rDzogs chen - Klong sdeAll versions of this work

ye shes gsang ba sgron ma rin po che man ngag gi rgyud ces bya ba

Dñanaguhyaribamratnaupadeśatantranama

Text

ff. 2b–14a · 24 folio sides

  1. 2b

    ma yin dang / sha za dang / gnod sbyin la sogs pa rnams kyi nang na/ rdo rje sems dpa' pus mo g.yas pa'i lha nga sa la btsugs nas/ dad pa'i sems kyi bcom ldan 'das kyi drung du lus bdag tu med 'di skad ces gsol to// kye bcom ldan 'das rdo rje gsang ba'i bdag po/ chos nyid byang chub sems kyi don// bdag cag rnams la bshad du gsol// ces gsol to// rdo rje 'chang gsang ba'i bdag po des gsungs pa// kye ma sems dpa' chen po nyon cig/ chos nyid don gyi rnal ma de// ma bcos ma smad rang byung la// tshig dang yi

  2. 3a

    #/ ge brjod las 'das// yid la ma byas mtshon dang bral// brda'i thabs kyi bstan pa la// ngag tu brjod pa chos nyid min// don dam de la brjod med // bla ma'i thabs kyis mya mtshan no// gnas pa don rtogs mi 'gyur// chos rnams thams cad brda' yis bstan// ye shes gsang ba'i sgron ma rin po che'i rgyud las gleng gzhi'i le'u ste dang po'o// // de nas yang rdo rje sems dpas 'di skad ces gsol to// kyai gsang ba'i bdag po lags// chos nyid mtshan pas rtogs 'dod pas// slob dpon slob ma'i mtshan nyid cig/ gsang ba'i bdag

  3. 3b

    bos bshad du gsol// zhes gsol to// gsang ba'i bdag pos bka' stsal pa// kyai sems dpa' chen po nyon// slob dpon slob ma'i snod bcud de// legs par bshad kyi yid la bzung // dka' bsam sbyang skyongs chung // rgyud la mkhas shing man ngag che// thugs rje che la 'dod pa chung // rgyud par ldan la mtshon pa mkhas// dbang rnams thob la ting 'dzin gsalo// de rnams ldan pa'i bla ma la// bcud dang ldan par nges bshad do// bla ma la gus gtong phod che// dad par ldan la brtson 'grus che// bla ma mi gsang shes rab ldan// sems bzang go cha thug pa dang // rgyud de 'jam zhe sdang chung ba dang // 'jig rten 'brel pas skyabs chen min bla ma 'khor ba'i gnyen gcig po// skye shi la sogs sdug bsngal gyis// mthong nas de las grol 'dod pa// de rnams ldan pa'i slob ma lo// snod dang

  4. 4a

    ldan par shes par gyis// ye shes gsang ba'i sgron ma man ngag gi rgyud las slob ma'i mtshan nyid bstan pa'i le'u ste gnyis pa'o// de nas yang rdo rje sems dpa' la 'di skad ces gsol to// kyai gsang ba'i bdag po lags// snod ldan smin par bya ba'i phyir// dbang gi rim pa bshad du gsol// zhes gsol pa dang / gsang ba'i bdag pos gsungs pa// kye sems dpa' chen po nyon cig/ gsang sngags rgyud la smos 'dod na// smin par bya phyir dbang bskur bya// lha dbang lus la bskur ba dang // zag bcas lha'i dbang bskur na// thun mong dngos grub phra mo 'byung // 'jig rten chos la dbang bsgyur nas// rang lus lha sngags phyag rgyar shes// skye med rig pa'i dbang bskur bas// rang lus me skyes dngos gzhi med// sems kyi dkyil 'khor 'od gsal bas// rdul tshon 'dzab

  5. 4b

    la rag ma lus// dbang thob byin rlabs rtags rnams 'byung // rang sems mthong bas ting 'dzin gsal// byin rlabs dgugs gzhug bya mi dgos// thabs dang shwe rab zung du 'brel// bde chen chos skur shes pa na// mtshan ma'i blo yang rang sar grol// gzung 'dzin thag pa de ru chod// rig pa stong gsal dbyer med la// gab pa mngon du phyung ba na// rang byung sems dpa' ngo bo nyid// rig pa 'dzin med thang le phebs// rig pa logs nas rtson mi dgos// bdag dang bodag gir 'dzin pa zad// 'dzin med sems la bcos slad med// ye shes gsang ba sgron ma'i rgyud las/ rig pa rtsal gyi dbang gi le'u ste gsum pa'o// / de nas yang rdo rje sed 'as 'di skad ces gsol to// kye gsang ba'i bdag po lar// rang byung rig pa'i dbang bskur nas// bsgom pa'i rim pa bsha du gsol// gsang ba'i bdag pos bka' stsal pa/ kyai seda' chen po nyon cig/ nges pa'i don la mos pa sri/

