rdo rje sems dpa' namkha' che bram ze rgyas pa'i rgyud
Bajrasatvasamaya khemahadehapus.t.im.garatantra
Text
ff. 283b–294a · 22 folio sides
- 283b
bya bral bla med rdzogs chen 'di// bshad dang brjod dang rtsol sgrub dang // 'di zhes mtha' las 'das pa ste// de bzhin kun la bstan par bya ba min// nges pa'i snying po rgyud mchog 'di// chu srin 'grin chung rin chen bzhin// kun lo bstan par bya ba min// rin chen rigs la khad kyis sbyin// dad ldan skal can gang zag rnams// 'di phrad 'di dag gang ldan pa// sangs rgyas sa la gnas pa yin// ras kyang nges par 'di gzung ste// kun la bstan par bya ba min// dang ldan rnams la khyad kyis sbyin// zhes rtsa ba'i rgyud las/ kun la bstan pa min par gsungs pa'i le'u ste sum cu pa'o// // rgyud kyi rgyal po gser gyi rus sbal rdo rje theg pa rtsa ba'i rgyud// rgyud gyi ma mo// sems phyogs kyi phyi me// lta ba thams cad kyi phugs dgongs pa'i gdeng rdzog so// / sa ma ya so phag shi kha thams// nor 'dong bu pho dge slong bdag 'dra yis// rin chen sna lnga'i snying po gser khyer nas// rin chen srog la ma 'joms dka' ba'i la rnams bskal// nges pa'i snying po byang sems rgyud mang rtsa gnyis btsal// 'jam dpal bshes gnyen bla ma dang bdag 'dra bai ro tsa na yis// sgra skad bstun te chan la phab nas kyang // bod kyi yul du rmongs pa tshan gsum byung ba cha mchis nas// 'dir drangs mnga' bdag rgyal po nyid kyi phyag tu phul// rmongs pa tshan gsum dus na ngar bar shog/ dang po bai ro tsa nas bsgyur// de nas lho brag nas khyung grags kyis gter nas gton pa'o// / namakha' tshe bram ze rgyas pa'i rgyud bzhugs/ rgya gar skad du/ badz+ra satwa sa ma ya
- 284a
khe ma sA da ha puSh+TiM ga ra tan+t+ra/ bod skad du/ rdo rje sems dpa' na mkha' che bram ze rgyas pa'i rgyud// bcom ldan 'das dpal kun tu bzang po la phyag 'tsha'o// 'di skad bshang pa'i dus na// 'og min gyi gnas chos nyid kyi mkha' dbyings nyid kyi klong / sems nyid kyi gnas// ye shes sgrib pa mi mnga' ba'i gzhal yas na/ nyid kyi rang bzhin dang / nyid kyi ngo bo dang // nyid kyi thugs rjes sprul pa'i 'khor 'di lta ste// rang bzhin gyi 'khor chos kyi sku zhes bya ba dang // ngo bo nyid kyi 'khor longs spyod pa'i sku zhes bya ba dang // thugs rje chen po'i 'khor sprul pa'i sku zhes bya ba dang // rdo rje sems dpa' la sogs pa 'byed pa med pa'i 'khor rnams dang thabs gcig tu bzhugs so// de nas bcom ldan 'das kun tu bzang pos thams cad bsdud nas thig le chen po gcig tu bzhug so// de nas rdo rje sems dpa' nyid kyi rang bzhin thig le chen po gcig tu bzhugs pa de las phyung nas/ bcom ldan 'das kun tu bzang po la dga' ba'i sems kyi ngang ba'i mdangs phyung nas 'khod // de nas bcom ldan 'das kun tu bzang pos sems dpa' la smras pa/ rdo rje sems dpa' e ma'o/ dga' ba'i sems skyes e'o// dngas pa'i dngas phyung e ma'o// nga las byung ba'i e ma'o// khyed 'dud dga' ba e ma'o// ces gsungs pas/ rdo rje sems dpas zhus pa/ ston pa'i ston pa kun tu bzang po lags// ston pa nyid kyang thig le spros pa med// 'khor rnams kun kyang thig le spros pa med// bstan pa kun kyang thig le spros pa med// dus dang gnas kyang thig le spros pa med// thams cad kun kyang
- 284b
thig le spros med na/ ston pa'i ston pas ci zhig ston par mdzad/ 'ber du 'khor ba'i 'khor ni ci la 'khor/ 'khor la ston pas ci zhig ston par byed// dus dang gnas ni gcig pa tsik+ta Ta/ zhes pa da kun tu bzang pos 'di skad ces gsung so// ngas don ma lus pa sbyar bshad kyi yid la byos shig/ sems nyid kun tu bzang po de nyid ni/ ston pa dang ni bstan pa 'khor dus gnas// nga las byung bas ye nas thig le ste nga yi rang bzhin thig ler bstan pa yin// thig le ye nas spros pa med pa'i don// snying po ma spros ye nas thig le yin// zhes gsungs// rdo rje sems dpa' na mkha' che bram ze rgyas pa'i rgyud las// gleng gzhi'i le'u ste dang po'o// / de nas yang rdo rje sems dpas zhus pa// bcom ldan bde chen kun bzang po// nyid kyi rtsa ba bshadadu gsol zhes zhus pas/ kun tu bzang pos bka' stsal pa// nyon cig / nga la 'dus