lhan cig skyes grub kyi gzhung 'grel zhes bya ba
Sahajasiddhipattatināma
Text
ff. 4b–29a · 50 folio sides
- 4b
'phangs nas// gang gis mthong ba de yis mthong // dngos dang dngos min gong par gnas// rtogs dang brtags pa min las grol// gsal bar ma byas kun las 'das// lhan cig/ skyes pa mngon du brjod// byis pa'i brjod pa dag dang bral// brjod bya brjod byed spangs pa nyid// lhan cig skyes pa de lta bur// bla ma mchog gi sngon du gsungs// dpal ldan rol pa'i lha mo'i drin gyis ni// de bzhin dpal ldan bla ma dag dang ni// dpal ldan bde ba chen po'i rdo rje yis// lan cig gis ni bde ba chen pos mkhyen// the tshom med cing rtog pa med// rang rang ngo ba ston pa'o// bdag gis yang dag nyams su myong // mun pa la ni sgron ma bzhin// za ba 'am ni 'khrig pa na// gnas skabs kun la thams cad du// gsang ba med cig 'jigs pa spangs// ye shes chen po rang gis rigs// gang zhig de la rjes dran par// yang dang yang du dran byed pa// de ni dngos grub rgyas 'gyur te// srid pa'i mtsho las sangs rgyas bzhin// bdag nyid kyis ni dran don du// bdag gis de ni bsngags pa yin// gang zhig snying rjes bcings pa yi// bdag la bzod mdzod sems can che// gang zhig cung zad 'di brjod pas// de yis bsod nams gang 'gyur ba// bsod nams de yis sems can rnams// lhan cig skyes grub thob par shog/ lhan cig skyes grub rdzogs so// // rgya gar gyi mkhan po chen po zla ba mgon dang / bod kyi lo ts+tsha ba shes rab grags kyis bsgyur ba'o// // cigakris cu cig su 'brel cas bya bad+has la dpal chos ma dpa bsums so// @#/ rgya gar skad du/ sa ha dza sid+d+hi pad+ma ti nA ma/ bod skad du/ lhan cig skyes grub kyi gzhung 'grel zhes bya ba/
- 5a
byang chub sems dpa' phyag na rdo rje la phyag 'tshal lo// dri med chos 'byung gtsang ba'i gnas mchog nyams dga' bar// phung po la sogs bdud rnam bzhi po mi 'jug phyir tshad med bzhi yi sgo glegs legs par gtams mdzad nas// 'dren pa gang zhugs de rnams la ni bdag phyag 'tshal// skyes mchog de rnams zhabs la phyag byas nas// 'gro bas lhan cig skyes rtogs med pa'i phyir// dri med lhan cig skyes pa'i gzhung 'grel 'di// 'gro la pa na phyir dpal mo bdag gis bri// ci'i phyir zhe na/ lhan cig skyes pa'i rang bzhin las kha phyir phyogs par gyur pa'i dbang gis 'dzam bu'i gling pa'i skye bo rnams sdig pa'i las la gzhol bar 'gyur te/ de yang dgongs pa lung ston pa zhes bya ba'i rnal 'byor chen po'i rgyud las ji skad du/ de nas bcom ldan 'das kyis gsang ba pa'i bdag po byang chub sems dpa' phyag na rdo rje la bka' stsal pa/ gsang ba'i bdag po don rgyas tshul// tshul chen 'di ni rnyed gyur nas// ji bzhin don rnyed ma bzung bas// de phyir lam ngan dag tu lhung // rtag par mngon pa'i nga rgyal la// rab tu dga' dang ldan pa yis// rnal 'byor pa rnams pa bdag ces smra// chos ni g.yo yis byed gyur la// des ni 'dus pa mi shes par// dam tshig la sogs spyod byed pa// gsang ba gsungs par mi byed cing // thams cad du ni rab tu ston// mngon sum sangs rgyas dang 'dra ba'i// slob dpon la smod bkur mi byed// skad cig tsam gyi khong khro zhing // de bzhin skad cig gis rjes chags// ma dang srid mo bu mo sogs// bgrod min la ni 'khrig spyod cing // pa dang ma gsod de bzhin du// srog chags gzhan yang
- 5b
mang du gsod// de bzhin brdzun gyi tshig smra zhing // khyad par du yang rku bar byed// gzhan gyi chung mi'i thad 'gro zhing // ngas smad gzhan yang byed par 'gyur// de nyid ye shes rang 'byung ba'i// dam tshig rnams ni des mi shes// nyes pa cung zad tsam la yang // mngon spyod drag po byed 'gyur la// rnal 'byor rab sbyor sman pa yis// sngags pa rnams ni grub mi 'gyur// rtag par phyi yi bstan bcos dga'// / de phyir sbyor la mkhas pa dang // rang gi dam tshig spangs nas ni// lcags kyu med pa'i glang chen bzhin// 'dod dgu dag tu 'khyam par byed// sngags dang phyag rgya'i sbyor ba yis// 'tsho ba dag kyang sgrub par byed// gang du rnyed pa thob par 'gyur// gsang sngags tshul chen 'chad par 'gyur/ zhes gsungs pa de bas na bdag gis lhan cig skyes pa'i tshul zab mo nyan thos dang // rang rgyal ba dang / phyi rol pa'i thub pa rnams dang // rtag pa dang chad par lta ba pa rnams kyis rtogs par dka' ba dang / dam gsum gyi de bzhin gshegs pa rnams kyis rgyas btab pa/ bla ma yongs su bsten rnams la/ rna ba nas rna bar 'pho bar 'gyur ba gang yin pa de legs par bstan par bya'o// de yang re zhig brjod par bya ba'i lhan cig skyes pa 'di'i rjod par byed pa'i gzhung gi tshogs ni/ dang po khor dpal ldan rol pa'i lha mo zhes pa nas// yang dang yang du kun la 'dud/ ces pa'i bar gyis ni lhan cig skyes pa'i man ngag dpal u rgyan gyi gnas nas/ byang chub sems dpa' phyag na rdo rje'i sprul pa las/ bla ma gcig nas gcig tu brgyud pa'i lo rgyus dang / lhan cig skyes pa 'di nyid kyis/ ma rig pa'i nyon mongs pa mthar byed pas gshin rje yin pa dang / sa'i bdag po dbang po'i blos/ rgyal srid yongs su spangs nas rab tu byung ste/ dur khrod bsten pa la sogs
- 6a
pa'i gleng gzhi ston cing / bla ma gong ma rnams la phyag 'tshal ba ston par byed do// de rnams zhabs la zhes pa nas brjod par bya zhes pa'i rkang pa gnyis kyis/ lhan cig skyes pa'i rtsom pa ston par byed do// kun 'gro lhan cig skyes zhi ba zhes pa nas/ gzhung las ma gtogs rnyed mi 'gyur/ zhes pa'i bar gyis ni/ lhan cig skyes pa'i rang bzhin rgyu ba dang / mi ts+tsha ba'i ng+gAg nga ba da/ ya ra / na pa bya ba'i bar gyis ni/ bla ma'i zhal las rnyed pa'i rjes la 'bad pa med pa'i tshul gyi ting nge 'dzin byi ro nyams su myong ba dang lhan cig skyes pa'i nges tshig ston par byed do// the tsom med cing rtog pa med pa/ zhes pa nas/ lhan cig skyes pa thob par 'gyur/ zhes pa'i bar gyi ni/ lhan cig skyes pa nyams su myong nas za ba dang 'chag pa la sogs pa'i dus su yang mi 'bral bar ston par byed do// rtogs dang bral zhing mngon sum po/ zhes pa nas/ lhan cig skyes par nges brjod bya/ zhes pa'i bar gyis rtog pa med pa'i lhan cig skyes pas bskul ba'i dbang gis snying rje che bcu drug pa zla ba yar gyi ngo bzhin pa'i chos can/ sems can dang chos dang dmigs pa med pa la sogs pa la lhan cig skyes pa yin par ston par byed do// lhan cig skyes 'di dngos rnams kyi/ zhes pa nas/ 'gro ba'i grong khyer dag tu 'khyam pa zhes pa'i bar gyis ni/ lhan cig skyes pa 'di nyid bde sdug thams cad kyi gzhi yin pa dang / lta ba dang grub pa'i mtha' 'dzin pa thams cad kyi rtsod pa'i gzhir gyur pa dang /
- 6b
'gro ba gang gis lhan cig skyes pa ma shes pa de dag sdug bsngal gyi phung po las mi grol bar ston par byed do// sangs rgyas bdag nyid lus la ni/ zhes pa nas/ de yis sdig pa ma byas sam/ zhes pa'i b.ro gyis ni/ gang zhig lhan cig skyes pa'i rang bzhin la/ de'i rang bzhin du ma rtogs pa'i skyes bu de rnams sdig can yin par ston par byed do// bdag nyid nges par sangs rgyas kun/ zhes pa nas/ dngos po kun la yang dag gnas/ zhes pa'i bar gyis ni/ 'gro ba thams cad sangs rgyas la sogs pa'i rang bzhin yin par ston te/ 'di ltar lhan cig skyes pas dngos po thams cad la khyab pa yin pa'i phyir ro zhes bya bar ston par byed do// lha dang lha mni klur bcas nas/ zhes pa nas/ glen pa rmongs pas mi shes so// zhes pa'i bar gyis ni/ bdag tu lta ba can gyi lha tshangs pa la sogs pa dang / drang srong rgyas pa la sogs pa rnams kyis lhan cig skyes pa shes par mi 'gyur ro zhes ston par mi byed do// mchog gi go 'phangs mi shes byar/ zhes pa nas/ de yis kun nas mi shes so// zhes pa'i bar gyis na/ lhan cig skyes pa mi shes pas grub pa'i mtha' du ma 'dzin cing rtsod pa ston par byed do// theg chen shin du yangs pa la/ zhes pa nas/ bla ma de yis 'gro ba sgrol/ zhes pa'i bar gyis ni/ gsang ba'i theg pa nyid du bstan pa'i lhan cig skyes pa bla ma gcig nas gcig tu 'ongs pa'i ston pa gang yin pa'i bla ma des nyon mongs pa rtsad nas gcod pa ston par byed do// bsgom bya skom byed 'brel pa'am/ zhes pa nas/ dor ba nyid du yongs su
- 7a
brtags/ zhes pa'i bar gyis ni/ slob bzhin pa'i rnal 'byor pa rnams la gdams pa ston par byed do// de bzhin du yang zhes pa nas de yi thams cad rdzogs par/ 'gyur/ zhes pa'i bar gyis ni/ rtog pa'i ting nge 'dzin ma lus par ston par byed cing / zhi la lhan cig skyes pa ma yin par ston par byed do// thub pas sngon du gang gsungs pa// zhes pa nas/ gang zhig mthong bas de bden min/ zhes pa'i bar gyis ni/ ji ltar brtags pa de ltar rtog pa'i rnal 'byor blo'i yul du 'byung bar ston par byed do// gang ma mthong ba de bden te/ zhes pa nas/ bla ma mchog gis sngon gsungs pa/ zhes pa'i bar gyis lhan cig skyes pa'i rang gi ngo bo rgyas par ston par byed do// dpal ldan rol pa'i lha mo'i drin gyis ni/ zhes pa nas/ lan cig gis ni bde ba chen po mkhyen zhes pa'i bar gyis ni/ bla ma gong ma las brgyad pa'i dbang gis sa'i bdag po dbang po'i blos kyang lum dpal lo las rtogs shing khong du chud pa ston par byed do// the tsom med cing rtog pa med/ ces pa nas/ srid pa'i mtsho las sangs rgyas bzhin/ zhes pa'i bar gyis ni/ bdag dbang po'i blo yis ji ltar sprad pa ltar/ bdag las gzhan pa'i rnal 'byor pa rnams kyis kyang / lhan cig skyes pa la de ltar 'jug par byed na yang / srid pa'i gzeb las grol bar 'gyur ro// zhes ston par byed do// bdag nyid kyis ni dran don du/ zhes pa nas/ bdag la bzod mdzod sems can che/ zhes pa'i bar gyis ni/ bdag gi gzhung brtsams pa la rang nyid nga rgyal med pa'i tshul
- 7b
