F373MW1KG13607_0373mdo sdeAll versions of this work

gser mdog gi rtogs pa brjod pa

Subarnavarnaabadanam

Text

ff. 214b–296b · 165 folio sides

  1. 214b

    'jug pa zhes bya ba'i gzungs kyang thob bo// sangs rgyas kyi byin gyis brlabs pa zhes bya ba'i gzungs kyang thob bo// sangs rgyas kyi sku dang kha dog mtha' yas yongs su 'grub pa zhes bya ba'i gzungs kyang thob ste/ de dag la sogs pa gzugs bye ba khrag khrig 'bum phrag grangs med pa dag kyang thob bo// chos thams cad la spyod pa'i khyad par nyid kyang thob bo// chos thams cad la gzhan rag ma las pa'i shes pa yang thob bo// chos thams cad la som nyi gcod pa nyid kyang thob po// sangs rgyas kyi rnam par rol pa stong phrag grangs med pa dag kyang thob po// sems can thams cad kyi spyod pa'i bye brag la mkhas pa yang thob po// 'jam dpal dper na/ ri'i rgyal po ri rab ni/ ri thams cad zil gyis mnan nas/ lam me lhan ne lhang nge'o// 'jam dpal de bzhin du chos kyi rnam grangs 'di la mos pa'i byang chub sems dpa' yang sems can kyi dge ba'i rtsa ba thams cad zil gyis mnan nas/ lham me lhan ni lhang nge'o// de nas 'jam dpal gzhon nur gyur pas/ byang chub sems dpa' sems dpa' chen po sgrib pa rnam spel ba la 'di skad ces smras so// rgyal ba'i sras byang chub sems dpa' gang dag la mos pas/ yon tan gyi khyad par 'di dag dang / gzhan dag kying 'thob pa'i chos bye brag gzhan dag kyang

  2. 215a

    yod dam/ de skad ces smras pa dang / byang chub sems dpa' sgrib pa thams cad rnam par sel bas/ 'jam dpal gzhon nur gyur pas/ la 'di skad ces smras so// 'jam dpal byang chub sems dpas gang dag la mos na/ yon tan gyi khyab par 'di dag dang / gzhan dpag tu med pa dag kyang thob pa'i chos lnga po 'di dag ste/ lnga gang zhe na/ chos thams cad gnyen po med pa dang / ma skyes pa dang / ma 'gags pa dang / brjod du med par mos pa dang // rtag tu rgyun mi 'chad par skad cig gcig la de bzhin gshegs pa'i spyod pa dang / spyod lam la 'jug pa'i gnas 'jug pa'i gnas 'dzam bu'i gling gi rdul las kyang lhag pa'i kyang lhag pa dag la lhan gyis grub cing rnam par mi rtog par mos pas dang / seng ge bran bzangs kyi bu'i rtogs pa brjod pa dang / sems can yongs su smin par byas pa de/ bcom ldan 'das shAkya thub pas bskal pa gang ga'i klung gi bye ma snyed nas mngon par rdzogs par sangs rgyas de mdzad par mos pa dang / mar me mdzad kyis lung bstan pa nas bzung ste/ mngon par rdzogs par byang chub pa'i bar der/ bcom ldan 'das shAkya thub pas byang chub sems dpa'i spyod pa gang yin pa de thams cad sangs rgyas kyi yul gyi mthas klas pa'i bskal pa nas/

  3. 215b

    mngon par rdzogs par sangs rgyas nas bstan pa yin par mos pa dang / shAkya thub pas bstan nas sems can yongs su smin par byas pa gang yin pa de/ sangs rgyas kyi yul gyis mtha' sa klas pa'i bskal pa nas/ bcom ldan 'das shAkya thub pa mngon par rdzogs par sangs rgyas nas mdzad pa yin pas mos pa ste/ 'jam dpal lnga po de dag ni byang chub sems dpas gang dag la mos pas yon tan khyad par 'di dag dang / gzhan dpag tu med pa de dag kyang 'thob pa yin no// 'jam dpal rigs kyi bu 'am/ rigs kyi bu mo gang la la zhig gis 'jig rten gyis khams thams cad kyi rdul snyed kyi dgra bcom pa mngon par shes pa drug dang ldan pa/ rnam par thar pa brgyad la bsam gtan pa rnams la nyin cig bzhin du lha'i zas ro brgya dang ldan pa dang / lha'i gos dag byin te de ltar byin pa bskal pa gang ga'i klung gi bye ma snyed dag tu byin pa byin pa bas/ 'jam dpal rigs kyis bu 'am rigs kyi bu mo gzhan gang zhig gis/ rang sangs rgyas gcig la nyi ma gcig zan byin na/ de ni de bas bsod nams ches grangs med par bskyed do// 'jam dpal rigs kyi bu 'am rigs kyi bu mo gang la la zhig gis 'jig rten gyi khams re rer yang gtsug lag khang 'dzam bu'i chu bo'i gser las byas pa/ nor bu rin po che glog gi 'phreng bas spras pa/

  4. 216a

    nor bu rin po che 'od thams cad bsdus pa'i sngags bus yongs su bskor ba/ nor bu dang / mug tig dang / rin po che'i 'breng bas mdzes par byas pa/ gdugs dang / rgyal mtshan dang / ba dan sgreng ba/ dril bu ge yer ka'i dre ba'i bla re bres pa tsan dan sprul gyi snying po'i byugs pa/ nor bu rin po che dbang gi rgyal pos khyebs par byas pa/ rgya mtsho gnas pa'i rin po che rnam par dag pa/ bkod pa kun nas 'od snang ba nor bu rin po che'i ka ba mang pos dkrigs pa/ nor bu rin po che seng ge rol pa'i zhes bya ba'i spangs leb bres pa/ nor bu rin po che seng ge rgyal mtshan gyi rtse mo las byas pa'i sgo khang dang / rta babs dang / bskar khung gis brgyan pa/ dar gyi lnga lding mang po bres pa/ phyogs bcu'i 'jig rten gyi khams thams cad kyi rdul snyed dag byas te/ sangs rgyas gnas stong phrag grangs med pa dag dang / sangs rgyas de dag la nyin cig bzhin du lha'i zas ro brgyad dang ldan pa/ lnga gos dag kyang byin zhing de ltar byin nas/ bskal pa gang ga'i klung gi bye ma snyed dag tu sbyin pa bas/ 'jam dpal rigs kyi bu 'am rigs kyi bu mo gzhan gang zhig gis sangs rgyas zhe 'am/ 'jig rten gyi mgo bo zhe 'am/ de bzhin gshegs pa zhes 'am/ thams cad mkhyen pa zhes bya ba'i sgra thos na/ 'di ni

  5. 216b

    des ches bsod nams grangs med par bskyed na/ gang gis de bzhin gshegs pa'i sku ri mor bris pa'am/ gzugs su byas pa mthong ba lta ci spros te/ nyid de bas bsod nams grangs med par bskyed do// gang gis mar me phul ba 'am/ bdug pa'am/ spos sam/ me tog gam/ rol mo'i sgra 'am/ mchod pa sna tshogs gzhan dag byed pa lta ci smos te/ 'di nyid de bas bsod nams grangs med bskyed do// gang gis de bzhin gshegs pa'i phyir nyi ma cig bslab pa gcig srung ba lta ci smos te/ 'di ni de bas ches bsod nams grangs med par bskyed do// 'jam dpal rigs kyi bu 'am rigs kyi bu mo gang la la zhig gis de bzhin gshegs pa byang chub sems dpa' dang bcas pa/ nyan thos dang bcas pa/ phyogs bcu'i 'jig rten gyi khams thams cad kyi rdul phra rab snyed rnams la nyin cig bzhin du/ lha'i zas rol rgya dang ldan pa dang / lha'i na bza' dag kyang 'bul la/ de ltar 'bul ba bskal pa gang ga'i klung gi bye ma snyed dag tu 'bul zhing / sangs rgyas bcom ldan 'das de dag yongs su mya ngan las 'das nas kyang / de bzhin gshegs pa re re re'i phyir/ mched rten chad med pa bzhi pa tsam rnam pa thams cad mchog dang ldan pa dang / yon tan thams cad yongs su rdzogs pa dang ldan pa 'dzam bu'i chu bo gser las byas

  6. 217a

    ba/ nor bu rin po che 'od thams cad bsdus pa'i stegs bus yongs su bskor ba nor bu dang / mu tig dang / rin po che'i phreng bas mdzes par byas pa/ gdugs dang / rgyal mtshan dang / ba dan sgreng ba/ dril bu g.yer ka'i dra ba'i bla re bres pa tsan dan sprul gyis snying po'i byug pas byugs pa/ nor bu rin po che dbang gi rgyal po'i dra bas g.yogs pa/ phyogs bcu'i 'jig rten gyi khams thams cad kyi rdul snyed dag byas te/ mchod rten de dag la nyin cig bzhin du stong gsum gyi stong chen po'i mtshan tsam gyis lha'i gos dang gdugs kyi sprin dag dang / rgyal mtshan gyi sprin dag dang / ba dan gyi sprin dag dang / me tog gi sprin dag dang / spos kyi sprin dag dang / rin po che'i sprin dag dang / rol mo'i sgra'i sprin dag dang / brgyan gyi sprin dag dang / seng ge'i rgyal mtshan gyis rtse mo zla ba'i sprin dag dag dang / lha'i sil bsnyen dang / beg rdob pa dang / glu dbyangs kyi sgra sprin rnams kyis gtor mngon par gtor la/ chos kyi rnam grangs 'di la mos pa bas/ 'jam dpal rigs kyi bu 'am/ rigs kyi bu mo gzhan gang gis de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa'i chos kyi rnam grangs 'di la mes shing ban 'dud 'gro'i skye

  7. 217b

    gnas su song ba'i sems can gcig la zan khams cig byin na/ 'di nyid de bas ches bsod nams grangs med par skyed do// 'jam dpal mdo sde 'di la mos pa'i byang chub sems dpa' gang la la zhig gis mdo sde 'di las mos pa'i de bzhin gshegs pa rnams la mchod pa bas/ byang chub sems dpa' mdo 'di nyid la mos pas/ gzhan gang gis mdo 'di nyid la mos pas byang chub sems dpa' gzhan dag gis mthong nas byang chub sems dpa' 'di ni mdo 'di nyid la mos pa'o/ snyam ste dga' ba dang / mchog tu dga' ba chen po rnyed la/ de sems dang bas langs te/ de la thal mo sbyar nas phyag 'tshal te/ ci nus ci lcogs su de bzung ba byas na 'di nyid de bas sangs rgyas kyi ye shes thob par 'gyur ba'i bsod nams grangs med par bskyod do// 'jam dpal de lta bas na/ sangs rgyas kyi ye shes 'dod pa'i byang chub sems dpa' chos kyi rnam grangs 'di mnyan pa'i phyir/ 'jig rten gyi khams mes yongs su gang ba gang ga'i klung gi bye ma dag kyang rgyal te/ 'gro bar bya'o// 'jam dpal byang chub sems dpa' gang la la zhig gis skal pa bye ba stong phrag brgyad du pha rol tu phyin pa phyin ba lnga la spyad pa bas/ 'jam dpal byang chub sems dpa' gzhan de bzhin gshegs pa ni rtag pa'o// snyam du mos par byed na de bas ches bsod nams

  8. 218a

    / grangs med par bskyed do// 'jam dpal byang chub sems dpa' gang la la zhig gis sangs rgyas phyogs bcu'i 'jig rten gyis khams thams cad kyi rdul phra rab kyi rdul snyed dag la lha'i zas ro brgya dang ldan pa dang / lha'i na bza' dag nyin gcig bzhin du 'bul zhing de ltar 'bul/ bskal pa gang ga'i klung gi bye ma snyed dag tu 'bul ba bas/ 'jam dpal byang chub sems dpa' gzhan gang zhig de bzhin gshegs pa'i yon tan dang / ye shes bsam gyis mi khyab pa'i yul la 'jug pa'i bstan pa chos kyi rnam grangs 'di la mos pa'i byang chub sems dpa' ngo mtshar du gyur nas/ khyod chos kyi rnam grangs 'di la mos pa legs so legs so// khyod ni lha dang bcas pa'i 'jig rten gyis phyag bya ba'i 'os yin no// zhes bsam pa thag pa nas legs so zhes bya ba byin la/ khyod de bzhin gshegs pa thams cad kyi gsang ba'i gnas rnams su zhugs la/ chos kyi 'khor lo skor gcig ces byas na/ 'jam dpal byang chub sems dpa' de bas bsod nams grangs med par 'phel te/ bsod nams mngon par 'du bya ba 'di la sbyin pa las byung ba'i/ bsod nams snga ma des rgya'i char yang nye bar mi 'gro'o// stong gi cha dang / 'bum gyis cha dang /

  9. 218b

    bye ba'i cha dang / bye ba brgya'i cha dang / bye ba stong gi cha dang / bye ba 'bum gyi cha dang / bye ba khrag khrig phrag 'bum gyi cha dang / grangs dang / cha dang / bgrang ba dang / dpe dang / zla dang / rgyur yang mi bzod do// bcom ldan 'das kyis gnang ste/ byang chub sems dpa' sgrib pa thams cad rnam par sel bas de skad ces smras pa/ byang chub sems dpa' 'jam dpal gzhon nur gyur pa dang / byang chub sems dpa' de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa de bzhin gshegs pa'i yon tan dang / ye shes bsam gyis mi khyab pa'i yul la 'jug pa bstan pa/ zhes bya ba theg pa chen be'i mdo rdzogs s+ho// / rgya gar skad du/ su brna brna a ba da nam/ bod skad du/ gser mdog gi rtogs pa brjod pa/ dkon mchog gsum la phyag 'tshal lo// 'di ltar rjes su thos te/ gnas brtan 'od srung chen po yongs su mya ngan las 'das nas/ gnas brtan kun dga' bo bdag nyid che ba/ gnas gtan sha ra dwa ti'i bu dang / shes rab mnyas pa/ de bzhin gshegs pa bzhin du snying rje chen po sems shing /

  10. 219a

    yul dang grong khyer dang / grong brdal dang / tshong 'dus la sogs pa de dang der/ gdul bya de dang thabs kyi bye brag de dang de dag gdul// bar gyur to// ci tsam na dus gzhan zhig gi tshe/ gdul bya'i dbang gis sems can bye ba brgya stong dpag tu med pa las/ dam pa'i chos ston pa'i bdud rtsi'i char 'bebs pas yang dag par tshim par byed cing / yangs pa can gnas can a mra gasrung ba'i tshal gang na ba na gnas so// yang de'i tshe rgyal por khab kyi grong khyer na/ ded dpon nyi ma zhes bya ba/ phyug po nor mang ba/ longs spyod che ba/ yongs su bzung ba yangs shing rgya che ba rnams thos kyi bu'i nor dang ldan pa/ rnams thos kyi bu'i nor gyis mgran pa zhig gnas te/ des rigs snyam pa las chung nga blangs nas/ de dang lhan cig rtse bar byed/ dga' bar byed pa dga' mgur spyad kyang / bu yang med bu mo yang med de/ de bu med pas bu shin du 'dod pas yongs su gdungs shing 'dug pa na/ sum bcu rtsa gsum gyi lha'i nang na lha'i bsod nams kyi mthu chen po dang ldan pa zhig la/ 'chi ba'i lhas rnam pa byang bar gyur pa dang / sangs rgyas 'byung bas brgyan pa'i 'jig rten la ltas nas/ mya ngan 'das pa la mngon par dga' bas mi'i nang du mtshams sbyar bar 'dod pa dang / lha'i dbang po brgya byin gyis lha'i

  11. 219b

    bu de'i 'chi 'pho ba'i chos mthong zhing / sangs rgyas kyis rgyan pa'i 'jig rten gyi khams la ltas mya ngan las 'da' ba mngon par gdon mi rnams kyi nang du nying mtshams sbyor bar 'dod par yang mthong ngo // mthong nas kyang lha'i bu de'i zad du song ste/ 'di skad ces smras so// grogs po khyod kyi mi rnam kyi nang du nying mtshams sbyor bar 'dod na rgyal po'i khab kyi grong khyer na/ ded dpon nyi ma'i chung ma yod pa'i mngal du nying mtshams sbor gcig des smras pa/ 'di skad ces smras so// grogs po khyed/ ke'u shi ka ded dpon de ni dad pa med pa ste/ de la ni sangs rgyas kyi bstan pa la rab tu dang ba med do// rgya byin gyis smras pa/ grogs po nying mtshams sbor cig dang / ji ltar ded dpon de sangs rgyas kyi bstan pa la mngon par dad par de ltar ngas bya'o// lha'i bus smras pa/ ke'u shi ka gal te ded dpon chung ma dang bcas pa ji srid 'tsho'i bar du dkon mchog gsum la skyabs su 'gro na/ de ltar na ded dpon de'i chung ma'i mngal du nying mtshams sbyor bar bya'o// de nas lha'i dbang po rgya byin sum bcu sum nas mi snang bar gyur te/ rgyal po'i khab kyi grong khyer ded dpon nyi ma'i khyim gyi steng gi khang pa'i gzhi la gnas par gyur pa dang / lha'i dbang po brgya byin gyi kha dog gi mthus khyim de thams cad lha'i bsnang bar byas so//

  12. 220a

    @#ded dpon nyi mas lha'i snang ba de mthong zhing ltas nas yang ngo mtshar gyi/ mig gdangs te phyogs bzhi lta bar brtsams pa dang / ci tsam/ na lha'i dbang po brgya byin mthong nas/ yang myur ba nyid du de'i rkang pa gnyis la phyag byas te smras pa/ gang khyed bdag khang par byon pas/ khang pa 'di dag ltar byas pa ni snyed pa shin tu legs par rnyed do// khyed 'dir byon pa'i dgos pa gang yin pa gsung shig/ lha'i dbang po brgya byin gyis smras pa/ ded dpon khyod ni bu med de bu yod par mngon par dga' nas/ chung ma dang bcas par deng nas bzung ste/ ji srid 'tsho'i bar du dkon mchog gsum la skyabs su song shing / khyed la bu yod par 'gyur ro// ded dpon nyi ma'i dga' ba dang mgu ba dang rab tu dga' ba dang / mgu ba dang rab tu dga' ba'i yid kyi smras pa/ lha'i dbang pos ji ltar bka' stsal pa/ de ltar 'tshal te/ bdag chung ma dang bcas pa deng nas bzung ste/ ji srid mtsho'i bar du dkon mchog gsum la skyabs su mchi'o// de nas lha'i dbang po brgya byin gyis/ ded dpon nyi ma'i chung ma dang bcas par skyabs su 'gro ba la dkod nas rgyal po'i khyab nas mi snang bar gyur te/ sum cu rtsa gsum gyi gnas su lci'i bu de'i gzhas yas khang du bkod par gyur to/ de nas lha'i dbang po rgya byin gyi lha'i bu de dag la gtan gyi rnam pa

  13. 220b

    rgyas par smras pa/ ci tsam na lha'i bu de sum cu rtsa gsum gyi lha'i gnas nas tshe 'phos nas/ rgyal po'i khab grong khyer du ded dpon nyi ma'i chung ma'i mngal du zhugs par gyur ta de gang gi tshe de'i mngal du 'phos pa de nyid tshe/ ded dpon gyi chung ma'i lus la kha dog shin du rgyas par byang ba dang / dri yid du 'ong ba 'byung ba gyur to// bud med mkhas pa rnams la ni thun mongs ma yin pa'i chos rnam pa lnga yod de lnga gang zhe na/ skyes pa/ chags par yang shes shing ma chags par shes pa dang // das shIng sa bon shes pa dang / mngal du 'jug pa dang / gang las mngal du 'jug pa shes pa dang / khye'ur gyur pa shes shing / bu mor gyur sna shes te/ gal te khye'u ru gyur na ni bku g.yas par rten cing gnas la/ gal te bu mor gyur na ni bku g.yon par rten cing gnas so// de nas dga' ba dang / mchog tu dga' ba'i yid kyi khyo la smras pa/ rje'i sras dgyes gsol/ bdag sems can dang ldan par gyur te/ ji nas kyang bdag bka g.yas par rten cing gnas pa las ni nges par khye'u ru gyur ro// des de thos pa dang / de yang shin tu dga' ba dang mchog tu dga' ba'i yid kyis la'o stong gteg nas lag pa g.yas pa brkyang ste/ ched du brjod pa ched du brjod do// kye ma'o ngas kyang yun ring du mngon par 'dod pa'i bu'i mdong la lta bar 'gyur la/ skyes shing byung nas kyang nga'i bya ba byas to// de rigs rgyud

  14. 221a

    phun sum tshogs shing / nga'i rigs yun ring du gnas par byed pa dang / bdag cag shing dus byas nas kyang / nor nyung du'am mang po sprin ni sto bsod nam ni byas nas 'di de gnyis gang dang gang du skyes pa'i rjes bzhin du 'gro bar gyur cig ces bdag cag gi ming gis yon sngo bar 'gyur ro// 'di ni sems can dang ldan par gyur to// snyam du shes steng gi khang bzangs kyi gzhi la nyang ba med par 'jog ste/ de'i mngal yongs su smin par bya ba'i phyir yid du mi 'ong ba'i sgra chud kyang mi thos shing grang ba dang grang ba'i ye byad dang / dro ba dang dro ba'i yo byad dang / sman pas bstan pa'i kha zas ha cang kha ba ma yin pa dang / he cang skur ba ma yin pa dang / ha cang lan tsha che ba ma yin pa dang / ha cang dang ra ba ma yin pa dang / ha cang ka ba ma yin pa dang / kha ba dang sbyar ba dang / lan tsha bo che dang / dang ra ba dang / tsha ba dang / ka ba spangs pa'i kha zas kyis bsnyen bkur byed cing do bshal dang se mo dos lus brgyan nas lha'i bu mo dga' tshal na rgyu ba bzhin du/ khre'u nas khre'u dang khri nas khrir rgyu ste/ 'og gi sa gzhi la mi 'bab po/ de zla ba brgyad dam dgu lon pa dang / khye'u gzugs bzangs blta na sdug pa/ mdzes pa yan lag dang nying lag thams cad dang ldan pa/ gser gtso ma'i mdog gis kha dog shin tu rgyas pa dang ldan pa

  15. 221b

    'gro ba thams cad kyi yid dang mig 'phrogs pa/ gser gyi mdog can gyis lus dkris pa/ de'i yan lag thams cad nas tsan dan gyi dri 'byung ba/ de'i kha nas/ ud pa la'i dri 'byung ba/ de skyes pa tsam gyis der gos kyi char dang / me tog ka ra'i char 'bab ste/ gos de dag kyang gser gyi mdog can yin no// de nas ngo mtshar du 'byung de dang de'i gzugs phun sum tshogs pa brgya chen po mthong ba dang / ded dpon nyi ma'i chung ma dang 'khor rnams shin tu ngo mtshar skyes par gyur to// / ded dpon nyi ma'i sgo'i phyi rol na gnas pa la/ ded dpon gyi sras bltas kyis dges pa bskyed cig ces go bar byas pa dang / de dga' ba dang mgu ba dang / rab tu dga' ba'i yid kyis khyim du zhugs pa dang / ji tsam na gzhon tu shin tu gzugs bzang ba lta na sdug pa/ mdzes pa yan lag dang nying lags thams cad dang ldan pa/ gser gamo ma'i kha dog lta bus mdog rgyas pa dang ldan pa/ 'gro ba thams cad kyi mig dang yid 'phrog pa/ gser gyi mdog can gyi gos kyis lus dkris pa/ 'di'i yan lag thams cad las/ tsan dan gyi dri 'byung ba/ 'di'i kha nas ud pa la'i dri byung ba/ de skyes pa tsam gyis khyim der gos gyi char dang / me tog kar ni ka ri'i char bab ste/ gos de dag kyang gser gyi mdog can du mthong ngo // mthong nas kyang dga' ba dang mgu ba dang / rab tu dga' ba

  16. 222a

    @skyes te/ ched du brjod pa ched du brjod do// e ma'o rnyed pa rnams ni shin tu rnyed de/ e ma'o gang 'di lta bu'i bsod nams kyi mthu chen po dang / ldan pa'i bu skyes pa ni bdag gi yid la bsams pa yongs su rdzogs par gyur to// zhes dga' ba dang mgu ba dang rab tu dga' ba'i yid kyis gos de rnams dge spong ba dang bram ze dang / 'phongs pa dang / 'phongs shing sdug bsngal ba dang mdza' bshes dang gnyen dang / snag gnyen mtshams la byin pa gzhon nu de'i ba tsas sten bdun gsum nyi shu rtsa gcig gi bar du rgya cher byas nas grogs po dag khye'u 'di ming gdags zhes ming 'dogs par byed pa dang / nye du rnams kyis smras pa gzhon nu gser gtso ma'i kha dog gis mdog shin tu rgyas pa de ldan de/ de bas na gzhon nu 'di'i ming gser mdog ces gtags par bya'o// nye du zhes te/ de la gser mdog ces bya ba'i ming btags so// gzhon nu gser mdog de ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang dri ma 'byid pa'i ma ma gnyis dang / rtsen 'grogs kyi ma ma gnyis te ma ma brgyad la rjes su btad nas/ de ma ma brgyad po dag gis 'o ma dang / zho dang mar dang / zhun mar dang / mar gyi snying khu dang / gzhan yang yo byad kyi bye brag dag gtso bo dag gis bskyed par byed/ srid bar byed rdzing na gnas pa'i padam

  17. 222b

    bzhin du m+WAr tu bskyed par byed/ gang gi tshe chen por gyur pa de'i tshe/ yi ge dang grangs dang rtsis dang lag rtsis dang / 'byung ba dang / gzhug pa dang gzhag pa la nye bar brtag pa dang / gos brtag pa dang / ci rin po che brtag pa dang / shing rta brtag pa dang / glang po che ba rtag pa dang / rta brtag pa dang gzhon nu brtag pa dang / gzhon ma brtag pa dang / 'byed pa brtag pa dang / klog pa dang / mkhas pa dang / g.yer por gyur to// de yang bsod nams kyi skal pa chen po dang ldan pa/ bsam pa dge ba dang / bdag dang gzhan la phan par zhugs pa/ snying rje dang ldan pabadag nyid chen po chos 'dod pa dang / skye dgu rnam la mnyes bzhin pa ste/ de bstan pa chos thams cad klog pa dang / de shin du bsod nams kyi mthu chen po yin pas/ gos la sogs pa dang / nor rnams gang bsams gang gsol ba de thams cad de bzhin du 'byor par 'gyur mod kyi/ bdag ni 'di ltar bsod nams kyi mthu chen po dang / ldan no snyam du mi sems so// ded dpon nyi ma 'di sems snyam du bdag dkon mchog gsum la skyabs su 'gro ba'i drin gyi bu skyes so zhes bcom ldan 'das kyis bstan pa la shin

  18. 223a

    tu mngon par dad nas/ de dus dang dus su bcom ldan 'das kyis bstan pa la bya ba byed par gyur to// yang de'i tshe de'i dus na rgyal po'i khab kyi grong khyer du ded dpon dri ma med pa zhes bya ba rgya mtsho nas gru grub te slar 'ongs nas/ des bcom ldan 'das dge slong stong nyis brgya lnga bcu bskor ba la bshos drangs te/ dge slong re re zhing chos gos gsum phul ba dang / skyes bu dam pa 'di ni rgya mtsho chen por zhags pa dang / ded dpon gyi sgra ni 'bras bu dang bcas par gyur to// 'di ltar bcom ldan 'das kyi bstan pa la bya ba byaso// zhes bya ba'i grags pa 'jig rten thams cad du khyab par gyur pa dang / ded dpon nyi mas de thos nas 'gron 'dod par 'gyur te/ nga yang mtsho chen por zhugs la/ gal te de nas gru legs par grub na/ bcom ldan 'das la zhus te/ bcom ldan 'das kyis nyan thos 'dzam bu gling na ci snyed cig gnas pa de rnams cig tu bsdus nas// zas bsod pa rnams kyis tshim par byas la/ dge slong/ re re zhing rin che ba'i chos gsum gsum gyis dgab par bya'o snyam nas des chung ma la gtan de smras pa dang / des smras pa bdag po khyod kyi yang dag

  19. 223b

    par rtog pa 'byor par gyur cing yid la re ba rdzogs par gyur cig/ de nas ded dpon nyims rgyal po'i khab kyi grong khyer du lan gsum gyi bar dris sbags to// tshong pa lnga brgyas yongs su bskor nas/ rgya mtsho chen por zhugs so// de rgya mtsho chen pa de zhugs pa dang bcom ldan 'das yongs su mya ngan las 'das so// de de nyid na gnas pa'i tshe/ gnas brten 'od srung chen po yang yongs su mya ngan les 'das so// ci tsam dus gzhan zhig na gzhon nu gser mdog 'od ma'i tshal du song ba dang / de na dge slong zhig mi rtag pa nyid dang / rab tu ldan pa'i tshigs su bcad pa 'don par gyur te// tshe 'di nyid dang mtshan ma dang // 'gro ba dang ni ldog pa dang / chu klung chen po'i rgyun bzhin du// phyir mi ldog par 'gyur ba na// chu chung gi ni nya lta bur gang zhig nyin zhag 'da' yis ni// tshe ni shin tu gyur na ni// de la dga' byar ci zhig yod// gson mtha' 'chi ba yin pas na// lus 'di yongs su dga' ba dang / nad kyi tshad ni myur 'jig cing // rnag gi

  20. 224a

    tshogs kyang 'jig par 'gyur// kye ma lus 'di ma thogs par// stong ba rnams shes dang bral na/ du khrod bor ba'i mgal du ma ltar// sa'i steng du 'gyel bar 'gyur// rgyun du nad kyis mngon gdungs shing // rtag tu mi gtsang 'dzeg pa dang / rga dang 'chi bas 'tsher 'grim pa'i/ lus 'di dom cing mi rung na/ myur du 'jig cing na ba dang / rnag dang ldan pa'i lus 'di las grub dang bde ba bla med pa/ zhi mchog don du gnyer bar gyis// tshigs su bcad pa 'di thos pa dang / gzhon nu gser mdog 'khor ba las yongs so skye zhing // mya ngan las 'ongs pa'i yon tan mthong nas dge slong de la phyag byas te/ dris pa dang / 'phags pa'i 'di ci zhig lags// dge slong gis smras pa rigs kyi bu 'di ni sangs rgyas kyi bka' yin no// de thos pa dang bcom ldan 'das kyi bston pa la dad pa chen po skyes nas rab tu 'byung ba dang / thar pa mngon par 'dod par gyur to// de nas

  21. 224b

    dge slong de la rim gror byas te/ rkang pa gnyis la btad nas/ smras pa/ 'phags pa dag rab tu 'byung bar 'tshal gyis/ thugs brtse banye bar bzung ste rab tu 'byung du gsol/ dge slong gis smras pa/ rigs kyi bu pa dang ma gnyis kyi gnang ngam/ des smras pa/ ma gnang lags so// dge slong gis smras pa/ rigs kyi bu song la pa dang la dris shig dang / pha ma gnyis kyis ma gnang bar rab tu 'byin par mi byed do/ des smras pa/ de bzhin du bgyi'o// de nas gzhon nu gser mdog 'khor bas 'jigs shing / skyo ba'i yid kyis rang gi khyim du song ste ma'i rkang pa la gtugs nas yum mkhyen par mdzod cig/ bdag ni legs par srungs pa'i chos 'dul ba la rab tu byung ngo // de skad ces smras pa thos pa dang / ma shin du mya ngan gyi gdungs te brang rdungs nas smras pa/ bu khyod ni nga'i bu gcig pa yid du 'ong ba mdzes pa/ rjes su 'thun pa/ yid la re ba brgyas thob pa yin na/ khyod ci ltar nga yang spangs nas rab tu byung des smras pa/ yum gdug pa rnams dang ni nges par 'bral bar gyur te/ de mkhyen par mdzod la/ bdag legs par gsungs

  22. 225a

    ba'i chos 'dul ba la rab tu dbyung bar rjes su snang bar mdzad du gsol/ des thos pa dang yid la gdung ba chen po skyes nas/ de mchi mas rnangs bzhin du smras pa// bu nga khrag dron mo kha nas skyug par 'gyur gyis/ lan gsum gyi bar du de skad ma zer cig/ des yang bsams pa 'di'i 'bad pa'i de lta bu las na/ nges bzlog par mi nus kyis/ thabs shig sbar ba bya'o snyam mo// de nas des smras pa/ bu khyed kyi pa ma ni sangs rgyas kyi bstan pa la bya ba bya'o// snyam nas rgya mtsho chen por zhugs kyis de srid ma 'ongs pa de srid du khyod la rjes su mi gnang ngo // gal te de 'ongs nas khyod rjes su gnang nas rab tu dbyung bar bya'o// de ma la gus pa yin pa sa bsams pa/ gal te yang 'di la smras na ni brgyal 'di gdung ba shin chen po skye bar 'gyur gyis ji srid du 'dug par bya'o// snyam nas de cang mi smra bar 'dug go ga gang gi tshe gzhon nu gser mdog tsheng 'dus sa rgyu ba na/ de'i tshe de'i gzugs phun sum tshogs pa rgya chen po mthong ba dang / 'jig rten pa rnams kyis ltas kyang ngoms par mi 'gyur te/ de skye bo'i tshogs mang po'i yid du 'ongs par gyur to// de'i gzugs phun sum tshogs pas yid drang

