Q3055MW1KG13126_3055rgyud 'grelAll versions of this work

'phags pa lag na rdo rje gos sngon po can gyi sgrub thabs kyi man ngag rgya cher bshad pa zhes bya ba

Āryanīlāṃbaradharabajrapaṇisatvanopikanāma

Text

ff. 228a–238b · 22 folio sides

  1. 228a

    yang yod srid// rigs lnga bde bar gshegs pa dang // mkhas pa rnams la bzod par gsol// khengs pa rnyed pa bkur sti la sogs min// phyi rabs rtsod pa'i dus su sos can dngos grub 'brang // 'di brtsams pa yi bsod nams gyis// khams gsum sems can ma lus kun// rags dang phra ba'i rtog pa kun spangs nas// yongs su dag pa'i sa thob shog dge slong klu'i byang chub kyis mdzad pa'i sgrub thabs rdzogs so// 6/ gos sngon can tu bathabs kyi mdangag tu zer bshad pa klazlas kyis mdzad pa bzhugs so/ @#// rgya gar skad du/ Ar+ya nI lAM ba ra d+ha ra badz+ra paNi satwa no pi ka nA ma/ bod skad du/ 'phags pa lag na rdo rje gos sngon can gyi sgrub thabs kyi man ngag rgya cher bshad pa'i 'grel pa// dpal phyag na rdo rje la phyag 'tshal lo// 'khor ba'i sdug bsngal chu bo skems mdzad pa// mthu ldan bde ba chen po'i bdag nyid de// nyi zla lta bur 'gro don mdzad pa'i mchog/ sman mchog rdo rje can la phyag 'tshal lo// rang bzhin rig pa stong pa chen po dang / gnyug ma bde ba snying rje chen po dang // bde ba chen po mtha' bral rdo rje 'dzin// phyag rgya chen po rang bzhin 'bras bu dngos// de nyid thob pa'i lam ni yod dang med pa yi// phyag rgya bzhi po lam gyis grol ba'o// de bzhi stong pa'i rang bzhin chen po ni// stong pa bdag med lam gyis grol zhes gsungs// de bzhin tshogs lam sbyor ba'i gnas skabs dang // mthong lam sgom lam mthar gyi lam gyi ni// gnas pa'i ye shes byang chub ngo bo lam// thob cing grol bar kha cig de skad gsung // da ni rtsa ba'i don bshad par bya ste// 'gro ba sems can mun 'thobs pa'i// kun nas

  2. 228b

    dkris pa'i nyon mongs kun// sgron ma gsal phyir sgrub pa'i thabs// dpal ldan rdo rje 'dzin la gus btud de// zhes pa la/ 'gro ba ni ris drug ste/ sems pa'i bag chags kyis skye ba gcig nas/ gcig tu len pa'i phyir 'gro ba'o// sems can ni nyon mongs pa'i yid can te/ kun gzhi rnam par shes pa can skye 'jig gi chos can no// mun pa ni rdul mun pa snying stobs la sogs te/ mthong bas spang ba'i nyon mongs pa// sgom par spang ba'i nyon mongs pas kun nas dkris te bcings pa'o// mthong ba ni las dang las kyi 'bras bu mi shes pa ste ma rig pa'o// kun nas dkris pa'i nyon mongs ni// dang po nas sgo kun nas shes pa la// rtsa ba'i nyon mongs nye ba'i nyon mongs rnams kyis dkris pa'o// sgron ma gsal ba'i phyir ni/ nyon mongs pa'i gnyen// / po bden pa rnams kyi rang bzhin gsang sngags 'di nyid ste/ bskyed pa dang rdzogs pa la sogs pa zag pa zad pa ni gsal bar bstan pa'i sgron ma'o// sgrub pa'i thabs ni 'grub pa dang grub par byed pa ste don thob pa'o// dpal ldan ni yon tan rnam pa gnyis te rgyu dang 'bras bu las grub cing thob pa'o// rdo rje ni don rtags mtshon pa gsum pa gsum ste/ stong po'i rang bzhin zhes pa'i don no// de'i rang bzhin stong pa nyid du gnas pa ni 'dzin cing 'chang ba'o// 'dus pa ni gzhung bkra shIs shing mdzes pa dang 'jug pa ste/ lus ngag yid kyi yon tan gsum dang ldan pa'i yi dam lhal dad pas 'dud ces so// bla ma brgyud pa'i man ngag ni/ klu'i byang chub nyid kyis rim bzhin bshad/ ces pa ni blo bres rin chen la sogs kyi man ngag gi rim pa'i don

  3. 229a

    rnams bshad par bya/ zhes so// rigs rnams 'os su grub pa yi/ sngags pa yon tan kun ldan pas shes pa/ rigs rnams ni rin po che rigs kyi gang zag go// 'os su grub pa ni dad pa gsum dang ldan pa'o// sngags pa ni don bzhi shes pa'o// yon tan kun ldan pa'i ni/ ma nor bar dbang rnams thob cing dam tshig sdom pa dang ldan te lam gnyis shes pa'o// / yid 'ong bkra shis bde gnas su zhes pa ni yid 'ong bkra shis ni rten cing 'brel par 'byung bas bkra shis pa ste/ byang skyob shar ri dma' ba lto gzhol nub dgye ba ste/ mdun nas phyogs sngo ba dang / skad snyan 'byung zhing me tog 'byung // 'jig rten rnams kyis ma smad pa// de yi gnas su legs 'dug ste// yang na tshogs tsam gsog pa la// nyams dga'i so phyogs bde gnas so// bla med rgyu ru rab gnas la// snying gar nyi la hUM bzhag ste// zhes pa la/ bla med rgyu rab gnas ni thog mar sems gnyis dang 'brel ba'o// snying gar zha la hUM bzhag ste ni/ nang gi khrus nam mkha' lta bu dang / b+h+rUM las rang 'dod pa'i lha ru grub pa'o// de la snying gar nyi ma'i steng du hUM gnas pa'o// byin brlabs bltas te bka' bsgo la// 'od kyis bgegs la thog rnams dpag/ bru gi tshig dang yang dag ldan// zhes pa la byin rlabs ni/ snying ga spyi bo mgrin par sgom pa ye shes bstim pa'o// ltas de ni thugs rje dang ldan pa'i sdang mig gis phyogs kun tu blta/ zhes so// bka' bsgo la ni/ rgyug shig ma 'dug shig/ 'dir mthu ldan gyi 'ang pa yin no// zhes par 'gyur ba'o// 'od kyis bgegs la thog rnams dbab ni sa song ba rnams la sa bon gyi 'od dkyil

