snang srid kha sbyor bdud rtsi bcud thig 'khor mtha' gcod pa'i rgyud phyi ma'i phyi ma'o
Text
ff. 19a–28b · 20 folio sides
- 19a
gdams ngag 'dis// khams gsum rtsad bcad 'gro drug g.yangs sa bcad// rdo rje sems dpa' thugs kyi dkyil du chongs// dga' rab rdo rje phyis 'byung la// don gyi gdams ngag 'di rnams ston/ gzhan la bstan pa'i dus ma yin// de nyid gtan tshig ci'i phyir na/ 'khor ba'i bdud kyi bslus pa mang // gzung 'dzin gnyis kyis bcings pa mang // chags sdang gnyis la zhen pa mang // re dogs gnyisu chud pa mang // nga phyir snod med chos ma yin// gang gis nyam su blang gyur yang // sku gsum rang la 'char ba nges// ces gsungaso// snang srid kha sbyor bdud rtsi bcud thig 'khor ba thogs mtha' gcod pa'i rgyud phyi ma las// man ngag bsdus nas bstan pa'i le'u ste don dgu pa'o// rdzogaso// / rgyud phyi ma'i phye ma bzhugs/ a pa ra gu h+ye/ d+har+m+ma/ kA ya a/ snang srid kha sbyor bdud rtsi bcud thig 'khor mtha' gcod pa'i rgyud phyi ma'i phyi ma'o// bstan pa'i snying po spyi ti yo gA 'di// theg pa kun gyi spyi'i mes por bshad// lta ba mkhan gyi gshed ma yin par bshad// sgom pa mkhan gyi gnyen po yin par bshad// spyod pa mkhan gyi bdud du bshad pa yin/ bsgrub pa mkhan gyi phyag mar bshad pa yin// theg pa'i rgyal po spyi ti yo ga 'di// bden pa gnyisu lta bas 'di mi mthong // yul sems gnyisu bcos pas 'di mi mthong // gzung 'dzin gnyi su lta bas 'di mi mthong // dag pa rnams gsum spyod pas 'di mi mthong // lha sbyong zung du 'brel pas 'di mi mthong // skye 'gag gnyi su lta
- 19b
bas 'di mi mthong // thabs dang shes rab lta bas 'di mi mthong // dbyings dang shes rab lta bas 'di mi mthong // thams cad chos skur 'dod pas 'di mi mthong // gzhan lta rgyab kyi phyogs pas 'di mi mthong // / rang lta mngon par zhen pas 'di mi mthong // gzung 'dzin gnyis kyis bcings pas 'di mi mthong // dgag sgrub gnyis kyis bcings pas 'di mi mthong // spong len gnyi su med pas 'di mi mthong // shin tu rnal 'byor mig gis mthong ba yin// mthong ba'i dus na ngos gzung cir yang snang // med pa'i dus na de nyid cir yang snang // snang ba'i dus na de nyid ngo shes pas// 'khor 'das thams cad rang sar grol bar 'gyur// de la gdams pa'i gnas kyi yang dag dgos// kun bzang nyid dang dbyer med gdams ngag 'di/ rdo rje sems dpa' yid la mod par gzung // ces gsungaso// spyi ti'i mthong lugs bstan pa'i le'u ste brgyad cu ba'o// // rdo rje sems dpas yang gsol pa// yang ti'i man ngag bstan du gsol// de nas ston pa kun bzang gis// 'dus pa'i 'khor la bka' stsal pa// yang ti s+thi ti'i man ngag 'di// bden pa gnyisu mi ston te/ lhug pa chen po'i man ngag bshad// bden pa gnyis po sun phyung cig/ na mkha'i dbyings nas gdams ngag bshang+ga// snying po dang drangs chos sku la yid la bya ba ma sems cig/ rang gdams rang sems yin shes la// sems la bas mo ma sems cig/ blo yis bco su ma sems cig/ rang sems sangs rgyas yin shes la// rig pas ming /
- 20a
ming 'dogs ma byed cig/ byed byed po ru nges ma bstan// rtsol rtsol po ru ngas ma bstan// gzo gzo bo ru ngas ma bstan// 'dzin 'dzin po ru ma sems cig/ dmigs dmigs po ru ma sems cig/ lha lta po ru ma byed cig/ sgom sgom po ru ma sems cig/ spyod spyod po ru ma sems cig/ sgrub sgrub po ru ma sems cig/ bsrung bsrung po ru ma sems cig/ bgrod bgrod po ru ma sems cig/ bde bde po ru ma sems cig/ yin yin po ru ma sems cig/ phywa phyu po ru ma sems cig/ gsal gsal po ru ma sems cig/ seng seng po ru ma sems cig/ rtson rtson po ru ma sems cig/ gnas gnas po ru ma sems cig/ lhan lhan po ru ma sems cig/ re ba po 'am dogs pa po// re