pa'i 'khor// nga yi rang bzhin bstan pa ni// gnas ni chos nyid dbyings na gnas/ gsal ni rig pa'i mkha' la gsal// khyab ni snod bcud kun la khyab// byung ni snang srid kun tu byung // yin ni byang chub sems yin te/ bstan ni theg pa dgu ru bstan// 'dus ni rdzogs chen por 'dus// bstan du mtshan ma'i dngos po med/ mthong du med pa'i yul dang bral// shesu tshigs brjod du med// rgyu las ma byung snying po 'ang / yod ni gcig las med pa ste/ spros ni sna tshogs khyad par spros// rtag pas ma mthong cir yang mthong // gang ltar bsgoms yang 'gyur ba med// tha dad spros kyang thig le gcig/ kun bral nyag
- 285a
gcig ci ma yang / mthong byed sna tshogs kun gyi gzhi/ dmigasu med par mtshon te mtshan// de don nges par rtogs 'dod na// dpe ni nam mkha' lta bur rtags// don ni chos nyid skye ba med// rtags ni sems nyid 'gag pa med// nam mkha' lta bu'i chos nyid la// nam mkha' lta bu'i dpe yis mtshon// dmigasu med pa'i chos nyid la// dmigs pa med par mtshon te bstan/ tshig tu brjod pa med pa la// brjod med pa'i tshig brjod de// dmigs med don gyi ngo bor bstan// don chen 'di yis rtogs par byed// 'di yis don chen ma rtogs na/ don gyi sgra tshig ci bstan kyang // snying po'i don dang 'phrang mi 'gyur// zhes gsungs so rdo rje sems dpa' nam mkha' che// bram ze rgyas pa'i rgyud las// snying po rtsa ba bstan pa'i le'u ste gnyis pa'o// / de nas yang rdo rje sems dpas zhus pa// bcom ldan bde chen kun bzang po// ston pa dang ni bstan pa dang // de bzhin 'khor tshogs bshad du gsol// zhes zhus pas/ kun tu bzang pos bka' stsal pa// nyon cig nga la 'dus pa'i 'khor// ston pa yang ni rnam gsum ste// bstan pa yang ni rnam pa gsum// nge 'dzin 'khor yang gsum du gsum// ston pa gsum ni 'di lta ste// chos kyi rang bzhin ston pa dang // chos kyi ngo bo ston pa dang // don gyi sgra tshig ston pa'o// rang bzhin ston pa'i ston pas ni skye ba med pa'i byin rdzangs las/ ji ltar snang ba'i chos rnams kun/ de bzhin nyid du ston par byed/ ngo bo stong pa'i ston pas ni/ ji ltar snang ba'i chos rnams kun/ stong pa nyid kyi skur byung nas/ ngo bo de las med par
- 285b
ston/ sgra tshig ston pa'i ston pas ni/ chos rnams don ni sgrar bsdus nas// ma rig mi shes sems can la/ de don sgra tshig sdeb nas ston// bstan pa rnam pa gsum ni 'di lta ste/ chos sku'i bstan pa de bzhin nyid du bstan pa ri de bzhin nyid la rnam par dbye ru med// ji ltar snang ba'i rnam pa thams cad kun// sems kyi ngo bo yin pas de bzhin nyid// de la gang zhig 'chos shing bsgom byed pa// ngoms chos sku'i bstan pa rtogs pa me snang ba med pa'i chos nyid byang chub sems// ma nor de bzhin nyid du ma rtogs te// de la gang du 'chos shing bsgom byed pa// de yis rang sems bcos med de ma rig/ snang sring chos dang snang med byang chub sems// sems kyi de bzhin nyid phyung de bzhin nyid // de bzhin nyid du ma rtogs so sor mthong // de bzhin nyid ni dbyings nas tshol byed pa// dus gsum rgyal bas btsal yang mi rnyeng // longs spyod rdzogs pa'i ston pa longs spyod // longs spyod lnga ni chos nyid longs spyod cig/ sangs rgyas sems can kun gyis longs spyod/ longs spyod rdzogs pa'i sku las spyad du med/ gzugs la sogs pa'i longs spyod lnga la ni// gcig la lnga lnga nyi shu rtsa lngar spyong // rtsa lnga'i longs sbyod de ni sku lnga'i tshul// chos nyid don gyi ngo bo nyid du bshad // sbrul sku'i bstan pa thugs rje don mdzad/ khams gsum sen bsam pa tha dad la// sku dang gsung dang thugs ni rnam gsum gyis// bsam po thang sku gsung thugs rjes bzlog/ nge 'dzin 'khor ni rnam pa gsum bstan te/ shin tu rnal 'byor brtsol bsgrub 'das pa'i 'khor// sgor zhugs yid ches sangs rgyas so la gnas/ rigs 'dzinas dang dang po bcu par 'khor/ ma thob nye reg
- 286a
