyis su blta ba la dus so// las kyi rigs kyi sangs rgyas kyis sems can spong len gnyis su blta ba la dus so// rigs kyi yum rnams kyis sems can rnams kyis thabs ma shes pa la dus so// sras byang chub sems dpa' rnams kyis las ma shes pa la dus so// de lta bus dus tsam nyid na rdo rje sems dpa' la sogs pa rigs lnga'i sangs rgyas yab yum dang / sras byang chub sems dpa' la sogs pa gang yang med cing gang gis kyang ma dus so// de nas bcom ldan 'das kyis ma gsungs

  37. 141a

    par bka' stsal pa/ rdo rje sems dpa' sems can gyis spyod pas sdug bsngal gyi kha brgyud pa ni/ dper na sman gyi sbyor thabs mi shes pas sman sa gru sa dus kyu 'a sa ngos rgyas kyi spyod par brtsal yang sdug bsngal gyi gtan gzhir 'gyur lo/ rgyud kyi rgyal po 'di thos pas ni/ nyon mongs pa'i sdug bsngal gyi gtan zhing du spyod kyang // thar pa bde chen sangs rgyas kyi mdzad spyad du 'gyur ro// rdo rje sems dpa' sems can gyi spyod pas 'khor zhing 'khyams pa lo rgyud 'di gsungs na/ 'khor ba nyid bde ba yang dag par 'gyur ba ni/ dper ni zas bcos ma legs na nad du gyur nas 'chi bar 'gyur la/ de nyid spyod legs pas gzi mdang sa bkrag dang ldan pa bzhin du/ rgyud 'di ma rtogs shing ma go bas sems can 'khor bar 'khyams la/ rgyud 'di rtogs shing go na 'khor ba nyid bde ba'i ror rtogs pas sangs rgyas par 'gyur ro// rdo rje sems dpa' sangs rgyas kyi thugs yang dag pa'i ye shes btsal ba med pa'i snying po nyid ni/ sems can kun gyi spyod pa dang skon las

  38. 141b

    byung ba sems can gyis ngo ma shes pa ni/ dper na rgyal rigs sam/ bram ze'i rigs sam/ khyim bdag gi rigs shing sA la lta bu gzhon pa la mda' dang / rtsed mo dang / gzhon nu rol ba la sogs pa nus pa de rang nyid la tshang bar yod kyang / 'tsho ba'i ma ma dang / brtse ba'i ma ma la sogs pa rnams kyis ma bstan na/ de ltar ngo mi shes la/ bstan pas ngo shes pa bzhin/ don gong ma 'di dag sems can gyi skyon yin pa de/ lung nges pa 'dris ma bstan na/ de bzhin du ngo mi shes shing / mi rtogs la/ lung 'di bstan pa dang skyon nyid yang dag pa'i lung du 'gyur ro// rdo rje sems dpa' chos kyi sgo mo sems can 'di nyid las 'byung/ ba ni/ dper na nam mkha' la char pa de nyid rgya mtsho nyid las 'byung zhing de nyid du 'bab pa bzhin gnas kyang / shes pa dag pas de bzhin du rtogs la/ shes pa ma dag pas de bzhin du mi shes pa bzhin/ chos kyi sgo mo bosam gyis mi khyab par gsungs pa yang / sems can gyi rgyud nyon mongs pa dang / 'khor ba nyid la gsungs la/ yin yang de nyid yin la/ 'bras bu yang de nyid las gzhan du btsal du med pa'i don/ rgyud 'di blo la 'dris pa rnams kyis de bzhin

  39. 142a

    du shes pa las/ 'di blo la ma 'dris pa rnams kyis rtogs par dka' 'o// de ci'i phyir zhe na/ de ni yod pa nyid du gnas pa dang / gnas pa nyid du med pa'i don ma rtogs pas/ de la 'di skad ces bshad par bya'o// kun nas gsang ba'i man ngag ni// gnas pa nyid kyis ma rtogs te// 'jig rten khams na 'phyal zhing nyen// yang gsang nges pa'i theg pa 'di// rang nyid yin pas brtags pa'i rgyu// zhes bya ste/ de bas na rdo rje sems dpa' sems can/ gyi nyon mongs pa med pa'i dngos grub ni/ bde bar gshegs pa la yang mi mnga'a'o// sems can gyi skyon med pa'i yon tan ni/ de bzhin gshegs pas kyang ma bshad do// sems can gyi spyod pa nyid chos nyid yin pa las/ de las gzhan pa'i chos ni ston pas kyang ma gsungs so// 'khor ba nyid kyang mya ngan las 'das pa yin pa las/ gzhan du mya ngan las 'das pa yod par ma bstan to// sems can gyis ci byas ci spyad pa nyid kyang rnam par dag pa sangs rgyas kyi mdzad spyod yin pa las gzhan du sangs rgyas kyi mdzad spyod mi 'byung ngo // rgyud 'di nyid gdod ma nas rnam par dag pa'i 'bras bu yin pa las/ bairtsal ba dang bcos pa'i