dogs gnyis su ma 'dzin cig/ dgag sgrub spong len gnyis 'dzin chos// kun bzang bdag gis ma bshad do// chos sku longs sku sbrul sku 'am/ sangs rgyas chos dang sku lnga dang // ji lta bu la 'dod rgyu med// yid la mi byed bya ba btang // mi bya rtsol ba'i las mi byed// bsam med dang gnas 'gyu ba med// snang stong dbyer med don gyi gnas lugs la// bcos su med pa'i rig pa rang snang bzhag/ bsam du med pa'i chos nyid klong yangs la/ sgom du med pa'i dran sems dang dngas bzhag/ kun tu bzang pos ma bsam ma bsgom na// rdo rje sems dpa' de la ci zhig sgom// lta ru med pa'i lta ba khyad par 'phags// sgom du med pa'i ting 'dzin chen po yin// spyad du med pa'i spyod pa khyad par 'phags// bsgrub tu med pa'i chos sku rang 'grub yin//
- 20b
ces gsung so// yang ti'i nyid khu bstan pa'i le'u ste brgyad cu gcig pa'o// // de nas rdo rje sems dpa' yis// kun bzang nyid la yang zhus pa// kun gzhi'i don ni ji ltar lags// ces gsol ba dang / kun tu bzang pos bka' stsal pa/ kun ni snang srid 'khor 'das yin// gzhi ni byang chub sems yin// kun ni skye 'gro gzugs bsdus yin// gzhi ni sems kyi 'byung bzhi yin// kun ni byung snang chos la bya/ gzhi ni thog ma'i gzhi la bya// ces gsung so// kun gzhi'i nges tshig bstan pa'i le'u ste gya gnyis pa'o// // rdo rje sems dpas yang zhus pa// ma nor sangs rgyas ji ltar lags// ces gsol pa dang / kun tu bzang pos bka' stsal pa// ma nor sangs rgyas ngo bo nyid/ bsgrub pas sangs rgyas lam 'grub kyi// sangs rgyas sems la ye nas grub// grub zin don la ma yengs na// thung mongs bsgrub pa bya mi dgos// drang por 'dug la lhun grub ltos// bltas pas mthong ba cig kyang med// med pa de kha mthong ba yin// ma rig 'khor ba'i mun pa sangs// ye shes rig pa'i 'char sgo rgyas// bdag 'dzin nyon mongs rgyu mkhan sangs// 'dzin med ye shes rnam dag rgyas// ye shes rig pa'i 'char sgo rgyas// ces gsungaso// ma nor sangs rgyas bstan pa'i le'u ste gya gsum pa'o// rdo rje sems dpas yang nus pa// ma nir mya ngan ji ltar 'das// ces gsol pa dang / kun tu bzang pos bka' stsal pa// ma nor nges pa'i mya ngan ni// skye 'thung kun gzhi'i klong du 'das// yan lag bu'i shes pa rnams//
- 21a
@snying po ma'i klong du 'das// mtshan nyid snang tshul tsam snang rnams// stong nyid mkha' klong dbyingasu 'das// sems kyi btags pa zhen pa kun// chos nyid byang chub semasu 'das// blo la snang ba'i the tshom rnams// kun gzhi na mkha'i klong du 'das// ma rig dngos po rig par 'das// snang ba'i dngos po stong par 'das// gnyis snang thams cad gnyis med 'das// bdag 'dzin thams cad 'dzin med 'das// phyogs ris thams cad phyogs med 'das// zhen chags thams cad zhen med 'das// khams gsum 'khor ba'i sdug bsngal rnams// mya ngan 'das pa'i klong du 'das/ sems can ngan rtog bdag 'dzin rnams// sangs rgyas bde chen dbyingasu 'das/ ka/ ces gsungaso// ma nor nges pa mya ngan 'das pa'i le'u ste gya bzhi pa'o// // de nas rdo rje sems dpa' yis// kun bzang nyid la 'di skad zhus// ma nor sems nyid ji ltar lags// kun tu bzang pos bka' stsal pa// ma nor sems kyi rang bzhin ni// bcos pa med pa'i sems nyid ni// so ma rang lugs kyi na'o// bdag 'dzin bral ba'i sems nyid de// gnyis med gsalnga dngas sangs rgyaso// btags snang grol ba'i sems nyid// ma nor rnam dag ye sheso// blo bcug yid smon sangs pa de// yid smon med pa'i sems nyid do// snang sring kha sbyor bdud rtsi bcud thigs las// ma nor sems nyid bstan pa'i le'u ste gya lnga pa'o// // de nas rdo rje sems dpa' yis// kun bzang nyid la 'di skad
- 21b
