rDzogs chen - Man ngag sde/gSang ba'i skorAll versions of this work

sku'i rgyud padma 'khyil pa zhes bya ba/ u pra bhan manydzu shri' sa man ta pra sa ra du pa na' ma maha' tan tri/ brgyud pa gsum pa'o

Kayatantrapadmakund.alinama

Text

ff. 177a–203a · 53 folio sides

  1. 177a

    'das gnyis med kyi rgyal po la phyag 'tshalo// 'di skad bstan pa'i sngon rol na/ 'di skad bdag gis bstan pa'i dus gcig na/ 'khor gyi lha dang mi dang lha ma yin la sogs te/ byang chub sems dpa' rnams phal che rab tu nyon cig/ ces bka' stsal to// nga med pa'i sngon rol na/ de bzhin gshegs pa rnams ni mi bzhug so// nga med pa'i sngon rol na/ 'byung ba chen po lnga ni ye nas med do// 'byung kha chen po lnga med pa'i sngon rol na/ sems can bya ba gdod ma nas med do// nga med pa'i sngon rol na/ ston pa po medo// de bzhin gshegs pa rnams kyi mes po nga nyid yin gyis/ gzhan ma yin// rgyud thams cad kyi rtsa ba ni nga'i rigs pa rang byung gi ye sheso// ngam g.yos pa'i ngang du kun tu bzang po'i klong nas rang rig pa'i ye shes shar ba'i phyir// kun tu bzang po don dam pa'i rgyud chen po yi ge med pa'i rgyud ces bstan to// de'i don ma nor bar bstan pa ni/ lung gi rgyal po mi 'gyur sems kyi lung ces bya'o// de'i phyir dus gsum gyi sangs rgyas dgongs pas rgyud pa ni/ rdo rje sems dpa'o// ma 'khrug pa'i sangs rgyas la/ ma byas pa'i chos bstan pa ni/ nga rdo rje sems dpas bstan to// mi 'byung ba'i lta ba la brtsal du med par bstan pa ni/ ka dag pa'i ye shes rang snang ba'o// de'i phyir na chos thams cad bstan pa zhes bya ste/ dus ni rjes su 'jug pa'i dus bstan to// de nas 'di skad ces smraso// b+ha d+hu ba tri sa d+ho ni/ brda' gsum man ngag gi bstan pa/ kye ma 'khor gyi rigs pa 'dzin pa rnams nyon cig/ legs par yid la zung cig/ ston pas bstan pa'i lung ma nor bar nges

  2. 177b

    na ba'i dbang pos nyan te/ ji bzhin pa rang snang ba'i dus na/ rig 'dzin brdas rgyud pa gsum ste/ snang ba'i brdas dngos po thams cad mi rtog par ston/ byas pa'i brdas 'dus byas thams cad sgyu mar ston/ dgongs rgyud brdas thogs ma'i rang sa ngos bstan pa'o// tsan+d+ra pa ri haM ka ra/ tri ka li tr-i kaM du ra da ra/ tri tsan+te b+ha b+ha ti ha a/ b+ha b+ha tri/ san tri na ma/ rdo rje spyan cig pa sangs rgyas thams cad kyi dgongs pa 'dus pa ni/ rdol pa lags na ka ti sa ni/ tsan+d+ra logs spyod can la bstan to// snang brda' mi snang ba'i brdas byas pa'i brda'/ ma byas pa'i brda/ nyi zla khang par bzhugs pa'i brda'o// rdo rje ltar bsgreng ba/ bu chung ltar gnas pa/ dzaM glu'i bskul ba/ lag gi 'du byed pa/ lkugs pa ltar gnas pa'o// mi bzhin 'jug pa/ chu bzhin khyab pa/ sa bzhin gnas pa'o// yul rgya gar pha mtha'/ rgya nag po'i tshur mtha' na/ shan pa'i grong khyer sdig can zhes bya ba na/ rigs ngan gyi bu gdol pa lag na ka ti zhes bya bas/ sems can thams cad bsad cing zos pas/ ma tshim nas rang sha rang gis zos te/ der mi rnams 'phya nas brag phug sa ma na ku ta lar bris nas/ sngar kho'i/ shan pa'i grogs po tsan Da log spyod can la/ khyod ni nga'i las mthun no zhes zer nas/ rigs ngan gyi las gyis shig/ zer nas/ kho rang gi ma dang / ka ti dang rgyang la sogs pa byin nas/ gsod gcod kyi las byas pas so// de ya cha/ yul ba ra na sa na/ bram ze'i rigs kyi btsun mo mdzes ma me long can zhes bya gcig la/ yul de'i gyad pa skyes pa mi brgyad kyi chung mar bltas pas ma 'tsham nas/ rgya gar

  3. 178a

    gyi chos skyong ba'i rgyal pos zhus pas/ rgyal po na re btsun mo'i me long la mnga' rgyob la/ sus thob cing phigs pa cig khyer gcig zer nas/ rgyab pas su kyang ma phog ma phyed do// / de ya cha/ yul dur khrod phug lung nag po zhes bya ba/ mu stegs kha la me 'bar gyi sgo drung na/ tshub ma nag po gcig gi nang na/ me mar bya pho tsam pa cig ma shi bar 'dug zer te/ da ya cha/ yul dur khrod bsil po'i tshal na/ rgyal po khang bzang gi bu mo 'od ldan ma bya ba gcig la/ skyes pa brgya yis chags pa spyad pas/ bu mo'i 'dod pa ma tshim zer te/ de yi cha/ yul bya rgod phung po'i ro yi na mkha' la/ me long cig gi nang nas nyi ma gcig zer te/ de ya cha/ de nas gdol po lag na ka tis so gol rtogs te/ nam mkha' lo gzugs kyi sku bstan te/ sa ra si ti kaM zhes bya ba'i sgra byung nas mi snang ba'i ngang du gshegaso// deng byang chub sems dpa' rgyal te/ snang bar gyur nas gnyisu med par thim pa'i dus na/ rtogs pa skad cig mar grub po// nam gro gcig tu rgyal te/ sangs rtsan de nyid de bzhi no// rdo rje sems dpa' 'gyur ba med pa mi 'gyur na mkha' yungs ces bya ba/ rig 'dzin brda' rgyud pa/ sgra thang log tu bstan pa rdo rje can cig pa'o// pad+ma 'khyil ba'i rgyud/ rgyud pa gsum pa zhes bya ba las/ dus gsum gyi sangs rgyas dgongs pas brgyud pa dang / rigs 'dzin rnams rig pa brda'i rgyud pa bstan ba'i le'u ste dang po'o// Ar+ya prad+d+hA rbak+ku rat+na pany+tsa tin+na nA ma/ de nas rin po che gsor rimig la sogs dedon bskor lnga'i man ngag gsung ba ni/ bcom ldan 'das mnyam pa'i chos nyid zhi ba las meg N+Di

  4. 178b

    kyang / thugs rjes chen po'i byin brlabs kyi gzugs kyi sku dpal rdo rje sems dpa' lta bur sprul pa ste/ thams cad mkhyen pa'i ye shes rtogs pa mngon du gyur pa ni gdams ngag rnam pa gnyisu 'dus te/ de mtshon par/ byed pa gdams ngag rnam pa lnga tshigs dang yi ge'i sgo nas bstan to// dbang po rab 'bring tha ma'i dbang du dgongs nas nang bskor dang gsang skor rnams/ kha bsgongs dang bcas pa ni/ bla ma'i zhal dang bskyas su sbyar nas bsha // klad kyi tshigs gnyis kyi zhu len gyi sgo dbye/ gzhung gis tshigs bzhis man ngag gi klong btol/ 'jug gi tshig gsum gyis rtogs pa'i rgya bcad/ che ba'i ye shes thun mong med pa'i phyir bka' rtags kyi phyag rgyas gdab/ da ni gser mig dril te bstan pa ni/ gsaser mig rang la bcar te bshad/ mchod rten la khri 'phang dgur byung ba ni/ thegs pa dgu'i rtags so// bum pa man chad ni rgyu'i chos te/ nyan thos so// bre phul dang srog shing yan chad ni/ 'bras bu'i chos te byang chub sems dpa'o// 'khor lo yongasu rdzogs pa ni bla na med pa te oM ti'i yo ga'o// bkra shis sgo mangs ni thegs pa'i sgo bsam gyis mi khyab pa'o// me long ni ye shes bzhi'o// dril bu ni gsung 'gag pa med pa'o// rin po che ni yon tano// dar dbyangs ni mnyan 'khral ba ste/ sems can gyi don la chags kyang skyon med pa'o// bya ru ni rgyal mtshan gyi rtse mo la nub pa med pa'o// rtogs ni mi 'gyur ba'o// tha snyad kyi dbang gi yang dag par gdag su yod pa dang / gdags pa tsam du yod pa gnyis las/ yang dag par gdag su yod pa ni chos kyi sku yin la/ gdags pa tsam du yod pa ni don spyi'i rnam pa'o// stong pa la rnam pa gnyi

  5. 179a

    te/ dngos po la stong pa dang / dngos po med pa la stong pa gnyis/ dngos po la stong pa ni don phyi'i rnam pa'o// dngos po med pa la stong pa ni chos kyi dbyingaso// yod pa la rnam pa gnyis te/ yang dag par yod pa ni chos kyi sku'o// bden pa la gnyis/ kun rdzob kyi bden pa dang / don dam pa'i bden pa'o// kun rdzob kyi bden pa ni rmi lam lta bu'o// don dam pa'i bden pa ni mi 'gyur ba'o// sgron ma rnam pa lnga ni/ sgo lnga'i rnam par shes pas gsal ba'i ngo bo ste/ stong pa'i tshigs drug la rgyas btab pas chad pa'i mtha' gsal lo// stong pas sgron ma lnga la rgyas btab pas/ rtag pa'i mtha' gsal lo// rig pa chos kyi sku la rnam par rtogs pa'i bag chags kyi slad pa'i shes pa la sems zhes bya'o// de las yid dran byed kyi tshor ba la sogs te/ yid ga zhi gcig tu 'dus pa la kun gzhi zhes bya ba ste/ de la sgo lnga'i rnam par shes la brten nas bag chags gcod pa'i phyir/ kun gzhi'i rnam par shes pa zhes bya ste/ 'khor ba'i rgyu kho na'o// kun gzhi kun gyi rgyu yin te/ rnam par bya ba'i rten ma yin/ bag chags dang bral ba'i shes pa ni/ rang la 'dug pa'i dus na chos kyi sku zhes bya ba/ bag chags dang bral ba'i shes pa la yul skye ba'i dbang du byas pa'i tshe na/ chos kyi sku'i ye shes zhes bya'o// de ma yin pa rnams la ni/ lta ba'i dngos po gsum la/ ma song gnas su dag pa ye shes 'od kyi bsam btsal rang las rnyed pa nor bu rin po che/ gzhan gyi 'od las ma brten ye shes nyi ma rang la shing / shar ba nyid na nub pa med/ lta ba'i rgyab rten gsum la/ rgyu las byung ba'i 'bras

  6. 179b

    bu lung la ma rten pa'i man ngag/ sems las ma byung ba'i sangs rgyas so// sgom pa'i dmigs drug la snang la rang bzhin med pa namakha' chen po yin/ cir yang sgyur du bsgrub pas sprul pa chen po yin/ mthong rtogs sgyu ma'i rang bzhin nam rtog cir mi bsam/ bsam pa kun spangs ye shes mtsho mi g.yo// de ngang las ma bskyod ldan no zhog/ lhun ne lhang nger bzhag na nyams po chen po yin// lus mi bskyod/ ngag mi brjod// sems sgo drug 'khrul pa yul las 'das nas/ yul spros pa dang bral ba ni sgom pa'i don to// lta ba kun tu bzang po khams gsum thig ler btab/ spyod pa kun tu bzang po 'khor bar bde bar spyod/ dam tshig kun tu bzang po bsrungs pa gdengs dang ldan/ phrin las kun tu bzang po ma btsal lhun gyis grub/ mdo drug la/ ngo bo nyid chos kyi sku dang / ye shes chos kyi sgo dang / gnas lugs dang / gnang lugs dang / chos kyi mthar btub pa dang / man ngag gi glong btol ba la gnyis tAM/ yon tan gyi sku'i klong rtol ba dang / man ngag gi mdo drug gis ye shes kyi ma bu sprad do// dang po 'khor ba thob med pa'i gnas lugs nas/ gser mig dbum su rdzogs par bstan pa ni// gser mig kho na sgra de'i tshig go// rin che ni gas radang 'dra ste kun la dkon// ye shrIs mIg dang rtag tu 'grogs te// de phyir gaster mig zhes kyis de la bya// pad ma 'khyil ba'i rgyu las/ rin po che gser mig gi man ngag bstan pa'i le'u ste gnyis pa'o// / de nas 'khor ba'i grub tshul 'di dag bka' stsam/ dbyings ni 'gyur ba med par gnas// gsung rtogs ga/

