sngags kyi rgyan gyi sgrub thabs
Mantralaṅkarasādhana
Text
ff. 220a–221b · 4 folio sides
- 220a
kun// zhing mchog gtsang mar skye bar shog/ dbang gi 'bras bu smin gyur cig/ sems can las dang skal ldan nas// rdo rje 'chang chen zhal mthong shog/ de yi theg chen don rtogs te// mngon par rdzogs par sangs rgyas nas// thugs rje chen po'i byin rlabs kyis// sems can 'gro don byed par shog/ dpal gos sngon can gyi dkyil 'khor gyi cho ga/ slob dpon nA gA rdzu nas mdzad pa rdzogs so// // @// thams kyi rtsod kyi sgrub thabs rna brdzu nas mdzad ba bzhugs// @#// rgya gar skad du/ man+t+ra laM ka ra sA d+ha na/ bod skad du/ sngags kyi rgyan gyi sgrub thabs/ bcom ldan 'das thugs kyi rang bzhin phyag na rdo rje gtum po la phyag 'tshal lo// sngags rnams bdag po dpal ldan rdo rje car// sku gsum rang bzhin yon tan kun gyi mdzod// nyon mongs gdung brtsan sa zhi mdzad cing // dus gsum sangs rgyas rang bzhi gos sngon can// gsang ba'i bdag la dang bas phyag 'tshal lo// myur du grub par 'dod pa yi// de nyid sngags ni bshad par bya// gang zhig rnal 'byor pa yis ni// sngags la gtso cher byed pa yi// rigs bzang don dang ldan pa yis// yid dang mthun pa'i gnas dag tu// sngags kyi mi mthun kun spangs nas/ dben pa'i gnas su leg pa 'dug ste// sems sbyang lhag pa'i lhar gyur te// bsrung dang cho gas bsag stong par bsgom// de las rang gi sems nyid ni// yi ge hUM gi rnam pa la// b+h+rUM 'phro/ gzhal yas khang par gyur// de steng hU~M las cho ga gsum// de las dpal ldan gtum po'i gzugs// g.yas na rdo rje rtse lnga pa// g.yon pa bya khyung des par bsnams// sku mdog sngon po dpa'
- 220b
bo chas// g.yon brkyang g.yas bskum gdug pas brgyan// ye shes bstim dang byin brlabs nas// dbang bskur 'bras bu lnga dang ldan// de rjes sngags kyi bzlas pa bya// bdag dang gzhan gyi rnam pa yis// rags pa dang ni phra ba yis// shin tu phra ba'i rnam pa ste// sems dpa' sum brtsegs gzhal yas khang // gsal bar byed pa de nyid de// rnal 'byor tshul gyis yongs su/ bsgrub// 'dod chags dang ni zhe sdang dang // gti mug nga rgyal phrag dog dang // nyon mongs nye ba'i nyon mongs dang // sngags kyi dus su spang bar bya// gzugs dang sgra dang dri dang ro// de bzhin re// / bya la sogs dang // g.yeng bar gyur pa ma lus pa// sngags kyi dus su spang bar bya// skra re ba dang sgra chung dang // skyen pa dang ni bul ba dang // mi gsal yan lag nyams pa dang // gsang sngags bar du sgra zhugs dang // dmigs pa ma rdzogs 'jog pa dang // sngags kyi dus su spang bar bya// rjes kyi rnal 'byor ma lus par// dus dang grangs dang mtshan ma dang // ro dang dbang / bskur la sogs pa// sems dpa' sum brtsegs gsal ba yis// rang nyid thig le'i ngo bo yis// 'od zer la ni yig 'bru zhon// 'od dkar zhi ba'i tshul du bzlas// yang na 'od 'phros// sku gsum gyi// rang bzhin tshur 'dus gdug rtsub sbyong // yang na dmigs pa med pa la// 'phro dang 'du bar byed pa yin// 'od zer dkar dmar 'phro 'du yis// rnam smin la sogs bsreg cing sbyor// 'khor dang nye 'khor sum 'khor sogs// mtshan ma 'dod pa rnam pa lnga// gong du bsnyen pa'i don du gsungs// sum 'bum bdun dang bcu gnyis so// 'di yang
