'phags pa byang chub kyi phyogs bstan pa zhes bya ba theg pa chen po'i mdo
Āryabodhipakṣanirdeśonāmamahāyānasūtra
Text
ff. 358b–364a · 12 folio sides
- 358b
do/ / kun dga' bo de bas na/ de bzhin gshegs pa la chos kyi mchod pas mchod par 'dod pa dang / shes rab kyi snang ba chen po byed par 'dod pas/ chos kyi rnam grangs 'dri bzung bar bya/ klog pa dang / nan tan gyis sgrub par bya/ gzhan dag la yang rgya cher yang dag par rab tu bstan par bya'o// bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' sems dpa' chen po snang ba bsam gyi mi khyab pa dang / yul kau sa la'i rgyal po gsal rgyal 'khor dang bcas pa dang / lha'i dbang po brgya byin dang / mi brjed kyi bdag po tshangs pa dang / 'jig rten skyong ba bzhi dang / thams cad dang ldan pa'i 'khor de dang lha dang mi dang / lha ma yin dang / dri zar bcas pa'i 'jig rten ya rangs ste/ bcom ldan 'das kyis gsungs pa la mngon par bstod do// // 'phags pa snang ba bsam gyi mi khyab pa bstan pa zhes bya ba'i chos kyi rnam grangs rdzogs s+ho// / / zhu chen gyi lo tsA ba ban d+he ye shes sde la sogs pas bsgyur cing zhus te gtan la phab pa'o// // / rgya gar skad du/ Ar+ya bo d+hi bak+Sha nir de sho nA ma ma hA yAn su tri/ 'od skad du/ 'phags pa byang chub kyi phyogs bstan pa zhes bya ba theg pa chen po'i mdo// sangs rgyas dang / byang chub sems dpa' thams cad la
- 359a
phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong lnga brgya tsam gyi dge slong gi dge 'dun chen po dang / byams pa dang / 'jam dpal la sogs pa byang chub sems dpa' sems dpa' chen po rnams dang / thabs cig tu bzhugs te/ de nas bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal phyin ci log bzhi po dag gis sems phyin ci log tu 'gyur sems can rnams 'phags pa'i bden pa bzhi po dag yang dag pa ji lta ba bzhin du ma mthong ba'i phyir/ 'di ltar yang dag pa ma yin pa'i 'khor ba las mi 'da'o// de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das ji ltar dmigs na/ sems can rnams 'khor ba las mi 'da' bar bshad du gsol/ bcom ldan 'das kyi bka' stsal pa/ 'jam dpal sems can rnams bdag dang / bdag gir khas len pa'i phyir 'khor ba las mi 'da'o// de ci'i phyir zhe na/ 'jam dpal su bdag dang gzhan du yang dag par rjes su mthong ba de las mngon par 'du byed par 'gyur ba'i phyir ro/ / 'jam dpal byis pa so so'i skye bo thos pa dang mi ldan pa ni chos thams cad shin tu yongs su mya ngan las 'das par rab tu mi shes te/ bdag dang gzhan du dmigs so// dmigs
- 359b
nas lus dang ngag dang yid kyi las rnam pa gsum mngon par 'du byed do/ / de med pa la sgro btags nas bdag chags so// bdag zhe sdang ngo // bdag gti mug go zhes rnam par rtog go/ gal te de de bzhan gshegs pa'i bstan pa la rab tu byung na/ / de 'di snyam du sems te/ bdag ni tshul khrims dang ldan pa// bdag na tshangs par spod pa ste// bdag 'khor ba las 'da' bar bya'o// bdag yod su mya ngan las 'das pa rjes su thob par bya'o/ / bdag sdug bsngal rnams thar par bya'o snyam mo// de chos 'di dag ni dge ba dag go/ chos 'di dag ni mi dge ba dag go snyam du rtog go/ de chos 'di/ dag ni spang bar bya ba dag go/ chos 'di dag ni mngon du bya ba dag go// sdug bsngal ni yongs su shes par