F71MW1KG13607_0071dkon btsegsAll versions of this work

bu mo rnam dag dad bas zhus pa zhes bya ba theg pa chen po'i mdo

Text

ff. 126a–139a · 27 folio sides

  1. 126a

    mtshan dang dpe' byad bzang po dag gis ni sku rab tu brgyan/ gzi brjid dang mthu stobs dag gis ni rab tu 'bar bar gyur te/ sems can thams cad nges pa'i don mchog la dgod cing khong du chud par mdzad pa'i phyir tshangs pa'i sgra dbyangs stong gsum gyi stong chen po'i 'jig rten gyi khams kun tu bsgrags nas/ 'khor mang po'i dbus na chos ston par mdzad do// de nas rgyal po gsal rgyal gyi bu mo rnam dag dang ba zhes bya ba/ gzhon nu ma byad bzhin sdug cing mdzes pa/ sems can rnams kyis mthong bar mos pa/ sngon dge ba'i rtsa ba bskyed pa/ theg pa chen po bsgom pa zhig yod pa de bu mo gnon nu ma lnga brgyas yongs su bskor te/ so so nas gser gyi phreng ba thogs nas/ grong khyer mnyan yod nas byung ste/ rgyal bu rgyal byed kyi tshal du phyin pa dang / bcom ldan 'das kyi zhabs la spyi bos gtugs te/ phyag byas nas lan gsum bskor ba byas te/ bcom ldan 'das kyi spyan sngar phyogs gcig tu 'khod nas/ tshigs su bcad de mngon par stong pa// yun ring bsod nams rnam dag phrin las bsags/ yon tan rgya mtsho mtha' yas yongs rdzogs shing / mang po'i dad mos dga' bar mdzad pas na/ de spang thub mchog khyod la bdag phyag 'tshal/ gzi byin lha me ya mtshan rab ston cing // rin chen 'byung gnas chos gos ston par mdzad/ sku yi 'od zer mdom ga

  2. 126b

    rtag gsal bas// blo chen bsil ba'i rdzing la bdag phyag 'tshal/ yon tan rdzogs shing bsod nams pasam 'tshal/ mi mchog khyod la 'jig rten kun gyis bsngag/ smon lam chen po tshul khrims yongs rdzogs pas// de slad mchod 'os gtso la bdag phyag 'tshal// chos mchog rab gnas brtan par zhi zhing dben// 'jig rten kun la thugs snyoms bu cig bzhin/ mkhyen pa dag gis spyod rnams rab mkhyen pas/ 'dren mkhan bzhin du mnyam pa'i shal yang ston// rab brten brtson 'grus ldan par mchis 'gyur na/ byams dang thugs rjes sems can sman mdzad pas/ byang chub sems dpa'i spyod pa gang lags pa/ de bzhin gshegs pa'i bkas ni bshad du gsol// ji ltar rab brtan stobs ni thob 'gyur nas/ 'khor bar gnas kyang bdud dpung 'pham bgyid lags/ ji ltar mnyam pa'i chos ni thob 'gyur zhing // de ltar sems can yongs su smin bgyid lags/ ji ltar bgyis na sa gzhi nam pa'i dang / rlung dang me chu ji lta bzhin du 'gyur/ ji ltar srid ches thos na chos gnas shing ste/ ri rab seng ge rgyal po bzhin du 'gyur/ ji ltar byams sdang sems ni yongs spangs nas/ sems gtsang drang la g.yo sgyu ma mchis 'gyur/ ji ltar sbyin dang tshul khrims bzod pa dang / brtson 'grus bsam gtan rnam grol skye 'gyur zhing // shes rab nyon mongs mun pa rab bcom zhing // rtag par thabs chen la ni gnas pa dang //

  3. 127a

    ting 'dzin gzungs la thogs pa ma mchis shing // tshad med bzhi dang mngon shes lnga la gnas/ ji ltar sangs rgyas spyan sngar gnas gyur nas// rtag par brdzus te skye zhing tshe rabs dran/ sbyangs pas rtsod pa ma mchis dgon na gnas nas/ sems ni rab btul nyon mongs zhi bgyid dang / tshul khrims ldan zhing byang chub lame sgom dang / bdud rtsi mchog thob bdud dpung 'jom pa dang / bde stsol chos kyi 'khor lo bskor 'gyur ba// de 'dra'i yang dag lam bkas bshad gsol// de nas bcom ldan 'das kyis bu mo rnam dag dang ba la bka' stsal pa/ byang chub sems dpa' gang stobs rnam pa brgyad dang ldan par gyur na/ 'khor ba na gnas kyang rab tu brtan pa'i dpa' bor 'gyur zhing yongs su ngal ba med par 'gyur ro// brgyad gang zhe na/ dang po na sems kyi 'dun pa'i stobs te/ g.yo sgyu med pa'i phyir ro// gnyis pa ni mos pa'i stobs te/ sdig pa rnams spong bar byed pa'i phyir ro// gsum pa ni sbyor ba'i stobs te/ rtag tu dge ba bsgrub pa'i phyir ro// bzhi pa ni mngon par yid ches pa'i stobs te/ las kyi rnam par smin pa dag la shin tu mngon par yid ches pa'i phyir ro// lnga pa ni byang chub kyi sems kyi stobs te/ theg pa dman pa rnams yongs su mi tshol ba'i phyir ro// drug pa ni byams pa chen po'i stobs te/ sems can la gnod pa mi byed pa'i phyir ro// bdun pa ni snying rje chen po'i stobs te/ gnod pa/

