Q2141MW1KG13126_2141rgyud 'grelAll versions of this work

nam mkha' dang mnyam pa zhes bya ba'i rgya cher 'grel pa

Khasamanāmaṭīkā

Text

ff. 176a–197b · 44 folio sides

  1. 176a

    de nyid mthong ba ni mchog tu gyur pa'i rnal 'byor pas so// de la tha lhag sdud pa bshad pa ni sdud pa po'i zhes pa la sogs pa'o// kun du 'bugs pa ni rna cha ste/ de yang 'bugs dang 'di ni zhes pa la sogs pas bstan to// bcing ba ni tshangs skud de/ tshangs skud las la bkrol ba ni zhes pa la sogs pa'o// gzhan pa ni rkang gdub ste/ rkang gdub rab tu gzhag pa ni zhes pa rnams so// skyed pa ni ska rags te/ de yang 'og pa gces pa la sogs pas bstan to// srog shing gcig gyur srad bu zhes pa ni 'khor lo bzhi dang rtsa gsum gyi dbus kyi a ba d+hU tI'o// 'og pag ni ska rags so// ldan bcu drug ni kham bcu drug bde bas gang ba'o// phreng brtsa ldan ma mgo lnga bcu'o// // rnal 'byor ma kun tu spyod ma'i bshad pa/ tshig don rab tu gsal ba zhes bya ba/ slob dpon dpa' bo rdo rjes mdzad pa rdzogs so// // paN+Di ta pa ra he ta dang / lo tsa ba 'phags pa shes rab kyis bsgyur ba'o// @#// nam mkha' dang mnyam pa le'u lnga pa'i 'grel la rin chen 'byung gnas zhi bas mdzad pa bzhugs/ @#// rgya gar skad du/ byu / nga nyam pa nas tha pa ra pa/ ma pa rdzamams du'al zag la la// thugs pa rnams kyi namams mam pa dang po'i mchog la rab tu phyag 'tshal lo// de yi don dang nam mkha' mnyam rgyu kyi// mkha' mnyam rgya cher 'grel pa bdag gis bya// 'dir bcom ldan 'das rdo rje 'dzin pa ni// sangs rgyas rnams kyi byang chub ste/ de yang rten yongs su gyur pa'i mtshan nyid do// rten ni lus so// de yang rnam pa gsum ste/ de la sems kyi rgyun gyi mtshan nyid kyi rten ji srid kun nas nyon mongs pa can gyi chos kyi sa bon de'i bag

  2. 176b

    chags rnams kyis te/ gnas ngan len zhes bya ba'i rten de srid kun gzhi'o// phyis 'phags pa'i lam spros pa med pa yun ring du bsgoms pa rnams kyis kun gzhiganas dang / lus dang longs spyod du snang ba'i// rnam par shes pa de yongs su zad pa dang / gzhan yang kun nas nyon mongs pa can gyi chos skyes pa rnams nub pa dang / ma skyes pa rnams shin tu mi skye ba'i bdag nyid ni ldog pa nges pa'o// nam mkha' rnam par// / dag pa lta bu spros pa med pa rab tu gsal ba'i bdag nyid mtha' yas pa'i nges pa ste/ yongs su gyur pa de ni sangs rgyas rnams kyi gnas ngan len gyis rten yongs su gyur pa'o// de yang de rnams kyi zag pa med pa'i khams su brjod par bya ste/ sangs rgyas kyi zag pa med pa'i chos rnams kyi sa bon 'dzin pa'i phyir ro// de yang de rnams kyi sa lam gyi rten de/ de yongs su gyur pa ni 'jig rten pa'i ngo bo shin tu ldog pa dang / 'jig rten las 'das pa yang shin tu 'jug pa'o// chos thams cad kyi de bzhin nyid kyang de rnams kyi rten yin la/ de yongs su gyur pa ni glo bur gyi sgrib pa thams cad shin tu rnam par dag pa'i gang sangs rgyas kyi/ gnas ngan len gyi rten dang / lam gyi rten dang / de bzhin nyid kyi rten yongs su gyur pa'o// de nyid de rnams kyi byang chub dang / de nyid chos kyi sku dang / sangs rgyas kyi chos rnams kyi sku'i rten zhes bya zhing rang bzhin gyi sku zhes brjod par bya ste/ de bzhin nyid dang / rab tu gsal ba'i rang bzhin gyi ngo bor shin tu gnas pa'i phyir ro// de ni 'dir sangs rgyas kyi byang chub kyi mtshan nyid bcom ldan 'das rdo rje 'dzin pa'i rang bzhin gyis nam mkha' dang mnyam pa'o// rang bzhin ni 'dir rang bzhin gyi sku'o// de lta bas na nam mkha' dang mnyam pa nyid de/ snang ba med pa mtha' yas pa shin tu rnam par dag pa rab tu gsal ba dang / de bzhin

  3. 177a

    nyid kyi rang bzhin yin pa'i phyir ro// longs spyod rdzogs pas ni gang yang rnam pa sna tshogs pa'i phyir rnam pa ji lta ba bzhin gyi nam mkha' dang mnyam pa ni ma yin la/ 'on kyang ji lta ba bzhin snang ba'i nam mkha' dang mnyam pa nyid chos kyi skun ma mkha' dang mnyam pa'i de kho na nyid kyi chos de sgrib pa med pa nyams su myong la/ longs spyod rdzogs pa'i skus de bzhin du yongs su spyod cing nyams su myong ba dang rgyu mthun pa'i phyir ro// ji ltar na de bzhin du yongs su gcod pa yin zhe na/ gzung ba dang 'dzin pa der snang ba med par yongs su gcod pa'i phyir ro// 'di lta ste byis pa rnams kyis bum pa la sogs/ pa nyams su myang ba dang rgyu mthun pa nges pa yod pa dang ji ltar byis pa rnams kyi bum pa'i rnam pa shin tu gsal bar nyams su myong ba nyid brjod pa dang bral ba la yod pa nyid du yangs su gcod de/ sngon nges pa'i bag chags kyi stobs las so// de bzhin du sangs rgyas rnams kyis brjod pa med kyang longs spyod rdzogs pa'i sku rang gi rnam pa med pa nyid yongs su gcod pa'o// yongs su gcod pa de nyid rab tu snang ba'i sgra bshad par bya'o// rab tu snang ba ni rnam pa gnyis te/ yang dag par rig pa dang nye bar mtshon pa'o// de'i phyi rol longs spyod rdzogs pa'i sku yang sangs rgyas kyi snang ba ji lta ba bzhin nam mkha' dang mnyam pa nyid do// sprul pa'i sku yang shin tu nam mkha' dang mnyam pa ste/ sgyu ma'i rnam pas kyang rang gis sprul pa'i sku la sogs pa med pa yongs su gcod pa'o// de yang rdo rje 'dzin pa sangs rgyas thams cad skyed par byed pa'o// de dag kyang nam mkha' dang mnyam pa ste/ rgyu mthun pa'i phyir zhes bya ba grub pa'i mtha'o// 'dir grub pa'i mtha' la brgal brdo rje 'dzin pa na sangs rgyas kyis ni bskyed pa ma yin na/

  4. 177b

    'o na gang yin zhe na/ sangs rgyas rnams kyi sras yin te/ sangs rgyas lnga'i dbu rgyan yod pa'i phyir ro// de rnams dang lha mo'i 'khor lo la sku dang gsung dang thugs su sbyor ba'i phyir spros pa nyid dang / 'di spros pa 'jug par byed pa'i gzhung lugs kyang yin no// nam mkha' dang mnyam pa yang ma yin zhing / nam mkha' pa'i gzhung lugs rab tu 'jug par byed pa yang ma yin no zhes bya'o// 'di'i lan gsungs pa/ sangs rgyas lnga'i zhes bya ba la sogs pa la sangs rgyas lnga'i dbu rgyan rten zhes bya ba ni/ dbu rgyan gnas pa'o// gang zhig ces bya ba ni rdo rje sems dpa' la brjod do// sku gsung thugs kyi gsang ba gsum dang rnal 'byor ma'i dkyil 'khor bsdus pa ni srid pa gsum mo// yang na bud med ces bya ste/ rnal 'byor ma rnams so// de rnams kyi srid pa ni dkyil 'khor te srid pa gsum mo// de yang gang gi snying po na rdzas te/ rdo rje'i gzhung lugs yin pa'i phyir ro// dpal gsang ba 'dus par ji skad gsungs pa bzhin te/ gti mug zhe sdang 'dod chags kyi// rtag tu rdo rje dga' mar gnas// thabs ni sangs rgyas thams cad de// rdo rje theg pa zhes byar grags// 'khor lo sgyur ba drug gi dang por sangs rgyas pa'i phyir dbu rgyan dang bcas pa dang / dkyil 'khor dang bcas pa'o// de yang bcos man bcos par byed pa ste/ kun rdzob kyi ngo ba yod pa de la skad ces bya'o// ji lta bur gyur pa yin na gang spyod pa de ni tha snyad dang kun rdzob ste/ rang gi sku dang gsung dang / thugs dang dbu rgyan gyi sangs rgyas la sogs pa'i dbu rgyan no// de ni nam mkha' dang mnyam pa nyid kyi snang ba'i phyir ro// ji ltar yin zhen rnam pa med pa nyid kyis yongs su gcod pa'i phyir ro// de lta bas na bcom ldan 'das nyid kyang nam mkha' dang mnyam pa'o// nam mkha' dang mnyam pa yang rdo rje'i

  5. 178a

    gzhung lugs kyis 'jug par byed pa'o// nyid kyis sangs rgyas rnams kyi dbu rgyan dang kun rdzob kyis de nyid byas pas so// yang ji ltar yin zhe na/ sangs rgyas rnams spros pas sa// de ltabs na sangs rgyas rnams skyed par byed pazhidado// 'di sangs rgyas byasas su yang brjed par byab ma yin nam/ de sang yin nan ngas 'ga' byung chub sems dpa' ma yin pa'i phyir la/ byang chub sems dpa' ni sangs rgyas rnams kyi sras yin pa'i phyir ro// sngags kyi lugs la bcom ldan 'das kyi sku dang gsung dang thugs kyi dkyil 'khor bsgom par bya ba ma yin nam/ de lta bas na snang ba med pa'i chos kyi sku thob par byed pa ma yin no// de ma thob na de la brten pa'i longs spyod rdzogs pa dang sprul pa'i sku shin tu yang thob par byed pa ma yin no// yang na de bsgom pa gzhan yin/ 'o na de smros shig/ ces bya'o// de lta bas na gsungs pa gal te zhes bya ba la sogs pa la 'di na zhes bya ba ni phyi ma byed kyis bshad par bya'o// bsgom pa zhes bya ba ni rnam pas so// sems ni rnal 'byor pa'o// 'gog// pa ni mnyam par bzhag par bya'o// 'di'i don dam pa ni sems dpa' ste/ bskam pa ni las gzhan du ma yin no// bskam pa gang yin zhe na/ shes bya zhes bya ba la sogs pa gsungs te/ shes bya na sam pas phyi rol pa sems kyis gzung bar bya'o// de'i rang bzhin yin pa ni shes bya'i rang bzhin no// de ni nges par ma mthong ba ni dmigs par bya ba ma yin pa dang / brtag par bya ba ma yin pa'o// rnam par shes pa'i rang bzhin du gyur pa'i rnam pa yang med de/ gcig dang du ma'i de spyad pa mi bzod pa'i phyir ro// 'di ltar gzung ba dang 'dzin pa mi dmigs pas gnyis su mi dmigs pa'i ngo bo ni chos kyi sku