  7. 180a

    gis bsgyur min gnas// 'od gsal sgyu lus snang ba dang // de ni rang bzhin rang shar gnas// rtogs bcas ye shes rang rig ni// mi rtog ye shes bde chen gnas// yid kyi rnam rtog du ma las// rten 'brel bcu gnyis srid tsam ston// gling bzhi ri ra ba srid gsum bcas// yul du shar bar chags nas srid// bag chags lus ni sna tshogs pa// 'gro ba drug tu snang ba'o// rdo rje sems dpa mkhyen pa ltar// sems kyi bzhag thabs dbugs byung ba// blo brten bsgom pa brten mi brten// bco brgyad bdud dang skyon shar yang // sgom pa'i phyogs snang sbyin las grol// 'khrul par shes na rang rig dang // bde ba mi rtogs thams cad mkhyen// rtsal du shes oM AHhUM/ sku gsum bcom ldan rdo rje 'tshang // 'khor ba grub tshul shes pa ni// 'khrul gzhi de nyid bzlog pa'o// de nas 'chi ka ma las kyi rin po che 'khor ba'i mtha' spyad bsgyu'i slo gAgyu pa'i glingam mchog rgyug tus / 'i ma rkyen sa ma nyin du/ hU~M byu shi'i byu rdzu kyinas/ rlu shi byu rdzu kyim nam pa / yum lnga rigs kyi yab rnam pa lnga la thim ste/ yab lnga so so'i yig 'bru lnga la thim nas/ yig 'bru lnga ye shes lnga la thim/ ye shes lnga 'od kyi gong bu mtshon gyis gru gu bajog pa bzhin gnaso// de yi rlung gis bskyod/ nas/ g.yas g.yon du 'byung ste/ 'chi kha ma'i gdams ngag dran par byas// 'dzub mo g.yon ma'i grikha la yi gi a gcig pasam bzhin nas g.yon dgag par bya'o// rdo su phyir mi ldog pa'i gdams ngagadzin pa

  8. 180b

    bya'o// byang chub sems dpa' khyod lam du 'jug pa'i tshe/ gsang ba sgo dgu'i gnas dgu la// yi ge ma bu'i sbyor bas dgag/ gsang ba'i sgo dgu'i gnad dgu ni// snying kha lkog ma'i kha phyogs dang // mig gnyis dang ni rna ba dang // nor bu'i sna yi rtse mo ru// sngags bris pa ni gdags par bya// bsam par bya ba don la gsungs// de ni gsang ba'i sgo gsum dbye// 'jug pa de yi thor to nas// tshangs pa'i skud pa gsum sgril la// bdag nyid lha yi srin lag la// btags te sngags 'di stong bzlas na// bcu gnyis bcu gnyis phyi sgo nas// bdag nyid ye shes sems dpa' nyid// me long lta bu'i gzugs brnyan ni// oM badz+ra satwa hUM/ gsung gi sgra yis bos pa'i tshe// bdag dang gnyis med thugs khar thim// skye ba med pa'i lam pa'o// rig pa lu gu rgyud du drang ba ni// gang zhig gnas nas thon pa'i tshe// sgo gsum sgo gsum sgo spang te// dbugs re hUM ras rngub par bya// 'jug gi hUM nI a ru thim// a ni skye med chos kyi sku// chos nyid rnam dag ngang du snyim// de la gnyen pos gshig tu med// de ni yang dag rdzogs pa'o// 'chi ka ma las kyi rin po che// rig ba lu gu rgyud du drangs pa'o// rigs kyi bu nam 'chi ka ma'i dus kyi tshe/ sangs rgyas nyag cig rjesu dran par gyis shig/ skye ba'i sgo as kha dog cig/ gzung 'dzin zhing khams las sbyor cig/ yi ge gsum gyi don khongs su chud cing lam chen 'byung ba'i tshe// ri dwags lta bur shes par bya'o// rigs kyi bu bar do'i shes pa la bdud kyi blu ba bco brgyad 'byung ngo // rgyu lus kyi phung po a la bzlog cig/ rnam par rtogs pa hUM la bzlogacig

  9. 181a

    snang ba'i spyod yul thams cad rang byung gi ye shes chen po la bzlog cig/ rig pa shes rab chen po la bzlog shig/ shes rab kyi 'das pa bag chags kyi gnyid par bya'o// 'od snang ba'i dus su phyir mi ldog pa'i gdam ngag smras pa/ rigs kyi bu ye shes kyi bden pa mthong ba'i dus su/ shes rab mkha' las gsal ba'i dus na/ 'ub chub ting nge 'dzin gyi rgyas thob cig/ ye shes lnga'i 'od snang ba'i dus su/ rin po che a'i rgyas thob cig/ sangs rgyas kyi zhing khams snang ba'i dus su/ rdo rje lta bu'i ting nge 'dzin gyi rgyas thob cig/ ces gsungaso// pad+ma 'khyil ba'i rgyud las/ 'khor ba grub tshul dang / rgya dud gsum pa'i le'u ste gsum pa'o// // de nas za 'og ber khyim dang theg pa'i 'khrul 'khor gsungs pa/ thog ma ma rtog 'khor ba ma byung / rtogs pas sangs rgyas ma byung ba'i sngon rol/ sgrib gnyis sbyangs tshogs gnyis bsags na sangs rgyas pa'i/ sangs rgyas kha mig rna ba can du bstod pa ni cang mi bzhugs so// 'o na gang zhe na/ rig pa kun tu bzang po'i sangs rgyas te/ ngo bo rang bzhin thugs rje rnam pa gsum du gnas tAM/ pha'i rgyud dang ma'i rkyen gyi sa ma byas te/ rang byung lhun gyi grub pa'o// sangs rgyas dang sems can dbyings gcig pa zhes bya ste/ de ni 'khrul gzhi'o// 'khrul gzhi las 'khrul pa dang / ma 'khrul pa byung ba ni/ sems can 'khrul nas lus ngag yid gsum du gnas pa'i dus na yang / ngo bo rang bzhin thugs rje gsum gyi chos nyid las ma 'das pa'o// rtogs te sangs rgyas sku gsung thugs mthar

  10. 181b

    phyin kyang / ngo bo rang bzhin thugs rje gsum gyi chos nyid las ma 'das so// de ltar chos kyi sku'i 'khor ni rang byung ye shes te/ sgo lnga yid dang drug ni rang byung ye shes kyi 'khor zhes bya ste/ yid kyi thogs mar rtogs byas su byung / rtog mang du byung ba'i phyir/ yid rang byung gi ye shes zhes bya'o// don de ltar sangs rgyas pa yin pa las/ 'khor ba ji ltar byung zhe na/ 'khrul gzhi yod pa las 'khrul pa 'byung ste/ chos sku dngos po med pa las/ ngo bo gzugs brnyan du snang ba dang bcas par snang ste/ de yang phyogs gcig tu rgya chad pa med pas/ snang ba bsam gyis mi khyab pa khab brdal du gnas pa las/ yid 'brog te 'di las dbyung ngam/ nga las 'di byung mnyam pa'i bsam pa de tsam byung ba las/ sems can zhes bya'o// de yang 'khrul gzhi yang gnyis te/ nang gi 'khrul gzhi ni chos sku'o// phyi'i 'khrul gzhi ni chos sku las tha mi dad pa'i chos kyi dbyingaso// nang du chos kyi sku do ma shes pas 'khrul pa ma rig pa'o// phyi'i 'khrul gzhi ni chos kyi dbyings la/ 'khrul pa ni yul tha dad par lta ba'o// de las 'khrul pa tha dad par lta ba'o// de las 'khrul pa tha dad par bstan te/ chos sku ye nas sangs rgyas kyang // ma rig pa'i rgyu tsam yin// de la yid dran byed g.yos nas// kun tu tshol ba'i yid kyi btsal// gtan la 'bebs bla lags par phab// nges par 'jog pas bzhag nas/ bag chags skye/ las sna tshogs kyis/ phung po nyi mtshams sbyar te rigs drug tu 'khor ro// de ni nyon mongs pa'i bdud yino// nyon mongs pa'i yid dang 'dra/ yid

  11. 182a

    kyi rnam par shes pa pa dang 'dra'o// sgrol bu dang 'dra ste phung po'i bdud yino// de las 'khrul pa ldog par bstan te/ ldog pa'i rgyu ni thig le dang btsal te/ rten ni me long la rten nas bzhin mthong ba bzhin du/ rdo rje slob dpon gyis rtags par mthong ba'i don slob ma la brtan pas de'i don rtogs ma thag tu ye shes skyes so// lung ldan rkyen gyis 'khrul bzlog/ 'khrul pa log na ye shes skye/ nyan thos da rang sangs rgyas dang byang chub sems dpa' mdo sde dang / kri ya dang / ud pa ya dang / yo ge'i don dang / ma hA dang / a nu'i theg pa brgyad kyi lha dgongs las khyad par du gyur pa/ a ti gnas lugs chos sku ston/ lha'i bu'i bdud bcomo// thothig le rtogs pa'i lam la gnas pa/ lam gyi stobs/ lam gyi 'bras bu ni/ chos kyi sku ye shes rang snang / longs sku rigs lnga/ sbrul sku thug pa drug ni/ 'chi bdag gyi bdud bcom mo// nang rig pa chos kyi sku dpe'i sgo nas don mtshon par bya ste/ de yang phyogs kyi chos drug gnyis kyi bstan te/ na mkha' rdo rje a dang gsum// pad+ma nyi ma rgya mtsho'i 'dzings// ri 'i seng ge glang po che// bya rgod thi ba 'phur rkyen gsum// yon tan so so'i dpe ru bstan// de ltar dpe sgo nas nang rig po chos kyi sku rtogs pas/ nyon mongs pa'i sgrib pa gsal te/ lta ba rnam rtog ye shes su ldang ba zhes bya'o// de ltar na nang rig pa chos kyi sku yin phan chad// yul chos kyi sku'i snang ba ste/ dper na nyi ma las 'od dang / yid bzhin nor bu las dgos 'dod dang / rgya mtsho las rlab bzhin/ tshe skye sku dngos po dang kha dog dang / dbyibs su ma grub pa'i phyir ro// rig pa'i rgyud las/

  12. 182b

    yul ni snang ba rang bzhin med zhes bya ste/ de yang mig la sogs pa sgo lnga'i dbang du bya ste/ rtogs rung ma rtogs rung / sangs rgyas rung ma rgyas rung snang ba'o// de yang sems ni snang la dngos por 'dzin pa'o// shes pa ni phyin ci ma log pa ste/ thig le'i rtsal thig ler cig pas/ phyi nang du bsdus te thig le la rtags pa/ de ltar thig lel brtags pas/ dngos po kha dog ji lta bur yang mi mthong ba'i phyir// chos thams cad na mkha'i dkyil ltar rtogs te/ rang bzhin med pa zhes bya'o// de ltar thig le'i rtsal thig le las ni dad par rtogs pa de nyid las/ snang ba'i las bsam gyis mi khyab pa zhes bya/ chos kyi dbyings kyi ye shes zhes bya ba/ don de'i shes bya'i sgrib pa dag nas/ ma sbyangs bzhin du sgrib gnyis byang / ma bsags bzhin du tshogs gnyis rdzogs zhes bya'o// de ltar chos nyid yul du byed pa ni/ log par lta ba'i rgya mdud byed pa zhes bya'o// snying po byang chub nyid du song bas lta ba gza' gtad dang bral ba zhes bya/ thig le rtog pa'i ye shes thig le nyid kyi ngang du thim ste/ chos sku ji bzhin du gnas pa'i ngang nas/ ye shes mnyam bzhag pa las 'dra pa'o// de ci'i phyir zhe na/ 'bras bu rang yin par thag chod pa'i ye shes/ thig le rgya mtsho dang 'dra ba'i nang du ye chud pa'i phyiraro// ye shes thams cad kyi sngon du 'gro ba'o// de rtogs pa'i ye shes de nyid mi bsgom ste/ sgom pa'i blo dang bral naso/ chos sku rang lugs su gnas pa'o// thig le chos kyi la rtog pa med pa ni/ bsgoms nas med pa mo yin te/ de thog ma nas kyang ming la/ da lta yang mi skye phyis kyang mi 'byung ba'i phyiraro// ting 'dzin

  13. 183a

    gyis gzhi nas 'phags pa zhes bya/ byas zin pa'i chos la byud med de an+ta mAn mang+ga/ 'bras sulam du gyur ba yin// 'di bas ti 'bras du nyid kyi dang la gnas pa'i phyid// de badzin gshegs pa'i bsam gtan zhes bya ste/ sangs rgyas dang la gnas pa'o// tha mar rtogs po'i yang chos kyi skur rtogs la/ bar du gnas pa yang chos kyi sku'i nang du gis so/ tha ma 'bras bu yang chos kyi sku nyid las gzhan du ma gyur pas/ phyis kyang de las mi 'gyur ba/ dus gsum 'pho 'gyur med pa ni/ rdzogs pa chen po la zla ba'o// don chos nyid las ma g.yos na/ lus ngag yid gsum gyi spyod pa ci byas kyang / 'bras bu la mi re bo'i phyir kun tu bzang po'i spyod pa zhes bya'o// 'khrul gzhi'i don lnga pa zhes bya ba/ za 'og po khyim gyi dgongs pa gsungs pa'o// de nas theg pa'i 'khrul 'khor gyi gsungs/ mun pa'i 'khor sgo byung ba ni/ rtag pa'i ts+tsha ba dang / chang pa'i lto ba mu stegaso pa'o// spyod pa'i 'dren sgor byung ba ni/ nyan thos kyi lto ba dang / spyom pa dang / spyod pa dang / 'bras bu'o// rang rgyal gyi lta ba dang / sgom pa dang / spyod pa dang // sems tsam gyi lta ba dang / slob pa dang / spyod pa dang 'dus bu'o// dbu ma'i lci ba dang / sgom pa dang / 'bras bu'o// thabs sbyor sgo byung ba ni/ kr-i la'i lta ba dang / smom pa dang / spyod pa dang 'bros / chog sa d+ha ba dang / sgom pa dang / spyod pa dang 'dras chu// zangs kyings pa'i gas pa rlon/ mahol lha ba dang / sgom pa dang / spyo ba dang / 'dra'i dzum// a du lta 'a dang / rnam pa dang / spyo pa dang bras du mdzas