  4. 127b

    rnams dang du len par byed pa'i phyir ro// brgyad pa ni dge ba'i gshes gnyen gyi stobs te/ dus dus su sad par byed pa'i phyir ro// bu mo 'di ni stobs rnam pa brgyad ces bya ste/ byang chub sems dpa' gang stobs brgyad po 'di dag dang ldan par gyur na/ rab tu brtan pa'i dpa' bor 'gyur bas/ 'khor ba na gnas kyang mngon par zhen cing chags pa med par 'gyur ro// de nas bcom ldan 'das kyis yang tshigs bcad de bka' stsal pa// sems can dpa' bo gang yin pa/ g.yo sgyu dag ni spong byed cing // rtag par drang por spyod pas na// yang dag byang chub gzhol bar 'gyur// mos pa'i stobs ni gang yin pa// nyes pa mang po spong byed cing // dge ba 'ba'i shig spyod pas na// yang dag brtson la gnas par 'gyur// sbyor ba phun sum tshogs 'gyur/ ba// rtag tu legs par rab brtan nas// brtson / 'grus brtan par 'gyur bas na// sems can rnams ni bde bar byed// mngon par yid ches stobs dbang gis// las kyi rnam smin rig pas na// sangs rgyas rdzogs da nga // ga slongs su bya // rlung sa su na sa/ smra phyu / bdud na mi gcad pas// tshas ga la ni das pa thar/ rgyams kyi'i se sa kyi ba gis na// sems cad byams pas khyen cing/

  5. 128a

    ni med pas na// zhe sdang gnod pa skyed mi 'gyur// snying rje chen po stobs kyis ni// sems can dang du len byed cing // 'khor/ ba dag la zhen byed cing // yongs su skyo zhing ngal ba med// dge ba'i bshes gnyen stobs kyis ni// rtag par phan tshun bde byed cing // sems ni bying bar 'gyur bas// byang chub la ni gnas par 'gyur// dpa' bo gang yin de dag gis// stobs brgyad 'di dag thob 'gyur nas// byang chub snying por 'dug nas/ ni tatabadud dpung mang po bcom par 'gyur// gzhan yang bu mo byang chub sems dpa' chos rnam pa brgyad dang ldan par gyur na/ mnyam pa nyid la rab tu gnas par 'gyur ro// brgyad gang zhe na/ dang po ni sems can thams cad mnyam par gyur pa ste/ rang bzhin gyis bdag med pa'i phyir ro// gnyis pa ni chos thos cad mnyam par gyur pa ste/ chos thams cad rab tu dben pa'i phyir ro// gsum pa ni zhing thams cad mnyam par gyur pa ste/ stong pa nyid kyi khams su 'jug par 'gyur ba'i phyir ro// bzhi pa ni shes pa thams cad mnyam par gyur pa ste/ stong pa nyid ston pa'i phyir ro// lnga pa ni spyod pa thams cad mnyam par gyur/ pa ste/ rgyu dang rkyen la rang bzhin med pa'i phyir ro// drug pas ni theg pa thams cad mnyam par gyur pa ste/ 'dus ma byas su mtshungs pa'i phyir ro// bdun

  6. 128b

    ba ni sems mnyam par gyur pa ste/ sems sgyu ma dang mtshungs pa'i phyir ro// brgyad pa ni bdud rnams mnyam par gyur ba ste/ nyon mongs pa'i thibs po ma dmi pa'i phyir ro// 'di chos rnam pa brgyad kyis mnyam pa nyid la rab tu gnas pa zhes bya'o// de nas bcom ldan 'das kyis yang tshigs su bcad de bka' stsal pa/ sems can rang bzhin bdag med pas// skad cig tsam yang dmigs mi 'gyur// mnyam pa nyid la gang gnas pa// de lta bar ni blta bar bya// chos rnams thams cad mnyam pas na// rang bzhin rtag par stong zhing dben// yi ges tha dad bye bar zad// chos rnams rang bzhin bye brag med/ phyogs bcu'i zhing rnams thams cad kun// mu mtha' dag ni mi dmigs pas// de'i rang bzhin na mkha' 'dra// sangs rgyas zhing ni rtag tu mnyam// dus gsum de bzhin ga sh+ye pa kun// chos dbyings gnas par mnyam pas na// ye shes mtha' yas rnam par grol// sangs rgyas kun kyang de bzhin no// sems can rang bzhin rgyu rkyen rnams// thams cad kun yang mnyam pa dang // de'i spyod pa rab shes pas// ci rigs par ni go bar byed// sems can ji snyed tha dad pa// sgyu 'bru// lta bur rab tu rtog/ phyi nang gnyi ga len byed pas// rang bzhin rtag tu rnam par dag/ theg pa sna tshogs rab bshad kyang / 'dus ma byas su rab tu mam me/

  7. 129a

    'dren pas thabs ni rab mkhyen pas// rnam par phye ste theg gsum bshad// nyon mongs bdud la rab gnas kyang // nyon mongs dngos po tsa yang med// lha dang phung po 'chi bdag bdud// spyod yul thams cad stong pa yin// gzhan yang bu mo byang chub sems dpa' chos brgyad dang ldan na byams sdang yongs su spong bar byed do// brgyad gang zhe na/ byams pa dang ldan pa dang / snying rje dang ldan pa dang / rtag par ban 'dogs par byed pa dang / 'jig rten gyi chos la ma chags pa dang / rang gi lus la chags pa med pa dang / rtag tu ting nge 'dzin gyi sems sgom pa dang / lus dang srog yongs su gtong ba dang / nyon mongs pa rnams la so sor rtog pa ste/ cha chos brgyad po 'di dag mngon par sgrub par nus na/ byams sdang yongs su spong bar 'gyur ro// de nas bcom ldan 'das kyis yang tshig su bcad de bka' stsal pa/ byams sems go cha rab bsgoms nas// thams cad kun la snying brtse zhing // mnyam pa'i sems la gang gnas pa// byams sdang sems ni skye mi 'gyur// blo ldan pan 'dogs spyod pas na// rtag par gzhan la bde ba gtong // rnyed pa thob kyang rang mi thong // brnyas shing slad kyang mkhon 'dzin med// rlung brgyad kyis ni mi bskyod pas// byams

