'phags pa rin chen zla bas zhus pa zhes bya ba theg pa chen po'i mdo
Āryaradnatantrapanipridchanāmamahāyanasutra
Text
ff. 78a–89a · 23 folio sides
- 78a
sgrom bu 'ong bar 'gyur ro// byang chub sems dpa' gdol pa rnams kyi lag tu 'ong bar mi 'gyur/ glegs bam du 'ong ba dang / sgrom bu 'ong bar mi 'gyur ro// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das kyi rnam grangs 'di de bzhin gshegs pas ji skad bshad pa bzhin du bdag gis bzung ngo // bcom ldan 'das kyis bka' stsal pa/ kun dga' bo chos kyi rnam grangs 'di ji ltar zin pa bzhi// du gang dag la byin pa'i sems can de dag la khyod ston pa'i bya ba byed pa legaso legaso// bcom ldan 'das kyis de skad ces bka' stsal pa dang / tshe dang ldan pa kun dga' bo dang / tshe dang ldan pa sha ri'i bu dang / 'jam dpal gzhon nur gyur pa dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis bka' stsal pa la mngon par bstod do// glang po'i rtsal lta bu zhes bya ba theg pa chen po'i mdo// // rdzogs so// // rgya gar skad du/ ar+ya rAd+ya tsan tra ba ni brid tshan ma ma hA ya na su tra/ bod skad du/ 'phags pa rin po che zla bas zhus pa zhes bya ba theg pa chen po'i mdo/ thams cad mkhyen pa la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la/
- 78b
ka sha ri'i bu dang / me'u 'gal gyi bu chen po la sogs pa/ dge slong 'bum phrag bdun bcu rtsa gnyis kyi dge slong gi dge 'dun chen po rnams thabs gcig tu bzhug so// byang chub sems dpa' dgu khri la 'di lta ste// byang chub sems dpa' sems dpa' chen po byams pa dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen po blo gros mi zad pa dang / byang chub sems dpa' sems dpa' chen po blo gros rgya mtsho dang / byang chub sems dpa' sems dpa' chen po blo gros mtha' yas dang / byang chub sems dpa' sems dpa' chen po blo gros rten pa dang / byang chub sems dpa' sems dpa' chen po khams gsum rnam par gnon pa dang / byang chub sems dpa' sems dpa' chen po lag na rin po che dang / byang chub sems dpa' sems dpa' chen po sman gyi rgyal po dang / byang chub sems dpa' sems dpa' chen po rin che chen 'byung gnas dang / byang chub sems dpa' sems dpa' chen po dga' sdug dang / de dag la sogs pa byang chub sems dpa' dgu khri dang / lha'i bu bye ba khrag khrig 'bum phrag du ma dang / rgyal po chen po bzhi dang / lha rnams kyi dbang po brgya byin g.yog 'khor lha'i bu 'bum phrag du ma dang bcas pa dang // mi mjed kyi bdag po tshangs pa g.yog 'khor tshangs ris kyi lha'i bu 'bum phrag du ma dang bcas pa dang /
- 79a
klu rgyal po rgya mtsho dang / klu'i rgyal po ma dros pa dang / klu'i rgyal po e la'i 'dab ma dang / klu'i rgyal po kun du grags dang / de dag la sogs pa kla 'bum phrag du ma dang / gnod sbyin gyi sde dpon chen po 'brog gnas dang / khab spun can dang / rtsi sman dang / bong bu dang / de dag la sogs pa gnod sbyin gyi sde dpon 'bum phrag du ma dang thabs gcig tu bzhugs so// de nas bcom ldan 'das snga dro'i dus kyi tshe// sham thabs dang chos gos gsol te/ lhung bzed bsnams nas/ rgyal po'i khab kyi grong khyer chen por bsod snyoms la gshegaso// de'i tshe rgyal po gzugs can snying po'i sras khye'u rin chen zla ba zhes bya ba/ glang po che lag pa brgyad pa zhes bya ba/ rin po che sna bdun gyis brgyan cing gser gyi dra bas g.yogs pa/ dril bu ga yer ka sbyangs pa/ gser gyis sbas pa'i dar gyi lda ldi mang pos mdzes par byas pas/ bdug pas gdugs pa/ me tog sil mas gtor ba rgyal mtshan dang / ba dan sgreng ba/ gdugs dang dar bas rgyan pa/ rin po che'i shing ljon pas mdzes par byas pa/ stegs bu bdun gyis kho ra khor yug nas bskor ba la zhon nas/ rgyal po'i 'byor pa chen po dang / rgyal po'i mthu chen po dang ldan pas/ rgyal po'i khab kyi grong khyer chen po nas byung ste/ sems can thams cad la sbyin pa dag sbyin zhing song ba las/ gzhon nu rin chen zla bas thag ring po zhig nas bcom
