F572MW1KG13607_0572rgyudAll versions of this work

'phags pa bu mang po ston pa zhes bya ba'i gzungs

Aryabahuputratisaranamadharani

Text

ff. 165a–166a · 3 folio sides

  1. 165a

    staM b+ha nam mo hanam pra mo hanan/ khyim bdag gang la la zhig/ bu mang po ston pa'i gzungs 'di skud pa dmar po la lan bdun sngags te/ lag pa g.yas pa'i sor mo gcig la bcings na/ de'i lus la dug dang / mtshon dang / nad dang / rims drag pos mi tshugs so// 'thab pa dang / 'chang 'bru ba dang / brtsod pa rnams kyis len theb mi 'gyur ro// bcom ldan 'das kyis de skad ces bka' stsal nas/ khyim bdag mgon med zas sbyin yi rangs te/ bcom ldan 'das kyis gsung pa la mngon par bstod do// // 'phags pa bu mang po ston pa zhes bya ba'i gzungs rdzogs so// / rgya gar skad du/ Ar+ya sarba karma a wa ra Na bi sho d+ha na nA ma d+ha ra ni/ bod skad du/ 'phags pa las kyi sgrib pa thams cad rnam par sbyong ba zhes bya ba'i gzungs/ de bzhin gshegs pa mi 'khrugs pa la phyag 'tshal lo// na mo rad+da tra ya yA/ o ka ka ni/ kaM ka ni/ ro tsa na/ ratsa naM/ troT naM/ tr-ita naM/ trA sa naM/ tra sa ne/ pra ti han pra ti han/ sarba karma ba ra ba rA ni ma swA hA// gzungs 'di'i cho ga 'di yin te/ rtag tu bzlas brjed byas na/ las gcig nas gcig tu brgyud pa thams

  2. 165b

    cad rnam par dag par 'gyur ro// dus gsum du bzlas brjod byas na/ mtshams med pa lnga byas pa byang bar 'gyur ro// lan gcig bzlas brjod byas na/ ltas ngan pa dang / rmi lam ngan pa dang / bkra mi shis pa rnams med par 'gyur ro// gang zhig snying rjes non te ri dgas dang / bya dang / mi dang / mi ma yin pa rnams kyang rung ste/ 'chi ba'i dus kyi tshe rna bug du brjod na/ de ngan song du 'gro bar mi 'gyur ro// shi te dus las 'das pa 'am/ shi 'phos te ming nas smos te/ de'i ched du byams pa dang snying rjes lan brgya 'am/ stong ngam/ 'bum brjod na/ sems can de sems can dmyal bar skyes su zin kyang / de'i mod la thar bar 'gyur ro// sa 'am til lam/ nyung dkar ram/ thal ba 'am/ chung yang rung ba la bzlas brjod byas te/ shi ba'i lus la gtor ram/ khrus byas te de'i 'og tu bsreg pa 'am/ yang na mchod rten gyi nang du bcug bzhag la/ rig sngags bris te mgo bo la btags na/ de ngan song du skyes pa yang gdon mi za bar thar te/ bde 'gro mtho ris kyi 'jig rten du skye bar 'gyur ro// yang na rang gi smon lam gyi dbang gis skye bar 'gyur ro// gang zhig zla ba nya ba'i tshe khrus byas la/ gtsang mar byas te/ dus gsum du gos brje zhing kha zas mi za ba 'am/ yang na kha zas dkar bag za zhing / sku gdung dang ldan pa'i mched

  3. 166a

    rten la bskor ba byed bzhin du/ gang gis ming nas phyung bas lan stong rtsa brgyad bzlas brjod byas na/ de ngan song las thar te/ gnas gtsang mi'i lha'i nang du skyes nas/ bsgrub pa po'i drung du 'ongs nas mchod pa byed cing lus kyang ston la/ legs so zhes bya ba byin nas/ lan gsum bskor ba byas nas mi snang bar 'gyur ro// de'i ming bris la gzungs sngags bzlas brjod byed cing / mchod rten brgya rtsa brgyad byas la gdugs dang / rgyal mtshan dang / ba dan la sogs pas legs par mchod nas/ rgya mtsho chen po 'am/ yang na chu lung du bor na/ de sems can dmyal ba la sogs pa nas thar bar 'gyur ro// yang na de ltar mchod rten 'jug gi lam gyi gzhi mdor/ mchod rten chen po byas te/ gdugs/ dang / rgyal mtshan dang / ba dan la sogs pas legs par mchod byas la/ 'phags pa'i dge 'dun la chos ston gsol yon yang phul te/ legs bar mchod nas/ 'di che ge mo zhes bya ba'i dge ba'i rtsa bar gyur cig ces kyang byas nas/ de kho na bzhin skyes nas lus kyang ston zhing / legs so zhes bya ba byin nas mi snang bar 'gyur ro// mtshams med pa lnga byed pa dang / dam pa'i chos spong ba dang / 'phags pa la bkur ba btab pa yang rung ste/

Colophon

'phags pa bu mang po ston pa zhes bya ba'i gzungs rdzogs so/