Untitled work
Text
ff. 106b–109a · 6 folio sides
- 106b
ting 'dzin ni// ma shes rtogs pa'i yul med mnyam dang bral// ting 'dzin spros dang bral ba'i chos nyid la// tha tshigs phyi dang nang du bgrang du med// chos nyid bgrang du med pa'i phung po ni// na mkha' bgrang du med pa'i khams bzhin gnas// snga ma nga lta phyi ma dus gsum du// na mkha' lta bu 'di dang mi 'bral bas// phyi ni 'di yin nang ni 'di yin zhes// kun rdzob ming tsam nges par btags pa med// ces rnam par bgrang ba'i mdo lus don gyi 'brel ba'i le'u ste gsum po rdzogs s+ho// / de nas sems dpa' chen po des/ 'dus pa'i tshogs la phun sum tshogs nas bshad pa'i phyir// phun sum tshogs pa'i mdo 'di bshadado// kye 'dus pa'i tshogs chen de nyon cig/ kun bzang rgyal ba mchog gi lha// byang chub sems kyi snying po yin// kun gyi ston par byang chub sems// ston pa bstan pa'i 'khor tshogs pas// dus dang gnas ni rang bzhin 'dus bstan pa byang chub snying po ni// chos nyid dbyings kyi gnas chen du// sangs rgyas sems can 'khor ga/ sogs nas// snga phyi med pa'i bstan pa ni// rang byung ye shes rig pa rgyal// rang bzhin rnam dag snang ba ste mi gnas sems kyi rang bzhin dang // rang byung ye shes rang bzhin dang // thugs rjes sprul pa'i rang bzhin no// byang chub sems kyi rang bzhin ni// mi gnas chos kyi sku ru bzhugs// rang byung ye shes rang bzhin ni/ rdzogs pa'i longs spyod sku ru bzhugs// thugs rje sprul pa'i rang bzhin ni/ rnam pa cir yang sprul te bzhugs/ mi gnas chos skar bzhugs tsam na// 'khor yang byang chub semasu bzhugs// byang chub sems
- 107a
/ kyi 'khor rnams la// spros pa med pa'i don yang ston// longs spyod rdzogs skur bzhugs tsam na// 'khor yang byang chub sems dpa'i 'khor// byang chub sems dpa'i 'khor rnams la// sku dang ye shes rdzogs par ston// sna tshogs sbrul skur bzhugs tsam na// 'khor yang rgyud dag sa ni 'khor// rgyud drug/ saM naM 'khor rnams la// yid bzhin dbang po gang 'thang skyon// ces phun sum tshogs pa'i mdo las// ston pa phun sum tshogs pa'o// de nas sems dpa' chen po des 'das pa'i tshogs la 'khor phun sum tshogs pa'i rang bzhin bstan to// kye 'das pa'i tshogs chen de nyon cig/ gang la 'dra zhing 'phel ba dang // de la 'khor zhes brtags pa yin// dper na srid pa'i chos la yang // 'khor dang ston pa rang bzhin tshad// nam mkha' lta bu'i ston pa la// 'byung chen bzhi dang snang srid 'khor// rang bzhin chos kyi 'brel pas na// des na srid 'khor phun sum tshogs dper na chos nyid kun bzang la// 'khor dang ston pa rang bzhin tshang // chos nyid rdzogs pa chen po la// brgyad khri bzhi stong theg pa'i 'khor// rgyu dang 'bras bus 'brel pas na// des na theg 'khor phun sum tshogs// dper na byang chub sems nyid la// 'khor dang ston pa rang bzhin tshang // byang chub sems kyi snying po la// rnam shes tshogs dang skye mched 'khor// yul dang dbang po 'dus pa na// de na khams dang skye mched 'khor// de 'khor phun tshitshogs pa bzhin// ston pa'i 'khor yang de 'dra ste// ston pa chos kyi sku 'khor ni// dus gsum sangs rgyas bzhugs pa dang // khams gsum rgyu drug sems can // 'phags pa'i thugs rje se ni la// 'brel
