tshogs kyi 'khor lo'i cho ga
Gaṇacakrabidhi
Text
ff. 37b–42b · 11 folio sides
- 37b
ba'i sngags la btags la dbral bar bya'o// gshegs su gsol ba'i sngags ni badz+ra muHzhes btags la gshegs su gsol// rgyal po yang sprul pa dang las kyi rigs su bsam// phyi ma mthun te man ngag tu shes par bya'o// klu dang rgyal po'i sbyor ka ste brgyad pa'o// // de dag thams cad phyi yin no// nang gi snying ga'i lha rnams la// gtor ma zas rnams yin pas na// / bdud rtsir byin gyis brlabs nas ni// lha la ting nge 'dzin gyis dbul// de ni rnal 'byor lam pa yin// phyag rgya phyag rgya'i man ngag bzhin// nang gi gtor ma'i sbyor ka ste dgu pa'o// gsang ba'i gtor ma'i sbyor kA ni// lte ba pad+ma gtor ma'i snod// de steng zla ba'i steng du ni// byang chub sems kyi kun de la// bdud rtsi la sogs yon tan sogs// gtor ma'i rdzas su bstan pa yin// de 'og tsaN+Da li yi me// de 'og rlung sngon bskyod pa las// me 'bar bdud rtsi zhu ste phab// 'khor lo mkha' 'gro rnams la mchod// rtog pa zhi ba las rnams 'grub// gsang ba'i gtor ma'i sbyor ka sde bcu pa'o// // bla na med pa'i gtor ma ni// lhan cig skyes pa'i dga' ba la// thams cad rdzogs pa'i man ngag 'chang // bla na med pa'i gtor ma'i sbyor ka ste bcu gcig pa'o// // gtor ma'i man ngag sbyor ka rnams// man ngag rim par bkod pa yis// bdag dang mtha' yas sems can rnams// bla med byang chub thob par shog/ slob dpon b+ha bas mdzad pa rdzogs so// // tshogs kyi la ma'i chog bzhugs// @#// rgya gar skad du/ gaN tsakra bi d+hi/ bod skad du/ tshogs kyi 'khor lo'i cho ga
- 38a
dpal rdo rje can la phyag 'tshal lo// tshogs cher khyad par bsags pa dang // dam tshig nyams pa bskang ba dang // sgrib sbyang mchog ni thob bya'i phyir// rnal 'byor/ thugs mthun bdag gis bshad// tshogs ni gnyis su shes par bya'o// phan gdags pa dang tshar bcad pa'i// de yang 'khor lo bskor dang mchod pa brtsam// phan pa mchog dang thun mong ngo // dgug dang bskrad dang mnan pa dang // bsad pa la sogs tshar bcad pa'o// de sbab rnal 'byor bstan pa ni// sngags pa gcig tu rtog byed dang // dus rnams kun tu rtse/ gcig ldar// rgyud rnams kyi ni snying po shes// de nyid bcu ni mchog du rig/ zab cing rgya che chos la mos// yid ni shin tu 'jam pa dang // bsnyen bskur ldan zhing 'jigs pa med// nga rgyal med cing bshags la brtson// brda dang phyag rgya mchod pa yis// lan dang sbyor ba sogs la mkhas// gsang thub tshod rig lus ngag bzo// de la sogs pa'i cho ga mkhas// gu ru la sogs lha dang bstan// de stengs las kyi rnal 'byor gnyis// byan po bran mo gsol ka gsum// phyi mtshams nang mtshams rol mo pa// de ni rnal 'byor rgyas pa'i tshad// lA stengs// las kyi kar ma dang // mtsham pa nyid ni bsdus pa'o// lnga pa yan chad shin tu bsdus// 'khor lo bsdus rgyas mkhas pas bya// mchod pa bzhi gsum gnyis kyis bya// de yi rim pa'ang gong bzhin du// bsod nams rim pa'ang de bzhin thob// 'khor lo gral ni dkyil 'khor tshul// yang na mchog 'dod pa dang thun mong ni// grags ma grags kyi rim pa yis//
- 38b
