gsang ba spyi rgyud
Text
ff. 86b–107a · 42 folio sides
- 86b
rgya gar skad du/ gu h+ya ma ta ka ta na tra nA ma/ bod skad du/ gsang ba spyi rgyud ces bya ba/ bcom ldan 'das gsang bdag che la phyag 'tshal lo// 'di skad thos pa'i dus na/ rin po che rang snang ba'i gnas na rang byung gi ston pa gsang bdag chen po la 'khor gsum gyis bskor te bstan pa gsum gyi don la bkod do// de nas ston pa gsang bdag chen po sa ched du brjod pa 'di brjod do// gang yang grub pa med pa'i ngang // ming gi tha snyad grub pa med// snang ba gsum gyi rang bzhin las// ston pa gsum gyi ngo bor sha ra// gdul bya'i zhing la so sor snang // sku dang gsung thugs rim pa yis// rang rang mos pa so sor shar// yi ge med snang gsung tshig gis// gang 'dod 'bras bu so sor snang // khams gsum gnas pa'i sems can rnams// rgyu dang log gcod thabs bral bas// rgyud drug 'khor ba'i nang du 'khyams// ma rig ma rtogs ma shes pas// yun rings sdug bsngal so sor spyod// ces gsungs so// de skad brjod pa'i mthus 'khor gyi nang nas sems dpa' rdo rje des/ ston pa la zhu ba'i don zhus pa/ bdag la sogs pa'i 'khor rnams kyis// ston pa'i rang bzhin ji ltar rtogs// rgyud drug sems can thams
- 87a
cad kyis// dang por ma rtogs ji ltar 'khrul// de las grol thabs yod dam med// zhus pas/ gsang bdag chen pos lan gsungs pa// mnyam nyid rang bzhin lhun grub lus// ye shes mkha' la 'degs pa'i rlung // rang gsal rin po che yi sbubs// zer rtsa ma 'gag so sor shar// rtogs lugs/ snang ba bdun du snang // rang bzhin snang dang 'dul bya'o// mthar thug 'bras bu ga sum gyis su// thugs las 'bras bu bcud kyis su// dran sems 'gyu ba kun dang bral// bde ba rang snang 'dzin med sems// theg pa kun gyi bla med mchog/ dbang po yul rkyen mi snang na// mi 'dzin mi snang rkyen dang bral// btsom bzhin de bcos bslad med// snying po 'dod la med na gsal// dri ma 'khrul rtog ngang gis med// ye shes rang lugs ngang gis bde// ston pa gsum gyi ngo bo dang // dus gsum sangs rgyas thams cad la// dgongs pa de las yongs mi mnga'// yang zhus pa/ ston pa'i dgongs pa de lta na// 'gro drag mos pa drang ba'i thabasata kun mkhyen khyod kyis gsung du gsol// ces gsol pas/ gsang bdag chen pos gsungs pa/ 'gro drug sems can thams cad kyis// thog med dus
- 87b
na don mi gsal// 'gyu ba rig pa so sor shar// de la brtag cing zhen pa'i sems// kun tshol nges 'jogs gtan la 'bebs// zhe sdang sdug bsngal so sor myong te ta sdug bsngal de las thar pa'i thabs// snod bcud gnyis 'joms man ngag gis// de don 'gro ba'i thabs su bstan// 'khrul pa rtsad nas gcad pa dang // man ngag ga na da la dbab pa dang // mtshon bya dpe yis sor bstan dang // dbye ba gnyis su bstan pa dang // sku lnga ngo yis gzung ba dang // brda don khyad par bstan pa dang / targol rtsod rim pa dbye ba dang // man ngag don la sbyar ba dang // bshad thabs rim par bstan pa dang // sna brgyud bstan pa'i rim pa yis// de nyid thob pa'i thabs su bstan// dges 'bral gnyis kyi khyad par dang // yon tan rgyud kyi che ba dang // khyad par mtshan gyi tshe tshul lo// zhe 'dod med pa'i rtogs pa dang // dngos po ci yang ma yin pas// ye shes rang lus gsal 'gri ba med// rkyen la ltos pa'i 'khrul sems bral// lus ngag 'khrul pa rang bzhin zhig/ rgyu yi chos la blo mi skye// theg pa chen las blo mi 'gyur// rtogs pas bya gtang ngang gis gtang // dge sdig sems dang bral ba'o// ngo bo grub pa ci yang med//
- 88a
stong pa ye shes snying po nyid// bcos paslad med pa'i rang bzhin nyid// 'gyu med 'dzin med rtogs pa bral// snang stong mtha' gnyis bral ba nyid// 'khrul pa'i myong rig gang yang med// 'gyur med rkyen dang bral ba'o// sangs rgyas sems can mnyam pa nyid// mtha' dang dbus med klong chen po// mtshan nyid rig pa bsam mi khya ba// lus kyang de bzhin gnas pa ste// rang rang 'dod pa bzhin du 'khrul// zo chu'i rgyun bzhin gnas pa nyid// de rtsa da gcad cing gtan la dbab// kun gyi gzhi ma mnyam pa nyid// rgyud cig ldog dang bcas pa'o// snga phyi med pa'i dbyings su gcig/ ma bcos snying po kun gyi gzhi// rin chen gter gyi mdzod chen po/ ta rgyu las ma byung rkyen dang bral// 'di 'dra ba stan med byang chub sems// 'gyu ba med na dran mi skye// stong pa'i ngang la brtsi gdab med// nam mkha' bzhin / te mtha' dbus med// snying po nyid la sor gnas pa// nyi zla bzhin du gsal 'gri ba med// phyogs bral theg pa kun gyi rtse// thams cad 'byung ba'i gnas chen po// rgyud rnams ma lus bdag po yin// 'dod dgu 'byung ba'i rin po che// ston pa rnam gsum thugs kyi bcud// mkhyen pa'i ye shes bsam mi khyab//
- 88b
dus gsum sangs rgyas dgongs pa'i mchog/ dbang po'i bsam pa 'di nyid ni// 'gyu ba med na de nyid yin// rig pa rjes med sgom mi dgos// dran pa'i phyog sa la rjes mi gcod// mkha' dang gzha' tshon dkyil 'khor la// zhe na med tshul 'jug ngang gis bde// rang dbang rgyal po rtog pa che// don las mi 'da' mnyam pa med// sangs rgyas thugs nyid sgrub pa'i mchog/ 'dod bral rtogs pa'i don chen po// ma bcos bya btang don dang 'thun// 'dzin bral 'di la gnas pa ni// rnal 'byor chen po/ skal ba bzang // lus ngag 'khrul pa ngang gis zhi// rkyen snang 'khrul pa'i mtha' mi 'dzin// mi phyed ma byed mnyam pa nyid// rang gnas gnas lugs don po che// dngo // gzhi med pas myong dang bral// de bzhin lce yi dbang pos kyang // yang dag don la brjod du med// snang ba'i ngo bo med pa ni// ma btsal bzhag pa nyid du bde// snang dang stong pa'i phyogs cha bral// rtag dang chad pa'i mtha' mi gnas// 'gro drug 'khrul pa'i rang bzhin la// rgyal ba'i dgongs pa'i yang dag gnyis// mnyam nyid dus na bzang ngan med// tha ma la sems kyi snang ba dang // rtogs ldan rang snang shes pa gnyis// gcig sgrib gcig skye gnyis mi mnga'// gser dang ser po'i dpe bzhin no//
- 89a
