F251MW1KG13607_0251mdo sdeAll versions of this work

khyad par du 'phags par bstod pa

Biśeśastapa

Text

ff. 434a–439b · 12 folio sides

  1. 434a

    pa na/ drug ldan ma dang lhan cig spyod// khyod kyis 'khrig pa'i sbyar ba bdun// thal ba bzhin du bgyis par gyur// tshangs stsol 'jig rten 'byin pa po// bdag cag yin par smra zhes grag/ de nyid gzigs khyod 'jig rten dang // de yang las las skyes zhes bstan// brgya byin gyis ni gshol med ma// mthon na 'dod pas rmongs zhes grag/ dpa' khyod 'dod pa nyid kyis na// ma rmongs slad du btsun mo btang // sgra can lags pas zla ba yang / dbang med par ni mid pa lags// mnga' brnyes khyod la sems can gang // dbang med bgyid pa de ma mchis// mi dbang dga' byed gos sred sogs// nags tshel nas ni phyir yang mchis// bde gshegs khyod ni dben pa yi// bdud rtsis ngoms pas phyir mi byon// mchod sbyin la ni phyugs dgum par// drang srong rnams ni smra zhes grag/ sdig med khyod kyis grog ma la'ang // gnod pa bgyid par rjes ma snang // gzhan dag rang don mchod sbyin la// gzhan srog mar gyi sbyin sreg bgyid// gzhan gyi don du khyod cig pu// rang gi srog gi sbyin sregs mdzad// drang srong smod pa grub pa las// dka' thub grub par rjes su dpag/ lha chen 'dod pa can gyi mtshan/ drang srong rnams kyi smod pas lhung // khyod kyi phung khrol ba dag gi/ rtsa ba 'dod pa nyid lhung bgyis// drang srong dmod pa mi bzad pas// skye bo phal pa bsregs par

  2. 434b

    'gyur// khyod kyi ye shes me yis ni// skye bo rnams kyi skye rgyu bsregs// rgyas pa dran pa'i mthu chungs pas// mang po bgyis pa'i tshig dag ni// lta 'og 'gal bA/ gyur ces thos// thub pa khyod kyi kun kyang min// gling las skye sogs phal cher ni// gzhan gyis gang smras smra bar bgyid// khyod kyis thun mong ma yin chos// rang gis thugs su chud nas bstan// mu stegs can gyi rig byed tshig/ dben pa kho nar smra bar bgyid// khyod kyi bsgrags nas seng ge yi// sgra yis chos dag bstan pa mdzad// grangs can b+ha ra dwa dza ni// de nyid mthong yang dpyid ldan la// yongs su chags kyi gtso khyod kyi// slob ma'ang bud med nyid ma chags// 'ug pa bas ni sar pa las// khyad par can la sbyin zhes bstan// mgon po khyod ni thugs rje yis// kyi la'ang sbyin par bya zhes gsungs// lus kyi dka' thub bgyis pa yis// mdud pa 'jig par gcer bu 'tshal// khyod ni thug kyi dka' thub kyis// mdud pa 'jig par bzhed pa lags// rto ge ba dag dngos po rnams// ltos pa med par 'grub par 'tshal// tshig dbang khyod kyis cung zad kyang // mi ltos med ces legs par gsungs// ne tsos nyi ma brtol nas ni// thar par mchis par bshad ces grag/ khyod ni mya ngan 'das rjes la// gang du yang ni gshegs ma mchis// thar pa gzhan gyur pa dang ni// ne tse'ang lam gzhan song bar gyur// khyod nyid lam gang

