rdzogs pa chen po kun tu bzang po ye shes gsal bar ston pa'i rgyud phyi ma'i phyi ma zhes bya ba
Santimahasamantabhatrajñanabitaguhenamatantra
Text
ff. 32b–33b · 3 folio sides
- 32b
bas 'khor rnams thams cad yi rang bar gyur to// zhes gsungaso// rdzogs pa chen po kun tu bzang po ye shes gsal bar ston pa'i rgyud phyi ma las/ le'u bzhi pa rdzogaso// // rgya gar gyi mkhan po gu ru shri sing ha dang / lo tsA ba rdo rje yang dbang gter gyis bsgyur ba'o// @#// phyi ma'i phyi ma mthar thug gi rgyang bzhugs/ rgya gar skad du/ san ti ma hA sa man ta b+hU tA dz+nyA na bi ta gu he nA ma tan tra/ bod skad du/ rdzogs pa chen po kun tu bzang po ye shes gsal bar ston pa'i rgyud phyi ma'i phyi ma zhes bya ba/ bcom ldan 'das rdo rje 'chang gi sangs rgyas kun tu bzang po la phyag 'tshalo// de nas dpal kun tu bzang pos rigs lnga'i sangs rgyas la bka' stsal pa/ rig pa stong gsal gyi don nyams su len pa ni/ dang po sems bzung dgos pas sems bzung ba la 'di lta ste/ nyon cig rdo rje sems dpa' sogs/ mtho la bzung ba dang ri mo la bzung ba dang / 'jam po'i rlung la bzung ba dang / thig le la bzung ba dang / rdo rje slob dpon la bzung ba dang / drag rlung 'khor lo la bzung ba dang / yig 'bru la bzung ba dang / 'gro ba bzang mo shes rab ma la bzung ba dang / rdo rje slob dpon la bzung ba dang / drag rlung la bzung ba dang / na mkhwa' la bzung ba'o// de la mtho la bzung ba ni/ mtho rmugs la de la mig phyir 'brangs la/ de la shes pa gtad la thun gsum/ lnga 'am bdun la sogs pasgom mo// ri mo la bzung bani ri mo na 'du shes pa bskyil la bzung ba// 'jam rlung la bzung ba ni/ ste'i rlung mnan log rlung bsdams par rlung rang sar bzhag la tshugs par 'gro chub
- 33a
a hUM la gtad la bzung ba'o// thig le la bzung ba ni/ smin phrag tu thig le ser yer re ba'am/ sna rtser bsam pa la bzung ba'o// gdugs la bzung ba ni/ 'og tu rgya gdugs sam/ steng dru dang ci bsams la/ gdugs de 'khor ba la shes pa bzung ngo // 'khor lo la bzung ba ni/ nan tar ma zin na bla mas shog bu'i gdugs byas la de skor sna ru spos dung btang / sna bar dril bu bsil la bzung ngo // yi ge 'bru la bzung ba ni/ sems kyi gnas sa bzhi ru/ hUM raM a lta bu yi ge la ma yengs par gtad la bzung ngo // 'gro ba bzang po shes rab la bzung ba ni/ yab yum mkha' sang bslab pa byas la/ dbang po gnyis sprad de byang chub sems dpa'i sked par sleb pa la bzung ba'o// rdo rje slob dpon la bzung ba ni/ spyi bor bla ma bsams la de la bzung ngo // drag rlung la bzung ba ni/ shes pa'i 'greng ldog byas bzung ngo // na mkha' la gzung ba ni/ mdun gyi na mkha' la shes pa gtang la/ khab mig tu skud pa 'dzud pa 'am/ gzhu brdud pa lta bu dran pa hur byas la bzung pa'o// de rnams ma yengs par byas la gzung bar byas pa'o// zhes gsung / rgyud phyi ma'i phyi ma las le'u dang po'o// // de nas yang bka' stsal pa/ de nas log non bstan pa ni/ sems bzung ba la rlung skyes na/ shes pa rgod/ skra zeng por 'od / gnyid mi phebs so// de mi bsku ma nye bya zas bzung can brten no// 'a khris pa skyes nas ser por mthong ba la sogs pa byung na bsil btang ngo // bang kan skyos ni spo ba dang / la zog po dang / ba kha mi bde ba byung na/ gcag
- 33b
khams bsang ngo // zhes gsung so// rgyud phyi ma'i phyi ma las le'u gnyis pa'o// // de nas yang bka' stsal pa ni/ de ltar sems zin nas rig pa stong gsal du shes pa lta'o// de'i ngang du rig pa gsal ba sgom pa'o// de las ma yangs par spyod pa'o// de 'chi ba'i dus su dran pa dang skyo ba bskyed de gdams ngag gis 'pho bar bya'o// de las 'bras bu sku gsum ye shes lnga'o// zhes gsungaso// rgyud phyi ma'i phyi ma las le'u gsum pa'o// // de nas yang bka' stsa lo pa/ rgyu 'di ni rgyud snga ma'i kha skong ba zhes bya ba yin pas/ rdo rje sems dpa' gces spras kyis bzung zhing bcang bar bya'o// ces bka' stsal te chos nyid kyi ngang du gyur to// ces gsungaso// kun tu bzang po ye shes gsal bar ston pa'i rgyud phyi ma'i phyi mA las le'u bzhi po'o// / mthar thug pa'i rgyud ces bya ba rdzogaso// ye shes na mkha' dang mnyam pa'i rgyud bzhugs// @#// rgya gar skad du/ san d+hi ma hA tar+ya sarba du tha/ dz+nyA na a kha sA mon ta na tra/ driSh+Ta sa mA d+hi sarba gar+b+he/ ma hA/ rat+na bi byA hA nA ma/ bod skad du/ rdzogs pa chen po nges don thams cad 'dus pa/ ye shes na mkha' dang mnyam pa'i rgyud/ lha sgom thams cad kyi snying po// mnyam pa nyid kyi rgyal po// dpal kun tu bzang po la phyag 'tshalo// 'di skad gsungs pa'i dus gcig na/ kun rig sems kyi rgyal po des// 'og mi ni chos kyi dbyings gnas na// nges pa'i don la rab zhugs te// rdo rje sems