  8. 129b

    sdang dag ni mi skye zhing // bdag gam gal te gzhan yang rung // byams sdang 'du shes yong mi skyed// 'du shes rnams ni rab spangs nas// spyod yul/ dag la zhen pa med// rtag par rang gi lus rtogs pas// lus srog dag la phangs pa med// khams rnams sdug bsngal bde ba yis// g.yos par mi 'gyur na mkha' bzhin// nyon mongs legs par rtogs byed na// bdag dang bdag gi gnyi ga spong // spyod 'dzin rtog par sa 'dra bas// byams sdang dag ni yong mi skyed// gzhan yang bu mo byang chub sems dpa' chos brgyad dang ldan na/ 'khor bas yongs su ngal bar mi 'gyur ro// brgyad gang zhe na/ dge ba'i rtsa ba yangs shing rgya che ba'i phyir dang / sems can la so sor rtog par byed pa'i phyir dang / rtag par de bzhin gshegs pa rnams mthong zhing mchod pa'i phyir dang / sangs rgyas kyi zhing tshad med pa rtag par sangs rgyas kyi rtog pa mkhyen pa yongs su gnyer ba'i phyir dang / 'khor ba rmi lam lta bur rab tu rtog pa'i phyir dang / chos khyad par can dag la zhugs pa med pa'i phyir dang / sngon gyi mtha' dang phyi mi'i mtha' dang / yang dag pa'i mtha' la so sor rtog pa'i phyir ro// de nas bcom ldan 'das kyis yang tshigs su bcad de bka' stsal pa// rnal 'byor lapa ni gang slob pa// dge sbyong skyon 'phan dri ma med// bar snang zla ba rnam dag bzhin// rdzu

  9. 130a

    bsngal sems can sgrol bar byed// yon tan rnams ni bsdu ba'i phyir// 'khor bas yongs su ngal mi 'gyur// sems can rang bzhin rtog med cing // rab brtan brtson 'grus spyod par byed// sangs rgyas zhing ni tshad med du// sangs rgyas rnams ni gus mchod pas// de phyir stobs bcu gang ldan pa/ 'khor bas yongs su ngal mi 'gyur// 'jig rten tshad med dpag tu med// bsam gyis mi khyab chos ston cing // dkon mchog gsum gdung mi gcod pas// chos rgyal nyid du mngon sang rgya// tshul khrims dam por gang srung ba// 'khor bas ngal bar mi 'gyur zhing // 'khor ba'i rang bzhin gang yin pa// rmi lam sprin dang glog ltar shes// chos la gang zhig rnam grol ba// 'khor bas yongs su ngal mi 'gyur// byang chub la ni rab gnas shing // dga' ba'i sems kyis rtag tu bde// thabs kyis pha rol gang phyin pa// 'khor bas yongs su ngal mi 'gyur// rtag par dam chos sgrub pa yod // bar snang zla bzhin 'phel bar 'gyur// sangs rgyas yon tan gang mos pa// 'khor bas yongs su ngal mi 'gyur// 'khor ba mu mtha' med 'gyur yang / rtog par yang dag mtha' la gnas// yud tsam shes rab rjes mthun pa/ 'khor ba dag gis ngal mi 'gyur// gzhan yang bu mo chos brgyad dang ldan na/ sems can gyi khams mnyam par 'gyur ro// brgyad gang zhe na/ sems sa

  10. 130b

    dang mtshungs par 'gyur ba'i phyir dang / sems chu dang mtshungs par 'gyur ba'i phyir dang / sems me dang mtshungs par 'gyur ba'i phyir dang / sems rlung dang mtshungs par/ 'gyur ba'i phyir dang / sems na mkha' dang mtshungs par 'gyur ba'i phyir dang / sems chos kyi dbyings dang mtshungs par 'gyur ba'i phyir dang / sems rnam par grol ba dang mtshungs par 'gyur ba'i phyir dang / sems mya ngan las 'das pa dang mtshungs pa'i phyir te/ 'di ni sems kyi khams mnyam pa nyid rnam pa brgyad ces bya'o// de nas bcom ldan 'das kyis yang tshigs su bcad de bka' stsal pa// sems ni sa dang mtshungs pas na// thams cad khur du khyer bar byed// dge ba dang ni sdig pa'ang rung // 'phel ba med cing 'grib pa'ang med// sems ni chu dang mtshungs pas na// dri ma mi gtsang 'khru byed cing // 'jig rten rnams ni gso ba dang // nyon mongs gdung ba sel bar byed// sems ni me dang mtshungs pas na// nyon mongs dag ni sreg byed cing // sgron ma chen po snang ba yis// gsal bar mi byed gang yang med// sems ni rlung dang mtshungs pas na// gnas pa med cing rten byed par// tshul khrims thogs pa dri yis ni// dus gsum kun tu khyab par byed// sems ni mkha' dang mdzungad/ bas na// lta ba spong zhing rnam par dag/ thams cad kun tu 'jug byed kyang // bdud kyi rjes su 'brang mi byed// sems ni chos dbyings mtshungs pas na/ bde ba nyid du