  6. 178b

    'thob pa'i rgyu'o// sku gsung thugs bsgom pa ni longs spyod rdzogs pa dang sprul pa'i sku dag gi'o// de'i phyir 'di de'i bsgom pa ste/ myur du sku gsum thob par byed pa zhes bya'o// 'di'i rdo rje 'dzin pa'i bsgom pa lha yin na sangs rgyas la sogs pa'i ji ltar bsgom po yin zhe na/ sangs rgyas zhes bya ba la sogs pa la/ sangs rgyas kyi dang rdo rje 'dzin pa dang / rin chen tog dang pad+ma lhan cig 'jug/ lha 'di rnams dang rang bzhin med// dang po sangs rgyas mkha' rang bzhin// sangs rgyas zhes bya ba ni rnam par snang mdzad kyi'o// rdo rje 'dzin pa zhes bya ba ni mi bskyod pa'i 'o// rin chen tog ces bya ba ni rin chen 'byung ldan gyi'o// pad+ma zhes bya ba ni snang ba mtha' yas kyi'o// 'jug pa zhes bya ba ni las kyi ste/ don yod grub pa zhes pa'i don to// 'di rnams kyi zhes bya ba ni de bzhin gshegs pa rnams kyi'o// lha zhes bya ba ni lha mo rnams kyi dang rigs rnams kyi'o// rang bzhin yod ma yin zhes bya ba ni gzung ba dang 'dzin pa gnyis su snang ba brdzun pa'i phyir ro// gal te gnyis pa brdzun pa yin na 'o na 'di rnams kyi rang gi ngo bo gang yin zhe na/ dang po'i sangs rgyas zhes bya ste/ rdo rje 'dzin pa'o// mkha' zhes bya ba ni nam mkha' dang mnyam pa ste chos kyi sku'i mtshan nyid kyi phyir dang / nam mkha' dang mnyam pa nyid kyis snang ba'i phyir ro// de ni 'di rnams kyi rang gi ngo bo'i bdag nyid de/ 'di rnams kyi rgyu mthun pa'i phyir ro// mjug bsdus nas dang po zhes bya ba la sogs pa gsungs te/ dang po'i chos ni rdo rje sems dpa' ste/ chos kyi sku'i bdag nyid kyi phyir ro// de'i phyir de rnams ni nam mkha' dang mnyam pa sku dang gsung dang thugs rnams kyi skye ba'o// sgrib pa ma lus pa zad cing bsal bar gyur pa nyid de'i skye ba ste/ khang bzang zhig pas nam

  7. 179a

    mkha' skye ba bzhin no// 'di'i nam mkha' skye ba'i mtshan ma na dpe ste/ de bzhin du dpal mchog dang po las/ nam mkha' skye ba'i mtshan ma las/ thog ma tha ma med pa'i mchog rdo rje'i rang bzhin sems can kun// rdo rje sems dpa' mchog bde ba zhes bya ba gsungs te/ de lta bas na sems can ni sangs rgyas la sogs pa skyes pa'o// med pa'i rnam pa nyid yongs su gcod pa'i phyir// nam mkha' dang mnyam pa'o// rnal 'byor gyi rgyud rnams la phyag rgya chen po'i dngos grub nyid byang chub ma yin namade'i nam mkha' dang mnyam ye shes ni rgyu nyid yin te/ rang gi ngo bo ni ma yin no// de'i phyir rnal 'byor gyi rgyud thams cad dang / nam mkha' dang mnyam pa'i rgyud 'gal bar 'gyur ro zhe na/ lugs zhes bya ba la sogs pa gsungs te/ lugs ni bshad par bya ba 'di'i gzhung lugs so// bcom ldan 'das gang gis drang ba'i don gyi mdo sde bshad pa de ni gzhung lugs so// der don yi ge la ma brten pa yang ma yin no// bstan bcos ni bcom ldan 'das kyis bstan pa'o// tshad mar byas pa ni de dang ga sa / na ga/ smra kyi sku'o// de nyid gnas te dmigs pa'o// mkha' mnyam pa'i ye shes rgyu mthun pa sngags dang phyag rgya la sogs pa rnams kyi ste/ nam mkha' dang mnyam pa nyid kyis de rnams kyi snang ba yin pa'i phyir ro// de lta bas na rgyud thams cad la/ rgyud 'di ma yin no// dpal thams cad gsang ba las kyang gsungs pa/ klu'i de nyid cung zad min// 'bras bu'i de nyid de bzhin no// de nyid de bzhin nyid ye shes

  8. 179b

    rnal 'byor pa yid de la spyod ces bya'o// rgyu'i de nyid ni sems kyi rtogs pa la sogs pa rnam pa bzhi'o// 'bras bu'i de nyid ni rnam pa lnga'o// de gnyis ka'i rnam pa ji lta ba bzhin du med pa'i phyir de bzhin nyid kyi ye shes so// de'i de nyid ni rang gi rnam pa nyid yongs su gcod pa'i phyir ro// gcod pa de la rnal 'byor pas spyod ces bya ba'i don to// dpal gsang ba 'dus pa las kyang gsungs pa/ sku mi 'gyur ba skye ba med// gsung dang thugs ni mtshan nyid med// nam mkha'i rdo rje rtag par 'gyur// mi bden bsdus pa bsdus pa yin zhes bya'o// mi 'gyur byed pas ni mi 'gyur ba ni gsang ba ste/ sku'i gsang ba dang / gsung dang thugs kyi gsang ba'o// de thams cad skye ba med pa ni rang bzhin med pa snang ba ste/ rnam pa ji lta ba bzhin med pa nyid yongs su gcod pa'i phyir ro// nam mkha'i rdo rje ni chos su ste/ chos zhu ba nyid// nyams su myong ba'o// rtag par 'gyur ba ni yongs su gcod pa'i bdag nyid do// nam mkha' dang mnyam pa'i de kho na nyid kyis yod pa nyid dang / rnam pa ji lta ba bzhin med pa nyid yongs su gcod pa'i phyir// da ni mi bden pa ste/ rnam pa dang bcas pa'i phyir ro// bsdus pas yang de yin te/ yang dag par yongs su gcod pa'i phyir/ des na bsdus pa yod pa de la de skad ces bya ste/ dag pa 'jig rten pa'i ye shes la bsdus pa zhes bya ba'i don to// de ltar ni re zhig ni rnal 'byor gyi rgyud thams cad las thun mong nam mkha' dang mnyam pa'i don bsgom pa gsungs so// da ni dpal gsang ba 'dus pa la sogs pa nyid thun mong du nam mkha' dang mnyam pa'i don bsgom pa'i skabs dbye ba'i phyir/ sangs rgyas zhes bya ba la sogs pa gsungs te/ ji lta bu zhig yin zhe na sangs rgyas lnga'i dbu rgyan yang zhes bya ba ni sku dang ldan

  9. 180a

    pa'o// rang gi chos rnams kyi sku nyid kyi rang bzhin te/ chos kyi sku nyid nam mkha' dang mnyam pa ro mnyam par gyur pa sangs rgyas kyi chos thams cad kyi ngo bo des yang dag par bstan pa'i phyir ro// yang ji lta bu yin zhe na/ srid pa gsum ni rnal 'byor ma'i 'khor lo'o// chos rnams nus pa ni chos ston pa ste/ chos rdzogs par longs spyod pa yod pa de la de skad ces bya'o// dpal rdo rje rtse mo las gsungs pa/ de nas rang bzhin sku nyid las/ longs rdzogs pa yang ni 'byung zhes bya'o// 'dir bsgom pa nyid rab tu 'dud par 'dod de/ rang gi lus dang ngag dang yid kyis de'i sku dang gsung dang thugs rnams su rab tu 'jug par byed pa ni rab tu 'dud pa'o// 'dud pa'i phan yon rdo rje zhes bya ba la sogs pa gsungs te/ bsod nams kyang zhes bya ba'i kyang zhes bya ba'i sgras ye shes kyang ngo // mtha' yas zhes bya ba ni ji srid du/ bsod nams kyi tshogs bsags par 'gyur ro// zhan yang 'dud par byed pa ni gang gi phyir 'dud par byed pa khyed kyis che ba'i bdag nyid de/ rdo rje 'dzin pa'i che ba'i bdag nyid do// po ti la las chen po'i gnas su rang bzhin gyi sgra zer te de mtha'i yi ge mi skye ba'o// de yang nyes pa 'khrul pa'i phyir ro// chos kyi sku nyid rdo rje sems dpa'i sku nyid du/ 'gro bar gsungs te/ de la chos sngon du ma byas kyang brda yis bsgom par bya'o// de ni thams cad ces bya ba la sogs pa gsungs te/ sgyu ma'i bde ba sgras rdzogs pa'i sangs rgyas thams cad kun la snying gar bcug nas zhu ba pad+mar 'gro ba bsgom par bya'o// bya ba 'di ni thar pa'i rang bzhin ni ston ka'i zla ba zhu zhing dkar ba bzhin sangs rgyas kyi chos rnams kyi ro mnyam pa'i chos kyi sku'o// de nas ci bya zhe na/

  10. 180b

    rdo rje zhes bya ba la sogs pa gsungs te/ ji ltar na sku dang ldan par bya zhe na/ 'jig rten pa'i zhes bya ba la sogs pa gsungs pa la 'jig rten pa don zhes bya ba'i tha tshig go/ bya sap+ta ni yang dag par bstan// pa ste/ rdo rje sems dpa'i rnam pa gzhan gyi rang bzhin du'o// brda ji lta bar gdul bya rnams de basbyang ba ni yongs su shes pa'o// don dam par yang chos kyi sku'i rgyu mthun par gyur pa ye shes gzhan nyid de'i rnam par skyes te/ rnam pa ji lta ba bzhin du med pa nyid kyis bcom ldan 'das snang ba zhes bya'o// der rdo rje sems dpa'i skye ba ni gang yin/ skye ba'i gnas ni gang yin zhes bya bar dogs pa la sku dang gsung dang der ni thugs zhes bya ba gsungs te/ chos gsum po 'di rdo rje sems dpa'i skye ba'o// rnal 'byor gnas pa ni rab tu gnas pa ste/ bcom ldan 'das ma tsun d+ha'i sku chen mo der rdo rje sems dpa' skye ba'o// ba dang ma ni gang yin ji ltar na yang skye ba min zhe na/ de la zhes bya ba la sogs pa gsungs te/ de la zhes bya ba ni rnal 'byor gyi gnas so// rdo rje zhes bya ba ni mi bskyod pa'o// gcig rang bzhin zhes bya ba la/ rang bzhin ni rang snang ba'i rig ma dag/ yang dag par ldan pa'i phyir de ni gcig kyang yin la rang bzhin yang yin no// chos kyi ngo bo zhes bya ba ni thar pa ste snga ma bzhin no// rdo rje'i rang bzhin ni rdo rje sems dpa'i sku bskyed pa'o// de nyid ral pa zhes bya ba la sogs pa la ral pa'i thor tshugs ni sangs rgyas lngas rnam par spras pa des brgyan pa'i bcom ldan 'das so// de'i sku mdog ni sngon po'o// de ltar na rdo rje sems dpa'i yang dag pa'i ting nge 'dzin bsgom par bya'o// 'di zhes pa ni rnal 'byor pa'o// bcas pa bsgom pa ni bsgom pa dang bcas pas gras pa dang bcas pa

  11. 181a

    zhes bya ba'i don to// mi bskyod pa'i ral pa'i thor tshugs ni phyi rol tu ri bo che gcig gis mtshan pa yin gyi/ sangs rgyas rnams kyis mtshan pa ni ma yin no// de nas mi bskyod pa'i yang ci zla ba zhu ba las skyes pa yin nam/ zhe na ma yin te/ nyi ma zhes bya ba la sogs pa gsungs pa la nyi ma ni nyi ma'o// yi ge ni hU~M yig sngon po'o// rdo rje sems dpa'i sa bon yang hU~M yig dkar po'o// rdo rje'i rang bzhin zhes bya ba ni mi bskyod pa'i skur ro// rdo rje sems dpa'i bskyed pa yang sngags nyid yin par chu mtha' skyes zhes bya ba la sogs pa gsungs te/ chu mtha' skyes bsgom sngags pa yis/ chu ni zla ba zhu ba'o// de nyid ni mtha' ste sems can rnams kyi pha ma dag go/ de las skyes pa'o// bdag nyid gzugs kyi rang bzhin ni rang gi lha'i sa bon zhes bya ba'i don to// de yang sngags pas zla ba'i dkyil 'khor gyi dbus su gnas par bsgom zhing sa bon des rdo rje sems dpa' bsgom pa ni gnyis med ngo bo'i rang bzhin no// ji lta bas na gnyis su med pa'i ngo bo zhin don ma yin zhing shes pa yang ma yin pa de ltar snang ba'i phyir ram rang gi rig ma dang yang dag par sbyor ba'i phyir ro// rnal 'byor mjug bsdu ba dang / de'i 'bras bu 'di zhes bya ba la sogs pa gsungs te/ thugs yongs su rdzogs pa ni rdo rje 'dzin pa'i thugs su sbyor ba'o// bsgom pas zhes bya ba ni rnam pas so// bsgom bya zhe bya ba ni rdo rje sems dpa'o// de 'grub pa ste rdo rje 'dzin pa'i thugs kyi rang bzhin no// gal te rdo rje 'dzin pa yang sngags las bskyed na spros pa med pa'i ting nge 'dzin la gnas pa skur bskyed pa mi rung ba'i phyir dang de lta mos kyi ting nge 'dzin de las ma bskul te/ bzhengs pa rnam par g.yengs pa nyid dang /