  23. 225b

    kyang 'dod pa la shin tu rgyab kyis phyogs par mthong nas/ mas bsams pa kyi hud 'di'i 'bad pa 'di lta bu 'dis ngan// nga spangs nas rab tu 'byung bar 'dod/ par 'gyur ro snyam mo// de nas rtag tu dogs pa dang bcas pas rjes su 'thun par 'jug par brtsams so// gzhon nu gser mdog ni yang mkhas ba dang / dge slong dang / bram ze rnams sten par byed cing // de der legs par bshad pa thar pa'i lam dang rjes su 'thun pa/ gang dang thos pa de dang der glegs bam la 'dra'o// rgyal po'i khab kyis grong khyer kyi phyi rol na/ ded dpon nyi ma'i skyed mos tshal me tog dang 'bras bu dang / chu phun sum tshegs pa zhig kyang yod ba dang / de nas gzhon na gser mdog pa'i bskyed mos tshal der nyin re song nas legs par bshad pa'i glegs bam dag klog cing 'dug go yang de'i tshe rgyal po'i grong khyer na ka shi mdzes dga' mo zhes bya ba'i bud med smad 'tshong ma gzugs dang lang 'tshe dang / sgra rtsal phun sum tshogs pa/ skye bo mang po'i snying du sdug pa zhig gnas pa dang / rgyal po ma skyes dgra'i blon po rab gtam zhes bya ba rgyal pos shin tu dkur ba de/ bu mo ka shi mdzes dga' mo shin tu yang sems chags pas/ nyin re zhing rang gi skyed mos tshal du song nas de dang lhan cig rtse zhing dga' la dga' mgur spong

  24. 226a

    par gyur to// ci tsam na dus gzhan zhis gi tshe bu mo ka shi mdzes dga' mo rgyan tham cad kyis brgyan te/ rgyal po'i khab nas byung ba nas blon po rab tum gyi bskyed mos tshal du chas pa dang / gzhon nu gser mdog rgyal po'i kheb grong khyer nas byung ste/ rang gi bskyed mos tshal du 'gro ba/ bu mo ka shi mdzes dga' mos bltas pa dang / gzhon nu gser mdog gzhon nu shin tu yang gzugs bzang ba/ blta na sdug pa/ mdzes pa yan lags thams cad dang ldan pa/ skye bo thams cad kyi yid dang mig 'bregs pa/ gser gyi mdog can gos ser po lus la gyon pa mthong ba/ yang de'i de snyam du sems te/ e ma'o gzugs phun sum tshogs pa rgya che ba/ e ma'o/ 2 dog shin tu rgyas pa/ 'di lta bu bud med gang gi khyor gyur pa des ni/ bskal pa bzang po byas pa yin no snyam du sems shing / de de la sems shin tu zhen pas rtog cing 'di lta bu dang / lhan cig dga' zhing rtse ba ma myong bud med ni skal ba chung ba yin no// yang bsams pa bdag na gzugs kyis mtsho ba skyes bu rnams kyi thun mong du gyur pa yin la/ gzhon nu 'di lang mtsho la bab dang / ldan pa yin gyis/ ma la bdag 'di dang lhan cig kun tu sbyor bar 'gyur ba de ltar brid par bya'o// snyam nas de de'i 'dun du 'dug ste/ bud med kyi steg pa'i mtshan pa dag bstan par bsams pa dang / bdag nyid chen po de rang bzhin gyis 'dod pa la rgyab kyis

  25. 226b

    phyogs shing mya ngan las 'das pa la gzhol bas de la sems gtod par ma gyur pa dang / des bsams pa 'di ni nges par nga la mi sems dpa' ni ngo tsha ba yin gyis/ yang 'di bskyed mos tshal du 'gro bas nga yang de nyid du song la der 'di lkog tu brid par bya'o snyam nas/ de de'i phyi bzhin du 'breng ba dang / gzhon na gser mdog gis shes nas/ de'i sngon du skyed mos tshal du zhugs te sgo gcad do/ bu mo ka shi mdzes mas smras pa/ gzhon nu bdag ni khyod la bsam de 'ongs na/ khyod 'di lta bu'i rang bzhin ngan pa ston par byed pa ni rigs pa ma yin no zhes smras kyang / nges de la tshigs lan ma blan pa dang / des bsams pa 'di rgya gnyis yod de/ shin du 'dod pa don du mi gnyer ba 'am/ yang na ches bzang ba gzhan zhig la zhen pa yin te/ rnam pa thams cad du 'di la nga'i gzugs sam tshig gis mgu bar byed mi nus kyis/ 'di la reg pas mgu bar bya'o snyam nas 'dis nga mthong nas sgo bcad na gang zhig gis 'di lkog tu chags par gyur pa'i thabs ji zhig yod/ yang na 'di ngas shes kyi nang par 'di'i ches sngon du song la/ skyed mos tshal du 'dug gis byis 'di 'ongs pa dang mkhyud pa la sogs pa'i lus kyi reg pa rnams kyis ji ltar 'thun par bya'o snyam mo// de de ltar rjes su sems shing slar ldog nas grong khyer du zhugs te/ nyi ma de la rab gtam gyis skyed mos tshal du ma so/

  26. 227a

    zon po rab gtum yang rang gi skyed mos tshal du de yun ring du rtog pas yongs su dub pa dang / nyi ma 'das pa'i rjes su grong khyer du zhugs nas des rang gi khyim nas ka shi mdzes dga' bo la/ ci'i phyir khyed deng nga'i bskyed mos tshal du ma 'ongs zhes po nya gtang ba dang bu mo ka shi mdzes dga' mos rje'i sras deng ni bdag klang nad kyis shin tu gdungs pa gang yin pa des khyed kyis bskyed mos tshal du ma mchis so zhes bslus so// 'jig rten na ni 'dza'o dang / dgra dang tha mal pa yod pas// gzhan zhig gis smras pa/ de la ni srad pa'i nad kyis gzir ba med de gzhan du na 'di gzhon nu gser mdog gi gan du bskyed mos tshal du/ song nas/ bskyed mos tshal de nas slar log pa la ma mthong ngo zhes smras pa thos pa dang / 'di ltar bud med kyi yul las byung ba'i sha kho na ni/ sha kho na gyi tha chad yin pas/ blon po rab gtum khros pas kun tu 'khrugs par gyur nas bsams pa/ ci nas kyang sad bu mo ka shi mdzes dga' mo dang / gzhon nu gser mdog gnyi ga med par 'gyur ba de lta bu'i gnod pa bya'o snyam ste/ de khro ba'i mes snying bsregs bzhin du mtshan mo de sdug bsngal bas 'da' bar bya'o// de nas mtshan mo de 'das nas nam langs pa dang / skyes bu yid brtan du rung ba gzhan zhig bos te smras pa/ rgyal po'i khab kyi phyi rol skyed mos tshal du 'deng der nga la

  27. 227b

    shin tu ched che ba'i dgos pa zhig yod kyis/ ral gri thogs shig/ des kyang bdag po de bzhin du bgyi'o// zhes smras te/ skyes bu ral gri thogs nas de'i phyi bzhin du 'brangs so// de nas blon po rab gtam skyes bu de dang lhan cig rgyal po'i khab kyi grong khyer nas byung ste/ ded dpon nyi ma'i bskyed mos tshal du zhugs nas gnas so// / bu mo ka shi mdzes dga' mo yang lus la gos dang brgyan sna tshogs brgyan te// rgyal po'i khab nas byung te/ ded dpon nyi ma'i bskyed mos tshal du song ste/ de der zhags pa dang / ji tsam na blon po rab gtum mthong ba dang / slar kun tu skrag pas bsams pa/ 'di ni rang bzhin gyi gtam pas nges par na deng dra la gnod pa chen po byed par 'gyur ro snyam nas slar log par 'dod pa dang / de nas blon po rab gtum gyis de mthong nas 'gro ba'i sems yid bsregs pas dpral bar khrod gnyer gsum bsdus te/ shin tu brgyugs so// de nas tsham tsom med pa de'i skra nas gzungs nas snying rje med pas mgo mthar tu sa la bsgyel te/ bshal bzhin du 'di skad ces smras te/ khyod 'dir 'ongs nas gzhon nu gser mdog dang lhan cig dga' mgur sprad nas/ nga la glad pa na bas shin tu gzir te/ des khyed kyi gan du ma 'ongs so zhes smra 'am/ ngas deng gang gis slar yang 'tsho ba'i 'jig rten mthong zhing / gzhon nu gser mdog dang lhan cig/

  28. 228a

    @dga' mgur spyod par 'gyur ba de lta'i chad pas bcad bar bya'o// bu mo ka shi mdzes dga' mos thos pa dang / phan tshun drud pa'i sdug bsngal la ma bsams par/ mchi mas rnangs shing skad 'dang bzhin du/ kyi hu dang ni mi 'tsho bar mi 'gyur ro// snyam nas lus 'dang bzhin blon po rab gtum gyis kang pa gnyis la gtugs te/ snying rje rje skad du bcom bu chung ngus tshigs re re nas smras pa/ rje'i sras bzod par mdzod cig/ bdag ni gsad par 'os pa ma lags te/ bud med kyi yul ni sgra rtag tu skyon dang bcas lags kyis deng nas brtsams nas/ slan chad yang 'di ltar mi bgyid kyi/ ji srid 'tsho ba'i bar du khyed kyis 'bangs mo bgyid kyis/ ma rtags pa 'di ma mdzad par srogs stsol cig rang bzhin ngan pa de la de lta bu'i snying rje rje skad du bcom cung ngudus tshigs re re nas smras kyang 'khro ba'i me 'phel ba nyid do// de nas de'i grogs po'i skyes bu la smras pa ral gri 'dis 'di'i mgo bo nas myur du tshed la sa la ltung bar gyi shig ces smras dang / de nas skyes bu des bdag nyid ngan pa de'i rig pa dang mi ldan pa'i tshig ngan pa thos pa dang / 'dar bar gyur cing bsams pa kye ma'o snying rje med/ ga/ bud med 'di ni 'dis rnam pa mar rjes su longs sprad nas/ de ji ltar na nyes pa chung ngu'i phyir gser 'dod/ kye ma'o nga yang 'tsho ba'i 'jigs pa dang skrag pas/ skyes bu/

  29. 228b

    tha ma sbrul gyi dug dang mtshungs pa'i gam du gnas par byed de/ nga'i rnam pa da thams cad dunyam nga chen por zhugaso// 'dir ji ltar bsgrub par bya/ yang na 'di la gsal bar smra bar bya yis/ gal te gsal bar smras na/ sdig pa chos ma yin pa 'di las log kyang srid do// snyam nas/ kun tu yid skyo ba dang / de la bud med de shin tu snying rje bas rgyung zhi bar byas pas mig mchi mas khengs pa dang thal mo sbar te/ blon po rab gtam la smras pa/ jo bo bzod pa mdzod cig/ 'di lta bu'i bya ba ma yin pa la bdag sbar ba mi rig so// bdag ni brtse ba med pa la ma lags la/ gse do pa yang ma lags ma na ji ltar na bdag gsod pa rnams kyang byed par spro ba ma yin pa de la bdag pos btsud dam/ bud med 'di yang shin tu gzugs bzang / blta na sdug pa mdzes pa rgyu rtsal shes par grags pa/ rgyal po'i khab na gnas pa rnams dang / phyogs gzhan nas lhag pa'i skye bo mkhas pa rnams kyi snying du sdug pa/ 'di ni mi rnams kyi thun mong gi dga' gnas su gyur pa lags na/ bdag po shes rab dang ldan zhing mkhas pa myi rjesu chags pa'i gnas 'di la sdang b.ri ji ltar byed/ 'di lta bu'i 'jig rten gnyis ka dang 'gal bar gyur pa'i rtsom pa 'di las ldog par mdzod cig/ bzed khar mdzod la bdag kyang khyed kyang nyes par spong ba med pa 'dis sregs par 'ongs pa ma yin no// gtso bo gzhan yang shin tu gzhon pa'i yan lag 'di/

  30. 229a

    gzugs dang lang 'tshos rnam brgyan pa/ 'di ni rnams dga' ba'i mchog/ gzug dang ldan pa bzhin du shes/ dman zhing snying rje rje lta yi// snyan pa'i tshig ni 'di dag gis// gtso bo khyod la gsol 'debs na// bdag gi yid ni mgu bar mdzod// khyod kyi tshig 'bar thos pas na/ deng ni bdag yid 'dar bar 'gyur// gang zhig 'di 'dra gsod gyur pa'i// snying rje med pa su zhig mchis// shin tu snying rje med pa'i// kla klo 'ang 'di gsod mi spro na/ gtso bos bdag yid ci lta na/ 'di gsod par ni spro ba skyed// gang zhig phyugs kyis mthong na yang // rjes chags chen por skye 'gyur ba// de la gang zhig mir gyur nas/ mtshon gyis 'debs par bgyid la mchis// gtso bo shin tu mi zad pa'i// las 'di nyan pa'ang mi rigs ni/ spod pa bgyid pa smos ci 'tshal// de bas bzod pa mdzad pa'i rigs// de nas skyes bu rang bzhin dran pa bsam pa nyam pa de la/ de lta bu'i snying la bab pa'i tshig/ skyes bu des smras su zin kyang / rang gi sems zhi ba ma rnyed par gyur te/ de khros pas smin ma bsdus shing bzhin mi sdug pa de la smras pa/ ka'i mi khyod gang nga'i tshigs las 'da' bar byas te/ 'di la khyod rjes su chags par byed nas/ gsod par mi 'dod dam/ rnam pa thams cad du khyod kyis 'di gsad par gyur na/ lags kyis/ gal te ma bsad na deng khyod nyid kyi srog

  31. 229b

    med par bya'o// de nas skyes bu de de'i tshig rtsub me'i rtse ma bshes nas/ 'jigs pas sems pa la zhugs par gyur te/ kye ma'o bdag ni shin tunyam par zhugs te/ gal te 'di ni tshig bzhin ma byas na nges par deng bdag nyid srog dang 'bral bar byed de// gang zhig 'di lta bu'i bud med rnam pa du mar nye bar longs spyod pa yang gsod par brtson na/ des nga mi gsad par lta ga la 'gyur/ ji 'di lta bu'i skye bo'i tshogs kyi yid du 'ong ba'i bud med kyi lus la mtshon kyis 'debs par par byed na/ bdag nyid ming yang cing rung gis rnam pa thams cad du rang gi srog dang bral ba sla'i/ 'di lta bu 'di la snun par mi bya'o// zhes nges par bsams nas yang de'i blo skyes pa/ gang 'dir rel gri khyer la gros par bya yis/ des ni nga'i lus la bu mo ka shi mdzes dga' mo'i lus kyang yongs su bsrung bar 'gyur ro// snyam nas/ de ral gri thogs nas skyed mos tshal nas byung nas/ bang thams cad du btags pa dang / bral bar gyur to// blon po rab gtum gyis kyang de'i rje bzhin sgo'i phyi rol gyi bar bstsag so// de nas bu mo ka shi mdzes dga' mo bdag nyid srog ster ba las slar rnyed pa snyam sems shing rings par bros te/ ra ba'i rtsar byin pa dang / ra ba de yang mtho bas bgal bar ma nus pa na/ blon po rab gtum slar log nas ji srid phyogs de na bu mo ka shi mdzes dga' mo mthong nas phan tshun tu blta bar brtsams

  32. 230a

    ba dang / ci tsam nar ba'i car phyin par mthong nas/ rings par rings par de'i 'gram du 'gro bar brtsams so// de yang de na sbrul nag po zhig gnas te des bu me de'i rkang pa g.yas pa nas bzung ba dang / des de mthong nas bros so// bu mo ka shi mdzes dga' mos bsams pa/ blon po rab gtum 'di 'ongs nas gsod par 'gyur ro snyam pas der gtong pa'i yi dang / 'chi ba'i 'jigs pas sbal nag pos zin pa ma shes par a ti mug ta'i tshang tshing zhig tu zhags pa dang / blon po rab gtum yang a ti mug ti'i yal ga'i tshang tshing der phyin to// de nas rang bzhin ngan pa snying rje med pa'i sems kyis zhes sdang drag pos kun tu 'khrugs pa'i yid kyis/ bu mo ka shi mdzes dga' mo a ti mug ta'i yal ga'i tshang tshing nas drangs te/ de'i mgo bo la rkang pa'i rting ba dang rdog pas bsnun te/ bud med de ni shin tu gzhon sha can yin pas/ rdog pas bsnun pa de dang dug gi shugs kyis rgyal bar gyur to/ blon po rab gtum gyis de ba lta bsam pa dang / ci tsam na med par sa la 'gyel ba mthong nas de 'di snyam du sems te/ 'di ni shi zin gyis nga ni nga 'gro byas te/ 'ga' zhig gis mthong na mi rung ngo snyam nas/ rab rgal te lam gzhan nas rgyal be'i khab du zhugs so// der phyin nas rgyal po'i skyes bu gzhan dag cig la smras pa/ shes ldan dag song la ded dpon nyi ma'i bskyed mos tshal tu ltos shig/ de

  33. 230b

    yang nas so// gzhon nu gser mdog kyang rgyal po'i khab nas byung ste/ skyed mos tshal der phyin pa dang / ci srid cig na bu mo ka shi mdzes dga' mo phan tshun du bshal cing drud pa dang / skra grol la sems med par sa la 'gyel ba mthong ba dang / de skye ba chen po skyes par gyur nas/ des bsams pa 'di rang bzhin ngan pa snying rje med pa'i sems dang / 'jig rten pha rol spangs pas sha kho na dang bcas pas su zhig gis 'dir khyer te 'ongs nas bsad par gyur/ kyi hud ngan cing sdug bsngal te/ 'di lta bu'i bud med la brtse ba med pas bsod nams can su zhig 'byung snyam nas bskyed mos tshal de thams cad bltas nas su yang ma mthong ba dang / de 'di snyam du sems te/ bu med 'di ni kun gyi shes pa yin la/ de bskyed mos tshal 'dir bsad nas 'dir su yang mi snang ba ni/ rnam pa thams cad du 'ga' zhig gi rang gi rang bzhin ngan pa spangs nas/ grags pa ma yin pa'i ser ba nga'i mgor dbab pa'i phyir/ des 'dir mngon du phyung ngo snyam nas/ de de ltar mi dga' bzhin du lag pa bgram pa la gtad de/ de shin tu sems pa zhugs 'dug pa dang / rgyal po'i skyes bu de rnams kyang phyin nas der zhags skye mos tshal de blta bar brtsams pa dang / dzi tsam na bu mo ka shi mdzes dga' mo phan tshun kun tu bshal nas drung pa dang / skra grol zhing sa la 'gyer ba mthong ba dang / gzhon nu gser mdog sngon gyi

  34. 231a

    las kyi rnam par smin pa'i stobs kyis de sus kyang nges par ma rnyed cing brgyal ba yin nam/ 'on te dus byas pa yin par shes par yang ma gyur to// de nas rgyal po'i skyes bu de dag phan tshun du smras pa/ shes ldan dag bud med 'di na 'ga' zhig gis bsad do zhes te/ de rnams kyis skyed mos tshal de kun tu bltas ni gzhon nu gser mdog ma btogs par su yang mthong bar ma gyur pa dang / de rnams kyis gzhon nu gser mdog bud med 'di sus bsad/ des smras pa/ shes ldan dag ngas kyang mi shes te/ 'di kho bos kyang 'di kho na ltar mthong ngo // de nas rgyal po'i skyes bu de dag phan tshun smra ba rtsom pa/ shes ldan dag gzhon nu 'di ni shin tu dul ba yin pas 'di ni las 'di byed pa mi srid la/ 'dir gzhan su yang ma mthong bas/ yu bu cag gis 'di yongs su gcod nus pa ma yin gyis/ bud med 'di dang gzhon nu zhal mche ba'i gnas su khyer nas blon po rnams kyis yongs su gcod par 'gyur ro// de nas rgyal po'i skyes bu de rnams kyis bud med de khyogs la gteg pa dang / gzhon nu gser mdog kyang khyer te zhal mchu'i gan su song ngo // zhal mchu'i gnas de na yang blon po rab gtum rjes su 'thun pa'i las byed pa rnams dang / lhan cig par gyur cing 'dus par gyur pa dang / rgyal po'i skyes bu de rnams 'ong ba des ring po nyid nas mthong nas dris pa/ shes ldan dag

  35. 231b

    'di ci zhig yin/ bud med 'di bdag cag rnams kyi ded dpon m+bu'i skyed mos tshal du dus byas pa mthong lags te/ skyed mos tshal du der yang bdag cag rnams kyis bltas na/ gzhon nu gser mdog ma gtogs pa su yang ma mthong nas 'di nyid la bdag gis gzhon nu bud med 'di su zhig gis bsad ces dris nas/ shes dag ngas kyang mi shes te kho bos kyang 'di kho na bzhin mthong ngo // zhes gleng na/ de na 'di gtso bo khyed rnams nyid kyis rnam par spyod cig/ blon po rab gtum gyis smras pa/ khyed rnams 'dir yud tsam zhig sdod cig dang / ngas rgyal po la zhu bar bya'o zhes smras nas/ des rgyal po ma skyes dgra'i po brang du song ste/ sgo srungs kyi skyes bu la dris pa kyi skyes bu lha ci zhig mdzad/ des sbas pa/ steng gi khang bzangs kyis bzhin skyes pa med par bud med kyi rol mos rtse bar mdzad dga' mgur spyod par mdzad do// des skabs rnyed pas sgo dpon ma chen mo zhig la smras pa/ song la lha la blon po rnams kyi zhu ba 'di skad zhus shig/ ded dpon nyi ba'i bu'i skyed mos tshal du bu mo ka shi mdzes dga' mo dbum la/ de yang g.yar gyi 'tshe bar mi bgyid na 'di la bdag cag na/ ji ltar bsgrub par bgyi/ de song te rgyal po la zhus pa/ rgyal po dga' ba'i rol mo de la shin tu chags nas smras pa song la blon po la khyed rnams nyid kyis legs

  36. 232a

    par spyod cig ces smras so// de'i byung ste blon po rab gtum lhas 'di bka' stsal to// zhes smras so// de nas blon po rab gtum zhal che'i gnas su 'ongs nas rgyal po'i skyes bu rnams la smras pa/ shes ldan dag khyed song la bsod ma pa rnams sbron cig/ de rnams kyis kyang sbran pa dang / blon po rab gtum gyis bsod ma pa rnams la smras pa/ gzhon nu 'dis bu mo ka shi mdzes dga' mo 'di bsad kyis khyed rnams song la ngan par spyod 'ang rgyab lag dam por chings la/ sgra rtsub pa'i rnga rdungs la lam po che dang / tshong 'dus dang bzhi mdo dang / sum mdo rnams su bsgrags pa'i sgor bsgrags la grong khyer gyi lho phyogs kyi sgor phyung ste/ du khrod chen por khyer la gsal shing la skyon cig/ shi ba dang bu mo ko shi mdzes dga' mo dang / lhan cig ro bsregs pa'i gnas gcig la zhol sregs shig/ de nas bsod ma rnams kyis gzhon nu gser mdog shin tu gzugs bzang ba/ gser brtse ba'i ra'i rtse mo ltas te/ kun tu yi mug par gyur nas phan tshun smras ga shes ldan dag ji ltar yu bu nas bsod pa ma yin yang skyes bu mthong bar rga ba khyad par can 'di lta bu ji ltar bsang bar bya/ rnam pa thams cad du yu bu cag nyid rang gi srog stor ba ni bla'i 'di lta bu bsad par mi bya'o// blon po rab gtum gyis phan tshun cig la gcig la smra bar byed pa mthong ba dang / de rnams la smras pa/

  37. 232b

    shes ldan dag ji ste 'dug/ 'di myur du khyer/ de rnams kyis thal mo sbyar te/ gsol ba btab pa bdag po bzod par mdzod cig/ ji ltar bdag bsod ma pa/ rnams lags kyang 'di lta bu'i skyes bu khyad par can skye bo mang po'i yid du 'ong ba bsod par ni rngo mi thog go// blon po rab gtum shin 'khrugs nas gal te khyod rnams kyis 'di ma bsad na/ deng khyed rnams nye du dang nang mi dang gnyen bdun dang bcas pa rnams kyi srog med par bya'o zhes smras pa dang / de rnams skrag nas phan tshun smras pa/ shes ldan dag blon po 'di'i rtsom pa ni rigs pa dang mi ldan pa gang 'di gzhon nu gser mdog 'di ltar mthong bar dga' ba/ skyes bu khyad par can yongasu spong bar brtson na de yu bu can rnams kyi bu dang chung ma dang gnyen bdun dang bcas pa bsod par lta ji ste mi byed de/ 'di lta bu shin tu nyam nga bar zhugs nas/ 'di la ji ltar bsgrub par bya'o// yang de rnams 'chi bas 'jigs skrag pas blo skyes pa/ gzhon nu 'di skye bo mang po'i yid du 'ong ba yin pas/ 'di re shig lam po cher bkyil gyis skye bo mang po'i tshogs gang yin pa 'di thar par byed pa'i gnas ni yod de/ 'di bsod pa la gtang snyoms su 'jog su zhig nus snyam nas/ de rnams de'i gam du song nas 'di'i rgyab lag bcing ngo snyam nas de'i gzugs phun sum tshogs pa rgya chen po rnam par mdzes pa mthong ba dang / reg par ma nus so//

  38. 233a

    de nas yan lag dang nying lag 'dar zhing 'chi ma 'dzag pa/ skar 'dzer bzhin smre sngags 'don par bcom pa/ kyi hud 'di lta bun sdig pa'i las byed du bcug pa/ bdag cag ni shi na sdug bsngal te/ su zhig gis 'di lta bu'i bya ba ma yin pa la spar bar gyur/ de nas blon po rab gtum gyis shin brtsub pa dang bcas pa'i lung yang bsgo ba khyer rnams ci la 'gror/ de nas de rnams bsgrags cing kun tu bred par gyur pas de rnams mchi mas mig khengs shing 'dar bzhin tu bzung ste/ gser mdog can gyi gos ser po de nyid kyis rgyab lag du bcings so// rgyal lag tu bcings pa de mthong ba dang / blon po rab gtum ma gtogs par zhal che'i gnas su tshogs pa'i skye bo'i tshogs de dag thams cad de dang bral ba'i gdung bas sems kyi rgyud zhu bar gyur nas/ 'chi ma klog par gyur te/ kyi hud da ni mthong bar dka' ba'i gzhon nu 'di lta bu med par 'gyur ro zhes smras so// de nas bsod ma de rnams kyis de lam po tshar btegs pa dang / de nas bar skabs de ca tse'i sgra byung ba dang / ca co'i sgra de thos pas rgyal po khab na gnas pa dang / phyogs sna tshogs pa nas lhag pa'i skye ba dang bud med dang / khye'u dang bu mo dang skye bo'i tshogs 'dus par gyur pa dang / gzhon nu gser mdog rgyab lag tu bcangs pa dam pos bcings pa la bltas te/ thams cad skyo ba'i

  39. 233b

    yid kyis gtags bag dang bcas par dri ba rtsom pa/ shes ldan dag ni ci zhig yin/ de nas bsod ma pa de dag rnams mchi ma shin tu mdzag cing skad 'dzer bzhin du sme zhing smras pa/ gzhon nu 'dis bu mo ka shi mdzes dga' mo bsad do// zhes grags nas bsad pa'i phyir yongasu spangs nas lam po che dang tshong 'dus dang / bzhi mdo dang sum mod rnamasu bsgrags pa'i sgor bsgrags nas 'di du khrod chen po khyer te ring po mi thogs par bsod pa ma yin no// de thos pa dang skye bo'i tshogs chen po de dang bral ba'i sdug bsngal gyis gdungs pas sgra gcig tu gsad 'thon por tshe des 'debs pa la zhugs te/ kyi hud kyi hud ji ltar na gzhon nu 'di'i gang gzugs bzang ba blta na sdug pa mdzes pa/ yan lag dang nying lag thams cad mdzes pa ldan pa/ gser gtsem lta bu'i rgyas pa dang ldan pa/ skye bo thams cad kyi mig dang yid 'phrog pa la mkhas pa dul ba nges pa zin pa/ snying rje can bdag nyid che ba/ chos 'dod pa/ skye dag rnams la gnyen shin pa/ bsod na ci ste dam pa rnams nub par gyur tam/ ci'i phyir chos nub par gyur tam/ ci'i phyir chos ma yin pa'i sa 'byor par gyur cing rgyal srid kyi dbang phyug la gnas par gyur tam// dkye hud sdug bsngal lo// 'di'i gzugs dang mdog mdangs dang // phun tshegs rgyan gyi mchog rnams ni// mthong zhing mthong zhing bdag cag rnams// sngon chad mchog tu

  40. 234a

    / dga' bar gyur// da ltar de nyid bsod ma pa'i// skyes bus zin pa mthong bas na// mya ngan drag pos zil mnan pas// bdag cag snying ni/ gas snyam byed// yid dang mig ni 'phrog byed cing // skye bo mang po yid 'ong gang // de la ci'i phyir rgyal po yi// chad pa dag na 'bebs par 'gyur// rtag tu bltas pas gyur kyang ni// lus can ngoms par mi 'gyur ba// snying rje spangs pa'i blon po yis// gsod pa'i phyir ni ji phyir spong // gang zhig thub pa lta bu yi// kun sbed dul bar ldan grags pa// de'i nyes pa 'di 'dra ba// 'byung bar 'gyur ba ga la srid// 'di lta yon tan can 'di dang // 'bral ba 'di na nyer gnas pa// kye ma chos mini me la rtse byed// chos ni shi 'am gnyid log gyur// de la bud med rnams shin tu dga' ba yin pas/ der bud med la la ni de dang bral ba'i sdug bsngal gyis gdungs pas sa la 'gre ldog par byed do// la la ni brang rdung ngo // la la ni dran pa stor bar gyur te/ de re re zhing bu gcig pa dang bral ba lta bu'i sdug bsngal nyam su myong bar gyur te/ bdag nyid chen po de ni skye bo mang po'i yid du 'ong ba yin pas/ rgyal po'i khab kyi grong khyer na gnas pa'i skye bo'i tshogs mang po de dang bral ba'i sdug bsngal gyis gdungs pa'i tshe nges 'debs pa la zhugs pa'i phyir rgyal po'i khab kyi grong khyer shin tu 'khrugs par shes shing / de dang bral ba'i sdug bsngal gyis gdungs pas

  41. 234b

    g.yos par gyur to// ded dpon nyi ma'i khyim nas/ bu mo gcig lam po che der song ba dang / des ji ltar gyur pa 'di thos pa dang / de brang rdung smre sngags 'don te/ rings pa ring par khyim du song nas/ de nas gzhon nu gser mdog gi ma gang na ba der song ste phyin pa dang / de'i mdun du bdag nyid 'gyel to// de nas gzhon nu gser mang gi mas rtags bag gis dris pa/ bu me ci zhig yin smros shig/ de gsang mthon pos tshe nges 'debs shing / rje'i sras gzhon nu gser mdog gis skyed mos tshal du bu mo ka shi mdzes dga' mo bsad ces grag ge zhes nas ma rtags par rgyab lag bcings nas gsod pa'i phyir yongasu spangs te gsod ma rnams kyis yongs su bskor nas lam po che dang tshong 'dus dang / bzhi mdo dang sum mdo rnams su bsgrags pa'i sgrar bsgrags te/ du khrod chen por khyer nas 'di yun ring po mi thogs par bsod par byed do// de thos pa dang / gzhon nu gser mdog gi ma mya ngan drag pos non te/ brgyal nas sa la 'gyel to// de nas pa'i chu gtor bas slar dbugs byung ste bslang ba dang / kyi hud bu kyi hud bu zhes cho nges 'debs la skra 'bal zhing brang rdung ste 'dar bzhin du yang dang yang du dran pa gtor bar gyur pa/ dang / grong khyer nas byung ste lam cher zhugs pa dang / de bu dang bral ba'i sdug bsngal gyis gdungs pas yid rmongs pa dang / smre sngags 'don cing re re nas

  42. 235a

    dris pa/ lam gang nas gzhon nu gser mdog khyer bar gyur/ kyi hud bu kyi hud ma mthong gis skyobs shig skyobs shog/ bu sdug nga ston cig/ ces zer zhing du bzhin du lam po che'i dbus su chas pa dang / ji lta ji ltar ded dpon gyi chung mas/ gzhon nu gser mdog ma mthong ba de lta de ltar sdug bsngal mi zad pa'i sdug bsngal gyis gdungs te tshe des 'debs shing re re'i rkang pa la gtugs nas thal mo sbar te gsol ba 'debs pa/ bdag gi skyabs mdzod cig/ bdag gi skyabs mdzod cig ji srid du gzhon nu lam 'di nas 'da' bar ma gyur gyi bar du myur du skabs dbye bar mdzod cig/ lam 'di las bdag gi gser mdog khyer ba de ji ltar mthong bar 'gyur ba de lta bu'i drin gyis bdag la skyobs mdzod cig skyab du gsol/ de yang de na go skabs du ma phye bas/ da kyi hung bu rnyed par ma gyur ces zer zhing / lus thams cad bdag nyid kyis sa la brdabs te/ de nas chu las bton pa'i nya bzhin du sa la 'dre ldog pa dang bya khrung khrung phru gu stor ba ltar snying rje rje skad du ba dang // ba be'u gtor ba ltar 'ba' sgra 'don bzhin smre sngags 'don te/ kyi hud bu sdug cing yid du 'ong ba/ kyi hud bzod pa/ kyi hud rjes su 'thun pa/ kyi hud yid la re ba brgyas thob kha kyi hud gzugs bzang ba/ blta na sdug pa mdzes pa/ kyi hud yan lag dang nying lag thams cad mdzes pa dang ldan pa/ kyi hud gser gtso ma'i kha dog