  3. 435a

    nas gshegs pa// de nyid nas ni slob ma'ang mchi// khyab 'jug gis bud med dag/ stong phrag bcu drug yongs bzung gyur// ston pa 'jig rten 'das khyod la// bdag gi med cing yongs 'dzin med// ka shi mdzes dga' mo la ni// rgyas pa yongs chags rnam par bsgyur// khyod khab bzhugs na'ang phung khrol ba'i// don gyis dbang po rmongs ma gyur// rgyas pa 'dod gdungs g.yen spyo ba// bud med kyis ni brdog pas bsnan// khyod ni khyim par gyur pa na'ang // phyir zhing 'khrug par gyur pa med// dga' byed chung ma'i don gyi phyir// rgya mtsho'i pha rol song zhes grag/ khyod kyis bud med stong phrag ni// brgyad cu spangs nas nags su gshegs// rna can thab dka' la sogs la// khyab 'jug gis ni gnod pa bsams// sems can rnams la phan bzhed pa// khyod kyis srog kyang btang bar mdzad// / khyab 'jug gis sgra byas nas// gom gsum gyis phrog gang yin pa'i// sa de nges par thar bzhed pa// khyod kyis rtsa bzhin gtad par gyur// dga' byed srog gcod byed pa'i mangs// 'jig rten rgyal rigs med byas pas// grags pa thob pa gang yin te// khyod kyis stan la grags pa min// sgra ngan dang ni skya seng dag/ gang gi phyir ni g.yul bkye ba'i// dpal de khyod kyis 'khri shing ni// gdug pa bzhin du spangs nas gshegs// khyod kyi bstan pa brnyed pa na// thang shing nags ni lha chen po//

  4. 435b

    rnal 'byor dbang phyug spyod pa gang // de ni mi shes spyod pa rabs// dbang po bshol med byi bo zhes// bram ze da dung rab tu sgrogs// khyod kyis 'bras bu mchog brnyes pa'i// grags pa brgya byin sgrogs par gyur// khyab 'jug gis ni nag bkra bo// bred 'thoms gyur nas kun da gtong // khri'i 'og tu zhugs par gyur/ gtso khyod kun tu snyengs mi mnga'// skye dgu'i bdag po rang nyid kyi// bu mo dang ni 'khri zhes thos// thub pa khyod kyi slob ma yang // tshangs par spyod la skyon ma mchis// bram ze rnams ni dge sdig dag/ sbyin pa len bzhin 'pho bar smra// khyod kyis byas chud mi za dang // ma byas pa dang phrad med gsungs// ser skyes bdag gi mtshan nyid ni// shes dang ldan par yongs su brtags// khyod kyi de lta yin na bdag/ mi rtag nyid dang ldan zhes bstan// gzegs zan gis ni shes las bdag bzhan dang khyad par yongs su brjod// khyod kyis de ni shes med na// shing dang 'dra bar thal 'gyur gsungs// gcer bu lus kyi tshad bzhin du// srog ni zhum dang rgyas par smra// khyod kyis de ni phyogs cig phyir// rnam par 'jig par 'gyur zhes gsungs// bram zes 'gro ba rnams kyi rgyu// skyes bu brtag pa yin zhes brtags/ khyod kyis brtag pa zhes bya ba'i// rgyun ni ci yang med ces gsungs// bdag nyid chen po dug can pa'i// sras po stong phrag drug cu dag/ ser skyas bltas pa tsam/

  5. 436a

    gyis bsregs// de la rang khyod ni thugs rje mdzad// seng skya la sogs thar pa yi// bdag ni srid pa'i rgyu zhes mchi// khyod ni zhi ba gshegs gyur nas// bzhugs gum lta bur bgrang du med// mu stegs byed pa kha cig ni// thar pa 'gro dang ldan zhes smra// gang la 'gro yod de 'khor bar// khyod kyis thugs su chud nas bstan// gcer bu kun dga' ra ba sogs// brtsigs pa sdig pa'i rgyu zhes zer// thams cad mkhyen pa'i khyod kyis ni// de nyid bsod nams rgyu zhes gsungs// lus las lus gzhan dag tu ni// rtag pa'i srog ni 'pho zhes grag/ khyod kyis lus las gzhan gyur pa'i// srog yod pa ni min zhes gsungs// khros pas g.yul ngor bsad na ni// bde 'gror 'gyur bar rgyas pa zer// mgon po khyod kyis gnas bskabs de'i// sems ni ngan 'gro yin zhes gsungs// skye ba seng bu ni brjod byas na// bsod nams 'gyur zhes so so smra// gang zhig bgrod min 'gro byed pa// de dag khyod kyis bstan la smad// skem byed dbang po nye dbang po// drag po la sogs 'jigs pa dang // bsdigs phyir mtshon cha rtag tu thogs// khyod ni brnangs bral bsdigs mi mdzadaka khyod ni sus kyang mi bsnyengs la// su la'ang bsdigs par mi mdzad pas// khyod nyid cig pu mtshon mi bsdams// des na 'gro ba rnams las spags// sma'o

