F103MW1KG13607_0103mdo sdeAll versions of this work

'phags pa rnam par mi rtog par 'jug pa zhes bya ba'i gzungs

Aryabakalapaprapeśanamadharani

Text

ff. 76b–82a · 12 folio sides

  1. 76b

    rgya gar skad du/ ar+ya ba ka la ba pra be sha na ma d+ha ra ni// bod skad du// 'phags pa rnam par mi rtogs par 'jug pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan 'das rgyal po'i khab na/ khams gsum pa thams cad las khyed par tu 'phags pa/ rnam par mi rtogs bar 'jug pa'i chos kyi dbyings kyi snying po'i khang bzangs na/ dge slong gi dge 'dun chen po dang / byang chub sems dpa'i dge 'dun chen po dang thabs gcig tu bzhugs te/ 'di lta ste byang chub sems dpa' sems dpa' chen po rnam par mi rtogs pa dang / rnam par mi rtog snang ba dang rnam par mi rtog zla ba dang / rnam par rtog med dpa' bo dang / rnam par rtog med chos ston mkhas pa dang / rnam par rtog med ngo bo nyid dang / rnam par rtogs med blo gros dang / rnam par rtog med nga ro dang / rnam par rtog med khyab byed dang / rnam par rtog med dbang phyug dang / rnam par rtog med dbang phyug chen po dang / rnam par tog med byams pa chen po dbang phyug chen/ byang chub sems dpa' sems dpa' chen po spyan ras gzigasi dbang phyug dang theb sa gcig go/ de nas bcom ldan 'das 'khor brgya stong du mas skor cing / mdun gyis bltas nas/ 'di ste ste theg pa chen po la chos rnam kyi rnam par mi rtog pa nyid las rtsams te chos ston to// de nas bcom ldan 'das kyis thams cad dang ldan pa'i byang chub sems dpa' 'khor la kun tu gzigs nas/ byang chub sems dpa' rnams la bka' stsal pa/ rigs kyi bu dag khyed kyis rnam par mi rtogs

  2. 77a

    sems par 'jug pa zhes bya ba'i gzungs zung shig/ de bzung na byang chub dpa' myur bar myur bar sangs rgyas kyi chos rnams sgrub cing / rtag tu khyad par du yang 'gro'o// de nas 'khor de nyid kyi byang chub sems dpa' sems dpa' chen po rnam par mi rtog snang ba zhes bya ba stan las langs te/ bla gos phrag pa gcig tu bzar nas/ pus mo g.yas pa'i lha nga sa la btsug te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen pos gang thos nas/ klog pa dang / tshul bzhin du yid la byed pa dang / gzhan dag la yang rgya cher ston pa 'gyur ba'i rnam par mi rtog par 'jug pa'i gzungs bshad du gsol/ de skad ces gsol pa dang / bcom ldan 'das kyis bka' stsal pa/ rigs kyi bu de'i phyir legs par rab tu nyon la yid la zung shig dang / ngas rnam par mi rtog par 'jug pa'i gzungs bshad du gsol/ bcom ldan 'das legs so zhes gsol te/ byang chub sems dpa' sems dpa' chen po de dag bcom ldan 'das kyis ltar nyan pa dang / bcom ldan 'das kyis de dag la 'di skad ces bka' stsal to// nga rigs kyi bu dag 'di la byang chub sems dpa' sems dpa' chen po'i dbang phyug tu bya ba'i chos thos te/ rnam par mi rtog pa la bsam pa bzhag nas/ rnam par rtog pa'i mtshan ma thams cad yongs su spangs te/ de thob ma nyid du 'di ste/ bzung ba 'am 'dzin yang rung / rang bzhin la rnam par

