Q912MW1PD96684_0912mdo sna tshogsAll versions of this work

'phags pa don dam pa'i chos kyi rnam par rgyal ba zhes bya ba theg pa chen po'i mdo

Text

ff. 35a–45a · 21 folio sides

  1. 35a

    ldan 'das kyis de skad ces bka' stsal nas/ tshe dang ldan pa shA ri'i bu dang / lha nga mi dang lha ma yin du bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ 'phags pa chos kyi phung po zhes bya ba theg pa chen po'i mdo rdzogs s+ho// // rgya gar gyi mkhan pa pra dz+nyA ba rma dang / zhu chen gyi lo ts+tsha ba ban de ye shes sdes bsgyur cing zhus te gtan la phab pa// rgya gar skad du/ ar+yA ba ra mAn+ta d+harma bi dza ya nA ma ma hA yA na sU tra/ bod skad du/ 'phags pa doni dam pa'i chos kyis rnam par rgyal ba zhes bya ba theg pa chen po'i mdo/ sangs rgyas dang byang chub sems dpa' tham cad la phyag 'tshal lo/ / 'di skad bdag gis thos pa dus gcig na/ bcom ldan 'das mngon par rdzogs par sangs rgyas nas ring po ma lon par ga ya'i ri la dge slong mngon par zhugs pa mngon par bzhugs pa rnams dang / byang chub sems dpa' bye ba phrag dgu bcu rtsa dgu dang / thabs gcig tu bzhugs te/ lha bye ba phra gnyi shu rtsa brgyad dang / dge slong dang / dge slong ma dang / dge bsnyen dang / dge bsnyen ma brgyad khri drug stong dang / gyang drug khri dang / gcer bu ba bye ba phrag bcu gnyis dang / drang srong chen po mngon par shes pa lnga dang ldan pa/ gdung pa lngas yan lag gcig pa lnga brgya yan lag dkar ba/ sha med cing rus mgo lpags kyis yog pa/ lto zhar zhing sgra'i khur khyer ba/ lus dgu pa/ g.yang gzhi dang shing shun gyon pa/ lag na ril pa thogs pa brgyad khri bzhi stong dang yang thabs gcig go// rgal bar 'dun pa rnams dang yang thabs gcig go// de nas bcom ldan 'das ri nag po rnams kyi nang na ri'i rgyal po re rab ltar drang srong rnams kyi nang na lham me/ lhan ne/ lhang de ste/ lug rnams kyi nang na glang po che'i rgyal po mche ba drug pa 'dra la/ srin bu me khyer kyi drung na nyin zla dang mtshungs

  2. 35b

    shi / rtsa ka shi'i me tog gi nang na man dA ra ba'i yal ga dang 'dra la/ nam mkha' lding gi rgyal po bya rog gis bskor ba dang 'dra bar bcom ldan 'das drang srong rnams kyi nang na nyis 'gyur du mdzes so// de nas bcom ldan 'das rin po che'i gtod pa zhes bya ba'i ting nge 'dzin la snyoms par zhugs te/ rdzu 'phrul gyi cho 'phrul dpag tu med par mdzad cing blo g.yas g.yon gnyis nas 'od zer phyung ste/ de bzhin gshegs pa bye ba dpag tu med pa phyung / byang chub sems dpa' bye ba dpag tu med pa dang / baN+Da byin dang tshangs pa dang / 'jig rten stong ba dpag / lnga 'us bcom pargya stong dpag tu med pa byung // dge slong dang / dge slong ma dang / dge bsnyen dang / dge bstan ma brgya bu med pa phyung / 'khor los bsgyur ba dang / stobs kyi 'khor los bsgyur ba dang / khams kyi rgyal baM dang / rigs sngags 'tshang dpag tu med pa phyed/ rgya dang / ri brags pa dang / 'gro lding ba dang / lho phyogs pa dang / nags khrod pa dpag tu med pa phyung / rgyal rigs shing sa la chen po lta bu dang / bram ze dang khyim bdag shing sa la chen po lta bu dang / mi gzugs dang / cha byad dang / mdog dang / smra ba'i skad sna tshogs pa ji snyed pa dang / lha'i ris ji snyed pa de dag thams cad de bzhin gshegs pa'i sku las phyung ngo ro/ / de nas 'khor chen po de the tsom du gyur nas phan tshun gdong du blta'o// byang chub sems dpa' rnams rab tu dga' ste/ rin po che'i char 'bebs pa nas rgyan thams cad kyi bar gyi char 'bebs so/ / de nas bcom ldan 'das rin po che gtong ba'i ting nge 'dzin las bzhengs te/ seng ge bgyings pas phyogs bcur rnam par gzigs so// bcom ldan 'das kyis p hyogs bcur gzigs ma thag tu de nas phyogs bcu'i sangs rgyas kyi zhing dag nas sangs rgyas bcom ldan 'das ji snyed sangs rgyas kyi spyan la snang ba de dag thams cad lag mthil du bzhag pa bzhin du mi mjed kyi

