'phags pa rmad du byung ba zhes bya ba chos kyi rnam grangs
Āryaadbhyrtarmspsryayanāma
Text
ff. 303b–307b · 9 folio sides
- 303b
mkhan po 'dzin mi tha dang / dan shI la dang / zhu chen gyi lo tsA ba ban de ye shes sde bsgyur cing / zhus te/ skad gsar chad kyis kyang bcos nas gtan la phab pa// rgya gar skad du/ Ar+ya ang bye tarma bar+ya ba nAm/ bod skad du/ 'phags pa rmad du byung ba chen po'i chos kyi rnam grangs sangs rgyas dang / byang chub sems dpa' thams cad phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na/ 'od ma'i tshal bya ka la gnas pa na bzhugs so// de nas tshe dang ldan pa kun dga' bo// snga dro'i dus kyi tshe/ chos gos dang / sham thabs bgos te/ lhung bzed thogs nas/ rgyal po'i khab du grong khyer du mthar chagasu bsod snyoms spyod pa'i tshe/ phyogs shig na khang pa brtsegs pa sgo brgyad cu yod la/ byug pa byugs pa/ gdugs dang / rgyal mtshan dang / ba dan bsgreng / dar gyis lnga ldi mang po sbyangs pa zhig mthong nas/ de 'di snyam sems te/ rigs kyi bu 'am rigs kyi bu mo dad pa gang la la zhig gis khang pa brtsegs pa 'di lta bu byas te/ phyogs bzhi'i dge 'dun la phung ba dang / gang de bzhin gshegs pa dgra bcom pa yang dag par rdzogs pa'i sangs rgyas yos/ su mya ngan las 'das pa'i mchod rten 'jim pa las skyu ru ra'i 'bras bu tsam byas rgyal/ khab tsam gyi srog shing brdugs te/ rgya shugs kyi lo ma tsam gdugs su
- 304a
gsol nas/ nas kyi 'bru tsam gyi sku gzugs byas la/ yungs 'bru tsam gyis ring bsrel bcug na de gnyis la dong chags bsod nams che shin tu che ba gang yin snyam mo// de yang 'di snyam du sems te/ ston pa ni bdag gi mngon sum du gyur/ bde bar gshegs pa bdag mngon sum du gyur gyis/ bcom ldan 'das bdag gis don 'di nyid gsol to// bcom ldan 'das bdag la ji skad bstan pa bzhin du bzung bar bya'o snyam mo// de nas tshe dang bla kun dga' bo rgyal po'i khab du bsod snyoms blangs te/ zas kyi bya ba byas nas/ bsod snyoms kyi zas phyi ma spangs te/ chos gos dang / lhung bzed bzhag nas/ rkang pa bkrus te/ bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te phyogs cig tu 'dug go/ phyogs cig tu 'dug nas kyang / bcom ldan 'das la tshe dang ldan pa kun dga' bos 'di skad ces gsol to// btsun pa bdag 'dir snga dro'i dus kyi tshe/ chos gos dang / sham thabs bgos lhung bzed thogs te/ rgyal po'i khab kyi grong khyer de mthar chags su bsod snyoms spyod pa'i tshe phyogs shig na/ khang pa brtsegs pa chag sgo brgyad bcu mchis la byug pas byugs pa/ gdug dang / rgyal mtshan dang / ba dan bsgreng / dar gyis lnga ldi mang po sbyangs pa dag mthong nas/ 'di snyam du sems te/ rigs kyi bu mo dad pa gang la la zhig khang pa brtsegs pa
- 304b
'di lta bu bgyis te// phyogs bzhi'i dge slong gi dge 'dun la phul ba dang / gang gis de bzhin gshegs pa dgra bcom pa yang dag par rdzogs pa'i sangs rgyas mya ngan las 'das pa'i mchod rten 'jim pa las sgyur ru ri'i 'bras bu tsam bgyis la/ khab pa tsam gyi srog shing brtsugs te/ rgya shugs gi lo ma tsam gyi gdugs gsol nas/ nas kyi 'bru tsam sku gzugs bgyis la yungs bru tsam gyi ring bsrel bcug na/ de gnyis las bsod nams shin tu che ba gang lags snyam mo// bdag gis yang 'di snyam du bsams te/ ston pa ni bdag gi mngon sum du gyur/ bde bar gshegs ni bdag gi mngon sum du gyur gyis// bcom ldan 'das la bdag gis don 'di nyid gsol te/ bcom ldan 'das kyis bdag la ji skad bstan pa bzhin du bzung bar bgyi snyam nas/ bcom ldan 'das la bdag don 'di nyid zhu ba lags na thugs brtse bas nye bar bzung ste/ bcom ldan 'das kyis/ bdag la don 'di nyid legs par bstan du gsol/ de skad ces gsol ba dang / bcom ldan 'das kyis tshe dang ldan pa kun dga' bo la 'di skad ces bka' stsal to// / kun dga' bo khyod skye bo mang po la phan pa dang / skye bo mang po la bde ba dang / 'jig rten la snying brtse ba'i phyir zhugs nas/ lU dang mi rnams la phan pa dang / bde ba'i don kyi phyir/ khyod de bzhin gshegs pa la don 'di nyid 'dri bar sems pa ni legs so// legs so// kun dga' bo de'i phyir legs par rab tu nyon la zung shig dang /