dang bzod pa gsol ba ston par byed do// gang zhig cung zad 'di brjod pas/ zhes pa nas/ lhan cig skyes grub thob par shog/ ces bya ba'i bar gyis ni dge ba'i rtsa ba bsngo bston par byed do// de ltar don mdor bsdus nas/ de ni yan lag gi don dgrol bar bya'o// de la dpal ldan rol pa'i lha mo che/ zhe bya ba la sogs pa smos pa ste/ de la bdag dang gzhan gyi don byed nus pa gang la yod pa de ni shrI ste dpal yin la/ des 'gro ba'i don du rol pa mdzad cing lus ngag gi spyod pa rlabs po che'i rol pa mdzad ces bya ba'i don to// lha mo zhes bya ba ni lus la skyes pa'i bde ba la longs spyod cing bde ba de dang ldan pa la lha zhes dgongs so// de yang dpal u rgyan gyi yul na/ rin po ches brgyan pa zhes bya ba'i nags tshal dgon/ pa zhig na/ gsang ba'i bdag po'i sprul par gyur pa/ drang srong 'gro ba dbugs 'byin pa zhes bya ba skal pa dang ldan pa rnams lhan cig skyes pa'i rin po'i tshe'i man ngag gi rgud bstan par bya ba'i ched du bzhugs par gyur to// dus de nas yul de'i rgyal po mthong na dga' zhes bya ba la/ bu mo rol pa mo zhes bya ba mdzes ma/ blta na sdug pa/ skyes bu thams cad kyi yid 'phrog pa cig btsas so// bu mo de chung ngu nas sangs rgyas kyi sgra dang / chos dang dge 'dun la dad cing / lus dang ngag dang yad khyad par du dul ba dang ldan no// de cher skyes nas g.yog mo bu mo lnga brgya dang lhan cig tu/ rin po ches brgyan po'i nags tshal dgon pa ltar dong dong ba las/ dgon pa der phyin pa na/ dgon pa de na drang srong mdog gnag pa/ skra
- 8a
kham par 'dug pa/ rtswa dang shing shun lus la gyon pa 'dug pa mthong ba las/ bu mo lnga brgya po skrag par gyur nas/ e ma gnod sbyin e ma gnod sbyin zhes bya ba'i sgra so so nas bton to// gzhon nu ma rol pa mos drang srong de mthong ma thag tu/ yid dga' ba dang bde ba skyes par gyur nas/ bu mo lnga brgya po la smras pa/ bu mo rnams ma 'jigs shig dang / 'di ni drang srong yin te/ gnod sbyin ma yin par nges so// de ci'i phyir zhe na/ kho mos mthong ma thag kho mos yid dga' ba dang bde ba skyes pa las na/ 'di ni gdon mi za bar gnod sbyin ma lags kyis/ kho mo cag rjes su 'dzin pa'i byang chub sems dpa' zhig lags so// de ci'i slad du zhe na/ gzhan yang yul khams 'di ni dpal o De ya naM zhes bya ba byang chub sems dpa' chen po phyag na rdo rjes byin gyagyis brlabs pa'i gnas yin no// zhes grags pas/ gnod sbyin mi ma lags pa 'dir gnas par mi 'gyur ro zhes bsgo ba dang / bu mo lnga brgya po yang yid brtan zhing skrag pa med par gyur to// / de nas gzhon nu ma rol pa mos g.yog bu mo lnga brgya dang bcas pas/ drang srong la maN+Dal byas te gus pa dang bcas nas phyag byas/ mgrin gcig tu 'di skad ces gsol to// drang srong chen po kho mo cag la bskyabs su gsol// kho mo cag la rjes su gzung du gsol// kho mo cag gi bdag tu lta ba'i mdud pa gcad du gsol// kho mo cag gi ma rig pa'i ling tog bsal du gsol// zhes pa dang / bu mo de dag la drang srong gis smras pa/ kye gnon nu ma rnams kho bo ni yang dag pa'i gnod sbyin no// kho bo 'khor ba'i nyon mongs pa gcod pa'i gnod sbyin no// kho bo ni 'gro ba
- 8b
rnams kyi bdag tu lta ba'i srog dang phral nas bdag med pa'i gnas su 'khrid par byed pa'i gnod sbyin no zhes bsgrags te/ bu mo rol pa mo'i spyi bor lag pa g.yas pa bzhag nas// bu mdun par gyur tam/ dran par b+hur tam nyes brjod pas/ bu ma des sngon gyi ste bAdz+ran ti/ snro hU~M dge ba'i bshos gnyen gsang po'i dkyil 'khor du mngon par dbang bskur bar byed pa/ byang chub sems dpa' phyag na rdo rje'i sprul pa yin par dran par gyur te/ lan brgya stong du mar g.yas phyogs nas bskor ba byas nas zhabs la yang dang yang tu gtugs so// bu mo lnga brgya po yang bu mo rol pa mo'i rjes su slob par byed do// de nas drang srong gis smras pa/ rol pa mo bu mo khyod kyis skye ba snga mar yid la byas shing gzung ba'i lhan cig skyes pa'i ting nge 'dzin sangs rgyas thams cad kyi yul la 'jug pa/ bsam du med pa/ thogs pa med pa/ na mkha' mdzod kyi gter zhes bya ba yid la gyis shig/ de bzhin gshegs pa thams cad kyi sku dang gsung dang / thugs dang / ye shes kyi dam tshig bsrung bar gyis shig/ bu mo gzhan yang re ba med pa'i bsam pa rgya chen po skyed cig/ ces bsgo nas de nyid du drang srong de mi snang bar gyur to// de nas bu mo rol pa mos na mkha' mdzod gyi gter zhes bya ba nas/ seng ge rnam par bsgyings pa zhes bya ba la sogs pa'i ting nge 'dzin gyi sgo mtha' yas pa skad cig de nyid la thob nas/ de bzhin gshegs pa thams cad kyi sku dang / gsung dang / thugs dang ye shes kyi dam tshig bsrung zhing / bu mo lnga brgya dang bcas pa
- 9a
u rgyan gyi yul byang chub sems dpa' phyag na rdo rjes byin gyis brlab pa'i gnas na rnal 'byor gyi spyod pa mdzad cing / skal pa dang ldan pa rnams lhan cig skyes pa'i ting nge 'dzin/ sangs rgyas thams cad kyi yul la 'jug pa bsam du med pa/ thogs pa med pa/ na mkha' mdzod kyi gter/ de bzhin gshegs pa thams cad kyi sku dang gsung dang // thugs ye shes kyi dam tshig dang ldan pa'i don 'di ston cing bzhugs te/ de'i tshul ni de 'dra'o// // de bzhin dpa' bo rdo rje dpal zhes bya ba ni/ de nas dus phyi ma zhig na/ u rgyan gyi gnas de nyid du rgyal po chen po dpa' bo rdo rje zhes bya ba/ rgyal srid kyi 'byor pa phun sum tshogs pa dang ldan pa/ dkon mchog gsum la mi phyed pa'i dad pa dang ldan pa zhig byung bar gyur to// rgyal po bsnyen gnas kyi sdom pa la gnas shing sbyin pa rgya che ba yang gtong ngo // dus der rnal 'byor ma rol pa mo// bu mo rnal 'byor ma lnga brgya dang bcas pa gdol pa mo'i cha byad du byas nas// rgyal po'i drung du rgyal po de la phyag rgya chen po'i dngos grub kyi skal pa dang ldan par gzigs nas/ de la ting nge 'dzin 'di bstan pa'i ched du rgyal po'i drung du gdol pa mo rnal 'byor ma rnams kyi sdug bsngal ba'i tshig dang ldan pas/ slong ba'i tshul du byas so// rgyal pos kyang gos dang kha zas mang po byin pa las da dung mdun na 'khod do// gdol pa mo de dag 'khod pa na snga na med pa'i dri bsung bzang pos rgyal po de'i pho brang gang bar gyur to// rgyal pos 'khor mi rnams la smras pa/ kho bo'i pho brang 'khor gyi sngan med pa'i dri 'di gang las byung / me tog gam/ spos
- 9b
sam/ ci bsgos zhes btsal du bcug pa las ma rnyed do// skabs der gdol pa mo rnams langs te/ 'gro bar chas pa las dri med par gyur te/ rgyal pos bsam pa gor ma chags par dri 'di ni gdol pa mo rnams las byung ba/ 'di rnams ni gdol pa mo ma lags kyi u rgyan gyi gnas 'di na rnal 'byor ma rol pa mo// rnal 'byor ma lnga brgya dang bcas nas 'gro ba'i don la spyod pa mdzad ces grags pa 'di rnams rnal 'byor ma yin no zhes rtogs te mchod pa'i yo byad bshams pa las/ rnal 'byor ma rnams kyis mngon du ma byed ces pa'i brdas go bar byas nas mtshan mo tshogs kyi mchod pa gyis shig/ kho mo cag 'ong ngo zhes brda' mdzad nas de nas mi snang bar gyur to// de nas rgyal po mchog tu dga' ba skyes nas// tshogs kyi mchod pa chen po bshams nas 'dug pa las/ rnal 'byor ma rnams byon nas rgyal po'i tshogs kyi mchod pa la longs spyad nas/ rgyal pos kyang rgyal srid kyi 'byor pa rtse dang 'dra bar bltos pa med pa'i tshul gyis rnal 'byor ma rnams la phul ba dang / rnal 'byor ma rnams kyis smras pa/ khyod nyid kyis rgyal srid kyi 'byor pa zung shig/ rgyal pos gsol pa/ rgyal srid kyi 'byor pas kho bo 'ching ba'i rgyar mi 'gyur ba lags sam// rnal 'byor ma rnams kyis smras pa/ seng ge rnam par bsgyings pa zhes bya ba'i ting nge 'dzin la mnyam par bzhag nas/ gang gis kyang mching ba med de/ bde bar gshegs pa rnams kyis khyim la gnas pa dang rab tu byung bste/ byang chub sems dpa'i spyod pa rnam pa gnyis so nas gsungs pa'i phyir ro// rgyal bas smras pa/ seng ge rnam par bsgyings pa zhes bya ba'i ting nge 'dzi ga
- 10a
lags shing ci 'dra ba bdag la bstan du gsol/ rnal 'byor ma rnams kyis mgrin gcig tu rgyal po la 'di skad ces smras so// sa'i bdag po 'di lta ste/ dper na ri dgas kyi rgyal po seng ge ni/ rang las gzhan pa'i ri dgas kyi 'jigs pa 'am/ bag tsha ba 'am/ spu zing zhes byed pa'am/ dogs pa tsam yang med kyis/ gzhan du na rang gi kha zas tsam yid la byed do// sa'i bdag po de bzhin du/ ting nge 'dzin gang la gnas na rnam par rtog pa dang mtshan ma'i 'du shes thams cad zil gyis mnan cing dogs pa med par gnas la/ gzhan du na dngos por lta ba rnams bdag med pa la 'dzud pa tsam cig yid la byed do// sa'i bdag po de ni seng ge rnam par bsgyings pa zhes bya ba'i ting nge 'dzin yin no// sa yi bdag po gnod sems spang bya ste/ mkha' la bya bzhin gang la ma thogs par// thogs med ting 'dzin 'di la rab gnas na// sangs rgyas bye ba phrag brgya khyod mthong 'gyur/ zhes gsungs nas/ rnal 'byor ma de dag mi snang bar gyur to// de nas rgyal po des kyang skad cig de la lhan cig skyes pa'i ting nge 'dzin sangs rgyas thams cad kyi yul la 'jug pa/ bsam du med pa/ thogs pa med pa/ nam mkha' mdzad kyi gter zhes bya ba ji lta ba bzhin du rtogs shing khong du chud de/ kha na ma tho ba med pa'i rgyal srid kyis 'gro ba skyong zhing / rnal 'byor gyi spyod pa byed la skal pa dang ldan pa rnams la ting nge 'dzin 'di/ de bzhin gshegs pa thams cad kyi sku dang gsung dang thugs ye shes kyi dam tshig dang ldan par ston te/ rnal 'byor pa
- 10b
de'i tshul ni de 'dra'o// // dam tshig ces bya rdo rje dpal/ zhes bya ba ni rgyal po dpa' bo rdo rje de nyid kyi bram ze mdun na 'don/ dam tshig rdo rje zhes bya ba tshig bden par smra zhing / dam bcas pa'i dam tshig las 'da' bar mi byed pa/ bla ma la sri zhu byed pa/ chos dang 'thun pa'i smad 'dron gyi/ phur bu pa dang ni 'jig rten pa'i smad 'don par mi byed pa cig gnas te/ des gnyug mar chos dang mthun pa'i spyod pa 'ba' zhig gis gnas shing / rgyal po mnyes par byed cing rgyal po'i bka' las nam yang 'dra' bar mi byed pa zhig gnas pa las/ de las rgyal pos bka' stsal pa/ mAdun na 'don shes par gyis shig/ khyod kyis dam tshig la gnas pa legs so// bden par smra ba legs kyis da dung dam tshig la gnas par gyis shig dang / dam tshig gis ni 'gro ba rnams kyi yid du 'ong ba dang / kun gyis bkur bar yang 'gyur ro// mdun na 'don gyis yang gsol pa/ lha lags dam tshig ces bgyi ba bden par smra ba lags sam/ bka' stsal pa/ mdun nu 'don dam tshig 'di ni bden par smra zhing ngam bcas pa ltar byed pa'o// gsol pa/ lha lags bden par smra bas 'jig rten 'di yi bya ba yongs su rdzogs pa bden par smra ba'i dam tshig lags na/ bla ma dang sangs rgyas dang byang chub sems dpa' dang phrad par 'gyur zhing mi 'bral bar 'gyur ba'i dam tshig gang yin pa de de bstan na/ khyod yid ches par mi 'gyur la/ de'i dbang gis mdun na 'don khyod mnar med par song na mi legs so// gsol pa/ sa'i bdag po yid dmi ches pa ma mchis so// bka'