- 79b
ldan 'das mdzes pa/ dang bar bya ba/ dbang po dul ba/ thugs dul ba/ kha dog bzang po// rgyas pa/ mchog dang ldan pa/ dul ba dang / zhi ba'i mchog dul ba dang / zhi ba dam pa'i pha rol du phyin pa/ gtso bo chen po// dbang po bsrungs pa/ dbang po dul ba/ mtsho ltar dang zhing gsal la/ rnyog pa med pa/ skyes bu chen po'i mtshan suM cu rtsa gnyis mnga' ba/ dpe byad bzang po brgyad bcus brgyan pa'i sku gser gyi mchod sdong ltar 'phags pa/ dpal gyi mchog gis lham me/ lhan ne/ lhang nge ste/ gshegs pa mthong ngo // mthong nas kyang sems dad par gyur te/ sems dad par gyur nas/ glang po che'i steng nas skyen par babs te/ bcom ldan 'das ga la der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ phyogs gcig tu 'dug go/ bcom ldan 'das la zhes dang bcas/ gus pa dang bcas pa'i phyogs gcig tu 'dug nas rgyal po gzugs can snying po'i sras khye'u rin chen zla bas bcom ldan 'das ga la ba der log su thal mo sbyar ba btud de/ bcom ldan 'das la 'di skad ces gsol to// bcom ldan 'das rigs kyi bu 'am rigs kyi bu mo dad pa can gang dag gis/ phyogs bcu'i de bzhin gshegs pa dgra bcom pa yang dag par rdzogs pa'i sangs rgyas bcu po dag gis mtshan thos nas/ bla na med pa yang dag
- 80a
par rdzogs pa'i byang chub las phyir mi ldog par 'gyur ba de lta bu bcom ldan 'das kyis bshad du gsol/ bde bar gshegs pas bshad du gsol/ de skad ces gsol ba dang / bcom ldan 'das kyis rgyal po gzugs can snying po'i sras khyi'u rin chen zla bas la 'di skad ces bka' stsal to// gzhon nu legs so// legs so// gzhon nu khyod 'di ltar skye bo mang po la phan pa dang / skye bo mang po la bde ba'i phyir dang / 'jig rten la snying rtse ba dang / skye bo'i tshogs pal po che'i don dang / lha dang mi rnams la phan pa dang / bde ba'i phyir bzhugs pa dang / da ltar dang ma 'ongs pa'i byang chub sems dpa' sems dpa' chen po rnams yongs su gzung ba'i phyir bzhugs te/ gzhon nu khyod de bzhin gshegs pa dgra bcom pa yang dag par rdzogs pa'i sangs rgyas la don 'di zhu bar sems pa legs so// gzhon nu khyod kyi zhus pa bzang ste/ spobs pa dge'o// de'i phyir gzhonu khyod legs par rab tu nyon la yid la zung shig dang bsha sems rtse gcig tu rna ba blags te sems bsdus la soms shig dang / don de ngas khyod la bshad de// de nas rgyal po gzugs can snying po'i sras khye'u rin chen zla bas bcom ldan 'das la leg so zhes gsol nas/ bcom ldan 'das la ltar nyan pa dang / bcom ldan 'das kyis de la 'di skad ces bka' stsal to// gzhon
- 80b
sangs rgyas kyi zhing 'di nas/ shar phyogs su sangs rgyas kyi zhing bye ba khrag khrig 'bum phrag dpag tu med/ grangs med/ bsam gyis mi khyab/ gzhal du med pa skyed 'das pa na/ 'jig rten gyi khams mya ngan med pa zhes bya ba zhig yod do// 'jig rten gyi khams mya ngan med pa zhes bya ba de/ sangs rgyas kyi zhing dpag tu med pa ji snyed cig 'das pa na yod ce na/ gzhon nu dper na/ stong gsum gyi stong chen po'i 'jig rten gyi khams 'di srid pa'i rtse mo'i bar du byems yongs su gang bar gyur la/ de nas mi la la zhig gis bye ma de las 'bru re re nas blangs shing shar phyogs kyi sangs rgyas zhing re rer 'bru re 'jog par byed pa de lta bu'i tshul gyis bye ma de thams cad shar phyogasu yongs su zad cing / yongs su gtugs par gyur kyang / sangs rgyas kyi zhing de dag gis tshad dam mtha' rtogs par mi nus pa'i sangs rgyas kyi zhing bye ba khrag khrig 'bum phrag dpag tu med/ grangs med pa de snyed 'das pa na/ 'jig rten gyi khams mya ngan med pa zhes bya ba zhig yod do// 'jig rten gyi kham de yang lag 'thil ltar mnyam par gyur pa/ rin po che sna bdun gyis legs par brgyan pa/ gser gyis gzhir 'dug cig mig dmangs ris su bris pa/ rin po che'i shing ljon pas brgyan pa/ sems can dmyal ba dang / dud 'gro'i skye gnas dang / yid dgas dang / lha ma yin gyi tshogs rnams med pa dang / rtswa dang /