- 305a
bshad do// kun dga' bo 'jam bu gling gi gling ni chur dpag tshad bdun stong / rgyar yang dpag tshad bdun spong / byang du ni kha de chen che ba/ lho ni sogs kar 'dug pa ste/ rigs kyi bu 'am/ rigs kyi bu mo dad pa gang la la zhig gi/ rin po che sna bdun gyi rang bzhin du byas te/ rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas dang / phyogs bzhi'i dge slong gi dge 'dun la phul ba las/ gang gis de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'das pa'i mchod rten 'jim pa las skyu ru ra'i 'bras bu tsam byas la/ khab tsam gyi srog shing btsugs te/ rgya shugs gi lo ma tsam gyi gdugs gsol nas/ nas kyi 'bru tsam gyi sku gzugs byas la/ nyungs 'bru tsam gyi ring bsrel bcug na de ni/ de bas ches bsod nams che'o// zhes nga smra'o// kun dga' bo// 'dzam bu'i gling lha zhog go// kun dga' bo shar gyi lus 'phags zhes bya ba'i gling yod de/ chur ni dpag tshad brgyad stong / rgyar yang dpag tshad brgyad stong / kun nas bla gab ltar grub pa de/ rigs kyi bu 'am/ rigs kyi bu mo dad pa gang la la zhig gi rin po che sna bdun gyi rang bzhin du byas te/ rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang /
- 305b
sangs rgyas rnams dang / phyogs bzhi'i dge slong gi dge 'dun la phul ba las/ gang gis de bzhin gshegs pa dgra bcom pa yang dag par rdzogs pa'i sangs rgyas yongs mya ngan las 'das pa'i mchod rten 'jim pa las skyu ru ra'i 'bras bu tsam byas la/ khab tsam gyi srog shing brtsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ yungs 'bru tsam gyi ring bsrel bcug na/ de ni de bas ches bsod nams che'o zhes nga smra'o// kun dga' bo 'dzam bu'i gling lta yang zhog/ shar gyi lus 'phags gling lta zhog/ kun dga' bo nub kyi ba lang spyod ces bya ba'i gling yod de/ chur ni dpag tshad dgu stong zheng yang dpag tshad dgu stong ste/ kun nas zla ba nya ba lta bur 'grub pa de/ rigs kyi bu 'am rigs kyi bu mo dad pa gang la la zhig gis/ rin po che sna bdun gyi rang bzhin du byas te/ rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi pa'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas/ yongasu mya ngan las 'das pa'i mchod rten 'jim pa las// skyu ru ra'i 'bras bu tsam byas la/ khab tsam gyi srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ grangs 'bru
- 306a
tsam gyi ring bsrel bcug pa de ni/ de bas ches bsod nams che'o// zhes nga smra'o// kun dga' bo 'dzam bu'i gling lha yang zhog/ shar gyi lus 'phags kyi gling lha yang zhog/ nub kyi ba glang skyong gling lha yang zhog ste/ kun dga' bo byang gi sgra ma snyan ces bya ba'i gling yod de/ chur ni dpag tshad khri rgyar yang dpag tshad khri ste/ kun nas gru bzhi lham grub pa ste/ rigs kyi bu 'am/ rigs kyi bu mo dad pa gang la la zhig gis/ rin po che sna bdun gyi rang bzhin du byas te/ rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas/ yongs su mya ngan las 'das pa'i mchod brten 'jim pa las skyu ru ra'i 'bras bu tsam/ byas la/ khab tsam gyi srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ yungs 'bru tsam gyi ril bsrel bcug na/ de ni de bas ches bsod nams che'o// zhes nga smra'o// kun dga' bo 'dzam bu gling lha'ang zhog/ shar gyi lus 'phags kyi gling lha'ang zhog nub kyi ba lang spyod kyi gling lta'ang zhog/ byang gi sgra mi snyan gyi gling lha 'ang zhog ste/ kun dga' bo lha'i dbang po brgya byin gyi khang bzangs rnam par rgyal byed ces bya ba yod de/
- 306b