- 11a
stsal pa/ dus gsum gyi de bzhin gshegs pa thams cad kyi sku dang / gsung dang / thugs dang / ye shes mi zad pa zhes bya ba'i dam tshig la gnas par byas na/ bla ma dang sangs rgyas la sogs pa dang mi 'bral bar 'gyur ro// gzhan yang sangs rgyas kyi zhing khams yon tan rin po che bsam gyis mi khyab pa yang mthong bar 'gyur ro// gsol pa/ dam tshig dri ma 'tshal lo// bka' stsal pa/ mdun na 'don thog mar je rang gi sems la so sor rtogs la/ de'i rjes la sems de yang bsam gyis mi khyab pa'i dbyings la zhog cig dang / des na dam tshig thams cad yongs su rdzogs shing / sangs rgyas thams cad dang phrad par 'gyur ro// zhes gsungs nas cang mi gsung bar gyur to// 'dun na 'don gyis kyang dam tshig de yid la byas pa tsam gyis/ sangs rgyas kyi zhing khams yon tan rin po che bsam gyis mi khyab pa rnams mthong bar gyur te/ mdun na 'don dam tshig rdo rje zhes bya ba'i rnal 'byor pa de'i tshul ni de 'dra'o// // de bzhin pad+ma'i rdo rje dpal zhes bya ba ni/ dpal u rgyan gyi yul de nyid na zhing pa pad+ma'i rdo rje zhes bya ba/ snga nas bdag dang bdag gir 'dzin pa shas chung ba gtsang ba dang / mi gtsang ba'i rnam par rtog pa dang dman pa zhig gnas pa las/ de dus gzhan zhig na sA lu'i zhing rmed pa las/ zhing gi las kyis sun pa gyur cing skyo ba shas cher skyes nas/ des bsam pa u rgyan gyi gnas 'di ni rnal 'byor pa sa gang zhes grags na/ kho bo yang rnal 'byor gcig/
- 11b
las yang dag pa'i lam btsal la/ rnal 'byor gyi spyod pa spyad par bya'o// zhes dam bcas pa las/ de'i lhag pa'i bsam pa rgya chen po de rnal 'byor pa mdun na 'don gyis mkhyen cing skal pa dang ldan par gzigs nas/ zhing po pad+ma'i rdo rje ga na ba der byon nas/ zhing ba pad+ma'i rdo rjes mthong nas/ rab tu dga' ba thob nas/ rkang pa la spyi bos gtugs te/ 'di skad ces smras te/ kye skyes bu chen po khyod ni rnal 'byor pa 'ga' zhig lags grang ni/ kho bo la rnal 'byor gyi spyod pa bstan du gsol/ zhes smras pa dang / rdzu \u0f7f/ sa 'jigagagyung pa na mi bskul ba'i spyod pa la spyad par gyis dang / rnal 'byor pa mthar phyin par 'gyur ro// zhes bsgo nas/ rang gi rnal 'byor gyi gnas su song bar gyur to// zhing pa pId+ma'i rdo rjes rnal 'byor pa thams cad kyi spyod pa rlabs po che/ sangs rgyas kyi yul la 'jug pa/ rnam par rtog pa'i rlung gis mi bsgyel ba legs par rtogs shing / dpal u rgyan gyi gnas de nyid kyang / skad cig de nyid la rin po che sna tshogs pas brgyan par mthong zhing / sngags kyi tshul gyis spyad pa spyod pa'i rnal 'byor pa dang rnal 'byor ma grub pa rnyed pa 'ba' zhig gis yongs su gang ba mthong ste/ rnal 'byor pa pad+ma'i rdo rje'i tshul ni de 'dra'o// dpal ldan lhan cig skyes rdo rje zhes bya ba ni/ dpal u rgyan gyi gnas de nyid na chang
- 12a
'tshong ma lhan cig skyes pa'i rdo rje zhes pa gnas pa las/ chang tshong ma des bsam pa/ e ma'o kho mo ni rtag par 'jig rten thams cad kyi bya ba 'chor bar byed pa'i chang 'di la spyod/ cing / gzhan la 'tshong pa ni cha ma yin gyis/ ma la da ni lhan cig skyes pa'i chang zhes bya ba/ dus gsum gyi sangs rgyas thams cad kyi gsol ba zhig yod kyang zer la/ de de ltar dpal u rgyan gyi gnas 'di na bzhugs pa'i rnal 'byor pa rnams kyis spyod ces grags pas/ kho mos kyang rnal 'byor pa 'ga' zhig la chang de btsal la longs sprad cing / gzhan dag la yang bstan par bya'o// zhes sems la dran zhing / tshig tu yang brjod nas de kun tu 'gro zhing kho mo la lhan cig skyes pa'i chang gis ro bstan du gsol zhes dus rtag par brjod pa las/ de'i sems rgya chen po de dag rnal 'byor pa pAd+ma'i rdo rjes mkhyen cing phyag rgya chen po'i 'bras bu mngon du byed par gzigs nas/ chang 'tshong ma ga la ba der byon nas/ phyag brkyang ba tsam gyis chang 'tshong ma de rab tu dga' nas/ rnal 'byor pa pad+ma'i rdo rje'i zhabs la mgo bos gtugs nas 'di skad ces gsol to// skyes bu chen po kho mo la lhan cig skyes pa'i btung ba bstan du gsol zhes zhus pa dang / rnal 'byor pa pAd+ma'i rdo rjes 'di skad ces gsungs so// rigs kyi bu sus kyang ma byas pa'i chang / de bzhin gshegs pa rnams kyis gsol ba zad pa med pa/ ma rig pa'i gnyid sangs par byed pa/ 'khor ba'i 'brog dgon par dal ba las dbugs 'don par byed pa 'thungs shig/ de ni 'di lta ste/ sangs rgyas thams cad kyi yul la 'jug pa mi zad pa'i za ma tog ces
- 12b
bya ba yang yin la/ bsam gyis mi khyab pa'i yul zhes bya ba yang yin te/ rigs kyi bu ting nge 'dzin de la mnyam par zhog dang / gdod lhan cig skyes pa'i chang sangs rgyas rnams kyis gsol pa/ 'gro ba kun la 'gyed nus pa khyod kyis myong zhing skom pa las sel bar 'gyur ro zhes sgo nas rnal 'byor gyi gnas su gshegs so// chang 'tshong ma des kyang ting nge 'dzin de la bzhag pa tsam gyis lhan cig skyes pa'i btung ba zad pa med pa'i gter zhes bya ba nyams su myong ste/ rnal 'byor ma lhan cig skyes pa'i rdo rje'i tshul ni de 'dra'o// // de bzhin dga' ba'adodza pa ldanas n+d+ha nA~M/ da saH gyi gnas da dan/ zag pa dag ba'i dzirjenas bya la 'byu ba gang dag mthong ba de dka la dga' ba'i sems bskyed pa cig gnas las/ tha ga pa zla bo dag la rnal 'byor gyi spyod pa spyad pa'i bsngags pa 'ba' zhig brjod cing / bdag nyid kyang 'di ltar sems te/ mal bdag ni dkyil 'khor gyi 'khor lo mngon du 'gro bas bla ma dam pa dag las mngon par dbang bskur ba thob ste/ mtshan ma med pa'i gnas la gnas shing rnal 'byor pa de dag dang 'grogs te/ de dag gi zhabs la bsnyen bkur byed na ci ma rung zhes yid la rtag tu byed pa las/ tha ga pa des de ma thag tu bya ba lhag ma dag yongs su spangs te/ bla ma dam pa dag las yongs su rnyed de/ yongs su rnyed nas/ mtshan ma med pa'i gnas la nam zhig 'god par 'gyur ba'i bla ma de 'dra ba tshol tshol ba las/ rnal 'byor ma lhan cig skyes pa'i rdo rje zhes bya ba/ bla ma dam pa rnams bsnyen bsnyen pa cag/ da ltar chang
- 13a
'tshong pa'i grong na rnal 'byor gyi spyod pa mdzad do zhes thos nas/ rnal 'byor pa des thag pa des sems kyi rgyan rjes su rtogs te/ 'di skad ces/ kye tha ga pa khyod kyis bsam pa rgya chen po de mchog tu legs so// myur ba myur bar dkyil 'khor gyi 'khor lo dam par zhugs shig dang / skyes bu chen po khyod kyis bsam pa rgya chen po kho bos myur du bskar ngo zhes smras pa dang / tha ga pa rab tu dga' nas zhabs la spyi bos gtugs te/ dkyil 'khor sngon du 'gro bas mngon par dbang bskur ba blangs pa/ tha ga pa de la mtshan ma med pa'i gnas la gnas sanas ma nga sa chu pa/ nga ga ba byong ba dag snang ba du / blag pa'i cha da na khyod kyi stod pa byed de/ 'byor bi'i rdo rje'i tshul ni de 'dra'o// // rdo rje dang ldan bram ze mo zhes bya ba ni/ dpal u rgyan gyi gnas de nyid na/ bram ze mo rdo rje zhes bya ba khrus dang gtsang sbra mthar phyin pa/ khrus dang gtsang sbra de tsam gyis dag pa dang grol bar 'dzin pa zhig gnas pa las de dus gzhan zhig na/ 'jug ngogs na khrus byed cing / de'i mthar rang gi sdug pa'i lha la mchod pa byed cing gnas pa las/ rnal 'byor pa dga' ba'i rdo rje zhes bya ba des bram ze mo de'i snga phyi'i lo rgyus/ tha ga pa gcig nas gcig tu brgyud pa la thos te/ bram ze mo de rjes su gzung bar bzhed de/ bram ze mo de'i 'jug ngogs su tha ga pa de song ba dang / bram ze me de yang de na khrus byed pa dang phrad de/ bram ze mo de la 'di skad ces smras so// ci bram ze mo khyod de ltar khrus byas pas phyi'i dri ma 'ba' zhig dag par lta ba'am/ 'on te nang yang
- 13b
dag par blta/ bram ze mos smras pa/ gnyis ka dag par blta ste legs ldan chen po tshangs pas kyang de skad ces bstan to// rnal 'byor pa dga' ba'i rdo rjes smras pa/ bram ze mo khyod kyis phyi'i dri ma dag pa la ni kho bo mi 'gegs kyi/ gal te khyod kyi phyi'i khrus kyi nang gi bdag nyid can yang dag par 'dod pa lta na ni kho bo dag par mi 'dod de/ de yang ji skad du/ gal te khrus kyis dag lta nA/ nya pa rnams kyang don byas shing // nyin dang mtshan du gnas pa yi// nya la sogs pa smos ci dgos/ zhes gsungs la gzhan yang sA lu'i sa bon las ni sA lu nyid 'byung gi/ khre rgod ni ma yin no// bram ze mo de bzhin du nyon mongs pa'i gzhi las nyon mongs pa nyid skye'i/ rnam par byang ba ni ma yin no// bram ze mos smras pa/ 'o na gang gis nang gi bdag nyid dag par 'gyur ba'i khrus de/ kho mo la bstan du gsol/ rnal 'byor pas smras pa/ gang lus dang ngag gi 'bad pa med pa'i khrus kyis dag par gyis shig dang / khyod kyi phyi nang ma lus par dag par 'gyur ro// smras pa skyes bu chen po de lta bu'i khrus de kho mos mi 'tshal gyis/ legs par bstan du gsol zhes smras nas/ snyim pa me tog gis bkang ste/ rang nyid kyi stong g.yogs dang bcas pa phul lo// rnal 'byor pas smras pa/ bram ze mo na mkha' yongs su dag pa'i dbyings nas sprin dag byung nas de nyid du thim pa 'am/ chu klung yongs su drangs pa las nya dag byung ba ji lta ba bzhin du/ bram ze mo khyod kyi sems la lta bar gyis dang / gdod sangs rgyas thams cad kyi yul la 'jug pa'i ye shes kyi chu zhes bya ba se bdag tu lta ba'i 'dri ma ma
- 14a