zhus// sems kyi snang tshul ji ltar lags// zhes zhus pa dang / kun tu bzang pos bka' stsal pa// sems kyi snang tshul bsam yas te// 'khor 'das gnyis kyang sems kyi snang tshul yin// sangs rgyas sen sems kyi snang tshul yin// snang srid snod bcud sems kyi snang tshul yin// skye 'gro gzugs bsdus sems kyi snang tshul yin// brgyad khri bzhi stong sems kyi snang tshul yin// theg pa rim dgu sems kyi snang tshul yin// rtogs dang ma rtogs sems kyi snang tshul yin// rig dang ma rig sems kyi snang tshul yin// thams cad gnyis med dbye gsal med pa la// ma rig 'khrul pa'i blo la gnyi su snang // shes pas rtog nas rang bzhin yongs kyi mnyam// sems kyi snang ba bsam yas kyang // mnyam par shes nas sangs rgyas kun dang mnyam// tsas gsungaso// sems kyi snang tshul mdo tsam du bstan pa'i le'u ste gya drug pa'o// // de nas rdo rje sems dpa' yis// snang tshul cig tu ji ltar bsdus// ces gsol pa dang / kun tu bzang pos bka' stsal pa// sna tshogs bsam yas sem su bsdud// lta bya lta byed sems la bsdud// sgom bya sgom byed sems pa bsdud// sbyang bya spyod byed sems la bsdud// sgrub bya sgrub byed sems la bsdud// bsrung bya bsrung byed sems la bsdud// rtsal bya rtsol byed sems la bsdud// brgyad khri bzhi stong sems la bsdud// thag pa rim dgu sems la bsdud// yid rig sems brtags sems la bsdung // rtsol bas bsrung dang sa ma yin// spyang du med pa'i byang chub sems// bya rtsal med pa'i ngang du zhog/ dper na rgya mtsho'i chu bran bzhin// mtsho las zung
- 22a
@zhing mtsho ru 'dus// ye nas de ltar bsdus pa'o// ces gsungaso// snang sring kha sbyor gyi rgyud las// sems kyi snang tshul bsdus tshul gyi le'u ste gya bdun pa'o// // de nas rdo rje sems dpa' yis// kun bzang nyid la 'di skad zhus// ma nor nges pa'i gdams ngag gang // ces zhus pas/ kun tu bzang pos bka' stsal pa// ma nor nges pa'i gdams ngag 'di// mtshon du med pa'i byang chub sems// sgra brjod med pa'i ngang du zhog/ bstan du med pa'i byang chub sems// blo las 'das pa'i ngang la zhog/ lha rgyu med pa'i byang chub sems// lta bya med pa'i ngang la zhog/ bsam du med pa'i byang chub sems// sgom du med pa'i ngang la zhog/ thog ma nyid nas de ltar bsdus// dper na rgya mtsho'i chu bran bzhin// chu las byung zhing mtsho ru 'dus// byas nas bsdus pa ma yin te// sgrub du med pa'i byang chub sems// re dogs sgrub med ngang la zhog/ spros pa med pa'i byang chub sems// spros bral chen po'i ngang la zhog/ ces gsungaso// ma nor nges pa'i gdam ngag bstan pa'i le'u ste gya brgyad pa'o// / rdo rje sems dpas yang zhus pa// dug lnga sems ji ltar grol// ces zhus pa dang / kun tu bzang pos bka' stsal pa/ dug lnga semasu grol ba ni// tI ni chos nyid bstan pa la// mug ni mtshan ma'i chos la mug/ de phyir sems nyid gti mug go// 'dod ni chos sku skye med 'dod// chags ni bde chen klong du chags// des na sems nyid 'dod chags yin// zhe ni sems nyid dbyings na zhe // sdang ni 'khor ba'i chos la sdang // de phyir sems nyid zhe sdang yin// nga ni skye
- 22b
med byang chub sems// rgyal ni 'khor ba'i dmag las rgyal// de phyir sems nyid nga rgyal yin// phra ni 'gyur med dbyings kyi phra// dog ni chags sdang lnga las dog/ de phyir sems nyid phrag dog yin// dug lnga skye med byang chub sems// ces gsungaso// dug lnga chos nyid du grol ba'i le'u ste gya dgu pa'o// / de nas rdo rje sems dpa' yis// 'byung lnga sems ji ltar grol// ces zhus pa dang / kun tu bzang pos bka' stsal pa// 'byung lnga semasu dgrol ba ni// nam ni skye ba med pa'i nam/ mkha' ni 'gag pa med pa'i mkha'// skye 'gag gnyis med byang chub sems// de phyir sems nyid nam mkha' ni/ sa ni kun gzhi sems kyi gzhi// sna