mi s+ya rtog med bya ba bral// 'gyur med 'gro 'ong med pa'i mchog/ ces gsungs so// gsang ba spyi rgyud las/ gleng gzhi'i le'u ste dang pa'o// / de nas sems dpa' rdo rjes/ gsang bdag chen po la gsol pa/ ston pas gleng gzhi de ltar gsungs pa la/ sgra dang yi ge gang las byung ba lags gsol pas/ ston pa gsang bdag chen pos gsungs pa/ yi ge'i gtso bo skye ba med// de las yan lag sgra yi yi ge 'byung // de las gtso bo'i yi ge 'byung // de las grogs kyi yi ge 'byung // yi ge 'bru gcig lus po la// dgos pa'i yan lag bdun tshang ste// mgo dang ya na lag bdun tshang ste// mgo ni ma nor la ma 'dren la// tsheg mig lta bzhin shad rta bzhin// yan lag shugs kyis 'gro bar byed// yan lag shugs kyis 'gros bslangs nas// mgo ni don gyi lam du zhugs// tshe ga ni shes rab ming du smra// shad kyis sde pa tshigs su gcod// yi ge'i don dang rang bzhin bstan// tshig par 'bru yi tshig don ni// ston pa'i gsung du nges par gsungs// lhag par shar ba sil bu gsum// 'grel pa gang zag mi yi tshig/ nga yis gsungs pa'i don la smra// zhes gsungs so// gsang ba spyi rgyud
- 89b
las sgra dang yi ge'i byung tshul bstan pa'i le'u ste gnyis pa'o// // de nas sems dpa' rdo rjes/ ston pa gsang bdag chen po la zhus pa/ yi ge'i rang bzhin de ltar byung ba la// 'grel dang bshad thabs ji ltar lags// ston pa gsang bdag chen pos gsungs pa/ ji ltar gnas pa'i gnas lugs te// tshig gis mtshon du med pa la// rjes 'jug la sogs phyi rabs la// shes shing rtogs par bya ba'i phyir// don gyi 'grel pa lnga 'di bshad// khyed la sogs pa'i 'khor rnams nyon// dus gsum sangs rgyas rnams kyis kyang // don gyi 'grel pa lnga po 'di// rtogs nas skye med sa la gshegs// don gyi 'grel pa lnga po 'di/ nga yi spyi rgyud 'di rtogs nas// dgongs pa 'di la gnas par byed// 'grel lnga gang dang gang zhe na// tsheg par 'bru yi 'grel pa dang // dpe don rgyu 'bras 'grel pa dang // gtan tshig sa don gyi 'grel pa dang // 'byed par byed pa'i 'grel pa dang // sdud par byed pa'i 'grel pa'o// tsheg par 'bru yi 'grel pa ni// yi ge'i don dang rang bzhin dang // tshig par yig shugs yan lag brtags// de yang ji lta bu zhe na// yi ge 'bru gcig lus po la// dgos pa'i yan lag bdun
- 90a
tshang ste/ mgo dang yan lag tsheg shad bdun// mgo bo ma nor lam yin la// tsheg mig lta bzhin shad rta bzhin// yan lag shugs kyis 'gro bar byed// yan lag shugs kyis 'gro sa bslangs nas// mgo ni ma nor lam du zhugs// tshig ni shes rab ming du smra// shad ni sde pa tshigs su gcod// tshetshig par 'bru yi 'grel pa ni// ston pa'i gsung du nges par gsungs// tsheg par 'bru yi 'grel par bshad// dpe don rgyu 'bras 'grel pa ni// don gyi tshig dang yi ge'i tshig/ rgyu yi tshig dang 'bras bu'i tshig/ gang yin 'brul brtag bya ste// gang yin tshig gis ston par byed// de 'dra de bzhin de ltar gsungs// dpe ru bstan/ pa'i 'grel pa yin// de bas de phyir des na gsum// gtan tshigs bstan pa'i 'grel pa yin// de nas de yang de las gsum// rgyu bstan pa yi 'grel pa yin// de yin de min yid ches nas// don gyi 'grel pa yin par bshad// 'bru dang yan lag gcig la yang // de don de ltar yod pas na// de bzhin yan lag kun la brtag/ dpe don rgyu 'bras 'grel par bshad// gtan tshigs don gyi 'grel pa ni// ya na dag gi don 'byung ba// tshig 'bru las ni don byung bya// rgyu yi tshig
- 90b
ga ma 'bras bu'i tshig/ dpe yi tshig ga ma don gyi tshig/ rtags sam gtan tshigs gang yin tshig/ brtags de don de byung bar bya// gtan tshig sa dag gi 'grel par ba sha dang ta'abyed par byed pa'i 'grel pa ni// so so dag gi ngo bstan nas// sde dang tshan dang rigs su phye// 'byed par byed pa'i 'grel pa yin// chos kun rtsa ba gcig 'dus nas// spros pa med pa'i don bstan nas// sdud par byed pa'i 'grel pa yin// tshig dang 'bru yi don 'di ni// tshig par 'bru yi 'grel par bshad// 'dra dang yin min don 'di ni// dpe don rgyu 'bras 'grel par bshad/ brtags de gtan tshigs 'byin pa na// gtan tshogs dag gi 'grel par bshad// so so sde tshan / rigs 'byed na// sa gcod pa yi 'grel par bshad// rtsa ba gcig tu don ston na// sdud par byed pa'i 'grel par bshad// tshig par 'bru yi 'grel pa yin// tshig dang 'bru dang tshig mi ltas// 'bru la lhag pa mi ltas te// 'bru 'joms pa yi 'grel par bshad// dpe don rgyu 'bras 'grel pa 'dis// 'dra dang yin min don bstan nas/ chos de la ni ming du 'dogs// ngo bo ston pa'i 'grel par bshad// gtan tshigs don gyi 'grel pa ni// ma nor ba yi snying po 'byin// don 'byin pa yi 'grel
- 91a
par bshad// don gyi 'grel pa lnga po lnga// ma bshad skyon yang yod pa ste// tsheg par 'bru yi 'grel med na// tshig bar 'bru yi tshig mi sdebs// 'bru mi choms pa'i skyon du 'gyur// dpe don rgyu 'bras 'grel med na// chos la ming gis mi thogs te// mtshon du med pa'i skyon du 'gyur/ gtan tshigs dag gi 'grel med na// don gyi rtsa ba mi rnyed de// don mi rtogs pa'i skyon du 'gyur// 'byed par byed pa'i 'grel med na// so so bye brag mi phyed de/ ta sa mi chod pa'i skyon du 'gyur// sdud par byed pa'i 'grel med na// rtsa ba gcig tu mi 'gyur te// mtha' yas pa yi skyon du 'gyur// des na 'grel pa lnga po 'di// dus gsum sangs rgyas thams cad kyi// gsung gi tshig tu ngas smras pa// 'khor gsum khyed la sogs pa kun// gsang bdag chen po nga yi lung // byang chub sems kyi rang bzhin 'di// rtogs par bya phyir 'grel lnga 'di// nga yis khyed la bstan pa yin// zhes gsungs so// gsang ba spyi rgyud las// yi ge'i don bshad pa'i le'u ste gsum pa'o// // de nas gsang bdag chen po la/ sems dpa' rdo rjes zhus pa// yi ge'i bye brag de dag la/
- 91b