lus par 'dag par 'gyur ro zhes bsgo nas/ rang gi gnas su dengs te/ bram ze mo des kyang sangs rgyas thams cad kyi yul la 'jug pa'i ye shes kyi tshul ji lta ba bzhin du/ rtogs te/ bdag tu lta ba'i dri ma can gyi bram ze gzhan rnams kyang 'dren cing gnas te/ bram ze mo de'i tshul ni de 'dra'o// // de bzhin grub pa'i rdo rje dpal zhes bya ba ni/ dpal u rgyan gyi gnas de nyid na/ 'dreg mkhan grub pa'i rdo rje zhes bya ba gnas pa las/ de dman pa'i lus kyis yid byung nas/ bram ze mo rdo rje zhes bya ba'i rnal 'byor ma zhig yod pa thos nas/ de'i drung du phyin pa dang / rnal 'byor ma des kyang de'i bsam pa rtogs nas de la gso sbyong gi sdom pa byin te/ mthar gyis bcom ldan 'das sangs rgyas thams cad mnyam par 'dus pa zhes bya ba'i dkyil 'khor du bkod cing / rtogs pa'i rnal 'byor la mthar phyin par gyur te/ de'i sems kyi mos pa dang lhag pa'i bsam pa rgya chen po rnal 'byor ma des mkhyen nas/ 'dreg mkhan de la sangs rgyas thams cad kyi yul la 'jug pa nas/ na mkha' mdzod kyi gter zhes bya ba skad cig tsam gyis bstan pa dang / 'dreg mkhan des kyang skad cag de nyid la ting nge 'dzin de yi la byas pa tsam gyis lha'i mig la sogs pa mngon par shes pa dang yang ldan la/ rnal 'byor gyi spyod pa 'gro ba gzhan gyi don mdzad cing gnas te/ rnal 'byor pa grub pa'i rdo rje'i tshul ni de 'dra'o// dpal ldan gshin rje'i rgyal po 'di zhes bya ba ni/ gong du brjod pa'i lhan cig skyes pa'i ting nge 'dzin/ sangs rgyas thams cad kyi yul la 'jug pa/ bsam du med pa/ thogs pa med pa/ nam mkha'
- 14b
mdzod kyi gter zhes bya ba tha snyad sna tshogs pas mtshon pa 'di nyid de/ ting nge 'dzin 'di nyid kyis khams gsum pa thams cad kyi bdag tu rtog pa'i bgegs mthar byed pa'i phyir ro// de bas na gshin rje ste/ gang la gshin rje'i ngang tshul yod pa de ni gshan rje zhes bya zhing / des bdag cag rnams kyi dpal du byed pas/ dpal gshin rje'i rgyal po zhes bya'o// 'di zhes bya ba ni byed pa'i sgra ru sbyar te/ 'di ltar dpal ldan 'khor lo'i mngon brjod pas/ zhes bya bas/ srid pa'i 'khor lo gang zhig dpal gyi 'byor pa phun sum tshogs par mngon par bstod cing ston pa ste/ sa rna las sud+d+ha nas// dbas na dpal lda 'a pa'i mdudu badzud pa'is byag/ zlu ma dag sung ga zhing ldog pa/ zhes bya ba na/ sa'i bdag pa dbang po'i N+Da las de kyi pas/ rab tu g.yengs par gyur pa las/ dpal mo bdag gis rgyal srid kyi 'byor pa spyod pa la bkod de/ shAkya'i dge slong gyis zhes bsgos nas des kyang rgyal srid kyi 'byor po mchil ma'i thal ba ltar bor nas/ dge 'dun gyi gtsug lag khang du dge slong gi dngos por gyur nas/ chos gos ngur smrig yang dag par blangs te/ mkhan po dang slob dpon gyi rjes su yang dag par slob pa las/ da dung // slob dpon dang mdun na 'don la sogs pas bsnyen bkur zhing rjes su 'brangs pa las/ de'i dge ba'i phyogs kyi bgegs su gyur to// dus de na kho mo dpal gyi ri zhes bya ba la gnas pa dang / dpal mos ltos shig sa bdag ltos// mi dbang sa bdag ming po ltos// da dung rgyal srid 'byor pa yis// mi dbang rnal 'byor gegs byed do// zhes na mkha' la sgrar grags par gyur to// de ma/
- 15a
thag tu kho mos dpal u rgyan gyi gnas/ mi dbang dge slong ga la ba der phyin no// gzhan gyis rig par yongs ma gyur// kho mo'i rkang par de btud nas// a ho lak+Shi ma zhes kyang brjod// dga' ba'i mdangs kyis me tog gtor// de la kho mos 'di skad ces/ kye dbang po blo khyod rgyal po 'byor pas/ 'khor ba'i g.yang sa chen por khrid pa'i gnas yongs su dor la/ dge slong gi dngos po zung cig ces bsgo ba yin na/ ci ga da dung dge slong du gyur kyang 'dor bar mi byed dam zhes smras so// dge slong des kho mo la 'di skad ces/ kye sring mo bdag gisi ni rgyal sa ma la ma'i thal bkar bar lags ng+yas kyang / grwa ba nags rten po 'di dag ni da ltar ni bdag gi snang bzhin zung ba lags na/ de bdag gis ji ltar bsgrub par ba gsungs shig ces zer ba las/ kho mos de la dur khrod du sod la de nyid yid la byos shig ces bsgo ba na/ dge slong gis bdag gi ngag gi rjes su zhugs te mtshan phyed na langs te/ mkhan po dang dge 'dun la sogs pas dur khrod du gnas pa'i bgegs byed pa'i 'jigs pa dang ldan pas mkhan po dang slob dpon la sogs pa gnyid kyis yongs su non pa gang na ba der song ste/ de dag gis mi tshor ba'i tshul du rkad pa la gtugs nas/ gtsug lag khang la bltos pa med par dur khrod du song ste/ de nyid yid la byed cing gnas pa na/ rgyal po'i btsun mo'i tshogs// / sngags 'chang ma rnams kyis dge slong de'i sems kyis lhag pa'i bsam pa brtan nam mi brtan zhes co 'dri bar bsams pa las/ dge slong de sangs rgyas thams cad kyi yul la 'jug pa'i
- 15b
ting nge 'dzin yid la byed la/ byed pa'i stobs kyis sngags 'chang ma rnams kyis mthong bar ma gyur cing / dge slong de'i la ba tsam cig sdang ba la 'di skad ces brjod de/ e ma shAkya'i dge slong dag ni g.yo na ste/ la ba ltar lus bskur ba yin grang / la ba 'di nyid bza' 'o zhes/ la ba dum bur byas te khar so sor bcug pa las/ sngags 'chang ma de rnams ma lus pa lug lta bur gyur te/ yul bor nas rgyal po'i thad du lhags te/ 'di skad ces kye rgyal po bdag cag rnams dge slong dur khrod pas 'di ltar bgyis te/ e ma kyi hud rgyal pos skab tu gsol zhes brjod do// rgyal pos btsun mo rnams mthong bas mya ngan gyis gdungs nas/ dge slong ga la ba der khrid de zhabs la gdugs nas/ 'di skad ces 'phags pa'i rnal 'byor la tsi dri ba bzod par gsol zhes smras pa dang / dge slong gis rgyal po de la 'di skad ces/ kye rgyal po'i btsun mo 'di dag gis kho bo'i la bzos pa phyir byin cig ces smras pa dang / de dag gisal ba'i dum bu rnams phyir skyugs te/ sngon ji lta ba bzhin sbubs nas phul ba tsam gyis kyang lug lta bu'i dngos po las slar log par gyur te/ dge slong rnal 'byor pa de la gzhan dag tu lab pa la ba pa zhes kyang grags te/ ting nge 'dzin de'i byin gyis rlabs ni de dang 'dra'o// // de bzhin gzhan yang gang zhig lnga zhes bya ba ni/ gong du brjod pa'i rnal 'byor pa rnams la/ rang las byung ba'i bde ba dang ldan pas lha yin la/ de las gzhan pa'i lha'i rnal 'byor pa gzhan yang yod de/ dpal ldan kun 'gro'i mgon po dang / zhes bya ba ni/ dpal u rgyan gyi gnas 'di nyid na/ dpal kun 'gro'i mgon po zhes bya ba'i rnal 'byor pa zhig dpal u rgyan gyi gnas kun tu
- 16a
'gro zhing / de kho na nyid tshol tshol ba dang / rnal 'byor pa grub pa'i rdo rje zhes bya ba'i drung du phyin te/ lo du ma bsnyen bkur nas/ de kho na nyid srul du gsol zhes gsol pa dang / rnal 'byor pa des 'di skad ces/ rigs kyi bu dus gsum gyi de bzhin gshegs pa thams cad kyi sku gsung thugs ye shes kyis de kho na nyid ni 'bad pa dang / yi ge dang brda' dang / brjod pa dang / sgra'i yul ma yin te/ de kho na nyid ni sangs rgyas thams cad kyi yul la 'jug pa zhes bya ba yin pas/ 'bad pa dang / yi ge dang / brda' dang / sgra brjod pa dang sgras rnyed par 'gyur ro// nas brjod ma thag tu tud de 'dzin nad mngon par gsal bar gyu te/ rnal khyer pa kun 'grom gan pa'i tshal de 'dug// de bzhinang pa la ldan thugs rje rjenas zla ba~M nI/ dpal u D+yan gyi yul 'di nyid na/ rnal 'byor pa thugs kyi rdo rje zhes bya ba bdag dang 'gro ba thams cad kyi sems kyi rgyun la kun tu spyod cing sems kyi rang bzhin tshol te/ rnal 'byor pa dag gi drung du 'gro zhing sems kyi rang bzhin ci 'dra ba'i man ngag zhu ba dang / des rnal 'byor pa kun 'gro mgon po zhes bya ba/ 'gro ba rnams kyi sems kyi rgyun la mkhas pa zhig yod ces thos te/ deg na ba der song nas rnal 'byor pa de la ji lta ba'i bsnyen bkur phul nas sems kyi rang bzhin dris pa dang / rnal 'byor pa kun 'gro mgon pos 'di skad ces rigs kyi bu dper nan mkha' ni kha dog ma yin/ dbyibs ma yin/ tshad ma yin/ bstan du med pa/ rdzas su grub pa med pa'o// rigs kyi bu de bzhin du 'gro ba rnams kyi sems kyi rgyun gyi rang bzhin yang / na mkha' ltar kha dog ma yin/ dbyibs ma
- 16b
yin/ tshad ma yin/ bstan du med pa/ rdzas su grub pa med pa'o zhes brjod pa tsam gyis/ rnal 'byor pa de sangs rgyas thams cad kyi yul la 'jug pa zhes bya ba yang shes khong du chud la/ 'gro ba rnams kyi sems kyi rang bzhin yang ji lta ba bzhin du shes par gyur te/ rnal 'byor pa thugs kyi rdo rje de'i tshul ni de 'dra'o// // de ltar kho mos kyang lhan cig skyes pa'i ting nge 'dzin sangs rgyas thams cad kyi yul la 'jug pa/ bsam du med pa/ thogs pa med pa/ na mkha' mdzod kyi gter zhes bya ba/ 'gro ba thams cad kyi rgyun rtogs par byed pa 'di tshol ba las/ rnal 'byor pa thugs kyi rdo rje zhes bya ba zhig ting nge 'dzin 'di'i rang bzhin la mkhas zhes bya ba thos nas/ de'i drung du phyin de kho mas lo du mar mchog gi rnal 'byor pa de'i zhabs la bsnyen bkur te/ de'i mthur ting nge 'dzin de gnang nas kho mos dpal gyi ril yid la byas pa las mngon du gyur pa yin zhing / sa'i bdag po dbang po'i blo la rnam grangs du mas bstan cing khong du chud par bya ste/ rgyal srid kyi 'byor pa dang bral nas/ dur khrod du bsnyen pa las mngon du gyur pa yin no// de ltar brjod pa'i rim pas lhan cig skyes pa'i ting nge 'dzin 'di ni rnyed par dka' la/ nyan thos dang rang sangs rgyas dang / byis pa phal pa rnams kyis rnyed par rab tu dka' zhing / bla ma legs par bsten pa skal pa dang ldan pa rnams kyi spyod yul yin zhes dgongs so// dpal ldan rol pa'i lha mo sogs// yang dang yang du kun la 'dud/ ces bya ba ni/ sa'i bdag po dbang po'i blos lhan cig skyes pa'i gzhung gi dum bu lnga bcu rtsa brgyad po 'di rtsom par 'dod pas/ bar du bgegs mi 'jug par bya ba'i
- 17a