tshogs thams cad skye 'byung yang // chos nyid rang bzhin sra zhing brtan// de nas sems nyid sa yang yin// byang chub sems kyi mtshan gyis// nyon mongs dug lnga'i bud shing sreg/ de phyir sems nyid me yang yin// chos nyid rlan dang ma bral chu// gnyis med sdud pas chu yang yin// rang byung rdul gyi rlung chen gyis// nyon mongs brgyad khri phyag pas btab// rnam par rtog pa rlung la skur de phyir sems nyid rlung yang yin// 'byung lnga ma lus sems la rdzogs// ces gsung so// 'byung lnga semasu grol ba'i le'u ste dgu bcu pa'o// // de nas rdo rje sems dpa' yis// kun bzang nyid la 'di skad zhus// mtha' dbus phyogs mtsham sem su ji ltar grol// ces zhus pa dang / kun tu bzeng pos bka' stsal pa// phyogs mtshams sems la rdzogs lugs ni// chos sku mi 'gyur brtan pas na//
- 23a
byang chub sems ni dbus kyang yin// snying po'i klong nas ye shes shar// byang chub sems ni shar phyogs yin// nyon mongs chags sdang 'dzin pa lho// byang chub sems ni lho phyogs yin/ rtogs pa mtshan ma ji srid rnams// rnam rtog skye med dbyingasu nub// byang chub sems ni nub phyogs yin// nyon mongs gzung 'dzin dgag sgrub byung // byang chub sems ni byang phyogs yin// shwar lho mtshams ni skye ba med// lho nub mtshams ni 'gag pa med// nub byang mtshams ni gnyisu med// byang shar mtshams ni rang sar grol// steng 'og gnyis med dbye gsal med// steng phyogs theg dman zil gyis mnon// 'og phyogs khyab brdal 'ub chub yin// de phyir phyogs mtshams semasu grol// ces gsungaso// phyogs mtsham semasu grol ba'i le'u ste gocig pa'o// / de nas rdo rje sems dpa' yisan kun bzang nyid la 'di skad zhus// kha dog semasu ji ltar grol// ces gsol pa dang // kun tu bzang pos 'di skad gsungs// gzung 'dzin dri mas ma gos dkar po yin// yon tran ma lus kun 'byung ser po yin// snang ba dbang du 'dus pas dmar po yan// chos nyid 'gyur ba med pas nag po yin// rang byung lhun gyis grub pas ljang khu yin// kha dog rnam lnga byang chub semasu grol// ces gsungs so// kha dog sem su grol lugs bstan pa'i le'u ste go gnyis pa'o// // rdo rje sems dpas yang zhus pa/ skyes pa sems ji ltar grol// ces gsung so// kun tu bzang pos bka' stsal pa//
- 23b
semasu bsgrol ba ni// skyes ni rang byung ye shes skyes// pa ni kun gsal chen po pa// skyes ni rang rig rang dngas skyes// pa ni rang brlag rang sangs pa// skyes ni rtog pa'i shes rab skyes// ma rig mun pa sangs pas pa// ces gsungs// skyes pa semasu grol ba'i le'u ste go gsum pa'o// / de nas rdo rje sems dpas zhus// bud med semasu ji ltar grol// ces zhus pa dang / ston pas 'khor la bka' stsal pa// bud ni 'khor ba'i chos las bud// med ni ma rig mun nag med// de phyir bud med byang chub sems// bungad ni nyon mongs thams cad bud// chags sdang gnyis 'dzin dgag sgrub med// de phyir bud med semasu grol// ces gsungaso// bud med semasu grol ba'i le'u ste go bzhi pa'o// / rdo rje sems dpas yang zhus pa// rnal 'byor sems la ji ltar rdzogs// ces zhus pa dang / kun tu bzang pos bka' stsal pa rnal 'byor sems la rdzogs lugs ni// spyir ni rnal 'byor rnam bzhi ste// lung chen thob pa'i rnal 'byor dang // rtsal chen rdzogs pa'i rnal 'byor dang // mos pa spyod pa'i rnal 'byor dang / sbun pa'i rnal 'byor rnam pa bzhi// lung chen thob pa'i rnal 'byor ni// kun tu bzang po skye med lungang+ga// rdo rje sems dpa'i thugs dgrongs ni// u rgyan dga' rab rdo rjes thob// rtsa la chen rdzogs pa'i rnal 'byor ni// skye 'chi med pa'i rtsal rnams rdzogs// rgyal ba bka'i dbang yang rdzogs// mis pa skyong 'i'i rnal byor ni/ ngom po'i bka'i phyir phreng bamo// sbyin pa'i rnal 'byor zhes bya ba// tshigs sdang lnga mi spyod cing tshogs/
