F123MW1KG13607_0123mdo sdeAll versions of this work

'phags pa byams pa 'jug pa zhes bya ba theg pa chen po'i mdo

Āryamaitrayaprasthanannāmamahāyanasūtra

Text

ff. 188b–219a · 62 folio sides

  1. 188b

    de rgya'i char yang nye bar mi 'gro'o// stong gi cha dang / 'bum gyi cha dang / bye ba'i cha dang / bye ba brgya'i cha dang / bye ba stong gi cha dang / bye ba 'bum gyi cha dang / bye ba khrag khrig phrag 'bum gyi cha dang / grangs dang / cha dang / bgrangs pa dang / dpe dang / zla dang / rgyur yang mi bzod do// bcom ldan 'das kyis gnang ste/ byang chub sems dpa' sgrib pa rnam par sel bas de skad ces sbas pa/ byang chub sems dpa' 'jam dpal gzhon nur gyur pa dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yid rangs ste/ bcom ldan 'das kyis gsungs pa la mngon par stod do// 'phags pa de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa/ zhes bya ba theg pa chen po mdo// rdzogs s+ho// bkra shis shog/ sarba mang+ga laM/ rgya gar skad du/ Ar+ya mi tra ya pra smanan nam ma hA la na sUtra/ bod skad du/ 'phags pa byams pa 'jug pa zhes bya ba/ theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis zos pa dus cig na/ bcom ldan 'das gzhan du yod pa na/ rgyal bu rgyal byed kyi mtshal mgon med pas sbyin gyi kun dka' ba na/ dge slong lnga stong bam pa'i dge slong gi dge 'dun chen po dang /

  2. 189a

    byang chub sems dpa' khri'i byang chub sems dpa'i dge 'dun chen po thams cad kyang mngon par shes pa mngon par shes pa yin zhing / byang chub sems dpa' sems dpa' chen po thams cad kyang phyir mi ldog pa sha stag kyang thabs cig tu bzhugs so// de'i tshe 'jam dpal gzhon nur gyur pa yang 'khor de nyid du 'dus par gyur te 'dug go/ byang chub sems dpa' spobs partsegs pa dang / byang chub sems dpa' rnam par rtse ba dang / byang chub sems dpa' spyan ras gzigs dbang phyug dang / byang chub sems dpa' mthu chen thob dang / zla 'od gzhon nur gyur pa dang / byang chub sems dpa' sems dpa' chen po byams pa yang 'khor de nyid du 'das par gyur te 'khod do// de nas byang chub sems dpa' sems dpa' chen po byams pa bstan las langs te/ bla gos phrag pa gcig tu gzar nas/ pus mo g.yas pa'i lha nga sa la brtsegs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das gal te zhus nas zhu ba lung bstan pa'i slad du/ bcom ldan 'das kyi bdag la skabs phye na/ bcom ldan 'das de bzhin gshegs pa dgra bcom le yang dag par rdzogs pa'i sangs rgyas la bdag phyogs 'ga' zhig zhu'o// de nas byang chub sems dpa' byams pas nus nas/ de'i tshe bcom ldan 'das cang mi

  3. 189b

    gsung bar dus yol bar mdzad do// de nas 'jam dpal gzhon nur gyur pas/ byang chub sems dpa' sems dpa' chen po byams pa la 'di skad ces smras so// byams pa 'di ltar byas/ zhus nas zhu ba lung bstan pa'i phyir khyod la de bzhin gshegs pas skabs 'byed par mdzad do// gal te de bzhin gshegs pa las sangs rgyas kyi theg pa las brtsams te zhi bar mi byed/ rang sangs rgyas kyi theg pa las brtsams te zhu bar mi byed/ nyan thos kyi theg pa las brtsams te zhu bar mi byed// phung po dang / khams dang / skye mched yongs su shes par bya ba'i phyir zhu bar mi byed/ 'dod chags dang / zhe sdang dang / gti mug zad par bya ba'i phyir zhu bar mi byed/ pha rol tu phyin pa las brtsams te zhu bar mi byed/ pha rol tu phyin pa drug yongs su rdzogs par bya ba'i phyir zhu bar mi byed/ de ltar na nus nas zhu ba lung bstan pa'i phyir/ khyod la de bzhin gshegs pa skabs 'byed par mdzad do// gal te khyod 'du byed rnams las yang dag par 'da' bar bya ba dang / mya ngan las 'das 'thob par bya ba'i phyir zhu bar mi byed dam/ gal te khyod bden pa khong du chud par bya ba'i phyir zhu bar mi byed dam/ lam dang lam bsgom par bya ba'i phyir zhu bar mi byed dam/ gal te khyod 'bras bu thob par bya ba dang / mngon sum du bya ba'i phyir zhu bar mi byed dam/ gal te khyod mi gnas par de bzhin gshegs pa la

  4. 190a

    / zhu bar byed dam/ yi ge rnams kyi brjod par zhi bar byed na/ de ltar na zhus nas zhu ba lung bsten pa'i phyir khyod la de bzhin gshegs pa skabs 'byed par mdzad do// de ci'i phyir zhe na/ byams pa ji tsam du sgro 'dogs pa de tsam du chags pa yod la/ sangs rgyas bcom ldan 'das rnams kyis chos bstan pa ni chags pa med pa'i phyir ro// de nas tshe dang ldan pa sha ra dwa ti'i bus 'jam dpal gzhon nur gyur pa la 'di skad ces smras so// 'jam dpal sgro btags pa sgro btags pa zhes bya ba/ 'jam dpal ji ltar gyis na sgro btags par 'gyur/ 'jam dpal gyis smras pa/ btsun pa sha ra dwa ti'i bu/ chos thams cad ni stong pa nyid kyis mnyam pa yin mtshan ma med pa mnyam pa nyid kyis mnyam pa yin/ smon pa med pa mnyam pa nyid kyis mnyam pa yin ji lta ba bzhin mnyam pa nyid kyis mnyam pa yin/ de bzhin nyid mnyam pa nyid kyis mnyam pa yin/ chos kyi dbyings mnyam pa nyid kyis mnyam pa yin/ yang dag pa'i mtha' mnyam pa nyid kyis mnyam pa yin/ mi skye mi 'gag mi gnas mnyam pa nyid kyis mnyam pa yin/ ma skye sa byung ba mnyam pa nyid kyis mnyam pa yin/ chos thams cad na mkha' dang mnyam pa nyid kyis mnyam pa yin no// btsun pa sha ra dwa ti'i bu gang dag 'di ltar chos zam cad mnyam pa la mi mnyam par btags nas/ med bzhin du sgo 'dogs par byed de/ 'di na sangs rgyas so// 'dzin chom so// 'di ni dge 'dun no// 'din bdag ga/

  5. 190b

    'di ni srog go/ 'di ni sems can no// 'di ni gang zag go// 'di ni shed las skyes pa'o// 'di ni shed bu'o// 'di ni byed pa po'o// 'di ni tshor po'o// 'di ni chad pa'o// 'di ni rtag pa'o// 'di ni so so'i skye bo'o// 'di ni nyan thos so// 'di na rang sangs rgyas so// 'di ni byang chub sems dpa'o// 'di ni kha na ma tho ba dang bcas pa'o// 'di ni kha na ma tho ba med pa'o// 'di ni zad pa dang bcas pa'o// 'di ni 'dus byas so// 'di ni 'das ma byas so// 'di ni kun nas nyon mongs pa'o// 'di ni rnam par byang ba'o// 'di ni dge ba'o// 'di ni mi dge ba'o// 'di ni 'jig rten pa'o// 'di ni 'jig rten las 'das pa'o// 'di ni 'khor ba'o// 'di ni mya ngan las pa'o// 'di ni dngos po'o// 'di ni dngos po ma yin pa'o// 'di ni phod pa'o// 'di ni med pa'o// 'di ni thob pa'o// 'di ni mngon par rtogs pa'o// 'di ni mngon sum du bya'o// 'di ni lam gyi 'bras bu'o zhes bya ba 'di ni sgro btags pa zhes bya'o// de ci'i phyir zhe na/ btsun pa sha ra dwa ti'i bu mnyam pa nyid ni rnam par rtog pa med cing / gang dag 'di ltar rnam par rtog pa de dag ni mnyam pa nyid du sgro 'dogs pa yin te/ mi mnyam par sgro 'dogs pa ni ma yin la/ gang dag mthong ba med par mnyam pa nyid mthong ba de dag ni mnyam pa nyid mthong ba yin/ sgro 'dogs pa la spyod pa ni mi mnyam par mthong ba yin zhing / gang dag mnyam pa nyid la sgro 'dogs pa de dag ni mnyam pa yin la//

  6. 191a

    sgro 'dogs pa la spyod pa ni mnyam pa nyid mthong ba ma yin pa'i phyir ro// bstan pa 'di bshad pa na/ dge slong nyis brgya len pa med par zag pa rnams las sems rnam par grol te/ dge slong de dag 'dul ba la dbang mdzad pa'i phyir/ bcom ldan 'das cang mi gsung bar dus yol bar mdzad do// de nas byang chub sems dpa' sems dpa' chen po byams pas/ 'jam dpal gzhon nur gyur pa la 'di skad ces smras so// 'jam dpal kho bo ni nyan thos kyi theg pa las brtsams te/ de bzhin gshegs pa la zhu bar mi byed do// rang sangs rgyas kyi theg pa las brtsams/ yang dag par rdzogs pa'i sangs rgyas kyi theg pa las brtsams te/ de bzhin gshegs pa la zhu bar mi byed pa nas/ kho bo mi gnas pa'i bar du de bzhin gshegs pa la zhu bar mi byed do// 'jam dpal kho bo ni de bzhin gshegs pa ci nas de bzhin nyid dang mi 'gal ba de ltar zhu bar mi byed do// 'jam dpal kho bo ni gang dag de bzhin nyid dang 'gal bar mi byed pa dang gang dag chos thams cad dben pa nyid kyi chos ci yang mi dmigs pa dang / gang dag chos kyi dbyings mi g.yo ba nyid kyi phyir 'dod chags dang / zhe sdang dang / gti mug rnams kyis mi gos pa dang / gang dag 'khor ba mi dmigs pa nyid kyi phyir/ 'khor ba las 'da' bar mi byed pa dang / gang dag gang nas kyang 'ong ba med pa nyid /

  7. 191b

    gang du yang 'gro ba med pa nyid kyi phyir mya ngan 'das pa thob par mi byed pa de dag gi phyir de bzhin gshegs pa la zhu bar mi byed do// 'jam dpal kho bo ni ci nas kyang yi ge rnams kyang mi brjod/ tshig gi lam la yang mi spyod la/ shes rab kyis kyang bre brag phyed par 'gyur ba dang / shes pa gang yang med la/ 'di la rnam par grol ba yang gang yang med pa de ltar de bzhin gshegs pa la mi byed do// de ci'i phyir zhe na/ yi ge stong pa nyid kyi phyir dang / thams cad skye ba med pa nyid kyi phyir ro// de nas 'khor der byang chub sems dpa' gang dag 'das par gyur pa de dag 'di snyam du sems te/ kye ma byang chub sems dpa' sems dpa' chen po byams pa 'di kho na ltar ldem po dag srel zhing 'dug pa'i tshig 'di dag kyang ston la/ brjod pa thams cad kyang chos nyid dang mthun par sbyor ba lags na/ zab mo'i shes rab dang ldan no snyam mo// de nas bcom ldan 'das la byang chub sems dpa' sems dpa' chen po rnam par brtse bas 'di skad ces gsol to// bcom ldan 'das byang chub sems dpa' sems dpa' chen po byams pa 'di de tsam du zab mo bzod pa la nges shing shes rab dang spobs pa ston pa la mkhas pa ni ngo mtshar lags so// bcom ldan 'das byang chub sems dpa' sems dpa' chen po byams pas yun ji srid cig nas/ bla na med pa yang dag par rdzogs pa'i byang chub tu sems bskyed pa/

  8. 192a

    ste/ bcom ldan 'das skye bo mang po la sman pa dang / skye bo mang po la bde ba dang / lha dang mi rnams kyi don dang / sman pa'i slad du/ de bzhin gshegs pas legs par bka' stsal du gsol/ de ltar bgyis na byang chub sems dpa'i theg pa pa'i rigs kyi bu 'am/ rigs kyi bu mo rnams kyis gnas de dag kyang thos la 'jug pa de yang thos nas slar zhing bla na med pa yang dag par rdzogs byang chub la brtson par 'gyur lags so// de skad ces gsol ba dang / bcom ldan 'das kyis byang chub sems dpa' sems dpa' chen po rnam par brtse ba la 'di skad ces bka' stsal to// rigs kyi bu byang chub sems dpa' chen po byams pas ni yun ring po nas tshangs par spyod pa spyod do// rigs kyi bu byang chub sems dpa' sems dpa' chen po byams pas ni sngon gyi rgyal ba rnams lha bya ba byas so// dge ba'i rtsa ba bskyed do// zab mo'i bzod pa dang ldan no// rigs kyi bu byang chub sems dpa' sems dpa' chen po byams pa yang dag par zhugs te/ bskal pa brgyad khri ba zhi stong lon nas/ de'i 'og tu gdong ngas bla na med pa yang dag par rdzogs pa'i byang chub tu sems bskyed do// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par brtse bas 'di skad ces gsol to// bcom ldan 'das de bzhin