  11. 131a

    rab gnas shing // 'phel ba med cing 'grib med par// rtag par mnyam pa nyid la 'jug/ nyan thos dang ni rang rgyal gyi// rnam par grol ba thob 'gyur kyang // 'ching ba dag kyang yod min la// grol ba dag kyang yod pa min// 'khor ba dang ni mya ngan 'das// 'ong ba med cing 'gro med ces// rab dben nyer ni gnas nas ni// dus gsum kun tu 'gro bar byed// gzhan yang bu mo chos rnam pa brgyad dang ldan pa'i byang chub sems dpa' ni byang chub kyi 'byung gnas su 'gyur ro// brgyad gang zhe na/ dang po ni sbyin pa 'byung gnas su gyur pa yin te/ ci bdog pa rnams yongs su gtong ba'i phyir ro// gnyis pa ni tshul khrims 'byung gnas su gyur pa yin te/ nyams pa med pa'i phyir ro// gsum pa ni bzod pa 'byung gnas su gyur pa yin te/ zhe sdang med pa'i phyir ro// bzhi pa ni brtson 'grus 'byung gnas su gyur pa yin te/ le lo med cing nur ba med pa'i phyir ro// lnga pa ni bsam gtan 'byung gnas su gyur pa yin te/ thabs la mkhas pa'i phyir ro// drug pas ni shes rab 'byung gnas su gyur pa yin te/ tshul khrims srung zhing mang du thos pa dang ldan pa'i phyir ro// bdun pa ni tshangs pa'i gnas su gyur pa yin te/ rnam par grol bas te bden par gyur ba'i phyir ro// brgyad pa ni mngon par zhen pa'i byung gnas su gyur ba yin te/ rtag par ma'am par bzhag pa la rab gnas pa'i phyir ro// de nas pa

  12. 131b

    ldan 'das kyis tshigs su bcad de bka' stsal pa// rtag par sbyin pa gang gtong ba// 'dod chags gdung ba spong bas na// 'bras bu rnam smin mi re bar// sangs/ rgyas byang chub sngo bar byed// khrims ldan theg pa che ba'i phyir// bcad cing gtubs kyang khyong khro med// rtse gcig bde chen gnyer byed cing // bag chags spangs nas 'gog mngon byed// byang chub sems dpa' brtson 'grus can// bskal mang sems can ched du ni// sdug bsngal bzod cing 'jig rten rgyu// brtson 'grus stobs ni 'phel bar byed// bsam gtan dag ni gang sgom pa// spros pa rnams ni spong byed cing // bsam gtan pha rol phyin gyur kyang // bsam gtan rjes su yongs mi skye/ shes rab chen po mtshungs med pas// mthar lha rnams ni spong byed cing // 'jig rten stong dben rig pas na// gti mug mun pa ma lus sel// nyer zhi tshangs gnas gang sgom pa// ngan song rnams ni spangs pas na// rtag par brgya byin tshangs par 'gyur// don gyi phan pa nan tan bsgoms// mngon shes sangs rgyas zhing rgyu ba// sangs rgyas bsnyen bkur chos kyang nyan// rang bzhin mos pa rab shes nas// chos bshad sems can slob par byed// gzhan yang bu mo byang chub sems dpa' ni chos brgyad dang ldan pa'i phyir/ gzugs dang thogs pa med pa'i spobs pa thob par 'gyur ro// brgyad gang zhe na/ chos la bla mar byed pa'i phyir dang / mkhan po dang slob dpon

  13. 132a

    la rim gro byed pa'i phyir dang / chos yongs su nye ba la skyo ba med pa'i phyir dang / ji skad thos pa bzhin du/ yang dag par ston pa'i phyir dang / chos la ser sna mi byed pa'i phyir dang / gzhan gyi nyes pa sgrogs par mi byed pa'i phyir dang / chos smra ba dag la ston pa bzhin du gus pas sri zhu byed pa'i phyir dang / gzhan gyi nyes pa mi mthong zhing nyes pa spangs par skul bar byed pa'i phyir te/ 'di ni byang chub sems dpa' chos brgyad dang ldan na/ gzungs dang thogs pa med pa'i spobs pa phun sum tshogs pa thob par 'gyur ba zhes bya'o// de nas bcom ldan 'das kyis tshigs su bcad de bka' stsal pa// rtse gcig rtag tu chos gnyer ba// mkhan pa dge bshes rim gro byed// sdig pa'i grogs po spong bas na// mi bzad gter 'dzin thob par 'gyur// mang thos yongs su skyo med pa// rab brtson chos ni gnyer bar byed/ ji skad thos bzhin ston byed pas// rnyed pa dag la raM rtsol med// spobs pa rnam dag gang thob pa// 'khor mang dga' bar byed pas na// chos sbyin pa la rab mos shing // ser sna phrag dge spong bar byed// chos spyod mngon par zhen byed cing // gzugs ni gang zhig thob 'gyur ba// khrims srungs rang las lta bsam gzhan gyi nyes skyon yod mi tshol// byams dang snying rje gnas gyur cing // dus min tshig ni mi smra bas// thogs med spobs pa thob 'gyur nas// spro tshig pha rol phyin pa ston//

