MW21521_BD090Dམན་ངག་ཨ་ཏི་ཡོ་གའི་ཆོས་སྐོར།All versions of this work

rdzogs pa chen po chos nyid byang chub kyi sems thig le rgya mtsho gnas la 'jug pa zhes bya ba'i rgyud

Text

ff. 50b–64a · 28 folio sides

  1. 50b

    gzung bar gyis// don bzhin ston pa'i snang ba byin rlabs shugs// mchog gi blo gros kun gyis bstod pa'i gnas// 'di ltar rgya chen 'dus pa'i tshogs rnams kyis// rab btsal byang chub sems dpa' gzung bar byed// mthar phyin bstan pa'i gnas 'di dus kun tu// rab tu bsngags pas sangs rgyas dam pa'i gzhung // zhes tshogs rgya cher ston/ to// rdzogs pa chen po chos nyid byang chub kyi sems kun la 'jug pa rnam dag don gyi rgyud ces rjes su mthun pa spyod pa spyad pa'i le'u ste lnga pa'o// / rdzogs pa chen po chos nyid byang chub kyi sems kun la 'jug pa rnam dag ston pa'i rgyud ces bya ba rdzogs so// // rgya gar gyi mkhan po bi ma la mi tra dang / bod kyi sgra bsgyur gyi lo tsa ba g.yu sgra snying pos bsgyur cing gtan la phab pa'o// // / rgya gar skad du/ ma hA san d+hi d+harma tA bo d+hi tsat+ti br-in+du sa mu dra s+tha a ba ta ra tan+t+ra nA ma/ bod skad du/ rdzogs pa chen po chos nyid byang chub kyi sems thig la rgya mtshog nas la 'jug pa zhes bya ba'i rgyud/ dpal kun tu bzang po la phyag 'tshal lo// 'di skad bdag gis thos pa dus gcig gi tshe/ byin rlabs cho 'phrul chen por kun ston pa// bcom ldan rgyal ba kun gyi snying

  2. 51a

    po mchog/ yon tan ma 'gags rnam par 'phrul pa'i gzhi// rang gi mtshan nyid gzhan dang dbyer med pas// dkyil 'khor gnas kyi rnam 'phrul kun ston byed// gsang ba gsang mchog gzhan las 'phags pa'i gnas// don nyid sgrib med yon tan kun snang ba// ye shes khang bzang rab tu brgyan pa'i tshogs// thugs rje byang sems rnam dag dkyil 'khor gnas// ngo bo gnyis med rang las rnam 'phrul zhing // yon tan 'phrin las bya btsal rdzogs pa'i chos// phyogs dus ma 'gags rab tu bkod pa'i khams// zhi dang khro cho gas sprul pa yang sbrul bcas// gnas skabs gzhan rgyud tha dad so so ba'i// rgyas pa'i snying po mi gnyis rdzogs byed pa// dad brtson shes rab rtse gcig 'dus pa'i tshogs// rang gi chos kun gnas rnams ston par byed// thabs ldan byang chub sems dpa' kun gyis bstod/ rigs kyi rgyal ba mang pos mdzes par brgyan// theg mchog gsang ba'i rgyud chen gnas 'jug pa'i// sangs rgyas sras kyi zhing khams rdul snyed cho gas// 'di dag nyid kyi dkyil 'khor ji bzhin par// lha dang klu sogs sde brgyad 'dus pa dag/ byin rlabs sngags kyis rnam grol tshogs bskyed cing // snang ba'i me long gsal

  3. 51b

    ba'i don ston 'gyur// bde gshegs thugs kyi dkyil 'khor ye shes gnas// dngos tshogs rgyun gyis chos rnams ma 'dres par// rab tu rnam dag grol bar byed pa yi// / de nyid sangs rgyas theg pa'i mchog tu 'gyur// rang gi ye shes yang dag cher rgyas shing // ston pa'i byin rlabs bden gnyis zung du 'jug/ rigs cho gas dkyil 'khor kun la yang dag brjod// phyag rgya'i tshogs bcas gtso bo skul bar byed// rang dang gzhan gyi phyogs rnams so sor gzigs// de bzhin de yi gnas kun mngon 'dod pas// bcom ldan snying po ye shes yang dag bskul// rigs rnams kun gyi bdag po rdo rje sems// rang gi gdan las chos rnams snang bar byed// rigs kyi bde gshegs rnams dang thabs cig tu// dgongs pa'i don gyis yang dag gsol gdab cing // phyag rgya gsang sngags tshogs rnams rgya chen por// sri nu gus pa'i tshul gyis 'dud par 'gyur// stong gsum 'jig rten khams rnams ma 'dren par// gsang chen phyag rgya'i dkyil 'khor sna tshogs nyid// rigs dang rigs kyi 'khor lo sgyur rnams las// 'khor 'das gnyis med don kun gsal byed pas// rang bzhin byin rlabs sprul pa'i tshul gyis ni// sku gsung thugs kyi dkyil 'khor gsal bar ston// de tshe 'jig rten khams mang