  3. 77b

    rtogs pa'i mtshan ma thams cad yongs su spong ngo // de gang zag pa dang bcas pa'i dngos po'i mtshan ma de ni rang bzhin la rnam par rtog pa'i mtshan ma'o// gang zag pa dang bcas pa'i dngos po la nye bar len pa'i phung po lnga rnams te/ 'di lta ste gzugs nye bar len pa'i phung po dang / tshor ba nye bar len pa'i phung po dang / 'du shes nye bar len pa'i phung po dang / 'du byed nye bar len pa'i phung po dang / rnam par shes pa nye bar len pa'i phung po// ji ltar rang bzhin la rnam par rtogs pa'i mtshan ma de dag yongs su spong zhe na/ snang bar gyur pa'i tshul gyis mngon tu gyur pa de dag/ yid la mi byed pas yongs su spong ngo // de rang bzhin la rnam par rtogs pa'i mtshan ma de dag rims kyis yongasasu slong bas nas/ de ma yin pa gzhan rnyed pa la rnam par rtog pa'i mtshan ma rnams snang bar 'gyur ba'i tshul gyis kun tu 'byung zhing mngon tu 'gyur te/ 'di lta ste sbyin pa la spyod pa rnam par rtog pa'i mtshan ma dang / tshul khrims la spyod pa rnam par rtog pa'i mtshan ma dang / bzod pa la spyod pa rnam par rtog pa'i mtshan ma dang / brtson 'grus la spyod pa rnam par rtog pa'i mtshan ma dang / bsam gtan la spyod pa rnam par rtog pa'i mtshan ma dang / shes rab la spyod pa rnam par rtog pa'i mtshan ma ste/ 'di lta ste ngo bo nyid la spyod pa dang // yon tan la spyod pa dang / snying po spyod pa yang rung / nges de dag kyang yid la mi byed pas yongs su spong ngo // des de dag yongs su spong ba na gzhan de kho na la spyod pa rnam par rtog pa'i mtshan ma rnams snang bar 'gyur ba'i tshul gyis/

  4. 78a

    kun tu 'byung zhing mngon tu 'gyur te/ 'di lta ste/ stong pa nyid la spyod pa rnam par rtog pa'i mtshan ma dang de bzhin nyid la spyod pa rnam par rtog pa'i mtshan ma dang / yang dag pa'i mtha' la spyod pa rnam par rtog pa'i mtshan ma dang / mtshan ma med pa dang don dam pa dang / chos kyi dbyings la smod pa rnam par rtog pa'i mtshan ma ste/ 'di lta ste rang gi mtshan nyid la spyod pa 'am/ yon tan la spyod pa 'am/ snying po la spyod pa yang rung ste/ des de kho na la spyod pa rnam par rtog pa'i mtshan ma de dag kyang yid la mi byed pas yongs su spong ngo // / des de dag yongs su spong ba na/ gzhan 'thob pa la spyod pa rnam par rtog pa'i mtshan ma dang / snang bar 'gyur ba'i tshul gyis/ kun tu 'byung zhing mngon tu 'gyur te/ 'di lta ste/ sa dang po thob pa la spyod pa rnam par rtog pa'i mtshan ma nas/ sa bcu bcu pa'i bar tu thob pa la spyod pa rnam par rtog pa'i mtshan ma dang / mi skye ba'i chos la bzod pa thob pa la spyod pa rnam par rtog pa'i mtshan ma dang / lung bstan pa thob pa la spyod pa rnam par rtog pa'i mtshan ma dang / sangs rgyas kyi zhing yongs su dag pa thob pa la spyod pa rnam par rtog pa'i mtshan ma dang / sems can yongs su smin par byed pa 'thob pa la spyod pa rnam par rtog mtshan ma dang / dbang bskur ba 'thob pa la spyod pa rnam par rtog pa'i mtshan ma nas/ rnam pa thams cad mkhyen pa nyid 'thob pa'i bar la spyod pa rnam par rtog pa'i mtshan ma ste/ 'di lta ste rang gi mtshan nyid la spyod pa 'am/ snying po la spyod pa yang rung / des

