sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa
Text
ff. 41a–45b · 10 folio sides
- 41a
bya ste/ de bzhin gshegs pa rnams kyang rjes su yid rang ngo // bcom ldan 'das kyis de skad ces bka' stsal nas/ tshe dang ldan pa shA ri'i bu dang / byang chub sems dpa' sems dpa' chen po 'phags pa spyan ras gzigs dbang phyug dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do/ / bcom ldan 'das ma shes rab kyi pha rol tu phyin pa'i snying po zhes bya ba theg pa chen po'i mdo rdzogs s+ho// rgya gar gyi mkhan po bi ma la me tra dang / lo ts+tsha ba dge slong rin chen sdes bsgyur cing zhu chen gyi lo ts+tsha ba dge slong nam mkha' la sogs pas zhus te gtan la phab pa'o/ / dpal bsam yas lhan gyis grub pa'i gtsug lag khang gi dge rgyas bye ma gling gi rtsig ngos la bris pa dang zhu dag legs par bgyis so/ / 6// rgyag du/ b+h+yan/ wAn ma/ katan ma d+hA rkA das dang / sangs rgyas som ldan 'das kyim na btu kun pa sungs sngags dang sa pams cad mkhyen pa la phyag 'tshal lo// bcom ldan 'das snying rje'i tsan dan dri zhim po'i spos kyis byugs pa'i sku zhabs pad ma lha dang lha ma yin gyi nor bu'i cod pan gyis gtugs pa/ rang byung sal mdzad bla ma/ 'jig rten thams cad la phan pa mdzad pa/ ston pa de bzhin gshegs pa/ thub pa nyes pa dang bral ba zhi ba'i bdag nyid can/ gzugs mdzes pa/ mtshan gsal ba'i gzi brjod can/ sku dpe byad kyis brgyan pa/ yon tan thams cad yang dag par rdzogs pa la phyag 'tshal lo// pad ma rgyas pa ltar zhal bzhad de/ tshems dkar zhing snyoms la thags bzang bas rab tu rgyas shing snang la nor bu dri ma med pa ltar 'od gsal zhing mdzes te/ spa zhing gsal ba/ nyi ma'i 'od zer stong 'bar ba mang po'i 'od snang
- 41b
pa'i dkyil 'khor zil gyis gnon pa/ thub pa'i mchog stobs bcu dang ldan pa la phyag 'tshal lo// 'dud do/ rab tu 'dud do// bstod do// oM g+hA hU~M hU~M g+h+raM A A/ hI tI/ shi ba shi ba/ shAn ti shAn ti/ sha ma sha ma/ ma pa ya/ ta thA ga tA a nu ga ta/ swa b+ha ba/ a b+ha ga sa mud d+hA ya/ a sa ma ba la/ ma bI ra la ba la a mri ta ba la/ a ti ba lar+d+har+dz+dza g+h+na/ d+h+yed+hi/ b+hUb+h+yAM/ D+he ru b+he dra/ tIn+ti/ b+ha ga bAn ta ka/ su ra ta b+ho ga ma hA shAn ti ka ra/ pA ba ko lI Sha nA sha ga swA hA// de nas dpe byad mtshan gsal bas// yan lag thams cad rab brgyan cing // nyi ma bzhin du gsal ba bo// 'bar ba'i dkyil 'khor rgyan mnga' ba// grags shing dri ba rab spangs la/ / dri med skyon bral chos kyi blo// khyab bdag chen po stobs bcur ldan// rdul bral dpal dang ldan pa po// rin chen sa bzhi chen po la// pho brang rtse mo rdo rje'i rtse// rgyal ba'i sras rnams gnas gyur pa/ / nor bu du mo rab 'phro zhing // 'od zer dri med gsal bkod pa'i// rdo rje'i dkyil 'khor pho brang nas// thub pa'i longs spyod sa gzhi la// seng ge'i khri chen yangs la bzhugs// nor bu dbyig gi sa gzhi dang / / khri chen rab spa de nyid la// de bzhin gshegs