  43. 235b

    lta bus shin tu rgyas pa dang ldan pa/ kyi hud skye bo thams cad kyi mig dang yid 'phrog pa/ kyi hud skye bo thams cad kyi mig yid 'phrog pa/ kyi hud skye bo thams kyi yid du 'ong ba/ kyi hud mig kun dga' bar byed pa/ kyi hud mkhas pa dul ba rnams par byang ba/ yid du 'ong ba tshig smra ba/ kyi hud snying rje can/ cho 'dod pa/ sems can la mnyos bzhin pa/ kyi hud pa'i rigs kyi/ snang ba byed/ kyi hu nga'i rigs kyi sgron ma/ kyi hud nga'i snying du sdug pa/ kyi hud nga'i snying gi thams cad pa/ kyi hud gces pa rnams pa sdus pa/ kyi hud nga'i mig gi bdud rtsi/ kyi hud nga'i sdug pa'i 'ching ba/ kyi hud/ nga'i rigs kyi thams cad pa/ kye hud ji ltar na ma brtags par mgon med par mgon med par gsad phyir khyer bar gyur ces smras so// slar thal mo sbyar te grong khyer pa rnams la gsol ba 'debs shing yid du 'ong bar smras pa/ kyi hud dga' bral bcom bdag/ nga ni dge ji ltar gnas/ 'di ni rmis pa 'am yang na smros/ 'on te sems ni 'khrul 'gyur tam/ rke ma'i bu'i mya ngan ni/ drag pos gsol ba 'debs ma dul ba 'am gzugs ngan la/ bdag gi yid 'od ma yin pas/ bdag gi bu ni khyer na/ khyed rnams gtang snyoms byed la reg/ yo tan gyi phyogs byed pa 'am/ gal te brtse ba yod ce na/ ji ltar

  44. 236a

    ngas ni ma mthong ba/ de ltar grong khyer pa rnams mdzod/ deng bdag ni tsan dan sogs/ byug pa rnams kyis ma byugs shing / 'gi wang theg les yan lag la/ mang du brgyan pa ma byas so// gdub bu la sogs brgyan rnams kyis/ bdag gis deng de ma brgyan cing / phebs pas yongs su ma 'khyud la/ 'o yang mang du ma byas so// nga la bskor ba ma byas shing / 'di yis phyag kyang ma byas na/ tsham tshom med par 'di lta bur/ nga'i bu ni khyer bar byed// deng bdag phyogs kun stong pa ste/ bdag gis lus ni 'dar ba dang / snying yang shin tu bsreg pa dang / yid ni kun tu rmongs par 'gyur/ brtse ba med pa'i bsod par ma byas/ rings pa rings par khyer gyur par/ snying du sdug pa'i bu 'di ni/ kyi hud kyi hud slar mi mthong / bu'i mya ngan 'di 'dra bas/ rtsa bzhin snying ni bsregs gyur pas/ bdag gis sdig pa/ mi bzad pa/ skye ba gzhan du byas par nges/ bden pa gang gis bdag gi sems/ sdig chen dgra la'ang ma bskyed pa'i/ bden pa des ni bdag gi bu/ 'gongs pa 'di las thar shog/ ces smras so// ded dpon nyi ma yang rgya mtsho chen po las gru legs par grub nas rgyal po'i khab kyi grong khyer du phyin/ de rgyal po'i khyer du phyin pa na bkra mi shis pa'i ltas mthong ste/ de'i snying mdar ba dang / yan lag rdul ba dang / mig 'gul

  45. 236b

    ba dang / bya rnams de'i mdun du sgra grag po sgrogs par rtsom par gyur pa dang / de ltas la mkhas shing / bya skad la mkhas pa sems pa la zhugs pa 'gyur te/ 'di lta bu'i ltas ngan pa kun tu mthong ba las na/ gzhon du gser mdog deng nges par sdug bsngal chen pos kyang gnas par yang nges la de yang mtshan ma 'di dag ni/ dang bral bar ston pa yin no// yang smras pa/ ji ltar bdag mag 'gul ba dang / ji ltar bya rnams sgra ba sgrogs las/ nga ni nges par bu dang deng / bral bar nye bar gnas pa yin/ ji ltar yan lag rdul ba dang / nga'i snying ni mngar ba las nges par bu dang dang bral ste/ mi bzad pa ni nye bar gnas/ de 'di ltar sdug bsngal rgya stong sems shes lus dang yin lag la rdul 'dar bas goms pa 'dor mi nus bzhin du nyam thag pas rgyal po'i khab du zhugs pa dang / ji srid cig na skye bo'i tshog mang po da ro 'don pa'i sgra thos// de sngags kyi de'i rjes su 'brangs nas lam po cher zhugs pa dang / ji srid cig skye bo'i tshogs mang po sprin pos brtses pa bzhin du grong khye na sdug bsngal gyis gdungs shing da ro 'don pa mthong nas/ des mdun nam 'ong ba'i skyes bu gzhan zhig la dris pa/ kye nang rje 'di ci zhig yin/ des kyang 'di ni deng dpon nyi ma zhes bya ba'i gzhon nu gser mdog ces bya ba gzugs phun sum tshogs pa yon tan phun sum tshogs pa dang ldan pa zhig yod pa de skyed mos tshal du bu mo ka shi

  46. 237a

    mdzes dga' mo bsad ces grag go zhes nas/ ma rtags par bsad par phyir yongs su spangs te/ lam po che dang / tshong 'dus dang / bzhi mdo dang / sum mdor bsgrags nas ring po mi thogs par du khyer te bsod par 'gyur ro// de tho pa dang / ded dpon nyi ma bu dang bral ba'i sdug bsngal gyis gdungs pas 'phral du brgyal te sa la 'gyel to// de nas ma gtor bar dbug byung ba dang / mchi ma'i chu rlabs kyi gdong gi pad ma khebs bzhin du kun tu 'khor la de lta bzhin du/ kyi hud lam gang nas gzhon nu gser mdog khyer bar gyur ces zer zhing lam po che'i dbus su rIdris par song ba dang / ji srid gcig na chung ma skra grol ba/ lag gnyis kyis brang rdung ba/ nyam thag pa'i nga ro dang / de dang de'i smre sngags 'don/ bu dang bral ba las byung ba'i sdug bsngal mi bzad ba rtsub pa/ tsha ba yid du mi 'ong ba'i tshor ba nyams su myong ba mthong nas/ de yang drag cing nyams thag pa skad 'dzer zhing bu rnams bzhin du mchi mas mig khengs pa dang de'i gan du song ngo // chung mas de mthong ba dang / nyis gyur pas lhag pa'i sdug bsngal gyi zug rngus gzir te/ mchi ma'i chu rlab kyi/ bzhin gyi pad ma khengs nas/ rtabs bag tu rings pa rings par langs te/ de'i mdun du bdag nyid 'gyel bar gyur to// de nas ded dpon nyi mas nyam thag gi

  47. 237b

    / ros sme zhing mkhyud nas bslangs pa dang / de de'i rkang pa gnyis la gtugs te smras pa/ ded dpon nyi ma skyabs mdzod cig/ skyabs mdzod cig/ ngal bu'i slongs mo skul cig/ yang smras pa// skal pa ngan cing dga' bral ba// da ltar dbus dbyung du gsol// bu dang bral bar gyur pa yi// sdug bsngal drag pos rnam bar du// gang zhing skyes tshe bdag po khyed// mchog tu dges par gyur pa yi// yid du 'ong ba'i bu de nyid// deng ni bsod phyir khyer bar gyur// dul zhing nges la mkhas pa dang // bstan bcos kun la mkhas gyur cing // gang zhugs gzugs ni mnyam med pa// mkhas par gyur pa'i bu khyer ro// khyed kyi rigs rgyud chad gyur// cing // rigs kyi mtshams spor 'jig pa dang // dpal ldan rigs ni gsal byed pa'i// khyed kyi sgron me med pa gyur// 'di ni snying gi thams cad de// 'di ni dga' ba'i 'chi ma yin/ mi rnams mig gi gdung rtsi 'di// gshed ma rnams kyis khyer bar gyur// 'di dag thams cad btsongs pa dang // mag ni 'di dag 'gag pa ste// bu zhes btags pa'i snying gang yin// 'di ni brton te khyer bar gyur/ bu 'di rab tu thur pa'i phyir// 'bad pa de ni myur du mdzod// nor ni thams cad byin nas su// bdag dang bu ni thar par mdzod// khyod kyi legs rtogs 'byor pa dang / khyed yid bsams pa grub nas ni// 'di ltar yang ni 'tshe ba yi khyed kyi bu ni lta bar

  48. 238a

    bgyi/ de nas ded dpon nyi ma bu dang bral ba'i sdug bsngal gyis yid gdungs par gyur kyang gtan pas sran tshungs pa'i sems dang / thal mo sbar te grong khyer pa rnams la smras pa/ ci ltar rangs la 'di lta ba'i sdug bsngal nye bar gnas pa lta bu khyed rnams btang snyoms su byed pa rigs pa ma yin no// ci'i phyir 'brog stong pa bzhin du grong khyer bus su ma brtags par rnams kyi mthong bzhin du nga'i gzhon nu yon tan gsal ba ston pa lta bu bsod pa'i phyir khyer na/ ci'i sems las chud pas gnas// ci'i phyir nye bar sbyar ba'i thabs mi sems/ ci'i phyir gzhon nu thar pa'i don du brtson mi byed/ de rnams kyis smras pa/ deng dpon 'di lta bu'i gzhon nu yon tan dang ldan pa 'di ni/ khyed gcig pu la 'di ltar sdug bsngal bar ma zad kyi gzhan du na bdag cag thams cad kyang sdug bsngal mad kyi/ 'on kyang gzhon nu thar par bya ba'i thabs ma mthong nas gang 'di lta bu'i mug pas gnas pa yin no// ded dben nyi mas smras pa shes ldan dag khyed rnams kyi yongs su shes pa nyid de/ gzhon nu 'di ji ltar shin tu snying rje dang ldan/ bdag nyid tshe ba/ chos 'dod pa/ sems can thams cad mnyes bzhin pa yin te/ 'dis 'di lta bu'i bya ba ma yin pa la 'jug sems kyi kyang mi nus na/ kun tu spyod par byed pa lta smos kyang ci ci dgos/ de bas gzhon nu de slar spang ba'i don

  49. 238b

    la 'bad pas rtson gyis shig/ gal te gzhon nu legs par dpyad na nges pa sdug bsngal 'di las thar pa 'gyur ro// khyed kyang dam pa skye bo thams cad na yon tan la rjes su dga' ba nyid ston par 'gyur gyis/ de bas na gang snying rje'i sems nye bar 'jog pa song / rgyal po la zhus shig/ gal te don la sred pas shin tu rigs pa dang ldan pa'i khyed rnams kyi tshig kyang gzhan du mi 'gyur ro// bdag kyang bu dang bral bas shin tu gdungs gyis/ bdag gi nor 'di thams cad kyang phul la/ r+ya las thun mong du gyur pa yin pas/ khyed rnams kyis gsol ba la nyes pa ni gang yang ma mthong ste/ gzhan du na bdag la brtse ba kho nar snang ba dang / dam pa nyid kyis ji ltar gzhon nu legs par dpyad pa de ltar mdzod cig/ ded dpon de ni kun gyis shes pa dang / mdza' bor byas pa yod pas de rnams kyis de'i tshig dang // gzhon nu yon tan dga' bas khas blangs so// de nas grong khyer pa de rnams kyis tha snyad la shin tu byang ba'i grong khyer ba zhig rgyal po'i pho brang du btang te bsgo ba/ gal te deng gzhon nu shin legs par dpyad par mdzad na bdag cag rnams kyis kyang rgyal po la gser srang 'bum 'bul lo// de nas tha snyad la byang ba'i grong khyer pa de zhal che'i gnas su song ba dang blon po rab gtum 'ong ba ring po nas mthong ste smras pa/ shes ldan khyed 'dir 'ongs dgos pa ci zhig yod/ des smras pa/

  50. 239a

    / rgyal po'i khab na gnas pa'i grong pa rnams 'di skad du zhu ba gsol te/ gzhon nu gser mdog 'di ni shin tu gzugs phun sum tshogs pa rgya chen po dang ldan pas/ skye bo mang po'i yid du 'ong ba lags pa las de dang bral na/ rgyal po'i khab na gnas pa'i skye bo'i shas cher sdug bsngal bar gyur pa dang / 'di ni rtag tu chos la mngon par dga' ba'i phyir dang / dul ba'i las la sogs pa'i yon tan dang ldan pas/ sdig pa'i nyes pa gang la yang mngon par dga' ba ma lags te/ da bdag cag rnams gser srang 'bum 'bul la/ ded dpon nyi ma'i nor thams cad kyang 'bul bar bdag gsol gyis gzhon nu gser mdog slar bzlog pa la shin tu legs par dpyad nas sbar du gsol/ de ltar mdzad ni bdag cag rnams kyis gsol pa yang 'bras bu dang bcas par 'gyur la rgyal po'i bang mdzod kyang 'phel bar 'gyur ro// blon po rab gtum gyis thos nas khros te smras pa/ shes ldan 'di ji zhig ma brtags pa yod nas/ gang la slar dbud par bya rgyal po'i bang mdzod rgyas par 'gyur ro zhes gang zhig smra na/ de yang ci ded kyi rigs dang / mi ldan par spags pa'i nor gyis rgyal po'i bang mdzod 'phel/ bar bya ba 'am/ khyed rnams kyis rgyal po'i dgongs pa yang mi shes te gang 'di ltar thams cad 'di lta bus rnam pa thams cad du yangs pa can gyis grong khyer gyi mi

  51. 239b

    rnams kyis/ thabs kyi sbyong bas nges par rgyal po la gnod pa chen po byed pa 'dod pa yin te/ 'di ltar ma brtags par skye bo rnams rlog byed pas rgyal po ni mi rigs par byed pa nyid yin no zhes rgyal po'i grags pa ma yin/ pa bsgrogs par 'dod pa yin no zhes smras te/ des de tshar bcad do// tshar bcad nas/ gshin rje'i skyes bu dang bral ba'i shin tu yang drag po'i las can la rtag tu goms pa'i dbang gis rgyud snying rje med par byas brtse ba med pa bzhi bzhi yod de/ de rnams bos te smras pa/ myur bar song la bsod pa rnams bskul zhing nga'i tshig kyang 'di skad du grong khyer nas myur du thon la ji ltar bsgo ba'i las kyis sod cig khyed rnams kyis nga 'am rgyal po'i lung ma rtogs pa gzhan gzhan gang gi tshig kyang ma gtad shig de ltar byas na legs kyis/ gzhan du byas na ngas khyed rnams chad pa chen pos bcad par bya'o zhes smras shig/ des kyang bdag po de ltar bgyi'o zhes smras te/ rgyal po'i skyes bu de dag de'i tshig mnyan nas lag tu ral gri thogs te chas so// gsad ma pa de rnams kyang phyir shol gyi thabs brgya snyed byed/ ci dal bus gzhon nu gser mdog lam po che dang / tshong 'dus pa dang / bzhi mdo dang / sum mod rnams su sgrogs shing yongs su bskor te/ kye ma kyi hud gzhon nu 'di gtong bar su zhig byed par 'gyur/ bdag cag kyang 'di lta bu'i bya ba ma yin pa mi byed pa

  52. 240a

    su zhig sgrub par 'gyur zhes smra'o// rgyal po'i skyes bu de dag kyang ral gri phyung ba lag na thogs te/ der phyin nas/ de dag bsod/ pa de rnams la des ji ltar bsgo ba de yang smras so// 'di skad kyang smras te/ gal te 'di myur du grong khyer nas gton de ji ltar ba bzhin du mi bsad na nged kyis byed cag 'phral du gsad par bya'o// de rnams kyis shin tu yang gtugs nga ral gri phyung ba lhun thogs pa gshin rje'i skyes bu dang mtshungs pa de la bltas nas kun tu skrag par gyur to// de nas 'chi bas 'jigs sbags pas sems pa la zhags te/ kyi hud su gzhon nu'i skyabs ma byas pa ni sdug bsngal lo/ bdag cag rnams kyang 'di 'phral du bsod par 'gyur ro// snyam nas mchi mas khengs pa'i mig dang rgyal po'i skyes bu de rnams kyis srungs gzhin du gzhon nu gser mdog grong khyer las phyung bar brtsams pa dang / de grong khyer las 'byin par 'gyur ba la bltas nas srog chags brgya stong dpag tu med pas sgra cig tu gsang mthon pos des 'debs pa la zhugs te kyi hud ded dpon nyi ma thams cad dang bral bar gyur pa ni sdug bsngal lo// ded dpon nyi ma 'di pa'i rigs chad par gyur to// ded dpon nyi ma 'di'i rigs kyi sgron ma nub par gyur to// ded dpon nyi ma 'di'i rigs kyi kun tu dga' ba nub par gyur to//

  53. 240b

    ded dpon nyi ma 'di'i gtsug gi nor bu 'phrogs so// ded dpon nyi ma 'di'i mig 'gags par 'gyur ro// ded dpon nyi ma 'di'i rigs kyi rgyan phrogs par gyur to// ded dpon nyi ma 'di'i snying phyung ngo // ded dpon nyi ma 'di'i srog lus dang ldan bzhin du phrogs so// kyi hud 'di 'brog stong par 'khyam ba bzhin du yongs su bskor nas phyung ba la sus skyabs ma byas pa ni sdug bsngal lo// nga ni rgyal po'i khab kyi grong khyer mi rnams kyis zla ba 'di 'chi bdag gi sgra gcan gyis bzung ngo // rgyal po'i khab kyi grong khyer gyi nyi ma 'di nam mkha'i dkyil du nub po// rgyal po'i khab kyi grong khyer na gnas pa'i mig gi gdud ci 'di mthong ba'i lam na mi gnas par gyur to// rgyal po'i khab kyi grong khyer ba rnams kyi dga' ba'i rgyan 'di mi snang bar gyur to// rgyal po'i khab grong khyer gyi rgyan 'di 'phrogs par gyur to// rgyal po'i khab kyi grong khyer pa rnams kyi gtsug gi nor bu 'di phrogs par gyur to// rgyal po'i khab kyi grong khyer pa rnams kyi yid du 'ong ba phrogs te khyer na/ rgyal po'i khab kyi grong khyer na gnas pa'i mi rnams su zhig la mig mi 'dzums par lta bar byed/ da ni gang zhig mthong na yid dga' bar 'gyur zhes/ yid chad par gyur to// blon po rab gtum gyis skyes bu gzhan zhig slar log nas/ gzhon nu gser mdog rgyal po'i khab kyi grong khyer

  54. 241a

    nas phyung ngo zhes smras pa dang / de thos nas yid shin tu dga' bar gyur to// de nas grong khyer pa rnams kyis pho nya de thos nas re thag chad par gyur te/ de song nas grong khyer pa de rnams la rnam pa de dag rgya cher smras so// de thos pa dang / grong khyer ba rnams kyi reg thag chad cing shin tu yi mug/ pa phan tshun smras pa/ shes ldan dag rtsod pa'i rgyal po 'das pa chos kyi rgyal po de lta bu bsad nas/ da ni 'di lta bu'i yon tan mi shes pa/ e ma'o khyad par mi shes pa'o// blon po rnams kyang gang 'di lta bu'i gzugs phun sum tshogs pa rgya chen po dang ldan par 'os pa yin no// 'di lta bu'i yon tan dang ldan pa'i/ skyes bu khyad par can ci'i phyir ma brtags par gsod cing yongs su spong bar byed/ yang na 'di lta bu nye bar gnas pa yin te/ gang dam pa ma yin pa rnams ni 'phel bar 'gyur la yon tan 'di lta bu ldan pa'i skye bo dang bral bar 'gyur ba ni dus 'gri bas nyes pa'i bdag nyid 'byung ba yin no// ded dpon nyi ma la rnam pa 'di rgya cher smras pa dang / des thos nas ded dpon nyi ma re thag chad par gyur to// mya ngan drag po'i sdug bsngal gyis gdungs nas rgyal te sa la 'grel bar gyur to// de nas chu gtor bas dbugs slar byung ba dang / yi mug pa'i yid kyi kun tu dga' ba dang bral ba su zhig da ltar nga'i bu bsod par byed ces gsang 'thon pos ched

  55. 241b

    des 'debs pa la zhugs te/ kyi hud mig ni dga' byed pa'i/ nga yi rigs kyi rgyan gyur pa'i/ skal can gzhan pa na nga lta bu/ spos med par gsod byed/ nga yi yid ni rmongs pa dang / phyogs rnams de na 'khrul bar byed/ khyo bral bar mya ngan mes gdungs pas/ kye ma bdag yid chags par 'gyur/ kyi hud mkhas shing shin tu dul/ snying rje la ni dga' gyur pa/ bu khyod la ni sdug bsngal bdag/ mi bzang ji ltar 'ongs par gyur/ bu khyod skyes par gyur pa'i tshe/ dga' ba mnyam med ngas thob la/ bu bzangs khyod dang bral ba yis/ slar yang mya ngan mer lhung gyur/ brtse med khyed par mi shes pa'i/ e ma'o rgyal po 'am blon po dag/ gang zhig 'di 'dra'i khrims ldan pa/ bu khyed rnam par ma brtags so// e ma'o sa bdag de yis ni/ gang gis 'di ltar de ma brtags/ bu khyod yongs su spangs gyur pa/ rang gi rtse med gsal sgrogs yin/ khyad par du yang dam pa ngan/ sems ni nges par nus pa ste/ bu gang yon tan ldan pa dang / sme sa med par gsod par byed/ yon tan ldan dang mi 'dra ba/ gsod kyang gtang snyoms byed pa ni/ grong khyer gyi ni lha thams cad/ de dag bres par gyur tam ci/ dbang bcas 'jig rten skyong bcas dang / gang yang mthu chen ldan pa'i lha/ thugs brtse ba ni nyer bzungs ste/ de rnams bdag gi bu bsrungs shig/ brtul zhugs grub pa'i

  56. 242a

    bdag nyid che/ thub pa gang zhig da ltar bzhugs/ des ni thugs rtse sngon gzhag ste/ bdag gi bu ni bsrung du gsol/ yang de'i blo skyes ba/ ci phyir bdag blo zhum par byed/ gang bcom ldan 'das 'gro ba thams cad kyi gnyen cig po thugs rje dang ldan pa de rjes su dran par bya'o// bcom ldan 'das de/ yang mgon med pa rnams kyi mgon/ skyabs med pa rnams kyi skyabs/ skyeb pa med pa rnams kyi skyob pa/ dpung gnyen med pa rnams kyi dpung gnyen yin la// de bzhin du bcom ldan 'das des/ nyams thags par zhugs pa'i sems can mang po 'jigs pa chen po dang / de las thar par mdzad de/ yang tshong pa rgya mtsho dbus su chung pa/ chu srin nya'i 'jig pas skrag pa rnams la de'i rjes su dran pa tsam gyis 'jig pa chen po de las yongs su skyob par mdzad pa dang / de bzhin du/ song phreng gis drag cing gtum pas mtshon cha phyar te skyes bu du ma bsad la de'i ma srog dang bral bar 'dod pa las/ 'jigs pa de las skyob par mdzad pa dang / de bzhin du sngon gyi skye ba'i sha kho na dang / rjes su 'brel ba'i skyabs kyis srog chags brgya stong du ma gsod cing khro ba'i me shin du 'bar ba'i mi'i sha dang rkang la chags pas ldan pa ni/ lce las kha chu'i thigs pa 'dzag cing / mche ba ring zhing rno ba gartsigs pa shin tu 'jigs su rung ba'i gnod pa sbyin la zas kyi phyir de'i khab

  57. 242b

    / gan du phyag bzhag ste/ 'brog gnas las sems can 'chi ba'i 'jigs pa las yongs su skyob par mdzad pa yin pas na/ bcom ldan 'das de ni bdag gi bu yang nyam nga chen po 'di las yongasu thar mdzad par spyod kyis/ gang 'di bcom ldan 'das thugs rje chen po dang ldan pa/ mchog tu mnyes bzhin can de dag gi rjes su dran par bya'o// snyam nas gam na gnas pa'i dge snyen zhig la/ bcom ldan 'das da ltar gang na zhugs zhes dris pa dang / dge bsnyen de bcom ldan 'das rjes su dran nas/ mchi ma kun tu 'dzag pa skad 'dzer bzhin du smras pa/ ded dpon gang zhig 'jig rten ded dpon gyur/ gang zhig 'jig rten bde stsol ba/ 'jig rten kun gyi gnyen gcig po/ ston pa che de mya ngan 'das/ gang zhig sgron med rnams kyi sgron/ gang zhig skyabs dang dpung gnyen gyur/ rgyal ba snam bzad mar me bzhin// 'jig rten sgron ma mya ngan 'das/ de skad thos pa dang de dpon nyi ma bcom ldan 'das dang bral bas nyis 'gyur gyi mya ngan gyi zug rngu zug ste/ sa la 'gyel to// de nas chu gtor ba dang / dbugs slar rnyed de bslang ba dang / phyogs gang na bcom ldan 'das yongasu mya ngan las 'das pas phyogs der gang mthon pos tshe des 'deb ba la zhugs te/ kyi hud chos rgyal thams cad mkhyen/ nyes pa'i dgra tshogs 'dul mdzad pa/ mgon med 'gro ba spangs nas ni/ 'jig rten mgon po ri phyir

  58. 243a

    @#gshegs/ ni hud mdzad pa grags kyur gno// sems can kun gyi gnyen gcig pu/ sbyang ba kun la yang dag ldan/ mya ngan 'das/ lan ston pa po// kyi hud kye ma 'jig rten 'di/ ma rigs pas ni mig khebs pa/ mgon po khyod dang bral ba/ 'khor bar rnam par khyams par gyur/ dpa' bo gzhan la rjes brtse ba/ khyed ni mya ngan 'das gshegs pas/ 'jig rten 'di ni mgon med des/ mgon tu su zhig sten par gyur/ gang zhig khyed chos las byang ba'i/ gdul bya rgyal ba'i sras po rnams/ de kun khyod dang bral gyur na/ gnas ni gang zhig bgyid par 'gyur/ mang pos bsams pa 'brad bcas mdzad/ sdug bsngal nges par 'dul mdzad nas/ 'gro ba re thag gtso mdzad de/ thub khyod phyogs ni gong du bzhud/ gang phyir khyod gsung gnyan pa ni dga' bas grong khyer pa mchis na/ khyod ni da ltar mya ngan las 'das/ dam chosu zhig rjes su ston/ kyi hud snang med 'jig rten 'di/ mi 'am ci ltar bcwa 'jig rten/ mgon po shin du rnyed dga' ba'i thub pa khyod dang bral bas bcom/ srog chags chos la yid dga' ba/ bstan la dga' rnams mgon po khyod// mya ngan 'das pa thob gyur na/ de dag ji ltar bgyid par 'gyur/ thugs rje rang cig dpa' bo ni/ brtser ldan khyod la rten nas su/ gang zhig yon tan thong

  59. 243b

    gyur pa/ sla de su zhig ston par byed/ ji phyir 'jig rten gsum don du thugs rje chen po bskyed mdzad pa'i/ 'jig rten de nyid mkhyen rtser ldan/ ci phyir/ gtang snyoms mkhyen mdzad pa/ kyi hud yon tan rin chen rgyas/ bskal pa bya bar bsgrubs par ni/ 'chi bdag sa 'og gis zin te/ chos kyi gru ni bsgyel bar gyur kyi hud ma rig ldongs pa gang / blo dang sten pa po bral ba/ 'jig rten skyong ba mgon po rung / rab tu 'jig cing bar gyur/ kye ma 'jig rten che ba ni/ nyams pa nyid du nye gnas te/ sangs rgyas rin chen po dang / 'di ni da ltar bral bar gyur/ khyu mchog med pa'i ba glang bzhin/ khyed kyi dge slong tshogs rnams stong / mkhas pa rnams ni mthong na snying / ci'i phyir na gas ma gyur/ lha rnams dang pa yan lag gi/ mchog btud nas ni spyi bo la/ zhabs kyi rdul mchog bzhag gyur pa/ gang yang ni 'jog par 'gyur/ sems can kun la mnyam brnyes pas/ rtag tu gnod pa byed pa dag/ gang yin pa la'ang nga rung khyod/ phyogs lhang mdzad par ma mthong ngo // yan lag brgyad ldan sman gyis ni/ nyon mongs nad so mdzad pa po// ston pa thugs rje cher ldan pas/ sman pa'i rgyal po med par gyur/ kyi hud rtse med 'jig rten mgon/ mya ngan 'das pa ha cang sngas/ 'jig rten long bar bya la/ bla med mig ni tshol ba yin/ khyed ni mya ngan 'das na dang / sdig pa med pa'i rin chen bu/

  60. 244a

    @bsod pa'i don du spangs gyur na/ su zhig 'phral du thar par bgyid/ mgon med rnams ni skyob pa khyod/ bgrod pa mchog tu gshegs gyur pa/ kyi hud bu ni 'tsho ba yi/ re ba da ni ma mchis so// bdag nyid chen po// khyod kyis gang / sdug pa kun dang bral 'gyur zhes/ gsang gi dam pa dka' stsal te/ legs gsungs yin par ded 'tshal to// de de ltar rnam pa mang por smre sngags 'don cing / dge snyen de la smras pa/ kye bcom ldan 'das de'i nyan thos 'ga' zhig lus pa yod dam/ bcom ldan 'das kyis bstan pa gang la rjes su btad nas/ yongs su mya ngan 'da' bar mdzad/ de nas dge snyen des smras pa/ ded dpon bcom ldan 'das kyis gnas brtan 'od srung chen po la yongasu btang nas mya ngan 'das so// gnas brtan 'od srung chen pos kyang / bcom ldan 'das kyi bka' nyid kyis gnas brtan kun dga' bo la bstan pa rjes su gtang nas/ mya ngan las 'das so// zhes thos te/ da ltar na ni gnas brtan kun dga' bo bdag nyid che ba/ bstan pa gces par 'dzin pa yin te/ de de ltar de bzhin gshegs pa bzhin du/ snying rjes grong dang grong khyer dang / grong rdal dang tshong 'dus la sogs pa de dang der song nas gdul bya dang sems can rnams rjes 'dzin par byed do// de bzhin du sems can dge ba'i rtsa ba ma skyed pa rnams ni/

  61. 244b

    rtsa ba'i dge ba'i rtsa ba bskyed par byed do// dge ba'i rgyun yang dag par bsags pa rnams ni yongs su smin par byed do// dge ba'i rtsa ba'i rgyud yongs su smin pa rnams ni rnam par grol bar byed do// de bzhin du sman pa bzang po bzhin du nyon mongs pa'i nad kyis rnyan rnams ni chos bstan pa'i sman gyi sbyin pa'i gso byed do// nyi ma bzhin du nyon mongs pa'i mun par zhugs pa'i sems can rnams ni/ dam pa'i chos ston pa'i 'od zer gyi tshogs kyis nyon mongs pa'i mun pa sel bar byed do// zla ba bzhin du tshigs gi 'od zer gyi tshogs gdul bya'i ku mu ta'i tshal gyi kha byed do// 'khor los sgyur ba'i rgyal po bzhin du gdul bya'i khams kyi rgyal po stong phrag du ma'i chos ston pas 'dul bar byed do// seng ge ltar rang gi shes rab spobs pa'i sgras mu stegs ngan pa'i rigs kyi tshe gos 'byer bar byed do// lam ston pa ltar yang dag par ston pas gdul bya'i tshong pa rnams sgrol bar byed do// ded dpon ltar dam chos kyi tshe zod la 'jug par byed do// sprin chen po ltar dag pa'i rtsa ba'i sa bon skyed par byed do// pa dang ma ltar phan pa dang / gnod pa nye bar ston par byed cing / ma dul ba'i sems can rnams ni 'dul bar byed do// dbugs ma phyin pa/ rnams ni 'byin par byed do// yongs su dran ma 'das pa ni yongs su mya ngan las 'da' bar byed do// de bzhin du nyams thags pa chen pos nyen pa'i sems can

  62. 245a

    rnams ni/ 'jigs pa chen po las thar par byed do// mdor na bdag nyid chen po de ni sangs rgyas kyi bya ba byed do// de nyid rjes su dran bar gyis shig dang / des ni khyed bu nyam nga ba 'di las thar par byed par nus so// de thos pa dang / ded dpon nyi ma srog gtor ba las slar rnyed pa bzhin du shin tu ste/ brtags bag gis dris pa/ 'phags pa kun dga' bo de de ltar gang na bzhugs/ des smras pa/ ded dpon gnas brtan kun dga' bo ni/ da ltar yangs pa can gyi a bra skyob pa'i gnas na bzhugs so zhes thos so// de nas ded dpen nyi ma de nas langs te pus mo'i lha nga gnyis sa la gtsugs nas/ yangs pa can gang na ba der btud nas bu dang bral ba'i sdug bsngal gyis nyin cing / mchi ma'i chu rlabs kyis gdong gi pad ma khebs bzhin dang mchis mas kun tu khyab pa dang lta zhing bsams pa/ drag pos gnas brtan kun dga' bo la gsol ba 'debs pa la zhugs par gyur to// gal te khyod ni slob dpon mchog sems can bsam mkhyen mchog yin na/ bsam dang bag la nyal mkhyen pa/ gsol ba 'debs pa 'di gson cig/ sangs rgyas bcom ldan slob ma ni/ rdzu 'phrul che dang mya ngan 'das/ de'i bstan pa 'phel byed pa'i/ khyod ni dbugs 'byin 'gyur ba yin/ rtags tu sems can 'don mdzad pa//