phyir dang / tshogs bsags pa'i phyir sngon gyi bla ma dpal u D+yan gyi gnas na bzhugs pa'i rnal 'byor chen po rnams la gus pa'i tshul gyis mchod par brjod pa yin no// de rnams zhabs la phyag byas nas// gzhung lugs mtha' ni brjod par bya/ zhes bya ba ni/ bla ma rnal 'byor chen po de rnams la phyag byas nas/ lhan cig skyes pa'i man ngag bla ma dam pa rnams kyi zhal las phyung ba rnyed par dka' ba'i tshul bdag gse gsal bar bya zhes bya ba'i don to// kun 'gro lhan cig skyes zhi ba/ zhes bya ba ni/ lhan cig skyes pa gang yin pa de 'gro ba kun la khyab par gnas par ston to// 'di ltar re zhig lhan cig skyes pa'i rang bzhin gang zhig ma shes pa de ni sdug bsngal dang mtshungs par lhan cig ste/ de bas sa ha dza zhes bya la/ de yang 'di skad du/ 'bum phrag lnga pa'i kye'i rdo rje'i rgyud las/ lus can thams cad sdug bsngal lo// ha zhes smre sngags 'don zhing 'byung // rga shi'i rang bzhin lus can rnams// de ltar sdug bsngal dang mtshungs skye// yang lus can thams cad skye ba na// ha zhes srog rlung phyir 'byung la// rga shi de yi dbang gis 'byung // de phyir rga shi med la 'bad// yang khu ba'i khams ni ji snyed pa// de rAd ha zhes dbugs kyis ni// dbang po'i lam nas 'dzag par byed// gang des skye dang 'chi ba nas// yang / lus can 'di dag thams cad ni// ra zhes nga rgyal gyis bcings te// rigs su bzung bas 'phung grol byed// de bas bdag 'dzin rnam spang bya// zhes gsungs la/ gzhan yang sdug bsngal gyi phung po de dag las go bzlog ste/ bzod ma nas lhan cig skyes pa'i chos rnams kyi de bzhin nyid gang yin pa de la skyes bu gang zhig gnas pa de lta na ni/ zhi ba'i bdag nyid du lhan cig gnas
- 17b
pa yin te/ yang ji skad du/ 'bum phrag lnga pa'i kye'i rdo rje'i de nyid las// thams cad gzod nas bdag nyid gnas// ha zhes rol cing rgod pas gnas// rga shi med par de gnas shing // lhan cig skyes pas rnam par rol// yang lus can 'di dag thams cad ni// 'di nyid kyis ni dbugs 'byin cing // dngos med gzhi las skyes par byed// de 'di lhan cig skyes pa yin// yang // 'gro kun gzod ma nyad nas stong // rgya rkyen gang gis stong ma byas// 'di las skye rga yod ma yin// lhan cig skyes par de ltar brjod// ces gsungs so// de bas na lhan cig skyes pa zhes bya ba'i// sgra'i don ni de ltar rtogs par bya ba'i don to// rtag tu 'byung zhing rang la gnas/ zhes bya ba ni/ gong du brjod pa'i rim pa de ltar lus can kun+da la gnas so zhes pa'i don to// dus kun tu ni mi zad pa zhes bya ba ni/ de ltar gong du brjod pa'i bde ba dang sdug bsngal gyi bdag nyidi// gnas skabs rnam pa gnyis po zad cing dengs pa yin la/ de la cag shos sangs rgyas thams cad kyi yul la 'jug pa zhes bya ba'i rang bzhin ni/ rtog pas brtags pa spangs pa nyid ces smos te/ sangs rgyas thams cad kyi yul la 'jug pa gang yin pa de ni rtog pa'i rnal 'byor gyis// / rnyed par mi 'gyur ro zhes bya ba'i don to// rang dang phyi rol nang na gnas/ zhes bya ba ni/ ma brtags pa'i de kho na nyid rgyu ba dang mi rgyu ba'i dngos po thams cad kyis rang bzhin la gnas zhes dgongs so// phyi dang nang las ma skyes pa zhes bya ba ni/ de ltar rgyu ba dang mi rgyu ba mtha' dag la gnas kyang / bskyed bya dang skyed byed kyi tshul du gnas pa ma ya na no zhes bya ba'i don to// zung 'jug/
- 18a
tshig gi don du ni// rgyu dang mi rgyu'i gnas pa la// dus kun tu ni yang dag gnas/ zhes bya ba ni/ lhan cig skyes pa zhes bya ba de yod pa 'am/ med pa 'am/ gnyis ka las 'das pa zhe'am/ rtag pa 'am/ mi rtag pa 'am/ bde ba 'am/ sdug bsngal ba 'am/ bdag gam/ bdag med pa 'am/ nyin mo zhe 'am/ mtshan mo zhe 'am/ 'khor ba zhe 'am/ mya ngan las 'das pa zhes gang gis/ brjod pa'i mtha' dang bral ba'i mtshan nyid de/ de bas rgyu ba dang mi rgyu ba thams cad dus chad pa med par gnas zhes dgongs so// de ltar na 'gro ba rnams de kho na nyid de dang ldan pas/ bla mas bsgo ba ci zhig bya zhe na/ gzhung las ma gtogs rnyed mi 'gyur/ zhes smos te/ dper na bud med dbul mo zhig la lto ba na bu gling bzhi la dbang byed pa yod kyang / rang nyid slong ba 'ba' zhig yid la byed pa ltar/ so so'i skye bo gang yin pa de dag kyang de dang 'dra ba de bas na/ kye sems can rnams bla ma'i yon tan rin po che gter yang dag par bsten cig ces bya ba'i don to// gang dang mtshungs par skye ba'o// des na lhan cig skyes par brjod/ ces bya ba'i lhan cig skyes pa'i de kho na/ gang zhig rgyu ba dang mi rgyu ba'i dngos po rnams dang lhan cig tu gnas pa de bas de skad ces bya'o// rtog pa'i bdag nyid can gyis lhan cig skyes pa phyin ci ma log pa'i de bzhin nyid la reg pa med pas/ lhan cig skyes pa rtog pa med/ mi rtog las skyes lhan cig skyes zhes bya'o// sangs rgyas rnams la lhan cig skyes// rdzogs pa'i byang chub ster mdzad pa/ zhes bya ba ni/ gang zhig ji ltar gnas pa de ltar gnas pa'i tshul du gnas pas/ bde bar gshegs pa rnams kyis
- 18b
kyang yang dag par rdzogs pa'i byang chub brnyes so zhes bya'o// sems kyi bcos pa kho nar bdud du bstan cing / 'bad pas lhan cig skyes pa thob pa med do zhes bstan par bya ba'i ched du/ rtog las phyi rol lhan cig skyes// blang bya dor bya spangs pa nyid// gang du ji lta de lta bur// de ni 'bad pa med pas thob ces bya ba smos te/ ting nge 'dzin 'di la ni gnas kyi nges pa'am/ reb 'am/ rigs pa'am/ 'dug stangs sam/ zas kyi bye brag gam/ phyag rgya btsong ba 'am/ me thab bam/ gza' dang chos grangs lnga sogs pa sa rnam par dben pa yin te/ de lta bu dag ni ban+d+has pa'i rnal 'byor zhes bya'o// brtags pa ma yin pa dang / brtags pas ma brtags pa 'thob pa ni 'gal ba yin no// gzhan yang ji skad du/ ji srid yid kyi rnam g.yo ba// de srid bdud kyi spyod yul yin/ zhes bya ba la sogs pa rgya cher gsungs so// the tshom med cing rtog med pa/ mngon sum du ni rnyed par 'gyur zhes bya ba ni gong du brjod pa'i lhan cig skyes pa'i the tshom dang rtog pa'i dra ba thams cad gcod pa bla ma dam pa las mngon sum du rtogs te legs par nyams su myong ba de lta bu ni/ nyin mtshan bskal pa de bzhin lo// skal pa bye ba brgya dag gam// rgyun mi 'chang par dus kun tu// lhan cig skyes pa thob par 'gyur/ zhes bya ba smos te/ tshig 'di'i don ni gang yang sangs rgyas thams cad kyi yul la 'jug pa bsam gyis mi khyab pa'i dbyings de la gnas pa na/ de bzhin gshegs pa thams cad kyi sku dang / gsung dang thugs ye shes kyi gsang ba'i dam tshig ces bya ba dri ma med pa'i chu bo'i rgyun ltar 'bab pa yin la/ chu rgyun de yang bdag nyid 'dod
- 19a
na ni/ nyin mtshan gyi grangs sam/ zla ba'i grangs sam/ lo'i grangs sam/ bskal pa bye ba bsam gris mi khyab pa'i grangs su yang dus kun du rgyun mi 'chad par gnas pa yin zhing / nyams su myong ba yin no// gang yang rgyu rten de ni bsam gyis mi khyab pa'i dbyings dang / stong pa nyid du dus kyi mtha' med ces bya bar gsungs pa/ 'og min gyi gnas dpal rnam par snang mdzad kyi zhing khams ye shes gang chen mtsho zhes bya ba nas rab tu 'bab ste/ srid pa gsum na gnas pa'i sems can nyi ma'i zer rab tu tsha bas 'khri shing dang gel pa la sogs pa bsregs paltar gnas pa rnams la/ gnyis su med pa'i ye shes kyi myu gu skyed par byed pa yang yin no// gzhan yang dri ma med pa'i ye shes kyi chu rgyun 'di kho na/ rnal 'byor chen po'i rgyud thabs kyi bdag nyid dang / shes rab kyi bdag nyid kyi rgyud du thabs sam man ngag dam pa zhes bstan la/ theg pa zhan dag gam/ bya ba 'am/ rnal 'byor gyi rgyud la sogs pa las khyad par 'phags par ston to// rtog pa brul zhing mngon sum po// rgyal ba yid kyis nang nas gsungs zhes bya ba ni/ lhan cig skyes pa ma bcos pa gang yin pa de/ rnal 'byor pa'i mngon sum pa'i rtog pa dang bral ba yin no// de nyid rtsom pa med pa'i brtson 'grus kyis phrad de/ rnam par shes pa'i thugs kyi rdo rje dngos kyi rang bzhin du gnas zhes rdo rje 'chang rnams kyis gsungs so// rtag dang chad dang bral ba nyid ces bya ba ni rtag chad du lta ba spangs pa'o// mtshon par byed pa dang mtshan gzhi rtag pa spangs pas na/ mtshan dang mtshan gzhi spangs pa nyid ces bya'o// gzhan yang snying rje'i mngon brjod
- 19b
pa zhes bya ba yang / snying rje ni rnam pa gsum ste/ sems can la dmigs pa'i zhes bya ba dkar po ches gcig nas lnga'i bar dang / chos la dmigs pa zhes bya ba drug nas bcu'i bar dang / dmigs pa med pa zhes bya ba bcu gcig nas bco lnga'i bar yin la/ de lta bu'i snying rje nang gi bdag nyid can dag la snying rje zhes bya ba brjod par bya'o// de nyid bskul zhing 'dzag pa med pa'i byed pa po dmigs pa med pa'i shes rab kyi pha rol tu phyin pa'o// lhan cig skyes par yongs brjod bya// zhes bya ba ni/ de ltar skur bar byed pas bskul bar bya ba/ bskul ba'i bde ba chen po gang yin pa de lhan cig skyes chen po yin zhes dgongs so// lhan cig skyes 'di dngos rnams kyi// rgyu dag tu ni yongs su brjod/ ces bya ba ni/ lhan cig skyes pa 'di nyid yongs su shes pa de lta na ni byang ba dang grol ba'i gzhi yin la/ yongs su ma shes pas sdug bsngal gyi phung po chen po yongs su bskyed pa 'am/ yang na/ sangs rgyas rang sangs rgyas rnams dang / nyan thos rnams kyis khyod bsten na/ thar pa'i lam ni gcig nyid khyod// gzhan dag med ces bya bar nges// zhes bya ba'i don to// la las bdag ni lhan cig skyes// kha cig rmongs pas dbang phyug ste/ zhes pa ni/ byis pa'i skye bo kha cig bdag rtag pa la lhan cig skyes pa zhes zer ro// kha cig phywa 'am dbang phyug ces bya ba legs pa dang nyes pa spyad pa'i 'bras bu ma yin pa phra 'am/ dbang phyug de dag legs par mchod na bdag 'dod pa ster ro// zhes de la lhan cig skyes par rtog go/ 'o na gang yin snyam pa las/ bdag bcas ma yin bdag med pa// rtog pa gnyis ni spangs pa nyid/ ces bya
- 20a
ba smos te/ lhan cig skyes pa ni chos dang gang zag gi bdag nyid las kyang stong pa ste/ de bas na rtog pa gnyis spangs pa'i bdag med pa kho na la brjod par bya'o// gang la gnyis kyi 'du shes med/ pa de la/ zung 'jug gi go 'phong ste/ de zhes bya ba lhan cig skyes pa de zhes sbyor ro// rgyal bas lhan cig skyes par gsungs zhes bya ba ni/ gzhan yang gnyis kyi 'du shes spangs pa'i zung 'jug la gnas pa lhan cig skyes par gsungs so// sus zhe na/ rgyal bas zhes bya ba smos so// de nyid srog chags rnams kyi srog ces bya ba ni/ gang zhig yongs su shes na de ni skye bo thams cad kyi srog chen po yang na la ka/ du shA sa gang pa gsum ste/ de yang lhan cig skyes pa yin te/ de bas 'gro ba kun la khyab cing lus thams cad la dbyer med par gnas zhes bya ba'i don to// bud med ni mi mo'o// byis pa ni don la shed ma bye ba'o// pa lang rdzi ni ba lang skyong ngo // kla klo ni gang la chos med pa de'o// rigs ngan ni gdol pa'o// chu yi nang gnas sems can dang / zhes bya ba ni/ chu'i skye bo ste chu mi la sogs pa'o// lha ni rgyal po chen po bzhi la sogs pa'o// gnod sbyin ni 'gro ba'i mdangs 'phrog pa la sogs pa'o// klu ni dga' bo la sogs pa ste/ de dag gi tshogs la bcas pa zhes bya'o// de rnams lhan cig skyes mi shes zhes bya ba ni/ 'gro ba de rnams kyis lhan cig skyes pa gang zhig ma shes pas srid pa gsum gyi 'gro ba'i grong khyer dag tu 'khyam pa yang yin no// sangs rgyas bdag nyid lus la ni// zhes bya ba ni//