  14. 132b

    chos ni legs par smra ba la// mkhan po bzhin du gus par byed// skyon 'chab nyes pa spong bskul bas// mi bzad kun 'dzin rgya mtsho thob// gzhan yang bu mo byang chub sems dpa' ni chos rnam pa brgyad dang ldan pa'i phyir/ sangs rgyas rnams kyi spyan sngar pad ma las rdzus te skye bar 'gyur ro// brgyad gang zhe na/ srog la bab par gyur na yang / gzhan gyi nyes pa mi brjod pa dang / sems can rnams dkon mchog gsum la skyabasu 'gro bar bskul ba dang / thams cad byang chub kyi sems la dgod ba dang / tshangs par spyod pa la gos pa med pa dang / de bzhin gshegs pa'i sku gzugs dag byas nas pad ma'i gdon la 'jog pa dang / sems can mya ngan byed ngag gi mya ngan sel bar byed pa dang / khengs shing nga rgyal med pa dag gi mdun du rtag par bdag nyid dman par byed pa dang / gzhan la 'tshe bar mi byed pa gang yin/ ba'o// de nas bcom ldan 'das kyis yang tshigs su bcad de bka' stsal pa// gal te sdug bsngal gzir 'gyur kyang // nam yang gzhan gyi skyon mi smra// rtag par dkon mchog gang bsngags pa// sangs rgyas spyan sngar rdzus skye// byang chub sems ni bskyed pa dang // thams cad mkhyen pa nyer bskul nas rtag tu tshangs par gang spyod pa// sangs rgyas spyan sngar rdzus te skye// gser gyis sangs rgyas gzugs brgyad te// rin cher pad ma'i gdan la bzhugs/

  15. 133a

    sems can mya ngan gang sel ba// sangs rgyas spyan sngar rdzus te skye// nga rgyal byed pa de dag la// slob ma bzhin du bdag dman zhing // gzhan la gang zhig mi 'tshe ba// sangs rgyas spyan sngar rdzus te skye// gzhan yid bu mo byang chub sems dpa' chos brgyad dang ldan par gyur ni/ spangs pa'i yon tan phun sum tshogs par 'gyur zhing / rtag por dgon pa na gnas par mos par 'gyur ro// brgyad gang zhe na/ 'dod pa chung ba dang / chog shes pa dang / dge ba'i chos yongs su rdzogs par 'gyur ba dang / dge ba bdag nyid gso byed pa dang / rtag par 'phags pa'i rigs yongs su 'dzin pa dang / 'khor ba'i nyes dmigs mthong bas sems la lhag par skyo ba dang / rtag par mi rtag pa dang / sdug bsngal ba dang / stong pa dang bdag med par lta ba dang / dad pa shin tu brtan zhing gzhan gyi dring la mi 'jog pa gang yin pa'o// de nas bcom ldan 'das kyis yang tshigasu bcad de bka' stsal pa// 'dod pa chung zhing chog shes pas// chos dga' dge mang bdag nyid gso// rtag par 'phags rigs bsgrub la mos// 'khor ba'i skyon mthong sems la skrag sbyangs pa dag la rtag mos pas// bse ru gcig ltar grogs kyang med// 'dus byas sdug bsngal bdag med ces// blo yas rab dang brtson 'grus gnas//

  16. 133b

    chos mthong gzhan gyi rjes mi 'brang // rtag par dben gnas sangs rgyas bsngags// sbyangs pas thang bsrings gdung ba med// rtsod smras nyes mig mang po med// nye shes yongs bsngags bsngags pa brjod// des na dgon par gnas la mos// gzhan yang bu mo byang chub sems dpa' ni chos rnam pa brgyad dang ldan pa'i phyir bdud kyi dpung rab tu pham par byed do// brgyad gang zhe na/ ngo bo nyid stong pa nyid la zhugs pa dang / mtshan ma med pa la mngon par yid ches pa dang / smon pa med pa la mngon par yid ches pa dang / mngon par 'du bya ba med par rab tu shes pa dang / nang the tsom dang som nyi med pa dang / skye ba med par rab tu bzod pa dang ha ta ngo bo nyid med par rab tu rtogs pa dang / thabs la mkhas pas chos thams cad la so sor rtog cing de bzhin nyid 'jig par mi byed pa gang yin pa'o// de nas bcom ldan 'das kyis yang tshigs su bcad de bka' stsal pa// stong dang mtshan ma med dang smon med pa// rnam thar gsum thob bdud dpung rab tu 'jom// 'dus byas 'dus min mtshan nyid gnyis su med// skye med thob pas rnam par grol bar 'gyur// chos rnams skye med de ltar gang bzod pa// de dag bdud dpung rab tu pham por byed// skye ba med dang 'gag med 'di dag dang // phung po khams la bdag med sgyu ma 'dra// chos la ngo bo nyid med nges rtogs shing // de bzhin

  17. 134a

    nyid ni mi 'jigs thabs mkhas pas// chos rnams bdud kyi las zhes gang byed pa// rnam rtog spangs nas bdud ni pham par byed/ thabs dang shes rab gnyi ga rab spyod cing // yong dang stong la gnas pa med par ni// de ltar chos mchog gang zhig sgom byed pa// thabs mkhas gzug lus mdzes pa thob par 'gyur// gzhan yang bu mo byang chub sems dpa' chos rnam pa brgyad dang ldan pa'i phyir byang chub dang nam yang 'bral bar mi 'gyur ro// brgyad gang zhe na/ yang dag pa'i lta bas log lta ba'i sems can yongs su smin par byed pa dang / yang dag pa'i dran pas log par sems pa'i sems can la snying brtse bar byed pa dang / yang dag pa'i ngag gis log par smra ba rnams la snying brtse bar byed pa dang / yang dag pa'i las kyi mtha' log pa'i las can rnams yongs su sdud pa dang / yang dag pa'i rtsol bas log par rtsol bas yongs su zlog pa dang / yang dag pa'i 'tsho bas log pa'i 'tsho ba'i sems can rnams spong bar byed pa dang / yang dag pa'i rtog pas log par yid la byed pa spong bar byed pa dang / yang dag pa'i ting nge 'dzin gyis log pa'i ting nge 'dzin la gnas pa dag po slang na/ rtsol du gzhug pa gang yin pa'o// de nas bcom ldan 'das kyis yang tshigs su bcad de bka' stsal pa// yang dag lta dang gang