  63. 245b

    de ltar dgongs pas zigs par mdzod/ mgon khyod ma lus srung ba ni/ 'di 'dra di ring bzhugs bzhin du/ spes med par bdag gi bu/ ci phyir 'di ltar bsod par byed/ gal te 'gro don mi mngara' na/ khyed 'dra ba ni bzhugs mi 'gyur/ 'gro ba dang ldan bsod bzhin du/ 'di la ji ltar btang snyoms mdzad/ brtul zhag bzang po 'dzin mdzad pa'i/ thugs rjes de mdzad nas ni/ bdag gi bu la dgongs su gsol/ las kyi skye kun bcom 'gyur zhing / skyabs med dpung gnyen med par ni/ mya ngan med pa nub pa bdag/ chung mar bcas pa bdag gdon gsol/ shAkya seng ges khyed nyid ni/ da ltar gtso bor bstan mdzad na/ 'gro la phan pa gzhan gang lags/ gzhan la gsol ba gtab/ gtso bo khyod ni ma gtogs par/ bu'i skyabasu gzhan ma mchis pas/ de bas ring du byon nas ni/ bu'i mya ngan bzod dga' bu ni skyabs da gsol/ rang bzhin ngan pa'i dgras zin pa'i/ chung mar babs pa dgra bra la la/ kun dga' sa de ni dga' ba skyed gsol// de nas bskabs der gnas brten kun dga' bo'i snying rjes gdungs bzhin du/ nyin lan gsum du nyan thos kyi mig gis 'jig rten la ltas te/ su ni 'gro bu ni 'phel/ su ni gnod par 'gyur/ su ni nyam nga bar gyur/ sdug bsngal bar gyur/ su ni ngan song la gzhol/ su ni ngan song gi lam las bla te mthe ri dang thar pa la bzhag

  64. 246a

    bar bya/ su ni 'dod pa'i 'dam du bying ba lags nas drang bar ga su ni 'phags pa'i nor dang bral ba la/ 'phags pa'i nor gyi dbang phyug gi bdag po la rab tu bzhag par bya/ zhes gnas rten kun dga' bos gnas brtan sha ri'i bu mnyam pa'i mig gis bltas nas/ gzhon nu gser mdog dge ba'i tshogs de nye bar bsags pa/ nyam thag pa chen pos nye bar gyur pa mthong ngo // mthong nas kyang yang de nyid na gnas bzhin du rdzu 'phrul gyis glang po che'i sna lta bu'i lag pa brkyang nas de'i mod kho na la/ rgyal po ma skyes dgra khang bzangs kyi steng gi bzhin shin tu bag med par gnas pa la/ saM gol gyi spras go bar byas nas sgrags par spras ba rgyal po gang gzhon nu gser mdog rang nyid kyis rnam par ma dpyang pa ni legs par byas pa ma yin no// de yang da ltar gnod pa med cing nyes ma byas bzhin du/ rgyal po'i khab nas phyung te du khrod chen por khyer nas gsod cing de las zlog shig de nas gnas brtan kun dga' bo'i tshogs de thos pa dang / rgyal po brtags bag du rings par gnas brtan dga' bo khang zangs kyi steng na 'dug pa la phyag byas te langs nas sgra chen por phyogs bzhir pos kyi kye nyon cig du khrod chen por rings par rings par song nas gzhon nu gser mdog gsod par byed pa la/ nga'i tshigs gis thar byed pa la ngas gser gyi za ma rtog chen po dang / yul gyi mchog lnga sbyin no// rgyal

  65. 246b

    po'i tshig de thos pa dang / gzhon nu de ni skye bo mang po'i yid du 'ong ba yin pas srog chags brgya stong du mas rings par brgyags par gyur to// de nas brer bskabs der gshed pa rnams rgyal po skyes bu de rnams kyis bsrungs pa nas/ gzhon nu gser mdog khyer te du khrod chen por phyin to// bu mo ka shi mdzes dga' mo yang rang gi nye du rnams kyis gos sngon po dang / ser po dang / dmar po dang / dkar pos brgyan pa byas khyogs la brdeg ste du khrod chen por khyer nas de'i nye du rnams kyis de phyogs gcig tu bzhag te/ shing bsdus nas ro sreg pa'i shing brtsig pa la zhugs par gyur to// gshed ma de rnams kyis smras pa/ khyed rnams kyis re shig nga'i ro ma rtsigs par ji tsam na ded kyis gzhon nu gser mdog gsal shing la skyon nas bsad du yud tsam zhig sdod cig/ de ci'i phyir zhe na/ gzhon na gser mdog 'di dang / bu mo ka shi mdzes dga' mau ro bsreg par bya'o zhes smras nas/ gsal shing sa la btsugs par bcom par gyur to// de nas gzhon nu gser mdog gsal shing sa la bltas ma rjes su dran te/ sdug bsngal drag pos rgyud zhu bar byas nas mchi ma klog pa la shugs par gyur te/ da ltar ma de dang bral par thos pa dang / gnas cing 'gyur zhig gu/ gang gi tshe thun dang po'i mtshan phyed la ma mthong nas/ yang shin tu gnod pa drag po myong na/ des deng bu

  66. 247a

    cig par bral na srog ji ltar 'dzin par 'gyur/ kyi hud lta bu skal ba ngan pa ste/ ngaskyes pas mang dang bral ba'i sdug bsngal nyams su myong bar gyur to// de nas gshed ma pa rnams kyis gsal shing de sa la btsugs te/ phan tshun smra bar com pa bzhin du/ bdag cig las su zhig gi gzhon nu gser mdog 'di gsal shing la smyon par bya/ der yang re re nas sgyu med bzhugs te/ khyed rnams kyis skyon cig nga ni deng mgo bo'i nad kyis shin tu gzir to// de bzhin du nga ni rgyab nas gzer ro// nga ni mtshan khung nas gzer ro zhes zer zhing de rnams gang yang bya ba ma yin pa de byed par spro ba ma gyur to// de nas gzhon nu gser mdog de rnams pa phan tshun smra ba thos gsal shing sa la gtsugs pa la bltas te/ kyi hud da ni nges par med par 'gyur ro// zhes 'khor ba'i nyes pa la skyo zhing thar pa'i lam mngon par 'dod pa'i bdag nyid dga' ba dang / bral bar shes nas/ mchog tu 'jigs ba'i mya ngan gyis g.yo mig lta zhing chod nges 'debs pa la zhugs te/ kyi hud sdug bsngal lo// da ni nga'i shin tu rnyed na don kyang bya ba ma byas pa nyid ni 'chi bar 'gyur ro// slar 'khor ba'i btson ra chen por gnas par 'gyur ro// yang 'khor ba'i 'brog stong par yongs su 'khyams par 'gyur ro//

  67. 247b

    yang tshang tshing chen por zhugs par 'gyur ro// yang 'khor ba'i g.yangs sa chen por rab tu ltung bar 'gyur ro// yang 'khor ba'i 'dam kyis nang du gnas par 'gyur ro// yang bdag ni yang song dang / thig nag dang / bsdus 'joms dang / ngu 'bod dang / ngu 'bod chen po dang / tsha ba dang rab tu che ba dang / mnar med pa la sogs pa'i dmyal ba rnams su skye bar 'gyur ro// slar yang bdag glang po che dang / ba lang dang / ma he dang / ri bong dang / shar ba dang / ri dgas ru ru dang / gnang dang / byi la ste sna tshogs pa'i skye gnas su skye bar 'gyur ro// slar yang nga rtag tu bkres pa dang skems pa la sogs pa'i sdug bsngal chen po dang / sdug bsngal ba dang / yid mi bde ba nyen pa rnams dang / bza' ba dang / btung ba'i sgra tsam yang mi shing bshad pa dang gcin dang / mchil ma dang / ngar snabs las sogs pa za zhing yid dgas lkog ma'i lba ba can du skyes par 'gyur ro// dper na u dum ba ra'i me tog ni brgya lam 'ga'ana'abyung ba ltar de bzhin gshegs pa dgra bcom pa yang dag par rdzogs pa'i sangs rgyas ni 'jig rten du brgyal lan 'ga' na 'byung bar 'gyur ro zhes thos te/ de bzhin gshegs pas grangs pa'i chos 'dul ba 'jig rten du ston pa mdzad pa yang 'byung bar dka' shes so// rnal 'byor ni rnyed par dka' 'o// mir skye ba/

  68. 248a

    ni rnyed par dka'o// 'phags pa'i yul du skye ba dang / dbang po tshang ba dang / glen pa ma yin pa/ 'on pa ma yin pa ma yin pa/ dang / lkugs pa ma yin pa dang / lag brdas mi smras pa dang / legs par bshad pa dang / nyes par bshad pa'i chos rnams kyi don bshad pa rnyed par dka'o// zhes thos la bdag kyang skyabs dang bral deng ni med par 'gyur to// mi khoms pa brgyad las thar pa'i mir skye ba nyid kyang da ni 'bras bu med par 'gyur na de la da ji zhig bya/ ci bcom ldan 'das thugs rje chen po dang ldan pa'i sangs rgyas bzhugs na ni gang zhig rjes su dran pas de gnas skab 'di lta bu mgon med pa/ skyabs med pa skyobs med pa dpung gnyen med pa/ snang ba med pa shin tu nyams thag pa'i sdug bsngal gyis nyen par gyur pa la thugs rje chen po'i dbang gis byon nas yongs su skyobs pa mdzad par 'gyur ba zhig na/ bcom ldan 'das de yang de'i skal ba ngan pa'i nyes pas myur bar yongs su mya ngan las 'das pas/ las 'das pas/ de la nga su zhig gnas skabs 'dir rjes su dran par byas su zhig gang la de bzhin gshegs pa'i bzhin du thugs rje chen pos byon nas yongs su skyob par byed par 'gyur zhes re thags chad de dpyod 'dar ba la zhugs pa dang / de la yang blo skyes pa gnas brtan kun dga' bo zhes bya ba bdag nyid chen

  69. 248b

    po bzhugs kyis de rjes su dran par byas te/ bdag nyid chen po de sems can thams cad la phan par sems pa la brtse gcig pa'i rgyud dang ldan pa/ bcom ldan 'das de dang gnas rten 'od srung chen pos brtan pa ma lus par rjes su btad pa yin te/ des da ltar sems can thams cad la phan par mdzad pa/ de ni rdzu 'phrul che ba/ mthu che ba yin par thos te/ gnas brtan kun dga' bos 'phongs pa 'di las bdag yongs su skye bas par sbed kyis de nyid rjes su dran par bya'o snyam du bsams nas/ mchi mas mig khengs shing 'khor ba'i 'jig pas skyo la mchog tu yid byang bar gyur pa'i bsams pa drag pos gnas brtan kun dga' bo spyan drang ba la zhugs so// 'khor ba'i 'jig pas skrag gyur pa/ dga' dang bral bar gnas ba bdag gnas brtan kun dga' la zhu na/ bdag la khyod gnas mdzad pa'i rigs/ kun mkhyen thugs rje'i bdag nyid can/ de ni mya ngan 'das gyur nas/ bdag nyid chen po 'od srung che/ 'gro ba'i don gyi khur gtad do// gnas brtan 'od srung chen po ni/ don byas mya ngan 'das nas ni/ 'gro ba'i don ni 'byong ba'i phyir/ khyod nyid la ni khur yang btad/ 'jig rten gnyen kyang rdzogs sangs rgyas/ 'gro bkun la phan tshun dang /

  70. 249a

    grags ldan 'od srung chen po yang / da ldan mya ngan 'das par gyur/ khyod ni mgon 'jigs pa rnams la mi 'jigs stsol/ ngal ba rnams kyi snyis dang / skyabs don gnyer ba rnams kyi skyabs/ ston pa'i bya ba khyed mdza pas/ khyod nyid 'jig rten gnyen gcig po/ sangs rgyas slob ma rnams kyi mchog/ khyod ni bstan pa ces 'dzin pa/ gal te sdug bsngal sa 'og las/ deng bdag gdon par ma mdzad na/ khyod las gzhan pa'i mgon po ni/ da ltar med pas bdag bcom lags/ bskyes nas nges par mchi bas na/ 'chi bas bdag skrag ma lags kyi/ ji ltar 'khor ba'i brtson ra las/ 'byin par byed pa khyed kyi mkhyen pa/ de bzhin mi khom brgyad spangs pa'i/ ngal ba thob pa rnyed dka' la/ don ma byas par 'chir 'gyur bas/ des bdag shes cher sdug bsngal lo// sangs rgyas thams cad gzigs pa ni 'byung ba nges par rnyed dga' bas/ khyod gshegs nas ni ji ltar bdag/ 'bras med mi 'gyur de ltar mdzod/ khyod nyid thugs rjes mi g.yo ba/ srog chags ku la mnga' gyur pa/ thar pa'i lam ni mngon 'dod pa/ bdag la btang snyoms mdzad mi rigs/ gal te khyod ni gtso can te/ sems can kun gyi don brtson na/ shin tu nyams thags zhags

  71. 249b

    gyur pa/ bdag la gzigs par mdzad du gsol/ de ltar skyob pa med pa la/ lha'i spyan gyis gzigs nas ni/ khyod ni myur du gshegs nas su/ bdag la/ skyab par mdzad pa'i rigs/ de nas par bskabs der gnas brtan kun dga' bo bdag nyid che ba 'gro ba ma lus pa'i don yongs su mdzad par bya ba'i phyir nges par zhugs pa/ snying rje dang ldan pa des/ de bzhin du sems can mtha' yas pa'i dpyod pa la lta zhing phan par sems pa'i rgyu dang ldan pa'i mchog/ nyon mongs pa dang ldan lha'i mig gzhon na gser mdog gnas 'di lta bur 'dug mthong ba dang sems kyi 'jug pa snying rje la yang dag par skal nas lha'i snang bas sa'i dkyil 'khor rnams snang bar byas/ dgra bcom pa lnga brgyas yongs su bskor te/ 'phral rdzu 'phrul gyis nam mkha'i bzhi la 'phags te mtsham kyi sprin gyis g.yogs pa bzhin du nam mkha'i ngos kun tu dkang ste// sa'i dpal gyi tsho gas bzhin du/ dpal gyis lus 'bar gyur cing / du khrod du mngon bar bltas te/ yang dag par chas pa dang / rgyal po ma skyes dgras khang bzangs kyi steng na 'dug par/ gnas brtan kun dga' bo dge 'dun chen po dang lhan cig zla ba kham pa lta bur nye bar bskor te/ rdzu 'phrul gyi nam mkha' la 'phags nas 'jams kyi sngon bzhin du nam mkha'i ngos brgyan te/ du khrod che/

  72. 250a

    por mngon par phyogs nas 'gro ba mthong ba dang / yang de nyid 'di snyam du sems te/ gnas brtan kun dga' bo na nges par gzhon nu gser mdog gi phyir gshegs pa yin la/ de bzhud nas kyang ngo mtshar shin tu che ba'i chos ston par bzhed pa yin gyis de yang du khrod chen por 'gro bar bya'o// snyam mo// de nas de'i mdo la gnas brtan kun dga' bo 'khor dang bcas pa phyag byas te/ khang bzangs kyi steng nas rings pa rings par babs te/ srog chags brgya stong du mas yongs su bskor nas rkang nyid kyis du khrod chen por chas so// bar skabs der gshed ma pa rnams la rgyal po'i skyes bu de rnams kyis tshogs sbar te sdigs pa ci'i phyir 'di ltar phyi shol/ khyed myur du gzhon nu gser mdog gsal shing la sbyin par bya'o// zhes smras nas/ gsal shing la skyon par brtsams pa dang / gzhon nu gser mdog 'khor ba'i nyes pas yid byung ba'i sems dang / re thags chad par gyur pas chos nges 'debs pa la zhugs te/ kye hud 'phags pa kun dga' bos bdag yongs su spangs te gang la mkhyen par g.yol yang yong su ma skyabs pa ni sdug bsngal lo// de bar skabs der gnas brtan kun dga' bos bdag nyid nas 'ongs bzhin du skad shing du gsal bar phyogs thab

  73. 250b

    cad kun tu khyab par byas nas/ gzhon nu gser mdog la dbugs dbyung ba'i phyir smras pa/ bu ma 'jigs shin khyed lta bu'i gdul bya rnams kyi don du ngas/ sbrul dug can lta bu'i lus 'di bzungs pa yin gyis bu ma 'jigs shig/ ngas khyod deng nyid nyam nga 'di las yongs su thar bar bya'o// deng ngas sangs rgyas bcom ldan 'das kyi thugs la dgongs pa rdzogs par bya'o// deng nyid ngas gang bcom ldan 'das de bzhin gshegs pa dgra bcom pa yang dag par rdzog ba'i sangs rgyas mkhyen cing gzigs pa dang gnas brtan 'od srung chen pos bstan pa de la btad pa de yang 'bras bu yod par bya'o// deng ngas de bzhin gshegs pa'i nyan thos rnams kyi mchog gi bdag nyid chen po nye bar bstan par bya'o// deng khyed kyi yid la re ba yongs su rdzogs par bya'o// deng khyed kyi 'chi ba'i 'jigs pa 'di dang 'khor ba'i 'jigs pa gsal bar bya'o// deng khyod kyi khrod pa'i me gzhig par bya'o// deng khyod dang 'dod chags dang bral bas skyab par bya'o// deng khyod kyi dge ba'i sa bon bskyed par bya'o// deng khyod 'khor ba'i 'dam las gdon par bya'o// deng khyod sdug bsngal gyi rgya mtsho las bskal bar bya'o// deng khyod 'khor ba'i 'brog dgon pa'i thar dbyung bar bya'o// deng khyod kyi nyon mongs pa'i 'ching bar bya'o// deng khyed kyi

  74. 251a

    sgrib pa'i sgo glegs gcig par bya'i/ deng ngas ji ltar sngon gyi mtha' bya ba'i brgya stong dpag med par shin tu rnyed dka' ba/ nyon mong/ pa dang nye ba'i nyon mongs pa spangs pa'i dgra bcom pa nyid thob pa nyid de ltar ngas bya'o// deng ni nyon mongs bud shing kun/ ye shes me yis sreg par bya/ deng ni the tshom med pa'i blos/ rims dang bral ba nyid du 'gyur/ deng ni bu khyod mi thogs par/ yun ring bskyed pa'i skye ba'i shing / ye shes chen po rdo rje yis/ gcad ka shin tu gcod par 'gyur/ chags chu sreg pa'i dpa' klong can/ nga rgyal chu rlabs srid mtsho las/ brtson pa'i gzings las legs zhon te/ khyed/ ni tu rgal bar 'gyur/ skye ba'i lhun can dga' ba'i rtse// 'chi ba'i ri khrod dog pa ni/ ye shes rdo rje chen po yis/ sdug bsngal ri bo zhig par 'gyur/ bskal pa bye ba brgya stong du/ gang zhig khyod kyis ma thos nas/ de 'dri'i shin tu rnyed dka' yi/ gnas de deng ni thob par 'gyur/ de nas gnas brtan kun dga' bai las de dag thos pa dang / gzhon nu gser mdog srog btor ba las slar brnyed bzhin du dbugs phyin cing / shin tu dga' bas spu ldang ba dang / nam mkha'i ngos su shas ches lta bzhin du gnas brtan kun dga' bos la dga' bas bsdus pa'i yid rtsa cig tu gyur to// de nas rgyal po'i skyes bu de rnams

  75. 251b

    kyi gsod ma pa rnams la smras pa/ shes ldan dag dge slong nam mkha'i ngos rten cing 'ong ba 'di ni snying rje can yin pas 'di dag 'ongs nas gal te bar chod/ byed kyis myur du gzhon nu 'di gsal shing la skyon cig/ khyed rnams rgyal po'i khrims las 'das pas sdug bsngal chen po thob par gyur ta re/ de nas gshed ma de rnams bu dang / bu mo dang nye du srog dang bral bas 'jigs skrag nas/ gzhon nu gser mdog bteg ste/ gsal shing la gzugs par brtsams pa dang / gnas brtan kun dga' bos de'i mdo kho na la ji ltar gsal shing de'i steng zla ba'i dkyil 'khor dang 'dren du rdung ba/ lte ba yangs pa dang ldan pa pad ma chen po 'byung bar gyur pa/ zla ba de'i steng lte ba la gzhon nu gser mdog dkyil mo dkrung gis 'dag pa de ltar byin gyi brlabs so// pad ma de'i steng nas gzhon nu gsar mdog dkyil mo dkrung gi 'dug pa mthong ba dang / nam mkha' las lha bye ba brgya stong dpag tu med pas maco'i sgra bton te/ kye ma'o bstan pa'i bdag nyid che/ kun mkhyen gyi ni rmad byang ba/ de bzhin gshegs pa'i rnam 'phrul pa/ de bzhin nyan thos rnams byed/ 'di ni 'phags pa kun dga' bos/ bdag/ nyid 'tho rab ston cing / bde gshegs bzhin du byed pa ni/ yang dag shin tu rmad byung ste/ 'phongs pa'i mun kun sel ba'i/ rgyal ba nyi ma nu gyur kyang

  76. 252a

    kye ma gnas brtan kun dga' bo// dpal ldan nyi ma 'di shar ro// 'gro ba'i nam mkha'i dkyil 'khor du/ gnas brtan kun dga'i zla ba yin/ rang gi shes rab bdag nyid che/ 'od kyis dri ma med par byas/ bde gshegs sman pa dang bral bas/ 'gro ba mun pas khyab gyur la 'phags pa kun dga' sgron ma yis yon tan bsam gyis mi khyab kun/ sangs rgyas rin chen nub gyur kyang / dpal ldan 'gro pa'i gtsug nor bu/ 'phags pa kun dga' yang dag 'phags pa/ de nas gnas brtan kun dga' bo ston ka'i zla ba'i dkyil 'khor dri ma med pa bas lhag ba'i 'od dang ldan pa mtshams kyi sman gyis bskor ba'i nyi ma lta bu sa'i dpal ma lus pa bzhin dpal gyis lus 'bar bar gyur pa rang gi gzi brjid kyis ma'i 'od zil gyis mnan pa dgra bcom pa lnga brgyas yongs su bskor ba der phyin pa dang / nam mkha'i ngos nyid na gnas bzhin du/ gzhon nu gser mdog/ la gsungs pa/ 'jig rten du ni lan 'ga' zhig/ mig ldan yun gyi mthar byin pa/ lha dang mi'i ston pa po// de bzhin gshegs pa 'byung bar 'gyur/ sdug bsngal thams cad rnam par sel ba yi/ chos gang rab tu ston pa dang / sdug bsngal sdug bsngal kun 'byung dang / sdug bsngal yang

  77. 252b

    dag 'das pa dang // 'phags pa'i lam ni yan lag brgyad// ni ba mya ngan 'das 'gro ba// chos 'di ston par mdzad pas na// sdug bsngal thams cad/ sel byed pa'i// shes pas mi shes bcom nas ni// slar ni 'byung bar mi 'gyur ro// de nas tshig 'di thos pa'i rjes thogs nyid la gzhon nu gser mdog 'jigs tshogs la lta ba'i ri bo mthon po nyi sha ye shes kyi rdo rje bcom nas/ rgyun tu zhugs pa'i 'bras bu mngon sum du byas so// de nas gzhon nu gser mdog chod pa rnyed pa lta bu 'am/ zhing pa lo legs pa lta bu 'am/ dpa' bo g.yul las rgyal ba lta bu 'am/ 'khor los sgyur ba'i rgyal po thob pa ltar mchog tu dga' ba dang mgu ba skyes par 'gyur nas/ de nyid du gnas bzhin du lag pa thal me sbyar te/ gnas brtan kun dga' bo la mngon par stod pa rtsom pa/ gnas kun dga' bo la phyag 'tshal lo// gnas brtan mchog la phyag 'tshal lo// rgyal sras rnams kyi rtog gyur ba'i/ thub pa che la phyag 'tshal lo// e ma'o khyod ni thugs rje rgyas/ e ma'o khyod ni thugs rje mchog ldan pa/ gang gis bdag ni nyam nga ba/ chen bo las ni nges thar mdzad/ 'jigs pas nyen cing mgon med bdag/ mgon po khyed kyis thar mdzad pa/ 'jigs rten mgon zhes mi yul gyi/

  78. 253a

    gnas su khyed kyi sgra sbags gyur/ sdug bsngal tshabs gdungs pa yi/ 'jig rten byed kyis 'dzi mdzad cing / byams dang snying rje'i/ gsal ba'i/ thub pa zla ba shar ba yin/ dge ba'i bshes dang mjal nas ni/ khyed kyis bdag la gang thob mdzod/ bya ba de ni mes byin zhing / pha dang gnye rnams byin ma yin/ ngan song thams cad rnying / thar pa'i sgo ni kun tu phye/ khrag mtsho thams cad skams pa dang / rus pa'i ri las thar bar mdzad/ 'khor ba thog pa'i mtha' dbus med cing / nyon mongs 'jigs pas krugs pa las/ blo dang bcas pa'i yon tan gyis/ khyed kyi mthar ni bzhag par gyur/ theg med dus nA zhen med pa'i/ lta ba'i zug rngu legs 'byin pa/ sman pa'i mchog 'di rnyed pas na/ bdag ni nad med bde ba skyes/ de nas lha rnams kyis gnas brtan kun dga' bo'i sems la ltas nas/ skad cig de nyid la du khrod chen po'i rdo dang / gseg ma dang gyo mogo rnams stsal ba dang / tsan dan gyi chus chag chag btab cing / spos kyi dri zhim bdag te/ gdugs dang / rgyal mtshan dang / rta babs bsgreng ba dang / mu tig gi do shal gyi tshogs dang // gos kyi chu 'tshang mang po dpyangs pa dang / me tog dri zhim po sna tshogs kyi sil snyan kram ste/ lha rnams kyi dga' ba'i tshal bzhin du shin tu nyams dgal

  79. 253b

    bar byas so// der yang gnas brtan dga' bo'i don du rin po che sna tshogs pas rnams par spras pas khyad par can du phye zhing thams cad lha'i gser las byas pa/ rkang rten dang bcas pa'i lha'i seng ge'i khri chen po bcas pa dang / dgra bcom pa lnga brgya po de rnams kyi don du yang lha'i gdan rnams gting ngo // de nas gnas brtan kun dga' bo nam mkha' las babs te/ seng ge'i khri de'i steng du bzhugs so// dgra bcom pa lnga brgya de rnams kyang babs te/ gdan bshams par gyur to// rgyal po ma skyes dgra yang srog chags brgya ste nga dpag tu med pas yongasu bskor nas phyin pa dang / ci tsam na 'byor pa de dag kyang mthong zhing / gzhon nu gser mdog zla ba'i dkyil 'khor dang 'gran du rung ba'i steng na 'dug pa sprin rum stug pa las byung ba'i sten ka'i zla ba rgyas pa lta bu 'am/ gser gyi mchog sdeng ltar dpal gyis 'bar ba mthong ba dang / de ltas te sems kyi rgyud ngo mtshar shin tu sdus par gyur nas/ ba spu ldad par gyur pa dang / mchog tu dga' ba'i rlabs 'khyil pa'i gdong gis pad ma rgyas pa dang / mchog tu dang pa'i shugs sems shin tu bsdus pa dang / lus thams cad kyis gnas brtan kun dga' bo'i zhabs gnyis la phyag byas so// de nas mchu'i 'gros kyis zhabs la byugs te langs nas pus mo gnyis sa la

  80. 254a

    gtsugs te/ lag pa thal mo sbyar nas gnas brtan kun dga' bo la lta ba bzhin par smras pa/ gang gis de nyid 'gro ba 'di/ yongs su skyob par/ mdzad pa dang / bdag nyid kyang ni 'dod mdzad pa'i slob dpon mchog la phyag 'tshal lo// dge dang skye bo 'di dag la// khyed kyi dgongs pas ma mdzad na/ smod pa'i ser ba 'bebs pa yis// thub pa bdag ni brlab par gyur// thub pa sems la btang snyoms mdzad// gal te skyob khyed mi bzhugs na/ rjes su 'gyod pa'i nags mes ni// bdag ni deng nyid bsregs par gyur// e ma'o ye shes che ba nyid// thugs rje'i thugs ni dam pa yi// rmad du byung ba'i spyod pa 'di// e ma'o yang dag bstan par mdzad// sdig med khyod 'phrul dang // rmad byung chen po 'di mthong na// de bzhin gshegs pa mchog tu ni// zhi bar gshegs min snyan sems pa// nyam thag gyur pa'i 'jig rten gyi// khyod ni mgon yin khyod dpung gnyen// sems can kun la phan mdzad pas// bcom ldan 'das bzhin gnyis bshin po// bcom ldan 'das de khums pa dang // dga' ba gang zhig sngon skyes pa// rgyal ba'i bstan pa gces 'dzin pa// khyod de de dang 'dra bar zhums// de nas rgyal po des gnas brtan kun dga' bo de ltar mngon par ston nas langs te mchog tu dga' bas yid rgyas pa

  81. 254b

    dang / rings pa rings par gsal shing gi gam du song ste/ lag pa gnyis brkyang nas yid du 'ong ba'i bu stor ba las slar rnyed pa ltar mchog tu dga' bas gzhon na gser mdog nyid kyis stan de las phab te dam du mkhyud nas yang dang yang du mgo la'o byas shing dga' byung ba'i mchi mas kun tu khebs pas/ gzhon nu gser mdog la mig mi 'dzums par lta zhing smras pa/ nyam thag 'di las khyod thar nas// gnas pa de lta mthong bas nas// dga' bar gyur pa de 'dro sngon// rgyal po thob na'ang ma myong ngo // zla ba rgyas pa'i mdangs 'phrog cing // ud pal sngon po'i 'dab 'dra'i mig/ bu'i gdong gi pad ma ni/ mthong ba da ni lta bar bya// gtso ma gser gyi mdangs ldan zhing // yon tan phun tshogs rnams kyis brgyan yan lag thams cad mdzes 'gyur ba'i/ khyod lus mthong ba lta bar bya/ snying rje med cing bdag nyid nang gang gis rang bzhin ngan smras nas/ su ni mi rnams yid 'ong khyod/ gsad pa'i phyir ni yongs su spangs// spyod pa dal bar ldan pa dang / tshigs mnyan ni dga' byed na// gzugs ni shin du rmad byung 'di// su yi yid du mi 'ong smos// yon tan ldan la su zhig sdang // gang zhig rtag nye rjes su 'breng // rdo rje snying po mnyam sems gang // bu sdug khyed la sdang ba gang // de ni rdo'i rang bzhin nas/ sems dang bral bar byas pa la

  82. 255a

    sring ni phyung bar gyur par des// skye bo kun la sdug pa 'o// gang gi gsod par lung bsgob// rdo rje rab 'bar thogs nas ni// ba yi spyi bor 'phen pa yin// mgul bar mtshon gyis 'debs pa dang // mdung gis snying khar rab bsnun cing // grags pa phyin pa'i ser ba 'di// su zhig gis ni dbab par btsams// kyi hud su yis mi bzad pa'i// tshigs gis las 'di byed du bcug/ su zhig nga yi dgrar 'grer gyur// nga ni gang yid mi 'o gyur// su zhig mchi bdag dag gis 'khyud// su zhig srog la skyo bar gyur// gang gis khyod la lung bsgo ba// myur du smra bar bya ba'i rigs// de nas gzhon na gser mdog sems pa la zhags par gyur te/ gal te rgyal po 'di la blon po rab gtum gyi bdag la las 'di byed du bcug go zhes smras na ni/ da lta nyid du blon po rab tu ma gsod par 'gyur te/ blon po rab gtum la rgyal pos las 'di byed du gtsug par gyur pa'i gnas yod na 'dir ji ltar bsgrub par bya/ yang bsams pa la bdag gir ba la dmigs par bya te/ nges par na ngas sngon skye ba gzhan du sdig pa mi dge ba'i las byas pa gang yin pa de'i rnam par smin pa 'di yin te/ sngon gyi las kyi rnam par smin pa ma gtogs par sdig pa med par 'di ltar gsod par spong ba su zhig byed ces nges par bsams nas/ rgyal po/

  83. 255b

    la smras pa/ lha cig gang la 'di 'dra ba'i// rnam par smin nye bar gnas pa 'di// sdig pa sngon gyi tshe rabs su// bdag nyid kyis ni byas pa yin// bdag/ nyid kyis ni byas pa las// yid du mi 'ong zhes bya de'i// rnam par smin la ni longs spyod na// khyod la bdag gis su zhig bstan// gnas brtan kun dga' bo'i gan du song ste/ lus thams cad kyis gnas brtan kun dga' bo'i rkang pa gnyis la phyag byas pa dang / gnas brtan kun dga' bos smras pa/ bu mo ka shi mdzes dga' mo 'di ni dug gi shugs kyis zin pa yin gyis/ de bden pa'i byin gyi brlabs kyis/ slong ba bde legs su gyis shig te/ skye bo'i tshogs mang po yang yid ches par gyis shig de nas gzhon nu gser mdog gnas brtan kun dga' bo'i lung mnyan te sems can thams cad lhag pa'i bsam pas 'jug pa'i sems dang / bden pa'i byin gyi brlabs byed pa la zhags te/ bden pa dang bden pa'i tshig gang gis/ bu mo ka shi mdzes dga' mo 'dod chags sam/ gti mug gam the tshom 'am/ gzhan gang yang rung ba'i nyon mongs pa 'am/ nye ba'i nyon mongs pa tha na 'phran tshegs tsam yang ma skyes pa'i bden pa dang / bden pa'i tshig 'dis/ 'di'i lus la dug rnam par 'jig par gyur cig ces smras so// de nas bden pa'i byin gyis brlabs pa'i mdo kho na la/ bu mo ka shi mdzes dga'