  9. 192b

    gshegs pa dgra bcom pa yang dag par rdzogs pa'i sangs rgyas gang gi zad du byang chub sems dpa' sems dpa' chen po byams pas/ bla na med pa yang dag par rdzog ba'i byang chub tu sems bskyed pa'i mtshan cig lags pa de bzhin gshegs pa dgra bcom pa yang dag par rdzogs pa'i sangs rgyas kyis legs par bka' stsal du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po rnam par rtse ba la 'di skad ces bka' stsal to// rigs kyi bu de'i phyir legs par rab tu nyon la yid la zung shig dang ngas khyod la bshad do// bcom ldan 'das de ltar 'tshal lo zhes gsol nas/ byang chub sems dpa' sems dpa' chen po rnam par brtse ba dang / thams cad dang ldan pa'i 'khor de dag bcom ldan 'das kyi ltar mnyan pa dang / 'di skad ces bka' stsal to// rnam par brtse ba/ sngon byung ba 'das pa'i dus bskal pa grangs med pas kyang ches grangs med pa yun ring zhing tshad med bsam gyis mi khyab dpag tu med pa'i snga rol/ de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa/ skyes bu 'dul ba'i kha lo bsgyur ba/ bla na med pa lha dang mi rnams kyi ston pa/ sangs rgyas bcom 'das gser bzang 'od ces bya ba 'jig rten du 'byung ngo // rigs kyi bu de bzhin

  10. 193a

    gshegs pa gser bzang 'od kyi spu'i khong bu re re nas 'od zer re res kyang bye ba khrag khrig 'bum phrag mang po byung ste/ de bzhin gshes pa'i 'od zer de dag kyang gser gyi 'od ltar bzang la 'od zer re res kyang stong gsum gyi stong chen po'i 'jig rten gyi khams re re 'od kyi snang bar byed do// 'od zer re res kyang pad+ma bye ba khrag khrig 'bum phrag mang po dag gis shar phyogs 'gengs par byed do// lho phyogs dang / nub phyogs dang / byang phyogs dang / phyogs 'tshams dang / steng dang / 'og kyang de dang 'dra'o// phyogs re rer yang de bzhin gshegs pa re res sangs rgyas kyi zhing bye ba khrag khrig 'bum phrag du ma 'gengs par mdzad do// de bzhin gshegs pa'i sku re res kyang sems can bye ba khrag khrig 'bum phrag du ma sangs rgyas dang chos rnams la 'dul bar mdzad de phyir mi ldog pa la 'god do// rigs kyi bu de bzhin gshegs pa dgra bcom pa yang dag par rdzogs pa'i sangs rgyas gser bzang 'od de'i gser gyi 'od kyis 'jig rten gyi khams rtag tu snang bar byed do// sangs rgyas kyi zhing de na nyi ma dang zla ba gnyis kyi ming med do// rgyu skar dang / gza' dang / skar ma dang / me'i 'od kyi ming yang mi grag go// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par brtse bas 'di skad ces gsol to// btsun

  11. 193b

    pa bcom ldan 'das de lta na sangs rgyas kyi zhing de na ji ltar gdugs mtshan rnam par bzhag par 'gyur lags/ de skad ces gsol ba dang / bcom ldan 'das kyis byang chub sems dpa' sems dpa' chen po rnam par brtse ba la 'di skad ces bka' stsal to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas gser bzang 'od kyi sangs rgyas kyi zhing de/ sa bzhi rin po che sna bdun las grub pa yin te/ lag 'thil ltar mnyam par 'gyur la/ rin po che sna bdun gyi sa bzhi chen po de las kyang / rin po che sna bdun gyi pad ma shing rta'i 'phang lo tsam la mdzes shing lta na sdug pa dang / dri zhim po dang ldang ba yid du 'ong ba dag mngon par 'phags te pad ma re re las dri gsung gi ngad ldang ba'i dri des kyang stong gsum gyi stong chen po'i 'jig rten gyi khams khyab ste/ sems can gang dag gis dri de tshor ba de dag thams cad kyang / bla na med pa yang dag par rdzogs pa'i byang chub tu nges so// pad ma de dag kyang snga gro'i dus kyi tshe ni me tog rgyas la phyi ma red kyi dus kyi tshe ni rnying par 'gyur te/ des na sems can de dag 'di snyam du sems te/ phyi ma red kyi dus la bab po snyam mo// rigs kyi bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang 'od de'i sangs rgyas kyi zhing de na nyin mtshan rnam par mngon

  12. 194a

    par yod do// rigs kyi bu sangs rgyas kyi zhing de na mi khom pa brgyad ni zan ming tsam yang med do// sdug bsngal ba'i ming tsam dang / nyan thos dang / rang sangs rgyas rnams kyang ming tsam yang med de/ sangs rgyas kyi zhing de ni byang chub sems dpa' 'khrig pa'i chos dang bral ba/ dri nga ba med pa 'ba' zhig gis yongs su gang bar gyur to// 'dus pa re re la yang byang chub sems dpa' khrag khrig phrag bcu gnyis yod do// de'i 'jug du bcom ldan 'das de'i byang chub sems dpa' dpag tu med pa 'dus par gyur to// de bzhin gshegs pa dgra bcom pa yang dag par rdzogs pa'i sangs rgyas gser bzang 'od de yang chos gzhan mi ston te/ byang chub sems dpa'i sde snod phyir mi ldog pa'i 'khor lo 'ba' zhig ston par mdzad do// byang chub sems dpa'i sde snod phyir mi ldog pa'i 'khor lo'i chos kyi rnam grangs gang zhe na 'di lta ste/ chos yang de bzhin nyid las phyir mi ldog pa dang / chos gang chos kyi dbyings las phyir mi ldog pa dang / chos gang yang dag pa'i mtha' las phyir mi ldog pa dang / 'dod chags 'dod chags kyi ngo bo nyid las phyir mi ldog pa dang / zhe sdang zhe sdang gi ngo bo nyid las phyir mi ldog pa dang / gti mug gti mug gi ngo bo nyid las phyir mi ldog pa dang / gzugs gzugs kyi ngo bo nyid las phyir mi ldog pa dang / tshor ba dang / 'du shes dang / 'du byed

  13. 194b

    rnams dang / rnam par shes pa rnam par shes pa'i ngo bo nyid las phyir mi ldog pa dang / mig gi ngo bo nyid las phyir mi ldog pa dang / rna ba dang / sna dang / lce dang / lus dang / yid yid kyi ngo bo nyid las phyir mi ldog pa dang / ngo bo nyid gang yin pa de ni/ dngos po med la dngos po med pa gang yin pa de ni/ gang nas kyang phyir mi ldog pa/ gang du yang mi 'jug pa'o// rigs kyi bu de ltar na/ de bzhin gshegs pa dgra bcom pa yang dag par rdzogs pa'i sangs rgyas gser bzang 'od do// sangs rgyas kyi zhing na byang chub sems dpa' de dag la/ byang chub sems dpa'i sde snod phyir mi ldog pa'i 'khor lo'i chos kyi rnam grangs yang dag par bstan to// de'i tshe chos kyi rgyal po chos dang ldan pa/ gling bzhi pa'i dbang phyug/ 'khor los bsgyur ba'i rgyal po gser mdog ces bya ba zhig byung ngo // rigs kyi bu rgyal po gser mdog des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang 'od de/ byang chub sems dge 'dun chen po dang bcas pa la lo bye ba phrag brgyad bcu rtsa bzhi'i bar du mchod pa dang bsnyen bkur thams cad kyis bsnyen bkur byas/ bla mar byas/ mchod par byas so// rigs kyi bu 'di ltar rgyal po chen po bzhi dang / lha'i dbang po brgya byin dang / mi 'jed kyi bdag po tshangs pa 'khor dang bcas pas kyang / rgyal po gser mdog gi bsam pa rig nas/ bcom ldan

  14. 195a

    'das de bzhin gshegs pa gser bzang 'od de la bsnyer bkur bya ba spro bar gyur to// rigs kyi bu rgyal po gser/ mdogs des/ 'khor gyi khyams dpag tshad brgyad bcu rtsa bzhi pa zhig byas te/ 'khor gyi khyams der dar gyi lda ldi ni bres/ me tog gis ni pus mo nub tsam du khyab par byas/ steng gi bar snang la mu tig dmar po'i dra ba dres/ snying po'i spos kyi mchog gis ni bdags te/ 'khor gyi khyams der de bzhin gshegs pa de'i gdan bye ba 'dum phrag dgu bcu rtsa dgu ri ba'i ras bcos bu bye ba phrag khrig 'bum phrag du ma gting ba khri'i rkang pa rin po che du mas sbas pa zhig bshams so// byang chub sems dpa' re re'i stan bye ba phrag 'bum ri ba dag bshams so// de'i tshe de bzhin gshegs pa de dag tshad nyis stong na bzhugs te/ rigs kyi bu 'di ltar rgyal po gser mdog gis gshegs shul dpag tshad nyis stong legs par brgyan nas/ 'di lta ste/ lam de'i dos g.yas g.yon du stegs bu rin po che sna tshogs kyis spras pa dag byas so// lam de yang pus mo nub pa tsam du me tog gis khebs par byas so// steng gi bar snang la ni rin po che sna tshogs kyis dra ba'i bla re bres so// stegs bu de dag la yang rin po che'i shing ljon pa 'phang du mda' rgyang gang tsam yod pa dag cugs so// rin po che'i shing ljon pa gcig nas/ rin po che'i shing ljon

  15. 195b

    pa gcig tu rin po che'i tha gu bres so// rin po che'i shing ljon pa gnyis gnyis kyi bar du/ rdzing rin po che'i stegs bus bskor ba/ gser gyi bye ma bdal ba bi dAr+ya'i them skas kyis rim pa bcas pa/ me tog ut+pa la dang / pad ma dang / ku mu ta dang / pad ma dkar pos gang ba ngur pa skad 'byin pa dang ldan pa dag byas so// de bzhin du rin po che'i shing ljon pa'i bar thams cad du yang rdzing dag byas te/ bkod pa de kho na dang 'dra bar bkod do// rin po che'i shing ljon pa de dag thams cad kyi drung du me tog sil ma thogs pa'i mi lnga brgya lnga brgya bkod do// rin po che'i spos kyi snod thogs pa'i mi lnga brgya lnga brgya bkod do// rnga bo che dang / rdza rnga dang / mkhar rnga dang / kim pa la dang / pi wang dang / kar dkrol la sogs pa rol mo'i cha byad rnam pa sna tshogs thogs pa'i mi lnga brgya lnga brgya bkod do// dugs dang / rgyal mtshan dang / ba dan thogs pa'i mi lnga brgya lnga brgya bkod do// de ltar rin po che'i shing ljon pa re re'i drung thams cad du/ mi brgya de snyed de snyed bkod nas/ gang gi tshe bcom ldan 'das de bzhin gshegs pa gser bzang 'od phan tshun du gshegs pa de'i tshe/ khyod kyis me tog sil ma 'di dag gis tor cig/ tsan dan gyi phye ma 'di dag gis tor cig/ pog por 'di dag gis bdag par gyis shig/ sil snyan 'di dag kyang dkrol cig/ gdug