  3. 36a

    'jig rten gyi khams su kun tu snang ngo / / de bzhin gshegs pa thams cad kyis kyang bcom ldan 'das shAkya thub pas ji ltar byung ba de 'dra ba'i rdzu 'phrul gyi cho 'phrul phyung ste/ de bzhin gshegs pa rnams kyi sprul pa phyung ba ji snyed pa de dag thams cad kyang bcom ldan 'das ga la ba der logs su dong ste phyin nas bcom ldan 'das kyi 'khor gyi nang du 'dus par gyur to/ / byang chub sems dpa' dpag tu med pa dag kyang dge slong dang / dge slong ma dang / dge bsnyen dang / dge bsnyen ma gang gA'i bye ma snyed dag dang lhan cig tu de bzhin gshegs pa la mchod pa chen po dpe med pa thogs te 'dir lhags so// de bzhin du lha dang / klu dang / gnod srin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa du ma de dag kyang bcom ldan 'das kyi rdzu 'phrul gyi cho 'phrul de mthong nas bcom ldan 'das ga la ba der dong ngo do// de nas gang dag phyogs bcu nas lhags pa'i byang chub sems dpa' de dag gis mchod pa bla na med pas/ bcom ldan 'das la bsnyen bkur byas te/ pha rol tu phyin pa drug gis yongs su bsgrubs pa'i bstan dag la 'khod do// mi dang me ma yin pa'i bar du yang ci rigs pa'i stan dag la 'khod do/ / gang dag bcom ldan 'das kyis sprul pa phyung ba de dag kyang mnar med pa yan chad 'og min gyi gnas man chad du mngon par phyung ste/ slar yang log go// phyogs bcu'i sangs rgyas rnams kyis sprul pa phyung ba ji snyed pa de dag thams cad ni bcom ldan 'das shAkya thub pa'i spu'i khung bu thams cad du nub po/ / gang dag bcom ldan 'das kyi sprul pa byung ba de dag ni sangs rgyas thams cad kyi sku rnams su nub po// de nas byang chub sems dpa' sems dpa' chen po rgyal ba'i phung po zhes bya ba stan las langs te/ bla gos phrag pa gcig tu gzar nas pus mo g.yas pa'i lha nga sa la gtsugs te/ bcom ldan 'das gal ba der legs su thal

  4. 36b

    mo sbyar ba btud nas bcom ldan 'das la tshigs su bcad pa 'di dag gis mngon par stod do/ / kye ma mi rnams kyi ni 'dren pa yis// sngon chad ma byung mdzad pa sna tshogs 'di// skye dgu kun la myur du kun bsten pa// de yis bdud de/ thams cad mo chon gyis// phan tshun dag tu tshig tu smra bgyid pa// kye maho shin tu ngo mtshar che zhes mchi/ bdag ca gci zhig phyir ni 'dir lhags kye// bdag cag gcom mo bdag cag bcom zhes mchi// dka' thub can bdag dka' thub can min gyur/ / nyam chud lus la lpags pa tsam zhig las// bdag 'khogs bdag skams ngan pa rnams las nyams// bdag cag rdzu 'phrul thob par gyur pa yin// yi ge ma mchis rdzu 'phrul gsum rnams kyis// bstan pa'i dgra rnams mog mog gyur par mdzod// bstan pa'i 'dren pa khyod kyis de ring ni// sangs rgyas sras la dus ston chen po mdzad// 'khor 'di thams cad the tsom 'tshal bar gyur// dga' ba skyes shing sems kyang rab dga' ste/ gang zhig gnas nas lha tshogs bdag cag kyang // 'jig rten mgon po sangs rgyas gyur cig mchi// 'jam dbyangs sangs rgyas mang po bsnyen bkur bgyis// sangs rgyas sras po mtha' yas rnams kyis bskor// 'jam pa'i dbyangs ni 'khor gyi nang na mchis/ / cho 'phrul rnam par phye ste bstan du gsol// 'di dag chos ni gang gis ltas shig lags// thub pa tshes ni gang zhig gsung bar gzhed// 'khor 'di thams cad 'khod cing mchis lags na// sems can thugs brtse'i slad du bdag la gsungs/ / de nas sangs rgyas kyi byin gyi brlabs kyis/ 'khor de'i nang nas drang srong chen po/ me sgron zhes bya ba gcig gis byang chub sems dpa' rgyal ba'i phung po la 'di skad ces smras so// kye gzhon nu re shig kha rog shig/ kho bos dri ba dri bar bya'o// gal te kho bo'i dro ba khong du chud par byed na ni de thams cad mkhyen pa zhes bya'o ming dang yang mthun no// 'on te sred med kyi bu dang / dbang phyug chen pos phyung ba'i 'gro lding ba rnams

  5. 37a

    kyis sprul pa byed du bcug na 'dir ngo mtshar yang mi che ste/ skyes bu ngan pa dang / sgyu ma mkhan rnams kyis 'di 'grub po// de nas bcom ldan 'das kyis 'dzum pa'i zhal gyis drang srong gi tshogs la kun tu gzigs nas drang srong chen po me skyon la 'di skad ces bka' stsal to/ / tshe dang ldan pa drang srong chen po ci nus kyis dri ba dris shig dang rnam par sbyar bar bya'o// de nas bcom ldan 'das la drang srong chen po me sgron gyis 'di skad ces gsol to// kye gau tam/ sems can gyi skye ba gang nas byung // ci'i slad du bskal pas sreg par 'gyur// sems can rnams gnas gang du 'dra bar 'gyur// nang na sems can srab khru gang tsam 'am/ mtho gang tsa ma 'am/ 'dzum mo tsam 'am/ mthe bo tsam 'am/ nas dang / gro dang / mo na sran sde'u dang / mon sran gre'u dang / til dang / yungs 'bru tsam 'am/ sems can ji tsam/ zheg nang na mchis bka' stsol cig/ de nas bcom ldan 'das kyis drang srong chen po me sgron la drang srong chen po legs so legs so zhes bya ba byin na/ / drang srong chen po tshe bskal pa drug cu pa'i dri ba 'di ni 'thun pa'o// de nas drang srong chen po rnams ngo mtshar du gyur te/ drang srong chen po me sgron gyi tshe'i tshad ni ma brjod par bdag cag lhan cig gnas pa rnams kyis kyang ma shes na 'dis ji ltar shes snyam mo/ / bcom 'das 'das kyis bka' stsal pa/ drang srong chen po de'i phyir/ legs par rab tu nyon la yid la zung shig dang bshad do// drang srong chen po gang nga la sems can gyi skye ba gang nas byung zhes smras pa/ de ni yi ges brjod pa ma yin pa'o// sems can zhes bya ba ni ma rig pa'i skye nas skye ba dang / rga shi'i bar du 'byung ba'o// drang srong chen po yang rgyu rkyen las sems can skyes te rgyu rkyen ni pha ma'o/ / drang srong chen po yang pha ma 'grogs pa ni de'i rgyu'o// gang gi tshe yongs su rtog pas kun nas bslang ba'i las kyi rlung rnams kyis bud med kyi grong khyer du 'jug pa de ni rkyen no// drang srong chen po yang sdug bsngal 'ang