  84. 256a

    mo'i lus la dug med gyur te/ bde bar gnas nas/ gnyid log pa las sad pa bzhin du langs nas/ de lus bde bar gyur pa dang / langs/ pa la ltas nas skye bo mang po'i tshogs dang / lha brgya stong du ma rnams kyis sgra cig tu sgra gsang mthon pos smras pa/ e ma'o ngo mtshar che ste/ e ma'o gzhon na'i bsam pa ni rnam par dag go/ gzhon nu 'di ni rdzu 'phrul che ba dang / mthu che ba steg gang 'dir bden pa'i byin gyis rlabs kyis stobs kyis 'dis bu mo ka shi mdzes dga' mo bslangs zhing yid du 'ong ba'i srog gis bskyabs par gyur to// de nas bu mo ka shi mdzes dga' mo phyogs kun du blta bar brtson pa dang / ji srid cig na du khrod chen por gnas brtan kun dga' bos dge 'dun lnga brgya dang / thabs gcig tu zla ba gcig tu za ba kham pa ltar bskor nas rin po sna tshogs kyis spras ba'i lha'i seng ge'i khri chen po la zhugs pa dang / rgyal po ma skyes dgra yang srog chags brgya stong dpag tu med pas yongs su bskor ba dang / bdag nyid kyang gos sngon po dang / ser po dang / dkar po khyogs la bteg pa mthong ngo // mthong nas kyang sems mos pa nyid dang bcas/ sems pa la zhugs te ci 'di rmi lam yin/ nam/ 'on te sems kyi 'khrul pa yin nam/ yang na 'ga' zhig nga la sgyu ma'i lam 'di lta bu bstan pa yin nam/ snyam pa dang / ji tsam na de'i nye du rnams/

  85. 256b

    kyis de rgya cher brjod de yang smras pa/ gang khyod kyi 'tsho ba dang 'di dag ni gnas brtan kun dga' bo byon rnam thams cad yod par gyur to// de skad ces thos pa dang / bu mo ka shi mdzes dga' mo gnas brtan kun dga' bo la mchog tu dga' ba skyes te/ rab tu dad pas shin tu rtog so// de nas bu mo ka shi mdzes dga' mo skyed mos tshal yang dag par dran zhing blon po rab gtum yang dran te/ kun nas skyo ba'i yid kyis 'chi ba'i 'jigs pa'i mug pas rmongs pa'i mig dang / gnas bskabs de dang 'dra bar gzhan yang shes shing / bud med kyi dngos por gyur pa'i mya ngan byed la zhugs te/ e ma'o bud med ces bya ba ni shin tu yang smad pa ste/ sdug bsngal thams cad kyi gnas su gyur pa gang zhig thos nas bdag gnas bskabs 'di lta bur gyur to// snyam nas kun du skyo ba'i yid kyis myur bar langs te/ gos cig blangs nas gnas brtan kun dka' bo'i kun du nye bar song nas/ go gcig po de gnas brtan kun dga' bo la phul nas zhabs gnyis la phyag 'tshal te/ dad pa'i shugs drag pos gnas brtan kun dga' bo'i yon tan rjes su dran pa sngon du 'gro bas bden pa'i byin gyis rlabs par brtsams bas bden pa'i tshig gang gis thub pa khyed kyi sku 'phags pa dang / sangs rgyas kyi slob ma thams cad kyi mchog rnyed pa mchog dang / dam pa dang khyad par du/

  86. 257a

    'phags pa dang / rab mchog dang bla ma dang / bla na med pa dang / nyan thos kyi gtso bo dang / nyan thos kyi seng ge dang / nyan thos kyi khyu mchog dang / nyan thos kyi cang shes dang / nyan thos kyi pad ma dang / nyan thos kyi ku mu ta dang / nyan thos kyi pu da re ka dang / nyan thos kyi kha lo skur ba dang / nyan thos kyi ded dpon dang / nyan thos kyi zla ba dang / nyan thos kyi nyi ma dang / nyan thos kyi rinan+de dang / nyan thos kyi gtsug gi nor bu dang / bstan pa'i grub pa dang bstan pa'i gces pa 'dzin pa dang / dgra bcom pa zag pa zad/ bya ba byas pa khur bor ba/ bdag gi don rjes thob pa/ srid pa kun tu sbyor ba yongasu zad pa dang / yang dag pa'i shes pas sems shin tu rnam par grol ba/ rdzu 'phrul che ba/ mthu che ba/ byin gyi rlabs che ba/ sbyin gnas chen po yin pa'i bden pa dang bden pa'i tshig 'dis deng nyid bdag gi bud med kyi dbang po mi snang bar gyur nas skyes pa'i dbang phyung bar gyur cig ces smras so// de nas bden pa'i byin gyi rlabs gsol ba'i mdo kho na la/ de'i bud med kyi dbang po mi snang bar gyur nas/ skyes pa'i dbang po byung bar te/ gzugs mdzes pa/ blta na sdug pa/ lus la gos dang / rgyan rnam pa sna tshogs dag gis brgyan par gyur to// nam mkha'i ngos nas de'i lha'i gos rnams pasna

  87. 257b

    tshogs pa yid du 'ong ba 'bab par gyur to// gzhan yang der gos kyi char de bab pa na ji ltar skad cig de la du khrod chen por nyi ma'i 'od zer yang mi snang gyur pa de ltar nam mkha'i dkyil 'khor khebs pa zhig bab po// de nas gnas brtan kun dga' bo yon tan gyi bdag nyid che ba/ lha dang mi rnams 'dun par byed pa'i ngo mtshar de mthong ba dang / na mkha'i ngos la gnas pa'i lha bye ba brgya stong du mas ca co'i sgra phyung ste/ e ma'o ngo mtshar chen po// e ma'o rmad du byung ba'o// / e ma'o gnas brtan kun dga' bo yon tan bdag nyid chen po// e ma'o rgya che ba nyid/ e ma'o sbyin pa'i zhing rnam par dag pa gang la gos gcig phul ba tsam gyis smon lam btab pa'i rjes thog nyid la bu mo ka shi mdzes dga' mo shin tu bud med kyi dbang po mi snang bar gyur nas/ skyes pa'i dbang po byung zhing 'di lta bu'o 'byor pa dang ldan par gyur to// de nas lha'i bu de rnams rab tu dang ba'i yid kyis lha'i me tog gi char 'bebs pa dang / lha'i rol mo shin tu nang bar gyur nas skyes pa'i dbang po byung zhing de nas skyes bu mo ka shi mdzes dga' mo gnas brtan kun dga' bo'i che ba'i mthu stobs kyis shin du 'ong zhing bdag nyid ji/ ltar 'dod pa 'bral smin pa'i 'bras bu ltas te mchog tu ngo mtshar du gyur pa'i sems kyi rgyud la mchog tu dga' ba skyes nas/ ba spu langs pas lus

  88. 258a

    rtsub par byas pa dang / langs te pus mo gnyis sa la gtsugs nas lag pa gnyis thal mo sbyar te/ gnas brtan kun dga' bol stong pa byed pa la zhags so// gang gis deng nyid mgon med bdag/ khyod kyis bdag la srog stsal pa// shin tu rnam dag yon tan bsags// dpag yangs rnyed dka' phyag 'tshal lo// rnam dag ye shes spyan ldan pa// gal te khyod skyabs ma mdzad na// bdag la lhag ma mchis te// rngub khyod bdag srog sprul ba lags// e ma'o sems can phan bzhed pa// gang zhig nyam thag mi bzad pa// 'di las 'gro ba khyod kyis skyabs// e ma'o khyod ni sbyin pa'i gnas/ shin tu rnam dag rab rnyed dga'// gang la gos gcig phul bas kyang // rin che 'di 'dra thob par gyur// bdag gis thub pa che khyod la// de ltar gos gcig phul ba yis// 'phral du 'bras bu bzang po 'di// ji ltar sngon par 'dod pa 'thob// nyes pa chen po dag gi yang // bzhir 'gyur bzhin du shes pa gang / bud med de des spangs nas skyes pa nyid du bdag 'gyur ro// de yang lha dang 'dra ba 'di// lha'i rgyan gyis rnam par brgyan// nam mkha'i las kyang gos kyi tshar// yid du 'ong ba 'bab par gyur// zhing bzang yon tan ldan 'di la// gang zhig bsnyen bkur mi byed pa// rmongs sogs nyon mongs can dag rnams//

  89. 258b

    bskal ngan de ni blus pa yin// des de ltar gnas brtan kun dga' bo la stod nas/ las kyi 'bras bu mngon sum du mthong ba dang / sems pa zhugs te/ da ni bdag nyid yid du 'ong ba dang / yid du mi 'ong ba'i las kyi 'bras bu mngon sum du mthong bzhin du/ slar yang khyim gyi nang na 'dug pa ni bdag gi tshul dang 'thun pa ma yin no// snyam nas/ des gnas brtan kun dga' bo'i rkang pa la phyag byas nas smras pa/ 'phags pa bdag legs par gsungs pa'i chos 'dal ba la rab tu 'byung zhing bsnyen pa rdzogs nas/ dge slong gi dngos por gyur nas/ gnas brtan gyi thad du tshangs par spyad par gyi'o// de yang gnas brtan kun dga' bos rab tu 'byung ba nas/ ji ltar nyon mongs pa thams cad spangs te/ dgra bcom pa'i 'bras bu thob par gyur pa de ltar chos bstan to// de nas bar skabs der ded dpon nyi ma chung ma dang bral ba'i mya ngan gyi sdug bsngal gyis gdangs shing rgyal po'i khab kyi grong khyer gyi dbus sum mdon/ sa las ldang zhing bdag nyid 'gyel bar 'gyur la/ yang dang yang sa la 'gre ldog par byed cing lag pa gnyis kyis bdag nyid brdegs te/ kyi hud kyi hung bu zhes nyam thag pa'i sgra'i nga ro thon par gyur pa na/ ded dpon nyi mas gnas brtan kun dga' bo na mkha'i

  90. 259a

    dkyil nas byon te/ gzhon nu gser mdog yongs su skyeb cig du khrod chen po na ngo mtshar dang rmang du byung bas bzhugs zhes zos pa dang / ya mtshan dang bcas par bdad ci'i rgyun lus la blugs pa bzhin du yid mchog tu dga' ba dang / 'khor los sgyur ba'i rgyal po dbang bskur ba thob pa bzhin mchog tu dga' ba skyes par gyur nas/ de'i bod la langs te rings par 'gro ba'i gom stegs kyis rgyal po'i khab na byung ste/ du khrod chen por phyin pa dang / ci srid cig na gzhon na gser mdog ston ka'i zla ba brgyas pa sgra gcan zin pa las rnam par thar pa lta bur gnas brtan kun dga' bo la gam na 'dag pa dang / gnas brtan kun dga' bo'i yon tan gyi stobs las byung ba'i 'byor pa yang mthong bar gyur to// de nas lha dang mi'i yid sdud par byed pa'i rmad cho 'phrul de yod mthong nas gnas brtan kun dga' bo la yi mug pa skyes te/ mchog sdud pa'i shugs kyis rnyed pa'i sems kyi rgyud dang lus thams cad kyi gnas brtan kun dga' bo'i zhabs gnyis la phyag byas te langs nas pus mo gnyis sa la gtsugs te/ dga' ba'i mchi ma'i chu rlabs kyis bzhin gyi pad ma khyebs pa dang / thal mo sbyar te gnas brtan kun dga' bo la stod par brtsams pa/ e ma'o skal pa che

  91. 259b

    khyod kyi/ bdag nyid chen po bstan mdzad pa gang zhig nyams thag mi zad las/ khyod kyis 'gro ba'i skyabs mdzad do// e ma'o thugs brtse'i bdag nyid che// e ma'o ye shes phun sum tshogs// bcom ldan thams cad mkhyen pa bzhin/ rnam dag yang dag bstan mdzad pa// de bzhin bdag gi bu sdug 'di// sdug bsngal rgya mtsho chen po las// thugs rje ye shes dag gi mthus// khyed kyis yang dag bstan par mdzad/ gal te 'di la khyod kyis ni// de nyid dgongs par ma mdzad na// bdag gi chu mar bcas pa 'di// yun rings sdug bsngal 'dam rdzab nas// thugs rje chen po slas kyi mchog/ khyed ni deng 'dir byon nas// bdag bu'i sdug bsngal rgya mtsho sgral// mya ngan 'phrogs las nges par brton// mya ngan rang bzhin snying las thar// mya ngan gtsen ra las byung zhing // mya ngan nyon mongs 'jigs las grol// sdug bsngal gzeb las thar gyur// mya ngan 'das kyis deng ma gos// mya ngan tsher mas ma zug cing // mya ngan sbrul gyis ma zin la// mya ngan 'da' yis ma pog go/ mya ngan ral gris ma bcad cing // mya ngan dgra yis ma rnyed la// mya ngan chu srin gyis ma zin// mya ngan me yis ma bsregs so// / khyed nyid kyi ni sems can che// de ring dbugs ni 'byin mdzad ci// mig ni phye bar mdzad pa dang // yid kyang tshim par mdzad par gyur// gang gis 'di ltar

  92. 260a

    skyabs mdzad pas// bdag cag mchog tu dga' 'gyur te// kun dga' zhes bya'i mtshan btags 'di/ e ma'o don dang bcas par 'gyur// de nas ded dpon nyi mas gnas brtan kun dga' bo la bstod nas/ langs me gzhon nu gser mdog gi gam du song nas chung ma dang bcas pa mgul nas dam du mkhyud de yang dang yang du'o byas te/ rab tu dga' las byung ba'i mchi mas kun tu khebs pa'i mig dang / gzhon nu gser mdog la mig mi 'dzums par lta zhing smras pa/ sten ka'i zla rgyas gzugs kyi dpal// mdangs dang gzi ni 'phrog pa'i lus// yid la re ba brgyas thob pa// mthong gis khyed la slar yang lta// snum zhing sngo la yangs pa dang // mtha' dmar mig ni bsngags 'os pa// khyed gdong gnas brtan kun dga' bo// byod nas slar yang lta ba yin/ de nas gzhon gsor mdog 'khor ba'i nyes pas kun tu skye ba'i sems dang / pa dang ma las gnang gsol te/ gnas brtan bdag legs pa gsung pa'i chos 'dul ba la rab tu byung zhing bsnyen pa rdzogs nas dge slong gi dngos po thob pa gyur nam leg par gsung pa'i chos 'dul ba la tshangs par spyod par 'tshal lo// de yang gnas gtan kun dga' bos rab tu byung nas/ ji ltar 'dis skad cig ma de nyid la nyon mongs pa thams cad dgra bcom pa nyid thob pa de ltar yang spangs nas

  93. 260b

    dag par rjes su bstan pa dang / des kyang dgra bcom pa nyid thob ste/ sngon gyi skye ba cig nas tu brgyud pa lta ba brtsams pa dang ji tsam na bdag nyid kyi bsod nams kyi mthu chen po dang ldan par mthong nas/ de 'di snyam du sems te/ bdag nyid kyis 'di ltar shes kyi/ nga ni bsod nams kyi mthu chen po dang ldan par shes kyi// ngas ci tsam zhig sbyin pa byin pa dang / bsod nams byas pa mthar phyin par gyur pa yin la/ de ni da ltar yang sems can rnams bsod nams la gus pa skyed par bya ba'i phyir/ bsod nams kyi bdag nyid che ba bstan par bya'o/ snyam mo// de nas gos de rang gi lus las phud pa dang / yang de lta ba'i gnyis pa byung bar gyur to// de nas yang dang yang da 'bud par brtsams pa dang / de bzhin yang dang yang de byung bar gyur te/ des phud cing phud cing gnas brtan kun dga' bo'i mdun du gos kyi phung po chen po zhig byas la/ gos kyi phung po de dag kyang shin du rin che ba/ 'dzam bu'i chu bo'i gser gyi phung po la nyi ma shar kha'i zer gyi phog pa ltar 'od 'a bar 'dug pa la skye bo'i tshogs mang pos ltas nas/ mchog tu ngo mtshar gyi dga' ba'i yid kyis smras pa/ e ma he ngo mtshar che ba/ e ma 'o rmad de byung ba/ e ma'o/ bsod nams kyi bdag nyid chen 'o// e ma'o legs par byas pa'i bsod nams kyis/ bdag nyid chen po 'dis gang du rgyun mi chad par rin po che'i gos phud

  94. 261a

    zin kyang mthar thug par snang ngo // de nas des gos rnams kyang pha dang ma la byin la/ de gnyis kyang gnas brtan kun dga' bo la sogs pa/ dge slong / gi dge 'dun theg mar byas pa nas/ ji srid du khrod chen por 'dus pa'i kyi bo'i tshogs chen po rnams la byin te/ der srog chags re re la yang gos zur re bskon yang dge slong gser mdog gis bsod nams kyi mthus gos de yang yongs su btugs par ma gyur to// de nas dge slong gser mdog steng gi na mkha' la mngon par 'phags te/ rdzu 'phrul gyis rgyal po'i khab kyi grong khyer du song nas/ sum mdo'i dbus su 'dug ste/ mdun du gser mdog can gyi gos lus phud cing gos kyi phung po chen po byas te/ sgra rgyal po'i khab kyi grong khyer 'gyengs shing spras pa/ shes ldan dag ngas gos kyi phung po 'di yongasu btang gis khyed rnams gang la ci tsam dgongs pa de tsam long shig ces spras pa thos pa dang / skad cig ma de nyid la srog chags brgya stong dpag tu med pa 'dus par gyur pa dang / ci tsam na grong khyer gyi dbus kyi sum mngon/ gser gyi mdog can gyi gos ser po'i phung po shin du che ba/ 'dzam bu'i bo'i gser gyi phung po la/ nyi ma 'char ka'i 'od kyis phog pa ltar 'bar bar gyur pa dang / tshe dang ldan pa gser gyi mdog can gser gtso ma'i ri'i rtse mor ltar dpal gyis mchog tu 'bar zhing na mkha'i dkyil na 'dag pa mthong ba//

  95. 261b

    dang / skye bo'i tshogs mang po mchog tu ngo mtshar gyi bsdus pa'i sems kyi rgyud dang / mchog tu dga' brlabs kyi gang ba'i bzhin gyi pad ma dang / de la lta/ zhing bsams pa/ e ma'o ngo mtshar che'o// e ma'o rmad du byung ba/ bdag nyid chen po 'dis las gang zhig byas nas gang gis 'di lta bur rdzu 'phrul che ba mthu che bar gyur pa/ gal te bdag cag rnams kyis shes na ni/ bdag cag gis kyang de ltar byas te/ gang gis bdag cag rnams kyang 'di ltar mthu che bar gyur pa de ltar bya'o// zhes sngon par 'dod pa skyes shing so nyi'i cang thag la 'ju bzhin du phan tshun smra bar rtsam pa na/ de rnams 'di snyam du sems te/ 'di ni 'di ltar bdag nyid che ba/ rdzu 'phrul che ba/ mthu che ba/ rtul zhugs grub pa lha'i shes pa dang ldan pa yin pas 'di nyid la yongasu dri bar bya snyam nas/ de nas skye bo'i tsho gas chen po de ngo mtshar gyi mchog tu mig gdangs dang / lag pa thal mo sbyar te/ na mkha'i dkyil du zhen par lta zhing / tshe dang ldan pa gser mdog la phyag byas te/ sgra gcig tu smras pa/ lha'i ye shes spyan dang ni// bskal pa chen po khyod ldan no// gang gis khyed ni mthu che bas// de ni yang dag bshad pa'i rigs// 'jig rten 'di dang pha rol tu/ longs spyod dang ni yon tan rnams// phun tshogs gang gis thob par 'gyur// de ni bdag la rab bshad rigs// de nas sems can chen po de// snying rje drangs pa'i yid

  96. 262a

    ldan pas// de tshim pa'i tshig chen gyis// sgras ni phyogs rnams 'gengs par gyur// 'di nyid don na bshad pa'i phyir// khyed rnams la ni ngas 'di bstan/ go rims bzhin du rab bshad kyis// nga yi tshig 'di nyan par gyis// 'jig rten 'di dang pha rol tu// longs spyod dang ni yon tan rnams// phun tshogs bsod nams kyis thob cing // bsod nams kyis bdag rdzu 'phrul che// gal te sdug bsngal khyed mi 'dod// bde ba phun sum tshogs 'dod na// bsod nams sogs pa bder 'gyur bas// myur ba nyid du bsod nams kyis// 'jig rten 'di dang pha rol tu// bde ba gang ci'ang rung ba dang // mya ngan 'das pa thob pa ni// bsod nams nyid kyi 'bras bu yin// nor can tshong dpon bram ze dang // ded dpon la sogs gang dag ni// longs spyod chen por spyod 'gyur ba// de ni bsod nams 'bras bu yin// mngon par yid dga' bu dang 'khor// mdza' ba la sogs phun tshogs pa// gang zhig mi las yod par 'gyur ba// de ni bsod nams 'bras bu yin// gzugs dang mdangs ni pun sum tshogs// yid dang mig ni 'phrog byed pa// thob cing mi yul rgyal srid gang // de ni bsod nams 'bras bu yin// mi byed pa'i 'khor nyid dang // mi bzang nor gyi phun sum tshogs// mi yul na ni des thob gang // de ni bsod nams 'bras bu yin// skye ba dran zhing skal bzang dang // thos ldan tshig ni bzung bar

  97. 262b

    'os// mis ni gang zhig thos gyur pa// de ni bsod nams 'bras bu yin// longs spyod phun tshogs rgya chen dang // rtag par gnyen dang lhan cig tu// dga' bas mi yul gang spyod pa// de ni bsod nams 'bras bu yin// grangs med nor gyi phun tshogs dang // 'gran zla med cing brtan pa yin// mi la gang zhig yod gyur pa// de ni bsod nams 'bras bu yin// gang zhig sgra mi snyam gyi gling // bdag gi med cing longs 'dzin med// mi'i tshe ni nges gyur pa// de ni bsod/ nams 'bras bu yin// 'bras kyis lu li 'bras bu rin// ma rmos par ni rin che ba// gang zhig der ni mi rnams spyad// de ni bsod nams bu yin dpag bsam shing las sna tshogs pa'i// gos dang rgyan rnams byung ba yis// mi rnams rab tu 'gegs 'gyur ba// de ni bsod nams 'bras bu yin// gang zhig sgra mi snyen gling du// mi rnams 'phangs pa'i rjes thog la// de ni lha rnams dag tu skye// de ni bsod nams 'bras bu yin// bdud rtsi 'bras bu sna tshogs phun sum tshogs// sa 'og klu ni lha bu ltar// lha'i longs spyod la spyod pa// de ni bsod nams 'bras bu yin// gang gi mthu yin rgyal ba'i dpal// lha 'dra'i phun tshogs thob pa yi// mi yi dbang po rnam 'dzes pa// de ni bsod nams 'bras bu yin// byin pas 'khor

  98. 263a

    los sgyur ba nyid// sa chen la ni longs spyod thob// lha dbang bzhin du rnam mdzes gang // de ni bsod nams 'bras bu yin// ma lus pa'i mi rnams dang // rin chen bdun sogs phung tshogs pa'i// 'khor los sgyur ba spyod pa gang // de ni bsod nams 'bras bu yin// 'jig rten skyob pa bzhi phun tshogs sum bcu rtsa dbang 'dra// thob nas gang zhig spyod pa dang // thag bzangs ri sogs lha mi rnams// de ni bsod nams 'bras bu yin// 'jig rten skyob pa/ bzhi rnam kyi// nor gyi bzhi yi 'byor pa la// dga' bas sna tshogs longs spyod gang // de ni bsod nams 'bras bu yin// dga' ba'i tshal la sogs par ni/ lha mo/ rnams dang lhan cig tu// 'byor pa lha rnams spyod pa gang // de ni bsod nams 'bras bu yin// sna tshogs lha'i rgyal srid sogs// phun sum tshogs pa lha dbang ni/ rtag tu dga' bas spyod pa gang // de ni bsod nams 'bras bu yin// gzhal yas khang nas lha rnams ni// ji ltar mngon 'dod lha rnams kyi longs spyod la ni/ longs spyod gang / de ni bsod nams 'bras bu yin// gang su gnas ni bcu po yis// tshe dang mdog la sogs pa yi// lha rnams las kyang lhag pa'i lha/ de ni bsod nams 'bras bu yin// 'dod khams mchog 'gyur sna tshogs pa'i// lha'i longs spyod phun sum tshogs// 'dod khams dbang phyug la spyod gang

  99. 263b

    de ni bsod nams 'bras bu yin// lha rnams dang ni mi rnams su// ji ltar dga' ba'i 'dod pa ni// 'bad pa med par thob 'gyur gang // de ni bsod nams 'bras bu yin// gang yang tshangs par la sogs lha// bsam brtan pa dang bsam gtan gyis// bde ba'i das pa thob par 'gyur// de ni bsod nams 'bras bu yin// bsam gtan bsam gtan las byung dang // sred pa zad pa'i bde ba dang // zhi ba'i bde ba thob 'gyur ba// de ni bso/ nams 'bras bu yin// rdzogs sangs rgyas dang nyan thos gang // yon tan mchog dang ldan 'gyur zhing // rdzu 'phrul che zhing bdag nyid che// de ni bsod nams 'bras bu yin// gang yang bskal pa brgya 'das nas// rang sangs rgyas kyi byang chub ni// bdag nyid che bar thob par 'gyur/ de ni bsod nams 'bras bu yin// tshad med pa dang dpe med pa'i// yon tan gyi ni legs brgyan pa// rdzogs sangs rgyas su gyur pa dang // de ni bsod nams 'bras bu yin// gzugs dang lang tsho bsngags par 'os// skyes bu rigs kyi rgyan gyur dang // rang dang rjes 'thun yid 'phrog pa'i/ bud med bsod/ rnams dag gis thob/ bsod nams kyis mtho ris thog/ lha yi bu mo bsod nams kyis// 'dod kun kyang pa yang dag 'byor// mngon 'dod

  100. 264a

    bsod nams rnams kyis 'thob// bsod nams kyis ni blo rno dang // de bzhin blo gros dri med 'thob// bsod nams kyis ni gnas la dang // bsod nams kyis ni dran gas 'thob// sdug pa nyid dang sgra mkhas dang // dbyangs snyan grags ldan bsod nam+b+has bsag pa'i yon tan 'byor pa rnams// thams cad bsod nams dag gis 'thob// bsod nams kyis ni mi 'thob pa'i// bde ba 'jig rten dag na med// de bas bde ba 'dod rnams kyis// rtag tu bsod nams bsag par bya// de bzhin gshegs pa rnam par gzigs la bsod nams nyung zad ngas byas pas// / 'bras bu shin tu rgya che ba// ji ltar mngon par 'dod pa 'thob// 'dod khams lha tshogs drug po ru// rgyal srid dbang phyug bdag po ni// skye ba stong phrag bye ba ru// nga yis bde la yang dag spyad// bdag med 'gran zla med pa dang // de bzhin mi drim pa yin// 'khor los sgyur sogs gyur pa yis// nga yis longs spyod phun tshogs spyad// bsod nams de'i bdag nyid ches// nga ni gang dang gar skyes pa// de dang der ni mthu che ba// bde dang bdag ni ldan par gyur// gzugs ldan thos pa phun sum tshogs// kha nas ud pal dri 'byung zhing // sdug cing tshigs ni gzung 'os dang // shin tu yid 'ong dbyangs snyam ldan//

  101. 264b

    da lta 'ang bsod nams de nyid kyis// nga'i gzugs sogs yon tan ni// phun sum tshogs shing yid 'ong ba// mngon par 'dod chags pa 'di la ltos// nor chen longs spyod che ba'i// rgya chen rigs su skyes pa gang // 'dzam bu'i chu bo'i gser 'dra ba'i// gos kyis lus la bkab pa yin// nga lus yan lag tham cad las// tsan dan lta bu'i dri 'byung zhing // kha nas ud pa la sngon po yis// dri nyid 'byung bar 'gyur ba yin// gos dang rin la sogs pa yi// phun tshogs gang zhig mngon 'dod na// de'ang bsams pa tsam gyis ni// thams cad da ni 'byor par gyur// shAkya seng ge'i bstan pa la// rab tu byung ba ngas rnyed nas// dgra bcom nyid ni ngas thob ste// da ni bsil gyur mya ngan 'das// 'di nga'i skye ba tha ma ste// yang srid bdag la yod ma yin// gnas med mya ngan 'das nas ni// slar yang nga ni 'ong bar 'gyur// rnam smin 'bras bu rgya che ba'i// las gang bskrun par gyur pa ni// nga'ang 'di ltar yod zin kyang // de'i mthar thug ma gtog so// de ltar de las rmad byung dang // dpag tu med pa dang // bsam gyis mi khyab pa'i bsod nams kyi che ba'i bdag nyid thos pa dang / srog chags brgyad stong bye ba dpag tu med pa mchog tu dang bas brlan pa'i sems kyi rgyud dang / bcom ldan 'das kyi bstan pa bsnyen bkur bya ba la rgyab kyis

  102. 265a

    phyogs pa rnams kyang sbyin pa ni gtong // bsod nams ni byed cing / smon lam 'debs par gyur to// de nas tshe dang ldan pa gser mdog gis skye bo'i tshogs mang po de lta de ltar rnams pa da mar bsod nams la gus par bskyed par bya ba'i bsod nams kyi bdag nyid che ba rab tu bshad nas/ steng gi na mkha' de nyid nas rdzu 'phrul gyis du khrod chen por song ste/ gnas brtan kun dga' bo la sogs pa dge slong gi dge 'dun chen po rnams la rims bzhin du phyag byas nas phyogs gcig tu 'dug go/ de nas rgyal po ma skyes dgras blon po rab gtum phrag dog gi rang bzhin can gyis/ bu mo ka shi mdzes dga' mo la sdug bsngal 'di dang 'di byas la/ gzhon nu gser mdog la skur ba btab ste/ nyes pa med pa nyid du bsad pa'i phyir yongasu spangaso// zhes ji ltar grags pa thos so// thos nas kyang shin tu khros pas 'khrugs pa'i mig dang / nang 'khor rnams la smras pa/ shes ldan dag ci'i phyir 'di lta bu'i skyes bu dam pa 'dis/ las su byas pa'i tha snyad byas/ blon po rab gtum ni ngas rnam pa thams cad spangaso// blon po rab tu ma yang de nyid du 'dus par gyur to// de nas blon po rab tum gyis rgyal po'i tshig/ thos pa dang / 'chi bas 'jig pas skrag cing yi mug la rmongs pa'i mig gis yan lag thams cad rab tu mdar bzhin du myur ba langs te/ rings par bros par

  103. 265b

    btsams pa dang / de skye bo'i tshogs mang po'i nang du zhugs te gnas pas/ de'i nas srog chags brgyad stong du ma zhig gis 'das te/ skye bo'i tshogs mang pos kun ma yongs su bskor nas bzung nas kyang thal chag dang rdo ba la sogs pas/ bsnun pa la zhugs te/ de brdegs bzhin du shin sdug bsngal drag po'i shugs kyis nyams zag cing tshe nges 'debs pa la zhugs te/ 'phags pa kun dga' bo yongs su skyobs shing / bdag ni mgon med par skyob pa med pa/ skyabs med pa lags kyis sdug pa'i srog chags bskyab du gsol/ gnas brtan kun dga' bos kyang skye bo cho gas mang po la smras pa/ shes ldan dag khyed rnams 'di ma bsad cig/ ngas rgyal po ma skyes dgra la shes par bya'o// de nas skye bo'i tshogs de rnams kyis/ gnas brtan kun dga' bo'i tshogs thos nas gtong / gnas brten kun dga' bos kyang / rgyal pos gzigs pa dang / rgyal pos gsol ba ci zhig gsung / gnas brtan kun dga' bos smras pa/ rgyal po chen po 'di thong shig/ rgyal pos gsol+la/ ngam zhig bcas la btang bar bgyi ste/ gal te legs par gsungs pa'i chos 'dul ba la rab tu byung nas ji srid 'tsho ba'i bar du gnas brtan gyi bsnyen bkur ba bgyid na btang bar bgyi'o// gnas brtan kun dga' bos smras pa/ de bzhin du bya'o// de yang skye bo'i tshogs de rnams kyis brtse ba med par brdebs pas

  104. 266a

    sdug bsngal drag po'i tshor bas bcom nas brgyal 'dug pa dang / gnas brtan kun dga' bos tshe dang ldan pa gser mdog la gsungs pa/ bden pa'i byin gyis rlabs kyis/ blon po rab gtum gyi lus la sdug bsngal gyis tshor ba rab tu sol cig/ de nas tshe dang ldan pa gser mdog sems can thams cad la phan pa'i lhag pa'i bsams pas/ rab tu zhugs pa'i sems dang ba'i byin gyi rlabs byed pa la zhugs te/ bden pa dang bden pa'i tshig gang gis/ blon po rab gtum 'di lta bu shin tu gnod pa byed pa yin yang / bdag gis than khong khro ba 'phran tshegs kyang ma bskyed pa'i bden pa dang bden pa'i tshig des/ 'di'i lus la sdug bsngal gyi tshor ba med de/ slar sos par gyur cig/ bden pa'i byin gyis rlabs byas pa'i dmod kho na la blon po rab gtum gyi lus sdug bsngal gyi tshor ba dang bral te/ lus bde bar gyur nas langs te/ bcom ldan 'das kyi bstan pa la shin tu dad par gyur nas/ gnas brtan kun dga' bo'i gan du song ste/ zhabs gnyis la phyag byas nas smras pa/ gnas brtan kun dga' bo bdag ni legs par gsungs pa'i chos 'dul ba la rab tu byung ste bsnyen pa rdzogs shing dge slong gi dngos po thob par bgyis la/ bdag gnas brtan kun dga' thad tshangs par spyod pa spyad bgyi bar 'tshal lo//