  5. 78b

    'thob pa la spyod pa rnam par rtog pa'i mtshan ma de dag kyang yid la mi byed pas yongs su spong ngo // de ltar byang chub sems dpa' sems dpa' chen po rnam par rtog pa'i mtshan ma'i rnam pa thams cad yid la mi byed pas yongs su spong bas na/ rnam par mi rtog pa'i dbyings la shin tu rtson pa yin te/ re shig rnam par mi rtog pa'i dbyings la ni ma reg mod kyi// / rnam par mi rtog pa'i dbyings la reg par 'gyur ba'i tshul bzhin gyi ting nge 'dzin yod do// de yang dag par spong ba de dang / sten pas rjesu 'gro'o// sgoms pas rjes su 'gro'o// / yang dag par yid la bya bas rjes su 'gro bas na mngon par 'du bya ba med cing / lhun gyis grub pas rnam par mi rtog pa'i dbyangs la reg ste/ rims kyis yongs su sbyong ngo // / ci'i phyir rnam par mi rtogs pa'i dbyings la rnam par mi rtog pa'i zhes bya zhe na/ spyod pa'i rnam par brtag pa thams cad las shin tu 'das pa dang / bstan pa dang / dpes rnam par rtags pa thams cad las 'das pa dang / dbang po rnam par brtags pa thams cad shin tu 'das pa dang / yul du rnam par brtags pa thams cad las shin tu 'das pa dang / rnam par rig par brtags pa thams cad las 'das pa dang / nyon mongs pa thams cad dang / shes bya ba'i sgri ba thams cad kyi gnas med pa'i phyir to// de'i phyir rnam par mi rtogs pa'i dbyings la rnam par mi rtog pa zhes bya'o// rnam par mi rtog pa de yang gang zhe na/ rnam par mi rtog pa ni gzugs med pa/ bstan tu med pa rten med pa sdang ba med pa/ rnam par rig pa ma yin/ gnas me/

  6. 79a

    pa'o// byang chub sems dpa' sems dpa' chen po rnam par mi rtog pa'i dbyings la rab tu gnas pas ni/ shes bya dang khyed par med pa dang / rnam par mi rtog pa'i ye shes kyis chos thams cad na mkha'i dkyil dang 'dra bar mthong ngo // rnam par mi rtog pa'i rjes la thos pa'i shes pas ni/ chos thams cad sgyu ma dang / smig rgyu dang / rmi lam dang / mig yor dang / brag cha dang / gzugs rnyan dang / chu zla dang / sprul pa dang / mtshungs par mthong ngo // bde ba chen po la gnas pa shin tu rgyas pa'ang 'thob po// sems phun sum 'tshog pa shin tu rgyas pa'ang 'thob po// shes rab dang ye shes che zhing shin tu rgyas pa 'ang 'thob po// bshad pa chen po la dbang shin tu rgyas pa'ang 'thob po// dus thams cad du sems can thams cad kyi don gyi rnam pa thams cad kyang byed nus par 'gyur te/ sangs rgyas kyi mdzad pa ldan gyis grub pa 'ang rgyan mi gcod do// rigs kyi bu dag 'di lta ste/ dper na brag gcig tu sdug cing sra ba'i 'og na/ yid bzhin gyi nor bu rin po che chen po sna tshogs 'od gsal ba 'di lta ste/ rdul rin po che dang / gser rin po che dang / rdo'i snying po rin po che sna tshogs kyi rin che tha dad pas/ yongs su gang ba'i gter chen po zhig yod la/ de nas gter chen po 'dod pa'i mi la la zhig 'ong ba de la/ gter chen po mngon par shes pa'i mis 'di skad du/ kye skyes bu brag gcig tu stag cing sra ba de'i 'og na/ rin por che 'od gsal bas yongs su gang ba'i rin po che'i gter chen po yod de/ de'i 'og na yid bzhin gyi nor bu rin po che'i gte re yod kyis/