- 20b
lus can thams cad kyi phung po dang / khams dang / skye mched rnams gzod ma nas sangs rgyas kyi rang bzhin yin no// de bas de'i phyir dngos grub bde ba mi nus shing / zhes bya ba ste/ sangs rgyas kyi rang bzhin du lnga zhing rtog par mi byed pa'i phyir/ bdag nyid 'phrog pa'i chom rkun te zhes smos te/ rang gis rang 'joms pa'i phyir ro// de yis sdig pa ma byas sam/ zhes pa ni/ gang zhig gang gi rang bzhin la// de dang de yi rang bzhin du// ma byas de phyir sdig can no// bdag nyid 'di dag gzhan pa las/ zhes pa ni/ lus can rnams kyi stong par gzhan pa la/ gzhan dag du rtog par byed ces bya ste/ bdag med pa la bdag tu rtog pa'i phyir na'o// de'i phyir na yang bdag nyid 'phros pa'i chom rkun te/ de'i sdig pa ma byas sam/ zhes bya ste/ gong ma bzhin du sbyor ro// 'o na ci zhe na/ bdag nyid nges par sangs rgyas kun/ zhes bya ba smos te/ kye sems can rnams ma rtogs pa'i phyir/ sems can zhes pa'i ming yin la/ rtog pas sangs rgyas zhes bya ba yin zhes bya ba'i don to// mdza' bo thams cad nyid kyang ngo // zhes bya ba ni/ bdag nyid sangs rgyas kun gyi rang bzhin gang yin pa de ni/ mdza' bo dang / grogs dang / pha ma dang / rtsa lag la sogs pa yang yin zhes pa'i don to// rang gi lhag pa'i sbyor ba ya si zhes pa ni 'dod pa'i lhar sbyor bas so// de phyir bdag nyid bsgrubs par bya/ zhes pa ni bdag nyid lhan cig skyes/ pa'i sangs rgyas yin/ de bas na sangs rgyas lhan cig skyes por shes par gyis shig ces pa'i don to// lus gnas lus ma skyes pa zhes pa ni/ lhan cig skyes pa mi rtog pa gang yin pa
- 21a
de lus la gnas kyang lus kyi rgyu'i tshul du skyed pa ni med do// rtog pa gnyis ni zhes ni/ gzung ba dang / 'dzin pa dang / yod pa dang med pa'am/ rtag pa dang chad par rtog pa yin la lhan cig skyes pa la de mi mnga' bas spangs pa'o// khyab bya khyab byed tshul gyis ni/ dngos po kun la yang dag gnas zhes bya ba ni/ rgyu ba dang mi rgyu ba'i dngos po khyab par bya ba lhan cig skyes pa'i ngo bos khyab nas gnas zhes bya ba'i don to// lha dang lha min klur bcas dang / thub pa rnams dang drang srong dang / zhes pa ni/ lha ni sngon du bstan pa'o// lha ma yin ni chang la mi dga' ba 'am/ kun nas stobs dang ldan pa'o// klu ni dga' bo la sogs pa ste/ sngon du bstan to// thub pa ni me sbyin la sogs pa'o// drang srong ni rgyas pa la sogs pa'o// bdag tu 'dzin pa mthar gnas pa/ zhes bya ba/ bdag med pa la bdag tu lta ba'i phyir/ glen pa rmongs pa yin la/ de bas na lhan cig skyes pa mi shes so// mchog gi go 'phang mi shes phyir// rmongs pa thams cad nyon mongs 'gyur/ zhes bya ba ni// lhan cig skyes pa'i mchog gi gnas ma shes pas 'khor bar nyon mongs shing sdug bsngal lo zhes bya ba'i don to// bskal pa gsum du ngal byas nas zhes bya ba ni/ bskal pa chen po grangs med pa gsum du/ sa dma' ba'i tshul khrims su khas len cing lha dang mi'i 'byor pa'i stegs tsam tshol zhing / dag pa dang grol bar 'dzin pa yin te/ 'di ltar bdag nyid gcig pu 'dul ba po zhes bya ba/ sems/ bskyed pa dman pas ji srid mtsho'i bar du zhes dam bca' ba'i phyir dang / bdag nyid gcig pu dul zhing zhi ba'i bsam pa dang ldan pa'i phyir dang / rnam pa kun tu 'di dag mni na'ang zhes bya ba/ bdag
- 21b
nyid gcig pu zhi zhing dul ba las/ gzhan du 'gro ba gzhan ni rnam pa kun tu zhi zhing dul ba la mi brtson pa ste/ bdag nyid 'ba' zhig 'jug pa bani dang 'bras bu bzhi tsam zhig gis chog par 'dzin pa ni/ nyan thos pa'i byang chub 'dod ces bya ba yin no// de bas kyang lhan cig skyes pa mi shes zhes bya ba'i don to// dbu ma'i 'dod lugs gzhung gi tshul/ de ni rtsod pa kun la mes/ zhes bya/ ba ni/ rtog ge pa gang zhig dbu ma pa khas len cing dam bca' ba dang / rtags kyi rjes su 'gro ba dang / ldog pa tsam gyis gzhan dag sun 'don cing / bdag rang gi gzhung yang chos thams cad dbus dang mtha' dmigs su med do zhes dam bca' ba dang / gtan tshigs la sogs pa tsam gyis sgrub ste/ gang yang tshig tsam gyi chos thams cad stong par brjod pa rtog ge pa rtsod pa la mos pa zhes bya ba yin la/ skyes bu de dag gis chos thams cad bdag yod pa 'am/ med par dam bca' ba la sogs pa'i sbyor bas/ bskal pa'i yal kar te/ bskal pa grangs med par brtsad kyang ngal ba don med pa yin pas/ lhan cig skyes pa'i rang bzhin de yis kun nas mi shes so zhes bya ba'i don to// 'di lta ste dper na skyes bu 'ga' zhig gla rtsi'i dri nyams su mi myong bas/ gla rtsi'i yon tan skyes bu gzhan dag la ston pa dang / mtshungs pa ni dbu ma'i gzhung yin te/ gang yang rdo rje 'chang gis gsungs pa'i chos thams cad stong pa dang / zhi ba dang bdag med pa nyid nyams su myong zhing / gzhan la yang tshig gis mtshon par byed cing ston par byed dag gi rnal 'byor pa ni kho bo 'gog par mi byed do// theg chen shin tu yangs pa la/ zhes bya ba ni/ sangs rgyas thams cad kyi sku dang / gsung dang thugs kyi gsang ba ston par
- 22a
byed pa rnal 'byor chen po'i rgyud do// rgyal ba mchog ces pa ni/ rdo rje 'chang rnams so// sngon gsungs pa zhes pa ni lhan cig skyes pa'o// 'di ltar gcig pu nyid kyis zhes pa ni/ sangs rgyas thams cad kyi yul la 'jug pa rtog pa'i dri mas dben pa'i ting nge 'dzin 'di gcig pu nyid kyis so// yang dag rdzogs pa'i byang chub mchog/ phyag na rdo rje'i rim pas 'ongs zhes pa ni/ gsang ba'i bdag po'i sprul pa las brgyad de/ gong du bstan pa nyid do// rna ba nas ni rna bar rnyed ces pa ni/ bla ma gcig nas gcig tu rna ba nas rna bar brgyud pa yin zhing / gzhung gi tshogs nas mi rnyed ces bya ba'i don to// gang la byang chub gzhung gnas pa// bla ma de yis 'gro ba sgol// zhes bya ba/ gang yang sangs rgyas thams cad kyi yul la 'jug pa na mkha' mdzod kyi gter gyi ting nge 'dzin gyi gzhung gang la gnas pa'i bla ma chen po des/ kye bo skal pa dang ldan pa rnams grol bar nus kyi/ gzhan du tshig tsam dang kun du brtags pas mi grol zhes bya ba'i don to// bsgom bya ba sgom byed 'brel pa'am zhes bya ba ni/ lhan cig skyes pa bsgom par 'dod pa rnams kyis kyang / bsgom par bya zhe'am/ bsgom pa po zhes ni nam du yang brtag par mi bya'o zhes pa'i don to// yang dang yang du brtags pa ni// zhes pa ni/ gdan dang sa bon dang mtshan ma la sogs pa'am/ rtsa'am/ thig le 'am/ rlung gi gong bu 'am/ skra 'am/ zla ba'i dum bu'am/ lte bar me'i gzugs la sogs pa yang dang yang du mi brtag par bya'o zhes pa'i don to// ci'i phyir mi brtag snyam pa las/ rtog pa bsgom pa'i bdag nyid kyis// dngos grub don du sgrub pa'i thabs shes bya ba smos te/ rdo rje 'chang chen po'i gnas kyi dngos grub 'dong
- 22b
pa gang dag yin pa de dag gis kun brtags pa'i rnal 'byor gyis rdo rje 'chang gi gnas la reg pa med de brtags pa yin pa'i phyir ro// gang yang gnas de ni ma brtags pa/ 'dus ma byas pa/ rgyu rkyen m+b+hi ma bskyed pa/ rdo rje ltar gnog tu med pa'i phyir ro// dbas na de'i gyur/ de kun drug curna la 'byor bas// dor pa nyid du yongs su brtags/ zhes bya ba smos so// brtags pa'i bdag nyid kyi ting nge 'dzin gang dag yin pa de dag yongs su spangs zhes bya'o// de bzhin du yang zhes pa ni mdor bsdus pa'i tshul lo// ji srid ji srid rnam rtog pa// de srid thams cad kun nas brdzun zhes bya ba ni/ mdor na ji srid du rnam par rtog pa yin pa de srid du brdzun pa dang / slu ba'i chos can yin pas spang zhes pa'o// mi 'gyur ba'i chos can gang yin zhe na/ gang zhig de nyid ma brtags pa/ de bzhin yang dag de bden pa zhes bya ba smos te/ gang zhig ste/ ting nge 'dzin gang zhig ma brtags pa dang / ma bcos pa dang / btsal ba thams cad dang bral ba de ni/ bden pa dang / rtag pa dang / brtan pa dang / gzhig tu med pa'o zhes bya ba'i don to// yang ji skad du/ gang dag stong nyid mi shes pa// de dag mya ngan 'das mi shes// de phyir dngos dang dngos med pa// 'jigs pas stong nyid shes par bya zhes gsungs pa dang / gzhan yang / ma bcos lam la gnas na ni/ thams cad byas kyang grol 'gyur zhing zhes bya ba la sogs pa rgya cher gsungs so// de bas na de'i phyir sems kyi kun du rtog pa kho na bdud yin la/ de dang bral bas sangs rgyas su shes par bya'o// rten 'brel las skyes skad cig ma zhes bya ba ni/ byis pa gang dag skyes pa dang mi mo las byung ba 'di//
- 23a
dngos grub tu 'dod de/ de ni kha cig dngos grub dbang gnyis skyes zhes bya ba yin te/ thugs rje chen po mnga' ba'i sangs rgyas rnams kyis ma 'ongs pa'i dus kyi skye bo 'dul bar dka' ba 'dod chags kyi dbang du gyur pa rnams la/ dpe'i ye shes dang mtshon par byed pa dang brid par gsungs pa kho na mchog dang / dam pa dang / gtso bo dang / khyad par 'phags par 'dzin par byed de/ de ni gnas phyi ma phyi ma'i dbang gis spangs par bya'o gsungs so// gang yang dpe'i ye shes de yang gsang sngags kyi sgo nas spyad pa spyod pa las kyi dang por gtogs pa rnams kyis dpe'i ye shes brtan par mgur gyi bar du/ bla ma dam pa rnams kyi zhal las rtogs par bya zhing / spang bar yang mi byal/ gang zhig yongs su shes pa'i rjes la spang bar bya zhes gsungs so// gzhan yang 'di na gang dag lam 'di la smod cing bkur ba dag kyang phyi mi'i dus su 'byung bar gsungs la/ de dag la ji skad du/ tsakra sam b+ha ra'i rgyud las gdams pa bstan te/ zab mo'i chos 'di ston pa la// gal te mos par ma gyur kyang // smad pa dag tu mi bya ste// chos nyid bsam mi khyab dran bya// zhes pa gsungs so// de bas na mtshon pa'i ye shes bya ba yin gyi/ de dngos grub tu mi lta zhing mchog tu mi gzung ngo // byis pa yun ring rgan sogs kyis// 'bad pa yis ni thob mi 'gyur zhes bya ba la lhan cig skyes pa de nyid las gzhan pa/ spros pa las byung ba/ khams// thams cad zad par byed pa/ mchog gi dngos grub kyi don du bskal pa dpag tu med pa'i yun du/ byis pa dang rgan po kha cig gis bsgrubs kyang 'grub par mi 'gyur te/ 'bad par byas kyang