sgom pa'i sa la gnas// sems bskyed mos pa spyod pa'i 'khor rnams ni/ rgyu dge 'bras bu ngag 'joms sa la gnas// de ni ston pa gsum gyi 'khor du bstan// rdo rje sems dpa' na mkha' tshe bram ze'i rgyas pa'i rgyud las/ ston pa dang ni bstan pa dang 'khor bstan pa'i le'u ste gsum pa'o// / rdo rje sems dpas yang zhus pa// bcom ldan bde chen kun bzang po// nyid kyi bya med pa shadu gsol dang zhes zhus pas// kun tu bzang pos bka' stsal pa// nyon cig pa la 'dres pa'i 'khor// bya ba med pa'i don 'di ni// kun bzang nga yi rang bzhin te// nga yi rang bzhin 'gyur med la// bsgoms shing 'chos na bsgyur ba yin// ye nas lhun gyis grub pa la// sgrub nang la 'chos pa yin// nga ni yi nas byas zin pas// bya ba med pa'i chos nyid yin// chos nyid nga yi rang bzhin pas// rang bzhin de la bya ru med// bco su med pa'i rang bzhin la// rdo rje sems dpa' khyod ma 'chos// rdo rje sems dpa' khyod 'chos na// kun tu bzang po 'chos pa yin// ji ltar snang ba'i chos rnams kun// kun kyang nga yi rang bzhin yin// mi gnas dmigs pa'i yul dang bral// spros med bsam med yul las 'das// de la srong 'gegs byed pa dang // bskal par btsal yang snyed par dka'// nga la btsal bas grub pa med// nga la sbyangs pas byang ba med// nga la ma lta yul med kyis// nga la ma bsgong lam med kyis// nga la ma sbyong sgrib med kyis// nga la bsgrod pas phyin pa med// bde chen chos sku semasu gcig pa'i phyir// snga phyi dus gsum med de khyad par med// rang byung yis
- 286b
yul la mi rtogs pas// rig pa'i ye shes yul gyis brtsal mi dgos// ma rtsal ye nas lhun gyis grub pa'i phyir// rtsol ba'i phrin las ye nas bya mi dgos// ye nas byang chub sa la kun gnas pas// rig 'dzin sa dang sa bcu sbyangs mi dgos// ye nas byas zin lta ba bsgom mi dgos// ye nas rnam dag dam tshig bsrung mi dgos// mi gnas mi rtog cir yang dgongs med byas// mau rtog mnyam pa'i yul la rang bzhin gnas rdo rje sems dpa' na mkha' che bram ze rgyas pa'i rgyud las/ bya ba med pa'i le'u ste bzhi pa'o// / rdo rje sems dpas yang zhus pa/ bac+doMs bde chen kun bzang pos// thaMd byang chub sems kho nar sangs rgyas pa'i don pa shadu gsol// kun tu bzang pos bka' stsal pa// nyon cig nga la 'dus pa'i 'khor// chos kyi sku ni byang chub sems// byang chub sems las chos kyi sku// rdul tsam sus kyang bcos pa med// de nas sems la sangs rgyas med// longs spyod rdzogs sku byang chub sems// byang chub sems la longs spyod sku// sems las byung ba'i gzugs rnams la// longs spyod rdzogs pas sku gzhan med// sprul pa'i sku ni byang chub sems// byang chub sems ni sprul pa'i las// 'gro ba'i don mdzad gzhan na med// dus gsum sangs rgyas thad kyi// byang chub sems las gzhan med de// snga rabs 'das pa'i sangs rgyas rnams// rang sems ma bcos sngar mthong rtogs// da ltar bzhugs pa'i sangs rgyas rnams// ma bcos pa yi rang bzhin te// ma bcos ji bzhin rtogs gyur nas// de ltar 'gro ba'i don yang mdzad// slang nas 'byon pa'i sangs rgyas rnams/ rang
- 287a
byung sems nyid 'di la ni/ snga bas 'chos pas lung ma bstan// nga ltar ting 'dzin sems mi 'chos// ma bcos lam du zhugs nas byon/ ji ltar snang ba'i chos rnams la// byang chub sems ma rdzo te bcos shing bsgrub pas 'bru ba mi 'gyur/ ma rtogs bcos pas 'grub pa med// skal pa du ma'i grangs bgrangs kyang // ji btsal bde ba dang mi phrad// sku gsum sems las ma bcos phyir// sku gsum ston pa'i kun bzang las// de bzhin 'chos par byed pa yi// ston pas bden tshul ci bstan yang // nyid kyi rang bzhin stan po yin// rdo rje sems dpa' na mkha' che bram ze rgyas pa'i rgyud las// byang sems bcos med kyi le'u ste lnga pa'o// / rdo rje sems dpas yang zhus pa// btsun bde chen kun bzang pos// nyid kyi lta bsgom pashad du gsol// kun tu bzang po'i sems kyi yon tan te// byang chub sems kyi ba'i yon tan gyi// rtsal zhing sgrub pa'i dka' ba spyod mi dgos// rgyu rkyen med pas rtsal ba'i las mi dgos// 'bras bu'i rang bzhin bzhag nas bsgrub mi dgos// ma byas pas ni gnyen po med// gzhan la mi ltos sgoms nas 'tshol mi dgos// dam tshig bsrungs pa'i sdom pa bya mi dgos// 'phrin las rtsal ba'i sgom pa bya mi dgos// lam la ma bgrongs la mi skyong ste// rang las chos ni gzhan du tshol mi byed// nga ni spyod yul kun las 'das pa'i phyir// tshig gi mi pibs dbang po'i spyod yul 'das// rang gi rang bzhin bsdus te thi gau ler gnas// ma spros gnyis med se nas gcig tu bstan/ rang byung ye shes mi rtogs g.yos pa med// rgyu 'bras