rgyud du 'gro ba ji ltar lags// gsang ba dag chen pos gsungs pa/ sgra dang tshig dang glegs pa ma dang // ngo bo nges tshig dbye ba dang // dgongs gzhi 'thun dpe ldang tshad/ dang // mtshan dang che tshul khyad par ro// snang ba gsum dang rgyud gsum dang // dkar bshad dag dang rang bzhin dag/ ye shes dag pa sku gsum mo// kun kyang rgyud kyi rang bzhin te// rgyud ma yin pa gcig kyang med// bdun dang dgu dang bcu gcig ni// de ltar rgyud las 'byung ba'o// zhes gsungs so// gsang ba spri rgyud las// rgyud kyi byung tshul bstan pa'i le'u ste bzhi pa'o// // de nas sems dpa' rdo rje des// gsang bdag chen po la gsol pa// rgyud kyi byang tshul de ltar byung ba lags// de yi bshad thabs ji ltar lags// gsang bdag chen pos gsungs pa/ bshad pa nyes pa'i skyon dang ni// bshad thabs bcu yi yon tan ni// rim par phye ste so sor bshad// mdo sngags khyad par ma phyed na// chu dang 'o ma 'dres pa 'dra// gsang sngags phyi nang ma phyed na// mang po khrom du 'tshol ba 'dra// dgongs pa'i go rims ma shes na// mar dang sbyin gnyis bsres pa 'dra// rgyud kyi 'khrugs sdebs ma shes na// lung pa gsum gyi mdor phyin 'dra//
- 92a
'brel tshul ngo sprod ma shes na// smyon pa mu cor smra ba 'dra// bstan pa'i dgos ched ma shes na// don med rdzun tshig smra ba 'dra// mi mthun 'gal sdebs ma shes na// ngal ba don med lam zhugs 'dra// rgol rtsod gags sel ma shes na// rkun mo gtad khung bcug pa 'dra// yon tan bshad thabs rnam pa bcu// khyung chen nam mkhar lding ba'i blos// don gyi spri khog phub ste bshad// seng ge gangs la mchong 'dra yis// theg dman zil gyis gnan la bshad// stag mo mchong ba lta bu yaMyis/ ta da? kyus kyi sa sprad byas te bshad// ru sbal ba snur 'gros lta bu yis// tshig gi 'bru rnams gnyer te ba sha da// ngang pa gnur 'gros lta bu yis// snga tshig phyi tshig don 'brel bshad// seng phrug rtsal sbyong lta bu yis// tshig gi bsnol mtshams phye la bshad// rig pa skam 'thun lta bu yis// gang yin dmigs ni bzung la bshad// tshad ma ga sum gyi gtan tshigs kyis// dus kyi 'bra dang sbyar la bshad// slag mo gzan la 'dzums pa yis// gol sgrib bdar sha ga cad la bshad// ces gsungs so// gsang ba spyi rgyud las/ bshad thabs kyi le'u ste lnga pa'o// // de nas sems dpa' rdo rje yis// gsang bdag chen po la gsol pa// ji ltar
- 92b
gnas pa'i gnas lugs ji ltar lags// gsang bdag chen pos gsungs pa/ ston pa sems nyid rdzogs chen la// ye nas gnyis med mnyam pa'i phyir// gcig la// gnyis su dbye ru med// dbye ru med pa'i bde na tshig ni// cig don spros pa med pa yin// yongs 'gegs sbyang zhing bgrod pa dang // gzung 'dzini blang dor bya ba dang // lha spyod rtso la sgrub byar med de// lam dang gnyen pos bcos med par// byang sems mnyam pa'i rang bzhin du// nga yis bstan pa'i don 'di ni// byang chub sems kyi lung chen yin// ma g.yos thig le mnyam pa nyid// ming dang don dang dpe dang ni// rang bzhin mtshan nyid song lugs so// sangs rgyas sems can gnyis med par// sems la blang dor bya ru med// sems nyid rdzogs pa chen po la// thams cad lhun gyis grub pa'i phyir// bde dang sdug bsngal rgyud gcig phyir// snying po byang chub sems rtogs na// dus la snga phyi med par gcig/ 'di yin 'di min ngang gis med// sems la gzung rkyen med pas na// don la bsgom du ma mchis te// des na 'di yin nges pa med// snying po byang chub sems 'di la// ting 'dzin bsam pa'i yul las 'das// brjod du med pa'i ngang la gnas// de lta'i snying po byang chub sems//
- 93a
bstan pa'i snying por gyur pas na// sangs rgyas kun gyis rab tu bsngags// bya byed rtsol sgrub mi mnga' bas// bde chen glong du ji bzhin gnas// yang dag 'di 'dra zhe 'dod byed// sems dpa' rdo rje khyod nyid 'khrul// da lta 'di 'dra bsgom 'dod pa// sgom chags lam gyi nad kyis zin// ston pa'i lung gi tshig rnams la/ ta lam du de mthong 'jug pa ni// 'khrul pa'i lam zhugs smig rgyu sgeg/ yang dag lam ni 'di yin te// tshig dang yi ges mtshon du med// ngang gis mi g.yo 'gyu ba bral// rang bzhin chos kyi gzhal yas na// srog med ston pa'i ngo bo bzhugs// rang bzhin 'khor gyi ngo bos bskor// gsung med bstan pa rgya mtsho sgrogs// bya bral chos la rang bzhin bkod// mnyam pa'i rgyal po rang bzhin thob// ye nas rtsol grub nad bral la// byas zin rtsol ba'i nad dang bral// rang gnas lhang la ngang gis gnas// ma bcos ma byas rang lugs gnas// mnyam nyid snying po kun gyi gzhi// ngo bo dngos po dang bral la// phyogs gcig 'di 'dra gzung du med// ji bzhin mnyam pa'i snying po la// kha dog 'od lnga so sor gsal// zer rtsa yan lag lnga byung bas// snang ba'i tshul la rim gyis byung // de las 'char sgo sa sor shar/
- 93b
sus kyang ma byas shugs las byung // bag chags rtog 'khrul sna tshogs skyes// ye shes rang snang 'di nyid kyang // ma btsal ma bsgoms ngang gis shar// zhes gsungs so// gsang ba spyi rgyud las/ gnas lugs bstan pa'i le'u ste drug pa'o// // de nas sems dpa' rdo rjes/ gsang bdag chen po la zhus pa/ gnas lugs de ltar gnas pa la// gsang bdag chen pos ji ltar rtogs// nga la sogs pa'i rtogs thabs yod dam med// gsol pa/ gsang bdag chen pos gsungs pa/ ye nas rang bzhin lhun gru ba las// bod lnga snang ba rang shar bas// shes rab mkha' la 'degs pa'i rlung // 'od gsal sems nyid ngo bor shar// gzhan la ma bltos shugs las byung // rang byung ye shes rgyal por shar// zhing khams ma lus bde bar spyod// mkhyen pa'i ye shes rang bzhin shar// mos pa'i bsam pa mkhyen mchog gis// 'dod pa'i 'bras bu so sor ston// yon tan sgo mo bsam mi khyab/ rang rang gang 'dul thabs su bstan// dbang po bye brag so so la// theg pa'i sgo yang so sor bstan// sku lnga 'bras bu so sor thob// dus gsum sangs rgyas mes chen po// mtshon du med/
- 94a
pas mig dang bral// ngos gzung med pas 'dzin sems med// 'dzin bral stong pa'i ye shes nyid// 'dod pa'i 'bras bu shugs las 'char// brgyad khri sgo yang so sor shar// ma bcos sems kyi ngo bor 'dus// byang chub sems ni kun gyi gzhi// sangs rgyas nyid las gzhan ma yin// phyogs su ma gzung rigs med/ de/ 'dod pa'i phyogs la 'dzin pa med// gsal 'grib med pa'i ye shes ni// nyi ma'i dkyil 'khor bzhin du gsal// phyi nang mi mnga' man shel gzugs// de las de byung ngo mtshar rgyal// phyogs rigs med pa 'od kyi sku// mdun rgyab med par thal le ba// gsal la ngang chas rin po che// 'dod pa'i 'bras bu 'byung ba'i mchog/ dpag bsam shing bzhin lhun gyis grub// gzhan las 'byung ba'i chos ma yin// snang ba lnga yi dkyil 'khor nas// sku lnga 'bras bu dang las byung // zhes gsungs so// gsang ba spyi rgyud las/ yar gyi rtogs tshul bstan pa'i le'u ste bdun pa'o// // de nas sems dpa' rdo rjes/ gsang bdag chen po la zhus pa/ yar gyi rtogs tshul de ltar rtogs pa la// 'gro drug sems can ma rtogs ji ltar 'khrul// ces gsol bas/ gsang bdag chen pos
