F258MW1KG13607_0258mdo sdeAll versions of this work

'phags pa de bzhin gshegs pa'i snying po zhes bya ba theg pa chen po'i mdo

Āryatathāgatāgarbhanamamahāyanasutra

Text

ff. 202a–222a · 41 folio sides

  1. 202a

    mngonamagon po'i mchog sems can thams cad la phan par mdzad pa/ 'jig rten gyis mi bskyod pa/ mkha' ltar mi gos pa/ bsam par 'os pa/ bsam gyis mi khyab pa/ lta 'dod pa'i blta na sdug pa/ 'di 'dra ba ni bdag gis rnyed pa rab tu bsnyed do// bde bar gshegs pa rnyed pa rab tu brnyed do// bcom ldan 'das kyis de skad ces bka' stsal nas/ 'jam dpal gzhon nur gyur pa dga'o// byang chub sems dpa' sems dpa' chen po de dag dang / dge slong de dag bcom ldan 'das kyis bshad du gsol pa la mngon par bstod do// // 'phags pa 'jam dpal gyis dris pa theg pa chen po'i mdo rdzogs s+ho// rgya gar skad du/ ar+ya ta thA ga tA ka d+ha na ma mahA ya na su tra/ bod skad du/ 'phags pa de bzhin gshegs pa'i snying po zhes bya ba/ theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das mngon par rdzogs par sangs rgyas nas/ lo bcu bzhes pa dang / shin tu tsha ba'i dus kyi tshe/ rgyal po'i khang na bya rgod kyi phung po'i ri la/ rin po che'i gdug kyi khang bzang can gyi snying po'i khang pa brtsegs pa na dang / slob pa dang mi slob pa'i nyan thos kyi dge slong 'bum du tshang ba'i dge slong gi dge 'dun chen po phal cher dgra

  2. 202b

    bcom pa/ zag pa zang ba/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa glang po che po bya ba byas pa/ byed pa byas pa/ khur bor ba/ bdag gis don rjes su thob pa/ srid pa kun tu sbyor ba/ yongs su zad pa/ yang dag pa'i shes pas/ sems shin tu rnam par grol ba/ sems can thams cad kyi dbang dam pa'i pha rol tu son pa sha stag la 'di lta ste/ tshe dang ldan pa 'od srung chen po dang / tshe dang ldan pa steng rgyas 'od srung chen po dang / tshe dang ldan pa chu klung 'od srung chen po dang / tshe dang ldan pa ya 'od srung chen po dang / tshe dang ldan pa ka ta'i bu chen po dang / tshe dang ldan pa gsus po che dang / tshe dang ldan pa ba ku la dang / tshe dang ldan pa nam gru dang / tshe dang ldan pa rab 'byor dang / tshe dang ldan pa byams ma'i bu gang po dang / tshe dang ldan pa dag dbang dang / tshe dang ldan pa shA ri'i bu dang / tshe dang ldan pa mu'u 'gal gyi bu chen po dang / tshe dang ldan pa cang shes ke'u 'di n+ya dang / tshe dang ldan pa 'char ka dang / tshe dang ldan pa sgra 'dzin dang / tshe dang ldan pa dga' bo dang / tshe dang ldan pa nye dga' dang / tshe dang ldan pa kun dga' bo dang / de dag las sogs pa dge slong 'bum du chang ba dang / thabs gcig tu bzhugs so// byang chub sems dpa' sems dpa' chen po// sangs rgyas kyi zhing tha dad pa nas 'dus pa gang ga'i klung drug bcur

  3. 203a

    bye ba ma snyed thams cad kyang / skye ba gcig gis thogs pa/ mngon par shes pa chen po dang / stobs dang / mi 'jigs pa thob pa/ sangs rgyas bye ba khrag khrig 'bum phrag mang po la bsnyen bkur byas pa/ phyir mi ldog pa'i chos kyi 'khor lo rab tu bskor ba/ gang dag gi ming thos pa tsam gyis 'jig rten gyi khams tshad med grangs med pa'i sems can bla na med pa yang dag par rdzogs pa'i byang chub las phyir mi ldog par 'gyur pa sha stag la 'di lta ste/ byang chub sems dpa' sems dpa' chen po chos kyi blo gros dang zla 'od dang / rin chen zla 'od dang / sang gI blo gros dang / stag gi blo gros dang / don gyi blo gros dang / rin po che'i blo gros dang / rab mchog blo gros dang / zla 'od blo gros dang / rin chen blo gros dang / zla ba nye ba'i 'od dang / rnam par gnon pa chen po dang / rnam par gnon pa dag tu med pa dang / rnam par gnon pa mtha' yas dang / 'jig rten gsum rnam par gnon pa dang / mi g.yo'i gnas rnam par gnon pa dang / mthu chen thob dang / spyan ras gzigs dbang phyug dang / spos kyi glang po dang / spos dga' dang / dpal gyi snying po dang / nyi mi snying po dang / tog dang / tog chen po dang / tog dri ma med pa dang / rin chen mtha' yas dang / dbyug gu dang rin chen dbyug gu 'dor dang / rin chen dri med dbyug gu dang /

  4. 203b

    mchog tu dga' ba'i rgyal po dang / rtag tu rab dang / lag na rin po che dang / nam mkha' mdzod dang / ri bo dang ri rab dang / ri bo chen po dang / yon tan rin chen snang dang / gzug kyi dbang phyug gi rgyal po dang / sa 'dzin dang / sems can thams cad nad sel dang / rab tu yid dga' dang / yid skyo ba dang / skyed med dang / 'od byed dang / tsan dan dang / g.yo bzlog dang / dpag med mngon bsgrags dbyangs dang / byang chub kun nas bslang dang / mthong ba don yod dang / chos thams cad la sgyur ba dang / byang chub sems dpa' sems dpa' chen po byam pa dang / 'jam dpal gzhon nur gyur pa dang / de dag la stsogs byang chub sems dpa' sems dpa' chen po gang ga'i klung drug bcu'i bye ma snyed dang thabs gcig go// lha dang klu dang gnod sbyin dang / dri za dang / lha ma yin dang / na mkha' lding dang / mi 'am ci dang / lto 'phye chen po dang / mi dang mi ma yin pa dpag tu med pa dang yang thabs gcig go// de nas bcom ldan 'das la 'khor 'bum phrag du mas yongs su bskor cing mdun gyi bltas te/ rgyal po dang / blon chen po dang / tshong dpon dang / khyim bdag dang / blon po dang / grong rdal ba dang / yul gyi mi rnams kyis sti stang du byas/ bla mar byas/ rim gro byas shing mchod do// de'i tshe bcom ldan 'das bshos

  5. 204a

    gsol ba'i 'og tsan dan gyi snying po'i 'ang ba brtsegs pa de nyid kyi nang du yang dag 'jog la bzhugs par gyur to// de nas sangs rgyas kyi mthus/ tsan dan gyi snying po'i khang pa rtsegs pa de las pad mdab bye ba khrag khrig 'bum yod pa/ tshad shing rta'i 'phang le tsam pa/ kha dog dang ldan pa kha ma bye ba khrag khrig 'bum phrag byung bar 'gyur te/ de dag steng gi na mkhi'i' bar snang la mngon par 'phags nas thams cad dang ldan pa'i sangs rgyas kyi zhing 'di khebs par gyur te/ 'di lta ste/ dper na/ rin po che'i bla re bzhin du kun du gnas par gyur to// pad ma'i snying po re re la yang de bzhin gshegs pa'i sku dkyil mo krung bcas te/ bzhug shing 'od gzer 'bum dag rab tu snang la pad ma de dag thams cad kyang shing tu kha bye bar gyur to// de nas sangs rgyas kyi byin gyis rlabs kyis pad ma'i ska pad ma'i de dag thams cad mog mog po dang / nog nog po dang / dri nga ba dang / smad par 'os pa dang / mngon par dga' bar 'gyur ba ma yin par gyur to// 'on kyang pad ma'i snying po de dag la de bzhin gshegs pa'i sku rnams dkyil mo krung bcas te bzhugs shing 'od zer 'bum dag rab tu 'gyed par kun tu snang ngo // de bzhin gshegs pa'i snying po la bzhugs pa de dag thams cad dang ldan pa'i sangs rgyas kyi zhing 'di dag khyab par gyur te/ de'i tshe sangs rgyas kyi zhing 'di shin

