yang gsang lta ba la thal gyi rgyud_/_kun tu bzang po'i srog gi spu gri_/_rdo rje sems dpa'i thugs kyi reg chod_;_ro langs bde ba'i thugs kyi srog gi thigs pa_/_brgyud pa gsum pa lta ba la thal gyi rgyud
Text
ff. 47b–48a · 2 folio sides
- 47b
gter rgya/ sbas rgya gtad rgya// / bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ chos kyi dbyings kyi pho brang du// ston pa kun bzang chen po yis// thugs kyi sprul pa chen po la// dus gsum khyad par med pa'i phyir/ da las mi gzhan 'khor rnams la// rdzogs pa chen po'i bstan pa shar// ces gsungs so// lta ba la thal chen po'i rgyud las/ nyid kyi zhal nas byin brlabs su// rang gzhan dag pa rnams la babs// chos sku thig le nyag gcig la// 'khrul pa med pas sems can med// sangs rgyas sems can gnyis su med// blo dang dngos po gnyis su med// chos can chos nyid gnyis su med// 'khor ba myang 'das gnyis su med// dbyings dang ye shes gnyis su med// rnam rtog ye shes gnyis/ su med/ sangs rgyas sems can gnyis med de// lam gyi bcos su ga la yod// ye nas grol ba'i chos sku la// lta sgom spyod pa 'ching ba'i rgyu// ye grol chen po phyogs med la// phyogs su 'dzin pa 'khrul pa'i lam// lta sgom byed pa nor ba'i lam// 'bras bu thob 'dod ltos pa'i chos// ye grol chen por shar ba la//
- 48a
rtsol sgrub byed pa 'khrul pa'i lam// thams cad rang snang chen po la// bsgom du med par sgom pa ni// de ni nam mkha' snyegs pa 'dra// ye nas chos skur gcig pa la/ khar dor chos nyid skye 'dod pas// de ni lam gyi go la sa yin// thams cad ye nas lhun grub la// bar dor 'bras bu 'dod pa ni// de ni sa yi gol sa yi ni/ rig pa rang byung ye shes la// rgad po 'khar thogs sgom pa dang // rgad po mdzub tshugs sgom pa dang // gzhon pa bde ba sgom pa ni// nyams myong re la phyogs ltos med// nyams myong rkyen gyis 'gyur ba'i phyir// ye shes skyes pa rkyen kha ra tha la// phyogs la ltos nas rten 'cha' ba// de ni nyi mas myong gol sa yini// rdzogs chen yang ti nag po la// phyogs 'dzin mi spong mi 'gegs la// ched du gang yang mi sgrub pas// de ni ltos pa'i chos med de// de yi ming ni lhun grub yin// de yi mtshan ni rdzogs chen yin// gsang mtshan yang ti 'brug cig yin// yang gsang lta ba la thul gyi rgyud/ kun tu bzang po'i srog gi spu gri// rdo rje sems dpa'i thugs kyi reg chod ro langs bde ba'i thugs kyi srog gi thigs pa/ brgyud pa gsum pa lta ba la thal gyi rgyud rdzogs so// // thig le