  6. 37b

    pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa ni sems can no// nye bar len pa'i phung po lnga dang khams bco brgyang ni sems can no// drang srong chen po sems can yang gzhan la las kyang gzhan ma yin/ las kyang gzhan la sems can kyang gzhan ma yin no// drang srong chen po sems can ni 'grib pa ma yin/ 'phel ba ma yin no// drang srong chen pos gsol ba/ kye gau ta ma gal te sems can 'grib pa ma mchis 'phel ba ma mchis na/ ci'i slad du sems can khyi'i skye gnas nas shi 'phos te dbang sgyur du 'gyur/ bcom ldan 'das kyis bka' stsal pa/ drang srong chen po de ni ji snyed smras pa de bzhin du ma yin no/ / gal te dbang sgyur dbang sgyur yin du zin na ni dbang med par 'chi bar mi rigs so// drang srong chen po gang rang gi lus kyi gtso bo ma yin pa de ji ltar dbang sgyur du 'gyur// drang srong chen po 'di lta ste/ dper na srin bu me khyed 'di snyam du bdag gis 'dzam bu'i gling snang bar bya'o snyam du sems dpa'i rkyen gyis srin bu me khyer gyis 'dzam bu'i gling snang bar byed dam/ sems ma dul ba'i dbang sgyur yang dag pa ma yin no// drang srong chen po yang gal te dbang smrar nyon mongs pa 'bri bar gyur na ni khyi la nyon mongs pa shas che bar 'gyur ro/ / gang gi tshe dbang sgyur dang nyon mongs pa dag khyi la yod cing dbang sgyur la yang yod pa de'i tshe sems can 'grib pa yang mi dmigs/ 'phel ba yang mi dmigs so/ / drang srong chen pos gsol pa/ go ta mas nyon mongs pa de grib par mdzad dam/ bcom ldan 'das kyis bka' stsal pa/ drang srong chen po ngas phyin ci log dag bzlog pa yang med/ 'grib par byas pa yang med do/ / drang srong chen pos gsol pa/ gal te de ltar na khyod kyang dbang slar ma lags so// bcom ldan 'das kyis bka' stsal pa// drang srong chen po de de bzhin te/ ma byung ba'i phyir de yang dbang sgyur ma yin no// drang srong chen pos

  7. 38a

    gsol pa/ gau tam bka' mchid re shig zhog/ gau ta ma'i sras kyis pha ma 'grogs pa las sems can skye bo zhes gsungs na/ sems can mang du 'grogs pa la sems can skye ba nyung bar gyur pa 'di jil bu/ bcom ldan 'das kyis bka' stsal pa/ khyod la dpe bstan par bya'o// drang srong chen po 'di lta ste/ dper na sa bon gcig las shing skye bar 'gyur te/ 'bras bu gcig las kyang 'bras bu mtha' yas par 'gyur ro// de la res 'ga' ni gtsig sa bon gyi 'os su 'gyur gyi lhag ma sa bon gyi 'os su mi 'gyur ba de ji lta bu/ drang srong chen pos gsal pa/ kye gau ta ma rlung dang nyi mas shing tog rnams ma rung bar bgyis so// bcom ldan 'das kyis bka' stsal pa/ drang srong chen po de de bzhin te/ las kyi rlung gis kyang sems can gyi 'bras bu rnams marung bar byas so// drang srong chen po kha cig ni mngal na gnas pa nyid kyi tshe srin bu rnams kyis zos so// kha cig ni las kyi rlung rnams kyis phye mar byas so/ / drang srong chen po shing gnyis pa ni nyung ngo // sems can gyi nyes pa ni mang ngo // drang srong chen po yang sems can gyi khams ni yongs su rtog pa nas kun nas bslang ba ste/ drang srong chen po sems can rnams kyi sems dang sems las byung ba 'jug pa ji snyed pa de snyed du srid pa la dmigs te/ drang srong chen po de'i phyir sems can gyi khams ni yongs su rtog pas kun nas bslang ba'o// zhes pa smra'o// drang srong chen pos gsol pa/ kye go ta ma de de bzhin te/ zhu ba brjod pa de ni rnam par dag go/ ci'i slad du bskal pas bsreg par 'gyur ba dka' stsol cig/ bcom ldan 'das kyis bka' stsal pa/ drang srong chen po chos kau dbyings 'dus ma byas pa'i phyir bskal pas sreg par 'gyur ro/ / drang srong chen po gal te bskal pas sreg par mi 'gyur na chos kyi dbyings gnyis su 'gyur te/ la la me rtag la/ la la rtag par 'gyur ro// de'i tshe de bzhin gces

  8. 38b

    pa bden pa smra bar mi 'gyur ro/ / drang srong chen po gang gi phyir 'di thams cad rtag pa ma yin// brtan pa ma yin/ dbugs phyin pa ma yin pa de'i tshe de bzhin gshegs pa thams cad mkhyen pa zhes bya ba de'i ming thob po// drang srong chen pos bram ze'i khye'u la smras pa/ 'di thams cad mkhyen par mtshan gsol ba ni 'thun no// bcom ldan 'das kyis bka' stsal pa/ drang srong chen po gal te bskal pas bsreg par ma gyur na 'di ni dus bzang po'o/ / 'di ni ngan pa'o zhes bya bar dus tha dad pa med par 'gyuraro// drang srong chen po gal te yang bskal pas bsregs par ma gyur na legs par byas pa dang / nyes par byas pa'i las rnams kyis rnam par smin pa tha dad pa med par 'gyur ro/ / drang srong chen po yang 'di lta ste/ bskal pas bsreg pa 'di ni de bzhin gshegs pa rnams kyi thabs mkhas pa ste/ drang srong chen po sems can ji snyed bskal pas bsreg par 'gyur ba thos nas dad par 'gyur ba'i sems can de snyed de bzhin gshegs pas bsdu ba'i dngos pos sdud par 'gyur ro/ / drang srong chen po 'di lta ste/ dper na kha chu ldag pa'i sbrul ni mig gis kyang rngub/ rna ba dang / sna dang / kha'i sgo nas kyang rngub bo/ / drang srong chen po de bzhin gshegs pa la yang de ltar blta ste/ sbyin pas kyang sdud/ snyan par smra bas kyang sdud/ don spyad pas kyang sdud/ don 'thun pas kyang sdud do// drang srong chen po 'di lta ste/ dper na gser la gnod par bya ba'i phyir mer 'jug pa ma yin gyis/ gser dul ma ma yin pa 'di ji ltar na dul mar 'gyur snyam nas de'i phyir mer 'jug ste/ shin tu bsregs pa'i phyir rin po che'i 'os su 'gyur ro// rin po ches smras pa de'i rin tha med par 'gyur te/ drang srong chen po de'i phyir gser brdung ba dang bsreg pas rnam par spyod do// drang srong chen po de bzhin du sangs rgyas bcom ldan 'das rnams kyang rgyu med par sreg