- 81a
shing skam dang / tsher ma dang / rdo dang / gseg ma dang / gyo mo dag med pa dang / ngam grog dang / g.yangs med pa dang / me tog sil ma dag bkra pa yin te/ de na de bzhin gshegs pa dgra bcom pa yang dag par rdzogs pa'i sangs rgyas dpal bzang po zhes bya ba da ltar bzhugs shing 'tshol ba zhes te/ byang chub sems dpa'i tshogs kyis bskor cing / byang chub sems dpas 'dun gyis bltas pa/ rig pa dang zhabasu ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa sangs rgyas bcom ldan 'das skyes bu chen po'i mtshan sum cu rtsa gnyis kyis brgyan pa'i ska/ gser legs par gtsos shing / legs par dul ba lta bu/ rin po che'i rgyan legs par bkod pa bzhin du/ 'khor gyi nang na mdzes par zhugs shing / thog mar dge ba/ bar du dge ba/ tha mar dge ba'i chos ston to// 'di skad ces kyang ston to// 'di ltar sa'i khams ni med par mi 'gyur ro// de bzhin du chu'i khams dang / me'i khams dang / rlung gi khams dang / skye dgu'i bdag po tshangs pa dang / gzugs dang / tsher ba dang / 'du shes dang / 'du byed dang / rnam par shes pa med par mi 'gyur ro// zhes ston to// gzhon nu gzhan yang de bzhin gshegs pa dgra bcom pa yang dag par rdzogs pa'i sangs rgyas dpal
- 81b
bzang po bla na med pa yang dag par rdzogs pa'i byang chub tu mngon par sangs rgyas nas ni skal pa bye ba phrag drug bcu lon no// gzhon nu gzhan yang sangs rgyas kyi zhing de ni nyin mo dang / mtshan mo'i ming yang med de/ 'dzam bu'i gling gi brtse ba'i thabs 'dis dper bya ba ni ma gtogs so// sangs rgyas kyi zhing thams cad kyang / rtag tu de bzhin gshegs pa de'i 'od kyis snang bar 'dug go// gzhon nu de bzhin gshegs pa de chos bstan pa re res kyang / sems can bye ba khrag khrig phrag 'bum dpag tu med pa dag mi skye ba'i chos la dgod par mdzad do// bzod pa dang po dang / bzod pa gnyis pa dang / bzod pa gsum pa la ni de'i nyis 'gyur dgod par mdzad do// gzhon nu gzhan yang de bzhin gshegs pa dgra bcom pa yang dag par rdzogs pa'i sangs rgyas de'i sngon gyi smon lam gyi stobs bskyed pas/ sangs rgyas kyi zhing gzhan dag na/ gang dag sngon gyi rgyal ba rnams la lhag par bya ba byas shing dge ba'i rtsa ba bskyed pa'i sems can dag gi lus la 'od kyis rig par de dag kyang mi skye ba'i chos bzod pa thob po// gzhon nu gzhan yang rigs kyi bu 'am/ rigs kyi bu mo yang rung de bzhin gshegs pa dgra bcom pa yang dag par rdzogs pa'i sangs rgyas dpal bzang po'i de'i mtshan thos nas/ bla na med pa yang dag par rdzogs pa'i byang chub las phyir mi ldog par
- 82a
'gyur ro// gzhon nu 'di nas lho phyogasu sangs rgyas kyi zhing bye ba khrag khrig 'bum phrag grangs med pa snga ma ji snyed pa de snyed 'das pa na/ 'jig rten gyi khams dga' ba zhes bya ba zhig yod do// lag 'thil ltar mnyam pa zhes bya ba nas snga ma bzhin du sbyar ro// de na de bzhin gshegs pa dgra bcom pa yang dag par rdzogs pa'i sangs rgyas tsan dan dpal zhes bya ba da ltar bzhugs shing 'tshe la bzhes te/ byang chub sems dpa' bskor cing / byang chub sems dpa'i mdun gyis ltas pa la/ thog mar dge ba/ bar du dge ba/ tha mar dge ba'i chos ston to// zhes bya ba nas rnam par shes pa med par mi 'gyur ro// zhes bya ba'i bar du snga ma bzhin du sbyar ro// gzhon nu de la ji snyam du sems/ ci'i phyir de bzhin gshegs pa de tsan dan dpal zhes bya ba zhe na/ gzhon nu de bzhin gshegs pa de ni sangs rgyas kyi zhing de thams cad tsan dan gyi khang pa brtsegs pa yongs su khyab pas na/ de'i phyir de bzhin gshegs pa de'i mtshan can dan dpal zhes bya'o// / gzhan yang rigs kyi bu 'am/ rigs kyi bu mo yang rung de bzhin gshegs pa dgra bcom pa yang dag par rdzogs pa'i sangs rgyas de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur ro// gzhon nu dri nas nub phyogasu/