- 23b
'grub par mi 'gyur zhes pa'i don to// rgyu dang bcas pa'i skad cig ma zhes brtags pa'i rnal 'byor thams cad kyi rgyu la rag lus pas skad cig pa ste/ mi brtan zhes bya'o// 'khrul dang rnam par 'khrul 'dra ba// kha cig longs spyod rdzogs pa'i gzhung zhes bya ba 'di ni theg pa chen po la kha cig chos thams cad sgyum dang / rmi lam dang / mig yor zhes zer yang / rmi lam dang mig yor nyid kyang ji lta ba bzhin rtogs pa med na/ chos thams cad sems tsam mo zhes sems nyid bzung ba dang 'dzin pas kun nas stong pa nyid ces tshig tu brjod la/ kun tu rtog pa ni med do// kha cig chos thams cad sems tsam ste/ gzung ba dang 'dzin pas spong pa'i sems sngon ka'i nyim byed pa'i nanam mkha' dri ma med pa lta bu kho na bsgrub par bya bar 'dod de/ de ltar brjod pa'i rim pa de ni/ lhan cig skyes par de mi brjod ces bya ste/ rnam par shes pa'i chos nyid 'das/ ye shes gnyis med tshul 'chang ba/ zhes gsungs pa'i phyir ro// lte ba'i dbus su 'khor lo mchog/ de dbus ge zi brjid gzugs can ni// sgrub pa po yis rtag bsgoms pa/ zhes bya ba ni/ byis pa dag sprul pa'i 'khor lo zhes bya bar/ ny-i ma dang zla bkun tu kha byur ba'adabus sa A la dang kA las kun nas bskor ba'i dbus sa/ me s+t+rai gzugs can b+ha shes rab bsam pa la sna/ da ba 'jigs pa las ky-i m+b+ha byU d+hA 'dudade/ de yang rtog bas brtags pa'i phyir/ lhan cig skyes par der mi brjod ces bya'o// spyi bor gnas pa'i 'khor lo che/ zhes bya ba'i bde ba chen po'i 'khor lo'o// de la reg dang bde ba 'bab ces bya ba ni//
- 24a
bde ba chen po'i 'khor lo la gnas pa'i byang chub sems kyis rab tu gang ba'i rtsa haM thur du ltas pa lta bu tsan+da li'i ming can gyi mes reg pa ni bde ba 'byung ste/ gle yang bya ba'i rab tu sbyor bas thob ces bya ba smos te/ kha mig la sogs pa ka ra na'i bcing ba'i sbyor bas rlung dang me sbar la/ des 'dzags par byed ces bya/ de yang 'jig rten pa'i spyod pa nyid yin pas/ lhan cig skyes par de mi brjod ces bya ste/ brjod bral lhan cig skyes pa yin zhes gsungs pa'i phyir ro// srog gi rlung ni 'gog pa yi// sna yi rtse mor rab zhugs bya zhes gsungs pa ni/ rlung gi rgyun rim gyis bgrang ba la sogs pa sngon du 'gro bas/ kun rdzob kyi sna rtser rlung gi gong bu'i tshul du 'jug par byed pas/ de 'gog pa yis gang thob pa ces bya ba/ de ltar rlung zhugs pa na dus cung zad tsam gsal// zhing gnas pa la/ byis pa shes rab chung ba can rnams dngos grub tu 'dod de/ des ni phyis yang slar zhing 'brang ba'i phyir/ lhan cig skyes par der mi brjod/ ces smos pa ste/ gang yang gnas/ mni lhan cig skyes/ zhes gsungs pa'i phyir ro// thur sel rlung ni 'gog pa yi// lus ni brtags par byas pa yis// yang nas yang du goms par byed/ ces bya bas/ de las srog gi rlung dang thur sel dang // me dang mnyam du gnas pa dang // gyen durgya dang khyab byed dang // rtswa dang rnam par chub dang // yang dag r+b+ha dang rab rtswa dang // nges par chu ba zhes bya ste// rlung ni rnam pa bcu// du 'bod/ ces gsungs la/ de yang thur du sel ba zhes bya ba'i rlung ni 'doms na gnas la/ de ni bcom ldan 'das rin chen 'bring ldan gyi ngo bo yin te/ gang yang rlung de'i rgyub drig shul gyi
- 24b
/ 'ag tu smra na da/ s+yAng la 'dus bya ba gyu ba/ na nas par na / sel byin d+ha dang // grub byeng ma'amasanas zhes la shA ba dang / rlung dang du thal rtsas pa dang // ma tun dang ni gzulas rgyal zlas pa rnams te/ rlung byin po rnams 'bad pas 'gog par byan ma dzin ma la gnas pa yin pa gyur/ sa tug skyes bu ma padz+rad/ ces la yinan// baM la sngags pa'i zung bya yis/ zhes bya ba ni/ hrI gams sa lasags par dbyam tshang ldar rdul/ de lnga las kyang sa la sogs pa gang yang rung ba'i dbrib tshod gcig 'gag pa tsam gyis/ sgrub po gapa dgi thams cad 'dod ces bya ba ste/ de gzung bas spyod pa grol ba'i 'bras bur 'dod/ bas shin tu 'bad par sgrub byed pa/ zhes bya ba spyod pa dang thal bar 'dod pas 'ab par thub par byed do// de yang 'jig rten pa'i spyod pa yin pas/ ldan tsag pa par der mi brjod ces bya ba yin no// bra ma 'thag le rnal bur mi zhes bya ba ni/ byang chub kyi sems thabs par zla ba'i byed du yang 'gro bdun gyi rang bzhin dang / mang 'ong ba yon tan gyi rang bzhin dag bri ba'i phra bar lta ba dang / gzhan ya snying ga la sogs par pad+ma'i 'dab mkha dog lnga dang ldan pa'i thig le la dmigs pa/ kha cig sgrub pos sgrub par byed ces pa ste/ de dang 'dra ba'i ting nge 'dzin la gnas pas/ lhan cig skyes pa
- 25a
mthong ba med de/ de ci'i phyir zhe na/ bsam gtan bsam byar gang yod pa zhes bya ba/ gang du bsgom pa po dang bsgom par bya ba'i 'grel pa'i dra ba ma chad pa de srid du mtshan ma la gnas pa ste/ lhan cig skyes pa ni mtshan ma'i khams la mi gnas pa'i phyir/ lhan cig skyes par de mi brjod ces bya ba smos so// b+ha ga nang gnas thig le ni zhes bya ba ni/ a ba d+hU tA zhes bya ba'i rtsa'i rtse por byang chub kyi sems kyi thig le rgya shug gi tshig ku tsam bsam pas lus sim pa la sogs pa dang / kha cig sgrub pos sgrub byed de/ de ni rtog bcas go 'phang ste zhes bya ba de yang / rtog pa'i gnas la brten cing gnas pa yin pas/ lhan cig skyes pa der mi brjod/ ces smos pa yin no// snying ga'i dbus su bsam gtan ni/ yid 'dod rnams kyis goms par byed ces bya ba la/ 'di ni sgrub pa po kha cig bdag gi snying gar 'byung ba bzhi'i rang bzhin pad+ma dmar po 'dab ma bzhi pa la nyi pa dang zla ba'i bar du chud pa'i thig le kha sbyar la pad+ma'i rtsa ba'i skud pa 'dra ba ri mo s+tha zhes bya bar grags pa phyed de bdun sor du bsdams te/ rtse mo steng du phyung nas/ de nas zla ba'i bu gar zhugs te/ rjes su 'gro ba dang 'ong bar gyur pas brjod cing spro bar bya ba dang / srog dang rtsol ba bsdams te sngags slad brdzab dang / yi ge gsum gyis sgras gzhug cing dpung bar bya ba ni/ steng du 'gro ba'i rlung yi ge gsum dang ldan pa'i skas 'byung zhing gzhug par bya ba'i gan la yang bcug la/ gnas par bya gzhi la rlung phra mo'i thig le dkar po'i dbus su 'jug pa'i de nyid dal zhing dal bas gzhan du maM gtor zhing / oM AHtrAM nas rtag par zlos par byed do// de ltar na de dag kyang de ni rtog bcas gong
- 25b
ste/ zhes bya ba smos te/ gang la rtog pa dang brtag par bya ba'i gzhi dang ldan pa'i phyir/ lhan cig skyes par de me brjod/ ces smos pa yin no// lug dang ser skya dag tu ni zhes bya ba ni g.yas pa g.yon pa'o// de dbus la gnas yid bzang ma zhes bya ba ni/ a ba d+hU tI g.yas g.yon gnyis kyi dbus na gnas pa me'i ri mo can gyi rtsa'o// de 'gog pa yis gang thob pa zhes pa ni/ de gsum na pa'i khams rnams gag pa la sa byung ba'i bde bsam la ma nag she gnas ba ste/ gang ba byed rtog pas rnamams snang bu ldan gyu par du brdu rtsas pa yin / la ba dang khro bo'i dbang gis sems// rtse gcig ces su mtshan par ni zhes bya ba ni/ byis pa'i rnal 'byor pa la la dag 'di skad ces/ kye rigs kyi bu dag shes par gyis shig/ gang du chags pa'i sems skyes pa der ni/ 'dod chags rdo rje shes par byas la/ gzhan yang gang du zhe sdang bar gyur pa der zhe sdang rdo rje zhes bya bar sems rtse gcig par gnas par bya'o// zhes brjod cing de lta bu'i sems kyi gnas skabs la/ byis pa rnams kyis lhan cig skyes pa'i ye shes su rtog par byed de/ de rnams kyis lhan cig skyes pa'i rang bzhin log par rtogs par byed pa de bas na/ lhan cig skyes par de mi brjod/ ces pa yin no// kun tu gnas su 'khyil pa la zhes bya ba ni/ gnas gang na gang zhig gi rtsa phrad nas/ g.ya' zhing bde bar gyur pa'o// rlung 'gog pa yis zhes pa ni/ rtsa de dag phrad pa'i sbyor ba ste/ rlung 'gog par byed pa'o// 'bar bzhes pa ni sbyor ba de dag ma lus pas kyang me yi rdul gyi drong byed par byed la/ drod kyi dbang gis lus can rnams kyi khu ba 'byung bar byed do//
- 26a
gzhan yang de'i sbyor ba ni 'di lta ste/ zum pa'am ni rgyas pa ste zhes bya ba ni/ gser gling zhes bya ba'i gnas kyi sgo 'byed pa dang / gcad pa'i sbyor bas kyang rtsa gang zhig phrad par byed de/ gang yang sbyor ba de dag thams cad ni 'jig rten pa'i spyod pa nyid yin pas/ lhan cig skyes par de mi brjod ces bya ba smos so// 'di dung brgyal dang de bzhin gnyid ces bya ba ni/ yi dgas la sogs pa 'bebs par byed pa'i sbyor bas/ kha gcig 'dar zhing spags par byed pa dang / kha cig brgyal bar 'gyur ba dang / kha cig bdag la ni rnal 'byor ma rnams dang mkha' 'gro ma'i tshogs rnams kyis byin gyis brlabs shing / chos kyang 'chang la 'gro ba gzhan gyis rtogs par ma gyur pa'i zab mo'i ting nge 'dzin yang ston to zhes brjod pa dang / kha cig rdo rje'i glu lha'i sad ltar 'gro ba'i yid 'phrog pa len cing / rdo rje'i glu de nyid don dang ldan par 'khor gyi tshogs la ston pa dang / kha cig 'byed dang 'dzums pa la sogs dang zhes bya ba ni/ kho bo ni mig 'dzums pas lha la sogs pa'i tshogs mthong ngo zhes zer ba dang / kha cig nam mkha' lta bar byed cing / kho bos tshangs pa dang sred med kyi bu la sogs pa mthong ngo zhes zer ba dang / kha cig lus la sogs pa las 'phar bar ston pa dang / kha cig las sgra skad drag po srog chags rnams skrag par byed pa 'byung ba dang / kha cig rang gi lus mi bzad pa chen po ste/ mi sdug pa'i cha byad du ston pa dag yod de/ gang de dag thams cad ni sha za dang grong gi lha mo la sogs pas byin gyis brlabs pa yin pas/ sangs rgyas rnams kyi lhan cig skyes par mi 'gyur te/ de bas lhan cig
- 26b