- 94b
gsungs pa/ thog med dus na don mi gsal// rgyud dang log chod thabs dang bral// sprin dang mun pa ling tog gis// rdzas gang mi mthong ba sgribs pa bzhin// rgyu rkyen ngo bo tshul dus kyis// blta bya'i snying po mthong ba med// mkha' 'gro 'dod dbang sgyur ba yis// sa khu snying 'brus zin pa bzhin// gang zhig 'dod pa'i snying zin no// med snang log par mthong ba yis// mkha' la sgra shad 'khor lo dang // gangs la ser por mthong dang 'dra// dngas ma'i 'od khas zer lnga shar// med las yod gzu lnga po las// brkam chags rgyud lnga so sor 'khrul// phyi 'khrul nang 'khrul gsang 'khrul gyis// yun rings 'khor ba'i nang du 'khyam// dbul po'i gter dang gyad nor 'dra// bla med byang chub ngo ma shes// thog med gnas na don mi gsal// sdug bsngal gsum la yun rings spyod// 'khrul 'khor mun pas de mi mthong // log par 'khrul pas de mi mthong // bag chags gsar rnying 'khrul pas bsgribs// skyes bu lus dang byad 'grogs 'dra// zhes gsungs so// gsang ba skye rgyud las 'khrul pa'i le'u ste brgyad pa'o// // de nas gsang bdag chen po la/ sems dpa' rdo rjes zhus pa/ 'gro drug sems can
- 95a
thams cad kyis// thog med dus nas don ma rtogs// yun rings 'khor ba'i nang na sdug/ dus 'dir ston pa'i thugs rjes gzigs// zhus pas de nas gsang bdag chen po thugs rje skyes// 'gro ba'i don du thugs rjes don mdzad pa// 'gro ba mos pa mtha' dag la// dang po sku yis 'dul ba yin// bar du gsung gis 'dul ba yin// tha ma thugs kyis 'dul ba yin// thugs kyis 'dul ba rnam pa gsum// byin rlabs thugs kyis 'dul ba dang // rig pa'i thugs kyis 'dul ba dang // yang sprul thugs kyis 'dul ba'o// de yi dus kyi gang zag rnams// skal ldan rigs can 'byung bar 'gyur// dgongs pa don gyi bcud zin cing // rna ba rgyud ga dam ngag nod par bya// 'od gsal 'dzin bral bde ba'i mchog/ gsal ba de rnam par rtog pa med// rig pa rjes med bya la ma 'dra/ ta 'dzin med nam mkha' bzhin du ga nas// sgrib med nyi ma'i snying po nyid// gting za ba rgya mtsho'i 'dzings dang 'dra// kun 'byung sa gzhi rin chen gter// dgos 'dod 'byung ba rin po che// zhes gsungs so// gsang ba spyi rgyud las/ thugs rjes mdzad pa'i le'u ste dgu pa'o// /
- 95b
nas gsang bdag chen po la/ sems dpa' rdo rjes zhus pa/ yang dag pa'i don ni ji lta bu/ gsang bdag chen po sa gsungs pa/ dmigs med kha dog yul dang bral// spros bral bsam du med pa'o// byang chub sems la mtshon du med// gzung 'dzin bral bas 'khrul pa med// bsam med blo yi yul dang bral// mtha' dbus med par snying po gas la// gsal ba'i ngang la rtsi gdab med// skyon dang bral ba'i chos nyid de// thog ma med pa'i byang chub sems// gsal 'gri ba med pa'i ye shes de/ 'gag pa med pa'i chos nyid do// ma nor ba yi chos nyid de// rang las byung bas mngon sangs rgyas// skye 'gag med pa'i byang chub sems// ma nor ma bcos dbyings na bde// skye ba med pa'i rang bzhin ni// tshogs drug mtshan ma'i yul dang bral// chos sku gcig pa'i rang bzhin gyis// dus gsum rim pas dbye ba med/ chos nyid lhan grub bde ba che// mi skyod mi g.yo rang bzhin bde// mnyam pa'i bde ba rang byung nyid// gzhan nas btsal ba'i 'dod pa med// ma skyes ma byung rang bzhin ni// rmad du byung ba'i chos nyid do// mngon du gyur pa'i mthu rig pa// bde chen chos kyi gzhal yas su// sems dpa' rdo rje rig pa'i mchog/ sprul pa tha ma'i
- 96a
don du 'byung // a ti'i snying po don 'di 'byung // zhes gsungs so// gsang ba spyi rgyud las/ yang dag pa'i don bstan pa'i le'u ste bcu pa'o// / de nas gsang bdag chen po la/ sems dpa' rdo rjes zhus pa/ 'gro ba sems can thams cad kyis// yang dag don nyid ma rtogs pa/ ta de yi nyes skyon gang gi sa byas// zhes zhus pas/ gsang bdag chen pos gsungs pa// srid gsum lam lnga 'khrul pa yis// lam sgo lnga ru zhugs phyin na/ mi bde sdug bsngal yang yang spyod// zhes sdang las kyi sgor zhugs pas// dmyal ba'i gnas dang tsha grang spyod// snga phyi dran pa'i chos yod kyang // tsha dang grang ba'i nyams myong gis// yang dag don dang phrad pa dka'// 'dod chags lam gyi sgor zhugs pas// yi dgas gnas dang bkres skom spyod// bsngos pa tshim pa'i chos spyod kyang // snga phyi las kyi rnam smin gyis// bkres dang skom pa'i nyams myong ste// yang dag don dang phrad pa dka'// rtogs lugs lam gyi sgor zhugs pa// byol song glon lkug gnas su spyod// rig pa phra mo'i chos spyod de// snga ba las kyi rnam smin gyis// blun cing lkugs pa'i nyams myong ste// yang dag don dang phrad pa
- 96b
dka'/ phrag dog lam gyi sgor zhugs pa// ma yi gnas su dge sdig spyod// dge sdig lam gyis chos spyod kyang // 'dir dge chung dge rnam smin gyis// mi rtag 'gyur ba'i chos la spyod// yang dag don la phrad pa dka'// nga rgyal lam gyi sgor zhugs pa// lha yi gnas dang longs spyod pas// ma rig ltung ba'i sdug bsngal sa// bsam pas 'grub pa'i chos la spyod// ma rig le lo'i rnam smin gyis// ltung ba'i sdug bsngal nyams myong ste// yang dag don dang phrad pa dka'// khams gsum gnas kyang de 'dra ste// 'dod pa'i khams ni ma rig pas// gzugs kyi khams ni chags pas te// gzugs med khams ni dngos ma grub// yid yul chos la mu bzhir lta// rang rang myong ba'i shes pa de// yang dag ma mthong 'khrul pa yin// thog ma med pa'i bag chags dang // bla ma'i gdams ngag rkyen med pas// rtog sa med snying po sems la go mas// skyes bu lu sa dang byad 'grogs 'dra// zhes gsungs so// gsang ba spyi rgyud las/ khams gsum sems can gyi 'khrul pa'i mtshan nyid bstan pa'i le'u ste bcu gcig pa'o// // de nas gsang bdag chen po la/ sems dpa' rdo rjes zhus