  105. 266b

    de nas gnas brtan kun dga' bos kyang rab tu phyung nas/ ji ltar des skad cig de nyid la nyon mongs pa thams cad spangs nas dgra bcom pa nyid thob ba de ltar rjes su bstan pa mdzad pa dang / des kyang dgra bcom pa nyid thob pa dang / de nas nam mkha'i dkyil du 'phags te cho 'phrul rnams pa sna tshogs pa skye bo'i tshogs yid tshim par byas nas/ nam mkha'i dkyil nas babs te/ gnas brtan kun dga' bo la sogs pa dge slong gi dge 'dun la rnams la rims bzhin du phyag byas nas phyogs gcig tu 'dug go// de nas rmad du byung ba de dang / gnas brten kun dga' bo'i bdag nyid che ba mthong nas/ 'khor de rnams gnas brtan kun dga' bo la rab tu dad par gyur to// de nas 'khor de rnams de ltar mngon par dad pa la gzigs nas/ gnas brtan kun dga' bos gang zhig thos pas srog chags brgya stong dpag tu med pa rnams kyis khyad par chen por thog par gyur pa de ltar chos bstan pa mdza/ la las rgyun tu zhugs pa'i 'bras bu thob pa nas/ dgra bcom pa nyid mngon sum du byas pa'i bar dang / li la ni nyan thos kyi byang chub tu sems bskyed pa nas/ la la ni sangs rgyas la bzhol ba dang / chos 'bab pa dang / dge 'dun la 'bab pa dang / dge 'dun la bab pa'i bar la rnam par bkod do// ded dpon nyi ma'i chung ma da

  106. 267a

    bcas pas kyang bden pa mthong bar gyur to// de nas lha brgya stong dpag tu med pa rab tu dang ba'i yid dang ldan pa rnams kyis lha'i gos kyi char bab cing lha'i rol mo rnams kyang bsnyungs par gyur pa dang / lha'i me tog ud pa la dang / pad ma dang / ku mu ta dang pun da ri ka dang / man dar la sogs pa'i me to// pus mo nub pa tsam rnam pa sna tshogs pas du khrod chen por der chal par dkram de nas rgyal po ma skyes dgras lha dang / mi rnams shin tu 'dug par byed pa'i 'phrul rmad du byung ba de mthong ba dang / mchog tu dad pas sems kyi rgyud dga' bar gyur nas/ ched du brjod pa ched du brjod de/ e ma'o rmad du byung ba/ e ma'o 'phags ba kun dga' bo rang gi yon tan gyi bdag nyid chen po rab tu bstan te/ e ma'o de bzhin gshegs pa'i bstan pa'i bdag nyid che ba gsal bar mdzad pa/ e ma'o// gang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mkhyen cing gzigs pa de dang / gnas brtan 'od srung chen pos/ 'di la bstan pa rnam par btad pa de ni 'bras bu yod par mdzad do// e ma'o de bzhin gshegs pa'i nyi ma nub par gyur nas/ 'phags pa kun dga' bo'i nyi mas rang gi yon tan gyi 'od zer gyi dra bas phyogs thams cad khyab pa mdzad do// e ma'o de bzhin gshegs pa'i zla ba mi rtag pa'i lha ma yin gyi dbang po sgra can gyi

  107. 267b

    zin nas/ 'phags pa kun dga' bo'i zla bas rang gi blo gros kyi 'od zer rnams par bkye bas/ gdul bya'i ku mu ta'i gnas rab tu rgyas par mdzad do// e ma de bzhin gshegs pa dang bral ba'i sdug tsha ba rtsub pa'i nyi ma'i zer gyis kun tu gdungs pa/ gnas brtan kun dga' bo'i sprin chen pos rang gi gsungs gi bdud rtsi char gyis 'jig rten rnams tshim par mdzad do// e ma'o de bzhin gshegs pa'i thugs la dgongs pa yang dag par rdzogs par mdzad do// e ma'o de bzhin ga bye ba'i bstan pa gces par 'dzin pa nyid gsal ba mdzad do// e ma'o nyan thos kyi mchog nyid 'bras bu yod par mdzad do// shin tu rmad du byung ba 'di dang / rang gi yon tan gyi bdag nyid che ba'i stobs dang mtha' yas pa'i sems can rnams la phan pa rdzogs par mdzad pas thams cad mkhyen pa'i yon tan gyi bdag nyid che ba rab tu mdzad do// e ma'o bdag nyid chen po 'di bcom ldan 'das thugs rje chen po dang ldan pa de'i bka' drin la lan blon pa'i blo gros ston pa yino// de nas rgyal po de gnas brtan kun dga' bo la rab tu dad pa'i shugs kyis sdus pa'i sems kyi rgyud dang / gnas brtan kun dga' bo'i gan du song ste/ lus thams cad kyis gnas brtan kun dga' bo zhabs gnyis la phyag byas nas/ pus mo gnyis sa la gtsugs te/ rab tu dad pas ba spu langs pas rtsub par byas pa dang /

  108. 268a

    lag pa thal mo sbyar te gnas brtan kun dga' bo la mngon par stod pa brtson pa dang / skyes bu'i mchog la phyag 'tshal lo// thos pa rgya mtsho la phyag/ 'tshal lo// rgyal ba'i bstan pa'i gter 'dzin pa/ rmad byung bsams yas phyag 'tshal lo// e ma'o sangs rgyas bstan pa yi// bdag nyid che ba yang dag bstan// rmad byung bsams kyis mi khyab pa'i// 'gro la phan byed khyod kyis mdzad// gang de bcom ldan 'das dang ni// 'phags pa 'od srung blo ldan pas// khyod la bstan/ ba rnams gtad pa'i// deng de 'bras bu bcas par mdzad// rmad byung bsam gyis mi khyab pa'i// 'gro ba'i don bcas mdzad pa 'di// kun mkhyen yon tan bdag nyid che// di ring khyod la gzugs rnyen gyur// gal te rdzogs pa'i sangs rgyas ni// de ltar 'gro don mdzad gyur kyang // 'di ni kun mkhyen thams cad gzig/ thugs rje ldan pas mtshar mi che// khyed ni nyan thos nyid 'gyur zhing // thugs rje che ldan ji bzhin du// sems can don chen gang mdzad pa'i/ 'di ni shin tu ngo mtshar che// e ma'o 'di ltar bdag med pa// ma ga da'i skye bo 'dis// khyed 'dra phan pa mdzad pa ni// rnyed pa legs par rnyed pa yin// de bzhin gshegs pa'i gnas 'di ni// bstan pa khyed la gtad par gyur pa// gang gis deng ni bde gshegs bzhin// rmad byung shin tu chen po mdzad/

  109. 268b

    ga de nas gnas brtan kun dga' bo'i yon tan gyi bdag nyid chen po'i ngo mtshar gyis yang dag par rdzogs pa'i sangs rgyas rjes su dran nas rtag tu phyag 'tshal ba rdzogs pa'i sangs rgyas rkang gnyis mchog/ gang khyed nyan thos 'di lta bur// rtag tu 'gro la phan brtson pa// dpa' bo chen po phyag 'tshal bstod// de bzhin gshegs pa'i bdag nyid che// mthong ba nad du yang dag bstan// ji ltar 'gro tshogs 'di khyed kyis// stong pa min pa snyam du sems// de nas rgyas bos gnas brtan kun dga' bo la zhus pa/ gnas brtan ded dpon nyi ma chung ma dang bcas pas sug las ci zhig bgyis nas las de'i rnam par smin pas phyug pa dang nor che ba dang / longs spyod che bar gyur pa dang / bcom ldan 'das kyi bstan pa la bden pa mthong bar gyur/ dge slong ka shi mdzes dga' mo dang / dge slong rab gtum gyis las ci zhig bgyis nas/ gang gis phyug pa dang / nor che ba dang / longs spyod che bar skyes shing / bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis/ dge slong gser mdog gi las ci zhig bgyis na/ las de'i rnam par smin bas phyug cing nor che ba/ longs spyod pa'i rigs su skyes shing 'di ltar gzugs bzang ba dang / blta na sdug pa dang / mdzes pa dang / yan lag dang /

  110. 269a

    nyid lag thams cad dang ldan pa dang / gser gtso ma'i mdog gis kha dog shin tu rgyas pa dang ldan pa dang / 'gro ba thams cad kyi yid dang mig 'brog pa dang / gser gyi mdog can gyi gos gyis lus dkris pa dang / 'di'i yan lag thams cad nas tsan dan gyi dri byung ba dang / 'di'i kha nas ud pa la'i dri byung ba dang / de skyes pa tsam gyis khyim der gos kyi char dang / me tog ka ra ni kar ra'i char 'bab par gyur cing / gos de dag kyang gser gyi mdog can nyid du gyur pa dang / 'di ltar shin tu rdzu 'phrul che ba dang / mthu che ba dang / bcom ldan 'das kyi bstan pa la/ rab tu byung nas nyon mongs pa thams cad spang ste/ dgra bcom pa nyid mngon sum du bgyi ba lags/ gnas brtan kun dga' bos gsungs pa/ rgyal po chen po 'di rnams nyid kyis/ sngon gyi skye bo gzhan du las gang zhig byas pa bsams pas/ 'di rnams nyid kyis las byas shing bsags pa dag su zhig gis so sor myong bar 'gyur/ rgyal po chen po las byas shing bsags pa dag ni/ sa'i khams la rnam par smin par mi 'gyur/ chu'i khams la mi 'gyur gyi/ 'di ltar las dge ba dang / mi dge byas shing bsags pa dag ni/ zin pa'i phung po dang / khams dang / skye mched rnams la rnam par smin par 'gyur te/ lus rnams bskal pa brgyar yang ni/ chud mi za bar chog

  111. 269b

    dang 'dus/ rnyed na lus can rnams la ni// 'bras bu dag tu gyur pa nyid// rgyal po chen po sngon byung ba 'das pa'i dus na/ 'di nas skal ba dgu bcu rtsa gcig pa na bcom ldan 'das rnam par gzigs zhes bya ba/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba/ kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'dzi/ rten du byung te/ de gnyen ldan zhes bya ba'i rgyal po'i pho brang nas byung ste/ gnyen ldan gyi tshul zhes bya ba na bzhug so// yang de'i tshe de'i dus na rgyal po'i pho brang / gnyen ldan na/ rna can zhes bya ba'i ded dpon phyug pa/ nor mang ba longs spyod che ba/ yongs su bzung ba yangs shing rgya che ba/ rnam thos kyi bu'i nor la 'gran pa/ rgyal po'i pho brang gnyen ldan skyes bu mchog tu gyur pa zhig gnas pa dang / des rigs mnyam pa las chungs ma blangs te/ de de de lhan cig rtse zhing dga' mgur spyod par byed do// de ltar rtse zhing dga' la dga' mgur spyod pas/ chung ma sems can dang ldan par gyur pa nas ji ltar ded dpon rna can tshong ba lnga brgyas skor te/ rgya mtsho chen por zhugs kyi bar du sbyar ro// de yang mngal du ji ltar skye bar gyur pa de ltar ded dpon rna can gyi chongasar gtogs pa dang / zhing du gtogs pa dang /

  112. 270a

    yul gzhan du gtogs pa'i nor gyi rigs las der la la ni mes tshig/ la la ni rkun mas khyer/ la la ni mi rnams kyis khyer ste bros ra gyur ji tsam na ded dpon rna can gyi chung ma zla ba tshang ba dang / bu skyes par gyur te/ pags pa nag po shin gzugs mi sdug pa/ mi sdug pa'i mtshan bcom brgyad kyi lus rmad par byas pa/ de'i kha dang de'i lus gang zhig bsnams nas/ khyim na gnas pa'i 'khor shin tu yang gtong rgyab kyis phyogs par 'gyur ba de lta bu shin tu dri mi zhim pa byung bar gyur to// khye'u de skyes pa tsam gyis gang gis khyim der rdzas ma lus pa tshig par gyur pa de lta bu'i me byung ba dang / ded dpon gyi chung ma nyam thag pas/ khye'u de thogs nas khyim de las byung ngo // gang gis tshe yang mi des khyim de dang rdzas ma lus par bsregs nas rang nyid zhi bar gyur pa de'i tshe/ ded dpon nyi ma'i chung ma gnas ngan pa phyed tshig pa'i zhig ral can zhig tu zhugs nas gos med sa la gting ste khyis pas bsnyal nas tsha ba'i dbug rings po phyung ste/ ded dpon rjes su dran zhing du ba la zhugs so// kyi hud 'di lta bu'i phyin ci log tu gnas pa ni sdug bsngal lo// ded dpon rna can gyi bran po dang / bran mo dang / las byed pa'i skyes bu'i de rnams kyis rgud pa gang yin pa de mthong ba de dang / yu bu cag kun kyang brlag par 'gyur gyis 'dong zhes smras te skrag pas/ ded dpon

  113. 270b

    gyis chung ma spangs nas/ thams cad bros par gyur to// der mngag bzhug byed pa'i bu mo cig gis bsams pa/ ngas ni ded dpon rna can gyi khyim phun sum/ tshogs pa du ma la kun tu longs spyod nas/ da ded dpon gyi chung ma gnas skabs 'di lta bur gyur pa na/ gcig pu spangs nas bdag bros pa gang yin pa de ni/ bdag gi tshul dang 'thun pa ma yin no snyam nas de cig pu de/ ded dpon rna can gyi gam na 'dug go/ ded dpon gyi chung ma de'i nor thams cad mer bsregs bas nyi ma cig gi bza' ba yang med par gyur to// de nas bu mo ma ngag bzhugs ma te/ ded dpon rna can gyi mdza' bo dang 'brel ba dang / gnyen rnams gang yin pa de rnams kyi gam du song ste smras pa/ bzhin bzangs dag ded dpon rna can gyi chung ma gnas skabs 'di lta bu la gnas nas/ de gso zhing bskyang ba mdzod cig dang zhes smras pa dang / gang nas de rnams dag gso zhing bskyang ba la zhugs pa de nyid kyi tshe de rnams kyi rigs la yang / sdug bsngal brgya phrag byung bar 'gyur ba dang / de rnams kyi bsams pa/ ded dpon rna can gyi bu 'di ni shin tu yang bkra mi shis pa zhig ste/ 'di'i bsod nams ma yin pa'i stobs kyis ded dpon rna can gyi 'byor pa shin tu rgya che ba rnams par 'jig par gyur la/ de gal te lu bu cag rnams kyis gso zhing bsrung nas/ yu bu cag rnams kyi khyir

  114. 271a

    du 'di lta bu'i gnas skabs 'byung bar 'gyur gyis/ 'di ltar rnams pa thams cad du ming tsam yang bzung bar rigs pa ma yin no// snyam nas bu mo mngag bzhug ma de la smras pa khyed ci nas kyang nged kyi khyim du 'jug par yang ma byed cig bu mo de ltar tshar bcad pa dang / bsams pa de ni ded dpon gyi chung ma rnam pa thams cad smes med par gyur na/ 'di ji ltar bsgrub par bya/ gzhan du na ngas ni khur 'di blangs pa yin gyis/ shin tu 'bad pa nyid kyis da ni bdag gi ded dpon chung ma bskyang bar bya'o snyam mo// de nas gzhan gyi khyim du song nas gla ba'i las byed pa las zhugs nas der gla gang dag rnyed pa des/ ded dpon gyi chung ma dang / bdag nyid dang / khye'u gso ba la zhugaso// khye'u de ni shin tu yang mi sdug pas/ mi sdug pa zhes ming gtags so// / bu mo mngag bzhug ma de yang las kyi dbang gis nyi ma re re zhing gla'i rnyed pa bri ba la thob par gyur to// de nas srog chags sus po shin tu nyam nga ba ngas rtsom pa dang / ded dpon gyi chung mas bsams pa/ nga ni bran po dang / bran mo dang / las byed pa'i mi dang / 'dza' bshes dang / nye du rnams kyis yongs su spangs nas/ gang bdag cung zad 'tsho ba'i de'i bu mo mngag bzhug pa 'di yon tan yin pas/ 'di ni nga'i ma dang / 'dra bar brtse ba yin mod kyi/ des dus ji srid cig du/

  115. 271b

    gcig pus byed kyang mi nus te/ yongs su skyo bar 'gyur la gla ji tsam rnyed pa des kyang 'tsho mi nus kyis/ des nad kyi yang rang gi las kyi nyes pa/ nyam su myong // bar bya zhing / gla ma'i las bya'o zhes rnam par bsams nas/ bu mo mngag bzhug ma de dang lhan cig gzhan gyi khyim na zhugs te/ gla mi'i las byed par brtsam pa/ dang / de ni shin tu yang gzhon sha can yin pas/ bkres pa la sogs pa'i sdug bsngal gyis yongasu gzir cing las byed pa na yang dang yang du rgyal bar gyur to// de nas yongs skyong bas dbug tsha ba'i nga ro byung nas ded dpon rna can rjes su dran zhing du ba la zhugs te/ kye 'di lta bu phyin ci log kun tu gnas pa ni sdug bsngalo// gang grong khyer ma lus pa'i mchog tu gyur cing dpal gyi phun sum tshogs pa nyams su myong nas kyang tshe 'di nyid la grong khyer thams cad kyi mchog tu gyur nas/ da ltar gzhan gyi khyim du gla mi'i las byed pa'i sdug bsngal dang / yid mi bde ba chen po rjes su myong bar gyur to// de de ltar sdug bsngal gyis yongasu gzir cing / du ba la ltas nas bu mo mngag bzhug ma de tshe nges 'debs pa la zhugs te/ kyi hud tshe 'di nyid la ded dpon rna can gyi chung ma/ ras ka shi ma la sogs pa'i gos sna tshog gyon pa dang / lus la dri zhim pa'i me tog gi phreng ba du mas brgyar pa dang khur ba la rdzas dri zhib pos bsgos pa dang / lha'i bu mo bzhin dga' ba'i tshal song na/

  116. 272a

    bran po dang / bran mo dang / las byed pa'i mi dang / mdza' bshes dang / nye du rnams la zas dang / skom dang gos dang rgyan la sogs pa'i ci rigs par 'gyed pa yin na/ da ni 'di nyid du skra g.yeng zhing lus dri ma'i tshogs kyis gos pa dang / bkres pa la sogs pa'i sdug bsngal gyi lus dang yan lag la sogs pa tham cad yongs su skams pa dang / ras nya rings shing dengs la shin tu dri ma can gyi dum bu'i zhing zhig brgya stong gnas su gyur pas rked pa'i phyogs bkab pa dang / grong khyer pa thams cad kyi tha dad du gyur nas/ gzhan gyi khyim du gla'i las byed pa'i sdug bsngal ba dang / yid mi bde ba chen po nyams su myong bar gyur to// kye ma'o longs spyod rnams kyi shin tu g.yo ba/ kye ma'o las rnams kyis rnam pa sna tshogs pa yang smras pa/ dar gyi gos sogos rab gyon zhing // rgyan rnams kun gyis rab brgyan cing // sngon chad lha'i bu mo 'dra// da lta lam po che na 'khyam// bskal ba de ni zad gyur pas// lus la dri mas gos gyur cing // ras snying dum bu'i gos zhing gyon// da ltar 'di 'drar gyur pa yin// sngon ni lha'i bu mo ltar// skyes pa'i mig gis bdud rtsir gyur// da ltar yid dgas mo 'drar bar// mthong nas de nyid yid kyang skyong / sngon ni nor gyi phun sum tshogs// grong khyer pa'i mchog gyur gang // de ni da ltar 'phongs pa bas// shin tu 'phongs pa nyid du gyur// sngon ni phun tshogs chen po la//

  117. 272b

    dga' bas yongs su longs spyod pa// mya ngan sdug bsngal ldan pa yin// gnas skabs deng 'dis thob par gyur// kyi mo'i 'khor ba bdag nyid ngan// kye ma'o phun tshogs/ mi rtag nyid// gang zhig de lta'i bder gyur nyid// sdug bsngal snod can nyid du gyur// de nas ded dpon gyi chung ma de mngag bzhug ma'i bu mo dang lhan cig tu rim pa 'di nyid kyis gzhan gyi khyim du bla ma'i las byed pa la zhugs pa na/ gzhon nu gzugs ngan gyi bsod nams dbang gis// nya ni re zhing gla rnyed pa 'gribs bar gyur to// ci tsam na dus gzhan zhig gi tshe// nyi ma nub kyi bar du nyin mo las byed du bcug kyang ci yang rnyed par ma gyur pa nas ji srid las kyang byed du ma bcug pa dang / ji tsam na ded dpon gyi chung ma mngag bzhug ma'i bu mo de dang / lhan cig kun tu smra ba brtsom pa// yang da ni las kyang sus kyang byed du ma bcug gis// rnam pa thams cad du spongs mo spyod par bya'o zhes gros te/ de spongs por thogs nas slong mo spyod pa la zhugs so// gang gi tshe gzhon nu mi sdug pa 'gro nus pa de'i tshe la mas bu da ni khyod rang nyid srong mo spyod du song la/ longs spyod cig ces smras nas/ des de la slong mor byin pa dang // de sdong por de thogs nas tshong 'dus su zhugs pa dang / de yang lpags pa'i mdog shin gnag pa/ gzugs shin tu mi sdug pa/ mtshan ngan pa bco brgyad dang ldan pas lus spad par 'os pa mthong ba dang /

  118. 273a

    'jig rten pa rnams shin tu yang rgyab kyis phyogs par gyur nas/ zur du lta zhing 'gro'o// de gang gi khyim gyi sgor song ba der de'i lus las/ dri shin tu mi zhim pa byung ba dang / mod kho na la sA khung gnyis bkag nas shing dang gyo mo la sogs pas brdegs te/ 'di nas myuraru song shig ces grong khyer gyi mi gtsang ba 'dam rdzab 'gro zhes pa lta bur lta zhing skrod par byed de/ gang dang gang du song ba de dang der shing dang rdo dang gyo mo la sogs pa rnams kyi brdogs nas skrod par byed do des srong mo cig kyang rnyed par ma gyur cing / shing dang rdo dang gyo mo la sogs pa rnams kyis brdegs pa des slong por yang chag par gyur/ nas/ smre sngags 'don bzhin du ma'i drung du phyin te shin tu yang zhum par gyur pas tshe nges 'debs pa la zhugs so// de nas des mthong ba dang / brang brdungs te smras pa/ kyi hud bu khyod sdug bsngal te/ su la'ang gnod pa ma byas par/ snying rje spangs pa gang dag gis// 'di ltar brdegs pas khyod sdug bsngal// de nas gzhon nu mi sdug pas sgra dang bcas par dus te smras/ gang dang gang gi khyim sgor na/ slongs mo spyod phyir bdag 'gro ba// de dang der ni gyo mo rdo// shing la sogs pas bdag la brdegs/ de thos pa dang ded dpon gyi chung mas gzhon nu mi sdug pa mgul na mkhyud de sgra dang bar

  119. 273b

    rus te smras pa/ nyes pa med kyang shin tu ni// gang dag gzhan gyis brdegs gyur pas// kye ma gzhan du bu khyod kyis// sdig pa mang po byas par nges// kyi hud shin tu sdug bsngal lo bde ba kun dang rnam bral ba shin tu mi sdug gyur pa 'di/ dman pa ji tsam mthong na ko/ sems ldan snying rje cis mi skye// kyi hu bcom zhing nyams pa bdag/ bu khyod kyi ni slongs mo'i snod dang // bcom pas lus kyang bcom yin te// slongs mo tsam gyis 'tshe ba yin// pa dang ma dang bral ba dang // khyim gyi rten ni med gyur la// gang gis snying rje spangs nas ni// khyod kyi slong snod de bcag gyur// rigs rgyad thams cad nyams gyur cing // bshes dang / gnyen gyis rnams spangs pas bla ma mdza' bo mgon gyur nyid/ slong snod su yis bcad par gyur// kyi hud bu sdug dman pa mthong nas ni// khyod la su yis dpa' tshul bstan par gyur// kyi hud sngon gyi smad pa'i las kyis ni/ bu sdug khyod ni gnod pas bcom par gyur// kyi hud dman pa'i bu la dpa' ba ni// gang gi snying brtse bar ni mi sems pas// rdo dang so bag brtsub mo lta bu yi// sems ldan gang yin khyod kyis de ring spros// kyi hud sgo brgyas bcom pa yi// sdug bsngal gyis gdungs slongs po rgyu// ji ltar khyod la gzhan rdeg par// 'jig rten yid ni spro bar gyur// bkres dang snyoms pas yongs dub cing // phun tshogs kun gyis rnam spangs pa//

  120. 274a

    nad dang sdug bsngal rnams kyis gdungs// khyed la su zhig rdeg par brtson// nyams thag dman pa'i bzhin gyis te/ ngu zhing bkres pas/ rab gzir ba// lkog ma skams pa mthong na deng // khyod la su yis brtse ma byas// deng ni nad kyis zil mnan cing // sdug bsngal ldan la rtse spangs te/ rigs bsnyems dregs pas dkrugs pa ni// gang gis bu khyod ltar brdegs// kyi hud gang gis khyod bkres gzir// slongs mo nyer bsags gyur pa yis// bza' ba chung ngu de yang deng // khyi dang kham yang spyod par byed// kyi hud bu sdug bskal ngan pa/ dko da ni ji ltar byed/ sngon byas sdig pa byed pa po// mi sdug las kyis bcom par gyur/ de ltar de rnams pa du mas mya ngan byed bzhin du/ cha gcig grugs pa'i gnas kyi bum pa'i mdun du/ khrag gis rgyan kyi yan lag gos pa'i bu la mkhyud nas phyag dar dang / gyo mo dang / mi gtsang ba dang / logs pas khyab pa'i sa bskal te/ dal bus dal bus lag pas mnye bar brtsams pa dang / ji tsam srang bar de na tshong dpon gyi bu dang / ded dpon gyi bu dang gzhan yang mthong zhing mthong ba'i bram ze dang / khyim bdag rnams ka sha ka'i ras dang / du gu la'i ras dang / ko dam pa'i ras dang / dar dang / mon dang / ras 'phra zhing rin che ba sna tshogs pa gyon pa dang / 'gul gdug dang / gdu bu dang /

  121. 274b

    dpung rgyan dang / rna cha dang / do shal dang / se mo do sna tshogs pa'i rgyan gyis brgyan pa dang / dri zhim pa'i me tog gi tshogs kha bye ba rnams pa sna tshogs kyis lus la/ sdud pa 'gro ba mthong ba dang / de bdag nyid shin tu sdug sngal ba'i gnas skabs la bltas shing / bu mi sdug pa de yang de bzhin du bzhin dman pa la ltas nas/ dbug tsha ba ring po chung ste mchi ma dang / bcas par shin tu dman pa'i tshig gsang mthon pos smras pa/ phun tshegs du ma brgyas khyab pa/ rin chen gyis ni rgya mtsho bzhin rgyas pa'i rigs su gyur nas kyang / bde ba'i mchog la rjes su spyad/ rgud pa'i cha las byung bas na/ phyag dar khrod kyi gsol nas zhing / zas ma rnyed pas bkres pa dang / shin tu nyam ngas 'tsho bar gyur/ mya ngan rgya mtsho sdug bsngal chu rlabs 'jigs/ gdungs pa'i chu srin mi bzang brgya yis khyab/ dpal ba'i chu klung rgya mtshor zhugs gyur na/ kyi hud bcom zhes sgra ni rnam par sbags/ rgud pa'i chu srin brgya'i yid kun dkrus/ 'phongs pa'i dpa' rlabs 'jigs pa rab tu g.yo/ nad chen 'jigs pa mi zad der nub cing / dbul ba'i chud bzhin chu bor zhugs par gyur/ sdug bsngal rdo khrod nad ni rtsub pas khyab/ gdung ba'i seng ge'i sgra yis gang ba'i bug/ mya ngan bya ni brgya phrag lhag gyur pa/ dbul ba'i sdug bsngal gnas ni thob par gyur/ bag med 'khrul pa dag gi

  122. 275a

    bsam pas ljon/ dam pa rnams la sbyin pa la byin pas/ da ltar 'di na skal ngan dman pa yis/ dregs ldan gdongs// la rtag tu lta bar gyur/ dman dang skal pa dang bral mongs pa rnams dang ni/ slongs mo spyod slong mo'ang du ma byin pa/ gang des gnas khang tsang yang 'byor bar ma gyur pa'i/ dman zhing 'phongs pa mi bzad dag tu zhugs par gyur/ nges par sa stengs kun gyis bkur ba'i bla ma dang / yang dag phrad kyang brnyas shing bsnyen dkur ma byas pa/ gang des da ltar yu bu'ang bsnyas par gyur pa dang / da ltar 'gro ba'i 'phongs pa'i snod du gyur pa yin/ gang gis rdo dang bong ba yin// 'gro 'di bdag cag rdeg gyur pa/ sngon gyi skye ba legs bsdams pa/ mang por nges par brdegs pa yin/ gang gis 'jig rten pa rnams ni/ kun nas yongasu smod gyur pa/ sngon ni bla ma'i skye ba la/ yongasu spros par gyur par nges/ gang 'di bsnyas pa'i sdug bsngal ni/ shin tu mi zas rjes thob pa/ sngon chad bla ma'i skye bo la yongs su brnyas par gyur par nges/ yu bu sngon gyi skye ba la/ glo bur lhags la gos dag ni/ ma byin pa ni gang yin pas/ da ltar su bu gos med gyur/ gang gis gnyen shes dang bral te/ yu bu yun ring sdug bsngal du/ skye bo mang po du ba yi/ nga ro 'don du bcug pa yin/ gang gis gseg ma rdos khyab pa'i/ sa bzhir

  123. 275b

    yu bu nyal 'gyur ba/ sna tshogs gos kyis bkab pa yi/ mal stan sngon chad ma byin dang / stan ni rnams pa sna tshogs pa/ dam pa rnams la ma byin pas/ gang gis tsher ma mang po yis/ khyab pa'i sa yi gzhi la gnas/ gang gi tsher mas ma khyab pa'i/ sa bzhir yu bu rnams rgyu ba/ sngon chad lham dang gzhon pa ni/ bde ba bskyed pa ma byin yin pas/ nyi ma'i 'od tshogs rnams kyis dbus kyi cha snang byas/ phyag dar phung por gang gis 'di na yu bu gnas/ slong ba'i 'gro la khang pa'i gnas tsam phal cher ni/ gnas kyi ser snas nges ma byin gyur pa yin/ gang gis da ltar yu bu shin tu kha bskams la/ 'grin pa skams shing kha dang 'gram pa yongs skams la/ yid la chu 'dod kun tu ltas nas sngon chad ni/ de la bi sil gyur chu ni sbyin par ma byin yin/ slong dang sdug 'phongs pa la zas ma byin ba dang / gnyen dang mdza' bshes la min rtsa lag tshogs la min/ legs par spyod nas tha chad las kyis longs spyad pa/ des na 'dir ni zas bral yu bu yongs 'khyam/ srid pa gzhan du rnam pa mang por nges par ni/ gzhan gyi don sgrub mkhas pa rnams la mtshang dus pas/ gang gis 'di na da ltar 'jig rten sprad pa'i yang shin tu mtshang 'dra'i gnas su yu bu nye bar gyur/ yu bus nges par rnams mang du/ rigs kyis khyebs zhing drag bsten pa pas/ yon tan ldan la yang bdegs

  124. 276a

    bas nas/ gang gis da ltar mi bzang skyes/ 'khor ba'i rgya mtsho 'di nyid/ nad rnams thams cad sel byed pa'i/ sman ni sngon du ma byin pas/ gang gis nad kyis mngon gdugs yin/ ba la khrus ma shing shing ma dang bshes la'ang min/ bla mtshim par ma byas 'jig dmang la'ang min/ gang gi khrus dang btung bral byas pas skye gyur cing / 'di ni sdug bsngal brgya yis bskal bcom mgon med gyur/ bkres dang bsgoms pas yongs dud cing / bza' dang mgo ba rnam bral ba/ na dang sdug bsngal gyis gdungs pa/ yu bus su zhig skyong bar 'gyur/ 'jig rten du ni rnyed dga' ba'i/ gang gis deng ni srog ster cing / yu bus gang gis bran dang ni/ de ring su yi las byed bya/ kye ma'o dbul ba sdug bsngal te/ kye ma'o bsod nams ma byas nyid/ 'di ltar rgyas pa'i grong khyer du'ang / mgon med yu bu ji bzhin no// 'di dag gzhan dag nga la yang / ded dpon gyi chung ma bkres pas yongasu gdungs pa'i yid dang / bdag nyid glegs 'don cing gnas so// ded dponan can rgya mtsho chen por gru zhig pa dang / stes dbang gyis byis pa cig dang / lhan cig spang 'a brel 'jug ste/ chu'i gnas las rgal nas shin tu nyams thag chen pos spongs ma rgyu zhing rgyal po'i pho zang gnyen ldan du phyin pa dang / de der phyi rol gyi zhing gcig tu mtshan mo gnas par 'gyur ba ni/ der