- 221a
grangs kyi tshad du gsungs// de yi grogs 'gyur bzlas pa ni// sdig pa dbyung dang bsreg pa dang // bkru ba'i don la dmigs pa ste// rags dang phra ba'i dbang dag tu// drug dang dgu ru shes par bya// sdig pa dbyung ba la sogs kyang // mi drug gzugs dang de bzhin du// yi ge gzugs dang 'od kyi gzugs// de dag dbyug gtor ba sreg cing bkru// dmigs/ pags ra snying bye brag gis// mgal me phreng ba nye ba'o// sngags kyi dngos grub 'dod dus su// tshegs dang gtir ma sAts+tsha dang // klog 'don dge ba skyob la sogs// 'di yang grogs su// 'gro ba yin// rjes kyi rnal 'byor tshul dang ldan// bsnyen sgrub chen po la sogs pa// yongs su bsgrub pas dngos grub 'byung // sku gsum ngo bo tshul la ni// 'od sgra sku dang 'gul dang ldeg/ khol dang gang dmigs de dbang 'gyur// 'di yang dngos kyi rtags su gsungs// gos sngon lus la gnas pa dang // dung 'bud pa dang chos rnams ston// stong gsum ma lus mthong ba dang // dbang bskur khrag sogs lus la mthun// me tog sngon po nyi zla shar// rmi lam dag tu byung ba na// 'di yang grub pa'i rtags su gsungs// de dag bzlas pa'i sngags gsungs pa// oM na mo nI lAMng ba ra d+ha ra badz+ra pA Ni hUM phaT/ oM rA dza ma hA ga ru Da hUM hUM hUM// bzlas lugs man ngag shes par bya'o// mig gi mngon shes bsgrub pa ni// sku gsung thugs kyi rnam pa la// ye shes 'phro 'du byin rlabs sdud// bsnyen pa stsol bas de bzhin bya// sna dang rna ba dbang po gzhan// gong la de bzhin sbyor shes bya'o// gang zhig 'phrin las rnam bzhi la// dang po// /
- 221b
bzhi par 'dod pa yis// kha dog dkar po 'phro 'du yis// rang gi sdig dang bag chags dang // gzhan gyi sdig rtsub zhi bar byed// tshe ring rigs rgyud longs spyod rnams// rgyas par 'dod pa 'od zer ser// bde gshegs 'od bskul rang lus kyi// rang bzhin tshe rnams rgyas par byed// dkar dmar khu ba'i 'phro 'du yis// 'jig rten rigs rgyud rgyas par byed// nor dang rdzas ni rgyas 'dod pas// rin chen bcud ni tshul du bsgrub// kha dog dmar po sbar ba yis// dmigs pa ma lus dbang du sngad// tshar bcad dus kyi sbyor ba ni// 'khor lo 'od zer skur gyur te// dgug cing tho ba la sogs pas// drag po'i mtshon cha thog phab pas// spyi bo gtsug gnas rnams su ni// phung po gzhog pa'i sbyor ba bya// sa bon 'joms dang 'byed byed pas// 'grub par 'gyur bar gsungs pa yin// de la sogs pa'i sbyor ba rnams// mkhas pa yis ni shes par bya// de rnams sngags kyi mtha' la ni// nad dang sdug bsngal thams cad las// thar bar gyur cig hUM phaT swA hA// zhes pa sgrub pa'i snying por gsungs// 'di ni kun gyi man ngag go/ mkhas pa tshig la mi ltos par// gzu zlums la gzhal gang zag gis// bskal par bslabs kyang 'bras bu med// de bas mkhas pa rab tu gces// 'di brtsams pa yi dge ba yis// rags dang phra ba'i rtog pa dang // nad kyi zug rngu zhi ba dang // sngags kyis nyon mongs kun spangs nas// / gos sngon dngos grub thob par shog/ sngags kyi rgyan nA gA rdzu nas mdzad pa rdzogs so// 6// rab gnas kyi brgyan 'azugs/ @#// rgya gar skad du/ tiSh+Tha ma hA si ti/ a lang kA ra/ bod skad du/
Colophon
sngags kyi rgyan nA gA rdzu nas mdzad pa rdzogs so/