  4. 52a

    g.yo 'gyur zhing // cho 'phrul bkod pa'i ngo mtshar rmad du byung // bde dang sdug bsngal chos su 'jug pa'i chos// de dag rang gi don thob bde bar gnas 'od kyi dkyil 'khor bya ba mtha' yas kyis// zhing khams mtha' yas rab tu gsal byed cing // de dag theg pa so so'i chos rnams kyis// de dag sgrol byed gsang ba'i don kun ston// ngo mtshar dus gsum phyogs kun rnams bsdus pa'i// rgyud kyi snying po 'di dag spyod las 'das// thams cad yang dag don las rmongs 'gyur te// e ma ji ltar spyod pa'i mtha' bral ba'i// e ma ngo mtshar rang gnas gsal zhing rmongs// e ma rgyal ba mdzad pa sna tshogs ston// e ma ho dgongs pa'i don nyid 'di lta bu// e mchos rnams kun gyi gnas 'khrugs 'gyur// e ma rgyu dang 'bras bu ji ltar 'brel// sku gsung thugs kyi dkyil 'khor lhun rdzogs dag/ ston pa'i don kun rgya cher bstan du gsol// de tshe 'khor gyi byang sems blo ldan tshogs// rang gi sems rtsal chos kyi dbyings sbyor zhing // phra ba'i gnas kun brtags pa'i gnas la 'jug/ ngo mtshar tshogs/ rmongs thams cad dam par 'gyur// sangs rgyas kun gyi dkyil 'khor ji lta bu// brjod pa'i gsang sngags tshig rnams 'brel ba'i don// byin rlabs thugs kyi 'od zer

  5. 52b

    sna tshogs pas// 'jig rten 'di dag ngo mtshar rmad du byung // zhing khams kun gyi sangs rgyas rgya chen rnams// zab mo gsang tshig bde gnyis 'jug pas rmongs// the tshom rtog pa'i dri ma kun gsal mdzod// rigs kyi bde bar gshegs pa kun gyi gtso// gnyis med shes rab yum dang sbyor mdzad de// rgyal ba'i 'khor tshogs rang rig sprul par bcas// zhing khams dag pa'i gnas rnams sdud mdzad pa'o// bcom ldan lha yi lha mchog dgongs su gsol// de tshe rigs kyi bde gshegs thams cad kyi// gnyis tshogs gnyis med kun tu ston byed cing // dang po mchog las bskul bar mdzad// de bzhin gshegs pa dgongs pa kun gyi gzhi// ye shes bsam yas ma 'dres chos rnams ston// thabs kyi bye brag 'gro gnas ji lta bar// gsang ba bla na med pa'i rgyud chen pos// rang bzhin snang ba'i don kun bstan/ du gsol// rgyal ba mnyam nyid bde gshegs kun gyi sku// dgongs pa kun ldan dgongs pas mnyes gyur nas// shes rab dbyings dang gnyis med sbyor ba'i mthus// dkyil 'khor sna tshogs kun tu sprul byed cing // thabs kyi phyag rgya theg pa sna tshogs ston// rdzogs pa chen po chos nyid byang chub kyi sems thig lo rgya mtsho gnas

  6. 53a

    la 'jug pa'i rgyud las/ bstan pa'i sgor snang ba'i mdzad pa'i tshul de dang po'o// // de nas 'khor gyi gtso bo mchog rigs kyi rgyal ba sangs rgyas kun// rang gi dkyil 'khor snang mdzad cing // gnyis med sbyor ba gtso mchog bskul// mchog ltas mchog tu gyur pa yin// rtse mo rgyud 'dis ji lta bu// byang chub sems kyi che ba dang // rang bzhin ji ltar gnas pa nyid// chos rnams kun gyi gzhir gyur cing // lam rgyud de yi 'thad pa gang // ngo bo smra bsam las 'das pa// lta ba rnam dag tshul ji ltar// sgom pa po la gdams pa dang // spyod pa don nyid mi skyed par// mtshon byed dpe las yang dag 'das// dag blo gros dpe gang yin// thams cad mkhyen pa'i ye shes dang // lta sgom 'brel pa tshul ji ltar// 'thad pa gtan tshigs dang bcas pas// khyad par bka' don sgrub par byed// lta ba kun tu bzang po nyid// spyod pa la sogs rgyud 'jug pa// ma 'dres yongs su rdzogs pa'i tshogs// thabs la mkhas pas yul ji ltar// theg pa'i rim pa sgra/ tshogs kun// rang gi 'bras bu ji ltar 'grub// ye nas lhun gyis grub pa la// rtsol bcas bya ba mi skyed dam// thig le chen po lhun grub tu// chos rnams ma btsal rdzogs pa

  7. 53b

    nyid// de las de byar sgrub pa'i chos// ngo bo gcig pa ji ltar 'byung // chos nyid dbyings dang dbyings rnam dag/ ye shes kun tu bzang po'i tshogs// lhun gyis grub pa'i don ji ltar// thig le chen po dang rdzogs pa// mi 'jigs gzung ba rnam bral ba'i// bya bral chos kun ji ltar rdzogs// rgyud chen gsang ba 'dir 'jug pa'i// bstan pa'i sgo rnams ji lta bur// de yi mtshan don las rnams dang // lam zla thag pa rdzogs pa'i don// thabs kyi phyag rgya kun gyi tshul// dam pa rnams kyis brtag dka'i chos// dam na 'jug grol ba gzung ba'i gnas// thams cad thams cad las byung ba// dus 'dir bstan pa'i gnas chen yin// zhes blo gros 'thun pa'i sgo nas rtse gcig gsang ba'i gsol ba btab pa'o// rdzogs pa chen po chos nyid byang chub kyi sems thig le rgya mtsho gnas la 'jug pa'i rgyud las/ zhus pa'i le'u ste gnyis pa'o// / / de nas sangs rgyas kun gyis bstod byas shing // phyogs rnams dbang bskur rang gi gsang sngags ston// zhing khams mtha' klas mchog gi dkyil 'khor sbyor/ mya ngan rba glong rnam rtog dra ba sel// kun tu bzang po rigs kyi 'khor lo dag/ phyogs rnams kun tu gzigs shing dgongs mdzad de// rang gi gsang ba bla na med pa'i tshul//