- 107b
pa phun sum tshogs pas bshad// ston pa longs spyod skur 'khor ni// mi rtog ting 'dzin bcur spyod pa'i// sa la gnas pa'i byang chub la// nyon mongs mi gnas shes bya sbyong // ye shes rdzogs dang thugs rjer 'brel// nges na phur sum tshogs zhes bya// ston pa sprul pa'i sku 'khor ni// sku sbrul thugs rje drug snang bas// 'khor yang rgyu drug sems cano// las dang thugs rje 'brel pas na// 'khor ni phun sum tshogs zhes bya// de nas sems dpal chen po des/ 'das pa'i tshogs la bstan pa phun sum tshogs pa 'di bstan to// kye 'dus pa'i tshogs chen de nyon cig/ dus gsum ston pa gang gis kyang // bstan pa rang bzhin 'di yin zhes/ tshig dang yi ger brjod pa med// ma gsung mi gsung gsung mi 'gyur// khyed kyi rang bzhin bstan pa'o// ye shes thugs kyi rig pa yis// rang gi rang bzhin ngo bstan te// de mthong bstan pas de 'dus pas// de la de bstan de yang mthong // de ni bstan pa zhesu bshad // ston pa chos kyi sku yis ni// rang bzhin gzung 'dzin bral bas ston// byang chub sems dpa'i 'khor rnams dang // dus gsum sangs rgyas thams cad kyis// spros pa med pa'i don du rtogs// ston pa yang ni rnam pa gsum// bstan pa'i gsang ba rnam gsum ni// spros pa med pa'i rdo rje ste/ gsang ba rang rgyud dag pa yang // spros pa med pas rdo rje bshad// gsang ba rgyu 'bras dag pa yang spros med ye shes chen por bshad/ rdzogs pa chen po gsang ba yang // spros bral rtsol sgrub bral bar bshad / ston pa longs spyod rdzogs pas yang // ye shes sku yi rang bzhin gyis// chu zla snang shes me long bzhin
- 108a
/ ma sgribs ston pa'i ngo bo la// snang ba'i sku mthong yang na gsum// gsum 'dzin blang dang ngor byed pa// phyi pa rnam pa gsum du bstan// bye ba dag gi kri yaM ni// phyi nang rtogs pa gsum dag par// gzung 'dzin rdo rje 'dzin du bstan/ gnyis ka bya ba'i lha spyod ni// gnyi su med pas grub 'dod pa// nges pa med pas khe bel 'dra/ dang du ma lon phyi ba ni/ mtshan ma med pa'i gtan tshigs dang // gzhung chen phyag rgya gzhi gsal nas// rigs chen bzhi dang stug por bshad// ston pa sbrul skur bzhugs tsam na// sems can 'dod pa'i rang bzhin gyis// ji ltar 'dod pa'i thugs rje byung // rkam chags lnga yi rnam smin te// rgyu drug gnas nges par ston// lha dang lha min gnas ris su// che ba nga rgyal 'joms par bstan// shes pa mi'i gnas ris su// dge sdig rgyu 'bras sde snod bshad// gti mug byol song gnas ris su// rig pas shes pa'i chos kyang bstan// ser sna yi dwags gnas ris su ma chags tshim pa'i chos kyang bshad// sdug bsngal dmyal ba'i gnas ris su// snga phyi ngan pas zhen pa bzlog/ ji ltar mos pa 'dod pa byin// des na ston pa phun sum tshogs// de nas sems dpa' rdo rje des// 'dus pa'i tshe/ kyi 'khor rnams la// gnas kyi rang bzhin bstan pa ni// sems dpa' bdag gis brjod par bya// ston pa chos skar bzhugs tsam na// nam mkha'i mtha' klas chos kyi dbyings// mtha' dang dbus med gnas kyi mchog/ spros med gan kyis kun tu khya// kun bzang chos sku'i gnas che no// ston pa longs spyod gnas chen ni/ 'og min 'og min gnas 'og min// rin chen gzhal yas bkod pa na// rin chen khang bu brtsegs gnaso// ston pa sbrul sku'i gnas tshe mi