  14. 183b

    pa chen po'i lta ba bzhi'i don// ye nas lhun tshogs bde ba chen po'i ngang // spros med na mkha' la nyi shar bzhin du gnas// pad+ma 'khyil ba'i rgyud las/ thig le'i 'khrul bskor za 'og be'u khyim gyi le'u ste bzhi pa'o// // de nas man ngag tshigs gsum gsungs so// dang po 'khor 'das chos rnams kun// rang bzhin lhun 'grub bcings grol ba'i// ngo bo nyid ni chos kyi sku// ji bzhin pa'i rdo rje 'chang // rang du rtsal shar de las gyes// ma rtogs yul sems yul gsum yang // 'gro ba drug tu snang ba kun// chos kyi sku las g.yos pa med// rnal 'byor dbang phyug chen po'i rtogs// rdo rje sems dpa' thugs rigs pa// kun bzang ye nas rdzogs sangs rgyas// ma bcos rang du rang sa zin// khyag rom chu ru zhu ba 'dra// tha ma rang sar sleb pa ni// lus nyid ye shes spyan gyur pas// ye shes mig cig dri ma med/ ye shes lus can sangs rgyas sku// yul grol chos kyi dbyings kyi gnas// lus grol ye shes chen po la// sems grol rig pa chos kyi sku// rnam grol gsum la mkhas pa yin// dang po bar dang tha ma gsum/ chos sku thig le nyag cig gnas// shin tu sad pas sod pa'i bdag/ de la rdul bral dri ma med// pad+ma 'khyil pa'i rgyud las/ man ngag tshigs gsum gyis sku gsung thig le nyag tu bstan pa'i le'u ste lnga pa'o// / de nas dus mnyam chen po gsung so// 'dadres pa'i dus ma byon pa'i sngon grol ni// sangs rgyas nya gcig zhes bya ba// rgyus ma byas rkyen gyis mi 'jig pa// 'od dang 'od kyi tshul du/

  15. 184a

    gnas paso// khams gsum 'khor ba'i sems can rnams// dang po gnas 'ongs/ sangs rgyas nyag cig nas 'ongs/ da lta ga na gnas/ nyon mongs pa lnga la gnas/ tha ma gang du 'gro/ sangs rgyas nyag cig tu 'gro/ yang dag pa'i sprul gzhi gcad pa zhes bya'o// dus mnyam bdun pa'i man ngag las// dang po 'khrul gzhi rtsad nas chod pa dang // bar du 'khrul pa gzhi las log pa dang / tha ma sangs rgyas pa dang gsum dus mnyam mo// rdo rje sems dpas zhus pa/ bdag sangs rgyas pas chog gam zhe na/ mi mchog ste thugs rje'ibyung dgos so// thugs rje 'byung ba'i dus ji ltar lags/ thug rje la gnyis te thun mong dang thun mong ma yin pa'o// thun mong ni 'dul ba'i ngo gang la'o// thun mong ma yin pa ni byin gyis brlabs las byung ba ste/ des ni bdag dbugs chad pa dang / ye shes kyi snang ba dag pa dang / gzugs sku gnyis pa dang bzhi dus mnyam mo// longs sku mi 'gyuraro// sprul sku 'gro drug la re re 'byung ba ni nyi ma'i zer lta bu'o// de yang dper na nyi ma dang 'od bzhino// rdo rje sems dpa' spyan gyis rnam dag gsungs pa'o// thugs rdzi chen po yang dag par rdzogs pa'i sangs rgyas thams cad kyi lam gang lags/ man ngag thams cad kyi don gyi phug gar btug/ sangs rgyas thams cad kyi dgongs pa'i mthor thug pa'i tshad cis bzung / rtsol ba dang bral ba'i skabs ji tsam na lags/ zhes rdo rje sems dpa' nyid la nyid zhus so// de nas yang rdo rje sems dpa' chos nyid kun tu bzang po'i klong nas/ nyid la nyid lan btab pa/ sangs rgyas thams cad kyi lam ni gnyis dngos

  16. 184b

    gzhi rnam pa lnga'o// man ngag thams cad kyi/ don gyis phugs ni sangs rgyas nyag gcig tu btug go/ sangs rgyas kyi dgongs pa mthar thugs pa'i tshad ni sems rigs pa'i dbang du 'dus pa'o// rtsol ba dang bral ba'i skabs ni/ mi mnyam pa'i spyod pa klong du brdal ba'o// rdo rje sems dpa' thugs rnam par dag pa gsungs ngo so// rdo rje sems dpa'i man ngag gi lung nges pa 'di la gsum ste/ snying po la snying po shar bas snying po khyab brdal/ mi 'gyur ba klong yangs pas mtha' dbus su bsngo'o// dbu rgya ma chad pas 'bras bu dka' thub dag pa'i ye shes rang snang ngo // de'i phyir phugs stobs po// rtse ri chabs lhun gyis grub/ 'khor ba log na med/ rtsa ba nyag cig tu thag bcad/ rdo rje sems dpa'i gsung gi rnam par dag pa'o// pad+ma 'khyil pa'i rgyud las/ dus mnyam bdun pa'i le'u ste drug pa'o// / de nas yang rdo rje sems dpa'i skye rgyud gsungs pa/ chos sku mkha' 'dra gzugs sku mdzes dgur ldan// gzung 'dzin rtogs med cir yang sa le mkhyen// kun mkhyen 'gag med ye shes na mkha' 'dra// bya bral lhun rdzogs ma bcos bde ba'i dang // ngo bo nyid la gnas pa yin// mkhyen pa'i ye shes sku mnga' ba// ma bcos mkha' 'dra lhun rdzogs sku// ma bskyod dbyings nas rang byung bas// sangs rgyas rin chen za ma tog/ tshigs gsum 'byung ba bzhi'i gter/ gzhan gyi ma yin rang byung sku// snying po khyab brdal mnyam pa'i dbyings// snang ba chos nyid ma bcos bzhi// 'gag med me long gzhal yas khang // snang med mkha' la 'dza' tshon sku// tshegs gsum snang ba'i chos

  17. 185a

    nyid ni// sangs rgyas rin chen za ma tog/ thog mar sangs rgyas ngo sprad / bar tshigs dang bcas/ tha mar ye shes la bzla/ thog mar sgyu ma byas pas/ nga lta 'bras bu gzhan la mi re/ dang po rkyen gyi 'khrul pas/ da lta rkyen la rag lus/ tha ma rkyen gyis gzhi klong nas 'khrul pa bzhi la zlog go/ rgyu rkyen bdag po rkyen/ dmigs pa'i rkyen/ tshungs pa de ma thag pa'i rkyen/ rkyen gyi 'bras bu rgyud shar/ yang rkyen gyi rgyu 'bras bur klong / rkyen gyi chos sku ma rig par 'khrul/ rkyen gyis ma rig pa rig par shar/ sems can dang sangs rgyas dbye ba'i dus su byin gyis brlabs bshad pa yang / rang rig pa'i shes rab kyis bshA pas/ byin gyis brlabs kyis bshad pa'o// kun tu bzang pos ni sems can thams cad spyi thun mong du khyab gnas pa'i ye shes so// de ni chos kyi sku zhes bya'o// rdo rje sems dpas kun rig cing mkhyen pas/ kun rig rnam par snang mdzad zhes bya ste/ longs spyod rdzogs pa'i sku'o// rdo rje sems dpa'i skus dngos su chos bstan pas/ sprul pa'i sku zhes bya'o// byin gyis brlabs pa'i bshad dus ni/ rdo rje sems dpa' rang dbang thob pa'i dus su/ chos nyid ma dang 'phrad pa'i dus ni/ len ma myong ba'i lus blangs/ mthong ma myong ba'i yul mthong / shes ma myong ba'i gtom shes pa'o// de 'khor ba'i ru bzlog/ brdul ba'i bye brag nor bu rin po/ cher bsgyur/ 'khor ba'i 'dam rdzab rdo rje'i rdzong bcas pa'o// rdo rje sems dpa'i skye rgyud gsungs pa'o// de nas dpal rdo rje sems dpa'i lus kyi kun gzhi'i man ngag 'di ston pas 'gro ba la gsungs so// dran pa thams

  18. 185b

    cad kyi gzhi rig pa'i ye shes spros pa med pa'i thig le'i rten ni 'od kyi tshul du gnas so// de la tshe'i rten nas gnas pa ni/ tsit+ta rin po che gur phub pa bzhin gnas te/ de yang dper na sgra dkar nag phub pa ltar gnaso// rtsa thams cad thag rgyangs pa ltar gnas so// lus kyi bag chags kyi kun gzhi la/ las kyi dbang gtso bas tshe tshad ma nges pa med do// de la dbang sems dran byed tsit+ta'i dkyil 'khor rang ro'i tshon gang 'od kyi theg ler gnaso// de ltar gnas na/ gser gyi sbu gur rin po che'i se'u bcug pa ltar gnaso// de ni chos kyi sku'i gnas sam brten yin te/ shes rab kyi gting zab cing phra ba yang de'i cha las 'byung / nyon mongs pa'i yid rgyun 'dab sbyar du 'byung ba yang / sgo lnga la rten nas 'byung ba ni/ kun bzhi la sgo lnga rten pa'i phyir/ de'i mtshan nyid rtogs pa bya ba ni shin tu gces so// gnyisu med pa'i ye shes rang byung du shar ba ni ma rtogs/ blo bu rgyud las byung ba'i blos log par brtags pa ma rtogs pas/ srid pa gsum du 'khor zhing rgyud drug du smin no// des tshe rab thog ma med pa nas bsags pa'i bag chags kyis sgribs/ rnam par smin pa'i rgyud mthun pa'i 'bras bu go drag gam/ sa la kha ba bab pa bzhin brtsegs pas/ gzhi chos kyi sku la kun gzhi rnam par rtogs pa'i bag chags kyi bskrad te/ shes rab kyi gting zab cing che phra ba ni btag dka'i/ nyon mo pa rags shing yul du snang ba'i dbang gis khams gsum du 'khor/ rig pa dran byed kyi shes pa no 'od kyi tshul du gnas so// tshad ni nyi'i mig tsam mo// de las drod kyi dngas ma rdul tsam/ de las khrag gi dngas ma/ de

  19. 186a

    @las dbugs kyi dngas ma chags so// khrag gi dngas ma'i kha dog kyang / tshwa lcog la bcag pa 'dra ba/ che chung gi tshad ni bye'u len pa'i mgo tsa mo// de la nyon mongs pa 'dod chags rgyu/ dbugs kyi dang ma'i drod la gnas pa ni/ drod ni kha dog dang rdzas su ma grub pa'o// drod che chung gi tshad ni gser sa 'og tu bcug pa'i rlangs pa tsam mo// de la nyon mongs phrag dog rgyu'o// dang po shes pa dran byed kyi tshor ba las/ rang byung gi ye shes shar ba la/ chos nyid rang byung gi rtse zhes bya ste/ de yang sgo lnga la rten pa'o// de la 'dzin pa'i nyon mongs pa gang yang ma skyes pa ni/ gnyisu med pa'i rtsa ye shes zhes bya'o// nyon mongs pa'i rgyud 'dab sbyar du skye ba'i dbang gi shes pa blo bur du 'tsher bas/ blo bur rgyud las 'byung ba'i rtsa zhes bya'o// blo bur des rgyan dang yon tan du phye bas/ skyon yong dbang po dngas byed kyi rtsa zhes bya'o// rtsa ba thams cad kyi dngos ma bcos padi yang / kha dog ni dang dkar gyi rgung pa 'dra ba/ sdom blo'i tshad ni ti lnga'i nyag mchog bcur bshags pa tsam mo// de la nyon mongs pa zhe sdang rgyu'o// sems can thams cad la de bzhin du/ gnas pa ni rdo rje sems dpa' ngas me long gi gzugs snang ba bzhin snang ste/ rtogs pa'i dus ni shes rab gting zab cing / cha phra ba de bzhin du snang ngo // ma rtogs pa'i dus na snying rjeng bu ltar gnas/ khrag chu ltar gnas/ rtsa phur ba ltar gnas/ nad 'du ba rnam pa zhes gzhi byas nas/ rkyen phra mo bsam gyi mi khyab pa 'byung bar mkhyen pas/ sman lngas nang lnga zhi ba dang / gtang ba dang / sreg pa dang / bkru ba dang / bzhi bstan pa ni//