skyes par de mi brjod ces bya ba smos so// bum pa bzhin du zhes bya ba ni// sa bul la ni bdag gi lus bum pa lta nang stong la phyi'i sha'i drabs g.yogs pa ltarang lta ba dang / la las bde ba chen po'i rang bzhin gyis lus sun 'don te 'di skad ces/ gsong ldong nga la skyon po la mig ldan// rgyun lam dgu nas rtag tu ni// mi gtsang rab tu 'dzag par byed// gal te bdag gi khyod mthong na// dbyar dus byisas bslad pa bzhin// thag ring rnam par 'dor bar bgyid ces brjod cing / mi gtsang ba'i rang bzhin du rtog ste/ gang yang des ni gsang sngags kyi theg pa'i rim pa spangs pa yin no// yang nastong par smra ba'i blo zhes bya ba ni/ rgyu dang 'bras bu la skur pa 'debs pa'am/ nyams su myong ba'i dngos po la sogs pa 'di 'gog ste/ de ni chad par smra ba yin pas/ lhan cig skyes par de mi brjod/ ces smos so// dngos po gang zhig de dag kun ces bya ba ni/ gong du brjod pa'i rtog pa'i rnal 'byor rnams so// rtog pa'i ye shes las skyes parjod ces bya ba ni/ rtog pa'i rang bzhin yin zhes bya ba'i don to// bsgom pa'i stobs kyi sems kyis ni/ 'di yi thams cad rdzogs par 'gyur zhes bya ba/ gang zhig rtog pa'i rnal 'byor pa de thams cad ji ltar rtogs par mthong bar 'gyur te/ ji skad du sa bon gang dang gang las ni/ 'bras bu de dang de 'dra 'byung / zhes pa dang / gzhan yang 'dod dang mya ngan blo dang mtshungs zhes bya ba la sogs pa rgya cher brjod la/ kun rdzob kyi dngos po thams cad de dang de'i rnam par mi bsku zhes bya ba'i don to// thub pas sngon du gang gsungs pa zhes pa nas/ spyi blugs dpung mgor thogs pa ste zhes bya ba yan chad ni rtogs par sla ste/
- 27a
grags pa nyid yin pas 'dir gzhung mangs pas 'jigs pas ma bkrol la// de ltar sna tshogs rnam par ni/ bsgom pa'i stobs kyis mthong bar 'gyur/ zhes bya ba ni/ rtog pa'i rnal 'byor pa gang dag goms pas de dag mngon du gyur pa'i dpe rgyas par bstan pa yin no// 'dir ni bden min mthong bas na/ zhes bya ba ni/ sangs rgyas thams cad kyi yul la 'jug pa rnam pa'i lam zhes bya ba mthong ba med la/ bden pa ma yin pa'i brtags pa'i yul rnams mthong bas/ lhan cig skyes pa mthong ba med ces pa'i don de yin no// de bzhin du yang zhes pa ni/ gzhan yang zhes bya ba'i don to// don gzhan yang 'di lta ste zhes bya ba'i don to// gang zhig mthong ba de bden mini zhes pa/ bdag las gzhan pa'i dngos po gang zhig phywa'am dbang phyug gam byed pa po la sogs par lta ba dang / rtog pa rnams ni bden pa ma yin te/ bdag las gzhan pa'i dngos po yod pa ma yin no// gang du mthong ba de bzhin te'ang zhes bya ba ni mthong ba med pa'i tshul du gang mthong ba/ mthong ba zhes su tha snyad gdags so// de las gzhan du dngos por rtog pa ste/ bdag dang bdag gi zhes bya ba la sogs par gang rtog na/ de ni de kho na lta ba'i skabs la dmus long chen po zhes bya ba'i don to// ci'i phyir na/ rab rib la sogs gnod pa bzhin zhes bya ba smos te/ dper na mig ser la sogs pa dgra la gnod pa'i nad kyis skyes bu 'ga' zhig bzung na/ dngos po thams cad ser por mthong ba 'am/ nam mkha' la skra shad 'dzings pa la sogs par mthong ba ltar/ dngos por rtog pa rnams kyang de ltar blta bar bya'o// skye 'gro thams cad bden pa'i tshul zhes bya ba ni/ lhan cig skyes pa'i tshul dang rang bzhin du gnas pa'i
- 27b
don to// gzung dang 'dzin pa spangs pa nyid// lhan cig skyes bya'i go 'phang gnas// gang gis mthong ba de yis mthong zhes bya ba ni/ 'di ltar gnas pa 'di dag gzod ma nas rang bzhin gyis rnam par dag pa/ skye ba dang gnas pa dang dben par skyes bu gang gis mthong ba'am/ rig pa des lhan cig skyes pa mthong ba'o zhes bya ba'i don te/ dngos dang dngos med go 'phang gnas zhes bya ba ni/ 'di ni dngos po ste dor ba yin la/ 'di ni dngos po med pa ste/ blang bar bya'o zhes bya ba'i 'du shes thams cad dang bral ba'i gnas la gnas pa'o zhes bya ba'i don to// gzhan yang rtog dang brtags pa min las grol zhes bya ste/ mi rtag pa'i dbyings chen po la gnas pa'i phyir ro// lhan cig skyes pa'i rang bzhin ni// dngos po kun la rang bzhin du yod de/ 'on kyang rdo ba dang shing dag la me gnas kyang ma gtsugs na mngon du mi 'gyur ba ltar/ lhan cig skyes pa yang gsal ba ma byas zhes bya ba de ltar gnas kyang / skye bo kun gyis mthong ba'i skal pa las 'das zhes bya ba'i don to// de ltar brjod pa'i rim pas lhan cig skyes// kyang / rdo dang shing dag gtsubs pa la bltos nas gdod mi 'byung ba ltar/ bla ma rje btsun gyi zhal las rtog par bya zhes bya ste/ lhan cig skyes par sngon du brjod par bya ba la/ lhan cig skyes pa'i rang ba nin sngon du bstan pa rnams rje bdun gyi zhal ldanas rtogs par bya ba'i don to// byis pa'i brjod pa dag dang bral// brjod bya zod byed spangs pa nyid// lhan cig skyes pa de lta bur// bla ma mchog gis sngon du gsung zhes bya ba ni/ bla ma rnams kyis ci zhig ston zhe na/ byis pa rnams kyis kun nas brtags pa'i rang gi ngo bo dang bral ba/ brjod bya dang rjod byed kyi kun tu stong pa kho na bstan par bya ba yin
- 28a
la/ sngon rabs kyi bla ma rje btsun rnams kyis kyang / de kho na dang du bzhes pa yin no zhes bya ba'o// de la slob ma rnams kyis kyang ji lta ba'i tshul bslab par bya zhes bya ba'i don to// de yang ji skad du btsal bas rnyed pa ma yin la/ ma btsal bas kyang rnyed mi 'gyur// chu zla bzhin du rtogs dka' ba// de 'di lhan cig skyes par brjod/ ces gsungs pa'i tshul du bslabs par bya'o// // dpal ldan rol pa'i lha mo'i drin gyis ni/ de bzhin dpal ldan bla ma dag dang ni/ zhes bya ba ni gong du bstan pa'i bla ma gcig nas gcig tu brgyad rtogs par byas zhes bya ba yin la/ bdag dbang po'i blo sa'i bdag po dpal bde ba chen po'i rdo rje zhes bya bas kyang / sring mo rnal 'byor gyi dbang phyug ma dpal mo yongs su mnyes pa las/ lhan cig skyes pa rin po che'i man ngag zhal nas 'phros pa tsam gyis/ lan cig gis ni bde ba chen po mkhyen zhes bya ba/ rje btsun mas gsungs pa tsam gyis rtogs shing / khyong du chud pa zhes bya ba'i don to// the tshe ba med cing rtog pa med// rang rang ngo bo ston pa po// bdag gis yang dag nyams su myong zhes pa ni/ dbang po'i blo bdag gis lhan cig skyes pa'i rang bzhin/ dngos po thams cad kyi ngo bo ston par byed pa nyams su myong ba ni/ dper na mun pa la ni sgron ma bzhin zhes bya ba ste/ mun rum smag tu gyur pa la/ zas kyi bya ba byed bde ba ma yin pa la sgron mas gsal bar byas pas pa de zhing tshim pa ltar/ bdag bde ba chen po'i rang bzhin gyis tshim zhes bya'o// za ba 'am ni 'khrig na yang / gnas skabs kun la thams cad du gsang ba med cing 'jigs pa spangs zhes bya ba ni/ ting
- 28b
nge 'dzin chen po 'di la gnas pa rnams ni bza' ba dang 'khrig pa dang / btsun mo'i 'khor gyi nang du/ rgyal po'i pho brang 'khor na 'dug kyang / kun nas 'ching ba med de/ gzhan yang ting nge 'dzin 'di la gnas pa'i rnal 'byor pa la ni rgyal po dang / chom po la sogs pas gtse ba'i 'jigs pa las bsrung ba dang / gsang ba dang / sba ba mi dgos te/ bdag nyid kun gyi mnga' bdag chen po yin pa'i phyir ro// ye shes chen po rang gis rig ces bya ba ni/ rang la yod pa'i ye shes chen po rang gi seng gi ste/ sangs rgyas thams cad kyi ye shes rgya mtsho yang yin zhes bya ba'i don to// gang zhig 'di la rjes dran par// yang dang yang du dran byed pa// de ni dngos grub rgyas 'gyur te// srid pa'i mtsho las sangs rgyas bzhin/ zhes bya ba ni/ lhan cig skyes pa'i gnas 'di la dran cing mos pa byed pas kyang / mchog gi go 'phang thob par 'gyur na/ tshul bzhin yid la byed pa rnams lta smos kyang ci dgos zhes bya'o// bdag nyid kyis ni dran don do// bdag gis 'di ni brjod pa yin zhes bya ba ni/ lhan cig skyes pa'i de kho na nyid 'di gzhan la bstan kyang rtogs pa'i skal pa med de/ de bas na bdag nyid dbang po'i blos slar zhing dran pa'i don du brtsams la/ gzhan dag skal pa dang ldan pa rnams kyang bkag pa ni med do zhes bya ba'i don to// gang zhig snying rjes bcings pa'i zhes bya ba ni/ bla ma rje btsun gong na bzhugs pa rnams kyis gzhung gi skyon gyi dri ma bcom pa dang / gsal bar gsol zhes bya ba'i don to// bdag la bzod mdzod sems dpa' che zhes bya ba ni/ gal te gzhung gi don la 'khrul pa na yang / dam tshig dam pas bdag la mi gus par mi mdzad
- 29a
pa'i rigs zhes bya ba'i don to// gang zhig cung zad 'di brjod pas zhes bya ba ni/ lhan cig skyes pa'i gzhung gi tshogs cung zad brjod pas zhes bya'o// de yis bsod nams gang gyur pa zhes bya ba ni/ lhan cig skyes pa'i gzhung brtsams pa'i bsod nams zhes sbyar ro// bsod nams de saM zhes bya ba ni/ de las byung bas zhes bya'o// sems can rnams zhes bya ba ni/ nam mkha'i mthas khyab pa'i sems can rnams so// lhan cig skyes grub thob par shog ces bya ba ni/ bsod nams de yis shugs kyis ni// nam mkha'i mtha' ji tsam du khyab pa de tsam du 'gyur ba med pa'i lhan cig skyes pa phyin ci ma log pa nam mkha' mdzod kyi gter zhes bya ba thob par shog ces bya ba'i don to// // lhan cig skyes pa grub pa yi/ gzhung 'grel brtsams pa'i dge tshogs kyis// skye bo dpal mo bdag bzhin du// lhan cig skyes pa gnas par shog/ dpal u rgyan gyi yul du sku khrungs pa'i rgyal po in+d+ra b+hu ni zhes bya bas mdzad pa'i lhan cig skyes pa grub pa'i gzhung 'grel lha lum rje btsun ma dpal mos mdzad pa rdzogs so// // rgya gar gyi mkhan po chen po ma nAM b+hi ha la la dang / bod kyi lo ts+tsha ba dge slong pradz+nyA kI rti sa legs par mnyan nas bsgyur ba lags so// gdapal de tshan nyid thub pa thob dpon ge le bas sa dad pa bzhugs so/ @#// rgya gar skad du/ shI tat+t+wa sid+d+hi/ bod skad du/ dpal dekho na nyid grub pa/ dpal rdo rje sems dpa' la phyag 'tshal lo// sangs rgyas byang chub rdo rje ni// tshe 'dis 'grub kyi gzhan du min// lus dang ngag yid legs gnas pas// med
Colophon
dpal u rgyan gyi yul du sku 'khrungs pa'i rgyal po in+d+ra b+hu ti zhes bya bas mdzad pa'i lhan cig skyes pa grub pa'i gzhug 'grel lhan lcam rje btsun ma dpal mos mdzad pa rdzogs so/_/rgya gar gyi mkhan po chen po ma nA b+ha la la dang /_bod kyi lo tsA ba dge slong pradz+nyA kIrtis legs par mnyan nas bsgyur ba lags so/