- 108b
rgyu lnga'i lam dang 'gro drug gnas// khams gsum thugs rje 'brel ba'i gnas// thugs rje na mkha'i mtha' dang mnyam// gnas la 'di zhes nges pa med ces bstan// de nas 'dus pa'i tshogs rnams kun// dus kyi rang bzhin 'di bstan to/ snga ma phyi ma nga lta gsum// khyad par med pa'i don 'di bstan// dus gsum me de khyad par cig/ kun bzang ye shes mchog thugs la// snga ma mi 'gag phyi mi 'grib// skye 'gag med par khyad par gcig/ dus gsum yod par lta ba ni ma byang sgribs pa'i seM ni rnams// sems ni sgrib pa bag chags ste// med pa'i yul la rnam rtog pas// snga ma 'gags la da mi gnas/ phyi ma ma byung sgribs mi mthong // dus gcig la ni gsum du mthong // 'das dang da ltar ma byung zhes// med pa'i yul la rnam par rtogs// tha snyad ming la nges pa med// ces phun sum tshogs pa'i mdo las// dus phun sum tshogs pa'i le'u'o// // de nas sems dpa' chen po nges 'dus pa'i tshogs la phun sum tshogs pa nges pa'i mdo'i 'brel pa 'di bshadado// skye med rdo rje 'gyur med sems dpa' de// ma bsgribs kun la khyab pas na mkha' 'dra// rang byung ye shes gnyen po med pas che// blang der med pa'i chos nyid kun bzang ni/ bkag pa med pa'i mdzad spyod bag yangs kyis// thams cad 'du zhing 'byung ba'i dbyings na spyod/ yangs pas tha~Mng 'das shing tshogs nas spyod// thaM 'dra zhing 'byung ba chos kyi dbyings chos dbyings rnam dag klung lam chen po dang // sangs rgyas so ni khams gsum kun sprul bas// byang chub sems la dngos po yul mi skye// rang byung ye shes de la 'gag pa med// skye 'gag ting 'dzin ci yang dgongs pa med
- 109a
ston pa kun bzang bstan pa byang chub sems// sku gsum thugs kyi bdag nyid las// mnyam par gnas pa'i ngo mtshar che// 'jig rten gdul ba rmad byung ste// mi gnas kun bzang rol pa 'dis bye brag med pas 'da' ba'i mchog/ na mkha' 'dra bar mi 'byung gnas pa'i chos// chos nyid ci yang mi mdzad chos bzhin ste// de bzhin 'byung ba na mkha'o// ci yang mi gnas bde ba che// gti mug chen po de ma thag shes rab chos kyi dbyings nyid las// bde ba chen po rang las byung ces bstan// kun bzang rdo rje nga yi 'khor 'dus pa// gang zhig su yang rung ba de yis ni// sems nyid sangs rgyas yin par go ba yi// rig pa yul na sem nyid bde ba ches// gang zhig 'di ltar rig cing rtogs pa ni/ rnam par dag pa'i 'jig rten yin par bshad// gang su rig cing rtogs pa de la ni// chos rnams thad rig pa'i 'od 'dus pas// phyogs bzhi mtshams brgyad bla 'og 'grub pa ni// snang srid chos kun lha dang semasu 'grub// ces phun sum tshogs pa'i mdo dang don gyi 'brel pa gsum rdzogs s+ho// // de nas sems dpa' chen po des// yongasu 'dus pa'i tshogs la// rdzogs pa chen po'i don go bar 'dus pa'i phyir// bye brag 'byed pa'i mdo 'di gsung so// kye 'dus pa'i tshogs chen de nyon cig/ chos kun yo ga bzhir 'dus ste/ yo ga ma hA yo ga dang // a nu yo ga a ti bzhi// re re la yang bzhi bzhir dbye// de yang gang dang gang zhe na/ yo ga'i ma hA ye ga dang // yo ga'i a ti yo ga bzhi/ ma hA la'ang bzhir dbye ste/ ma hA yo ge'i yo ga dang // ma hA yo ga'i a nu dang // ma hA