de rigs kyi bu 'am/ rigs kyi bu mo dad pa gang la la zhig gis/ rin po che sna bdun gyi rang bzhin du byas te/ rgyun tu zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi pa'i dge slong gi dge 'dun la phul ba bas/ gang gis de bzhin gshegs pa dgra bcom pa yang dag par rdzogs pa'i sangs rgyas yongasu mya ngan las 'das pa'i mchod rten 'jim pa las skyu ru ri'i 'bras bu tsam byas la/ khab tsam gyi srog shing btsug te/ rgya shug gi lo ma tsam gyi gdugs gsol ba/ nas kyi 'bru tsam gyi sku gzugs byas la/ yungs 'bru tsam gyi ring bsrel bcug pa de ni/ de bas ches bsod nams che'o// zhes nga smra'o// kun dga' bo 'jam bu'i gling lta zhog/ shar gyi lus 'phags gling yang lha zhog/ nub kyi ba lang spyod kyi gling lta zhog/ byang gi sgra me snyan gyi gling lha zhog/ lha'i dbang po brgya byin gyi khang bzangs rnam par rgyal ba zhes bya ba lha yang zhog ste/ kun dga' bo stong gsum gyi stong chen po 'jig rten gyi khams yod de/ rigs kyi bu 'am/ rigs kyi bu mo dad pa can/ gang la la zhig gi rin po che'i sna bdun gyi rang bzhin du byas te/ rgyun tu zhugs pa rnams dang lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams dang / phyogs bzhi'i dge slong gi dge 'dun la phul ba bas/ gang gis de bzhin gshegs
- 307a
pa dgra bcom pa yang dag par rdzogs pa'i sangs rgyas/ mya ngan las 'das pa'i mchod rten 'jim pa la skyu ru ri'i 'bras bu tsam byas la/ khab tsam gyi srog shing btsugs te/ rgya shug gi lo ma tsam gyi gdugs gsol nas/ nas kyi 'bru tsam gyi sku gzugs byas la/ yungs 'bru tsam gyi ring bsrel bcug na de ni de bas ches bsod nams che'o// zhes nga smra'o// de ci'i phyir zhe na/ kun dga' bo de bzhin gshegs pa ni ye shes dpag tu med/ tshul khrims dpag tu med pa/ bzod pas dpag tu med pa/ brtson 'grus kyi dpag tu med pa/ bsam gtan gyi dpag tu med pa/ byams pas dpag tu med pa/ snying rjes dpag tu med pa/ dga' bas dpag tu med pa/ gtang snyoms kyi dpag tu med pa sangs rgyas kyi chos ma 'dres bcom brgyad dang / stobs bcu dang / mi 'jigs pa bzhi dang / sangs rgyas kyi chos ma 'dres pa dang / nye bar gzhag pa ma 'dres pa gsum dang / snying rje chen pos dpag tu med pa ste/ kun dga' bo de bzhin gshegs pa dgra bcom pa yang dag par rdzogs pa'i sangs rgyas yon tan dpag tu med pa dang ldan pa'i phyir ro// de skad ces bka' stsal pa dang / tshe dang ldan pa dga' bos bcom ldan 'das la 'di skad ces gsol to// bcom ldan 'das 'di lta ste/ chos kyi rnam grangs 'di ni ngo mtshar lags so// bde bar gshegs pa ngo mtshar lags so// chos kyi rnam grangs 'di'i ming ci lags/ 'di ji ltar
- 307b
bzung bar gyis/ bka' stsal pa/ kun dga' bo de'i phyir/ chos kyi rnam grangs 'di rmad du byung ba'i chos kyi rnam grangs shes/ bya bar zung shig/ de bas na chos kyi rnam grangs/ 'di ni rmad du byung ba'i// chos kyi rnam grangs shes bya ba'i/ tshig bla dgas so// bcom ldan 'das kyis de skad ces bka' stsal nas/ tshe dang ldan pa kun dga' bo yid rangs te/ bcom ldan 'das kyis gsungs pa la mngon par stod do// 'phags pa rmad du byung ba'i chos kyis rnam grangs zhes bya ba rdzogs s+ho// rgya gar skad du/ Ar+ya sing hA nA di kan na ma ma hA ya na su tra/ bod skad du/ 'phags pa seng ge'i sgra sgrags pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gi thos pa'i dus cig na/ bcom ldan 'das sangs rgyas nyi zla'i gnas/ rnam par rgyal byed kyi khang bzangs kyi nang dge slong gi 'dun chen po dgra bcom pa bye ba khrag khrig brgya stong phrag dgu bcu rtsa dgu dang thabs cig tu bzhugs so// de'i tshe bcom ldan 'das kyi byang chub sems dpa' rnam par rgyal ba'i phung po la bka' stsal pa/ rnam par rgyal ba'i phung po khyod sangs rgyas kyi zhing 'di nas byang phyogs logs na/ gang ga'i klung drug bcu'i bye ma snyed kyi zhing sangs rgyas kyi zhing rdul phra rab snyed 'das pa na/ 'jig rten gyi khams mngon par dga' ba zhes bya ba zhig yod de/ de bzhin gshegs pa dgra bcom pa
Colophon
'phags pa rmad du byung ba zhes bya ba chos kyi rnam grangs zhe by aba rdzogs s+ho/