  7. 79b

    khyod kyis thog ma kho nar rdo'i rang bzhin thams cad rkos shig/ de nos pa dang / rdul du snang ba'i rdo'i khyod la snang bar 'gyur te/ de la khyod kyis gter chen po'i 'du shes mi bya'o// de yongs su shes par byos te rkos shig/ de rkos pa dang / gser du snang ba'i rdo sdang bar 'gyur te/ de la'ang khyod kyis gter chen por 'du shes mi bya'o// de yang yongs su shes par bos te rkos shig/ de rkos dang rin po che sna tshogs su snang ba'i rdo sdang bar 'gyur te/ de la'ang khyod kyis gter chen por 'du shes mi bya'i/ de yongs su shes par byos te/ rkos shig/ skye skyes bu/ khyod kyis de ltar rtson par byas na/ rkos pa mngon par 'du bya ba med cing 'bad mi rkos par yid bzhin gyi nor bu rin po che'i gter chen po mthong bar 'gyur ro// yid bzhin gyi nor bu rin po che'i gter chen po rnyed na/ khyod phyug cing nor che la long spyod che bar 'gyur te/ bdag dang gzhan gyi don la mthu yod par 'gyur ro zhes sbas pa ltar rigs kyi bu dag ji tsam du don 'di shes pa bya ba'i phyir dper byas pa ste/ brag cig tu stug cing sra ba zhes bya ba de ni/ 'du byed kyi rnam pa kun nas nyon mongs pa dang / gnyis la so sor nye bar gnas pa'i tshig bla dgas so// 'og na yid bzhin gyi nor bu rin po che'i gter chen po zhes bya ba de ni/ rnam par mi rtog pa'i dbyings kyi tshig bla dgas so// yid bzhin gyi nor bu rin po che'i gter chen po 'dod pa'i mi zhes bya ba de ni/ byang chub sems dpa' sems dpa' chen po'i tshig bla dgas so// gter chen po mngon par shes pa'i mi zhes bya ba de ni/ de bzhin gshegs pa dgra bcom pa yang dag

  8. 80a

    par rdzogs pa'i sangs rgyas kyi tshigs bla dgas so// brag ces bya ba de ni rang bzhin la rnam par rtog pa'i mtshan ma rnam kyi tshig bla dgas so// rkos shig ces bya ba ni yid la mi byed pa'i tshig bla dgas so// rdul du snang ba'i rdo zhes bya ba de ni gnyen po la rnam par rtog pa'i mtshan ma rnams kyi tshig bla dgas so// gser du snang ba'i rdo zhes bya ba de ni/ stong pa nyid las sogs pa la rnam par rtog pa'i mtshan ma rnams kyi tshig bla dgas so// rin po che sna tshogs su sdang ba'i rdo zhes bya ba de ni/ 'thob pa la rnam par rtog pa'i mtshan pa rnams kyi tshig bla dgas so// yid kyi bzhin gyi nor bu rin po che'i gter chen po rnyed bya ba de ni/ rnam par mi rtag pa'i dbyings la reg pa'i tshig bla dgas so// rigs kyi bu dag de ltar dpe nye bar bkod pa 'das rnam par mi rtog pa'i dbyings su 'jug pa khong du chud par bya'o// rigs kyi bu dag ji ltar na yang / byang chub sems dpa' sems dpa' chen po rnam par rtog pa'i mtshan ma ji skad bstan pa de dag la nye bar rtog cing rnam par mi rtog pa'i dbyings su 'jug ce na/ rigs kyi bu dag 'di la byang chub sems dpa' sems dpa' chen po de ltar mi rtog pa'i dbyings la rab tu gnas pa ni/ gzugs kyi rang bzhin la rnam par rtog pa'i mtshan ma mngon tu gyur na/ 'di ltar nye bar rtog ste/ gang bdag gi gzugs shes spyod na/ rnam par rtog pa la smod pa'o// gzhan gyi/ gzugs shes spyod na rnam par rtog pa la spyod pa'o// gzugs 'di yod do zhes spyod rnam par rtog pa la spyod do// gzugs skye ba 'gabo go/ kun nas nyon mongs pa'o// rnam par byang ba'o