- 287b
'bras 'das pas rtsol dang sgrub mi byed/ ma byung bas na dngos po bsgom mi byed/ ma skyes pas na 'jig pa'i dgos pa med// bde chen brdal ba chen po'i klong dkyil na/ mi snang bas na dmigs pa'i yul dang bral// chos nyid snang ba med pa'i rang bzhin lo// mi rtog mnyam pa chen por rang gis gnas// chos nyid spros pa med pa'i rang bzhin la// rig pas mi rtogs ting 'dzin ma byed cig/ gang zhig ngang la sgom pa byed pa des// sgom pa nyid kyis ngang dang phrad mi 'gyur// chos nyid mngon du phyung ba nga yin pas// sdug bsngal mi rnams rnam par spang mi dgos// rang byung yin pas skye 'jig med pa'i phyir// ma rig rten 'brel dbang po dag gi mi dgos// rang rgyud rnam dag chos nyid sbyang mi dgos// ye nas dag pas gtsang sbra bya mi dgos// ye nas lhun grub rtsol sgrub bya mi dgos// nga yi ngo bo kun gyis mthong bya phyir// nga yis mngon du phyung ba'i chos rnams ni// sna tshogs dbang po'i ngo la bstan pa/ yin// de la nga yi rang bzhin kun rtags shig/ de la nga yi rang bzhin ma mthong na// kun bzang nga yi rang bzhin bstan mi bya// rdzogs pa chen po'i don dang skal med pas// rgyu 'bras theg pa dang ba'i lung la zung la rdo rje sems dpa' na mkha' che bram ze rgyas pa'i rgyud las// lta ba sgom med kyi le'u ste drug pa'o// / rdo rje sems dpas yang zhus pa// bcom ldan bde chen kun bzang po// nyid kyi dam tshig bshad du gsol// kun tu bzang pos bka' stsal pa/ nyon cig nga la 'dus pa'i 'khor// ma skyes spos dang bral ba'i rang bzhin gyis/ skye ba'i cho 'phrul sna tshogs yul phyung nas/ yul med rang gi rang
- 288a
bzhin yin zhes bya// de la mi rtog pa'i yul las 'das// yul la mi 'dzin spong dang len med pas// med pa 'chal pa gcig tu lhun grub ste// bsrung bar bya ba'i tshul khrims kun dang bral// kun bzang nga la bsrung ba'i dam tshig med// rgyu rkyen med pas rtsol zhing sgrub mi dgongs// lhun gyis grub pas sbyad pa'i las mi dgos// ye nas yin pas shes pa bya mi dgos// rang byung yin pas rgyu dang rkyen mi dgos// bzang ngan med pas blang ngor bya mi dgos// dngos po med pas med pa zhes su bshad// dngos su mi yong ye shes ma 'gag pas/ de la 'chal pa zhesu btags pa yin// sems su kun gcig gcig pur btags pa yin// ji ltar snang ba'i chos rnams pang kun/ yid ches byang chub semasu rdzogs pa'i phyir// lhun gyis rdzogs pa zhes nga yi bshad// chos nyid rang bzhin cir yang 'gyur med pas// rtsal bar grub pa ra nga yi lung ma bstan// bsres skom tshe grangs blun lku gos chos nyid la// sku gsum 'khor dngas 'bros pa'i cho ga drug/ rang byung yin pas sprul zhing sgrub mi dgos// rgyu nyid rang byung yis yin pa'i phyir// lus kyi rkyen gyi dbang du de mi 'gro/ rang byung yis kun dang mtshungs med pas// rgyu rkyen las kyi rang byung de mi 'grub// nges pa gcig la bden pa rnam pa gnyis// ngan pa gnyis kyi gtan la rabab tu med// mo ngas the tshom can gyi lung de la/ nges pa gcig tu bstan pa ga la yod/ ston gsum rgyu 'bras lus la brtan byas nas// rna myor gang zag chos la rlom byeng pa// de la bden gnyis tshang ma bzhi yang dgos// ngas byas chos la bden pa
- 288b
gnyis mi dgos// ngas byas chos la bden pa gnyis dgosu// ngas byas tha~Mng byang chub semasu byas// byang chub sems la don dam kun rdzob med// ces gsung so// rdo rje sems dpa' na mkha' che bram ze rgyas pa'i rgyud las// dam tshig bsrung du med pa'i le'u ste bdun pa'o// / rdo rje sems dpas yang zhus pa/ bcom ldan pad chen kun bzang po// nyid kyi 'bris pa sha du gsol// kun tu bzang pos bka' stsal pa// nyon cig ngal 'das pa'i 'khor// rdzogs tshon rgyu 'bras ye nas 'das pa'i phyir// rtsol zhing bsgrub pas bya med grub pa med// don de rtogs pas las rnams mi byed// las ma byas pas de bzhin nyid gnas// de bzhin nyid la gang zhig su gnas pa// de yis ma nor ma bcos grub par 'gyur// de ni ma nor bzhin ni mi bcos yin// bzhin ni ma nor ngo bo nyid la bya// de bzhin nyid las sangs rgyas