- 82b
sangs rgyas kyi zhing bye ba khrag khrig 'bum phrag grangs med pa snga ma ji srid 'das pa na/ 'jig rten gyi khams bzang po zhes bya ba zhig yod do// lag mthil ltar/ mnyam par gyur pa zhes bya ba nas snga ma bzhin du sbyar te/ ji ltar gong du bstan pa bzhin no// de bzhin gshegs pa dgra bcom pa yang dag par rdzogs pa'i sangs snang mtha' yas zhes bya ba da ltar bzhugs shing 'tshe la bzhes te/ byang chub sems dpa' yongs su bskor cing / byang chub sems dpa' 'dun gyis bltas pa la/ thog mar dge ba/ bar du dge ba/ tha mar dge ba'i chos ston to// 'di skad bdag kyang ston to zhes bya ba nas/ rnam par shes pa med par mi 'gyur ro// zhes bya ba'i bar du snga ma bzhin du sbyar ro// gzhon nu gzhan yang rigs kyi bu 'am/ rigs kyi bu mo yang rung / de bzhin gshegs pa dgra bcom pa yang dag par rdzogs pa'i sangs de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / 'od de yang nyam su myong ngo // gzhon nu 'di nas byang phyogs su sangs rgyas kyi zhing bye ba khrag khrig 'bum phrag grangs med pa snga ma ji snyed 'das pa na/ 'jig rten gyi khams khrug mod ces bya ba yod de/ lag mthil ltar mnyam par gyur pa zhes bya ba nas/ thams cad snga ma bzhin du sbyararo// de na de bzhin gshegs pa dgra bcom pa yang dag par rdzogs pa'i sangs rgyas rtog gi dpal
- 83a
zhes bya ba da ltar bzhugs shing mtshol bzhes te/ byang chub sems dpas yongs su bskor cing / byang chub sems dpa' mdun gyi ltas pa la chos ston to// zhes bya ba nas/ rnam par shes pa med par mi 'gyur ro// zhes bya ba'i bar du snga ma bzhin du sbyar ro// gzhon nu gzhan yang rigs kyi bu 'am/ rigs kyi bu mo yang rung / de bzhin gshegs pa dgra bcom pa yang dag par rdzogs pa'i sangs rgyas de'i mtshan thos nas/ bla na med pa yang dag par rdzogs pa'i byang chub las phyir mi ldog par 'gyur zhing / lha dang bcas pa'i 'jig rten yin gyi khams rgyal mtshan lta bur 'gyur ro// gzhon nu 'di nas shar lho'i phyogs mtshamasu sangs rgyas kyi zhing bye ba khrag khrig 'bum phrag grangs med pa de snyed 'das na/ 'jig rten gyi khams zla ba snang ba zhes bya ba zhig yod do// lag mthil ltar mnyam pa zhes bya ba nas snga ma bzhin du sbyar ro// gzhon nu de la ji snyam du sems/ ci'i phyir 'jig rten gyi khams zla ba snang ba zhes bya ba zhe na/ 'jig rten gyi khams de thams cad de bzhin gshegs pa de'i 'od kyi snang bar bya bas na/ de'i phyir 'jig rten gyi khams de zla ba snang ba zhes bya'o// de na de bzhin gshegs pa dgra bcom pa yang dag par rdzogs pa'i sangs rgyas mya ngan med pa'i dpal zhes bya ba de ltar bzhugs shing 'tshel bzhes te/
- 83b
byang chub sems dpas yongasu bskor cing / byang chub sems dpas mdun gyis ltas pa la/ chos ston to zhes bya ba nas/ rnam par shes pa med par mid 'gyuraro// zhes bya ba'i bar du snga ma bzhin du sbyar ro// rigs kyi bu 'am/ rigs kyi bu mo yang rung / de'i mtshan thos na med po yang dag par rdzogs pa'i byang chub las myi ldog par 'gyur ro// gzhon nu 'di nas lho nub kyi phyogs mtshams su sangs rgyas kyi zhing bye ba khrag khrig 'bum phrag grangs med pa de snyed 'das pa na/ 'jig rten gyi kham gtogs dang ldan pa zhes bya ba zhig yod de/ lag 'thil ltar mnyam par gyur pa zhes bya ba nas/ snga ma bzhin du sbyar ro// de na de bzhin gshegs pa dgra bcom pa yang dag par rdzogs pa'i sangs rgyas rin po che'i mchod sdod zhes bya ba da ltar bzhags shing 'tsho la bzhes te/ byang chub sems dpas yongs su bskor cing // byang chub sems dpas 'dun gyis ltas pa la chos ston to// zhes bya ba nas/ rnam par shes pa med par mi 'gyur ro zhes bya ba'i bar du snga ma bzhin du sbyar ro// / rigs kyi bu 'am/ rigs kyi bu mo yang rung mtshan thos nas/ bla na med pa yang dag par rdzogs pa'i byang chub las phyir mi ldog par 'gyur zhing / 'jog rten na rin chen lngar mngon par 'phags par 'gyur ro// gzhon nu 'di nas nub byang gi phyogs mtsham su sangs rgyas kyi zhing bye ba khrag khrig 'bum phrag grangs med