  20. 186b

    rdo rje sems dpa' bstan to// sems can na ba rnams la ni mi rtog pa'i ting nge 'dzin dang / chos spyod dge ba bcu bstan pa ni/ lta ba'i dngos po de bzhin nyid gdod ma nas sgrib g.yogs dang bral ba ni sngon byung gi sangs rgyas rtogs pa'i ye shes khong nas shar ba ni rjes 'jug gi sangs rgyaso// zhes sman gyi bla bai DUr+ya 'od kyi rgyal po la phyag 'tshal ba ni 'khrug pa'i sangs rgyas la ma byas pa'i chos bstan pa'o// zhes rdo rje sems dbus lus kyi kun gzhi gsungaso// de nas rdo rje sems dpa'i man ngag tshigs gsum gyi snod bcud kyi cha lugs bstan te/ rig pa rang byung gi skad cig ma/ rgyun 'dab sbyor skye ba'i dbang gi/ shes pa sgyu mar byung ba ni gzhi ste/ chos dang bag chags gnyis med 'dres shing mtshungs/ rgyu gcig pa dang 'bras bu'i tshul byin gyis brlabs pa dang / mngon sum pa'o// de'i dus ni 'jig rten skos kyi bdag gis snod bcud ngus kyis cha bzung ba drug ste lo zla ba gnyis/ zhag za ma gnyis/ dus tshod tshes grangs gnyis te drug go/ 'jig rten gyi mes po rnams ni/ khyab 'jug tshogs bdag gnyis/ 'jig rten gyi phyi mo gnyis ni/ gzhon nu ma dang dbang mo gnyis/ yid par byed pa nor gyi lha dang / med par byed pa b+ha nur dza gnyis drug go// de rnams ni pu Na ka sid+d+ha'i nags tshal du/ mkhyen rab kyis bdag po 'phags pa 'jam dpal la zhus te/ many+dzu shrI l+yA hu lik+Sh+me/ d+harA dza ba ri madz+dza shri b+h+ya/ zhes zhus pas/ d+ha hu li kang ko ra li sa d+ha na da ra na hi/ zhes gsungs bstan to// man ngag tshigs gsum gsungs pa'o// de nas rdo rje sems dpa'i sku gsum bsra ba'i man ngag gis chos thams

  21. 187a

    cad ye shes kyi snying po la zla ba ni/ rig pa rtsal gyi sgo nas ye shes yon tan du bstan pa dang / ye shes yon tan gyi sgo nas thugs rje'i rtsal snang ba bstan pa'o// chos kyi sku rig pa'i rtsal ma 'gag pas me long lta bu'i ye shes// de la 'pho 'gyur med pas mi 'gyur ba'i sa/ chos kyi sku thams cad mkhyen pa'i spyan dang ldan pas sangs rgyas can zhes bya'o// chos kyi sku shes rab mi g.yo bas mnya ba nyid kyi ye shes ye shes nges thugs rje'i brlan dang ma bral bral bas chu/ thams cad la thun mong du khyab pa ma zhes bya ste/ mA ma ki'i chos skus kun la khyab pas so sor rtogs pa'i ye shes/ ye shes des thams cad la skyob par byed cing thugs rjes ma smin pa smin par byed pas/ mi sems can gyis la drong khyab par gnas pas gos dkar mo zhes bya'o// chos kyi sku la thams cad mkhyen pa'i ye shes ma btsal bar lhun gyis grub pa'i ye shes/ ye shes de'i thugs rje'i dbang gis/ thams cad bsgral bas rlung / phyir mi ldog pas dam tshig sgrol ma zhes bya'o// chos kyi sku la ye shes yongasu rdzogs pa chos kyi dbyings kyi ye shes/ ye shes des kun la khyab pas thams cad kyi gzhi ma lta bu de na mkha'/ chos nyid de dus gsum mi 'gyur bas kun tu bzang mo zhes bya'o// des chos kyi sku zung lnga yang bcu dang ldan pa ste/ rtsal gyi sgo nas yon tan du bstan pa'o// yon tan gyi sgo nas rgyal bstan pa ni/ longs spyod rdzogs pa'i sku lnga las/ rigs re re la 'dul ba'i 'khor/ ngo gang so so'i tha snyad pa re 'byung ba na/ dper ni nyi ma'i snying po gcig las

  22. 187b

    yul gyi dbang du tshim pa lta bu ste/ yul re re na nyi ma re re snang ba dang 'dra ste/ de bzhin du chos kyi sku gcig gis kun la khyab par bstan pa ni/ yon tan gyi sgo nas rtsal bstan pa'o// rdo rje sems dpa' sku gsu bsre ba'i man ngag gsungs so// sarba ta thA ga tA kra thA/ de nas sangs rgyas thams cad kyi thugs ye shes rtse gcig pa'i snying po ni/ sku gsum lhun gyi man ngag gis bcud phyung ba'o// ye shes kyi spyan yongasu rdzogs pa'i man ngag thams cad mkhyen pas gsungs pa/ gzung 'dzin dang bral ba'i rig pa'i ye shes/ mtshan ma dang bral ba'i chos nyid kyi mkha' la khyab brdal/ chos nyid kyi snying por rig pa'i ye shes shar bas/ ye shes kyi snying po rig pa khyab brdal rig pa'i yul du ye shes shar bas/ ye shes khyab brdal 'ubya chub/ ye shes kyi 'od chos nyid la snang bas chos nyid ye shesu 'ub chub/ rig pa'i ye shes rdo rje snying po'i sku/ lhun gyis grub pa'i ye shes/ mi g.yo ba'i shes rab 'byed pa med pa'i sku/ ma 'gogs pa'i yon tan/ de nyid rang byung gi ye shes thugs rje'i rtsal snang ngo // chos nyid mkha' la mi snang ba'i ye shes brdal khyab par gnas/ shes rab kyi stobs ye shes sngar snang bas/ ye shes 'od kyi tshul du gnas so// bde ba'i ye shes lhag pa'i ye shes las 'phags/ mtshan ma dang bral ba'i rig pa'i snying po'o// med bzhin du snang ba thams cad mkhyen to// sngon byung gi gnas mi g.yo ba'i shes rab thams cad kyi 'byung gnas/ 'od mi 'gyur ba/ dus gsum gyi lam chen po'o// sangs rgyas tha~Md kyi thugs gsang ba 'di ni/ son

  23. 188a

    gyi don du sngags pas gsang sngags bla na med pa'o// nam mkha' gzhal med khang du snod bcud kyi brten bcas te/ mi len pa'i mdzad spyod kyi klong du dril nas/ thabs kyi ye shes kyis shes rab kyi rdzong la zhe no// rdo rje sems dpa'i bcud kyi snying po thig le nyag cig gsungs pa'o// pad ma 'khyil po'i rgyud las/ sku rgyud dang / lus kyi kun gzhi dang / man ngag tshigs gsum dang / sku gsum bsre ba dang / thig le nyag gcig ste/ gzhi'i chos lnga'i le'u ste bdun pa'o// / de nas thub pa chen po drug gi rdo rje sems dpa' zhal mthong ba 'di gsungaso// bcom ldan 'das ma byon pa'i sngon rol na/ nyid kyi rang bzhin ji lta bu lags ston pa ji lta bu lags/ bstan pa ji lta bu lags/ zhing ji lta bu lags ces dris pa dang / nyid kyis smras pa nyon cig/ nga ni cig kyang mi skyed de// mi 'khrul rdo rje sems dpa' yin// snying rje g.yos nas bskyod pa'i phyir// sems can kun gyi gnyen gcig po// stong pa chen po nga yi 'bum// rdo rje rin chen nga yi gdung // pha ni thabs mchog dpag tu med// ma ni shes rab brjod lnga 'das// nga ni rang byung ye shes yin// mun snong gnyis kyi bar nas 'od ces smras pa dang // e ma'o mthong yul kun tu bde// don srid chen po 'byung 'gyur na// nor bu rin chen ma rlag gam zhes zhus pa dang / smras pa/ nor bu rin chen bdud rtsi 'di// brtsal bas rnyed pa'i gnas med de// drug gi chos bzhin yul min no// ces smras pa dang / de nas drug pos mgrin cig tu rdo rje 'chang la bstod pa/ thugs rje chen po'i 'od

  24. 188b

    zer stong dang drug/ rang byung chen po bdag nyid sku// ye nas dag pa chos kyi sku// lhun gyis grub pa longs spyod rdzogs pa'i sku// bya rtsal bral bas rdo rje snying po'i sku// khyod ni sems can thams cad kyi pha'o// khyod ni sems can thams cad kyi ma'o// bdag cag rnams la skyabs dam pa mdzad du gsol/ thabs dam po mdzad du gsol/ gshes bsnyen chen po lung bstan du gsol/ ces nus pas/ yang smras pa nyid kyi rang bzhin ni 'gyur ba med pa'o// ston pa ni nga nyid do// bstan pa ni nga las byung ba'i choso// zhing khams ni mthun pa'i grog so// ces bka' stsal to// rdo rje sems dpa' zhal mthong gsungs pa'o// de nas za ma tog spabs pa'i man ngag 'di dag yongasu gsungs so// thog mi sangs rgyas mi 'gyur ba/ de las byung ba'i chos gsum/ de 'khrul pa'i rkyen gzhi/ de gsal du mi gter ba'i sgrib pa cig/ de la mthun pa'i grogs lnga/ de rtogs par byed pa'i thabs bzhi la/ 'khrul pa brdas su gda' ba dang / ma rig pa sha bcad pa dang / 'khor ba ru bzlog pa dang / rig pa bzhi 'dzin pa'o// de rtogs pa byed pa mun ngag lnga ste/ zla ba mtshon pa'i dpe phar la ngos bzung ba dang / don gyi snying po tshur la ngo sprad pa dang / rgyud pa'i man ngag gi thag bcad pa dang / chos nyid me dang phrad pa dang / ye shes rangs zin pa dang / rdo rje lta bu'i ting 'dzin thob pa dang / thams cad mkhyen pa'i ye shes shar ba'o// 'gyur ba med pa'i lta bar la zla ba dang / yid ches pa'i lung gis gdab pa dang lnga'o// pad+ma'i khyil po'i rgyud las/ rdo rje sems dpa'i zhal mthong nas/ za ma tog gi

  25. 189a

    ngo sprang pa'i le'u skye brgyad pa'o// / de nas bzhag thabs bdun pa 'di gsungs so// sgom pa'i mdo la bzhi ste/ bsam gtan don la gang 'jug la// sgo mo mnyam pa'i nad kyi zin ta re// ston pas bstan pa'i lung la mtha' spyod pa// mtshan ma'i rnam rtog can du gyur ta re// bde gshegs yul ni tshig gi mtshon du med// sangs rgyas yul du bstan pa bdag gis 'khrul// sgom du med pa'i lta ba la// yengs pa med pa'i blo bzhag ste// skye ba med pa'i dbyings nyid du// 'tshe ba med pa'i rig pa bzhag/ 'du 'bral med pa'i rang bzhin la// btang snyoms chen po'i don gcig bzhag/ chags sdang med pa'i bde 'jam la// spong len med pa'i don gcig bzhag/ bzhi rtsa med pa'i klong yangs su// khyab brdal chen po'i don gcig bzhag/ ye nas rang byung chen po la// brjod pa med pa'i ting 'dzin bzhag/ gdod nas rnam dag chos dbyings la// dmigs pa med pa'i 'dzin pa bzhag/ yul du snang ba yum gyis klong // rig par snang ba yab kyi mkha'// mkha' klong gnyis su thams cad 'dus// de la dpe yis mtshon du med/ de phyir dus gsum sangs rgyas kyis// brtsal yang rgyal bas mi snyamaso// rang byung bcil med bde ba rigs pa'i klong // 'du 'bral med pa'i b+ha ga rgya mtsho la// rang gi ma chags pad+ma 'dam skyes 'dra// kun tu bzang po dngos med klong na// dus gsum rgyal ba'i pho brang 'gyur med btab// nges pa'i don lam yengs blo bzhag na// mi 'gyur bsam gtan zhes bya'o// sgyu ma lta bu'i ye shes la bla mi bzhag/ sangs rgyas kyi dgongs

  26. 189b

    pa dmigasu medado// mya ngan las 'das pa'i grong khyer la bgrod du med do// ye shes kyi lam la 'jug tu medo// byang chub snying po ye shes nas grub zin pas/ da ltar sgrub pa'i rtsol ba byar medado// rang bdag tu ngoms nas tha mal par mthong / phyogs med kyi ye shos 'phye ba'o// bdag rtogs gi blo dang bral ba'o// zhes bzhag thab bdun pa gsungaso// pad+ma 'khyil pa'i rgyud las nyams su blangs pa bzhag thabs kyi le'u ste dgu pa'o// / de nas mdo bsdu ba 'di gsungaso// sarba ta thA ga ta kra tha/ na ma kri kuM ye/ ma nu pha la a sa/ ma la ma la/ ra dza ka ra/ a pa ro d+he/ 'khrul gzhi la thogs ma med do// tha ma yang medo// 'khrul pa la thog ma yang yod do// tha ma yang medo// 'khrul pa lnga pa yi ge lA man ngag gi tsha ba yin/ yi ge bzhi pa ni brda'i man ngag ste shes rab can la bstan/ yi ge bcu gnyis ma ni saH ngag ste bzhi brten la dbab/ bshad pa gsum pa ni bzhi'i gnas lugs te las kyi mthar thug/ don mtshon pa'i ye shes khug pa tha ma klang la smos/ rang rig gtan la 'bebs pa'i ye shes te/ lung man ngag gis ma phebs/ brda dang ngag la rag las/ rang rig gtan la 'bebs pa'i grogs/ gal tshig bcu drug gis mtha'i gegs bsal/ lta ba la btsod dgus shes pa'i thag bcad/ lung rig blo yin pa'i phyir ba la 'byams kyi gnya' mnan/ gnas lugs la sbom du mdo// bsgoms pas rnyed na gnas lugs min/ khug pa lnga pas spyi bcings pa'o// rdo rje 'chang tsho na man ngag ni/ gang 'khrul cis 'khrul cir 'khrul/ de