btsos me do// byang chub sems la skye ba med pa'i phyir// sems la ye rgyas rgyu med 'bras bu med// 'jig rten skye ba'i chos la dpe blangs nas/ ske la 'jig pa 'byung ba sgo mi gdags// rang byung rgyu 'bras 'das pa ma brtags par// 'jig rten mtshan ma'i chos la tshad btsug nas// / rgyu la rtsal nas 'bras bu 'byung zer ba// de ni rgyu 'bras theg pa drang lung yin// ye shos ye shes zhesu bstan pa ni// rang byung ye shes ma 'gag kun dang mtshungs// rgyu las ma byung mtshungs med ye shes te// thathaMd bskyed bas gzhan nas chos 'byung med// 'jig rten rgyu 'bras chos la tshod btsugs nas/ stsal pas med par 'bras bu 'byung mi 'gyur// byang chub sems la rgyu rkyen med mi skye// 'jig rten skye 'gags chos la tshod mi
- 289a
'dzugs// byang chub sems ni rkyen gyis ma bskyed pas// 'jig rten rkyen bskyed chos la dpe mi len// sems kyi ting 'dzin bsgom pa ma byed cig/ ye shes yul la rtog pa ma byed cig/ ngag gis 'dzab dang snying po bzla mi dgos/ lag gi 'du byed phyag rgya bca' mi dgos/ sems kyi 'du 'phro ting 'dzin las mi byed// nga la gnas pas g.yo med lhun gyis grug/ rang bzhin gnas pas sus kyang btso su med// ma rtsal ji bzhin dang du ma bcos yin// bya ba med pa las kyi mchog tu bstan// che ba 'dod nas rtsol sgrub rtsol byed pa// bsgom bsgrub brtsal bas che ba de mi grub/ che ba rang byung ye shes e nas che// sgoms na sangs rgyas dgongs pa 'chos pa yin// sangs rgyas dgongs pa gang zhig 'chos byed pa// de sri sangs rgyas thaMd spangs pa yin// de yis rang gi byang chub sems spangs pas// rang bzhin bskal par phrad mi 'gyur// zhes gsung so// rdo rje se nam mkha' che bram ze rgyas pa'i rgyud las// 'phris rtsal du med pa'i le'u ste brgyad pa'o// / rdo rje sems dpas yang zhus pa// bcom ldan bde chen kun bzang po// sa yi rang bzhin bstan du gsol// kun tu bzang pos bka' stsal pa// nyon cig nga la 'dus pa'i 'khor// kun tu bzang po nga yi sa// kun gyis byang chub snying por gnas// byang chub sems kyi rang bzhin ni// chos kyi dbyings kyi phreng ste// dus gsum sangs rgyas tha~Mng dang // khams gsum se naM thang kun// klong chen sems kyi gnas de na// mi gnas pa ni gang yang med// kun gyi gnas dang sa yin te/ 'du 'bral med par ngen bzhugs// de la sbyang zhing bgrod mi dgos// de la sbyar zhing bgrod gyur na// rang sems
- 289b
de la 'chos pa med// bcos pas rang sems 'byongs mi 'gyur// de ni spyis kun gyi gnas// nga las byung ba'i sku gsum gyis// rgyu 'bras 'das pa'i 'khor rnams la// sa mdo rnam pa gsum bstan te// bskyed pa'i sa dang sbyong ba'i sa bsgrub pa'i sa dang gsum bstan te/ bskyed pa'i sa ru byang chub sems bskyed na/ chos dbyings na mkha' byang chub sems med cing // dge sdig las la drang ba dbang bskur bas// spyi yul chos nyid spangs pas ma spangs te// rang byung ye shes mi khegs bzhin du 'gegaso// rang byung ye shes yul la mi rtog bzhin// gzung dang 'dzin pa yod ces 'joms par byed// des na byang chub sems la ro skyes pa med// spyod pa'i sa ru byang chub bcu sbyang bas ji ltar snang ba'i chos rnams thad kun// byang chub sems las g.yos pa med pa ni// nam mkha' lta bu'i chos nyid snang bar zad// nam mkha' la ni g.yos pa rdul tsam med// de bzhin byang chub sems la g.yos pa med// bsgrub pa'i sa rba byang chub grub 'dod pa// kun tu 'od dang pad+ma can gyis// rdo rje 'dzin dang stug po bkod pa dang / 'khor lo tshogs chen rdo rje 'chang ba dang // rgyu 'bras kun bzang dbye ba med pa drug/ byang chub bsgrub pa'i sa ru ming yang bta Sha sems kyi rang bzhin rgyu rkyen bral ba'i phyir// sgrub pas grub pa'i 'bras bu ngas mi bstan/ sems kyi rang bzhin drug snang bstan pa yin// sems kyi rang bzhin drug ni 'di lta ste// rang byung ye tshe shes ma 'gag pa yi rtags dbang po sgo lnga kun tu gsal ba la// kun tu 'od kyis zhes btags pa yin/ yul la mi rtag chags pa med pa la/ ma chags pad+ma can du btags pa yin/ skye 'jig med pa'i byang chub sems de la/ rdo rje 'dzin zhes su
- 290a