  4. 229b

    'khor la phog ste/ 'khor lo la sogs pa'i thog lnga dbab pa'o// bruM gi tshig dang yang dag ldan ni/ tsakra oM.o bruM hAM praM swa bruM ha br-i a bruM/ thog la yang nas yang du phab ste bsgral ba'o// hUM las 'od zer ha 'phros pas// rdo rje 'khor lo ral gri dang // me yi khang pa yongs su dbul// badz+ra tsakra ha na dang / dz+wa la raM dang yongs su brjod// ces pa hUM las 'od zer ni rang gi nyi ma 'bar ba'i hUM las 'od zer la ha ljang khu kha dog sna tshogs pa phyogs bcur 'phros te/ rdo rje khang pa phyogs mtshams su kha dog dkar po la sogs pa lngar gyur te/ hUM hUM zhes brjod do// 'khor lo ni 'khor lo'o/ khang pa grub pa ste/ oM badz+ra tsakra hU~M hUM/ zhes pa dang 'brel to// ral gri ni mda' dang mtshon cha'i khang pa ste/ badz+ra hA na ha na/ zhes pa dang 'brel to// me yi khang pa yongs su dbu ba ni/ me yi khang pa shin tu 'thams par grub badz+ra dz+wa la raM/ zhes pa dang 'brel lo// g.yas pa'i raM dang ga yon pa'i A/ snying rje bgegs gso sa 'byer bar 'gyur/ zhes pa/ bsrung ba grub nas bgegs gso ba ma gsos na snying rje dang brel ba yin pa'i phyir/ g.yas pa'i raM dang ni mig g.yas pa'i rab rib kyi sdig pa bsregs te snying rje dang 'brel to// g.yon pa'i a ni g.yon pa'i as kun gzhi ga sos te bsad pa'i dogs pa dang bcas pas bros te byer ba'o// bgegs gsos 'byer par 'gyur/ zhes pa dang 'brel lo// rgyad 'os gyur nas rang byung gi/ de 'od las byung nyi dkyil du// slob dpon sangs rgyas bcas spyan drangs// bla ma mi bskyod gzugs 'dzin la// zhes pa/ rgyud 'os gyur nas ni nyi ma'i hUM las 'od zer 'phros te ma lus pa'i sems can la bsdu ba

  5. 230a

    bzhi 'am mdzad pa bcu gnyis kyi tshul gyis don byas ye shes pa'i thugs kar thim/ de nyid drangs de rgyud la phog pas sgrib pa rnams dag pa'o// dper na shel gyi kha dog dngas pa lta/ bur gyur pa'o// rang byung gi ni gdan thog tu hUM ba srog gi tshul du gnas pa de'o// de 'od las byung ni sa bon las 'od 'phros te/ slob dpon sangs rgyas dang bcas pa ste/ byang chub sems dpa' rnams dang spyan drangs pa'o// de rnams la nyi dkyil du zhes pas gdan nyi ma pad+ma dang seng ge rnams la bzhugs pa'o// bla ma mi bskyod gzugs 'dzin la ni 'od zer gyi 'phro 'dus mi bskyod pa'i rnam par bzhugs pa'o// phyag 'tshal phyi nang bzhi yis mchod// sdig pa bshags nas sdom pa bzung // yi rang bskul dang gsol gdab pa// bsngo dang skyabs 'gro sems bskyed de// zhes pa ni// phyag 'tshal ni gsum ga tshogs pa'am/ yang na yid kyis so// phyi nang bzhi yis mchod pa ni// phyi ni rdzas dang lha mo dang // dbul ba'i gnas tha dad du mchod pa'o// nang gi lha mo rnams kyi rang gi rdzas rang rang gcig tu nges pa'o// gsang ba ni lha mo'i mchod pa gsang bas mnyes pas gsang ba'o// de gsum ka phyag rgya chen por rtogs pa ni bla na med pa'o// sdig pa bshags ni gsum la gsum gyis gsum po so so rang rang du mi 'chab cing 'gyod pa dang bcas pas bshags shing dam 'cha' ba'o// de nas rgyud dag pa'i rjes nas sdom pa bzung ba ni spyi dang khyad par te blangs pa'i don las phyi mi 'da' ba ste rigs drug gi sdom pa la sogs pa dang 'brel to// yi rang ni spyi dang khyad par te bla na med pa'i lam las lhag pa gzhan yod pa ma yin te/ khyad par don no// bskul ba ni