  18. 134b

    ldan pa/ log lta de dag smin par byed// rtag par yang dag gang sgom pa// log sems dag la rtse bar byed// rnam dag yang dag ngag gis ni// log sems dag la rtse bar byed// rnam dag yang dag ngag gis ni// log smra rnams la rtse bar byed// yang dag las mtha' gnas pa yis// log pa'i las can sdud par byed// rtag par yang dag rtsol bsgoms nas// log brtson dag ni spong mi byed// yang dag 'tsho bas rjes 'thun pas// log 'tsho gang yin sdud par byed blo ldan yang dag rtog pa yis// log par yid ni brtse bar sems// yang dag ting 'dzin rtag gnas nas// log pa'i ting 'dzin sdud par byed// bla med yang drag lam brgyad kyis// chu bo dag la bde bar sgrol// rgyun phyogs ded pa zlo byed pas// de ni byang chub lam chen yin// nyan thos dang ni rang rdul rnams// rtswa'i gzings bzhin bdag nyid zlo// byang chub sems dpa' kun zlo bas// dper na gru chen 'dren mkhan 'dra// gzhan yang bu mo byang chub sems dpa' chos rnam pa brgyad dang ldan pa'i phyir bdud rtsi lam mngon gsum du byed par 'gyur ro// brgyad gang zhe na/ rtsod pa med pa'i chos la gnas pa dang / thogs pa'i sems legs par byed pa dang / rtag par de kho na nyid kyi don la lta bar byed pa dang / byang chub kyi sems la rab tu gnas nas rjes su dran pa rtag par

  19. 135a

    sgom par byed pa dang / nan tan brtson 'grus kyis pha rol tu phyin pa rnams sgom par byed pa dang / dge ba'i rtsa ba brtsegs nas sems can yongs su smin par byed pa dang / snying rje chen po la gnas nas yang dag pa'i chos yongs su sdud par byed pa dang / mi skye ba'i chos la bzod pa thob nas/ phyir ldog pa la rab tu gnos pa gang yin pa'o// de nas bcom ldan 'das kyis yang tshigs su bcad de bka' stsal pa// rtag par rtsod med spyod bsgrubs nas/ dge sbyong chen po chos la gnas// zhe sdang nyes pa yongs spongs nas// dge ba'i rtsa ba sogs par byed// yang dag don ni rab lta bas// mi zad spobs rnams thob par byed// byang chub sems la rab gnas nas// rtag par dran byed rjes su dran// pha rol phyin pa thams cad kun// rab brtson bsgrub pas log pa med// thabs mkhas stobs rnams thob pas na// des ni sems can sgrol bar byed// chos kyi mnga' bdag nor gyis ni// brtse sems thams cad kun sbyin pas// myur du mi skye bzod thob nas// byang chub las ni ldog mi 'gyur// gal te de ltar spyod nus na// sangs rgyas chos ni thob mi dka'// ring po mi thogs bdud btul nos// byang chub mchog ni thob par 'gyur// de nas bu mo des chos de lta bu thos nas// dga' mgu rangs par gyur nas// bcom ldan 'das la 'di skad ces gsol to// bcom ldan 'das cho

  20. 135b

    rnam pa du ma dang ldan par gyur na/ bud med kyi dngos po las ldog par 'gyur lags// bcom ldan 'das kyis bka' stsal pa/ bu mo chos brgyad dang ldan par gyur na/ bud med kyi dngos po las ldog par 'gyur ro// brgyad gang zhe na/ phrag dog mi byed pa dang / ser sna mi byed pa dang / g.yo sgyu med pa dang / khong khro ba med pa dang / bden par smra ba dang / ngag rtsub mo mi smra ba dang / 'dod chags spangs pa dang / log par lta ba rnams spangs pa gang yin pa ste/ bu mo chos brgyad po de dag mngon par bsgrubs nas/ myur du bud med kyi dngos po las ldog par 'gyur ro// de nas bcom ldan 'das kyis yang tshigs su bcad de bka' stsal pa// gzhan yang phrag dog mi byed cing // ser sna spangs nas chos mos pa// g.yo sgyu dag ni mi spyod cing // bud med lus la skyo ba dang // byams sems zhe sdang rab spangs nas// rtag par bden tshig smra ba dang // 'dod bstsal ngag rtsub spangs nas ni// yang dag lta la gnas par bya// gang gis bud med lus skyo nas// 'di 'dra'i chos ni sgrub byed na// myur du bud med dngos spangs nas// skyes pa'i lus bzangs len par 'gyur// gzhan yong bu mo chos brgyad dang ldan par gyur na// bud med kyi dngos po las ldog par 'gyur ro// brgyad gang zhe na/ sangs rgyas la bla mar byed cing chos la shin tu mos pa dang / tshul khrims dang bzod pa dang / mang du thos pa dang ldan