  9. 39a

    pa'i bskal pa mo 'byin te/ 'dir sems can gangal yang gnad par mi 'gyur ro// de nas bcom ldan 'das la drang srong chen po mo smin gyis 'di med ces gsol to// bcom ldan 'das bskal pas// sregs pa'i me byung yang sems can gang la yang gnod par mi 'gyur ba ni ngo mtshar to// bcom ldan 'das kyis bka' stsal pa/ drang srong chen po de bzhin gshegs pa rnams ni sems can gang la yang gnod par ma mdzad do/ / drang srong chen po 'di lta ste/ dper na phyogs bcu rnams su char phra mo'i rgyun 'bab pa de bas ni drang srong chen po de bzhin gshegs pa rnams dang / sa bcu la gnas pa'i byang chub sems dpa' rnams nye bar gnas te/ rang gi lag gis sems can thar bar byed pa ni ches med do// drang srong chen po de'i tshe sems can de dag gis de bzhin gshegs pa dang / byang chub sems dpa' de dag gi gzugs kyang mthong / kha dog mdzes pa yang mthong / bskal pas bsregs pa'i 'jigs pa las bdag nyid sgrol ba yang mthong nas dga' ba dang / mchog tu dga' ba skyes te 'di skad ces bdag cag kyang 'dir ltar sgrol ba por gyur cing bdag cag kyang 'di ltar gzugs mdzes par gyur cig/ bdag cag kyang 'di ltar kha dog mdzes par gyur cig ces 'dzer te/ kha cig ni yid byung nas sems rnam par grol te rgyun tu zhugs pa'i 'bras bu mngon sum du byed/ kha cig ni lan cig phyir 'ong pa'i 'bras bu dang / phyir mi 'ong ba'i 'bras bu mngon sum du byed/ kha cig ni dgra bcom pa nyid/ kha cig ni rang byang chub// kha gcig ni mi skye ba'i chos la bzod pa rab tu thob/ kha gcig ni phyir mi ldog pa'i sa gnon/ kha cig ni rgyal chen bzhi'i ris kyi lha rnams kyi nang du skye/ kha cig ni sum cu rtsa gsum du/ kha cig ni mtshe mar/ kha cig ni dga' ldan du/ kha cig ni 'phrul dga'/ kha cig ni gzhan 'phrul dbang byed kyi lha rnams kyi nang du skye'o// drang

  10. 39b

    srong chen po rnam grangs 'di lta bur 'og min gyi bar gyi lha rnams kyi nang du skye'o/ / de bzhin du 'khor los sgyur ba rnams dang / stobs kyi 'khor los bsgyur ba rnams dang / khams kyi rgyal po rnams su 'gyur te/ drang srong chen po/ rgyal rigs dang bram ze dang / khyim bdag rnams kyi bar du yang 'gyur ro// drang srong chen po rnam grangs 'di lta bus de bzhin gshegs pa'i gzugs kyi sku mthong zhing bdag nyid kyang 'jigs pa chen po las grol bar mthong na/ de bzhin gshegs pa la byas pa gzo zhing byas pa shes par 'gyur ro// de bzhin gshegs pa chos nyid thos nas bslab pa'i gnas rnams la bag byed par 'gyur ro// thabs 'dis na ngan sod du 'gro bar mi 'gyur ro// drang srong chen po yang sa bcu la gnas pa'i byang chub sems dpa' rnams kyi mig la sa'i khams ji snyed snang bar 'gyur ba de bas ni/ sems kyi khams gang 'khor ba chags pa'i skyon chags par shes nas phung po ma lus pa'i mya ngan las 'das pa'i dbyings su yongs su mya ngan las 'da' bar byed pa ches mang ste/ drang srong chen po de'i phyir bskal pas sreg par 'gyur ro// de nas drang srong chen po me sgron gyis rang gi yid kyis rnam par/ dpyad nas tshig tu smras pa/ kye ma 'o gang bdag drang srong chen po zhes 'bod pa shAkya'i sras 'di'i che ba nyid ni rgya che ba'o// bdag gis 'di la 'gams pas kyang chag ste 'di ni thams cad mkhyen par mngon gyis/ bdag gis/ kyang 'di la yang dag pa'i ming gis 'bod par bya'o zhes smras so// de nas bcom ldan 'das la drang srong chen po me sgron gyis 'di skad ces gsol to// yon tan gyis pa byung gnas su gyur cing mkhyen pa dpag tu ma mchis pas thams cad mkhyen pa zhes mtshan gsol pa/ sems can gnas gang du 'du bar 'gyur ba bdag la bka' stsol cig/ bcom ldan 'das kyis bka' stsal pa/ drang srong chen po gnas med pa la sems can 'du bar//