- 97a
pa takhams gsum sems can mtshan nyid de 'dra bas// de la phan pa'i thabs ni gang gis bgyi// zhes pas/ gsang bdag chen po sa gsungs pa/ 'gro ba mos pa tha dad pas// theg pa'i sgo yang so sor ston// gnyis ni rnam pa'i bye brag ste// theg pa rnam pa gnyis su bstan// 'jig rten pa yi theg pa dang // 'jig rten 'das pa'i theg pa'o// 'jig rten pa yi theg pa ni// rgyud drug gnas pa'i sems can kun// khams gsum 'khor ba'i gnas gzung nas// brkam chags lnga yi zhen pa yis// khams gsum 'khor ba'i cho gas gsog ste// bde ba'i don med stong par 'gyur// de la don 'di bstan par bya// mu stegs rtag chad rnam pa gnyis// dge sdig las kyi chos rnams la// 'bras bu yod par ma rtogs te// chad pa'i mtha' ru ltung ba'o// rtag pa lta ba'i sems rnams kyis// yod pa rnam pa bzhi mthong ste// nga gtsang skyid rtag bzhi mthong nas// blang dor med pa'i chos ma shes// skye ba med pa'i don ma mthong // rtag pa'i mtha' ru lhang ba'o// zhes gsungs so// gsang ba spri rgyud las/ 'jig rten pa'i le'u ste bcu gnyis pa'o// /
- 97b
/ de nas gsang bdag chen po la/ sems dpa' rdo rjes 'jig rten las 'das pa'i theg pa zhus pas/ gsang bdag pos gsungs pa/ 'jig rten 'das pa'i theg pa la// rnam pa gnyis su phye nas bstan// mtshan nyid rgyu yi theg pa dang // 'bras bu rdo rje'i theg pa'o// mtshan nyid rgyu la rnam pa gsum// sdug bsngal spong ba'i nyan thos dang // shes pa 'gags pa'i rang rgyal dang // rnam rtog spong ba'i mdo sde gsum// sdug bsngal spong ba'i nyan thos ni// brtul zhugs dag gis spong bar byed// shes pa 'gags pa'i rang rgyal ni// ma rig rten 'brel bcu gnyis 'gags// rnam rtog sbyong ba'i sde pa ni// chos nyid stong pa'i nam mkha' ste// ji ltar dmigs pa bzhin 'grub pas// sgyu ma'i dpe brgyad lta bur 'dod// 'bras bu'i theg pa la gsum// bya ba'i sde dang gnyis ka dang // rnal 'byor rgyud dang rnam pa gsum// bya ba byed pa'i kr-i ya ni// yan lag bcu gcig cho ga yis// rgyal ba'i sku gsung ye shes 'dod// gnyis ka spyod pa'i u pa ya// kri ya spyod cing log sgrub// 'brel med sgo nas sgrub par 'dod// rnal 'byor pa la rnam pa gnyis// phyi ba thub pa'i yog ni// byang chub lnga dang cho 'phrul bzhis// chu
- 98a
zla bzhin du grub par bdod// nang pa'i rnal 'byor rnam pa gsum// bskyed dang rdzogs dang rdzogs chen gsum// bskyed pa ma hA yo ga ni// rnam pa gsum ni rigs bskyed do// yo gam nyams 'jug rtsol na// rgyal ba'i sku gsung ye shes 'dod// rdzogs pa a nu yo ga ni// rgyu rkyen dag pa'i rang bzhin gyis// snying po tsam la rag las pa// brjod pas ye shes dkyil 'khor rdzogs// rdzogs chen a ti yo ga ni/ rgyu rkyen dag la rag ma las// rtsol ba dag gis sgrub mi byed// rdzogs chen gang la ma brten 'dis// rnam par bgrang ba'i chos rnams kun// yongs su byin gyis rlob par byed// kun gyis bde ba spong byed pas// yongs su byin gyis rlob par byed// ces gsungs so// gsang nga spyi rgyud las/ 'jig rten las 'das pa'i theg pa ste le'u bcu gsum pa'o// / de nas gsang bdag chen po la// sems dpa' rdo rjes zhus pa/ chos nyid rang bzhin ji lta bu// zhus pas/ gsang bdag chen pos gsungs pa/ mnyam nyid ma yi rang bzhin ni// mtha' yas 'gro ba kun la gnas// gang yang ma yin dngos gzhi med// shes pa rang lugs
- 98b
som nyid// dus gsum g.yo ba med par gnas// rang bzhin sems ni brjod pa med// mi g.yo ma bcos mnyam pa nyid// rang gnas ye shes 'od gsal ba// yid la 'gyu med ye shes gsal// mkha' 'dra ye shes lhun gyis grub// grub med ye nas rang bzhin gnas// mnyam nyid 'od gsal rin po che// nam mkha' bzhin du mtha' dbus med// dbyibs dang kha dog gang yang snang // dbye bsal med pa bde ba'i mchog/ brjod med bsam med don po che// / de bzhin 'gyur ba de de bzhin nyid// ma bcos rang byung snying po nyid// chos sku rang byung ston pa'i mchog/ yi ge brjod bya kun dang bral// ma bcos so ma brjod bya min// zhe 'dod rnam pa gang yang med// ma bcos rang byung nyid du bde// phyi rol gang snang rang bzhin med// ma bsnyags ma gzung dbye bsal med// stong nyid ma bcos nyid du bde// lta ba'i ngo bo 'dod pa bral// blo yis byas pa ma yin pa// rang gsal ye shes shugs la 'char// 'dzin sems yid la byed pa med// gzhan du rag las med pa ste// ltos pa gang la ma gzung bde// spros dang bral bas ngos gzung med// chags dang bral bas zhen pa med// 'dzin dang bral bas stong chen po// dang po'i dus su shes
- 99a
pa'o// ma byung ma skyes mnyam pa'i ngang // ye dag ye grol ye gnas so// rin chen gling bzhi ye gnas so// sems kyi ye shes gter kha bye/ 'dod pa'i longs spyod zad mtha' med// ngo bo nyid gnas skye med pa// nam yang skye bar mi 'gyur ro// zhes gsungs so// gsang ba spyi rgyud las/ chos nyid ma'i rang bzhin bstan pa'i le'u ste bcu bzhi pa'o// // de nas sems dpa' rdo rjes/ gsang bdag chen po la zhus pa/ yan lag bu yi rang bzhin ji lta bu// gsang bdag chen pos gsungs pa/ stong pa las skyes rig pa ni// sna tshogs snang ba nyid du 'char// rang rig gsal ba nyid du 'char// rig pa don gyi ngo bo ni// so so ma yin brjod bya gcig/ tha dad ma lus sgron ma'i mchog/ rig pas dgongs pa gtan la 'bebs// snang ba ma lus sems la gsal// rig pa mchog ldan sangs rgyas bka'// rig pa rjes med bsam dang bral// dbang po ngo la gang gnas pa// rang bzhin mi rtog sems su gsal// shes rig ye shes nyid du 'char// bde chen rang rig nyid du gsal// 'dzin med nam mkha'i dang la gzhag/ rang rig rtog pa shugs las 'char// blo yi sgrub pas bsgrub tu med//
- 99b