  12. 181b

    gtso bo'i chos ma yin pa nyid do zhes bya'o zhe na/ lha mo zhes bya ba la sogs pa gsungs te/ lha mo bzhi ni lha mo bzhi zhes bya ba'i tha tshig go/ rang bzhin gcig ces bya ba ni thar pa'i ngo bor ro// glu yis zhes bya ba 'chad par 'gyur ba'i gru bzhi yis so// bsgom bya ni dgongs pa ste/ de dang ldan par byed pa ni bsgom bya'o// sngags kyi rnam pa dgongs pas bskyed pas na sad par byed pa zhes bya ba'i don to// ji ltar sad par byed pa yin zhe na/ mkhas mtshungs dngos te dngos po mnyam zhing nam mkha' dang mnyam pa'i chos zhu ba zhes bya ba'i tha tshig go/ 'di ltar gyi sgra ni de ltar gyi don no// de ltar yin na ni rnal 'byor pa'i chos ni zhu bar byas pa'o// thugs kyi rang bzhin du byas pa ni rdo rje 'dzin pa'i skur ro// bsgom bya ni lha mo'i skur ro// thar pa'i rang bzhin ni shin tu rnam par dag pa'i thugs rdo rje sems dpa' yin zhing shin tu rnam par dag pa'i de bzhin nyid ni lha mo zhes bya bar dgongs so// bsgom pa 'di yis sangs rgyas nyid thob par bya ba yin pa de bas na 'dir don ni bdag nyid dper bya ba'i phyir 'khor tshogs pa'i nang du sangs rgyas gcig ma gsungs pa'i don kyang rdo rje sems dpa' zhes bya ba la sogs pa ste/ bud med ces bya ba ni btsun mo'o// mtha' dag mtshungs zhes bya ba ni bcom ldan 'das nyid dang/ thams cad mtshungs pa'o// ji ltar bcom ldan 'das bsgom zhe na sangs rgyas lnga yis brgyan pa ral pa'i thor tshugs can g.yas na sna tshogs rdo rje 'dzin pa/ g.yon pas sna tshogs rdo rjes mtshan pa'i dril bu 'dzin pa/ de bzhin du bcom ldan 'das 'di yang gnas so zhes bya'o// gang zhes bya ni lhag ma'o// cha lugs ni rab tu brgyan pa'o// mtshungs dngos las zhes bya ba ni dngos po dang mtshungs

  13. 182a

    pa la sogs so// dngos po zhes bya ba ni sems can thams cad kyi de kho na nyid kyi phyir chos zhu ba zhes bya ba'i don to// rgal ba zhes pa ni yongs su gcod pa ste/ de zhes bya ba ni lhag ma'o// ji ltar yin zhe na bzhugs pa zhes bya ba la sogs pa gsungs te/ bzhugs pa ni yid la mnyam par bzhag pa nyid ces bya ba'i tha tshig go/ bzhi zhes bya ba la sogs pa la sangs rgyas thams cad kyi re re yang sku gsung thugs kyi dbye ba dang de'i lus kyi dbye bas so// mdor bsdus nas yang gsang ba bzhi bya ste/ sku yi gsang ba dang / gsung gi gsang ba dang / thugs kyi gsang ba dang / las kyi gsang ba'o// de rnams kyi de bzhin nyid ni go rims bzhin du lha mo bzhi ste/ de'i phyir rang bzhin bzhi yis so// de lta bas na dkar po dang sngon po dang / dmar po dang ljang gu ste/ g.yas pa rnams kyi kha dog dang mtshungs pa'i rdo rje 'chang ba/ g.yon pa rnams kyi 'khor lo dang / ut+pa la dmar po dang / pad+ma dang / ut+pal sngon po 'chang ba'o// rang gi rigs kyi de bzhin gshegs pas brgyan pa'i rin po che'i cod pan can de rnams kyi dbus su bzhugs pa ni rdo rje skyil mo krung gis so// de rnams nyid sgyu ma lta bu nyid kyis snang ba'i phyir de rnams kyi sa bsdus pa ni srid pa gsum ste/ de bzhin gshegs pa'i gsang ba gsum sgyu ma lta bu nyid kyis 'jug pa dang brgal ba ste/ yongs su gcod pa'o// de la sna tshogs rdo rje zhes bya ba la sogs pa la/ de la zhes bya ba ni snying ga'i zla ba'o// lha ni rdo rje 'dzin pa'o// sangs rgyas rnams ni thams cad kyang // rol pa byed pa'i 'di yi ni// de las de rnams spros pa'i phyir// sangs rgyas rnams kyi spros pa'o// dgos pa ji ltar zhes bya ba la sogs pa gsungs te/ lha yin zhes bya ba ni ltar

  14. 182b

    gyur pa'o// kye zhes bya ba ni bod pa'o// thams cad du ni rnam par rol// sangs rgyas rnams kyi thob pa nges pa ste/ de zhes bya ba ni lhag ma'o// sna tshogs rdo rje dang sangs rgyas rnams kyi rnam par rol pa yin na ci'i phyir rdo rje sems dpa' zhes bya zhe na/ lha rnams kyi zhes bya ba la sogs pa smos te/ lha rnams kyi ma lus pa rnams kyi'o// de tsam gyis zhes bya ba ni de thams cad ces bya ba'i don to// de thams cad ni rdo rje sems dpa' nyid rnam par rol pa zhes bya ba'i bar du ste/ rdo rje sems dpa' nyid de dang de'i rnam pas skye zhes bya bar dgongs so// de nas blta bya zhes bya ba la sogs / pa gsungs te/ thams cad kyi ni sna tshogs rdo rje la sogs pa'i chos kho na'o// rang bzhin ni gnyis su med pa'i ye shes nyid de/ don ma yin zhing shes pa ma yin zhes yongs su gcod pa'i phyir ro// de lta bas na sred pa gsum ni rnal 'byor ma'i 'khor lo 'am/ sna tshogs pa thams cad rdzogs pa ni gcig pa'i rang bzhin nyid do// mthong zhes bya ba ni 'jug pa'o// rol pa zhes bya ba la sogs pa la rol ba byas pa las sangs rgyas kyis bdag mthong ba dang / de'i rnal 'byor ma'i dbang phyug kyang thams cad du mthong ba'o// lha zhes bya ba la sogs pa la/ lha ni rdo rje sems dpa' la sogs pa'o// de/ rnams yang dag par rtogs pa ni de kho na nyid de/ de gsal bar byed pa'i le'u'o// dang po ni thog ma'o// nam mkha' dang mnyam pa'i rgyud kyi rgya cher 'grel pa nam mkha' dang mnyam pa las le'u dang po'o// phyogs la lar lha mo zer zhing la lar btsun mo bzhi zer ba de lta bas na the tshom bsal bar bya ba'i phyir lha mo'i grangs lha mo bzhi zhus pa'o// 'dir bshad par 'dod pa zhes bya ba la sogs

  15. 183a

    pa la 'dir bshad par 'dod pa ni lha mo zhes bya ba dang 'brel to// kye mchog dang bcas pa ste/ gtso bo'i lha mo'o// bcas pa ni yang dag par ldan pa ste/ mchog yod pas mchog dang bcas pa'o// sdud pa po sa der zhes bya ba la sogs pa smras pa'i dri ba 'dir gru bzhi bka' stsal pa ni bcom ldan 'das kyis so// ci'i phyir zhe na 'dir de rnams kyi ming bstan pa'i phyir ro// 'jig rten na mang po rnams kyis yang gtso bo sngon du song ba'i rim pa bstun pa las rab tu rtogs pa'i phyir ro// snang ba'i lha mo gcom nyid zhi ba la sogs pa'i lha mo rnams kyi yang go rim bzhin du shar phyogs la sogs pa phyogs kyi 'dab ma rnams su sbyor ba ji lta ba bzhin du rtogs pa yin gyi grangs tsam ni ma yin no// stong pa khyad med ces bya ba la sogs pa la/ gru bzhi po 'di rnams ni go rim bzhin du thugs dang / gsung dang spu dang / gsang ba rnams kyi sgyu ma lta bu 'di gsal bar byed pa'o// de rnams nyid yongs su gzung bar bya ba dang chos zhu ba la spro bar byed pa rab tu bgrang ba'i tshigs su bcad pa'o// 'di'i rkang pa so sor tshogs bzhi'o// tshogs re rel phyi mo bzhi'o// dang po dang gnyis pa ni lci ba'i mtha' can no// gnyis pa'i dbus ma lci ba'o// rnam pa rnams nus pas stong pa nyid yin zhing de nyid tha dad par nye bar mi 'tsheg pa'i phyir khyad par med ces bya ste/ stong pa khyad med do// nam mkha' byed pa'i rigs pas skye ba'i phyir byas pa'o// sangs rgyas thams cad kyi chos zhu

  16. 183b

    phyir ro// de rnams gang yin zhe na snang ba zhes bya ba la sogs pa ste/ bdag po'i yan lag tu gyur pa'i phyir/ rtag tu brgyan pa zhes bya ste/ stong pa'am lha mo bzhis bsdus pa'i ngo bo nyid kyi phyir shin brgyan pa zhes bya ste snang ba'o// lus thams cad kyi 'tsho ba zhi bar bya ba'i phyir zhi ba'o// sems kyi sgrib pa thams cad las thar pa'i phyir thar pa'o// sangs rgyas thams cad kyi chos kyi dga' ba rnams mnyam du nyams su myong ba'i phyir shin tu mnyam pa'o// mtha' yas pa'i sprul pa'i skur 'gro ba rnams kyi don byed pas na mi mnyam pa'o// de lta bas na lha mo lnga po rnams kyi mnyam pa yin na 'o na ji ltar snang ba'i lha mo la sogs pa'i gzugs kyis sna tshogs pa yin/ smras pa// sgyu ma yang zhes bya ba ni gang zhig mtshungs de bzhin du yang sgyu ma zhes bya ste/ yang gi sgra'i don to// sngags la sogs pa'i byin brlabs kyi shing la sogs pa med pa nyid kyi glang po che la sogs pa'i ngo bo gsal bar byed pa na sgyu ma'o// de dang chos mthun pa lha mo rnams kyang sgyu ma ste/ chos kyi sku dang chu mthun bdag 'jig rten pa'i ye shes la de rnams med pa nyid sku dang gsung dang thugs kyi snang bas sna tshogs par snang ba'i phyir ro// sgra mtshan ci'i ched du lha mo mo rnams sgyu ma byed ces cen spras pa/ bya phyir zhes bya ba ste/ bya ba'i rgyu mtshan 'gro ba'i don bya ba'i rgyur ro// de lta bas na sangs rgyas dang mnyam pa'o// sangs rgyas ni rdo rje sems dpa' la sogs pas mnyam pa'o// de yang chos kyi skus mnyam pa dang / de dang rgyu mthun pa dag pa 'jig rten pa'i ye shes kyi rang bzhin longs spyod rdzogs pa'i skus rnam pa sna tshogs par snang ste/ 'gro ba'i don bya ba'i ched du'o// de gang yin zhe na rol pa zhes bya ba la sogs pa