  6. 204b

    tu mdzes par gyur to// de nas de'i tshe byang chub sems dpa'i tsho gas thams cad dang / 'khor bzhi yang shin tu ngo mtshar tu gyur cing dga' bar gyur to// bcom ldan 'das kyi rdzu 'phrul mngon par 'du mdzad pa de mthong nas the tshom du gyur te/ gang pad ma bye ba khrag khrig 'bum phrag 'di dag ni mdab ma rnams 'di ltar kha dog ngan cing chub rnams kyang kha dog ngan la smad pa'i 'od su gyur te/ mngon par dga' bar gyur pa ma yin pa dang / pad ma'i snying po de dag la yang de bzhin gshegs pa'i sku re re dkyil mo krung bcas te/ bzhugs shing / 'od gzer 'bum dag rab tu 'gyed pas/ shin tu mdzes par kun tu snang 'di'i rgyu ni gang yin/ rkyen ni gang yin snyam mo// de nas thams cad dang ldan pa'i byang chub sems dpa'i tshogs dang / 'khor bzhi po the tsom du gyur pa rnams 'dod par bya ba'i mtshan ma byas so// de'i tshe tsan dan gyi snying po'i khang pa brtsegs pa der/ byang chub sems dpa' sems dpa' chen po rdo rje blo gros zhes bya ba 'dus par 'gyur te/ 'dug go// de nas bcom ldan 'das kyi byang chub sems dpa' sems dpa' chen po rdo rje blo gros la bka' stsal la/ rigs kyi bu khyod kyi chos can gyi gtan las snyoms de bzhin gshegs pa dgra bcom pa yang dag par rdzogs pa'i sangs rgyas la yongs su zhu bar spobs par gyis shig/ de nas byang chub sems dpa' sems

  7. 205a

    mngon/ dpa' chen po rdo rje blo gros bcom ldan 'das kyis gnang bas/ lha dang / mi dang / lha ma yin dang bcas pa'i 'jig rten dang / byang chub sems dpa' thams cad dang / 'khor bzhi po dag gi the tso gyi gzugs rngu rig/ de nas bcom ldan 'das la 'di skad ces gsol to// bcom ldan 'das 'jig rten gyi khams thams cad pad ma kha dog ngan cing dri mnga' ba 'di lta bu bye ba khrag khrig phrag 'bum 'di dag gi khebs pa dang / de dag gi dbus na yang de bzhin gshegs pa'i skra'i dkyil mo krung bcas shing / bzhugs te/ 'od gzer phrag 'bum dag rab tu 'gyed par kun tu dga' ba dang / de bzhin gshegs pa'i sku'i de dag mthong nas kyang / srog chags bye ba khrag khrag phrag 'bum thal mo sbar te/ phyag 'tshal ba'i rgyu ni gang lags/ rkyen ni gang lags/ de nas de'i tshe byang chub sems dpa' rdo rje blo gros kyis tshigs su bcad pa 'di gsol to// sangs rgyas stong phrag bye ba mi g.yo bar/ pad ma dag gi dbus na bzhugs pa ni/ khyod kyis 'di 'dra'i 'phrul ston mdzad pa/ bdag gis sngon chad nam yang ma mthong ngo // 'od gzer stong rnams rab tu mdzad cing / sangs kyi ni zhing rnams su 'di dag thams cad khebs par mdzad/ ngo mtshar tshogs kyi rnams la rol mdzad pa'i/ 'dren pa rnams kyis bar chad ma mchis mdzes / 8/ ra pa/

  8. 205b

    mdab ma dag dang chu ba smad 'os la/ kha dog ngan pa'i pad ma rnams dbus der/ de dag rin chen dar bzhin 'drar zhugs pa/ ci'i slad du rdzu 'phrul 'di dag sprul/ bdag gis sangs rgyas gang ga'i bye snyed mthong te/ de ring gda' ba'i rnam sprul ci 'dra ba/ sngon nam yang 'di 'dra ba dri ma mthong / rkang gnyis gtso bo ltas ni bstan du gsol/ rgyu gang rkyen gang lags pa bshad du gsol/ 'jig rten don mdzad thugs brtse gsum du gsol/ lus can kun gyi the tsom gcad du gsol/ de nas bcom ldan 'das kyis byang chub sems dpa' sems dpa' chen po rdo rje blo gros la stsogs pa thams cad dang ldan pa'i byang chub sems dpa'i tshogs la bka' stsal pa/ rigs kyi bu de bzhin gshegs pa'i snying po zhes bya ba'i mdo shin tu rgyas pa yin te/ de rab tu bstan pa'i phyir de bzhin gshegs pas snang ba'i mtshan ma 'di lta bu 'di byas so// de'i phyir legs par rab tu nyon la yid la zung shig dang gshad do// byang chub sems dpa' sems dpa' chen po blo gros dang / thams cad dang ldan pa'i byang chub sems dpa'i tshogs des/ bcom ldan 'das legs so zhes gsol te/ bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to// rigs kyi bu dag ji lta de bzhin gshegs pas sprul pa'i pad ma kha dog ngan pa

  9. 206a

    dri nga ba/ smad par 'os pa mngon par dga' bar 'gyur ba ma yin pa 'di dag dang / de bzhin gshegs pa'i gzugs mdzes pa/ gzugs bzang ba/ blta na sdug pa dag pad ma'i snying po 'di dag la dkyil mo krung bcas shing 'khod de/ 'od gzer 'bum dag rab tu 'gyed cing 'khod pa de dag kyang rig nas lha dang mi rnams la phyag 'tshal zhing mchod pa'i las kyang byed pa de bzhin gshegs pa dgra bcom pa yang dag par rdzogs pa'i sangs rgyas kyis kyang rang gi shes rab dang / ye shes dang / de bzhin gshegs pa'i mig gis sems can srog chags su gyur pa/ 'dod chags dang zhe sdang dang // gti mug dang / sred pa dang ma rig pa'i nyon mongs pa bye ba phrag 'bum gyi sbubs su gyur pa thams cad dang / rigs kyi bu dag sems can nyon mongs pa'i sbubs su gyur pa de dag gi nang na/ ma gos pa dgang 'dra bar ye shes dang ldan pa/ mig dang ldan pa'i de bzhin gshegs pa mang po 'khod cing / dkyil mo krung bcas nas/ mi g.yo bar 'khod pa mthong ste/ nyon mongs pa thams cad kyis nyon mongs pa can du gyur pa de dag gi nang na/ de bzhin gshegs pa'i chos mi g.yo zhing sred pa'i 'gro ba thams cad kyis mthong nas/ de bzhin gshegs pa de dag ni nga dang 'dra'o zhes smra'o// rigs kyi bu dag de bzhin gshegs pa'i mig ni de ltar mdzes pa yin te/ de bzhin gsheg

  10. 206b

    mig des/ sems can thams cad de bzhin gshegs pa'i snying por mthong ngo // rigs kyi bu dag 'di lta ste/ dper na/ skyes lha'i mig can la la zhig gis/ lha'i mig 'di ltar kha dog ngan cing 'di ltar dri nga ba'i pad ma/ kha ma bye zhing gyes pa dag la bstas te/ de'i dbus na pad ma'i snying po la de bzhin gshegs pa dkyil mo krung bcas shing 'dug par rig nas/ de bzhin gshegs pa'i gzugs de yang dag par sbyar ba'i phyir/ pad ma'i mdab ma kha dog ngan cing dri nga la smad par 'os pa de dag 'byed cing sel ba de bzhin du/ rigs kyi bu de bzhin gshegs pas kyang / sangs rgyas kyi mig gis sems can thams cad de bzhin gshegs pa'i snying por mthong nas/ sems can de dag gi 'dod chags dang / zhe sdang dang / gti mug dang / sred pa dang / ma rig pa'i nyon mongs pa'i sbubs dbye phyir chos ston te/ de sbubs dbye ba'i de bzhin gshegs pa rnams ni yang dag pa rnams ni yang dag pa nyid du gnas so// rigs kyi bu 'di ni chos rnams kyi chos nyid de/ de bzhin gshegs pa rnams byung yang rung / sems can 'di dag ni rtag tu de bzhin gshegs pa'i snying po yin na/ rigs kyi bu dag smad par 'os nyon mongs pa'i sgrub rnams kyis g.yog pas/ de gri nyon mongs sbubs zhig pa dang / de bzhin gshegs pa'i ye shes yongs su spang ba'i phyir/ de bzhin gshegs pa dgra bcom