- 84a
pa de snyed 'das pa na/ 'jig rten gyi khams sgra ldan zhes bya ba zhig yod de/ lag 'brel ltar mnyam par gyur pa zhes bya ba nas/ snga ma bzhin du bsgyur ro// gzhon nu de ji snyam du sems/ ci'i phyir 'jig rten gyi khams de sgra ldan zhes bya ba zhes na/ 'jig rten gyi khams de sgra 'di lta bu dag dang ldan te/ 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / stong pa nyid kyi sgra dang / mtshan ma med pa'i sgra dang / smon pa med pa'i sgra dang / sbyin pa/ dang / tshul khrims dang / bzod pa dang / brtson 'grus dang / bsam gtan dang / shes rab kyi sgra dang / rnam par grol ba'i ye shes gzigs pa'i sgra rnams dang ldanano// gzhon nu 'jig rten gyi khams de sgra de lta bu dag dang ldan pas na/ de'i phyir 'jig rten gyi khams de sgra ldan zhes bya'o// de na de bzhin gshegs pa dgra bcom pa yang dag par rdzogs pa'i sangs rgyas me tog dpal zhes bya ba da ltar bzhugs shing 'tshol ba zhes te/ byang chub sems dpas bskor cing / byang chub sems dpas mdun gyis ltas pa la/ chos ston to zhes bya ba nas/ rnam par shes pa med par mi 'gyur ro// zhes bya ba'i bar du snga ma bzhin du sbyar ro// rigs kyi bu 'am/ rigs kyi bu mo gang yang rung ba'i mtshan thos nas/ bla na med pa yang dag par rdzogs pa'i byang chub las phyir mi ldog par 'gyur zhing / me tog ltar mi dge ba'i chos rnams
- 84b
kyis kyang gosmra bar mi 'gyur ro// gzhon nu 'di nas byang shar gyi phyogs mtsham su sangs rgyas kyi zhing bye ba khrag khrig 'bum phrag grangs med pa de snyed 'das pa na/ 'jig rten gyi khams bde ldan zhes bya ba zhig yod de/ 'byor pa dang rgyas pa dang / bde ba dang / lo legs pa dang / skye bo dang / mi mang pos gang zhing / lag 'thil ltar mnyam par gyur pa zhes bya ba nas snga ma bzhin du sbyar ro// de na de bzhin gshegs pa dgra bcom pa yang dag par rdzogs pa'i sangs rgyas mngon par shes pa chung ngu dang / 'bring dang chen pos rnam par rol pa zhes bya ba nas da ltar bzhugs shing 'tshol bzhes te/ byang chub sems dpas bskor cing / byang chub sems dpas mdun gyis bltas pa la/ chos ston to zhes bya ba nas/ rnam par shes pa med par mi 'gyur ro// zhes bya ba nas snga ma bzhin du sbyar ro// rigs kyi bu 'am/ rigs kyi bu mo yang rung de'i mtshan thos nas/ bla na med pa yang dag par rdzogs pa'i byang chub las phyir mi ldog par 'gyur zhing / byang chub sems dpa'i spyod pa dang / tshul thams cad la mkhas shing pha rol tu phyin pa'i shes pa yang yongs su 'dzin par 'gyur ro// gzhon nu 'di nas 'og gi phyogs su sangs rgyas kyi zhing bye ba khrag khrig 'bum phrag grangs med pa de snyed 'das pa na/ 'jig rten gyi khams yangs pa dang ldan pa zhes bya ba zhig yod do// gzhon nu de la ji snyam du sems/ ci'i phyir 'jig rten
- 85a
gyi khams de yangs pa dang ldan pa zhes bya zhe na/ 'jig rten gyi khams de lags mthil ltar mnyam par gyur pa/ ri med cing khor yug dang / khor yug chen po med do// sangs rgyas kyi zhing de na ri zhes bya ba'i ming yang ye med pas na/ de'i phyir 'jig rten gyi khams de yangs pa dang ldan pa zhes bya'o// de na de bzhin gshegs pa dgra bcom pa yang dag par rdzogs pa'i sangs rgyas snang bya ba da ltar bzhugs shing 'tshel ba zhes te/ byang chub sems dpas skor cing / byang chub sems dpas mdun gyis bltas pa la chos ston to// zhes bya ba nas/ rnam par shes pa med par mi 'gyur ro// zhes bya ba'i bar du snga ma bzhin du sbyar ro// rigs kyi bu 'am rigs kyi bu mo yang rung de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / nye bar len pa'i nyon mo ba thams cad zad pa yang rjes 'dzin par 'gyur ro// gzhon nu sangs rgyas kyi zhing 'di nas steng gi phyogasu sangs rgyas kyi zhing bye ba khrag khrig 'bum phrag grangs med pa dpag tu med/ bsam gyis mi khyab pa/ gzhal du med pa de sbed 'das pa na/ 'jig rten gyi khams zla ba can zhes bya ba zhig yod do// 'jig rten gyi khams snga bcan zhes bya ba de sangs rgyas kyi zhing dpag tu med pa de snyed cig 'das pa na yod cen/ gzhon nu 'di lta ste/ stong gsum gyi stong chen po'i 'jig rten gyi khams