  17. 184a

    gsungs te/ thams cad mkha' mnyam ni lha mo rnams dang sangs rgyas kyi rol pa ste/ tshogs nas sna tshogs pa'i don spyod pa ni mchog tu rol pa'o// dus ji tsam du zhe na/ zhi ba zhes bya ba la sogs pa gsungs te zhi ba bla na med pa ste/ rtag pa'i sku de bzhin gshegs pa zhes bya ba'i tshig las so// rtag pa ni de bzhin gshegs pa rnams kyi sku gsum pos so// rang bzhin/ gyis ni rang bzhin gyis rtag pa ste/ thog ma dang tha ma med pa'i phyir ro// longs spyod rdzogs pas ni rgyun mi 'chad pas rtag pa ste/ thog ma dang tha ma med pa'i phyir ro// sprul pa'i sku ni brgyan gyis rtag pa ste/ la lar zhig kyang de nyid gzhan du skye ba dang gzhan du gnas pa'i phyir/ 'brog dgon pa chen po me'i phung po bzhin no// de ltar chos dang longs spyod rdzogs pa'i rang bzhin dang / rol pa'i sems yongs su bsrung ba la spro ba'o// 'gro ba'i don sgrub par byed pa'i phyir dang / rnam par dag pa'i phyir dang / 'tshe ba med pa'i phyir rtag pa nyid do// 'dir nges pa ni yi ge drug pa'i sngags te/ ru lu ru lu b+h+yo ru luTa'o// sgyu ma zhes bya ba la sogs pa la/ nam mkha' dang mnyam pa zhes bya ba ni chos kyi sku'i rang bzhin sangs rgyas rnams dang lha mo rnams kyi'o// chos kyis bya ba ni gsungs pa'i chos rnams so// mtha' dag nyid kyis de yang nam mkha' dang mnyam pa ste/ nam mkha' dang mnyam pa nyid kyis snang ba'i phyir zhes bya ba'i tha tshig go/ rol pa ma yin pa ni nam mkha' dang mnyam pa rol pa ma yin/ gang rnamams 'ang mnyams yid do/ shig / pas ma mamanas yin rgyas nga \u0f7f/ da bzhin yangs thas cadapa'atho // sa pa na ba sa ba na nan nas

  18. 184b

    bdag nyid sgra dang 'dra ba'i chos so// des mnyam pa ni snang ba ni snang ba tsam yin pa'i phyir ro// sbyor ba ni yang dag par sbyor ba'o// de med pa ni sbyor ba med do// cha ni yi ge yod pa zhes bya'o// sbyor med cha'i chos yi ge rim pa bzhin du brjod pa'i phyir dang brjod pa zhig pa'i phyir dang sbyor ba med pa'i phyir yi ge ni rjod par byed pa ma yin no// rjod par byed pa ma yin pas chos ma yin no// de'i phyir nam mkha' dang mnyam pa'i chos so// de lta bas rang gi ni rang bzhin gyis so// pi wang mnyam pa ni pi wang gi sgra dang mtshungs so// de'i rjod par byed pa'i sgra ma yin pa'i phyir dang / 'brel pa med pa'i phyir ro// chu ni chu'o// gsal ba ni zla ba ste/ chu dang mtshungs pa zhes bya ba'i don to// yang na gsal ba ni mar maM ste/ gsal bar byas par mtshungs pas mun pa mi snang ba'i 'jig rten rnams las ye shes kyi snang bar gyur pa zhes bya ba'i don to// de tsam gyis ni 'di'i 'gro ba'i don grub par byed pa'i phyir khyab pa'o// lhag mas rnam par dag pa nyid de/ de'i phyir khyed yang bzhes la chos bstan du gsol zhes bya ba ni bsdus pa'i don to// gang zhig ces bya ba la sogs pa la ro mnyam par gyur pa'i sangs rgyas thams cad kyi chos kho na snang ba ste/ rab tu gsal ba'i ngo bo'i phyir ro// nam mkha' dang mnyam pa yang snang ba med pa'i phyir ro// der rang bzhin gyi rdo rje ni rdo rje sems dpa'o// rol pa ni sems can gyi don du spyod pa ston pa'o// ci de gzugs kyi rang bzhin yin nam/ zhe na gzugs dang mnyam pa zhes bya ba gsungs te/ gzugs su snang ba nyid des bdag nyid yongs su gcod pa'i phyir ro// de rnams kyi rdo rje'i gzhung lugs ni dkyil 'khor ro// der ji lta bu zhig yin zhe na/ gzugs

  19. 185a

    sogs zhes bya ba gsungs te/ gzugs la sogs pa'i 'dod pa lnga'o// de rnams kyi bde ba mi zad pa de ster bar byed pa de la de skad ces bya'o// chu ni chu'o dang rdzing la sogs pa'o// 'di'i zla ba ni zla ba'o// de mtshungs pa ni gzugs brnyan mtshungs pa nyid kyis yongs su gcod pa'i phyir ro// de lta bas na sangs rgyas thams cad nyid nam mkha' dang mnyam pa'o// sems can gyi don gyi ched du sku dang sku can gyi dkyil 'khor ston la/ de bzhin du khyed kyang bstan du gsol zhes bya bar dgongs so// rnal 'byor zhes bya ba la sogs pa la gang la rnal 'byor mang po'i gnas yod pa de skad ces bya ste/ de rnams su yod pa'i phyir ro// rdo rje'i ngo bo ni bdag nyid rdo rje 'dzin pa'o// gdul bya'i bsam pa tha dad pas 'dzin pa'o// de nyid ni gzugs la sogs pa'i dbye bas spro/ ba'o// de nyid sems can te/ sangs rgyas la sogs pa rnams kyi bdag nyid mtshungs pa ni de dang rgyu mthun pa'i phyir ro// des zhes bya ba ni sems can de rnams kyis so// rdo rje ni rdo rje 'dzin pa'o// ster ba ni ster bar byed pa'o// mchog ces bya ba ni 'dod pa ste/ sangs rgyas nyid la sogs pa rnams so// dbyings dang mnyam pa zhes bya ba ni/ rigs dang mtshungs pa ste/ rigs ji lta ba zhes bya ba'i don to// la las rgyal ba zhes zer te/ rgyal bar byed pa dang / 'dul bar byed pa ste mchog gi dbyings so// stong gsum gyi 'jig rten gyi khams dang mtshungs pa ni dus mtshungs pa ste/ de'i don 'di yin no// 'di lta bu'i gzhan gyi don gyi bya ba rdo rje 'dzin pa des 'jug par byed pa zhes bya bar dgongs so// de ltar na lha mo'i grangs la sogs pa shes par bya ba'i phyir glu bzhi dang lha mo bzhi pos

  20. 185b

    bstan pa de sbyar ba'i phyir lha mo zhes bya ba la sogs pa ste/ kye lha mo bzhi pos glu 'di gsungs pa 'dis so// mkha' ma nyam ni ting nge 'dzin la gnas pa ste rang gi bdag po la bskul ba'o// gang zhig glu 'di nyan zhes bya ba ni sgra'i lus kyis mthong ba'o// yid gcig gis zhes bya ba ni mnyam par gzhag pas so// rgal ba ni don gyi lus kyis so// sems yid kyis zhes bya ba ni brjod pa dang bcas pa'i yid kyis so// de nas gang yin zhe na/ klu 'di zhes bya ba la sogs pa gsungs te/ glu 'di nam mkha' dang mnyam pa ni de bzhin nyid du snang ba'i phyir ro// gzugs mtshungs pa ni rdo rje 'dzin pa la len pa zhes bya'o// de'i phyir rdo rje'i rang bzhin ni chos zhu ba'i bdag nyid do// thugs sad pa ni bzhengs par byed pa'o// gcig gi rang bzhin rgyud ni rdo rje'i gzhung lugs len pa zhes bya'o// de nas rdo rje dang rdo rje'i gzhung lugs kyis bskyod pa'i sngags gang zhe na/ rdo rje go 'phang zhes bya ba la sogs pa gsungs te/ rdo rje go 'phang ni rdo rje 'dzin pa'i sa bon hUM yig go/ de nas gzhan rang bzhin ni tha dad pa'i sa bon no// gcig gi sa bon ni chos zhu ba'i de nyid kyis hUM yig lnga bsgom par bya zhes bya bar sbyar ro// de ci yin zhe na sems zhes bya ba la sogs pa gsungs te/ sems ni rdo rje 'dzin pa sngon po'o// gang gi phyir de dbus su gyur pa de'i dkyil 'khor thams cad bsgom par bya'o// de ltar chos zhu ba las sa bon lnga bsgom zhe na/ chos zhes bya ba la sogs pa gsungs te dkyil 'khor ni gzhal yas khang ngo do// de'i dbus gnas pad+ma'i mchog ni der bsgom pa de la de skad ces bya'o// chos las de bzhin du bsgom pa ni chos kyi dkyil 'khor dbus gnas pa/ pad+ma'i mchog ni bsgom pa'o// de'i sna tshogs

  21. 186a

    pa zhes bya ba ni chos de'i sna tshogs pa dang tha dad pa'o// bsgom par bya zhes bya ba ni lhag ma'o// lte ba dang 'dab ma rnams su chos de las zla ba mnan pa trAM yig gi gzugs kyis yongs su gyur pa'i phyir ro// de nas ci bya zhe na sgyu ma zhes bya ba la sogs pa gsungs te/ sgyu ma'i rang bzhin thams cad kyi nges par gzugs rnams spyod par byed ma ste/ gyis shig ces bya ba lhag ma'o// sems kyi rang bzhin nyid rdo rje'i gzhung lugs ma yin nam 'di sgyu ma yin no zhe na/ sems zhes bya ba la sogs pa gsungs te/ rnam pa med pa nyid de gcig dang du ma'i rang bzhin dang bral ba'i phyir ro// de lta bas na sems ni nam mkha' dang mtshungs pa'o// de'i phyir sems kyi gzhung lugs rang bzhin ma yin pa ni/ rdo rje'i gzhung lugs dang / sems kyi gzhung lugs kyi rang// gi ngo bo ste/ rang bzhin ma yin pa dang rang gi ngo bo med pa dang brdzun pa zhes bya ba'i don to// snang ba tha dad pa'i phyir rdo rje yang gzhan yin zhing rdo rje'i gzhung lugs kyang gzhan ma yin nam/ de ji ltar/ gcig gi rang bzhin yin zhe na/ gnyis ka'i zhes bya ba la sogs pa gsungs te/ sna tshogs pa'i rang bzhin med pas gzhug par rigs pa ste/ nam mkha' dang mnyam pa gsal ba tsam// kyis rnam pa brdzun pa'i phyir ro// der gnas pa las rdo rje nyid nam mkha' dang mnyam pa rdo rje 'dzin pa nyid kyi rang bzhin no// lhag ma ni b+h+ra ma ste brdzun pa'i phyir ro// rdo rje sems dpa' zhes bya ba la sogs pa la/ dang pos ni bcos ma dang bcos ma ma yin pa'i ngo bor gsungs la/ gnyis pas ni thugs dang / gsung gi gsang ba'o// kye rdo rje sems dpa' khyod nyid gcig gi rang bzhin no// 'jig rten

  22. 186b

    pa'i rgyu mtshan du byas pa ni sgyu ma'i rang bzhin te/ khyod ni zhes bya ba ni lhag ma'o// ji ltar yin zhe na/ sems can zhes bya ba la sogs pa gsungs te/ 'dul bar byed pa ni su tha dad pa 'dis sems can rnams 'dul bar byed pa'o// sems can sad par byed pa ni 'dul bar byed pa'i rang bzhin no// kye lags rdo rje sems dpa' khyod ni gcig gi rang bzhin te gcig gi dri za'o// lha mo ni sdang ba'i lha ma'o// rdo rje ni 'dzin par// smras pa gsol ba'o// gsang ba zhes bya ba ni gsang bar byed pa ste/ gsang ba'i thugs dang gsung gi gsang ba'i ngo bo zhes bya ba'i ba tshig / nang zhes bya ba na rang gi snyid gar ro// rol pa zhes bye ba ni rol par byed pa'o// sems kyi rang bzhin zhes bya ba ni za ba'i dkyil 'khor la gnas pa sna tshogs rdo rje'i rnam pas sa// der nges zhes bya ba ni ming gang ngas pa'o// sems gas zhes bya ba ni sna tshigs rdo rje'i lte bar babs pa'o// chos 'byung zhes bya ba ni thugs yang 'byung ba ste/ de yang trAM yig go/ tsA ba'i dbang du byas nas sgru ba zhes bya ba gsungs te/ spro bar byas pa'i rdo rje ni seng ga'i sngags so// nam mkha'i rang bzhin ni sems can rnams sgyu ma lta bu'o// yang sdug pa ni gang gi phyir sems kyi rang bzhin gcig pa'o// gang gi phyir sems la spyod par byed pa ni gang gi phyir ni nyi'i don to// thams cad nyid du mnyam par mthong ba ni sngam lta bu'o// yang dang yang du sems can sbyor ba ni bsdus nas gcig gi rnam par byed pa'o// 'di thams cad kyis 'di skad gsung pa yin te/ 'dir bla na med pa'i mchod pa rnam pa bdun dang / skyabs su 'gro ba dang / byang chub tu sems bskyed pa sngon du song ba can gyis sems tsam nyid du mos par byas la nam mkha' dang mnyam pa'i