  6. 5a

    @##/ rnal 'byor pa'i don ched bu// sems kyi bzhag thabs 'di ltar lags// dpe don rtags dang ting 'dzin nyams// rgyud la btsal thabs bcos pa'i thabs rnam pa bdun du rig par bya// dpe yis mtshon pa 'di ltar yin// bram ze gtsang ma khrus gsol te// rgyal srid kun la dbang bsgyur zhing // lus de sems can thams cad la// byang chub snying po rang bzhin gnas// de don rtogs par bya thabs ni// dmigs pa dag la rten nas su// mi dmigs pa ni rab tu skye// ma zin zin phyir gnad bzhi bsgoms// zin pa brtan la goms par bya// 'dzin med rang gsal rten mi 'cha'// zang thal rigs pa rjen par bzhag/ lta ba'i bogs dbyung la zlas pas// rang sems dag pa chos sku yin// rang byung ye shes 'das pa la// zhi gnas lhag mthong zung du 'brel// rigs pa yul gyis mi gnod pas// dper na dngul chu bo ba 'dra// rtags ni lus ngag yid gsum la/

  7. 5b

    lus ni 'dar zhing sprug pa dang // 'phags dang rgyug pa'i las gnyis byed// ngag ni du dang dgod pa dang // kha nas sgra skad sna tshogs 'don// sems ni 'dzin med btang dka' ba// phyi nas shes pa mi rgyu zhing // dper na byi bor 'dzub btsugs bzhin// nyams ni ming du ma thogs bzhin// shes pa khong nas dga' ba 'byung // snga ma thos pa'i chos skad 'byung // rtogs nas yul la ma zhen na/ 'dzin med sems dang ma bral bas// spyod lam rnam pa zhig byed kyang // sems kyi rtsi yis zin pa na// 'di ni gzhag thabs dam pa ste// dgongs pa sangs rgyas thugs dang mnyam// de don rgyud la btsal ba ni// rtsis gdab 'dzin pa rtogs pa med// dper na thi bya tshang 'jug bzhin// ma yengs lam du khyer dgos pas// dper na rmu rgod rta 'dul bzhin// ma yengs par ni bzhag par bya// de la sems ni 'phros gyur na// dper na nam mkha' sprin bzhin du// byung yang gzhi la gnod med ltar// de bzhin byang sems stong pa la// byung yang rang bzhin gnod pa med//

  8. 6a

    rtog pas mi rtogs kye ma ho// mi skyong rgya mtsho'i lding dang 'dra// byang chub sems kyi rig pa ni// gnyug mar gnas pa chos kyi sku// snga phyir rjes 'brangs 'khrul pa'i lam// shes pa mi 'gyur dkrir ma gtub// shes pa dgod par gyur pa'i tshe// 'gyu ba dpas su brda' ba ni// rjes nas 'jug par rang la ldog/ dper na rkun mo tshor ma thag/ ma bskrad rang bzhin deng ba bzhin// sems kyi rang bzhin chos nyid la// rang bzhin gsal ba ngang gis zhog/ de ltar rtogs pa'i rnal 'byor nyams// shing bal lta bu'i nyams 'byung bas// / dbugs ni phyi nang rgyu ma'i tshor// chos nyid bde gsal chen po'i nyams// mtha' dbus med pa nam mkha' 'dra// 'jigs 'dral med pas rdo rje 'dra// rang byung ye shes ngo bo nyid// ye shes gsang ba sgron ma'i rgyud las// sems kyi gzhag thabs bstan pa'i le'u ste bzhi pa'o// // de nas yang rdo rje sems dpas zhus pa/ kyi gsang ba'i bdag po lags// skyon mi mnga' ba yon tan rdzogs// bdud dang chos su dbye ba'i phyir// bdud kyi ngos bzung bstan du gsol// gsang ba'i bdag pos bka' stsal