  11. 207a

    #pa yang dag par rdzogs pa'i sangs rgyas byang chub sems dpa' rnams la chos ston te/ bya ba 'di la yang mos pa byed do// / ma byang chub sems dpa' sems dpa' can pa tshas de dag sa bangon par btsun par gnas pa de dag gis/ nyon mangs pa dang / marba'i can mangs pa thams cad las yongs su grol bar gyur pa de'i tshe/ de bzhin gshegs pa dgra bcom pa yang dag par rdzogs pa'i sangs rgyas shes bya ba'i mang su 'gro ste/ de bzhin gshegs ba'i bya ba'i bya ba thams cad kyang byed do// de nas de'i tshe/ bcom ldan 'das kyis tshigs su bcad pa 'di dag bka' stsal to// ji ltar dam pa ma smad 'os 'gyur/ pa/ de'i mdab ma sbubs gyur ma gyes la/ de bzhin gshegs pa'i snying po ma gos te/ mi 'ga' la las lha'i mig gis mthong / de ni mudab ma 'byed pa na/ dbus na rgyal ba'i lus ni mthong gyur nas/ rgyal ba nye ba'i nyon mongs phyis mi 'gyur/ de ni 'jig rten kun du rgyal bar gyur/ de bzhin ngan kyang srog chags thams cad kyi/ dkyil der gnas pa'i rgyal ba rnams kyis lus/ ji ltar smad 'os pad ma'i sbubs 'dra ba'i/ nyon mongs stong phrag bye bas khebs pa mthong // nga yang de dag gi ni gsal ba'i phyir/ mkhas pa rnams la rtags tu ston byed te/ sems can 'di dag sangs rgyas 'gyur bya zhes/ rgyal ba'i phyir ni nyon mongs rnam

  12. 207b

    par spyod/ nga yi sangs rgyas mig ni 'dra ste/ de'i rgyal ba'i lus la gnas pa yin/ sems can 'di dag thams cad mthong 'gyur te/ de dag rnam par spang phyir chos smra'o// rigs kyi bu dag gzhan yang 'di lta ste/ dper na/ sbrang tshang zlum po shing gi yal 'phyang ba/ bung pa 'byam gyis kun tu bsrungs shing / sbrang rtsis yongs su gang ba zhig yod la/ de nas sbrang rtsi 'dod pa'i mi zhig gis/ srog chags kyi rnam pa bung ba de dag thabs mkhas pas/ bskrad nas sbrang rtsi bya ba byed do// rigs kyi bu dag de bzhin du sems can thams cad kyang sbrang tshang dang 'dra ste/ de la sangs rgyas nyid nyon mongs pa dang / nye ba'i nyon mongs pa bye ba phrag 'bum gyis kun tu bsrungs pa/ de bzhin gshegs pa'i ye shes mthong bas rig mthong bas reg go// rigs kyi bu dag ji ltar sbrang tshang gi nang na sbrang rtsi bung ba bye ba 'bum gyis/ kun tu bsrungs pa yod par skyes bu mkhas pa zhig gis/ shes pas rig pa de bzhin du sems can thams cad sangs rgyas nyid nyon mongs pa dang / nye ba'i nyon mongs pa bye ba phrag 'bum gyis kun du bsrungs pa yod par de bzhin gshegs pa'i ye shes pa'i mthong bas rig ste/ rigs kyi bu de dag la de bzhin gshegs pa yang thabs mkhas pas/ bung ba bsal ba bzhin du sems can de dag gi 'dod chags dang /

  13. 208a

    / zhe sdang dang / nga rgyal dang / rgyags pa dang / 'chab pa dang / khro ba dang / gnod sems dang / phra dog dang / ser sna la stsogs pa'i nyon mongs pa dang / nyon mongs rnams bstsal nas/ ji ltar sems can de dag la yang nyon mongs pa dang / nye ba'i nyon mongs pa dag gis// nye ba'i nyon mongs pa dag can du mi 'gyur ba dang / gnod par mi 'gyur ba de ltar chos ston to// de bzhin gshegs pa'i ye shes mthong ba de/ rnam par sbyangs nas/ 'jig rten na de bzhin gshegs pa'i bya ba byed de/ rigs kyi bu da'i de bzhin gshegs pa'i mig gis yongs su dag pa des/ ngas sems can tham cad de ltar mthong ngo // de nas de'i tshe bcom ldan 'das kyis tshig su bcad pa 'di dag bka' stsal to// ji ltar 'di na sbrang chad yod pa la/ bung bas kun tu bsrungs shig sngas gyur pa/ mi gang sbra ci 'dod pa des mthong nas/ de ni bung ba bar tu spyod par byed/ de bzhin 'dir yang sbrang tshang lta bur ni/ srid pa gsum gyi sems can thams cad do// de dag nyon mongs bye ba mang ba ste/ nyon mongs dbus na de bzhin gshegs pa 'dug pa thong / nga yang sangs rgyas rnam par sbyang don du/ bung ba skrod pa lta bur nyon mongs sel/ gang gi nyon mongs bye ba gnod 'gyur ba/ chos rnams 'dir ni thabs kyis rab ston te/ de dag ji ltar de bzhin

  14. 208b

    gshegs gyur la/ 'jig rten kun tu rtag tu bya byed cing / spos ldan ji ltar spang mi sbrang rtsi yi/ snod 'dra'i chos ston 'gyur bar bya phyir ro// rigs kyi bu dag gzhan yang 'di lta ste/ dper na/ 'bras sa lu 'am/ nas sam/ ci rtse'am/ 'bru'i rnam pa ni snying po phub mas yongs su bsrungs pa yin te/ de'i rang gi phung ma las ma byung gi bar du/ bza' ba dang / bca' dang / myang ba'i bya ba mi byed kyi/ rigs kyi bu dag skyes pa 'am/ bud med gang dag bza' ba dang / bca' ba las rtsegs pa zas skom gyi bya ba 'dod pa de dag gis brngas shing / brdungs te/ phub ma'i sbubs dang / phyi shun sel te/ za ba de bzhin du/ rigs kyi bu dag de bzhin gshegs pa'i spyan gyis sems can thams cad la de bzhin gshegs pa nyid/ sangs rgyas nyid/ rang 'byung nyid/ nyon mongs pa'i sbubs ni shun pas dkas shing gnas par mthong ngo // rigs kyi bu dag de la de bzhin gshegs pa yang nyon mongs pa'i sbubs kyi shun pa gsal ba dang / de bzhin gshegs pa nyid yongs su sbyar ba dang / sems can 'di dag ji ltar nyon mongs pa'i sbubs kyi shun pa thams cad las grol te/ 'jig rten du de bzhin gshegs pa dgra bco pa yang dag par rdzogs pa'i sangs rgyas shes bya ba'i grangasu 'gro bar 'gyur nas/ sems can rnam la chos ston to// de nas de'i tshe bcom ldan 'das kyis tshigs/

  15. 209a

    mngon// bcad pa 'di dag bka' stsal to// ji ltar 'bru 'am sa lu 'bras kyang rung / ji srid bar du de dag phub bcas pa/ de srid bar du bya ba mi byed de/ de dag gis ni brdungs nas phub bsal ba/ bya ba rnams pa mang po dag kyang byed/ snying po phub ma ldan pa de dag ni/ sems can rnams la bya ba mi byed do// de bzhin sems can kun gyi sangs rgyas so// nyon mongs pa rnams kyis khebs par ngas mthong nas/ nga ni de dag rnam par sbyangs pa yang / sangs rgyas myur thob bya phyir chos ston to// sems can kun la yang 'dra ba'i chos nyid ni/ nyon mongs brgya ris dkris nas gang yod pa/ de nas rnams sbyangs tham cad ji ltar bur/ rgyal ba myur 'gyur bya phyir chos ston to// rigs kyi bu dag gzhan yang 'di lta ste/ dper na/ rul pa 'am/ nyal nyil gnas gci dri mi zhim pas kun tu gang ba zhing tu mi gzhan gseb lam nas song ba zhig gi gser gyi gar bu zlum po gi ltung bar 'gyur la/ gshang ci dri nga bas kun tu gang ba/ rus pa dang / nyal nyil gyi gnas der/ mi gtsang ba gzhan dang gzhan gyis gnan pa/ bltar mi snang bar gyur cing / der de lo bcu 'am nyi shu 'am sum cu 'am/ bzhi bcu 'am/ lnga bcu 'am/ lo brgya 'am/ lo stong du mi gtsang bas/ chud mi za chos can de sems can gang la yang phan par mi byed do// rigs kyi bu/