  16. 196a

    gdugs dang / rgyal mtshan dang / ba dan 'di dag kyang sbreng shig/ ces bsgo'o// rin po che'i shing ljon pa thams cad kyi drung du rin po che'i me tog gi snod thogs pa'i mi lnga brgya lnga brgya yang bkod do// lhag ma rnams kyang de bzhin du sbyar te/ gang gi tshe de bzhin gshegs pa de lam 'di nas phan tshun du gshegs pa de'i tshe/ khyod kyi rin po che'i me tog 'di dag gis tor cig/ ces bsgo'o// rigs kyi bu 'di ltar bcom ldan 'das de bzhin gshegs pa gser bzang 'od de/ gtsug lag de nas byung ma thag tu 'khor gyi khyams su gshegs te/ de'i bar du gtsug lag khang nas byang chub sems dpa' rnams la snang ba byung ngo // rig kyi bu 'di ltar lam dpag tshad nyis stong po de dag byang chub sems dpa' sems dpa' chen pos gang ste/ byang chub sems dpa' sems dpa' chen po re re phan tshun du 'dom re/ tsam na 'greng ngo // rigs kyi bu 'di ltar de bzhin gshegs pa de phan tshun du gshegs pa na 'di lta ste/ sangs rgyas kyi mthus byang chub sems dpa' re re'i mgo bo'i drang zad kyi steng na/ dngul gyi gdugs dkar po gser gyi rtsa ba can/ mu tig dmar po'i dra bas g.yogs pa/ gser gyi dril bu g.yer kha'i dra bas skor ba/ ma bzung bar nam mkha' la phan tshun 'gro'o// byang chub sems dpa' thams cad kyang de dang 'dra'o// rin po che'i gdugs de dag la dril bu g.yer kha'i dra ba btags pa gang yin pa

  17. 196b

    de dag rlung gis skyod pa las sgra snyan cing yid du 'ong ba 'byung ste/ rin po che'i gdugs de dag rlung gis bskyod pa las sgra ji lta bus 'byung ba de 'dra ba ni sil snyan yan lag 'bum dang ldan pa las kyang mi 'byung ngo // rin po che'i gdugs dang / dril bu g.yer ka de dag dang / rin po che'i shing ljon pa'i lo ma de dag dang / rin po che'i tha gu de dag dang / rin po che'i stegs bu de dag dang / sil snyan dang / glu dbyangs de dag las kyang sangs rgyas kyi mthus chos kyi sgo rnam pa sna tshogs kyi sgra 'byung ste/ de na sems can gang dag sbyin pa la mos pa de dag gis ni sbyin pa sgra thos so// gang dag tshul khrims la mos pa de dag gis ni tshul khrims kyi sgra zos so// de bzhin du gang zag bzod pa dang / brtson 'grus dang / bsam gtan la mos pa dang / gang dag shes rab la mos pa de dag gis ni shes rab kyi sgra zos so// de bzhin du stong pa nyid dang / mtshan ma med pa dang / smon pa med pa dang / skye ba med pa dang / 'gag pa med pa'i sgra dang / de bzhin du dbang po dang / stobs dang / byang chub kyi yan lag dang / lam gyi sgra dang / de bzhin du mngon par shes pa dang / stobs dang / mi 'jigs pa dang / so so yang dag par rig pa dang / sangs rgyas kyi ma 'dres pa dag gi sgra 'byung te/ sems can rnams ji lta bur mos pa de lta bu'i sgra 'byung zhing zos so// chos kyi sgra de thos nas kyang sems can dpag tu med pa dag bla na med pa yang dag par rdzogs pa'i byang chub tu nge

  18. 197a

    par gyur to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas gser babang 'od de/ lam/ de nas phan tshun du gshegs pa na/ dbu'i drang zad kyi steng gi bar snang la ri bo che 'bum phrag du mas spras pa'i lha'i rin po che'i gdugs ma bzung bas 'bags te/ phan chun du 'gro'o// rin po che'i gdugs de dang / dril bu g.yer ka de dag rlung gis bskyod pa las kyang sgra snyan cing yid du 'ong ba 'byung ste/ de bzhin gshegs pa'i phyag rgya zhes bya ba'i chos bstan pa byung ngo // de skad ces bka' stsal pa dang / bcom ldan 'das la byang chub sems dpa' sems dpa' chen po rnam par brtse bas 'di skad ces gsol to// bcom ldan 'das de bzhin gshegs pa gser bzang 'od de'i rin po che'i gdugs de las byung ba/ de bzhin gshegs pa'i phyag rgya zhes bya ba'i chos stan pa gang lags pa de/ bcom ldan 'das de bzhin gshegs pas legs par bka' stsal du gsol/ de skad ces gsol pa dang / bcom ldan 'das kyi byang chub sems dpa' sems dpa' chen po rnam par brtse ba la 'di skad ces bka' stsal to// rigs kyi bu de'i phyir legs par rab tu nyon la yid la bzung shig dang / de bzhin gshegs pa'i phyag rgya tsam ngas bshad par bya'o// rigs kyi bu chos thams cad ni stong pa nyid kyi phyag rgya dang / mtshan ma med pa'i phyag rgya dang / smon pa med pa

  19. 197b

    phyag rgya dang / skye ba med pa'i phyag rgya dang / 'gag pa med pa dang / gnas pa med pa'i phyag rgya dang / dngos po med pa'i phyag rgya dang / chos kyi dbyings kyi phyag rgya dang / de bzhin nyid kyi phyag rgya dang / yang dag pa'i mtha'i phyag rgya dang / ji lta ba bzhin gyi phyag rgya dang / 'dod chags dang bral ba'i phyag rgya dang / dben pa'i phyag rgya dang / rnam par grol ba'i phyag rgya dang / mtshan nyid med pa'i phyag rgya dang / byed pa med pa dang / 'gro ba med pa'i phyag rgya dang / gzung du med pa'i dang / gnas med pa'i phyag rgyas btab pa'o// rigs kyi bu chos thams cad ni na mkha'i phyag rgyas btab pa'o// rigs kyi bu dper no/ na mkha' ni phyag rgya rko bar sra ba ma yin la/ phyag rgyar la 'dug pa dang / phyag rgya'i 'bur yang btab tu med de/ de ci'i phyir zhe na/ gnas kyang med/ rkyen kyang med/ rgyu yang med/ skyed pa yang med/ rten pa yang med pa'i phyir ro// rigs kyi bu de bzhin du byang chub sems dpa' sems dpa' chen po gang chos thams cad na mkha' dang 'dra ba dang / na mkha'i rnam pa can dang / nam mkha'i ngo bo nyid dang / nam mkha' ston par yang dag par shes pa dang / na mkha' la ni chos thams cad gdags su med par gnas te/ gdags pa tsam du zad do// ji ltar na mkha' chos thams cad la gdugs su med par gnas te/ gdags pa tsam zad pa de bzhin du chos thams cad la yang gdags su med par gnas te/ gdags

  20. 198a

    tsam du zad par yang dag par shes pa dang / gang chos rnams gdags pa tsam du shes pa de ni de bzhin nyid dang 'ga' bar mi byed pa'o// gang de bzhin nyid dang 'gal bar mi byed de ni de bzhin gshegs pa phyag rgya shes pa'o// 'di ni de bzhin gshegs pa'i phyag rgya ste/ des na de bzhin nyid la rmongs par mi 'gyur ro// bstan pa 'di bshad pa dang / byang chub sems dpa' lnga brgyas mi skye ba'i chos la bzod pa thob par gyur to// de nas bcom ldan 'das kyi byang chub sems dpa' sems dpa' chen po rnam par brtse ba la bka' stsal pa/ rigs kyi bu 'di ltar de bzhin gshegs pa dgra bcom pa yang dag par rdzogs pa'i sangs rgyas gser bzang 'od de/ byang chub sems dpa'i dge 'dun dang bcas par 'khor gyi khyams der gshegs te/ der byon pa dang / lha 'bum dag mchod pa'i las bya ba la spro bar gyur te/ me tog ud pa la dang / pad ma dang / ku mu ta dang / pad+ma dkar po rnams 'thor bar byed do// lha'i me tog man da ra ba'i char yang 'bebs so/ sil snyan bye ba phrag 'bum dag kyang bkrol bar byed do// rigs kyi bu 'di ltar de bzhin gshegs pa gser bzang 'od de/ 'khor gyi khyams der bzhugs pa na/ rgyal po chen po bzhi dang / lha'i dbang po brgya byin dang / mi 'jed kyi bdag po tshangs pa la mchod pa'i las bya ba dang / bsnyen bkur bya ba dang / bla ma

  21. 198b

    bya ba'i phyir nye bar gnas par gyur to// mchod pa ji lta bu dag gi phyir/ spro bar gyur ce na/ 'di lta ste/ de bzhin gshegs pa de byang chub sems dpa'i dge 'dun dang bcas par bzhugs pa la/ byang chub sems dpa' re re'i rgyab na glang po che dkar po rgyan par nye bar gnas la/ glang po che'i rgyal po de'i snal yang 'di lta ste/ rlung dang nyi ma skyab pa'i phyir rin po che'i gdug se gsal zhing lta na sdug pa thogs pa dang / glang po che'i rgyal po thams cad kyi sna la yang / mu tig sngon po gsal ba'i mu tig gi do shal 'phyang ba dang / mu tig gi do sha la de las kyang chu bsil zhing bai dUr+ya sngon po 'dra la/ yan lag brgyad dang ldan pa 'bab ste/ chu des chu'i bya ba byed pa'o// / byang chub sems dpa' dag 'khor ma thag tu 'di lta ste/ lha'i mthus lag pa g.yas pa la rin po che'i lhung bzed byung bar gyur to// lha rnams kyang byang chub sems dpa' de dag gi lhung bzed 'dzin par byed do// de bzhin gshegs pa gser bzang 'od de la ni tshangs pa nyid rin po che'i gdugs thogs te/ snam logs 'dug go/ rin po che'i gdugs de las kyang mu tig gi do shal dag kyang 'byung ngo // mu tig gi do sha la de dag las kyang chu bsil zhing bai dUr+ya sngon po 'dra la/ yan lags brgyad dang ldan pa 'dab te/ chu des de bzhin gshegs pa de chu'i bya ba mdzad do// lha'i dbang po brgya byin ni/ bcom ldan 'das de'i lhung bzed 'dzin to//

  22. 199a

    rigs kyi bu 'di ltar de bzhin gshegs pa de byang chub sems dpa'i 'khor dang bcas pas bzhugs ma thag tu byang chub sems dpa' de dag la lha mo re re mdun na 'dug ste/ lha'i spos dri zhim po sna du ma 'tshig la 'thag par byed do// spos de 'thag pa na yang rdzi phyogs dang / rdzing phyogs ma yin par ser bu ldang ste/ ser bu des byang chub sems dpa' de dag gi lus la spos kyis phog par byed do// skye bu dam pa de dag ni dri nga ba med pa ste/ de dag ni lha mo'i 'du shes kyang 'jug par mi byed la/ de dag ni spos kyi mtshan ma yang mi skyed na/ chags par lta ga la 'gyur te/ de ni gnas med do// rigs kyi bu 'di ltar rgyal po ga ser mdog des/ de bzhin gshegs pa gseru bzang 'od bzhugs par rig nas/ bu stong dang / bud med brgyad khri bzhi stong dang / rgyal po brgyad khri bzhi stong dang / khyim bdag brgyad khri bzhi stong dang / blon po brgyad khri bzhi stong dang / bu mo brgyad khri bzhi stong dang / gzhan yang skye bo'i chog mang po dag dang lhan cig tu rang bzhin nas bca' ba dang / bza' ba bkod pa mang po mchog tu gtsang bas tshim par byas te/ ci bzhed pa bstabs so// tshim par byas shing ci bzhed pa bstan te/ bshos gsol nas gsang ster gyu ste/ phyag bcabs par rig nas de bzhin gshegs pa bye ba 'bum phrag dgu bcu rtsa dgu

  23. 199b

    ri ba'i ras bcos bu phrugs cig phul lo// byang chub sems dpa' re re la yang bye ba phrag 'bum ri nas bcos bu thugs re re phul lo// phul nas skye bo'i tshogs chen po de dag dang / yul mi gtso bo rnams dang lhan cig tu thal mo sbyar nas/ 'od lta ste/ chos mnyan pa la gus pa'i phyir de bzhin gshegs pa'i spyan sngar 'khod// rigs kyi bu 'di ltar de bzhin gshegs pa gser bzang 'od des skye ba'i tshogs chen po gus par 'khod pa dang / byang chub sems dpa' rnams chos 'dod par thugs su chud nas/ sgo so so ba zhes bya ba'i chos kyi rnam grangs bstan to// de skad ces bka' stsal pa dang / bcom ldan 'das la byang chub sems dpa' sems dpa' chen po rnam par brtse bas 'di skad ces gsol to// bcom ldan 'das gang de bzhin gshegs pa gser bzang 'od des bstan pa'i byang chub sems dpa' rnams kyi sgo so so ba zhes bgyi ba'i chos kyi rnam grangs de gang lags/ bcom ldan 'das kyis rnam grangs de legs par bka' stsal du gsol/ bcom ldan 'das kyis byang chub sems dpa'i theg pa pa'i rigs kyi bu 'am/ rigs kyi bu mo rnams kyang sgo so so ba'i chos kyi rnam grangs de la slob par 'gyur lags so// de skad ces gsol pa dang / bcom ldan 'das kyis byang chub sems dpa' rnam par brtse ba la 'di skad ces bka' stsal to// rig kyi bu de'i phyir legs par rab tu nyon