- 24a
@dam pa'i rnal 'byor spongs ma yin// yang dag don gyi rnal 'byor ni// rnal ni skye med 'gyur med rnal// 'byor ni snying po'i klong du 'byor// rnal ni gzhi gnas rang la gnas// 'byor ni chos nyid klong du 'byor// ces gsungaso// rnal 'byor sems la rdzogs pa'i le'u ste go lnga pa'o// / rdo rje sems dpas yang zhus pa// sgo lnga zang thal ji ltar lags// ces gsol pa dang / kun tu bzang pos bka' stsal pa// sgo lnga ye shes zang thal ni// gsal 'gribs med pa'i ye shes ni// migi rnam shes zang thalo// skye 'gag med pa'i ye shes ni// rna ba'i rnam shes zang thal yin// sgrib pa med pa'i ye shes ni// sna'i rnam shes zang thal yin// 'gyur ba med pa'i byang chub sems// lce'i rnam shes zang thal yin// skye 'jigs med pa'i byang chub sems// lus kyi rnam shes zang thal yin// / sgo lnga byang chub semasu rdzogs// ces gsungaso// sgro lnga zal thal gyi le'u ste go drug pa'o// / de nas rdo rje sems dpa' yis// kun bzang nyid la 'di skad zhus// 'gag med ye shes ji ltar lags// ces gsol pa dang / kun tu bzang pos bka' stsal pa/ snang ba ma 'gag rang snang chos kyi sku/ rig ma 'gags rang byung ye shes te/ phyi nang gnyis med dbyer med sangs rgyaso// ces gsung so// ma 'gags rang snang ba'i le'u ste go bdun pa'o// // rdo rje sems dpas yang zhus pa// mtshan nyid sde gsum ji ltar rdzogs// ces zhus pa dang / ston pas 'khor la bka' stsal pa//
- 24b
de la nyan thos rdzogs lugs ni// nyan ni skye med don la nyan// thos ni myur du rig pa thos// gzung 'dzin gnyis med dbye gsal med// de phyir nyan thos sems la rdzogs// rang ni rang dngas chos kyi sku// rgyal ni chags sdang gnyis las rgyal// dgag sgrub gnyis med byang chub sems// de phyir rang rgyal sems la rdzogs// mdo ni theg pa'i phyi mdo ste// sde ni sems kyi rnam grangs yin// byang ni 'ub chub klong du byang // sems ni 'gyur med don la sems// theg ni brgyad khri bzhi stong theg/ baM ni spyi ti'i yo ga dpa'// de phyir mdo sde sems la rdzogs// ces gsungaso// mtshan nyid sde gsum spyi te yo gar rdzogs lugs bstan pa'i le'u ste go brgyad pa'o// / rdo rje sems dpas yang zhus pa// gsang sngags phyi rgyud ji ltar rdzogs// ces zhus pa dang / kun tu bzang pos bka' stsal pr-ik+Sha snying po 'gyur med kri ya ni skye ba med pa'i ya// theg pa brtan zhing mi 'gyur ba'o// phyi dag nang dag gsang ba dag/ kri ya'i theg pa sems la rdzogs// u ni skye ba med pa yin// pa ni 'gag pa med pa yin// yang lha mar spyod skye 'gag med/ u pa byang chub sems la rdzogs/ yo nI ma lus kun gzhi'i klong // ga ni snang tshul klong du thim// skye 'gag gnyis med dbye gsal med// sum cu rtsa lnga'i lha tshogs rnams// chos nyid byang chub sems la rdzogs// phyi rgyud sde gsum sems la rdzogs// phyi rgyud sde gsum rdzogs pa'i le'u ste go dgu pa'o// // rdo rje sems dpas 'di skad zhus// nang rgyud sde gsum
- 25a
@ltar rdzogs// ston pas 'khor la bka' stsal pa// ma ni snying po don gyi ma// hA ni rtsal nang bu yin te// ma 'gag bu'i lha tshogs rnams// ma ni skye med byang chub sems// bu ni snang ba thabs yin te// yo ga gnyis meng rtsis gdab med// bzhi bcu rtsa gnyis sems la rdzogs// ces gsungaso// ma hA yo ga'i rdzogs lugs bstan pa'i le'u ste brgya tham pa'o// / rdo rje sems dpas yang zhus pa// a nu yo gA ji ltar rdzogs// ces gsol pa dang / kun tu bzang pos bka' stsal pa// a ni skye med byang chub sems// mu ni 'gag med ye shes yan// mu ni snang srid chos dbyings la a ni skye med ye shes// dbyings dang ye shes gnyis med// chos nyid byang chub sems la rdzogs// ces