pa dgyes chen gyis// phun sum tshogs pa rgyan bkod// / thub pa me zla nor bu'i 'od// nyi zer non pa'i 'od ldan pa// bde blag shin tu// bkra shis tshul// 'od gsal dkyil mo dkrung bcas nas// sku 'od 'bar ba'i dkyil 'khor can// 'od gsal rgyas pas thub dbang gi/ dri med 'od zer bkye ba ni// mi g.yo rdo rje can zhes bya// dkyil 'khor chen por zhugs pa yi/ / rdo rje can dag rab bdul ba// gang yin de kun dag byas nas// dkyil 'khor dri med skor bar byed// ngan song dam tshig dri ma kun// legs par shin du dag byas nas// srid gsum
- 42a
dkyil 'khor rgya che ba/ / rnam pa du mar 'od gsal ba// 'gro dang mi 'gro ma lus pa// bskor nas bde chen rdo rje can// rdo rje ral gri thogs pa de// cod pan ma g.yos nang du zhugs// de nas 'jag/ pa'i sgra skad kyis// 'gengs shing mig ni glog ltar 'gyu// rig sngags hUM zhes sgrogs pa po// rdo rje 'jigs byed 'jigs byed pa// bzhin mdzes 'dzum gyis rnam par brgyan// sdigs byed mig rtsa rgod gyur ci / / bstan las langs te phyag 'tshal nas// legs par mchod byas smras pa ni// kye ma kye ba'i phyogs 'joms shing // bskal pa du ma'i dri ma sel// rig sngags yon tan sgrub byed pa// thub mchog rnam kyis rab tu gsungs/ / de gzigs dge ba du ma brnyes// sangs rgyas blo gros rgyal bar 'gyur// byang chub sems dpa' blo gros che// bskal pa gcig tu spyod pas kyang // rgyud mar sangs rgyas kun 'byung zhing // spyod pa du ma 'byung ba yi// yon tan brgya'i spros ldan 'di// thos pa spro bar mi nus so// longs spyod rgya mtsho chen po can// byang chub sems mchog dkyil 'khor du// rgyal mchog rnams kyis dbang bskur ba'i/ / phyir mi ldog pa'i chos can ldan// 'di thos sangs rgyas spyod pa pas// sems can kun gyi sdig pa rnams// ma lus rab tu bsal nas ni// blo chen dri ma med par 'gyur// zhi zhing dag byed bkra shis la/ / rdul med rgyan te zhi bar byed// dge zhing mya ngan thams cad sel// sdug bsngal thams cad nges par 'joms// dbang byed gsang sngags dam pa ste// sa steng sdig pa thams cad sel// ma smad 'bras bu nges par sbyin/ / bstan pa yin te sdang ba 'dul// nyes pa byas pa sel ba yin// gzungs 'di gang gis thob 'gyur des// sangs rgyas rnyed par dka' ba yang // ring por mi thogs thob par 'gyur//
- 42b
sgrib pa thams cad rabazhi zhing // khyab bdag nyon mongs kun sel ba// gang zhig nyon mongs zhi byed pa'i// gzungs 'di 'chang bar byed pa yis// kun tu bzang po nyid dang ni// lag na rdo rje nyid kyang 'thob// rig sngags 'chang gi bdag po yang / / 'di thos pas ni thob par 'gyur// 'jig rten kun nas lam me ba// bcom ldan rnam par snang mdzad kyang // dkyil 'khor dam pa ting med pa// 'di ni ji srid ma gsan bar// rab zhi nyon mongs 'dul ba yi/ / rang byung go 'phang ma brnyes te// rnam par dag phyir gsan gyur nas// gsan ma thag tu rnam par dag/ de phyir phun sum tshogs pa dang // legs par 'dod pas brjod par bya// gzhan gyis mi thub gzungs gsan nas/ / thub pa kun gyis