  24. 200a

    la yid la zung shig dang / sgo so so ba'i chos kyi rnam grangs de las brtsams pa tsam zhig bshad par bya'o// rigs kyi bu byang chub sems dpa' rnams kyi sgo so so ba ni gzhan ma yin gyi/ pha rol tu phyin pa drug kho nar zad de 'di lta ste/ sbyin pa'i pha rol tu phyin pa dang / tshul khrim kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa ste// rigs kyi bu byang chub sems dpa' rnams kyi sgo so so ba ni de yin no// de ci'i phyir zhe na/ 'di nyid la sngon gyi de bzhin gshegs pa rnams kyis kyang bslabs nas/ bla na med pa yang dag par rdzogs pa'i byang chub mngon par rdzogs par sangs rgyas te/ chos kyi 'khor lo yang bskor/ sems can rnams kyang yongs su smin par mdzad nas/ yongs su mya ngan las 'das la/ ma 'ongs pa'i de bzhin gshegs pa rnams kyang sgo so so ba 'di nyid la bslabs nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / da ltar byung ba'i dus kyi de bzhin gshegs pa dgra bcom pa yang dag par rdzogs pa'i sangs rgyas gang dag 'jig rten gyi khams dpag tu med pa dag na bzhugs shing mtshol bzhes pa'i de bzhin gshegs pa de dag kyang sgo so so ba'i chos kyi rnam

  25. 200b

    grangs 'di nyid la bslabs nas/ bla na med pa yang dag par rdzogs pa'i byang chub mngon par rdzogs par sangs rgyas te/ chos kyi 'khor lo bskor bar mdzad pa'i phyir ro// rigs kyi bu gang byang chub sems dpa'i sgo so so yang dag par smra bas smra ba ni/ pha rol tu phyin pa drug po 'di dag nyid yang dag par smra bas sla'o// de sgo so so ba de'i bye brag ni gang yin/ nyes pa ni gang yin/ rnam par gnon pa ni gang yin/ nges par 'byung ba ni gang yin/ ser sna'i sems ni byang chub sems dpa'i nyes pa'o// kun du 'dzin pa'i sems ni byang chub sems dpa'i nyes pa'o// yongs su 'dzin pa'i sems ni byang chub semasad pa'i nyes pa'o// nor kun du srung la bgo bsha' mi byed pa ni byang chub sems dpa'i nyes pa'o// de la byang chub sems dpa' gang ser sna'i sems rnam par gnon cing bcom nas/ sbyin pa yid la byed bskyed pa de'i rnam par gnon pa yin no// de longs spyod ji ltar chung yang rung longs spyod rgya chen po dag yod kyang rung ste/ dge sbyong dang bram ze slong ba rnams la bgo bsha' byed la/ de dga' ba'i sems dang / kun du 'dzin pa med pa'i sems dang / mgu ba'i sems dang / rnam par smin pa la re ba med par sems can thams cad la snying rje bas/ phan pa'i dngos po sngon du btang ba'i sems bskyed pas lag brkyangs ste/ sbyin pa sbyin par byed pa'i byang chub sems dpa' de ni/ sgo so so

  26. 201a

    la slob pa yin te/ 'di ni byang chub sems dpa'i nges par 'byung ba'o// rigs kyi bu 'chal ba'i tshul khrims ni byang chub sems dpa'i nyes pa'o// nyams pa'i tshul khrims dang / 'dres pa'i tshul khrims dang / nag nog gi tshul khrims ni byang chub sems dpa'i nyes pa'o// byang chub sems dpa'i 'chal ba'i tshul khrims dang / nyams pa'i tshul khrims dang / 'dres pa'i tshul khrims dang / zhig pa'i tshul khrims dang / ral pa'i tshul khrims dang / nag nog gi tshul khrims gang zhe na/ byang chub sems dpa' gang nyan thos kyi sems sam/ rang sangs rgyas kyi sems sam/ dmigs pa can gyi sems bskyed pa dang / nyan thos kyi theg pa'am/ rang sangs rgyas kyi theg pa'am/ dmigs pa'i lta ba 'dod pa dang / nyan thos kyi gtam 'am/ rang sangs rgyas kyi gtam 'am/ dmigs pa can gyi gtam la dga' bar 'dzin pa 'di ni/ byang chub sems dpa'i tshul khrims 'chal ba dang / tshul khrims nyams pa dang / tshul khrims 'dres pa dang / tshul khrims zhig pa dang / tshul khrims ral pa dang / tshul khrims nag nog can zhes bya'o// byang chub sems dpa'i tshul khrims so so ba la mi spyod pa dang / mi slob pa ni tshul khrims 'chal ba'i rab yin no// de skad ces bka' stsal pa dang / bcom ldan 'das byang chub sems dpa' sems dpa' chen po

  27. 201b

    rnam par brtse bas 'di skad ces gsol to// bcom ldan 'das ci'i slad du byang chub sems dpa' sems dpa' chen pos/ de bzhin gshegs pa'i bslab pa gzhan las 'gal bar bgyi na ni/ tshul khrims 'chal par mi 'gyur la/ gang gi tshe nyan thos kyi sems sam/ rang sangs rgyas kyi sems sam/ dmigs pa can gyi sems bskyed pa de'i tshe ni tshul khrims 'chal pa'i rab tu 'gyur lags/ de skad ces gsol pa dang / bcom ldan 'das kyi byang chub sems dpa' sems dpa' chen po rnam par brtse ba la 'di skad ces bka' stsal to// rigs kyi bu byang chub sems dpas de bzhin gshegs pa'i bslab pa gnas las 'gal bar byas sam/ ngas ltung bar 'gyur ba'i chos bzhi gang dag gsungs pa de dag gi nyes pa byas sam/ mi dge ba bcu'i las kyi kham yang dag par blangs ste 'dug gam/ mtshams med pa lnga byas su zin kyang byang chub sems dpa' de byang chub kyi sems kyang ma btang ma spangs te/ byang chub kyi sems dang ma bral la/ dmigs can gyi sems dang / mngon par zhen pa'i sems kyang mi bskyed na/ byang chub sems dpa' de ni tshul khrims dang ldan pa kho na yin pa dang / tshul khrim ma nyams pa dang / tshul khrims ma 'dres pa dang / tshul khrims ma zhig pa dang / tshul khrims ma ral pa dang / tshul khrims nag nog can ma yin par bzung

  28. 202a

    bar bya ste/ byang chub sems dpa'i skas so ba la spyod pa dang slob pa dag yin no// de ci'i phyir zhe na/ de dag ni byang chub sems dpa'i byang chub la rab tu spyod par byed pa yin pa'i phyir ro// byang chub sems dpa' sdig pa'i las byas pas srid par 'gro ba skyed du zin kyang 'on kyang / byang chub sems dpa' ni ji tsam du srid par 'gro bar skyes pa de tsam du pha rol tu phyin pa drag yongs su rdzogs par byed do// byang chub sems dpa' de bzhin gshegs pI bslab pa ji ltar bcas pa la bslabs su zin kyang / de nyan thos kyi sems sam/ rang sangs rgyas kyi sems sam/ dmigs par lta ba dang lhan cig na/ byang chub sems dpa' byang chub sems dpa'i tshul khrims las nyams par 'gyur ro// rigs kyi bu de lta bas na/ byang chub sems dpa' gang byang chub kyi sems mi gtong la/ dmigs pa'i lta ba'i sems kyang mi bskyed pa'i byang chub sems dpa' de ni byang chub sems dpa'i sgo so so ba spod pa dang slob pa yin no// rigs kyi bu gzhan yang gnod sems kyi tha ba'i nyes pa'i nye bar sems ni/ byang chub sems dpa'i nyes pa'o// sems can rnams la mi snyoms pa'i yid la byed pa ni byang chub sems dpa'i nyes pa'o// sems can rnams dang chos rnams la tha dad par 'du shes pa ni byang chub sems dpa'i nyes pa'o// sems can la dmigs pa la rten pa'i

  29. 202b

    byams pa phyogs cig ni byang chub sems dpa'i nyes pa'o// stong pa nyid la mi bzod pa ni/ byang chub sems dpa'i nyes pa'o// 'di la ni sbyin no// 'di la ni mi sbyin na snyam pa de ni/ byang chub sems dpa'i nyes pa'o// 'di la ni yon dbul lo// 'di la ni mi dbul lo// snyam pa de ni byang chub sems dpa'i nyes pa'o// 'di la ni sbyin no bshad par bya'o// 'di la ni chos bshad par mi bya'o// snyam pa de ni byang chub sems dpa'i nyes pa'o// 'di la bsnyen bkur bya'o// 'di la ni bsnyen bkur mi bya'o// snyam pa de ni byang chub sems dpa'i nyes pa'o// byang chub sems dpa' ji tsam du so sor 'byed par byed de/ 'di ni tshul khrims dang ldan pa'o// 'di ni tshul khrims 'chal pa'o snyam du so so phye nas/ tshul khrims 'chal ba brnyas par byed pa de ni/ byang chub sems dpa'i nyes pa'o// de ci'i phyir zhe na/ byang chub sems dpas ni sems can thams cad la sems mnyam pa dang / chos thams cad la sems mnyam par bya dgos shing / nyi ma dang zla ba'i dkyil 'khor 'dra ba dang / sa dang chu dang me dang rlung dang na mkha' lta bur snyoms pa'i sems dang / stong pa nyid la bzod pa dang ldan par bya dgos pa'i phyir ro// byang chub sems dpa' gang yang yongs su mi gtong la mi gnas pa'i sems dang / tshad nges par mi byed pas sems can thams cad kyi phyir/ snying rje bskyed cing byams pas mos par byas te/ khyab

  30. 203a

    par byas nas bsgrubs te gnas la/ chos rnams la yang stong ngo snyam du brjod pa'i byang chub sems dpa'i sgo so so ba la spyod pa dang slob pa yin no// gzhan yang byang chub sems dpa' gang 'khor ba la tshad nges par byed pa de ni/ byang chub sems dpa'i nyes pa ste/ bskal pa 'di tsam gyi bar du ni bdag 'khor bar bya'o// bskal pa 'di tsam gyi bar du ni khor bar mi bya'o snyam pa de ni byang chub sems dpa'i nyes pa'o// sems can 'di snyed cig ni bdag gis grol bar bya'o// sems can 'di snyed cig ni bdag gis grol bar mi bya'o snyam pa de ni byang chub sems dpa'i nyes pa'o// 'di ni brtson 'grus so// bdag ni brtson 'grus can no// bla na med pa yang dag par rdzogs pa'i byang chub 'di ni mngon par rdzogs pa 'tshang rgya bar bya'o snyam pa de ni byang chub sems dpa'i nyes pa'o// de la byang chub sems dpa'i rnam par gnon pa gang zhe na/ rigs kyi bu 'di la byang chub sems dpas 'di ltar go cha bgos par bya ste/ 'khor ba'i sngon gyi mtha' mi mngon no zhes ji skad du 'byung ba de srid du bdag 'khor ba na'akhor 'khor te/ gal te bdag sems can re re'i phyir yang / bskal pa de kho na nyid du 'khor ba pa 'khor bar bya dgos par gyur na yang bdag gis spro bar bya'o// rnam grangs 'di bzhin du sems can thams cad kyi don gyi phyir phye ma'i mtha'i mur thugs pa ji srid pa de 'khor ba na dgos na yang bdag spro ste/ de yang brtson 'grus

  31. 203b

    dang nga rgyal dang / byang chub sems dpa' zhen par spangs la mig dmigs pa'i brtson 'grus kyi go chas spro bar bya'o// snyam te de ltar na byang chub sems dpa' go cha dgos pa/ de ni/ byang chub sems dpa'i sgo so so ba la spyod pa dang / slob yin no// rigs kyi bu gzhan yang byang chub sems dpa' gang grong dang / grong khyer dang / grong brdal dang / yul 'khor dang / rgyal po'i pho brang dag tu song na/ sems can rnams kyi don nus shing stsogs la/ 'os yin bzhin du/ de dgon pa'i phyogs dben pa gcig tu 'dug nas/ dben pa na spyod cing bsam gtan gyi ro'i dga' ba dang / bde ba la brten cing gnas pa de ni byang chub sems dpa'i nyes pa'o// byang chub sems dpa'i gang sdi/ pa yang sbyin par byed la/ skyo ba yang med sems kyi dmigs pa la yang mi rten/ nang du yang dag 'jog kyang 'phel bar byed/ bsam gtan gyi re myong ba yang med/ mi gnas pa'i bsam gtan pa yang yin na byang chub sems dpa' de ni/ byang chub sems dpa'i sgo so so ba la spyod pa dang / slob pa yin no// rigs kyi bu gzhan yang byang chub sems dpa' gang shes rab kyi pha rol tu phyin pa la spyod pa ni/ chos thams cad rang bzhin gyis stong pa shes nas/ 'di la bdag gam/ sems can nam/ srog gas gang zag yang med do// snyam du de ltar shes nas bdag nyid dul bar bya ba dang / zhig gnas la rnal 'byor du brtson par gnas la/ sems can gzhan phyin ci log tu ma