  8. 54a

    ston pa 'jig rten sgron mar gyur pa kun gyis rab bsngags pa// chos la chos kyi snying por gyur pa 'jam dpal gzhon nu nyid// rnam dag byang chub sems kyi rang bzhin gnyis med sgom pa ni// bya bral bde ba'i klong du ma bcos ji bzhin btang snyoms gnas// tshul khrims la sogs spyod pa rgya mtsho gzhir gyur pa// tha dad ji snyed lam du bshad pa yang // bde gshegs yum du gyur cing kun gyis mtshungs pa'i lam// de med mi 'byung de phyir de ni rnal 'byor mchog gi lam// 'gro zhing shes dka' kun gyi lam ste mi rtog rtog las 'das// mi gnas mi dmigs spros med bsam dang bral// tshig gis mi thog dbyibs dang kha dog dbang po'i spyod yul med// brtan zhi/ rtag par dka' la brjod du rdul tsam med// sngon gyi drang srong rnams kyi lam du med// sngon gyi drang srong rnams kyi lam du gang 'jug pa// sgom chags rtsol ba lam gyi nad kyis zin ta re// ston pa'i lung bzhin tshig gi mtha' spyod lam du de mthong na// de nyid rtogs pa'i rgyun 'brang ri dwags smig rgyu snyeg pa 'dra// brjod med yang dag lam ni tshig gis mtshon du med// dag dang ma dag bstan pa tshig nyid tsam ste 'khrul// dag dang ma dag gnyis med 'dres shing dbyer med mtshungs// de bas gnyis snang spang blang dgag

  9. 54b

    sgrub med pa'i tshul// rnam pa cir yang mi 'byed ye shes gti mug dang // thogs med gsal ba'i mar mer bsam pa kun dang bral// ngang gi mi g.yo rmugs shing ting 'dzin rgyal por gnas// mngon du mthong bas mthong byed de nyid thob pa'i dmigs// de phyir thams cad mkhyen pa'i spyan zhes de la bya// de bzhin dbang po drug gi yul gnas de nyid 'das// mtha' dang dbus med yangs pa'i rang bzhin te// mi len mi spong mnyam pa'i rgyal por gnas// sems dang bag chags gnyis med 'dres shing mtshungs// 'dzin pas rtags shing snang ba'i chos rnams ni// rang gi rgyan du snang bas mi 'dor spong mi byed// rnam pa cir yang mi dgongs thabs kyis de la rol// kun dang mi mthun yongs kyis spong ba'i chos dag pas// nyon mongs lnga dang mtshams med lnga yi dngos nyid med// rnam dag lam der zhugs pas mnyam pa'i rgyal po thob/ 'du byed la sogs kun kyang sbrang blang dor mi byed// lo rgyus don nyid tshad ma'i blor gzhag nas// ting 'dzin gsum tshogs rtags rnams grub 'dod pas// rtsol bral lung las gol te 'khrul pa yin// bya bral lhan rdzogs bde ba'i yul la gnas// ye shes rang byung che ba'i snying po nyid// mi g.yo mi 'gyur bskrad pa kun

  10. 55a

    dang bral// zin pa'i bdud rtsis rtsol ba'i sdug bsngal 'joms// bya bral yul la kun tu ji bzhin gnas// ma bcos mtshan ma'i rtog tshogs mtha' rnams kun dang bral// ma 'gags yon tan dus gsum 'grib pa med// ma spangs nyes tshogs rtog pa'i yul rnams dag/ sgrib med phyi nang kun tu ye shes chen po gnas// rtsol sgrub mtha' 'das sangs rgyas kun tu bzang // ye nas rnam bkod lhun gyis grub pa'i chos// de dag de rgyud rang gi rnam dag ston// thig le chen por chos rnams spros pa med// de dag byang chub sems kyi rang bzhin la// rang bzhin ngo bo yul kun gsal bar ston// thams cad byed dang bya ba'i chos rgyud las// skye 'gag rnam brtags rang bzhin don gyis bral// yul dang yul can mtshan ma'i tha snyad de// bsam rtog kun las 'das pa'i ye shes nyid// ces gsungs so// rdzogs pa chen po chos nyid byang chub kyi sems thig le rgya mtsho gnas la 'jug pa'i rgyud las/ de kho na nyid kyi don gtan la 'bebs pa'i le'u ste gsum pa'o// / de nas 'khor gyi bde gshegs rnams// ston pa'i bstan pas tsho ma gyur cing // dga' mgu yi rang bstod byas te// rgyud mchog snying po gzung bar byed// de tshe byang