  9. 6b

    / kye sems dpa' chen po nyon cig/ bdud dang chos su dbye ba la// rnam pa bco brgyad 'dir bshad do// gzugs ni phung po'i bdud du gsungs// bu sogs lha'i bdud du srul// de la 'dzin pa nyon mongs bdung // 'khrul pa'i sems ni 'chi bdag bdud// dgongs pa'i nor bas bdud yin pas// gnod sbyin lha yang de dang 'dra// stong pa phyal chang lta ba'i 'dud// hang po bogs med sgom pa'i bdud// stong yid rang kha spyod pa'i bdud// thugs med 'bras bu'i bdud// phra mo chog shes thos pa'i bdud// rtsa rlung 'khrug pa rlung gi bdud// grub mtha' log pa chos kyi bdud// mi thub dam bca' sdom pa'i bdud// 'du 'dzi longs spyod g.yeng ba'i bdud// lam na 'brel pa grogs kyi bdud// the tshom skyes pa nyams kyi bdud// thabs kyi ma zin shes rab bdud/ bar chod bgegs rnams sems shes pas// bdud kyi gags sol nyams la phan// ye shes gsang ba sgron ma'i rgyud las// bdud ngos bzung ba'i le'u ste lnga pa'o// // yang rdo rje sems dpas zhus pa/ kye gsang ba'i bdag po lags// bdud kyi 'jigs de sel ba'i phyir// 'jigs med skyabs gcig bshad du gsol// rdo rje 'chang gis dka' stsal pa// sems dpa' chen po nyon cig/ rang sems ma rtogs bdud du shar// yod pa ngos shes skyabs yin pas// de mtshon ngo sprod 'di ltar lags// snang ba sems su shes par gyis// sems kyi rang bzhin stong pa yin// stong pa'i ra

  10. 7a

    bzhin bsam du med// bsam med mtha' bral chos sku yin// zin pas rtsol ba'i nad dang phral// lhun gyis gnas pa rtogs pas na// de dang ma bral rnal 'byor rgyan// gzhan nas bas skyabs mi rnyed// rang byung ye shes kha drag skyel ma 'dra// rang sems rtogs pa'i 'jigs pa'i nad dang phral// ye shes gsang ba sgron ma'i rgyud las/ bdud kyi 'jigs pa sel ba'i le'u ste drug pa'o// / yang rdo rje sems dpas zhus pa/ kye gsang ba'i bdag po lags// ma rigs ling rtogs sel ba la// nges don bdud rtsi lta bu'i sman// khyed kyis bdag la gsung du gsol// gsang ba'i bdag pos bka' stsal pa// kye sems dpa' chen po nyon cig/ rgyud kyi rjes su smos pa la// dang por dbang bskur legs bya ste// de nas yang dag bshad bya ste// ji bzhin pa'i chos nyid la/ ma yengs gsal bar bsgom par bya// sems rtogs med cing ye shes gsal// gnas lugs ngang la ma g.yos pas// dper na gser gling phyin pa 'dra// dgongs pa rdo rje 'chang dang mnyam// de nyid gsal la ma zhen na// yang dag don lo gnas pa yin// chags dang gti mug dbang gis na// rgod cing bying ba byung ba'i tshe// phyi nang gsang ba gsum po la// sems can sto ni zhi bar 'gyur// khartsas bde thun ni ring bar bya// mi bde thun bzhi bsgom par bya// de nas lta bas thag chad de// mtha' gnyis dmigs pa'i yul grol// dmigs pa med pa byang chub sems// gzung 'dzin med pa ye shes la

  11. 7b

    chos sku byang chub sems su gcig/ sems ni na mkha'i mtshan nyid ltar// mtshan ma med par ro gcig pas// skye med rnam rol bdud rtsi'i zas// dngos po'i lha'i bdud 'joms pas// byang chub sems kyi lam chen 'di// dngos po stong pa nyid las grol// gdags su med pa'i chos nyid la// mtshan mar btags na blo yin pas// chos nyid blo las 'das pa yin// blo yi blo grol ngo mtshar che// de ni blo grol dam pa'i rgyud// ci phyir yod med gnyis mi zhe na// yang dag byang chub sems nyid la// yod par sgros mi 'dogs pa dang // med par bskur ba mi 'drabs pas// rtag dang chad pa'i mtha' las 'das// 'ubyung bzhi rgyu ba'i rtsa mig can// rlung sems rang khar ma yin na// phyi nang rgyu ba med pa bzhin// mi snang bzhin du rgyu bar zad// dper na na mkha'i sprin bzhin du// sprin tshogs nang yang gnod mi nus// rang sems dag pa chos 'chad la// ma btsal lhun gyi grub pa ste// gang ltar bsgoms kyang thig le dang // dper na lhun gyi mar me bzhin// phyi nang gsal la rig pa dang // rang sems stong pas sangs rgyas pa/ bag ma'i lam lngas mi 'grod// gsang sngags thabs las skad cig gis// sgrib pa'i phung po sel bar byed// dgar bde sdug bsngal ci byung tshe// lha sgom chen po dang bzhag pas// des don rung rgya sman chen 'di// nyon mongs nad rnams zhi bar mdzad// gsang ba sgron ma'i rgyud las// ma rig pa'i nad rnams gsal ba'i le'u ste bdun pa'o// yang sems dpa