  27. 190a

    gang gis shes/ cir shes/ cis shes/ thog ma rang gi rtsal snang ba la nges pa'i bag chags pas yul du mar snang ngo // shes pa la 'dzin pa'i ldog pa blo bur bar byung bas sems du mar snang ngo // du ma srid pa chags so// de yang dper na shes pa glo bur du snang ba'i dbang gis/ mar me gcig las gnyis su phye ba'am/ sa bon gcig las myu gu tha dad du snang ba bzhin/ shes pa snga ma las rang rig snang ba la/ 'dzin pa'i blos yul dag tu bzung / des sems dang sems las byung ba'i chos du ma sna tshogasu sna ngo // shes pa rgyun 'dab sbyor bas phyi ma las// ngo bo nyid mo bcos par snang ba las/ 'gag pa med pa'i ye shes rang ngo // rig pa 'gags pa med pas thog ma yang ma 'gag bar du yang mi 'gas/ tha mar yang mi 'gag go/ 'bras bu sangs rgyas kyi na yang ngo bo gcig rang bzhin tha dad do// rgyu sems can gyi dus na yang ngo bo gcig rang bzhin tha mi dad do// de'i dus su gnyis snang gi rtog pa gzhi la grub pas/ me long dang gzugs brnyan gyi tshul du snang ngo // rtog pa'i dus na yang de bzhino// gsang ba ci bcings rgyal po'o// rang bzhin lhun gyis grub pa ni/ me long lta bu'i ye shes su snang ngo // thugs rje chen po'i rtsal ni sku gsum gyi ngo bo snang ba ni nyi ma dang / 'od bzhin du 'char ro// bka' lung gi phyi mo ni nyi ma'i snying po ltar snang ba/ thabs kyi ye shes brem ze sgyu ma mkhan ltar snang ba/ ngag gi tshig ni rin po che ltar la brgyus pa ltar gnas pa la zla ba'i tshig ni gser mig g.yus spras pa ltar gnas pa/ spyod pa'i mtha' ni dar gyi mdud pa ltar gnas pa'o// dam tshig 'dus

  28. 190b

    rgyud gdams ngag gi tshigs gsum gyi byang chub sems rin po che spyi bcings pa'o// byang chub sems dpas rang gi sems kyi dam pa mthong ba'i tshe/ de nyid stobs su gyur nas phyi nang gsang ba'i rtags dang ldan nas/ nam zhig pa'i dus su yang sgra dang 'od dang gdung 'byung bar gyur na/ de nyid shar phyogs kyi khams su de bzhin gshegs pa'o// de nyid stobasu ma gyur par snang ba 'gags na/ ring po mi thogs par bla ma dam pa de'i drung du 'khod par gyur te/ phyi ma'i dus su yang tshe ring bar spyod par 'gyur te/ de'i dus su rnam par grol ba'i ye shes thob par 'gyur ro// bdag gi sems kyi dam pa mthong ba'i tshe/ rig pa'i stobasu gyur nas phyi nang gsang ba'i rtags dang / mi ldan na/ bdag nyid nub phyogs kyi zhing khamasu skye ste/ de'i dus su rtogs pa khyad par can la spyod de/ myur ba tshe'i 'du byed byung nas/ de'i dus su rnam par grol ba'i ye shes thob par 'gyur ro// bdag gi sems kyi dam pa mthong ba'i tshe/ rig pa stobasu gyur nas phyi nang gsang ba'i rtags dang mi ldan na/ bdag lam du 'jug pa'i tshe/ bcom ldan 'das 'od dpag med pa dang / gnyisu med par snyoms 'jug go/ 'od dpag med pa ni rang gi sems kyi dam pa snang bas 'gag pa med por snang ba ste/ phyi ma'i tshe phyi ma'i dus yang nyid kyi de nyid rtogs pa nyams myong ba'o// bdag gi sems kyi dam pa mthong ba'i tshe/ rig pa'i stobasu gyur nas/ phyi nang gsang ba'i rtags dang ldan na/ bcom ldan 'das rdo rje mi skyong ba dang gnyi su med por snyoms par 'dzug/ mi bskyod pa ni rang gi de bzhin 'gyung ba med par gan so// don de bzhin nyid la gnas pa'i byang chub sems dpa ni/ sems

  29. 191a

    dam pa mngon par snang ba zhes bya ste/ de bzhin gshegs pa'i stobs dang ldan pa'o// pad+ma 'khyil ba'i rgyud las/ rin po che spyi bcings kyi le'u ste bcu pa'o// de nas gal tshig bcu drug gi mtha'i 'ga' zhig bsal te/ thog mor chos slu bas mtho ma nas 'khrul/ sems can ma 'khrul sangs rgyas 'khrul/ sangs rgyas kyi slob dpon dmyal ba yin/ sangs ma rgyas par bsgom du med/ srog ma gcod par sangs mi rgya/ na mkha' ma bkag par 'od mi gsal/ chos spyod ma byas na 'khor bar mi ltung / mtshams med pa lnga ma byas pas 'bras mi thob/ sems can la sangs rgyasu 'dod pa 'khrul brtsegs/ kun gzhi chos skur 'dod pas mtha' med pa'i rgya mtsho la 'bog/ dkar khung ma bkag par na mkha' mi gsol/ ma song bar phyin pa'i sa la 'dug/ ma byas par zin pa'i las kyis/ rgyal po yul 'khor/ rtsems chom/ lhan cig sgrog pa'i pha ma gnyis rgya mtsho'i gting du song la/ ri rab kyi rtswa nas byar gyis shig/ bcom ldan 'das rdo rje 'chang chen pos sgra thang log bstan pa'o// de nas lta ba'i la gcod 'di 'gro ba'i ched du gsungaso// sangs rgyas dang sems can gnyis la rgyu gcig las med pa la slad kyi tshod/ rgyu de yang sangs rgyas yin par thag chod/ de rang gi ngo bo ma shes pas 'khrul pa ma rig pa la rbad kyi chod/ de yang me long la rten nas skyes bu rang gi byad mthong ba la rbad kyi chod/ de mthong ba'i don la ma yengs par thag tshod/ dngos po'i gnas lugs la bsgom du med pa la rbad kyi chod// bsgoms pas rnyed na gnas lugs min pa

  30. 191b

    thag chod/ sgom du med pa'i don gcig ma shes par sangs mi rgya ba la thad kyi tshong/ 'khor ba thog mtha' ma shes par man ngag mi chod par thag chod do// yi ge med pa'i rgyud bsgom du med pa'i lung / re ba med pa'i lta ba/ ma bkag pa'i spyod pa/ ma bsags pa'i tshogs/ ma sbyangs pa'i sgrib pa/ rgan mo 'dzub tshogs kyi man ngag/ shes rab sgron mas ltos shig/ de nas bcom ldan 'das rdo rje 'chang chen po'i lta ba'i la zla ba 'di gsungs so// byang chub 'dod na sdig pa'i las rnams cher spyod de don blo la bzhag/ gang yang snying rje mi bzung su yang snying rje ba ni gang yod med/ ci ste srog gcang sdig du 'gro na ye nas chad pa su la snyig/ snying rjes byang chub brlan du mi snyer snying rjes su la bzung / gang la'i dzin pa yod na de la lhag pa'i bsam pa yod kyang sdig/ ting 'dzin rtog khang 'gram bting chug pa med pa byang chub bde ba'i gshegs/ rgyal ba ma mchod sangs rgyas mi 'grub mthar pa'i lam ma 'dod pa de/ khab len rdo la lcags 'dul tshul du tshogs gnyis bsags mi dgos par 'dumachod rten lha khang la sogs 'dus byas dge ba mi snyoms bzhag/ byas la sogs pa'i las ni byas pas mi zin bya shing rtog pa'i rgyu/ yul dang dbang po dag sogs bsdu mi bya ste/ de bzhin bzhag par bya/ bya ba dang bral ba'i spyod pa 'di nyid du len pa yang med do// rdo rje mi 'chang sngags mi 'chang zhing dben par 'dug mi bya/ mchod gtor sbyin pa'i phyogs ni gang yang mi btang mi sngo su la sngo/ cho ga la sogs pa'i las rnams spyad mi bya/ rdzogs pa chen po'i rang bzhin kun gyi snying po yin te 'di la ci yang med/ phug tu

  31. 192a

    'dug la bsgom pa mi bya rdo rje lta bu'i chos nyid de la bsgom du med/ dper na ri rab rtse la nyi ma shar nas/ ye shes thugs la nyi ma gcig shar sprong / sgrom chen sgom pa'i dus su btsal ba'i nad dang bral/ stong gsum nyungs 'brur chud na 'khor ba rgya yi thebs/ chos kyi sku ye shes lhag ma med par rdzogs pa'i dus na/ sgrib pa yang lhag ma med par bya'o ces rdo rje 'chang nyid kyis gsung so// pad+ma 'khyil ba'i rgyud las/ 'gags bsal cing la gcad de lta ba kha 'byams bstan pa'i le'u ste bcu gcig pa'o// // de nas bcom ldan 'das rdo rje 'chang chen pos/ thugs kyi dkyil 'khor gsang ba'i sgo phye nas/ gsang sgor man ngag sgron ma 'gro ba'i tshed gsungaso// nga'i gsang ba man ngag 'di// rig pa 'dzin pas nan rgyas thob// phyi rab rnams la rtogs bya'i phyir// rgyud rgyal btab la bstan par bya// dam med kun la gsang don du// sna rgya byas la gsang bar bya// legs par bka' dang 'thun pas na// thugs kyi gter du sbas rgya bya// bka' bsrung byar byed pas na// de la gtad rgya byas la gtad// rgya lngas btab pa'i man ngag 'di// shin tu zab par rab tu bstan// de phyir ston pa gsungs pa 'di// phyi rabs sba bar bya ba dang // gter gyi bsrung mar gtad pa dang // gnas kyang legs par sba ba dang // sbas pa'i rtags kyi zab mor gan+da/ de phyir nga yi man ngag 'di // mu tig ltar la brgyus pa 'am// seng ge 'phyang po lta bu dang // rus sbal 'gros bzhin mkhas pas bshod// dang por mi dmigs pa'i shes rab chen po rgyas btab par bya'o// bla ma rdo rje

  32. 192b

    slob dpon la gdung ba'i dad pa skyes pa dang / khams gsum gyi sems can la snying rje'i rgyun thag mi 'chad pa dang / dge bcu dang du blang ba dang / rang sems spang du btsugs la rgyu sogs med par bya ba dang lnga'o// de ltar byas pas lam 'gyur ba med pa dang 'phrang / de dang 'phrad pas zhing khams rnam par dag pa chos nyid snang ba mthong ngo // de mthong bas 'char nub med pa'i nyi ma 'char ro// de shar ba lta ru med pa'i sangs rgyas nyag cig gi sku mthong ngo // de mthong bas thams cad mkhyen pa'i ye shes thob pa dang lnga'o// de thob pas shes bya'i sgrib pa dag go// de dag pas sangs rgyas nyag gcig lhun gyis grub po// mi nub rgyal mtshan rtse mor byung rgyal/ thig le nyag cig dri ma med par/ rang byung ye shes brdal khyab chen po// rigs pa ye shes dri ma med pa rang snang ba dang lnga'o// lnga gsum bco lnga'i man ngag gi rdo rje tshig gsum pa/ kun la bstan pa ma yin thugs kyis gter du spos/ ye shes nyi ma rang la shar ba 'di// sgra dang yi ge tha snyad kun las 'das// nam mkha' lta bu'i chos nyid dag pa la// nyi ma lta bu'i rdo rje sems dpa' gsal// man shel lta bu'i rig pa 'dzin pas nyan// kun dang mi mnyam bya rgod phung po la// skad cig tsam la bdag nyid don dang mjal// yul gyi sgrib pa ma sbyangs gnas su dag/ 'di ni man ngag gi sde mas// gsang ba'i gtang rgya dang bcas par man ngag gi tri ka chen po// yang gsang yi gab yang sbas/ dus lnga brgya'i snyig ma la/ gang zag lung gis yid ches byed pa'i dus byung ba'i dus/ de bzhin gshegs pa thams cad kyi thugs yang dag pa'i ye shes

  33. 193a

    @#rdo rje tshigs gsum 'di gang zag las 'thun pa'i don byed par gyur cig/ zhes ston pa rdo rje 'chang gi lung bstan to// pad+ma 'khyil pa'i rgyud las/ mkha' 'gro ma nas brgyud pa'i/ lung byang chub sems mun sel 'byed pa'i sgron ma'i le'u ste bcu gnyis pa'o// / de nas sangs rgyas rdo rje 'chang chen pos nor bu rin po che 'di gsungaso// oM rgyan gyi yul gA'u bar sha na'i nag tshal du/ tsan+da log spyod can gyis bdag gsod gzhan sgrol gyi man ngag/ ral gri kha mdangs kyi phar gcod tshur gcod bdag bsang gzhan sgrol bdag ma bsad par gzhan mi sgrol/ many+dzu shrI d+hA na kro sha kar a sa na maM/ shes rab kyi mtshon chas bdag tu rtogs pa'i bag chags gcod pa/ bcom ldan 'das mi mnyam mgon po khro gnyer can la phyag 'tshal nas/ dug ban tsa rang sar bzhag pas/ ye shre rang sa zin par byed pa'i man ngag zhe sdang thams cad kyi brgyud phyang bas/ rdo rje sgyu ma lta bu'i thugs ye shes rtse gcig pas ngan song dong dkrugs/ na mo pud+ha ya/ madz+dza shrI d+harmas kye b+he/ nga rgyal thams cad kyi bcud phyung ba/ rin po che lta bus gnyi su med pa'i khod snyoms/ madz+dza shrI a ma lA/ d+ha tu ya~M/ 'dod chags thams cad kyi bcud phyung ba/ pad+ma lta bus sems can thams cad kyis mos pa so skyo don sgrubs sa.oM dzA ga te/ nges du sa/ phrag dog thams cad 'dru sa/ ro rje rtsabram rta bus phyi mi rdzog pa'i rgyas pa / ma/ ma~M A~M/ uSh+Ta// madz+dza moM mA~M/ ma mo