  16. 209b

    dag de nas lhas lha'i mig gser gyi gar zlum po de la ltas nas/ mi zhig la kye mi khyod song la/ 'di ni rin po che'i mchog gser rul ba dang / nyal nyil kyi rnam bas non pa de byi dor gyis la gser gyis bya ba gyis zhig ces bsgo na/ rigs kyi bu dag rul pa dang / nyal nyil gyi rnam pa zhes bya ba de ni nyon mongs pa rnam pa sna tshogs kyi tshigs bla dag so// gser gar gyi gar bu zhes bya ba de ni chud mi za ba'i chos can gyi tshig bla dag so// lhas lha'i migs ces bya ba de ni/ de bzhin gshes pa dgra bcom pa yang dag par rdzogs pa'i sangs rgyas kyi tshig bla dgas so// rigs kyi bu da ltar de bzhin gshegs pa dgra bcom pa yang dag par rdzogs sangs rgyas kyang sems can la de bzhin gshegs pa'i chos chud mi za ba yod pa'i nyon mongs pa/ rul pa dang / 'dam rdzab lta bu rnams gsal ba'i phyir sems can rnam la chos ston to// de nas de'i tshe bcom ldan 'das kyis tshigs su bcad pa 'di dag bka' stsal to// ji ltar mi yi gser gyi gar bu ni/ nyal nyi la rnam pa'i nang du lhung gyur la/ der de la ni mi nyung ba zhig tu/ de ltar gnas kyang mi 'jig chos can no// lhas ni lngas mig gis de mthong nas// rnam par sbyang phyir gzhan smra ba ni/ 'di ni rin mchog gi gser yod pa rnam par sbyongs la des ni bya ba bgyis/ de bzhin ngas ni sems can thams cad kyang / nyon mongs rnams kyis yun

  17. 210a

    ring rtag non mthong / de dag gi glo bur nyon mongs shes/ rang bzhin sbyang phyir thabs kyis chos ston to// rigs kyi bu ngag gzhan yang 'di lta ste/ dper na/ dbul po zhig gis khyim gyi nang gyi mdzod kyi 'og gis sa la gter chen po dang gser gyis rab tu gang bar mdzod kyi tshad tsam zhig mi bdun srid pas yog pa'i 'og na/ yod la gter chen po de mi dbul po de la 'di skad du/ kyi mi nga'i ni gter chen po ste/ sas yog cing 'dug go zhes mi ste/ 'di lta ste/ gter chen po ni sems kyi ngo bo nyid kyis sems can yin pa'o// mi dbul po khyim gyi bdag po de ni dbul ba'i sems kyis rjes su sems shing de nyid kyi steng rnam par rgyu yang / sa'i 'og na gter chen po yod pa de ma thos mi shes ma mthong ngo // rigs kyi bu dag de bzhin du sems can thams cad kyi mngon par zhes pa'i yid la byed pa khyim bur gyur pa'i 'og na/ de bzhin gshegs pa'i snying po stobs dang / mi 'jigs pa dang / ma 'dres pa dang / sangs rgyas kyi chos thams cad kyi mdzod kyi gter chen po yod kyang / sems can gzugs dang / sgra dang / dri dang / ro dang / reg pa la chags pas sdug bsnga 'khor ba na 'khor te/ chos kyi gter chen po de ma thos pas thob par ma gyur cing / yongs su sbar ba'i phyir brtson par mi byed do// rigs kyi bu dag de nas

  18. 210b

    de bzhin gshegs pa 'jig rten du byung ste/ byang chub sems dpa'i nang du 'di lta ba'i chos kyi gter chen po yang dag par ra tu ston to// de dag kyang chos gter chen de la mos nas rga ste/ de'i phyir 'jig rten na de bzhin gshegs pa dgra bcom pa yang dag par rdzogs pa'i sangs rgyas rnams shes bya ste/ chos kyis gter chen po lta bur gyur nas/ sems can rnams la sngon ma byung ba'i gtan tshigs kyi rnam pa dang / dbye ba dang byed pa'i gtan tshigs dang / bya/ ba rnam ston pa gter chen po'i mdzod kyi sbyin bdag/ chags pa med pa'i spobs pa dang / ldan zhing stobs dang / mi 'jigs pa dang / sangs rgyas kyis chos mang po'i mdzod du gyur pa yin no// rigs kyi bu dag de ltar de bzhin gshegs pa dgra bcom pa yang dag par rdzogs pa'i sangs rgyas kyang / de bzhin gshegs pa'i mig shin tu yongs su dag pas sems can thams cad de lta bur mthong nas/ de bzhin gshegs pa'i ye shes dang / stobs dang / mi 'jigs pa dang / sangs rgyas kyi chos ma 'dres pa'i mdzod yongs su sbyang ba'i phyir/ byang chub sems dpa' rnams la chos ston to// de nas de'i tshe bcom ldan 'das kyis tshigs su bcas pa 'di dag bka' stsal to// ji ltar dbul po'i khyim gyi 'og logs na/ dbyig dang gser

  19. 211a

    mngonagyis gang ba'i gter yod pa/ de la g.yo ba 'am rlom sems yod min te/ nga ni khyod kyi yin zhes de mi smra/ de'i tshe na sems can khyim bdag de/ dbul bar gyur pa rnam par mi shes shing / sus kyang de la bsnyam par med pas na/ dbul po de na de'i steng na 'dug/ de ltar ngas ni sangs rgyas mag gis su/ sems can de dag thams cad dbul 'dra la/ de dag rnams la gter chen yod pa dang / g.yo ba med cing bde gshegs lus su mthong / ngas ni de thong byang chub sems dpa' la/ khyod kyis nga'i ye shes mdzod zung la/ dbul ba med cing 'jig rten mgon gyur dang / bla med chos gter 'gyur bar gyis shes bstan/ gang dag ngas bstan pa mos gyur la/ sems can de dag kun la gter yod do// gang dag mos nas bdag nyid rtsol byed pa/ de dag myur du byang chub mchog thob par 'gyur/ rigs kyi bu dag gzhan yang 'di lta ste/ dper na/ shing a mra'i 'bras bu 'am/ 'dzam bri 'bras bu 'am ta ma'i 'bras bu 'am/ swa'i 'bras bu yang rung ste/ phyi shun gyi nang na myu gu'i sa bon chud mi za ba'i chos can yod pa gang gis sa la btab na/ shing gi rgyal po chen por 'gyur ro// rigs kyi bu dag de bzhin gshegs pa yang 'jig rten gnas pa/ 'dod chags dang / zhe sdang dang / gti mug

  20. 211b

    dang / sred pa dang / ma rig pa'i nyon mongs pa'i phyi shun gyi sbubs kyi kun tu bkris par mthong ngo // de la 'dod chags dang / zhe sdang dang / gti mug/ dang / sred pa dang / ma rig pa'i nyon mongs sbubs kyi nang na snying por gyur pa/ de bzhi gshegs pa'i chos nyid de ni/ sems can zhes bya ba'i ming chagaso// de la gang bsil bar gyur pa de ni mya ngan las 'das pa ste/ ma rig pa'i nyon mongs pa'i sbubs yongs su spangs pa'i phyir/ sems can gyi khrims kyi khams kyi ye shes chen po'i tshogs su gyur pa gang yin pa de ni rnyed pa'o// sems can gyi khams kyi ye shes chen po'i tshogs dam pa de ni/ de bzhin gshegs pa'i ji ltar bu de bzhin du maM bar lha dang bcas pa'i 'jig rten gyis mthong nas/ de bzhin gshegs pa bya ba'i 'du shes su byed do// rigs kyi bu dag nga la de bzhin gshegs pas de ltar mthong nas/ byang chub sems dpa' sems dpa' chen po rnams la/ de bzhin gshegs pa'i ye shes khong du chud par bya ba'i phyir don de nye bar ston to// de nas de'i tshe bcom ldan 'das kyis tshigs su bcad pa 'di dag bka' stsal to// ji ltar spa'i 'bras bu thams cad ni/ nang na spa'i myu gu yod pa de/ ta la dang ni 'dzam bu kun la yang yod/ nang na yod pa'i 'bras bu bskyed nas/