  11. 55b

    chub sems dpa'i 'khor// mang po 'dus pa thams cad kun// the tshom rtog pa'i dra bas bsgribs// don kun slar yang gsol ba 'debs// bcom ldan snying po dkyil 'khor 'dir// rgya chen theg pa'i tshul rnams kyis// 'gro rnams khams dang skye mched tshogs// dbang po'i bye brag tshim 'gyur te// rang gi 'bras bu rdzogs par snang // de las bstan pa'i don gsang ba'i// rgyal ba rnams kyi dgongs pa'i mchog/ rigs rnams ye shes chen por 'gyur// de nyid tshul rnams ji lta bu// blo gros zhan pa'i 'gro ba dag/ ma 'ongs dus su 'jug 'gyur zhing // bde gshegs yul la slob pa rnams// thabs kyi phyag rgya gsang ba'i sgos// shes rab ye shes 'brel pa'i tshogs/ tengo bo nyid pa'i don ston mdzad// dus 'dir rgyas pa'i tshul gyis ni// dbang bskur las ni gsang ba'i don// khyod kyi thugs rje brtse ba can// rjes 'jug 'khor rnams gzung bar mdzod// de ltar yang dang yang dag tu// gsol btab phyag 'tshal bstod byed cing // gsang ba bla na med pa'i rgyud// don kun ngo bos ston byed pa/ mthar phyin chos kyi don las byung // de nyid rgyas par gsol 'debs so// de phyir thams cad mkhyen pa gtso// rang byung bde gshegs rigs rnams dang /

  12. 56a

    dkyil 'khor chen po'i longs spyod cing // rgyud 'di kun tu rgyas par ston// zhing khams bsam gyis mi khyab par// snod bcud ya shes rang snang ba// sangs rgyas dkyil 'khor nyid kyis gzugs// ji snyed rab tu brtag byas pa// de rnams rang las gzhan du min// 'jig rten sgron ma dam pa yis// rang gi bstan pa gsal byas te/ te de dag ga nas 'jug rtog grol yang // thabs kyi phyag rgya gzhir snang ba'o// dus rnams kun tu nga yi dbyings// ye shes che las gzhan mi bskyod// de dag ji ltar 'dul ba bzhin// theg kun rgyud chen 'di las 'byung // sangs rgyas zhing khams bsam yas su// sangs rgyas kun sogs dkyil 'khor che// ye nas ma bcos byang chub sems// rang bzhin ngo bo snang ba nyid// dus gsum sangs rgyas kun gyis kyang // byang chub sems la phyag 'tshal zhing // rang bzhin mi gnyis gzung byed de// mchod bstod 'dud cing che ba brjod/ chos rnams ma lus rnams brtags na// kha dog med cing dbyibs dang bral// de bzhin gzugs bcos chos rnams dang // zhen rtog mtha' las rnam grol zhing // phyi rol 'byung sogs khams rnams dang // yul kun rang gi gnas kyis stong // de 'dzin shes pa dang ldan pa'i// 'gro rnams phung po khams da // skye mched chos kun mtha'

  13. 56b

    dag dang // dus kun tu ni ma grub phyir// sangs rgyas kun gyis ma gzigs pas// der bcas chos rnams thams cad kun// rang gi ngo bos rnam par dben// 'gro rnams zhen pa bzlog pa'i phyir// tha snyad mtshan ma sna tshogs dgongs// theg pa'i dbye ba grangs med bstan// rang byung sems kyi rnam 'phrul gyis// thams cad ngo bo gcig par gnas/ ta de dag rtog pa las bzlog cing // dbyings bya rang gnas ma skyes pas// don kun gsal ba mtshan ma'i sgo// yon tan snang ba'i gzhir gyur pa'o// de las phyi rol nang dag dang // 'byung dang 'byung las gyur pa'i tshogs// gnyis 'dzin blo yis brtag byed kyang // rang bzhin mi gnyis ye shes che// de ltar chos kun mya ngan 'das// byang chub snying po rgyan gyur pas// 'jam dpal gzhon nu'i ngo bo nyid// brtag pa'i yul las 'das pa'o// 'di don mnyam pa chen po'i chos// rnam dag byang chub sems ni bsgom 'dod/ pa sa/ der gnas de las 'da' med pas// de nyid yang dag grol ba'i mchog/ de ltar yul sems gnyis med pa'o// byang chub sems 'di rnam dag nyid// zung du 'jug pa'i tshul gyis ni// bde ba'i ye shes zag med gnas// de las de skyes de nyid chos// de dag de yi tha snyad las// rtogs pa'i rgyun de brtags pas stong //

  14. 57a

    dus rnams kun tu mi 'gyur bas// bsgom pa chen po'i tha dad do// chos nyid ji bzhin 'di gsal bar// ma bcos bde ba'i ye shes gnas// bya bral bde ba'i klong nyid du// ma bcos ji bzhin btang snyoms nyid// ces gsungs so// rdzogs pa chen po chos nyid byang chub kyi sems thig le rgya mtsho gnas la 'jug pa'i rgyud las chos nyid bstan pa'i le'u ste bzhi pa'o// // de nas byang chub sems kun gyis// sdom pa gnyis med rgya chen por// thams cad chos kyi de bzhin nyid// kun tu bzang po chos rnams kun// thabs kyis grol ba'i don ji bzhin// tshogs rnams kun la ston par mdzad// byang chub sems kyi dkyil 'khor 'di// tshul khrims sdom pa ma lus kun// sprod tshul bzang po rdzogs byed pas// thabs kyi theg pa khyad par mchog/ de bzhin brtags dang rnam brtags pa'i// las kyi bya bas ji snyed par// so so'i theg pa sna tshogs pas// don mthun snod kyi rim pa bzhin// lus kyi sdom pa rnam gsum dang // ngag gi sdom pa rnam gsum dang // yid kyi/ sdom pa rnam gsum dag rnam grol theg pa kun gyi gzhi// ma bcas khyad par las byung ba'i// sgo gsum mngon par 'du byed pa// 'di yis rab tu grol byed cing // theg pa