  6. 436b

    nyon mongs brlas pa'i tshig/ rig byed la sogs tshig dag ni// phal cher lta 'og 'gal ba lags// khyod kyis thams cad mkhyen pa gsung // gzhan gyi/ bstan chos gzhan dag ni// phal cher snga phyir 'gal ba lags// khyod nyid kyi ni gzhung lugs dag/ thogs ma bar mthar skyon ma mchis// chos 'don pa dag dmang rigs la// blo gros sbyin par bya min zer// khyod ni gdol pa rnams la yang // thugs rjes dam chos ston par mdzad// ljon shing bzang po rnam spangs nas// ngan pa la ni su zhig rten// 'dod chags bral brnyes khyod bzhugs na// mkhas pa su zhig ston gzhan 'dud// ser skya yul rnams la bkod bzhin// ye shes 'gyur 'phyi sdig bral ba// khyod kyis kun nas nyon mongs la// thar pa ga la yod ces gsungs// bsod nams byas pa'i tshogs dag ni// sems can rnams la yongs su bsngo// bcom ldan khyod kyis gang gsungs pa// de bzhin bstan chos la ma bshad// lha rten dang ni mchod sprin la// sems can gsod par byed pa dag/ 'jig rten pa ni chos su 'tshal// khyod kyi stan la de smad lags// gang zhig srog chags la rtag gnod// de la chos nyid ga la yod// gtso bo khyod kyis rang nyid kyis// srog gis sems can legs par gsungs// shAkya'i rgyal rigs 'khrungs khyod kyis// gang zhig bden dang mi sru dang // tshangs

  7. 437a

    par spyod dang dul ba dang // brtser ldan dam chos legs par dgongs// rigs byed thal khyam pas kyang // g.yul ngor dgra mngon 'ongs gsod ces// 'jig rten smra'i khyod kyis ni// dgra la'ang snying rje bya zhes gsungs// gzhon nus rang gi zhang po la// bas gis snun ces bka mchid gda'// dpa' bo khyod kyis nyon mongs pa'i// dra ba shes rab mtshon gyis dral// khyab 'jug gis ni rang nyid kyi// lhas kyang yongs su bskyab ma nus// gtso bo khyod ni sems can kun// bskyab pa'i slad du brtson pa lags// rgan pos 'jigs pas 'phrigs nas su// khyab 'jug gis ni bcom brlag btang / thub pa khyod la brnyengs bgyid pa'i// sems can de ni 'ga' ma mchis// khyab 'jug gi ni gnyen 'dun dag/ le lan gis ni gdugs par gyur// khyod kyis gnyen 'dun thams cad ni// 'khor ba las ni rnam pa bkrol// ser skya de nyid rig pas ni// gtso las 'gro ba skye bar bshad// khyod kyis 'gro ba skye ba ni// nyon mongs las las byung bar bsgrags// mu stegs gzhan gyi gzhung lugs la// ji lta ji ltar rnam bsams pa// de lta de ltar mgon khyod la/ bdag gi sems ni dad par gyur// de ltar thams cad mkhyen min pa'i// grub mtha'i skyon gyis rlag sems ldan// bsam rlag rnams kyis skyon med pa'i//