  21. 212a

    mngon/ de bzhin chos kyi dbang phyung 'dren pa yang / sems can thams cad spa'i sa bon 'dra/ de kun nang na bde bshegs lus yod par/ zag med sangs rgyas migs dam pas mthong / sbubs shig ma gyur de na sems can brjod/ mi shes gang na gnas kyang rlom sems med// ting 'dzin thob ste gnas nas rab zhi ste/ de la g.yo ba ci yang yod ma yin/ dper na sdong chen sa bon las byung ltar/ sems can 'di dag ji ltar 'tshang rgya zhing / lha dang bcas pa'i 'jig rten skyabs gyur zhes/ yongasu spang ba'i don tu chos gtam smra/ rigs kyi bu dag gzhan yang 'di lta ste/ dper na/ skye bu dbul po zhig la/ de bzhin gshegs pa'i gzugs rin po che sna bdun las byas pa'i/ lag mthal tsam zhig yod la/ de nas skyes bu dbul po de bzhin gshegs pa'i gzugs de khyer te/ 'brog dgon pa las shin tu 'da' ba 'dod par gyur nas/ ji nas kyang de bzhin gyis mi tshor zhing rkun pos mi khyer bar bya ba'i phyir/ des de ras rul pa dri mi zhim pa'i dum bu du mas dkris te/ de nas skyes bu de 'brog dgon pa de nyid du nges pa gang gi kyang 'chi ba'i dus byas par ma gyur la/ de'i de bzhin gshegs pa'i gzugs rin po che las byas pa/ ras rul ba'i dum bus bkris pa yang rdog lam/

  22. 212b

    de na 'phyan zhing 'dug pa dang / 'gron po rnams kyis ma shes nas/ bgoms shing dong la/ ras rul dri mi zhim pa'i dum bu'i thum po kun tu 'dril ba'i 'di gang nas rlung gis bdags shes smad pa'i dngos por yang ston pa dang 'brog na gnas pa'i dngos por yang ston pa dang / 'brog na gnas pa'i lhas lha'i mig gis rnam par bltas nas/ mi gzhan dag cig la bstan te/ kye skyes bu dag ras kyi dum bu 'di'i nang na de bzhin gshegs pa'i gzugs rin po che las byas pa/ 'jig rten thams cad kyis phyag bya bar 'os pa yod kyi phye shig ces pa bsgo'o// rigs kyi bu dag de bzhin du de bzhin gshegs pa yang sems can thams cad nyon mong pa'i dkri bas dkris te/ smad pa'i 'os su gyur pa yun ring por 'khor ba'i 'brog dgon pa na kun tu 'khyad par mthong ste/ rigs kyi bu dag tha na dud 'gro'i skye gnas su song ba rnams kyang rung ste sems can nyon mongs sna tshogs kyi bkri bas bkris par gyur pa rnams kyi nang na yang de bzhin gshegs pa'i lus ci 'dra ba yod pa mthong ngo // rigs kyi bu dag de la de bzhin gshegs pa ni ji ltar de bzhin gshegs pa'i ye shes mthong ba nye ba'i nyon mongs pa dang bral zhing yongs su dag par gyur la/ ji ltar da ltar nga bzhin du 'jig rten thams cad kyis phyag bya ba'i 'os su 'gyur snyam nas nyon mongs pa'i bkris pa las mthar bar bya ba'i phyir

  23. 213a

    byang chub sems dpa' thams cad la chos ston to// de nas de'i tshe bcom ldan 'das kyis tshigs su bcad pa 'di dag bka' stsal to// ji srid dri smad pa'i 'os rnams kyis/ yongs su dkris pa bde bar gshegs kyi gzugs/ rin chen byas pa ras rul bkris pa de/ lam gyi bar na 'khyam par gyur pa la/ lha'i mig gis de ni mthong nas su/ lha de bzhin zhig la ni rab smras pa/ 'di ni de bzhin gshegs pa rin chen mdod/ ras thum thuH/ bu 'di ni myur du phye/ de bzhin nga'i lha mig 'di 'dra ba/ des ni sems can 'di dag thams cad kyang / nyon mongs dkris pas dkris nas rab sdug bsngal// 'khor ba'i sdug bsngal gyis ni rtag gtses mthong / ngas ni nyon mongs dkris pa'i nang dag na/ rgyal ba'i sku ni mnyam par bzhag gyur la/ de ni g.yo ba med cing mi 'gyur yang / de yongs su thar pa gang yang med par mthong / ngas mthong de nas skul ma btab pa ni/ byang chub mchog tu gang dag zhugs pa nyon/ de ltar sems can chos nyid 'di 'drar brtag/ 'di ni yongs su dkris pa'i rgyal ba bzhugs/ bde bar gshegs kyi ye shes yongs dkrol nas/ gang tshe nyon mongs thams cad rab zhi pa/ de tshe 'di ni sangs rgyas mi thob ste/ lha dang mi rnams sems ni rab tu dga'/ rigs kyi bu dag gzhan yang 'di lta ste/ dper na/

  24. 213b

    bud med mgon med par gyur pa mdog ngan pa/ dri mi zhim pa/ smad par 'os pa/ 'jigs su rung ba/ blta na mi sdug pa/ 'dre mo 'dra ba zhig mgon med pa'i// khang par zhugs nas gnas so// de der gnas pa dang / sbrum mar gyur te/ grang gis gdon mi za bar 'khor lo sgyur ba'i rgyal srid byed par 'gyur ba'i sems can de 'dra ba zhig de'i mngal du zhugs kyang bud med de mngal na 'dug pa'i sems can de la bdag gi mngal du zhugs pa'i sems can 'di ci 'dra ba zhig snyam du yid la mi byed/ bdag gi mngal du zhugs pas/ ma zhugs snyam du yang de de na yid la mi byed kyi/ gzhan du na de dbul po'i sems dang / zhum pa dang / dman pa dang / kho ru chud snyam pa'i sems rje su sems shing mdog ngan pa dang / dri mi zhim pa nyid kyis mgon med khyad pa na gnas te/ dus 'da' bar byed do// rigs kyi bu dag de bzhin du sems can thams cad kyang mgon med par gyur cing 'khor ba'i sdug bsngal gyis gces par gyur la/ srid par skye ba'i mgon med pa'i khang pa gnas so// de na sems can rnams la de bzhin gshegs pa'i rigs zhugs te/ khong na yod kyang sems can de dag gis khong du ma chud do// rigs kyi bu dag de la de bzhin gshegs pa ni sems can dag nyid la khyed du mi bsad par bya ba'i phyir/ rigs kyi bu dag khyed bdag nyid srog shing bar ma

  25. 214a

    mngon/ byed cig/ khyed brtson 'grus brtan par gyis shig dang / khyed la de bzhin gshegs pa zhugs pa yod pa dus shig na/ 'byung bar 'gyur te/ khyed byang chub sems dpa' zhes bya'i grangs su 'gro bar 'gyur gyi/ sems can zhes bya bar ma yin no// de yang sangs rgyas zhes bya ba'i grangs su 'gro'o// byang chub sems dpa' zhes bya bar ni ma yin no// zhes chos ston to// de nas de'i tshe bcom ldan 'das kyis tshigs su bcad pa 'di dag bka' stsal to// ji ltar bud med mgon med gyur pa zhig/ kha dog ngan cing gzugs ni mi sdug la/ byas pa yin te mgon med khang par gnas/ re shig dus na de ni der sbrum gyur/ de'i mngal du gang zhig nges par ni/ 'khor lo sgyur ba'i rgyal po chen po nyid/ rin chen rnams kyi 'phags pa gling bzhi yis// de'i bdag po byed par 'gyur ba de 'dra zhugs/ bud med byas pa de ni 'di lta bur/ mngal du zhugs par gyur pa mi shes la/ mgon med khang pa na ni gnas byed de/ dbul snyam du sems shing dus 'da' byed/ de bzhin ngas ni sems can thams cad kyang / mgon med gyur la sdug bsngal chos kyis nyen/ khams gsum pa'i bde ba chung gnas mthong / nang ni chos nyid mngal du 'dra yong mthong / de 'dra mthong nas byang chub sems dpa' la/ de 'dra mthong nas byang chub