gang brnyes pa// 'khor ba 'dir ni nam du yang // bdud kyi las dang 'khrug med dang // mya ngan med cing 'thab med pa// gzungs la gnas pas thob par 'gyur// gnas kyi dam pa thob nas kyang / / thub pa dri ma med pa'i blo// gzigs pa bzang rnams gar gshegs pa'i// bzang 'gro der ni 'gro bar 'gyur// legs pa 'dod pa rnams kyis ni// tshig gi mdo 'di mnyan par gyis// nyon mongs zad par bya ba la/ / rgyal bas gsungs pa'i gzungs 'di mchog/ sdig pa byed cing dge la sdang // sdig pa'i rang bzhin rab 'jungs pa// gang gis thos nas de spong ba// de'i mngon sum 'byor par 'gyur// sdig pa gzhan yang mi bya/ zhing // snga ma rnams kyang bshags par bya// gzungs mchog 'di yi mthu stobs kyis// sdig pa thams cad 'byang bar 'gyur// tshe rabs gzhan ni stong dag dang // tshe rabs bye ba phrag brgyar yang // sdig pa mi dge gang / byas pa// dag 'gyur 'di la the tsom med// yar gyi ngo ni tshes brgyad dang // de bzhin tshes ni bco lnga la// bsnyen gnas legs par lhur blangs la// cho ga bzhin du sangs rgyas mchod// de nas rmongs pa med par yang //
- 43a
nyon mongs dgra ni rab 'joms shing // shin tu thub dka' dpe med pa// nyes pa zlog pa'i gsung brjod cing // thub pa'i zhal gyi zla ba'i 'od// 'bar ba nges par mthong bar 'gyur// des na tshogs rnams rdzogs pa yi/ / rgyal ba'i sras po nyid du 'gyur// 'od dpag med la mnga' ba yi// yon tan mtha' yas rab rgyas pa// bskal pa bye ba stong du yang // mtha' mi rtogs pa thob par 'gyur// de nas rdo rje 'dzin gyi tshig/ dkyil 'khor dag na gnas rnams kyis/ / thos nas rgyan rnams sna tshogs pa// bcom ldan 'das la 'bul bar byed// rdo rje ral gri la sogs pa// lha bdag gsal ba thams cad dang // ri bo ti se ri rab la// gnas pa'i rig sngag+sa/ 'chang rnams dang // de bzhin dkyil 'khor chen po nad// 'khod pa'i rig sngags 'chang rnams dang // ma la ya yi ri bo la// gnas shing rgyan 'bar thogs rnams dang // khyab 'jug lha chen la sogs pa// lha yi bdag po rnams dang ni/ / lag na rdo rje la sogs pa// byang chub sems dpa' stobs chen rnams// nor bu'i dpung brgyan rna cha dang // rgyan rnams rab tu g.yos pa'i lus// rab tu bskyod de langs nas ni// sdig bral mnga' bdag rgyal ba la/ / phyag 'tshal thal mo sbyar byas nas// kun gyi sa yi dbang phyug po// thub mchog dam pa de la ni// mtshan rgya rtsa brgyad dag gis bstod// mnyam nyid chos te de bzhin nyid// shin tu rtogs pa lam me ba// dul ba brtan pa dri ma sel/ / dri ma med pa skyon bral ba// thub pa sangs rgyas shin tu zhi// 'jig rten mgon po skye dgu'i bdag/ de bzhin gshegs pa nyon mongs thul// de bzhin rgyal ba rdul bsal ba// ston pa ston mdzad brtan pa ste/ / sdig pa med pa rdul dang bral// 'jig rten mgon pa snang mdzad pa// dag pa zhi ba zas gtsang sras// nyon mongs rab bcom phan 'dogs pa// ston pa po ste dri ma sel// spyod tshul dri med tshul bzang ba//
- 43b