stong 'dzin phyogs la blo mi gtod// 'dod pa'i re ba kun dang bral// tha snyad phyogs la blo mi gnas// brjod pa'i tha snyad gdags gzhi bral// rang bzhin gsal ba'i don la 'jug/ 'od gsal sems la sgrib phyogs bral// ma bcos bya ba ngang gis gtang // dal bar gzhag na ngang gi bde// rgyud 'jam khro gtum kun dang bral// nyon mongs skye ba'i rgya mi gnas// bdag yod mtha' ru ltung mi 'gyur// med pa ma yin dang gis gsal// med pa bde ba'i yul ma mthong // mtha' gnyis ma gos skyon dang bral// thams cad grol ba'i byang chub sems// 'dus kyang byang chub sems su 'dus// sems la rig pa brtsi gdab med// ces gsungs so// gsang ba spyi rgyud las/ bu'i mtshan nyid bstan pa'i le'u ste bco lnga pa'o// // de nas gsang bdag chen po la// sems dpa' rdo rjes zhus pa/ dbyer med rang bzhin ji lta bu// gsang bdag chen pos gsungs pa/ snang ba'i chos kyang de las byung // dngos dang dngos med gnyis su med// gsal dang stong pa'i mtha' mi 'dzin// gnyis med sems kyi ngang du bde// des na gnyis med byang chub sems// chos rnam ye nas gnyis su med// chos kun de las gang
- 100a
mi 'grub/ rtog spyod 'das pa'i byang chub sems// ma bye ma bkol mi gnas na// rtsol bral sgrub med don po che// rin chen nor du dgongs pa bzhin// lta ba sgom du med pa yin// dam tshig srung du med pa yin// 'phrin las stsal du med pa yin// ye shes rang byung sgrib med yin// sa la sbyang du med pa yin// lam la bgrod du med pa yin// phra ba gzung 'dzin med pa yin// rgyud kyi rang bzhin 'brel pa yin// lung chen thog tu 'bebs pa yin// man ngag dag gi la yang zlo// rgyu ni dam pa'i dbyings su lta// 'bras bu ye shes dkyil 'khor lta// med par phyal ba gcig pu lhun grub bo// gang 'thad dbang po'i yul dang bstun// gnyis su med pa rang bzhin yin// rim med cig car 'jug pa'o// ma bu gnyis su med pa'i lam// zab la gting dpag dka' ba'o/ tam dang bu gnyis gnyis med 'brel// ma ni gzhi yi lus kyi zung // bu ni ye shes lung du bstan// ma ni dbyings su dag par bzlas// bu ni ye shes la yang bzlas// zhes gsungs so// gsang ba spyi rgyud las/ dbyer med bstan pa'i le'u ste bcu drug pa'o// // de nas gsang bdag chen po
- 100b
la/ ta sems dpa' rdo rjes lta ba'i rang bzhin ji lta bu// gsang bdag chen pos gsungs pa/ dri med rang byung lta ba'i mchog/ skyon med pad+ma'i rang bzhin te/ gang gi rnam pa'i 'dod pa bral// 'dzin pa thams cad ngang gis bde// nam mkha'i mthongs ltar ci yang med// rang byung bde chen chos nyid do// bya btang 'dzin sems med na bde// 'dzin dang bral ba'i rang bzhin ni// chags dang bral ba bde ba mchog/ 'od gsal sgrib phyogs kun dang bral// sgrib pa med pa'i ye shes gsal// theg gcig snying po'i lta ba la// bzang ngan blang dor ma mchis pas// bde dang sdug bsngal gnyis mi mnga'// dgag dang sgrub pa bya mi dgos// thams cad 'di las byung ba'i phyir// yid bzhin nor bu'i rang bzhin no// ye nas yin pas bya mi dgos// 'bad dang rtsol bas mthar phyung med// thag chod nyam nga med pa'i mchog/ byang chub sems kyi rang bzhin ni// gzhan du lta ba'i yul ma mchis// lta ba blo yis byas pa med// spri blugs tshang ba'i dbang gis su// bag chags mtshan ma zil gnon pa// gsang ba'i don myong 'od gsal sems// don la brda 'jal tshegs dang bral// phyogs med pa ni lta ba'i glong // 'jug
- 101a
pa'i sgo yang lam gyi mchog/ sdug bsngal 'khrul pa rang grol 'gyur// rang lta yul med rtogs pa na// mtshan ma'i dngos po'i yul ma mchis// snang med ma 'gags gnyis su med// sems la lha med don po che// bya ba bral bdon gyi mchog/ re dogs kun bral spangs thob med// bde ba rang byung lta ba ni// snang ba'i yul du grub pa med// 'od gsal bde chen mtsho ltar zab// rin chen 'od gsal rang las byung // gdeng ldan som nyi bral ba ste// rang rig tshad ma mngon sum gsal// tshad ma gsum ldan gtan tshigs kyis// de nyid rtogs pa'i thabs su bshad// ces gsungs so// gsang ba spyi rgyud las/ lta ba bstan pa'i le'u ste bcu bdun pa'o// de nas gsang bdag chen po la/ sems dpa' rdo rjes// ting 'dzin bsgom thabs ji lta bu// zhus pas/ gsang bdag chen pos gsungs pa/ bsgom du med pa'i chos nyid ni// yid kyi zhags pa dang bral bas// 'dzin sems med pa ngang gis bde// chags dang bral bas zhe na sems med// 'gyu ba sangs pas gzhag tu med// mtshan ma med pas gzung du med// kha dog med pas dmigs dang bral// bsgom med yengs med ngang gis bde// mi bsgo ma rang lugs bcos su
- 101b
med// bying dang rmugs med skyon dang bral// mi 'phro yul la 'dzin pa med// rtsol sems med pas bya mi dgos// gang snang rang lugs so ma nyid// mi bsgom mi 'dzin// 'dod pa bral// yul la mi 'jug ngang gis gnas// gsal ba'i sgrib phyogs kun dang bral// 'khrul pa'i skye ba dang gis med// mtshan ma'i phyogs su 'dzin pa med// snang med ngos gzung bral bar gnas// gang la mi 'gyur mi 'dzin te// dmag mi mun rum sems lta bu// mi rtogs rang bzhin ngang gis gsal// bde ba rtog med dang la gnas// 'dzin sems med pa don gyi mchog/ mtshan ma'i yul du dmigs pa med// ma bsgrubs ye shes rang la gsal// zhen pa'i rtog pa ngang gis dag/ mi 'gyu mi 'dzin dgongs pa'i mchog/ ma bcos rang gsal bde ba'i mchog/ 'gro nyal 'dug sdod thams cad du// rgyun chad med pas rtsol sems bral// 'khrul pa'i gnyen po rten mi dgos// gang snang rnam pa cir shar yang // de yi rjes su 'gro mi 'gyur// 'dzin pa'i skabs med gang 'gyu tshor// dus gsum rgyun chad med par gnas/ te mi bsgom don la bya ba btang // bsgom med don la blos bzhag med// rang gi sems las ma g.yos pas// gnyen po'i phyogs la rten mi dgos// ye
- 102a
shes gsal ba'i dgongs pa la// tshig gi don bral bya lam 'dra// rig pa gang gi rjes mi gcod// sgom pa'i dpe bzhin mun pa sangs// de nyid yin te btsal mi dgos// rang byung bde ba shugs las 'char// 'od gsal sems la sgrib pa med// 'bar ba'i ye shes rol pa'i rgyan// ji bzhin ma bcos ngang la gnas// lus la btsal med 'dod pa med// sems la rang dbang ma thob na// rigs drug 'khor ba'i gnas michod// rang dbang rgyal pos mngon gyur na// bde ba'i dngos grub rang las 'byung // mi 'gyur 'dzin pa'i sems dang bral// las stobs drag po bdag mi slu// rnam rtog g.yo ba ci yang med// rang rkyen log pa'i sems mi skye// ngag gi brjod med tshig dang bral// 'di yin 'di min sems mi skye// dus gsum gang du 'das pa med// dgongs pa gcig la gtsar gnas na// gang 'dod 'bras bu 'byung ba'o// bsam gtan rang gnas g.yos pa med// ma bcos ma gzung so ma nyid// rang bzhin bcos med gnyen po bral// gang la rag las med par 'de// zhes gsungs so// gsang ba spyi rgyud las/ ting 'dzin bstan pa'i le'u ste bco brgyad pa'o//