  125. 276b

    yang zho shas 'tsho ba'i skyes bu zhing ba gzhan zhig gnas pa des shes pa dang / de 'di snyam du sems te/ ded dpon 'di ni lus shin tu ring ba dang / bdog pa'i rdzas thams cad nyams pa dang / khye'u gcig 'ongs nas de khyim gyi lo rgyus ji ltar brjod par bya/ yang na rang gis shes par gyis snyam nas des de la lag pa dkru ba'i chu byin te ma sha'i snum khur gnyis byin no// de nas ded dpon rna can gyis lag pa stong pas khyim du 'jug par mi bya'o snyam nas/ ma sha'i snum khur gcig bzhag nas khye'u'i lag tu gtad cing / gcig phyed phyed du bgos tu/ bza' ba'i don du khyeru de dang lhan cig zos so// de nas nyi ma gnyis pa la ma sha'i snam khur de thogs nas shin tu rtsa ba bcing nyam chung ba dang / shin dri ma dang bcas pa gzhan dang / skal pa ngan pa 'bad pa'i ras gcig tsam zhig gyon nas rgyal po'i pho brang gnyen ldan du zhugs te/ rang gi khyim du chas so// gzhon nu mi sdug pa yang nam langs pa'i dus nyid na bkres pa dang / skom pas yongasu nyam chung ba'i bzhin dang / skal ba ngan pa bdag 'di na gnas pas ji zhig bya/ srog kyang dgos pa med kyis song la bdag nyid gsod par bya'o// snyam nas des ma la smras pa/ ma bdag ni ba'i skyed mos tshal du 'chi zhes smras te/ skyed mos chal der chags so// ded dponan can yang rang gi khyim dang nye bar phyin pa dang / ji tsam zhiganas ring por ma lon par du khrod kyi mdog can pa gyi

  126. 277a

    tshogs tsab lhag mar lus pa mthong nas ltas te 'di ci zhig zhe bsams nas/ gnas zhig pa'i byed dum der zhugs pa dang / gnas zhig pa'i phyed dum de na chung ma bram ze zhig dang lhan cig gnas la bzhin dpan pa'i nyam rung ba'i bzhin dang / ras kyi dum bu dri ma can gyi zhing ngas rked pa'i phyogs bkab pa// dri ma'i tshogs kyis la gos pa mthong ngo // mthong nas kyang kyi hud 'di ci zhig yin zhes te brgyal nas sa la 'gyel ba dang / rlung grangs mos phog pas yun ring po zhig na dran pa rnyed de/ de chung ma'i thad du phyin pa dang / 'di ji zhig yin zhes smras pa dang / gsang mthon pos cho nges 'debs pa la zhugs so// de nas chung ma las ji ltar gyur pa thos pa/ dbugs tsha ba rang ba phyung ste smras pa/ ngas ni nges par sbyin pa'i zhi la bya ba byas par gang gis 'di ltar rgud par gyur nas nga 'di la ji ltar sgrub par bya/ gang la skyabs su 'gro bar bya/ su'i bzhin la lta bar bya/ 'jig rten lta dman zhing zhan pa la rjes su brtse ba ni su zhig yin/ su zhig 'ongs nang dbul ba'i rgya mtsho 'di las rgal bar bya/ su zhig 'ongs nas rgung ba'i 'das 'di lta bu bkru bar bya/ su zhig 'ongs nas sdug bsngal gyi chu bo 'di las rgal ba bya/ su zhig 'das na dbul ba'i dgra 'di las rgyal bar bya/ su zhig 'ongs na sdug bsngal thams cad kyi rtsa ba'i dbul ba'i shing dbyung bar bya/ su zhig 'ongs nas sdug bsngal

  127. 277b

    kha dang / sa 'og 'khrus pa dang / 'dir che 'o ma'i rgya mtsho'i spa rlabs gyis pa dang / dbang po'i gzhu'i 'od kyi rtse mo dang / nor mar gang bcag pa dang / zla ba rgyas pa/ dang / pad+ma'i 'dam dang / klu'i dbang po'i gtsug gi nor bu dang / byed rgya'i rdo leb dang / tsam pa ka rgyas pa dri ma med pa lta bu'i kyi dkyil 'khor gyi sku la bskor bar gyur pa/ nyid kyis thugs su chud pa'i ye shes kyi mes nyon mongs pa'i tshang ring bsreg pa'i mdzad pa lha brgya stong gis zhabs la btud cing gcod pan gyi gdugs pas nor bu dang gser gyi 'od zer gyi shin du mdzes shing brgyan pa'i zhabs kyi pad+ma dang ldan pa glang po che gzhon nu'i kan dang / rgya skyegs khu ba dang / pad+ma dang / ston ka'i mtshams kyi sprin tshegs dang / a sho ka dang / le ba rgan rtse'i mi rtog gi chun po dang / zangs mdog can gyi zhabs kyang ldan pa sen mo srabs cing zangs ltar dmar ba'i zla tshes rgod pa lta bu ji ma med pa'i zhabs kyi pad+ma dang ldan pa srid pa'i khri shing brton pa/ gti mug gi mun pa ma lus par rnam par bsal ba/ 'gro ba ma lus pa'i gnyen du gyur pa/ dgos par gzhan la gnyen bzhin par gyur pa/ ye shes kyi spyod yul bsam gyi mi khyab pa 'dod chags chen po'i dug rnam par bsal ba/ dka' brgya stong gi brnyes yon tan gyi tshogs dang ldan pa/ bsod nams kyi tshogs nye bar bsags shing shes rab kyi smras

  128. 278a

    pas/ nyon mongs pa ma lus pa'i shing rtsa nas 'don par mdzad pa/ tshangs pa dang / dbang po dang / nye dbang dang / me dang / gshin rje dang / bden bral dang / chu lha dang / lus ngan dang / dbang ldan la sogs pas/ bstan pa mngon par bstod pa/ thugs rjes chen po dang ldan pa 'jig rten la phan par zhags pa/ bsrungs pa cig pu pa/ nyag pa ba/ zla med pa gnyis su mi gsung ba/ zhi gnas dang lhag mthong la gnas par mdzad pa/ dul ba'i gnas gsum gyi sa gzhi la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs legs par gnas pa/ bsdu ba'i dngos po bzhi las yun ring po nas goms pa/ yan lag lnga spangs pa/ yan lag lnga las yang dag par 'das pa/ yan lag drug dang ldan pa pha rol tu phyin pa drug yongs su rdzogs pa/ byang chub kyi yan gyi yan lag bdun gyi me tog gi brgyan pa/ yan lag brgyad pa'i lam ston par mdzad pa/ mthar gyi gnas pa'i snyoms par 'jug pa dgu la mkhas pa stobs bcu'i stobs dang ldan pa/ phyogs bcur bsnyen pas yang dag par brgyas pa brgyad phrag bcur dbang sgyur ba las khyad par du 'phags pa 'di rnams ni rnams ni nyin lan gsum mtshan lan gsum du/ sangs rgyas kyis 'jig rten la rnam gzigs nas su ni 'phel/ su ni 'grib/ su ni gnod gyur/ su ni

  129. 278b

    nyams nga bar 'gyur/ su ni sdug bsngal bar 'gyur/ su ni ngan song gzhol/ su ni ngan song la bab/ su ni ngan song la dbang/ su ni deng ngas 'khor ba'i rgya mtsho chen po las nye bar gdon par bya/ su ni deng ngas 'khor ba'i srin pos rnam par rtses pa la rnam par thar par bya/ su ni deng ngas dbul ba'i sbrul gyis 'das pa las yongasu skyabs par bya/ su ni deng dAs zhe sdang mes lus kun sreg pa las dam pa'i chos kyi char gyis dbang skur bar bya/ su ni deng ngas gti mug gi mun nag nang du zhags pa la rab rabi med pa'i snang ba bla na med ting nge 'dzin mchog gi rtse mo la skyon par bya/ su ni deng ngas sdug bsngal thams cad zad par byed pa'i lam gyi mchog yan lag brgyad ba bstan par bya/ su ni deng ngas dbul ba'i sgo glegs mtha' med pa'i bzhig par bya/ su ni dang ngas mi shes pa'i rab rib kyi mig mdongs pa la ye shes mig sman rjes su 'brang bar bya/ su ni deng ngas lcags sgrog chen po bcings par las thar bar bya zhes mkhyen pa'i gzigs pa 'jug go// yang smras pa/ rgya mtsho chu srin rnams kyi gnas/ dus slab yol bar 'gyur yang srid/ gdul bar bya ba'i sras rnams la/ sangs rgyas dus las yol ba med// de nas bcom ldan 'das yang dag par rdzogs pa'i sangs rgyas rnam par gzigs 'jig rten ma lus pa 'di dag la gzigs par gyur pa dang / bcom ldan 'das kyis ded dpon na can

  130. 279a

    dbul ba'i sdug bsngal gyi 'dam brdzab du nub cing bdag nyid shin du mya ngan gyi sme zhing gnas par gzigs so// gzigs nas kyang thugs rje chen pos yang dag par bskul ba'i thugs dang / lhung bzed rnams zhing chos gos bsnams te/ gnyen ldan gyi skyed mos 'tshal nas mtshon byung nas gnyen ldan du gshegs so// yang dag par rdzogs pa'i sangs rgyas rnam par gzigs/ rgyal po'i pho brang gnyen ldan du bsod snyoms la gshegs pa dang / de mthong nas rgyal po dang / blon po dang / tshong dpon dang / bram ze dang / khyim bdag dang / grong khyer gyi skye bo rnams dang / ded dpon rnams yang dag par rdzogs pa'i sangs rgyas rnam par gzigasa'ang bsod snyoms la byon gyis/ bcom ldan 'das 'di'i lhung bzed ngas dgang bar bya'o snyam nas/ srog chags brgya stong dpag tu med pa rnams bza' ba dang / btung ba rnams thogs te gnas so// de nas bcom lnga 'das yang dag par rdzogs pa'i sangs rgyas rnam par gzigs/ ded dpon na can la rjes su thugs rtse bas tshong 'dus kyi dbus na thugs rab tu zhi zhing ska la nyi ma 'char ka'i 'od pas lhag pa'i 'od kyis 'bar ba lta bu/ ston kha'i zla ba rgyas tshams kyi sprin gyis bskor ba lta bu lta bu dang / lha'i skyed mos tshal gyi dpag bsams shing lta bu dang / gser gyi mchod stong lta bu bdud brtsi'i byu ru'i shing skra ya

  131. 279b

    lag brgyan pa lta bu dang / gser gyi gzhong pa'i steng du til mar gyi mar gyi mar me bltam pa lta bu dang / rin po che'i ri bo rin po che bram sna tshogs kyis spras pa/ lta bu dang ngang pa'i rgyal po gser gyi pad+ma'i dngul gyis gos pa lta bu dang / sa srung dal gyis 'bab pa'i byes ma'i dngul gyis brgyan pa lta bu dang / seng ge sdong ros kyis byugs pa lta bu dang / sa thams cad kyis dpal gyis tshogs lta bu dang / sku shin du 'bar ba lta bu dang / zhabs kyi mthil gnyis shin tu leg par byis pa'i shang rta'i 'khor lo nor bus spras pa'i 'od dang ldan pa lta bu dang / zhabs kyi 'thil rab tu gsal ba'i 'dab ma'i kha rgyas pa lta bu shin du gnyen zhing gzhon sha chags pa dang / zhabs kyi 'thil du dpal bye'u dang g.yung drung dang / dga' ba 'khyil ba dang nya dang ldong ros kyi brgyan pa dang / zhabs gnyis la zla ba rgyas pa'i dbyibs lta bu la zangs shin du sbyangs pa lta bu'i mdangs dang / 'od dang ldan pa'i sen mo shin du dri ma med pa gcig tu gal ba legs par skyes pa dang / lta na sdug cing 'tho ba'i sen mo dang / zhabs kyi sen mo'i thig le'i phreng bas smras shing mnyam byed pa dang / legs par skyes pa dang / ring zhing zlum la yangs pa'i sen mo dang / 'jam zhing shin gnyen la shing bal ltar reg na bde ba'i ting ba gnyis dang / dpal gyis 'bar bar nyi ma na mkha'i

  132. 280a

    dkyil na 'dug pa lta bur phyogs kyi dkyil 'khor thams cad ma lus par kun du snang bar mdzad cing ded dpon na can gyi gnas zhig pa'i phyed du ma der byon to// de nas yang dag par rdzogs pa'i sangs rgyas rnams par gzigs kyi gser gtso ma shin du spangs pa'i 'od 'phreng ba lta bu dang / mar gyi rgyun gyi blugs pa'i me'i tshogs lta bu dang / shin du kha rgyas pa'i king shu ka dang / a sho ka dang / ud pa la dmar po dang / ka ra byi ra dang tsam pa ka dang / leb rgan rtsi'i khu ba dang / mtshams kyis sprin dang / glang po che'i kan dang / pad+ma dkar po dang / glog brgya stong pas lhag pa'i 'od zer yang dag par 'gyed par mdzad cing / gang gi'i de'i modo kho na la gnas zhig pa'i phyed du ma phyi dang nang du bcas pa/ gser zhun ma ltar snang bar gyur pa de ltar mdzad do// de mthong nas ded dpon rna can gyis 'di ji zhig yin snyam ste langs pa dang / bcom ldan 'das yang dag par rdzogs pa'i sangs rgyas rnams gzigs mtshan sum bcurtsa gsum gyis brgyan pa chos zhes bya ba lus dang ldan pa lta bu dang / mar gyi sbyin sregs blugs pa'i rjes thogs kyis me lha lta bu/ gser bzhus pa'i khu ba'i mdang dang / ka ni kar dang / gur gum dang / leb rgan rtsi dang / ldong ros dang / babal dang / ud pa la dmar po dang / ston gyi mtshams kyi sprin dang / rma bya'i

  133. 280b

    sgrob mangs dang / gser dang / mthing shun dang / mtshal dang / a ti mug te ka drang ku ran ta ka lta bu'i 'od kyi dkyil 'khor gyis skul bskor ba mthong ngo // mthong nas kyang ded dpon rna can de bzhin du dad pa chen po skyes te/ ngas bcom ldan 'das la ci zhig dbul bar bya snyams du bsams te/ bdag nyid kyi 'byor pa la ltas pa dang / ma sha'i snum khur gcig po yod pa mthong nas des de blangs te/ chung ma la smras pa/ bzang mo ngas ni lhag stong pas nga'i khyim du 'jug par mi bya'o// snyams nas ma sha'i snum khur gcig khyer te 'ongs nas/ bcom ldan 'das yang dag par rdzogs pa'i sangs rgyas rnams par gzigs 'di yon gnas kyi dam pa/ dmin pa dang / zhen pa rnams la rjes su thugs gartses par dgongs la/ 'di la sbyin pa'i sa bon nyung zad tsam zhig btab pas kyang / dbul ba'i sdug bsngal brtsa nas 'byin par mdzad pa yin/ bcom ldan 'das de la ngas ma shi'i snam khur 'di dbul bar bya 'am/ des smras pa rjes sras legs kyis de ltar mdzod cig/ 'di tsam gyi dge ba'i rtsa bas kyang 'khor ba na bde ba'i rgyur 'gyur ro// de skad ces smras pa dang / ded dpon gyis bsams pa/ ma shi'i snum khur 'di ni shin tu zhan pa yin la nga ni grong khyer 'di ru de lta bu zhig tu gyur nas/ da 'di lta bu'i ngan pa rgyal po dang / blon po dang / zam ze dang / khyim bdag

  134. 281a

    dang / grong khyer gyi skye bo dang / ded dpon rnams kyis gal te mthong bar ji ltar na bcom ldan 'das la dbul bar bya/ gzhan du na le mas dkris la dbul bar bya ste/ de ltar na ni 'di rnams kyis shes par mi 'gyur ro// snyam nas rang gi gnas zhig pa'i phyed dum gyi nang du zhugs te/ lo ma bcal bar brtsams dang / ci yang rnyed par ma gyur te/ kyi hud 'di lta bu'i bskal po zhan pa ni sdug bsngal lo zhes dbugs tsha ba ring po phyung nas/ de'i mod la gnas zhig po'i byed de nas byung ste/ dad pa chen po'i shugs kyis ma sha'i snam khur de yang dag par rdzogs pa'i sangs rgyas rnam par gzigs kyi lhung bzed du phul lo// phul nas kyang gnyis la phyag byas te/ smon lam byed par brtsams pa/ bcom ldan 'das sbyin par bya ba'i chos yongasu phul ba'i dge ba'i rtsa ba 'di skye ba'i rtsa nyid nas bzung ste/ nyin zhag gcig tsam yang dbul por nam yang ma gyur cig/ shin du phyug pa dang / nor dang / yo byad yongasu rdzogs pa dang ldan par gyur cig/ bcom ldan 'das yang dag par rdzogs pa'i sangs rgyas rnam par gzigs kyi zhabs la ded dpon rna can gyi btud pa tsam de nyid kyis rjes thogs kho na la shin tu gzugs zhen cing rid pa/ de mi snang bar gyur nas sngon gyi mdog mdong lta bu dang ldan par gyur ro// de nas ded dpon rna can

  135. 281b

    gyi smon lam btab nas langs te/ yang dag par rdzogs pa'i sangs rgyas rnam par gzigs slar bzhud de/ gnyen ldan gyi skyed mos tshal du gshegaso// / de nas ded dpon rna can gnyen ldan gyi tshong dpon rnams kyis ngo ma shes par gyur to// de nas der ded dpon zhig pos phyed de nas byung ste/ dad pa chen po'i shugs kyis ma sha'i chos yongasu phul ba'i dge ba'i rtsa ba 'dis skyed pa'i rtsa nyid nas brgya stong dpag tu med pa zhig byin pa dang / de nas ded dpon zhig gyis grong khyer pa de rnams la 'di skad ces smra so// da dang khyed rnams kyis ded dpon rna can rgud pa gyur pa la btang snyom su 'jog pa ni rigs ma yin no// de nas ras gcig gting ste yang smras pa/ grog po dag mang pos ni gcig cig legs par bdon nus kyis/ gcig gis ni mang po ma yin pas de la gang gis 'dir yongasu btang ba de ras 'di'i steng du zhog cig ces smras pa dang / du ma zhig gis mgul btu ba dang / gdub bu dang / dpung brgyan dang / do shal dang / sen mo de dang / lag gtub la sogs pa brgyan pa/ brgya stong dpag tu med pa zhig byin pa dang / ka sha'i ras dang / du gu la'i ra sa dang / ko tam pa'i ras dang / dar dang / mon dang la sogs pa zhig tu 'dra zhing rin po che sna tshogs pa'i gos zung brgya stong dpag tu med pa byin te/ de la skra cig na de nyid gos dang / rgyan gyi phung po

  136. 282a

    chen po zhig tu gyur to// de nas ded dpon na can gyi 'byor pa de la brtags nas/ chung ma la sbas pa dang / bzang mo zhing gshin pa la sbyin pa'i sa bon btab pa'i myu gu 'thon pa la ltos/ de yang dga' ba dang mgu ba skyes te/ yang dag par rdzogs pa'i sangs rgyas rnam par gzigs de la phyag byas nas rgyan dang gos de rnams gnas zhig pa'i phyed du ma der bzhug par brtsamaso// khye'u mi sdug pa yang pha'i skyed mos tshal du zhug nas/ bkres pas gdungs pa'i yid dang / rang nyid mchog tu rang nyid gzug ngan pas 'di ltar yang dang yang du mya ngan byed cing bsams pa/ shin tu sdig pa'i las byed pa mchog tu sdug bsngal ba'i bkal ba can shin tu gzug ngan pa mthong na bkra mi shis pa nga bson pas dgos pa zhig yod de/ bdag nyid kyi bdag srog dang bral bar bya'o snyam nas/ skyid lug pa'i yid kyi modado kho na la/ pa ta la'i shing gi yal ga'i rtse mo la 'dzeg pa/ shing gi yal ga chag nas/ shing gi yal ga dang lhan cig tu lhung ste/ tshor ba nyams thag cing 'dug go/ bar skabs der sangs rgyas bcom ldan 'das la ni mi mkhyen pa 'am/ mi gzigs pa 'am/ thugasu mi chud pa 'am/ rnam par mi rig pa ni ji yang ma mnga' bas yang dag par rdzogs pa'i sangs rgyas rnam par gzigs kyis sangs rgyas kyi lha'i spyan gyis rnam par dag pa mi'i las 'das pas//

  137. 282b

    khyi'u mi sdug pa de ltar sdug bsngal ba gzigs so// gzigs nas kyang thugs rje chen pos yang dag par skul ste/ skyed mos tshal der rdzu 'phrul gyis gshegs nas nyid kyi sku las 'od zer 'gyed par mdzad de/ bkres pa dang skom pa'i sdug bsngal de yang brgyun chad par gyur nas de'i mod la langs pa dang / yang dag par rdzogs pa'i sangs rgyas rnam par gzigs skal pa brgya stong bye ba dpag tu med par mthong ba shin tu rnyed par dka' ba/ mtshan sum bcu rtsa gnyis kyis snang bar byas pa'i sku de dang ldan pa mthong ngo // de mthong ba'i mod la bcom ldan 'das yang dag par rdzogs pa'i sangs rgyas rnam par gzigs la dad pa chen po bskyed de/ des kyang yung bar btsos pa'i gos kyi dum bu khru gang gyon te 'dug pa las/ de dad pa'i shugs kyis lus phud de/ de dang kar ni ka'i me tog cig dad pa'i shugs chen pos 'bral du/ bcom ldan 'das rnam par gzigs kyi sku la gsol to// de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ji ltar gos kyi dum bu de/ de bzhin gshegs pa'i sku'i tshad dang ldan pa tsam du gyur nas sku la gsol ba dang / me tog kar ni ka'i yang dbu'i steng du shing rta'i 'phang lo tsam du gyur nas/ gdugs ltar gnas de ltar byin gyis brlab so// de mthong ba dang khyi'u mi sdug pa shin tu yang

  138. 283a

    dad pa chen skyes nas/ de dang pa chen po'i shugs kyis yang dag par rdzogs pa'i sangs rgyas rnam par gzigs kyi zhabs gnyis la byas/ byas te/ sgra gsang mthon pos smon lam byed par brtsams pa/ rkang gnyis mchog gyur sbyin pa ni/ 'di yis 'di na gzugs ngan nyid/ deng nas brtsams te legs gyur pas/ bdag ni gzugs bzang nyid thob shog/ gser mdog can gos rnams ni/ gser sbyangs lta bu gyon pa dang // bdag gis lus dang kha nas kyang // tsan dan ud dpal dri ldan shog/ gser gyi mdog ltar snang gyur cing // 'jig rten gyi ni yid du lto// nad kun las ni rnam thar zhing // bstan bcos don kun pha rol phyin/ kun tu 'ang nor dang yang dag ldan// sdug bsngal thams cad rnam spangs pa// kun mchog kun gyis lta bar 'os// rgyan kun gyis ni rnam brgyan shog/ rdzogs sangs don kun grub 'gyur cing // sems can rnams la mnyes bzhin sho ga/ dri med yon tan dpal kun ldan// 'de zhing rdzas kun ldan par shog/ de nas smon lam de byas pa dang // dus mnyam pa nyid la khyi'u mi sdug pa'i gzugs mi sdug pa 'phral du mi snang bar gyur te/ mdzes shing blta na sdug pa lus kyi lpags pa gser gyi mdog can gzugs bzang bar gyur to// 'phral du de la na mkha' las gser gyi mdog can gyi gos byung bas lus la bkab cing rin che ba'i dbu brgyan dang / rna cha la sogs pa rgyan gyi

  139. 283b

    khyad par rnams byung bas brgyan to// lha rnams kyi kyang me tog kar ni ka dang / ud pa la dang / tsam pa ka dang / pad+ma dang / man da ra ba lo sogs pa me tog gi/ char chen po phab pa dang / lha'i tsan dan gyi me tog dang / a ka ru dang / gur kum dang / ta ma la'i lo ma'i bye ma'i char pab cing 'di skad ces kyang smras so// e ma'o de bzhin gshegs pa la skrun pa'i sa bon khyad par can gyi myur gu yang dag par byung ba yin no// lha'i me tog dang / phyi ma'i char yang bus mo nus pa tsam du skyed mos tshal de thams cad du phab nas gnas so// de nas yang dag par rdzogs pa'i sangs rgyas rnam par gzigs skyed mos tshal de nas yang mngon par byung ste/ gnyen ldan gyi skyed mos tshal du gshegs so// ded dpon rna can gyis kyang chung ma la smras pa/ bzang mo gang zhig skyes nas nged la 'di lta bu'i rgud pa byung bar gyur pa'i bu de gar song / de smras pa/ de skyed mos tshal du 'gro'o zhes zer ro// des smras pa/ de nyid yi mug pas bdag nyid gsod par 'gyur gyis der myur tu bzhud cig/ ded dpon rna can gyis smras pa/ yu bre'i bu'i ming ni ji gzugs ni 'dra ba zhig yod/ des smras pa/ rje'i sras lta na mi sdug pas mi sdug pa zhes bgyi'o// des nas de dpon de nyin tu myur ba'i gom pa'i stabs kyis skyed mos tshal der song ba dang / gzhon nu mi sdug pa lus gser gyis mdog can/ shin tu rin ches pa'i gos ser po

  140. 284a

    'phra ba lus la gyon pa rgyan thams cad kyi brgyan pa mthong na yid 'brog pa'i lha'i bu gzhon nu bzhin dpal gyis mchog tu 'bar ba mtho nga / mthong nas kyang e ma'o gang la 'di lta bu'i bu yod pa 'di ni skyes bu skal ba dang ldan pa'o zhes zer zhing gzhon nu la smras pa/ khye'u khyod su'i bu yin/ des smras pa/ rna can zhes bya ba'i ded dpon zhig yod de nga ni de'i bu yin no// ded dpon rna can gyis bsam pa/ gzhon nu 'dis ni nga la bstings so snyam du sems shing shin tu ltang mo skyes so// mig mi 'dzums par lta zhing gzhon de la yang smras pa/ kyes gzhon nu khyod su'i bu yin pa bden par smros shig/ mi sdug pas smras pa/ 'dir ji srid brtag par bya ste/ bden pa nyid du nga ni ded dpon rna can gyis bu yin no// des smras pa/ se ma'o gzhon nu 'dis ni nga la shin du yang stings so snyam nas smras pa/ gzhon nu ngas ni shin tu mi sdug go zhes thos nas/ khyod ni gzugs bzang bar gyur gzhon du mi sdug pa dga' bas mig gdangs te/ sgra gsang chen pos smras pa/ dang ni dbul ba'i sdug bsngal mes/ sems ni yongasu gdungs pa na/ shing gi yal ga'i rtser 'dzegs te/ bdag gis rang nyid lhung bar bya/ lhung nas yan lag snang bas gzigs/ bdag ni brgyal ba nyid du gyur/ sems med dbugs na thon par/ ska cig tsam zhig rnam

  141. 284b

    par gnas// de nas rnam gzigs rdzogs sangs rgyas// sems can rnams la rjes bzung bar// mgon po bdag la thugs rjes phyir// skyed mos tshal ni 'dir byon to// sum bcu rtsa gnyis mtshan 'chang zhing // lpags pa gser ni sgyings 'dra'i 'od rnams kyis// phyogasna drug ni 'gengs par mdzad/ de sku'i 'od zer rab gsil bas// bdag la reg pa tsam gyis ni/ mnyam med bdud rtsi rgyan gyis na// 'di dag thams cad tshim par mdzad// bkres ko ma lta bu'i sdug bsngal dang // ma lus bdag gi bkra mi shis// de'i med la zhi gyur cing // bdag ni sems kyang rnyed par gyur// 'di ci yin zhes spros bcas pa// bdag la langs te tshe thub ni// shin tu mdangs bzangs 'gro ba yin// phun sum tshogs gnas gyur mthong // bdag gi lta bya'i rin chen de// mgon po dpal gyis mchog gis ni// phyogs rnams rgyas pas gsal mdzad pa// mthong nas bdag sngar dad par gyur// de nas rab dga' sems kyis so// bdag gi gos kyi dum bu ni// yung bas btsos pa de nyid la// mchog tu dga' bas phul bar 'gyur// kar ni ka'i me tog cig/ bdag gi brtul zhugs bzang de la// gtor ba de yang thub pa yin// stengs du gdugs bzhin gnas par gyur// de kyang dga' zhing mgu ba yin// zhabs gnyis la ni rab btud de// shin tu dang bskyed pa 'i/

  142. 285a

    bdag gi smon lam 'di byas so// mgon po sbyin pa 'di yis ni// de nyid bdag ni gzugs nang la// yongasu spangs shing gzugs/ bzang ba 'ang // srid pa'i rgya mtshor thob par shog/ gser gyi mdog can gos rnams kyang // gser sbyangs lta bur gyon pa bdag gi lus dang kha nas kyang // tsan dan ud pa la dri ldan shog/ bdag gi smon lam de dag ni 'di ni byas par gyur pa na// gzugs dang kha dog 'di 'dra ba// yid du 'ong ba byung bar gyur/ gos ni ring thang cher gyur pa// ser zhing shin tu 'jam pa dag/ bdag gi lus la 'phral du ni// ska cig de nyid la byung // na mkha'i ngos la lha rnams kyis// me tog dang ni tsan dan dang // a ka ru dang ta ma la// ta ga ra sogs char 'di phab// ca co rnams pa chen po dang // yid 'phrog pa'i rnga rdung zhing // sangs rgyas bcom ldan phyag 'tshal zhes// bya'i sgra ni smra bar 'gyur// deng ni dge ba 'di byas pa// dag gi gzugs ni 'di dag dang // gser 'dra'i mdog ni yid 'ong ba// 'di ni byung bar gyur pa yin// de nas ded dpon rna can gyis de skad thos pa dang // 'phral du dad pa'i shugs kyis ba spu'i bu ga thams cad kyang ldang par gyur cing / de bzhin gshegs pa rnam par gzigs la yang dang yang du phyag 'tshal zhing mchog du yid dga' ba skyes pa dang // bu gzugs bzang ba mig mi

  143. 285b

    'dzum par bltas te smras pa/ bu tshur shog yu bu 'deng / de nas bzhon nu gzugs kyis pha la nga pa 'di skyes pa yin no snyam nas shin tu gus pa dang bcas pas/ pa'i rkang pa la phyag byas nas yang legs par byon tam zhes smras te/ pha dang lhan cig khyim du chas so// de'i tshe lha'i dbang po brgya byin lha'i shes pas 'og tu 'jug pa yin pas// de 'di snyam du sems te/ ded dpon rna can 'di ni/ sangs rgyas bcom ldan 'das la lhag par bya ba byas pa yin na/ de rtsa ba khyim na gnas ba'i rigs ma yin no// snyam nas lha'i bu las sna tshogs pa la smras pa/ las sna tshogs seng la ded dpon rna can gyi khang pa rin po che rna bzhi la gra bzhi'i rnam pa gyis shig de nas la sogs pas/ brgya byin tshig mnyan te ska cig ma de nyid la rgyal po'i pho brang gnyen ldan du 'ongs nas rin po sna bzhi'i phag gu las brtsigs shing ka bas bteg pa/ khyams mtho zhing mdzes pa dang / skar khung dang / sgo khang dang / des nas 'phreng ba legs par bkod pa'i yan lag can dang / gdung phran ba leb legs par bkod pa/ shin tu mtho ba'i khang pa zur bzhi pa/ shin tu yid du 'ong ba'i rta babs kyis sgo nye bar mdzes pa dang / ston ka'i sprin brtsigs ba dang / gangs kyis phung po dang / zla ba'i 'od zer dang / pad ma'i rtsa ba ltar dkar ba/ gdug dang / rgyal mtshan dang / ba dan gleng ba dang / mu tig gi

  144. 286a

    chun 'phyang ba dang / gos gyis chun 'phyang gi tshogs btags pa/ grong khyer gyi mchog ma lus pa nye bar mdzes par byed pa'i gnas su/ gyur pa/ shin tu 'bar ba'i gser gyi rang bzhin can gser du mngon par 'byung ba'i a nu'i rgyan byas shing / yan lag brgyad pa'i chus yongs su gang ba'i bum pa brgyad kyis sgo nye bar mdzes par byas pa/ dpag tu med pa'i dngul dang / bai DUr+ya ba dang / shel dang / sdug dang / thon ka dang / mthon ka chen po la sog pa'i rin po rnams kyis yongasu gang ba gter du mas yongasu khengs pa rin po che rnams kyis yongasu khebs pa/ rin po che'i rdzas dang / yo byad kyis yongasu gang ba'i khang pa'i mchog cig byas so// de nas ded dpon rna can khyim du 'ongs pa dang / de'i chung ma dga' zhing mgu ba la rangs pas gser gyi ril ba las chu byin te smras pa/ rje'i sras khyod kyis bsod nams mthus 'ga' zhig gis 'di lta bu'i khang pa'i mchog byaso// de nas ded dpon rna can gzhal yas khang de la mngon par lta zhing mchog tu dga' ba dang / yid bde ba skyes la sangs rgyas bcom ldan 'das la shin tu dad pa skyes te ba spu ldang ba dang / thal mo spyi bor sbyar te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bsam gyis mi khyab pa'i yid bzhin gyis nor bu rin po che bsod