  11. 40a

    'gyur ro// nyam pa nyid la sems can 'dra bar 'gyur ro// drang srong chen po theg pa gcig gis 'byung ba la sems can 'dra bar 'gyur ro// byang chub kyi snying po la sems can 'dra bar 'gyur ro// drang srong chen po phung po ma lus pa'i mya ngan las 'das pa'i dbyings su sems can 'dra bar 'gyur ro// drang song chen po 'di lta ste/ dper na chu klung tha dad pa dang / klung phran dang / klung chen po dag rgya mtsho chen po rab ban ro gcig tu 'gyur ro/ drang srong chen po de bzhin du sems can gyi khams ji snyed zag pa zad pa byed pa de dag rnam par grol ba'i dang du gyur pas 'dra bar 'gyur ro// drang srong chen po 'khor bar 'dra ba'i sems can 'ang bar 'gyur ba ni 'du ba ma yin pa'o zhes nga smra'o/ / drang srong chen po 'di lta ste/ dper na rlung gis bdas nas phye ma leb phyi bzhi la 'dra bar 'gyur te/ rlung med na so sor 'gyes so// drang srong chen po de bzhin du sems can dmyal bar 'gro bar 'gyur bar phan tshun las 'brel ba'i sems can gyi khams de dag kyang der 'du bar 'gyur ro/ / drang srong chen po rnams grangs 'di lta bar phan tshun las kyis 'brel ba dag yi dgas su skye bar 'gyur/ 8 'gror skye bar 'gyur te/ der de dag 'dra bar 'gyur ro// drang srong chen po lha dang mi rnams su de dag 'du bar 'gyur ro// drang srong chen pos gsol pa/ thams cad zil gyis gnon pa/ thams cad mkhyen pa/ ra skyes pa 'di sems can cheg mo zhes bgyi bzhig dang 'dus par gyur to/ / dung 'gror skyes pa 'di zhes bgyi ba nas yi dgas su smras pa 'ang 'das par gyur te zhes bgyi ba'i bar du ji ltar 'tshal bar bgyi ba bka' stsol cig/ bcom ldan 'das kyis bka' stsal pa/ drang srong chen po sems can gang zhig sems can gang dang lhan cig tu sems can dmyal bar skye nas 'dus par gyur pa des de mther na yod mi bde bar 'gyur/ zhe sdang bar

  12. 40b

    'gyur/ des dmathong nas gal te na de klad pa na bar yang 'gyur/ bshad pa dang / gci ba 'byung bar yang 'gyur te/ drad srong ri po don sems can dmyal bar skyes pa rnams kyi 'dru ba'i mtshan nyid do// gang la la de ltar gyur pa 'o// kyang bdag dang 'di lha na gcig tu sems can dmyal ba rnams na gnas gnas par mngon no zhes de ltar khong du chud par bya'o// drang srong chen pos gsol pa/ rigs gsal bar mdzad pa thams cad mkhyen pa/ dud 'gro dang lhan cig gnas gnas pa rnams kyi mtshan mar 'gyur ba ji lta bu lags/ bcom ldan 'das kyis bka' stsal pa/ mir skyes pa'i sems can rnams gang gi tshe phan tshun mthong ba na khon du mdud par 'dzin cing 'di las bdag gis skyor ji ltar rnyed snyam du skyon tshol ba 'di ni drang srong chen po dud 'gror skyes pa'i sems can rnams kyi 'du ba'i mtshan nyid de/ bdag dang 'di lhan cig tu dad 'gro'i nang na gnas gnas par mngon no zhes de ltar shes par bya'o/ / drang srong chen po yi dgas su skyes pa rnams ni dri nga ba 'dod cing kha zas la shin tu sred par 'gyur ro// pha rol la sbyin par bsams kyang chags pa skye bar 'gyur ro// gang dang de yi dgas su skyes nas lhan cig 'das par gyur pa de'i dbang phyug mthong nas phrag dog skye bar 'gyur/ gzhan gyi nor la 'dod par 'gyur te/ 'di ni yi dgas su skyes pa rnams kyi 'du ba'i mtshan nyid do// de la bdag dang 'di lhan cig tu yi dgas kyi nang naganas gnas par mngon no zhes de ltar shes par bya'o/ / drang srong chen po mer skyes pa gang la la zhig tshe rabs gzhan dag nas 'dus par gyur pa ni des de mthong na 'dod chags kyi sems skye bar 'gyur te/ drang srong chen po 'di ni mir skyes pa'i sems can rnams kyi 'dra ba'i mtshan nyid do/ / de la bdag dang 'di mi rnams kyi nangan gnas gnas par mngon no zhes de ltar shes par bya'o// drang srong chen pos gsol pa/ bcom ldan 'das gang

  13. 41a

    dag lhar skyes te 'dus par gyur pa las mir skyes pa de dag gi ji lta bu lags/ bcom ldan 'das kyis bka' stsal pa/ drang srong chen po gang dag lhar skyes te 'dus par gyur pa de dag ni phan tshun mthong na lta ba la 'jug par 'gyur te/ des na bdag dang 'di ltar skyes te lhan cig 'dus par gyur to zhes shes par bya'o// drang srong chen po rnam pa de lta bu dag tu sems can 'du bar 'gyur ro// de nas drang srong chen po me sgron dga' mgu ste/ yi rangs nas bcom ldan 'das la 'di skad ces gsol to// bcom ldan 'das gang dag thams cad mkhyen pa nyid du smon pa mi bgyid pa'i sems can de dag ni bslus pa'o zhes bdag 'chad do/ / de nas yang bcom ldan 'das kyis drang srong chen po me skyon la 'di skad ces bka' stsal to// drang srong chen po gang na sems can zhes bya ba phra ba ji tsam zhig yod ces nga la de skad zer ba ni drang srong chen po gang sems can du dmigs pa de sems can phra mor rnam par 'byed do/ / drang srong chen po 'di lta ste/ dper na la la zhig gis dmus long zhig la 'di skad du/ kye skyes bu kha dog dkar po zhes bya ba ci 'dra zhes smras na/ drang srong chen po 'di ji snyam du sems/ ma mthong ba'i phyir kha dog dkar po 'di 'dra'o zhes de smra bar nus sam/ drang srong chen pos gsol pa/ 'brel ba ga la mchis/ bcom ldan 'das kyis bka' stsal pa/ drang srong chen po ngas kyang dmas long ltar ma mthong ba'i phyir sems can zhes bya ba ni phra mo 'di lta bu zhig go zhes bya ba sems can brjod par mi nus so/ / drang srong chen po yang mig la sems can zhes bya ba mi rnyed do// rna ba dang / sna dang lce dang lus dang yid la sems can zhes bya ba mi rnyed do/ / drang srong chen po nye bar len pa'i phung po lnga po dag la sems can zhes bya ba mi rnyed do// drang srong chen po khams bcwa brgyad dang / rten cing 'brel bar 'byung ba yan lag bcu/