  23. 187a

    byang chub kyi sems mngon du bya ste/ oM shU n+ya tA dz+nyA na badz+ra swa b+hA ba At+ma ko&haM zhes pas byin gyis brlob par bya'o// de'i rjes la tsum yig las skyes pa'i lha mo tsun dA zla ba bzhin du dkar ba phyag bzhi pa ting nge 'dzin gyi phyag rgyas ro'i snod 'dzin pa/ cig shos dag gis phreng ba dang po ti 'dzin pa/ ral pa'i cod pan can rdo rje skyil mo rakrung gis pad+ma chen po dang zla ba la bzhugs pa 'jig rten gyi khams kyi tshad tsam pa sgom par bya'o// de'i pad+ma'i lte ba mu tig gi 'bras bu ltar gsal zhing dkar ba chos 'byung gi rnam pa 'dzin par b+h+rUM las skyes pa'i rnam par snang mdzad do// de yongs su gyur pa las mchog tu 'bar ba'i rin po che lnga las byung ba'i gzhal yang khang ngo // gru bzhi pa la sgo bzhi pa// rta babs bzhi yis rnam par brgyan// khyams bzhi po ni mdzes pa ste// mchod pas 'brel ba'i lha mo'i tshogs// dra ba dra phyed dar dang phreng // rnga ma la sogs pa yis brgyan// rlung gis bskyod pa sna tshogs rtse// ba dan dril bu'i sgra bas ma bya// de'i dbus su parla dmar// po 'dab ma brgyad pa bsams te/ de'i lte bar nyi ma'i dkyil 'khor la hU~M yig gi bcom ldan 'das mi bskyed pa in+d+ra ni la'i mdog dang mtshungs pa/ nor bu rin po ches mtshan pa'i ral pa'i cod pan can/ ma rungs pa'i mche ba gcig pa can sna tshogs pa'i gos kyis brgyan pa/ rdo rje dang rdo rje dril bu 'dzin pa/ phyag gnyis kyis rab snang ba'i rig ma las 'khyud pa bsgom par bya'o// skya ma'i bde ba'i sgras phyogs kyi de bzhin gshegs pa bkug ste/ zhal du bcug la zhu nas pad+ma'i nang du song ba'i bde ba chen po'i bdag nyid bsam par bya'o// de'i snang bas yab yum zhu bar bltas/

  24. 187b

    la/ de'i pad+mar zla ba bzhin sangs rgyas rnams kyi skus gang bar blta'o// de'i rjes la zhi ba ma dang thar pa ma dang / shin tu mnyam ma dang / mi mnyam ma zhes bya ba'i lha mo bzhis sgo bzhir zla ba rnams la bzhugs te chos kyi sku'i bdag nyid rdo rjes 'dzin chen po de ni spros pa med pa thar pa chen po'i bde ba'i ting nge 'dzin las bsang bar bya ba'i phyir gru bzhis bskul ba/ su nA i e e ka a d+harmA sa ma/ b+hA san \u0f7f mo kha su sa mA a sa mA/ mA a tra ka s+ya haM bud+d+ha sa mA/ ki ta na ti sarba kha sa mA ru lu ru lu b+h+yo ru lu/ mA a sa d+ha ba ka/ a dze a sa ma/ b+ha san ti du la la rab d+har+m+ma sa d+harma a ki Ta kha sa mA Na sa ma a sam+ba ga maM sa sa u bi na sa mA/ d+ho d+ham+ba lo a A sa sa mo/ ku bat+te badz+ra ti he ru a sa mA ru pA ti ka ma su ha ag kha ad/ dza la hi na du t+pal la ta hi badz+ra na a/ b+ha hu dza a pa Ta ta hi badz+ra na a/ ba Sh+kaM ru a d+ha ri ta hi badz+ra ma u/ pa ran hi satwa a s+yan sa mA/ ta hi badz+ra de i ba ra d+ha a sa mA/ de ltar lha mo bzhis glu blangs nas rang gi phyogs kyi 'dab ma'i zhu ba rnams su zhugs shing zhu ba sa ro mnyam par 'gyur ro// glu ma rnams kyis gsol ba btab pas/ zla ba zhu ba des lte ba dang shar la sogs pa'i 'dab ma rnams su zla ba'i gdan can hUM yig lngar gyur to// sngon po dang dkar po dang / sngon po dang dmar po dang ljang gu go rim bzhin te/ lte bar hUM yig gis sna tshogs rdo rje bsam par bya zhing / shar la sogs par hUM yig gi kha dog dang mtshungs pa'i rdo rje rtse lnga'o// lte ba'i snying por 'byung ba'i sa bon gyi 'od ze rnams spros pas 'gro ba rnams la phan par byas shing rdo rje de rnams ni rigs par lha drug gi ngo bor 'gyur ro// de la sna tshogs rdo rje dang sa bon yongs su gyur pa las bcom ldan 'das rdo rje sems dpa' in+d+ra nI la'i mdog

  25. 188a

    dang / mtshungs pa ral pa'i cod pan/ lang tshogasar ba rnam pa sna tshogs na bzas brgyan pa/ rdo rje skyil mo krung gis bzhugs pa/ phyag gnyis po dag gis sna tshogs rdo rje dang sna tshogs rdo rjes mtshan pa'i dril bu 'dzin cing rang gsal ba'i lha mo snang ba la 'khyud pas rnam par gnas pa dpa' zhing sgeg pa'i nyams dang ldan pa'o// shar gyi 'dab mar rdo rje dkar po dang / sa bon las byung ba'i zhi ba ma/ sku mdog dkar mo'o// lho'i 'dab mar rdo rje sngon po dang sa bon las byung ba'i thar pa ma sku mdog sngon mo'o// nub kyi 'dab mar rdo rje dmar po dang / sa bon las byung ba'i shin tu mnyam masku mdog pad+ma rA ga lta bu'o// byang gi 'dab mar rdo rje ljang gu dang sa bon las byung ba'i mi mnyam ma su mdog marka ta lta bu'o// de ltar lha mo bzhi po lang tshogasar pa/ dpa' bo dang sgeg pa'i nyams can// rin po che'i cod pan can rnams sna tshogs pa'i na bzas brgyan pa rgod pa dang bcas pa'i bcom ldan 'das la zur gyis blta ba/ phyag g.yas pa rnams kyis kha dog dang mtshungs pa'i rdo rje rtse lnga pa 'dzin pa/ g.yon pa rnams kyis 'khor lo dang / ut+pal dmar po dang pad+ma dang / ut+pal sngon po 'dzin pa sems dpa'i skyil mo krung gis bzhugs pa'o// de'i rjes la bcom ldan 'das dang lha mo snang ba'i nu ma'i bar du zla ba dang sna tshogs rdo rje'i lte bar zla ba la hU~M yig sngon po 'od zer gyi phreng ba can bltas te/ oM d+har+m+ma d+ha tu swa b+hA ba/ At+ma ko haM zhes bya bas byin gyis brlab par bya'o// ma go dang mgrin pa dang snying ga'i zla ba rnams la rab bsngags dang / aHyig dang / yang hUM yig dkar po dang dmar po dang nag po rnams bsams la sngags kyis byin gyis brlab par bya ste/ oM sarba ta thA gi ta kA ya badz+ra swab+hA

  26. 188b

    ba At+ma ko haM/ oM sarba ta thA gi ta bA ga badz+ra swa b+hA ba At+ma ko he/ oM sarba ta thA ga te tsit+ta badz+ra swa b+hA ba At+ma ko haM zhes bya'o// lha mo bzhi po rnams kyi nu ma'i bar du zla ba la gnas pa'i kha dog dang mtshungs pa'i rdo rje rtse lnga pa dang / lte bar gnas pa rnams la rang gi sa bon no// mgo bo dang mgrin pa dang / snying ka'i zla ba rnams la rab bsngags la sogs pa blta'o// de nas lha thams cad kyi sku dang gsung dang thugs rnams kyi de kho na nyid ji lta ba bzhin du nam mkha' dang mnyam pa ste/ rnam pa ji lta ba bzhin du med pa'i phyir skye ba med pa dang / rang bzhin med par nges par byas shing / tshigs su gcad pas byin gyis brlab par bya ste/ sku mi 'gyur ba skye ba med// gsung dang thugs ni mtshan nyid med// nam mkha'i rdo rje rtag par 'gyur// brdzun pa bsdus pa bsdus pa'o zhes bya'o// de nas rang rang gi sa bon gyi 'od zer phyogs bcur song ba rnams kyis ye shes kyi dkyil 'khor bkug pa mdun gyi bar snad du bzhag la rang gi sngags bzlas pas yon chab dbul zhing dzaHhU~M baM hoHzhes pa rnams kyis ye shes kyi dkyil 'khor dgug pa dang / gzhug pa dang / bcing ba dang dgyes par byas pa dam tshig la gzhug pa dang bcing ba dang / dgyes par byas la dam tshig gi dkyil 'khor des lhan cig ro mnyam par gyur par blta'o// de nas snying ga'i sngags kyi 'od zer gyis de bzhin gshegs pa spyan drangs la ye shes kyi chus gang ba'i rin po che'i bum pa bsnams pa rnams kyis bdag dang dkyil 'khor ba rnams la dbang bskur bar mos par bya'o// chu rdzogs pa ni lha rnams kyi dbu rgyan la rigs kyi de bzhin gshegs pa blta'o// de la rang gi rig pa'i cod pan can gyi steng du bcom ldan 'das mi bskyod pa in+d+ra nI la lta bu la sa la reg pa'i phyag

  27. 189a

    rgyas bzhugs pa'o// dpral ba'i steng du rnam par snang mdzad zla ba lta bu byang chub mchog gi phyag rgyas bzhugs pa'o// rna ba g.yas pa'i steng du rin chen 'byung ldan gser gyi mdog can mchog sbyin gyi phyag rgyas bzhugs pa'o// mgrin pa'i rgyab kyi steng du snang ba mtha' yas pad+ma rA ka lA bu ting nge 'dzin gyi phyag rgyas bzhugs pa'o// rna ba g.yon pa'i steng du dan yod grub pa pad+ma rA ga lta bu'i mi 'jigs pa'i phyag rgyas bzhugs pa'o// de ltar lha mo snang ba'i yang ngo // lha mo bzhi po'i rin po che'i cod pan gyi steng du go rim bzhin du rnam par snang mdzad dang / mi bskyod pa dang snang ba mtha' yas dang don yod grub pa'o// de nas snying ga'i sngags kyi 'od zer las byung ba'i lha ma spras pa'i sbyor bas nam mkha'i ngos khyab pa rnams kyis bcom ldan 'das 'khor dang bcas po mchod par bya'o// de nas gsang ba'i mchod pa dang dpa' bo lnga'i mchod pa cho ga dang ldan pas yang dag par mchod par bya ste/ oM sarba ta thA ga tu pU dza badz+ra swa b+hA ba At+ma ko haM zhes bya bas byin gyis brlab par bya'o// de nas tshigs su bcad pa gsum gyis lha mo bzhi'i zhal nas bcom ldan 'das la bstod pa/ sangs rgyas lnga'i dbu brgyan bsten// gang gi srid gsum snying po ste// dang po sangs rgyas bcos rang bzhin// de'i spyad pa mkha' dang mnyam// sangs rgyas lnga'i dbu rgyan yang // gang gi chos rnams rang bzhin nyid// rdo rje sems dpa' la rab 'dud// srid gsum chos rnams nus pa yi// rdo rje sems la 'dud byed pa// bsod nams kyang yin mtha' yas so// rdo rje sems dpa' la rab 'dud// thob bya'i chos kyi chen po nyid// de nas mchog gi bde ba yang dag par gtang bas bdag dang dkyil 'khor ji srid 'dod pa bsgom par