- 85b
srid pa'i rtse mo'i bar du bye mas yongs su gang bar gyur la/ de nas mi la la zhig gis bye ma de las 'bru re re nas blangs shing steng gi phyogs kyi sangs rgyas kyi zhing re re 'bru re 'jog par byed pa lta bu'i tshul gyis bye ma de thams cad steng gi phyogs su yongs su zad cing / yongs su gtugs par gyur kyang / sangs rgyas kyi zhing de dag gi tshad dam/ mtha' rtogs par mi nus pa'i sangs rgyas kyi zhing bye ba khrag khrig 'bum phrag dpag tu med pa de snyed 'das pa na/ 'jig rten gyi khams zla ba can zhes bya ba de yod de/ 'jig rten gyi khams de yang lag 'thil ltar mnyam par gyur pa/ rin po che sna bdun gyis legs par brgyan pa/ gser gyi sa gzhir 'dug cing mig mangs ris su bris pa/ rin po che'i shing ljon pas legs par brgyan pa/ sems can dmyal ba dang / dud 'gro'i skye gnas dang / yid dgas dang / lha ma yin gyi tshogs rnams med pa dang / rtsa dang / shing skam dang / tshe ma dang / rdo dang / gseg ma dang / gyo mo dag med pa/ dam 'grog dang / ga yang sa med pa/ me tog sil ma dag bkram pa yin te/ de na de bzhin gshegs pa dgra bcom pa yang dag par rdzogs pa'i sangs rgyas nor dpal zhes bya ba da ltar bzhugs shing 'tshol bzhes te/ byang chub sems dpas bskor cing / byang chub sems dpas mdun gyis bltas pa/ reg pa dang zhabs ldan pa/ bde bar gshegs pa/ 'jig rten mkhyen pa/ skyes
- 86a
bu 'dul ba'i kha lo bsgyur ba/ bla na med pa/ lha rmi rnams kyi ston pa/ sangs rgyas bcom ldan 'das skyes bu chen po'i mtshan sum bcu rtsa gcig kyi brgyan pa'i sku/ gser legs par bcos shing legs par dul ba rin po che'i rgyan legs par bkod pa bzhin du 'khor gyi nang na mdzes par bzhugs shing / thog mar dge ba/ bar du dge ba/ tha mar dge ba'i chos ston to// 'di skad ces kyang ston te/ 'di ltar sa'i khams med par mi 'gyur ro// de bzhin du chu'i khams dang / me'i khams dang / rlung gi khams dang / skye dgu'i bdag po tshangs pa dang / gzugs dang / tshor ba dang / 'du shes dang / 'du byed dang / rnam par shes pa med par mi 'gyur ro zhes ston to// rigs kyi bu 'am rigs kyi bu mo yang rung de'i mtshan thos na/ bla na med pa yang dag par rdzogs pa'i byang chub las phyir mi ldog par 'gyur zhing / chos rin po che bla na med pa yang thob par 'gyuraro// gzhon nu de ltar rigs kyi bu 'am rigs kyi bu mo yang rung / de bzhin gshegs pa dgra bcom pa yang dag par rdzogs pa'i sangs rgyas spyod pa dang / yon tan phun sum tshogs pa dang / ye shes phun sum tshogs pa dang / tshul khrims dang ting nge 'dzin dang / shes rab dang / rnam par grol ba dang / rnam par grol ba'i ye shes gzigs pa phun sum tshogs pa dang ldan pa de dag gi mtshan thos na/ bla na med pa yang dag
- 86b
par rdzogs pa'i byang chub las phyir mi ldog par 'gyuraro// gzhon nu sngon byung ba 'das pa'i dus na/ bskal pa grangs med pas kyang ches grangs med pa/ yun ring po tshad med pa 'das pa de'i tshe/ rin chen 'byung zhes bya ba'i bskal pa zhig byung ste/ der de bzhin gshegs pa dgra bcom pa yang dag par rdzogs pa'i sangs rig pa dang / zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i/ kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rgya mtsho'i dpal zhes bya ba zhig 'jig rten du byung ste/ der de bzhin gshegs pa dgra bcom pa yang dag