rDzogs chen - Man ngag sde/sPyi ti'i skorAll versions of this work

rin po che spyi'i gnad skyon sel theg le kun gsal gyi rgyud

Ratnasaman-yamarmados.anabindu sarbasrakasatantra

Text

ff. 83a–86b · 8 folio sides

  1. 83a

    'dres pa'i// lta ba khyu khyer zhen ma log/ chags sdang lnga dang ma bral bar// nga lta sangs rgyas yin zer dus// de dus nga yi bstan pa 'byung // ces gsung so// rin po che snang gsal spu gri 'bar bas 'khrul snang rtsa nas gcod pa na mkha'i mtha' dang mnyam pa'i rgyud las// bstan pa 'byung dus bstan pa'i le'u ste sum cu so lnga pa'o// / rin po che snang gsal spu gri 'bar bas 'khrul snang rtsad nas gcod pa na mkha'i mtha' dang mnyam pa'i rgyud rdzogaso// / rgya gar gu ru pad+ma sam b+ha ba dang / bod kyi lo ts+tsha ba ka ba dpal rtsegs kyis bsgyur zhing gtan la phab pa'o// // tshig la 'chal pa'i mi rnams ni// su zer nyan la blo sho rgod// man ngag gdeng du ma gyur par// tshig la don med smad gi bsgom pa mkhan// mni ngag zong du 'tshong ba'i bong ban la/ spel ba'i gnas med sa'i gter du sbas// nam zhig bskal ldan cig dang 'phrad par shog/ bka' rgya/ zla brgya/ gter rgya/ chen po che spyi gnang skyon sel thig le kun gsal gyi chung bzhugs// / rgya gar skad du/ rat+na sa mA n+ya mar ma do Sha na bin du/ sarba sra ka sa tan tra/ bod skad du/ rin po che spyi'i gnang skyon sel theg le kun gsal gyi rgyud/ bcom ldan 'das dpal kun bzang ka dag sku la phyag 'tshalo// 'di skad bdag gis thos pa'i dus gcig na/ mkha' dbyings ku ka'i pho brang na// chos nyid dkyir rnam dag 'od gsal na//

  2. 83b

    ka dgra zad ka chos sku dri med bzhugs// yan lag rtsal zer dang dngas 'khor gyis bskor// dus gsum gcig ste sku lnga khyad par med// ces rin po che spyi gnad skyon sel gyi rgyud las/ phun sum tsho pa'i le'u ste dang po'o// / de nas gsal dang rin chen gyis// chos sgyu ka dag rngo med la// spyi yi rgyud sngo'i dgos don gang // dgu rtse rgyud rgyal rnam grangs du// gdoms pa'i man ngag gang rnams gtad// spyi gnad skyon sel ji ltar lags// thig le kun gsal tshul tsir gsal// blo bral blo 'das ji ltar gsungs// thig le kun 'dus gang du 'dus/ ces zhuso// 'khor gyis gleng spang ba'i le'u ste gnyis pa'o// / de nas gsal dngas rin chen gyis// spyi'i rgyud sde dgos don gang // ces zhus pa dang / ston pas 'khor la bka' stsal pa// snying po ka dag blo yi yul las 'das// rtsal zer dang dngas zad thal gdod nas dag/ snying po rtsal zer phrad pas dbyer med sku// ye shes sa zin 'khrul chod ka dag rtogs// dgos pa'i don ni ka dag zad kar gnas// ces gsung so// rgyud sde'i dgos don bstan pa'i le'u ste gsum pa'o// / de nas gsal dngas rin chen gyis// dgu rtse rgyud kyi rnam grangs du// zhes zhus pa dang / ston pas 'khor la bka' stsal ba// spos gcod rgya bam rgyud kyis ni// sde lnga'i rtsa ba bstan pa yin// rin chen bcud kyi yang snying gis// thog mtha'i gras tha gcod par bstan// rin chen 'dud rtsi bcung thigs kyis// rigs drug g.yang sa gcod pa bstan// snga