  15. 57b

    kun gyi rtsa bar bsngags// so so thar pa'i sdom pa dang // byang sems tshul khrims rgya chen po// ma lus kun sbyor yul du gnas// de dag theg pa'i khyad par mchog sangs rgyas kun gyis dgongs mdzad de// spyod pa thabs bcas gsang ba'i tshul// de ltar pha rol phyin sdom pa// sngags kyi theg pa grangs med rnams// bstan pa so sor snang ba'i tshul// ma lus kun 'dus rnam por dag/ lam du bsnyad pa thams cad la// don kun thog mar byung bas ni// da ltar ma 'ongs tshogs grol byed// dus gsum rgyal ba bde gshegs kyi// yul gyur kun gyis mtshungs pa yi// gsang ba rmad du byung ba'i rgyud// de dag rgyu 'bras kun gyi gzhi// thams cad don kun ston byed pas// dkyil 'khor sna tshogs rol pa dang // lha mo'i tshigs bcas yul kun spyod// do med mi 'byung de phyir ni// rnam par grol ba mchog gi lam// chos gcig yongs su gsal gyur na// chos sku bkod pa mtha' yas grol// bde dang sdug bsngal rgyu 'thun cing // las kun rnam par dag pas na// sangs rgyas kun gyis bstan pa'i sgo/ nam yang 'gag par mi 'gyur ro// 'di dag tha dad la 'dzin pas// rang gi chos kun rnam par bsgribs// de las gzhan du spyod byed cing // skye bo'i tshogs

  16. 58a

    rnams rab tu 'ching // zhes gsungs so// rdzogs pa chen po chos nyid byang chub kyi sems thig le rgya mtsho gnas la 'jug pa'i rgyud las/ dbyings kyi le'u ste lnga pa'o// // de nas chos dbyings rnam dag las// rigs bcas dkyil 'khor kun bzhengs te// ma bcos byang chub sems nyid sku// thabs dang shes rab 'brel bar gnas// 'di dag gnyis med zung 'jug pa'i// rang bzhin bstan pa'i don gsal mdzad// chos kun smra bsam las 'das pas// rang bzhin gdod nas sangs rgyas gnas// lta ba smra bsam las 'das phyir// de dag mtha' las rnam par grol// kun tu bzang po gsal ba nyid// de nyid nges pa gsum gyi tshul// rang bzhin phra zhing rtogs dka' bas// rgyal ba rnams kyi dgongs pa nyid// mi rtog rtog pa'i yul las 'das// mi gnyis rdzu 'phrul dpag/ tu med/ ta zhi gnas lhag mthong mngon shes sogs// yon tan ma 'gags kun snang ba// thogs med rang gi byin rlabs shugs// mi gnas mi dmigs spros bral zhing // so so'i mtshan ma kun spyod yul// thams cad ye shes snang ba'i rgyan// de dag rang gi byin rlabs che// bsam bya bsam bya'i rtogs tshogs rnams// nor bu 'od kyi snang

  17. 58b

    ba bzhin// dpe bcas mtshon pa'i sgo rnams kun// de dag rab tu rgyas pa nyid// byang chub sems nyid bde ba'i rgya// dkyil 'khor rigs rnams kun gyi gnas// dus gsum ma 'gags ye shes che// kha dog dbyibs rgyan gsal ba nyid// tshig gi mi phebs dbyibs dang rgya// kha dog dbang po spyod yul min// kun snang gcig tu rnam bral ba/ de nyid de dag yul kun dang // phyogs dus phyogs rnams bstan pa'i sgo// tha snyad tshig las 'das pa'o// 'di ltar bstan cing brtag dka' la// brjod bya rdul tsam gang la zhig/ de dag mtshan nyid gzung dka' bas// zung 'jug rgyal ba kun gyi yul// 'di dag sgo ma byed rnal 'byor pas// sngon gyi drang srong chen po ltar// lam kun rnam par mngon byed pa// de nyid yul gyis 'ching 'gyur zhing // sgom chags rtsol rtsal dang bcas pa'i// las kyi nad chen 'khrul pa'i rgyu// de dag mtha' bzhi// rnams spyod cing // brtags pa'i chos rnams kun grol byed// cha shas cha shas med pa'i tshul// rang bzhin byang chub sems kyi gzhi// bla med theg pa rdzogs 'dod/ pas/ thams cad rang bzhin byang chub sems// nang du dmigs pa'i ting nge 'dzin// de gsal ye shes chen po mthong // spyod pas don kun 'tsho byed cing //