  21. 136a

    pa'i dge sbyong dang / bram ze dag la bsnyen bkur dang / rim gro byed pa dang / skyes pa dang / bud med dang / khyim gyi dngos po dag la mngon par zhen cing chags pa med pa dang / bslab pa'i dngos po yang dag par blangs pa rnams 'jig par mi byed pa dang / srog chags thams cad la log pa'i bsam pa mi skyed pa dang / lhag pa'i bsam pas bud med kyi dngos po la yongs su skyo bar 'gyur ba dang // byang chub kyi sems kyis skyes bu chen po'i chos la gnas pa dang / 'jig rten pa'i khyim gyi 'tsho tshis rnams la sgyu ma dang / rmi lam lta bur lta ba gang yin pa'o// de nas bcom ldan 'das kyis yang tshigs su bcad de bka' stsal pa// sangs rgyas rab gus chos la mos// tshul khrims mang thos bla mar byed// 'dod chags sred sems mi skyed na// bud med dngos po myur du spong // khrims su ngo tsha khrel yod ldan// gzhan la mi bden bsam mi byed// byang chub sems la rab gnas nas// theg pa gzhan la mos byed na// des ni myur ba kho nar yang // mi gtsang bud med dngos po spong // bsam pa mchog gis sems skyon// thams cad sgyu ma lta bu dang // chos rnams rang bzhin ga yo med dang // sgyu rkyen rang bzhin stong dben zhes// nan tan yang dag chos bsgoms na// myur tu skyes pa'i lus thob 'gyur// de nas bu mo rnam dag dang bas// gser gyi phreng ba de dag bcom ldan 'das la gtor ba dang / steng gi bar snang la gser

  22. 136b

    gyi gzhal med khang dang / khang pa brtsegs pa dag tu gyur nas/ gzhal med khang de dag gi nang na/ sprul pa'i de bzhin gshegs pa gser gyi gdan la bzhugs pa sha stag byung bar gyur to// de nas bu mo lnga brgya po de dag kyang / so so nas rgyan rnams bkrol nas/ bcom ldan 'das la mngon par gtor ba dang / steng gi bar snang la gser gyi gzhal med khang dang / rin po che'i gur dang / rin po che'i gdugs dang / bkod pa rnam pa sna tshogs su gyur to// de nas bu mo lnga brgya po de dag gis/ de lta bu'i chu 'phrul chen po mthong ba dang / skad mthun par tshigs su bcad de smras pa// bcom ldan mi mchog khyad par 'phags pas na// thugs rjes sems can rnams la sman par mdzad// bdag cag deng ni byang chub sems skyed nas mos pa rjes mthun rab tu 'dul la gnas// bcom ldan 'dren pa bde bar rab sol nas// bdag cag mi mchog la ni mchod par bgyi// chos thos dbang gis rdul rnams rab spangs nas// bdag cag the tsom nem nur yang ma mchis// des na bud med nyon mongs mang spangs nas nyon mongs gtan bcom bdud ni pham par bgyis// phyogs bcu'i sangs rgyas bye ba tshad med rnams// bdag cag dga' bas rtag tu mchod par 'tshal// sbyin dang tshul khrims brtsod 'grus rib gnas nas// bzod dang bsam gtan sems ni rab tu bgyi// thabs dang shes rab sems can rnams yongs bsdus nas// byang chub

  23. 137a

    mchog lam gang lags mngon tu bgyi// lha mi 'khor ni tshad med sman btags nas// thams cad theg chen sems ni skyed par skul/ bdag cag seng ge'i sgra ni sgrogs par 'gyur// bdag cag lha mi ston par bgyid par mchi// de nas bcom ldan 'das mdzum pa mdzad do// sangs rgyas kyi chos nyid ni nam mdzum pa mdzad pa ni/ 'od zer kha dog rnam pa sna tshogs 'di lta ste/ sngon po dang / ser po dang / dmar po dang / len rgan dang / shel gyi kha dog lta bu dag de bzhin gshegs pa'i zhal gyi sgo nas byung ste/ 'jig rten gyi khams tshad med dpag tu med pa dag ni/ nam tshangs pa'i 'jig rten gyi bar du khyab par byas nas// de bzhin gshegs pa la len gsum bskor ba byas te/ de bzhin gshegs pa'i gtsug tu thim par gyur pas/ de nas tshe dang ldan pa kun dga' bo stan las langs te/ bcom ldan 'das la 'di skad ces gsol to// bcom ldan 'das rgyu dang rkyen gang gi slad du mdzum pa mdzad pa 'di lta bu bstan par mdzad lags// bcom ldan 'das kyis bka' stsal pa// kun dga' bo khyod kyis bu mo rnam dag dang ba 'di mthong ngam// kun dga' bos gsol pa mthong lags so// bcom ldan 'das kyis bka' stsal pa// kun dga' bo bu mo rnam dag dang ba la sogs pa/ bu mo lnga brgya po 'di dag ni 'di nas tshe zad pa dang / bud med kyi lus spangs nas/

  24. 137b

    dga' ldan gyi lha'i ris su skye ste/ bcom ldan 'das byams pa dang / skal pa bzang po'i de bzhin gshegs pa thams cad la bkur bsti dang / rim gro dang / mchod pa byed par 'gyur bas/ bu mo rnam dag dang bskal pa bye ba khrag khrig brgyad khri bzhi stong 'das pa'i 'og tu 'jig rten gyi khams glog gi 'od ces bya bar mngon par rdzogs par 'tshang rgya bar 'gyur te/ de bzhin gshegs pa 'od gzer gyi bkod pa zhes bya bar 'gyur ro// bskal pa'i ming ni rtag tu snang ba zhes bya'o// de bzhin gshegs pa'i sku tshe'i tshad ni dga' ldan gyi lha bzhin du tshe lo stong phrag bcu gnyis thub par 'gyur ro// 'jig rten gyi khams de na yang byang chub sems dpa' sems dpa' chen po 'ba' shig gi 'khor tshad med dpag tu med pa dag gis 'khor byed par 'gyur ro// bu mo lnga brgya po 'di dag kyang 'khor 'di dag gi nang gtso bo mchog byed par 'gyur ro// ci ltar da ltar nga'i tshe byang chub sems dpa' 'jam dpal la sogs pa drug cu po 'di dag gtso bor gyur pa bzhin no// kun dga' bo bud med gang la la zhig gis chos kyi rnam grangs 'di thos nas yongs su 'dzin par byed/ glog par byed/ kha ton du 'don par byed na/ bud med kyi lus 'di gtugs nas/ phyis yang len par mi 'gyur zhing myur tu bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro// /