gsungaso// a nu sems la rdzogs lugs bskrun pa'i le'u ste brgya dang gcig pa'o// rdo rje sems dpas yang zhus pa// a ti yo ga ji ltar rdzogs// kun tu bzang pos bka' stsal pa// a ti yo ga'i rtogs lugs ni// a ni ma skyes snying po'i klong // ti ni bstan pa mi 'gyur ba// yo ni theg pa spyi sdus yin// ga ni 'gyur med chos kyi dbyings// theg pa rdzogs pa chen po ste// rdzogs chen byang chub sems la rdzogs// rdzogs ni snang srid 'khor 'das rdzogs// chen po 'gran zla med pa'i ched rdzo gas tshon snying po'i sems la rdzogs// ces gsung so// a ti sems la rdzogs pa'i le'u ste brgya dang gnyis pa'o// / bsi satwa oM li i sid+harmA a yo ga 'dir// de ras rdo rjes
- 25b
dpa' yis// kun bzang nyid la 'di skad zhus// spyi ti yo ga'i theg pa ru // theg pa ji ltar ma lus rdzogs// ces gsol pa dang / de nas ston pa kun bzang de// rin po che 'od brda'i sbyor 'byed med kyi ting nge 'dzin la bzhugaso// de las bzhengs nas 'di skad gsungs// nga'i spyi ti yo ga 'dir// thams cad yongasu 'di ltar rdzogs// snying po btsal snang btags zhen ming tshig rdzogs// snang srid skye 'gag 'khor 'das gnyis snang rdzogs// thams cad skye 'byung 'khor ba'i sa bon rdzogs// byas pas ma zin 'khor ba'i las rnams rdzogs// bsgrubs pas mi 'grub yid smon re dogs rdzogs// phyi nang dgag bsgrub spong len gzung 'dzin rdzogs// ces gsungaso// 'khor ba'i las rnams rdzogs pa'i le'u ste brgya dang gsum pa'o// / de nas rdo rje sems dpa' yis// brgyad khri bzhi stong ji ltar rdzogs// gsol pa dang / kun tu bzang pos bka' stsal pa// brgyad khri bzhi stong theg pa yang // nga'i spyi ti yo gar rdzogs// theg pa rim dgu'i lha sgom bsgrub mtha' rdzogs// dkyil 'khor dbang dang dam tshig bsgrub pa rdzogs// sdom pa bslab bya dam chos 'dul khrims rdzogs// sa dang lam dang pha rol phyin drug rdzogs// sa bcu smon lam yid smon re dogs rdzogs// byin rlabs dngos grub tshogs dang gtor ma rdzogs// byam rlabs dngos grub tshogs dang gtor mardzogs// mtshang dang bstod dang 'gyong tshangs sgri ba skyangs rdzogs// sdang ba dbyigs la med pa 'ardzogs// srid pa skye ba med par rdzogs// yid gnyis gzung 'dzing mo
- 26a
@par rdzogs// rig pa rang dngas chen por rdzogs// sems rtog rang brlag chen por rdzogs// blos btags rang rlag chen por rdzogs// yul sems rtsis gdab med par rdzogs// phyi nang gnyisu med par rdzogs// tsha tsha bskor ba mar me dang // sbyin gtor za' phyag chu gtor rdzogs// smon lam yid smon thams cad rdzogs// mnos bsam shes tshad ma lus rdzogs// thams cad spyi ti yo gar rdzogs// ces gsungaso// thams cad spyi ti yo gar rdzogs pa'i le'u ste brgya bzhi pa'o// // rdo rje sems dpas yang zhus pa// spyi ti'i sems la ji ltar rdzogs// ces gsol pa dang / ston pas 'khor la bka' stsal pa// spyi ni thams cad ma lus pa// ting 'dzin snying po klong du gyur// spyi ni yang rig sems rtog ste// ting 'dzin snying po'i klong du gyur// yo ni dbye gsal rtsi ba gdab med// ga ni snying po chos nyid klong // de phyir theg chen zil gyis mnon// des na spyi ti sems la rdzogs// ces gsungaso// sems la spyi ti rdzogs pa'i lugs bstan pa'i le'u ste brgya lnga pa'o// / rdo rje sems dpas yang zhus pa// spyi ti yo gshes pa yis// chos rnams thams cad shes 'gyur ram// ces gsol pa dang / ston pas 'khor la bka' stsal pa// spyi ti yo gshes rtogs na// chos rnams ma lus shes par 'gyur// spyi ti shes na theg pa mtha' dag shes// spyi ti rtogs na lta ba thams cad rtogs// spyi ti grub na dngos grub thams cad 'grub// spyi ti go na theg pa la zhan go/ yid la smon pa'i sangs
- 26b