mchod pa'i tshul gyis rim pas bya// byin gyis brlabs sam rigs mthun par// nyams dga' ma yid 'jug gnas dag tu// 'khor khang sum rim dang po yi// sgo bzhi gnyis pa lho la gsum pa shar// de yi thun mong khyad par ni// dang po sa 'og phyi ma ste// rim gsum gyen du brtsigs pa ni// lus 'dod pa'am phyi ma'i lugs// pan 'dogs don tu bstan pa'o// / dur khrod mcho gling 'jigs pa'i gnas// 'di 'dra'i rigs mthun la sogs su// tshar bcad don du gong bzhin bya// dus ni rgyun nam lo 'am zla// khyad par bzhi gsum gnyis dang gcig/ bcu gnyis bzhi ru dam tshig go/ de ltar ma byas mkha' 'gros gsod// byas na dngos grub chen po thob// yon tan sbyor ba'i rim pa dang // sgrub po 'dod pa'i rim pa yis// gong gi khyad par/ shes par bya// phyi ltar ba yi rnam lngas byug/ nang ni bdud rtsi rnam lngas byug/ phyi ni mdzes pa'i rgyan rnams bris// nang ni dur khrod chas kyis brgyan// dkyil 'khor gsang cho ga nub mor bri/ ngag gi brda' skad thabs gsum gyis// rnal 'byor rnams ni bsdu bar bya// dbyug sngon gyis ni lus ngag brda'// bum pa nas bzung phyi nang gsang // dri nas dbye gsal rim pas bya// slob dpon mdun du 'khon gcugs sbyangs// las kyi sems dpa' gral la dgod// rgyan chagon la go gor gnas// slob dpon gyis ni byin brlabs shing // las kyi sems mas rtags gsum gdab// rang gis lhag pa'i nga rgyal bya// karma sa baN+Dal mchod pa rnams// rim par byas nas gsol ba gdab// bskyed pa'i rim pa tshul bzhin bsgom// so so'i lha'i nga rgyal bya//
- 39a
de ltar mi shes lhag pa'i lha// de ltar byas nas gtso bos brdas// karma la ni bskul bar bya// karma 'khor ma dang bcas la// tshogs kyi bye brag brgya rtsa brgyad// 'gying bag tshul gyis drang bar bya// tshogs kyi dbye ba bstan pa ni// rtsa ba lnga las rtsa lngar gyur// thun mong du ni brgyad bya la// rnal 'byor zab mo'i spyod yul yin// sha'i bye brag nyi shu lnga// btung ba'i bye brag de bzhin no// sman gyi bye brag nyi shu dang // bshos dang dkar gyi bye brag kyang // phyed mar byas pa'i sum cu yin// spos kyi bye brag brgyad du bstan// de nas bsdus pa phyed du bya// shin tu bsdus pa de'i byed// de ni tshogs kyi 'khor lo'o// tshogs kyi 'khor lo'i mchod pa'i rim pa ni// bcu dang lnga dang gsum du bya// de yi rab 'bring sgrub pa'o// bsod nams che chung rim pa de'o// tshogs de slob dpon byin gyis brlabs// rlung gis me spar mtshan ldan dros// de nyid gsum gyi las byas la// bdud rtsi dbab cing rdo rjes dkrugs// bdud rtsi rang bzhin 'od du zhu// btung ba'i byin rlabs la sogs kyang // man ngag bzhin du byin brlabs la// bdud rtsi mchod pa phyogs bkram la// dang po las kyi rnal 'byor gyis// mdun du lha bskyed spyan drangs bstim// dang po phyag 'tshal mchod lnga 'bul// de nas bdud rtsi'i mchod pa dbul// de 'og lcags kyu lnga po dang // glu dang gar gyi mchod pa dbul// hUM gis glu blangs mchod pa ni// nyi shu yang ni bya bar gsungs// bstod cing rol mo'i mchod pa dbul// de nas rnal 'byor rnams la mchod/
- 39b
lhag ma mkha' 'gro rnams la mchod// maN+Dal sngon po byas nas ni// bdud rtsi lnga'i chag chag gdab// me tog sngon po'i tshom bu dgram// sa la gnas pa'i mkha' 'gro ma// bskyed cing spyan drangs bstim byas la// byin gyis brlabs la mchod pa bya// lhag mkha chus btab nas ni// sbyang dang spro ba bsdu byas la// 'khor khang phyi logs maN+Dal bya// khrag gis blugs shing me tog dgra ma// bshug glu brda' yis spyan drangs la// rnal 'byor skra bshig thal ba byug/ rgyan ches gon la rtags rnams gdab// lha yi ting 'dzin gsal byas nas// rdo rje glu blangs rol mo brdung // mchod cing bstod