bya'o// kun 'byung ba ni spang bar bya ba'o// 'gog pa ni mngon sum du bya ba'o// lam na bsgom par bya'o snyam du rtog go/ de 'du byed rnams ni mi rtag pa/ 'du byed rnams ni sdug bsngal ba/ 'du byed rnams ni kun 'bar ba ste/ 'du byed rnams las bdag 'bros par bya'o snyam du rtog go// des de ltar brtags pas/ mtshan ma sngon du 'gro ba'i yid 'byung ba dang ldan pa/ mtshan ma sngon du 'gro ba'i 'du shes yid la byed pa dag skye'o// de 'di snyam du sems te/ gang chos 'di dag yongs su shes pa de ni sdug bsngal yongs su shes pa'o/ / snyamo// de 'di snyams du sems te/ bdag gis kun 'byung ba spang bar bya'o snyam nas/ de chos thams cad kyis nyen te ma rtogs so// skrag go/ dbang ngo //
- 360a
dngang par 'gyur ro// de 'di snyam du sems te/ chos de dag mngon du byed pa gang yin pa dang / chos de dag gis nyen pa gang yin pa de ni kun 'byung spong ba'o snyam pa'o// de 'di snyam du sems te/ bdag gi 'gog pa mngon sum du bya'o snyam nas des chos de dag stags te/ 'gog pa yin pa snyams du shes so// de 'di snyam du sems te/ 'di ni 'gog pa'i mngon sum du byed pa'o snyam mo/ / de 'di snyam du sems te/ bdag gis lam bsgom par bya'o snyam nas/ de gcig pu dben par 'dug ste/ chos de dag yid la byed pas zhig nas thob bo/ de yid 'byung ba yid la byed pa de dang / zhi gnas thob pa des chos thams cad sems 'gras so// 'bral lo// ldog go/ log nas mngon par mi dga' ba'i sems skyed do// / de 'di snyam du sems te/ bdag ni sdug bsngal thams cad las thar te/ bdag gis yang gong du bya ba ci zhig yod kyis/ bdag ni dgra bcom pa'o snyam du bdag nyid kyis shes pa las de 'chi ba'i dus kyi tshe skye ba yang dag par rjes su mthong nas/ des sangs rgyas kyi byang chub la dogs pa dang / yid gnyis dang the tsom za'o// de the tsom du lhung ba'i sems kyis 'chi ba'i dus byas nas/ sems can dmyal ba chen po rnams su skye'o// de ci'i phyir zhe na/ de chos thams cad ma skyes pa la rnam par brtags pa'i phyir ro// de nas bcom ldan 'das la 'jam dpal
- 360b
gzhon nur gyur pas 'di skad ces gsol to/ / bcom ldan 'das 'phags pa'i bden pa bzhi po dag ji ltar blta bar bgyi/ bka' stsal pa/ 'jam dpal sus 'du byed thams cad skye ba med par mthong ba de ni sdug bsngal yongs su shes so/ / sus chos thams cad 'byung ba med par mthong ba des kun 'byung ba spangs so// sus chos thams cad shin tu yod/ su mya ngan las 'das par ma thong ba des 'gog pa mngon sum du byas so// sus chos thams cad dngos po med par mthong ba des lam bsgoms so// 'jam dra pral sus 'phags pa'i bden pa bzhi po dag 'di lta bur mthong ba de chos 'di dag ni dge bdag go/ chos 'di dag ni mi dge ba dag go/ chos 'di dag ni spangs par bya ba dag go/ chos 'di ni mngon sum du bya ba dag go/ sdug bsngal ni yongs su shes par bya'o// kun 'byung ba ni spang bar bya'o// 'gog pa ni mngon sum du bya ba'o// lam ni bsgoms par bya'o snyam du mi rtog/ rnam par mi rtog go/ de ci'i phyir zhe na/ gang la byis pa so so'i skye bo dag chags pa dang / zhe sdang ba dang / gti mug pa'i chos de ma skyes par de mthong zhing yang dag pa ma yin pa kun brtags pa dang rnam par bsgrubs par mthong ba'i phyir ste/ chos de gong yang mi len to// mi 'dor ro// de khams gsum pa la sems mi 'chags te/ khams gsum pa thams cad ma skyes bdang /