  3. 84a

    gsal spu gri'i rgyud chen gyis// 'khrul gzhi'i 'khrul snang rtsang gcod bstan// snang sring khe sbyor bcud thigs kyis// snang srid 'khor 'das rtag chags rnams// thad spyi tir 'dus par bstan// phyi nang gsal ba'i rgyud sde rnams// rgya yis thob kyis u ma tham// sde lngas rtsa rgyud don 'gro bstan// rgyud sngos rgyud kyi kha byang bstan// sems sdes sems kyi kha byang bstan// klong sdes sems kyi ngo bo bstan// chos sdes theg dgu'i lha bsgom bstan// chos rnams thams cad gsal bar bshad// dbang sdes dbang gi bskur thabs bstan// spyir ni 'di bstan brjod mi rdzogs// bye ma'i la 'am skra shadra pho mdo bzhin// dgu rtse'i phyi nang gsang skor a phag tham// ces gsungaso// chos sde mdor bstan pa'i le'u ste bzhi pa'o// / de nas rtsal zar dang rangs kyis// ka dag chos sku dri med la// phyi yi gnang skyon gsal gang du / ston pas 'khor la bka' stsal pa// gzhi 'khrul rtsad gcod zlog thabs la 'di gnad// ga la 'gegs gdams ngag gsang ba'i gnang bstan pa// gzhi po rtsad chod ldog thabs nyam su long // nyam su mi lon gzhi lnga tha snyed dpe zla med// med las cir yang byung nas byung sar thim// thol byung dang dngas rang gdangs yid rtsad chod// 'khrul pa rnam gsum gcad pas sku gsum tho ba// ka dag dngos mad sems yid blos btags med// 'khrul log rtsad tshong skye med ka dag rtogs// med las kun byung cir yang grub pa med// ces gsung so// spyi'i skyon sel gyi le'u ste lnga pa'o//

  4. 84b

    rtsal zer dang dngas kyis zhus pa// thig le kun gsal ji ltar lags// ces zhus pa dang / ston pas 'khor la bka' stsal pa// skye med ka dag thig gsal na// sna tshogs thig le ma 'dres gsal// thig ni mi 'gyur le ni khyab// ka dag thig le kun gas lo// ces gsungaso// thig le kun gsal bstan pa'i le'u ste drug pa'o// / de nas dang dngas khye'u chung gis// rtsol bral blo 'das ji ltar gsung ces zhus pas// ston pas 'khor la bka' stsal pa// rtsol bral blo 'das nyan 'dod na// skye mad ka dag thig la gsal na// sna tshogs thig le ma 'dras gsal// ces gsungaso// de nas dang dngas rin chen gyis// thig le kun 'dus gang du gsungs// ces zhus pa dang / ston pas 'khor la bka' stsal pa// ka dag dngos med thig la yis// thig phran ma lus kun 'dus so// thig le skye ba med la bya// le ni 'gag/ pa med pa yin// kun ni rtsa la spyad thams cad de/ 'dus ni ka drag chen por 'dus// de ni thig le kun 'dus yin// ces gsungaso// thig le kun gsal gyi rgyud las// thig le kun 'dus bstan pa'i le'u ste bdun pa'o// / de nas gsal dngas rin chen gyis// kun gsal gdams ngag ji ltar lags// ces zhus pa dang / ston pas 'khor la bka' stsal pa// ka dag nyid smrar med kyang // blo dman/ rtogs par bya phyir bshad ka/ dngos med ka rang bzhin ni// rtag par dka' zhing bstan par dka'// brjod pa'i tha snyad bral phyir ro// sems kyi gzhi rtsa rgyud rtsal ba'i phyir na// gang gis rang la rang bltas