nas mthol bshags bya// 'phrin las bcol la gshegs su gsol// byang chub sems dpa' sems dpa' chen po tshogs kyi sbyor ka'i 'phrin las kyis// rnal 'byor pa'i las rnams 'grub// slob dpon b+ha bas mdzad pa rdzogs so// zab pa don gyi cho ga rnams// rin chen lta bu'i gang zag la// zab phyir man ngag bcol nas/ bstan// mchog gi tshogs kyi 'khor lo ni// thun mong cho ga thams cad ni// thun mong tshogs 'khor dang mthun no// khyad par cho ga bstan pa ni// rin chen phug pa dgu rim mam// bdun rim lnga rim sum rim ni// mu stegs nyan thos skyes pa yi// sgra 'gyur log spyod spyad byed gsum// de dag spang phyir gong bzhin bstan// rgyal rigs rje rigs bram ze'i rigs// bu mo mtshan dang ldan pa ni// mtshan rnams bcu po rdzogs pa dang // shes rab che dang snying rje che// dad pa la sogs che ba dang // rnal 'byor ldan zhing phyag rgya mkhas// sbyor thabs kun la rab tu
- 40a
mkhas// de lta'i rnal 'byor nyung yang lnga// mang bar gyur na rnam 'byor kyang // bskyed de de ltar rig par spyad// lnga gnyis zung du gnas pa las/ bskyed pa'i rim pa mthar phyin pas// nang gi mchod pa brtsam par bya// de nas gsang ba'i mchod pa brtsam// gsang ba'i mchod pa'i cho ga yis// dga' ba'i ye shes bcu drug ni// 'khor lo'i tshul las lhan cig bskyed// ye shes 'khor lo zhes su grags// yang na sprul pa'i 'khor lo la// thig le phra mo bsam pa ni// rnal 'byor pa yin rtsa rnams mo// rlung ni las/ kyi sems pa yis// de la sogs pa'i man ngag rnams// slob dpon zhal las shes par bya// 'khor lo gsum la'ang de bzhin no// tshogs zhes bya ba mang ba yin// 'khor lo zhes bya bskor du btub// mchog ces bya ba lhan cig gda'// de ltar mchog gi 'khor lo ni// yang yang sbyang zhing bsgom par bya// mchog gi tshogs kyi 'khor lo'i sbyor ka ste gnyis pa'o// dgug pa'i tshogs kyi 'khor lo ni// thun mong cho ga thams cad ni// thun mong tshogs 'khor dang mthun no// khyad par cho ga bstan pa ni// dur khrod 'jigs pa'i gnas dgra thu// shin tu dmar ba'i gos gyon nas// nub phyogs su ni kha bltas te// cho ga gsum gyis lcang bskyed nas// 'khor bskyed pa'ang mi bskyed pa'o// bskyed pa hUM gis bskyed pa dang // mi bskyed skad cig sprul pa'o// ye shes dkyi 'khor sbyin drangs sogs// byas nas bskyed rim mther phyin nas// mdun gyi dkyil 'khor sprul pa la/ cho ga la sogs rdzogs byas nas// dur khrod ras
- 40b
ma dag la ni// mdun du gzugs sam 'khor lo bri// dgrag pa'i yi ge'i 'od zer gyis// bsgrub bya bkug nas bstim par bya// 'jig rten 'das dang 'jig rten pa'i// dkyil 'khor bzhi po de dag la// mchod bstod la sogs byas nas ni// 'phrin las bcol zhing rbad pa dang // sngags bzlas brgya rtsa brgyad du ni// rab kyis bya ba 'bring gi ni// lnga brgya tha ma stong gis so// bzhi po rab tu re re yang // de bzhin cig gis 'grub pa dang // yang na thun par bzhi dag tu// rtse gcig lnga bcu brgya rtsa brgyad// de lta'i 'khor lo rtsa gcig dang // lnga bcu brgya rtsa brgyad du ni// sgrub po khyad par rab 'bring gis// bsgrub bya gang yin khugs par bsam// nyi shu rtsa drug mtha' las ni// bsgrub bya'i ming ni bcug nas su// 'gugs byed bsre bar gzhug par bya// dgug bai tshogs kyi sbyor ka la// nyin dang mtshan du brtson par bya// dgug pa tshogs kyi 'khor lo'i sbyor ka ste gsum pa'o// // bskrad pa tshogs kyi 'khor lo ni// thun