  14. 41b

    gnyis pa dang / nang stong pa nyid la sems can zhes bya ba mi rnyed/ phyi stong pa nyid dang / phyi nang stong pa nyid la/ sems can zhes bya ba mi rnyed do// drang srong chen po mig ni ngan pa'o// 'jig pa'o// skad cig kyang mi gnas pa'o// bzhin du rna ba dang / rnga dang / lce dang / lus dang yid kyang ngan pa'o// 'jig pa'o// skad cig kyang mi gnas pa'o// drang srong chen po nye bar len pa'i phung po lnga yang ngan pa'o// 'jig pa'o// skad cig kyang mi gnas pa'o// drang srong chen po mi gtsang ba'i rjes sum cu rtsa drug kyang ngan pa'o/ / 'jig pa'o// da cig kyang mi gnas pa'o// sems can zhes bya ba yang med/ gzugs kyang med de/ drang srong chen po rdzas 'dus pa ni sems can zhes bya ba'i grangs su 'gro'o/ / yongs su rtog pa gang dag rdzas rnams rnam par 'byed pa de dag ni/ srog dang / gso ba dang / skyes bu dang / gang zag dang / shed las skyes dang / shed bu mi dmigs so// drang srong chen po gal te sems can yod du zin na/ de bzhin gshegs pa 'phags pa'i bden pa bzhi po dag gis shin tu chos ston par mi 'gyur ba zhig na drang srong chen po gang gi phyir sems can med pa'i phyir de bzhin gshegs pa nyid 'thob ste// de'i phyir ji lta ji ltar yang dag par sgrub par byed pa de ltar yang dag par 'grub bo// de nas bcom ldan 'das la drang srong chen po me sgron gyis 'di skad ces gsol to// bcom ldan 'das deng slan chad drang srong chen po ma sgron bdag thams cad mkhyen pa nyid du smon par bgyid do/ / bcom ldan 'das gal te bdag bskal pa dpag tu ma mchis par sems can dmyal ba'i zhugs kyi 'obs su gnas par 'gyur ba 'am/ rir 'og min gyi gnas tsam du gyur pa mthon po'o kha de nas bdag gis bdag 'dor bar 'gyur ba'am/ gdung ba lnga bskal pas sreg pa lta bur 'gyur ba 'am/ nyi ma bskal par gnas par 'gyur ba 'am/ bskal

  15. 42a

    pa sum cu'i zla ba gcig tu sbyang bar 'gyur ba de lta bu'i dka' ba spyad par ni bcom ldan 'das bdag spro ste 'dun gyi/ thams cad mkhyen pa nyid kyi slad du ni brtson 'grus nyams par mi bgyi'o// drang srong chen po mngon par shes pa lnga dang ldan pa ji skad bcom ldan 'das kyi gan du lhogs pa de dag kyang stan las langs te bcom ldan 'das la 'di skad ces gsol to/ / bcom ldan 'das bdag cag kyang der slan chad bla na/ med pa yang dag par rdzogs pa'i byang chub tu smon par bgyi'o// ni thog gis brtson 'grus tsam par bgyi'o// drang srong nams kyi tshig de dag zlas ma thag tu/ bcom ldan 'das kyi smin mtshams nas 'dul ba can zhes bya ba'i 'od zer phyung / phyogs bcu'i sangs rgyas thams cad kyis kyang smin mtshams nas 'dul ba can zhes bya ba'i 'od zer phyung ste/ 'od zer de dag gis mthus sa chen po 'di rnam pa drug tu g.yos/ rab tu g.yos/ 'gul/ rab tu 'gul/ ldeg rab tu ldeg ste/ shar phyogs mtho na lho phyogs dma'/ nub phyogs dma' na byang phyogs mtho/ shar phyogs dma' na lho phyogs mtho// nub phyogs mthon byang phyogs dma'o// phyogs bcu'i sangs rgyas thams cad kyis kyang de bzhin gshegs pa'i steng du me tog gi char phab rnga bo che rnams brdungs so/ / dri za'i bdag po yid du 'ong ba rnams kyis kyang yan lag lnga pa'i sil snyan gyis/ bcom ldan 'das la mngon par bstod do/ / lha'i bdug pa ri rab tu zhim po dag kyang rlung gis dang bslang ste de bzhin gshegs pa'i gan du dang ldang bar byed do// byang chub sems dpa' rnams rab tu dga' ste mchog tu bde ba'i sems kyis de bzhin gshegs pa'i steng du do shal dang / se mo do rnams 'thor zhing rin po che'i char yang 'bebs/ me tog dang / bdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan

  16. 42b

    bdag gis kyang mchod pa byed do/ / lha'i tshogs rnams kyang rab tu dga' nas me tog man dA ra ba dang / man dA ra ba chen po 'char 'bebs so// thams cad dang ldan pa'i 'khor de yang dga' mgu yid rangs te/ ji ltar gyon/ gyon mi gos rnams de bzhin gshegs pa'i sku la gsol to// de nas 'dul ba can zhes bya ba 'od zer des 'og min gyi gnas man chad/ sems can dmyal ba chen po mnar med pa yan chad snang bar byas te/ phyogs bcu'i sangs rgyas thams cad la bskor ba byas te slar log ste bcom ldan 'das kyi dbu'i gtsug tu nub bo/ / de nas bcom ldan 'das la tshe dang ldan pa rab 'byor gyis 'di skad ces gsol to// rgyu ma mchis par shAgra thub de ring 'dir/ / phyogs bcu dag tu 'od zer mi gtong ste// 'khor 'di thams cad the tsom gyur lags na// thub pas rgyu dang bye de de bdag lung ston// mi yi 'dren pa'i rnam par 'phrul mthong nas// dga' bar 'gyur/ cing spro ba che gyur te// rab tu dga' bas legs par bstod bgyid nas// kha gcig 'di na bcom ldan legs shes mchi// brgya byin tshangs pa 'jig rten skyong ba rnams// nam mkha' gnas nas 'byung po'i tshogs kyang bstod/ / mkha' las lha yi me tog char du 'bebs// ma brdungs rnga chen dag ni sgra yang 'byin// de nas bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor khyod kyis drang srong chen po me sgron mthong ngam/ rab 'byor gyis gsol pa/ bcom ldan 'das mthong lags so// bcom ldan 'das kyis bka' stsal pa/ rab 'byor drang srong chen po ma sgron 'di ma 'ongs pa'i dus na/ sangs rgyas stong 'das pa'i 'og tu bskal pa bzang po 'di nyid la zla ba can gyi 'jig rten gyi khamasu de bzhin gshegs pa dgra bcom pa yang dag par rdzogs pa'i sangs rgyas rnam par gzigs shes bya bar