  8. 437b

    ston pa khyod kyang mi mthong ngo // 'jig rten lha dang bram ze dang // rig byed shAkya 'di dag ces// sdang bas smra ba rang skyon nyid// ci phyir sems par mi byed kye// gang slad khyod kyi bstan pa ni// bde bas bde nyid thob bgyid pa// de slad smra ba'i stag khyod kyi// gzhung lugs la ni 'gro 'di dga'// khyod kyi yon tan yang dag pad+d+harnam pa 'di ltar rab brjod pas// bdag gis bsod nams gang thob des// 'gro ba'i 'jig rten khyod 'drar shog/ mgon po khyad par 'phags bstod pa/ bsam pas bdag gis dge bsags pa// gang yin des na 'gro ba kun// byang chub la ni gzhol gyur cig/ khyad par 'phags par bstod pa// slob dpon thos brtson khyad par rjes mdzad pa rdzogs s+ho// // rgya gar gyi mkhan po sarbad nya de ba dang / lo tsha ba ban de rin mchog gis bsgyur cing / zhu chen gyi lo tsa ba ban de dpal brtsegs kyis gtan la phab pa// rgya gar gyi mkhan po 'dzin na mi tra dang / zhu chen gyi lo tsa ba ban de ye shes sde la sogs pas bsgyur zhus te gtan la phab pa// @rgya gar skad du/ Ar+ya sarba d+harma pa prid ti nir de sha na ma ma hA ya na sU tra// bod skad du/ 'phags pa chos thams cad 'byung ba med pa bstan pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag

  9. 438a

    gis thos pa dus gcig na/ bcom ldan 'das rgyal po'i khab kyi bya rgod 'phungs po'i ri la/ dge slong lnga brgya tsam gyis dge slong gi dge 'dun chen po dang thabs gcig tu bzhugs te/ byang chub sems dpa' stong phrag bcu gnyis 'dus pa yang 'di lta ste/ byang chub sems dpa' sems dpa' chen po bkod pa rab tu brgyan pa dang / byang chub sems dpa' sems dpa' chen po seng ge'i rtsal gyis 'gro ba dang / byang chub sems dpa' sems dpa' chen po 'od gzer thog ma med par shin tu sbyangs pa'i 'od kyi gzi brjid 'bar ba dang / byang chub sems dpa' sems dpa' chen po ri reb zom la rnam par spyod pa'i rgyal po dang / byang chub sems dpa' sems dpa' chen po dga' bas rab tu 'dzum pa'i 'od dri ma med pa dang / byang chub sems dpa' sems dpa' chen po nyi ma'i 'od zil gyis gnon pa'i 'od 'phro dang/ byang chub sems dpa' sems dpa' chen po go 'phang dri ma med pa thob pa dang / byang chub sems dpa' sems dpa' chen po gzi brjid 'gro ba la 'phro ba'i pad+ma rab tu rgyas pa'i lus dang / byang chub sems dpa' sems dpa' chen po tshangs pa'i sgra dbyangs kyi skad sgrog pa dang / byang chub sems dpa' sem/ dpa' chen po seng ge'i rgyal po 'gro bar rnam par rol pa'i blo gros dang / byang chub sems dpa' sems dpa' chen po gser mdog gzi brjid dri ma med pa rnam par

  10. 438b

    dag pa dang / byang chub sems dpa' sems dpa' chen po reg na 'jam zhing gzhon pa'i lus dang / byang chub sems dpa' sems dpa' chen po gser gyi rgyan ltar mtshan rab tu rgyas pa'i lus dang / byang chub sems dpa' sems dpa' chen po 'od zer bcus bdud rab tu btul ba dang / byang chub sems dpa' sems dpa' chen po spyod lam zhi bas nye bar zhi bar 'gro ba dang / byang chub sems dpa' sems dpa' chen po gzugs 'dzin mngon par 'phags pa'i rgyal po dang / byang chub sems dpa' sems dpa' chen po lha'i sgra dbyangs skad sgrogs dang / byang chub sems dpa' sems dpa' chen po chos thams cad la gang dbang phyug gi dbang gi rtsal gyis spyod pa dang / byang chub sems dpa' sems dpa' chen po gzi brjid dri ma med pa'i lus dang / byang chub sems dpa' sems dpa' chen po 'jam dpal gzhon nur gyur pa dang / de dag la sogs pa'i byang chub sems dpa' stong phrag dgu bcu rtsa gnyis dang yang thabs gcig go// de nas byang chub sems dpa' sems dpa' chen po seng ge'i rtsal gyis 'gro bas/ byang chub sems dpa'i tshogs de lta bu de mthong nas stan las langs te/ bla gos phrag pa gcig tu gzar nas pus mo g.yas pa'i lhang sa la btsugs te/ bcom ldan 'das gang na ba de logs su thal mo sbyar ba btud nas tshigs su bcad de zhu ba zhus pa// gso med srog med bdag med