zas pa rnam par gnon pa brtan// brgyan po thugs rtse rnam par rgyal// mgon po de bzhin mgon mdzad pa// zhi ba'i bdag nyid zhe sdang bral// bcings pa las grol nges par grol// 'jig rten kun mchog 'dra ba'i sa// bdag gir mi 'dzin dri ma med// ngan song sel ba dpal dang ldan// dpal mdzad bzhin phan pa mdzad// mnyam pa med pa dpe med pa// khyab bdag nyon mongs las rnams sbyongs// khengs pa med pa dman pa med// mnyam pa de bzhin mi mnyam mnyam// snang ba brnyes pa snang byed med// 'jig rten snang mdzad sdig med pa// sgrib pa thams cad spangs pa ste// 'jig rten kun la phan par brtson// dpa' bo zhi ba'i mdzad pa// nyon mongs dgra rnams zad par mdzad/ / mnga' bdag thabs ma khyen thabs che ba// sems can kun gyi 'bra sa lags// don yod rnyed dka' blo dang ldan// rdo rje'i dkyil 'khor thub par dka'// skyob pa 'jigs sel tshangs pa ste/ de bzhin sangs rgyas chos 'dzin pa// dpa' bo chen po 'jigs pa med// gzugs bzang mtshan rnams gsal ba ste// sum cu rtsa gnyis mtshan mnga' ba// chos kyi longs spyod rgya mtsho lags// dpe byad bzang po bkod pa yis/ / spros pa'i bdag nyid la mtshan ston// dka' ba med pa'i ston pa po// de bzhin nges pa bde sbyin pa// mthucan yangs pas rgya che ba// bdud bzhi'i stobs rnams sel mdzad pa// brtson chen spro ba che ba ste/ dgyes pa chen po stobs po che// mthu brnyes brtan po chen po ste// gnas ldan dbang gis ngar ba lags// gsal ba gsung ldan dpe med pa// dge ba stong pa nyid kyis rgyal// rab tu zhi ba mun pa med// blo gros chen po chos 'dzin pa/ / phun sum tshogs ldan sa chen brnyes// 'dod pa rnams ni 'dul mdzad pa// dpal mdzad dpal mnga' dpal dang ldan// dpal gyis longs spyod shin tu rgyas// bcom ldan legs bsgos
- 44a
stong mdzad/ / gsung ldan bkra shis rgyal ba'i gnas// mnyam nyid mnyam pa nyid mkhyen pa// mnyam pa nyid kyis mtshan dpag med// rab tu dgyes pa longs spyod gsal// gzhi bcas sems pa mnyam ba lags/ / blo dag blo ldan drim spangs// gnas chen brtan par ldan pa ste// rgyas par longs spyod drim med// thub pa thugs rje'i rgyan mnga' ba// bskal pa bzang po 'jigs pa'i skyabs// de bzhin 'jigs pa'i nyon mongs sel/ / dri med skyon bral longs spyod can// sna tshogs 'od ldan dkyil 'khor mdzes// sku bzang dge ba'i rim pa mchog/ thugs rje'i 'od ldan 'od bzang ba// mi gnas longs spyod dam pa lags// chos kyi rgyu ste yon tan gnas/ / rjed 'os mchog gnas longs spyod che// nam mkha' mtshan te rnam dag blo// rin chen gzugs 'dra bkra shis pa// khyu mchog che spyan brdzim// rgyal ba skyon bsal shes rab can// shes rab thabs dang ldan pa ste/ / 'jig rten mi dge kun las 'das// dge bar longs spyod brtan pa can// sa dang stobs dang ye shes bzod// pha rol phyin pa kun la mnga'// ting 'dzin mnyam par longs spyod pa// rnam thar sgro la mngon sum pa/ / gting ba sangs rgyas kun dang mnyam// chos chen bde bar 'char po lags// thams cad mkhyen pa'i yul las 'das// spyod yul sgrib pa mi mnga' ba// byang chub sems