  5. 85a

    pa'i dus na/ nang gi sems mthong // phyi'i sems ma mthong // phung po lnga dang khams dang / 'du byed la sems ma mthong ngo // des sems ma mthong ba dang / sems gang nas byung bltas pas de'i tshe sems can de dag gang nas kyang ma byung // gang du yang ma song // gang du yang mi gnas pas ka dag dngos po med// sangs rgyas nyag cig gi dgongs pa dam pa/ sgrar med pa/ rtog spyod thad dang bral ba// dpe dang bral ba/ nam mkha' las kyang kun tu yod pa ma yin no// tshad med pa tshad dang bral ba// tshad ma 'am gtan tshig bsam/ dpag pas mi dpogs pa ste/ gang la'ang rag ma lus/ sems la gnas med pa rten med pa/ chad pa ma yin/ rtag pa ma yin/ spungs pa ma yin/ rgyu las ma byung / rkyen gyis ma bskyed/ de yang bdag ma yin/ gzhan ma yin/ de nyid ma yin/ rigs med pa/ rgyu med pa/ mi 'phro ba/ mi snang ba/ ngo bo nyid med pa/ ji lta ba de bzhin du ka dag ma mthong ngo // yang dag pa mi g.yo ba/ dben pa/ cung zad kyang ma mthong / rnam par ma mthong ma rtog/ rnam par mi rtog/ mi spyod/ mi sems mi spro/ sems la gzugs med pas byang chub la gzugs medo// sems kyi rang bzhin byang chub la/ byang chub kyi rang bzhin chos thams cad do// chos thams cad kyi rang bzhin thig le ka dag de kho na nyid do// thig le kun gsal 'gag med rtsa la zer yan lag sems kyi snang tshul ni// 'di ltar myur ba/ rab tu myur ba/ mi gnas pa/ rgyu ba/ spre'u lta bu/ rlung lta bu/ smig rgyu lta bu/ chu'i rgyun

  6. 85b

    lta bu/ mar me lta bu/ lus med pa/ ring du 'gro ba/ gang yang mi g.yo ba/ slar log pa/ yul na gnas pa/ drug gi spyod yul pa/ kun shes pa/ cig tu thub pa/ mi 'byung ba/ thams cad 'byung ba// tha dad cing gnas pa/ tha dad pa cig pa mi g.yeng ba/ kun tu g.yeng ba de nyid kyi dus na mtshan nyid rang bzhin med pa'o// mi dmigs pa/ goms par byas pa'o// nges par rtag pa'o// yongasu spyad pa'o// / cir yang snang la med pa'o// kun 'byung la thams cad 'dus pa'o// yongs la khyab pa yongs kyi skye ba med pa'o// rnam par dag pa la gang yang ma grub pa'o// thig le kun 'dus ka dag gis/ khyab ma med pa ma khyab pa med pa/ mtho dman med pa/ che chung med pa/ bzang ngan med pa/ yang dog med pa/ rgyu 'bras med pa/ pho mo med pa/ gzugs med pa/ las dang rnam smin med pa/ phyi nang med pa/ skye ba med pa// 'pho 'gyur med pa/ mun snang med pa/ snga byi med pa/ mtha' dbus med pa/ bdag gzhan med pa/ rtsol sgrub med pa/ blang dor med pa/ ngang gis ma bcos pa/ yongs kyis 'od gsal ba/ ma smad pa/ ma byung ba/ ma skyes pa yin pa'o// de nas dang dngas ston pa la// chos spyi dang rang gi mtshan nyid ci yin zhus pa dang / ston pas bka' stsal pa/ snying po skye med ka dag la// snang ba dang mi snang ba la/ yod pa dang meng pa/ rtag pa dong chang ba/ mtha' dang dbus/ spang sring 'khor 'das/ sangs rgyas sems can// yul dang sems/ bdag dang gzhan/ dgra dang gnyen/ snang rtag chags sdang / snang stong de dag thaMd kyang mtshon du