  26. 214b

    sems dpa' la/ 'jig rten phan byed kun la mngal na gnas/ sems can kun gyis chos nyid ma shes kyis/ bdag dam 'du shes ma skyed cig ces bsten/ khyed cag brtson 'grus brtsam pa brtan gyis kyang / rang mthus ring po mi thogs rgyal bar 'gyur/ dus shig byang chub snying po thob gyur nas/ srog chags stong phrag bye ba grol byed 'gyur/ rigs kyi bu dag gzhan yang 'di lta ste/ dper na/ spra tshil las lha'i gzugs sam/ glang po che'i gzugs sam/ bud med kyi gzugs sam/ skyes pa'i gzugs dag cig byas te/ 'jim pa'i nang du cug nas/ g.yogs la bzhu ste/ zags par byas la gser bzhu ste/ zhu bar gyur pas bkang na/ rim gyis grang bar gyur nas/ mnyam par gnas par 'gyur ba'i gzugs de dag thams cad phyi rol gyi 'jim pa/ gnag cig kha dog mi sdug kyang / nang gi rnams ni gser las byas pa dag go// de nas mgar ba 'am/ mgar pa'i slob ma zhig gis de las gzugs gang dag grangs par gyur par mthong ba de dang de dag phyi rimi gyi 'jim pa tho bas bkogs nas/ de nas skad cig de la nang na gser las byas pa gzugs yod par yongs su dag par 'gyur ro// rigs kyi bu dag de bzhin du de bzhin gshegs pa yang de bzhin gshegs pa'i mig gis sems can thams cad

  27. 215a

    mngon/ 'jim pa'i gzugs lta bu yin la phyi rol gyi nyon mongs pa dang / nye ba'i nyon mongs pa'i sbubs kyi nang du sba bu sangs rgyas/ kyi chos kyis chos kyis gang ste/ zag med pa'i ye shes rin po che'i nang na/ de bzhin gshegs pa mdzes par 'dug pa mthong ngo // rigs kyi bu dag de la de bzhin gshegs pas sems can thams cad de ltar mthong nas/ byang chub sems dpa'i nang du song ste/ 'di lta bu'i chos kyi rnam grangs 'di dag yang dag par rab tu ston to// de la byang chub sems dpa' sems dpa' chen po gang dag zhi zhing bsil bar gyur pa de dag gi de bzhin gshegs pa'i ye shes rin po che yongs su sbyad pa'i phyir/ de bzhin gshegs pa chos kyi rdo rje'i tho bas phyi rol gyi nyon mongs pa thams cad 'gogs so// rigs kyi bu dag mgar ba zhes bya ba de na de bzhin gshegs pa'i tshig bla dgas so// rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas kyi mig gis sems can thams cad de ltar mthong nas/ nyon mongs pa de dag las thar par byas ste/ sangs rgyas kyi ye shes la rab tu dgongs pa'i phyir chos ston to// de nas/ de'i tshe bcom ldan 'das kyis tshigs su bcad pa 'di dag bka' stsal to// ji ltar gzugs ni phyi rol 'jim pas g.yogs/ nang ni sbubs su yod cing /

  28. 215b

    gsog yin pa/ rin chen bzhugs pas rab tu bkang na ni/ brgya stong phrag ni mang por 'gyur ba yin/ mgar bas shin tu grangs par gyur shes nas/ 'di ltar rin chen las ni byas pa 'di/ rnam dag gzugs 'gyur las gang bya snyam ste/ gzugs la g.yogs pa 'jim pa 'gogs par byed/ de bzhin ngas ni sems can thams cad kyang / gser gzugs 'jim pas g.yogs pa 'dra ba ste/ phyi rol shun pa nyon mongs sbubs yin la/ nang na sangs rgyas ye shes yong bar mthong / de la byang chub sems dpa' gang dag ni/ zhi zhing bsal bar gyur pa dag/ gang gis de dag nyon mongs ma lus 'byin/ chos kyi lam chas de la 'gogs par byed/ rin chen gzugs ni blta na sa na sdug pa ltar/ rgyal sras gang zhig 'di ri ni bdag gyur pa/ stobs bcu bdag gis lus rnams de ltar yongs bkang ste/ lha dang bcas pa'i 'jig rten 'di ni mchod par 'gyur/ ngas ni srog chags thams cad de ltar mthong / byang chub sems dpa' ngas ni de ltar mthong / bde bar gshegs par 'gyur te bde gshegs gyur/ bde gshegs dag ni sangs rgyas tshul ston to// de nas bcom ldan 'das kyis byang chub sems dpa' rdo rje blo gros la bka' stsal pa/ rdo rje blo gros rigs kyi bu 'am/ rigs kyi bu mo khyim pa 'am/ rab tu byuH

  29. 216a

    mngon/ ba yang rung ste/ gang zhig de bzhin gshegs pa'i snying po'i chos kyi rnam grangs 'di 'dzin pa dang / 'chang ba dang / klog pa dang / kun chub par byed pa dang / glegs bam du byas te/ 'jog pa dang / gzhan dag la yang rgya cher 'chad pa dang / yang dag par rab tu ston pa de bsod nams mang du skyed par 'gyur ro// rdo rje'i blo gros yang byang chub sems dpa' sems dpa' chen po gzhan gang zhig de bzhin gshegs pa'i ye shes bsgrubs pa'i phyir rtson par gyur pa/ 'jig rten gyi re rer yang sangs rgyas thams cad la mchod pa'i phyir rdzu 'phrul bsgrubs nas/ 'di lta ba'i ting nge 'dzin la snyoms par zhugs te/ ting nge 'dzin gyi stobs bskyed pa des/ sangs rgyas kyi zhing bye ba khrag khrig 'bum phrag gang ga'i klung gi bye ma bas kyang mang ba rnams su gang ga'i bye ma bas mang ba'i sangs rgyas bcom ldan 'das/ byang chub sems dpa' rnams dang bcas/ nyan thos kyi dge 'dun dang bcas pa bzhugs shing gnas pa'i/ de bzhin gshegs pa re re la yang khang pa brtsegs pa dus su bde rgya dpag tshad tsam la/ 'phang du dpag tshad bcu pa/ rin po che thams cad las byas pa/ lha'i dri zhim po dang ldan pa/ me tog sil ma sna tshogs bkram pa/ longs spyod kha na ma tho ba med pa/ thams cad dang ldan pa/ 'bum phrag gang ga'i klung lnga bcu'i bye ma snyed nyin re zhing phul te/ bskal pa

  30. 216b

    'bum du chad pa'i du 'di lta bu'i mchod pa byed pa bas/ rigs kyi bu 'am/ rigs kyi bu mo gang gzhan zhig byang chub tu sems bskyed de/ de bzhin gshegs pa'i snying po'i chos kyi rnam grangs 'di la dpe cig tsam lus la 'chang ngam glegs bam du gnas par byed na/ rdo rje'i blo gros de'i bsod nams mngon par 'du byed pa de la bsod nams mngon par 'du byed pa/ snga mas brgya'i cha dang / stong gis cha dang / 'bum gi cha dang / grangs dang cha dang bgrang ba dang / dper yang mi 'gro ste/ rgyur yang mi bzod do// rdo rje yang byang chub sems dpa' gang sangs rgyas kyi chos yongs su tshol bas sangs rgyas bcom ldan 'das de dag las/ de bzhin gshegs pa re re la yang skal pa 'bum tshang gi bar du/ shing man da bla'i me togs khal bzhi pa 'bum 'thor la/ rdo rje'i blo gros ma 'am/ dge bsnyen ma zhig gis byang chub tu sems bskyed de/ de bzhin gshegs pa'i snying po'i chos kyi rnam grangs 'di thos nas thal mo sbyar te/ rjes su yi rang ngo zhes tshig cig smras nas/ rdo rje'i blo gros bsod nams mngon par 'du bya ba dang / dge ba mngon par 'du bya ba de la me tog dang / me tog 'phreng ba phul ba dang / ldan pa de bzhin gshegs pa la bzhag pa'i bsod nams mngon par 'du bya ba dang / dge ba'i mngon par 'du bya ba dang / dge ba mngon par 'du bya ba snga ma des brgya'i