  9. 80b

    zhes spyod na rnam par rtog pa la spyod pa'o// gzugs med ces spyod na rnam par rtog pa la spyod pa'o// gzugs la ngo bo nyid kyis kyang med/ rgyu re yang med/ 'bras bur yang med/ las snga med/ ldan par yang med/ 'jug par yang med ces spyod na rnam par rtog pa la spyod pa'o// gzugs la rnam par rtog pa tsam zhes spyod na rnam par rtog pa la spyod pa'o// ji ltar gzugs med pa de bzhin du gzugs su snang ba'i rnam par rig pa yang med do zhes spyod na/ rnam par rtog pa la spyod pa'o snyam mo// rigs kyi bu dag 'di ltar byang chub sems dpa' sems dpa' chen po'i gzugs kyang mi dmigs/ gzugs su snang ba'i rnam par rig pa yang mi dmigs me kyi/ rnam par rig pa thams cad du chud gson pa ni ma yin no// rnam par rig pa ma rtogs par chos gang yang mi dmigs la/ rnam par rig pa de yang dngos po med pa/ yang dag par rjes su mi mthong ngo // rnam par rig pa ma rtogs par dongos po med pa yang dag par rjes su mi mthong ngo // gzugs su snang ba'i rnam par rig pa med pa de dang / rnam par rig pa de gcig par yang yang dag par rjes su mi mthong / tha dad par yang dag par rjes su mi mthong ngo // / rnam par rig par dngos po med pa de la/ dngos por yang dag par rjes su mi mthong / dngos po med par yang dag par rjes su mi mthong / dngos po med par yang yang dag par rjes su/ mi mthong ste/ rigs kyi bu dag rnam pa thams cad pa'i rnam par rtog pa thams cad kyis/ gang rnam par rtogs pa de rnam par mi rtog pa'i dbyings so// zhes kyang yang dag par rjes su

  10. 81a

    mi mthong ngo // rigs kyi bu dag 'di ni rnam par mi rtog pa'i dbyings su 'jug pa'i tshul yin te/ de ltar byang chub sems dpa' sems dpa' chen po rnam par mi rtog pa'i dbyings la rab tu gnas pa yin no// de bzhin du tshor ba dang / 'du shes dang / 'du byed rnams dang / rnam par shes pa dang / de bzhin du sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / de bzhin du nang stong pa nyid las sogs pa nas rnam pa thams cad mkhyen pa nyid du sbyar ro// rigs kyi bu dag 'di la byang chub sems dpa' sems dpa' chen po rnam pa thams cad mkhyen pa nyid la spyod pa'i rnam par rtog pa mngon tu gyur na/ 'di ltar nye bar rtog ste/ gang bdag gi thams cad mkhyen pa nyid ces smod na/ de rnam par rtog pa la smod pa'o// gzhan dag gi rnam pa thams cad mkhyen pa nyid ces spyod na/ rnam par rtog pa la spyod pa'o// rnam pa thams cad mkhyen pa nyid ni 'di zhes spyod na/ rnam par rtog pa la spyod pa'o// rnam pa thams cad mkhyen pa nyid thob ces spyod na/ rnam par rtog pa la spyod pa'o// rnam pa thams cad mkhyen pa nyid ni nyon mongs pa dang / shes bya'i sgri ba thams cad spong ba'o zhes spyod na/ rnam par rtog pa la sdod pa'o// rnam pa thams cad mkhyen pa nyid shin tu rnam par byang ba'o zhes spyod na/ rnam par rtog pa la spyod pa'o// rnam pa thams cad mkhyen pa nyid med do// zhes sprod na/