  18. 59a

    smyon pa'i lhung bcas tshig gi rgyun// mtha' rnams kun gyi las spyod pas// lam+bu 'khrul zhing grol ba'i gnas// de nyid rtog par rgyun 'brangs pas// ri dgas smig rgyu snyeg pa 'dra// gal te de dag la gnas na// don 'thun gsang ba 'di skye zhing // de dag mtha' rnams 'gog 'gyur te// g.yeng med brtson 'grus chen por spyod// mtshan du med pa'i chos rnams kun// bgrod med yang dag lam du 'jug/ de dag mthar bcas mtshon byed pa// don 'thun gsang ba'i gnas ma yin// 'di ltar 'khor dang mya ngan 'das// phyi nang la sogs gnyis kyi chos// dag dang ma dag bstan pa kun// tshig nyid tsam ste 'khrul pa'i gnas// thams cad mnyam nyid zung 'jug pas// sku gsung thugs kyi dkyil 'khor nyid// rgyu 'bras rgyun chags rnam dag cing // byang chub sems nyid bde// ba'i gzhi// rnal 'byor chen po'i don spyod pas// 'di dag dgag sgrub med pa'i tshul// sangs rgyas theg pa bsam yas mdo// gnyis 'dzin 'khrul pa'i gnyen po ste// yang dag la ma nyid ma 'khrul bar// bstan pa theg pa'i tshul rnams bral// zhes gsungs so// rdzogs pa chen po chos nyid byang chub kyi sems

  19. 59b

    thig le rgya mtshog nas la 'jug pa'i rgyud las/ dbyings rnam par dag pa'i le'u ste drug pa'o// // de nas sangs rgyas thams cad kun// rang bzhin mi gnyis ye shes kyis// chos kun gsal bar ston byed cing // rang gi ye shes rnam par sbyor// dus gsum rnam par mkhyen pa'i tshul// bsod nams tshogs mchog mtha' yas pa// stong pa byang chub sems kyi lung // dus gsum rgyan gzer 'du 'bral med// ye shes tshogs kyi gnas 'jug cing // zab mo rgya chen gnyis med pa'i// thams cad mkhyen nyid ma 'dres pa'o// sku yi ye shes chen po yis// rnam pa cir yang 'byed pa med// de dag yul kun rnam dag pas// gti// myug kun gyi rang bzhin no// thog med gsal ba'i mar me bzhin// rang gan sa ngo bos kun tu ston// de dag bsam pa kun bral ba'i// thig le chen po ye shes nyid/ phyogs rnams kun tu rgya chen tshogs// zhing khams bsam gyis mi khyab par// sangs rgyas dkyil 'khor grangs med do// dus kyi bya ba ma 'dres par// / kun gas la rang gi chos las grol// lta sgom 'brel ba gnyis med pa'i// ye shes chen po'i gnas 'jug pa'i// rang bzhin ji ltar dag pa yi//

  20. 60a

    tshul rnams tha' yas rnam par tha'o// bya thams cad spangs pa 'argyas// de dag kyi rlabs nor du'i rgyug/ da byung ngang gis mi gso/ gsal ba'i ting nge 'dzin// bying drugs mtha' las rnam par dag/ sangs rgyas kun gyi dgongs panyid// ting 'dzin rgyal po'i gnas mnyes pas// bdi bkun gyis ra namangon sum mthong med mthong ba'i tshul// de dag de nyid ches la spyad// phyogs rnams kun nas ma 'gags pa'i// dkyil 'khor chen pa ye shes smra/ ma / da rnam par pam/ da 'i 'a// pa ltung la na rmugs rje chen par 'ad rgyangs so// de mi thams cad mkhyen pa'i mchog/ stsal bcas gnyis med gzigs pa'i rgyun// shes rab ming rjeg nyis med hU~M 'dzin mtha' yas kyi gcig par/ 'di ltar dang gzhan dag// gnyis kya rgyun las 'byung ba yi// khams ga ma ye shes kun spyad pas// lung ba'i chos rnams dag par byed// rnam shes dbang ba yul gyi tshogs// de gnas da dgas mdi med 'das// ye shes chen ma cag sa yis// don kun gisang bston byed pa'o// zhes

  21. 60b

    gsungs so// rdzogs pa chen po chos nyid byang chub kyi sems thig le rgya mtshoganas la 'jug pa'i rgyud las/ ye shes chen po'i le'u ste bdun pa'o// / de nas sras tshogs thams cad kyis// mngon par bstod pa'i dkyil 'khor nyid// mtha' dang dbus med thams cad kun// kun tu bzang po rgyas pa las// ji ltar rang gi rigs rnams dang // dkyil 'khor tshogs rnams 'khod par 'gyur// mtha' dbus med pa'i snying po 'di// zhing khams kun gyi chos nyid de// 'di ltar chos can ma 'gags pas// rang bzhin byang chub sems kyi lung // tha dad med las tha dad pas// nang dang phyi rol kun tu snang // mtha' dang dbus med spangs pa nyid// rnam gsum tshul gyi zung du 'jug/ zhing khams yongs su dag pas na// rigs kyi dkyil 'khor rnam par dag/ phyogs bcu rgya yongs ma chad pa'i// mtha' dbus kun tu bzang po'i sku// rol pa sna tshogs cir yang snang // dmigs pa'i rnam pa las 'das pa'o// 'di las spang yul blang ba dag/ dgag sgrub dor ba'i gnas med pas// / dus kun mnyam pa'i rgyal po yis// thams cad chos tshogs mnyam par sbyor// sems dang bag chags gcig min cing // de bzhin gnyis su'ang gzung med pas//