  32. 204a

    dmigs pa'i 'dzin khris zin pa de dag la stong pa nyid bdag med pa'i tshul de ma brjod mi ston/ brda sprod par mi byed pa de ni byang chub sems dpa' sems dpa' chen po de'i thabs la mi mkhas pa yin par rigs par bya ste/ nyes pa byed pa dag yin no// byang chub sems dpa' gang shes rab kyi pha rol tu phyin pa la spyod pa na/ chos thams cad ngo bo nyid med par shes shing / chos thams cad ngo bo nyid kyis stong par shes nas/ 'di la bdag gam/ sems can nam/ srog gam/ gang zag gang yang med do snyam te/ de ltar ngo bo nyid kyis stong pa chos 'di dag lus kyis mngon sum du byas te thams cad la mi dmigs pa la sems dang ldan la/ sems can phyin ci log tu sems shing dmigs pa can gang yin pa de dag kyang phyin ci log gis zin cing dmigs pa'i sems su gyur pa de dag las rab tu grol bar byas nas/ de dag la yang chos thams cad ngo bo nyid med do zhes ston cing de dag kyang chos thams cad rang bzhin gyis stong ngo // zhes bya ba la 'dzud par byed pa'i byang chub sems sa dpa' de ni thabs la mkhas pa yin par bya ste/ byang chub sems dpa'i sgo so so ba la spyod pa dang / slob pa yang yin no// rigs kyi bu de ltar na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser babang 'od gshos gsol nas/ 'khor gyi khyams der 'khor de'i nang du byang chub sems dpa'

  33. 204b

    sgo so so ba la zhes bya ba'i chos kyi rnam grangs 'di rgyas par bshad do// bcom ldan 'das des chos kyi rnam grangs 'di bshad pa na/ sems can tshad med pa dag bla na med pa yang dag par rdzogs pa'i byang chub tu nges par 'gyur ro// rigs kyi bu ngas bskal pa'am bskal pa las lhag par byang chub sems dpa'i sgo so so ba'i chos kyi rnam grangs las brtsams te/ chos bstan du zin kyang spobs pa'am/ chos sgo rnams zad par mi 'gyur mod kyi/ 'on kyang de'i brtsam pa brtsam bstan pa yin no// rigs kyi bu de ltar na rgyal po gser mdog des de bzhin gshegs pa de byang chub sems dpa'i dge 'dun dpag tu med pa dang thabs cig tu lo bye ba phrag brgyad bcu rtsa bzhi tham par/ bkod pa de lta bu dang / bsnyen bkur dang / phu dud du bya ba de lta bus bkur sti byas/ bla mar byas/ rim gro byas/ mchod pa byas so// de na bcom ldan 'das la byang chub sems dpa' sems dpa' chen po rnam par brtse bas 'di skad ces gsol to// / btsun pa bcom ldan 'das rgyal po gser mdog des de bzhin gshegs pa de dang / byang chub sems dpa' de dag gis gtsug lag khang ma bgyis lags sam/ de bzhin gshegs pa de dang byang chub sems dpa' de dag gang na bzhugs bzhugs lags/ de skad ces gsol pa dang / bcom ldan 'das kyis byang chub sems dpa' sems dpa' chen po rnam par

  34. 205a

    rtse ba la 'di skad ces bka' stsal to// rigs kyi bu de bzhin gshegs pa de dang / byang chub sems dpa' de dag ni rang rang gis sprul pa'i khang pa brtsegs pa'i nang na gnas so// de nas bcom ldan 'das kyis byang chub sems dpa' sems dpa' chen po rnam par brtse ba la bka' stsal pa/ rigs kyi bu de ltar lo bye ba phrag brgyad bcu rtsa bzhi po de dag 'das pa'i tha ma'i nyen par rgyal po gser mdog gis de bzhin gshegs pa de la bshos yon phul te/ slar gshegs par rig nas bsam pa 'di lta bu zhig bsams te/ ci bdag gis dge ba'i rtsa ba 'di brgya byin du 'gyur bar yongs su bsngo bar bya 'am/ 'on te tshangs par 'gyur bar yongs su bsngo bar bya 'am/ 'on te 'khor los sgyur ba thob par bya ba'i yongs su bsngo bar bya snyam mo// de nas de'i sems bsnyad pa/ bcom ldan 'das de bzhin gshegs pa gser bzang 'od des thugs su chud do// de nas de bzhin gshegs pa rgyal po de'i sems kyi yongs su rtog pa thugs kyi mkhyen na/ rgyal po dang / skye bo'i tshogs mang po de dag gi mdun du steng gi bar snang la/ de bzhin gshegs pa'i sku de kho na bzhin rnam pa thams cad yongs su rdzogs pa'i lus shig sprul te/ de steng gi bar de la 'dug nas rgyal po gser mdog la tshigs su bcad pa 'di skad ces smras so// dper na mi ni shes rab 'a#

  35. 205b

    byis pa'i rang bzhin gyur pa zhig/ rgyal po brnyan bkur byas nas ni// bya dga' chung ngu gsol bar byed// de bzhin la la sangs rgyas la// bsam gyi mi khyab chos byas nas// tshangs pa brgya byin rgyal po'i srid// dma' ba'i gnas la 'dod par byed// rgyal por gyur dang brgya byin dang // de bzhin tshangs par 'gyur ba rnams// 'di dag mi rtag brtan pa yin// brtan ma yin te 'jig tshul can// srog chags kun la phan pa'i phyir// byang chub sems ni bskyed pa gyis/ sangs rgyas 'jig rten mkhas rnams kyis/ de 'dra'i sems ni bsngags pa yin/ rgyal po khyod kyi yul 'khor bcas/ mchod pa rgya chen byas zin gyi/ byang chub sems ni bla na med/ rgya chen sems ni khyod kyis bskyed/ dma' ba'i smon lam ma 'debs shig/ de ni byis pa'i spyod yul yin// shes rab bzang po mkhas pas gyis// byang chub mchog la 'jug par gyis// mya ngan 'das pa 'dod pa'i phyir// sangs rgyas de bzhin gshegs rnams la// gang gi stong gsum thams cad kyang // rin chen bkang ste phul ba bas// gang gis thal mo sbyar byas nas// sems kyi byang chub bsngo byas la// tshig tu brjod pa ma byas kyang // de ni de bas shin du che// gang gi sems can thams cad la// bskal pa bye ba brjod med du/ sems can kun la bsnyen byas kyang // de'i bcu drug char mi phod// gang zhig thal sbyar byang

  36. 206a

    chub sems bskyed dang // phyogs bcu dgan 'jig rten don mdzad pa// rnam 'dren sangs rgyas gang dag bzhugs rnams la// bsod nams 'dod pa'i mi 'gas sngon chad kyi// mi gang mkhas shing 'dzangs pa'i rang bzhin can// bde bar gshegs pa'i bstan la yid ches zhing // byang chub sems ni bstan por bskyed nas kyang // bde gshegs mchod rten la ni me tog 'bul// 'di ni de bas bsod nams khyad par brjod// byang chub sems kyis me tog 'bul byed la/ bsod nams snga ma des ni dper mi rung // rgya mtsho dang ni chung thigs pa bzhin// sangs rgyas zhing 'dir sems can ji snyed pa// skal pa re re la ni sangs rgyas gyur// bskal pa mang por las gzhan mi byed par// bsod nams bshad kyang mtha' ni thug pa med// de dag byang chub sems kyi rnam smin brtan// bskal pa mtha' yas bar du bshad na yang // chung zad tsam yang yongs su brjod mi 'gyur// sa bzhi dag las rdul ni blangs pa bzhin// de ltar rgyal po skyes mchog kyi kyang // byang chub sems kyi phan yon 'di thos nang // myur du blo gros dma' ba kun spongs la// byang chub phyir ni rgya chen sems bskyed cig/ 'jig rten 'dren pa gser gyi mchod sdong 'od // bsam gyi mi khyab yon tan kun ldan pa// de yis byang chub sems kyi rnam par min// 'di 'dra zhes ni phan yon 'di dag bstan// byang chub sem

  37. 206b

    kyi rnam smin bstan pa yin// bsod nams de la gal te gzugs yod na// zhing rnams gang gi 'ji snyed gang byas kyang // de dag gang bas ma tsam zad pa med// rjes su/ bstan pa 'di 'dra thos nas kyang // rgyal po gtso bo'i sems ni dga'agyur te// sor mo bcu'i thal mo sbyar byas nas// sangs rgyas phyag 'tshal zhes ni tshig tu smras// byang chub phyir ni bdag gis sems bskyed de// bdag ni sangs rgyas chos rje 'grub par shog/ byang chub rdul bral 'das ma byas rtogs nas// sems can gang gi bye snyed dgrol bar bgyi// sangs rgyas sku des tshigs bcad 'di brjod nas// de tshe rgyal ba'i gtso bo dga' gyur pa// shes nas stong gsum thams cad rang gsos te// ngang pa'i rgyal po bzhin du mkha' las song // rgyal po gser mdog sems ni dad gyur nas// bu dang bu mo de bzhin chung ma dang // rgyal po dang ni tshong dpon khyim bad/ rnams// sangs rgyas la ni phyag 'tshal 'dod zhes bos// bye ba brgya phrag drug bcus yongs bskor cing // me tog rnams dang phreng dang gdug spos thogs// sangs rgyas ga la bar ni gnyi rgyud song // zhabs la phyag 'tshal nas ni phyogs cig 'dug/ de bzhin bu dang bu mo chung ma dang // blon po dang ni khyim bdag tshong dpon dang // rgyal po gzhan dang de bzhin 'khor gyi rnams// de dag kyang ni phyag 'tshal gus pas 'khod// lha rnams kyis kyang bar snang thams cad khyab// sil snyen dkrol zhing

  38. 207a

    me tog char pa phab// gser gyi mdog de yul gyi mis bskor nas// thazal mo sbyar byas sangs rgyas zhu bar byed// stobs bcu ldan pa dpag med lha yi lha// mi 'dal kha lo bsgyur ba khyod la zhu// gang gis byang chub sems ni brtan por bskyed// de yi bsod nams ji tsam bskyed 'gyur lags// bcom ldan ji ltar spyod pa spyad bgyis na// bskal pa mang por sdug bsngal mi mthong bar// nges par bde dang bde blag tshim gyur pas// byang chub bdud rtsi mya ngan med par rtogs// bdag gzhan rkang lag btang yang mi 'tshal zhing // mgo dang rang sha btsal yang mi 'tshal bar// bdag ni nges par bder gnas spyod pa yi// thab 'dir thub pas bdag la stan du gsol// rtag tu bde dang bde ldan par shog/ nams kyang bdag lus sdug bsngal ma gyur cig/ byams dang bzod dang dul dang sdom pa la// gnas nas bdag gi byang chub mchog reg mchog/ le lo ma mchis kun nas brtson 'grus dang // rtag tu bslab pa rnams kyang bzhig mi bgyi// 'dren pa bdag ni dam bcas brtan par bgyi// nams kyang tshig tsam lhur len yongs mi bgyid// rang byung bsod nams 'bras bu bdag la gsung // de bzhin gshegs pa theg pa bde ba gsungs// ji ltar spyad pa'i bslab pa bka' stsal gsol// thos nas ji ltar bstan bzhin gnas par bgyi// gser 'od gser bkod 'od bzang des gsungs pa//