  34. 193b

    a/ chos sku zhi ba'i cha lugasu gnas pas/ bdag tu rtogs pa'i blo zhi nas/ 'dzin byed kyi spre'u po// myur byed kyi lta ba lnga la zhon nas/ ci ba bkag byed kyi lam sngar bros pa/ khye'u snang ba bsam gyis mi khyab pas ma ltas par mthong ste/ na mkha'i khams nyi zla gnyis kyi bar du bskul te/ de ldang ba'i duste med par btang ngo // longs spyod rdzogs pa'i sku khro bo'i cha byed du gnas pa/ na ma nan+ma taM/ ka ra ri tsakra/ b+hu hu N+Da/ zhi bas mi 'dul ba rnams gdug rtsub kyi 'phrin las kyis bsgral ba/ khye'u snang ba gzhon nus khro gnyer can gyis mthong ste/ rgya mtsho'i gting du chu srin sprin gyi gri ba bcug ste/ de phyir mi ldog par bsgral te btang ngo // dug lnga'i mes thar bar 'dod pa'i byang chub sems dpa' la/ byang yang ma chub pas/ sems dpa' yang sems kyi bcings pas/ rdo rje sems dpa' byung yang chub kyang chub/ don gzhan la sems dpa' sems dpa'o// byang chub sems dpa' sems chen pos/ ri rab lhun po'i rtser ye shes kyis mes 'khor ba'i bag chags te/ gtan 'phung bar byas so// byang chub sems nor bu rin po che tsaN+Da log spyod kyi dbu brgyan yum ga pu ba sha nar/ dbu rgyan gyis rgyal po la bstan pa'o// pad+ma 'khyil ba'i rgyud las/ nor bu rin po che'i le'u ste bcu gsum pa'o// / de nas hA shang 'bar na hi'i yul du/ mkha' 'gro ma pur sna nye bar zhi bas/ rin po che sgron bu'i man ngag 'di rab tu smra so// byang chub sems dpa' khye'u gzhon nu snang ba bsam gyis mi khyab pas/ 'khor gyi lha dang / gnod sbyin dang / srin po dang mi dang mi ma yin

  35. 194a

    pa rnams/ rab tu zhi ba'i sems dang ldan nas/ thabs cig tu 'khod do// rab tu dka' nyan te/ kye kye kye/ gzhonu snang ba dam pa khyod nyon cig/ sangs rgyas thams cad kyi thugs mkhyen pa ni/ nga nyid bdag tu rtog pa'i blo dang bral nas/ rang rig pa'i ye shes mi g.yo ba'i shes rab tsam la gnas pa ni ma yin// nga nyid rang byung gi ye shes rang snang ba'i dus na/ thams cad ye shes kyi rom par shar ro// bya ba tsam la yang gnas pa ma yino// nga nyid chos nyid mnyam pa'i dbyings la yang gnas pa med/ kye kye kyai/ nga nyid ye shes rang snang ba'i dus na/ dag pa'i zhing khams ma bsgribs yongasu gsal ba/ mtha' dang dbus med pa/ phyogs dang ris med pa/ du ma dang rten pa med par gsal ba/ tshigs tu brjod par mi nuso// rang rigs pa'i ye shes 'gyur ba med pa nyid/ 'gag pa med pa ye shes kyi gzugs brnyan// bdag tu rtogs pa'i mtha' dang bral ba/ mtha' ma yangs par ye shes rang gsal ba/ phyogs dang bla 'og par rangs shar ba/ mkhyen pa ngo bos stong pa/ gsal ba rtog 'dzin med pa/ bde bar rengs 'jogs med pa/ thim pa mtshugs pa/ brdal khyab pa/ 'ung chub pa'o// ma byas pa'i chos shes bya babs kyis grub par rang snang ba ni/ sangs rgyas thams cad kyi thugs mkhyen pa lag so// ces bstan to// tshig nyung la don che ba bslab slal go dka' ba/ 'di ni rtsol sgrub kyi mtha' las 'das pa'o// sgom du med pa'i chos shes par/ rnam par grol ba'i sa non te/ mkha' 'gro ma pur ni nye bar zhi bas/ dpal phyag na rdo rje mgo bos ces bkal

  36. 194b

    to// de nas khye'u snang ba dam pa bsam gyis mi khyab pa dga' 'gu yi rangs te/ phyag spyi bor bzhag nas rigs kyi bu dam pa khyod kyi smras pa de legaso// phyogs bcu dus gsum gyis de bzhin gshegs pa rnams kyi kyang / rang rang gi mos pa tsam mtshon nus kyis/ don chen po mtshon par nus so// ngas bstan par ni dka'o// ma nu ba la/ sarba ta thA ga ta/ pany+tsa dz+nyA na/ d+ha thim d+ha thAm/ d+ha thim ces bka' stsal nas/ legaso legaso// sems can thams cad ma rig pa med// ma rig pa zad pa yang mdo// ces dbang bskur nas/ mkha' 'gro ma dang gnyisu med par/ mi snang ba'i chos kyi ngang la gshegaso// sarba ta thA ga ta pany+tsa mu tra a/ de nas byang chub sems dpa' rig pa 'dzin pas/ de bzhin du gdams so// pad+ma 'khyil po'i rgyud las/ rin po che'i sgrom bu'i le'u ste bcu bzhi pa'o// // de nas yang bcom ldan 'das ston pa rdo rje 'chang chen pos/ lung gser gyi phung po 'di gsungs so// ma 'khrul pa'i sangs rgyas/ ma byas pa'i chos/ mi 'gyur ba'i lta ba/ dang por sangs rgyas nyag gcig 'khrul/ de snang ba las 'khrul/ dang por yang 'khrul ma myong / bar du yang mi srid pa/ tha mar yang 'khrul par mi 'gyur ro// de la sgom du yong med/ yongs su yang med/ yengs sa yang med/ 'gag pa med/ 'gog ma myong / zung thal/ zhog thong / d+ha na pa ri nan/ gzhi don gyi kun gzhi zag pa med pa'i ye shes la 'khrul pa'i sangs rgyas/ ma byas pa'i ston pa/ a ra dzi ti/ a h+ya ra/ na ma nan ti/ bud+d+ha ka ya/ d+ha hi/ b+hi ha b+hi/ sar sing

  37. 195a

    smra smra na/ ng+tha na kar/ mnas mnas/ / m+b+has s+yA hA/ kun tu bzang po lnga 'dud zhugs pa slar ldog pa'o// pad+ma'i khyal pa'i rgyud las/ lung gser gyi 'phur po'i le'u ste bcoM lnga pa'o// / de nas bcom ldan 'das kyis gsungs pa log tog spyod pa'i spu gros ljon zhing gis rtsa ba gcad de/ brda' rnam pa gnyis bstan pa'i dus su/ brda' khyab chen po brdas nyi ma las 'od snang bstan te/ thig la ma skyes pa'i ngang du/ ye shes kyi rim thim pI tshul du gnas pa ni/ dper na nyi ma nub pa'i dus su/ 'od thams cad nyi ma'i snying po la/ 'dus par bstan pa'o// de bzhin du brdal khyab 'ub chub tu bstan pas/ skye 'gag med pa'i ye shes zang ma zhes bya'o// brda' ngo bo bstan pa'i dus su/ thog ma'i gnas lugs rangs sa dper bstan nas/ 'khrul gzhi kho na 'dra ba dpe med par bstan te/ 'khrul pa ngos su brda' ba dang gcig pas/ gzhi'i gnas lugs dang gcig pas/ de bzhin du shes par bya'o// da lta'i dus su ma rigs pa'i gdar sha bcad / de rtag pa'i ye shes rang la snang bar shes pa'i dus su/ ma rig pa gdang sha bcad pa zhes bya'o// thun mongs gi snang ba dang snang ba ni/ blo'i yul du byed pa'o// don gyi ye shes shar ba'i man ngag tshigs gsum 'dra 'bab bstan pas shes par bya/ pad+ma 'khyil pa'i spu gri'i le'u ste bcu drug pa'o// / de nas bcom ldan 'das

  38. 195b

    kyis sa le ldangs pa 'di gsungaso// b+ha sa ra b+hi TI/ a ka ra su ka/ ra rna san tsan a ka ra/ shU a yu dz+nyA na a da sa ya b+hiSh+Ti/ sna tshogs snang ba dag pa'i ye shes 'di// 'bras sa le ldangs pa'i man ngag yin/ dpal ldan rdo rje sems dpa' khyod phyag 'dud // rdo rje sems dpa'i rang bzhin gdod nas dag pa'i chos// man shel me long lta bu'i dag pa la// snang ba'i gzugs brnyan sna tshogs 'char ba bzhin// shar ba'i dus na sna tshogs gsal snang yang // rang gi ngo bo mi 'gyur gdod nas dag/ gzhi ma phyi nang dbyer med ye shes zang mar snang // sna tshogs snang ba'i dus na nang gi rang bzhin ma bcos de bzhin nyid// ces gsungaso// chos thams cad kyi de bzhin nyid do// de bzhin gshegs pa'i rang bzhin can no// mi skyod pa la sogs pa'i de bzhin gshegs pa rnams ni ye shes lus cano// me longs lta bu la sogs pa'o// ye shes lnga ni thugs rjes rang bzhin no// rdo rje sems dpa' la sogs pa'i// de bzhin gshegs pa rnams ni chos kyi sku'i 'od la bzhugs shing nyid las mi zhan pa'o// sprul pa'i sku ni longs spyod rdzogs pa'i gsungs gi zer la rol pa'o// 'dra ba'i mngon du byed pa'i phyir de dang de las byung ba'o// dper na nyi ma'i snying po dang 'od dang gsum gyis go bar bstan pa ni/ phyogs gcig mtshon pa'i dpe'o// don khyad par can mtshon pa'i dpe ni/ man shel gyi sku la rang rang gi ngo bo gzhi nas dag pa ni/ chos sku sku yin/ sna tshogs 'char ba ni sprul pa'i sku yin/ 'char byed pa ni longs spyod rdzogs pa'i sku yin no// rtogs rung ma rtogs rung rang gi ngo bo sgrib pa med pa ni/ man shel dang

  39. 196a

    snang ba'i tshul lo// sna tshogs snang ba'i dag pa'i ye shes/ ston pa rdo rje sems dpas gsungs nas/ sdus pa pos bsdus te/ mu stegs a ra ba tsas bstan pa 'jigs pa'i shing tsan dan sbrul gyi snying po lta bu 'dis/ g+ha sa tra dam pa ri na NA/ b+h+ye tra sa ya pra sa ra du pa yang du spyod pa'i dus su/ a ru ra rnam par rgyal po 'di/ dug pany+tsa zhi bar byed pa/ dug bany+tsa dz+nyA na lnga phyi/ ha shang 'bar ne ha ma ra na spyod pa'i dus su/ mkha' 'gro ma bu na nye bar zhis/ so so'i lung mngon du bstan te/ pu Na'i nag tshal du/ ye shes nyi ma rang snang bar byas te/ bdud gzhi la ye shes bzhi'i rgyas btab po// gsang gab sbas pa'i man ngag dam pa'o// pad+ma 'khyil pa'i rgyud las sa le ljang ba'i le'u ste bcu bdun pa'o// // de nas rdo rje 'chang gis brtags pa'i mtha' sel 'di gsungaso// rig pa'i ye shes las kyi dbang du gyur na/ rang byung gi ye shes med par bstan pa rigs pa'i rdo rje yang 'jig bral med pas rgyu rkyen med de/ ma byas mi byed byar med/ rin po che las 'phel 'grib med pas 'byung sna zag pa med shes pa rgyun 'gags med pas bdag tu rtog pa'i blo byung / thim de nyid rang / nam mkha' tshe lung nges pa'i de'i nges pa// ci ste las kyi dbang gyur nas// rang byung ye shes yod ma yin// kun tu bzang po khyod phyag 'tshal/ btsal dang bral ba'i chos kyi sku la// las rgya mtsho mnyam par bzhag tu med de/ nyi ma'i snying po la mun pa gzhi nas med pas/ da lta yang mi snang phyis kyang mi 'byung // nyi ma rang dag pas zer la zad pa med/