  6. 230b

    chos kyi 'khor lo bskor ba ste spyi dang bye brag go/ gsol ba gdab pa ni mya ngan las mi 'da' yang mi mnga' yang gdul bya'i don du snang ste/ de'i don du gsol ba 'debs pa'o// bsngo dang ni 'bras bu khyad par can du bya ba'i phyir bsngo ba ste/ byang chub tu yan lag bdun pa bsngo ba'o// skyabs 'gro ni phyi'i lha yongs su bcad de khyad par 'phags pa gos sngon po can la bdag nyid 'dud cing skyabs shes pa'i don to// sems bskyed ni gnyi ga'i stobs kyis 'khor ba las grol de lam bskyod la 'bras bu byang chub thob par byed pa'i blo can no// de ni lam khyad par can du sbyang ba'i phyir ro// ste zhes pa lhag pa'i don te/ bsod nams kyi tshogs der ma zad de tshad med pa yang yin/ zhes pa'o// de rnams longs spyod rdzogs pa'i sku 'grub par byed pa'i rgyu'i don no// tshad med bzhi po yongs su bskyed ces pa ni/ byams pa snying rje dga' ba btang snyoms bzhi rim pas bsgom pa sde yul la tshad med pa'i phyir dge ba la tshad med pa'o// sprul po'i sku'i nus pa'o// rgyu dang mi rgyu rnam pa kun// thams cad yongs su dag pa las// shes pa ni mos pa'am shUn+ya tA'i sngags kyi stobs kyis rgya dang nang sems can thams cad dang / mi rgyu phyi snod kyi 'jig rten rnam pa kun// gzung ba 'dzin pa'i rtog pa chos thams cad yongs su dag pa stong par grub pa'o// spros pa dang bral bas ches sku'i rgyu'i don no// rgyu gsum dang tshogs gnyis las 'bras bu 'grub pa'o// las ni rgyu mtshan gyi don te/ tshogs gnyis tshogs pa las 'byung / zhes pa'i don to// rang 'byung sngags bskyed 'byung ba yi// gzhal yas lam ldan rab tu bcas// gru bzhi pa la sgo bzhi

  7. 231a

    pa/ ka ba brgyad dang rin chen mdzes// dra ba dra phyed phagu dang // dar dpyangs na babs rnams dang ldan// zhes pa ni rdo rje bsrung ba la sogs pa blo'i bye brag gis dag pa song pa sa grub pade gcig tu'o// tha ma'i blo la dang po yod pa'i blo brtan pa'i khang pa gong gi rkyen gyis mi g.yo ste gnas pa'o// rang 'byung ni stong pa'i ngang las so// sngags bskyed ni lam ldan/ zhes te/ ya tsa la suM/ bskyed ces pas rgyur 'gyur ba'o// gang 'byung ba ste 'byung ba'i dkyil 'khor rlung chu gser gyi sa gzhi dang / lhun po rang gi mtshan nyid 'dzin// gzhal yas lam ldan rab tu bcus ni/ de ste bruM la sa gzhal yas khang po rin po che lnga las grub pa mtshan nyid dang ldan pa'o// gru bzhi pa tshad med bzhi dang ldan// sgo bzhi pa dran pa nye bar bzhag pa bzhi dang ldan pa'o// ka ba brgyad ni 'phags pa'i lam yan lag brgyad dang ldan pa/ rin chen ni rin po che lnga las grub pa'i rang bzhin no// mdzes 'dod pa'i yon tan gyi mchod pas mdzes bas+ho// lnga rnam par da/ pa'o// dra ba shes bya'i sgrib pa dag pa'o// dra byed nyon mongs pa'i sgrib pa spangs pa'o// phagu ldan te tshul khrims rnam par dag pa'o// dar dbyangs ni sum cu rtsa gnyis dang ldan pa ni mtshan/ sum cu rtsa gnyis so// rdababs ni phyogs kyi rta babs bzhi yang dag par spong ba bzhi rnams dang ldan ni phyi dang nang gi rgyun rnams tshogs par grub pa'o// dur khrod brgyad kyis nye bar grub pa ste// dur khrod brgyad ni 'das pa'i sangs rgyas rnams kyi lam mtshon pa'i don to// shing dang mchod rten dang lha dang klu dang srin po dang / phyogs kyi bdag po rnams dang lce spyang dang / kang ka ma

  8. 231b

    rings dang / ro gsar rnying gi rnam pa rtog pa dang rgya ba med pa'o// seng ge 'khor lo zla yi gdan/ zhes pa ni/ dbus su seng ge 'khor lo nyi zla'i pad+ma ro yi gdan// nyon mongs mgo bo gnon pa dang / rnam kun ma lus gcod pa dang // thabs dang shes rab zung du ldan// nyes pa'i skyon gyis mgos pa// rnam rtog thams cad rab tu bcom// de steng hUM las rdo rje gyur// de las dpal ldan gnyis kyi bdag/ nyon mongs kun sel gdum po'i gzugs// shes pa ni/ de steng ni gdan de rnams kyi thog tu'o// hUM las zhes pa 'od zer gyis las gnyis byas te/ rdo rjer gyur pa'o// yang gnyis kyi las byas te/ de las dpal ldan gnyis kyi bdag ni/ mchog thun mong gi bdag por snang ba'o// nyon mongs kun sel ni/ mthong ba spang ba dang / bsgom pa spang ba rnams so// gtum po'i gzugs ni yum med pa ste/ spang bya phyir rgol ba rnams la gtum pa'o// rig lnga sangs rgyas dbu la brgyan// mthing kha gos sngon sku la gsol// rdo rje dril bu lag na thogs// thun mong/ las dang rjes mthun no// mchog yang thogs pa med par ro// sprul bzhis lus la rnam par brgyan// spyan dmar mche gtsigs sbrul nag za// rin chen dpa' bo chas kyis brgyan// brkyang bskum khro bo brjid pa'i zhal// gsus khyim che zhing 'jigs pa can// zhes pa ni/ rigs lnga sangs rgyas dbu la brgyan pa ni// phung lnga dag pas rigs lnga/ de ye shes lnga'i ngo bo dang ldan pa'o// mthing khar gnas pa don stong pa nyid la 'gyur ba med pa'o// gos sngon skul gsol ba ni rigs 'dzin pa ste dang ljang khu'i kha chag can no// rdo rje ni lag ga yas na thogs te/ thabs kyi