mong cho ga thams cad ni// phan gdags pa ni nyid dang mthun// khyad par 'jigs pa'i gnas dag tu// lho phyogs su ni kha bltas te// sngon po la sogs gos gon la// bskyed rim tshul du bya ba dang // cho ga gsum gyis bya ba yin// de nas ye shes spyan drangs nas// cho ga la sogs rdzogs par bya// mdun du dur khrod ras ma la// rlung gi dkyil 'khor bris nas ni// de snyed zla ba'i dkyil 'khor la// bsgrub bya'i gzugs brnyan bris nas ni// rnal 'byor ci 'dod mdun du bsam// yang na gtso bo lnga 'am drag po gnyis// las la med du mi rung ngo // gtso bo drag po las ni bsdus/
- 41a
slob dpon gnyis po shin tu bsdus// dkyil 'khor gsum po sprul pa las// cho ga la sogs rdzogs par bya// tshogs kyi rdzas rnams ma lus bsag/ khyud par tsit+ta sna tshogs dang // sha sna khrag snga la sogs pa'i// tshul khrims bsrung ldan nas bzung nas// sgo mangs can ni yan chod kyi// rang gi sbyor ba ma byas par// gzhan la nyos dang blangs pa yis// rdzas rnams rdo rje can gyis ni// rgud las bsngags par bcom ldan gsungs// byan pos btso bsreg byas nas ni// yon bdag 'khor dang bcas pa rnams// skor ba bdun nam gsum byas la// 'bying bag 'dzum pa'i mdangs kyis ni// slob dpon la ni rdo rje'i glus// phyag rgya bskur nas drang bar bya// hUM bla ma rdo rje slob dpon ni// gnyis ye shes mthu ldan pas// dbyings las ma g.yos rtogs med kyang // sems can gdul bya'i don slad du// rdo rje can gyi sku sprul nas// rtse gcig ldan pa'i ting 'dzin gyis// tshogs kyi 'khor lo rgya chen 'di// bdag gzhan lha rnams mchod pa yis// byin gyis brlabs pa mdzad du gsol// de nas rdo rje slob dpon gyis// yi ge gsum gyi bdud rtsi yis/ bsreg sbyabs bdud rtsi zhu nas kyang // bde gshegs mchod bstod rdzogs byas nas// 'phrin las bcol bas khro bo yi// sngags bzlas pas ni bsgrub bya ste// 'khor lo rlung gi dkyil 'khor la// sgrub bya de ru bzhag nas su// khro bo dpag med spros pa yis// zhal nas rlung nag tshub ma ni// btang bas sgrub bya btig nas kyang // nub byang mtshams kyis rlung
- 41b
lhas ni// khyad par de nyid bskyod nas kyang // nam mkha' mthas gtugs sa ru bskyal// de ltar lan gsum lhag sum gyis// cho ga byas te bskyal bar bya// bskrad pa'i tshogs kyi 'khor lo'i sbyor ka ste bzhi pa'o// // mnan pa tshogs kyi 'khor lo ni// thun mong cho ga thams cad ni// phan gdags pa ni nyid dang mthun// khyad par cho ga bstan pa ni// ri bo dben pa'i gnas dag tu// slob dpon lho phyogs kha bltas te// ser nag la sogs rgyan cha gon// cho ga la sogs rdzogs byas la// rnal 'byor rnams kyi mdun du ni// dur khrod ras ma dag la ni// ba bla 'am ldong ros khu bas su// gser gyi ri rab bris nas kyang // de 'og mthing shing dag gis ni// rgya mtsho chen po'i gzugs bris la// de gnyis dag gi bar du ni// bsgrub bya'i ming // rnams bris nas kyang // shugs ldan pa dang mgo 'chos dang // kun tu rgyug pa yan chod kyi// sna gsum po ni thams cad kun// chos mthun spyod pas btsal nas kyang // byin po de rdzogs rdzas rnams la// yid 'ong dpag med bshams nas kyang // bskor nas slob dpon la phul bas// cho ga la sogs rdzogs nas ni// dkyil 'khor gnyis pa'i cho ga yis// sngags bzlas brgya rtsa brgyad pa gnyis// ting 'dzin ldan pas bslab bya ste// ming gi yi ge bskyed nas kyang // yi ge gnyis po ri rab dang // rgya mtsho bskyed nas mnan par bya// dkyil 'khor mtha' ma'i cho ga yis// khang pa'i phyi rol dag tu ni// drag po'i 'brub khung byas nas kyang // nag pos kha ni bcad nas kyang // de steng las kyi rgya gram bri// de sogs cho ga'i sbyor bas su// mkha' 'gro/