par rdzogs pa'i sangs rgyas bcu po 'di dag thams cad lhan cig tu 'thun par dge ba'i rtsa ba skyed de/ zas dang / skom dang / bza' ba dang / bca' ba rnam pa sna tshogs dang / me tog dang / spos dang / me tog phreng ba dang / byug pa dang / gdugs dang / rgyal mtshan dang / ba dan gyi rnam pa dpag tu med/ grangs med pas bcom ldan 'das de la mchod pa rgya chen po byas nas/ thams cad kyis lhan cig tu 'thun par bla na med pa yang dag par rdzogs pa'i byang chub tu sems bskyed de// thams cad kyis nyi ma cig tha cig yud tsam cig la mi skye ba'i chos la bzod pa thob par gyur to// de nas de dag gis rims kyis byang chub spyod pa spyad pa/ byang chub kyi phyogs dang 'thun pa'i
- 87a
chos rnams yongs su rdzogs par byas te/ skad cig yud tsam cig la rang rang gi sangs rgyas kyi zhing rnams su/ bla na med pa yang dag par rdzogs pa'i byang chub mngon par rdzogs par sangs rgyas so// skad cig thang cig yud tsam gcig la de dag gis chos kyi 'khor lo bskor to// thams cad kyi tshe tshad kyang mnyam mo// gzhon nu de bzhin gshegs pa dgra bcom pa yang dag par rdzogs pa'i sangs rgyas de dag thams cad kyang nyi ma gcig tu skad cig thang gcig yud tsam cig la yongs su mya ngan las 'das par 'gyur ro// de skad ces bka' stsal pa dang / bcom ldan 'das la rgyal po gzugs can snying po'i sras khye'u rin chen zla bas 'di skad ces gsol to// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de dag gi sku tshe'i tshad ni ngo mtshar lagaso// bcom ldan 'das de bzhin gshegs pa de dag gis ni/ sems can rnams la thugs brtse ba'i slad du sku che'i tshad de tsam du ring ba bzhes lag so// bcom ldan 'das gzhan yang rigs kyi bu 'am/ rigs kyi bu mo gang de bzhin gshegs pa de rnams kyi sku tshe'i tshad 'di la de bzhin du 'dzin cing yid ches la spong bar mi bgyid/ 'dor bar mi bgyid pa de la bsod nams ji tsam skye bar 'gyur lags/ bcom ldan 'das kyis bka' stsal ba/ stong gsum gyi stong chen
- 87b
po'i 'jig rten gyi khams 'di dang / de bzhin gshegs pa de dag gis/ sangs rgyas kyi zhing de dag dang / sangs rgyas kyi zhing bcu gcig po rnams lha'i rin po che sna bdun gyis yongs su bkang nas/ de bzhin gshegs pa dgra bcom pa yang dag par rdzogs pa'i sangs rgyas rnams la nyin gcig bzhin du sbyin pa byin te/ de lta bur bskal pa grangs med par sbyin pa byin par byed la/ rigs kyi bu 'am/ rigs kyi bu mo gang gi mtshan 'di rnams dang / ska tshe'i tshad 'di rnams thos na/ de bzhin du 'dzin cing yid ches la spong bar mi byed de/ mos par byed cing mthun par byed na/ bsod nams kyi phung po snga ma des bsod nams kyi phung po de'i brgya'i char yang mi phod/ stong gi cha dang / dpe'i bar du yang mi phod do// de nas lha rnams kyi dbang po brgya byin dang / mi mjed kyi bdag po tshangs pa dang / rgyal po chen po bzhi dang / lha'i bu dbang phyag dang / dbang phyug chen po dang / dpal ldan lags pa dang / dga' ldan dang / lha'i bu yongs su dga' ldan gyis 'di ltar chos kyi rnam grangs 'di dang / de bzhin gshegs pa bcu po de rnams la mchod pa bya ba'i phyir/ de bzhin gshegs pa la lha'i me tog dang / tsan dan gyi phye mas me tog gtor/ mngon par gtor/ rab tu gton to// tshig 'di skad ces smras te/ bcom ldan 'das rigs kyi bu 'am/ rigs kyi bu mo gang dag chos kyi rnam grangs 'dzin pa dang / 'chang ba dang / klog pa dang //
- 88a