  17. 43a

    'gyur ro/ / rab 'byor de bzhin gshegs pa rnam par gzigs kyi ming yang yid bzhin gyi nor bu rnam par dag pa'i bya ba byed par 'gyur ro// rab 'byor drang srong chen po brgyad khri bzhi stong gis chos kyi rnam grangs 'di thos ma thag tu phyir mi ldog pas rjes su thob ste/ rab 'byor de dag thams cad ni de bzhin gshegs pa byams pa'i gsung rab las sa bcu la gnas par 'gyur ro// bskal pa sum brgya'i 'og tu de bzhin gshegs pa dgra bcom pa yang dag par rdzogs pa'i sangs rgyas bdag dka' blo bde ba zhes bya bar 'jig rten du 'byung bar 'gyur ro/ / rab 'byor byang chub sems dpa' tshad med pa dag gis kyang chos kyi rnam grangs 'di thos ma thag tu dpa' bar 'gro ba'i ting nge 'dzin thob ste/ skad dang skad ma yin par shes pa'i ting nge 'dzin dang / rgyal ba dbang skur ba'i ting nge 'dzin dang / sgyu ma lta bu'i ting nge 'dzin dang / khams rnam par 'byed pa'i ting nge 'dzin dang / blo gros rgyal po'i ting nge 'dzin dang / rgya mtsho snying po'i ting nge 'dzin dang / gnyen pa'i sa'i ting nge 'dzin dang / bsam pa'i snying po'i ting nge 'dzin dang / 'od sel ba'i ting nge 'dzin 'thob bo/ / rab 'byor lha bye ba phrag gang gA'i klung gi bye ma snyed dag gis mi skye ba'i chos la bzod pa thob po// dge slong dang / dge slong ma dang / dge bsnyen dang / dge bsnyen ma stong phrag tshad med pa dag gis dgra bcom pa nyid mngon sum du byas so/ / rab 'byor lha dang / klu dang / gnod sbyin dang / dri za dang / lha ma yin dang / nam mkha' lding dang mi'am ci dang / lto 'phye chen po dang / mi dang mi ma yin pa gang gA'i bye ma snyed dag gis bla na med pa yang dag par rdzogs pa'i byang chub tu sems bskyed do/ / rab 'byor de bzhin gshegs pas don gyi dbang de mthong nas 'dul ba can zhes bya ba'i 'od zer rnams byung ngo // de nas bcom ldan

  18. 43b

    'das kyis nyid kyi ljags kyi dbang pos zhal khebs par mdzad de/ ljags kyi dbang po de las kha dog dum/ kha dog tha dad pa'i 'od zer 'di lta ste/ sngon po dang / gser po dang / dmar po dang / dkar po dang / lebargan dang / shel dang / dngul gyi kha dog lta bu dag byung ste/ de dag 'jig rten gyi khams mtha' yas mu med pa dag tu mngon par byung nas slar log ste/ bcom ldan 'das la lan gsum sbyor ba byas nas/ bcom ldan 'das kyi zhabs gnyis su nub po/ / de nas byang chub sems dpa' sems dpa' chen po blo gros mi zad pa stan las langs te bla gos phrag pa gcig tu gzar nas pus mo g.yas pa'i lha da sa la btsugs te/ bcom ldan 'das ga la bde logs su thal mo sbyar ba btud nas bcom ldan 'das la 'di skad ces gsol to/ / sangs rgyas bcom ldan 'das rnams ni rgyu ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu gang lags/ rkyen gang lags/ de skad ces gsol pa dang / bcom ldan 'das kyis byang chub sems dpa' blo gros mi zad pa la 'di skad ces bka' stsal to// rigs kyi bu ma dad pa rnams kyi don du/ ljags 'di lta bu ni rdzun mi gsung ngo // snyam du bya ba'i phyir ljags kyi dbang pos 'dzum pa mdzad do// de nas bcom ldan 'das la byang chub sems dpa' blo gros mi zad pas 'di skad ces gsol to// bcom ldan 'dra/ gang gis chos kyi rnam grangs 'di las tha na tshigs su bcad pa gcig tsam lung 'bog na rigs kyi bu 'am/ rigs kyi bu mo de dag bsod nams kyi phung po ji tsam bskyed par 'gyur/ bcom ldan 'das kyis bka' stsal pa/ rigs kyi bu phyogs bcu'i sangs rgyas bcom ldan 'das sangs rgyas kyi spyan la snang bar 'gyur ba ji snyed pa de dag la yongs su mya ngan las ma 'das kyi bar du gang zhig gis bde bar sbyar ba thams