  40. 142b

    'pho 'jug ni rang gi rig pa'i glong nas ma phye ba'o// de lta bu'i don sems can la rang la rang chas su yod na/ 'gyod pa'i rgyu ci yod ces bka' stsal pa dang / rdo rje sems dpa' mya ngan sangs par gyur to// spyod pa thams cad kyi rgyal po brtson pa don ldan gyi rgyud las/ rdo rje sems dpa' thugs mya ngan sangs pa'i le'u ste/ lnga pa'o// // de nas rdo rje sems dpas/ bcom ldan 'das la 'di skad ces gsol to// bcom ldan 'das 'khor ba nyid kyang mya ngan/ las 'das par lung bstan pa'i rgyud 'di/ ma bslabs pa'i yon tan khyad par du che ba dang / ma brtsal ba'i mthu dpag tu med pa dang / ma bsgrubs pa'i dngos grub shin tu brjod kyis mi lang ba dang / ma gsungs pa'i chos pas mau gyis mi khyab pa dang ldan pa'i rgyud 'di ni/ nyan thos dang theg pa dman pa rnams kyis rtogs pa lta ci smos kyi/ ming tsam yang thos par mi 'gyur la/ sa pas rgyas thams cad kyis kyang 'di'i yon tan brjod kyis mi lang ba lags te/ nam mkha' cha shas su sngo zhing gtse bar rung gis/ 'di'i yon tan brjod par mi nus so// 'byung ba thams cad ni 'byung ba nyag mas btsal nas bsgrang bar zad kyi/ 'di'i

  41. 143a

    yon tan ni brjod kyis mi lang ba lags so// de ci'i slad du zhe na/ bcom ldan 'das 'di'i don ni grangs sam mu mtha' dpag tu med pa'i phyir ro// de lta bas na rgyud 'di sus thos pa ston pa nyid do// ston pa nyid kyang rgyud 'di'o// rgyud 'di su 'dzin pa kun tu bzang po'o// kun tu bzang po yang rgyud 'di'o// 'di yid la dran pas sangs rgyas thams cad kyi thugs ye shes so// gong du bstan pa ltar dkon pa nyid dpe ni/ u dum pa ra dang 'dra'o zhes gsol pa dang / bcom ldan 'das kyis bka' stsal pa/ rdo rje sems dpa' legs so legs so// rgyud 'di ni nga kun tu bzang pos dus gsum du dgongs pa nyid yin no// nga'i dgongs pa nyid 'dir bstan pa yin pas/ rgyud 'di yang rim gyis bstan pa las/ kun tu rgyas par bstan pa dang / yang dag pa'i man ngag nges par 'dod pa dang / don man ngag 'di dang phrad na zang zing dang / yon tan dang / mgron tshegs la mi blta ba'i rnal 'byor pa 'ga' zhig srid pa dag la bstan par bya'o// gang zhig snod dang mi ldan pa rnams ni/ dmus long la rang bzhin bstan kyang mthong du mi btub pa'i dpe bzhin du/ man ngag bstan kyang go/

  42. 143b

    zhing rtogs par mi nus pa yin pas/ de bas na shin tu gsang bar bstan pa'o// rdo rje sems dpa' rgyud 'di'i ming tsam 'dzin pa 'am/ tha na tshig 'bru gcig tsam yang kha ton du 'don na/ man ngag gi dngos grub thob pa yin pas/ de la ni rgyu 'bras su gol sa med do// de skad ces gsungs kyang ma gsungs par bka' stsa pas/ rdo rje sems dpa' dang de dang mi gnyis gcig pa'i gang zag rnal 'byor chen po rnams kyis rgyud kyi don rtogs par 'gyur ro// spyod pa thams cad kyi rgyal po brtson sa wA Sh+T+rI r+g+hA / na nad rgyu gad / sma ma / rgyapo'i na pa na kyi gsungs pa med pa'i mdzod/ sems kyi 'bras bu'i mchog rdzogs so// // sa skye'i rgyud las bsgyur zhus dag/ rgya gar skad du/ sa tsa karma sarba rA dza tan tra/ bod skad du/ 'phrin las thams cad kyi rgyal po skabs sbyor bdun pa'i rgyud bcom ldan 'das dpal kun tu bzang po la phyag 'tshal lo// 'di skad bdag gis shes pa'i dus gcig na/ bcom ldan 'das yid byed pa po rang byung gi gnas