  9. 232a

    rang bzhin rtse lnga la kyang lnga dang / sa bon bkod pa'o// g.yon dril bu thogs te/ shes rab kyi rang bzhin/ thun mong las dang / rjes mthun ni/ thun mong gtso bor sgrub// pa la phyag mtshan gdul bya'i dbang gi skabs dang s+pha ra ra// mchog yang thogs pa med par ro ni/ mchog gtsor sgrub pa la zung du 'brel pa'i rang bzhin no// sbrul bzhis lus la rnam par brgyan ni/ rgyal rigs rje rigs bram ze dmangs rigs rnams/ kha dog ser po dmar po dkar po dang / nag po zhabs gdu ba la sogs byas pa'o// spyan dmar ba ni sems can la thugs rjes chags pa'o// mche ba gtsigs pa ni bdud bzhi dang sdang ba 'dul ba ste don byed pa'i rtags sbrul nag za ba ni nyon mongs pa gdug pa 'dzem pa'o// rin chen dpa' ba chas kyis brgyan ni/ rin po che'i rgyan dang dpa' bo'i chas kyis brgyan pa'o// brkyang bskum ni don gnyis mdzad pa'o// khro bo brjid pa'i zhal ni/ khro chags gnyis kyi tshul gyis don mdzad pa'o// gsus khyim che ba ni stong pa nyid kyi rang bzhin ni zab pa'i don no// 'jigs pa can ni gzhan gyis mi tshugs pa'o// de gsal mdun du ye shes dgug/ bgegs bsal mchod dang gtor mas mnyes shes pa ni/ de gsal mdun du ni/ dam tshig pa rags pa dang phra ba gsal ba'i mdun du ye shes pa dgug ste/ hUM gi 'od kyi sa 'og min gnas nas ye shes pa'i lha rnams dgug/ ces pa'o// badz+ra sa man ta dza/ zhes pa dang 'brel to// bgegs bsal ni ye shes pa dang lhan cig pa'i bgegs rnams bskrad pa ste/ oM badz+ra yak+Sha d+hu phaT/ ces pas

  10. 232b

    'byer bar byed pa'o// phyin ci log gi rtog pa bsal ba'i phyir gsung gi tha snyad tsam du yang mi 'byung ngo // de ci'i phyir zhe / de gnyis 'gal ba'i phyir ro// mchod dang gtong mas mnyes ni// phyag sngon du byas te/ dngos sam mchod pa bzhin dbul ba'o// gzhan yang mchod pa dang sman gyis mchod pas mnyes par bya ba'o// de nas gsol ba gdab par bya ste/ e ma ho dpal ldan gos sngon can// lus kyi rtog pa bsal ba'i phyir// ye shes thugs rje chen po'i ngang // bdag lus ye shes skur byin rlobs shes gsol ba gdab bo// tshig gnyis su ngag dang yid la gzhug par bya'o// de nas sku gsum thugs gnas su yig 'bru gsum las 'od byung nas/ mi sdug yig 'bru 'od kyi gzugs// bsdus shing bsreg te spang ba las// ye shes gsum ni gnas su gnas shes pa ni gsol ba gdab pa'i rjes de nas// sku gsung thugs kyi gnas su yig 'bru gsum ste/ oM AHhUM bkod la/ de gsum las 'od byung nas mi sngag ste lus kyi sdom mam sdig pa'i gzugs su// yig 'bru ste ngag gi kaM nag por/ yid kyi gzugs te/ yid kyi 'od dpung nag po'i gzugs su/ snying gar bsdu'o// de rnams snying gar bo sreg pa'o// spyi bor sbyar te bkru ba'o// 'od zer gyi rtsal gyi las so// gnas gsum du rigs kyi lha gsum grub ste/ de yang ye shes gsum ni gnas su ste/ rang rang gi rigs la ye shes pa'i lha bstim pa'o// ye shes rigs lnga byin gyis brlab// dbang skur mi bskyod rigs lngas brgyan// oM sarba ta thA ga ta bu h+ya a b+hi Shiny+tsa/ zhes bya ba ni sngags kyis ngag yongs su dag par bya ste/ zhes pa ni/

  11. 233a

    bla mas rigs lngag sol ba gdab// ye shes rig sngags byin brlabs te// dbang bskur gsol ba gdab pa ni// oM la sogs pa brjod pa'o// dbang bskur zhes ni gsungs pa sa// rigs lnga sha nas du yi dbang // zhe sdang rnam par sel ba dang // ma lang ye shes da la gnas// g+hu nas dgra na dbang bsrung bas// sed sna rnam par sel ba dang / mnyam pa nyid kyi ye shes gnas// nub nas rdo rje'i dbang bskur bas// 'dod chags rnam par sel ba dang // so sor thar pa'i ye shes gnas// byang nas dril bu dbang bskur bas/ phrag dog sgrib pa sel ba dang // bya ba nan tan ye shes gnas// dbus su ming gi dbang bskur bas// ma rig mun pa sel ba dang // chos dbyings ye shes gnas pa'o// de la rtags dang rgyas gdab ni// mi bskyod rig sngags brgyan pa ste// mi bskyod gtso bor gnas pa'o// lus kyi dri ma rnam par sbyong // ngag yongs su dag par bya ste// zhes pa/ gsang ba'i dbang ni rab tu blang // rigs lnga yob yum snyoms par zhugs// thugs rje chen po'i ngang du zhu// thig le AM hUM rnam pa la// a b+hi Shiny+dza sa sbyin par bya// a ho su Shas lces blangs la// ngag las gyur pa'i dri ma rnams// thams cad dgra ste nus mthu can// dbyangs dang rdo rje gyur pa'o// thun mong gtso bo gnyis pos grub// gzhan rnams mos pa tsam nyid do// / mchog la rdzogs par blang bar gsungs// sems ni yongs su dag bya ste// don gyis gnas par shes par bya// lha mo 'di yang mtshan nyid ldan// lag pas bzung ste gsol ba// /