  11. 81b

    rnam par rtog pa la spyod pa'o// rnam pa thams cad mkhyen pa nyid la ngo bo nyid kyis kyang med/ rgyur yang med/ 'bras bur yang med lus su yang med/ ldan par yang med 'jug par yang med no// rnam par rtog pa la spyod pa'o// rnam pa tham cad mkhyen pa nyid rnam par rig pa tsam mo zhes spyod na/ rnam par rtog pa la spyod pa'o// ji ltar rnam pa thams cad mkhyen pa nyid med pa de bzhin du/ rnam pa thams cad mkhyen pa nyid du snang ba'i rnam par rig pa yang med do zhes spyod na/ rnam par rtog pa la spyod pa'o snyam mo// rigs kyi bu dag 'di ltar byang chub sems dpa' sems dpa' chen po ji ltar rnam pa thams cad mkhyen pa nyid mi dmigs pa de bzhin du/ der snang ba'i rnam par rig pa yang mi dmigs mod kyi/ rnam par rig pa thams cad kyi thams cad du chud gzon pa ma yin// rnam par rig pa ma gtogs par chos gang yang mi dmigs la/ rnam par rig pa de yang dngos po med par yang dag par rjes su mi mthong ngo // rnam par rig pa ma gtogs par dngos po med par yang dag par rjes su mi mthong / rnam pa thams cad mkhyen pa nyid du snang ba'i rnam par rig pa de dang / rnam par rig par de gcig par yang dag par rjes su mi mthong / tha dad par yang dag par rjesu mi mthong / rnam par rig par dngos po med pa de la dngos por yang dag par rjes su mi mthong / dngos po med par yang dag par rjes su mi mthong ste/ rigs kyi bu dag rnam pa thams cad pa'i rnam par rtog pa thams cad kyis/ gang rnam par ma brtags pa de rnam par mi rtog pa'i chos kyi dbyings so zhes kyang yang dag par rjes su mi mthong ngo // de ltar 'di ni rnam par mi rtog pa'i dbyings

  12. 82a

    la 'jug pa'i tshul yin te/ rigs kyi bu dag de ltar na/ byang chub sems dpa' sems dpa' chen po rnam par mi rtog pa'i dbyings la rab tu gnas pa yin no// rigs kyi bu dag chos kyi rnam grangs 'di 'dzin pa dang / yi ger 'bri ba dang / 'chang ba dang / klog pa'i bsod nams ni rab tu mang gi/ lus gang ga'i klung gi bye ma snyed yongs su btang ba de ni de lta ma yin no// 'jig rten gyi khams gang ga'i klung gi bye ma snyed yongs su gang ba'i sbyin pa byin pa de ni de lta ma yin no// de bzhin gshegs pa'i gzugs rnyan rin po che las byas te/ 'jig rten gyi khams gang gir klung gi bye ma snyed yongs su bkang ba'i bsod nams kyi phung po ni de lta ma yin no// de nas de'i tshe bcom ldan 'das kyis tshigs su bcad pa 'di dag gsungs so// dam chos 'di la rgyal ba'i sras// / rnam par mi rtog bsam gyur nas// rnam rtog bgrod dka' rnam 'das te// rim gyis mi rtog thob par 'gyur// de las rang bzhin mi g.yo mchog/ dbang med mnyam la mi mnyam pa// rnam par mi rtog bde ba ni// byang chub sems dpas thob par 'gyur// bcom ldan 'das kyis de skad ces bka' stsal nas/ byang chub sems dpa' rnam par mi rtog snang ba dang / thams cad dang ldan pa'i 'khor de dang / lha dang mi dang / lha ma yin dang / dri zar bcas pa 'jig rten yid rangs te/ bcom ldan 'das kyis gsungs pa la yid 'das te mngon par bstod do// // 'phags pa rnam par mi rtog pa la 'jug pa'i gzungs rdzogs s+ho// / rgya gar skad du// yad+ya d+hi ba kar Na ma ma ha yan su tra// bod skad du// 'phags pa mar me mdzad kyis lud

Colophon

'phags pa rnam par mi rtog par 'jug pa zhes bya ba'i gzungs rdzogs s+ho/