  12. 8a

    rjes nus pa/ kye gsang ba'i bdag po lags// rnam par rtog pa bcang ba'i phyir// spu gri lta bu'i gdams ngag cig/ bdag cag rnams la bshang du gsol/ dngos grub tshe 'dir thogs med thob// ma bsam lhun gyis grub pa'o// de ltar ma shes sems can rnams// rang ri'i blo yis bcing ba la// thabs rnams du ma gsung gyur yang // yang dag gdams ngag rgyal po 'di// bka' rgyud spu gri lta bu ste// gang zag 'bum las 'ga'i don// 'byung ba sems la gnas par bya// gang la mi ltos man ngag rgyud// zung du 'jug pa'i ye shes ni// rang lugs gzhon du shes par bya// rgyu dang rkyen la rag ma lus// thugs phrad shugs kyi shugs kyi lhug pa'o// sku gsum 'bras bu rang chas pas// ye shes rang chas zang ka ma 'di ni rang la byin gyis brlabs// rnam shes 'du ba'i gnas dag tu// bag phab lus sems slong par bya// rtag pas bla'i zhen pa log/ mi gnas pa'i mnyam pa nyid// dge ba 'phel ba'i gnas dag tu phra rags yulo la blo mi gzugs// rang sems thabs kyis mthong bya skye// ngas po lta ba yul las 'das// skang dag shes rab mig phye nas// rang sems dri med rjen par mthong // thang la phebs pa ting 'dzin

  13. 8b

    yin/ de ltar khong du chud pa na// skyes bu phun sum tshogs pa yin// mthong ba'i chos la blo mi bzhag/ stong pa nyid kyang de bzhin no// sems nyid drang po bzung du med// nges par nga rang zhen pa chings 'di la chags 'ga' yod na// rang sems bcings pa'i srin bu bzhin// 'bras bu phun sum tshags pa yin// mthang ba'i chas la bla ma bzhag/ stong pa nyid kyang de bzhin na// sems nyid drang pa bzung du med// nges par ba rang zhan pa tshangs// 'di la chags pa 'ga' yang na// rang sems bcangs pa'i sran bu bzhin// 'bras bu de dag rlag par 'gyur// de bas sangs rgyas thob 'dod pa// rang sems nyid kyi rtsa bcad de// bsam med ye shes sna tshogs yin// des na chos sku rtsa ba 'di// sems nyid yin par shes par bya// ye shes gsang ba sgron ma'i rgyud las/ spu gri lta bu'i le'u ste brgyad pa'o// // de nas yang sems dpa' rdo rjes 'di skad ces gsol to// kye gsang ba'i bdag po lags// 'gro ba'i skya bas mdzad thugs rje can// bdag cag rmongs par gyur pa la// ye shes ngos bzung bshad du gsol// gsang ba'i bdag pos gsungs pa// kye sems dpa' chen po nyon cig/ de nyid zung du blugs pa dang // tshogs drug lcug dang thug phrad dang // gnas pa thabs dang lta bur bshad// dang por ye shes ngos bzung ni// sman pa mkhas pa lta bu ste// de yis nang dang nad pa'i nyams// rtsa dang tshur sgo nas rtog/ nang ngos zin nas ming 'dog bzhin// de bzhin bde bar gshegs

  14. 9a

    pa'i rgyu// bla ma mkhas pa'i man ngag dang // rang gi nyams kyi bye brag gis// tshad ma gsum la rten nas su// ye nas mkha' ltar khyab pa la// ngos zin na ni de dang 'phrad// ye shes spyi blugs dgos pa ni// 'phrul gyi me long sum thug bzhin// de bzhin gnas lugs rtogs pa'i mi// 'di dang phyi ma gnyis su med// de nyid don la gnas pa'o// tshogs drug lhug pa'i man ngag ni// skyes bu nad kyi gzir ltar// ma sring ngo tsha rtog med med bzhin// de bzhin sems nyid rtogs pa'i mi// bdag gzhan 'dzin pa'i nyams rtogs med// rtogs med lam du khyer dgos pa'o// ye shes thug phrad gdams ngag ni// dper na nad rgya sman bzhin no// reg pa'i nad rnams zhi bar byed// de bzhin lta ba'i bdud rtsis zin// sems can lus la sangs rgyas thugs// sems can gnas pa'i man ngag ni// rus sbal mkhar gzhong gzhag pa bzhin// yan lag 'khums pas bzung med ltar// de bzhin rnal 'byor rnams rtog chung // rnal 'byor sems la dbang bsgyur bas// 'khrul pa'i shes pas khugs mi nus// ye shes gsang ba sgron ma'i/ rgyud las/ ye shes ngos bzung ba'i le'u ste dgu pa'o// / yang sems dpa' rdo rjes zhus pa/ kye gsang ba'i bdag po lags// rang thung ngo bo ye shes ste// rang la 'char lugs ji ltar lags// bdag cag rnams la bshad du gsol// gsang ba'i bdag pos gsungs pa/ kye sems dpa' chen po nyan cig/ rang byung ye shes chen po ste// 'char ba'i thabs ni 'di lta ste// rang sems