  12. 233b

    btab// dga' ba bzhi yi dbye ba las// gnyis med ye shes gnas pa'o// de nas yan lag drug gis bskyed// bzhi pa phyag rgya chen por gnas// gsang sngags bzlas so zhes pas dbang gi rjes de nas bsngags bzlas pa'o// gsal ba rnams nyis rags dang phrag/ bdag dang gzhan gyi rnam pa la// gsal bar byed pa de nyid do// zhes pa ni/ gsal ba rnam gnyis rags dang phra ni/ rags pa gsal ba gtso bo gsal ba ste// sku mdog dang rgyan cha gsal ba'o// phra ba gsal ba ni sems dpa' sum rtsegs gsal ba'o// bdag ni bdag lhang gsal ba/ gzhan gyi rnam pa ni gzhal yas khang dang / bsrung ba gsal ba'o// gsal bar bsgom pa de nyid do// zhes pa'i don to// rgyud rnams sbyor ba'i bzlas pa ni// rags pa dang ni phra ba'o// rags pa gnyis te ba thag dang // ba thag med do gnyi ga la// mgal me phreng ba nyi ma'i tshul// phra ba'ang gsum du byung ba ni// hUM skul sreg pa raM yin te// lte ba bkru ba spyi bo A zhes pa ni/ dri ma sbyong ba'i bzlas pa la// rnam pa gnyis su shes bya ste// rags pa dus mnyam gdon la sogs// phra ba rim pas bya ba'o// rags pa la zlos lugs gnyis te/ ba thag yod pa ni/ lus ngag yid kyi 'od kyi skud pa 'brel pa'i tshul du/ dus mnyam du snying ga nas sdom mam sdig pa 'am yi ge 'od dpung du 'don pa ste/ sarba pA paM u tsa ta ya/ zhe pab dang 'brel to// de rnams ma lus lte ba raM las mes bsregs te/ da ha dz+wa la raM zhes pa dang 'brel to// thal ba ma lus pa spyi bo nas haM dkar pos chu rgyun phab ste/ sarba pA pi sho d+ha haM/ zhes

  13. 234a

    pa 'brel to// ba thag med pa ni 'od kyi skud pa sbrel ba ma yin te/ 'od zer gyis lus ngag yid kyi las ngan pa rnams 'byed pa ste/ nor bu chu 'thung bzhin no// gnyi ga la ste rags pa dang phra ba gnyig la tshul 'di nyid de/ mgal me bar ma chad pa'o// phreng ba yig 'bru la 'od zer gnas pa'o// nyi ma ni 'od zer lus yo la khyab pa'o// phra ba'ang gsum du byung ba ni dus mnyam yin te re mos rim gyis gsum 'byung ba'o// hUM skul sreg pa raM yin te/ lte ba bkru ba spyi bo a ni lus kyi snying ga nas sdom gyi gzugs su bton// lte ba ra re las bsreg/ spyi bo as bkru ba'o// ngag gi rkang nag po ru yid kyi 'od da pur du gdon pa dang sreg pa dang bkru ba rim gyis so// mtshan ma 'dod pa'i bzlas pa la// rnam pa lngar ni 'dir ma byas shes pa ni/ mtshan ma bsnyen pa skyel ba'i bzlas pa la// gzhan dag na rnam pa lngar bshad pa yod de/ 'di yi don ma yin no// snying gar bskor ro mtshan ma 'byung // ba zag gzings dang dmigs pa med// 'od zer dkar dmar 'phro 'du dang // re dang hUM las me byung bas// shes pas khyad par gyi don te/ 'dir bzhir shes par bya ste/ bsnyen pa ni snying gaskor ro mtshan ma 'byung / zhes pa'i don te/ grangs kyi bsnyen pa skye la 'dod na// 'bum tsho gcig dang gnyis dang gsum// gsum dang bdun dang bye ba'o// snyigs ma'i dus su nyi shu ste// gsum la ri ra spyi ru gcig/ de ltar nyi shu rtsa bzhi'o// rtsa ba'i sngags la gtso bor bskyal// snying nad ye shes sems dpa' yi// rdo rje hUM la skor ba ste// mgal me

  14. 234b

    phreng ba nyi ma'i tshul// de la rtags rnams 'byung ba'o// nye ba'i bsnyen pa ni// ba thag gzings dang dmigs pa med ces pa'i don te/ thugs ka'i hU~M las 'od zer 'og min du ye she pal bag ste/ mchod pas chung 'dus te ye shes kyi byin brlab bA sim pa'o// oM badz+ra tsaN+Da mahA Sha hU~M phaT/ oM rA dza mahA ka rAH hU~M hUM hUM 'di rnams bzlas pa'i don te/ de bzhin// du bskyal ba'o// 'od zer dkar dmar 'phro 'du dang zhes pa sgrub pa'i las bston pa'o// sa bon las 'od zer 'phros te bkug la ye shes pa la 'od zer gyis mchod nas mnyes te/ de las 'od zer gnyis byung bas las ngan pa dang sgrib pa dang / nus mthu rnams dmar pos bsreg pa'o// nyi ma rnams dkar pos 'grub pa'o// sngags ni rtsa ba'i sngags dang / 'byin pa'i sngags dang bcu gcig pa dang lnga pa'o// 'di yang de ltar shes par bya'o// da ni sgrub pa chen po las brtsam par bya ste/ raM dang hUM las me byung bas shes pa'i don te/ sems dpa' sum rtseg gi rdo rje lte ba'i hUM dmar nag dang / lte ba'i raM las me 'bar te/ sor gcig gam gnyis sam khru gang la sogs pa 'phros te/ me shin tu drag cing rtsub pa myur ba che ba'i rang bzhin can// de rnam smin gyi lus bag chags ngan pa/ nyon mongs pa can gyi yid bgegs kyi gnod sems nus mthu las kyi sgrib pa rnams bsreg pa'o// 'od 'og min du 'phros pas bde bar gshegs pa thugs rje me'i phung por 'dus nas/ de rnams me gnyis kyis bsreg pa'o// sngags bzlas pas kyang me'i rang bzhin du byung ste bsreg pa'o// ngag gi sngags bzlas pa yang / gzungs