  31. 217a

    ragrang du dang / mngon/ cha dang / stong gi cha dang / 'bum gyi cha dang / cha dang bgrang ba dang / dper yang nye bar 'gro ste/ rgyur yang mi bzod// do// de nas de'i tshe bcom ldan 'das kyis tshigs su bcas pa 'di dag bka' stsal to// sems can la la gang zhig byang chub la/ mos pa bskyed nas 'di nyan 'dzin pa 'am/ yi ger bri 'am gleg bam bzhag byed cing / gus pa dang bcas pa'i tshigs bcad 'di bshad dam/ de bzhin gshegs pa'i snying po 'di thos nas/ gang zhig byang chub mchog 'di tshol byed na/ bsod nams phung po ji tsam bskyed 'gyur ba/ de'i phan yon 'dir ni mnyan par gyis/ rdzu 'phrul stobs mchog 'di la gnas nas su/ dpa' bo bsal pa dag ni stong par du/ phyogs bcu rnams su mi'i gtso bo dag/ nyan thos bcas pa rnams la sti stang byed// ji ltar gang ga stong mang bye ba bas/ de bas lhag pa'i bsam gyis mi khyab pa'i/ gzhal med khang mchog rin chen las byas pa/ 'jig rten slob dpon re re la yang phul/ de dag 'phang du dpag tshad bcu yod pa/ chu dang rgyar ni dpag tshad gcig yod pa/ spos dang gdug pa dang rab ldan la/ de na rin chen las byas khri bsham shing / dar dang bcos bu'i ras ni brgya bting ba'i/ khri dag dang ni khri stan gzhan rnams kyang / ji ltar gang ga'i klung bzhin dpag med pa/ rgyal ba gcig la dbul

  32. 217b

    pa byas gyur la/ rgyal ba gang dag 'jig rten khams bzhugs pa/ ji ltar gang ga'i byem pas mang ba/ rgyal ba de dag rnams la de ltar phul/ kun la gus par mchod pa byed pa bas/ mkhas gang zhig mdo sde 'di thos nas/ dpe gcig tsam zhig yang dag 'dzin byed dam/ gzung nas mi 'ga' zhig la 'chag byed na/ de ni de bas bsod nams phung po mang / dpa' bos bzung ba'i bsod nams 'di la ni/ cha dang dpe yang de'i nyer mi 'gro/ srog chags de dag kun gyi skyabs 'gyur zhing / de ni myur du byang chub mchog 'tshang rgya/ de bzhin gshegs kyi snying po 'dra yod pa/ sems can kun gyi chos nyid 'di dag ni/ byang chub sems dpa' mkhas pa gang sems pa/ de ni rab 'byung sangs rgyas myur du 'gyur/ rdo rje blo gros rnam grangs 'di kyang 'di ltar chos kyi rnam grangs 'di ji ltar byang chub sems dpa' sems dpa' chen po rnams la thams cad mkhyen pa'i ye shes sgrub par 'gyur ba'i gces spras byed par rig par bya'o// rdo rje'i blo gros sngon byung ba 'das pa'i dus na/ bskal pa grangs med pa shin tu rgyas pa/ tshad med pa bsam gyis mi khyab/ chung ba med pa/ de'i pha rol pas kyang ches pha rol tu gyur pa/ de'i tshe'i de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten

  33. 218a

    mngon/ mkhyen pa/ skyes bu 'bul ba'i kha lo sgyur ba/ bla na med pa/ lha dang mi rnams kyi ston pa pa sangs rgyas bcom ldan 'das rtag tu 'od gzer gtong zhes bya ba 'jig rten du byung ngo // rdo rje'i blo gros ci'i phyir de bzhin gshegs pa de rtag tu 'od gzer zhes bya zhe na/ rdo rje'i blo gros bcom ldan 'das de bzhin gshegs pa rtag tu 'od gzer gtong / de byang chub sems dpa' gyur pa na/ ma'i mngal du zhugs ma thag tu/ de ma'i mngal na 'dug bzhin du lus las 'od byung ste/ shar phyogs su 'jig rten gyi khams 'bum phrag sangs rgyas kyi zhing bcu'i rdul snyed dag snang bas rtag tu khyab par gyur to// de bzhin du lho dang / nub dang / byang dang / shar lho dang lho nub dang / nub byang dang / byang shar dang / 'og dang / steng gis phyogs dang / phyogs bcu'i 'jig rten gyi khams 'bu phrag sangs rgyas kyi zhing bcu'i rdul phra rab kyi rdul snyed dag snang bas rtag khyab par gyur te/ byang chub sems dpa' de'i lus 'od dga' bar 'gyur ba sdug pa mchog tu dga' bar byed pa/ mgu bar gyur par 'jig rten gyi khams 'bum phrag de snyed snang bas rtag tu khyab par 'gyur ro// rdo rje'i blo gros byang chub sems dpa' ma'i mngal na gnas pa de'i 'od gyis 'jig rten gyi khams 'bum de dag tu sems can gang dag la reg par gyur pa de dag thams cad gzi garjid dang ldan pa dang / kha

  34. 218b

    dog dang ldan pa dang / blo gros dang ldan pa dang / rtogs pa dang ldan pa dang / spobs pa dang ldan par gyur to// 'jig rten gyi khams 'bum de dag na sem can gang dag na sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin rnams kyis nang du skyes par 'gyur ba de dag thams cad byang chub sems dpa' de'i 'od kyis reg pa tsam gyis/ rang gi 'gro ba dag nas shi 'phos te/ lha dang mi rnams kyi nang du skyes so// de dag reg pa tsam gyis bla na med pa yang dag par rdzogs pa'i byang chub las phyir mi ldog par gyur to// yang phyir mi ldog pa gang dag 'ong des reg ma thag tu de dag thams cad mi skye ba'i chos la bzod pa thob par gyur to// yon tan lnga brgya pa'i le'u zhes bya ba'i gzugs kyang thob po// byang chub sems dpa' ma'i mngal na gnas pa de'i lus kyi 'od kyis 'jig rten gyis khams 'bum gang dag la reg par gyur pa de dag thams cad bai dUr+ya las grub par yongs su gan par gyur to// gser gyi skud pas mig mangs ris su bris par gyur la/ mig mangs ris thams cad nas kyang rin po che'i shing ljon pa med tog dang / 'bras bu dang / dri dang / kha dog dang ldan pa rnams 'thon par gyur to// rin po che'i shing de dag rlung gis bskyod cing / rlung gis bskul na 'di lta ste/ sangs rgyas

  35. 219a

    mnakyi sgra dang / chos kyi sgra dang / dge 'dun gyi sgra dang / byang chub sems dpa'i sgra dang / byang chub sems dpa'i stobs dang / dbang po dang / byang chub kyi yan lag dang / rnam par thar pa dang / ting nge 'dzin dang / snyoms par 'jug pa'i sgra bstan par yid du 'ong ba 'di lta bu dag byung ngo // rin po che'i shing ljon pa'i sgra nges kyang 'jig rten gyi khams 'bum de dag thams cad na sems can rnams dga' ba dang / mchog tu dga' ba thob nas gnas so// sangs rgyas kyi zhing de dag thams cad na yang sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi rigs rnams med par gyur to// byang chub sems dpa' ma'i mngal na gnas pa de yang sems can thams cad la zla ba'i dkyil 'khor bzhin du snang bar gyur to// mngal na gnas pa nyid la nyin lan gsum/ mtshan lan gsum du thal mo sbyar ba'i las byas so// rdo rje'i blo gros de ltar byang chub sems dpa' de btsas pa dang / mngon par byung ba dang / byang chub mngon par rdzogs par sangs rgyas kyi bar du/ byang chub sems dpa' de'i lus las 'od rtag tu byung bar gyur to// mngon par rdzogs par sangs rgyas nas kyang / bcom ldan 'das de'i lus las 'od rtag tu byung bar 'gyur

  36. 219b

    to// tshul de bzhin du yongs su mya ngan las 'da' ba'i dus kyi bar du/ bcom ldan 'das de'i lus kyi 'od de rtag tu byung bar gyur to// de bzhin gshegs pa de yongs su mya ngan las 'das te/ rnying srel mchod rten na gnas pa'i tshe'ang lus kyi 'od de rtag tu byung bar gyur te/ rdo rje'i blo gros de'i phyir/ bcom/ ldan 'das de rtag tu 'od gzer gtong zhes bya bar lha dang mi rnams kyis mtshan gsol to// rdo rje'i blo gros yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag tu 'od gzer gtong / de dang po mngon par rdzogs par sangs rgyas pa'i bstan pa la byang chub sems dpa' 'od gzer mtha' yas shes bya ba g.yog stong dang ldan pa zhig byung ste/ rdo rje blo gros byang chub sems dpa' 'od zer mtha' yas des/ bcom ldan 'das de bzhin gshegs pa dgra bcom pa yang dgra bcom la yang dag par rdzogs pa'i sangs rgyas rtag tu 'od zer gtong de la de bzhin gshegs pa'i snying po'i chos kyi rnams zangs 'di las brtsams te/ yongs su dris so// de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag tu 'od zer gtong ba des/ byang chub sems dpa' de dag rjes su bzung ba dang / yongs su bzung ba'i phyir stan gcig