dpa'i dbang po rgyal// dam pa'i don te tshul cheg/ shes bya'i yul rnams mtha' dag la// sgrib pa med par 'char ba brnyes// rigs chen 'thun par skyes pa ste// de bzhin gshegs pa'i dge ba'i gnas// khyad par brnyes pa mnyam nyid brnyes// mi mnyam sangs rgyas kun dang mnyam/ / don chen shin tu mthar phyin pa// nyon mongs bral ba thub par dka'// dge sbyong sdig po spyod mdzad pa// gnod pa med par bde bar 'byir// blo rgya che ba thams cad mkhyen// thos pa'i mtshon cham lus
- 44b
gsan/ / dkon pa bde ba thob 'gyur ba// mnyam pa khyad par yul dang ldan// 'jig rten thams cad dar 'dzin mgon// zhi gnas mtshon cha thub par dka'// bsam gyis mi khyab bsam yas yul// dpe med pa ste dper bya ba/ / 'od bzang rab dgyes dpal dang ldan// legs gsung blo yi stobs kyis 'byung // mkhas pa zhal bzang bde sbyin pa// rab dgyes 'das pa'i spyod yul can// gsung ba chen po ye shes che// gnas chen bkra shis chen po ste/ / mchod par gyur pa yul las 'das// bya ba'i mtshan nyid med pa po// sangs rgyas yul du skyes pa ste// shes bya'i spyod yul rgya che ba// kun mkhyen longs spyod 'bras bu can// 'jig rten dbang 'das spyod yul ba/ / kun mkhyen yul gyi snang ba ste// thabs mnga' phun sum tshogs ldan pa// rdzu 'phrul rel pa'i thabs dang ldan// chos kyi gar thabs ston pa po// rab ston yon tan sbyar mdzad pa// spyod pa ma lus 'dul bar mdzad/ / yongs su rdzogs pa rnam par dag/ sangs rgyas spyod yul rnam sangs rgyas// bgegs byed ma legs byed pa bcom// bdud kyi dregs pa sel bar mdzad// g.yul ngor rnam par rgyal ba brnyes/ / dpa' bo chen po pham med stobs// theg pa chen po shing rta bcibs// blo chen rgal bar dka' ba yi// nyon mongs rgya mtsho'i pha rol gshegs// theg pa chen po'i tshul la gnas// theg pa mchog la longs spyod pa/ / nyan thos 'das pa'i spyod yul can// rang rgyal las kyang 'das pa ste// sangs rgyas sa'i 'bras bur gnas// gong nas gong du khyad par mkhyen// khyod ni nam mkha'i gnas na bzhugs// bde 'byungs dang zhing rnams kyi/ / mtsho chen dag la longs par spyod// sangs rgyas dbang po rgyas pa la// mtshan rgya rtsa brgyad kyis bstod nas// de la lha stsogs tshegs rnam kyis phyag byas mgo smad phyogs gcig
- 45a
6/ / 'khod// de nas dkyil 'khor chen po na// gnas pa ma lus chem mer 'khod// thod du rdo rje'i thod 'ching ba// langs nas cod pan rab tu g.yos// dkyil 'khor mthon po thams cad du// skad per chen pos yongs bkad nas/ / nor bu'i rgyan ni rnam g.yo zhing // ha ha grags pa'i sgra rnams ste// kye ma sangs rgyas yon tan che// bskal pa grangs med gsum bsags pa// byang chub sems sogs mchog rnams kyis// mtshan/ brgya rtsa brgyad legs par brjod// kye ma rnyed dang bde 'byung ba// mtshan brgya rtsa brgyad thos nas kyang // gang zhig klog cing rgyal la bstod// 'bras bu chen po 'grub par 'gyur// mtshan brgya rtsa brgyad sngags bcas pa// bcom// ldan 'das drung brjod na ni// sgrib dang kun nas nyon