Q790MW1PD96684_0790mdo sna tshogsAll versions of this work

'phags pa 'da' kha ye shes zhes bya ba theg pa chen po'i mdo

Text

ff. 159a–159b · 2 folio sides

  1. 159a

    rgya gar skad du/ Ar+ya a ta dz+nyA na nA ma ma hA yA na su tra// bod skad du/ 'phags pa 'da' kha ye shes zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig ni/ bcom ldan 'das 'ag min lha'i rgyal po'i khang bzangs na bzhugs te 'khor thams cad la chos ston pa dang / byang chub sems dpa' sems dpa' chen po nam mkha'i snying pos bcom ldan 'das la phyag 'tshal nas 'di skad ces gsol to/ / bcom ldan 'das byang chub sems dpa' nam mchi kha ma'i sems ji ltar blta bar bgyi/ bcom ldan 'das kyis bka' stsal pa/ nam mkha'i snying po byang chub sems dpa' nam mchi ba'i dus kyi tshe 'dal la ye shes bsgom par bya'o/ / de la 'da' la ye shes ni chos thams cad rang bzhin gyis rnam par dag pas na dngos po med pa'i 'du shes rab tu bsgom par bya'o// chos thams cad byas chub kyi sems su 'dus pas na snying rje chen po'i 'du shes rab tu bsgom par bya'o/ / chos thams cad rang bzhin gyis bod gsal bas na mi dmigs pa'i 'du shes rab tu bsgom par bya'o// dngos po thams cad mi rtag pas na ci la yang mi chags pa'i 'du shes rab tu bsgom par bya'o/ / sems rtogs na ye shes yin pas sangs rgyas gzhan du mi btsal ba'i 'du shes rab tu bsgom par bya'o// bcom ldan 'das kyis tshigs su bcad de bka' stsal pa/ chos rnams rang bzhin rnam dag pas// dngos po med pa'i 'du shes sgom// byang chub sems dang rab ldan pas// snying rje chen po'i 'du shes bsgom// chos rnams rang bzhin 'od gsal bas/ dmigs pa med pa'i 'du shes bsgom/ / dngos po thams cad mi rtag pas// chags pa med pa'i 'du shes bsgom// sems ni ye shes 'byung ba'i rgyu// sangs rgyas gzhan du ma tshol cig/ bcom ldan 'das kyis de skad ces bka' stsal

  2. 159b

    ba dang byang chub sems dpa' nam mkha' snying po la sogs pa'i 'khor 'dus pa thams cad rab tu dga' mgu yid rangs nas/ bcom ldan 'das kyis gsungs pa la mngon par bstod do// 'phags pa 'da' kha ye shes zhes bya ba theg pa chen po'i mdo rdzogs s+ho// / sangs rgyas kyi mdzod kyi chos kyi yi ge/ bam po gcig go// / ming gcig ni chos so cog las gdam bstsal pa'o/ / sangs rgyas kyis sangs rgyas kyi mdzod bshad pa'i yi ge'i le'u dang po ste/ chos so cog gi bden pa'i mtshan mo'i le'u'o// / 'di bzhin bdag gis thos pa dus gcig na/ sangs rdzas mkhar rgyal po'i khab kyi ri lu mtha'i ri la/ dge slong chen po rnams dang lhan cig tu bzhugs te/ kun kyang thal gyis shes rig pa dang / mu med pa'i byang chub sems dpa' sems dpa' chen po sha stag ste dpa tu med grangs med do/ / de'i tshe sha ri'i bu ting nge 'dzin nas byung ste/ sangs rgyas kyi thad du song nas phrag pa g.yas pa byung ste/ mgo dang gdong gis phyag 'tshal nas// sangs rgyas la gsol pa/ bcom ldan 'das yang dag par gshegs pas bshad pa/ chos so cog kun skye ba yang med/ 'gog pa yang med/ mtshan ma yang med/ bya ba yang med/ mi rnams yid ces shing shes par bgyis pa yod dkon no// sangs rgyas kyis shA ri'i brel bar bral pa/ khyod kyis bsod nams ji zhig mthong na/ yang dag par gshegs pas bshad pa chos so cog kun la sde pa med/ 'gog pa med/ mtshan ma med/ bya ba med na/ mi kun yid ches shing shes par byas pa dkon no zhes bstod/ sha ri'i bris sangs rgyas la gsol pa/ bcom ldan 'das bden pa ma mchis na khor mor sems 'di snyam bgyid do// bcom ldan 'das kyis ming dang mtshan ma med pa'i chos la ni/ ming dang mtshan mas bshad//

Colophon

'phags pa 'da' kha ye shes zhes bya ba theg pa chen po'i mdo rdzogs s.ho||