  28. 189b

    bya'o// de nas snying ga'i sngags kyi 'od zer gyi gong nas de bzhin gshegs pa thams cad spros pas 'gro ba rnams de'i bdag nyid du byas shing sems kyi sna tshogs pa de bsam par bya'o// yang de rnams bsrud te sems gcig gi rang bzhin du blta'o// rgyud 'dir ting nge 'dzin gsum gyi tha snyad med cing 'dir ting nge 'dzin dkyil 'khor rgyal po mchog ces bya ba nyid do// bsgoms pas skyo bar gyur na sngags bzlas par bya ste/ sna tshogs rdo rje'i lte ba'i nang du song ba snying po'i sngags hUM/ nye ba'i snying po'i sngags a nu rA ga snying po'am/ gnyis ka'i a nu rA ga ya mi hU~M ma/ oM ma hA su kha badz+ra satwa dzaHhU~M baM ho/ su rata s+t+waM zhes bya ba'i yi ge bcu bdun pa 'am/ gzhan ji snyed pa'i sngags dang rig pa la sogs pa bzlas par bya'o// de nas mdor bsdus pa'i tshigs su bcad pa gnyis kyi smon lam gdab par bya ste/ sangs rgyas thams cad bdog pa kun// rdo rje 'dzin pa chen po'i gnas// dge ba 'di yi sa thob gyur cig/ 'gro bas kyang ni de thob shog/ rdzogs pa'i byang chub gang spyod dang // rdzogs sangs rgyas kyis gang yin pa// byang chub rdo rjes gang bsngags pa'i// spyod pa de dang bdag ldan shog/ de nas rang gi snying ga'i 'od zer gyis dam tshig gi dkyil 'khor bkug la der nub par bsgom par bya'o// de nas langs pa na bdag nyid rang gi lha'i nga rgyal dang 'byung ba chen po bzhi pa ji ltar bde bar gnas par bya'o// 'di'i bsgom pa ni mthun mtshams dang po'o// mtshams gzhan du skad cig la bdag nyid reg ma dang bcas pa'i rang gi lha'i ngo bor thams cad rdzogs par dmigs par byas la rang gi snying ga'i sngags la rim pas lha mo bzhi phyung la gnas ji lta ba bzhin du gzhag par bya'o// sku gsung thugs kyi byin

  29. 190a

    gyis brlab pa la sogs pa thams cad snga ma bzhin du bya'o// de ltar thun tha ma la ye shes kyi dkyil 'khor yang dag par mchod cing / yon chab phul la oM badz+ra muHzhes bya ba 'dis gshegs su gsol bar bya'o// bdag nyid bsrung ba byas la dam tshig gi dkyil 'khor rang gi sngags su nub par gyur par bsgom par bya'o// gnyis kyi dus su snang ba med pa mtha' yas pa'i ye shes sngon du byas la nyal bar bya zhing lha mo bzhi'i glus bskul bas gnyid las langs par bya'o// de ltar nyi ma re re bya ba ni ji srid dngos grub kyi mtshan ma mthong ba de srid ces bya'o// thugs gtsor byed pa'i dkyil 'khor ni thugs kyi dkyil 'khor te/ de ston par byed pa'i le'u'o// // nam mkha' dang mnyam pa'i rgyud kyi 'grel pa nam mkha' dang mnyam pa las thugs kyi dkyil 'khor gyi le'u ste gnyis pa'o// // gsung gi dkyil 'khor bshad par bya ste/ gsung ni shes rab yin zhing thugs ni thabs te/ thabs dang shes rab gnyis su med pa'i ngo bo ni gsung gi dkyil 'khor ro// de yang shes rab gtsor gyur pa de'i phyir/ lha ma snang ba'i skabs dbye ba gsungs pa/ gnyis skyes zhes bya ba la sogs pa la/ gnyis skyes ni bram ze'o// de rnams dang gtum mo rang bzhin mtshungs te/ rnam par shes pa tsam gyi rang bzhin da de rnams thadad par byed pa'i rnam pa med pa nyid phyir ro// dpe 'dis sangs rgyas kyis gsungs pa'i chos rnams kyi rang bzhin te/ rang bzhin gsal btsam nyid ni nam mkha' dang mnyam pa'// dngos po rnams kyi rang bzhin ni du ma dang gcig gi rang bzhin snang bas grub pa la mi gsal ba'i bdag nyid la snang ba mi rung ba ma yin nam/ de ji ltar gcig pa nyid du brjod par bya zhing sna tshogs par brjod par mi bya zhe na/ gcig

  30. 190b

    ces bya ba la sogs pa gsungs te/ gcig gi rang bzhin ni sems tsam nyid do// de'i yod par gnas pa ni/ don dam pa nyid kyi phyir ro// du ma ni ma yin te/ brtags pa'i phyir ro// rdo rje 'dzin gyis gsungs pa/ mtshungs pa'i rang bzhin ni des yin no// dpe gzhan bram ze zhes bya ba la sogs pa gsungs te/ khyi dang bram ze gcig pa'i rang bzhin no// rus pa dang cha lugs kyi lag gdub dang / na rgyan la sogs pa sgyu ma ste/ yang dag pa ma yin pa'i phyir ro// rdo rje'i go 'phang zhes bya ba ni rdo rje'i go 'phang brtan pa'i ngo bo sems tsam nyid do// der bram ze dang khyi la sogs pa bden te don dam par ro// / yang de la mtshungs pa'i rang bzhin gang gis mthong zhe na/ ras mthong zhes bya ba gsungs te/ ngas mthong ba'o// dpe gzhan gsang ba zhes bya ba la sogs pa gsungs te/ lha mo ni lha mo snang bas so// de zhes bya ba ni de'i gcig pa'i rang bzhin gyis so// sbyor ba'i rang bzhin zhes bya ba ni sbyor ba ni ting nge 'dzin to// der zhes bya ba ni rnal 'byor der ro// thams cad khyod ces bya ba ni thams cad nyid de/ lha mo bzhi zhes bya ba'i tha tshig go/ rdo rje sems dpa'i dngos pos gcig gi rang bzhin yin la/ brgyan pa ni rab tu bsgom par bya ba dang / yang dag par ston par byed pa'o// bstan pa ni sgra yis te/ sku gcig gis zhes bya ba'i don to// mtshungs pa zhes bya ba la sogs pa la/ mtshungs pa'i rang bzhin ni phyed zhu ba nyid kyi phyir ro// gcig yid ni gcig gis sngags so rdo rje rnam spangs ni rdo rje sems dpa' rnam par spangs pa'o// 'gro ba gcig ni gcig pu nyid do// gal te ya ba dang yum dag gar song zhe na/ der zhes bya ba la sogs pa gsungs te/ chos zhu zhing zhig pa der zhe sdang dang de'i rang bzhin dag ni mi

  31. 191a

    la sogs pa la/ rdo rje bu mo zhes bya ba la sogs pa ni rdo rje'i btsun mo ste/ lha ma snang ba ma'o// der zhes bya ba ni chos rab tu bsgom par ro// steng bar ni rnal 'byor ma'o// rdo rje ni rdo rje 'dzin pa'o// gcig ki rang bzhin ni sku gcig pa ste de nyid dang ldan pa dang snang ba nyid kyis g.yon gyi phyed gang ba'i phyir ro// gang gi dus su 'byung ba yin zhe na/ rdo rje zhes bya ba la sogs pa gsungs te rdo rje ni chos zhu ba'i'o// sgrabaklag pa ni lha mo bzhi'i glu 'dis so// bsngags pa ni bstod pa byas pa ji srid de srid du de'i rjes thogs nyid du'o// cig chos rab tu bsgom pa zhes bya ba la 'jug gam/ de ni bskul ba'i lha mo bzhi po gar song zhe na/ lha'i zhes bya ba la sogs pa gsungs te/ lha ni rdo rje sems dpa'o// g.yon pa'i phyed ni lha mo snang ba ma'i cha yis gcig gi rnam par mthong zhes bya ba'i tha tshig go/ rdo rje sems dpa' bdag gis bsgom par bya ba ma yin nam/ 'dir yang lha gzhan bud med kyang ma yin skyes pa yang ma yin no zhe na/ rdo rje sems dpa' zhes bya ba la sogs pa gsungs te/ rdo rje sems dpa' nyid de yin no// bstod pa ni bsgom bar bya'o// tshigs tshad mar byed pa ni pa'i'o// gang gi phyir yang bcom ldan de nyid do zhes bya bar dgongs so// 'di skad du gsungs bla na med pa rnam pa bdun la sogs pa'i rim pas nam mkha' dang mnyam pa'i byang chub kyi sems mngon du byas la/ oM yig gis stong gsum gyi tshad kyi sku bcom ldan 'das matsun dra bsam par bya'o// de'i pad+ma'i lte bar rnam par snang mdzad yongs su gyur pa las skyes pa'i gzhal

  32. 191b

    yas khang bsgom par bya'o// de'i dbus su pad+ma dmar po 'dab ma brgyad pa'i lte bar nyi ma'i dkyil 'khor la bcom ldan 'das mi bskyod pa/ rang snang ba'i rig mas yang dag par 'khyud par bsam par bya'o// sangs rgyas thams cad bcug cing zhu bas pad+ma'i nang du song nas snang ba de nyid kyis thabs dang shes rab zhu zhing ro mnyam par gyur par blta'o// lha mo bzhi'i glu bzhis bskul bas chos zhu ba yang dag par bsdus te/ zla ba'i dkyil 'khor la dbus su 'byung ba hU~M yi ga dmar po las skyes pa/ sna tshogs rdo rje dang de'i lte bar sa bon bsam mo// de yongs su gyur pa las bcom ldan 'das g.yas pa'i byed kyis lha mo snang ba ma'i gzugs 'dzin pa pad+ma rA ga lta bu g.yon gyi phyed la nu ma 'bur ba dang / g.yon gyi dpral bar skra 'khyil bas brgyan pa ral pa'i thor tshugs can rnam pa sna tshogs pas brgyan pa'i na bza' dang sgeg pa'i nyams dang ldan pa bsam mo// lha mo bzhi po de nyid kyi g.yon gyi phyed du zhugs shing ro gcig par gyur par bsam mo// lhag ma rnams sangs rgyas lnga'i dbu rgyan la sogs pa ci rigs par snga ma bzhin no// gsung gi dkyil 'khor ston par byed pa'i le'u la de skad ces bya'o// nam mkha' dang mnyam pa'i rgyud kyi 'grel pa nam mkha' dang mnyam pa las gsung gi dkyil 'khor gyi le'u ste gsum pa'o// // sku'i dkyil 'khor bshad par bya ste/ de la lus kyi sa lus rgyas par byed pas mchog gi dam tshig ni/ glang po zhes bya ba la sogs pa gsungs te/ mkha' mnyam rang bzhin zhes bya ba ni rdo rje sems dpa'i rnal 'byor dang ldan pas so// yo gi sa zhes bya ba ni kye rnal 'byor pas so// bsgoms sems ldan pas ni rtse gcig pa'i yid do// rtse gcig yid ni rdo rje 'dzin par

  33. 192a

    gcig pa'i yid des 'grub pa'o// gzugs dang mtshungs pa zhes bya ba ni rdo rje sems dpa'i gzugs kyi rnam pa'o// la la gzugs dang mnyam pa zhes zer te/ de la don ni gzugs thun mong bas zhes bya'o// de nas lha mo zhi ba mas tshigs su bcad pa bzhis de bzhin nyid gsungs te/ de bzhin nyid kyi rang bzhin yin pa'i phyir ro// gyis zhes bya ba gyis shig pa'o// de ltar zhes bya/ ba ni de bzhin du ste/ ji ltar bshad par bya ba bzhin du'o// chos mnyam zhes bya ba ni chos mtshungs pa'o// shes pa zhes bya ba ni yang dag par te/ yang dag par shes pa'o// mang po yin yang gcig gi/ tshig tu byas pa'o// de ltar rnam spyad pa zhes bya ba ni de ltar rnam par spyod cing nges pa'o// lha 'di zhes bya ba rdo rje sems dpa'o// rnam par snang mdzad ni rtag pa'o// lha mo rnam pa lnga ste// de rnams dang bzhin gcig pa'o// mi bskyod pa zhes brjod par bya ba ma yin nam/ rnam par snang mdzad ni ma yin no zhe na/ mtshungs pa zhes bya ba la sogs pa gsungs te/ sems mnyam pa'i rnal 'byor pas ro// gcig pa'i chos kyi sku 'grub pa'o// de lta bas na 'dir ni ma yin te/ sems dpa' las ni mi bskyod pa las so// bsgom pa ni skye ba'o// 'o na gang yin zhe na/ rnam par snang mdzad las te/ rab tu grub pa'i nges pa'i chas mnyam pa nyid gsal bar byed pa'i phyir ro// de nas rnam par snang mdzod las skyes pa la yon tan ci yod ce na/ sku'i dkyil 'khor nyid do// mjug bsdu ba ni rdo rje sems dpa' zhes bya ba la sogs pa gsungs te/ 'di rnams gcig gi rang bzhin du bsam bya'o// ji ltar bya zhe na/ snga ma bzhin de tsun dA'i pad+ma'i lte bar rnam par snang mdzad las te/ gyur pa las