  25. 138a

    bcom ldan 'das kyis de skad ces bka' stsal nas/ bu mo rnam dag dang ba la sogs pa/ bu mo lnga brgya po de dag dang / lha dang mi dang lha ma yin du bcas pa'i 'jig rten thams cad kyis/ bcom ldan 'das kyis gsungs pa la rab tu dga' nas mngon par bstod do// / 'phags pa dkan mchog brtsegs pa chen po chos kyi rnam grangs stong phrag brgya pa las// / bu mo rnam dag dang bas zhus pa'i le'u ste/ 'dus pa bzhi bcu pa rdzogas+ho// / rgya gar skad du/ ar+ya mai tre ya brid tsa pa ri brta ma ma ha phA na su tA/ bod skad du/ 'phags pa dkon mchog brtsegs pa chen po chos kyi rnam grangs le'u stong phrag brgya pa las/ byams pas zhus pa zhes bya ba theg pa chen po'i mdo sangs rgyas dang // / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das yul ma rgan/ chu srin byis pa gsod pa lta bu'i ri 'jigs su rung / ba'i nags ri dgas kyi nags na/ dge slong blargya tsam gyi dge slong gi dge 'dun chen po mngon par shes pa/ mngon par shes pa/ gnas brten nyan thos chen po stag la 'di lta ste/ tshe dang ldan pa kun shes ko'u 'di na dang / tshe dang ldan pa rta thul dang / tshe dang ldan pa rlangs pa dang / chu tshe dang ldan pa ming chen dang / tshe dang ldan

  26. 138b

    pa gzi ldan dang / tshe dang ldan pa dri ma med pa dang / tshe dang ldan pa gang po dang / tshe dang ldan pa ba lang bdag dang / tshe dang ldan pa ri dgas mgo dang / tshe dang ldan pa lteng rgyas 'od srung dang / tshe dang ldan pa chu klung 'od srung dang / tshe dang ldan pa ga ya 'od srung dang / tshe dang ldan pa byin pa 'od srung dang / tshe dang ldan pa 'od srung chen po dang / tshe dang ldan pa don yod rgyal po dang / tshe dang ldan pa blo gros bzang dang / tshe dang ldan pa sha ri'i bu dang / tshe dang ldan pa mo'u 'gal gyi bu chen po dang / tshe dang ldan pa ri rgyal dang / tshe dang ldan pa dga' bo dang / tshe dang ldan pa nye dga' dang / tshe dang ldan pa kun dga' bo dang / tshe dang ldan pa sgra can 'dzin dang / de dag la sogs pa dge slong lnga brgya tsam dang / thabs gcig tu bzhugs so// byams pa la sogs pa byang chub sems dpa' sems dpa' chen po mngon par shes pa khri dang yang thabs gcig pa la 'di lta ste/ byang chub sems dpa' blo gros 'phel ba dang / byang chub sems dpa' blo gros bzang dang / byang chub sems dpa' blo gros brtan dang / zlo thos yangs pa dang / spobs pa 'irtsegs pa dang / spyan ras gzigs kyi dbang phyug dang / mthu chen thob dang / me tog dpa lnga dang / 'dzam dpal dang / mngon par shes pa'i me tog shin tu rgyas pa dang / dmigs pa med pa yid la byed dang / dad ldan dang / rin po che'i tog dang / dbang po'i lha dang / chu lha dang / sgra dbyangs snyan dang

  27. 139a

    zhing rnam par ston dang / lhun po brtsegs dang / spobs pa phun sum tshogs pa dang / dbang po'i dbang dang / sa 'dzin dang / sems can/ dmyal ba skems dang / ngan song spong dang / rin chen ze ba can dang / de dag la sogs pa byang chub sems dpa' khri dang thabs gcig ste/ de nas bcom ldan 'das 'khor brgya stong du mas yongs su bskor cing mdun gyis bltas nas chos ston to// de'i tshe byang chub sems dpa' byams pas/ 'khor de nyid du 'dus par gyur te/ 'dug go// de nas byang chub sems dpa' byams pas/ byang chub sems dpa' 'khor chen po de 'dus par rig nas/ stan las langs te bla gos phrag pa gcig/ tu gzar nas/ pus mo g.yas pa'i lha nga sa la gtsugs te/ bcom ldan 'das ga la ba der logs su thal mo sbar ba btud nas// bcom ldan 'das la 'di skad ces gsol to// gal te zhus nas zha ba lung bstan pa'i slad du/ bcom ldan 'das kyis bdag la skabs phye na/ de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis byang chub sems dpa' sems dpa' chen byams pa la 'di skad ces bka' stsal to// byams pa dri ba lung bstan pa'i phyir/ de bzhin gshegs pas rtag tu skabs phyes/ byams pa khyod ci dang ci 'dod/

Colophon

bu mo rnam dag dad bas zhus pa'i le'u ste/ 'dus pa bzhi bcu pa rdzogs+ho/