  15. 235a

    rings gtso bor bya ste/ oM badz+ra tsat+ta ma hA roSha Na hUM phaT/ ka s+t+ra swa mgu li tsa la na sarba be tsa A mardza nA nA ga mA ra ya phaT/ ha pa oM pa wi oM rA dza ma hA ga ru Da hUM hUM hUM/ yang na zlos pa dang skor bzlog du shes par bya'o// de ltar bsregs te rnam par byang ba'i sems nyid las/ ye shes lus su gsal bar snang zhes pas/ gtso bo dang phyag g.yon pa'i bya khyung dang gnyis tha mi dad pa/ lha'i ngo bo me'i rnam par grub pa'o// thun bzhi rnal 'byor gyi rjes la/ lha dang sngags 'di rnams kyis ngan song las srun par 'gyur/ nad kyi sdug bsngal las thar bar 'gyur/ gnod pa'i bgegs la 'chi snyam pa'i 'jigs pa 'byung / mchog dang thun mong gi dngos grub ma lus pa thob par 'gyur/ sngags kyi gsham du nad dang sdug bsngal thams cad byang/ bar gyur cig/ swAhA hUM phaT/ zhes btags shing sems bskyed par bya'o// de ni mtshan ma 'dod pa'o// 'byung ste/ grub rtags thon pa'i rtags gsum las/ 'od sgra sku ston sgyu ma dang / zhes pa ni/ rtags rnam pa gsum 'byung ste/ lha grub pa gos sngon po gon pa me tog sngon po thu ba nyi zla sted na 'dug pa la sogs pa'o// sdig dang nad thon rtags ni lus lo mi gtsang ba la sogs pa dang / rnag khrag la sogs pa 'byung ba'o// rtags gsum pa ni sdig sbrul la sogs bsreg cing 'tshod pa'o// dngos su 'byung ba'i mtshan ma ni 'od kyi phung po 'am/ 'od zer kyi rnam pa'am/ gzha' tshon rnam par 'byung ba'o// dbugs 'byin pa'i sgra'am/ lha'i sba'am/ chos ston pa'i sgra'o// sprul pa la sku gcig gi zhal mthong ba 'am/ mang ba'i zhal mthong /

  16. 235b

    ba'am/ dpag tu med pa'i zhal mthong ba 'byung ste/ tha ma dang 'bring dang rab tu 'byung ba'o// de lta bu'i rnam pa 'byung yang / bden pa'i dngos po gang yang grub pa med de/ gang zhig yod par rtog pa yang / 'di yang sgyu ma'i mtshan nyid min// gang zhig med pa rtog pa yang // 'di yang sgyu ma'i mtshan nyid min// gang zhig zhi gar rtog pa yang // 'di las sgyu ma'i mtshan nyid min// rtog dang brtag par bya ba dag/ gnyis su bzung na bdud kyi las// rnam par snang ba sems nyid de// gang du yang grub pa med/ ces gsungs so// de tshe gnyis dang ldan nam mi ldan yang rung ste/ bsod nams kyi las tshogs dang gtor ma la sogs pa bya'o// dga' ba 'am mi dga' ba'i sems sgyu ma'i blos bzlog pa'o// de rjes sangs rgyas lung skon 'byung // zhes pas// de la mkha' 'gro rnams dang / byang chub sems dpa' rnams kyis byin gyis rlob par byed do// sprul pa sku'i sangs rgyas mang pos lung ston to// zhing khams 'di zhes bya bar 'khor dang gdul bya dang / bstan pa 'di srid gnas so zhes ston par 'gyur ro// grogs ni khrus dang sreg deng tshe// bdud rtsi klog 'don maN+Dal dang // tshogs dang sbyin sreg bsad pa dang // sAts+tsha gtir ma la sogs pa// 'di yang grogs su 'gro ba yin// de nas gser la sogs pa 'grub// ces pa ni bskyed rdzogs kyi grogs bstan pa yin te/ khrus ni phyi dang nang ngo // dri'i rnam pa dang / rnam par mi rtog pa ste/ thams cad sel bar byed do// sreg pa ni nang gi sbyin sreg ting nge 'dzin gyis sdig pa bsreg pa ste grogs so// tshe ni phyi'i tshe ba srid//

