dpa' bo gcig pa he ru ka'i sgrub thabs zhes bya ba
Ekabīraherukasādhanāma
Text
ff. 125b–126a · 2 folio sides
- 125b
mkhas pa'i byin brlab dang // dngas ma lnga yi 'od zer gyis// 'byung chen lnga po stobs su 'gyur// rtags bcu yon tan brgyad dang ldan// sna tshogs snang la rang bzhin med// brjod du med cing bsam mi khyab// zlog du med pa nam mkha'i dbus// ning zhes byar brjod pa ste// kha cig zung 'jug zhes byar brjod// sgrib pa dang bral chos sku 'dir // me chu la sogs 'byung rnams dang // rten dang brten pa'i mtshan nyid kyis// dkyil 'khor thams cad 'di nyid do// dpal lhan cig skyes pa'i sgrub thabs// bdag byin gyis brlab pa zhes bya ba// slob dpon chen po te glo pas mdzad pa/ rje mi nyag pa chen pos bsgyur ba rdzogs so// 1// rgya gar skad du/ e ka bI ra he ru ka sA d+ha nA ma/ bod skad du/ dpa' bo gcig pa he ru ka'i sgra thabs zhes bya ba/ dpal he ru ka la phyag 'tshal lo// dang po mal nas langs te/ kha la sogs pa dag par byas nas/ stan 'jam ngo la nye bar 'dug ste/ snying gar paM las pad+ma dkar po 'dab ma brgyad pa bsgom par bya'o// de'i steng du raM las nyi ma'i dkyil 'khor bsams la/ de'i steng du hUM kha dog mthing ga bsams la/ de'i 'od zer gyi mdun gyi nam mkha' la/ bla ma dang sangs rgyas dang byang chub sems dpa' dang / lha mo rnams dmigs te yid kyis mchod par bsam mo// 'od zer de nyid kyis sems can thams cad gsal bar byas la/ tshad med pa bzhi bsgom par bya'o// de'i rjes su chos thams cad stong pa nyid du sngags 'dis bsgom par bya'o// oM swa b+hA ba shud+d+haHsarba d+harmA/ swa b+hA ba bi shud+d+ho&haM/ de'i rjes su oM shA n+ya tA dz+nyA n+ta badz+ra swa b+ha ba At+ma ko haM zhes brjod pas/ snying ga'i nyi ma'i steng du/ hUM ye shes lnga'i ngo bo gsal ba nyid du dmigs par bya'o// 'od zer spros te bgegs bsregs la/ snying ga'i hUM yongs su gyur pa las/ rdo rje rtse lnga'i chang zungs su yi ge hUM bsams te/ de'i 'od zer gyis khams gsum gyi sems can thams cad sbyangs te/ 'od zer bsdus ma thag tu rdo rje yongs su gyur pa las/ dpal he ru ka sku mdog nag po/ zhal gcig phyag gnyis pa/ phyag yon pa na thod pa pa dang kha
- 126a
T+wAM ga bsnams pa/ phyag g.yas pa na rdo rje 'phyar ba// mche ba gtsigs pa/ ral pa dang thod pa'i dbu rgyan can/ spyi gtsug gi 'khor lo/ rna rgyan/ mgul brgyan/ dpung rgyan gdu bu dang / ska rags kyis brgyan pa/ mi mgo lnga bcu'i chu 'phyang can/ skyil krung phyed pa'i gar stabs can/ dpral ba dang / mgrin pa dang / snying gar oM aHhUM gsum gyis byin gyis brlabs la/ shes rab rdo rje rnal 'byor ma 'khyud pa/ thugs kar sna tshogs rdo rje'i steng du yi/ ge hUM bsgom par bya'o// de'i 'od zer gyis rang 'dra ba'i ye shes sems dpa' nam mkha' nas bkug ste bdag nyid la bstim par bya'o// slar 'od zer gyis de bzhin gshegs pa lha lnga'i dkyil 'khor gyis bdag la dbang bskur dang mchod pa dang bstod par bsam mo// de nas bdud rtsi myang ba byas la/ chos sgra ni 'di ltar dmigs par bya ste/ spyi bo dang mgrin pa dang snying ga dang / lte ba dang bde ba chen po dang / longs spyod dang sprul pa'i 'khor lo bsam te/ haM/ oM/ hUM/ aM ste/ de dag gi lte bar bsgom par bya'o// de nas srog dang rtsol ba'i sbyor bas/ hUM gi bdud rtsi'i thig le dbab par byas la/ lte bar bsgom par bya'o// de la sems gtad cing rtse gcig par byas te/ du ba la sog/ pa'i rtags rnyed nas sprin/ a las ye shes kyi me sbar bas/ sdang bkod pa'i yi ge bsreg par byas la/ med pa'i nam mkha' lta bu'i chos nyid mngon du bya'o// de ltar ci nus su byas la mgoms pa'i dbang gis gsal bar ma gyur na/ sngon bshad pa'i dpal he ru ka'i sku 'ja' tsho na lta bu las dmigs te blta bar bya'o// de'i bzlas pa ni/ oM hriHha ha hUM hUM phaT ces pa 'di bzlas par bya'o// mchod pa rnam pa lngas mchod la rang gi snying gar bsdu bar bya'o// dpa' bo gcig pa'i sgrub thabs// slob dpon chen po nA ro pas mdzad pa rdzogs so// @6/ dpa / d+he ba sa/ @#// rgya gar skad du/ shrI he ru ka sA d+ha naM nA ma/ bod skad du/ dpal he ru ka'i sgrub thabs zhes bya ba/ bcom ldan
Colophon
dpa' bo gcig pa'i sgrub thabs//slob dpon chen po nA ro pas mdzad pa rdzogs so/