- 361a
sgyu ma lta bu dang / rmi lam lta bu dang / brag na lta bya dang / mig yor lta bur mthong ngo // des chos thams cad kyi rang bzhin de ltar mthong bas/ sems can thams cad la rjes su chags pa dang / khong khro ba dang bral bar 'gyuraro// de ci'i phyir zhe na/ des gang la rjes su chags pa dang / khong khro bar 'gyur ba'i chos de mi dmigs te/ des na mkha' dang mtshungs pa'i sems kyis sangs rgyas kyang yang dag par rjesu mi mthong / chos dang dge 'dun yang yang dag par rje su mi mthong ngo // des chos thams cad stong par yang dag par rje su mi mthong ste/ chos gang dag la yang the tsom mi za'o/ / the tsom mi za bas nye bar len par mi 'gyur ro// nye bar mi len pas len pa med par yongasu mya ngan 'da'o// 'jam dpal dge slong rab 'byor kyis chos thams cad rnam pa de lta bur shes pa/ de bzhin gshegs pa'i zhabs la phyag 'tshal du mi 'ong ngo // de ci'i phyir zhe na/ bdag nyid kyang mi dmigs na/ de bzhin gshegs pa dmigs pa gyur pa lta ci smos te/ de ni gnas ma yin pa'i phyiraro// de nas bcom ldan 'das la 'jam dpal gzhon nur gyur pas 'di skad ces gsol to/ / bcom ldan 'das dran pa nye bar gzhag pa bzhi po dag ji ltar blta bar bgyi/ bcom ldan 'das kyis bka' stsal pa/ 'jam dpal ma 'ongs pa'i dus na/ dge slong dag mi sdug pa'i rnam par lus la lus kyi rje su lta ba'i dran pa nye bar gzhag pa ston par 'gyur/ skye ba dang 'gog par tshor ba rnams la tshor ba'i rjesu lta ba'i dran pa nye bar gzhag
- 361b
pa ston par 'gyur/ sems la skye ba'i chos dang / 'gag pa'i chos su lta'o snyam du/ de ltar sems la sems kyi rje su lta ba'i dran pa nye bar gzhag pa ston par 'gyur/ gang ril por 'du shes par mi 'gyur ba de ltar chos rnams la chos rje su lta ba'i dran pa nye bar gzhag pa ston par 'gyur ba de dag 'byung / / de skad ces bka' stsal pa dang / bcom ldan 'das la 'jam dpal gzhon nur gyur pas 'di skad ce// gsol to// bcom ldan 'das dran pa nye bar gzhag pa bzhi po dag ji ltar blta bar bgyi/ bcom ldan 'das kyi bka' stsal pa/ 'jam dpal de bzhin gshegs pa'i ldem po ngag shes par dkas mthong shig 'jam dpal gyis gsol pa/ bcom ldan 'das dran pa nye bar zhag pa bsgom pa bshad du gsol/ bcom ldan 'das kyis bka' stsal pa/ 'jam dpal sus lus na mkha' dang mtshung par mthong ba 'di ni lus la lus kyi rjes su lta ba'i dran pa nye bar gzhag pa'o/ / 'jam dpal sus tshor ba nang na'ang ma yin/ phyi rol na yang ma yin zhing gnyi ga med pa la'ang mi dmig pa 'di ni/ tshor ba rnams la tshor ba'i rjesu lta ba'i dran pa nye bar gzhag pa'o/ / 'jam dra pal sus sems la ming tsam du zad par shes pa 'di ni sems la sems kyi rjes su lta ba'i dran pa nye bar gzhag pa'o// 'jam dpal sus dge ba dang / mi dge ba dang / lung du ma bstan pa'i chos mi dmigs pa 'di ni/ chos rnams la chos kyi rjes su lta ba'i dran pa nye bar gzhag pa ste/ 'jam dpal dran pa nye bar gzhag pa
- 362a