  15. 9b

    gnyug mar gnas pa na/ bla ma'i man ngag thabs kyis ni// gnas pa'i don de ma shes pas// de las 'das pa'i gong ma bcad// bla na yod pa chen po yin// de ltar ma shes blo chung bas// dang po dben par lus dad nas/ bya rgod mkha' la phur ba bzhin// mig gtad bcas pa'i rim pa gtad// rlung sems gcig tu 'dus byas te// bla mas gsungs pa ji bzhin du// rtsol ba drag la thun du gzhug/ mnga' mkhan smyug ma srong ba bzhin// dmigs pa rtsol ba drag sgrib sam// thun tshad rab 'bring gsum du bcad// khams bde thun la brtson 'grus bskyed// gzhan na rtsol ba glod la bzhag/ nyams kyi 'char lugs rnam pa gsum// thol rgal gcig char rim gyis dang // bye brag mang por shes par bya// zin pa'i rtag ni phyi ru byung // lus 'dar yan lag sprug pa dang // mkha' la 'phar zhing rgyugs pa dang / bkag dang ldan la 'byung ba snyoms// bstan zhing 'gul du mi btub dang // bzung ba sla la btang dka' ba'o// shes pa de dang 'grogs 'dod nas// khams dang mthun pa'i spyod lam byed// thun chen gong pa'i spyod lam bya// slob ma'i ting 'dzin zhen gyur na// bar du sgrim la tha mar slong // dang po slod la tha mar bsgrims// ting 'dzin rab tu gyur pa na// ma bcos so ma lhug por bzhag/ ting rab sbyin phor 'dzub btsugs 'dra// 'dzin 'bring 'gag pa ltos rgyab 'dra// tha ma brtsol ba drag na gnas// sgra'i tsher mas mi gnod pas// ting 'dzin mtshan nyid bsre ba nus// bstan pa yongs su rdzogs byed pa// lus sems khong

  16. 10a

    slong gnyug ma'i ngang // byang sems bde ba che dang 'phrang // mkha' ltar mtha' dbus sems la med// lus ni yod du mi tshor dang // shing bal 'dab ma yang ba ltar// dbugs ni phyi nang rgyu mi tshor// sems ni mkha' ltar phyogs ris med// ye shes khong shar bde chen 'bar// ye shes gsang ba sgron ma'i rgyud las/ rang byung ye shes gtan la 'bebs pa'i le'u ste bcu pa'o// // de nas yang sems dpa' rdo rjes zhus pa// kye gsang ba'i bdag po lags// byang chub sems ni bzung dka' bas// sems kyi bzhag thabs bsung du gsol// gsang ba'i bdag pos bka' stsal pa// kye sems dpa' chen po nyon cig/ gzhag thabs btsal thabs bcos thabs tshad// drod dang skye tshul 'bras bur bstan// gzhag thabs rnam pa gsum yin te// mkha' la khyud lding bzhag pa dang // thi bya tshang du 'jug pa dang // bya ba btang ba'i skyes bu bzhin// mkha' la lding ltar bzhag pa ni// gshog pa thang bcad lding ba pi dang // rtsol sgrub med par lding ba dang // 'og ma mthong bar lding ba dang // yon tan rdzogs por lding ba dang // nang du gshog gru rgyas pa ltar// rnal 'byor mi rtag sgom pa'i tshe/ shes pa thag bcad mnyam par bzhag/ rtsol bsgrub med par mnyam par gzhag/ 'og ma'i don mthong mnyam par gzhag/ zi bya tshang du 'jug pa ltar// de bzhin the tshom rnam par gzhag