  39. 207b

    kyai sa'i bdag po ma nyan par bgyi// bden pa'i rgyu'i bsod nams khyod la bshad// bslab pa'ang bshad kyis de phyir nga las nyon// gang gis stong gsum rin chen gang gang byas la// stobs bcu mnga' ba rnams la 'bul byed pa// de bas byang chub tu ni smon byed pa// bsod nams shin du mang po 'phel bar 'gyur// gang gis zhing rnams gang gi bye ma snyed// rin chen gang bar byas nas sbyin pa byin// de bas byang chub tu ni smon lam 'bum byed pa// bsod nams shin du mang po 'phel bar 'gyur// gang gi bskal pa bye ba khrag khrig tu// sems can thams cad la ni mchod par byed// de bas byang chub tu ni smon byed pa// bsod nams shin tu mang po 'phel bar 'gyur// / gal te sems can thams cad dgra bcom gyur// ye shes dbang thob gyur pa de dag la// bsod nams 'dod pa'i gang zag la la zhig/ bskal pa khrag khrig par du mchod par byed// gang gis snying rje bskyed nas byang chub tu// rgya chen sems ni bskyed par byed 'gyur te// sems can la la zhig gis byang chub tu// sems kyi gtso bo bskyed pa byas nas kyang // gom pa bdun ni bor ba'i bsod nams 'di// de bas khyad par 'phags par 'gyur ba yin// gal te sems can mtha' dag sang rgyas te// stobs la mtha' yas ldan pa nyid gyur la// ji ltar sngon gyi 'khor ba'i bskal pa'i bar// sems can cig pus mchod pa byas pa dang / mkhas pa'i

  40. 208a

    mi ni gang yang rung ba yis// byang chub mchog tu sems ni bskyed nas kyang // me tog gcig pu phul ba'i bsod nams 'di// de bas khyad par 'phags par 'gyur ba yin// bskal pa bye ba khrag khrig mang por ni// bsod nams de'i bshad pa tsam byas kyang // bsod nams 'bras bu de'i bshad pa ni/ nams kyang zad par 'gyur ba ma yin no// rigs kyi bu 'di ltar bcom ldan 'das de bzhin gshegs pa gser bzang 'od des rgyal po gser mdog de la 'di skad ces bka' stsal to// rgyal po chen po chos cig dang ldan na// byang chub sems dpa' sems dpa' chen po myur du theg pa bde bas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur la/ sdug bsngal ba dang / yid mi bde bar yang mi 'gyur ro// chos cig po gang zhe na/ 'di lta ste/ bag phod pa ste/ rgyal po chen po byang chub sems dpa' bag yod pa ni myur du bla na med pa yang dag par rdzogs pa'i byang chub mngon par rdzogs par 'chang bar 'gyur ro// de la bag yod pa gang zhe na// 'di lta ste/ bslab pa yongs su mi gtong ba dang / dam bcas pa las mi nyams pa dang / sems can thams cad la byams pas gnas pa dang / sems thams cad mi gtong ba dang / byang chub la 'dun pa bstan pa dang / brtson 'grus mi gtong ba dang / dge ba'i bshes gnyen rnams

  41. 208b

    la brten cing bsnyen bkur byed pa dang / chos la gus pa dang / zos pa mang pos chog shes pa dang / gzhan dag dang chos kyi bgo bsha' byed pa dang / zang zing med par chos ston pa dang / sbyangs pa'i yon tan dang / yo byad sbyangs pa rnams mi stong pa dang / 'dod pa nyung ba dang / chog shes pa dang / nga rgyal bcom pa dang / chos mnyan pa la rna ba blags te nyan pa dang / bla ma la gus pa dang / bzod pa la gus pa dang / gnod sems kyi tha ba'i nyes pa rnam par spangs pa dang / zab mo stong pa nyid kyi chos la mos pa dang / dmigs par lta ba thams cad rnam par spangs pa dang / nang du yang dag 'jog la 'dun pa drag po dang ldan pa dang / sems can yongs su smin par bya ba la mi g.yel ba dang / 'du shes thog pa dang / gre mo gtam rnam par spong ba dang / lus dang sems dben par gnas pa dang / dgon par gnas pa dang / sems snyen pa dang / tshul khrims mchog tu mi 'dzin pa dang / bdag la mi bstod pa dang / gzhan la mi smod pa dang / 'god pa thams cad la nges par 'byung bar byed pa dang / mngon par 'byung ba dang / dge sbyong gi tshul la rgyun du dga' ba dang / gsong por smra ba dang / bzhin khro gnyer med pa dang / chos thams cad skye ba med pa dang / 'gag pa med pa la 'dzud pa dang / chos thams cad na mkha' dang 'dra bar rtog pa 'di ni byang chub sems dpa'i bag yod pa zhes bya'o//

  42. 209a

    rgyal po chen po gzhan yang byang chub sems dpa'i bag yod pa ni/ 'di lta ste/ nyan thos dang / rang sangs rgyas kyi sems dang / dmigs par lta ba'i sems tha na rmi lam du yang yid la mi byed pa ste/ rgyal po chen po 'di byang chub sems dpa'i bag yod pa'o// rgyal po chen po chos bzhi dang ldan pa'i byang chub sems dpa' ni/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ mgo dang rkang lag dang / mig dang yan lag dang / sha dang khrag dang / rus pa dang / rkang dang / tshil dang / mdog dang / lpags pa dang / lus thams cad yongs su gtong ba yang yongs su btang mi dgos par bdog pa thams cad yongs su gtong bar yang 'gyur la/ theg pa de bas kyang bla na med pa yang dag par rdzogs pa'i byang chub mngon par rdzogs par 'chang bar rgya 'gyur te/ bzhi gang zhe na/ rgyal po chen po 'di la byang chub sems dpa' ni dge ba'i chos yongs su stsal ba la yid dam brtan pa yin te/ de ni dge ba'i rtsa gang ci bskyed kyang rung ste/ de la brtan por gnas shing zhum pa med pa'i sems dang ldan pa shin du brtan to// rgyal po chen po gzhan yang byang chub sems dpa' ni tshul khrims kyi phung po shin du yongs su dag pa/ 'phags pa dang mkhas pas mngags pa/ bla na med pa yang dag par rdzogs pa'i byang chub kyis yongs su zin pa dang ldan pa yin te/

  43. 209b

    des ni bdag nyid tshul khrims la gnas par rig nas/ chos kyi dga' ba nyamasu myong ngo // rgyal po chen po gzhan yang byang chub sems dpa' ni byams pas gnas pa dang / bsam gtan la bsam gtan pa dang / mi gnas pa'i bsam gtan yin te/ rgyal po chen po byang chub sems dpa'i ting nge 'dzin la gnas shing / mi gnas ba yid la byed pa dang / sems can thams cad la snyom pa'i sems dang ldan pa'i bde bar gnas pa ci 'dra ba de lta bu'i bde ba'i rnam pa gzhan med do// rgyal po chen po gzhan yang byang chub sems dpa' ni ji lta ba bzhin du chos la rtog pa yin te/ de ni 'di ltar ji lta ba bzhin du yongs su rtog te/ 'du byed kyi rnam pa 'di dag thams cad ni/ stong pa ste/ 'di la bdag gam sems can nam/ srog gam/ gang zag gam// yongs su gtong ba gang yin te/ len pa gang yin pa 'am// bzod par byed pa gang yin pa 'am/ gang la bzod par bya ba 'am/ bzod par bya ba gang yin pa 'am/ brtson pa gang yin pa 'am/ bsam gtan byed pa gang yin pa dang / bsam gtan du bya ba gang yin pa 'am/ sgom par byed pa gang yin pa gang yang med do snyam mo// de de ltar ji lta ba bzhin du rtog pa na/ 'dus byas kyi chos thams cad rang bzhin gyi stong par rig nas/ dmigs par lta ba gang la yang mngon par zhen pa med la/ bde bar yang gnas te/ rgyal po chen po chos bzhi po de dag dang ldan pa

  44. 210a

    byang chub sems dpa' sems dpa' chen po ni bde ba thams cad ldan par myur du bla na med pa yang dag par rdzogs pa'i byang chub mngon par rdzogs bar 'tshang rgya bar 'gyur ro// rigs kyi bu de ltar rgyal po gser mdog des bye ba khrag khrig 'bum khrag dgu bcu rtsa dgu ri ba'i gos kyi sbyin pa de bzhin gshegs pa de la phul nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang 'od de la 'di skad ces gsol to// bcom ldan 'das sems can thams cad la blo ba rje ba'i slad du bdag gis/ bla na med pa yang dag par rdzogs pa'i byang chub tu sems bskyed do zhes gsol nas/ de'i tshe tshigs su bcad pa 'di dag gsol to// bdag ni zhum pa ma mchis sems kyis su// mi mchog spyan sngar tshig ni gsol bar bgyi// sems can kun la snying rje skyed nas kyang // 'dren pa sems ni byang chub gzhol bar bgyi// bdag la nams kyang g.yo sgyu ma mchis te// stobs bcu ldan pas bdag gi bsam pa mkhyen// yon tan snga ba grangs chen 'dra ba ni// lha mi gzhan la bdag gi dbang mi mchis// bdag ni sdug rnams skyabs dang skyob pa dang // dpung gnyen gyur te sdug bsngal chos rnams dgrol// khyu mchog bdag nyid sde la gnas nas kyang // srog chags rnams ni bdag gis de la dgod// 'dren pa bde gshegs gsungs pa'i chos gang dag/ de la bdag ni spad phyir gnas par bgyi// 'dren pa ji ltar khyod ci//

  45. 210b

    lha mi mchis// de ltar bdag kyang mi rnams mchod rten shog/ byang chub thams cad mchog ni tshol bgyid cing // bskal pa mang por sbyin pa sbyin par bgyi// zas skom gos dang shing rta bzhon pa dang // gser dngul rin chen du ma'i sbyin pa bgyi// 'dren pa bdag ni bslab la gus par bgyid// de ni ji bzhin yongs su bsrung bar bgyi// nyams par mi bgyid gang la'ang gnas mi bgyid// 'dren pa bdag ni tshul khrims dag par bgyid// sems can kun la snyoms pa'i bsam pa yis// srog chags kun la byams pa'i sems su bgyid// bkur sti bgyis nas bkur bsti ma bgyis la// mtho bar 'gyur dang dma' bar 'gyur ma mchis// bskal pa bye ba mang po bsam yas par// bdag ni ji srid sngon chad 'khor bar gyur// mi dpal khyod la rten nas de srid du// sems can gcig gi phyir yang spro bar bgyi// lha mi'i 'dren pa bde gshegs gsung pa yis// bsam gtan bde ba de la gnas par bgyi// 'dren pa bsam gtan bde la reg gnas shing // brtan du dgon pa'i gnas su gnas par bgyi// bdag ni stong pa nyid la gnas par bgyi// lta ba la ni rten par yongs mi bgyi// dma' ba'i spyod pa rtag tu rnam par spad// mchog gi spyod pa dri med spyad par bgyi// rigs kyi chu de ltar rgyal po gser mdog gis blan med pa yang dag par rdzogs pa'i byang chub tu sems bskyed ma thag pa de'i mod la/ stong gsum gyi stong chen po'i 'jig rten khams 'di

  46. 211a

    rnams pa drug tu rab tu g.yos so// rgyal po brgyad khri bzhi stong po de dag gis kyang / bla na med pa yang dag par rdzogs pa'i byang chub tu sems bskyed do// khyim bdag brgyad khri bzhi stong po de dag dang / tshong dpon brgyad khri bzhi stong po de dag dang / bu dang bu mo dang chung ma de dag dang / bu gzhan skye bo'i tshogs chen po de dag dang / lha'i bu brgyad khri bzhi stong rnams rgyal po gser mdog de'i rjes su slob cing / thams cad kyis bla na med pa yang dag par rdzogs pa'i byang chub tu sems bskyed do// rigs kyi bu 'di ltar rgyal po gser mdog des bu thu bo rgyal por gtsug go/ gtsug nas kyang bu rnams dang / bu mo rnams dang chung ma rnams dang / tshong dpon dang / khyim bdag dang / blon po dang / rgyal bran rnams lhan cig tu srog chags bye bas bskor te/ dad pas khyim nas khyim med par rab tu byung ngo // de dag de ltar rab tu byung nas/ lo khri'i bar du tshangs par spyod pa yongs su dag pa/ yongs su byang ba spyod do// rgyal po gser mdog gis kyang mngon par shes pa bslab nas/ mang du thos pa'i mthar phyin par gyur to// byams pa'i ting nge 'dzin kyang bsgrub so// de dge ba'i rtsa ba de dang / lhag pa'i bsam pa yang dag zhugs pa des 'khor los bsgyur ba'i rgyal por gyur pas/ sangs rgyas nyi khri mnyes par byas te/ sangs rgyas bcom ldan 'das de dag thams cad la yang / na bza'