bzhi po dag ni de ltar blta bar bya'o/ / 'jam dpal gyis gsol pa/ bcom ldan 'das 'phags pa'i lam yan lag brgyad pa ji ltar blta bar bgyi/ bcom ldan 'ang kyi bka' stsal pa/ 'jam dpal sus chos thams cad mi mnyam pa med la gnyis su med cing gnyis su dbyer med par mthong ba 'di ni yang dag pa'i lta ba'o// 'jam dpal sus mi mthong ba'i tshul gyis chos thams cad mi rtog rnam par mi rtogs kun tu mi rtog par mthong ba 'di ni/ yang dag pa'i rtog pa'o// 'jam dpal sus brjod pa mnyam pa nyid du shin tu bsgoms pa'i phyir chos thams cad brjod du med par mthong ba 'di ni yang dag pa'i ngag go/ / 'jam dpal susra byed pa po mi dmigs pa'i phyir/ chos thams cad bya ba med pa drang / byed pa med par mthong ba 'di ni yang dag pa'i las kyi mtha'o/ / 'jam dpal sus tsho ba mnyam pa nyid du gnas pa'i phyir/ chos thams cad 'phel bar yang mi byed/ 'grib par yang mi byed pa 'di ni yang dag pa'i 'tsho pa'o/ / 'jam dpal sus rtsom pa med par rdul ba'i tshul gyis/ chos thams cad kun nas mi slong ba 'di ni yang dag pa'i rtsol ba'o// 'jam dpal dran pa'i las dben pa'i phyir/ sus chos thams cad dran par mi byed pa 'di ni yang dag pa'i dran pa'o/ / 'jam dpal sus dmigs pa mi dmigs pa'i phyir/ chos thams cad rang bzhin gyis mnyam par bzhag cing ma 'khrug par
- 362b
mthong ba 'di ni/ yang dag pa'i ting nge 'dzin te/ 'jam dpal 'phags pa'i lam yan lag brgyad pa ni de ltar blta bar bya'o// 'jam dpal gyi gsol pa/ bcom ldan 'das dbang ngo lnga po dag ji ltar blta bar bgyi/ bcom ldan 'das kyis bka' stsal pa/ 'jam dpal sus rang bzhin gyis ma skyed pa'i phyir/ chos thams cad ma skyes par mthong bar yid ces pa 'di ni dad pa'i dbang po'o/ / 'jam dpal su nye ba'i 'du shes dang ring ba'i 'du shes dang bral ba'i phyir/ chos thams cad la sems mi gtong ba 'di ni brtson 'grus kyi dbang po'o// 'jam dpa' sus dmigs pa dben pa'i phyir/ chos thams cad yid la mi byed cing dran pa mi 'dod pa 'di ni/ dran pa'i dbang po'o// 'jam dpal sus gnyis mi dmigs pa'i phyir/ chos thams cad gnyis su med par 'gyur ba 'di ni ting nge 'dzin gyi dbang po'o/ / 'jam dpal sus skye ba dang bral ba dang / mi shes pa dang bral ba'i phyir chos thams cad rang bzhin gyi stong par mthong ba 'di ni/ shes rab kyi dbang po ste/ 'jam dpal dbang po lnga po dag ni de ltar blta bar bya'o// 'jam dpal gyis gsol pa/ bcom ldan 'das byang chub kyi yan lag bdun po dag ji ltar blta bar gyi/ bcom ldan 'das kyis bka' stsal pa/ 'jam dpal sus dran pa med cing yid la byed pa med pa'i phyir/ chos thams cad dngos po med par mthong ba 'di ni/ dran pa yang dag pa byang chub kyi
- 363a
yan lag go/ 'jam dpal sus dge ba dang / mi dge ba dang / lung du ma bstan pa yongs su mi 'grub pa'i phyir/ chos thams cad dben zhing mi dmigs pa 'ang na// chos rnam par 'byed pa yang dag byang chub kyi yan lag go/ 'jam dpal sus khams kyi 'du shes shin tu bshig pa'i phyir/ khams gsum pa mi len mi 'dor ba de ni/ brtson 'grus yang dag byang chub kyi yan lag go/ 'jam dpal sus dka' ba dang / mi dga' ba rnam par bshig pa'i phyir/ 'du byed thams cad la dga' ba mi skyed pa 'di ni/ dga' ba yang dag byang chub kyi yan lag go/ 'jam dpal sus dmigs pa'i dngos po mi dmigs pa'i phyir/ chos thams cad la sems shin tu spangs par gyur pa 'di ni shin du spangs pa yang dag byang chub kyi yan lag go/ 'jam dpal sus chos thams cad rnam par gzhig pa rjes su rtog pa'i phyir/ sems mi dmigs pa 'di ni ting nge 'dzin yang dag byang chub kyi yan lag go/ 'jam dpal sus chos thams cad la gnas par mi byed/ rten par mi byed/ chags par mi byed/ 'ching bar mi byed cing / de chos thams cad yang dag par rjes su mi mthong ba'i btang snyoms can du gyur te/ dga' ba thob pa 'di ni gtang snyoms yang dag byang chub kyi yan lag ste/ 'jam dpal byang chub kyi yan lag bdun po dag ni de ltar blta bar bya'o// 'jam dpal gang la