  17. 10b

    bya ba tang skyes bu dam pa ltar// ji ltar gnas la sdug bsngal med// btsa' thab rnam pa gsum du bstan// dmu rgod rta ltar btsa' ba dang // rin chen gter ltar btsa' ba dang / rgyal po'i btsun mo lta bur btsa'// dbu rgod 'dul ba ma yengs ltar// de bzhin sgrib pa ma yengs gzhag/ rtog pa'i don la gnas par gyis// rin chen gser ltar btsal ba ni// thems yig gzhan las ma shor bas// gzhan gyis chom rkun mi tshugs bzhin// de bzhin rnal 'byor sgom pa'i tshe// gdam ngag rtsi yis yin pa ni// rnam par rtog pas mi tshugs pa'o// btsun mo lta bur btsa' ba ni// rgyal po'i mnga' dang btsun mo ltar// gzhan gyi gnod pas mi tshugs ltar// de bzhin gdam ngag ldan pa'i mi// chos rnams sems su shes pa la// dngos po'i dug gis tshugs mi srid// bcos thabs rnam pa gsum du bstan// nam mkha'i sprin ltar bcos pa dang // khang stong rkun po lta bu dang / dug la sngags kyi btab pa bzhin// tshang la rnam pa gsum du bstan// gsal ba'i tshad ni mar me ltar// mi g.yo ba ni rgya mtsho ltar// yangs shing 'jam pa shing bal ltar// drod rtags rnam pa gsum du bstan// phyi rtags lus ni yod mi tshor// nang rtags dbugs ni rgyu mi tshor// gsang rtags dngos po'i zhen pa chod//

  18. 11a

    skyes tshul rnam pa gsum yin te// rnam par rtogs dang ye shes skye// stong pa nyid las snying rje skye// zhi gnas sgom pas lhag mthong skye// 'bras bu sku dang ye shes 'char// ye shes gsang ba sgron ma'i rgyud las/ byang chub sems gtan la dbab pa'i le'u ste bcu gcig pa'o// / de nas yang rdo rje sems dpas 'di skad ces gsol to// kye gsang ba'i bdag po lags// lta sgom spyod pa ji ltar lags// 'dus pa'i 'khor la bstan du gsol// gsang ba'i bdag po'i bka' stsal pa// kye sems dpa' chen po ljon cig/ dang po lta bas thag bcad la// bar du sgom pas nyams su blangs// tha ma spyod pas la dor ro// sems nyid rgyud rkyen gnyis las 'das// mtshan ma'i rnam rtogs skyon dang bral/ rgya cher gdal khyab nyid du gnas// mtha' dang dbus su mi rtog na// lta ba'i gom par mi ltung ngo // yin pa gsum gyi mtha' bcad la// sku gsung thugs la yid ches skyes// rin po che'i gser gling du// phyin pas thams cad gser du snang // 'khor 'das bzang ngan med par shes// lce spyang e na'i mig bzhin du// gnyis su med par thag bcad do// bsgom pa nyams su blang ba ni/ 'das pa'i shes pa rjes mi gcad// ma 'ongs pa'i sngon mi bsu// da ltar shes pa ma slad pa// dngos pos rjes su mi 'brang na// gzugs ma'i sems ni yin par nges// dbang po sgo lnga'i rjes 'brangs

  19. 11b

    nas/ sems can rnams ni yul la chags// bung ba bcud la chags pa ltar// mi rtog pa la zhugs pa'i tshe// sngon ma lus thams cad tshor// nyan thos pas mi rtog pa// thams cad ma lus tshor bas na// yul dang yul can gnyis su rtog/ ci yang yid la ma byas na// rjes su mi 'breng mi rtog na// 'gro bar 'dod pa lam gyis mchog/ ci yang ma skyes ma bcos pas// shes pa so ma gcig tu slong // de bzhin gshegs pa'i dgongs pa yin// tha ma spyod pas la dor ni// nya mo chu las mi 'da' bzhin// dkar po'i chos dang 'bral thabs med// dngos po'i chos la zhen pas 'khor// yang na ri dwags sgra nyan ltar// yang na glang po mtsho 'phrad ltar// nam mkha'i mdud bskor 'dra ba ste/ gang la'ang thogs pa med par bya// ral gri so mangs lta bu ste/ gdong du ci byung gcod par byed/ ye shes gsang ba sgron ma'i rgyud las/ sgom spyod pa ma 'dres yongs su rdzogs pa'i le'u ste bcu gnyis pa'o//