  145. 286b

    nams kyi zhing bla na med pa la phyag 'tshal lo// zhes smras te/ phyag byas nas rab tu dga' bas rgyas pa'i bzhin dang smras pa/ e ma'o yon tan rang bzhin zhi/ nyes pa thams cad rab spangs pa/ gang du bdag gi sa bon btab// 'bras bu de nyid stsol bar mdzad/ sbyin pa ngan don tsam de ni/ len par sbyar ba kun bral gang // nyams dga' mtho ba'i bsor dang ni// rin chen rang bzhin khyim 'di gang // rtsog pa'i lhag ma lus pa tsam// bdag khyim mya ngan 'phel byed gang // sprin dang chos par bral ba yis// zla ba'i 'od zer ltar dkar 'di// byi 'bus rtog bu gang yin pa// skar khung ldan ba'i khyim 'di yang gang // rin chen rab mchog du ma'i// skar khung ldan pa'i khyim 'di gang // khros pa'i khyim khyab tshor ma dang // mi gtsung tshogs// kyis gzir de dag/ khyim 'di sngon chad de 'dra las// rin chen bsags 'di gang yin mtshar// sbrul gyi sa bor ba'i ljags snying ni/ 'byung ba'i gos kyis khyab de gang // 'phra ba'i gos ni phun tshogs bkra/ rnga yab 'phyang ba 'di ni gang / khyi mos bsdus pa'i rus gong ni// dkar pos btsal bkram khyim de gang / dri zhim me tog bzang po ni// sil mas nye bar 'dzes 'di gang // bya ngan mchi ma'i rgyan gyis ni/ rtag tu brnyas

  146. 287a

    pa'i khyim de gang / dri zhim gla rtsi tsan dan gyis// chu yis chag chag btab 'di gang // me lce tshig cing rta babs can/ shin tu sdug bsngal khyim de gang // gser dang rin chen bu tig mchog/ phreng bas nye bas mdzes 'di gang // spang leb chag pa'i sgo yis ni// bsgribs pa yi ni khyim de gang // shel la sogs pa'i sgo glegs ni// sgo 'phang ldan pa 'di ni gang // nga ni yun ring nyams pa yi// 'jigs du ma byed pa'i khyim de gang / nor bu'i rang bzhin ka ba dang / sgo gang gis ni rgyan 'di gang // smre sngags sgra yis kun du ni// khyab pa'i bzhi mdo de ni gang // rol me'i sgra dang gling bu ni// skad dang yang dag ldan 'di gang / sngon ni thod pa'i chos dang ni/ phyag dar phung pos khengs de gang / rin chen phung mos mdzes pa rnams// nang du bsags pa 'di ni gang // cog dang gdung phran bkod pa rnams// ma lus lhag mar gyur te gang // nang na mthon ka chen po dang / shel gyi chen po bzhag 'di gang / stan dang bral rab sor phag ni// gcig la brten par gyur te gang // sna tshogs gos g.yogs nang tshangs can// brgya phrag dang ldan khyim 'di gang / sngon ni gsegs mas khyab gyur pa'i/ sa'i cha'i lam de gang / rgya che der ldan dpal gyi khri// nyam su dga' ba 'di ni gad rtsa g.yog pa'i lam bstan ni/

  147. 287b

    bdag la rab tu rtsub de gang // shing bal yang zhing 'jam pa'i bstan/ der rab yid du 'ong ba gang // khyim nang khyi yis gang 'gyu// shin du dri mi zhim de gang // gzhal yas khang na yid 'ong ba// dri zhim ngas pas bsgos 'di gang // sngon chad khang pa'i phyir nang na// gos dengs snal mas khyab de gang // sna tshogs rin chen mchog 'gyur bas// rnam grangs nyams dga' 'di ni gang // kha yis mi btsang ri mo ni// dkar po brgya rab 'phyang de gang // rgya chen sna tshogs mu tig gi/ dra bas nye bar mdzes de gang // sdug bsngal tshig sme legs dag gang // bsgreng ba'i khang pa de ni gang // dri ma gdugs dang ba dan dgra/ bsgreng bas brgyan par gyur 'di gang // skyobs pa gsod nams zhing gyur pa// gang zhig byon pas bdag deng nyid// dbul ba'i rgya tsho las sgrol ba// mgon po de lta phyag 'tshal lo// gang zhig byon pas bdag deng nyid// phun tshigs 'di 'dra thob gyur pa// thams cad mkhyen pa rnam par gzigs// 'jig rten mgon la phyag 'tshal lo// rnam par rgyal bzhin bsam yas pa'i yon tan dpag med rnams kyis brgyan// yang dag byon nas der bdag ni// bzhal yas khang mchog thob par mdzad// ston de ni legs rnyed pas/ ti se'i rtse mo bsgreng ba lta'i// snron ka'i zla ba ltar dkar ba'i bzhal yas khang mthe thob 'gyur ro// deng nyid grong khyer 'di mgon med// dbul ba

  148. 288a

    sdug bsngal can gyur nas// de nyid kun gyis mchog 'gyur cing // nor che ba dang ldan par 'gyur// sa bon der nyid btab tsam gyin/ 'bras bu 'phral du stsol pa po// 'jig rten mchog 'gyur khyab bdag de/ su zhig gis mchog 'os min// de nas ded dpon rna can dang pa'i shugs drag pos sems kyis rgyud brnyan pa dang bsams pa/ bcom ldan 'das byon nas// nga la 'byor pa 'di lta bu thob par mdzad pa yin pas// da yang ngas dang po nyid du bcom ldan 'das de bzhin gshegs pa rnam par gzigs// khang pa 'dir spyan drangs la// nyan thos kyis tshogs dang bcas pa la// gshos gtsang dbul bar bya'o// snyam nas gus pa chen pos de bzhin gshegs pa rnam par gzigs/ nyan thos kyi dge 'dun dang bcas pa/ khang pa'i nang du spyan drangs te/ kha zas ro brgya pa nyid zhag bdun gyi bar du drangs nas/ zhabs gnyis la phyag byas te/ ji srid 'tsho'i bar du yo byad thams cad kyis bsnyen bkur byas par gyur to// de nas nyin zhag gzhan zhig la zhing bsrung ba'i skyes bu zho shas 'tsho ba zhig rje bos/ 'bras chen thum po zhig byin pa dang / de thogs te zhing las la chags pa na/ las kyi bar zhig tu zho shas mtsho ba'i skyes bu de dag/ bsnyen gzhan zhig las/ ded dpon rna can gyis/ ma sha'i snam khur cig/

  149. 288b

    sangs rgyas bcom ldan 'das la phul bas/ 'byor pa 'di dang 'di lta bu thob po zhes thos so// thos nas kyang skyes bu des/ dge bsnyen la smras pa// kye bzhin bzang bcom ldan 'das la/ che ba'i yon tan ji lta bu yod/ des smras pa/ bzhin bzangs bcom ldan 'das de'i yon tan de'i khyad par smra bar ga la nus 'on kyang mdor bsdus pa 'di nyon cig/ bcom ldan 'das yang dag par rdzogs pa'i sangs rgyas de ni/ skyes bu rab mchog gis mtshan gyis brgyan pas gser gyi ri ltar snang ba/ nyi ma dang zla bas lhag pa'i 'od cig pu pa/ dul ba brtul zhugs bzang ba/ thugs btul ba gsung snyan pa/ cha lugs bzang ba/ sku mdzes pa/ zhal mdzes pa/ spyan mdzes pa/ 'phri las bzang ba/ chos bzang ba/ bzod pa dang ldan pa/ spongs pa dang ldan pa/ nges pa shin du 'dren pa/ dul ba mkhyen pa/ zhi ba mkhyen pa/ byams pa mkhyen pa/ spyan yangs pa/ dbang po rab tu zhi ba/ dbang po shin du dul ba/ dbang po zhi shin zhi na/ chos kyi rgyal po chen po// sems can gyi snying po chen po// 'jig rten gyi mgon po chen po ye shes kyi rtog chen po smra ba'i dpa' ba chen po// bsod rnams kyi mdzod chen po// chos kyi rgyun chen po// ded dpon chen po// sbyin gnas chen po// grub pa chen po// chos kyi sbyin bdag chen po sred pa rnams gci

  150. 289a

    par mdzad pa/ rmongs pa nges par 'dzin par mdzad pa/ thar pa ston par mdzad pa/ chos yang dag par 'jog par mdzad pa/ lam ngan pa las 'pho bar mdzad pa/ lam bzang po ston par mdzad pa/ the tshom gcod par mdzad pa/ bden pa yang dag par ston par mdzad pa/ nyon mongs pa zhi bar mdzad pa/ bdud 'joms par mdzad pa/ 'jig rten rnams sgrol bar mdzad pa/ tshangs pas mchod pa brgya byin gyis yang dag par bkur ba/ 'jig rten thams cad las lhag pa/ 'jig rten thams cad kyi mgon mdzad pa/ sems can thams cad kyi mchog/ sdug bsngal thams cad gcod mdzad pa/ thams cad rig pa/ ngatshul dang dul ba la mkhas pa/ zag pa thams cad las 'das pa/ smra ba'i gtso bo zil gyi mnan pa/ nyes pa thams cad zil gyis mnan pa/ thugs ma yengs pa/ don thams cad la mngon par rtson pa/ gzugs dang ldan pa/ tshul khrims dang ldan pa/ bsam gtan dang ldan pa/ brtson 'grus dang ldan ba/ ye shes dang ldan pa/ re ba mi mnga' ba/ rgyu mi mnga' ba/ nad mi mnga' ba/ spobs pa mi mnga' ba/ skyon med par zhugs par 'jug pa dang zad pa'i thabs nye bar ston par mdzad pa/ sems can thams cad la byams pa'i dgongs pa can sdig pa las rnam par grol ba/ lhag par mos pa dang ldan pa/ bla na med

  151. 289b

    ba gtso bo ston pa'o// nyon mongs pa'i nad kyis gdungs pa de rnams kyi sman pa chen por rang byung khyab bdag/ yang dag par sdom pa'i bdag nyid can/ thu/ mtshad med pa ston pa nyung ba/ cho ga mkhyen pa dang ldan pa/ dus dang ldan pa/ ye shes dang ldan pa/ nyon mongs pa'i dgra las nges par rgyal ba/ me rab tu zhi ba/ mi skyod pa'i chos dang ldan pa/ mchog tu sdug bsngal ba'i 'jig rten ma rig pa'i 'dam la nub pa gzigs shing de las nyid kyis yang dag par 'don par spyod pa/ nyid kyi mthu yi bdag nyid sems can la mtshungs par don mdzad pa'i gros kyi mchog gis las 'gro ba 'don par mdzad pa/ ji ltar sdug bsngal ba rnams gdon par bya/ ji ltar skrag pa rnams dbugs dbyung bar bya/ ji ltar 'khor bar nub pa rnams 'don par bya/ ji ltar bkres pa rnams tshims par bya zhes thugs de lta bu'i brtan po yang dag par bskyed de/ brtson 'grus mchog rtsom par mdzad cing / sku tshe bye ba rgya stong snga ma bzhin du zas dang / skom dang / gnas dang / lam dang / bza' ba dang / gdugs dang / bzhon pa dang / stan la sogs pa yid du 'ong ba dang / glang po che dang na dang / chung ma dang / bu dang / zan po dang / mgo dang / mig dang / bdag gi sha dron mo bcad nas/ rgya byin khri'i gzugs can logs pa dang / sems

  152. 290a

    can thams cad la thabs thams cad kyis phan par dgongs pa/ dus thams cad du yang rgas pa dang / na ba dang / 'phongs pa dang / kun nas rmongs pa dang / kun du khrus pa dang / 'khrugs pa dang / mi bde bar gnas pa/ rnams la gzigs nas/ thams cad nyid kyis dbugs phyung ste/ yod dam med pa la yang spyod cing lta bas rten par mdzad pa/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab las sogs pa'i yon tan sku tshe rgya stong du mar bsags pas zhi ba byang chub kyi mchog bla na med pa rnyes pa'i gzhan yang yang dag par rdzogs pa'i sangs rgyas grags pas khyab pa dbugs 'byin pa'i thugs rje ston pa/ ye shes yongs su rdzogs pa/ brtson 'grus che ba/ dam bcas pa thams cad mthar phyin par mdzad pa/ des pa thams cad las nges par grol ba/ rmongs pa rnams nges par bsal ba dul ba dang / zhi ba dang / dbang po yul thams cad la ma chags pa thams cad la ma chags pa/ thams cad kyi dbang phyug/ lus kyi tha ma rnyed pa/ tshad med pa'i mtha'i 'od kyis rgyan pa'i ye shes kyis mdzod/ zla ba rgyas pa bas lhag pa'i 'od dang ldan pa'i zhal mnga' ba/ lha'i dbang po dang / lha ma yin gyi dbang po dang / klu'i dbang po rnams kyis mos pa rab tu dang ba dang / rtag tu phyag byas pa/ gzi brjid rab tu 'bar ba/ bsod nams dang grags pa ldan pa/ drang srong /

  153. 290b

    chen po byung ba/ gser shin du sbyangs pa/ chos kyi dbang phyug mchog gi chos kyi pha rol du phyin pa sems kyi mchog cang shes pa/ grol ba/ dpa' ba/ lha'i yang dag par rdzogs ba'i sangs rgyas de'i yon tan ma lus par ston pa su zhig gis nus/ gzhan yang gzugs dang mdangs bzangs thams cad kyi/ phun sum tshogs pas legs par brgyan ba/ skur ldan sangs rgyas ma rtogs par/ 'di 'dre'i mchog gzhan yod ma yin/ sangs rgyas 'dra ba'i ston pa med/ sangs rgyas 'dra ba'i blo bzangs med/ sangs rgyas 'dra ba'i rtogs pa med/ sangs rgyas 'dra ba'i thub pa med/ sangs rgyas 'dra ba'i gnod med de/ sangs rgyas 'dra ba'i bden ldan med/ sangs rgyas 'dra ba'i gtso bo med/ sangs rgyas 'dra ba'i smra ba med/ sangs rgyas 'dra ba'i pha med de/ sangs rgyas 'dra ba'i mnyen mdun med/ sangs rgyas 'dra ba'i bshes med do// bdag gi med cing dregs med/ 'jigs pa med cing nyes pa med/ srid pa'i dgon pa des rgyal ni/ 'dran zla med cing skyon mi mnga'/ 'dzes dul zhi zhing gtsang ba dang / dran ldan stobs ldan dbang dang ldan/ sems can kun la phan mdzad pa/ sangs rgyas 'dra ba gzhan med do// mdor na yon tan dam pa ni/ khyad par sna tshogs ldan bas na/ khams gsum na ni sangs rgyas dang / mnyam pa med par bzung bar gyis/ de thos pa dang zho shas mche ba'i skyes bu de/ dad pas ba spu ldang ba dang /

  154. 291a

    shin du rnyed par dka' ba'i spobs 'bral du skyes te/ de la smras pa/ ded dpon rna can gyi sred pas de lta bu'i sbyin gnas dam pa bcom ldan 'das de bzhin gshegs pa rnam par gzigs la ma sha'i snum khur gcig phul nas/ skra cig de nyid la/ ded dpon de dbul ba med par gyur cig ces de ltar sems kyi nor bu ni chen po cher gyur pa/ de bzhin gshegs pa las rnyed de shin du zhen pa/ longs kyi rgyur gyur pa'i smon lam btab par gyur pa yin la/ de yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bskal pa bye ba brgya stong dpag tu med par yang mi mthong ba/ shin du lta bar 'os pa bla na med pa/ bskal pa brgya stong dpag tu med par sems can thams cad kyi don du zhags pas/ bsags pa'i bsod nams kyi tshogs mnga' ba/ thugs rje chen po las mi ldog pa/ 'khor ba pa du ma nyon mongs pa'i dug can gyi sbrul chen pos zin pa'i dman pa rnams la rjes su thugs rtse ba/ rnam par ltung ba'i rnams la khyad par du 'phags pa gnyen gshin pa/ rjes su mi spong ba'i nye du yin la/ ngas ni dus dpag tu med par longs spyod pa ma sgrub pa yin te/ dang zhing las kyis sbubs pa'i 'bras can gyis slongs mo shin du zhan pa/ rnyed pa 'di phul brnyes par bya ba ste/ de'i tshe gang gis sems can thams cad kyis mchog tu 'gyur ba de lta bu'i smon lam

  155. 291b

    zhinan tu gas la gtab par bya'o// snyam pa'i yid la brjod pa'i rjes thogs nyid la bcom ldan 'das yang dag par rdzogs pa'i sangs rgyas rnam par gzigs kyis sems dang sems kyi rtog pa mkhyen nas rdzu 'phrul gyis gshegs te de'i mdun bzhugs so// las byed pa'i skyes bu de bzhin gshegs pa rnam par gzigs skye blta bas chog mi shes pa shin du sbyangs pa ltar mngon par mdzes pa'i mdangs dang ldan po'i lha'i ri'i rtse mo la/ nyi ma shar ka'i 'od zer rnam par 'byung bas bar 'tshams rnams snang bar byas pa/ lta bu'i sku la 'od dang ldan pa mthong ngo // mthong nas kyang mchog tu dga' ba dang / yid bde ba skyes nas/ dad pa'i shugs chen pos 'bras can gyi/ mthu po blangs te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par gzigs kyis lhung bzed du phul te dad pa'i shugs chen pos zhabs gnyis la phyag byas te/ smon lam byed par brtsams te/ mgon po bsod nams 'di yis ni/ skyes pa 'di nas bzung nas su// sems can kun la phan sems shing / snying rje'i bdag nyid can gyur cig/ ji ltar khyod ni mtshan ldan zhing / bla med byang chub bsnyes 'gyur ba/ de bzhin bdag kyang rdzogs byang chub/ dri med yang dag thogs 'gyur cig/ ji ltar khyed ni kun mkhyen cing // chos rnams ji ltar stor mdzad pa/ brnyes pa de bzhin bdag

  156. 292a

    kyang ni/ kun mkhyen nyid ni thob par shog/ ji ltar khyed bdud las rgyal zhing // chos kyi 'khor lo skor mdzad pa// de bzhin bdag kyang des rgyas nas/ chos kyis 'khor lo skor gyur cig/ ji lta mgon pos 'khor ba yi// rgya mtsho'i ngos su sgrol mdzad bzhin// thub pa'i dbang po de ltar ni bdag gi sems can mang sgrol bgyi// de nas bcom ldan 'das yang dag par rdzogs pa'i sangs rgyas rnam par gzigs char dang bcom pa'i sprin bzhin/ zab cing gsal ba'i gsung gi sa dka' stsal pa/ bzhin bzangs don grub ces bya ba'i ston par ni// mthu ldan khyed ni ston par 'gyur ba ste// bdun sde bcas las 'di ni mngon rgyal zhing / kun nas 'jigs pa mngon par lhung byed gyur// de nas yang dag par rdzogs pa'i sangs rgyas rnam par gzigs kyis skyes bu de bla na med pa yang dag par rdzogs pa'i byang chub tu lung bstan ste/ lung bstan zin pa dang / ji ltar gyur pa de rgyal po'i pho brang gnyen ldan kun tu grags par gyur to// ji tsam na rgyal po gnyen ldan gyis thos pa dang / de rang nyid kyi ston pa ste dge ba'i rtsa ba'i tshogs des spro ba'i sems kyis skyes bu de la/ bsnyen bkur chen pos glang po che'i rgyab la bskyon te pho brang du khyer nas stan phyed la bzhag ste/ rgyal srid kyi phyed pas mchod pa dang / des smras pa dang /

  157. 292b

    rgyal po chen po bdag ni 'dod pa don du gnyer ba ma lags te bdag rab tu byung nas tshangs par spyod pa spyad par gnang bar mdzad du gsol/ de yang rgyal pos gnang nas/ de legs par gsungs pa'i chos 'dul ba la rab tu byung nas de der ji srid 'tsho'i bar du tshangs par spyad te/ blon po rnams dus byas nas 'phrul dga'i lha rnamasu skyes so// rgyal po gnyen ldan yang dus byas nas/ de'i bu rgyal srid la gzhag go/ de kyang dus chung zad cig na rgyal srid byas nas dus byas pa dang / blon po rnams kyis bsnyen bkur chen pos gzugs bzangs rgyal por bskos te/ de'i lo drug khri'i bar chos kyi rgyal po byas te/ de nas shi 'phos te/ dga' ldan du lha'i nang du skyes so// rgyal po chen po 'di snyam du sems/ de'i tshe de'i dus na/ gzugs bzang zhes bya ba'i rgyal po de bzhin zhig yin pa snyam du sems na de ltar mi lta ste/ gser mdog 'di de'i tshe de'i dus na/ gzugs bzangs zhes bya ba'i rgyal por gyur te/ gang 'dis de bzhin gshegs pa rnam par gshegs la/ yung bA gtsos pa'i gos kyi dum bu phul nas smon lam btab ste/ las de'i rnam par smin pas 'dis lha dang / mi rnams kyi bde ba dpag tu med pa nyam su myong te/ gang dang gang skyes pa de dang der/ lus gser gyi mdog can dang / gser gyis mdog can gyi gos la gyon pa dang / btsas

  158. 293a

    ba'i dus su yang kar ni ra'i me tog gi char bab par gyur pa dang / ji srid da ltar yang gang gis lus las gos lan cig phud nas de'i/ skad cig la/ lus las skyes par 'gyur ba'i bsod nams kyis mthu chen po dang ldan pa yin no// de'i tshe de'i dus na ded dpon rna can zhes bya ba de ni/ ded dpon nyi ma 'di nyid yin no// ded dpon rna can chung ma gang yin pa de ni/ de ltar gyi ded dpon nyi ma'i chung ma yin no// bran mo ni kwa mdzes dga' mo yin no// de'i tshe de'i dus na bran pho ni blon po rab tu ma yin no// yang rgyal po ma skyes dgras gnas brtan kun dga' bo la 'di skad ces gsol to// btsun pa kun dga' bo dge slong gser mdog gis las ci zhig bgyis na/ las gang gi rnam par nyes pa med cing gnod pa byed par gsal shig la skyon pa dang / rab tu byung nas kyang dgra bcom pa nyid thob pa lags/ gnas brtan kun dga' bos bka' stsal pa/ rgyal po chen po sngon byung ba 'das pa'i dus na/ yang dag par rdzogs pa'i sangs rgyas zla ba zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabasu ldan pa/ bde bar gshegs ba/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig

  159. 293b

    rten du byung ste/ de rgyal po'i pho brang gzhan zhig na nye bar rten cing bzhugs so// de'i tshe de'i dus na/ gtsug lag khang gzhan zhig na/ dge slong gi dge 'dun zhes pa'i chos ston pa zhig gnas pa dang / de dus dang dus su 'ong zhing 'gro ba'i bram ze dang / khyim bdag rnams la ches ston par byed pa na/ de la rnyed pa dang bkur bsti chen po thob par gyur to// ji tsam du dus gzhan zhig na ma 'pham pa zhes bya ba'i dge slong chos sba ba rig pa dang 'grol ba'i spobs pa can sna tshogs pa'i gtam dang / snyan pa'i gtam dang / yul gyi ljongs rgyu zhing gtsug lag khang der 'ongs pa dang / de 'khor bzhi po la tshangs par spyod pa/ thog mar dge ba dang / tha mar dge ba dang / don bzang po// tshig 'bru bzang po// ma 'dres pa/ yongs su dag pa/ yongs su byang ba dang / yongs su rdzogs pa/ yang dag par bston te/ des yul phyogs de na gnas pa'i skyes po thams cad mngon par byas shing // de chos gos dang bsod snyoms dang / mal bstan dang / nad kyi gsos sman dang / yo byad rnams rnyed par gyur cing gzhi na gnas pa'i chos smra ba de ni rnyed pa dang / bkur sti chad par byas shing / de 'di snyam du sems te/ dge slong ma pham pas nga'i rnyed pa dang / bkur sti rgyun chad par byas te/ ji srid 'di na gnas pa de srid kyi bar du ngas rnyed pa

  160. 294a

    dang bkur stig la rnyed kyis/ 'gro ba'i phyir thabs bsams par bya'o snyam mo// yang bsam pa/ 'di ni thos pa mang ba yin pas/ bsnyen bkur med pas 'jigs pa yin te/ de bas na bsnyen bkur med pa la sbyar bar bya'o snyam nas/ bram ze mo gzhon nu ma gzhan zhig la smras pa/ srid mo ngas khyod la ras zung cig sbyin par bya yis// khyod kyis 'di dang lhan cig ma tshangs par spyad pa yin no// zhes dge slong ma pham pa la bkur ba thob cig/ des smras pa/ 'phags pa ngas de ltar smras na nga su zhig len par 'gyur/ de ji srid 'tsho'i bar du pa dang ma gso bar byed pa zhig tu mi 'gyur ram/ des smras pa/ ngas ji ltar na skye bo mang pos shes par mi 'gyur ba de ltar bya yis// gzhan du na nga 'di na dge slong gzhan gsum 'am/ bzhi dang / lhan cig tu 'dug gis/ de'i tshe khyod gsang ba'i tshig smros shig/ des de ltar bgyi'o// zhes khas blangs so// ji tsam na nyi ma gzhan zhig la chos ston pa'i dge slong de rnams dang lhan cig gzhan khang gi sgo na 'dug ste/ gtam gyi sbyor bas gnas pa dang bram ze'i bu mo de 'phags pa khyed rnams ni rab tu byung ba lags so// snyam nas bag bebs 'gro zhing rgyu bar bya'o snyam du bdug sems na/ gang dge slong ma pham pa 'dis bdag stobs kyis bzung nas gzhon nu ma'i tshul nyams par byas na//

  161. 294b

    ji 'di ji ltar rigs pa lags sam/ de nas dge slong de rnams kyis rna bkag ste/ sring mo de skad ma zer cig/ 'di ni mnyan par bya ba ma yin no// de nas chos ston pa'i dge slong des legs par byas pa ma yin no// legs par byas pa ma yin no// zhes zer zhing / dge slong ma pham pa'i grags pa ma yin pa sgrogs so// ji tsam na thos pa cig nas gcig tu rgyud pas dge slong ma pham pas thos so// thos nas kyang smras pa/ su zhig de skad zer/ yang smras pa/ dge slong chos ston pa 'di skad zer ro// de nas ches smra ba'i dge slong gang na ba der song ste phyin nas smras pa/ btsun pa bdag gis khyed la gnod pa ji zhig byas nas gang 'di lta bu'i bdag gis sngags pa ma yin pa sgrogs par byed/ des de la sems shin du 'khrugs pas ngag gis las shin du mi zad pa/ smras pa/ khyod kyis ni gang gis gsal shing la gzugs par 'os pa de lta bu'i las byas so// de thos pa dang / dge slong ma pham pa 'di snyam du sems ste/ bka' thub can 'di ni nye bar bcom zhing / nyams par gyur to snyam nas/ chos gos dang / lhung zed blangs te/ ji ltar yongasu longs spyod pa'i mal bstan bsdus nus gtsug lag khang de nas byung ste/ chas so// de chas dge slong dang dge slong ma dang / yul de na gnas pa'i tshogs rnams de zlog pa'i phyir phyi pa mthong nas

  162. 295a

    bzhin 'brangs so// chos smra ba'i dge slong de yang 'di snyam du ngas ni bzang po byas pa ma yin no// gang snyed pa dang bkur sti tsam gyi phyir 'di/ lta bu'i ngan song du 'gro ba'i las byed pa la zhags pa ni bdag gis legs par byas pa ma yin no snyam nas/ 'gyod pa skyes te sa yid mi bde bar gyur nas/ bsam pa/ song nas ngas de la bzod par gsol bar bya'o snyam nas/ rings rings par gtsug lag khang de nas byung ste/ shin tu skyo ba'i yid dang mchi ma'i rgyun gyis rlan par gyur ba'i dman pa'i gzhin dang / byis pa gzhon nu bzhin du gsang thon pos ngu zhing / dge slong ma pham pa'i rkang pa la phyag byas nas/ mi rigs pa bgyis kyis 'thol lo 'thol lo zhes 'chags par rtsom ste/ btsun pa byis pa ji lta ba dang / rmongs pa ji lta ba dang / bye brag mi phyed pa ji lta ba'i dge ba'i snyed pa dang / bskur stis zil gyis mnan te/ bdag gis khyed bzhin du sngags pa ma yin pa sgrags pa de bzod par mdzod cig/ mi rigs par bgyis pa de 'chags kyis/ thugs rtse bas bzung la bzod par gsol cig/ dge slong ma pham pas tshe dang ldan pa bzod kyis zhes smras te/ shin du skyo ba'i sems dang shing drung gzhan zhig la rten cing 'dug nas/ dkyil mo dkrungs bcas te lus drang por srang nas/ dran pa nye bar bzhag ste des de nyid du skyo bas brlan par bya ba'i sems dang / 'bad cing

  163. 295b

    brtson 'grus brtsams pa/ 'khor ba'i 'khor lo rol mig lnga dang bcas pa g.yo ba shes pa nas/ ji srid dbang po dang / nye dbang dang bcas pa'i lha rnams kyis mchod cing brjed la mngon par bstod pa'i dgra bcom pa zhig tu gyur nas de dang pa'i rgyal po 'dab ma rkyang pa bzhin du/ na mkha'i dkyil du mngon par 'phab te/ skye bo'i tshogs chen po'i yid la mngon par byed pa'i cho 'phrul sna tshogs bya bar rtsams so// dge slong chos smra ba de yang na mkha'i dkyil du gnas pa de la ltas te/ kyi hud 'di lta bu'i drang po la ngan sems kyi smad cing skur pa btab pa zhes smras nas/ brgyal te sa la 'gyel bar gyur to// bar skabs der yang dag par rdzogs pa'i sangs rgyas zla ba thugs rje chen pos yongs su gdungs pa'i thugs dang ldan pas/ dge slong chos smra ba 'di khrag dron mo skyogs nas 'chi bar gyur na/ mi rung ngo snyam nas/ rdzu 'phral gyis sa phyogs der gshegs so// de nas bcom ldan 'das yang dag par rdzogs pa'i sangs rgyas zla bas 'khor lo dang / g.yung drung dang / dga' ba 'khyil pa dang / dra bas 'brel ba dang / bsod nams dpag tu med pa las byung ba/ skrag pa rnams dbugs 'byin par mdzad pa'i phyag gis/ dge slong chos smra ba de'i mgo la byugs so// des reg pa tsam gyis dran pa slar rnyed de langs nas

  164. 296a

    bcom ldan 'das dang / dge slong gi dge 'dun la bdag gi ni mi rigs pa'o// mi rigs pa'o// zhes 'chags par brtsam so// de nas bcom ldan 'das yang dag par rdzogs pa'i sangs rgyas zla ba de'i tshe/ tshigs su bcad de gsungs pa// skyes bu skyes pa'i kha nas ni// tshig ngan smra bar byed pa yis// tshigs gi ste re skyes gyur nas// bdag nyid gcod par byed par 'gyur// gang zhig smad 'os skye bo stong byed dang // bstod 'os skye bos rnam par smang byed pa// des ni kha nas thab khrol can gang des ni bde mi thob// gang 'dir longs spyod rang nor ban byed pa// thab khrol de ni cung zad tsam du zad// gang yid bde bar gshegs la yid 'khrugs pa// de 'dir thab khrol shin tu rtum po yin// gang yid 'phags pas sprad pa'i sdig bsten na/ bye bar chu bur can dang / stong phrag ni/ bzhi bcu gcig tu chu bur rdol bar ni/ sems can dmyal ba rnams su skye bar 'gyur/ sdig pa'i sems kyis mi nyes skyon brjod pa// bdag nyid gsad phyir dmyal ba spel bar zad/ stobs ldan nyes med pa dag bzod byed cing / de la sems kyang 'khrugs par mi byed do// sems ni 'khrugs par gyur pa'i rgyus/ sems can ngan 'gror 'gro 'gyur la/ sems ni rab tu dang ba'i rgyus/ sems can bde 'gro rnams su/

  165. 296b

    'gro// de nas bcom ldan 'das yang dag par rdzogs pa'i sangs rgyas zla bas/ ji srid du chos dang ldan pa'i gtam gyis yang dag par mgu bar gyur gyi bar du/ mdzad de/ gdan las bzhengs nas gshegs so// rgyal po chen po 'di ji snyam du sems// de'i dus na/ dge slong chos ston pa de gzhan zhig yin snyam du sems/ de ltar mi lta ste/ gzhan du dge slong gser mdog 'di nyid yin te/ de'i tshe de'i dus na/ dge slong de las sems 'khrugs shing dag gis las rtsub mo smras pas/ las de'i rnam par smin pas/ skyed pa lnga brgya'i bar du nyes pa med cing / gnod pa mi byed bzhin du/ bsal shing la skyon te/ da ltar yang ngas/ las 'di nyid kyis lhag mas yang sdod pa mi byed par/ bsal shing la bskon pa yin no// gal te 'dis las de mi rigs pa yin par phan tshun gshegs pam byas na ni/ sems can dmyal ba re re yang / skye ba lnga brgyar ni yi dgas su/ skye ba lnga brgyar ni/ dud 'gro rnams su skye bar 'gyur ro// gang yang 'dis bcom ldan 'das yang dag par rdzogs pa'i sangs rgyas zla ba'i bstan pa la rab tu byung ste/ tshangs par spad pa spyod pa las de'i rnam par smin pas da ltar yang 'di bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa'i 'bras bu nyid

Colophon

gser mdog gi rtogs pa brjod pa rdzogs s+ho// //rgya gar gyi mkhan po d+harma shri b+ha tra dang/ zhu chen gyi lo ts+tsha ba/ dge slong rin chen bzangs pos zhus te gtan la phab pa// zhu chen gyi lots+tsha ba/ sge slong shes rab legs pas bsgyur/ rgya gar gyi mkhan po d+harma shrI b+ha tras btan la phab pa/