  40. 196b

    zer ma zad pas 'od la 'gag pa medado// man shel la dri ma'i skyon med pas/ snod kyi rkyen gang dang gang gi ngo bo de ltar snang / snang ba'i dus de nyid na rang gi ngo bo la skyon med pas/ snang ba'i dus na sku dang ye shes su snang bar zad do// rang dag gsal snang snang ba du ma la 'gag pos du ma rang 'drer mi btub po// shes bya rang gi ngo bo de ka dag pa'i ye shes rang snang ba zhes bya ste/ bde gsal mi 'gag/ ma 'gag nyid ye shes ra snang bas thugs rje la 'gag pa med de/ rang byung rang shar rang gsal de la brtsal ba dang bral ba'i skabs zhes bya/ kun rig rnam par snang mdzad khyod phag 'tshol// sgrub med rtsal spyugs smon pa med// bya med lhan rdzogs de nyid do// rig pa rang byung ye shes rang snang bas// chu bo'i gzhung dang 'dra ste zad cing bri ba med// mu stegs a pa re'i spyod pa can// sa so'i byang chub sems dpa'i spyod pa yan chad / ye shes rang snang bas khyad par med pas rang byung ngo // rang snang ngo // rang gi shes// yang dag pa'i dgongs pa ni/ sangs rgyas 'od bsrungs kyis kyang dang po bsgrub pa med/ de ltar mi bsgrub tha ma gzhon du mi 'gyur ro// rgyu rtog ge ba rnams ni rgyu la rtsol ba byas pas/ lam la mthar thugs pa medo// 'bras bu'i lam pa ni/ re ba mi 'dzegs/ smon pa la mi sdod ngo do// sgrub med rtsal dkrug smon pa med// dpal rdo rje sems dpa' 'dud phyag 'tshal/ gsung rgyal po'i dgongs pa mthar phyin pas// ma rigs sgo lnga'i sbubs 'byed gsal bar bstan// zhes bcom ldan 'das dpal rdo rje 'chang chen pos/ sku gsung gi bshad lugs lung skrag sems gtan la phab ste/

  41. 197a

    yid ches par ngo sprad nas bstan pa zhes bya'o// pad ma 'khyil ba'i rgyud las/ rtogs pa'i mtha' sel gyi le'u ste bco brgyad pa'o// / de nas dpa' bo chen pos bcom ldan 'das la seng ge 'gyings po'i mdo'i di gsol ba btab bo// thams cad mkhyen pa khyod la phyag 'tsha lo// thugs rje chen po bdag gi bstan pa la// mu stegs log lta can chod par gyur na// thabs dam pa bstan du gsol/ zhes rig pa 'dzin pa'i rdo rje nyid kyi zhus pa las/ bcom ldan 'das rdo rje 'chang chen pos gsungs pa/ bdag gi bstan pa'i 'og tu mu stegs log lta sogs te/ sgra tshigs dman pa rnams rtsod par gyur na/ yang dag pa'i chos nyid la rtsod gzhi med pas ldem dgos gnyenyin shan dbye/ ldem pa la rtsod gzhi med de/ dper na nags kyi wa dang gangs kyi seng ge lta bu'o// dgongs pa rtsod na ji srid rtsod du yod pa de srid du rtsod pa med pa thag mchod pas/ lan mi rigs te/ pha rol gyis dgongs gzhi la ma ltos pa'i phyir/ dper na rgyal po dang spre'u lta bu'o// sgom zhing mu stegs kha yan na/ rdo rje sa dar/ mnyam pa'i skyil mo krung du gnas pa'i tshig 'dis/ sun dbyung ba ni 'di ltar shes par bya'o// yang dag par rdzogs pa'i sangs rgyas la/ rnam par mthar pa'o lam du mnga'/ man ngag thams cad kyi don phug par bzhugs/ sangs rgyas kyi dgongs pa la dpag tu yod dam med/ ming ni dri ba ci'i phyir/ yod na yang dag par rdzogs pa'i sangs rgyas kyi dgongs pa la mthar thug pa'i tshad cis brdung / gzung du med na dris pal

  42. 197b

    dgongs pa ci yod/ yod na dpag tu med pa'i don dang mi 'gal lam/ rnal 'byor pa dang rtsod pa dang bral ba'i skabs dus ci tsam na lags/ yang dag par rdzogs pa'i sangs rgyas la thams cad mkhyen pa'i ye shre shang ba'i dus ci tsam na lags/ sangs rgyas la thugs rjes 'byung dus ci tsam na lags/ 'khor ba dang mya ngan las 'das pa rnam gnyis la rgyu gcig las med pa la/ 'bras bu tha dad pa 'di dus ji tsam nas rkyen gang / gi byas 'khrul/ rkyen med par ni 'khrul mi srid na rkyen du dang ldan/ rgyu ngo bo gcig las med par sems can bsam gyi mi khyab ni las ci lta bu legs/ phyi snod nang bcud du srid pa chags pa 'di dus ci tsam rgyu dang gis byas/ phyi snod kyi 'jig rten 'di chos nyid las tha dad dam mi dad / tha dad na gzhi las ma grub par 'ong bar mi rigs na gtan tshigs ci phyir/ tha mi dad na ji ltar lags/ 'jigs pa'i dus su sangs rgyas 'byung ba gang snga/ sems can skye ba gang snga/ sangs rgyas sems can rgyab gyes pa'i dus ci tsam na lags/ skye ba rnam pa bzhi la sems can mir skye ba'i rgyu cis byas/ sangs rgyas 'byung ba'i rgyu cis byas/ shes pas ma bzung ba'i nad bcud sna tshogs pa 'di skye ba'i rgyu cis byas/ dus gsum sangs rgyas kyi dgongs pas rgyud pa ji ltar lags/ dus gsum yod nas brgyud mo med nas kyang brgyud/ dus gsum gyi go ba ji tsam la bya/ dus gsum med na ming nas ci byed/ byin gyis brlabs kyis bshad pa'i dus ci tsam lags/ rdo rje sems dpa' rang dbang thob pa'i dus ci tsam lags/ chos nyid ma dang phrad pa'i dus ji tsam lags/ ye shes ra

  43. 198a

    su zin pa'i dus ci tsam lags/ rdo rje lta bu'i tingange 'dzin thob pa'i dus su rtags du dang ldan/ rdo rje sems dpa'i gzhi'i gnas lugs la man ngag gis skabs dus gtan la dbab/ man ngag don gyi mdo dur bsdu/ rnal 'byor pa'i lam khyer ba'i dus su/ man ngag gi phug gar brdibs/ 'khor 'das kyi chos thams cad kyi la gar zla/ zhes ston pa nyid kyis gsungs nas/ byang chub sems dpa' sems dpa' chen po rig 'dzin dga' rab rdo rje yis/ mu stegs la sogs log lta can char bcad pa'i phyir/ man ngag gi mdo sum bcu pa 'di/ rdo rje sems dpas seng ge rnam par 'gyings pa'i mdo 'di bka' stsal to// de nas dga' rab rdo rjes tshigasu bcad de bstod pa/ rgyal ba'i rgyal ba ye shes dpag med sku// seng ge rnam par 'gyings pas 'gro drug dbyings su bcad// brjid pa'i khro gnyer bzlog pas bdud dbungs zil gyi mnan/ khyud khyung chen kha la lding bas phyi brgya brlabs kyis gcod/ mkha' gsal nyi ma shar bas mun pa snang bar 'gyur// chos nyid rgya ma chad pas zad cing stongs pa mang // rigs pa dbyings na gsal bas thugs rje dbri bskol med// / ye shes spyan dang ldan pas sbyor yang sa le mkhyen// lus ngag yid gsum dang bas dad pa'i mchog/ sku gsung thugs kyi ngang du mchod pa bzhes/ zhes bstod pa'o// dur khrod kyi bdag po khro bo rnam par mi 'khrugs pa zhes bya bas/ seng ge rnam par bsgyings pa'i mdo gsungaso// pad+ma 'khyil pa'i rgyud las/ seng ge rnam par 'gyings pa'i mdo'i le'u ste bcu dgu pa'o// / de nas rdo rje sems dpa'i mtshan yang dag par rdzogs

  44. 198b

    pa'i mdo 'di gsungaso// 'jam dpal gzhon nur gyur pa khyod phyag 'tshal// 'das pa'i dus na sngon byung ba// sangs rgyas rin chen za ma tog/ chos dbyings rnam dag spros med dang // mi gnas ye shes rang byung ba// thig le nyag gcig chos kyis sku// bsam 'das brjod med khyab pa'i dbyings// ye shes don gyi gzhi ma yin// tshigs gsum 'byung ba'i byang chub sems// ye shes rdo rje mtha' yas pas// chos la dbang bsgyur rdzu 'phrul che// skye med gdod nas dag pa'i phyir// mi 'gyur rdo rje gsang ba'i bdag/ ye shes yong su dag pa'i phyir// shes rab spyan gsum rnam par dag/ thams cad mkhyen pa'i sku mnga' bas// brdal ba chos nyid yongs su gsal// yon tan nyi mo rdzogs pa'i phyir// yid bzhin nor bu rin chen 'bar// nyon mongaso skyon gyis ma gos phyir// rang byung pad+ma'i dbyings nas rdzogs// thabs kyi ye shes mi 'gag phyir// thug rje nyi ma'i snying po 'dra// rdzu 'phrul stobs dang ldan pa'i phyir// grol bas grol ba'i lam yang ston// bdag med phyogs bral gdod nas dag/ rdo rje lta bur rig pa ni// 'gro 'od med cing 'phel 'grib med// thams cad 'ub chub dbyangasu thim// 'ja' tshon lta bu'i sku mnga' bas// longs spyod pa'i sku yi mchog/ ma bskyod dbyings nas rang byung bas// bcom ldan rdo rje dbyings mi bskyod// zhi ba'i tshul gyi 'gro 'dul bas// rnam par snang mdzad kun tu bzang // ji bzhin ma bcos rang byung ba// bcom ldan rdo rje 'chang tshon po// thog ma med nas da lha'i bar// nyid kyi rang bzhin 'gyur med pas// dper na rin chen gser dang mtshungs// bcom ldan

  45. 199a

    @#rdo rje sems dpa' ni// rdo rje lta bu'i sku mnga' bas// mi 'gyur rdo rje sems dpa' che// snang srid thams cad nyid mkhyen pas// mkha' gsal nyi ma'i snying po che// ma rig mun pa'i sdug bsngal sel// de nas byang chub sems dpa' sems dpa' chen pos/ rdo rje lta bu'i tingange 'dzin las bzhengs nas/ rigs kyi bu bskal pa thog ma med pa'i sngon rol nas/ ngas ma byas pa ni 'byung mi srid do// rig pa las pha mtha' med do// nga las ma byung ba'i chos ni 'byung ba mi srid do// yul chos nyid las pha mtha' mad do// phyi nang snod bcud kyis bsdus pa'i chos thams cad ni nga las byung ba'i phyir/ dper na 'od 'khyil gyi tshul lo// snang srid thams cad ye shes kyi snying por la zla ba ni/ rig pa rang byung ye shes rang snang ba'o// rigs kyi bu mtshan ma med pa'i chos nyid la bdag tu lta ba'i blos mi spyod/ brjod pa las 'das pa'i chos nyid la tshigs dang yi ger 'dogs pa ni ma yino// khams gsum gyi sems can gang yang rung ste/ bcom ldan rdo rje sems dpa'i de bzhin nyid dang go mi mnyam pang / yang dag pa'i mtha' la mi gnaso// byang chub sems dpa' chen po yang dag pa'i mtha' la gnas par 'dod na/ chos thams cad kyi de bzhin nyid rab tu shes par bya'o// chos thams cad kyi de bzhin nyid ni rang gi de bzhin nyid dang go ma bcos pa'o// byang chub sems dpa' song / chen po'i lung gi che ba la brten nas/ nga che bar 'byin pa ni/ nor bu rgyal sa 'dzin pa lta bu'o// rigs kyi bu yang ba'i chos nyid la rtsod du mdo// log lha can de'i de bzhin nyid la rtsod pa ni/ sing gi dang wa'i tshul te de ni

  46. 199b

    ma yin no// rigs kyi bu gang zhig nga la rtsod du yod pa ni tshig tu smra ba ma yin te/ tshul brtag pa rab tu gsungs pa'o// don de bzhin nyid la gnas pa'i byang chub sems dpa' ni rab tu dka' ba'o// zhes chos nyid zhi ba las bka' stsal to// de nas byang chub sems dpa' sems dpa' chen pos/ thugs chos nyid mnyam pa las ma g.yos kyang sku 'bar ba'i cha lugasu bstan nas/ mu stegs log lta can tshar gcod pa'i phyir/ nga rgyal gyi gdangs kyis bdud dpungs zil gyis gnan pa'i phyir/ 'di skad ces smraso// dur khrod chen po rol pa'i gling // keng rus chen po gsar snying dbus// lce spyang dang ni kang ka dang // li'i du'i tshogs kyis bskor ba'i gnas// mnyen po'i mi shigs gzhal yas nas// bcom ldan za byed he ru kaM/ zhal gsum phyag drug sku mdog mthing // zhabs bzhi bskrad pas bdud bzhi 'joms// rtags par gzhon nu'i tshul du bzhugs// brjod pa'i khro gnyer gyen du bzlog/ 'gyur med spyan dgu rab tu bgrang // ze byed mche ba brtsigs pa yis// 'khor ba'i skye shi bcad nas btsod// dbu skra thor tshugs gcig tu 'khyal// ha ha ru lu'i sgra bsgrags pa// khams gsum ma lus dbang du bsdus// phyag drug mtshon cha cir yang ston// mi 'gyur rdo rje thugs khar 'dzin// log par lta ba shugs kyi sgrol// rdo rje 'chadang la phyag 'tshal bstod// de nas bcom ldan rdo rje 'chang // mkhyen pa'i mkhyen pa khyed bdag 'dud// rdo rje 'chang chen stobs kyi bdag/ glang chen khyu mchog khyod bdag 'dud// mi 'gyur rdo rjer bstan pa'i sku// nges pa'i ye shes las sgrol ba// thugs rje can la bdag 'dud do// pheM