  20. 12a

    de nas yang rdo rje sems dpas 'di skad ces gsol to// kye gsang ba'i bdag po lags// thams cad mkhyen pa'i gsang sgo nas// kye sems dpa' chen po nyon cig/ kun gzhi skye mang ma bcos stong pa nyid ngar de rtogs rnal 'byor gis gnod pa// skyes bu gom pas gar kyang ltung med lngar// skye med rtogs pas 'dres pa'i rnal 'byor pas// gang ltar spyad kyang mnyam pa'i thig le'i ngang // ched du mi spong ngang la gzhag pas 'bral// ma spangs lhun grub byang chub chen po spyod// kun gzhi ma bcos gdal ba chen po nyid// chos kun ma 'dres byang chub sems su gcig/ kun gzhi ma spyod dang la bde spyod pa// chos rnams kun la ma spyang gang yang med// gang la mi gnas rtag mi spyod na// spyod pa gnas lugs rtog pa'i spyod pa yin// chos nyid spyod pa'i rtag ni 'di ltar lags// gang la zhen pa med cing chags pa chung // ma nor don ldan kun gzhi 'gyur med/ gsal// rtag chen de yod gzhan gyi khar lhung // mngon mas stobs su rdzu 'phrul lung ston 'byung // de lo rlom sems med pas nga rgyal ri bo smad// de yi spang len mi byed mnyam pa nyid du gsal// thig le gcig tu rdzogs pas tha dad 'dzin dang bral// gzhan nas ma btsal rang la spyod pa ngo mtshar che// rang bzhin med par shes pas 'bras bu 'byin mi nus// ma nor thabs kyi nyon mongs rtsa ba bral// dper na snga ma'i snying po zan dang skyes bu de la bya btsal med pa ste// dper na sems dpa'i 'bras bu smin pa la// smin par bya ba'i rtsol ba mi phyed dang // byes pa'i rtsom po de ni smin pa'i grogs su 'gyur// kun gzhi mnyam pa'i ngang la gnas pa

  21. 12b

    ni ra'akhor ba'i chos kun mi spong de dag la// 'phags pa'i bden pa'i lam yang de la rdzogs/ rang rgyal rten 'brel lam ya sna rdzogs// byang chub smon 'jug las yang de sa tshogs// b+h+ya rmya sum gyu du de la rdzogs// bcu yis bgrong ba'i lam yang de la rdzogs// dkyil 'khor rim pa'i dbang yang de la rdzogs// lha dang 'das pa'i 'phrin las phyag rgya la rdzogs// 'phags pa mnyes byed mo chong pa rdo la rdzogaso// sdom pa gsum gyi gsung bya de la rdzogs// mnongs shing 'gyod pas bshags pa de la rdzogs// legs pa'i smon lam bsngo ba de la rdzogs// thams cad mkhyen pa'i yon tan+da de la rdzogs// kun gA zhi ma bcos thig le de la rdzogs// yon tan thams cad rdzogs pa'i zhing sa bzhin// thig ni mi 'gyur rang sems skye med yini// le ni bdal ba mnyam pa bde ba nyid du gasngal// mnyam pa'i tshul g+his gol sgribs ji ltar spong // mi lta mi sgom mi spyod dbyer med na// 'og ma'i lta spyod rnam gsum gol mi 'gyur// gar yang mi 'gro 'dug pa'i mi dang 'dra// mnyam pa'i tshul gyis bdud rnams ji ltar gdul// mnyam pa'i gdeng la yid ches mi 'gral nA bdud kyi bar du sprul paci byung yang // thams cad sems su shes pas bdud kyi glags mi tshugs// khyim bdag dpa' bos bsrung ba'i bud med 'dra// gza' gtang meng pa'i lta ba mtha' dang bral// 'dzin pa med pa'i sgom pa dang gi gsal// blang dor meng pa'i spyod pa bzang ngan med// 'bras bu spang thog med pas sku dang ye shes gsal// de ltar rtogs pa'i rnal 'byor pa la 'chi ba med// ye shes gsang ba sgron me'i rgyud las// yon

  22. 13a

    / ta na yar ldan gyi le'u ste bcu gsum pa'o// // de nas yang sems dpa' rdo rjes zhus pa/ kye gsang ba'i bdag po lags// khyod ni 'gro ba'i lam ston pa// mkha' spyod gnas su 'gro ba 'dir// / 'phags pa'i lam gcig bstan du gsol// gsang ba'i bdag pos bka' stsal pa// kye sems dpa' chen po nyon cig/ mkha' spyod gnas su 'ong 'dod na// dang po thos pa'i shes rab kyis// phyi nang chos la sgro 'dogs chod// bar du bsam pa'i shes rab kyis// de don rgyud la goms par bya// tha ma sgom pa'i shes rab kyis// bdud du 'dzin pa nyon mongs zhi// tshogs lam bla ma mtshan ldan la// mnyes pa gsum gyi mchod pa 'bul// sbyor lam bla ma'i man ngag gis// zhi gnas lhag mthong rgyud la sbyangs// mthong lam spyan lnga dag pa yis// rang sems skye med mngon pa bya// sgom lam ting 'dzin rnams gsum gyis// gnyug ma yid la goms par bya// mtha' phyin nyes ba gnyis zad pas// chos rnams zad sar dkyil bar bya// nga ni thabs kyi lam mkhan te// thar lam 'tsho ba lam 'dir shog/ 'jal dang thas dang thos dang rtogs dang goms// chos dang ming dang mdzad dang 'jigs// thabs kyi de'i ngangal 'jog/ ye shes gsang ba sgron ma'i rgyud las// 'phags lam bstan pa'i le'u ste bcu bzhi pa'o// / de nas yang sems dpa' rdo rjes 'di skad ces gsol to// kye gsang ba'i bdag po lags// khyod ni ye shes spyan dang ldan// bdag cag mos pa'i 'khor rnams la// rgyud kyi yon tan bstan du gsol// gsang ba'i bdag pos bka' stsal pa// kye sems dpa' chen po nyon cig rgyud rnams kun gyi don bsdus pa// ye shes/