  47. 211b

    dang zhal zas dang / gzims cha dang / gdan dang / snyan gyi gso sman dang / yo byad kyis bsnyen bkur byas bla mar byas nas/ sangs rgyas bcom ldan 'das de dag thams cad kyi zad du dad pas khyim nas khyim med par rab tu byung ngo // rigs kyi bu de'i tshe de'i dus na rgyal po gser mdog tu gyur pa de/ gzhan zhig yin pa snyam du khyod som nyi'am/ yid gnyis sam/ the tshom za na rigs kyi bu khyod kyis de ltar mi lta'o// de ci'i phyir zhe na/ byang chub sems dpa' sems dpa' chen po byams pa 'di/ de'i tshe de'i dus na rgyal po gser mdog du gyur to// rigs kyi bu de'i tshe de'i dus na tshangs par gyur pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang 'od de la mchod pa'i las la brtson par gyur pa gang yin pa de gzhan zhig yin pa snyam du khyod som nyi 'am/ yid gnyi sam/ the tshom za na/ rigs kyi bu khyod kyis de ltar mi lta'o// de ci'i phyir zhe na/ rnam par brtse ba khyod nyid de'i tshe de'i dus na tshangs par 'gyur ro// rigs kyi bu de'i tshe de'i dus na/ lha'i dbang po brgya byin/ bcom ldan 'das gser bzang 'od la bsnyen bkur dang / rim gro byed par spro bar gyur pa gang yin pa snyam khyod som nyi 'am/ yid gnyis sam/ the tshom za na rigs kyi bu khyod kyis de ltar mi lta'o// de ci'i phyir zhe na/ nga nyid de'i tshe de'i dus na/ lha'i dbang po brgya byin du gyur te/ byang chub tu sems

  48. 212a

    sa skyed par me gnas pa'i sems kyis de bzhin gshegs pa de la bsnyen bkur byas so// rigs kyi bu de'i ma de'i dus na/ sems can snyed kyi rgyal po gser mdog dang lhan cig tu/ bla na med pa yang dag par rdzogs pa'i byang chub tu sems bskyed pa de dag gi nang nas/ za na sems can gcig kyang bla na med pa yang dag par rdzogs pa'i byang chub las phyir ldog pa ngas ma mthong ste/ de dag thams cad ni shes rab che ba dang / brtson 'grus che ba sha stag te/ byang chub kyi phyogs kyi chos rnaMm yang dag par sgrub shing / pha rol tu phyin pa drag yongs su rdzogs par byas nas/ sangs rgyas kyi zhing tha dad pa dag tu mtshan tha dad pa'i de bzhin gshegs par gyur to// / 'jig rten du byung nas thams cad kyis chos kyi 'khor lo bskor te/ chos kyi 'khor lo bskor nas yongs su mya ngan las 'das/ de bzhin gshegs pa dgra bcom pa yang dag par rdzogs pa'i sangs rgyas de dag thams cad kyang / nga dang khyod dang byang chub sems pa byams pa dang / 'khor 'dir byang chub sems dpa' sems dpa' cher po 'dus pa gang yin pa 'di dag gis kyang mthong ngo // mchod pa byas so// bsnyen bkur byas so// de bzhin gshegs pa de dag gi dam pa'i chos kyang bzung ngo // de nas bcom ldan 'das la byang chub sems dpa' sems dpa' chen po rnam par brtse bas 'di skad ces gsol to// bcom ldan 'das bla na med pa yang dag par rdzogs

  49. 212b

    pa'i byang chub de tsam du yun ring du thogs pa dang / bla na med pa yang dag par rdzogs pa'i byang chub tu sems bskyed pa yang de tsam du dga' ba ni ngo mtshar lag so// de ci'i slad ne na/ der srog chags bye ba phrag khrig 'bum phrag de snyed kyi bcom ldan 'das de bzhin gshegs pa dgra bcom pa yang dag par rdzogs pa'i sangs rgyas gser bzang 'od de'i gsung rab la/ bla na med pa yang dag par rdzogs pa'i byang chub tu sems bskyed pa la/ bla na med pa/ bcom ldan 'das kyis ni ma skyed pa'i slad du'o// de skad ces gsol pa nas/ bcom ldan 'das kyis byang chub sems dpa' sems dpa' chen po rnam par brtse ba la 'di skad ces bka' stsal to// rigs kyi bu de de bzhin te/ khyod ji skad zer ba bzhin du bla na med pa yang dag par rdzogs pa'i byang chub 'di ni yun ring du thos so// bla na med pa yang dag par rdzogs pa'i byang chub tu sems bskyed pa yang dka'o// yang rig kyi bu ngas mngon shes pa/ bcom ldan 'das de bzhin gshegs pa dgra bcom pa yang dag par rdzogs pi sangs rgyas gser bzang 'od de'i sngon rol dang de'i 'og tu yang sangs rgyas mang po bye ba khrag khrig phrag 'bum dag la ngas ri mo byas mchod pa byas/ bkur sti byas/ bla mar byas mod kyi/ de srid du ngas bla na med pa yang dag par rdzogs pa'i byang chub tu sems ma bskyed de/ gzhan du nang 'di snyam du sems te/ sangs rgyas bcom ldan 'das 'di dag de tsam du mdzes shing / de tsam du lta na sdug la de tsam du snying du sdug po na

  50. 213a

    mtshar to snyam te/ de dag la nga'i sdug pa'i sems dang / dga' ba dang / gus pa bskyed par zad de/ ngas bla na med pa yang dag par rdzogs pa'i byang chub tu ni sems ma bskyed do// rigs kyi bu de bas na rnam grangs 'dis khyod kyis 'di ltar rig par bya ste/ sangs rgyas bye ba khrag khrig 'bum phrag dpag tu med grangs med grangs med pa dag dang / rang sangs rgyas bye ba khrag khrig 'bum phrag dpag tu med pa dag dung / nyan thos bye ba khrag khrig 'bum phrag dpag tu med pa dag la/ byang chub sems dpa' rnams kyis ji ltar mchod par byas/ su zin kyang de srid du yang / de dag bla na med pa yang dag par rdzogs pa'i byang chub tu sems mi skyed de/ gzhan du na phyis gang gi tshe dge ba'i rtsa ba yongs su 'dus par gyur de'i 'og tu bla na med pa yang dag par rdzogs pa'i byang chub tu sems bskyed par zad do// de nas bcom ldan 'das kyis de'i tshe tshigs su bcad pa 'di dag bka' stsal to// dang po dag ni don dam gzigs pa dang // grags pa chen po'i shes rab pha rol son// mi mchog sangs rgyas bye ba khrag khrig dang // bsam yas rnams la gus pas mchod par byed// dang por yon tan 'byung gnas rnams mchod kyang / bdag ni mkhas pa chos kun shes pa'i mchog/ 'jig rten mchod rten sangs rgyas gyur cig ces// de srid du ni sems na skyed mi byed// de dag rang rgyal bye ba snyed la yang // gus pa bskyed nas mchod pa byed mod kyi// mi 'dul kha lo bsgyur ba rdzogs sangs

  51. 213b

    rgyas// gyur ces sems ni de srid skyed mi byed// gus pa rgya chen yang dag bskyed nas kyang // dbang du gyur pa ji snyed mchod mod kyi// ye shes rgya mtsho mi mchog 'dra bar ni// de srid du ni sems ni bskyed mi byed// don dam gzigs pa rnams kyi gzugs mthong nas// dga' ba'i shugs ni rgya chen bsam mi khyab// mkhas pa mi 'dul rdzogs pa'i sangs rgyas su// gyur ces de srid sems ni bskyed mi byed// gang tshe de dag bsod nams rgya chen bstsags// lus dang yid kyis bden pa bsgoms pa na// 'dren pa mi rnams mchog tu gyur cig ces// byang chub don du sems ni bskyed par byed// de dag gis ni bskal pa bye ba skyed// bsnyen bkur byas pas bsod nams tshogs bsags nas// sems dge ba dang 'jam zhing gnyen pa yis// de tshe byang chub tu yang sems bskyed de// bdag gi dge ba'i rtsa ba gang bstsags pa// des ni bdag kyang thams cad gzig gyur cig/ nams kyang bdag gi smon lam nyams ma gyur// de dge skad smon lam 'jug par 'gyur// bdag gis dge ba'i rtsa ba gang bsags pa// des na srog chag thams cad rgal gyur cig/ mi dge'i las ni bdag gi gang byas pa// de yi 'bras bu mi zad bdag gi spang // mthu dang brtson 'grus brtan po skyed nas ni// phyi nas byang chub mchog tu sems kyang bskyed// sems ni nams kyang zhum par ma gyur cig/ dga' ba rgya chen bsam yas thob gyur cig/ mkhas pa sems la dmigs par mi byed de// byang chub

  52. 214a

    mi dmigs bdag nyid kun mi dmis// chos 'di mtha' dag stong par shes na ni// des na byang chub sems ni brjod mi 'gyur/ de skad ces bka' stsal pa dang / bcom ldan 'das la byang chub sems dpa' sems dpa' chen po rnam par brtse bas 'di skad ces gsol to// bcom ldan 'das ci'i slad du/ byang chub sems dpa' sems dpa' chen po byams pa 'dis ming 'di ga las rnyed lags/ de skad ces gsol pa dang / bcom ldan 'das kyis byang chub sems dpa' chen po rnam par brtse ba la 'di skad ces bka' stsal to// rigs kyi bu sngon byung ba 'das dus na/ bskal pa grangs med pa bas kyang ches grangs med pa 'das pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ lha dang mi rnams kyi ston pa/ sangs rgyas bcom ldan 'das rin chen gdugs shes bya ba 'jig rten du byung ste/ rigs kyi bu de bzhin gshegs pa rin chen gdugs de bcas ma thag tu gam pa bdun por ba na/ gnas gtsang ma'i ris kyi lha rnams kyi steng gi bar snang la rin po che sna bdun gyi gzung ngo // rin po che'i gdugs des kyang stong gsum gyi stong chen po'i 'jig rten gyi khams thams cad snang bar byas so// der lha rnams kyis kye sa 'di ni de bzhin gshegs pa rin chen gdugs shes bya bar

  53. 214b

    'gyur ro// zhes sgra sgrags te de na de bzhin gshegs pa de'amatshan rin chen gdugs shes bya bar gyur to// rdo'i che de'i dus na de bzhin gshegs pa dgra bcom pa yang dag par rdzogs pa'i sangs rgyas rin chen gdugs de'i gsung rab la dge slong blo gros brtan po zhes bya ba/ tshong dpon gyi rigs las rab tu byung ba zhig yod de/ rigs kyi bu dge slong blo gros brtan po te bsod snyoms par gyur to// de'i tshe de'i des na de bzhin gshegs pa rin chen gdugs de'i bstan pa la bab pa na/ 'dzam bu gling de na grong brgya khri bzhi stong yod do// grong khyer brgyad khri bzhi stong yod do// grong brdal brgyad khri bzhi stong phod do// yul 'khor brgyad khri bzhi stong yod do// tshong dus brgyad khri bzhi stong yod do// dge slong blo gros bstan po de yang / grong dang grong khyer dang / grong brdal dang / yul 'khor dang / tshong dus de dag thams cad du bsod snyam kyi phyir rgyu bar gyur la/ de 'di snyam du sems te/ nam srog chags brgya tshang bar bslab pa'i bzhi lnga la bkod kyi bar du zan mi za'o// snyam mo// rigs kyi bu 'di ltar dge slong blo gros brtan po des de lta bu'i yid dam de bcas nas/ grong ngam/ grong khyer ram/ grong brdal lam/ phul 'khor ram/ tshong dus gang dang gang du bsod snyoms kyi phyir rgyu ba de dang der nam srog chags brgya tshang bar slab pa'i bzhi lnga lam bkod par du phan mi ba'o// rigs kyi bu blo gros brtan po des gang gi tshe nyi ma

  54. 215a

    gcig gis srog chags brgya bslab pa'i bzhi lnga la bkod pa de'i lus dang de'i skabs kyang yod do// gang gis nyi ma gnyis kyis srog chags bslab pa'i bzhi lnga la ma bkod pa de'i dus dang de'i skabs kyang yod de/ des zan bcad nas nyi ma gsum pa'i tshe zan za'o// gang gi tshe nyi ma gsum gyis srog chags brgya bslab pa'i gzhi lnga la bkod pa de'i dus dang / de'i skabs kyang yod do// nyi ma bzhis srog chags brgya tshang bar bslab pa'i gzhi lnga la bkod pa de 'das dang de'i skabs kyang yod do// rigs kyi bu gang gi tshe nyi ma gnyis dang / drag dang / bdun gyi srog chags brgya bslab pa'i gzhi lnga la bkod pa de'i dus dang / de'i skabs kyang yod de/ de zhag bdun gyi bar du zan chad kyang sems can rnams la la snying rje'i phyir sems yongs su mi skyo ste/ zhag brgyad pa'i tshe zan za'o// / rigs kyi bu rnam grangs de lta bus dge slong blo gros brtan po des/ lo brgyad khri bzhi stong gi bar du yongs su mi skyo ba'i sems kyis grong khyer chen po de dag tu song zhing / grong dang / grong khyer dang / grong brdal dang yul 'khor dang / tshong dus de dag tu song nas sems can de dag bslab pa'i bzhi lnga la bkod do// rig kyi bu dge slong blo gros brtan po des lo brgyad khri bzhi stong po de dag 'das nas srog chags skyes pa dang / bud med dang / khye'u dang / bu mo bye ba khrag khrig 'bum