  11. 439a

    med chos kyi rnams// mgon po mtha' yas grags mangs bshad du gsol// 'khor 'di 'di 'dra dam pa mchog lags te// zhi ba// rtog zhi rtag tu nye bar zhi// lta ba'i rnam pa ji ltar byang chub lags// khro dang phrag dog nga rgyal bral ba dang // 'dod chags dngos bral ji ltar byang chub lags// mgon po mtha' yas grags mangs bshad du gsol// skyon bral thar pa gang la ma mchis pa'i// 'du byed khams kyang ji ltar byang chub lags// ji ltar chos rnams gnyis su ma mchis pa// rgyal ba thugs rje mnga' bas bshad du gsol// chos rnams shin tu rnam par grol 'gyur cing // mya ngan 'das dang grol mnyam ji ltar lags/ chags pa ma chags nam mkha'i tshul 'dra zhing // 'ching bar mi 'gyur gang lags mgon pos gsungs// ka la ping ka tshangs pa lha'i gsung // 'od la dri med gser gyi mdog mnga' ba// yid 'ong 'od gsal yon tan mchog mnga' bas// chos nyid rtag par tshul gcig bka' stsal gsol// sgrib pa ji ltar byang chub mnyam pa lags// byang chub rang bzhin ji ltar chos rnams lags// chos dang chos min ji ltar 'dra ba lags// de gnyis ji ltar nam mkha' mtshungs pa lags// chos rnams grangs dang bgrang ba ma mchis shing // zhing dang mnyam par de dag ji ltar 'gyur// skyon bral byang chub de la ma mchis shing // de la kun mkhyen ma mchis ji ltar lags// bgyi dang bgyid dang bgyi ba'i

  12. 439b

    rang bzhin dang // bzung dang 'dzin pa nam yang ma mchis shing // sems can rnams kyang rtag par ma mchis shing // de la chos spyod ji ltar ma mchis 'gyur// de la tshul khrims/ bzod pa ma mchis shing // tshul khrims 'chal pa'ang de la ma mchis shing // bsam gtan shes rab de la ma mchis shing // rtog dang ma gtogs ma mchis ji ltar lags// chos rnams dri med dag pa ji ltar lags// nam mkha' 'dra zhing ci yang ma lags la// nam yang sems kyi rang bzhin mi dmigs shing // chos rnams sems med ji ltar legs par 'gyur// yongs su shes bgyi ji ltar ma mchis shing // sgom dang mngon bgyi mchis pa ma lags la// gang du'ang de la spang ba ma mchis pas// sems can ji ltar nam mkha'i dbyings 'dra lags// gang la chos nyid cig gi tshul gyur pa// de la rang bzhin nam yang ma mchis la// skye ba nam yang de la ma mchis pa'i// chos kyi/ tshul ni mgon pos bshad du gsol// de la slob dang dgra bcom ma mchis te// rang rgyal ji ltar mchis pa ma lags shing // byang chub tshol ba'i chos kyang ma mchis laka song dang 'ongs pa ma mchis ji ltar lags// gang la gnas dang brtan pa ma mchis shing // 'ong dang 'gro ba dag kyang ma mchis la// chos rnams 'gro dang 'ong dang bral bas na// rang bzhin mi g.yo brtan nas ji ltar lags// de la ji ltar 'du shes gzugs ma mchis// gzugs kyi rang bzhin ji ltar byang chub lags// gzugs dang byang chub ji ltar gnyis

Colophon

khyad par du 'phags par bstod pa/ slob dpon thos brtson khyad par rjes mdzad pa rdzogs s+ho// rgya gar gyi mkhan po sa rbad nya de ba dang/ lo tsha ba ban de rin chen mchog gis bsgyur cing/ zhu chen gyi lo tsa ba ban de dpal brtsegs kyis gtan la phab pa// rgya gar gyi mkhan po 'dzin na mi tra dang/ zhu chen gyi lo tsa ba ban de ye shes sde la sogs pas bsgyur cing zuhs te gtan la phab pa/