  37. 220a

    mngon/ gal 'dug bzhin du/ bskal pa chen po lnga brgyar de bzhin gshegs pa'i snying chos kyi rnams grangs 'di yang dag par rab tu bshad de/ de bzhin gshegs pa'i snying po chos kyi rnams grangs 'di tshig par shes par bya bas/ chos bsgrub pa dang / dpe' 'bum phrag du mas byang chub sems dpa' de dag la yang dag par rab tu bshad pas phyogs bcu rnams su sangs rgyas kyi zhing bcu'i rdul snyed kyi 'jig rten gyi khams su yang tshigs chung ngus go bar gyur to// rdo rje'i blo gros de la byang chub sems dpa' gang dag gis de bzhin gshegs pa'i chos kyi rnam grangs 'di tha na de bzhin gshegs pa'i snying po'i zhes bya ba'i ming thos pa de dag thams cad mthar gyis dge ba'i rtsa ba yongs su smin nas/ yon tan bkod pa de 'dra ba nyid du/ bla na med pa yang dag par rdzogs pa'i byang chub mngon par rdzogs par sangs rgyas te/ byang chub sems dpa' sems dpa' chen po bzhi ni me togs so// rdo rje'i blo gros de'i tshe de'i dus na/ byang chub sems dpa' 'od zer mtha' yang shes bya bar gyur pa de gzhan zhig yin snyam du khyod sems na de de ltar mi blta ste/ rdo rje'i blo gros khyod nyid de'i tshe de'i dus na/ byang chub sems dpa' 'od gzer mtha' yas shes bya bar gyur to// bcom ldan 'das de'i bstan pa gang dag da dud du yang bla na med pa yang dag

  38. 220b

    rdzogs pa'i mngon par rdzogs par sangs rgyas pa'i byang chub sems dpa' bzhi po de dag gang zhe na/ 'di lta ste/ byang chub sems dpa' 'jam dpal dang / mthu chen thob dang / spyan ras gzigs dbang phyug dang / rdo rje'i blo gros de ltar de bzhin gshegs pa'i snying po'i chos kyi rnams grangs 'di thos pa tsam gyis// byang chub sems dpa' sems dpa' chen po rnams la sangs rgyas kyi ye shes sgrub pas don che ba yin no// de nas de'i tshe/ bcom ldan 'das kyis tshig su bcad pa 'di bka' stsal to// 'das pa'i dus ni bskal pa mtha' yas pa/ bcom ldan 'das 'od gzer zhes bya ba byung / de'i lus las 'od zer rab phyung bas/ zhing rnams bye ba stong dag snang bar gyur/ rgyal ba dang po mngon rdzogs sangs rgyas rig/ byang chub sems dpa' 'od zer mtha' yas kyis/ de'i tshe bde gshegs rgyal ba de la zhus/ mdo 'di rtag tu yang dag rab tu bshad/ gang gis rgyal ba de'i stan las mdo sde 'di/ 'dren pa las ni mngon gsum thos gyur pa/ de kun myur du byang chub dam pa thob/ byang chub sems dpa' bzhi ni ma togs te/ mthu chen thob dang spyan ras gzigs dbang phyug/ byang chub sems dpa' 'jam dpal gsum pa ste/ rdo rje'i blo gros khyod nyid bzhi pa yin/ de'i tshe de dag mdo 'di thos gyur nas/ byang chub sems dpa' 'od zer

  39. 221a

    mtha' yas pa/ de tshe gang gis rgyal la zhus byung ste/ de'i dbang byas bde gshegs sras pa ni/ de tshe rdo rje'i blo gros khyod nyid yin/ gang yang sngon gyi spyad pa spyod pa'i tshe/ bde bar gshegs seng ge'i rgyal mtshan las/ mdo sde 'di yi ming ni thos par gyur/ gus pas byas te thos nas thal mo sbyar/ da ni legs par byas pa'i las de yis/ byang chub dam pa myur du thob par 'gyur/ de bas byang chub sems dpa' mkhas rnams kyis/ rtag tu mdo mchog 'di ni bzung bar bya/ rdo rje blo gros rigs kyi bu 'am/ rigs kyi bu mo las kyi sgrib pas/ bsgrib pa grang dag de bzhin gshes pa'i snying po'i chos rnams grangs 'di nyan tam/ lung nod kha don du byed dam/ ston kyang rung / chos kyi rnam grangs 'di nyan pa dang / lus nod pa dang / kha don byed pa dang / rab tu chad pa dang / yi ger 'dri ba de dag la tshegs chu dus chos de dag kyang mngon gsum du 'gyur/ las kyi sgrib pa de byang bar 'gyur ro// de nas/ bcom ldan 'das la tshe dang ldan pa kun dga' bos 'di skad ces gsol to// bcom ldan 'das rigs kyi bu 'am/ rigs kyi bu mo gang las kyi sgrib pas bsgrub par mi 'gyur zhing / chos kyi rnam grangs 'di brtson par bgyid pa de dag sangs rgyas bcom ldan 'das ji snyed cig la mang du thos pas chos pas chos bstan pa'i

  40. 221b

    slad du nges par 'byung bar 'gyur ba lags/ bcom ldan 'das kyis bka' stsal pa/ kun dga' bo rigs kyi bu 'am/ rigs kyi bu mo gang dag sangs rgyas brgya'i chos bstan kun tu bzung ba'i phyir nges par 'byung ba dag kyang yod do// kun dga' bo rigs kyi bu 'am/ rigs kyi bu mo gang dag sangs rgyas nyis brgya dang / sum brgya dang / bzhi brgya dang / lnga brgya dang / stong dang / nyis stong dang / sum stong dang / bzhi stong dang / lnga stong dang / drug stong dang / bdun stong dang / brgyad stong dang / khri dang / sangs rgyas 'bum nas sangs rgyas bye ba khrag khrig 'bum gyi bar bar dag gi chos bstan pa kun tu gzung ba'i phyir nges par 'byung bar gyur pa dag kyang yod do// kun dga' bo byang chub sems dpa' chos kyi rnam grangs 'di 'chang ba dang / klog pa dang / gzhan la dag la yang rgya che yang dag par rab tu ston pa dang / glegs bam du byas te/ 'chang ba des 'di snyam du bdag gi deng nyid bla na med pa yang dag par rdzogs pa'i byang chub thob po snyam du sems bskyed par bya ste/ de ni ji ltar nga bzhin du/ lha ma yin du bcas pa'i 'jig rten gyis phyag bya ba'i 'os dang / mchod pa bya ba'i 'os yin no// de nas de'i tshe/ bcom ldan 'das kyis tshigs su bcad pa 'di dag bka' stsal to// byang chub sems dpa' mdo sde 'di

  41. 222a

    mngo/ thos nas/ bdag gis byang chub dam pa thob par bsams/ gang gi lag na mdo sde 'di yod pa/ de ni da ltar 'jig rten phyag bya ba'i 'os/ de ni 'jig rten mgon po rnams par 'dren/ khrid byed rnam par khri byed sngags pa'i 'os gang gis lag la mdo sde 'di yod pa/ de ni de ltar chos kyi rgyal zhe bya/ gang gis lag na mdo sde 'di yod pa/ mi'i khyu mchog chos kyi sgron ma 'dzin/ de ni zla ba nya lta bur blta ba'i 'os/ 'jig rten mgon po lta bur phyag bya'i gnas/ bcom ldan 'das kyis de skad ces stsal nas/ byang chub sems dpa' rdo rje'i blo gros dang / thams cad dang ldan pa'i byang chub sems dpa'i tshogs de dang nyan thos chen po de dag dang / 'khor bzhi po dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa mngon par stod do// 'phags pa de bzhin gshegs pa'i snying po zhes bya ba theg pa chen po'i mdo// rdzogs s+ho/ rgya gar skad du/ ar+ya dri d+ha a d+ha sha ya ba ni rto nA ma ma ha ya na sU tra/ bod skad du// 'phags pa lhags pa'i bsam gtan pa'i le'u zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus

Colophon

'phags pa de bzhin gshegs pa'i snying po zhes bya ba theg pa chen po'i mdo/ rdzogs s+ho/