brjod par bgyi ba de dag ni/ phyag bgyi ba'i 'os lag so// bcom ldan 'das tha na chos kyi rnam grangs 'di gleng dag sug pa na mchis pa de dag ni/ bla na med pa yang dag par rdzogs pa'i byang chub las phyir mi ldog par 'gyur ba lags so// bcom ldan 'das chos kyi rnam grangs 'di rigs kyi bu 'am/ rigs kye bu mo gang dag gis rna lam du grags par 'gyur ba de dag ni/ bdud sdig can gyi dbang du 'chi bar mi 'gyur lags so// de nas bcom ldan 'das la rgyal po gzugs can snying po'i sras khye'u rin chen zla bas tshigs su bcad pas gsol ba// phung po med la bcom ldan 'das// khyod kyi legs gsungs dpag tu med// bdag dang lhar bcas 'jig rten rnams// khyod kyis 'di la yid rang ngo // 'jig rten mgon po 'das pa dang // gang dag da dang ma byon dang // phyogs rnams ma lus gang bzhugs pa'i// sangs rgyas rnams la skyabasu 'chi// sangs rgyas kun gyi yul gcig pa// chos dang dge 'dun zhi ba'i mchog/ yon tan legs pa bsam mi khyab// dge 'dun la yang skyabasu 'chi// byang chub sems dpa' 'jigs med pa// gang dag bzod la rab gnas shing // gang dag gzugs la gnas pa dang // gang dag mtshungs med stong nyid tshul// mtshan nyid kyi ni mdo sde snod// 'thun par 'jug pa'i mdo sde la// legs bslabs byang chub sems rnams ltar// thub pa bdag ni byang chub
- 88b
kyi// spyad pa spyod cing slob par 'tshal// rang byung de dag ji bzhin du// zhing gi bkod pa rnam dag dang // spyod pa spyod yul ting 'dzin dang // de dag gi ni yon tan dang / drang srong mchog rnams sku tshe'i tshad// 'jig rten mgon po de rnams kyi// de nas bcom ldan 'das kyis lha'i bu de dag dang // rin chen zla ba gzhon nur gyur pa leg so zhes bya ba byin nas// tshigasu bcad pa 'di dag bka' stsal to// 'jig rten mgon po de rnams kyi// mtshan ni gang zhig 'dzin byed pa// ma 'ongs dus/ na de dag kun// rkang gnyis rnams kyis mchog tu 'gyur// nga yis ji skad gsungs pa bzhin// drang srong mchog bzhugs de dag ltar// de dag tshe yang bskal pa ni// bye ba bsam yas sbed du 'gyur// gang zhig skyob pa 'di dag gi/ mtshan ma de dag 'dzin de la// mi dang chom rkun dag rnams dang // mtshon gyis tshugs par mi 'gyur ro// mtshan 'di dag ni 'dzin byed na// chu chen dag gis de ma mchi// rgyal po'i gnod pas ma yin te// de ni nams kyang chos mi spong // mtshan mo thun tshod dang po dang // gung dang tha ma'ang de bzhin te// dus gsum dag tu mtshan sgrogs dang // drang srong mchog ni de dag gi / mtshan rnams snga dro sgrogs byed cing // nyi ma'i gung la sgrogs byed dang // mkhas pa nub khar sgrogs byed pa// rmi lam bzang po mthong bar 'gyur// mtshan rnams bzung nas de'i 'og tu// bskal
- 89a
pa bye ba stong rnams su// sngon chad sdig pa ci bsags pa// mi dge thams cad bshags par bya// de yis lus ngag yid kyi las// mi dge gang dag byas gyur na// mtshan rnams bzung nas de 'og tu// nyes byas de yang bshags par byas// yan lag lnga yis gtugs na ni// rgyal rnams byang chub sngon ro// tu// dus gsum dge ba ci bsags pa// de kun rjesu yid rang bya// 'jig rten rtsa lag rnams kyis ni// byang chub rnyes nas chos gsungs dang // lus can gang dag 'jig rten gyi// mgon po rnams la mchod byed pa// de la rgyal ba'i sras rnams kyis// nyin mtshan dus gsum yid rang byas// des na bdag gzhan don byed ba'i// pha rol phyin pa rdzogs par 'gyur// bcom ldan 'das kyis de skad ces bka' skul nas/ rgyal po gzugs can snying po'i sras khye'u rin chen zla ba dang / byang chub sems dpa' de dag dang / dge slong de dag dang / lha dang / mi dang / lha ma yin dang / dri zar bcas pa'i 'jig rten rnams yid rangs te// bcom ldan 'das kyis gsungs pa la mngon par bstod de// / 'phags pa rin chen zla bas zhus pa zhes bya ba'i mdo rdzogs so// / rgya gar gyi mkhan po che/ shud d+ha sing ha dang / lo tsA ba ban d+he dge dpal gri bsgyur/ rgya gar gyi mkhan po byid ru ka ra sid ha dang / shu chen gyi lo sde ba ban de de bcan tras nus te gtan la pa
Colophon
'phags pa rin chen zla bas zhus pa zhes bya ba theg pa chen po'i mdo rdzogs so// rgya gar gyi mkhan po bi shud d9ha sing ha dang/ lo ts+tsha ba ban d+he dge dpal gyis bsgyur/ rgya gar gyi mkhan po byid r+ya ka ra sing ha dang/ zhu chen gyi lots+tsha ba ban de btsan tras zhus te gtan la phab pa/