- 102b
/ de nas gsang bdag chen po la// sems dpa' rdo rjes/ spyod pa'i don ni ji lta bu// zhus pas/ gsang bdag chen pos gsungs pa/ ma btsas rnal mngon gyi mchog/ bya btang dgongs pa bcos bslad med// byas pa ma yin shugs 'byung ba// bla med don la spyod pa'o// nam mkha' rgyu bu'i rang bzhin ni// ma bcos rnal ma'i spyod pa'o// nyi ma lta bu'i spyod pa ni// ma chags ma zhen spyod pa'o// rgya mtsho lta bu'i rong bzhin ni// zab la rgya che'i spyod pa'o// sa gzhi lta bu'i rang bzhin no// thams cad kun 'byung spyod pa'o// rin chen lta bu'i rang bzhin ni// dgos 'dod 'byung ba'i spyod pa'o// seng ge/ lto bu'i rang bzhin ni// nyam nga med pa'i spyod pa'o// gdeng dang ldan pa'i rang bzhin ni// re dogs med pa'i spyod pa'o// pad+ma lta bu'i rang bzhin ni// gos pa med pa'i spyod pa'o// ti bya lta bu'i spyod pa ni// rtsi brda ba med pa'i spyod pa'o// glang chen lta bu'i rang bzhin ni// bdud dpung 'joms pa'i spyod pa'o// so ma g.ya' dag rang bzhin ni// 'gyur ba med pa'i spyod pa'o// ye nas yang dag rang bzhin ni// gnyis med don la rang bzhin gnas// ye nas gnyis su med pas na//
- 103a
lus ngag spyod la rag ma las// sems nyid ye nas dag pa la// snying po nyid kyi don la spyod// tshul khrims sdom pa dam tshig rnams// spyad kyang 'ching bar mi 'gyur te// ma spyad na yang nyes pa med// rdzogs pa chen po'i spyod pa ni// gang byung bkag pa ma yin te// ma byung rtsol bas sgrub pa med// rang snang ma bcos sems kyi rgyan// ces gsungs so// gsang ba spyi rgyud las/ spyod pa bstan pa'i le'u ste bcu dgu pa'o// // de nas gsang bdag chen po la// sems dpa' rdo rjes/ rig pa rang dbang ji lta bu// zhus pas/ gsang bdag chen po sa gsungs pa/ rang dbang sems la thob pa ni// dbang rnams kun gyi mchog yin te// gzhi gnas dbang thob bskur mi dgos// shes rig rgyal po dbang gi mchog/ dbang rnams kun gyi snying po yin// bral dam pa sems la gnas// tshig gi rtog pa'i yul las 'das// rang dbang dam pa sems la gnas// yo byad dag la rag ma las// rig pa spyi blugs tshangs pa'i dbang // rgyal thabs spyi blugs bskur thabs so// gnyis kyi mtha' ru ma sbyang ba// dbyer med rig pa tshig rdzogs so// ma yi dbang la bu yi
- 103b
nyams/ tadabyer med dbang bskur thob pa'o// bya btang 'dzin med ngang du bde// dbang mchog 'od gsal rgyal ba'i dbang // gang zag tshig la rtog pa med// klong chen 'od gsal bde ba'i mchog/ dbyings nyid rnam dag thig le che// ma bcos pa yi rang bzhin ni// ye nas gnas pas thig le che// yang dag don la nor ba med// des na rig pa rang gi dbang // de 'dra'i don ni mi shes na// thun mong gzhan la mos pa de// rim gyis nod pa thabs yin no// gsang bdag brda sgo dbang gis 'byed/ gang yang med pa'i gang zag ni// rigs las 'gal bas bstan mi bya// bstan na bdag gi gnas su sred// ces gsungs so// gsang ba spyi rgyud las dbang bstan pa'i le'u ste nyi shu pa'o// // de nas gsang bdag chen po la/ sems dpa' rdo rjes dkyil 'khor rang bzhin ji lta buta zhus pas/ gsang bdag chen pos gsungs pa/ dkyil 'khor dkyil 'khor zhes bya ba// sems kyi 'khor la gnas pa yi// dkyil 'khor dam pa de yin pa// ma yi dkyil la bu yi 'khor// rig pa dkyil la snang tshul 'khor// mnyam nyid dkyil la dngas ma 'khor// bsam du med pa'i dkyil 'khor ni//
- 104a
mtshon du med pa'i rang bzhin no// mtshon du med pa'i rang bzhin ni// gzung 'dzin bral ba'i dkyil 'khor ro// bsam rtog 'das pa'i rang bzhin ni// rang byung mnyam pa'i dkyil 'khor ro// ma bcos rig pa rin po che// mtha' dang dbus med gzhal yas nas// rang bzhin rdzogs pa'i sangs rgyas che// rang bzhin dkyil 'khor mu mtha' med// ye nas lhun grub pho brang che// spyan drang bzhugs phyag mi mnga' yang // rang byung ston pa mngon sangs rgyas// ye shes rang gsal sngags ldan pa sa/ ta snying po mchod pa dbul mi dgos// bde chen gsal ba rgyun ldan pas// gsang ba'i dkyil 'khor lha mnyes pa// dus gsum mi 'da' thugs dam mchog/ rang byung yongs rdzogs lha yi rje// skyon gyi dri ma dang bral bas// shes med rig pa'i don mthong ngo // 'dzin bral ye shes ngang gis gsal// 'gyur med gsang ba'i dkyil 'khor ni// nyes pa skyon gyi dri ma med// ye shes rang snang sgrib g.yogs med// rang byung dag pa'i dkyil 'khor gsum// mnyam nyid dang du lhun gyis/ grub ta ces gsungs so// gsang ba spyi rgyud las/ dkyil 'khor bstan pa'i le'u ste rtsa gcig pa'o// // de nas gsang bdag chen po la
- 104b
sems dpa' rdo rjes/ dam tshig rang bzhin ji lta bu// zhus pas/ gsang bdag chen pos gsungs pa/ dam tshig dam tshig ces bya ba// gud na yod pa ma yin te// rang gi sems nyid dam tshig ste// de las mi 'da' dam tshig che// mi rtog mnyam pa'i dam tshig yin// ye shes dam tshig chen po la// rtsa ba yan lag phyogs mtshams bral// med pa phyal pa gcig pu lhun gyis grub// rdzogs pa chen po'i dam tshig ste// de las 'das na nyams par 'gyur// dus gsum 'das pa med pa ni// gsang ba chos sku'i dam tshig yin// rnam rtog 'khrul pa gang skyes kyang // dran pa dus mtshungs gdams pas gcod// chos can chos nyid gang rtogs pa// rang byung gsang ba'i don ma mthong // stong nyid rig pa'i don ma rnyed// snang stong dbyer med don ma rtogs// bsrung sdom rtsa ba yan lag rnams// theg pa gzhan gyi bsrung mtshams yin// rnam rtog g.yo ba med pa ni// rang byung dam tshig chen po ni// sgro skur gnyis dang bral ba'o// rig pa sgron ma'i sems kyis ni// ye shes ngo bo ston par byed// grangs dang rnam pa yongs kyis med// ma bcos ma bslad dam tshig yin// ma skyes pa yi chos nyid ni// mi 'gag mi skyed dam tshig yin// 'khor ba'i 'bras bu zad par 'gyur// zhes gsungs