nga yi btags// rang gi rang bzhin nyid dpag med pa la// rang byung ye shes mi rtog mnyam pa bkod// smug po bkod pa zhesu btags pa yin// byang chub sems kyi rang bzhin dkyil 'khor de// rang la gnas pa'i byang chub chos rnams la// yi ge 'khor lo tshogs chen sa ru btags// sku gsung thugs la skye dang 'jig med pa'i// rdo rje 'chang gis zhes bshad ba yin// byang chub sems la rgyu 'bras gnyis med de// sem las byung ba'i chos rnams tha~Md la// bzang ngan blang dor ye nas med pa'i phyir// 'byed pa med pa'i sa zhes nga yi bshad// des na byang chub sems kyi chos dbyings ni// dus gsum sangs rgyas khams gsum sen kun// de nas byung zhing de ru gnas pa'i phyir// chos dbyings byang chub sems ni kun sbyangs// sangs rgyas bsgrub pa'i sa zhes btags pa ste// byang chub sems kyi rang bzhin de las med// ces gsung so// rdo rje sems dpa' na mkha' che bram ze rgyas pa'i rgyud las/ sa sbyangs du med pa bstan pa'i le'u ste dgu pa'o// / rdo rje sems dpas yang zhus pa/ bcom ldan pade chen kun bzang po// nyid kyi lam chen po 'du gsol// kun tu bzang pos bka' stsal po// nyon cig gang la 'dus pa'i 'khor// byang chub sems kyi lam chen te// gzhan na med pa 'di na rang bzhin gnas// gnas dang yul dang sangs rgyas sa dang gsum// chos kyi dbyings dang chos nyid 'di na gnas// na mkha'i khams dang gzhal yas 'di la gnas/ sangs rgyas dngos dang yul ni byang chub sems// gzhan du bgrong pa'i lam dang gnas med/ bgrod pas na mkha'i lam la phyin pa med// rang sems spros
- 290b
bral chos kyi dbyings nyid pas// sgros bral de na sangs rgyas thaMd bzhugs// de bas lam la bgrod par ma byed cig/ rang sems ma sgribs na mkha'i rang bzhin gsal// des na dus gsum sangs rgyas thad bzhugs// de bas lam la bgrod param byed cig/ rang sems ma bcos chos nyid ji bzhin pa/ de la dus gsum sangs rgyas lhun gyis grub// de bas lam la bgrod par ma byed cig/ sangs rgyas rang sems rtog dang bral ba yin// bgrod pas rang sems rtog dang bral ba yin// bgrod pas rang sems rtog bral der mi phyin// gal ta ma rig lam la bgrod gyur na// phyin pa'i dus med rtogs pa'i sa med pas// bgrod pas sangs rgyas sa ru phyin pa med// sangs rgyas rang sems rtog dang bral ba yin// lta ba bsgoms pas ting 'dzin yul dang bral// ting 'dzin de yis rtog bral mnyam dang bral// dam tshig bsrung bas ma nyams 'dzin dang gnas// ma nyams 'dzin pas rtog med mnyam nga bral// 'phrin las rtsal bas grub pa'i ting 'dzin byed// grub pa'i ting 'dzin mi rtog mnyam pa dang // sa la sbyangs pas gnas pa'i ting 'dzin byed// 'byongs pa'i ting 'dzin rtog med mnyam dang bral// chos nyid brtags pas gsal ba'i ting 'dzin byed// ting 'dzin gsal bas rtog med mnyam pa dang // ye shes gsal bas rtogs pa'i ting 'dzin byed// gsal bar rtogs pa'i ting 'dzin mnyam dang bral// 'dod pa'i ting 'dzin ji ltar gsal ba des// 'dod pa med pa'i bde ba grub pa med// ting 'dzin mi byed bag chags mi sogs pas// rang byung ye shes las kyi dbang mi 'gyur// rang rlung ye shes chos sku snying po de// rtsal bas mi 'grub rang bzhin gnas pas 'grub// grub
- 291a
@#pas bya ba'i don rnams kun dang bral// don zhes bya ba mid tsam btags pa yin/ sangs rgyas ming du 'dogs par byed pa ni/ nges pa'i lung min drang ba'i lung du bstan// zhes gsung so// rdo rje sems dpa' na mkha' che bram ze rgyas pa'i rgyud las// lam la bgrod du med pa'i le'u ste bcu pa'o// / rdo rje sems dpas yang zhus pa// bcom ldan bde chen kun bzang po// rang byung ye shes bshad du gsol// kun tu bzang pos bka' stsal pa/ nyon cig nga la 'dus pa'i 'khor// 'khor gyi ston pa'i ye shes ni// yul la rtogs pa ye shes te// gang du yul la rtog byed pa// de ni rig byed ye shes yin// rig par bya ba'i yul de ni// byang chub sems las byung ba'i phyir// de ni yul med byang chub sems// yul la rtog pa'i ye shes te// yul las byung bas rang byung min// yul med tsam na gsal mi byed// rang byung ye shes zhes bya ba// ye shes yau nas shes pa yin// rang byung ye shes ye nas shos// des na rang byung ye shes te// ye nas shes pas ye shes yin// ye shes zhes ni de la btags// ye shes rang la byung ba'i phyir// de la ting 'dzin sgom mi byed// ting 'dzin sgom pa mi byed pas// ting 'dzin bag chags sog mi 'gyur// bag chags med pa'i chos nyid// dus gsum sangs rgyas dgongs par bshad// dus gsum sangs rgyas zad kyi dgongs pa'i yul la mi rtog ste// mnyam pa nyid du ye nas gnas// dus gsum sangs rgyas tha~Md kyis// rang byung ye shes thugs de la// ye nas rtog pa med pa'i phyir/ sangs rgyas dgongs pa mi mdzad// rtog