  47. 200a

    rol dmags tshogs bzlog byed pa// dreg pa can rnams tshar gcod pa// khro bo'i rgyal po'i 'jig pa'i gzugs// rtse gcig yid kyi bdag khyod 'dud// rdzu 'phrul chen po khyod la 'dud// stobs kyi bdag po stobs kyis bdag/ bstan pa gzhan rnam pha ma byed pa// stobs kyi bdag po rdo rje 'chang // bcom ldan rdo rje sems dpa' la// gus pa'i tshul gyis bdag 'dud do// zhes sa brgya'i mgon po dga' rab rdo rje bstod pa'o// pad+ma 'khyil pa'i rgyud las rdo rje sems dpa'i tshul yongs su rdzogs pa'i le'u ste nyi shu pa'o// / de nas bcom ldan 'das rdo rje 'chang chen pos dgongs pa'i ngang nas/ chos kyi ma zhi gang zag gis tsho rkyen du gsungs pa/ yang dag don gyi gnas lugs dang // snang lugs rnam par bzhag pa'o// chos sku dri ma med pa ni// dbyings dang ye shes gnyis med cing // 'khor 'das gnyisu med par gnas// brjod pa thog tu mi phebs so// rang byung ye shes chen po ni// rgyu rkyen las kyis ma byas pas// rang byung yid la chen po yin// gsal la mi rtog ye shes ni// las kyi dbang du gyur bu na// rang byung ye shes chen por gnas// sku'i gnas lugs 'od kyi sku// zhal gcig phyag gnyis kha sbyar te// dbyings dang ye shes kha sbyor gnas// pho mo ma ning mtshan ma 'dod// ma ning ma yin par gnas pas// thugs rje 'byung ba'i rgyu can yin// gsungs gi gnas lugs don gyis gsungs// ma brjod brjod 'drar go ba ni// rigs pa'i gsungs chen brda' sprang pas// de las sgra gcig byung dus gsungs// thugs

  48. 200b

    ni rigs pa 'gag med kyi// des ni thams cad gsal bar mkhyen// dbugs med me tog mkhyen pa'i thugs// de ni rigs pa'i mi 'gyur ba'o// dbyings ni stong zhing bdag med pas// rigs pa'i yul du brjod mi/ shes// bdag cing stod la yangs shing khyab// de ni yul da ltar snang ba ni// sku dang ye shes kun gnas pas// dbyings kyi gnas lugs zhes bya ste// gnas lugs drug pa zhes bya ba// chos nyid dang na chos kyi sku bzhugs// chos sku'i sku gsungs thugs yin te// dus gsum 'du 'bral ma myong bas// sku gsum chos kyi sku las 'byung // chos sku'i rig po stong gsal dang // chos nyid yul du snang ba gnyis// stong pa zang thal dbyer med pas// sku dang ye shes gnas lugs yin// de las shes pa bred tsam byung // de ni rigs pa tsam yin yang // dge dang mi dge mi gnas phyir// de gnyis gar ltar ma rigs pas// ma rigs pa zhes ston bas brtags// don la gdags par bya ba med// de las reg par byung ba yang // pha gi ci yin bya ba tsam// dbyings nyid stong pa phra ba tsam// de mi log par lta ba byung // de bas rig par snang ba yang // snang la lus sams nga yir 'dzin// skad cig tsam las log par rtogs// phyi las nga yi yul tsam du// snang bzhi zhen pa bzlog pa ni// dbyings las yul du bzung ba yis// yul cim snang ba dag la rtogs// gzung dang 'dzin pa snang zhes bya// de bas rags pa log par zhen// de ni nang gi nga yin te// nyer len phung po lnga po la// zhen pa snang ba nga yin te// chos kyi phung po skye mchod khams// gzugs la sogs pa thams cad la// log par zhen pa

  49. 201a

    @#byed pa'o// de nas legs par chags pa'o// de nas log par zhe sdang ste// de nas dmyal bar song ba'o// ser sna yi dwags lus len cing // gti mug byol song gnas su skye// 'dod chags mi la nga rgyal lha// phrag dog lha ma yin du 'khrul// 'khor ba lugs su 'jug pa'o// 'khor ba bzlog na rgyu nas bzlog/ ma rigs pa nyid rtsod nas bcad// rang rig dang po so la bzhag/ 'khrul pa logs bar the tshom med// chos kyi mtha' yang gang yin na// chos sku gnyis med chen po ni// gzhi rtsa med pas sems nyid 'di// chos rnams kun gyi rtsa ba yin// brjod pas thog tu mi phab pas// chos kyi de las byung ba'i 'brel// sku gsum dbyings nas ye shes dang // mtshan dang dpe byang ltar snang ba// de las log ste ma rigs pas// bsdus pa thams cad chos can no// de rnams kun gyi mthar thugs pa// chos rnams kun gyis mthar gtugs zhes bya ste// 'khor ba lugs nas bzlog pa'o// sku'i ngo bor bzhugs pa ni// rgyu dang rkyen gyis ma bskyed de// 'od gsal sgyu ma'i sku yin pas// gnyis med brjod par mi nus so// chos kyi dbyings kyi mdor btu na||rigs pa'i yul ltar snang ba yang // shin tu phra ba'i stong nyid 'di// reg pa stong pa dbyar mi byed// brjod par rab tu dka' ba'o// / dbyings ni mu mtha' bral bar thugs// rgyu yi ngo bor btugs pa ni// kun rdzob snang ba 'khor ba'i rgyu// 'das par snang ba don dam rgyu// 'khor 'das gnyisu snang ba'o// rgyu yi ngo bo chos nyid yin// chos nyid skye ba med par thugs// lam gyis stobasu gtugs par bya// theg pa rim pa'i lam rnams kyis// nang

  50. 201b

    nas lam stobs gang chen// sku las lam du byed pas na// 'bras bu nyid la lam shes pa// lam nyid sku las thugs pas na// lam la smod du med pa'o// bsgod med lam la gnas par bya// spangs par bya ba'i rgyu gang yin// ma rig pa dang ldog lha dang // log rtog gnyis 'dzin the tshom rnams// rtsad chod nas ni rang dengs 'gro/ 'bras bu'i gdengs tu btugs byas nas// ma rigs kha ni nang du bltas// rigs pas 'khor 'dis chos rnams kun// chos kyi sku las byung ba'i shes// kun rdzob rnam grangs brjod 'das yang // 'khor ba'i chos la 'dus pa yin// mya ngan 'das pa don dam nyid// don dam grangs med de ru 'dus// de dag thad snang ba yang // chos kyi sku las tha mi dang // yul gyi ye shes klong btol ba// bag chags sbubs kyi snang ba la// ye shes bzhi dang ldan pas na// bya ba grub pa cha la gnas// sgyu ma'i lus la ye shes lnga// ye shes lus can de bzhin gshegs// yon tan sku'i klong btol ba// thun mongs yon tan snang ba yang // 'gro 'ong med dang 'du 'bral med// skye 'gags maud dang 'phel 'grib mang // cig pa tha dad med pa'o// thun mongs ma yin yon tan ni// log pa'i yon tan snang bya yang // lus dang ngag dang yid gsum mo// yang dag pa yis yon tan ni// sku dang gsungs dang thugasu snang // 'khor 'das gnyis su snang ba yang // kun la khyab par gnas pa dang // gzugs can ma yin 'gro 'ong med// dus ni thams cad yin no// sems kyi gdang sha bcad par bya// lhag mthong rigs pa'i ye shes kyis// ma rigs pa yi gdo sha bcang // chos sbyor gi

  51. 202a

    mtshan nyid kyi// the tshom gdang sha bcad par bya// lam dang bya ba'i ye shes kyis// lam dang ye shes gdang sha bcang // bsgom pa'i dmigs ni bstan par bya// 'khor 'das gcig par gyur pa yi// rig pa chos sku stong gsal sgom// ye shes chen po'i ngang la bzhag/ sgrib pa'i skyon yang gsal bar bya// skyon yang rang bzhin bsam mi dgos// mi dgos pa yi dpe gsum bstan// mar me dang ni nyi ma dang // nor bu chu mdangs lta bu'o// de nas sgrib pa rangs dengs 'gro/ 'bras bu'i rang bzhin tsog/ btsal mi dgos pa'i rang bzhin gnas// da lta bag chags lus gnas pas// 'od bzang 'ab ra ba'i dpal be'u// de nyid skabs 'pho mkha' la 'char// ye shes skar ma lam me pa// de dang mi 'bral 'grogs pa ni// lag na 'od 'bar snang ba'o// rang gi rang ngo shes pa ni// 'gro ba'i mar me ye shes sgron// rin chen sbubasu gnas pa ni// gzi brjid chen po lta na sdug/ de kun thig le gcig tu gnas// rang bzhin ldan pas 'bras bu'o// man ngag rdzogs chen rnam pa gsum// 'bras bu'i gter gsum sba ba'o// byang chub sems kyi rdzong / la ni// thig le nyag gcig gter sla'o// thig le phyi nang rdzong la ni// kun bzang rol pa'i gter sba'o// yid kyi rnam shes rdzong chen la// rang byung ye shes gter sba'o// mnyam pa chen po mi g.yo bas// rdzong lu gtim sbas rgyas btab po// stong mthun ma bzhi'i man ngag 'di// ston pa rdo rje 'chang chen gyis// dga' rab rdo rje nyid la bshad// chos kyi ma gzhi zhes bya'o// de nas bcom ldan 'das rdo rje 'chang chen pos gang zag lam

  52. 202b

    gyi cha rkyen yang gsungs pa/ dang po thugs sar btugs pa dang // bar tu 'gro sar btang ba dang // tha ma 'dug sar bzhag pa'o// 'khrul gzhi rtsad nas bcad pa dang // 'khrul pa gzhi la bzlog pa dang // sangs rgyas pa dus mnyam mo// chos nyid ma dang 'phrad pa'i dus dang // rdo rje sems dpa' rang dbang thob pa'i dus dang / ye shes rang sa zin pa'i dus so// zhes rin po che dra ba'i dgongs pa mi mangs ris zhes bya ba gsungs pa'o// de nas bcom ldan 'das rdo rje 'chang chen pos rin po che gter gyi 'byung gnas zhes bya ba gang zag lam gyi cha rkyen 'di gsungaso// rdzogs pa chen po phyin ci ma log pa'i man ngag mngon du phyung ba 'di lo lnga ste/ chos nyid byang chub sems las 'khrul pa 'byung ba'i tshul bstan pa dang / de gang la rtags te byung bar bstan pa dang / btags nas nges pa'i don la bsgom pa bstan pa dang / rang byung ye shes mngon du shar ba'i dus bstan pa dang / dbu ma sems tsam gyi gol sa bcad cing rgol ba phyir rgol gyi the tsom bcad par bstan pa'o// de la yang gsum ste/ dang po dngos po'i gnas lugs bstan to// bar du gzugs 'dzin gyi 'khrul pa bstan to// tha mar 'bras bu thob pa'i dus bstan to// man ngag gsum ste/ rgyal po mi 'gyur ba'i lta bas yid ches bskyed/ 'khor ba thog mtha' gcod pa'i man ngag gis gzer gdab/ phyir mi ldog pa'i snying po sems kyi 'bras bur gnaso// 'di la gol sa gsum sti/ blta ba'i gol sa dang / man ngag gi go la sa dang / 'bras bu'i gol so'o// 'di la sgom pa'i thabs kyi sgom pa ni gsum ste/ kun bzang ngang la gnas pas dang kun tu bzang po// mkhar dbyings klong

  53. 203a

    tu kun bzang mo// rtog pa kun tu bzang po'o// rang bzhin gsum ni/ rang bzhin po med pa/ rang bzhin bde ba chen po// rang bzhin snying po can no// la zla ba gsum la rgyu'i chos su la zla ba dang / 'bras bu'i chos su la zla ba dang / rgyu'i 'bras gnyis mang du la zla ba'o// zhes rin po che gter gyi 'byung gnas gsungaso// pad+ma 'khyil pa'i rgyud chen po 'di/ rdo rje 'chang chen rgyal ba yis// mkha' 'gro/ ma sogs pa la// dgongs pa rgyud nas bshad pa yin// 'khor rnams dgyes nas rab tu bstod// rgyal ba dgongs pas rgyud pa yis// phyi rab rnal 'byor dbang phyug rnams// sangs rgyas zhal nas gsungs par ni// yid ches 'gyur bas rab tu dang // rigs 'dzin rigs pa'i brda'u rgyud las// zab mo'i man ngag rgya cher 'gyur// gang zag snyan khung rgyud gsung ba'o// man ngag thugs kyi rgyud chen thigs// nang bskor lnga yis man ngag dang // gsang bskor lnga dang dgu pa dang // gang zag cha rkyen rnam gsum gyi// rgyud chen rab zab rgyud gsungs pa// ma 'ongs don du lung bstan gsungs// rdo rje 'chang chen khyod la 'dud// zhes gsungs nA/ ston pa 'khor dang bcas pa rnams chos kyi sku'i thig le nyagacig tu dbyer med par bzhug so// ston pa rdo rje 'chang chen pos gsungs/ zhu ba po dga' rab rdo rjes zhus nas/ skal ldan dga' zung la rgyu do// pad+ma'i khyil ba'i rgyud las rjes su yi rang ba ste le'u lde gcig pa'o// / sku'i rgyud dbade ma 'khyil pa rdzogs so// su chud po rgya mo'i cul tu ma