rgyas sa la sleb// de yang dper na 'di ltar shes par bgyis// mchog rab rtse nas ri bran thams cad mthong // rgya mtsho ltas pas chu bran thams cad mthong // sdong po rtsa ba chong pas yal ga skam// dong bu gcig khog stong pas thams cad stong // na mkha'i ngang nas 'byung chen bzhi yang gsal// skyu ru ra cig sgyur na thams cad sgyur// nyi zla gnyis mthong gza' skar thams cad gsal// gser cig shes pas thams cad 'gyur med go/ nor bu rin chen rnyed na dgos 'dod thams cad 'byung // za 'og gcig yod dar sna sna tshogs yod// theg pa'i rgyal po sbyi ti 'di 'chang na// theg pa ma lus mtha' dag bcang par 'gyur// tshig gcig shes na tshig kun shes par 'gyur// don cig shes na yon tan kun gyi bdag/ ces gsungaso// spyi ti yo ga rdzogs pas chos kun shes par bstan pa'i le'u ste brgya drug pa'o// de nas rdo rje sems dpa' yis// spyi ti'i 'bras bu ji ltar thob// ces gsol pa dang / ston pas 'khor la bka' stsal pa// spyi ti yo ga'i 'bras bu las// lha ru med pa'i lta ba de bltas pas// mthong du med pa'i chos nyid byang sems mthong // mthong ba'i dus med rang sangs dang // skom du med pa'i sgom pa de sgom pas// zhi rgyu med pa'i rnam rtog mtshan ma zhi// spyad du med pa'i don la rang spyad pas/ bya ba byed pa'i las rnams thams cad grub// bsgrub du med pa'i 'bras bu rang bsgrub pas// thob du med pa'i sku gsum lhun grub thob// 'gyur dus med pa'i sems nyid mngon du gyur// sangs dus
- 27a
med pa'i ma rig mun pa sangs// shar dus med pa'i ye shes nyi ma shar// rgyas dus med med pa'i snying po klong nas rgyas// rtsol sgrub med pa'i chos sku dang dngas thob// bstan du med pa'i snying po klong yangs bstan// mi 'gyur gdeng ldan snang sring rgya yis thebs// skye med klong nas 'gyur med chos sku tho ba// gsal snang dngos med longs spyod rdzogs skur gyur// sna tshogs gnyis med thugs rje sbrul sku'o// sku gsum dbyer mad cig ste brjod med bde chen sku/ thams cad dbyer med rdo rje lta bu'i sku/ sku lnga chos nyid byang chub sems kyi 'thob// de ltar thob pa de ya re shig pa'o// ces gsungaso// snang srid kha sbyor bdud rtsi bcud thig 'khor ba thogs mtha' gcod pa'i rgyud las// smyo ti'i 'bras bu thob tshul bstan pa'i le'u ste brgya bdun pa'o// // de nas rdo rje sems dpa' yis// kun bzang nyid la 'di skad zhus// nam zhig rgyud kyi mtshan ni ji ltar lags// ces gsol pa dang / ston pas 'khor la bka' stsal pa// rgyud kyi rgyal po'i mtshan bshad pa// snang srid gnyis med klong du sbyor ba'i phyir// snang srid kha sbyor rgyud kyi rgyal po yin// nyon mongs bdud la chos nyid rtsis btul ba// bdud rtsi nad sel rgyud kyi rgyal po yin// 'khor ba'i nad la gdam ngag bcud thig pas// bcud thigs smon sbyor rgyud kyi rgyal po / 'khor ba'i thig mtha' ma lus cing gtsad phyir// gzeng chen mu gri rgyud kyi rgyal po yin// theb pa skye'i wang rnams sel ba'i phyir/ 'brang sel sgo'i byang chung kyi rgyal po yon// brgya tshwa
- 27b
bzhi stong lta sgom go 'byed phyir// 'phrul gyi lde mig rgyud kyi rgyal po yin// re shig mtshan gyi don ni de ltararo// ces gsungaso// rgyud kyi rgyal po'i mtshan bstan pa'i le'u ste brgya brgyad pa'o// / rdo rje sems dpas yang zhus pa// rgyud 'di gang zag gang la gtad // kun bzang nyid kyi bka' stsal pa/ phyogs rig chung la dad pa che// ser sna chung la gtong phod che// nyon mongs chung la shes rab che// chags/ zhen chung la dam tshig che// de la rgyud kyi rgyal po gtad// slob dpon snying la sems pa dang // man ngag srog bzhin 'chang ba dang // dam tshig zhung srung rnam smin 'dzem// dam pa chos kyi don ni// lus srog 'phangs pa med pa gtong // rin chen la sogs 'dod pa'i yon// ma chags 'phangs pa