  23. 13b

    ba'i rgyud la 'dus// ci ste sgron mas don mthong ba/ yon tan 'byung bas rin chen yin// yon tan bsam gyis mi khyab pas// ming dang brjod pa stobs dang ldan// dag par byed cing skyon sel bas// dngos grub nye bar 'byung ba'o// bdud kyi dpung rnams 'joms par byed// sha khrag lus las grol gyur nas// 'dod khams zhen pa med pa 'char// srid pa'i gnas su ma 'jug pas// ye shes lus la the tshom med// mun pa sel byed sgron ma'i rgyud// de thos mya ngan rnam gsum bral// rgyud ni rgyun chags zhes bya ste// 'khor ba rgyud du brjod pa yin// 'brel dang ma tshang med pa dang // dgos pa tshangs pas rgyud ces bya// ye shes gsang ba sgron ma'i rgyud las/ rgyud kyi yon tan bstan bstan pa'i le'u ste bcwo lnga pa'o// // de nas yang sems dpa' rdo rjes 'di skad ces gsol to// kye gsang ba'i bdag po lags// dus gsum mkhyen pa'i rdo rje 'chang // 'khor rnams rmongs par gyur pa la// rgyud kyi gtang rgya gsung du gsol/ ces gsol to// rdo rje 'chang gi bka' stsal pa/ kye sems dpa' chen po nyon cig/ 'khor gyi nang na dam pa ste// khyed ni nus pa'i stobs dang ldan// nyid las mi zhen 'khor yin pas// man ngag rgyal po bstan pa yin// ye shes gsang ba sgron ma'i rgyud// thugs la chongs la gces par gyis// lan cig snyigs ma lnga dus na// nyi blo bzhin du dar rgyas// byang chub srog dang bsngo ba'i dang kha dag/ cho sa nyid gtan la 'bebs pa'i shes rab dang // slob dpon ma'i ltar 'khur ba'i mos pa dang // rgyud la shin tu mos pa'i skal ldan la// ma thub gsum gyis snod ldan de la gtong/ kau mos dang nyan deng kha ton

  24. 14a

    klog bshad dang sgom pa byed pa yin// bar chad med par skye shi gnyis las grol// ye shes gsang ba sgron ma rin po che'i rgyud las/ rgyud gtang rgya bstan pa'i le'u ste bcu drug pa'o// / ye shes/ gsang ba sgron ma rin po che'i rgyud ces bya ba rdzogs so// / paN+Di ta shrI sid+ha dang / zhu chen gyi lo ts+tsha ba bai ro tsa nas man ngag gi rgyud gtan la phab pa'o// rin po che'i khor lo'i rgyud bzhugs/ rgya gar skad du rat+na tsakra nA ma tan tra/ bod skad du/ rin po che 'khor lo zhes bya ba'i rgyud/ gsang bdag che la phyag 'tshalo// bstan pa ston pa 'khor gnas dus// ngo mtshar chen po'i tshig lnga yis// sems dpa' rdo rje la sogs pa// gsang bdag chen pos bka' stsal pa// sangs rgyas sems can rgyu cig kyang // phyi nang snod bcung gnyis su bzung // ye shes 'khrul pa gnyis su snang // mun pa'i nang 'khyams don mi gsal// gcig la 'char sgo gnyis su byung gcig gis drug gi 'bras bu myong // ming ma thogs las shugs kyis 'khrul// rin chen 'khor ba'i gnas su 'khyams// snang dang mi snang gzugs su 'khrul// ces gsungs pa dang // sems dpa' rdo rjes slar gsol pa// sangs rgyas sems can gzhi gcig la// gnyis snang shes pa'i mtshan nyid rnams// gcig pa lags sam tha dad lags// ces gsol pa dang / gsang bdag chen pos lan gsol ba// ming ma thogs kyi spyis nas// snang ba dag dang ma nga gnyis// mtshan nyid gnyis su snang mod kyang // ming ma thogs su spyis gcig/ gcig ming gnyis kyang yin ma yin// dper na ga pur sman duge bzhin// dug smin sman kyang kho na med// sman dug ga bur spyis cig/ rkyen dang gang 'brang