  17. 236a

    ba'i las kun bya ba dang / nor spel ba lnga rnam thos bu la brten de spel pa'o// nang gi tshe rin po che ga'u nang du gnas bcas te brtan par bya'o// bdud rtsi ni bdud rtsi/ rnam pa lnga dang 'brel pa ste/ bcud len thabs dang 'brel pa'o// klog 'don ni ba ka'i rkyen 'bum kha ton nam glegs bam la tshul bzhin du klog/ kun chub par byed/ yid la byed pa'o// maN+Dal ni bla ma rdo rje 'dzin pa la dbul ba'i rim pa'o// tshogs ni tshogs kyi 'khor lo dang / tshegs kyi mchod pa dang / dpa' bo dang dpa' mo'i ston mo bya'o// sbyin sreg ni 'phrin las bzhi'i sbyin sreg ste dngos grub bzhi 'grub pa'i sbyin sreg go/ bsad pa ni skyed par byed pa'i chubasad pa'o// bla ma dang dkon mchog gi sku dgra rnams mngon spyod kyi las brtsams pas ste snying rje'i bsam pa dang ldan pas bsad pa'o// sAts+tsha ni sku gsung thugs kyi rten bzhengs pa'o// gtor ma ni phyi nang du shes par bya'o// sogs pa'i don ni las bcu dang bsod nams kyi las so// 'di yang grogs su 'gro ba yin/ dngos grub gnyis thob par byed la gtso bo ma yin yang 'di rnams bskyed du 'gyur te/ nyams su blang ba'i rim pa'o// de rnams ldan na gser la sogs pa 'grub ste/ thun mong gi dngos grub brgyad 'grub bo// yum lcang lo can gyi rgyud las/ ri lu rkang mgyogs mig sman dang / gter dang dgra bo tshar gcod dang // gzhan sbyin mo dang bcud kyi len// ral gri 'jig rten dngos grub brgyad// bzlas pa tshogs dang gtor mos 'grub// ces gsungs so// mchod pa 'dod pa yi sems can gyis shes pa/

  18. 236b

    ni rdzogs pa'i rim pa man ngag ston pa yin te/ mchog 'dod pa ni phyag rgya chen po 'bras bu 'dod pa'o// sems can ni rigs dang ldan pa gang zag de gtso bor grub pa'o// thabs dang shes rab 'khor lo dang // snying nang sbyor ba gsum gyi rtsa// thig le thig le yi ge mtshan// dbus su thabs dang shes rab 'bar// thig le ye shes gsal bar 'bar// zhes pa ni thabs dang shes rab 'khor lo bzhi ni spyi bo mgrin snying lte ba bzhi/ zur du 'grel pa'i 'khor lo la// 'og ma gnyis po shes rab ste// gong ma thabs su yang dag bshad// a ba d+hU tI dbus gnas te// la la nA dang ra sa nA// ga yas dang g.yon du gnas pa'o// snying po'i tshul du gnas pa'o// rtsa 'dab sum cu rtsa gnyis dang // bcu drug pa dang de yi byed// drug cu rim gyi sa gnas pa'o// thig le thig le yang dag mtshan ni 'khor lo dbye ba de rnams la/ a li nyis gyur rkyang pa dang // sde tshan brgyad du yang dag gnas// kA li nyes 'gyur rnam dbyes mtshan// g.yas partsan A li ste// g.yon pa nyid da kA li'o// thig le 'khrugs pa tshul du gnas// snying dbus su thabs dang shes rab 'bar ni/ snying nang nyi zla bar du ni// a li thig le ngo bo gnas// thig le ye shes gsal bar bsam ni ha A o hUM gi yi ge ni/ thig le'i tshul du gnas pa ste/ thig le gsal ba ye shes rgyu// de la ye shes brtags pa'o// u ma dbyings nas sprul pa ru// ye shes gsal ba dbyings la thug/ de che mi gnas bsam dang bral zhes pa// dbu ma dbyings nas sprul pa ru// 'og gi lam gyi gnas su ni// rlung sngon kha dog rnam lnga bskyed// gtum mo me ni rab tu bus//

  19. 237a

    rtsa gsum nang na yar la zhugs// 'khor lo rim gyis gsal bar 'byung // gsal zhing zhubs bde chen 'byung // ye shes gsal ba dbyings la thug ni 'od zer tshangs pa'i gnas nas 'phros// phyogs bcu sangs rgyas thams cad kyi// ye shes thig le rnam pa bkug/ gnas su zhugs nas gnyis med 'dres// de tshe mi gnas bsam bral 'byung // / de ltar du ni bsgoms pa la// phyag rgya chen po skye ba ste// bsam dang rtog pa'i yul las 'das// tshig dang sgra yi yul las 'das// gang du yang ni mi gnas so// 'gro ba'i dbang po gang dang gang gi rtsa// kha phye steng du thig le bas ma// zhes pa ni 'gro ba'i tshe/ dbang po yul la 'phro 'gyur na// dbang po gang dang gang gi rtsa// dbang po lnga po gang yang rung // gzugs sgra de bzhin yul rnams la// 'dzin par byed pa'i rtsa rnams la// kha phye ste/ dbang po yul dang yul can gnyis// de gnyis thig le stong par sgom// 'od gsal me yi sbyangs pa ste// de ltar du ni bsam zhes gsungs// ba thag phug nas thig le la// thim mo de la blo gtad pas// mtha' 'das rang bzhin med pa'o// zhes pa ni/ ba thag ces ni 'brel pa ste// gzung/ 'dzin gnyis su btags pa'o// phug pas rab tu 'joms pa'o// snang ba lam du byed pa yin// snang ba thig le rang bzhin no// snang ba stong pa gcig tu thim// stong pa rang bzhin dngos de la// mi rtog pa yi blo gtad pas// mtha' 'das rang bzhi ni med pa ste// gang du yang ni grub pa med// brjod min rtog mini lhan cig skyes// 'jug pa ba thag bzhi po yang //