  34. 192b

    gzhal ya sa khang gi dbus su pad+ma'i gdan la rnam par snang mdzad dang / de'i snang ba dag gi bde ba las byung ba dang de dag zhu ba'o// bzhengs pa'i lha mo bzhis zhu ba'i rjes thogs la zhu ba mkhregs pa'i de lta mod kyi rnal 'byor gnas kyi don ci yin zhe na/ btsun dA zhes bya ba la sogs pa gsungs te/ dngos po ni gang chos rnams thams cad kyi'o// rang bzhin ni ngo bo ste stong pa nyid yin la/ de ni btsun dA'o// der rdo rje sems dpa' ci byed ce na/ der zhes gsungs te/ rnal 'byor gyi gnas su'o// gzugs ldan gyi sku dang bcas pa yin pa'o// mthong ba gcig gi rang bzhin ni dngos po rnams kyi'o// bsgom zhes bya ba ni sgom par byed pa ste/ rnam par snang mdzad dang rtag pa'o// lha mo rnams kyi zhes bya ba ni lha mo rnams so// bden pa ni bden pa rdo rje can no// de'i skye ba ni sku yis skye zhing sku'i rtag pa nyid do// de'i phyir de nyid bskyed pa bstan par bya'o// ji ltar yin zhe na 'di zhes bya ba la sogs pa gsungs te/ 'di zhes bya ba ni rnal 'byor pas so// zla ba'i dkyil 'khor dbus gnas/ pa zhes bya ba naM/ chos zhu ba bsdus pa las skyes pa zla ba'i dkyil 'khor gyi dbus su gnas pa'o// rdo rje ni rdo rje 'dzin pa'i sngags kyi sa bon hUM yig dkar po'o// rdo rje rnam bsgom gcig yid kyis zhes pa ni sngags des so// rtse gsum zhes bya ba ni// phyogs re rer rtse gsum ste/ rtse mo bcu gnyis zhes bya ba'i tha tshig go/ 'bar ba zhes bya ba ni 'bar ba las so// dbus gnas pa

  35. 193a

    zhes bya ba ni dbus su gnas par byed pa'o// rdo rje'i rang bzhin zhes bya ba ni rdo rje 'dzin pa'i sku'o// de ltar bdag gis zhes bya ba ni de ltar nga yis so// rdo rje'i gzhung ni rdo rje 'dzin pas bskyed pa'o// chos zhes bya ba ni chos rnams kyi'o// nam mkha' dang mnyam pa'i rgyud kyi rgya cher 'grel pa/ nam mkha' dang mnyam pa las sku'i dkyil 'khor gyi le'u ste bzhi pa'o// / chos kyi sku nyid las lha bskyed pa ma yin nam ci'i phyir sngags kyis yin zhe na dngos med ces bya ba la sogs pa gsungs te/ dngos med ni rnam par mi rtog pa'i ting nge 'dzin to// dngos po ni lus so// bsgom pa min pa ni brjod pa med pa'o// rmi lam las kyang sad par byed pa skye ba med pa nyid rnam par rtog pa la mi rgyug pa de bzhin du/ chos kyi sku las kyang lha bskyed pa ni sngags dang bral bsam yin no// khyod ces bya ba ni bud med la bod pa'o// bsgom par bya ba dang / ros par spyod par bya ba ste/ bsgom bya ba ni sngags so// de ltar zhes bya ba ni de bzhin te/ sngags zhes bya ba'i don to// chos la spyod pa zhes bya ni/ chos la nges par spyod par byed pa'o// sems las zhes bya ba ni sngags kyis bar du chod pa'i rnam par mi rtog pa las so// bsgom pa ni lus so// sems la dngos la zhes bya ba la sogs pas ni/ rig pa gzhan smras pa/ sems las zhes bya ba ni spros pa med pa las so// dngos la ni lus kyi'o// gzhung lugs med pa ni thar pa'o// de ni zhes bya ba ni rgyu de yis so// bsgom par bya ba ni sngags so// med pa gang yin zhe na/ dngos po'i zhes bya ba la sogs pa gsungs te/ dngos po ni lus so// de'i rang bzhin ni sems kyi'o// gzhung

  36. 193b

    lugs min pa ni thar pa dang / 'gal ba'i phyir ro// rigs pa ji lta bu zhe na/ gang sems kyi nam mkha' dang mnyam pa'i rang bzhin rnam par shes pa rnams kyi gnas dang lus dang longs spyod du snang ba med cing sa bon dang bcas par yongs su zad pa'i phyir dang / tshogs bsags pa'i shugs kyis so// gal te de yang de nyid lus can du gyur pa yin nam zhe na/ sems kyi zhes bya ba la sogs/ pa gsungs te/ grol bar byed pa'i sems kyi khyad par gyis dag cing phyir mi ldog par par zad pa'o// gang las zhes snga ma bzhin te/ snga ma ji lta ba bzhin no// grol ba'i sngon du 'khrul pa dang / 'khrul pa'i rgyu mtshan snang ba yod pas so// de nas ci yin zhe na/ ji ltar zhes bya ba la sogs pa gsungs te/ ji ltar de'i lus la sogs pa'i phyir mi ldog par zad pa sgom par byed pa ma yin nam zhe na/ ma yin te 'gal ba'i phyir ro// de lta mod kyi sems rnam pa rang bzhin du yod la/ de lta bas na sems rnam par dag pa yang lus kyi rnam par skye'o// 'dir 'grub par zhes bya ba la sogs pa gsungs te/ de yang dngos med ces bya ba ni de yang lus med pa'o// tshul ni don dam pa'o// mi 'grub pa ni phyi rol dang sems kyi bdag nyid kyi ste/ gcig dang du ma'i rang bzhin dang bral ba'i phyir ro// de lta bas na sems ni nam mkha'i rang bzhin nyid de rnam pa brdzun pa nyid kyi phyir ro// brdzun par snang ba yang 'khrul pa yin grol ba'i sems la 'khrul pa yod pa ma yin no zhes bya ba'o// de'i lus gang zhe na/ de'i/ phyir zhu ba chos kyi sku las gzhan nyid de'i sgyu mthun par gyur pa rnam par shes pa lus la sogs par snang ba skyes shing rang gi rnam pa brdzun pa nyid kyis bdag nyid kyang sgyu ma lta bur yongs su gcod pa zhes

  37. 194a

    bya bar dgongs so// mjug bsdu ba ni dbus su zhes bya ba la sogs pa gsungs te/ rnam par mi rtog pa las rnam par rtog pa'o// de lta bas na lus zhes bya ba ste rigs pa 'disas// dbus ni bar drug/ go 'brang nis ban gyi sngags la dpyad pa'o// de ltar sngags kyis bar du tshad pa'i sems las rnam par rtag pa bskam par byed pa ste lus sa// de la na rdo rje sems dpa' bskyed par bya ste/ thugs kyi dkyil 'khor la sogs pa sna tshogs pa'i rang bzhin no// sems can thams cad yongs bsgom bya// byas nas thar pa'i rang bzhin no zhes gsungs pa ni yang thar pa ste/ sems tsam du ro gcig pa'o// de yang ji lta bu zhig bsgom par bya zhe na/ gsal zhing zhes bya ba la sogs pa gsungs te/ gsal ba ni rang bzhin gyis dag pas so// dri ma med pa ni glo bur gyi dri ma zad pas so// chu dang chos mthun pas chu ste/ shin tu spungs pa'i bde ba zhu ba zhes bya ba'i don to// de la zhes pa ni rdo rje sems dpa' bskyed pa der ro// myur ba ni myur bar ro// bsgom zhes bya ba ni bsgom de ste/ des lus byas pa'o// der ngas zhes bya ba ni bdog gi der ro// smras pa gang las 'das pa ni bstan par bya ba ma yin par bstan pa'o// rdo rje 'dzin pa zhes bya ba la sogs pas dam tshig bstan pa ste dngos zhes bya ba ni rang gi lus so// der zhes bya ba ni der yin pa'o// rdo rje'i chu ni chang ngo // de ltar na rang bzhin zhes bya ba ni byang chub sems kyi rang bzhin no// sems kyi rang bzhin zhes bya ba ni rdo rje sems dpa'i rnal 'byor la gnas pa'o// chos zhes bya ba la sogs pa la chos dang dge 'dun rdo rje chu'o// 'di rnams kyi ni mtshungs rang bzhin/ rdo rje'i chu ni byang chub kyi sems so// de nyid/

  38. 194b

    chos te 'phags pa'i lam yin pa'i phyir ro// de nyid dge 'dun te/ 'phags pa'i gang zag thams cad sdud par byed pa'i phyir ro// zhag la sogs pa mtshungs pa'i rang bzhin byang chub kyi sems nyid de/ rab tu gsal ba tsam nyid kyi phyir dang / chos rnams kyi rnam pa brdzun pa nyid kyi phyir ro// kye lha mo bsgom par bya ba ni goms pa 'am/ bsam pa ste rnam 'byor pa rnams kyis zhes bya ba lhag ma'o// bza' dang ston mo mal stan la sogs de rnams thams cad ces bya ba la 'di rnams thams cad kyi'o// gang zhig ting nge 'dzin du gsungs pa ni chos zhu ba las byung ba thugs kyis dkyil 'khor la sogs pa'o// de ltar rang bzhin rnam gcig gi rang bzhin gang yin pa ste/ byang chub kyi sems so// de bas na bskyed pa'i gzugs rdo rje sems dpa' 'di ji ltar blta bar bya zhe na sangs rgyas zhes bya ba la sogs pa gsungs te/ sangs rgyas zhes bya ba ni rtog pa nyid kyis thams cad mkhyen pas so// gsum pa sku dang gsung dang thugs kyi ngo bo'i rang bzhin de yod pa de la de skad ces bya'o// byed pa ni lta ba'o// don dam pa nyid ji lta bu zhe na/ chos kun dngos med de nam mkha' dang mnyam pa'i ye shes/ rang bzhin ni rang gi ngo bo yod pa de la de skad ces bya ste/ rnam pa dang bcas pa med pa nyid kyi phyir ro// zhes bya bar dgongs so// rdo rje can ni rdo rje 'dzin pa'o// des sgyu ma'i rang bzhin nyid du gsungs te/ de ltar yongs su gcod pa'i phyir ro// mkha' mnyam yin te/ gzugs bcas snang ba na gang gi/ phyir rnam mkha' dang mnyam pa las gzugs can du rab tu snang bar// gzhan dge na gang pa ban pa med ci / pagasas pa yinan zhes zer zhi sgyu ma'i zhes byab la sogs pas 'bras du

  39. 195a

    gsungs pa chos kyi dang bzhin dang sgyu ma'i rang bzhin dpyad pas so// rdo rje ni chos kyi sku'o// bya ba ni sngar gyi tshogs kyis 'jug pa ste/ de nges par thob pa'i phyed du'o// phyin ci log gi nges pa yod pa zhes bya ba la sogs pa gsungs te/ yod pa ni gzugs la sogs pa'i rang bzhin gang 'dod pa de ni yod pa'i rang bzhin no// de'i med pa'i cha la ni chos kyi sku'o// des na 'di sems nyid du 'dod na/ de'i yang thugs kyi snying po 'di la gnas te rig pa'o// gang gi phyir sgyu ma lta bu nyid rnam pa brdzun pa'i phyir spro ba dang bsdu ba'i dbang du byas te/ de lta'i zhes bya ba la sogs pa gsungs te/ sems ni ri rab hU~M dang mnyam par byed pa ni mtho ba dang rgya che ba dang / rab tu gsal ba rnams kyis so// rgya che ba ma yin pa dang / mtho ba ma yin pa dang mi gsal ba ni rnam par g.yeng bar thal bar 'gyur ba'i phyir ro// mun pa ma yin pa ni mun pa dang gnyis su thal bar 'gyur ba'i phyir ro// de nas de'i sems bskyed par bya ste/ sangs rgyas dag pa zhes bya ba ni sangs rgyas kyi dag pa nyid 'ba' zhig ste/ de bzhin gshegs pa thams cad spros pas khyab pa'i phyir ro// de nas sems skyo bar gyur na de sngags pas bsdu'o// de bzhin gshegs pa thams cad bsdus nas rdo rje 'dzin pa'i rang bzhin rang gi sems dpyod par byed pa'o// bsdus pa der sngags pas dran par bya zhing bsam par bya'o// phyis ri rab dang mnyam par 'bar ba ni snang ba gong bu'i gzugs kyis te/ der snang ba ni phung pos so// rdo rje sems dpa'i sku'i ngo bos de la g.yo ba ni/ de'i sku bye ba brgya phrag stong gi gang ba'i phyir ro// phyi nas yang spos nam mkha'i ngo bo ni// rdo rje 'dzin pa'i sku rnams kyi rim