mongs dang // sdig pa thams cad dag pa 'thob// mtshan brgya rtsa brgyad mchog bton na// sgrib pa kun las des grol zhing // nyon mongs mtha' dag rnam par spong // shes rab chen po nyid du 'gyur// de ni longs spyod chen po dang // bde ba las kyang nyams mi 'gyur// de yi tshe rabs thams cad du// blo ldan tshe rabs dran par 'gyur// de nas rdo rje'i thod 'ching ba// yon tan mtha' yas sras de la/ / bcom ldan bdud las rgyal ba yis// mngon sum gzigs nas bka' stsal pa// rgyal ba'i sa 'di zhi ba ste// nga rgyal la stsogs nyon mongs 'joms// 'jig rten bde ba kun las 'das// de bzhin gshegs bde mngon du phyogs/ / gzhan gyis mi tshugs gzungs dang ni// mtshan brgya rtsa brgyad nyan byed pa// de dag rnam dag bdag nyid de// sems can kun la bde 'dod pa// lan cig thos pa tsam gyis kyang // de dag sa chen 'bras bur gnas// ring por mi thogs dgar 'gyur na// 'chad phyogs lta la ci zhig smos// de phyir rtag tu rab bsgrims la// gtan du bde ba 'dod pa yis// yon tan rgya mtsho ldan pa'i gzungs//
- 45b
mnyan par bya zhing bcang bar bya// gang zhig nang bar langs nas brjod// bdag nyid kyis kyang gton na ni// de yi don kun 'grub 'gyur la// gnod pa dang yang phrad mi 'gyur// 'di ni yon tan kun gyi sdong // dge ba phun sum tshogs sbyin pa/ / kun mkhyen bla med 'bras bu'i mchog/ bde 'byung thob par byed pa yin// 'bras bu 'byor ba ci yang rung // thob par mi 'gyur dogs pa med// kun mkhyen go 'phang pob gyur nas// dpe med gnas su 'gro bar 'gyur// de ni dge zhing 'bras bur ldan// sangs rgyas sa'i 'bras bu sbyin// yid du 'ong zhing yon tan ldan// snying rje dri ma med sbyin pa// 'di ni mnyam pa nyid kyi mdo// 'jig rten kun nas dga' ba ste// 'jig rten kun gyi bde ba 'byung // 'di dang 'dra ba gang yang med// ston pa sangs rgyas bcom ldan 'das kyi mtshan brgya rtsa brgyad pa gzungs sngags dang sa brjogs s+ho/ wa da pa 'i chung jugs// rgya gar skad du/ Ar+ya many+dzu shrI mA la tan tra// bod skad du/ 'phags pa 'jam dpal gyi rtsa ba'i rgyud/ / sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na// bcom ldan 'das gnas gtsar mo'i steng gi nam mkha'i dkyil na/ byang chub sems dpa' 'dus pa'i dkyil 'khor gyi tshogs so so tha dad pa bsam gyis mi khyab pa ngo mtshar rmad du byung ba/ / so sor rab tu gnas pa dang thabs gcig tu bzhugs te/ de nas bcom ldan 'das kyis gnas gtsang ma'i ris kyi lha'i bu rnams la bka' stsal pa/ lha'i bu dag khyed cag nyon cig/ byang chub sems dpa' sems dpa' chen po 'jam dpal gzhon nur gyur pa'i cho 'phrul gyi spyod pa bsam gyis mi khyab pa/ ngo mtshar rmad du byung ba ting nge 'dzin gyi bye brag dang / rdzu 'phrul dang / rnam par thar pa'i dkyil 'khor byang chub sems dpa'i rnam par 'phrul pa dang / byang chub sems dpa' thams cad kyi nye bar 'tsho ba/ tshe dang nad med pa dang dbang phyug
Colophon
ston pa sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa rdzogs s.ho||