  22. 61a

    tha dad min la tha dad pa'i// sna tshogs chos kun 'byung ba'i gzhi// de dag 'dzin pas rnams brtags nas// snang ba'i chos rnams la spyod cing // rang gi rkyen gyis snang ba kun// mi 'dor gzhan nas sgrub mi byed// de ltar 'du byed rgya chen tshogs// rnam shes mtshan ma dang bcas pa// phung khams sna tshogs skye ba'i gzhi// chos rnams kun gyi rtsa ba yin// gcig la du mar snang byed pas// du ma gcig gi ngo bo nyid// rnam shes sgo rnams la brten cing // dbang po yul du rgyan gyis 'byung // des na phyi nang ma lus pa// tha snyad rtog pa'i rgyun bcas pa'o// rnam kun bdag med cir yang snang // yul 'bras gang du'ang mi dmigs pas// thabs kyi phyag rgya sna tshogs kun// lta ba kun tu bzang por ga sa la// rnal 'byor rab tu 'brel ba'i mthus// yun rings rab tu sbyangs pas grol// 'di dag dkyil 'khor chen po'i gzhi// rang gi chos kun rtogs pas gsal// mthar thug min la mthar thug gces// der 'dzin 'ching bas bcings pa dag/ nam mkha'i mtha' las bskal pa'i bar// yang dag ye shes la gol 'gyur// gnyis med mnyam pa'i tshul gyis ni// thams cad spang blang med par spyad// skye bo kun gyi smod byed cing // rgyur bcas theg pas yang dag gol//

  23. 61b

    de dag rnam par grol ba'i lam// 'dod chags zhe sdang gti mug che// nga rgyal phrag dog yul bcas pas// rang bzhin sman rnams 'ching bar 'gyur// theg mchog bla med tshul gyis ni// shes rab che dang snying rje che// thabs mkhas rnam par spyod pa'i mthus// de dag chos kyis grol bar 'gyur// ji ltar rnam par sbyangs byas pas// rdzas rnams mthu dang ldan pa ltar// rang rtogs ye shes sbyangs pa yi// dngos po thams cad smos ci dgos// rnam dag lam der zhugs pas na// de kun rang gi/ gnas rnams spyod// mnyam pa'i rgyal po 'grub byed pa'i// phyag rgya gsang tshul sngags pa'i mchog/ thabs dang shes rab cher ldan pa// de gnas dus kun 'brel ba'i gzungs// thabs la thabs kyi phyag rgya dang // shes rab shes rab phyag rgya nyid// de dag zung du 'brel pa'i rgya// don kun gsang ba ston byed pa'o// rang rgyud phyogs gcig grol byed pa'i// tshul rnams chos kyi mthar 'dzin pa'o// ming tshogs phung po khams rnams dang // skye mched kun gyis bdag gnas 'gyu ro// de dag ji bzhin rnam spyod pa'i// chos rnams mthar thug rtogs pa'i gzhi// sdug bsngal kun 'byung 'gog lam dang // de dag mtha' rnams grol byed

  24. 62a

    pa'i/ rab tu spyod la gnas kun brgyan// mtha' bral yul rnams kun spyod pas// rang gi yang dag mngon sum rgyas// ma rig 'du byed sdug bsngal tshogs// 'gro drug gnas kun ris 'khor ro// tha dad dkyil 'khor rol pa'i rdzogs// theg pa che las gzhan snang ba/ 'bras bu sangs rgyas kun gyi dngos// zhes gsungs so// rdzogs pa chen po chos nyid byang chub kyi sems thig le rgya mtsho gnas la 'jug pa'i rgyud las kun tu bzang po'i le'u ste brgyad pa'o// // de nas rgyal ba kun gyi gsang // ye nas lhun gyis grub pa'i dbyings// phyag rgya'i dkyil 'khor rang snang ba// 'di dag 'bras bu rdzogs pa'i phyir// kun tu bzang po'i sku gsung thugs// de bzhin nyid bcas rab tu ston// ji snyed sems can thams cad kyi// zhen rtog snang 'dzin mtha' yas pas// phyogs rnams kun tu rtog pa'i rgyun// sna tshogs yul bcas rnam par 'dzin// thog ma tha ma med pa'i dbyings// rang bzhin ye shes gnas 'jug pas// rgyu 'bras theg pa sna tshogs kyi// don kun so sor snang ba yin// glo bur 'khrul pas btags pa yi// lo rgyus sba

  25. 62b

    ma la brten te// rtsol ba brgyad bcas bya ba'i sgos// bde ba chen po'i gnas kun sgrib// rang gi lta ba ting 'dzin dang // spyod pas sa dang lam rim dag kun tu brtags pa'i 'khor los te// de las de bzhin nyid mi skye// rtsol bral lus las gol ba'i phyir// 'khrul pa'i ngo bos brtags pa'o// thig le chen po'i rang bzhin la// phyi nang chos rnams lhun grub pas// kun bzang su gsung thugs kyi bdag/ rigs rnams kun gyi rgyan gyis mdzes// sku yi sku ste sku yi mchog/ gsung gi gsung ste gsung gi mchog/ thugs kyi thugs te thugs kyi mchog/ rang bzhin ma bcos snga ma'i dbyings// bya bral lhun rdzogs bde ba'i zhing // yul rnams rnam par dag pa'i tshogs// de dag snang las rnam grol zhing // stong pa nyid dbyings mi gnas pa'o// de ltar snang dang stong pa dang // las gzhan mtha' rnams dag pa'i gzhi// ye shes rang byung che ba mchog/ snying po theg pa bla med pa'o// dus rnams kun tu mi g.yo zhing // de bzhin 'gyur ba med pa'i chos// tha snyad rtog pa las 'das pa'i// rang byung byang chub sems kyi rgya// zin pas kun tu 'khor 'gyur zhing // zin pas de mtha' rnam par dag/ bdud rtsi chen po'i rang bzhin ni// thabs kyi rtsol ba gzhan nas med//