  40. 195b

    pas bsdus pa'i phyir ro// de ltar spro dang bsdu ba'i rang bzhin no zhes bya ba ni mjug bsdus pa'o// de bzhin gshegs pa bsdus pa las de bzhin gshegs pa nyid spro bar rigs so zhe na/ 'grub pa zhes bya ba la sogs pa gsungs te/ rdo rje sems dpa' 'grub pa ni sems de la'o// ro mnyam pa ni de bzhin gshegs pa thams cad bsdus pas so// de bas na spro ba dang bskyed pa yang rdo rje 'dzin pas so// spo ba'i dus bstan pa ni sngags pas zhes bya ba la sogs pa gsungs te/ brtan pa la spro bar bya ba ni rnal 'byor pas so// mi brtan nyid las spro ba min zhes bya ba ni mi brtan pa las 'dis spros na/ 'bras bu med cing 'khrugs pa med// 'bras bu thob pa med cing 'khrugs pa yin no zhes bya ba'i don to// rgyud 'dir dngos grub thob par sla ba zhes bya ba gsal bya ba'i phyir/ tshigs su bcad pa drug gsungs pa/ thams cad ces bya ba la sogs pa la thams cad bden pa ni sgra ji lta ba bzhin du nga yis gsungs pa ste/ 'dir zhes bya ba lhag ma'o// dngos grub ni rang bzhin gyi dngos grub kyi phyir ro// theg pa ni byang chub kyi lam mo// ngo bor ldan pa ni de kho na nyid dang ldan pa'o// rang bzhin gyis grub pa ni 'dir theg pa yin na/ bdag gi sems 'di dri ma can yin no zhe na/ sems zhes bya ba la sogs pa gsungs te/ sems sun ma byung mkha' mnyam pa ni rang bzhin gyis dag pa'i phyir ro// mnyam pa ni de'i rang bzhin mi 'gyur ba'i phyir ro// ji ltar yin zhe na gang zhig dri ma cis kyang gos pa med bya ba gsung// te dri ma rnams kyis so// de'i rang bzhin ni glo bur ba yin pa'i phyir nam mkha' la du ba dang / mun pa dang sprin dang khrag rna bzhin no// rnal 'byor pa zhes bya ba la sogs pas lha rnams kyi stobs gsungs pa/

  41. 196a

    kye rnal 'byor pas bcom ldan 'das ma 'di/ tsun dA dang po'i rang bzhin no// sangs rgyas thams cad skyes byed ma bsgom pas rdo rje yir ni 'gyur ba ste/ 'gyur ba ni 'gyur bar byed kyi skyesa'o// de nas pangs thus thams can rgyas par byed pa yin na rje 'dzin pas ci zhig tsun cen/ zhal lta la zhes bya ba la sogs pa gsungs te/ lce mo rnams ni lha nga pa ste/ rdo rje 'dzin pa dang gcig kho na'i rang bzhin no// de'i yang 'di rnams lta bur gyur pa'o// sangs rgyas rnams don ci yin zhe na/ rdo rje sems dpa' zhes bya ba gsungs te/ bcom ldan 'das sangs rgyas rnams nyid yin/ zhing / gtso bo dang snying po ste/ chos kyi sku'i rang bzhin yin pa'i phyir ro// de lta bas na de ni rtsa ba ste sangs rgyas rnams kyi sku gnyis bsdud par byed pa dang / thog ma dang tha ma med pa'i phyir chos kyi sku de nyid rtsa ba'o// de ni de ltar rdo rje 'dzin pas sdud par byed pa ste/ dus gsum gyis sangs rgyas rnams byin gyis brlab par byed ces byed pa ni lha rnams kyi stobs so// bsam pa'i stobs dang sngags kyi san med kyi ban pa zhes bye ba las gas pa gsangs te/ yid kyi ldan pa rnaM sems can pams la phan pa dang bde ba'i busam pa'o// de'i bags pa ni gsul pa gcig gi tshig gi brgyul ste/ de yis dngos grub nges pa'o// hU~M yig gis kyang phan par bya ba'i don du'o// de'i phyir skyil mo krung tha dad pa med pas rgyun mi 'chad par bdag nyid rnal 'byor goms par bya zhes bstan pa'i phyir/ snying gar zhes bya ba la sogs pa gsungs te/ bdag brlan pa dang / bdag rkang pa na ba zhes bya ba 'di brla dang rkang par rnam par rtog pa'o// don med pa'i ni 'bras bu'i bgegs yin pa'i phyir ro// yang na/

  42. 196b

    rmongs pa ste mi shes par rab tu skye ba'i phyir ro// de'i snying gar mi bya ste/ snying gar sbyor ba byed pa ma yin no// bgegs yod pa ma yin nam de las gang dngos grub yin zhe na/ rdo rje zhes bya ba la sogs pa gsungs te/ dbang po dang me dang / gshin rje dang / bden bral la sogs pa phyogs bcu'i 'byung po 'khor dang bcas pa bgegs byed pa ni 'jig rten gsum mo// de'i 'khor lo ni tshogs so// / rdo rje 'bar ba rnams kyis de bsal ba'o// snying ga'i rdo rje las byung ba spros shing 'bar ba rdo rje'i rnam pa'i 'od zer ni rdo rje'i 'od de/ de rnams kyis bsal ba ni spel bar byed pa'o// de lta bas na 'dir bgegs med cing rab tu skye ba zhes bya bar dgongs so// gal te khro bo'i lha'i rnal 'byor gyis bgegs rnams bcom zhing rgyal ba yin nam zhe na/ spro ba ste zhes bya ba la sogs pa gsungs te/ rnal 'byor pas sgronam mkha'i dkyil du ni// bye ba stong gis khro bo'i lha rnams so// rdo rje gcig gis rang bzhin gyis zhes bya ba la rdo rje 'dzin pa dang / tha mi dad par mos pas so// yang na yang dag bsdu bar nges pa ni de rnams rdo rje'i rang bzhin gyis so// 'dir yang nam mkha' dang mnyam pa'i rgyud kyi don gtso bo yin pa'i phyir de nyid bstan par bya ste/ de lta bas na de nyid mjug bsdu bar bya ba'i// / phyir sems kyi zhes bya ba la sogs pa gsungs te/ sems kyi rang bzhin ni de bzhin ni nyid do// de'i byang chub kyi tshul ni byang chub kyi de kho na nyid de/ dri ma rnams med pa'o// des na de rnams kyi zad// / pa dang de'i rang bzhin mi zad pa las byang chub thob par sla'o// byang chub ni mtha' yas pa'i sangs rgyas kyi chos rnams ma yin nam de ji ltar de kho na nyid yin zhe na/ byang chub kyang ni zhes bya ba la sogs

  43. 197a

    pa gsungs te/ byang chub kyi tshul gyi de kho na nyid sems kyi rang bzhin nyid de/ sems kyi de bzhin nyid do// de nyid sangs rgyas rnams kyi chos kyi sku ste/ sangs rgyas rnams kyi chos rnams kyi rten yin pa'i phyir ro// sangs rgyas kyi chos rnams ni ma yin te/ de rnams de'i rdzas yin zhing rang gi ni ma yin no// gal te de gnyis ka'i de bzhin nyid dang de kho na yin na de yang stong pa nyid gnyis med pa'o// dus thams cad du gnyis po med pa'i phyir shin tu med pa yin te/ ri bong gi rwa bzhin no// dngos po shin tu med pa ni rang bzhin yang ma yin no// de mngon sum du yod pa yang ma yin te/ mi gsal ba'i bdag nyid kyi phyir ro zhe na/ gnyis ka'i zhes bya ba la sogs pa gsungs te/ byang chub kyi sems dang byang chub ni gnyis ka'o// de dag gi rang bzhin ni de bzhin nyid do// de'i sems kyi tshul ni don dam pa ste/ gnyis dang bral ba'i sems nyid dang / gnyis kyis stong pa nyid do// gal te de lta na sems nyid stong pa nyid yin na/ sems ni dang po nyid nas 'khrul pa'o// de nyid de'i rang bzhin yin na byang chub 'khrul par 'gyur ro zhe na/ de ni mi rigs te bag chags dang bcas pa'i 'khrul pa thams cad yongs su spangs pa'i mtshan nyid kyi phyir byang chub bo zhes bya ba gsungs pa/ sems ni zhes bya ba la sogs pa la// gang gi phyir glo bur ba ni 'khrul pa'i rgyu mtshan bri ma'o// rang bzhin sems ni mkha' dang mnyam pa ste/ rnam pa med pa nyid kyi phyir res 'ga' nub pa yang res 'ga' med pa nyid du yongs su gcod pa'i phyir 'jig rten pa dang / 'jig rten las 'das pa dang / rjes la thob pa'i sems kyi gnas skabs rnams su go rim bzhin no//

  44. 197b

    gang gi phyir glo bur gyi dri ma de nyid spangs na byang chub thob par sla ba'o// de la glo bur gyi dri ma dag pa bsgrub par bya zhing rang bzhin gyis dag pa ni grub pa nyid do// rgyud gzhan rnams dang le'u gzhan rnams kyi don thun mong ba de gsal bar byed pa'i le'u'o// dpal dang ldan pa'i nam mkha' dang mnyam pa'i rgyud la bdag gi tshig gis mchod byas pas// bsod nams thob pa yongs su gyur pas ston ka'i zla ba'i zer bzhin 'od zer mdzes// sna tshogs don du nus pa yin te yon tan 'od zer gang la sbyor ba rnams// de yis myur bar rgyal ba rnams kyi nam mkha' dang mnyam mi mnyam tshangs par 'gro/ dpal nam mkha' dang mnyam pa'i rgyud kyi rgya cher 'grel pa nam mkha' mnyam pa las le'u lnga pa'o// // nam mkha' dang mnyam pa'i rgyud kyi rgya cher 'grel pa/ paN+Di ta chen po rin chen 'byung gnas zhi bas mdzad pa rdzogs so// rgya gar gyi paN+Di ta shU n+ya tA sa mA d+hi dang / lo tsa ba dge slong shes rab ye shes kyis bsgyur ba// / @#// dpal 'khor ma sdom pa'i mtshan ba rgya rtsa brgyad pa'i bstod pa bzhugs/ @#// rgya gar skad du/ shrI tsa kra sar+b+ba/ ra nA ma sha ta aSh+Ta ka na sto tra/ bod skad du/ dpal 'khor lo sdom pa'i mtshan brgya rtsa brgyad pa'i bstod pa// dpal rdo rje mkha' 'gro la phyag 'tshal lo// bskal pa'i me ltar 'bar ba'i 'jigs pa'i skur ldan pa// khros pas 'jigs mdzad mtsho skyes sngon po'i sku mdog bzhin// nyi ma'i dkyil 'khor steng bzhugs kha T+wAM ga dang ni// rdo rje bsnams shing oM oM yi ge dag pa yis// tshangs pa dang ni khyab 'jug/ drag po'i lha dag gi/ mgo rnams bcad mdzad nas ni dbul rnam brgyan pa// hU~M hUM phaT phaT Ta Ta yi ge 'khor ldan pa// mi yi seng ge zil mnan nas ni 'jigs mdzad pa// thugs rje chen pos sprul pa'i

Colophon

nam mkha' dang mnyam pa'i rgyud kyi rgya cher 'grel pa/_paN+Di ta chen po rin chen 'byung gnas zhes bas mdzad pa rdzogs so/_/rgya gar gyi paN+Di ta shU n+ya tA sa mA d+hi dang /_lo tsA ba dge slong shes rab ye shes kyis bsgyur ba/