  19. 44a

    cad kyis bsnyen bkur byas te/ yongs su mya ngan las 'das nas kyang rin po che sna bdun gyi mchod rten byed pa de bas gang zhig chos kyi rnam grangs 'di las tha na tshigs su bcad pa cig ca yang lung 'bog na 'das bsod nams ches mang du bskyed do/ / rigs kyi bu chos kyi rnam grangs 'di chad pa na gang zhig dang ba'i sems kyis legs so zhes bya ba sbyin pa de la/ sangs rgyas thams cad kyis bstod par 'gyur ro/ / gang gis 'di la rim 'gro byas pa des ngal rim gro byas par 'gyur ro// de nas bcom ldan 'das kyis thams cad dang ldan pa'i 'khor de la rnam par gzigs nas 'di skad ces bka' stsal to/ / rigs kyi bu dag ni bden par smra ba ste/ sa phyogs gang na chos kyi rnam grangs 'di grag pa'i sa phyogs de la sangs rgyas thams cad dgongs par 'gyur ro// rigs kyi bu dag chos kyi rnam grangs 'di ni 'dzam bu gling ba'i sems can rnams kyi sman du gyur par 'gyur ro/ / gang gis chos kyi rnam grangs 'di lan gsum brjod dam brjod du bcug na des ston pa la chos kyi 'khor lo rab tu bskor ba la bskal bar 'gyur/ ro// rab 'byor gang zhig chos kyi rnam grangs 'di yi ger 'dri'am/ yi ge 'drir 'jug pa de bde ba dang bcas shing yid bde ba dang bcas bzhin du byang chub mngon par rdzogs par 'tshang rgya bar 'gyur ro// des sadra rgyas thams cad kyi mdzod kyang gzung bar 'gyur ro/ / rigs kyi bu dag chos kyi rnam grangs 'di ni sems can dmyal bar 'gro ba'i sems can rnams kyi rna lam du grag par mi 'gyur ro// gang dag mi'i skye gnas nas shi 'phos te/ yongs su dag pa'i sangs rgyas kyi zhing rnams su skye ba de dag gi rna lam du chos kyi rnam grangs 'di grag par 'gyur ro// rab 'byor gang gis sangs rgyas stong la dge ba'i rtsa ba bskyed pa de'i rnal mdu chos/

  20. 44b

    chos kyi rnam grangs 'di grag par 'gyur ro// rab 'byor rigs kyi bu'am/ rigs kyi bu mo gang chos kyi rnamagrangs 'di thos nas dang ngam/ 'cha dngam/ klog gam/ kun chub par byed dam/ gzhan dag la yang rgya/ cher yang dag par rab tu ston par 'gyur ba de'i lag tu byang chub song do zhes bshad/ des mig lnga thob par 'gyur/ dbang po ma tshang bar mi 'gyur/ dran pa brjed pa med par 'chi ba'i dus byed par 'gyur sangs rgyas thams cad bsgrub pa'i ting nge 'dzin thob par 'gyur/ rnam par snang mdzad rnam par sprul pa'i ting nge 'dzin dang / gzungs kyi snying po'i ting nge 'dzin dang / gtsug gi nor bu'i phyag rgya'i ting nge 'dzin dang / dbang bskur ba'i ting nge 'dzin dang / spyan ras gzigs kyi phyag rgya'i ting nge 'dzin rab tu thob par 'gyur/ yi ge med pa'i za ma tog gi gzungs thob par 'gyur/ chos thams cad la rnam par rgyal ba thob pa'i gzung dang / the tsom rnam par sbyong ba'i gzungs dang / don dam pa'i rnam par nges pa'i gzungs thob par 'gyur te/ de la sogs pa gzungs dang ting nge 'dzin gyi sgo brgya stong mtha' yas pa thob par 'gyur ro// mngon par shes pa lnga dang ldan par 'gyur ro/ / bsams bzhin du 'chi 'pho dang skye ba yongs su 'dzin par 'gyur ro// de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal sangs rgyas mang po la bsten bkur byas pa khyod la chos kyi rnam grangs 'di yongs su btad kyis yang dang yang rgya cher yang dag par rab tu shod cig/ 'jam dpal khyod kyis de bzhin gshegs pa ji skad cig la sti stang byas pa dang / btsun par byas pa dang / rim gror byas pa dang / mchod pa byas pa de ji snyam du sems/ 'jam dpal dge ba'i rtsa ba de la mtha' 'am mu yod dam/ dge ba'i rtsa ba dpag par nus sam/ 'jam dpal gyis

  21. 45a

    gsol pa/ bcom ldan 'das ma lags so// bde bar gshegs pa ma lags so// bcom ldan 'das kyis bka' stsal pa// 'jam dpal gdags rtags ma lnga 'dus na chos kyi rnam grangs 'a 'jig rten gyi khams mi mjed 'dir rgyas par byed par 'gyur ba de dag de las dge ba'i rtsa ba chen por 'gyur ro/ / 'jam dpal gal te khyod de bzhin gshegs pa mang po de snyed cig la na bza' dang / zhal zas dang / gzims cha dang / spyan bsos kyi sman dang / yo byad rnams kyis bsnyen bkur byed kyi chos kyi rnam grangs 'di ston par mi byed na/ khyodang dung yang de bzhin gshegs pa rnams la nyes pa dang bcas par 'gyur/ ro// 'jam dpal gal te khyod de bzhin gshegs pa gcig la'ang phyag ma byed kyi/ chos kyi rnam grangs 'di rgyas par byed na de bzhin gshegs pa thams cad la khyod kyis mchod pa'i bar du byas par 'gyur ro// bcom ldan 'das kyis de skad ces bka' stsal nas/ 'jam dpal gzhon nur gyur pa dang / drang srong chen po me sgron dang / dge slong de dag dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// // 'phags pa don dam pa'i chos kyi rnam par rgyal ba zhes bya ba theg pa chen po'i mdo rdzogs s+ho// rgya gar gyi mkhan po dzin metra dang / dA na shI la dang / shu chen gyi lo ts+tsha ba ban de ye shre sdes bsgyur cing bus te skar gsar chad kyis gtan la phab pa// / rgya gar skad du/ ar+ya d+harma ar+yA bi b+haM ga nA ma ma hA yA na sU tra/ bod skad du/ 'phags pa chos dang don rnam par 'byed pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa

Colophon

'phags pa don dam pa'i chos kyi rnam par rgyal ba zhes bya ba theg pa chen po'i mdo rdzogs s.ho|| ||rgya gar gyi mkhan po dzi na mi tra dang| dā na shī la dang| zhu chen gyi lo ts+tsha ba ban de ye she-s sdes bsgyur cing zhus te skar(!d) gsar chad kyis gtan la phab pa||