- 105a
so/ ta gsang ba spyi rgyud las/ dam tshig bstan pa'i le'u rtsa gnyis pa'o// // de nas gsang bdag chen po la// sems dpa' rdo rjes zhus pa/ mthar thug 'bras bu thob lugs gang // zhus pas/ gsang bdag chen po sa gsungs pa/ rtsol grub re dogs kun bral ba// lhun gyis grub pa'i 'bras bu yin/ sgro skur bral ba'i sems nyid la// sangs rgyas kun gyi snying po ste// ma bsgribs ye shes chos kyi sku// 'gag med dbyings kyi byang chub gsung // mi skye mi 'gag ye shes thugs// rgyu dang 'bras bu gnyis ma mchis// rtsa ba gcig pa'i byang chub sems// rgyu nyid rang byung skye med pas// ming tsam mtshon pa'i 'bras bur gcig/ 'bras bu/ zhes ni btags pa med// btags pa de ni mtshon pa ste// mtshon pa'i don gyis btags pa mtshon// ma skyes pa yi chos nyid ni// skye 'gag med pa'i 'bras bu'o// sku gsum byin rlabs theg pa dgu// sems nyid sku gsung thugs yin pas// sku gcig gsung thugs yin pa na// sprul pa sku yi rang bzhin dang // sprul pa gsung gi rang bzhin dang / sprul pa thugs kyi rang bzhin no// longs spyod sku yi rang bzhin dang // longs spyod gsung gi rang bzhin dang // longs spyod thugs kyi rang bzhin no// chos nyid sku yi rang
- 105b
bzhin dang // chos nyid gsung gi rang bzhin dang // chos nyid thugs kyi rang bzhin no// sgro skur bral ba chos kyi sku// bde chen longs spyod rdzogs pa'i sku// gdul bya/ drug la ston pa drug/ 'dul mdzad ston pa sprul pa'i sku// rang byung bde ba chen po'i sku// dbyer med ngo bo nyid kyi sku// zhes gsungs so// gsang ba spyi rgyud las 'bras bu bstan pa'i le'u ste rtsa gsum pa'o// // de nas gsang bdag chen po la// sems dpa' rdo rjes zhus pa/ rgyud kyi rgyal po spu rgyud 'di// gzhan las khyad par du yid ches// gsang bdag chen pos gsungs pa/ theg pa'i yang rtse yin pas 'phags// dgongs pa'i zhe dugs yin pas 'phags// theg pa'i byung gnas yin pas 'phags 'bras bu'i mthar thus yin pas 'phags// ston pa gsang bdag chen po na// sangs rgyas kun gyi mes chen po// blang dor med pa'i rang bzhin gyis// ston pa kun las khyad par 'phags// ston pa mngon par che bar bshad// sdud pa sems dpa' rdo rje khyod// sangs rgyas sems can 'khor rnams la// skye 'jig pa yi byang chub sems// sdud pa kun las khyad par 'phags// 'khor de mngon par che bar bshad// bstan pa lta ba rdzogs chen 'di// chos rnams kun gyi snying po ste// thams cad 'byung ba'i
- 106a
rang bzhin gyis// theg pa kun las khyad par 'phags// bstan pa mngon par che bar bshad// dus ni dus gsum gcig pa'i ngang // dus ni snga phyi med pas na// gcig tu gnas pa'i rang bzhin gyis// snga phyi kun las khyad par 'phags// dus de mngon par che bar bshad// yangs pa chos dbyings gsang bdag nas// thams cad 'dus pa'i gnas chen 'di// mtha' dbus med pa'i rang bzhin gyis// bzhugs gnas kun las khyad par 'phags// gnas de mngon par che bar bshad// rgyud kun gyi ni bdag po ste// spyi rgyud chen po'i rang bzhin te// kun las khyad par 'phags pa'o// zhes gsungs so// gsang ba spyi rgyud las/ khyad par 'phags pa'i le'u ste rtsa bzhi pa'o// // de nas gsang bdag chen po la// sems dpa' rdo rjes zhus pa/ rgyud kyi rgyal po 'di nyid kyi// mtshan gyi gzung thabs ji ltar gzung // zhus pas/ gsang bdag chen pos gsungs pa/ sems dpa' rdo rje la/ rgyud mtshan gyi gzung thabs dang gtad pa'i thabs 'di gsungs so// yangs ni nam mkha' lta bu'i rgyud// gsal ba nyi zla lta bu'i rgyud// rab pa rgya mtsho la bu'i rgyud// thams cad 'byung bas gzhi lta bu'i rgyud// yon tam
- 106b
'byung ba sa gzhi lta bu'i rgyud// yon tan 'byung ba rin po che lta bu'i rgyud// don gcig yangs pa chen po 'di// gsal cing sgrib phyogs med pa dang // cha phra gting dpag med pa dang // 'byung zhing phyogs cha med pa dang // dgos pa 'byung zhing re ba med pa dang // nga yis khyed la bstan cing gtad// spangs 'gegs sbyong ba bgrod pa/ dang / tagazung 'dzin blang dor med pa dang // lha sprod rtsol sgrub byar med do// lam dang gnyen pos bcos med par// byang sems gsang bdag rang bzhin du// nga yis bstan pa'i don 'di ni// byang chub sems kyi lung chen yin// rgyud dang mdo yi yang rtse yin// man ngag kun gyi rtsa ba yin// bstan pa kun gyi snying po yin// theg pa kun gyi nying khu yin// ma rig 'khrul pa'i mun sel yin// 'khrul rtog dra ba 'di yis sel// nyon mongs thag pa 'di yis gcod// 'di nyid bstan pa'i mi rnams la// gsang ba spyi rgyud 'di gtad do// nam zhig dus kyi tha ma la// snang gsal sgron ma 'di yis byed// ces gsungs so// gsang ba spyi rgyud las/ mtshan gyi gzung thabs dang gtad rgya bstan pa'i le'u ste rtsa lnga pa'o// // gsang ba spyi rgyud rdzogs so// // pan+ti ta
- 107a
dri med bshes gnyen dang / zhu chen gyi lo tsa ba gzhags kum+bA ras/ rgyal po yon mchod don du u tshal gser khang du zhus shing gtan la phab pa'o// / / nA// rgya gar skad du/ rat+na ma hA b+hU hi tan tra na ma/ bod skad du/ rin po che snang byed kyi rgyud ces bya ba/ bcom ldan 'das bya bral dang la phyag 'tshal mo// kye kye chos kyi sku 'di gang nas byung // longs spyod spyi 'di gang nis byung // sprul pa'i sku 'di gang nas byung // gsang ba'i bdag pos bstan du gsol/ gsang ba'i bdag pos gsungs pa/ kye sems dpa' chen po nyon cig/ chos kyi sku 'di sems nyid ngang las byung // longs spyod sku 'di ye shes dang las byung // sprul pa'i sku 'di rig pa'i ngang las byung // zhes gsungs so// rin po che snang byed kyi rgyud las/ sku gsum byung ba'i kho'u ste dang po'o// / chos sku longs sku sprul sku gsum// gcig pa lags sam tha dad lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyin cig/ nam mkha' zla dang chu zla'i tshul// gcig pa ma yin tha dang min// rtogs na byang chub sems su gcig/ ma rtogs sems can tha dad snang //