- 291b
pa'i yul ni kun dang bral// rang byung ye shes sangs rgyas dgongs pa mdzad// rang byung yis yul mi rtog pa/ rnam rtog rtog pa'i bag chags gos mi 'gyur// las ni ting 'dzin rtags bag chags yin// mi rtog pa la bag chags yongs ma gsungs// mi rtog pa ni rang byung ye shes la// sems kyi rang bzhin dbang po sgo lngar bshad// rang byung ye shes de la 'gag pa med// byang chub sems kyi ngo bo kun snad la// rang byung yis mi 'gag so sor rang gi rkyen gyis snang ngor mi spongs// ting 'dzin mi rtog bag chags sog mi 'gyur// 'di ni dus gsum sangs rgyas dgongs pa ste// gang du mi rtog 'di la su gnas pa// sa la mi gnas 'gro ba'i don mi gnas// chos sku byang chub sems la 'di gnas te// dus gsum sangs rgyas kun gyi dngos pa 'dus// rig pa'i nyamasu mngon sum rtogs par gyis// rang byung ye shes yul la mnga' gsal ba// ye shes lnga yis yul lnga 'dod me yin// yul 'dod lnga ni ye shes lnga la snang // yul de ye nas ye shes yin pa'i phyir// yul dang ye shes gnyisu ngas ma bstan// des na yul yang rang byung ye shes yin par bshad// rang byung yis ci yang med pa la// nga las byung ba'i 'khor gyi ston pa yin// yul la rten nas ye shes mong btags pa// rnam pa grangs kyis ye shes byung ba ni/ rnam par brtags pa'i ye shes gcig gis ni// yul gcig rang bzhin so sor snang ba la// yul can la ni yul gyi ming btags pa// des ni nges pa ma yin 'khrul pas btags// zhes gsungaso// rdo rje sems dpa' na mkha' che bram ze rgyas pa'i rgyud las// rang byung yis
- 292a
bstan pa'i le'u ste bcu gcig pa'o// / rdo rje sems dpas yang zhus pa// bcom ldan bde chen kun bzang po// bya med rdzogs pa 'dod med gang // kun tu bzang pos bka' stsal la// nyon cig gang la 'dus pa'i 'khor// chos rnams zang grub 'dod na// 'dod pa'i sa ni ma sgrub cig/ 'dod par byed pa'i sems de ni// mi len thang spong ba yim// 'di ni rgyu 'bras 'dus pa'i phyir// 'bras bu 'dod pa rgyu mi 'grub// mi rtog rang bzhin gnas pas 'grub// 'dod pa'i ting 'dzin thaMng slongs// 'dod med tha~Md len par byed// ting nge 'dzin las 'dod pa 'dzin// 'dod pa de ni yang dag min// yang dag gzung du yod ma yin// byas pa'i las ni tha~Mng kun// ma rtsal lhun gyis grub pas bsgrag/ ma rtsal lhun gyis grub pa de// byas pas grub pa ma yin te/ ma byas ye nas lhun gyis grub/ 'dod pa thang kun spangs pas/ grub par byed pa'i bgegasu me 'dod pa'i ting 'dzin bag chags ngas// bag chags de ni sems 'dzin yin// 'dzin pas bde ba de spong byed// mi 'dzin bong ba kun len pa// ji bzhin pa yi rang bzhi no// mi gnas pa la dmigs pa med// mi rtog pa la ting 'dzin med// med pa don gyi snying po de/ 'dod pa med par thob par 'gyur// ji bzhin bcos pa med po ste/ sangs rgyas kun gyis dgongs pa gcig/ bde ba che las ma gtogs pa// 'dod dang 'dzin pa ga la yod gang sa 'dzin chags med pa des// ting 'dzin nge 'dzin pa'i mchog/ kun 'dzin yi nas grub zin pa'i// gtang bzhag mi rtog grub pa'i rgyal// zhes gsung so// rdo rje sems dpa' namakha' me bram ze rgyas pa'i rgyung
- 292b