  26. 63a

    gnyis med ye shes bdud rtsi'i rgyun// sdug bsngal rnam rtog gnyis med do// bya bral mtshan ma med pa la// snang ba'i don kun rnam par rol// de ltar ye nas ma 'dres shing // theg pa'i mtha' rnams dag byed pas// lhun gyis grub pa'i don kun nyid// dus rnams kun gyi rang bzhin no// zhes gsungs so// rdzogs pa chen po chos nyid byang chub kyi sems thig le rgya mtsho gnas la 'jug pa'i rgyud las/ lhun gyis grub pa'i le'u ste dgu pa'o// // de nas sangs rgyas thams cad kyis// mchod pa'i tshogs rnams bkod pa las// phyogs rnams kun tu mchod byed cing // rang gi ye shes bstan par mdzad// byang chub sems dpa'i tshogs rnam kyis/ don rgyas gsang ba'i rgyud gzung zhing // rnam grol ye shes zag pa med// byin rlabs skad cig mthu yis rtogs// gsang ba'i rgyud chen mthar phyin pa// dus gsum rgyal ba'i bka' bzhin du// kun tu bzang po'i bstan pa nyid// rang gi shes rab kyis gzung zhing // nges par mchod cing bstod pa'i gnas// rgyud chen gsang ba mthur phyin pa// don kun ston pa'i mtshan ji ltar// kun bzang lha la gsol 'debs shing // byang chub sems kyis mchod par rol// de dag bstan pa'i don bzhin du// mthar phyin rab tu rdzogs

  27. 63b

    par mdzad// yongs kyi chos rnams thams cad ni// thig le chen po'i rang bzhin nyid// zab cing rgya che grangs med mdo// rgya mtsho chen po'i rang bzhin te// yon tan tshogs rdzogs sgrib pa med// spro ba med cing bsdu ba med// skye ba med cing 'gag pa med// dngos med mtshan ma cir mi gnas// de ltar don kun gnas 'jug pa'i// mi gnyis ting 'dzin yul las 'das// theg pa sna tshogs ston pa'i gzhi// gsang ba'i mtha' rnams ma 'gags pa'o// rnam par mi rtog bsam gtan ni// nam mkha' bzhin du ye gnas pas// rtog pa'i smra bsam yul las 'das// zhes gsungs so// de nas rigs kyi de bzhin gshegs pa rnams kyis phyogs thams cad mngon par bstod cing rjes su yi rang ste spyi bos blangs so// thams cad ston pa bla na med// thams cad theg pa bla na med// gsang sngags phyag rgya'i dkyil 'khor du// ma lus chos rnams kun sbyor zhing // rigs pa'i mngon par rdzogs pa dag/ bcom ldan snying po khyod las byung // ye shes chen po kun spyod pas// rigs kyi rigs te rigs kyi mchog/ ces pa dang / rgyal ba kun gyis byang/ chub sems dpa'i tshogs rnams la dbang bskur zhing / bstan pa'i snying po dam pa 'di rjes su gdams so// rdzogs pa chen po chos nyid byang chub kyi sems thig le rgya mtsho gnas la 'jug

  28. 64a

    pa'i rgyud las/ yongs su bsdu ba'i le'u ste bcu pa'o// / rdzogs pa chen po chos nyid byang chub kyi sems thig le rgya mtsho gnas la 'jug pa'i rgyud ces bya ba rdzogs so// // rgya gar gyi mkhan po bi me la mi tra dang / sgra sgyur gyi lo tsa ba chen po g.yu sgras zhus shing gtan la phab pa'o// / rgya gar skad du/ ma hA i ti d+harma tA bo d+hi tsit+ta radAdwa byA habi b+hed tan+t+ra na ma/ bod skad du/ rdzogs pa chen po chos nyid byang chub kyi sems rin chen bkod pa rnam par dbye ba'i rgyud ces bya ba/ dpal kun tu bzang po la phyag 'tshal lo// 'di skad bdag go thos pa dus gcig gi tshe na byin rlabs las/ bcom ldan kun tu bzang po nyid// dus kun snang ba ma'agags shing // rang bzhin ye shes kun spyod mdzad// chos rnams kun gyis rnam brgyan te// kun tu sku yi dkyil 'khor dang // gsung thugs yon tan 'phrin las tshogs// rang gi dkyil 'khor rnam brjod cing // sangs rgyas kun gyis bstod byed pa'o// mi gnyis shes rab 'brel ba'i gzungs// rigs kyi dkyil 'khor kun yul sbyor// thugs rje che dang thabs chen po// yon tan ma 'gags kun gsal zhing // phyag rgya'i dkyil 'khor ji bzhin par// phyag rgya bstan pa'i ting nge 'dzin// 'og min gnas mchog rnam dag mkha'// ye