  7. 86a

    med pa/ dpe med pa/ sgrar med pa brjod pa tshi gi tha snyad med pa/ ming tsam 'di zhes bstan pa ni// sku snyoms mtshon du med// de yis thig le kun 'dus rtog/ ces gsung so// thig le gdams pa bstan pa'i le'u ste brgyad pa'o// / de nas rtsal dang rin chen gyis// ka dag dri med ston pa la// spyi ti'i 'bru dgu/ gsang sngags kyi snying po bcu/ sems 'od gsal gyi dkyil 'khor gnang rnams ji ltar grol/ ces zhus pa dang / ston pas 'khor la bka' stsal pa/ dgu rtse zhes pa ni theg pa dgu'i rgyal po// spyi ti zhes pa ni brgyad khri bzhi stong gi dbye bas phyin par ston pa'o// ka dag ces ba ni ye nas sgrib g.yog dang / bag chags kyi dri ma dang / ma rig pa'i mun pa dang / nyon mongs pa'i dri ma ka nas dag pa'o// dngos med ces pa ni sems nyid la dngos kyi gang med pa'o// blo 'das ces pa ni blo byed pa po las 'das pa'o// zang ka ces pa ni gshis ma bcos pa rnal mar gnas pa'o// ma byas ma bcos par sna tshogasu byung ba'o// dkyil ces pa ni thig le gang ces pa'o// 'khor ces pa ni rtsal ma 'gags pa'o// 'od ces pa snang ba'o// gsal ces pa ni mun pa'i sgrib g.yog gang yang med pa'o// gsang ba ni smrar med pa spyod yul du ma gyur pa'o// sngags ces pa ni yon tan gyi 'byung gnas brjod pa la bya'o// ngo bo nyid ces pa ni dngos med pa mi dmigs pa kun 'byung ba'i gzhi la bya'o// ji bzhin bces pa ni ma bcos ma smad pa'o// de bzhin pa ces pa ni ma byas ma rtag pa'o// de kho na nyid ces pa ni

  8. 86b

    nor mi 'gyur ba la bya'o// snying po ces pa ni rtsa ba dang rang bzhin la bya'o// yang snying ces pa ni byed pa med pa la bya/ rtsal du med pa'i phyir yang / snying po bcud ces pa ni nying khung 'dus pa ma bcos pa'o// spungs ces pa ni thig le bcud 'dus shing spungs pa'o// bcud thig ces pa ni gdams pa'i skal ba dang ldan pa la babs pa'o// bdud rtsi ces pa ni nyon mongs pa dug lnga'i bdud la sku lnga yis lnga'i rtsis 'dul zhing 'joms pa'o// 'khor ces pa ni sdug bsngal zad pa med pa dang bcings pa'o// thog ma ces pa ni ma byung ma skyes/ ci yang med pa tha snyad las 'das pa'o// tha ma ces pa ni bska ldan gcig 'gro drug gi g.yang sa chod nas rang ngo shes shing // sangs rgyas pa'o// gcod ces pa ni man ngag go// rgyud ces pa ni rgyun ma chad pa'o// dgongs pa ces pa ni chos nyid la'o// nges bces pa ni ma nor ba'o// 'grel patsas pa ni ye shes so// ces gsung so// rin po che spyi gnad skyon sel thig le kun gsal gyi rgyud las// gnad 'grol ba'i le'u ste dgu pa'o// / rin po che spyi gnang skyon sel thig le kun gsal gyi rgyud le'u dgu pa rdzogaso// / / skyon gyi slob dpon pad+ma 'byung gnas dang / lots+tsha bka ba dpal rtsegs kyis bsgyur nas// rgyal po khri srong sde'u bo tsan la gdams te/ rin po che gter du swa so// gter rgya/ sbas rgya/ gtang rgya/ gsang rgya'o// gtar rnying rin po che srungs pa'i rgyung bzhugs// rgya gar skad du/ su ra na d+ha na rong na ra sri tan tra/ bod skad du