med pa 'bul// blo che blo yang rno ba la// rgyud kyi rgyal po brgyud cing gtad// dam tshig med la snying rje chung // shes rab med la 'dod pa tshaka/ gdung sems med la mched grogs slu// brtson 'grus chung la chags sdang che// ma thob bar du ngo dgas 'brel// lag tu thogs nas zong du 'tshong // dam mang thabs kyi 'dod pa/ la/ ma sbyin sdig pa'i gnasu 'gyur// de lta bu la byin gyur na/ dam shor gling gi dngos grub na// mkha' 'gro bka' bsrung chos skyong tshogs// de yang ma shi'i sngon rol tu// sha khrag rlon pa za bar byed// phyi mar gnyis ka dmyal bar ltung // rgya mtsho dug g.yos sdig pa che// de bas mi bstan gsang bar 'os// snod med rnams kyi chos ma yin// ces gsung so// snang sring kha sbyor bdud rtsi bcud thig 'khor ba
- 28a
thog mtha' gcod pa'i rgyud las// gtang rgya gnad kyi bstan pa'i le'u ste brgya dgu pa'o// / de nas rdo rje sems dpa' yis// kun bzang nyid la 'di skad zhus// nam zhig dus ni phyi ma la// rgyud 'di 'byung dus ji ltar lags// ces gsol ba dang / ston pas 'khor la bka' stsal pa// rgyud kyi rgyal po 'byung dus su// sku dang gsung gi bstan pa nub// bde gshegs bka'i byin rlabs yal// thugs kyi bstan pa dar ba'i tshe// de tshe nga'i rgyud 'di 'byung // gnas gzhi 'thab ras skor ba dang // btsun chen sde 'khrugs byed pa dang // dge slong tshong dpon byed pa dang // chos gos 'og tu gri 'dzugs dang // btsun chen chung ma len pa dang // che btsun dug sbyor byed pa'i dus// de dus rgyud kyi rgyal po 'byung // skye mar nag po gon pa'i dus// lham khA ra bas byed pa'i dus// mi rnams g.yo rgyus mtsho ba'i dus// chags sdang lnga dang ma bral bar// lta ba kha khyer zhen ma log/ da lta sangs rgyas yin par smra// chos sku rdzogs chen dar ba'i dus// chos la bsod nams med pa'i dus// de dus rgyud kyi rgyal po 'byung // bde gshegs byin gyis brlab ma thub// 'byung ba sa yi gser ma thub// mkha' 'gros btang pa'i gnyer ma thub// skye 'gros blo gtad gsher ma thub// de dus rgyud kyi rgyal po 'thung // zhes gsung so// snang sring kha sbyor bdud rtsi bcung thig 'khor ba thog mtha' gcod pa'i rgyud kyi rgyal po las/ bstan pa 'byung dus bstan pa'i le'u ste brgya dang bcu pa'o//
- 28b
snang srid kha sbyor bdud rtsi bcud thigs 'khor ba thog mtha' gcod pa'i rgyud kyi rgyal po phyi ma'i phyi ma rdzogaso// // skyon slob dpon pad+ma 'byung gnas dang bod kyi lo tsa ba ska ba dpal brtsegs kyi bsgyur ba'o// lha sras khri srong lde btsan la btang nas rin po che'i gter du swa so// gter rgya// sbas rgya/ gtad rgya// sa ma ya/ mnga' bdag nyang gi gter ma'o// rin po che bachung kyi yang snying thog ma 'gros gtsang ba spros gcod rtsa ba'i rgyud bzhug so// / rgya gar skad du// rat+na sa u pa hri da ya A di an ta tshe da sra ba na tsaM tsha da mu la tan tra// bod skad du/ rin po che bcud kyi yang snying thog ma'i gras thag gcod pa spros pa gcod pa rtsa ba'i rgyud/ bcom ldan 'das dpal kun tu bzang po la phyag 'tshalo// 'di skad bdag gis rtogs shing bshad pa'i dus gcig na// ye shes kyi klong / ma bris pa'i dkyil 'khor mtha' dbus med pa'i gnas/ rin po sna tshogs kun tu 'bar ba'i gzhal yas khang na/ ston pa'i rgyal po mtshon 'das dmigs med dang / ston pa'i rgyal po bsam med brjod 'das pa dang / ston pa'i rgyal po sems nyid kun bzang gsum// 'byed pa med pa'i tshul gyis bzhug so// 'khor gyi tshogs kyang 'di lta ste/ brtsal snang mtshan nyid lta bu'i khor dang / shugs 'thung rig pa bsam gyis mau khyab pa'i 'khor dang / yid sems rtog tshogs bsam 'das kyi 'khor te/ de gsum ni rang bzhin bzhi'i 'khor ro// gzhan yang 'khor gyi tshogs 'di lta ste/