- 363b
'phags pa'i bden pa bzhi po dag dang / dran pa nye bar gzhag pa bzhi po dag dang / 'phags pa'i lam yan lag brgyad pa dang / dbang po lnga po dag dang / byang chub kyi yan lag bdun po dag de lta bur mthong ba 'di rgal ba'o zhes nga smra ste/ pha rol tu son pa'o// thang la gnas pa'o// bde 'thob pa'o// mi 'jigs pa thob pa'o// khur bor ba'o// rdul dang bral ba'o// ci yang med pa'o/ / nyon mongs pa med pa'o// len pa med pa'o// dgra bcom pa'o// dge sbyong ngo // bram ze'o// bkrus pa'o// rig pa'o// pha rol tu song ba'o// gtsang ma'o// sangs rgyas kyi sras so/ / shAkya'i sras so// tsher ma dkrugs pa'o// 'obs las rgal ba'o// shin tu brtan pa'o// rims nad med pa'o// dge slong ngo // 'phags pa'o// rgyal mtshan rdzogs pa'o// zhes smra'o// 'jam dpal bzod pa de lta bu dang ldan pa ni/ lha dang bcas pa'i 'jig rten gyi sbyin gnas yin te/ rnyed pa dang bkur sti'i 'os yang yin no// 'jam dpal de lta bas na/ dge slong yul 'khor gyi bsod snyoms don yod par yongs su bza' bar 'dod pa dang / 'dud 'dul bar 'dod pa dang / 'khor ba las yang dag par 'da' 'dod pa dang / mya ngan las 'das pa thob par 'dod pa dang / sdug bsngal rnams la grol bar 'dod pas chos 'di la brtson par bya'o// chos kyis rnam grangs 'di bstan pa na lha'i bu sum khri nyis stong gi chos mngon par rtog par gyur
- 364a
nas/ de dag gis bcom ldan 'das la man dra ra ba'i me tog bdag gis gtor te/ tshigs 'di skad ces smras so// bcom ldan 'das chos bstan pa 'di su dag gi rnalam du grag par 'gyur ba de dag ni/ de bzhin gshegs pa'i bstan pa la legs par rab tu byung / legs par 'gyur na gang dag thong nas mos pa dang / dad pa dang / de bzhin nyid du 'dzin par 'gyur/ ba dag lta smos kyang ci 'tshal/ bcom ldan 'das chos bstan pa 'di dag gang gi rna lam du grag par 'gyur ba de dag ni mngon pa'i nga rgyal ma mchis par 'gyur ro// bcom ldan 'das kyis de skad ces bka' stsal nas/ 'jam dpal gzhon nur gyur pa dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yid rangs ste/ bcom ldan 'das kyis gsungs pa la mngon par bstod do// 'phags pa byang chub kyi phyogs bstan pa zhes bya ba theg pa chen po'i mdo rdzogs so// / rgya gar gyi mkhan bopo dzi na mi tra dang / dz+nyA na sid d+hi dang / zhu chen gyi lo tsA ba ban d+hi ye shes sdes 'gyur cing zhus te/ skad gsar chad kyis kyang bcos nas gtan la phab pa'o// rgya gar skad du/ ar+ya na oM k+Sha ra ka ra dad bai ro tsa na gar+b+ha nA ma ma hA yA na sU tra/ bod skad du/ 'phags pa yi ge med pa'i za ma tog rnam par snang mdzad kyi snying po zhes
Colophon
'phags pa byang chub kyi phyogs bstan pa zhes bya ba theg pa chen po'i mdo rdzogs so/ /rgya gar gyi mkhan po dzi na mi tra dang / dz+nyA na sing ha dang / zhu chen gyi lo ts+tsha ba ban d+he ye shes sdes bsgyur cing zhus te/ skad gsar bcad kyis kyang bcos te gtan la phab pa'o