  55. 215b

    phrag sum bcu rtsa drug bslab pa'i bzhi lnga la bkod do// rigs kyi bu 'di ltar dge slong bstan po de 'di snyam du sems te/ bdag gis sems can mang po 'di dag bslab pa'i gzhi lnga la bkod zin bgyi/ bdag gis 'di dag bla na med pa yang dag par rdzogs pa'i byang chub la bzung gor ma chag go snyam te/ de dag gi zad du song nas lo bzhi khri nyis stong gi bar du sangs rgyas kyi bsngags pa brjod do// chos kyi bsngags pa brjod do// dge 'dun gyi bsngags pa brjod do// theg pa chen po'i bsngags pa brjod do// sems can bslab pa'i bzhi lnga la bkod pa gang yin pa de dag gi nang nas lo brgyad khri bzhi stong po gzhan 'das nas/ srog chags bye ba phrag gsum du tshang ba/ gang dag sngon gyi sangs rgyas rnams la dge ba'i rtsa ba bskyed pa dang / rgya chen po la mos pa de dag bla na med pa yang dag par rdzogs pa'i byang chub la bkod do// lhag ma sman pa la mos pa rkyen gyi mthu dang ldan pa de dag ni/ rang sangs rgyas kyi byang chub dang / nyan thos kyi theg pa la sems bskyed du bcug go/ rigs kyi bu 'di ltar dge slong blo gros bstan po de 'di snyam du sems te/ bdag gis sems can 'di dag bag yod par gnas par bya ba'i phyir/ ting 'dzin la bzud pa bstan to snyam mo// rigs kyi bu de ltar dge slong blo gros bstan po des yang lo nyis khri chig stong gi bar du srog chags bye ba khrag khrokhrig sum

  56. 216a

    bcu rtsa drug po de dag la ting nge 'dzin la dmigs pa'i phung pog go// rigs kyi bu dge slong bu gros brtan po des/ srog chags bye ba 'bum phrag sum bcu rtsa drug pa'i sems can de dag thams cad ci nas byams pa'i ting nge 'dzin sgrub par 'gyur ba de lta de ltar gdam ngag bstan cing de lta de lta bus rjes su ston to// rigs kyi bu 'di ltar dge slong blo gros brtan po de gang gi tshe grong du 'gro ba de'i ting nge 'dzin la snyoms par zhugs te 'gro'o// de byams pa'i ting nge 'dzin la snyoms zhugs nas/ grong dam grong khyer ram/ grong brdal lam/ yul 'khor ram/ tshong dus su bsod snyoms kyi phyir 'gro ste/ de 'gro ba na de na sems can byams pa la gnas pa gang yin pa de dag thams cad dge slong blo gros brtan po de'i rkang pa sgo'i them pa la bzhag pa'i tshe/ byams pa'i ting nge 'dzin la snyoms par zhags par gyur to// rigs kyi bu lhag pa'i bsam pa dang / dge ba'i rtsa ba la yid ches pa dang / stong pa nyid la mos pa'i khyad par la ltos/ de'i phyir dge slong blo gros brtan po'i rkang pa sgo'i them pa la bzhag pa'i tshe/ sems can de dag thams cad byams pa'i ting nge 'dzin la ji ltar brgyud pa bzhin du byams pa'i ting nge 'dzin la snyoms par zhugs so// de nas de'i tshe dge slong blo gros brtan po'i byams pa'i ting nge 'dzin gyi rnam par 'phrul pa de lta bu mthong nas/ sa bla'i lha rnams kyis/ a la la byang chub sems dpa' sems dpa' chen po 'di ni/ byams par 'gyur te/

  57. 216b

    'di ltar grong dang / grong khyer dang / grong brdal dang / yul 'khor dang / tshong dus su 'gro ba na sems can rnams byams pa'i ting nge 'dzin la snyoms par 'jug pa'i phyir ro// zhes sgra sgrogs zhing skad 'byin par byed do// sa bla ba'i lha rnams kyis sgra de thos nas/ bar snang gi lha rnams kyis sgra sgrags shing skad byung ngo // de dag gi sgra thos nas/ rgyal chen bzhi'i ris kyi lha rnams dang / sum bcu rtsa gsum pa'i lha rnams dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams nas/ gnas gtsang ma'i lha rnams kyi bar du gcig nas gcig tu sgra thos nas/ byang chub sems dpa' sems dpa' chen po 'di ni byams par 'gyur te/ 'di ltar 'di grong dang / grong khyer dang / yul 'khor dang / tshong dus su song ba na sems can rnams byams pa'i ting nge 'dzin la snyoms par zhugs pa'i phyir ro// zhes sgra sgrags shing ske phyung ngo // de'i ming de la yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen gdugs des rjes su yid rang bar mdzad de/ 'di skad du byang chub sems dpa' dge slong blo gros bstan po 'di ni srid par 'gro ba'i mchi 'pho dang / skye ba thams cad du byang chub sems dpa' sems dpa' chen po byams pa zhes bya bar 'gyur te/ mngon par grags par 'gyur ro// byang chub thob pa'i tshe yang ming de nyid du 'gyur te/ 'jig rten du nyan thos kyi dge 'dun dpag

  58. 217a

    tu med pa dang / rin po che bkod pa'i sangs rgyas kyi zhing bde ba thams cad dang ldan pa'i sems can rnams 'dus pa'i nang du/ de bzhin gshegs pa dgra bcom pa yang dag par rdzogs pa'i sangs rgyas byams pa zhes bya bar 'gyur ro// zhes lung bstan to// rigs kyi bu de'i tshe de'i dus na dge slong blo gros brtan po zhes bya bar gyur pa de/ gzhan zhig yin pa snyam du khyod som nyi 'am/ yid gnyis sam/ the tshom za srid de/ de tshun chad tshe rabs thams cad du ming 'di lta ste/ byams pa zhes bya ba 'ga' zhig tu gyur to// byang chub thob pa'i tshe yang 'di'i ming 'di lta ste/ de bzhin gshegs pa dgra bcom pa yang dag par rdzogs pa'i sangs rgyas byams pa zhes bya ba kho nar 'gyur te/ rigs kyi du rgyu ni de yin no// rkyen ni de yin no// des na byang chub sems dpa' chen po byams pa zhes bya'o// de nas bcom ldan 'das kyis byang chub sems dpa' sems dpa' chen po byams pa'i sngon byung ba 'di bshad ma thag de'i mod la/ stong gsum gyi stong chen po'i 'jig rten gyi khams 'di rnam po drug tu g.yos so// steng gi bar snang la yang lha'i glang dbyangs grag go// byang chub sems dpa' sems dpa' chen po byams pa'i/ me tog gi char yang bab po// de nas de'i tshe rgyal po chen po bzhi dang / lha'i dbang po brgya byin dang /

  59. 217b

    dam mjed kyi bdag po tshangs pa dang / gzhan yang lha'i bu 'bum phrag du ma dag gis/ lha'i me tog mnad rab dag khyer nas/ byang chub sems dpa' sems dpa' chen po byams pag ba der gtor te/ tshig 'di skad du/ kye ma byang chub sems dpa' sems dpa' chen po byams pa 'di'i skye bo mang po la phan phyir zhugs te/ skye bo mang po la phan pa dang bde ba dang / 'jig rten la snying rtse ba dang / lha dang mi rnams kyi skye bo phal po che'i don dang / phan pa dang bde ba'i phyir go cha chen po bgos te/ 'di ltar thams cad mkhyen pa nyid ma thob par yang sems can bye ba khrag khrig de snyed kyi don byas pa'i phyir ro// sems can gang dag byang chub sems dpa' sems dpa' chen po byams pa'i ming tsam thos pa de dag kyang rnyed pa'i mchog legs par rnyed pa yin na sha'i mig gis mngon sum du/ dga' ba thob pa de dag lta ci smos/ btsun pa bcom ldan 'das byang chub sems dpa' sems dpa' chen po byams pa la bdag cag phyag 'tshal lo// zhes smras so// de nas lha'i bu de dag gis tshig de dag smras pa de'i mod la/ skye bo'i tshogs chen po dang bcas/ lha dang mi dang / lha ma yin dang bcas pa'i 'jig rten gyis/ tshig 'thun par 'di skad du/ byang chub sems dpa' sems dpa' chen po byams pa la phyag 'tshal lo// phyag 'tshal lo zhes smras so// chos kyi rnam grangs

  60. 218a

    'di bstan pa na srog chags khri nyis stong chos rnams la chos kyi mig rdal med cing dri ma dang bral ba rnam par da dge slong lnga stong ni len par zag pa rnams las sems rnam par grol lo// srog chags stong phrag du ma ni dge ba'i rtsa ba yongs su spen par gyur te/ de dag kyang de bzhin gshegs pa dgra bcom pa yang dag par rdzogs pa'i sangs rgyas byams pa'i 'dus pa gnyis pa la dgra bcom pa mngon du byed par 'gyur ro// zhes de dag kyang bcom ldan 'das kyis lung bstan to// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ pus mo g.yas pa lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das chos kyi rnam grangs 'di'i ming ci lags/ 'di ji ltar bzung bar bgyi/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo de'i phyir khyod kyis chos kyi rnam grangs 'di'i ming byams pa dang po sems bskyed pa zhes bya bar zug shig/ byang chub sems dpa' rnam par brtse bas zhus pa zhes bya bar yang zung shig/ byang chub sems dpa' lung bstan pa zhes bya bar yang

  61. 218b

    zung shig/ de bzhin gshegs pa'i phyag rgya bstan pa zhes bya bar yang zung shig/ byang chub sems dpa' sgo so so ba zhes bya ba yang zung shig/ kun dga' bo chos kyi rnam grangs 'di bzung ba'i phyir dang / gzhan dag la yang rgyas par bstan par bya ba'i phyir khyod la btad do// kun dga' bo rigs kyi bu 'am rigs kyi bu mo gang gis stong gsum gyi stong chen po'i 'jig rten gyi khams 'di rin po che sna bdun gyis gang bar byas te/ de bzhin gshegs pa rnams la phul ba bas/ gang gis byang chub sems dpa' sems dpa' chen po byams pa'i dang po 'jug pa 'di thos nas/ sems kyi rgyud byang chub tu gzhol ba dang / byang chub tu smon pas mos par byed dam/ 'dzin tam/ 'chang ngam/ kun chub par byed dam/ sgom 'am/ gzhan dag la yang dag par rgyas par ston par byed na/ 'di ni de bas ches bsod nams mang du bskyed par 'gyur ro// de nas de'i tshe bcom ldan 'das kyis tshigs su bcad pa 'di dag bka' stsal to// mi lus thob pa rnyed par dka'// sangs rgyas 'byung ba snyed par dka'// sangs rgyas dad par rnyed par byang chub sems kyang rnyed par dka'// gnas skabs bzhi po 'di dag ni// bskal pa bye bar

  62. 219a

    dka' ste// de phyir thob nas ma spangs shig/ mthu rtsal dag kyang chud ma gsan// mi lus thob ba snyed pa dang // sangs rgyas dad pa rnyed pa dang // byang chub sems ni bskyed gyur na// de srid brtson 'grus bskyed nas kyang // rtag tu bag ni yod par bgyi// drang srong chen po de dag gis// bag yod pas ni byang chub brnyes// sangs rgyas chos rnams thams cad kyi// rtsa ba'i sgo dang tshul gyi lam// bag yod pa dang brtson 'grus yin// mkhas pa rnams kyang lta slob// bcom ldan 'das kyis de skad ces bka' stsal nas byang chub sems dpa' rnam par brtse ba dang / byang chub sems dpa' byams pa dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs ste/ bcom ldan 'das kyi gsungs pa la mngon par bstod do// 'phags pa byams pa la 'jug pa zhes bya ba theg pa chen po'i mdo rdzogs so// / sarba mang+ga laM/ zhu dag/ dge'o rgya gar skad du/ ar+ya k+She mA ba ti/ bya kar na ma mahA yA na su tra/ bod skad du/ 'phags pa de ldan ma lung bstan pa zhes bya

Colophon

'phags pa byams pa 'jug pa zhes bya ba theg pa chen po'i mdo rdzogs so/