  20. 237b

    sa sa nga gas masam ma sa mamamasam srid gsum 'joms pa'i rang bzhin te// stong pa ba thag bzhi por thim// zhes pa ni/ 'jug pa rnam shes 'phro 'jug ste// ba thag kun tu btags pa'o// bzhi po yang ni tha dad med// skyes pa rmi lam srid pa gsum// srid gsum zhes ni rab tu bshad// de rnams srid pa'i rang bzhin te// ro mnyam gcig tu rtogs pas so// stong pa ba thag bzhi por thim// chos kyi dbyings kyi gnas lugs la// 'bras bu rtog pa'i stong nyid thim// ma la bu ni thim pa ste// rtog pa thams cad bcom pa'o// dbang po thig le med pa la// u ma chen po dbyings nyid du// ye shes phra mo las kyis spro// 'byung 'jug phra ba ba thag ni// skor bdun 'od dang 'gro bas 'grub// nges pa ni rlang rkyang pa la sgom pa ste// dbang po thig le med pa la rtsa dang rlung / thig le la mi sgom pa rlang rkyang ba la sgom pa ste/ rdo rje bzlas pa bya ba'i don no// rlung ni 'khor bar bskyed pa'i rgyu yin pas// de rgyu lam du 'gro bar shes// rgyu lam 'bras bur rnam par bshad// yang dag don la dbye ba med// dbus pa a ba d+hU tI'o// bde ba chen po 'byung ba'i gnas yin pas dbyings so// ye shes rlung g.yas g.yon spro ba'o// 'byung ba phyir 'byung ste hUM gi bo'o// 'jug pa rlung nang du oM gyi ngo bo 'jug pa'o// phra ba ni rtog pa rags pa stod pa ste// gnas pa a skye ba med pa'i don du bsgom ste/ rlung ba thag dang 'dra ba de la brten pa'o// thun tshod ni skor bdun la sogs te/ chu tshod dang / chu srang dang / dbyug gu dang thun tshad la sogs pa'o// de la rten nas dngos grub 'byung ba'o// de la rtags 'byung ba yi don// nags lnga lo zla phyag nga mas pa ma ra ma na sa mag sa thasams can tsa tha ma dbang ma ma cha mangs tshangs mam ma ma mag sa pa ma mam pa mamamams sa rabs sa sa na par ma a a ma sams nga bsesas kyang ya sa mas lang 'alab

  21. 238a

    rgya'o// ye shes chen po thob par 'gyur// zhes pa ste/ du ba sprib tu srin bu me khyer mkha' sdang stags// 'bras bu phyag rgya chen po thob par 'gyur// bde chen skal sogs pa gnyis med 'byung // don rnams ma lus rdzogs par mdzad// 'di ni gang zag snod can las// shes pa bdud rtsi dang 'dra ba 'di gang zag sdod can la bstan pa yin te dad ldan nga rgyal med cing don la phyogs// brtson 'grus ldan zhing zab mo don la mos// bla ma li gus dge la rin chen rigs// gzhan la bstan par bya ba min// gang zag tshul chos g.yo can rnams// gsang sngags phrag khyer ngan song rgyu// de la sbyin par mi bya'o// zhes gsungs so// mtshan nyid ldan pa'i gang zag gis// bsgrubs na mkha' spyod la sogs pa/ thogs pa med par 'byung bar 'gyur// tshul bzhi ni sgrub pa'i gang zag la// dngos grub klu mo mkha' 'gros ster// zhes gsungs so// brgyad pa rim pa man dge 'di bkod pas// tshig dang don la nyes pa shor srid na// rig lnga bde bar gshegs pa dang // mkhas pa rnams la bzod par gsol// zhes gong ma rnams la bzod par gsol ba'i don te/ blo gros rin chen la sogs bde gshegs mkha' 'gro rnams la'o// dgos pa'i don ni khengs pa rnyed pa bkur sti la sogs min/ phyi rabs rtsod pa'i dus su sems can dngos grub 'byung / zhes pa'o// 'di brtsams pa yi bsod nams kyis// khams gsum sems can ma lus kun// rags dang phra ba'i rtog pa yongs spangs nas// yongs su dag pa'i sa thob shog/ ces pa bsngo ba'i

  22. 238b

    don te/ sems can kun gyi spang bya rnams spangs nas// phyag rgya chen po sa thob par shog/ ces pa'o// blo chung ba dag gis brtsam par mi 'os te// dman mos sems can don gyi phyir// tshig dang don la nyes srid na// de nyid khyed rnams bzod par mdzod// bdag gis 'di brtsams bsod nams kyis// 'gro ba ma lus thams cad kun// de nyid don ni rab rtogs shog/ bdag kyang 'gro don byed par shog/ klu'i byang chub kyi sgrub thabs kyi rnam par bshad pa zhes bya ba rdzogs so// // slob dpon nA ga rdzu na zhes kyang bya// klu sgrub snying po zhes kyang bya// kwa'i byang chub zhes kyang bya// klu sgrub snying pos mdzad pa rdzogs so// 6/ sngags bcan kyi 'brel pa mchog rabargyas byas mdzad pa bzhugs/ @#// rgya gar skad rje lan tra a la kA ra nA ma TI kA/ bod skad du/ sngags rgyan gyi 'grel pa zhes bya ba/ bcom ldan 'das rdo rje bsnams la phyag 'tshal lo// dus mtha' rtsod pa rgyas dus su// nyi zla lta bu mthu mnga' zhing // thams cad sel cing snang ba yi// dus gsum sangs rgyas kun gyi dang // rdo rje can la phyag 'tshal lo// bla ma'i man ngag brtson pa yi// nyi mas mun pa sel ba bzhin// tshig sgribs snang bar byed pa yi// rtsa ba'i 'grel du gsungs pa yin// de la myur du ni bshad pa'i bar du ma bkral lo// gang zhig rnal 'byor pa'i sa ni/ sngags pano// cher byed pa'i/ rigs bzad don dang ldan pa yis/ shes pa la/ gang zhig rigs kyi bu 'am rigs kyi bu mo gang gis// 'og tu bsngags bzlas par 'brel to// sngags la gtso bor

Colophon

klu'i byang chub kyi sgrub thabs kyi rnam par bshad pa zhes bya ba rdzogs so/_/slob dpon nA gA rdzu na zhes kyang bya/_/klu sgrub snying po zhes kyang bya/_/klu'i byang chub zhes kyang bya/_/klu sgrub snying pos mdzad pa rdzogs so/