las dang bya med lhun rdzogs kyi le'u ste bcu gnyis pa'o// / rdo rje sems dpas yang zhus pa// bcom ldan bde chen kun bzang po// 'dod med ma g.yos rtsol med gang // kun tu bzang pos bka' srul pa// nyon cig nga la 'dus pa'i 'khor/ chos nyid 'gyur ba ye nas med// bsgyur bas g.yos pa rdul tsam med// bde dang sdug bsngal chung chub gcig/ sangs rgyas son semasu gcig/ snang sring snod bcud chos nyid gcig/ bden rdzun gnyis kyang chos nyid mnyam// bde la chags na sdug bsngal yin// rang bzhin gnas pas kun kyang 'grub// kun gsal de la rtog med pas// de ni rang byung ye shes yin// ye shes bag chags mi sogs pas// las kyis gos par ga la 'gyur// sna tshogs bsgoms pas cig mi gsal// gsal ba'i ting 'dzin gang byed pa// de la ting 'dzin mod me yin// de bzhin nyid du gcig pa la// sangs rgyas senaM gnyis phyed/ bde ba sdug bsngal gnyis phye nas// dge ba dang du blang bar bstan// de ni nges pa'i don las 'gal// rang bzhin chos la g.yos pa med// sangs rgyas rang bzhin g.yos med par// dus gsum rgyal ba'i chos nyid yon na de la sangs rgyas gud na mong // byang chub sems las ma gtogs pa'i// sangs rgyas seni gnyis ka med// sems nyid mi rtog sangs rgyas yin// sangs rgyas kun la sems nyid bsngags// sems nyid ma g.yos rtsol dang bral// rtsol bral de la ba cosu med// ces gsung so// rdo rje sems dpa' na mkha' che bram ze rgyas pa'i rgyud las// ma g.yos rtsol bral gyi le'u ste bcu gsum pa'o// / rdo rje sems
- 293a
dpas yid zhus pa// bcom ldan bde chen kun bzang po// nyid kyi rig pa ji ltar gsal// kun/ bzang pos bka' stsal pa/ nyon cig nga la 'dus pa'i 'khor// rig pa spyi blugs chen bor gsal// rig pa bsam brjod med par gsal// mi rtog bsam med ngang du gsal// rig pa rtog 'dzin med par gsal// bsam pa ma zhugs drang por gsal// rig pa dmigs gtang med par gsal// mi rtog mnyam pa'i ngang du gsal// rig pa bya rtsol med par gsal// mkha' dbyings bde chen klong du gsal// rig pa dran pag med par gsal// shes rigs bsam brjod 'das par gsal// rig pa 'dzin rtog med par gsal dang / mi g.yo mnyam pa'i ngang du gsal// rig pa gang du'ang gzhag med gsal// spyod pa'i mtha' dang bral bar gsal// rig pa rang lugs chen por gsal// bya rtsol nyid las 'das par gsal// rig pa ma bkag drang por gsal// mi rtog mnyam pa'i ngang la gsal// rig pa 'dzin bag med par gsal// mi rtog smos dang bral bar gsal// rig pa bsam spyong med par gsal// shes pa cir yang ma g.yogs la rig pa blo gtad med par gsal// bsam pa gang du'ang ma zhugs la// rig pa ngos gzung med par gsal// rig pa rgya ma chad par gsal// rig pa phyogs mo lhung gsal// ris pa yongs la 'brel par gsal// bde kun gyi gzhi mar gsal// zhes gsung so// rdo rje sems dpa' na mkha' che bram ze rgyas pa'i rgyud las// rig pa rang gsal gyi le'u ste bcu bzhi pa'o// / rdo rje sems dpas yang zhus pa// bcom ldan pade
- 293b
chen kun bzang po// mnyam par bzhag na ji ltar bzhag/ kun tu bzang pos bka' stsal pa/ nyon cig nga la 'dus pa'i 'khor// kun bzang ma nges na mkha' 'ang // mi rtog gsal ba'i ngang la bzhag/ ske lnga ma bkag rang sar bzhag/ ma rtsa la rang lugs chen por bzhag/ mi g.yo mnyam pa'i ngang la bzhag/ mi rtog spros dang bral bar bzhag/ gang du'ang ngos mi gzung bar bzhag/ snang ba mi dgag gang dgar bzhag/ rtog med gsal ba'i ngang la bzhag/ gnyis med mnyam pa'i ngang la bzhag/ lus ngag yid gsum glong de bzhag/ de bzhin ma bcos rang sar bzhag/ ma chags zhen dang bral bar bzhag/ shes pa ngos bzung med par bzhag/ bsam pa gang du'ang ma zhugs bzhag/ shes pa bsam spyod med par bzhag/ ces gsungaso// rdo rje sems dpa' na mkha' che bram ze rgyas pa'i rgyud las// mi rtog mnyam bzhag gi le'u ste bco lnga pa'o// // de nas kun tu bzang pos rdo rje sems dpa' la sogs pa'i 'khor rnams bsdu ba mdzad nas rgyud kyi don bshad pa'o// phyogs bcu dus gsum gyi de bzhin gshegs pa thad dang / khams gsum gyi sems can thams cad kyi rtsa ba ni kun tu bzang po'i thugs rang byung gi ye shes so// thugs rang byung gi ye shes ni bram ze rgyas pa nyid // rgyud 'di ni kun tu bzang po nyid do// rang gi byang chub kyi sem so// sangs rgyas zad kyi sku gsung thugs so/ rgyud 'di 'dzin pa ni sangs rgyas nyid do// thams cad sangs rgyas pa'i phyir 'khor ba ka dag go// 'di 'dzin pa ni kun tu bzang po'o// thams cad rang byung ye shes yin pa'i phyir ro// rin po ma
- 294a
gser gling na rdzodangs mi snang bya ltar 'khor bka ga ste rang byud ye shes nying ngo // bram ze rgyas pa'i rgyud las rlung yongs su gdung pa'i la gyu// thas ze rgyas pa'i rgyud rdzogs so// e rnams 'a byal seM dus sa/ 'argya mo mo rgya ma mahA shra ma NaH// sarba ma d+hA /