- 42a
/ rnams kyis mnan par bya'o// mnan pa'i tshogs kyi 'khor lo'i sbyor ka ste lnga ba'o// // bsad pa'i tshogs kyi 'khor lo ni// thun mong chog thams cad ni// pan gdags pa dang mthun par bsam// khyad par cho ga bstan pa ni// drar khrod 'jigs pa'i gnas rab tu// slob dpon lho phyogs kha bltas te// mnan cing drag po rgyan chagon// rnal 'byor rnams kyi mdud du ni// dur khrod ras la gzugs bris la// brang bu gri gug mtshon cha rnams// khro bo'i sngags kyis byin brlabs nas// phur bu gdab cing gri yis gtub// thun mong rdzas rnams steng du ni// gdod pa can ni sna tshogs kyi// gsum dang ldan pa yid du 'ong // slob dpon la ni phul nas kyang // dang po bsgrub bya de nyid la// bkug nas khro bo'i mtshon cha yis// bsad pa'i cho ga byas nas su// rtsa gcig la sogs sngags kyis ni// de bzhin byin rlabs byas nas su// dang po 'khor lo mchod nas kyang // cho ga la sogs rdzogs byas la// slar yang bsgrub bya bkug nas ni// mdun bsam bsad pa'i sbyor ba yis// cho ga rdzogs nas tha ma ni// mkha' 'gro ma yis bsad pa yi// sbyor bas cho ga rdzogs par bya'o// bsad pa'i tshogs kyi 'khor lo'i sbyor ka ste drug pa'o// // bsreg pa'i tshogs kyi 'khor lo'i sbyor ka nI// cho ga thams cad gzhan dang mthun// dkyil 'khor gsum du sbyin sreg gsum// rnal 'byor pa ni thams cad kyis// sngags la sogs pa'i 'khor lo yis// bskor ba'i tshul du tha ma ni// las mkhan gyis ni bsreg par bya'o// de yi tshig
- 42b
thams cad ni// sbyin sreg cho gar shes par bya'o// bsreg pa'i tshogs kyi 'khor lo'i sbyor ka ste bdun pa'o// // bsgrub pa tshogs kyi 'khor lo ni// cho ga thams cad gzhan dang mthun// khyad par cho ga bstan pa ni// rnam par bam pa ma yin pa'i// mtshan ldan bam chen blangs nas ni// ming gi yi ge bskyed nas kyang // de nyid dkyil 'khor gsum po la// bstab ste yang na rdzas la ni// bsams te byin brlabs byas nas kyang // karma byug sngon na mgrin gyis// lan gsum lan bdun nyi shu gcig/ bstab pa'i tsho gas ni mkhas pas/ so// de nas phyi rol dag tu bya// de ltar gnyis bstab gsum du bstab// slob dpon man ngag shes par bya'o// bstab pa tshogs kyi 'khor lo'i sbyor ka sde brgyad pa'o// // thun gsum thun bzhi dag tu ni// nyin dang mtshan ni lan gsum du// tshogs kyi 'khor lo'i sbyor ka la// rnal 'byor can gyis brtson par bya'o// dngos grub rnam gnyis 'dod pa dang // bar chad rnam gnyis bsal ba'i phyir// tshegs kyi 'khor lo 'di byas dge bas su// thams cad byang chub thob par shog/ tshogs kyi 'khor lo'i sbyor ka slob dpon b+ha bas mdzad pa rdzogs so// // lo tsA ba dge slong tshul khrims gzhon nus bsgyur cing gtan la phab pa'o// // @// lag na rdo rje sbyin sreg gi cho ga bzhugs// @#// rgya gar skad du/ hau tr-i bi d+hi bod skad du/ sbyin sreg gi cho ga/ bcom ldan 'das rdo rje can la phyag 'tshal lo// sdig pa gzhi la dang bsod nams 'phel// dgug dang dbang byed bsad pa'i sa// sgrub po rnams la phan btag
Colophon
tshogs kyi 'khor lo'i sbyor ka slob dpon b+ha bas mdzad pa rdzogs so/_/lo tsA ba dge slong tshul khrims gzhon nus bsgyur cing gtan la phab pa'o